hanzmolar

مع اني شايف أن سوسو اللي بنتكلم عليها مظلومة ومش هيا اللي خطفت نفسها بس :hi: علي التشبيه..

أستاذ طارق ... بعد كل رد ليك علي كلامي برجع لمدخلتي علشان أتأكد من اللي أنا كاتبه ... يا أستاذ أنا مقلتش اذا اللي عمل كدا الدولة أو حد تاني لاني بصراحة معرفش ... لكن ان تكون القناة هي اللي بتشوش علي نفسها وسايبه الاعلانات علي اساس ان المعلنين في العقود اللي بينهم وبين القناة متفقين انهم يعلنوا بين فواصل التشويش فدا بجد اللى مضحك ومبكي ..... سمعت عن تسريبات البرادعي واسماء محفوظ وغيرها من المكالمات الخايبه اللي اتسجلت واتذاعت .... يا تري ايه رايك؟ يا تري مين اللي سجل ووصل المكالمات للتلفزيون؟ وهو دا مش تصرف خايب برده؟؟؟

واضح ان مش عاجبك كلامي ودا طبعا حقك و مقدرش ألومك علية .... لكن انك تطلب مني افتي في موضوع تقني علشان اثبتلك مدي ذكائي فدي حاجة صعب علي أمثالي فهمها... انا مش متخصص ومش بحب أني افتي علشان اثبت وجهة نظري .... مع احترامي لحضرتك ... واحد بيعمل برنامج نسبة مشاهدته عالية وناس كتير بتتكلم عليه سواء بالسلب او الإيجاب والإعلانات بتزيد ... يشوش علي البرنامج ليه؟ ايه السبب؟ الحاجة الأهم هي شبكة قنوات بحجم ال mbc ممكن تعمل تصرف خايب زي دا؟ الشركات الكبيرة اللي زي دي ملهاش في الكلام الفارغ دا... ونرجع لسؤالك ... انت بتقول انه مينفعش تشوش علي قناة واحدة ولازم التشويش يكون علي كل الباقة... طيب ازاي مينفعش وmbc حسب كلامك عملتها بفرض انهم هم اللي شوشو علي القناة بتعاتهم؟ والتشويش كان علي البث اللي طالع من النايل سات سؤالك التاني ان السيسي ازاي يكون خايف من برنامج؟ لو قريت كلامي ... انا مقتنع انه حد بيحاول يجامل وان الكلام ملوش دعوه بالسيسي... زي ما عمل محمد الأمين ووقف البرنامج تطوعا....

بغض النظر عن الاتفاق او الاختلاف مع اللي بيقدمه البرنامج ... بس اللي بيحصل دا هو محاكاه مصغرة لحال مصر ... جهل وتصرفات غير منطقية وتبريرات خزعبليه .... مش عارف أحزن علي مستوي ذكاء اللي بيشوش علي برنامج المفروض انه كوميدي علشان خائف منه والا أحزن علي الناس اللي بتقول ان القناة هي اللي بتشوش علي نفسها .... وعلي فكرة الهايفه دي مش جديدة والنظريات العبقرية دي طول عمرها موجودة في المنطقة .. من اربع سنين كان بيحصل تشويش علي مباريات كاس العالم اللي كانت بتتذاع علي الجزيرة ... كان التشويش وقت المباريات بس ومكانش بياثر علي القنوات التانية ... وعلطول طلع العباقرة يقولوا ان النايل سات هو اللي بيشوش علي نفسه .... بالظبط كدا زي ان mbc هي اللي بتشوش علي نفسها وان الجيش هو اللي بيموت عساكره والشرطة هي اللي بتفجر مبانيها ... المهم في الاخر اكتشفوا ان التشويش كان من الأردن .... في اعتقادي اللي بيشوش علي البرنامج عامل زي واحد عايز يعمل واجب مع صاحب الفرح فضرب نار موت العريس ..... الأغبياء اللي بيحبوا يعملوا واجب دول موجودين في كل حتة زي الفيديو اللي تحت دا .... http://m.youtube.com/watch?v=K-vdLN47dhQ

انا عندي نفس السؤال... المطلوب نعمل ايه دلوقتي؟

الزميلة الفاضلة...انا متابع غير جيد للمنتدي ولا اعرف الكثير عن اتجاهات الأعضاء وانتمائتهم الفكريه.... كلامي كان بوجه عام ومكنش موجه لحضرتك ... انا كلامي عن دعوات الحوار والتسامح اللي ظهرت الأيام دي مع فيصل من وجه نظري انا، فصيل إرهابي معندوش انتماء للبلد وإنما انتمائه لجماعته .... ممكن حضرتك ببساطة تشوفي تكبيراتهم وفرحتهم علي مواقعهم ومنتدياتهم بعد كل حادث تفجير... انا صراحة معرفش ايه هو حوار ربنا مع ابليس .... بس هو ينفع يطلب من إنسان انه يقوم بفعل علشان قام به الخالق؟ في أفعال لا يقوم بها الا الخالق ..

الكلام عن الحوار مع الاخر دا خلاني أتخيل حاجات عجيبة.... تخيل مثلا بوش الابن وهو بيتحاور مع اسامة بن لادن وتنظيم القاعدة بعد تفجيرات سبتمبر..... تخيل مثلا ضابط البوليس وهو بيتحاور حوار حضاري مع ريا وسكينه بدل ما يقبض عليهم ..... الزملاء الكرام .... مفيش حوار مع مجرمين مفيش حوار مع حد بيؤمن انه لما يقتلك حيخش الجنة

ببساطة فى ناس كتير عندها نفس الأفكار ... بالنسبة لهم مفيش دليل ينفي أو يؤكد ان فيه خالق أو اله وأسمهم الاادريين .. وبيكون ردهم علي اللي بيقول شوف الكون والمخلوقات والتناسق و التناغم وان دا بيؤكد علي وجود الخالق هو ان نشيل كلمة أله أو خالق ونحط كلمة سبب ... فيبقى كل شىء فى الحياة ليه سبب ... يعني أنت نجحت بسبب أنك ذاكرت مش بسبب ان فيه أله هو اللي نجحك ... أنت مرضت بسبب أنك كلت أكل فاسد مثلا وشفيت بسبب أنك أخدت الدواء... المطر نزل بسبب الغيوم مش بسبب أن فيه أله وهكذا ... المشكلة في الكلام دا أنه بيقول ان كل نتيجة لازم ليها سبب ودا معناه أن وجود السبب يتحتم عليه وقوع النتيجة ودا فى احيان كتير مش بيحصل ... يعني ببساطة ممكن تذاكر كويس جدا و يجي الأمتحان من بره اللي أنت ذاكرته ... ممكن تأكل أكل فاسد و متتعبش .... ممكن تأخد الدواء و متتحسنش ...ممكن السماء يبقي فيها غيم كتير والنشرة الجوية تقول أن حيبقى فى مطر في اليوم التالي و مينزلش يعني ممكن يكون السبب موجود لكن النتيجة متحصلش او تحصل نتيجة تانية غير اللى مفروض تكون ... وهنا الأنسان بيحس بضعفه ولزوم وجود قوة أعلي يلجيء لها علشان تساعده وتعينه ... فى اعتقادى فرضية عدم وجود أله أو خالق أو قوة عليا شيء ضد الفطرة الأنسانية وعلشان كدا تلاقي ان فكرة وجود الاله وجدت مع وجود الأنسان

ساعات كتير كنت بتخيل يوم الحساب والناس بيتسألوا .... -أنت بتعبد مين؟ (أكيد كل واحد بيعبد اللي يعتقد ومصدق أنه خلقه: الله, الشمس, صنم, ....) - ما هو دينك ومين الرسول اللي بتتبعه؟ (كل واحد بيؤمن ان دينه هو الصح وأن الأديان الأخري ضلال) - ما هي الطائفة التي تتبعها, سني والا شيعي والا ....؟ ( كل طائفة بتعتقد أنه هي اللي صح والباقى غلط وحيروحوا النار) - أنت أخواني و الا سلفى و الا ...؟ (سمعت مرة من واحد سلفي أن عقيدة الأخوان عقيدة فاسدة) و هكذا ... هل فعلا يوم الحساب حيبقى كدا وهل الخالق يفرق معاه انت كنت بتعبدوه ازاي؟ وكنت بتتبع مين؟ واذا كان أتباع طائفة واحدة بس فى دين واحد بس من كل الطوائف والأديان اللي موجوده هما اللي صح و هم الوحيديين اللي حيدخلوا الجنة .. ازاي نتأكد أن الدين بتعنا والطائفة بتعتنا هم اللي صح؟؟؟؟؟ بجد ازاي؟؟ مش المفروض علشان نحكم علي دا ندرس كل الأديان والطوائف اللي ظهرت منذ خلق الأنسان ونقارن بينهم؟؟ هل دا ممكن؟؟؟ هل عمرنا يكفى؟؟؟ فكره انا واتباعي و اللي شبهي بس اللي صح والباقي غلط فكرة قبلية بحتة ..... في سعوديين أعرفهم شايفين أن الأسلام بتاعهم لانه نزل فى أرضهم والرسول من عندهم وأن المصريين "خرابوا فيه" وأن الأسلام اللي فى مصر غير الأسلام السعودي الصحيح...

حضرتك تعرف حجم الخسارة المادية اللي خسرتها القناة من الغاء الحلقة (ثانية الاعلان = 300 دولار ), فقد المصداقية والدعاية السيئة للقناة, الدعوات لمقاطعة القناة اللي انتشرت ( 6 ابريل اعلنت انها لن تشارك فى اي من برامج القناة) .... الأهم من دا كلة هل البرنامج محتاج اصلا دعاية؟؟؟ ... الحلقة الأولي قلبت الدنيا والناس مبطلتش كلام عنها طول الاسبوع والكل كان مستني الحلقة التانية .. موضوع انه يكون دعاية دا حاجة شبة مستحيلة من وجهة نظري وملهاش أي لازمة

في الدولة القمعية ... وفي الدولة الفاشية ... احنا بقي عندنا الدولة العبيطة يخرب بيت الغباء علي الأغبياء ... دا وقت تمنع فيه برنامج ... أهي الناس نزله شتمة في السيسي .... احنا بنعيش في ازهي عصور الحرية

معلش انا أسف.... واضح أني مش مجمع ومش عارف أوصل اللي عايزه... "لا طبعا " كانت رد علي ان المتحاورين يكون فيهم الصفات دي ...

لا طبعا ... انا ذكرت صفات وأفعال زي ما قولت حضرتك بالظبط كدا انها "ذميمة" يعني انت كمان شايف انها صفات تعتبر شتيمة فاحبيت تتأكد انا اقصد بيها مين... انا مش بشخصن الأمور لآني مدخلتش جوا كل واحد علشان اعرف هو بيفكر ازاي ... انا بناقش افعال مش أشخاص ....

تخيلت ان قصدي واضح .... قصدي اللي ميعرفوش يتحركوا الا في قطيع واللي يحاول يطلع برا القطيع يا اما كافر او خائن علي حسب اللي سايق القطيع وتوجهه ... نفس المشاهد بتتكرر وبتنعاد للمرة التالتة