لوحة القادة

اولا و قبل اى شيىء الموضوع دا انا احترت احطه فين علشان كدا لو حد من الساده المشرفين شاف ليه مكان انسب معنديش مشكله صلب الموضوع بقى ان انا لفت نظرى فى الحوارات الى دارت فى موضوع التقيمات الجديد عباره ذكرت على لسان اكثر من عضو فاضل و ايدها كمان اعضاء افاضل اخرين و هى فى ما معناه اننا بقينا بنعرف بعضنا تماما و بقينا بنعرف قبل ما ندخل اى موضوع مين هيكون معاه و مين هيكون ضده سؤالى بقى الى اى نسبه الكلام دا صحيح و هل بينسحب فقط على المواضيع الدينيه ام كل المواضيع wst:: wst:: و ايه ايجابيات او سلبيات حاجه زى كدا من وجه نظرك و هل العيب ناتج من عدم دخول دماء جديده للمنتدى و لا لتعصبنا نحن الاعضاء تجاه افكار معينه او اتجاهات فكريه معينه هل اصبحنا غير قادرين على اثاره الدهشه عند من يقروا كتاباتنا :blush2: :blush2: و هل حدث معاك العكس مثلا فى المنتدى بمعنى انك تكون داخل تقرا تعليق عضو ما على موضوع و انت عندك حكم مسبق انه هيعلق بطريه معينه فاتفاجئت انه علق بطريقه اخرى غير الى كنت متوقعها منه و ما دام ان كلنا اصبحنا مكشوفين امام بعضنا فكريا كدا فايه الدوافع الى بتخلينا لسه ندخل المنتدى و نطرح مواضيع او نعلق او حتى ندخل نشوف الناس كاتبه ايه ما دمنا بقينا محفوظين لبعضنا كده :happy: :happy: هل دا اثر على كم ونوعيه الموضوعات المطروحه للنقاش يعنى باختصار هل الشيخوخه اصابت المنتدى ام فكار من فى المنتدى هل قتل ابداعنا بالطبع اخر سؤالين هم اسئله استنكاريه و ليست تقريريه الموضوح دردشه ليس الا فمنتظراكم ندردش مع بعض سوا فى الجزئيه دى

بيت العيله دا الاسم الجميل الى اطلقته ماما قلب ابيض على منتدانا الجميل و انا اقتبسته منها علشان اقول لكم ان فكرت ان احنا نعمل عيد ميلاد للمحاورات الجميله الى جمعتنا مع بعض و ساهمت مساهمه مباشره فى زياده ثقافتنا و توسيع رؤيتنا و افاقنا الفكريه كنت حابه جدا نعمل عيد ميلاد للمحاورات زى ما بنعمل لبعضينا و بنهنى بعضنا عايزين نحتفل بيها و نعمل لها احتفال كبير و جميل يمثل مدى معزتها و مكانتها عندنا بس واجهتنى مشكله انى معرفتش اوصل لتاريخ عيد ميلادها دورت فى المنتدى بس معرفتش اوصل تحديدا لاول يوم ابصرت المحاورات فيه فياريت استاذ عادل او اىا من الاخوه الافاضل المشرفين يمدونا بالمعلومه دى و عايزة اسمع رايكم انتم كمان فى الفكره و يا رب الفكره تتنفذ و نعرف نعمل احلى عيد ميلاد لاحلى محاورات ها ايه رايكم و الى عنده اقتراح ياربت يضيفه علشان نوصل لاحسن فكره

فى الاجازة اللى فاتت فى مصر كنت حريص انى اقابل كل اصحابى على اد مقدر.... وبالذات القريبين من قلبى واحد منهم جه قضى معايا يوم كامل واتغدينا سوا وتواعدنا على اللقاء مرة اخرى.... وبصراحة خدتنى الايام وانشغلت وكل مفتكر اكلمه اقول طب خليها بكره ومتصلتش بيه خالص لحد مرجعت السعودية وبالصدفة من يومين قابلته عالماسينجر وكنت بعاتبه عشان مكلمنيش....... قالى عشان عتابك ده مكنتش ناوى اقولك بس هقوللك تانى يوم عملت حادثة انا ووالدى ووالدتى واختى ووالدى رجله انكسرت ووالدتى فكها اتكسر ده غير الكدمات........... اتضايقت اوى وزعلت عاللى حصل (لا حول ولا قوة الا بالله) بس اللى ضيقنى اكتر ان صديقى وهو فى عز احتياجه لى مكنتش انا وياه ........ (حسيت انا واحد جاب شومة وادانى فوق دماغى) وحسيت انى مهمل فى علاقاتى مع الاخرين وكان المفروض ابقى حريص اكتر من كدة فى التواصل مع اصحابى :( القصة دى تزامنت مع قصة قراتها فى بريد الجمعة (جريدة الاهرام) من اسبوع وكانت مشكلة ان واحدة زعلت جوزها بالليل ونام غضبان عليها وقام الصبح راح الشغل من غير ميتكلموا...... هى كان فى نيتها تصالحه بس للاسف ملحقتش... لانه عمل حادثة ومات قبل ميرجع البيت وكمية تانيب الضمير اللى هى حاسة بيه لان جوزها يعتبر مات وهو غضبان عليها.... وكان فى ايديها تكلمه فى التليفون تصالحه ولكن....... نفس القصة حصلتلى فى الاجازة ان الناس اللى كنت بكلمهم عالطول وانا مسافر لما اقابلتهم فى مصر كنا عادى بنعرف نفتح مواضيع ونتكلم فيها وكنا اب تو ديت مع بعض لكن الناس اللى اعدت فترة طويلة فى سفرى مكلمهمش..... حصل بينا فتور...... حتى معتش فيه كلام قادرين نقوله...... مع ان المواضيع كتيرة والاحداث اكتر لكن فيه حاجز فى الكلام بيحصل بينا واظن ان السبب طول الفترة الطويلة فى عدم التواصل وبردوا كان زميل لنا هنا فى المحاورات بيحكى عن تجربة غربته واول مجاب زوجته وابنه زيارة....... تجربة قاسية عليه اوى من الفتور يعنى مش بيتكلم مع زوجته زى الاول.... ابنه ميعرفوش...... المشاعر والاحاسيس ليست كمان كانت بس برجع واقول انا مش هعرف اتواصل مع الناس اللى اعرفهم كلهم (شبكة العلاقات كبيرة) وكنت مضطر ان ناس كتيرة تقع منى فى الطريق...... كل يوم بيعدى عليا فيه ناس بتقع منى لانى مش ملاحق عالتواصل معاهم فهل انتوا كمان عندكوا نفس المشكلة........ ولما بيحصل فتور بتتعاملوا معاه ازاى وهل فعلا الفتور ده منتشر وبينهش فى العلاقات الاجتماعية عندنا فى المجتع.......... ولا دى اعراض لناس قليلة وهل الفتور ده ليه علاج او حل

سؤال بسيط هو لاما خلافة اسلامية كاملة تذوب فيها الشعوب فيما بينها لاما البعد الكامل عن منهج الشريعة ما ينفعش حل وسط يعني بتطبيق منهج الله في حياتنا كخطوة أولي المنطق مغلوط لان القوانين الوضعية اللي حضراتكم بتدافعوا عنها هي اللي فرقت الناس شيعاًو فرقاً مختلفة و جعلت حدود بين أبناء الدين الواحد كل فرقة تظن ان القوانين التي وضعتها هي الأنسب للمرحلة و النتيجة أصبح هناك قوانين مختلفة باختلاف المكان و الزمان و كل فرقة تظن انها المدافع الاول عن قيم الانسانية و الحرية و كل المصطلحات التي تم تفريغها من محتواها و اصبحت بضاعة رائجة لمزوري الانتخابات و هتيفة الميكروفونات و بعد أن يتم المراد بالجلوس علي الكرسي يتم نسيانها أما الشريعة فهي مرجعية واحدة صالحة لكل زمان و مكان و مش محتاجة غير اعمال العقل و التدبر

الرسول صلي الله عليه وسلم كان يعقد المعاهدات ويرسل السرايا ليس من تلقاء نفسه ولكن بناء علي وحي من السماء بتلك الافعال أين الدليل؟ في غزوة الأحزاب وحدها 1- حفر الخندق بعد اقتراح سلمان الفارسي 2-ولما طالت هذه الحال على المسلمين أراد رسول الله -صلى الله عليه وسلم - أن يصالح عيينة بن حصن والحارث بن عوف - رئيسي غطفان - على ثلث ثمار المدينة وينصرفا بقومهما . وجرت المفاوضة على ذلك . واستشار رسول الله -صلى الله عليه وسلم - السعدين . فقالا : إن كان الله أمرك : فسمعا وطاعة . وإن كان شيئا تحب أن تصنعه صنعناه . وإن كان شيئا تصنعه لنا ، فلا . لقد كنا نحن وهؤلاء القوم على الشرك وعبادة الأوثان وهم لا يطمعون أن يأكلوا منها ثمرة إلا قرى أو بيعا . أفحين أكرمنا الله بالإسلام وأعزنا بك ، نعطيهم أموالنا ؟ والله لا نعطيهم إلا السيف . فصوب رأيهما . وقال إنما هو شيء أصنعه لكم لما رأيت العرب قد - ص 175 - رمتكم عن قوس واحدة و أمثلة أخرى كثيرة من اين جاء لكي احساس من جانبي للمز الصحابة من كلامك "اذا الصحابي الجليل ابا بكرة ظل محتفظا بهذا السر الي ان قابل الصحابي الجليل معاوية حتي يثبت حكمه ويرضي به ويشرع له الملك " رغم أن الصحابي نفسه في الرواية التي أوردتها أنت " فبكعه به فزخ في أقفائنا فأخرجنا فقال زياد لا أبا لك أما تجد حديثا غير ذا حدثه بغير ذا فقال لا والله لا أحدثه إلا به حتى أفارقه " يعني رفض يكتم الحديث رغم أنه ساء معاوية ثم لم الإصرار أنني أدعو للملكية؟؟ إذا قرأت مشاركاتي في هذا الموضوع و مواضيع أخرى ذات صلة لعرفته

البدايه كان سؤال من اخ فاضل ضمن حوار للمغتربين عن ايجابيات موجوده بمصر سرحت فى السؤال ولاقتنى بجاوب مع نفسى حاجه حفظناها عن ظهر قلب من زماااان اوى بس للاسف حتى دى مابقاش لها وجود دلوقتى انا نفسى ارجع مصر عشان اللمه والالفه والترابط اللى مفتقدينه فى الغربه نفسى ارجع بلدى عشان فيها بحس بأداميتى وانى لى كرامه نفسى ارجع بلدى عشان ولادى يتعلموا فيها ويتربوا فيها ويطلعوا لهم مبادىء زى اهلهم حد شايف ان اى من هذه الاسباب يصلح او موجود الان؟؟؟؟؟ " او بمعنى اخر وبايجااااز " وبغير ان اتهم بتشويه صوره بلدى او بالنيل منها ماهى الايجابيات التى تراها بمصر الان؟؟؟؟ منتظره تعقيبكم بدون اتهامات ..... ودمتم بخير

ريهام الغالية قوى .. البنت اللمضة المصرية اللى لازم تجبرك على النظر اليها بكل اعجاب مخلوط بابتسامة تظل ترافقك لحد ما تقفل الصفحة...وتأخذ نفس عميق ..تبدأ ف تصفح صفحات اخرى فيها كلمات مقالتهاش هى . كلمات ربما كانت فى نظر البعض اكثر جدية واقل شاعرية . كلمات تخاطب العقل فقط وليست كلماتها التى تخاطب الاثنين معا ( العقل والقلب ) ... ثم تنتبه ... .تتذكر الابتسامة ..وتنتبه...فيأخذ وجهك صورته الأصلية ...قليل من الاهتمام العميق مطلوب برضه.. كثرت المواضيع الساخنة ...شوية شوية ...بتحصل عوامل ( تعرية ) فى محيط الغابة .!!!! يالماضة مصرية واصيلة جدااا .. ساعات...لاعب الكرة المحترف ...يبص على الشبكة ف الناحية االشمال ..فجأة ..يشوط برجله الشمال على الناحية اليمين ..ف الوقت ده...حارس المرمى يكون رمى نفسه ناحية ايه؟؟ ....الشمال طبعاااا .. بس الجول جه فين؟؟؟ ....ف الناحية اليمين ...!!! فهمتى طبعاااا كل تهيؤات اللعبة الحلوة ... التوقع شئ..والحقيقة شئ تانى خاالص.. بس الحقيقة ...هى واحدة ف الحالتين ... واحد بس اللى توقع العكس ....فهمتى قصدى ؟؟؟ ياريهام ... اجمل حاجة ف الدردشة انها تبقى مفهومة للبعض ومش شرط للكل ... تعرفى ؟؟؟ لو حاولتى تصطادى سمك دنيس ف مكان فيه صخور كتيرة ...وطلعتى آخر اليوم بكام سمكة بس ...تبقى كسبتى .. احلى سمك دنيس ...دنيس الصخر .. :rolleyes: . :roseop: تعرفى كنت امبارح بفكر ف ايه؟؟؟ ف حاجة فكرت فيها قبل كدة وكتبتهالك ف التأملات .. دايما بفكر فيها .. حاجة لذيذة قوى وبسيطة قوى وحقيقية قوى قوى قوى ... بفكر انه... ياترى مين الاسعد؟؟؟ من يملك اكثر؟؟؟.........ام ...من يحتاج اقل؟؟؟. .فكرى كويس ... تعالى نتناقش ..تعالى ندردش .. هل الاحتياجات هى اللى بتحددمايجب علينا ( امتلاكه) ؟؟؟ . ام المظاهر الاجتماعية ؟؟ وهل المظاهر تحدد الاحتياجات ؟؟ام ان الاحتياجات تجبرك على تغيير المظاهر ؟؟؟ متعلقيش على كلامى ...احلى حاجة ف الدنيا انك متعلقيش على كلامى ...ردى وقولى رأيك بسسسس ..اعتبرينى بكلم نفسى .. يمكن انا خلاص مبقاش عندى اى احتياجات كتير دنيوية علشان كدة بفلسف كل شئ ...يمكن؟؟؟ يمكن اكون بحب المشاكسة ليس الا ....يمكن..!!! وللحديث بقية ان كان ف العمر بقية ... مساء الخير والسعادة ان شاء الله... /size]

للأسف يا سيدى هذا أمر غير وارد فى محاورات المصريين و هذا ما يميز محاورات المصريين عن مواقع أخرى ، و أعتقد أن أغلب أعضاء محاورات المصريين لا يخضعون لمبدأ الشخصنة الذى تتحدث عنه و يعتبرونه نوع من طفولة الفكر. و مع إختلافى مع تفسيرك فإنى أدعوك لأن تعقب على الموضوع بموضوعية هل تتفق مع الشكوى .... أن كثير منا فقد حماسه فى الكتابة .... هل تتفق مع وجهة نظرى أن عديد من المشاركين يفضلون مسائل تنحصر فى الإقامة و الهحرة كأن الحوار توقف عند ذلك ؟

انة يتقدم تانى عادى مفيهاش حاجة لكن مرتين رفض دة اللى مش عادى يبقى الحل اية انة ميتقدمش الا لما يتاكد انة المرة دى مش هترفض طيب يعمل اية دة دور البنت بقى ؟؟؟ تتكلم مع ماماتها و تفتح سكة مع باباها الام ليها تاثير و دور ايجابى جدا فى الموضع لو الام كمان رافضة يبقى صديقك يلغى المووضع كدة اكبر قوتين مش معاة يبقى الان دور الام و البنت لو ربنا سهل و عروفوا يقنعوا الاب يتقدم لو معرفوش يبقى يدور على غيرها و ملوش لزمة الاحراج مرتين

يارب.. :) وخلاص أهي هانت :) والله الواحد مستني نتيجتك جدا, حاسين إنها هتبقى بشرى خير إن شاء الله :)

طيب لماذا هناك مشكلة لدى أغلب التيارات الإسلامية حول فكرة أن يختار الشعب حكامه ... ويعتبرون الديموقراطية كفرا بواحا ما دام ما في الاقتباس أعلاه هو نظام الحكم الإسلامي؟ الأخ الفاضل "أحمد سيف" حاولت قبلك الخروج من الحلقة المفرغة ووجهت بعض الأسئلة الاستكشافية (أنظر المداخلة رقم 48 والمداخلة رقم 144 والمداخلة رقم 154 وغيرهم من موضوعنا هذا) وجهت تلك الأسئلة لنرى إن كان المطالبون بعودة دولة الخلافة الإسلامية عندهم تصور حقيقى لتلك الدولة أم أن الأمر لا يتعدى حدود النيات الطيبة والرومانسية الفكرية .. وهى أسئلة ظلت بدون إجابات محددة وواضحة ، اللهم إلا بعض المحاولات المحمودة من الأخوة الأفاضل "طارق حسين" و"حنظلة" .. محاولات لم تكتمل ولم تأخذ حظها من النقاش .. وها أنت تحاول الخروج من الحلقة المفرغة بوضع أسئلة جديدة .. فلننتظر .. ولا مانع طبعا من مناقشة المحاولات المحمودة من زملائنا الأفاضل للإجابة على تلك الأسئلة لقد قلت فى إحدى مداخلاتى إن عودة دولة الخلافة الإسلامية "حلم جميل" صعب المنال .. وإن الأمل سيبدأ فى أن يراودنى فى إمكانيةتحقيقه عندما أرى الدخول والخروج إلى أشتات دولة الخلافة (وهى الدول التى نشأت بعد مؤامرة انهيار وتقسيم دولة الخلافة العثمانية) بدون تأشيرة وبدون الحاجة إلى كفيل (ربنا يدينا ويديكم طول العمر) .. ويبدو أن هذا "حلم آخر جميل" صعب المنال .. الآن سأنزل بسقف الحلم كثيرا لأقول الأمل سيراودنى فى إمكانية تحقيق حلم عودة دولة الخلافة يوم أن أرى إمام المسجد الحرام من "جنسية" أخرى غير "الجنسية السعودية" .. فطبقا لنظرية الانتخاب الطبيعى لابد أن يكون من بين المليار مسلم من يستحق هذا الشرف ، إذا كان معيار ذلك الانتخاب هو العلم والفقه والتقوى والصلاح .... و .... عدم التعصب لقوم أو رأى أو مذهب ترى هل سيأتى ذلك اليوم ؟ .. هذا سؤال آخر عما إذا كنا مؤهلين لما بعد ذلك اليوم ... مؤهلين بمعنى أننا نملك وسائل انتاج طعامنا ونسيطر عليها ، ونملك وسائل انتاج سلاحنا ونسيطر عليها الوالد الفاضل أبا محمد ... لا أملك إلا أن اتفق مع حضرتك جملة وتفصيلا فيما طرحته فعلا الأحلام دوما سهلة و"لذيذه" ومريحة ولكن المحك الأساسي هو التطبيق ... وللأسف حتى أكثر المتحمسين لقضية الخلافة ليس لديه تصور كامل لكيفية الوصول اليها أو تطبيقها أذا كان فقهاء الخلافة الى يومنا هذا لم يتفقوا على ضرورة حذف شرط القرشية (كون الخليفة من قريش) من المتطلبات الواجب توافرها في الخليفة وهناك من لايزال يصرّ عليه ... فكيف نتصور أن يقبلوا سواء هم أو الأغلبية العظمى من المسلمين كون الخليفة من بنجلادش أو أندونيسيا أو نيجيريا مثلا رغم أن تلك هي أكبر الدول الإسلامية.

بعد ما أُذيع بالأمس في برنامج " مصر النهاردة " أتمنى أن يتم إعدام وزير الثقافة في ميدان عام .. أو نعلقه على تمثال رمسيس في الشمس والحر وهو صايم لحد ما تاكل الطير من رأسه .. أذاعوا أمبارح يا سادة تصوير حديث يمكن من يوم او يومين لنظام المراقبة في في المتحف المصري .. لا هانقول محمود خليل ولا مختار ولا قصر محمد علي المتحف المصري العالمي ... بجد .. شيء مُخزي وحاجه كده من العصور الوسطى كاميرات مراقبة عتيقة ومتلزقه ومترقعه بشريط لحام " شكيرتون " وكانها خارجه من معركة قادئ ... وباين إنها فعلاً من الكاميرات اللي كانت من 50 سنه .. ويعلوها النعكبوت والغبار بشكل بشع .. ناهيك بقى عن أجهزة الإنذار ... ياااااااااااه ... فعلاً يستحق أن يكون متحف للأثارات والمساخيط .. والله العظيم بأتكلم جد ... لإن بيتهيألي السياح ممكن يسيبوا توت عنخ أمون وهاتور وأمون رع ويصوروا الأجراس دي على اساس إنها أجهزة إنذار فرعونية من عهد الأسرة السادسة .. فاكرين جرس البيت أبو نص كورة حديد ده وعليه قطعه حديد بتخبط فيه وترن هانروح بعيد ليه .. أنا قمت بمغامرة أمس ونزلت مقبرة الملك سيتي الأول في وادي الملوك وجبت لكم صورة للجرس اللي كان سيتي بيرن به لما يعوز حد من خدامينه أهو ده جرس الملك سيتي الأول بيقولك بقى إن هيئة إدارة المتاحف تقدمت لطلب للحكومة عشان محتاجه 40 مليون جنيه لتطوير نظام الأمن بالمتاحف المصرية .. فالحكومة تفضلت وتمطعت وصرفت لهم 500 الف ج ... ههههههههه يادوب حق سجاير أفراد الأمن وتم بالأمس عرض المراسلات الرسمية التي تمت بين الاخ اللي شال الليلة الدكتور محسن شعلان واللي تم تجديد حبسه بالأمس .. المراسلات دي بقى لها سنتين دلوقت بينه وبين وزير الثقافة عشان تأمين متحف محمود خليل .. ووزير الثقافة ولا هنا وولا كإنه سامع .. لحد الراجل ما لبسها وبالهنا والشفا

طيب لماذا هناك مشكلة لدى أغلب التيارات الإسلامية حول فكرة أن يختار الشعب حكامه ... ويعتبرون الديموقراطية كفرا بواحا ما دام ما في الاقتباس أعلاه هو نظام الحكم الإسلامي؟ الأخ الفاضل "أحمد سيف" حاولت قبلك الخروج من الحلقة المفرغة ووجهت بعض الأسئلة الاستكشافية (أنظر المداخلة رقم 48 والمداخلة رقم 144 والمداخلة رقم 154 وغيرهم من موضوعنا هذا) وجهت تلك الأسئلة لنرى إن كان المطالبون بعودة دولة الخلافة الإسلامية عندهم تصور حقيقى لتلك الدولة أم أن الأمر لا يتعدى حدود النيات الطيبة والرومانسية الفكرية .. وهى أسئلة ظلت بدون إجابات محددة وواضحة ، اللهم إلا بعض المحاولات المحمودة من الأخوة الأفاضل "طارق حسين" و"حنظلة" .. محاولات لم تكتمل ولم تأخذ حظها من النقاش .. وها أنت تحاول الخروج من الحلقة المفرغة بوضع أسئلة جديدة .. فلننتظر .. ولا مانع طبعا من مناقشة المحاولات المحمودة من زملائنا الأفاضل للإجابة على تلك الأسئلة لقد قلت فى إحدى مداخلاتى إن عودة دولة الخلافة الإسلامية "حلم جميل" صعب المنال .. وإن الأمل سيبدأ فى أن يراودنى فى إمكانيةتحقيقه عندما أرى الدخول والخروج إلى أشتات دولة الخلافة (وهى الدول التى نشأت بعد مؤامرة انهيار وتقسيم دولة الخلافة العثمانية) بدون تأشيرة وبدون الحاجة إلى كفيل (ربنا يدينا ويديكم طول العمر) .. ويبدو أن هذا "حلم آخر جميل" صعب المنال .. الآن سأنزل بسقف الحلم كثيرا لأقول الأمل سيراودنى فى إمكانية تحقيق حلم عودة دولة الخلافة يوم أن أرى إمام المسجد الحرام من "جنسية" أخرى غير "الجنسية السعودية" .. فطبقا لنظرية الانتخاب الطبيعى لابد أن يكون من بين المليار مسلم من يستحق هذا الشرف ، إذا كان معيار ذلك الانتخاب هو العلم والفقه والتقوى والصلاح .... و .... عدم التعصب لقوم أو رأى أو مذهب ترى هل سيأتى ذلك اليوم ؟ .. هذا سؤال آخر عما إذا كنا مؤهلين لما بعد ذلك اليوم ... مؤهلين بمعنى أننا نملك وسائل انتاج طعامنا ونسيطر عليها ، ونملك وسائل انتاج سلاحنا ونسيطر عليها

مع الاحترام الكامل لشخصكم ما تعتذرش علي حاجة انت ما عملتهاش لو متضايق من الجنسية المصرية اطلع منها و بسرعة انما لو عاوز تعمل حاجة و يكون لك دور في حل المشاكل اللي احنا بتواجهها كل يوم في مصر فمرحبا بك بيننا السلبية و فقدان الامل هما من اهم اسباب فشلنا لو لبسنا نظارة سوداء مش هنشوف الدنيا الا سوداء

الصور الملف ده مهم بالنسبه للصور ........ نزلوه واقروه http://BLOCKED33/files/m1em1aaf/photospecs-e.pdf/ منقول للامانه عمرو

السلام عليكم ورحمة الله وبركاته العالم في الدين يجب ان يكون علي علم بعلم الحديث لاننا سنه او لاننا اهل سنه يعني بنفهم ديننا عن طريق فهم الصحابه للدين اللي سمعوه وعاشوه مع سيدنا محمد يعني مش هنستطيع ان نحفر في حفره غير الحفره دي عشان نعرف ديننا والكلام في الدين مفتوح لكل المسلمين الصحابه كانو يقولون تعالي نغتب في الله ساعه لكن الاجتهاد مش لاي حد هي مش هيصه ده دين من عند الله اللي خلقنا وهو قال ان ده اخر دين ومفيش كلام تاني جديد ومفيش انبياء تاني وقال كمان ان الدين ده يناسب كل الناس في اي وقت ومكان وامور دنيتنا لنا حق التعامل فيها كيفما نشاء في حدود الدين يعني نزرع او نقلع ازاي كيفما نشاء وبديهيا لو في عالم وجاهل يتكلمان في الدين فالجاهل يسمع للعالم ما كان يحدث في زمن الرسول في مسالته وعلي الجاهل اسقاط ما سمعه من العالم علي حياته او مسالته او يسال العالم ان يسقط له هذا الاسقاط لكن لو تناقش اتنين جهله في الدين فليس من الممكن ان يخرجو بشيئ من النقاش فهذا يكون نيقاش في الهواء ليس لهم اسناد في كلامهم الا الهوي لكن الدين علم واشرف العلوم ولا نريد من المفكرين او ما يعتقدون انفسهم انهم مفكرين ان يجتهدو في دين الله بل نريد من كل المسلمين ان يطلبو العلم فطلب العلم فريضه علي كل مسلم زي الصلاه وان يتناقشو في امور دينهم او يغتابو في الله لكن الاجتهاد يجب ان يكون من قبل العلماء ولو حد عايز يناقش العلماء عليه ان يتعلم كيفيه هذا العلم يعني كيف يناقش مساله دينيه لان النقاش في الدين له اصول وقواعد مش افكار وتكهنات بتاعت المفكرين والحمد لله ان العلماء يستطيعون ان يناقشو حتي الجهله ويغلبوهم وكانو يقولون جاهل سني يستطيع ان يهزم عالم صاحب بدعه والله المستعان خالد منتصر مين ده :)

هل الإعلان الكاذب عن الوصول إلى سارقي اللوحة وهل كون هذا الإعلان صدر عن مسئول كبير الوزير ثم ظهر أن هذا الإعلان غير صحيح ثم قال الوزير أن من أبلغه هو مسئول كبير آخر ولكن أقل منه ثم اتضح أن هذا المسئول الكبير اللي أقل منه هو من تباطأ في تطوير المتحف وأنه كان من المفترض إغلاق المتحف لتطويره وتخزين اللوحات بعد أيام من سرقة اللوحة ثم بدأت التحقيقات .. وتم إتهام هذا المسئول بالإهمال ثم في خطوة مفاجئة يتقرر حبسه هل كان هذا الإعلان الكاذب هو فرصة لأن تسترخي أجهزة الأمن ثم يتم تهريب اللوحة في هذا الوقت ؟؟؟؟؟ ؟؟؟؟؟؟؟؟

اخي الفاضل ليدو يا ريت ترجع للمشاركة بتاعتي وتقرأها كويس لاني مش بحكي عن التايم شير لاني بقابل الجماعة دول يوميا 10 مرات وكل منهم له حيله وطريقة علشان يجر رجلك المشكلة اني لما ماشتريتش منهم وكمان قفلت عليهم الطريق ومديتش للبنت فرصة تكمل موضوعها بدأت المضايقات التلفونية واحب الفت انتباهك وانتباه بعض الاخوة اني لم اقم بعمل اي مقارنة بين مصر واي دولة اخرى وبجد احنا محتاجين حد يقولنا على شوية مزايا وايجابيات في مصر يمكن الصورة السودة تتغير ولكن (بدون مقارنة مع دول اخرى)

اتفق معك كثيرا في الجزء المقتبس أعلاه90% من خطب الجمعه التي حضرتها تافهة المضمون و غالبا ما تكون مسيسة

الله يخليكي يا أم سيف ... أنا كده كل ما هعوز أزود الـ Reputation هدخل على باب كندا طوالي ... لإن أبواب المناقشات والخناقات الواحد هياخذ فيها تقييمات سلبيه للصبح تحياتي وشكرا لحضرتك

النص متحامل جدا و النظره التشاؤميه مسيطره عليه كما اتحفظ على لفظ اعتقد انه من غير اللائق تواجده فى نص شعرى حتى و ان كان بالعاميه النص كفكره غير مقبول بالنسبه لى لكن لا يخفى وجود ادوات جيده فى الكتابه اتمنى ان توظفها بشكل افضل لافكار اخرى اقل تطرف من تلك دمت بخير

لو هو ده إعتقادك ونظرتك التشاؤمية يبقى دعونا ننتحر جميعاً إنتحار جماعي ونولع في نفسنا طالما يأسنا من رحمة الله ويأسنا من غد أفضل بصراحة ... لا أعتقد إن في حد هايتبسط من الزجل أو الكلمات اللي إنت كاتبها دي ... أسف يعني

أخي الفاضل عبد المطلب كل سنة وانت طيب .. شوف ياسيدي الكلام اللي حضرتك بتقوله .. مش كله صح .. فيه طبعاً جزء من الحقيقة ..وفيه جزء غير دقيق زيادة متطلبات الحياة .. أمر طبيعي .. هكذا تتطور الأمم .. ولكن ماتؤول إليه الأمور في مصر .. أمر غير مقبول إطلاقاً .. عندما نتحدث عن النظافة .. نتحدث عن أمور بديهية .. مبدئية .. لا تحتاج إلى إختراع .. العالم كله يأكل ويلبس .. ويستعمل .. وسخرج مخلفات وزبالة .. ولكن لا ترمى في عرض الطريق كما يحدث في مصر لا يعقل أن نجد مبرر أو نحاول أن نشرح أسباب لما يحدث .. هذا أمر غير منطقي وغير عقلاني الدولة مسئولة مسئولية أساسية على هذا الأمر .. لماذا لا توضع صناديق كافية للزبالة في الشوارع بدلاً من أن يتركوا بعض الشوارع بدون صناديق .. أو بصناديق قليلة لماذا لا تمر سيارة جمع الزبالة وتفريغ الصناديق في أوقات متتابعة بدلاً من تركها هكذا .. حتى تعفن وتنتن وتتراكم وتزكم الأنوف الناس مسئوليتها في أنهم إستسلموا لهذا الوضع .. لماذا لا يعترضون .. لماذا لا يتذمرون .. أمر غريب وعجيب من الناس .. الموضوع وكأنه لا يعنيهم .. لأن المصريين - للأسف الشديد - غير مهتمين بشئون النظافة على النحو المطلوب أو المأمول موضوع النظافة مأسوي أما عن أنالناس يجب أن يتحملوا .. هم بالفعل يتحملوا فوق طاقتهم .. إذا كنت تريد أن تقارن بين سعر البنزين في مصر وأمريكا ففي أمريكا الجالون سعره يتراوح مابين دولارين وأربعين سنت وثلاثة دولارات في الولايات التي زرتها أي أن سعر الليتر يقارب ضعف السعر الموجود في مصر ولكن سعر السيارة بنصف سعرها في مصر لأن في مصر يحصلون الضرائب والجمارك بقيمة مرتفعة جداً .. وكيلو اللحم في مصر قيمته تعادل 12 دولار في المتوسط .. بينما في أمريكا سعر رطل اللحم بجودة أعلى من مصر حوالي 4 دولار (سعر مرتفع يوجد ما هو أقل من ذلك) أي أن كيلو اللحم يعادل 8 دولار طبعاً السعر في مصر إستهبال الفواكه والخضار في أمريكا أرخص من مصر حتى بعد تحويل العملة .. سعر الشقق أصلاً مرتفع .. إسأل أي واحد بيني عمارة وبيبيعها .. حتلاقيه بيكسب 100%.. محتاج يرفع السعر ليه علشان يخصص مكان لجمع الزبالة إحنا ياسيدي نعاني من جشع الجميع .. واستهبالهم واستغلالهم للكل .. الجميع يحاول أن ينهب الجميع نحن نعيش في مجتمع في منت\هى الدونية للأسف الشديد لن يتحسن الوضع مالم نتغير تدين كاذب.. ومظهري .. وإدعاء .. الغالبية في مصرأوضاعهم مزرية .. ومتسلطون على بعضهم البعض .. الأمر ليس غائب على أحد ولكننا نحاول أن نجمل الصورة .. ونحاول أن نجد المبررات .. ويحاول الكثير أن يجد لنفسه دور في تلك اليغمة ليستفيد منها

انا سالت ياجماعه ومحدش رد عليه ياريت الاقي جواب منكم ؟؟ سؤال الثاني الي عايز يقدم لكيبك من ليبيا هل تقديم الورق حيكون لسوريا او مكان اخر ؟؟؟؟؟ ياجمااااااااااااااعه انا بسأل للمره الثالثه ايه ياجماعه هو السؤال صعب ؟؟؟؟؟؟؟؟؟؟؟؟؟؟؟؟؟؟

السلام عليكم و رحمة الله و بركاته التنفس بالمحاورات عجبني العنوان اوي استاذي الفاضل عنوان فعلا بيخلي الواحد يسحب شهيق طويل يحرق بيه كل الطاقة السلبية اللي بيشوفها في يومه و يطلع زفير و يسيب نفسه في حالة استرخاء الاساتذة الافاضل تساءلوا ليه المشاركات من بره مصر اكتر من جواها يمكن احساس الغربة اللي بيخلينا ندور علي كلمة معلش و لما بنسمعها في الشارع بندور ع طول و نسلم ع الملامح المصرية اوي يمكن احساس الذنب ان احنا فضلنا الخروج و الاغتراب و الابتعاد.....و محدش عارف يا تري نهاية الدايرة دي ايه...حتي لو كان القرار في وقته لا بديل عنه يمكن هي فقط مساحة انسانية جدا للتنفس لما كنت بستعد للرجوع لمصر سالتني احد الصديقات القريبات جدا لي و قالتلي هتكتبي في المحاورات رديت عليها و قولتلها لا....المحاورات بتفكرني بحالة الغربة و لما رجعت مصر اكتشفت اني رجعت انا و الشنطة و المحاورات رجعت و دورت علي المساحة الخاصة جدا اللي بتكتب فيها افكارك....مشاعرك....تأملاتك..... بتختزل حياتك في حروف تقراها بعد حين و ترجع تبص علي نفسك و تعيد قراءتك مرة و التانية تتشارك مع ناس بتحبهم و تحترمهم مساحات انسانية خاصة جدا قد لا تقترب بهذا القدر مع اشخاص بشحم و لحم في العالم اللاافتراضي بتصنع مساحة علي مدد الشاشة تحط فيها احباطك..... تشارك بيها بسعادتك.... بتفكر فيها بصوت عالي يوم ما الحيرة تهاجمك و تاخد راحة بالك امبارح كنت بستغرب اوي من باب الموضوعات الشخصية.....مع اني كتبت فيه من قبل و كنت بسال نفسي طب هو ينفع ان الناس تتشارك ألامها و احلامهاالشخصية جدا في مكان مفتوح جدا و كانت الاجابة اللي محيرتنيش كتير لما حد بيعمل كده اكيد بيوصل لاحساس عالي جدا بالبيئة الأمنة ....البيئة الآمنة اللي يقدر يفضفض فيها بحرية من غير ما يتوقع ان اللي هيقرا كلامه لا هيمصمص شفايفه و لا هينتقده....و حتي لو حصل لان احنا مش ملايكة.....هيلقي شخص تاني و قد يكون عضو جديد يدافع عنه فيه ناس هتقولي احنا بنخش باسماء وهمية او صور رمزية افتراضية.....لكني اشعر ان لكل منا اصبح ليه شخصية اعتبارية حتي و ان لم نكن قدر رآنا راي العين.....فقد تلمسنا ملامحه في ثنايا أفكاره التي حملتها مفرداته احلم ان نستيقظ يوما ما نهم بدخول المحاورات لكن بشكل مختلف باسمائنا الحقيقية بملامحنا الحقيقية لا يعتريني القلق.....لا اخشي شيئا لان هناك مساحة اشعر انها جدا آمنة مش قلقانة ع انتشار البيئة الأمنة مش قلقانة علي ضغطة زرار ع الفيس بوك او تويتر عشان ننشر مساحتنا الخاصة المساحة الدافية بتعرف بالدفا اللي جواها انها تبعت رسايل نور لكل قاريء حتي لو كان عابر سبيل...حتي لو كان في يوم كان معسكر في باب واحد و فجأة لقي نفسه متكعبل في ابواب تانية كتير مش قلقانة اعرف ان اللي بيشارك مصري.....جوه مصر....براها و لا واقف علي حدود دولتين مش عارف يا تري هو ينتمي لفين....انتمائنا انساني بالمقام الاول طالما قادرين علي زرع فكرة و الايمان بيها و التواصل مع غيرنا....هنقع....هنقوم....هنتكبعل....و هنقف تاني...هنتعلم....هنخطيء...هنصيب لاننا ببساطة نصنع مساحات انسانية المحاورات ليست محاورات مصريين مغتربين هي محاورات بني آدمين دي وجهة نظر مسااااكم حوار انساني يطرق علي القلب الذي ما عاد يسكن وطنا و يتأرجح بين عالمين تحياتي

صعب اني اقولك ايه الايجابيات في مصر لكن اقدر اقولك على اكبر سلبية فيها .. ان مفيش في البلد فلوس .. مصر لو بفلوس زي الخليج كانت بقت جنة الله في الارض .. احنا في الخليج عايشين في صحرا ومتحملينها عشان بناكل حلو وبنلبس حلو وبنتفسح في شوارع حلوة.. صحيح مفيش حوالينا غير بلوكات طوب وزرع شبه صناعي مفيش حتى نسمة هوا بتحركه ( دي اكتر حاجه لفتت نظري لما بروح في السعوديه في جنينة ولا حته فيها زرع مفيش جريده نخلة توحد ربنا تتحرك من مكانها .. ) بنحب الخليج عشان فيه فلوس بس مش اكتر لكن تخيلوا عيشتكم كده في الكويت ومفيش فلوس ومضطرين تحوشوا وتدبقوا ومفيش جمعيات تعاونية ولا في عربيات آخر موديل .. مستحيل هتقعدوا فيها يوم واحد .. لا انتم .. ولا اهلها ..

يا اخواننامتصدقوش وربنا فازة هههههههه