ViralMind

السلام عليكم.. اكبر عيوبنا اننا دايما بنحب نبين قد ايه احنا عظماء و كويسين و بنينا الاهرامات.. و عمرنا ما بنعترف بالكوارث اللى عندنا. بغض النظر بقى عن انى مبيعجبنيش حاجات معاينة فى كلام الدكتور تهامى, الا ان الجزئية الخاصة بانتقاد طبائع المصريين.. انا متفق معاه فيها بنسبة كبيرة. انزلى الشارع و انتى تشوفى الحمير اللى سايقين عربيات و باصين فى يمين و شمال و ورا.. الا انهم يبصوا فى الطريق اللى قدامهم.. انزلى شوفى الناس اللى بتخبط فى بعض فى الشارع.. انزلى شوفى التحرش.. انزلى شوفى البلاوى اللى موجودة. الفقر و الجهل للاسف ولاد كلب و يعملوا اكتر من كده. حتى اللى عاملين فيها طبقة متوسطة يعنى.. و انا بتكلم عن الطبقة المتوسطة بجد.. اللى ساكنة فى مدينة نصر و الدقى و المهندسين.. اسلوب حياتهم بقى بايظ برضه.. الا اللى بيختار انه ينعزل عن الحياة الوسخة اللى فى مصر. انا قعدت افكر كتير قوى ايه سبب الهمجية دى اللى موجودة فى مصر, و اللى تتعدى كونها مجرد ظاهرة, بل اصبحت فيروس و ميكروب لازم نتخلص منه.. وصلت لان الجهل هو السبب.. تلات تربع اللى متخرجين من الجامعة مبيعرفوش يكتبوا لغة عربية صحيحة اصلا, و تلاقيهم بدل ما يقولوا ثانك يو, يقولوا سانك يو sank you... هغرقك يعنى طول ما فيه فقر و بطالة و جهل.. البلد دى عمرها ما هتنضف. لما اكتر من 40 مليون مواطن يبقوا عايشين بأقل من 400 جنيه فى الشهر, يبقى ازاى متوقعة منهم اصلا انهم يكونوا فاهمين اى حاجة و لا فى دماغهم اى حاجة؟ خير خير.. اروح اكمل نوم بقى.

ده مش نصب ده استهبال علنى. طبق لى ورقة ب50 دورار و انا اجيب لك الملفات دى كلها.... مش الملفات بس.. ده انا اخطف لك مدرس من الريتش كونصل نفسه ده كله شغل مضروب و المواد التعليمية مغرقة النت.. و ببلاش. والله شكلى هعملى نصباية زى دى انا كمان طالما فيه ناس عندها استعداد تدفع كده.

اتصل بالانجلو امريكى.. او روح لهم بنفسك. المفروض انها مراكز طبية و شغالة على طول.. و اصلا ملهاش علاقة بكندا كنظام.

يعنى ايه مواعيد كندا مش فاهم؟ انا كنت عملت المديكال عند دكتور فى المعادى.. اسمه غالى تقريبا.. مركز غالى الطبى. الكلام ده كان من سنة و نص تقريبا. المفروض انهم باعتين مع الورق ليستة فيها الدكاترة و عناوينهم.. بص عاللى فى المعادى. بالتوفيق ان شاء الله.

ربنا يوفقك ان شاء الله. قدمى فى شهر فبراير او مارس.. لان الدنيا بتبقى هادية فى الوقت ده, و نسبة حصولك عالفيزا تبقى اقوى ان شاء الله.

خلاص بقى انا نصحتك و انتى مش عايزة تسمعى الكلام انتى حرة

طالما مش هتقدرى تجيبى اثبات انك طالبة, يبقى غيريها افضل. وظيفة مطورة و مصممة مواقع وظيفة كويسة و مرموقة الى حد كبير. هتروحى المجمع او المكان اللى انتى تبعه, و هتطلبى تغيير الباسبور بكل سهولة. و ماتنسيش تاخدى تأشيرة تركيا.

طالب.. و كنت مقدم اثبات انى طالب فى الكلية زائد اثبات عمل. و بشكل عام, اى طالب بيقدم على اى تأشيرة بياخدها, لان الدراسة اثبات قوى.

اسئلة شخصية.. سافرت قبل كده فين و امتى رايح كندا ليه بتشتغل ايه ابوك و امك شغالين فين دى الاسئلة اللى انا فاكرها و فى آخر المقابلة انا سألتها.. انا هاخد التأشيرة ولا لا.. قالت لى بالنسبة لى ورقك كويس, بس الاوفيسر هو اللى بيحدد و بيقتنع او لا.

السلام عليكم.. عقد العمل بديل فعلا, بس الكلام ده عن عقد العمل الموثق. بمعنى انه موثق من الHR office بتاع كندا نفسها و السفارة معترفة بيه كعقد عمل موثق. بالتوفيق ان شاء الله.

قبل ما اتكلم عن المقابلة, هوضح حاجة مهمة جدا. وريهم انك مهمة و مش فاضية و مطحونة شغل.. و يا دوب عايزة تاخدى راحة و ترجعى على طول. بمعنى.. خلى الفترة بتاعت الاجازة 3 اسابيع بالكتير.. مش اكتر من كده. اوعى تقولى انك رايحة تقعدى لغاية شهر 7 و الكلام ده.. هيدوكى استمارة 6 وش. هيقولوا انك فاضية و موراكيش حاجة تعمليها.. و القعدة هناك اكيد هتعجبك و تاخدى الاقامة.. خصوصا ان اخوكى موجود و سهل جدا انك تاخدى الاقامة بمجرد ما تدخلى كندا... و اتخن واحد فى كندا مش هيعرف يخرجك... و دى حاجة هتقلقهم بشكل كبير انهم يدوكى التأشيرة. اثبتى الكلام ده برضه فى الشهادة اللى هتاخديها من الشركة. خليهم يكتبوا انك واخدة اجازتك السنوية و اللى هى عبارة عن 3 اسابيع او 20 يوم.. و ان ده الحد الاقصى للاجازة بتاعتك... و انك لازم ترجعى الشغل بعد 3 اسابيع على طول. بالنسبة للمقابلة.. مفيش مقابلات مع قنصل ولا حاجة. هما شباكين.. عليهم اتنين ستات موظفين مصريين كنديين مستعبطين. الشباك التالت بتدفعى فيه الفلوس. الاسئلة بتبدأ بالانجليزى.. مش فاهمة, هى هتقلب عربى لوحدها. يعنى مثلا فى مقابلتى كان فيه كلمة مفهمتهاش.. قامت قالتهالى بالعربى.. و قمت رادد بالانجليزى و كملنا عادى بالانجليزى. هتسألك شوية اسألة عادية جدا.. بس مش هى اللى بتاخد القرار.. ولا بتساعد فيه. مجرد موظفة بتملى البيانات اللى قدامها عالكمبيوتر و خلاص. القرار فى ايد القنصل فقط.. و ده مش هتشوفيه ولا هتحتكى بيه اصلا. علشان كده بأكد عليكى انك تحطى اكبر ورق و معلومات عنك ممكنة, علشان القنصل يقدر ياخد فكرة مظبوطة عنك, لانه مش شايف قدامه غير شوية ورق. نادر جدا انهم يطلبوكى لمقابلة بالمعنى المفهوم.. خصوصا انها تأشيرة زيارة و مسألة الرفض دى بجرة قلم و بضمير مستريح. هما فى دماغهم و فى قانونهم ان اى حد بيقدم ناوى يهاجر.. ولازم القنصل يبقى مستريح نفسيا ان مفيش حاجة غلط. و بصراحة هما عندهم حق.. لان الوضع فى كندا مخنوق و مش ناقص.

ما هو المشكلة ان انتى معندكيش التزامات مادية او اجتماعية.. علشان كده مفيش حاجة تجبرك انك ترجعى.. ده من وجهة نظرهم. كمان وجود اخوكى ممكن يسبب مشكلة لانه هيكون دافع قوى انك تقعدى. يعنى هى ميزة و عيب فى نفس الوقت. لو فيه حد تعرفيه عنده شقة, خليه برضه يكتب لك عقد ايجار كده و كده على انه مكتب, و خليه يعمله بتاريخ قديم شوية.. يعنى 9 شهور مثلا.. و خلى مدته 5 سنين مثلا. و قولى لهم فى السفارة انك بتشتغلى فى المكتب ده كشغل جانبى و ان ده خاص بشغلك انتى.. و خدى معاكى العقد ده زائد عقد تمليك الشقة. لو فيه اشتراك نادى او عضوية فى مكان زى رسالة او اى مكان تانى, برضه الحاجات دى بتحط عامل... برضه روحى اضربى لك عضوية فى اى حزب بس يكون محترم.. و اكيد هما ما هيصدقوا و هيعملوا لك العضوية على طول. لو معاكى قرشين مش محتاجاهم لمدة سنة.. يعنى مبلغ 5 الاف مثلا.. روحى اعملى كريديت كارد.. هتفيدك برضه. برضه خلى صاحب الشغل يكتب فى الورقة اللى هيديهالك انهم موافقين انك تروحى كندا و ترجعى و انهم محتاجين خبرتك ضرورى و ميقدروش يستغنى عنها... الحتة دى ضرورى جدا, لان ده معناه ان شغلك عارف انك هتسافرى و انك واخدة اجازة و ان مكانك فى شغلك مضمون. لو خطاب الشغل متعملش بالطريقة دى, نسبة انك تاخدى التأشيرة هتقل.. و خليه يكتب رقم معقول.. زى الفين جنيه مثلا. و ماتنسيش تاخدى تأشيرة تركيا.. سهلة جدا و لو قطة معدية فى الشارع بيدوهالها. :closedeyes: مهمة جدا علشان يشوفو ان الباسبور مش ابيض و ان فيه تأشيرة قبل كده. كل الورق لازم يكون مترجم ترجمة بختم مكتب. فيه مكتب ترجمة كويس فى عمارة رمسيس.. الدور التانى تقريبا.. الورقة ب30 او 35 جنيه. بمجرد ما الورق يتترجم, ممنوع منعا باتا اى ختم او كلمة تتضاف و الا هتعتبر تزوير و الورقة هتبقى باطلة. اى اختام عايزة تعمليها, اعمليها قبل الترجمة. اوعى تتهاونى بالكلام اللى انا كاتبه فوق ده.. هما ميعرفوكيش.. هما يعرفوا بس الورق اللى قدامهم. كل ورقة بتعبر عن حاجة فى حياتك عندهم.. و بتكون الصورة.. لو فيه ورقة مش موجودة, الصورة بيبقى شكلها وحش و مشكوك فيها. هو الانسان ايه غير شوية ورق فوق بعضيهم؟ المقابلة بتكون من 8 و نص ل10 و نص الصبح.. بس اتاكدى من الايام على موقع السفارة. بتروحى من غير تحديد معاد و تستنى فى الطابور... و تاخدى رقم و تدخلى عادى. بيتأكدوا انك عاملة الابلكيشن صح و معاكى الورق كله مترجم.. اى ورقة مش مترجمة مش هتتقبل. فيه حاجة تانية برضه هضيفها بس المشاركة الجاية.

كنت ناوى اهاجر و كنت عايز اروح اشوف البلد عالطبيعة.. لكن ماكنتش اعرف حد هناك بشكل شخصى. شغلى مكانش فيه مشكلة.. الكلام ده من 3 سنين و وضعى كان مختلف عن دلوقتى و ماكنتش مظبط الدنيا كويس. بعديها على طول قدمت على هجرة علشان اختصر.. كانت وقتها الهجرة مفتوحة لكل الناس... لو صاحب الشغل عامل تأمينات.. خليه يأمن عليكى افضل و قولى له انك هتدفعى المصاريف. لو مش عامل, اقنعيه انه يعمل رقم منشأة و يسجل فى التأمينات و انك هتدفعى المصاريف.. مش كتير غالبا هتبقى مبلغ صغير. اللى فهمته ان شغلك outsourcing/freelance لو كده, ممكن انتى كمان تعملى سجل تجارى و بطاقة ضريبية و دى هتعتبر رابط كويس هيفيدك بعد كده عموما, بس طبعا لازم تتابعى الاقرار الضريبى بتاع كل سنة.. هو ده العيب الوحيد. و هيبقى اسمك مديرة شركة و تقدرى حتى تغيرى الباسبور للوظيفة دى.. كنا بنعملها زمان علشان نقنع السفارات اننها مهمين و كدهون :closedeyes: و يا سلام بقى لو تعملى حساب بنكى باسم الشركة و تحطى مبلغ كل شهر... بس طبعا فى حدود المعقول علشان الضرايب.

الصورة اتمسحت من عالسيرفر.. انا رفعتها هنا اتاشمينت.

الورقة دى نفس الورقة اللى عندى بالظبط مع اختلاف بسيط