akramgroup

اولا انا بقالى شهور كتير مش بدخل للمحاورات نظرا لظروف العمل بس اسمحولى الاول اسلم على الصديق الجميل عادل لأنك فعلاً يا عادل انسان محترم فوق الوصف وسامحنى على تقصيري ياباشا ثانيا بس عاوز اسأل سؤال هو ايه نظام نظرية المؤامرة اللى ماشي فى البلد اليومين دول :P هو كل ماواحد يقول كلمة لازم نحللها ونحطها على جهاز كشف الكذب وبعدين الفنان المحترم فضل شاكر من الفنانيين المحترمين واللى هم يعتبروا قلة اليومين دول تحياتى مستر عادل ونصيحة كده على جنب اوعي حد يدخلك فى المنطقه الرمادية smk: خليك كوووووول عادي يعني اكتب براحتك الفنان التائب زى ما انت عاوز فكرتني بأحمد حلمي وهو بيقوله رقم خمسه بيضحكك:))))

مع الاعتذار للجميع ومع انى من مؤيدى عدم اثارة الفتن فى الوقت الحالي والمرحلة دى بس هو ممكن اى متخلف عقلياً يقول اى حاجه فى التليفون طالما البث على الهواء مباشرة ( ده اذا كان على الهواء ومش مسجل اصلا ) عموما العيب على الجحش اللى قاعد بيأكد كلام المتخلف اللى اتصل وللاسف الشديد مش وقته ولو كانت المحطه دى بتبث من مصر كان زمانها دلوقتى بتبث من تحت الارض اعذرونى

للأسف الشديد اخواتنا المسيحين مستفذين لأبعد الحدود بعد اللى حصل ده وكتير منهم واللى منزلش التظاهرات دى راح المستشفيات لما اعلنوا انهم عاوزين تبرع بالدم يعنى كتير شافوا الجثث المدهوسه واللى حصل معاهم انا كلمت كل المسيحين اللى اعرفهم فى مصر بالتليفون وتقريبا كلهم راحوا يتبرعوا بالدم وشافوا المناظر وبرضو مش عاوز انكر ان فى ناس مهمتها ان الدنيا تولع مش عارف ليه ومش عاوز اعرف بس المهم دلوقتى اننا فعلا نتكاتف ومنحاولش نزيد الفتن حتى ولو بالكلام العادى والمناقشات المستفزه واللى له علاقه بأى حد مسيحي يكلمه ويطمن عليه واهو نوع من انواع التكاتف ونحسسهم اننا معاهم وان كلنا فى مركب واحده ربنا يرحمنا برحمته ويعدى الايام دى على خير

السلام عليكم و رحمة الله و بركاته استاذنا الرائع- و لا نزكي علي الله احدا- أكرم ليمتد و شركاؤه...(ايون مش حضرتك جروب و كدهوت) هو الحقيقة انا عقلي بشاورملي من بعد التخرج مباشرة و جتلي منحة لاستكمال دراستي في لندن...بس اهلي اعترضوا عليها علشان اني بنت و اني ديت بلاد الخواجات و حاجات كتيرة كدهوت فوق بعضيها و عشان انا طول عمري مطيعة...(بحاول يعني كده و كده) وافقت في وقتها بس الحلم فضل جوه مني عامل زي العيل الرخم لما يمسك ودن امه و يقول عايزة امبووووو:) دلوقتي باذن الله بحاول ارجع لحلمي القديم و بآجي هنا كل شوية....لأن تجربة دكتور تو ثرية جدا مش علشان هو سافر كنكا.....ابسلوتلي...(وش اللمبي) علشان هي تجربة انسانية...بيحكيلك فيها حاجات كتير يا مرت بيك يا هتمر عليك و ده انا بستفيد منه علي المستوي الشخصي و الانساني و السيكوباتي و الفيزيقي و حاجات كتير فوق بعضيها بيساعدني مش بس اني احلم و افرد جناحاتي في السما لا بيساعدني اني افصل ملامح للحلم ده في الحقيقة و انزل من السما اللي لونها فانيليا و شيكولاتة و اعرف ابتدي اروح فين و آجي منين يمكن يستقر بيا الحال في كنكا...ليه لا و يمكن الاقي..."الوطن" اللي بدور عليه اللي يساعدني اني اكون البني آدم اللي ربنا استخلفه في الأرض شكرا كتير لاهتمام حضرتك و متغبشي علينا تاني سؤال علي هامش الشلتة اللي احنا بنتكلم عليها ديت يعني ايه كونفرس كول.....ده نوع جديد من الزبادي...(وش حد رافع ايده و بيسال من اخر الفصل و هو قزعة اوي) كان معكم من امام تختة تالتة تاني اخر صف في الفصل لماضة.....قزعة:) والله يالماضه هانم انا عاجبنى جدا تشبيهك ((بس الحلم فضل جوه مني عامل زي العيل الرخم لما يمسك ودن امه و يقول عايزة امبووووو:) )) هو فعلا زى العطشان وللاسف بقينا بنحلم حلم مش عارف اذا كان المفروض نحلم بيه ولا المفروض انه حقنا البسيط يعنى احنا لسه بنحلم بفرصه نهاجر لبلد جديده ونقدر نبتدى فيها من الاول ونسعى ونجتهد بس واحنا عارفين ان تعبنا مش هايضيع فى الهوا بجد شىء محزن جدا ان الانسان يستنى سنين من عمره عشان يقدر يحصل على ااقل حقوقه اسوأ حاجه فعلا ان الواحد تمر عليه كام سنه كده وهو مش عارف بيعمل ايه ولا اخرتها ايه بس اللى اقدر اقولهولك انك ماتتنازليش عن حلمك وجربى كل حاجه صح او على الاقل من وجهه نظرك انها صح لحد مايثبت العكس واوعى تأجلي احلامك ... اسوء حاجه وعن تجربه شخصيه الاحلام المؤجله اما بخصوص الكونفرنس كول يعنى لما بتكلمى اكتر من شخص فى المكالمه الواحده يعنى انا طلبتك وطلبت شخص تانى واتكلمنا احنا التلاته ( قعدة شلته ثلاثيه :P ) ربنا يسعدك

اشكرك على سؤالك يادريم وكل اللى سأل عنى وربنا يبارك فيكي هو ساعات الدنيا بتلهي الواحد بس لازم برضو ارجع واشوف الاصدقاء والناس اللى كلها ذوق زيك :clappingrose:

اهلا اهلا بالغالى معلش مش متابع فى المحاورات كتير بقالى فترة بس شوفت سؤالك وقولت لازم ارد عليك قبل مااخرج بص ياسيدى فى النوك ده فى حاجه اسمها محاسب اعلانات مداريه كده تجيب شهاده خبرة انك بتشتغل فى اى شركه وانك مسئول عن حسابات الدعايه والكلام ده مع الديوتز مع شهاده كلية التجارة وزى الفل كده بس الحق عشان النوك ده اول واحد بيقفل اذا كان لسه شغال اصلا بالتوفيق

اولا والله بقالى كتير مبدخلش على المحاورات من بعد ماابواب كندا تقريبا بيخلوها عشان نظام الخلو ده انقرض وهم شكلهم عاوزين يبنوا كومباوند كبير ويشغلوها تايم شاير او تمليلك عموما من الحاجات اللى لفتت نظرى الاقى التوبيك واخر مشاركه هى لماضه وقولت ايه اللى جاب القلعه جمب البحر :P :P وان لماضة المصريه شكلها بتشاور عقلها تهاجر لبلاد الفرنجه وقولت طبعا ادخل اسلم على الدكترة تهامى واقوله ربنا معاك على فكرة يادكترة انا اكرم اللى كنا بنتكلم من كام يوم على كونفرانس كول مع... فاكر ولا... عموما كل سنه وانتم طيبين جميعا

بالذمه ده موضوع ميتكملش ويتنسى :protest: فعلا التوبيك ده ممكن يكون مرجع مهم جدا للجميع ربنا يوفقك ويجعله فى ميزان حسناتك

ربنا يصلح لك الحال و ييسر لك الخير تسلمى يا ام زايد ربنا يباركلك يارب

للأسف فيها حاجه حلوة وبرضو بنحبها http://www.youtube.com/watch?v=5OLsmkWP8KI

أهلااااااااااااااااااااااااااااااا يا أستاذ أكرم أنت فين ياراجل؟؟؟ حضرتك مختفي فين؟ كنا مفتقديناك وبعدين ينفع كده بقي يعني بعد الغيبة ترجعلنا مفرهد وقاعد في نص الشارع كده روق ياراجل بكرة تتعدل وربنا يعينك يارب ربنا يخليكى يادريم طول عمرك ذوق معلش كنت مسافر فترة كده ولسه راجع والدنيا ملخبطه كده حبيتن وربنا يسهل باذن الله ادعيلى يادريم مش بقول انا كل ما فتكر حد يرجع يارب ما افتكر مبارك ياااااااااااارب الحمد لله ع السلامة يا أستاذ أكرم طولت الغيبة يافندم هههههههههههه كويس والله ودى نعمه انك لما تفتكرى حد بيرجع ده اسمه العلمى .... اكيد مش عارف :) ربنا يخليكى يافندم وشكرا لسؤالك

تشرف ياباشا طبعا وعاوز اقولك الجلاكسى ده من افضل الاجهزة الموجوده حاليا اذا ماكنش افضلهم وامكانيته لايمكن حصرها وعلى فكرة كل البروجرامز دى تشتغل مع الجلاكسى على طول