لوحة القادة

بسم الله الرحمن الرحيم أخي الفاضل / أبو عمر (Time Racer ) تحية طيبة وبعد 000 أعتذر كثيراً عن عدم تمكني من إرسال رسالة على الخاص بها رقم تليفوني و رقم تليفون مقاول البناء كما أخبرتك سابقاً لأنه يبدو أن هناك خطأ ما في خاصية إرسال الرسائل الخاصة في المنتدى بعد تطويره 0 وقد يكون ذلك فيه خير لأن ما كنت سأقوله لك في الهاتف من معلومات هامة لتنتبه إليها بخصوص بعض أعمال البناء سأكتبه لك في المنتدى و على العام حتى يستفيد الجميع من هذه المعلومات بإذن الله 0 أولاً بعض الملاحظات الهامة المتعلقة بأعمال المباني :- 1 - يراعى خلط المونة المستخدمة في البناء على الناشف حتى يصبح لونها متجانس ثم يتم وضع المياه و تستخدم خلال مدة لا تتجاوز الساعة من زمن وضع المياه 0 2 - يراعى أن تتم عملية خلط المونة على خشب أو بلاستيك و لا يتم الخلط على سقف خرساني مباشرة أو سطح به أتربة و يجب أن توضع المونة و تخلط بعيداً عن أشعة الشمس و الأمطار و يجب في حالة النقل في براويطات أن تسير على أرض ممهدة 0 3 - لابد من إسترباع الغرف و تحديد أماكن الفتحات ووزن المباني مع الكمرات في بداية العمل 0 4 - يراعى أن يكون ختم الطوبة ( إن وجد ) لأعلى حتى لا تتكون فقاعات هواء و التقليل بقدر الإمكان من استخدام أجزاء الطوب 0 5 - يراعى بناء الجلسات للشبابيك و سطحها العلوي مائل للخارج بدرجة تمنع دخول مياة الأمطار 0 6 - في المباني أسفل الطبقة العازلة لابد من استخدام طوب مصمت يتحمل الإجهادات و منخفض درجة امتصاصه للمياه 0 7 - يراعى ربط المباني مع الخرسانات مثل الأعمدة بطرطشة قبل البناء بمدة كافية و يجب ربط المباني مع الخرسانات بوضع سلك شبك عرض 40 سم مثبت بمسامير صلب 0 8 - في حالة استخدام طوب مفرغ يتم عمل آخر مدماكين أسفل البلاطة المسلحة أو الكمرات بطوب مصمت و أيضاً بجانب الفتحات 0 9- المحاكيات لا تقل عن 20 سم و إذا قلت عن ذلك يجب صبها حتى بطنية العتب الخاص بالفتحة 0 أخي الفاضل : أعتذر كثيراً عن الإطالة في الرد و أستكمل معك غداً بإذن الله طريقة تنفيذ أعمال البناء مع عرض لبعض حالات أعمال غير مطابقة للمواصفات و كيفية علاجها 0 خالص تحياتي أخوك / أشرف محمد ( مهندس مراقب جودة أعمال )

كتير بيحصل وانت قاعد عالبلاج تحت الشمسية ومستمتع بموج البحر تلاقى واحدة ست بتجرى محدش شاف ابنى صغير وعنده 3 سنين وكان لابس مايوه اسمر وتلاقيها يعينى واخده الشط رايح جاى ويمكن بالخمس ست سعات ومش لاقية ابنها وقلبها يعينى هيتفتر ويتقطع مش كدة وبس انت بتلاقى اكتر من اسرة بتدور على اطفالها فى وسط الزحام فى مرة كنت لسه داخل ساحة الحرم المكى ومن ناحية باب الملك فهد والاقى يعينى طفل طالع من الباب مفزوع وبيعيط .... ابويا..... ابويا ومتجه نحية طريق ابراهيم الخليل وان حد يقدر يوقفه ابدا......... الواد مفزوع وخايف من كل الناس ...... وتحس انه ضاع خلاص ومحدش عارف يساعده والواد بيجرى فى كل الاتجاهات..... ومش بيستجيب لاى حد...... وطبعا معظم الناس وانا منهم انشغل بحاله مرة تالتة فى نص رمضان وليلة الجمعة وطبعا الافاضل اللى راحوا الحرم فى رمضان بيبقوا عارفين صحن الحرم مابين العشا والفجر بيبقى شكله ايه (يمكن اكتر من الحج) راجل محرم وشايل ابنه واعد يلف ويعيط (ايه ياعم مالك) قال مراتى وابنى ضاعوا منى (كنا ساعتها الساعة 3 ونص الفجر تقريبا) طيب اهدى كدة وباذن الله هنلاقيهم قال انا بدور عليهم بقالى 4 سعات ولكن بدون جدوى....... طيب معاهم موبيل....... لاء .......... اصلا هما مكنوش من اهل مكة.....طيب سالت الحرس..... سالتهم اكتر من مرة ومحدش عارف يساعدنى....... ومظنش ان حد هيساعده...... الله اعلم حصله ايه وعشان احنا لازم نتعلم من اخطاء الاخرين ........ فحسيت انه مهم جدا ان يبقى فيه اجراءات للخروجات بحيث يبقى عندنا حل لاى مشكلة دى بعض افكارى 1- ممكن نجيب اسويرة او سلسلة ونسجل عليها كل بيانات الوالد من اسمه وعنوانه ورقم تليفونه بالعربى والانجليزى ونلفها على معصم الطفل او حوالين رقابته او ممكن لو كارت بسيط للوالد ويتعلق بدبوس فى هدوم الطفل 2- ممكن تعمل ختم (اكلاشيه) فيه كل التفاصيل بردوا وتختم بيه على ايد الطفل لو انت خايف ان لو حاجة متعلقة فى ايده تضيع 3- دايما لما نروح مكان جديد سواء مصيف او حرم نعرف خريطة المكان وايه الخدمات المتاحة يعنى لو اتسرقت او ضاع طفلى ايه الحل اروح لمين اوكلم مين اعرف مثلا انه عالشواطئ فيه مكاتب استتعلامات وامن الشاطئ...... فى الحرم بردوا والمولات الكبيرة فى حجات زى دى........ وكمان نعرف مداخل ومخارج المكان يعنى مثلا الطفل تاه فى الحرم يبقى هنتجمع عند الاشارة الخضرا بتاعة الحجر الاسود........ عالبلاج طيب هنتجمع عند الكافتريا الفلانية........ فى مجمع التحرير يبقى هنتجمع عند مكتب مش عارف مين......... فى هيبر بندة يبقى هنتجمع عند صندوق البطاطس 4- مهم جدا وبالذات لو الطفل واعى يعنى من 3 سنوات فاكثر انك تعلمه لما يقع فى مشكلة ازاى يتصرف...... يمعنى ان الطفل فجاة مش لاقى والده طب يعمل ايه اول حاجة يهدى....... تانى حاجة ممكن تتفقوا على مكان تتقبلوا فيه لو تهتوا عن بعض (اذكر ان والدى وانا صغير جدا لما كنا بنروح المصيف قبل منعمل اى حاجة يعرفنى ايه اقرب المحلات للبلاج اللى نزلنا فيه واسمائها كمان يعرفنى ارقام اقرب برجين انقاذ للشمسية........ دايما بناخد لون شمسية مميز وليكن ازرق ولو مش مميز نعمل فيه اى علامة تميزه.... دايما فيه سين بينى وبين والدى ان عنينا على بعض كل فترة ...... زى متقول كدة بنتحسس بعض)طيب لو تهت فعلا عن المكان مكنتش بقلق لانى عارف ان هتصرف....... يعنى مكان الشمسية كان معروف ولو حتى الدنيا اسودت هوقف تاكسى واوصل لعنوان البيت مهو كمان معرفنى ازاى اوصل للبيت) 5- مهم جدا انك تعرف الواد ميسمعش كلام اى حد ومش اى واحد يقوله تعالى اوديك لبباك تروح معاه وخلاص الا لو كان حد معتمد (يعنى ظابط شرطة مثلا) (لان انتشرت اوى سرقة الاطفال ومن ثم اعضائهم) 6- مهم جدا ان الطفل يبقى حافظ اسمه بالكامل وعنوانه ورقم تليفون بباه ومامته 7- تجنبوا دايما الاماكن المزدحمة يعنى لو رحت شاطئ اختار مكان هادى ولو رحت الحرم ومعاك اطفال لما تطوف فى اطراف الصحن عشان الزحمة او تطوف فى الدور التانى ولو معاك اكتر من طفل ريح دماغك وجيب عجلة وحطهم عليها....... كمان بيبقى فيه اوقات شديدة الزحام واوقات معقولة الحجات دى مهمة جدا....... وفعلا كتير مش بيعرفوا اهميتها الا لما بيغقوا فى المشكلة ........ عشان كدة دى احتياطات بنعملها....فيه علم اسمه علم ادارة الازمات اظن كمان ان فيه افكار كتيرة للموضوع ده....... عشان كدة بفتح باب النقاش واى افكار جديدة ممكن تفيد الناس ولو حد فعلا ليه تجارب فى قصة ضياع الابناء ياريت يحكيها عشان نتعلم تحياتى للجميع

طيب و بالنسبة للاوشاعة :) بتاعت بتاعت شهادة الموقف من الجيش و ورقة التامينات لو سمحت romany هي ايه اشاعه ورقه التأمينات دي اصل انا مش باعته اي حاجه للتأمينات خالص ياريت تطمني لان الموضوع ده مخوفني

سلام عليكم بشمهندس أشرف انا شاكر جدا على اهتمامك بالموضوع وهذا ليس بغريب عليك انا متابع مجهودك الرائع فى هذا المنتدى وموفق دائما انشاء الله ابوعمر

أخواني أخواتي فلذات أكبادي اعتذر على الانقطاع ولكن كنت متابع تطورات المحاورات باستمرار اشكر جميع من سأل عني وخصوصا اختي ام جنة وارحب بكل من انضم الينا حديثا وكل من كان حوالينا ومش عايز يدخل عندنا واخيرا نورنا بوجودة معانا أما القلب الابيض بقى تجيلي على جنب علشان نتخانق طبعا انا هتخانق معاكي علشان واحشاني بس وعايز اعرف اي اخبار عنك وبعدين قلقتيني لما كتبتي عن العروسة "قدر الله وما شاء فعل " واتمنى ان يكون كل خير بس اسمحي لي اختلف معاكي حول جو رمضان يعني الايام دي لما تشوفي فوانيس رمضان في كل مكان تحسي بدخول الشهر الفضيل وبعد بالنسبة للروحانيات والصلاة والعبادة فلو جيتي معايا للصلاة في مسجد عمرو بن العاص في مصر القديمة هتحسي بفرق حقيقي . صحيح ان مساجد الكويت بتوزع عصير وبيبسي :lol: بس انا ممكن اوزع عليكي عرقسوس لو جيتي معايا . واخيرا اوجهلك رسالة قوية اللهجة : بلاش طناش علشان مش كويس علشانك md2: قولولي يا جماعة عاملين ايه في حر الكويت ؟ الجو هنا في مصر يجنن بس جالي تسمم مرتين - عادي بلدناويحصلنا اللي يحصل فيها. بس انا عايز اعرض عليكم ملاحظاتي على مصر ( الفرق بين زيارتي في العام السابق وزيارتي في هذا العام): 1 - الناس كترت في القاهرة بشكل غير طبيعي . 2 - السيارات " الكشخة " كترت اوي وتحس ان معادش في حد فقير . 3 - الشحاتين " الكشخة بردوا " كترو اوي في الشوارع وتتكسف وهو او هي بيتكلموا معاك كأنهم دكاترة . 4 - اساليب النصب اتطورت جدا وكأن في مراكز متخصصة بتعمل ابحاث لتطوير النصب والاحتيال . 5 - التوكتوك بقى يمشي في الشوارع الرئيسية بكل بجاحة وطبعا ده دليل على ان الرسوم الل بيدفعها للشرطة زادت لدرجة انه بقى ناقص يطلع فوق سيارة الشرطة وينزل من الناحية التانية . 6 - تجار الشقق والاراضي بقوا كتير جدا وبيتكلموا في اسعارغريبة والعجيب ان محدش بيستغلى الاسعار دي الا العاملين في الخارج امثالنا اما المواطنين المقيمين في مصر لما بيسمع عن قسط شهري عشرة الاف جنيه بيقول دي لقطة ويجري يشتري . 7 - المطاعم الامريكية " هارديز - كنتاكي - ماك دونالدز .... الخ " اصبح الغلابة والفقراء هم مرتادي تلك المطاعم. نكتفي بهذا القدر والى لقاء قريب بإذن الله تحياتي للجميع