كلمات

أين أحلامي....... أين كلماتي...... أين أنا من هذه الدنيا.......

أيها الخوف الجاثم فوق لحيظات الأمل في حياتي أرحل واترك للأمل ولو فرصة واحدة للتنفس...... لعله يحيا...... صباح الخير ????

أستخدم هذا البرنامج imovie ولكنه ليس بجودة وإمكانيات الmovie maker

بعتذر منكم ما شفت ردك غير بعد ما اعتمدت ردي وعلى قولة الاستاذة لماضة يعني عندك موقف وتاركتينا عم نعصر بذاكرة المواقف الملقاة في حيز النسيان بصراحة موقف بايخ لأقصى درجة وأعجبني رد فعل الاستاذة لماضة لو وضعت بنفس الموقف عن نفسي لو وضعت بنفس الموقف أكيد راح أمشي بمنتهى الهدوء وأكيد بالسيارة راح أضل أبكي من الاحراج لأني ما راح اكون كلمات لو ما بكيت لكن الأكيد انه لازم ثاني يوم أتصل وافهم منها الأول سبب تصرفها الغير لائق تماماً وبناء على أسبابها راح يكون عتابي لها وحديثي معها لأنه كثير مهم أفهم سبب هذا التصرف وخاصة لو أني غير معتادة منها على تصرفات غير مسؤولة لكن لا تتركي شي بقلبك حاكيها وافهمي منها وبعدين خدي موقف مناسب ويعني بعتذر لو كنا قلبنا الموضوع مزح وأنت في بقلبك غصة من هالموقف

ههههههههههههههه طيب كلمة اقهقه اصبحت قليلة عاللي هلأ بعمله هههههههههههه عشقت اللهجة المصري على ايديكِ بس هو سؤال من زمان نفسي أسألك اياه أنت فعلاً فعلاً شفتي كل هالوشوش بالافلام يعني عندك لكل موقف وش ما شاء الله حافظة الافلام وش وش ههههههههههههههههههههه والله أنا كل ما أكتب رد بقعد أراجعه ساعة لأن قوانين المنتدى عندكم صعبة وكل شي ممنوع وأنا مازلت عضوة جديدة ما بدي لفت نظر من أولها لكن غصب عني لازم أرد يعني تناديني وما أرد عيب علي وهل مصلك لا يرد عليها بالنوسبة للبسس فأنا تخليت عنهم مع الأسف الشديد بسبب موضوع البساية والبس وعاوز يتزوج وعاوز يطلق وعاوز يخلع وعاوزة نفقة أظن فهمتيني :closedeyes: ولحتى لا يحكوا علينا قلبنا الموضوع دردشة راح احكيلكم قصتي مع البسس والكلاب وكل الحيوانات اللي زوجي بيعشقها هاد يا ستي العزيزة (قلبتها قعدة مصاطب) مرة كنا في زيارة لصديق زوجي وزوجي عارف اني عندي فوبيا كائنات الأربع أرجل يعني بخاف بشكل مبالغ فيه المهم ولأنه عارف ولأني لازم أزور معه فطبعًا بدهاء الزلام ما حكالي وأنا بطيبة وسلامة نية النساء واقفة قدام باب الناس وعاملة لحالي برستيج ويا أرض انهدي ما عليكِ قدي وترن ترن (هاد زوجي بيرن الجرس ) تشك تشك (هاد الزلمة بيفتح الباب) هو هو هوهو (هاد كلب بينط علي بيقدم واجب الضيافة) واء واء واااااااااااء (هاد أنا ببكي وبركض جواة الاسنسير) هاد الموقف باختصار انه السيد صاحب السيد زوجي بربي كلاب فقام شو السيد زوجي ما حكالي انو عندهن كلاب لحتى لا ارفض الذهاب معه وقام شو كمان ما حكالهن لحتى يتصرفوا بالكلاب حتى ذهابنا قال شو حضرته بحب الكلاب وبده يلعب معهن وبما اني ذوق هههههههه قلت يا بنت الحلال امسكي حالك عيب هيك لا تحرجي حدا واستعذت بالله من الشيطان ودخلت بصراحة المضيفة كانت بقمة الذوق ولمن عرفت بمشكلتي حبست الكلاب اممممممم انا ما حكيتلكم هدول ما طلعوا كلب طلعوا تنين كلب ومرته بس عشان النسوان ما بيطلعوا براة البيت استقبلنا هو لحاله المهم حبستهم جواة الحمام وهدول أجاركم الله هوهو هو هوهوهوو قاعدين على سيمفونيه هوهويه فظييييعة وغير تكسير بالباب المهم طبعاً المضيفة كانت قلبها منطوف على كلابها فقلت أكمل الذوق تبعي وطلبت منها انه تخرجهم من الحمام يعني حرام (وطبعاً انا وقتها كنت لساتني ما ربيت بسس وعرفت المعاناة اللي بيعانيها المضيف عندما يأتيه ضيف يخاف من ذوات الأربع) وبالنتيجة لطلبي كانت الكلاب قاعدة بحضني بتتأنس وأنا مافي غير لزقت بزوجي وصرت أعيط بصوت مكتوم ودموعي على قولة بابا أربع أربع وشوي الموضوع زاد الكلب صار بده اياني الاعبة وبده امسح عليه وهنا كان الانهيار وااااااااااااااااااء بدي اروح حرام عليكم روحني أرجوك وعياط بصراحة حطيت الناس بموقف سخيييييييييييييييييييييف أصلا ما قهرني شي قد زوجي انه عارف قديش بخاف وكان لو الكلب بعد عنا ينادي عليه كأنه متعمد بس المهم طبعاً المضيفة بسرعة بعدتهم وخمس دقائق ولا زوجي مرة اخرى هاتيهم يسلونا وصاحبة يقوله اه والله كان بيسلونا اتسلت عليكم(*%$#@&* يا بعدا المهم طبعاً المضيفة الله يباركلها مارضيت بتاتاً البتة وقالت بعد الدموع اللي شفتها مستحيل أطلعهم بصراحة كانت قمة الذوق بس لحد هلأ ما بنسى انو زوجي كان عارف بمشكلتي وطنش وقال لمن روحنا بحكيلي أنت خفتي يا حبيبتي طبعاً كان الرد هو الصمت المطبق لأنه ما في رد غير كمية جديدة من الدموع اهئ اهئ

هههههههههههههه والله الناس راح تحكي عني مجنونة من شدة القهقهة حلوة قهقهة أنا قرأت الموقف الاول ولسه هلأ ت شفت الثاني عنجد أنت رهيبة طريقة صياغتك للحدث مهولة ههههههههههههههههههههههه بينك روز شكراًالك كثييييييييييير لسببين اولا انك بتعتبريني مثل صحابك في المحاورات بشكل عام بحب دايماً أحادث الناس بلقب حتى يأذن ليه بمناداته بدون لقب وثاني شي انك ادخلتي السرور لقلبي بعد ما كنت ببكي عنجد ضحكتوني من كل قلبي ولاتخافي ما في مواقف مشينة مثل الموقفين السابقين أنا كل مواقفي محرجة بس هدول كانوا غير شكل لهيك حكيتهم لأنهم معلمين معي كثير وكان في احتمال كبير يعملوا بوجهي بس لولا انه زوجي مسك أعصابه ومازلت مصرة ان طباخ السم ذواقه وراح تذوق يعني راح تذوق الجيش بيقولك اتصرف هههههههههههه (وش واحد بيقلد لماضة)

ههههههههههههههههه ضحكتيني من كل قلبي يا أستاذة لماضة عنجد أسلوبك فظيع أصلاً اختيارك لأسمك موفق جدي جداً بس عادي يعني غريبة أنه اتحسس من كلمة لاجئين على طول كلنا بنحكيها ببيوتنا يلا منيح نبهتينا لا نحكيها مرة قدام حدن ويزعل خلينا ننتبه على حكياتنا شكلي أنا اللي بدي أضل لاجئة بهاد الموضوع لحتى أضحك من قلبي الله يسعدكم دنيا وآخرة يارب

شكرًا على ترحيبك المذوق مثلك الموقف الثاني كان بالبيت عندي كان عنا عزومة لأصحاب زوجي وزوجاتهم وأنا بربي قطط في وحدة منهم بتخاف من القطط جدًا وأنا عندي حمامين بالبيت واحد خاص لكن القطط بتعرف تطلع منه لأنهم قطط صغيرة وفي فراغ بين الباب والأرض بيضلوا يدحشوا حالهن تا يطلعوا وكل شوي والاقيهم تحت أجرينا المهم رحت اتفصحنحت وقلت احطهم بحمام الضيوف يعني لمن حدا يطلب الحمام راح اطلعهم وفتت عالمطبخ أخلص شوية أشياء طبعاً البسونات الصغيرونات فضحوني ومياو مياو مياو وشوي وصاروا هو هو هو وبعدين ماء ماء ماء وفجأة الصوت اختفى (طبعاً كل هاد وأنا بالمطبخ بعك) طبعاً قلت بس البسس انتحرت الحق يللي بتلحق وبمنتهى الثقة بفتح الباب ونظري مسلط على أرضية الحمام بالطبع لم أر البسس لكن شفت حذاء رجل طبعاً لم أجرأ على رفع رأسي كل اللي عملته سكرت الباب على صريخ زوجي لأآآآآآآآآآآآآ يوسف جواااااااااااااااااا بس بعد ما وقع الفأس عالرأس طبعاً أنا حتى صوتي ما طلع وأنا عم قوله أنا كنت بتطمن على البسس بسس مين هاد أنا اللي بسس من الآخر كلمة بايخ ومحرج قليلة عاللي صار غير موقف زوجي اللي كان هاين عليه يقتلني بس الحمدلله بوقتها الزلمة كان واقف قدام المغسلة بيغسل ايده الحمدلله يارب طبعاً اللي حكالي اياه انه يوسف طلب الحمام فزوجي راح شال البسس وحبسهم بغرفة والزلمة دخل وأنا فكرت البسس صار معها شي لأنه فجأة سكتت لكن وللأمانة عمري ما تذكرت هالموقف وضحكت لأنه عنجد أبيخ من البياخة كثير سخيف بس طبعاً أنا قلت خير وسيلة للدفاع هي الهجوم ومسكت زوجي كيف ما تخبرني انك شلت البسس بصير هيك حطيتني بموقف لا أحسد عليه طبعاً كان الرد كالعادة أنت اللي مسطولة وفاقدة التركيز و.... و...... و...... وصرت كل ما أقابل مرته أقوللها أنا بعتذر والله ما كنت بعرف ههههههههه واللي بحمد الله عليه انه هو تقريباً ما انتبه انو في حدا فتح عليه الحمام وبس هاي موقفين كانوا كثير معلمين معي من سخفهم وأول ما أتذكر شي موقف راح احكيلكم على طول الواحد محتاج لجرعة ضحك بس أنت يا أستاذة بينك روز ما حكيتيلنا شي موقف بحكوا طباخ السم بيذوقه

أحييكِ على هذا الموضوع الخفيف اجى بوقته أبدأ أنا وأحكي عن المواقف المحرجة في حياتي اللي بوقتها الواحد بيحكي ياأرض أنشقي وابلعيني بس بعد مدة لمن بنتذكره بنضحك ممن كل قلبنا راح أحكي موقفين بايخين وبأماكن أبيخ :blush2: الموقفين بيخصوا الحمامات أكرمكم الله مرة كنت بمطعم ودخلت الحمام المهم محسوبتكم حولة درجة أولى وفاقدة :blink: التركيز بشكل غريب المهم دخلت لقيت الحمام فاضي ولفت نظري انو كثير سيئ يعني مو نظيف وأقول ياربي عنجد غريب المكان كثير راقي وحمامهم هيك عنجد ياي المهم واقفة قدام المغسلة لقيت ولد صغيرون داخل يعني بحدود 13 سنة رحت مأشرتله بأصبعي علامة تحذير بصحبة ابتسامة مشجعة قلتله طق طق مو هون الحمام الثاني وأشرتله جهت حمام الرجال الولد راح مطلع في شذرا وطلع بمنتهى التعجب قلت بسري ياربي ناس عجيبة wst:: وشوي وسمعت أصوات نقاش على باب الحمام طلعت وأنا معصبة كثير ولقيت صف رجال على اليمين والشمال ( يعني مو صف صف يادوب 2 ومعهم الطفل وجرسون من المطعم) رحت مطلعة فيهم همه كمان شذراً وأوفت شو في.... : md2:big_boss: راح الجرسون قاللي (ده حمام الرجاله حضرتك)أن أن آآآآآن jdw:: بصراحة وقتها حرارتي ارتفعت من شدة الخجل وحسيت في طنين بأذني وخاصة اني كنت بحكي معهم من طرف أنفي وقدامي واحد ومرته بالطاوله اللي قدام الحمام حسيت وقتها انه كل العالم بيطلع علي :sofa: بس الحمدلله مرقت على خير اعتذرت بس برضة من طرف أنفي اوماي جاد سوري سوري وهرولت هرولة لا إلى الطاولة بل إلى باب المطعم لكن هل أتعظ أبداً عملت هالحركة مرتين بعدها وطبعاً مع احترامي للرجال كان معرفتي بأنه هاد حمام الرجال مبرر قوي لسبب حالة الحمام المزرية وقال أنا اللي كنت بدي ألفت نظرهم على نظافة المكان طلعت أنا اللي بدي لفت نظر ومن وقتها وبعد المرتين اللي بعدها صار زوجي يروح قادمي ويأشرلي على حمام السيدات ويتأكد اني دخلت وبعدين يرجع لمكانة بس الذنب مو ذنبي الفستان اللي بالصورة اللي على الحمام مو مبين منيح انو فستان شو أعمل أنا خمس دقائق وأرجع أحكيلكم الموقف الثاني :coffeenews: مع الأسف برضة اله علاقة بالحمام :-(

أستاذة بينك روز حرام عليكِ والله بكيتيني ما كتبتيه ما هو إلا شعور مصري محب بصدق من فارق بلده يشعر تجاهها بحب صادق بحب مخلص ذاق مرارة البعد عن الحبيب فزاد عشقه وهواه يارب احمي مصر يارب احمي مصر يارب احمي مصر مصر غالية علينا أتمنى منكم انو مثل ما قالت الأستاذه لماضة تأخذوا هدنة مع أنفسكم لأنو بالفعل المشاعر مضطربة وحزينة ومتشتته ومازال لا أحد يعرف أو حتى يفهم طبيعة ما يحدث فلا تخسروا بعضكم البعض واعلموا ان الهدف من كل هذا هو بث الفرقه والتشتت بين الشعب هل تتخيلوا منظر الشعب المصري أيام الثورة وهو متحد وأكفهم جميعاً متحدة هل تتخيلوا هذا المنظر ما فعل بأعداء مصر الكُثُر والله ما يحدث ما هو إلا مخططات تنفذ بمنتهى الحنكة والهدوء والشعب ينساق ورءها نستحلفكم بالله ان تكونوا أذكى من هذا يارب احمي مصر وشعب مصر يارب يارب يارب لجأنا لك فلا تردنا يارب استحلفكم بالله هدنة مع النفس نريد منكم تهدأة الناس وتوعيتهم لا أن نزيد إشتعال الموقف والله هو المنتقم من كل من يريد بث الفتنة والفرقة والله مطلع وشاهد وعالم استغفر الله العظيم يارب وأتوب إليك

ما شاء الله أكثر من رائع أفكار مميزة يظل الأثاث الكلاسيكي له رونقه بصراحة الصور غيرت رأيي تمامًا باللون الذهبي والأصفر أعجبتني الصالون الذهبي مع غرفة الطعام و...... بصراحة معظم الصور رائعة وأفكر ممتازة جاءت بوقتها بالنسبة للحمامات أكرمكم الله فلم تعجبني كثيرًا فمعظمها يعتمد على المساحة التي قلما نجدها ولكن بشكل عام صور مميزة وموضوع مفيد ننتظر الإضافات وإن شاء الله متابعة لم يسمحلي رصيدي بالتقييم مع الأسف

بصراحة بما أني عضوة جديدة وليس لي مواضيع فلم ألحظ هذه الظاهرة لكن هذا الأمر ملاحظ بكل المنتديات تقريبًا وبس اللي لاحظته هنا أنه الاقبال شديد على مواضيع بعينها من مسببات الاحتقان و النقاش الحاد الذي قد يصل إلى الخلاف أتمنى تكون ملاحظتي هيذه ليست بمحلها أما المواضيع العامة أو الإصلاحية أو حتى مواضيع التي لا جدال فيها فنجد رد أو ردين والسلام عليكم أتمنى أن يكون الوضع العام في مصر والعالم العربي هو السبب في ذلك وأن لا نكون نحن العرب قد أدمنا أسباب الخلاف وابتعدنا عن الأهداف الحقيقية وهي البناء والتجمع والتوحد على كلمة واحدة فنفيد أوطاننا وعالمنا العربي بشكل عام لا أعرف إن كان ردي هذا خارج الموضوع ولكن وجدته المكان المناسب لما يطرق بالي الآن

ههههههههههههه طبعًا أكيد عارفة سبب ضحك اللي بيشوف هالمنظر لابتوب وسلة خضرة منظر متناقض تمامًا بس مشكلتك كلنا أكيد واجهناها لأنه فعلاً الجهاز بيسخن لو حطيناه على سطح لايسمح بتهويته المهم أنا كنت داخلة أقولك على الطاولات اللي بتحكي عنها الاستاذة مغتربة بديل ممتاز وكمان أسعارها بمصر مش غالية في القطعةاللي هي عبارة عن طاولة بمروحة بس بدون أرجل تقريباً ب 70 جنية مصري يعني موكثير وبنفس الوقت ترحمي جهازك من الشوب وترحمي حالك من التريقة وإذا بدك حل سريع ممكن لو بتستخدمي الجهاز على طاولة تحطي على طرف الاب توب كتاب بحيث أنه يكون مش قاعد بشكل مستوي على الطاولة يكون في فراغ بينه وين الطاولة وبهيك بتسمحي للهوا بالدخول وللمروحة العمل بشكل جيد أتمنى أكون أفدتك بصراحة ضحكتيني الله يسعدك دنيا وآخرة يارب والبسمة تنور وجهك

إن كنت سيدي الكريم فهمت قصدك فعن نفسي أستخدم برنامج الiTunes في نقل الفيديو من الكمبيوتر إلى ال iPhone وإذا أردت العكس نقل البرامج من ال iPhone إلى الكمبيوتر فأيضاً بمجرد توصيلهم يقرأ الكمبيوتر التليفون ك كميرا فيقوم بنقل الصور والفيديوز بشكل تلقائي هل المقصود بتشغيل الصيغ على ال iPhone أم الكمبيوتر ولو المقصود ال iPhone فهذا البرنامج يقوم بتشغيل كل الصيغ لعله يفيدكم VLC Media Player