abo 3ali

عطر امراه (scent of a women ) الباتشينو طبعا قصته معروفه لناس كتير لانه اخد الاوسكار

معلش انا عندى رايى ممكن يكون مختلف شويه .. انا عندى ولد و بنت . اربع سنين و سنتين الولد فى كى جى وان و السنه اللى فاتت كان فى بريى سكول ( قبل المدرسه ) و البنت السنه اللى جايه ان شالله حتدخل صدقونى انا مش قلقان من او على اللغه الانجليزيه او اى لغه تانيه ان ولادى يتعلموها و يبقوا بيرفكت فيها كمان .. لانى واثق فى المدرسه اولا وواثق ان فى وسائل تعليميه كتير و على مدى عمر الطفل و تطوره ممكن تساعده .. طبعا انا مع الوسائل التعليميه المختلفه سواء بالرسومات او الاغانى او اى وسيله اخرى و ده اعتقد انه اصبح شى سهل و متاح و متناول للجميع مع وجود الانترنت ابنى السنه دى بيغنى بالعربى و الانجليزى و الفرنساوى ده شى جميل .. بس ده مش هدفى الاساسى هدفى الاساسى ان ابنى يتعلم لغه عربيه صحيحه نطقا و كتابتا لانى باكون مستاء جدا لما الاقى واحد او واحده بربنط فى اللغات و بيجى فى العربى و مبيعرفش يكتبه او يعمل اخطاء املائيه بابقى حاتجنن اللى عاوز اقوله انى مش خايف على ابنى او بنتى بس انا خايف على الجيل كله من ضياع لغتنا الجميله لغه القران لغه الضاد انا مثلا كنت شغال فى شركه فى مصر و كلهم خرجيين جامعه امريكيه و مدارس لغات ايشى فرنساوى على المانى . حاجه تفرح .. بس تعال شوفهم فى العربى و كتابته .. حاجه تكسف بصراحه يا جماعه اللى عاوز اقوله ياريت التركيز مع ولادنا ميبقاش منصب على تعليم اللغات الاخرى و ننسى لغاتنا الجميله و دى بصراحه حاجه بضايقنى جدا لما باشوف الاولاد و البنات مبيعرفوش عربى دى كارثه بجد .. طبعا انا عارف ان فيه نسبه كبيره من الاباء و الامهات بيحرصوا انهم يعلموا ولادهم القران من صغرهم و ده شى محمود . ياريت التركيز يبقى على العربى اكتر و بعدين انا شايف ان الانجليزى و اللغات تيجى فى اى وقت او اهميتها __بالنسبه لى بتيجى بعد العربى . انا مش حاكون . كاب . فرحان لما ابنى يجى يغنى لى فرنساوى و لا حتى صومالى انا حاكون فرحان لما يكتب و يفهم و يقراء عربى كويس معلش اعذروزنى يمكن اكون خرجت عن سياق المناقشه بس حبيت انبه و ادق ناقوس الخطر علشان الاباء و الامهات ميفرحوش ان ولادهم بيتكلموا لغات بس العربى ضايع كل عام و انتم بخير جمعيا و تقبلوا تحياتى

أهم الأحداث في حياتي سنة 2006 هي: على المستوى المهنى : الانتقال الى دبى أفضل حدث:نزولى مصر مرتين و شفت اهلى و اصحابى و فى كل مره اكون سعيد جدا و انا نازل و حزين جدا و انا راجع أفضل شخصية تعرفت عليها: اتعرفت على شخصيات كتيره جميله فى الغربه . و فى المحاورات الرافعى أفضل فيلم أجنبي شاهدته:فيلم جاك نيكلسون و مات ديمون و دى كابريو و مش فاكر اسمه دلوقتى أفضل فيلم عربي:عماره يعقوبيان - حليم ( تمثيل احمد زكى بس ) أفضل كتاب:رهبان الليل ( عن فوائد قيام الليل ) أفضل أغنية:اخدنى معك ( فضل شاكر _ يارا ) أفضل مطرب:فضل شاكر

http://www.ucmasegypt.net/Index_ar.aspx http://www.easchools.com/en/school/ucmas_2.asp الرابط الاول لموقع يوسى ماس الرئيسى فى مصر و التانى لاحد الوكلاء فى مصر انا مراتى شافت حلقه عنه فى البيت بيتك و كلمتنى عنه و عملت بحث على النت و عرفت القصه طبعا موضوع مفيد للاطفال بينمى الذكاء و المهارات المحاضرات اربعه فى الشهر . و احنا فعلا ودينا ابننا على ( 4 سنوات ) الاسبوع اللى فات . المحاضره بتبقى ساعتين و نص و بعد شهرين تلاته ممكن نقيم الموضوع و نشوف مدى الاستفاده اللى هو استفادها تحياتى للجميع

بعثه ابطال النادى الاهلى حتتوقف فى دبى غدا الثلاثاء الساعه سته صباحا و لمده ساعتين و نص ..طبعا دى دعوه مفتوحه للاهلويه اللى فى دبى و فى اى حته اللى حابين يحييوا الابطال على انجازهم و يقدموا نموذج حضارى للاستقبال و للمصريين ادام العالم احنا باستقبالنا ليهم بنقولهم شكرا .. رفعتم راسنا . فرحتونا . و الاستقبال ده اقل حاجه نقدمها لكم . يارييت كل اللى يقدر يجى ميبخليش على الرجاله اللى فرحونا فى الغربه بتحيه انا عن نفسى ان شاالله رايح و معايا مجموعه اصحابى و حاطلع على الشغل بعد كده عادى تحياتى

اه بجد و الله يا ناش هانم و شربتهم كمان عصير لب اسمر كمان ( و متسالنيش بيعملوه ازاى لانى معرفش ده سر صنعتهم باءه ) و عصير الجرجير بجد حكايه لما بيكون ساقع و تحسى فيه بلسعه الجرجير . اكتر من كلمه رائع و كمان مفيد جدا ( للرجاله اكتر ) :) عامه لو انتى فى مصر المكان ميتوهش . لو بره مصر لما تنزلى روحى هناك و جربى بنفسك و ادعيلى

يعنى مبتشربيش شاى و زملكاوى كمان .. قلبى معاك يا فتى :P ليه و انت مشربيتش عصير البطيخ ده فى مصر عند توت اكسبريس اللى فى الدقى .... فاتك كتير انصحك تروحلوا لما تنزل و تضرب من عنده طقم العصاير المحترم بتاعه و اللى منهم بطيخ . كنتالوب . تمر . لب . جرجير ( مجرم الجرجير بتاعه ) . و بقدونس .. و دوم صدقنى حتبقى مدمن للحاجات اللى عنده و بيعملهم حلو . بس ابقى افتكرنى بكوبايه جدعنه :unsure:

طبعا هو موضوع جد . و جد جدا كمان من وجهه نظرى النجاح نسبى و بيختلف من انسان لانسان و كمان بيختلف من فتره لاخرى طوال حياه الانسان ( احلام الطفوله مثلا انى احوش علشان اجيب عجله .مثلا يعنى .. احلام المراهقه انى احب البنت ديه و تحبنى _ احلام الشباب انى انجح فى دراستى و اخلص علشان اشتغل . احلام مابعد الشباب هى انى انجح فى شغلى و اترقى .و بعد كده اتجوز و اجيب عيال اربيهم كويس .. و هكذا النجاح لا يتوقف . و يحتاج فترات زمنيه لكى يتحقق . و محتاج وعى و تخطيط و تنظيم و مثابره و مشواره مالوش نهايه . يعنى مش بعد مايطلع عين الواحد و ينجح فى حاجه يفتكر ان نهايه المشوار و يقعد يحتفل باقى عمره بالنجاح النجاح بيولد نجاحات اخرى . طعم النجاح الاحلى اللى بيجى بعد الفشل . و ده معناه ان الواحد لما يقع لازم يقوم و يكمل و ميستسلميش النجاح هو الرضا عن نفسك و عن امكانياتك و محاوله توظيفها فى الاتجاه الصحيح النجاح فى قاموسى عمره ماكان مادى النجاح ان الناس تحبك النجاح لما تشوف ولادك كبروا و بتشوف نفسك فيهم و بتشوف تربيتك فيهم النجاح لما الاهلى يكون بيلاعب فرقه واقفه ادام التمناتشر طول الماتش و يجى الجون فى الدقيقه 92 النجاح بالنسبه لى حاليا و اللى بخطط له السنه القادمه انى ارجع ام الدنيا و للحديث بقيه طالما فى العمر بقيه

أظهرت حديثاً نتائج إحدى الدراسات - التي أجرتها مجموعة من الأطباء في مصر - أن نبات العرقسوس يمكن استخدامه في علاج : الربو ، والسعال الجاف ، أمراض الصدر بعامة ، وكذلك فإنه ينشط الكبد في أدائها لوظائفها ويروي من العطش . وأرجعوا هذه المزايا إلى أحتواء العرقسوس إلى كميات كبيرة من مادة ( الغليسريزين ) التي تبلغ نسبة حلاوة السكر العادي بنحو 50 مرة . وكذلك يحتوي على مواد سكرية ، ونشوية ، واصماغاً ، ومواد رغوية تماثل الصابون في خاصية إحداث الرغوة ، إلأى جانب عناصر أخرى . ويذكر أن العرقسوس يستخلص من الجذور التي تختلف نوعية استعمالها باختلاف نوعياتها ، فالذي يستخلص من الجذور العادية يستعمل شراباً يروي لهيب العطشى في فصل الصيف ، وفي موائد الأفطار ، وكذلك يستعمل في غسيل العيون . أما الذي يستخلص من الجذور الجيدة فتُحضر منه خلاصات مركزة وسائلة لتحلية الأدوية وتلطيف طعمها غير المستساغ . وكذلك يدخل في تحظير مسحوق العرقسوس المركز الذي يحتوي على : العرقسوس والسنامكي والكبريت . وكذلك تستعمل العرقسوس في الأطعمة والحلوى لتكسبها نكهة سائغة وطعماً لذيذاً . كما أنه يدخل في صناعة الألواح العازلة للحرارة ، وفي تسميد بعض أنواع النباتات ، إضافة إلى رغوته التي يحدثها يمكن أستعمالها في إطفاء الحرائق . , و ايضا ... العرقسوس العرقسوس نبات بري معمر من الفصيلة البقولية، ويطلق على جذوره (عرقسوس) أو (أصل السوس) وهو مشهور في البلاد العربية منذ أقدم العصور. ينبت في الأرض البرية حول حوض البحر الأبيض المتوسط. المادة الفعالة في السوس: هي الكلتيسريتسن، وثبت أن عرق السوس يحتوي على مواد سكرية وأملاح معدنية من أهمها البوتاسيوم، والكالسيوم، والماغنسيوم، والفوسفات، ومواد صابونية تسبب الرغوة عند صب عصيره، ويحتوي كذلك على زيت طيار. الخصائص الطبية: ـ يصنع من جذور السوس شراب (العرقسوس) وهو ملين ومدر للبول، ويسكن السعال المصحوب بفقدان الصوت (البحة الصوتية) وهو مفيد في علاج أمراض الكلى. ـ ويستعمل مسحوقه (ملعقة صغيرة مرة واحدة يومياً) في علاج قرحة المعدة والإمساك المزمن وعسر الهضم. ـ أثبتت أبحاث حديثة أن العرقسوس مقو ومنق للدم، ومعترف بالعرقسوس في كثير من دساتير الأدوية العالمية. طرق الاستعمال: لعلاج الإسهال وتليين الأمعاء يسحق 40 جراماً من العرقسوس مع 40 جراماً من زهر الكبريت و40 جراماً من الشمر و60 جراماً من السنا مكي و200 جرام من سكر النبات، يمزج الجميع وتؤخذ ملعقة واحدة مساء كل يوم لتليين الأمعاء، وملعقتان صغيرتان مساء كل يوم لإسهال المعدة. ـ جذور العرقسوس تخلط مع الجنسنغ وتغلى، وتؤخذ يومياً كشراب مقو عام وخاصة للقلب. ـ يفضل عدم تناول العرقسوس في حالات فرط ضغط الدم؛ لأنه يسبب احتباس السوائل. فوائد القهوه -------------------------------------------------------------------------------- القهوه بذورتساعد علي إستهلاك السكر بالجسم مما يقلل من إحتمال الإصابة بمرض السكر ولاسيما النوع الثاني الذي يصيب البالغين. لأن القهوة فيها مادة تحول السكر لطاقة وليس لها صلة بالإنسولين. ويمكن معها تقليل جرعات دواء السكر.والقهوة بها أملاح معدنية كالماغنسيوم والبوتاسيوم وغيرها والتي لها قيمة غذائية . وتناولها بكميات كببرة ترفع الكولسترول وتزيد نخر العظام . والقهوة لها آثار حيوية متعددة في تقليل خطر تشكل الحصى ولا ترفع ضغط الدم في المرارة. ولوحظ وجود انخفاض في خطر أمراض المرارة بنسبة 40% بين الرجال الذين شربوا ثلاثة فناجين من القهوة العادية يوميا, مقارنة بالذين لم يشربوها, وارتفعت نسبة الانخفاض هذه إلى 45% عند الرجال الذين شربوا أربع فناجين أو أكثر من القهوة يوميا .وجميع طرق تحضير القهوة أظهرت هذا الانخفاض.والأثر الوقائي يرجع إلى مادة الكافيين لا سيما بعد أن لوحظ عدم وجود ارتباط بين استهلاك القهوة الخالية من الكافيين أو الشاي بأمراض المرارة. شرب القهوة بكافة أنواعها تفيد مرضي السكر والمرارة. وقد زاد خطر إنجاب مواليد ميتة بزيادة عدد فناجين القهوة التي تتناولها الأم الحامل أثناء الحمل. وبالمقارنة مع النساء اللواتي لا يشربن أي قهوة أثناء الحمل . و زاد احتمال المواليد الميتة الى 80%عند الحوامل اللواتي يشربن ما بين 4 و7 فناجين قهوة في اليوم أثناء الحمل. أما الحوامل اللواتي يشربن اكثر من 8 فناجين من القهوة فان احتمال ولادة مواليد ميتة زاد إلى 300%. ولكن لم يجد الباحثون أي علاقة بين شرب القهوة أثناء الحمل ووفاة الأطفال في السنة الأولى من حياتهم. ويعترف الباحثون ان الحوامل اللواتي يشربن كثيرا من القهوة يدخن كثيرا من السجائر في الوقت نفسه، وربما يشربن كثيرا من الكحول. ولكن حتى عندما اخذ الباحثون ذلك بعين الاعتبار فانهم وجدوا أن شرب القهوة يؤدي إلى زيادة احتمال موت الأجنة. وليس من المعروف العلاقة بين شرب القهوة وولادة مواليد ميتة. ولكن يعتقد أن الكافيين يؤدي إلى تضييق الأوعية الدموية التي تغذي الجنين عن طريق الحبل السري، مما يؤدي إلى نقص في الأكسجين الذي يحتاج إليه الجنين في عملية النمو. وفي الوقت نفسه، قد يكون هناك علاقة بين الكافيين ونمو قلب الجنين .ولا يجوز للحوامل أن يشربن اكثر من 5 فناجين من القهوة في اليوم. ولا يخفن من نتائج هذه الدراسة ويجب أن يواصلن استمتاعهن بشرب القهوة باعتدال.والقهوة ترفع الضغط لدي الأشخاص الغير متعودين علي شربها إلا لو داوم علي شربها ليتعود علي تحمل الكافيين بها .ولايشربها المعرضون للأزمات القلبية ولا يشربون أكثر من 4 فناجين يوميا .والقهوة تسبب الأرق والتوتر والعصبية والإحساس بنوبات من الخوف . لكنها لاتسبب قرحة المعدة رغم أنها تزيد من إفراز الحامض بها مما يزيد من القرحة وآلامها.والقهوة تحتوي على حمض التنينTannic Acid ومواد مضادة للأكسدة، وهي مواد مفيدة للقلب والشرايين. و المواد التي تحتويها القهوة قادرة على تخفيف آلام الصداع و مفيدة للكبد. وقد تساعد على منع الإصابة بالتليف الكبدي والحصوات التي تتكون في المرارة. ويمكن أن يخفف الكافيين في القهوة من مخاطر أزمات الربو، كما يساعد على تنشيط حركة القلب. وتناول القهوة بكميات كبيرة قد يزيد من عصبية المرء و سرعة ضربات القلب و ارتعاش اليدين. ودائما ما ينصح مرضى القلب والحوامل والمصابون بقرحة المعدة بالابتعاد عن احتساء القهوة . لأن بها كافيين يسبب شيء من الإدمان ولاسيما مع شربها باستمرار وايجاد قدرة علي تحمل جرعات أكبر مما يجعل الشخص يحتسي كميات أكثر ليصل للمزاج والتأثير المطلوب . وللإنسحاب من إدمان القهوة(الكفايين) يتناول القهوة المنزوع منها هذه المادة المنشطة .ولو أقلع عن إحتساء القهوة فجأة يشعر الشخص بغثيان وصداع . والرياضيون يتناولون كوبا من القهوة لتحسين الأداء .لكن لوجود مادة الكافايين يعتبر من المنشطات في التحليل. وهذا أيضا ينطبق علي شرب مشروبات الكولا لوجود هذه المادة بها . وشرب القهوة 4أكواب خلال 30 دقيقة قبل المباراة يوقع اللاعب في دائرة تناول المنشطات كما تظهر في التحاليل الطبية .ولتفادي هذا الإختبار علي اللاعب تناول 3أكواب قهوة خلال ساعة قبل المباراة وهذا ينطبق أيضا علي شرب الشاي لوجود مادة الكافايين المنشطة به . (أنظر : كافيين ) . والبن يفيد في ضبط الساعة البيلوجية بالجسم ولاسيما في حالة مرض السفر jet lag المعروف . فاذا كان المسافر متجها ناحية الشرق يحتسي فنجان قهوة بعد الظهر , ولو كان متجها غربا فيحتسيه بالصباح ليتغلب علي هذه الحالة . و ايضا كثير من الناس يعتقد ان القهوه مشروب سيئ السمعه فكثيرون يربطون بينها وبين سوء الهضم وارتفاع ضغط الدم واحياناً يؤكدون انها تسبب في الازمات القلبيه ولكن الابحاث الحديثه بينت ان شرب القهوه له منافع معينه طالما اننا لا نبالغ في شربها وهناك تسع فوائد في احتساء القهوه والمهم ان خبراء التغذيه يؤكدون ان القهوه لا تسبب الاد مان رغم انها تحتوي على مادة الكافيين والان الى فوائد القهوه التسعه:- 1- انها تزيد نشاط المخ 2- تحسن المعنويات 3- تقاوم بعض الامراض مثل مقاومة السرطان -امراض القلب - ظهور التجاعيد 4-انها تزيد من طاقتك 5-تساعد على ابعاد شبح مرض(باركينسون) عنك 6- تمنع الحصوه 7-تعالج السيلولايت 8-تمنع جفاف الجسم 9-تساعد على تخفيف ازمات الربو

و بمناسبه الشاى و فصوله معايا انا معروف وسط اهلى و اصحابى ان الشاى عندى من اساسيات حياتى بمعنى الكلمه .و مقدرش استغنى عنه . فلما اتجوزت و طلعنا الهانى مون انا و مراتى تركيا و نزلنا على الاوتيل و رحنا نفطر . لقيت حله سخنه مقلوبه كده و مكتوبه عليها ( ميه سخنه ) و ( شاى ) انا مكدبيتش خبر قمت حاطط الشاى و ادوقه ( طعمه استغفر الله العظيم ) تثيل و مر و غير الشاى اللى انا اعرفه . المهم لقيت واحد جه من ورايا . اخد كوبايه حط مياه سخنه الاول و بعدين حط الشاى ( يا ولاد الارندلى ) انتم بتخففوا اصلا بالميه السخنه . المهم باظت الاصطباحه بتاعت فاتعكننت و قولت امشيه قهوه لحد مانشوف الناس ديه .. اسكت انا باءه بعد ماتعكننت . ابدا . قلت لمراتى افطرى انتى براحتك انا حاروح سوبر ماركت اجيب حاجه و جاى .. رحت جبت شاى فتله و كيلو سكر و رجعت على الاوتيل . جبت الكوبايه . حطيت سكر . و بعدين فتحت الفتله و دلقتها زى مابيقولوا و بعدين حطييت الميه السخنه . و الناس من حواليا مستغربين ايه اللى بيعملوا الشخص ده و عنها رازع يا محترم فى جيب قميصى اربع خمس باكواى شاى فتله و ماشى بكيس سكر فى شنطه المدام و اروح اى مكان فيكى يا تركيا اطلب كوبايه و ميه سخنه و افضل اعمل ادامهم اللى بعملوه ( شاى كشرى مصرى على حق ) مش العك اللى بيشربوه و من يومها اتعلمت لما اسافر بره مصر . استوك شاى عروسه فى شنطتى و اى حد اسمع انه جاى من مصر اطلب منه شاى عروسه ..و الناس تستغرب طيب اطلب اى حاجه اقولهم شاى و بس . الى ان وفقنى الله و عثرت على كنز فى ابو ظبى محل مصرى بيبيع شاى العروسه و بكده مبقيتش اطلب حاجه من مصر غير انهم يدعولى .. و شكرا ميرسى يا دنيا . دوشتكم معايا

كل المشروبات التي ذكرها الجماعة مطلوبة ولها وقتها (إلا الفودكا بتاعة رمضان طبعاً) ، على فكرة فيه واحد بتاع كشري مش فاكر اسمه في مصر، عنده حاجة اسمها (فودكا) حاولت أفهم إيه هي .. قالوا ... دي (دَقَّـــــة) بفتح الدال وتشديد القاف ... لكن رأيي زي ما قال أخويا أبو علي .. الشاي الشعب المصري .. تقريباً في مجمله ... باستناء فئات معينة ... الأصل هو أن للمصريين صديقان :: الشاي والفول صح ؟ اخونا العزيز الجميل الرافعى معك حق الشعب المصرى له اصدقاء منها الشاى الفول ام كلثوم الاهلى و الزمالك و يمكن ديه حاجات بتميزنا فى الشعوب العربيه كمصريين كطبيعه شعب و مزاجه و برضه اكيد احنا معروفين ان احنا شعب ( مزاجى ) الطابع بس خلينا برضه فى الشاى و سيبنا من ( المزاج ) ليفهمونا غلط و يقبضوا علينا :) تشرب شاى ؟

نانسى يا جماعه خدتنا لنقطه جميله جدا هى ارتباط المشروب بالحاله المزاجيه _و ده افتكر حقيقى و بياثر علينا و فينا _ و كمان ارتباطه بالجو و الفصول و ارتباطه كمان بعدد المرات اللى بنشربه فى اليوم و حجمه . و فوايده عامه يانانسى ربنا يخف من عنك الكاكاو و متشربيهوش خالص . :sad: الشاي الشاي الشاي.... أوصفلك يا حبيبي الشاي..... أنا من أكبر أعداء الشاييات أو الشاي بكل ألوانه و القهوة بكل أنواعها....... والناس دايما بتستغرب مني إزاي مصري و ما بشربش شاي, ده غير إن الموضوع ده دايما بيسببلي إحراج إن كل ما أزور حد بيقدموا شاي فابكتفي بإني أدوقه عشان ما كسفوش ولو خد باله اني ما شربتهوش يقلي ايه الشاي ما عجبكش, هوا بارد ولا ناقص سكر, ولا ولا ولا ... ولو أعدت أحلفله لتاني يوم اني مش أدر أشربه مش هايسبني إلا لما يشربهولي.... هاتقولولي طيب ما تقله انك ما بتشربش شاي, ماهو لما بقول يقوم عازم عليا بقهوة أو نسكافية, فطبعا هاقول إني ما بشربهمش فالحكاية بتنتهي إنه يجبلي بيبسي أو تانج.... و المشكله إن الأعده كلها بتبقى يا شاي يا قهوة و أنا الوحيد إلي بتبقى قدامي كباية عصير.... فابحس بإحراج شديد من الموضوع ده.... عشان كده بطلت أزور حد.... -------------------------------------------------------------------------------------------- - مشروبي المفضل - هوا بصراحة مفيش مشروب معين بس أنا يوميا لازم أشرب علبة لبن (مالح) أكتيفيا - أما ليه بأه - فده لأني بحبه و ثانيا مفيد جدا..... و بشكل عام بعشق حاجه إسمها سوبيا و تمر هندي بس مش بلاقيهم هنا كتير و خصوصا السوبيا مش بلاقيها خالص..... احييك يا دراكر على صراحتك و اسلوبك الجميل و فعلا انا حاسس بيك بس ده راجع لطبيعتنا المعروفه عنا كمصريين بحبنا غير العادى للشاى و اعتبره المشروب الاول و الاساسى فى حياتنا و يمكن احنا من اكتر شعوب العالم استهلاكا للشاى و فعلا بجد بنعتبر سوق جامده لمصريين الشاى سواء من الهند او سيريلانكا او كينيا و كمان ارتباطه فى عرفنا بواجب الضيافه اللى لازم ضيفك ياخده او على سبيل الترحيب بيك حتى لو فى السريع و صدقينى زى مابتحب الاكتيفا علشان مفيد جرب الشاى او حاول تشيله من حاله العداء لانه زى مانت شفت مفيد . و صدقنى التحول من حاله العداء لحاله الحب فى الاكل و الشرب و الحياه عموما ممكن تحصل و على كبر كمان . يعنى انا فضلت مش مستوعب فكره اكل الحمام مثلا لحد ماقاعد مره مع اصحابى و اتفقنا ننزل نتعشى فكلهم قالوا حمام قولتلهم يا جماعه ماليش فيه اصلا . على المحاضره اللى خدتها على الحمام و فوايده و الاستمتاع بطريقه اكله و شوربته قدروا يغيرويلى الفكره و رحت معاهم و كان منظرى مضحك جدا بعد ما خلصنا لانهم لقوا اكتر من ربعها فى الطبق بتاعى مش قادر او مش عارف اكله او مش مدرك ان بيتاكل . و تبص فى اطباق الرجاله . انضف من الصينى و لا اكن كان فى هنا من ربع ساعه جوز حمام راقدين فى الطبق بس تعرف فعلا حبيته و غيرت فكرتى عنه من صواميل دماغى و ابتديت احبه علشان فوايده كمان شكرا على صراحتك و صباح الفل صباح الفل يا عازفه على انغام الشاى المظبوط صح كده .. بدون كوبايه شاى مظبوطه اليوم ميبقاش مضبوط برضه لازم كوبايه و يتشاف . مش مج و طبعا انتى تقصدقى انه يفوق من ..... النوم mfb: ارفعلك القبعه يا ناش على نوعيه البن اللى بتشربيها ( البن الساده المحروق ) انا عاده بشرب فنجان منه يوميا و بلاقى ناس كتير مش عاجبها و يقولولى البن يا فاتح يا اما غامق ايه اللى انت بتشربه ده . اقولهم حاعذركم مانتم مش عارفين حاجه هو ده اصل البن و طعمه الحقيقى . صح كده يا ناش لقيت support :D صباحوا يا مانو يا رايق مع صوت فيروز على فكره انا عرفت من اصحابى السوريين و اللبنانين انهم مبيصحوش الا على صوتها مع المشروب الصباحى و مينفعش زى مابتقول انت منهم يا على و لا من الاحرار المصريين اعترف و خلصنى .. :P ايه ده يامانو قهوة ومغليه وساده شكلك اول مابتصحى بتقراء صفحه الوفيات :lol: انا بقى ياجماعة بالنسبة للمشروبات مش مدمنه لشىء واحد او معين ولابد من انى اشربه يوميا وخصوصا الشاى ممكن اوى افضل شهور لما افتكر اشرب كوب شاى لكن بحب النسكافيه والكابيتشينو بس برده مش يوميا يعنى كل يومين كدا اشرب منهم وبحب عصير المانجو مووووووووووووووت :) بس يكون طبيعى طبعا ااه افتكرت بحب فى الصيف اشرب البيبسى ويكون بارد جدا وكمان فيه قطع ثلج كده برضه يا بنت النيل و انا اللى بقول عليكى مصريه خلاصه و نيل و بتاع و شاى بالنعناع :wub: كده احنا ممكن نسحب منك الجنسيه .. باء بيجيلك قلب متشربيش الشاى بالشهور . لا و يا تفتكرى يا متفتكريش .. mfb: بس على الاقل انتى احسن من مراتى ( اللى انا سحبت منها الجنسيه اصلا و احنا مخطوبين ) :) تصدقى مبتشربيش شاى اصلا و كمان لما اقولها اعمليلى شاى بتعمله اى كلام (فعلشان كده سحبت الجنسيه منها و ابتديت اعمل الشاى بنفسى ) و بافكر اتجوز عليها :) ( بهزر طبعا ) الروقان كله ايناس هانم صباح الفل احلى صباح لفنجان القهوه البرازيلى من محطه الرمل . محسوبك برضه طلع زبون الناس الجميله دى و المكان الاجمل و نفس اللى بتعمليه بعديها التمشيه فى الرمل و صفيه و سعد . سنين كل ماروح اسكندريه لازم اختم عنده و اصبح عليه و ابتدى اسكندريه كده .. شكرا ليكى انتى انك فكرتينى باحلا ايام و اجمل ذكريات و عن اذنك حابعت اجيب اتنين دليفرى ليا و ليكى على حسابى من البن البرازيلى

الغربه حرمتنى من تانى امتع مشروب بالنسبه لى بعد الشاى .. عصير القصب ساعات كان بيبقى نفسى اجيب ماكينه عصير و قصب للشغل و اطلب من الاوفيس بوى يعملى كل شويه .. احلام قصبويه .. و انا كمان متيم زيك يا اوتاكا بعصير القصب بس حبى الاول و الاخير و نقطه ضعفى هى الشـــــــــــــــــــــــاى