د بطوط

مقابله ابو طرحه بالتوفيق للجميع المصدر: منتديات المطاريد ... لقراءة المزيد إضغط على الرابط : http://www.almatareed.org/vb/showthread.php?t=95647&page=43#ixzz1YLxlwCXE مساء الخير يا جماعه شكرا لكل اللى باركولى و بكره نبارك لمحمد خلف وكل الليسته طبعا الشكر كل الشكر لربنا والى قديسيه الذين ارسلهم امامى وشكرا لكل اخواتى بالمنتدى اللى كانوا بيصلوا من اجلى اولا : انا المتقدم الرئيسى بكالوريوس تجاره لم يمر عليه خمس سنوات عند تقديم الملف - الزوجه دبلوم فنى ثلاث سنوات - طفل واحد -خبره ثلاث سنوات ونصف للزوج بتامينات وسنه و 8 شهور بتامينات مشتراه - خبره الزوجه 4 سنوات بدون تامينات - الفرنسى للزوج فى الابليكشن الرابع و الزوجه الثالث - الانجليزى السابع ثانيا المقابله : اليوم 18\9 الساعه 3 بعد الظهر روحنا السنتر الساعه 2 ودخلنا صاله الانتظار قولنا نروح ساعه بدرى علشان ناخد على المكان ونشوف كارل وهو بينادى على حد تانى المهم كان فى زوج وزوجه معادهم الساعه 2 ولسه مدخلوش فضلوا قاعدين لحد الساعه 2:45 يدوب جه كارل نادى عليهم بلغه مش مفهومه خالص المهم دخلوا وراه بسرعه وطلعوا بعد حوالى ساعه وكانوا مبسطوين خالص لكن للاسف معرفتش منهم اى حاجه غير انهم نجحوا ........ قعد شويه مستنى عديت الساعه 4 جه كارل وقالى مسيو ابو طرحه تعالى ورايا روحت خدت مراتى واحنا مشبكين ايدينا فى ايد بعض وماشيين وراه وفجاه لاقيته وقف مستنينا روحت بسرعه سبيت ايد مراتى وجريت وراه وكله داه وكان كارل بيضحك ...... دخلنا وقالنا اتفضلوا وطبعا قال المقدمه بتاعتهم المشهوره بس بصراحه مفهمتش حاجه الاسئله : فى جزء كبير كان عن طريق المترجمه الباسبورات - تاريخ ميلادك - قدمت هجره قبل كده - الزوجه : اسم العائله - تاريخ ميلادك الزوج : شهاده الثانويه العامه - شهاده الكليه - انهى قسم - شهاده الدرجات المعادله النقاط الرئيسيه بس والمده - مسالش الزوجه على اى حاجه غير عايزه تهاجرى ليه و هتشتغلى ايه هناك - معاكى عروض عمل سالنى عن السجل التجارى و البطاقه الضريبيه ( عن طريق المترجمه ) لانى مفهمتش سالنى عن التامينات اديتهالو بص فيها بسرعه واتاكد بس انى لسه شغال بس محسبش السنين سالنى عن عروض عمل وعرو ض السكن كنت محضرهم كويس وعرفت ارد عليه بالنسبه لعروض العمل كنت عارف الحاجات المهمه بس يعنى مستوى التعليم سالنى بتكسب كام فى السنه جاوبته وسالنى حجم مبيعاتك السنويه بس المترجمه ساعدتنى فى دى لانى مفهمتش اتعلمت فرنساوى فين . بالنسبه لينا احنا مخدناش فى السنتر وقولنا له الكلام ده سؤال الانجليزى : انت هتعمل ايه فى كيبك قولت كلمتين انجليزى وتلاته فرنساوى اقرار المعادله معملتش غيره هو ورانى القديم بس القدره الماليه زودها شويه بس هو بدا بطباعه السى اس كيو فى نص المقابله يعنى نص الاسئله اللى فوق كان بعد ما قال ان انتم اتقبلتم ملحوظه انا حاولت اساعد مراتى فى الاجابه اكثر من مره فى الاجابه منعنى بايده بس كان بيضحك فى نفس الوقت برده انا عايز اقول ان المترجمه متعاونه جدا وهو عارف ان الفرنساوى بتاعه مش مفهوم معلش ده كل اللى فاكره دلوقتى بس لو افتكرت حاجه هاكتبها علطول

انت اسلوبك عسل جدا انا عيطت من كتر الضحك وبجد الف مليون مبروك ربنا معاكم

كلام مظبوط الميشن السهل الممتنع احنا لحد دلوقتى مش فاهمين ايه اللى بيحبه بالظبط مسيو كارل و كل الناس اللى بتدخل بتطلع بكلام مختلف يعنى اول يومين مكنش بيبص للتامينات النهارده سال ابن الملك عليها و محسبلوش الخبره كامه و اداله 6 من 8 وهو برده طبعا هيدخل يقول التفاصيل بنفسه

شكله مرهق وتعبان وراح نام بس ياريت يكملنا بكره

الف مبروك لينا كده كلنا عزومه عندك منتظرين بقيت المقابله و التفاصيل و بعد اذنك انا نقلت المقابله ع المطاريد

الف مبروووووووووووووووووووووووووووووووووووووووووووووووووووووووووووووووووووووووو وووووووووووووووووووووووووووووووووووووووو وووووووووووووووووووووووووووووووووووووووووووووووووووووووووووووووووووك بيتوشىشى

هاقول لحضرتك نصيحه بس مش عارفه هى صح ولا لا بس انت ممكن تقول ان من حكم دراستك فى الكليه ان انت درست فارمافليك علاقه بالادويه وممكن تشتغل مساعد صيدلى هناك لان المهنه دى هيبقى ليك خبره فيها وفى نفس الوقت هي مبتطلبش غير ان يكون معاك ثانويه عامه فممكن تشتغلها وربنا معاك يارب و ينجحك بجد انا هاولعلك بكره شمعه الصبح بدرى بركه القديسين و شهداء النيروز يكونوا معاك

ازاى يا جميله و الميشن بدايته يوم 12 /9 اللى هو النهارده والناس اللى بتحضر للمقابلات كلهم معندهمش حد مقابلته قبل يوم التلاتاء كمان ع العموم لو عندك معلومات اكيده تقوليلنا بقى ع الاقل هو مستشار ولا مستشاره و سنه اد ايه واسمه ايه ؟؟ عشان نطمن

ربنا معاكم وان شاء الله ترجع بالغاليه توكل على الرب من كل قلبك وعلى فهمك لا تعتمد

انا قاعده فى الصف الاول ومستنيه وعايزه واحده حاجه ساقعه من اللى بتشربها دى من عنيا يا د/بطوط...بس ينفع كدة الدش البارد اللي خدته في المطاريد..صحيح من خرج من داره اتقل مقداره..المهم تمنياتي القلبية ليكي و لاختك بالتوفيق و النجاح انشالله..تحياتي متقولش كده يا باشا هنا دارك وهناك دارك بس اصل د/رانيا لسه حد قافش معاها برده من شويه لان هى معلوماتها غير دقيقه او يمكن بيخونها التعبير وعشان مش مصريه برده فى فرق ثقافات و لايهمك هم مش قصدهم على فكره هى ووليد قلبهم ابيض لما تقدم شويه هناك هتعرف الناس اكتر و تقدر تعطى انطباعات احسن عن كل شخصيه بس على فكره كل الكلام اللى اتقال صح لو احتجت حاجه ابقى ابعتلى ع الخاص

انا قاعده فى الصف الاول ومستنيه وعايزه واحده حاجه ساقعه من اللى بتشربها دى

مساء الخير أبانوب بالنسبة لاجابة السؤال ده مفيش فيه مشكلة لانه لاينطبق علي حضرتك الا اذا كان مع حضرتك 1- شهاده جامعية من كيبيك 2- شهادة جامعية من كندا 3- شهادة معادلة من هيئة في كيبيك (ماعدا الطب) 4- شهادة خاضعة للاتفاقية بين كيبيك وفرنسا (ودي طبعا مالناش علاقة بيها) وبالتالي حضرتك ممكن تكتب ببساطة S/O في اخر سطر امام كلمة Autre اتمني اكون رديت علي سؤال حضرتك ومايكونش فيه اي تأخير في ارسال الورق Monsieur Hani bv:- اجابة صحيحة لايعرفها كثيرون ممن يدّعون المعرفة متفقين من زمان يا دكتور فى الحنه دى

ربنا يوفقك يا محمد و ان شاء الله تدخل الميشن القادم وتكون مستعد له و ربنا يكون معاك ادعيلنا بقى خلاص هانت الواحد اعصابه ابتدت تبوز لدرجه انى مش عارفه انزل اشترى لابنى هدوم المدرسه

سيبهم فى حضانه المرقسيه ابولينو انا هاعمل كده

فعلا اللى انا اعرفه ان معادله الطب البيطرى انك لو ممارستش المهنه سنه فى اخر خمس سنين مينفعش تعادلها بس على فكره مش كل المستشاريين عارفين الحته دى يعنى قول اللى فى نفسك و اعمل نفسك عبيط مش كل الناس زى فيليب