AbuZeyad

طبعا الظروف حاليا اختلفت عن اللي كانت عليه لما الموضوع دا بدا قبل 10 سنين معنديش فكرة عن السكن في خميس مشيط بس عموما السكن مش بيقل عن 1000 ريال شهرياً ودا بيكون في ارخص المناطق وأسواها في الغالب ودا قياسا على تجريتي في الرياض وجدة حضرتك مش موضحة كامل ظروف العقد بس خلي بالك من النقاط دي لو حبيتي تستقدمي أولادك حاليا فيه رسوم مقييمين حوالي300 او 400 ريال شهريا على كل واحد يعني لو معاكي طفلين بيكون عليهم رسوم600 او 800 ريال شهريا غير مصاريف الاستقدام نفسة 200 ريال مصاريف البيت على فرض معاكي طفلين في حدود 1500 ريال شهريا ودي أقل حاجة وهاتكون غالباً عيشة متقشفة جداً وأظن صعب أطفال يستحملوها فرش البيت لو فرضنا الاثاث كله مستعمل من 5000 الى 7000 ريال طبعا في ظل الظروف دي هايكون صعب تدخلي الاولاد مدارس علشان تضغطي النفقات، والحل البديل انك هاتذاكري لهم في البيت طول السنة ويمتحنوا في السفارة، ودا طبعا صعب عليكي وعليهم الا اذا كانت المدرسة هاتوفر التعليم ببلاش باختصار المدرسة لو مش هاتوفر سكن ومواصلات وتأمين صحي وتذاكر طيران وتدفع رسوم المقيمين ومصاريف تجديد الإقامة الراتب دا لا يصلح أبدا لعيشة كريمة لأسرة دا غير ان فيه مدارس مش بتدفع راتب في اجازة الصيف، لو المدرسة اللي قدمت العرض بتعمل كدا بلاش منها احسن وحتى لو وفرت المدرسة دا كله يبقى الراتب قليل بالنسبة لأسرة متوسطة اتمني لك التوفيق

ألف سلامة عليك أستاذ عادل شفاك الله وعافاك

راتب 2500 او 3000 مش هايفرق كتير معنديش فكرة عن الاسعار في أبها بس على فرض ان الشركة هاتوفر سكن ومواصلات وتتكفل بمصاريف الاقامة كلها وأنك مش هاتصرف غير على أكلك وشربك ممكن تفرض ان التكلفة في حدود 25 ريال لو هاتجيب أكلك من برة في اليوم بالاضافة الى 100-150 ريال موبايل شهرياً ودا أقل حاجة للمعيشة في أضيق الحدود وبعيد لك نفس النصيحة لو عندك دخل شهري يكفي مصاريفك في مصر حتى لو مش بتعرف تحوش منه خليك وبلاش تسافر

هو عموما المبلغ مش كبير لو لسة شابين في بداية حياتكم ممكن يكفي مصاريفكم مع إحتمال هامش إدخار بسيط صعب يساعدك تعمل إنجاز زي انك تشتري شقة مثلا لو عندكم اطفال في المدارس في الغالب مش هايغطي مصاريفكم حتى لو الزوجة والاولاد في مصر عموما المسالة نسبية وتخلتف على حسب مصاريف كل واحد لو عندك في مصر دخل يكفي مصاريفك بلاش السفر أحسن لأنه مش هايفرق كتير

انا مش عاوز احبطك بس بغض النظر عن كون الشركة كبيرة ولا صغيرة الراتب لسة قليل حتى بعد الزيادة وبالنظر الى ان العمل 6 ايام في الاسبوع وبعدين عمولة المكتب دي هاتتخصم بشكل مستمر ولا لفترة معينة؟ السكن في الغالب هتلاقي نفسك مع عدد من زملاء العمل ومخصص لك غرفة لوحدك او مع اخرين طبعا كل ما العدد في السكن بيزيد دا بيشكل بيئة خصبة للمشاكل اكتر انا شايف انك ماشي في الاجراءات ودا طبعا قرارك، بس حاول على الاقل انك يكون لك غرفة مستقلة في السكن علشان تضمن حد أدنى من الخصوصية والراحة غير كدا حاول تقرا نظام العمل السعودي من على النت علشان تعرف حقوقك بصورة احسن وبالتوفيق

راتب قليل بالنسبة لمهندس 5 سنين خبرة السكن في الغالب هايكون مشترك مع زملاء اخرين في االشغل ودا غير مريح عمل 6 ايام دا غير قانوني ودا معناه انها شركة قد تكون غير محترمة بالاضافة الى انه مع راتب قليل في الاساس عقد ظروفه صعبة لو متزوج... انما لو أعزب وممكن تستحمل شوية بهدلة ودي الفرصة الوحيدة قدامك ممكن تحاول بس بلاش تطول في الشغلانة دي خليها مرحلة لحد ما تلاقي حاجة أحسن

للاسف معرفش

صعب في الظروف الحالية وان كان لا يمنع انكم تسعوا فيه مواقع توظيف ممكن تساعد زي Bayt.com - indedd.com الراتب بدل السكن والمواصلات الزيادة السنوية وجود تأمين طبي مستوى عالي وتذاكر طيران سنوية هل العقد يجدد بشكل تلقائي ام لمدة محددة فقط؟ أي كلمة في العقد لازم تقرا بعناية فائقة عدم الاخذ بأي وعود شفية وكل شئ لازم يكون مكتوب في العقد المهنة هل تسمح بإستقدام الأسرة أم لا؟ ممكن تبحثي عن قانون العمل السعودي علشان تاخدي فكرة أحسن عن نظام العمل دي تختلف من مكان لآخر ومن وشخص لآخر وحسب حجم الأسرة وان كان واحد في سن زوج حضرتك في تقديري الشخصي لاني لا اعمل بالمحاسبة لا يصح ان يقل راتبه عن 10-12 الف ريال وممكن اكتر لو معاه شهادات متخصصة في مجاله نصيحة: لو زوج حضرتك وظيفته كويسة في مصر ودخلها مكفيكم بلاش يستعجل ويسافر الا على فرصة كويسة فعلا يعني تكون في شركة كبيرة وسمعتها كويسة ويبعد عن شركات المقاولات لانها في الغالب بتاخر رواتب

غالبا هتلاقيها لو دورت في حسابك البنكي في سداد الخدمات الحكومية او خلي أي مكتب سداد من عند الجوازات يسددهالك بس طبعا هياخد مبلغ مقابل السداد

الرياض بشكل عام بلد من أرقي مدن المملكة وخدماتها احسن لكن مكة تمتاز بوجود الكثير من الأجانب على مدار العام دا غير أن معظم سكان البلد شغلهم مع أجانب من كل العالم دا بيخليهم اكثر قابلية وقدرة على التعامل مع الأجانب خصوصا لما تكون ساكن في حي سياحي مثل العزيزية ويا سلام لو العزيزية الشمالية على حد علمي لا يوجد حي بهذه المواصفات كلها في الرياض بمعني ممكن تلاقي حي راقي أو حي فيه أجانب ومصريين كتير لكن على حد علمي لا تجتمع هذه المواصفات في حي بالرياض يمكن أقرب حي بمثل هذه المواصفات حي السليمانية في وسط البلد وفيه كل أنواع الخدمات (مدارس، مستشفيات) وياريت لو فيه حد قديم في الرياض يفيدنا اكتر بس المشكلة انه من الصعب انك تلاقي سكن فيه لأنه عليه طلب عالي جدا بالنسبة للأسعار في الغالب من 35 ألف فما فوق اتمنى اكون افدتك

أولا ألف سلامة على المصاب بالنسبة للتأشيرة انت بتاخد خطاب الدعوة اللى جالك من الشركة وتروح على مكتب تساهيل بس الاول لازم تاخد معاد منهم وبتحدده من الموقع دا https://www.vfstasheel.com/VFSTasheel/opsys/main/schedulingOnline# ولما يتحددلك المعاد بتروح تقدم ومعاك كل الأوراق المطلوبة حسب الموضح في خطاب الموعد التأشيرة بتطلع في 10 ايام الى اسبوعين بالتوفيق

احسن حاجة ابعت ميل لمكتب العمل وهما احسن ناس ممكن يفيدوك

عفوا استاذ خالد هو ممكن شتكي بناء على القرار دا http://www.cojss.com/vb/showthread.php?13095-%D9%82%D8%B1%D8%A7%D8%B1-%D9%85%D8%AC%D9%84%D8%B3-%D8%A7%D9%84%D9%88%D8%B2%D8%B1%D8%A7%D8%A1-%D8%B1%D9%82%D9%85-826-%D9%81%D9%8A-05-07-1395%D9%87%D9%80-%D9%80-%D8%A7%D9%84%D8%AE%D8%A7%D8%B5-%D8%A8%D9%82%D9%88%D8%A7%D8%B9%D8%AF-%D8%AA%D9%86%D8%B8%D9%8A%D9%85-%D8%AD%D8%B1%D9%83%D8%A9-%D8%A7%D9%86%D8%AA%D9%82%D8%A7%D9%84-%D8%A7%D9%84%D8%A3%D9%8A%D8%AF%D9%8A-%D8%A7%D9%84%D8%B9%D8%A7%D9%85%D9%84%D8%A9

ممكن

كانت لي تجربة سابقة مماثلة لما تحكي عنه واحد طلع لى واحد من على النت وادعى انه موظف موارد بشرية في شركة بترول وعمل لي انترفيو وبعدين بعت لي عرض عمل ب 20,000 دولار وطلب منى احوله فلوس ثمن التأشيرة طبعا عند المرحلة دي اتاكد انه نصاب واكتشف ان الموضوع دا حصل مع ناس كتير غيري السؤال حالياً هو لو انت مدفعتش المبلغ هل لن يتم توظيفك؟ يعني هل التوظيف مرتبط بالدفع؟ الشخص اللى بتحكي عنه دا على فرض انه مش نصاب فاغلب الظن ان المبلغ اللى طالبه منك يعتبر رشوة خصوصا اذا كان هياخد المبلغ علشان يخليك تتخطى من هم اعلى منك في الكفاءة وانت لما تدفع له المبلغ دا انت بتساعده انه يستمر في الفساد ومش معقول وانت بتطلب الرزق الحلال توصله عن طريق رشوة وان كنت لا افتي انها رشوة يمكن تكون محتاج تسال رجل دين نصيحة لا تدفع اي مبلغ الا اذا كان نظير خدمة مشروعة والا بلاش والله هو الرزاق