لخبطه

الاخ كيت كات اخرجت الموضوع عن اطاره تماما لم ألمح في كلام أي من الأعزاء اللى كتبوا ردود حسد أو ماشابه ماحدش دخل في نقطة الحسد كل الكلام كان على هل الراتب مجزي ولالا وطبعا الكلام كله في محله ولو سعادتك شايف ان المهندس المفروض يشتغل ب 20 الف فدا صحيح وحقهم لكن لما هما زي المدرسين والاطباء يرخصوا نفسهم ويقبلوا رواتب ب 2700 ريال يبقا مين اللى بيحسد ولا بيقر ولا ايه اصلا دخل الحسد والقر في الموضوع برجاء قراءه الردود بشكل متاني وعدم افتراض سوء النيه بارك الله لك في رزقك اخوك لخبطه حقوق 97

الطابعات 1005 تعبانه لا انصح بشراءها الانواع الافضل بالنسبه للطباعة الليزر الاسود 2015 او يمكن الموديلات الاعلي 2016 او اعلى كلها ليزاريه اسود اتش بي طبعا كلها سعرها فوق 700 ريال دي الافضل على الاطلاق في الاسود وسعر الحبر حلو وكمان فيه معبأ منه واتش بي مفضله لان حبرها في كل مكان وحتى صيانتها في كل مكان الضمان بتاعهم كان حلو لغايه 2006 دلوقتي مش الوضع ايه النصيحه ما تشتريش اسكتر بطابعه الا لاستخدام البيت لكن الحاجه العملية والحلوه لو عندك مكتب أو شركة تاخد كل واحد مستقل ودا عن تجربه 10 سنوات مع الطابعات والاسكنرات اسكنر اي نوع ولو اني عندي نوع حربي بس مش اتوقع تلاقيه في السوق لانه من 6 سنوات عندي HP 3530 معلهش نسيت اقولك ان جرير حراميه في اسعارهم ما تاخدش منهم اي حاجه كارفور حلو ولو فيه حاجه سوق زي خالد بن الوليد في جدة كدا يبقا عسل عموما تقدر تقولي الموديل اللى هتشتريه وانا اقولك اخر سعر فيه كام

منورين الموضوع ياجماعة وبخصوص السكن هنا في جدة الكل بيقول انه معقول مقارنه بباقي مدن المملكة يعني شقة صغيرة عزوبي ( لواحد بدون عائلة ) ممكن تكون اوضه وحمام ومطبخ في مكان شعبي في حدود 500 لو طلعت شويه هتبقا 700 اقصى حاجه لها 1000 ريال في الشهر لكن السكن مع مجموعة انا بفضله لانه مفيد وفي نفس الوقت بيريح شويه من الغربه ( هو ممكن يريح خالص من الدنيا smk: فيه اثنين مصريين مقتولين في سكن عزوبي من كام يوم هنا قتلهم مصري ساكن معاهم)

رائع الموضوع ووجهة النظر تستحق القراءة بوطبيعة الحال المواضيع دي ارض خصبة لجدل لا ينتهي ، بين مناصر ومناهض لكن انا لي كام ملاحظة هذكرها باختصار أرفض التحزب بين المشايخ وأن يعتبر كل طالب علمه شيخه نبي مرسل لا ينطق عن الهوى ارفض أن يتناطح العلماء والدعاة على الملاء حتى لو أخطا بعضهم فهناك طرق لازاله هذا الخطأ الشيخ أبو اسحاق من أفضل العلماء وأخلصهم على الساحة في الوقت الراهن ولا نزكيه على الله عمرو خالد داعية ذكي ابتكر اسلوب للدعوة حبب الدين لفئات معينه و أحسبه على اخلاص وإن كان فعلا يحتاج إلى كثير من التدقيق فيما يقول ، أرفض أن نعتبر طلب الناس للفتوى ظاهره غير صحيه بالعكس ظاهره صحيه أذا ما احب الانسان ان يجعل كل اموره تخضع لدينه في عالم اختلط الحابل بالنابل وكثرت الفنت واصبحت كقطع الليل المظلم

والله المره دي مش مني من المنتدي كنت رافض يدخلني من كام شهر لكن اهلا بكم وسعيد باني وافق يدخلني النهارده عايز تشتري "عربية " سيارة حضرتك شراء العربية هنا مكون من مجموعة من المراحل يعني لو حضرتك جاي جديد وحلم العربيه اللى ما قدرتش تحققه في مصر لسبب أو لأخر روادك هنا وبدأت تحوش قرشين معقولين هتلاقي تحقيق الحلم دا سهل جدا وكتير مننا بيقع في مصيدة الحلم دا اللى بنتهتي بكابوس ا : تلاقي حته BMW تاخد العقل مكتوب عليها للبيع ومكتوب سعر نهائي 5000 ريال تقرب من العربية شويه يمكن تكون 50.000 تلاقيها فعلا 5000 يالهوى BMW ب 5 الاف تخلع النظاره هيا 5 الاف يال علطول تطلع الموبايل وتشحن كارت بعشرة( في الغالب الموبايل في المرحلة دي ما بيتشحنش إلا على حسب الطلب ) وتتصل على صاحب العربيه ياعم انته في وعيك يقولك أه تقوله عايز تبيع البي أم دبيوا ب 5000 ريال يقول ك أيوه علشان الغني والفقير يأكل (يقصد ياكل على دماغه طبعا ) المهم تسأله نظيفة يحلف لك مليون يمين أنها زي الفل وانه فيه واحد عايز يشتريها منه ب 7000 بس هو هيبعيها لك ب 5000 علشان ارتاح لك وعايز يخدمك ( مش عارف بأمارة ايه ) يديك ميعاد على بكره وتبات إنته ترسم الحلم الجميل والبيت الصغير أقصد والبي أم دبيوا وعلطول تترأي في خيالك مشاهد عمرو دياب في فيلم اسماعليله رايح جاي وهو راكب البي أم دبيو ولا مشهد هاني شاكر لما عمل كليب في عربيه طويله أوي كدا وتحس أنك بينك وبين المجد خطوات قلائل ... تخلص اجراءات العربية ومع أول مشوار تغني ابتدى المشوار يظهر أول عيب في العربية وتروح لأقرب ورشة وتصعق لما تعرف أن القطع المطلوبه ثمنها اربع اضعف ثمن السيارة وينتهي الكابوس بعد ما تكون صرفت على السيارة قد ثمناه كام مره بانك تركنها على جنب وتكتب عليها للبيع سعر نهائي ( 500 ريال ، نفس السيناريو يتكرر مع المرسيدس لما تشوف الشبح ب 10 الا ف ريال ومع كل الأمريكي كلنا بنقع في نفس المطب نجيب مستعمل بسعر قليل ونصرف قد الثمن 15 مرة صيانة وميكانيكه الغريب هنا أن الميكانيكية هنا مش صنايعيه بجد زي مصر يعني اغلبهم شوربه يغير قطع علطلول ما فيش حاجه اسمها صيانه كله تغيير . حتى لما بنجيب الياباني المستعمل بنقع في نفس المطب بس مع فارق بسيط أنه الياباني أسعار القطع فيه معقوله خالص ،

الطيران جميل بس بردو الخبر ممتاز ونعمه من ربنا مش دايما بيكون الطيران سهل وجاهز ومناسب شكرا الحر على الخبر الجميل

أولاً اســـــــــــــــــــــــــــــــــــف اسف كبيرة للناس المحترمة اللى ردت على الموضوع واناولا هنا لكن عذري إن المنتدى ما بيعتش رسايل يقول أنه فيه مشاركات وبالصدفة جاتني رساله تنبيه ولقيت كتير ردود وشاكر لكم على ثناءكم على الموضوع شكرا للأساتذة لونا ترنيم وياريت أكون عند حسن ظنكم والله بحاول أكتب كام جزء لكن الدنيا زحمه في الشغل كمان بخاف منكم اكتب حاجه وتطلع أقل من السابق :) لكن ربنا يقدر

أسال الله أن يغفر له ويتغمده بواسع رحمته وجعل الله أخلاصه لبلده وغيرته الشديدة عليها في ميزان حسناتك

بلاش جرير كارفور وهايبر بنده في جدة عندهم اسعار وعروض حلوه بس دي كانت عايزه حد بيروح المولات دي باستمرار علشان يصطاد عرض حلو

بلاش السائق ......... وخصوصا في الفترة دي في منطقة مكة الجوازات ماسحة الدنيا وفي حالة السائق الخاص اللى شغال في مهنة غير السائق ترحيل ( انا بتكلم على منطقة مكة بس ) تغيير المهنة اعرف انه مستحيل ( ماقابلتش حد غير خلال ال 10 سنوات قد ريغير من سائق ) نقل كفالة السائق أسهل من نقل كفالة العامل مهنة العامل زي الفل وفرص العمل كتير وزي الفل لها والتغيير ممكن وسهل إن شاء الله ( انا مغير من عامل ) بس بردو دا من سنه الوضع إيه دلوقتي مش عارف بس اتوقع انه يكون ممكن لنك معقد شوي الله يوفقك لم يحب ويرضى

عمنا أبو سلطان منور الموضوع " اللى كنت نسيته بسبب الانشغال" وسعيد أنه عجبك الاسلوب بخصوص تمجيد الذات وانتقاد الاخرين فدا مش المقصود أبدا والله ولي هنا من السعوديين اصحاب أكثر من أخوات بل وتعملت منهم حاجات جميله كتير ........... فكرة المبالغة لازمه في توضيح الصورة ... بخصوص التليفون يشرفني اني اتصل عليك وهبعت لك التليفون في رساله لما أرجع جدة إن شاء الله الفاضل " شاب فاضل مصري " :lol:ياعم اخجلتم تواضعنا وكلامك شجعني أضيف باقي الاجزاء لكن عذرا لما تيجي الاجازة بقا لانه الدنيا هنا ملخبطة wst::

كل عام وانته بخير يارجل ياطيب بمناسبة عيد ميلادك وبمناسبة رمضان وبالعيد بالمره :huh:

ناس اخدوا بصمتهم ولما جم يدخلوا رجعوهم بس دول كان عندهم مشاكل توقعي انك ما عندكش مشاكل البصمة هتقول انك كنت موجود في السعودي مش هتقول أنك مطلوب لا قدر الله

البقاء لله نسأل الله لها الجنه ولكل أهلها الصبر والسلوان وخصوصا أبناءها صبرهم الله في مصيبتهم

تم التحميل وجزاك الله الف خير انا متابع حديث للعريفي ورجل أكثر من رائع نسأل الله لنا وله الصدق في القول والاخلاص في العمل