yasseramir

شكرا جزيلا يا ا/ محمد ربنا يكرمك, بس صدقني هما اكتر من 3 سنين بكتير, ولا كأنهم 300 سنة عذاب في الطب :) د/ ياسر, الف شكرا على ردك اللي فادني جدا, ربنا يبارك فيك و يسهلك كل امورك. في بس تساؤل صغير, هل MOH & DOH ممكن امتحنهم و انا في مصر بردو و فين بالضبط؟؟؟ و المناهج اللي حنذاكرها و الامتحانات السابقة ممكن نوصلها ولا لأ؟ اعرف ناس كتير ما عرفوش يعدوا الامتحان و اعتقد انهم مزودينها اوي في الصعوبة و انا معنديش اي استعداد ارجع بخفي حنين بعد كل الصبر ده. طبعا الاماراتيين شعب طيب جدا و مفيش زيه ابدا و ده سر تعلقي بالعودة للبلد اللي اتربيت فيها, بس وصلتني معلومات عن الكويت ان مفيش امتحانات زي دي و الرواتب محترمة جدا و المصريين هناك اكتر من الكوايته, بعكس الامارات اللي فيها الاستاف الطبي اغلبه غير مصري, السعودية بعيدة عن تفكيري من الأول. بالنسبة لغلو المعيشة, ايه الاخبار؟ و هل في شركات توظيف محددة ترشحهالي؟ سامحني على الاسئلة الكتير بس انا فعلا في حيرة من أمري بين الامارات و الكويت :unsure: السلام عليكم انا سعيد ان الاجابه افادتكم , فيما يخص المقارنه بين الكويت والامارات (انا مارحتش الكويت ولا زرتها لكن قريبتي عايشه هناك و بتشكي من معامله المواطنين للاجانب خصوصا المصريي؟؟؟!؟؟!) لكن اللي انا شفتوا هنا من معامله الاماراتيين بجد حاجه مثيره للاعجاب في التحضر والرقي انتي لازم تخشي علي الويب بتاع ال haad و تعملي تسجيل وهيطلبوا تعملي سكان لشويه اوراق كله مكتوب علي الموقع وبعدها هتلاقي مواعيد الامتحانات (اعتقد انها كل 4 شهور) المهم تتابعي علي الموقع و المذاكره علي حد علمي من Kaplan Qbook, Swanson family medicine دول اكتر كتابين بيجيبوا منهم اشئله وهي MCQ و نسبه النجاح مش قليله ولا حاجه دول بيعدوا ال60% وممكن تسجلي وانتي في مصر و قبل الامتحان باسبوعين تقدمي علي تاشيره سياحه و تروحي تمتحني ومفيش امتحانات سابقه لانه كله MCQ المرتبات هنا بتبقي حلوه لو حكومه لكن الخاص اقل شويه لانهم بيعتمدوا انك بتاخدي % من الكشوفات لو تحبي تتابعي مع شركه توظيف من مصر انصحك وكل الاطباء بشركه climax دي في المعادي بس ناس في غايه الاحترام والمصداقيه والصراحه ولو كلمتيهم اسالي عن انسه هبه وهي هيفيدك لو في فرص حكوميه (بالنسبه للحكومه بتيجي الامارات من غير امتحان وتحاولي تنجحي هنا خلال سنه من العمل في 3 محاولات ليكي خلال السنه) يا رب اكون افدتكم

السلام عليكم انا دكتور ياسر في ابوظبي حاليا بقالي تقريبا 3اسابيع ابدا بايه, ممكن من المطار ماشي.... اول لما وصلت لقيت شخص (روسيه) ممثله للشركه منتظرانا علي مدخل الصاله ومعاها signعليها اسمي وزمايلي وخلصت الاجراءات في المطار وتم عمل بصمه العين وخرجنا اخدنا الشنط ..ااهه نسيت اقول ان اول حاجه شرحت صدري ابتسامه ضابط الجوازات (كنت في السعوديه قبل كده شغل من سنتين و تقريبا قابلت 48 واحد فقط اللي ابتسموا) قلت كويس الراجل بيرحب بيك المهم خدنا الشنط ولاقينا سواق تبع الشركه مستنينا اخدنا علي فندق الهيلتون وصلنا الفندق اتعشينا و بلغونا تكون صايمي بكره الصبح عشان الكشف الطبي رحنا تاني يوم عملنا الكشف الطبي في 40 دقيقه المهم النتيجه بتتطلع غالبا علي يوم الخميس اللاحق للكشف او الاحد اللاحق للكشف فيما يخص العمل هنا يا دكتوره لازم يكون معاكي حاجه من التلاته و علي فكره مش كله ينفع يعني لو هتشتغلي في ابوظبي لازم HAAD ولازم لو في دبي يكون معاكي DOH وباقي الامارات MOH وتقدري تزاكري في مصر و تخشي تسجللي علي النت في موقع ال HAAD وتتحدي معاد الامتحان وتقدمي علي تاشيره سياحه مثلا وتيجي تمتحني وده لو هتقدمي علي شغل عن طريق النت والمراسله اما لو هتقدمي عن طريق شركه في مصر (الحاق عماله) بتيجي زي حالتي و الشركه بتقدملك و بتشتغلي بحاجه مؤقته علي ان تدخلي الامتحان وتنجحي في خلال عام وليكي 3 مرات تدخلي الامتحان في السنه فيما يخص البلد , انتي في اوروبا من ناحيه النظام والالتزام و هايشه مع عرب واجانب ودودين مهما يحذروكي من جنسيات محدده تاكدي ان كل الناس هنا مسالمين اما المواطنين دول بهروني بيحبوا الناس كلها احترام مشفتوش قبل كده من حد في الخليج بيهزروا ويضحكوا وعارفين حدود الجد واللعب مثقفين باختصار البلد ولا احلي من كده يا رب يحفضها فيما يخص الاختيار بين دول الخليج ( مع العلم ان مفيش مقارنه بين هنا واي دوله تانيه) قيل لي اللي عايز يحوش و ضغط علي نفسه يروح السعوديه واللي عايز يعيش حياه راقيه ويحوش شويه صغيرين يجي هنا يا رب اكون افدتك

يااااااااااااااه والله فكرتني بايام حلوة بص يا سيدي انا كنت في الطائف في مستشفي الملك فيصل KFH ودي بقي الطاحونة الحقيقية لا تقولي جامعة ولا تعليمي تليها في حجم الشغل الملك عبد العزيز KASH احفظ الاختصارات دي ده كلام بفلوس المهم المستشفي عندك تشغيل ذاتي يعني شركة هي اللي بتدفع المرتبات والمستحقات وبعدين تحاسب وزارة الصحة نبدا واحده واحده انت ان شاء الله لما توصل السعوديه هتنزل مطار جده ترانزيت وخد الطيارة اللي بتوصل جده الساعة تقريبا 4 الفجر عشان تطلع علي طيارة الطائف الساعة 6 الصبح هتاخد وقت تقريبا 40دقيقة وبعدين غالبا هتلاقي حد من اللي مسافرين علي نفس المستشفي معاك بالصدفع علي نفس الطياره اللي رايحه الطايف ( مش بقولك فكرتني بايام تحفه) المهم هتوصل الطايف تاخد شنطك مع زمايلك وتتطلعو امام المطار طبعا هتقعدوا تقولوا معقول محدش جه عشان ياخدنا ( انسيييي يا ريس الناس هناك كسالي في الحاجات دي) المهم لو لاقيت حد خير وبركه لو ملاقيتش تاخد زمايلك وتتفقوا مع عربية بيك اب او لو لوحدك خد حاجه اسمها دباب (سوزوكي صغيره) تدفع تقريبا 20-25 ريال ولو معاك زمايلك في عربية كبيرة تدفعوا مش اكتر من 50 ريال وتروحوا فيييييين بقي تقول السواق عايز اروح مديرية الشئون الصحية اااه اوعي تشتري خط تليفون في المطار لا من جده ولا من الطايف المهم توصل المديرية تنزل شنطك زي الشاطر و حاول تروح بدري ما تكسلش وتخش المبني تقول لباع الامن انا طبيب جديد ولسه واصل هتسيب الشنط عنده و تخش امامك لحد اخر الساحه و تعدي باب صغير غالبا هتحس انك تهت هتسال فين مكتب التعاقدات هيقولك ادخل من الباب الصغير شمال و بعدين يمين الدور الاول اعتقد كان تاني مكتب شمال هتاخد ورقك و تخش تسلمهعند الوظف ( من المطار لحد المكتب لو انت فعلا تبع وزارة الصحه)(لو تبع التشغيل الذاتي يبقي حرام هلي كل اللي كتبته ده) اقولك لو لسة مسافرتش كلمني وانا احكيلك علي كل تفااااااصيل الشغل وتاخد شقه فين واديك كمان يا عم تليفونات اصحابي هناك بس معظمهم شغالين في الملك فيصل اي خدمه و تبقي دي العديه بتاعتك وكل سنه وانت طيب ااااااه التليفون صحيح:0111115611 اخوك د. ياسر