petro

خلاص يا جماعة الواحد قرر و اتكلت على اللهو حجزت تذكرة و هوصل مونتريال يوم 22/5 و بجد الحاجة اللى لسة مش عارفها هي الحجات اللى اخدها معايا من هنا يعني اخد موبايل و لابتوب و اخد هدوم معايا كتير ولا ايييه انا مشتت وقرأت اكتر من موضوع هنا و منتديات تانية ولسة مقررتش اعمل ايه :unsure:

ارجو ان تكون قد وصلت لبعض المعلومات التى قد يتعارض معها البعض او قد يتفق تحياتى شكا جدا يا بيبو باشا على ردك وانشاء الله اشوفك في كندا و ربنا يوفق الجميع

صباح الخير عليكم يا كيباكوية و بالاخص ابطال الموضوع ( بيبو كندا و جوو ) قريت كل القصة من الاول و استفدت كتير من التجربة و ربنا يكملكم على خير : الحمد لله وصلت ليا الفيزا من يوم 10/01 و لكن انا مش عايز اخد قرار بالسفر غير لما الجو هناك يتحسن و لما قريت قصة أ/ بيبو اتاكدتلي الفكرة اكتر احنا دلوقتي الجو 14 د و هنموت من البرد بيتهيالى انكم بتتمنو انها تكون بس 0 المهم اخوكم ضايع و مش عارف تقريبا اي حاجة و لا مرتب لاي حاجة وعندي كام سوال - المبلغ اللى اجي بيه اجيبه كاش ولا اسحبة بكارت الHSBC ولا لازم ادخل المطار بمبلغ معين - لازم اخد معايا اوراق معينه من هنا و موثقة زي شهادة الميلاد و الجمعة الدرجات والخبرات ....ألخ - انا خريج تربيه فرنسي و اشتغلت بالسياحة لحد الثورة و بعدهها في الكول سنتر بالفرنسي وساعات برد على كابكوة ( تنصحوني بايه في الكام الشهر اللى فاضلين بخصوص الدراسة و اللغة والشغل هناك محتاج ايه انا 25س سينجل انا طولت عليكم بس الحقيقة معنديش حد تاني اساله ربنا يوفقكم جميعا بس انا مش قادر اخفي قلقي من اللى جاى

كدة صح طبعاووفرت علي نفسك فترة طلب الباسبور الف مليون مبروك وعقبال الفيزا لما توصل بالف سلامة بس لو سمحت ممكن تقولنا المديكال عملتة عند مين ؟ وبكام؟ وعملت اية بالضبط ؟ شكرا وربنا معاك :WelEgTks: عملت الكشف عند د. صبري غالى في المعادي هو مركذ طبي فيه كل حاجة الاشاعة والتحاليا و التكلفة 710 جنيه بتكلفة ارسال الورق لندن عن طريق ال fedex و بصراحة هو مكان نضيف جدا جدا و على فكرة انا قبل ما اروح كلمت الانجلو اميريكان و عرفت ان التكلفة تقريبا للفرد 775 ربنا يوفق الكل

مساء الخير على كل الكباكوية انا روحت انهارده دفعت الفلوس في البنك 3020 LE لاني سنجل و صورته 3 صور و مع الباسبور في ظرف و سلمته في الصندوق و ( سالني الامن اولتله ده الباسبور + الرسيت / قالي هما طلبو منك البسبور قولتله اه ) انا جالي الميديكال يوم 25/10/2011 و عملت الكشف الطبي الخميس اللى فات انا مش فاهم هو كان لازم استني بعد لما عملت الكشف الطبي الاسبوع اللى فات لما يطلبو مني الباسبور ولا انا عملت كده صح مش فاهم ؟؟؟؟

صباح الخير على الناس اللى مهاجرة وسايبه بلدها كنت عايز اعرف كام حاجة بالنسبة للفلوس اللى احنا مضيين عليها مثلا انا ماضي على 3000CAD لازم ادخل البلد بيهم كاش و لا ادعهم في حساب و لا اعمل بيعم شيك و هل ممكن احطهم في بنك HSBC انا ليا حساب جاري فيه وعندي debit card و ممكن اسحب بيه من اى مكان في العالم انا مش فاهمه ادخل بالفلوس ازاى تاني حاجة هل اشتري من هنا لاب توب جديد و لااشتري من هناك انا شايف في المواقع انهم لسه عايشيين في عصر ال 40 جيجا و موصفات الحاجة هناك قديمة ايه رايكم؟؟؟؟؟

الف مليون مبروك يا دون كاملو على الميديكال و متقلقش المديكال بيتعمل في يوم واحد بس مش اكتر انت ماشي معايا تقريبا انا عملت الميديكال يوم 11/03 عند صبري غالى اشوفك فى كيبك باذن الله

الف مبروك الفيزا يا استاذ harveyhanna و ربنا يوفقك انا كنت عايز اعرف هو بعد لما تاخد الفيزا لازم تسافر في خلال قد ايه و لا ملهاش وقت ؟؟؟

شوف يا mr beko هما عايزنك تبعت لهم شهادةاجادة اللغة الفرنسيه زي (DELF), (DALF)او شهادة تحديد مستوى le Test de connaissance de français (TCF) و عندك مهلة 120 يوم من تارخ استلامك الجواب عشان يقدرو يكملو دراسة الملف و الا هيرفضو الملف الحق بسرعة وروح خد الDELF) الB2 على الاقل عشان انت كاتب المستوى ال8 وربنا يوفقك

الف مبروك يا بترو على الميديكال و عقبال الفيزا 1-انت هتعمل الميديكال عند دكتور من اللى فى اللستة انصحك بدكتور صبرى غالى و انت رايح للدكتور هتاخد معاك جواب الميديكال و 6 صور 4*6 و جواز السفلر الاصل و صورة منةو استكر من اللى مكتوب علية الفايل نمبر هتدفع فى الكشف الطبى حوالى 700 جنيةالدكتور هيسالك كام سؤال زى عملت عملية قبل كدة عندك مرض مزمن ؟؟ اتحجزت فى مستشفى قبل كدة بعدين هيعملولك اشعة على الصدر و ياخدوا عينة بول ودم بس الموضوع سهل جدا مش هياخد اكتر من ساعة 2- بعدين تروح بنك سيتى بنك اللى جنب سفارة كندا و معاك ورقة دفع الفلوس اللى مبعوتالك مع ايميل الميديكال و تدفع مصرى 3020 بس علشان انت سنجل بعدين تصور الوصل 3 صور و تجيب ظرف كبير تحط فية الباسبور الاصلى و وصل دغع الفلوس فى البنك اصل و معاة 3 صور منة \و على الظرف من برة تكتب بياناتك الشخصية اسمك و تاريخ ميلادك و العنوان و الايميل و التليفون و الفايل نمبر الفيديرال بعدين ترمى الجواب فى صندوق السفارة ربنا معاك و نباركلك على الفيزا قريب متقلش انا على قكرة سنجل زى حضرتك و برضة هسيب اهلى هنا لوحديهم رينا يستر عليهم متشكر جدا يا أ/ harveyhanna على اهتمامك و ردك الموضوع كده واضح جدا وفهمته صح بس المشكله اني لو اخت الفيزا في الكام شهر اللى جايين مش هقدر اسافر لان هناك الجو برد جدا و مقدرش اروح في الفترة ديه اعتقد اني لازم اسافر في شهر يوليو عشان ده جو مناسب و موسم العزال هناك على ما اسمع ( السؤال هو بعد لما اخد الفيزا لازم اسافر في خلال قد ايه ؟؟ و لا مفيش وقت معين؟

مش عارف اشكركو ازاى يا احلى واجدع ناس في النت كله و خصوصا أ/ أدهم الشرقاوى و HANYVERY و La nouvelle vie و دون كاملو و يارب كل واحد مستني المديكال يجيله يارب و كنت عايز اراجع معاكو لو كنت فهمت صح 1- اعمل المديكال عند دكتور من اللى في اللسته 2- اروح ادفع الفلوس في البنك 3- انتظر لحد لما النتايج توصل و السفاره تبعنلي (ولا ابعت من نفسي رسيت البنك والباسبور) الله يبارك فيكو و عقبال كل واحد مستني الهجرة بصراحه كان نفسي الموضوع يتاخر شويه لحد لما اطمن على البلد للاسف انا مقدم سنجل والموضوع ماخدش وقت على قد منا فرحان لكن حاسس اني هتقلع من اهلى وبلدي زي الشجرة اللى بتتقلع من ارضها و هفضل مشتت بين هناك وبين اهلى اللى هنا ( احساس غريب بين الفرح والضيقة والهم )

مساء الخير على اجدع ناس الحمد لله جالى الميديكال فى وقت مكنتش متوقعه او محضرله خالص كنت مقدم الفيل فيدرالى في السفارة 17/3 و جالى الفيل نمر بعديها بكام شهر على الميل و كان حالة الفيل application received from 31/03/2011 و بدون اى مقدمات جالى ميل الميديكال يوم 25/10/2011 انا مش عارف هعمل ايه واروح فين كل اللى عارفه اني اكلم DHL عشان اخد الشحنة وهدفع في البنك 490$ او 3020 epg ممكن من الناس الخبرة تقولى ايه هي الخطوات وهعمل ايه واروح فين متشكر جدا ليكو وعقبال كل اللى مستني الميديكال يارب

مبروك يا رمسيس باشا شوف بالنسبة للفيل نمبر متستعجلش هو كان بيجي بعد اسبوعين بالبريد بس للظروف الحالية متستناش البريد استني قيمة شهر او شهرين لو مجلكش البريد ابعت ايميل للسفارة واكتب فيه اسمك وتاريخ ميلادك و انشاء الله هما يردو ويبعتولك الفيل نمبر ولو فيه اى ورقة نقصه هيطلبوها منك انا قدمت في 17/3 و جالى الفيل نمبر بالميل في اخر مايو بعد لما بعتلهم ايميل مرتين و ربنا معاك

مساء الخير انا اسف اني بتدخل و لكن حابب اقولك ان عندك حق في كل اللى بتقوله هي عملية نسبية و اقول ان انا عن نفسي مش متجوز و عندي امل كبير اني لما اهاجر كيبك الاقي الحياة الكويسة المحترمة اللى انا مفتقدها هنا يعني الاقي النظام والعدل و النظافة و ناس بتحترمني لمجرد اني انسان طبعا كل شيء في بدايته بيكون صعب ولكن علينا الصبر و صبر مش كتير و عن نفسي الحاجة الوحيدة اللى هتتعبني هي بعدي عن اهلى اللى بيحبوني وبحبهم وانشغالى عليهم وتفكيري فيهم ....... يارب اعني على ذلك ان كان فيه الصالح ليا