safinoor

برافووو دون كاميلو على الموضوع دة انا لسة فى انتظار الفيل نمبر اصلا بس بحب اطلع على كل حاجة من باب التفأل و كنت قريت اول مداخلة ليك على فكرة موضوع الشيف دة حلو جدا و انت بتقول ممكن تخجل من اولادك بالعكس دى شغلانة ممكن توصل فيها اوى وممكن تكون فى يوم من الايام بتطلب فى اكبر الفنادق و يسلام بعد شوية ممكن تقدملك برنامج او تالف كتاب وتبقى مشهور لية لاء لازم يكون عندك امال و بالنسبة للاولاد ولادنا انشاء الله هيتربو فى مجتمع متفتح مش هيكونو بيفكروا بنفس الطريقة بتاعتنا دى و بالعكس لازم تربى فيهم انهم يعملو الشئ الموهوبين فية و بيحبوة مش الشئ المجتمع يحبة. بالنسبة للمدام كمدرسة فرنساوى انا الحقيقة مش عارفة بس انا مدرسة انجليزى و اما سالت عن موضوع التدريس فى كيبيك عرفت انى هحتاج ليسنس و دى تخدلها حوالى سنة. بس طبعا الانجليزى هناك لغة تانية اعتقد كمان ممكن موضوع الترجمة يمشى و خصوصا انى عرفت انهم بيحتاجو اللكنات العربية المختلف فى المدارس و الهيئات الحكومية علشان يتعاملو فى الترجمة مع المهجرين الجدد ذى المترجمة البتبقى فى الانترفيو كدة. و ربنا يوفق للفية الخير.

وانا والمدام موافقين وعلى فكره احنا كمان فى القاهره الجديده بجد دى مفاجئة حلوة اوى يا ريت تعرفنى عالمدام احنا ممكن نساعد بعض كتير و ربنا يكملهالنا على خير لية لاء منبقاش كلنا عزوة مع بعض هناك كدة ولا كدة كلنا رايحين على بلد منعرفش فيها حد و محتاجين نكون صداقات فطبيعى بما اننا من بلد واحدة احنا اولى ببعض. عموما انا هبعتلك الميل بتاعى لو تحب و ممكن انا والمدام نبتدى تعارف على النت سكيب او مسنجير و نفيد بعض فى الغة وكمان فى الخبرات.

انا موفقة وانا وزوجى فى القاهرة الجديدة و ارادى عندى مدرس ممتاز بيجى البيت لاكن هو غالى شوية على ما اعتقد

بجد مجهود كبير منك يا شرقاوى ربنا يجازيك غنا كل خير و ميضيعش تعبنا هدر

هاى يا أغابى بليز ضيفينى للليست انا بعت الفيل بتاريخ 10/3

يا جماعة عندى سؤال و محتاجة رد سريع من فضلكم اية البنك الممكن اطلع منة الشيك المصرفى للسفارة غير بنك (نوفا سكوشيا)؟

السلام عليكم جميعاً احنا الحمد لله بخير لاكن البلد مش بخير الحال صعب جدا و مش عارفين بكرة مخبى اية ربنا يستر

thanks for the information but how i get these offers?

a good site for french learning rocketlanguages.com/french

يا جماعة محدش رد على سؤالى اية هوانا شفافة للدرجادى :protest: كنت بسال عن حكاية عروض العمل و السكن و اية اهميتها فى الانترفيو؟

الف مبروك لكل الجلهم الفيل نمبر كان عندى سوال ايه موضوع عروض الشغل والسكن دى هو انا لازم فى الانترفيو اقدم عروض دى؟

الف مبروك يا اغابى و ربنا يتمها على خير

ازيك يا اغابى ميرسى ليكى يعنى انتى الوحيدة العبرتينى و رداتى على اقتراحى عن نفسى شايفا ان موضوع التوبيكس دة مش كافى لان اللغة اهم حاجة فيها الكلام و الاستماع خصوصا فى حالتنا دى انا عن نفسى بتعلم كويس جدا مع المدرس الخاص بتاعى و نفسى الائى حد اتكلم معاة علشان امشى لسانى لانى نفسى ادخل النترفيو وانا واصقة من نفسى و عندى طلاقة فى الفرنش زى الانجليش كدة. انا مستعدة جدا للمساعدة يعنى ممكن نتقابل على السكى بى مرة او مرتين فى السبوع نعد نرغى فى اى حاجة نعرفها بالفرنسية و ممكن كل مرة نتفق علئ التوبيك الهنرغى فية المرة البعدها و هكزا ونحاول نحضر لكل مرة و انا ممكن افيد بالبتعلمو فى الدرس و بكدة نتعود على الغة و نكسر الحاجز بتعها صدقينى انا مدرسة لغة و عارفة كويس ان المحادثة والحوار هما اهم حاجة اهم من الكتب و القواعد يالة فكرى و انا جاهزة.

سلامى على الجميع كان عندى فكرة كدة بخصوص موضوع الفرنساوى احنا ممكن نبحث عن اصدقاء فى بلاد اخرى يتكلموا فرنسى طبعا و نطلب منهم اننا نتكلم عبر السكى بي skypeو نتبادل الغات مع بعض اعتقد ان المحادثة هي اسرع طريقة لتعليم اللغة. انا عن نفسى بحاول اعمل كدة و بالفعل وجدت ناس عندها استعداد للموضوع دة و لاكن لسة مفعلناش الموضوع و دة كن عن طريق الفيس بوك.

ربنا يجازى البيخرب علينا فرحتنا و بيحاول يفرق شملنا دا مش ممكن يكون مسلم و لا مسيحى دا اكيد انسان معندوش دين