stricker

الاستاذ عماد المحترم لما لقيتك موجود على الكرسى قلت ادخل اسلم عليك انت على فكره اول واحد رد عليا فى المنتدى وطبعا الانطباعات الاولى دائما تدوم ...فدائما هاتذكرك بالخير واتمنى لك التوفيق والنجاح فى حياتك وسؤالى لك : هو الفيلم اللى جاى يا فنان هيكون ايه ؟؟؟؟

الماتش ده كان ناقصه حاجه واحده بس اوسا يلعب مكان عبدالواحد كان ممكن ساعتها الماتش يخلص 9 مش 3 بس وعلشان الصيادله المصريين زعلانين على حال الزملكاويه فتم تركيب دواء جديد للقضاء على هذا المرض

انا مش هاتكلم هاسيب السته دول يردوا عليك :P :P :P :P :P :P

ونسيت يا عمنا اهم مقوله للزعيم القادم وهى :( زى ما قال الريس ...منتخب مصر كويس ) انها اعظم من مقولة مصطفى كامل ....ولم يستطع سعد زغلول وزعماء مصر قديما ان ينطقوا بمثلها وفى حرب أكتوبر كان الزعيم وقتها صغير ولكنه حارب ...نعم حارب بالنبله ومسدسات او رشاشات المياه انها بطولات فى سجلاته لن يمحوها الزمن او حقد اى حاقد ربنا يخليه لينا ولمنتخب مصر وللحزب الوطنى الحاكم الديمقراطى وفى الرابط التالى الشعب بيهتف ومبسوط وكله عال العال http://www.youtube.com/watch?v=kpTg9XHi5zc

البنت الاماراتيه اكيد متفقه مع زوجها على الشروط خلال فترة الخطوبه لو مش متفقه معاه وعملت كده تبقى قليلة الزوق ولو هو وافق ومكنش عارف انها هتكتب شروط يبقى انسان بارد ومعندوش كرامه بالنسبه لى انا ممكن اوافق على انها تكتب شروط زى العمل الخاص والتعليم ....ولكن لو هى طلبت تكتب الشروط دى يبقى من حقى انى اكتب شروطى مثل : مراعاة الاولاد وحسن تربيتهم وعدم اهمالهم - حسن معاملة اهل الزوج وعدم الاعتراض على وجود ام الزوج فى المنزل معهم انا امى عمرها ماهتعيش معايا .....وهاترفض الموضوع ده .....ولكن ده بصراحه هيكون اختبار منى لها ما دمت انا هاوافق على شروطها ومن وجهة نظرى موضوع الشروط ده موضوع خايب ....لان الزواج لابد ان يكون عن اتفاق ....واللى هيغير من شخصيته فى فترة الخطوبه وبعد الزواج ده انسان مريض انا واحد من الناس احب ان مراتى تكون انسانه مثقفه والشغل ده براحتها وممكن نتفق على مساعدتها فى اعمال المنزل كمان .....هى تطبخ وانا اعمل السلطه والشاى واجهز السفره .........ولكن مش هنكتب طبعا الشروط دى فى عقد الزواج ونفترض ان البنت اشترطت انها تشتغل والولد وافق على كده ....وبعد الزواج لم يكن هناك تعاون وكانت البنت مهمله فى حقوق زوجها وبيتها .........يبقى ايه الفايده من الشروط ؟؟؟؟ الاهل هيحاولوا يتدخلوا ولو لم يكن هناك اتفاق هيكون الطلاق يبقى الاتفاق اهم من كتابة الشروط ...ولكن مفيش مانع من كتابة الشروط ...ولكن لو تم كتابة شروط للزوجه يبقى الزوج من حقه يكتب شروطه ودلوقتى الزوجه سهل جدا انها تخلع زوجها ....حقوقكم محفوظه متخافوش ....هى بس لو قالت للراجل انا هاخلعك هيطلقها من غير مشاكل البنات دلوقتى واخدين حقوقهم فى كل حاجه ....ولسه بنسمع مطلبهم للمساواه ده الراجل دلوقتى اللى من حقه يطلب المساواه معاكم فى الحقوق ....والمفروض نعمل جمعية حقوق الرجل انا حاليا اطالب بحق المرأه فى التجنيد وخدمة الوطن

الله لا يقدر يا شيخ ،يارب يرفعوا روس كل العرب وياخدوا كاس العالم مش بعيده علي الله،ان شاء الله تقصد هيرفعوا رأس فرنسا مش العرب bonne nuit

ننسى ايه ولا ايه يا باشا ربنا يهدينا ويهديهم

قليل البخت يلقى العضم فى الكرشه ده مثل انطبق عليا تماما ولا املك الا ان اقول : اللهم دبر لى فانى لا احسن التدبير

السلام عليكم ورحمة الله وبركاته الاخوه والاخوات الافاضل مغتربى الامارات بما انى ان شاء الله لو كان لى عمر كنت هاجى سياحه قريبا للامارات ...فانا هاعتبر نفسى واحد منكم وهاحكى اللى حصل معايا ...علشان تعرفوا ان قليل البخت يلقى العضم فى الكرشه انا جالى استدعاء للجيش بعد ما اخدت تصريح السفر ....شىء غريب انا موجود فى مصر منذ انهائى للتجنيد ولم يتم استدعائى ...والاستدعاء يجيلى بعد ما اخد التاشيره وبعد ما احجز التذكره ...لأ وكمان بعد ما اطلع اذن السفر حاجات غريبه بتحصل لى اسألكم الدعاء ...وربنا ما يحطكم فى الموقف بتاعى ابدا

هتلاقى فى الفيديو ده الشخص المجنون اللى عمل فيديو يهدد المصريين وبعدها اعتزر ...عمل فيديو اخر يتهم المصريين بالرشوه والنفاق http://www.youtube.com/watch?v=w6rN9PIkf6Q انا الفيديو نفسه مقدرتش اجيبلك الرابط بتاعه ولكن هتلاقى هذا الغبى يتحدث فى بدايات هذا الفيديو بعد المذيعه الجزائريه

http://www.youtube.com/watch?v=l-wzEPbRXPM http://www.youtube.com/watch?v=dL9TEUHrZ8U الناس اللى بتتكلم انها هتشجع القزائر ......يشوفوا هما عملوا فينا ايه فى 2001 لما كان منتخب مصر فى حاجه الى الفوز ...والجزائر كانت لا تنافس .......والمنافسه كانت بين مصر والسنغال وكانت مباراتان تقام فى نفس الوقت ...مصر مع الجزائر فى عنابه ...والسنغال مع ناميبيا وتقدمت مصر 1-0 .......وبدأ الشغب فى الملعب ...وكانوا بيقولوا سنغال سنغال وتعادلت مصر 1-1 مع الجزائر فى الوقت الذى فازت فيه السنغال على ناميبيا .....وخرجت مصر وتأهلت السنغال وبالرغم من خروج مصر ...الا انهم انتظروا لحظة خروج الاوتوبيس المصرى وحطموه بالحجاره ...ويمكنكم مشاهدة ذلك فى الرابط الثانى المهم .....ان الناس دى بتكرهنا من زمان .......وزى ما الجيش بيقول : الحسنه تخص والسيئه تعم .......بمعنى انى مش هاقدر احب الجزائر حتى ولو كانت هناك قله محترمه من الجزائريين واللى بيقول انها الدوله العربيه الوحيده بالمونديال ........انا ردى عليه كالاتى : اولا : مفيش غير 5 لاعيبه اللى بيتكلموا عربى فى كل التشكيله الجزائريه (25 لاعب) اما 20 لاعب منهم لا يستطيع التحدث بالعربيه ثانيا: استدعاءهم لحارس مرمى يهودى واعطاءه جواز سفر جزائرى فى خلال ساعات قليله من استدعاءه .......فبالرغم من تسميتهم مصر لمصرائيل وانتقادهم وجود سفاره اسرائيليه فى مصر ...ومحاولتهم دائما الوقيعه بين مصر وغزه خصوصا ........الا انهم رضوا انه يلعب باسمهم شخص يهودى وعندهم اتنين لاعيبه بيلعبوا تحت قيادة مدرب صهيونى اسرائيلى فى صفوف بورتسموث الانجليزى وهما : نذير بلحاج وحسان يبدا ثالثا : الخشونه الواضحه ضد لاعبى مصر فى المباراه الاخيره تبين كم الغل والحقد http://www.youtube.com/watch?v=hS8Nzofrgc8 رابعا : كيف نحب شعبا قام بتعذيب المصريين فى الجزائر وحطم ممتلكات مصريه فى الجزائر بسبب مباراه !!!!!! حتى وان كان الجمهور المصرى اعتدى على اتوبيس الجزائر ...فالمصريين فى كل مباراه يلعبوها فى الجزائر بينضربوا وهتشوفوا ده فى احداث عنابه 2001 والروابط فى بداية المشاركه خامسا : كم السباب الذى تعرض له المصريين من الهمج البرابره ....فهؤلاء الهمج لا يستحقوا منا الا الكره واسمع تعليق عنتر الذى لا يستحق الا ان نسميه بعبله بنت يحيى بعد فوزهم على مصر فى السودان http://www.youtube.com/watch?v=TbFS_O9eD5k سادسا : محاولة هدمهم تاريخك المصرى العريق .....بالرغم من كذبهم وتسميتهم لانفسهم ببلد المليون ونصف مليون شهيد وهم لا يتعدوا العشرة الاف شهيد ....رحم الله جميع الشهداء وشهد شاهد من اهلها فى هذا الفيديو http://www.youtube.com/watch?v=0EZVdJhf3Uc اللى عاوز يشجع القزائر بعد كده ميبقاش يشجع مصر تانى ويغير جنسيته

الف شكر يا باشا ولو اعرف بس مين اللى مزعلك ...انا هاقطعه :lol: الدنيا مش محتاجه زعل ...عيشها زى ما هى علشان ترتاح والف شكر لتوضيحك نقطه هامه ايضا اكيد هاحتاجها فى رحلتى الى الامارات

الأخ الكريم د.أحمد يمكن الوصول الى الشارقة بالطرق التالية : 1- تاكسى ليموزين مباشرة من المطار الى الشارقة يمكن يكلفك فى حدود 400 درهم (كتير شوية) 2- تركب الباص من المطار الى محطة الباصات فى أبوظبى (هنا بيقولوا عليها الاستيشن) ب 4 دراهم بمجرد وصولك الاستيشن تركب اى مواصلة الشارقة فى حدود 50 درهم على حد علمى (ودى أرخص طريقة) يا سلام يا فندم اوجزت واوفيت ....شكرا على المعلومه المفيده يا استاذ ابو العز وبارك الله فيك

أولا ً ربنا ييسرلك أمورك وتكون سفرية قدم الخير عليك إن شاء الله ثانيا ً ع حد علمي والسادة الأعضاء هنا ممكن يأكدوا أو ينفوا كلامي .. إن لو انت طالع تأشيرة سياحة .. يبقي لازم تغادر البلد وترجع تاني .. في بلاد قريبة جنب الإمارات مش شرط ترجع مصر أما لو تأشيرة زيارة من أحد أقاربك او معارفك .. فبتدفع 570 درهم رسوم تعديل وضع " بدل مغادرة " + مصاريف إصدار التأشيرة العادية , بس مش لازم تغادر البلد بالتوفيق ,, Omda 2006 يا عمده الف شكر على ردك وعلى دعاءك لى ...ولك بمثل دعاءك ان شاء الله وربنا يسهل لك الامور ...ويطمنك وتسافر على خير ان شاء الله وربنا يصلح حال مصر بلدنا ...اللى حكومتنا بتطرد الشباب اللى فيها وبتزهقهم لحد ما يطفشوا