لوحة القادة

السلام عليكم الأخ العزيز ممكن أعرف كام سعر متر الشقق فى التجمع الخامس فى المناطق المتميزة تشطيب كامل ونصف تشطيب بصراحة ناوي اشتري خلال الفترة الجاية وعايز اكون على نور بعد اللى بسمعه عن أنخفاض الأسعار أرجو أفادتى

اسمحولى اليوم اقول حاجة استوقفتنى كام مرة الا وهى طرقة حساب كمية الخرسانة فلقد وجدت احد الناس بيحسب الخرسانة العادية بالمتر المربع ووجدت اخر بيحسبله المقاول العمود بمتر و يحاسبه على هذا الاساس العملية جاية ازاى لما بتروح تجيب مقاول يبنى لك و يجدك تحاول تنزل فى السعر فبيتحايل بكافة الطرق انه ياخد حقه بدون ميخسر المقاولة يا جماعة حساب متر الخرسانة بيكون حاصل ضرب طول فى عرض فى ارتفاع تعالوا نحسب حسبه صغيرة لو عندى ارض بها 25 عمود و اجر متر الخرسانة 160 جنيه فى الحالة الاولى كان مصنعية العمود كانه متر ب 145 جنيه مصنعية الاعمدة = 145 * 25 ( عدد الاعمدة ) = 3625 جنيه الحالة الثانية ابعاد العمود تقريبا 30 سم * 40 سم * 3 متر طول اى حجم العمود = 0.3 * 0.4 * 3 = 0.36 متر مكعب مصنعية الاعمدة = 25 عمود * حجم العمود 0.36 * 160 جنيه مصنعية متر الخرسانة = 1440.00 جنيه قارنوا بين الفرق بين المصنعيتين

السلام عليكم ورحمه الله وبركاته يا صحبه الخير النهارده عايز احكليكم عن مغمارتي مع شركه البريد المسماه اختصار ب (الدي اتش ال) و علي فكرة الاخ اهلي عاش معايا المغامرة دي ساعه بساعه ,,,, وصلني الايميل من طرف السفارة الساعه 11:20:01 صباحا و مصحوب بتعليمات من جانب السفارة بانني لازم اتصل بشركه ( الدي اتش ال) (و علي فكرة انا هعرض ايميل السفارة هنا من اجل الافادة ) ,,,,, نرجع لموضوعنا بناء علي تعليمات الايميل اتصلت ب 140 الدليل علشان اجيب رقم الدي اتش ال و بالفعل طلبت فرع جارن سيتي ,,, المهم اتصلت بالاخ عرفته بالموضوع و هو قالي خلاص سهله المندوب بتعنا بيخوش السفارة الساعه 3 و بيطلع الساعه 4 حضرتك بس اتصل بي الساعه 5 واكيد هيبقي عندي قولتوله اكيد قالي اكيد ,,,, و توكلت علي الله علي فكرة انا من محافظه بشمال الدلتا وركبت السيارة والحمد الله كان مشور تبع الشغل المهم وصلت عند شبرا الخيمه كانت الساعه حوالي 5.25 اتصلت بالباشا انا : استاذ محمد ....... ازيك يا افندام هو : الحمد الله تمام انا : الخطاب بتاع السفارة بتاعي هو : اسمك انا : قولت اسمي و كمان رقم الملف هو : ثواني ,,,,,, غاب يجي بتاع 5 دقايق ,,, وبعدين لا والله الخطاب لسه مطلعش من السفارة انا : ( مش مصدق اللي بسمعه ) ازاي يا عم الحاج ,,, فهمني هو : قالي اصل هم ساعات الخطابات بتتاخر جوه وعموما مفيش مشاكل المندوب بتعنا هيخوش يوم الخميس ( اللي هو بكرة) من الساعه 12 و بيطلع الساعه 1 اتصل بي الساعه 1.25 وانا هعارفك انا : تعارفني ايه يا عم الحاج ,,, هو : قعد يقول حجات كده ,,,,,,, طبعا مكونتش مركز معاه خلاص انا : علشان الوقت قولتله يعني انا الوقتي في القاهرة علشان الخطاب اللي السفارة بعتتلي ايميل رسمي بانه جاهز و انت الوقتي بتقولي انه لسه مجهزش ,,, طيب يعني اجيلك يوم الخميس الباشا : ايوة انا : ربنا يسهل وطبعا رجعت قفاي يقمر عيش و مش مصدق نفسي المهم و مش مصدق اللي بيحصل يعني السفارة تبعت تقولي الخطاب بتاعك وصل والباشا بيقولي لاء اصل هم ساعات بيقول كده والخطابات بتتاخر ,,, انا مش عارف و بين الفترة و الاخر الاخ اهلي يكلمني و يقول متقلقلش وبتاع ,,,, قولت خلاص الامر الي الله ,,,, عادي ممكن تحصل . النهارد الصبح روحت الشغل و انا في الشغل لاقيت السكرترية بتقولي والدتك اتصلت بيك و بتقولك انا في حاجه كده بالبريد جيالك مش فاهمه اكيد علشان الحاجه معرفتش تفهمها كويس و بالتالي امي مفاهمتش السكرتريه و اكيد الحاحه مفهمتش من اللي كان بيتصل ,,, قولت ده اكيد بخصوص كارت البنك علشان انا فتحت حساب في بنك باركليز و هم قلولي في البنك انهم هيبعتو البطاقه البنكيه عن طريق البريد ( شركه ارامكس) اتصلت بالبنك طلع البنك مش عارف حاجه اتصلت بالخط الساخن بتاع ارامكس مشغول علي طول ,,,, طيب اعمل ايه في اليوم ال...... استغفرالله العظيم كلها ايام ربنا ,,,, المهم فكرت شوية ,,,, احنا في الشغل اللي انا بشتغل فيه بنتعمل مع الدي اتش ال بس في العاده فرع بورسعيد اتصلت هناك براجل و الله محترم جدا قالي ولا يهمك و اعطيني الرقم المركز الرئيسي بتاع الدي اتش ال اتصلت بيه ردت علي واحده المهم لسه هبداء احكي قالتلي هي : مستر ليوناردو .... انا : ايوة هي : طيب رقم الملف بتاعك كام ؟ انا : ملتهولها هي : قالتلي الخطاب تم استلامه و الوقتي الخطب عندك في محافظتك انا : معقوله ,,, بجد هي : اه والله يا افندم ,,,, هقولك خد رقم البوليصه كمان انا : معقوله ,,,, بجد هي : بتضحك و بتقولي اه والله يا افندم واتصل بالفرع بتعكو علشان تستلمه كمان اتصلت بالفرع بتاع الدي اتش ال في المحافظه و اخدت منها رقم المندوب اللي بيسلم و بالفعل كان الخطاب هو خطاب المديكال بتاعي بصرحه كنت متغاظ قوي من الشخص اللي خلاني اروح من القاهرة و قفاي يقمر عيش قولت والله للتصل بيهم اتصلت انا : الو الاستاذ محمد .... الطرف الاخر : لاء معاك الاستاذ احمد انا : الاستاذ محمد ...... موجود الطرف الاخر : لاء مش موجود ,,,, أي خدمه يا افندم انا : ايوة انا عايزكو تستلمو لي خطاب الكشف الطبي من سفارة كندا الطرف الاخر : اسمك و رقم الملف انا : قولت الطرف الاخر : رقم موبيلك علشان نبقي نتصال بيك انا : ,,, بس انا كنت قولت البيانات دي للاستاذ محمد علشان تستلمو الجواب دة من امبارح وبعدين لسه متمش الاستلام من السفارة والاستاذ بطيخ كان بيقولي انهم لسه الجواب مجهزش الطرف الاخر: خلاص يبقي الاستاذ محمد صح ابقي اتصل بينا يوم الخميس بعد الساعه 1 علشان نبقي نطمنك انا : استاذ احمد متزعلش مني انا الوقتي معايا الخطاب بتاعي المديكال واستلمته من مندوب الدي اتش ال هو انتو اتنين دي اتش ال و لا هي شركه واحد ( طبعا السؤال ده كان بصيغه تهكميه واضحه ) الطرف الاخر : انا يا افندم معرفش و الله ,,,,, احسن واحد يعرف يرد عليك هو الاستاذ محمد انا : طيب ده لو كان الباسبور كنت هفضل اجري وراه كده ,,, دا كان ممكن يضيع انتو بتهظرو و بدات ازعق و انفعلت الطرف الاخر : اكيد في حد غلط بس انا مقدرش احدد و انا مش عارف اقولك ايه انا : طيب خلاص ربنا يستر علي الباقي وقفلت مع الاخ و بصراحه انا الوقتي مش عارف ايه اللي حصل ده و بقيت خايف علي الباسبور لما هاجي استلمه يا تري انا اللي هستلموه و اللي برده الدي اتش ال هم اللي هيستلموه ؟؟؟؟؟؟ و ده بقي السؤال اللي انا بطرحه الوقتي لما احنا بنيجي نستلم البسبوارات بنستلمه بنفسنا ولا الدي اتش ال (بلوط) هم اللي بيستلموها ؟؟؟؟؟؟

للاسف جمال مبارك هو أحسن الوحشين بجد لان للاسف الشديد مصر حاليا بتعاني حاله من التخبط الغريبة وشيئ من الغموض يعني كان منصب الرئيس شيئ غامض على فكرة جمال مبارك كشخص مش سيئ ع فكرة انا سمعته لسه النهارده ف برنامج ع الفضائية المصرية وشاب كلمه بمنتهى الوضوح والولد حسيت انه محرج يتكلم وجمال طلب منه الكلام وقالها له بصراحه انهم بيظبطوك عشان تمسك والفساد بتاع العلاج باجر بالعكس جمال مبارك كان بيتكلم معاه بمنتهى الوضوح وبالعكسالولد قاله افتكر انك ف يوم هتقف ادام ربنا وهتتحاسب ادام ربنا وكان جمال مبارك مبتسم يعني بصراحه هو احسن بكتير من الوشوش اياها بتاعت كمال الشاذلي وصفوت الشريف انا لو اتعملت انخابات حرة ونزيهة وكل واحد يعرض برنامجه الانتخابي جمال مبارك وغيره وساعتها لو كسب جمال مبارك باختيار الشعب وبمنتهى النزاهة فمرحبا بجمال مبارك او غيره اما فرض فلا والف لا ومازلت بقول جمال مبارك يمكن مشكلته بجد انه ابن حسني مبارك لكن افكاره مش وحشه لكن ينزل انتخابات نزيهة وكل واحد ببرنامجه الانتخابي ساعتها نختار بقناعتنا القصه اكبر من كده يمسك جمال بس يعدلي فترة الرئاسة يمسك ان شاء واحد يجيبوه من الهند مش مشكلة بس استحمله 4 سنين ويقلب ده اللي عاوزه الدستور يتعدل ويبقى حاجه تليق بمصر اللي مليانه كفاءات يسود العدل وتكافؤ الفرص ساعتها اي حد يحكم مش مشكلة