لوحة القادة

الأولى أن نحاول هنا الحوار عن ضوابط ذاتية - و الجميع هنا على مستوى عالى من الثقافة و الرقى - لمنح نقاط التميز أو اللاتميز ما سبق كان إستهلالا لابد منه فى اليومين الماضيين خصمت نقاط راجعة لمداخلات عبارة عن علامة إستفهام فقط أو عبارة ساخرة ليس لها علاقة بالموضوع ، و منحت نقاط تميز لمشاركات أنا شخصيا لا أتفق معها و لكنها رصين و تمثل إضافة لموضوع الحوار. مع الوقت سينشأ تلقائيا فى محاورات المصريين فكر جماعى للمشاركة فى الإرتقاء و الإرتقاء المستمر بمحتوى محاورات المصريين. و ربما يأتى وقت ننشئ فيه أبواب لايسمح ببدء موضوعات فيها إلا لشريحة متميزة من ناحية عدد نقاط التميز التى أضيفت إلى حسابهم. و ربما تتطور الآلية إلى أن هناك عدد محدود من نقاط التميز لا تستطيع أن تمنح أكثر من عدد معين فى اليوم أو الأسبوع. و فى نهاية مشاركتى هذه هل ترانى أستحق نقطة تميز على هذه المشاركة ؟

السلام عليكم بلا شك اننا جميعا نسمع ونشاهد على شاشات التليفزيون والفضائيات مأساة فيضانات باكستان التى راح ضحيتها حوالى 1500 وتأثر بها حوالى الـ 20 مليون انسان. وهنا على صفحات المحاورات انهمرت الاخبار الخاصة بالمنكوبين فى باكستان ومن فقدوا بيوتهم ومتاعهم واحبائهم فى تلك الفيضانات المدمرة التى اتت على كل شيئ ، متاع ، بيوت ، ماشية وبنى الإنسان. تعجبت ان احدنا وانا منكم بالطبع لم يحرك ساكنا ولم يدعو احدنا للتبرع لهؤلاء المنكوبين ول بجنيه او بريال واحد فى حين اننا نسمع ان الامين العام للأمم المتحدة يستجدى العالم مد يد المساعدة للمنكوبين هناك. أين نحن كأفراد نحو أخوة لنا فى الجنس البشرى من العمل الخيرى سواء على المستوى المحلى او على المستوى العالمى؟ اليكم مقتطفات من الأخبار التى وردت على صفحات محاورات المصريين والخاصة بهذا الشأن. تتجه أنظار النجمة الأمريكية وسفيرة الأمم المتحدة للنوايا الحسنة أنجلينا جولي حاليا إلى باكستان، حيث أدت الفيضانات إلى مقتل أكثر من 1400 شخص، وتدمير قرابة 900 ألف منزل، وتأثر بها أكثر من 20 مليون آخرين. ناشد الأمين العام للأمم المتحدة، بان كي مون، لدى وصوله إلى باكستان، الأحد، الأسرة الدولية المسارعة لتقديم مساعدات لمنكوبي الفيضانات المدمرة، والتي تسببت في كارثة إنسانية فاق حجمها تلك التي نجمت عن زلزال عام 2005. ونجم عن الفيضانات المدمرة، الأسوأ في تاريخ باكستان، مقتل 1400 شخص وتدمير قرابة 900 ألف منزل، وتأثر بها أكثر من 20 مليون شخص، وفق سلطة إدارة الكوارث الوطنية. من جانبها، حذرت المفوضية العليا لشؤون اللاجئين التابعة للأمم المتحدة من أن الكارثة الإنسانية التي تواجه باكستان ليست هائلة فحسب وإنما متواصلة ولم تتحد أبعادها بعد. أكدت الأمم المتحدة السبت، رصد أولى حالات الإصابة بمرض "الكوليرا"، في منطقة ما زالت تتعرض لفيضانات عارمة في باكستان، والتي تسببت في سقوط ما يزيد على 1200 قتيلاً، وتشريد ما يقرب 14 مليون آخرين، ودمرت عشرات الآلاف من المنازل. وقبل ساعات من الزيارة التي من المقرر أن يقوم بها الأمين العام للمنظمة الدولية، بان كي مون، للمناطق المنكوبة بالفيضانات في شمال غرب باكستان، أكد مكتب الأمم المتحدة للشؤون الإنسانية أن ما يقرب من 36 ألف شخص من السكان المحليين، يعانون من "إسهال خطير"، يُخشى أن يكون أحد أعراض الإصابة بالكوليرا.

هو ده اللي انا بتكلم عليه تماما يا أحمد فالمواضيع عند الكثيرين تأخذ الطابع الشخصي و ليس محتوى المداخله احيانا نرى البعض يؤيد الرأي لأنه صادر من شخص له نفس الميول الفكريه و لو قال شخص آخر نفس الرأي و كان هذا الشخص يختلف عنهم فكريا فمن الممكن جدا ان يساء فهمه و يعتقد فيه كل الشرور و في النهايه اذا كانت التقييمات لن تؤدي الى اي منع لصلاحيات او حقوق فلا مانع منها ابدا اما اذا ادت الى انقاص في الصلاحيات فأنا اعترض عليها تماما بسبب اننا في مجتمع ليس كل من فيه صالحون و حياديون و اذا أخذ الغير محايد سلطة ما فإن اساءة الإستخدام ستكون من اوضح الأمور و ستظهر لكم النتائج تباعا تحياتي

عزيزتى الغالية قلب ابيض . نورتى المكان بكلامك الجميل المنور الساطع سطوع شمس الحقائق فى كل وقت .. اوعى تزعلى على اى شئ ضاع..واوعى تزعلى على اصدقاء غير اوفياء .. متندميش على ناس متستحقش .. بتقولى ياما عملوا معاكى ؟؟ ..صدقينى هما اللى خسروا. حاتقولى لى ..ايه الموقف المعكوس ده؟؟ وارد عليكى بكل خبرة السنين .. اللى خان هو اللى خسر فعلا ...خسر بمليون طريقة .. لما (( تكبرى )) تبقى ادى ... :rolleyes: حاتعرفى ان الحياة مش فلوس وبس ... حاتعرفى ان الفلوس مش دايما ...غالية . حاتعرفى ..ان ياماااا مليونيرات ...فقراء جدااااا ..ومعندهمش الا فلوس .. اللى استغل تصرفاتك العفوية بدافع الصداقة او القرابة .. ربنا مش حايسيبه .. ممكن تشوفى بعنيكى انتقام ربنا منه ( ف الدنيا ) وممكن يكون ربنا محضر له (( يوم لوحده ف نار جهنم ... واليوم بالف عام )) متتعجليش ..ولو حتى شفتى بعنيكى جزاء وقصاص عادل يتم مع هذا الشخص ...متشمتيش .. لابد يبقى قلبك ابيض دايماااا زى اسمك ... القلب الابيض بيفضل منور طريق صاحبه .. الغيظ والغضب بيؤدى لما لايحمد عقباه .. لاتتوقعى من كل الناس انها تكون زيك ... للأسف.. للأسف فعلا بعض الناس تترجم الطيبة على انها (( سذاجة )) او انها (( قلة خبرة بالدنيا )) .. اى ترجمة الطيبة ترجمات شتى ...كل ..حسب ما يهواه .. ف الحقيقة انتى بتعملى بس اللى بيرضى ضميرك . ربنا هو اللى بيكافئ الانسان مش العبد الذى لاحول له ولا قوة .. يعنى غاية المرء ايه؟؟ انسان يتعامل معاه بكل شفافية ووضوح وصدق .. وزى ما سبق وقلنا . ان الفعل او القول اللى بيكون طالع من جوة القلب ..لازم برضه يوصل لقلوب الناس اللى احنا بنحبها .. شوفى ياطفلة الايام الجميلة لما حد يطلع خاين معانا ...ويتهيأله انه ضحك علينا واستغل ثقتنا فيه .. الجدعنة تعملى ايه؟؟ تقومى وتبدئى من جديد ولا كأن حاجة حصلت ..وتحاولى تلغى الناس دى من اجندة حياتك ولا كأنها كانت موجودة ف يوم من الايام .. برضه.. فيه ناس كتير كويسة .. بس ساعات احنا بنبص للناس وبننسى نشيل الغلالة اللى اتحطت لنا على عنينا من غير ما نحس .. مش بنقدر نشوف بوضوح .. بس بييجى الوقت وبنشيل اى شئ يمنع وصول الضوء لنا .. ساعتها !! بنشوف كل حاجة صح .. كل عام وانتم بخير ... لكن؟؟ ايه رايك بقى ف الشاى بالقرنفل ..؟؟ :rolleyes:

الخاصية جيدة لو كان التقييم يتم على أسس موضوعية مثل جدّة الفكرة ورقي الأسلوب وقوة الحجة والفائدة التي يجنيها من يقرأ المشاركة. لكن للأسف في كثير من الأحيان التقييم سيكون على اساس أيديولوجي تماما ... بمعنى أن من يتبع فكر المقيم سيحصل على تقييم ايجابي حتى لو كانت مداخلته منقولة حرفيا من موقع آخر أو تضمنت قذفا وافتراء أو خلت من المنطق والعقلانية أو كتبت بأسلوب ردئ. وبالمقابل فإن المخالف ايديولوجيا سيحصل دوما على تقييم سلبي. لذلك أنا أتفهم تخوّف أخونا زهيري ... وإن كنت أنا شخصيا لا أنظر للمجموع الجبري للتقييمات التي أحصل عليها لأحكم على مشاركاتي ... هناك بعض التقييمات لها وزن أكثر من غيرها عندي ... وهناك بعضها لها وزن سالب بمعنى أنني لو حصلت على تقييم سلبي من بعض الأعضاء سأكون سعيدا وسأعرف أنني حتما على المسار الصحيح. ولكن عموما هي فكرة جيدة وتستحق التجربة.

نفسي ومنى عيني الناس تتعامل بشوية عقل مع الإعلام .. خصوصا لما يكون الإعلام ده هو إعلام العدو الإسرائيلي .. مش معقول يعني لو فيه شوية عقل عند حد فينا مستعد يشغلهم لما يجي يقرأ خبر منقول إنه يصدق إن شوية الغاز اللي مصر بتصدرهم للعدو الإسرائيلي هم دول الليى واقفة عليهم توربينات محطات الكهرباء وإن ماعادش فيه في باطن أرض الوطن غير حبة الغاز دول اللي مصر إختارت إنها تصدرهم للعدو الإسرائيلي بدل ما تشغل بيهم توربينات محطات الكهرباء لإنها مش عايزة تحس بمعاناة أبناءها الأبرار .. أكيد فيه إحتياطي غاز على الأقل شهر ونص قدام ممكن يكفي التصدير واستهلاك الكهرباء مع بعض .. يبقى أكيد السبب في إنقطاع الكهربا مش زي ما بيدعيه إعلام الصهاينة إطلاقا .. عشان لما الناس يشتروا 120 ألف جهاز تكييف زيادة في السنتين اللي فاتوا بس يبقى أكيد محطات الكهرباء الموجودة مش مكفية هوس التكييفات اللي انفجر مرة واحدة في كل بيوت أبناء مصر الأبرار حتي والمحطات دي شغالة بطاقتها القصوى .. ولما يجي حد مسؤول يقول هننظم أوقات عمل المحلات التجارية (زي ما كل اللي عايشين في أوروبا وكندا وأمريكا عارفين إن ده بيحصل عندهم وماحدش شاف إنه غلط) إحنا بنمتعض ونعترض ونشجب .. أنا مش بدافع عن الحكومة عشان أنا أكيد مضرور من انقطاع الكهربا في الشغل وفي البيت .. ومش بدافع عن الحكومة عشان عارف إن احنا كلنا معتبرينهم ولاد ستين تييت وشياطين وإن احنا اللي ملايكة ماشية على الأرض .. بس مش معقول يعني عشان إحنا مش طايقين الحكومة نقوم نستخف بعقول الناس .. يعني عيب قوي نبقى ملايكة من غير عقل .. شوية عقل ممكن ينقذوا بلد ..

يعلم الله اخى الفاضل انه كان فى نيتى فتح موضوع مخصوص عن هذه الكارثه و ليس الاكتفاء بنقل الاخبار تزامنا مع بدايه شهر رمضان المبارك و لكن للاسف مشغوليات الايام الاولى من رمضان شغلتنى عن ذلك بل و شغلتنى عن دخول المنتدى كله فى تلك الايام و انا معك فى الدعوه للتبرع لهم خصوصا اننا فى هذا الشهر الكريم و هم يقاسون هذه الظروف الصعبه فيه يمكن التبرع على حساب الصليب الاحمر على النت و ستجد ان ياهو به رابط للتبرع تابع للصليب الاحمر بجوار شعار ياهو للاسفل ستجد اسم باكستان و علامه الصليب الاحمر بالضغط عليها ستفتح لك صفحه بها اكثر من رابط لاكثر من منظمه تقدم المساعدات لباكستان السعوديه ايضا انطلقت فيها حمله تبرع اعتقد انها جنت حتى الان على ما اعتقد 400 مليون ريال مصر ايضا ارسلت مساعدات و لكن اعتقد انها كانت اقل من المطلوب اعتقد ان حجم الكارثه ما زال اكبر بكثير من حجم التبرعات الموجهه حتى الان و يحتاج منا تكثيف المساعده و التبرع لملايين يعانون من ماساه حقيقيه و تكالبت عليهم التشرد و نقص الامدادات الغذائيه و الطبيه مع الامراض الوبائيه ادعو الله ان يخفف عنهم ما هم فيه

الاخ الفاضل زهقان الحالة الشعورية والوجدانية اللي حضرتك بتمر بيها حاليا كلنا عشناها في اوائل سنوات الغربة وايامها كنا لما نرجع مصر واثناء هبوط الطائرة على مدرج مطار القاهرة كنا بنسمع اغنية " يا حبيبتي يا مصر يا مصر " بترن في ودانا وكنا بنقعد في مصر ونقول لنفسنا خلاص احنا مستحيل نخرج برة مصر تاني علشان مصر هي امي ونيلها هو دمي . وبمجرد ما نصرف القرشين ونبتدي نشحت نفكر في العودة الى الغربة مع قرار محسوم وغير قابل للمناقشة اننا نرجع لمدة سنه واحدة بس ومش هتبقى اتنين . في الفترة دي انا شخصيا كان عمري 22 او 23 سنة وملحقتش احتك بشوية السلبيات البسيطة جدا جدا اللي في مصر وعلشان كده كانت بتوحشني اوي وبحس اني لازم ارجع لها واترمي في حضنها ومش هفارقها تاني ابدا حتى لو عشت فيها اقل من عيشة الكفاف. ولكن مع مرور السنين ومع النضج ومع الاحتكاك بالسلبيات وبعد توسيع المدارك ايقنت وتأكدت ان السلبيات البسيطة جدا جدا اهم سلبية فيها ان بلدي اللي انا مازلت اعشقها هي اللي طردتني وحوجتني وهي اللي قست عليا وكأنها بتقولي انت مش ابني انت لقيط وتحولت في خيالي ووجداني الى مرات ابويا بعد ما كنت متخيل انها امي وام امي . لان بكل بساطة الام بتلم عيالها ومش بترضى ببهدلتهم وتشغيلهم خدم في بيوت الناس بالرغم من انها تملك الكثير من الخيرات والمال الوفير اللي ممكن يجيب الناس من كل مكان يشتغلوا عند عيالها. افتكرت دلوقتي حكاية طفل كنت بقابله كتير زمان وهو شحات من ولاد الشوارع الطفل ده جه يشحت مني فأنا هزرت معاه وقلت له اني غلبان ومعييش فلوس اتفاجأت بالولد مطلع 15 جنيه وبيعرض عليا اني اخدهم وبدأت احكي معاه وبدأ الولد يرتاحلي وحكالي ان امه بتشتغل خدامة في البيوت وكل ما ترجع البيت تلاقيه بيلعب تطرده برة وتقوله روح اشحت وهات لنا فلوس بالرغم من انها بتقبض مبالغ كويسة جدا . اما بالنسبة لكلامك عن عدد السكان فصدقني مصر بإمكانياتهاومواردها الوفيرة تتحمل أد ال 80 مليون كمان 3 مرات ولو كان عدد السكان مشكلة بالنسبة للدولة كان زمان الصين بقت من افقر دول العالم لأن عدد سكانها أد عدد سكان مصر دشليون مرة ومع ذلك استفادت من الطاقة البشرية وشغلتهم وفتحت لهم المجال للانتاج وبتفتح اسواق مع كل دول العالم اما في مصر استخدمنا تعداد السكان كشماعة نعلق عليها فشلنا وللأسف الناس بتردد من غير ما تفكر . انا اتفق تماما مع هيرو في كلمة فكر الفقر بالفعل احنادولة بتمووووت في الفقر والدول الخليجية اللي طول عمرنا بنعيب على تفكير أهلها وبنقول عليهم احلى كلام سبقونا بكتييييير وماشيين للأمام في حين اننا طول عمرنا باصين ورانا وماسكين في معتقدات هي سبب الخراب ودايما نفتخر بحضارتنا اللي محدش زيها واهراماتنا وابو هولنا ونسينا حاضرنا ومستقبلنا ويحضرني بيتين شعر اقرأ معي كن ابن من شئت واكتسب أدباً يغنيك محموده عن النسب إن الفتى من يقول هاأنذا ليس الفتى من يقول كان أبي ويكفينا التقارير اللي بتطل علينا كل يوم تقول اننا من اسوأ الدول في كل شيئ ( المرور - حقوق الانسان - المعيشة ) وتميزنا بمركز متقدم في تقرير واحد فقط وهو عن الرشوة والفساد فحصلنا على مركز مرموق. اخي الفاضل : مصر كلها ايجابيات - مصر هي ارضنا ووطنا وفخرنا واعتزازنا ولكن لن نغفر لها بعض السلبيات التي تعرفها جيدا ولا تستطيع اخفائها أوانكارها واهمها ان انا وانت وامثالنا بنشتغل برة مصر. تقبل تحياتي

زاش الف مبروك واقبال الفيزا قريبا ان شاء الله كنت بسالك لو تكرمت تقولنا مين احسن دكتور كويس فى الكشف الطبى وعنوانه ورقم تليفونه وكمان مين ارخص ونظام التعامل كويس ولالا ومين افضل هل الى بيكون مكان الكشف والتحاليل فى نفس العياده ولا مكان اخر شكرا السلام عليكم ورحمه الله و بركاته ,,,,, كيف الحال يا صحبه الخير ؟؟؟ الاخ استروفي اسمح لي اني ارد علي سؤالك ده انا بعتقد و العلم لله ان افضل واحد هتعمل عنده الكشف الطبي هو الدكتور صبري غالي اللي في المعادي لاسباب كتير و خلني انتهز الفرصه دي بالمرة و احكيلك كل اللي حصل معاي في الكشف الطبي باتصال هاتفي فقط لا غير حجزت ميعاد الكشف الطبي و كان الميعاد هو يوم الاربعاء قبل الماضي و اليوم ده كان موفق اول يوم رمضان الساعه 12.5 الظهر و بعدين باليل احد الاخوه ( اخد بالك يا عم اهلي) اتصل بي وقالي احنا بكرة رمضان ولازم تعرف هل الصيام ده هيأثر بالسلب علي الكشف الطبي ولا لاء ؟؟؟؟؟ انا قلتلوه لاء انا ان شاء الله هروح اعمل الكشف الطبي وانا صيام و ان شاء الله خير باذن الله ( لاسيما اني يوم الاربعاء اللي قبليها علي طول عملت مع نفسي تحليل في معمل جنب البيت علشان اطمن فعملت تحليل فيروس سي و بي و سكر عشوائي و الحمد الله التحاليل طلعت سلبي للفيروسات (سي وبي ) و السكر العشوائي كان 107 علي سلم من 70 : 140 ) . فيبقي كده انا نوعا متاكد من الحاله بتاعتي الا انه لما الاخ اياها طلبني خلي الفار يلعب في عبي قولتلهوه طيب اقفل وانا هتصل بالدكتور و اسالوه و بالفعل اتصلت بالدكتور و خليني احكيلكو المكالمه كنت ازاي انا : الو دكتور صبري ( و بالمناسبه كان معاي التليفون الشخصي بتاع الدكتور ,,, فيه احد الاخوه هنا من المنتدي اعطاهولي ) الدكتور : ايوه انا : ازي حضرتك يا دكتور عامل ايه ؟ الدكتور : تمام الحمد الله انا : دكتور انا عندي بكرة كشف طبي تبع سفارة كندا الساعه 12.5 فانا الوقتي باتصل بيك علشان اسالك بكرة اجيلك صايم و لافاطر ؟؟؟؟ الدكتور : لا اله الا الله يا بني حد قالك افطر ,,, يا عم صوم و ابقي ادعلينا معاك انا : (طبعا مش مصدق اللي الدكتور قاله لاسيما ان الدكتور مسيحي) ربنا يخليك يا دكتور الدكتور : يا اولاد انتو مصعبين الموضوع ليه كده ,,, الموضوع سهل جدا انا : طبعا وابل من الشكر و الدعاء و خلصت المكالمه علي كده و تاني يوم رحت في الميعاد بالظبط في الاول الدكتو فتح الظرف اللي السفارة كنت بعتها معايا و اتكلم معايا دردشه عاديه جدا و بعد كده حولني علي الاستقبال ودفعت 620 جنيه فقط لاغير اول عن اخر و حولتني الاستقبال عنده علي العيادة اول حاجه عملوها معايا اشعه اكس راي علي الصدر تاني حاجه عينه دم تالت حاجه عينه بول فقط لا غير خلاص يا جماعه ,,,, خلاص يا افندم طيب والتراكاينج نامبر علشان اتابع الشحنه بتاعت المديكال بتاعتي قالولي اتصل بينا يوم الخميس الجاي هنديهالك الخلاصه اولا الراجل سهل جدا و متعاون جدا ثانيا هو مكان واحد اللي بتعمل فيه كل حاجه و بكده بيقي المديكال بتاعك خلص ثالثا الرسوم كلها 620 جنيه فقط لاغير للشخص الواحد رابعا الكشف الطبي دام لمده حوالي ربع ساعه فقط لا غير اخير اسال الجميع يا جماعه يدعولي بتيسير العسير

طالما حرية التعبير مكفولة للجيمع فأنتظروني في مسلسلي القريب اللي هاقوم بتأليفه وهاسميه العصابة وهاتكلم فيه عن نشأة الحزب الوطني ... وما وصل إليه الأن بس عاوز أدور على حد ينتج لي المسلسل ... وكمان محتاج واحد محامي يترافع عني لما أتقفش .. وكمان حد يبعت لي ساندوتشات بيض بالبسطرمه وأنا جوه وكمان سجاير مش عشان أشربها لكن عشان أرشها على المساجين أصحابي ولا لأ مش هاحتاج محامي .... ده امن الدولة دلوقت بيقدم وجبات كومبو وبقوا في منتهى الحنيه ... ده مش بعيد لما يقفشوني يسفروني أكمل تعليمي بره ويدوني بوكيت ماني كمان

السلام عليكم يا جماعه طيب بعد كل الكلام الحلو عن العبور ممكن حد يدلنى على قطعة ارض فى مكان مميز بعنى على ناصية بحرى فى حدود 300 متر وياترى سعرها يكون حوالى كام ولكم جزيل الشكر أرجو الإهتمام للضرورة

الحياة فى الريف, فى البلاد المختلفة. الأخوات و الأخوة الأعزاء, طلب منى الأخ سي السيد, وعضد طلبه الأخت فيروز, أن أكتب عن الحياة فى الريف كما شاهدنها أثناء ترحالى فى الدول المختلفة. و لأن كلمة ريف يختلف معناها من مكان الى آخر, فسوف أبدا بمناقشة ما هى التعريفات المختلفة للريف, ثم نتطرق الى مظاهر الحياة فى الأماكن التى يمكن إعتبارها ريف. بعض الشعوب تطلق كلمة الريف على الأماكن التى تكون فيها الزراعة هى النشاط الرئيسى للمجتمع الذى يعيش فيها, و هذا التعريف يكاد ينطبق على الريف المصرى, و لكنى سأناقش هذه النقطة لاحقا. و البعض الآخر يُعرف الريف بأنه جميع المناطق التى تقع خارج حزام المدن, بغض النظر عما إذا كانت هذه الأماكن ذات نشاط زراعى أم لا. و معظم دول الغرب تميل الى التعريف الثانى, حيث أن الريف لا يرتبط دائما بالزراعة, بل يرتبط بالأرض الواسعة, المملوءة بالخضرة الطبيعية, و التى تقل فيها الكثافة السكانية, و التى تبعد عن المدن بمسافات كبيرة نسبيا, و هذا التعريف مقبول فى دول مثل الولايات المتحدة, و بريطانيا, و أستراليا, و نيوزيلاندا, و معظم الدول الإسكندنافية. فى هذه الدول المشار اليها عاليه, يوجد فارق بين ما يسمى Rural Land, أى الأراضى الزراعية, و Country land , أى الريف. و هنا يحدث الإلتباس, ففى الأماكن المصنفة كريف, قد توجد بعض الأماكن التى لا يمكن الزراعة فيها, مثل الأراضى البور, و الأراضى الصحراوية, و الجبال, و البحيرات, و لكن هذه الأماكن جميعا تمتازبجمال الطبيعة, و الأراضى الزراعية لا تتواجد فقط فى الأماكن الخارجة عن زمام المدن, ففى بعض المدن, توجد فى الضواحى مزارع خضروات, و مزارع دواجن, و مزارع فاكهة, و كلها على أرض زراعية, و لكنا ليست حرفيا أراضى زراعية طبقا لمصطلح Rural Land, . و سوف آخذ موقفا وسطا بين هذين التعريفين, و سأتكلم عن القوم الذين يعيشون على أراض زراعية, فى مناطق خارج نطاق المدن, سواء كان هؤلاء الناس مزارعين أم لا. أول ملاحظة نلاحظها أن المعيار الطبقى لقياس الناس لا يوجد فى معظم المجتمعات الغربية, فبينما نتعرف على الفلاح أو قاطن القرية فى بعض مناطق الشرق الأوسط ,و بعض الدول الأفريقية و الآسيوية, بملبسه, أو بطريقة حديثه, أو بمسلكه العام, فإنه من النادر أن تتعرف على الريفى, او المزارع, فى الدول الأوروبية المتقدمة. و السبب فى هذا هو سبب حضارى, فالقوم هناك سواسية أمام القانون, و يتمتعون بجميع حقوق المواطنة, و يتلقون تعليما أساسيا عالى المستوى, و لهم جميع الحقوق السياسية, بل أن بعض الأحزاب يتم تشكيلها لكى تمثل المزارع فى البرلمان, و أعضاء هذه الأحزاب هم المزارعون, و بعضهم يصبح عضوا فى المجلس التشريعى, و بعضهم يصل الى كرسى الوزارة, بل أن أحد المزارعين فى أستراليا أصبح نائبا لرئيس الوزراء. و لا يوجد فرق ثقافى أو إجتماعى بين قاطن الريف, و قاطن المدينة, كما لا يوجد فارق إقتصادى بينهما, ولا يوجد فارق فى المظهر, أو المسلك, فالكل مواطنون. و المحامى فى المدينة يمارس عمله فى مكتب مكيف الهواء, كذلك يعيش المحامى القاطن فى الريف, و كذلك يعيش المزارع المقيم على أرضه الزراعية. فبعد يوم العمل, يتقابل الريفى و الحضرى فى الحانة, أو المطعم, فى القرية, أو المدينة, يتكلمون نفس اللغة, و يناقشون نفس المشاكل, و لا يعرف أى منهما هوية الآخر إلا عنما يسأل احد, و يرد آخر. و لكن الواقع يقول أن سكان الريف هم أسعد حالا من سكان المدن, لأنهم يتمتعون بجو صحى خال من التلوث, و طبيعة عملهم تجعلهم أصحاء بدنيا, و يتناولون طعام لم يصيبه التلوث البيئى, و ينعمون براحة البال فى معظم الأحوال, وإذا أضر بهم القحط( قلة المطر) فإن الحكومات تدفع لهم إعانات الى أن تمطر السماء. و فى المناطق الريفية, توجد جميع الوسائل و الخدمات المتاحة لأهل المدن, فلديهم بنوك, و مدارس حديثة, و وحدائق غناء, و ملاعب كرة, و نوادى إجتماعية, و خدمات إجتماعية, و مستشفيات على درجة عالية من الكفاءة, ووحدات خدمة الأسرة, و ملاجئ لكبار السن, و مطاعم بها تخفيض لكبار السن, و مكاتب بريد , و مكتبات عامة مزودة بالكمبيوتر و الإنترنت المجانى , و العديد من آلاف من الكتب التى يمكن إستعارتها لمدة 3 أسابيع فى المرة الواحدة مجانا. و فى حالة حدوث أمراض لا علاج لها فى المنطقة الريفية, يتم نقل المريض الى مستشفى أقرب مدينة بواسطة سيارة الإسعاف, فإذا كان الأمر مستعجلا, يتم نقل المريض بالهيلوكوبتر, حيث أن كل المستشفيات مزودة بمكان لهبوطها. و للحديث بقية.

اعزائى قبل أن أستكمل حديثى, أود أن اشكر المشجعين: الأخت فيروز...... كلامك مضبوط الأخ سي السيد: لهذا لم أكتب عن الريف المصرى, و سأترك ذلك لك كخبير فى الكوارث. الأخت كليو: أن غشيم فى موضوع الصور, و لكن قريبا سأضع بعض الصور المتصلة برحلاتى فى معرض الصور... صورة... صورة الأخ منمان: ياراجل إنت فين و حشتنا؟ أنت بتظهر زى المشمش, يومين و تختفى. الف حمد الله على السلامة. و الآن الى الجد, و اليكم بقية الموضوع: الحياة فى الريف. ذكرت فى مقالى السابق أن الريف يسكنه نماذج مختلفة من الناس, فمنهم المزارع, و منهم المهندس, و منهم المحامى, و منهم الدكتور, و منهم الميكانيكى... الخ. و فى المناطق الزراعية, تكون الملكيات الفردية كبيرة الحجم , فالفلاح فى الغرب لا يعيش على قطعة أرض صغيرة, بل يمتلك أراض شاسعة, يستعملها فى أغراض مختلفة, و نادرا ما يكون هناك أجراء( عمال زراعة), إلا فى مواسم جنى المحصول, لأن الفلاح, و زوجته, و يجوز أحد أبنائه أو بناته, يقومون بكل العمل. و ذلك لإعتمادهم على الميكنة الزراعية( و هذايحتاج لموضوع مستقل ), التى توفرتكاليف الأيدى العاملة, و الوقت, و تقلل من تلف المنتجات. و عادة يقسم الفلاح جزء من الأرض للزراعات التقليدية, مثل القمح, و الشعير, و الشيلم, و البطاطس, و البنجر. و فى بعض المناطق, و خاصة التى تصلح لزراعة الخضروات و الفواكه, تستغل مساحة كبيرة من الأرض لزراعة الخضروات, و الفاكهة, و الكروم, التى تستعمل كفاكهة, و أيضا يتم تصنيعها و تحويلها الى أنبذة. و فى بعض المزارع, يخصص مالك الأرض جزء من الأرض الغير صالحة للزراعة, لكى تكون مرعى للماشية و الأغنام, و صناعة المراعى هى صناعة مربحة, حيث أنها مزدوجة النفع: 1- تربية المواشى و الدواجن , و تكون المنتجات المباشرة هى اللحوم, ( لحم البقر, و الخرفان, و الدجاج, و ال****), 2- كما أن المنتجات الفرعية هى البيض, و الألبان.و الأسمدة العضوية. و يتم تسويق اللبن عن طريق شركات محلية, تأتى الى المزرعة, و تتسلم اللبن الذى يتم حلبه ميكانيكيا, و يحفظ فى ثلاجات, الى أن تأتى اللوارى الفنطاسية, ذات الشفاطات, و تمتص اللبن و تحفظه فى فنطاس اللورى الدائم التثليج. و كل لورى من لوارى جمع اللبن مجهز بعداد, يحسب كمية اللبن الذى وّرده المزارع, ثم يعطى سائق اللورى للمزارع إيصال بالكمية الموردة, و فى ظرف أسبوع, يصل للمزارع شيك بقيمة اللبن الذى يورده مرتين فى الأسبوع. و على مسافات ليست بعيدة من القرية, أو المنطقة الزراعية, توجد مصانع مملوكة لشركات خاصة, تقوم بشراء المنتجات الزراعية, و تغلف بعضها للبيع فى أسواق المدن, و القرى الأخرى, كما تقوم المصانع بحفظ الفواكه فى معلبات, أو تجففها للبيع كفواكه مجففة. أو تعصرها و تحفظها فى علب أو كرتونات للإستعمال القصير المدى. كما توجد مصانع لتقطيع و تغليف اللحوم, لبيعها أيضا فى الأسواق, كما يقوم بعض هذه الشركات بحفظ هذه اللحوم فى معلبات, مثل اللنشون, و البلوبيف,أ و تدخينها, مثل المورتاديللا, و الباكون, و الهام, و البسطرامى ( نوع نت البسطرمة).. الخ. كما تقوم شركات أخرى بتصنيع اللحوم فى شكل هامبورجر محفوظ فى البلاستيك و جاهز للشوى, و السجق, و عديد من أصناف الأكلات الجاهزة المحفوظة ثلجيا, مثل قطع لحم الدجاج المقسمة الى مكعبات, و محفوظة فى شكل "شيشكباب", و الكبدة المتبلة و الجاهزة للشوى, و شرائح البوفتيك المحفوظة بالتثليج ( لحم بقرى مغلف بالبقسماط و تسمى " شنتزيل")... الخ و تقوم الشركات الكبيرة بشراء القمح, و تشوينه, ثم نقله الى السفن للتصدير. و بنفس الطريقة, يتم تصدير فائض الفواكه و الخضروات التى لا يحتاجها السوق المحلى. من هذا, تجد أن القرية, أو الريف هو وحدة إنتاجية ممتازة, لها تأثير هائل على إقتصاد الدولة, و تقوم بحل مشاكل عديدة, و فى الوقت نفسه, لا تشكل متاعب أو مشاكل للجزء الحضرى من الدولة, لأنهم لم ينفصلوا عن بقية المجتمع فى أية لحظة من اللحظات, و يتمتعون بجميع مزايا المدن من مواصلات, و رعاية طبية, و مستشفيات, و تليفزيون, و فضائيات, و مدارس, و دور سينما, و مسرح . ما ذكرته عاليه هو جزء مما شاهدته بعينى فى أستراليا و نيوزيلاند, وهى مجتمعات تكاد تكون نسخة من مجتمع الريف الإنجليزى, مع إختلاف فى فصول السنة, كما شرحت فى مقالات سابقة. سوف أكتب فى المرة القادمة عن الريف فى بعض الدول الأسيوية, و الأفريقية, و جزيرة مدعشقر, و لكن ذلك سيكون فى إطار مذكراتى فى " رحلات الأفوكاتو" و تقبلوا أسمى تحياتى.

قالت صحيفة هاآرتس الإسرائيلية إن مصر حملت إسرائيل مسئولية انقطاع التيار الكهربائى مؤخراً فى معظم الأحياء والمدن المصرية، مدعية أن صفقة تصدير الغاز المصرى لإسرائيل أثرت سلباً على احتياجات مصر من الطاقة ووصفت الصحيفة انقطاع الكهرباء عن كثير من المدن والقرى والأحياء المصرية بـ "الكارثة"، نظراً لارتفاع درجات الحرارة بمصر فى فصل الصيف لتصل إلى 40 درجة مئوية، بالإضافة إلى معاناة المصريين من الظلام وإفطارهم على ضوء الشموع فى شهر رمضان، بجانب تكبدهم الكثير من الخسائر لتلف بعض المنتجات فى المحلات التجارية والمصانع حتى اسرائيل حست بينا يارب اوعدنا ان اللي عندنا يحسوا http://www.haaretz.com/news/diplomacy-defense/egypt-blames-israel-for-power-blackouts-1.308778