لوحة القادة

إكتشفت أهمية محلول الجفاف منذ ما يقرب خمسة عشر عاما و كانت تصيبنى حالات من الإعياء الشديد و الشعور بالتعب و الإرهاق و تعبت مع الأطباء و لا أذكر السبب الذى دعانى لتجربة محلول الجفاف. ما سبق كان إستهلالا لابد منه العاملين فى شركات البترول فى المناطق الحارة يجدون دائما على مائدة الطعام قنينة بها أقراص ملح و يتناولوها لتعويض الأملاح المفقودة نتيجة العمل الشاق ، و عنما قمت بالحج لثانى مرة سنة 1989 أذكر أن الوقت كان حارا و نصحنى صديق طبيب بأن أصطحب معى محلول الجفاف و كان إسمه rehidrand و كان له طعم الفاكهة و فعلا إستعملته حتى دون أن أصاب بأى أعراض للحر. لماذا أكتب هذا الموضوع فى باب الأسرة و الطفل ببساطة لأنقل لكم خبرتى فى مفعول و ضرورة تناول محلول الجفاف فى الأيام الحارة حتى لو لم تصب بأعراض ضربة الحر. منذ أيام - ثانى يوم رمضان أصاب زوجتى إعياء شديد ثم درجة حرارة وصلت ل 38.5 و هذه الدرجة تمثل بالضرورة حالة مرضية و بدأنا التعامل مع الحالة أنها نوع من نزلات البرد أو الأنفلونزا أو كما يقول العامة "برد مكتوم" و إشترينا مضاد حيوى و دواء برد "بروفين فلو" و "بروفين 400" و إستعملنا كمادات ......... و قضينا ليلة ليلاء و إتصل بى إبنى أحمد و ذكرت له الحالة فقال بتلقائية إستعمل محلول الجفاف طبعا قلها بناء ذكريات سنوات مضت عندما إكتشفت أهمية محلول الجفاف و شربت زوجتى محلول الجفاف و أتى بمفعول السحر و إنخفضت الحرارة فى ظرف ساعة زمن. والدة زوجتى (بيجة عمرها 89 سنة) شعرت بإعياء شديد أول أمس و كان أن جربت محلول الجفاف مرتين و إستعادت حيويتها بسرعة. محلول الجفاف تروج له وزارة الصحة كعلاج للأطفال و يباع العلبة عشرة أكياس بثمن جنيهين و نصف. أنصح و أدعو كل أسرة أن تحتفظ بعلبتين من محلول الجفاف بالمنزل و أن يكون هناك نوع من الحذر من أعراض الجفاف و من ضربة الحر و هى مختلفة عن ضربة الشمس فى أنها ليس لها أعراض واضحة غير إرتفاع درجة الحرارة و الإعياء الشديد.

في النت .. لاتترك سندريلا فردة حذائها لــ الأميــر سهـواً .. بل متعمدة.... بكل خبث وكيد وتخطيط .. والأمير لا يبحث عنها ليتزوج بها.. في النت .. ليلى لايأكلها الذئب .. ليلى.. يأكلها صاحب قلم لديه خبرهـ عظيمه بشعاب النت / والعذارى / والأحلام / والقلوب .. في النت .. لم تمت ( سنووايت ) مسمومه بتفاحــه .. ماتت مسمومه بقصيدهـ ووعد كاذب وشاعر يتبعه الغاوون .. في النت .. لاتكتفي ( سنووايت ) بأقزامها ه .. فيتجاوز عدد الأقزام ..أضعاف أضعاف ه .... في النت .. ليلى لاتتزوج .. وقيس لايُصاب بالجنون .. فلا وقت لدى ليلى ل (الحلال).. ولا وقت لدى قيس للبكاء والجنون .. في النت .. الكل رومانسي والكل متحضر والكل مثقف .. والكل أبيض والكل نقي.. حتى بنات الليل وكلاب الشوارع .. في النت.. الكل فارس والكل شجاع .. والكل يُطالب بالديموقراطيـه .. والكل يلعن ( أبو الحكومات ) متخفياً تحت رداء النك نيم ( الإسم المستعار) ... في النت .. الكل ولد ( نعمه ) والكل اولاد ( عز ) والكل أولاد ( ناس ) والكل أولاد ( شيوخ ) .. والكل يعيش في القصور والكل ينام على الحرير .. في النت .. الكل لديه شفافيه ..والكل مصاب بتشابه الأفكار .. والكل يتغنى بتوارد الخواطر .. والكل متأثر بكاتبه المفضل حد التلاعب بنصوصه.. وسرقتــه ..! في النت .. الكل ضحية العادات .. والكل ظلمته الظروف والكل تزوج ابنة عمه رغماً عنـــه .. والكل زوجته لاتقدر مواهبـه المدفونـه ..! في النت .. كل الأشياء قابله للرهان لديهم .. فيتراهنون على القلوب.. ويتراهنون على النساء .. ويتراهنون على الأعراض .. ويتراهنون على الكبائر ..! في النت .. كل الأحلام ورديـه .. وكل الحكايات ورديـــه .. وكل الليالي ورديـــه .. ووحدهـ الواقع أســود ..! في النت .. لاتتعمد الغياب لتقيس مساحة فراغك لديهم .. ولاتنتظر ليلة ظلماء يتم افتقادك بها.. فكل ليالي النت خافتة الإضاءة ظلماء ..! في النت .. يفشل أصحاب الوجوه الواحده .. والقلوب الواحده .. في المحافظه على الكثير .. وينجح أصحاب الأقنعـه المتعدده والقلوب المتعدده في الكثيــر .. في النت .. يتفننون بتسلق ( سلالم ) الأرواح .. و ( سلالم ) الأكتاف .. و ( سلالم ) الظهور.. وخسران كل شيء من أجل الوصول لـقمـه وهميــه ..! منقول مع تحياتي وانبهاري بهذا الكاتب المجهول الذي لمس كثيرا من الحقيقة وصاغها بشكل أدبي رائع

السلام عليكم و رحمة الله و بركاته بما ان الموضوع بقي هيبقي فيه ابداع متمحور حول ذاتية الانسان المنبثقة من شعوره اللاواعي بالفراغ يبقي خليني ااقولك ع حاجتين أما الحاجة التانية (و سيبك من الاولانيةاهه حتة ابداع اهه....جبنا القفا قدام و الوش ورا...محرمناكيش من حاجة) كنا درسنا في الفيزياء حاجة اسمها ظاهرة التشبع...باين في درس الماء العسر يعني من كتر ما بتضيف علي المية ملح ....خلاص مبقاش فيه ذوبان نفس الحكاية ممكن تلاقي من كتر ما بتخشي ع المنتدي....وصلتي لحالة الماء العسر انك مش قادرة تذوبي في الوسط اللي انتي دوبتي فيه من قبل بس اللي بتقوله قوانين الفيزياء.....مختلف كتير عن تفاعلات البشر معاكي كتير ان في وقت بتكوني متوقعة ان المحاور الفلاني هيقول كذا في مداخلته في الموضوع كذا.....بس بيني و بينك برضه مبتلاقيش نفسك بتخشي....عشان تثبتي لنفسك الفرضية دي...(وش عيل رخم) تفاعلات البشر بتقولك.....مافيش وقت نقدر نتوقف فيه عن الدهشة....عارفة ليه.....لأنك كل ما فهمتي نفسك اكتر.....كل ما عرفتي مفاتيحك اكتر....و عرفتي ايه الي يستفزك بس التحدي الحقيقي هو ان التفاصيل الصغيرة التي كانت مصدر للدرهشة بالامس....اصبحت اليوم تمر مرورا عابرا لا يتوقف عنده احد و بالتالي....اصبح لا شيء يدعو للدهشة كان ليا استاذ معرفشي راح فين دلوقتي في الدنيا....بس كان دايما يقولي...."اعيدي مليء كؤوس الكريستال لديك" الابداع......كاس كريستال....محتاج يفضي.....عشان يرجع يتملي....عشان يرجع ينور...و يشع بريق للي براه عشان يرجع يتملي الواحد بجد محتاج يجرب نفسه في سياق مغاير جدا للمألوف او اللي اتعود عليه طب اقترح اقتراح صغنتوت كل واحد فينا ليه حتة معينة في المنتدي بيستريح فيها صح طب حد جرب انه ينط في حتة تانية خالص......يقرا فيها او يتعرف علي وجهات نظر جديدة...او علم جديد(طب انا مرة قعدت اقرا اللاندينج بتاع دكتور التهامي في باب كنكا.....ما شاء الله عليه.....حسيت اني عايزة ااقدم ع الهجرة من بعدها :lol: ) طب حد جرب يقرا موضوع من غير ما يبص لمين اللي كاتب الموضوع.....اصل احيانا كتيرة بنبقي عايزين نشوف يا تري فلان النهاردة بيطرح التوبيك ده بانهي طريقة دي اقتراحاتي الحاجة الاولانية بقي....لو لسه فاكرة اني قولتلك هقولك علي حاجتين اتصدقي يا مغتربة اني قعدت اقرا السؤال.... و ضحكت اوي عارفة ليه...لاني تخيلت اتنين متجوزين اديلهم مثلا قيمة 30 سنة و خلاص حكوا كل الحكايات و بقوا عارفين كل الاجابات بتاعت اسئلتهم حتي من غير ما يسالوها.... بس ع الرغم من كده لسه كاتمين ع نفس بعض....قصدي.....لسه حاسين بالونس بينهم انا بقول كده ليه عشان انا بشوف ان المنتدي ده......ونس من نوع خاص صحيح البدايل كتير بس اوقات برضه ببقي داخلة و عايزة ااقرا لشخص بعينه.....نفس وجهة النظر اللي كان قالها او اللي انا متوقعاها.....بيديكي شعور ان فيه حاجة ثابتة.....فيه حقيقة فيه ونس و عشان كده بحس اكتر مشاركة مثلا لما حد بيكتب عن مشكلة شخصية....و انا بشوفها بتبقي انسانية في المقام الاول....لاني بحس ان فيه حتة حديد جوايا بتنجذب لاي مغناطيس فيه مشكلة انسانية او حاجة مجتمعية يبقي ايه الحل بقي غرقوا المنتدي مشكلات شخصية....... :lol: لا طبعا ...دي كانت مزحة اديني قولتلك ع الحاجتين...و سامحيني ع الرغي.....انا ما صدقت اختلس اللاب من ايدي الاشرار الصغيرين صباااااحك.....كؤوس كريستال.....نورها يضوي...جواها....قبل براها

بيت العيله دا الاسم الجميل الى اطلقته ماما قلب ابيض على منتدانا الجميل و انا اقتبسته منها علشان اقول لكم ان فكرت ان احنا نعمل عيد ميلاد للمحاورات الجميله الى جمعتنا مع بعض و ساهمت مساهمه مباشره فى زياده ثقافتنا و توسيع رؤيتنا و افاقنا الفكريه كنت حابه جدا نعمل عيد ميلاد للمحاورات زى ما بنعمل لبعضينا و بنهنى بعضنا عايزين نحتفل بيها و نعمل لها احتفال كبير و جميل يمثل مدى معزتها و مكانتها عندنا بس واجهتنى مشكله انى معرفتش اوصل لتاريخ عيد ميلادها دورت فى المنتدى بس معرفتش اوصل تحديدا لاول يوم ابصرت المحاورات فيه فياريت استاذ عادل او اىا من الاخوه الافاضل المشرفين يمدونا بالمعلومه دى و عايزة اسمع رايكم انتم كمان فى الفكره و يا رب الفكره تتنفذ و نعرف نعمل احلى عيد ميلاد لاحلى محاورات ها ايه رايكم و الى عنده اقتراح ياربت يضيفه علشان نوصل لاحسن فكره

أفندينا أنعم علينا بعلاوة تجيب كيلو جبنة وعلبة حلاوة آتاري العلاوة مجرد أتاوة و احنا علينا الكلام اختلط ***** عشان في البداية حسبناها خير و قلنا نواية حتسند يا زير و حسنة حتمنع بلاوي كتير و كنا حقيقي في غاية العبط ***** في لحظة افتكرنا ان لينا حقوق و نمنا و صحينا لقينا الخازوق و قبل اما حتى يا عالم نفوق لقينا اللي لسه حناخده اتشفط ***** أفندينا يعني في لحظة تجلي تعطف تلطف و قرر يخللي مساحة الغلابة تزيد ستة مللي و ياكلو بدال التراب الزلط ***** أفندينا أعلن صدور القرار و قبل اما ينجح في أي اختبار فوجئنا بزفة و مولد و زار قصايد جرايد برامج يفط ***** تؤكد بأن الحكومة بذكاء و من حزمة واحدة قضت ع الغلاء و لابد يبقى لدينا انتماء و ناكل و نشرب و نلبس خطط ***** عبال النمو اللي قالوا عليه و حايشينه عنا منعرفش ليه ماتلمح مكانا في مرة عينيه و نقدر ندوق منه حتى نقط ***** مادام كل حاجة تمام ع الورق مفيش أي داعي عشان القلق و لو مش مصدق خلاص اتفلق ورقنا اللي صح وكلامك غلط ***** و قاللي مواطن عليم بالخبايا أفندينا قرر تزيد الجباية عشان شعبه جاحد قليل الرباية بياكل و ينكر زي القطط ***** اذا الشعب صدى بفعل البارومة حتعمل حسابه ف ايه الحكومة وهي اللي جاهزة بكرباج وشومة عشان لوفي واحدفي عقله اتخبط ***** تعيش مصر دايما في عز و جمال يعيش الواطن شديد الاحتمال و آمن تماما من الاشتعال و أقصى ما عنده ينكت فقط *****

من يومين تلاتة كانوا الاولاد بيتفرجوا على فلم " وحدي في المنزل" home alone طبعا الفيلم قديم و معروف و شفته كتير جدا حتى من قبل ما اتجوز و أخلف ما علينا لفت انتباهي مجموعة مشاهد ورا بعضها المشهد الأول: الأم تحاول الاتصال بالشرطة لتطمئن على طفلها البالغ من العمر 8 سنوات الضابط رقم 1: قسم الشرطة كيف يمكنني أن أخدمك؟ الأم: لقد تركت طفلي وحده في المنزل ..... الضابط رقم 1 و هي تلف أحد هدايا الكريسماس: لحظة سأحولك إلى ادارة الأزمات العائلية... الأم: آلو... انتظري الضابط رقم 2 و هو يتناول قطعة من الدوناتس: ادارة الأزمات العائلية ...نعم كيف يمكنني ان اخدمك الأم: لقد تركت طفلي وحده في المنزل ..... الضابط مقاطعا: هل حدث اي شجار هل هناك عنف هل حدث له مكروها الأم : أأمل أنه بخير ... الضابط رقم 2 مذهولا: اذن كيف يمكنني أن أخدمك؟ الأم: أريدكم أن ترسلوا أحد الضباط للبيت ليطمئن أنه بخير الضابط رقم 2 متعجبا: لحظة سأحولك إلى القسم مرة أخرى و ينادي على الضابط رقم 1 من المكتب المجاور: مكالمة على الخط الثاني الأم: أريد.. الضابط رقم 1مقاطعة و في يدها علبة الهدايا: حسنا .. حسنا سنرسل ضابطا ليطمئن عليه و بالفعل تم ارسال ضابط المشهد الثاني الطفل يشتري فرشاة أسنان يسأل البائعة العجوز : هل هذه الفرشاة مصرح باستخدامها من قبل الهيئة الأمريكية لأطباء الأسنان؟ البائعة مبتسمة: لا أعلم الطفل: هل يمكنك التأكد لو سمحتي؟ البائعة تنادي أحد الموظفين فورا لتسأله المشهد الثالث الكاشيرفي السوبرماركت متشككة بأن الطفل بمفرده في المحل : هل أنت بمفردك هنا؟ الطفل: انا عمري 8 سنوات هل تعتقدين أنني بمفردي .... لا أعتقد ذلك فبدأت تحاصره بالأسئلة أين أبيك؟ في العمل والدتك؟ في السيارة أخوتك؟ في المنزل أين تسكن؟ لا يمكنني الإجابة لماذا؟ لأنك غريبة عني فسكتت على الفور المشاهد دي فيها ناس زينا بالضبط ممكن الضباط في العيد مثلا يكونوا مضطرين يشتغلوا و الناس بتعيد و ما يصاحب ذلك من شعور بالاحباط و الملل و يمكن يعتبروا ان طلب الأم مبالغ فيه طالما الولد محصلوش حاجة او يمكن ميكونوش متصورين اللي حصل بس انطباعاتهم حاجة و القانون الرادع للتخاذل عن أداء الواجب أجبرهم يتحركوا و ممكن البائعة العجوز تحدث نفسها جمعية ايه و كلام فاضي ايه ما هي فرشاة أسنان و خلاص لكن لأن في احترام للأطفال في الخارج و انه لا يجوز السخرية منهم أو الاستخفاف بهم القوانين أجبرتها تتحرى عن سؤال الطفل و الفضول ده طبيعة بشرية و موجود في الناس كلها الكاشير شكت ان الطفل لوحده و حبت تعرف الموضوع بس طبعا في حدود و في قانون ان الغرباء لا يجب أن يعرفوا أي معلومات شخصية و طبعا ده كان رادع ليها فتوقفت على الفور يا ترى لو في قوانين رادعة في المحروسة كان ممكن نبقى عايشين ازاي؟؟؟؟ الحوار مفتوح للجميع

اعتقد ان كل رد جاء محملا بزاويه من الحقيقه بحيث لو جمعناهم مع بعض جميعا سنضع ايدينا على كثير من الاسباب التى ادت الى تفشى هذه الظاهره فنستطيع ان نقتبس من استاذ عادل 1- و من استاذ موزوهيرى 2- من استاذ اكرم جروب 3- من الفاضله لماضه 4- و استاذ سيمبا 5- اعتقد ان تجميعهم معا بهذا الشكل يجعل الصوره اوضح لكن ما زالت هناك اسباب اخرى كثره ما زالت فى حاجه لتسليط الضوء عليها فالجرح غائر و للاسف دمه تفرق بين اسباب كثيره جدا ملحوضه خاصه : استاذ عادل تقيمك للموضوع بالايجابى بالتاكيد تاج كلله ببصمتك :roseop:

كلاهما بنفس الأهمية الأخلاق تمنع الشخص من فعل الخطأ حتى لو لم يره أحد والحدود تعاقب المخطئ وتردع من يريد أن يخطئ

يذهبون ويبقي الأصل منذ بداية تسجيلي في 2006 وأنا اشاهد الكثير من يتغني بحب المحاورات والأنتماء وبين الحين والأخر اتغني معهم واشاهدهم وهم يغيبون الواحد تلو الأخر . فمثلا وليس الحصر فالأمثلة بالمئات الكثير هنا يعرف العضوة نجفة او بدرية كان لها نشاط غير عادي وانتشار في جميع المواضيع تقريبا والمتابع لها سيجد لها اعترافات بحب المحاورات والبيت الأول وكل هذه الاشياء التي نتغني بها .. لكنها ذهبت كما ذهبوا من قبلها وكما ذهب من بعدها الكثير رحلو وبقي الاصل الذي بقيت بفضلهم المحاورات محاورات وبقي الذين يتعاملون مع المواضيع بحذر فيخشون الاصصدام بانتقادات لاذعة احيانا ... بقي الذين يحبون المحاورات ويعترفون بالجميل لها وقريبا سيذهب اخرون ايضا ويأتي غيرهم وسيتغني غيرهم بالحب والأنتماء والبيت الأول أن الحبيبة يعجبها كثيرا قصائد الغزل لكن تبقي في النهاية قصائد تحتفظ بها في أدراجها وهل يسعد الحبيبة اكثر من وجود حبيبها هكذا نحن نقسم بالحب والولاء لكن في احدي محطات القطار نهبط تاركين الحبيبة مع كثير غيرنا يمضون معها في طريقها هناك من ينوي البقاء وهناك من ينتظر مجئ محطته

<div>القانون الذي لا يطبق على الكل مش قانون أساسا ... أهم صفة في القانون هي العمومية</div>

طب ما تنجز وتلخص وتقول " لموناته " ههههههههه مش لايق عليك الخبث يا مزاهيري وهاريحك أنا ... هانريحوك عالاخر مزاهيري يا جماعة عاوز يقول - بس مكسوف - أن ما تراه أنت صحيحاً ليس بالضرورة أن أكون رأيته خطأً . فالحقيقة قد تتحمل أكثر من وجه على أساس يعني إن معظم - إن ما كانتش كل - أراءه بتبقى حادفه شمال .. فعاوز يفهمنا إنه ممكن كلنا نبقى صح .. إحنا صح وهو صح والفيلم كله يبقى فتوات وما حدش ينضرب يعني .... ونعيش إخوات ونلعب مع بعض في سلام ها ها هيهات أيها المزاهيري في أمور كتيره يا صديقي لا تحتمل إلا وجه واحد فقط للحقيقة لا تقولي بقى حمار مخطط ولا كلب البحر

بالطبع لن اختلف مع من سبقونى فى ان الاكثر ردعا هو القانون و لكن ارى انه لا يستطيع بمفرده ان يقوم بالعبء باكمله لان القوانين فى مجملها تعتمد على الادله الماديه اما الاخلاق فتعمل حتى فى غياب الادله الماديه و قوه الواعز الاخلاقى يؤثر على قوه فاعليه القانون ( و لكن لا يلغيها ) فكلما نما الوازع الاخلاقى عند الناس كلما كان تطبيق القوانين ايسر و اسهل فكل القوانين فى العالم جمع بها ثغرات يستحيل وجود منظومه تشريعيه بلا ثغرات لكن الفيصل فى استثمار هذه الثغرات من عدمه يرجع الى البعد الاخلاقى بالمقام الاول يمكن تشبيه الامر بفلاتر مزدوجه بحيث يكون الفتلر الاول هو الاكبر و الاشمل و لا يحيل الى الفتلر الثانى الا ما استعصى عليه التعامل معه و على ذلك فوجود احدهم لا ينفى حتميه وجود الاخر و ان كان احدهم اكثر اثرا عن صاحبه و انتظام القانون فى دوله ما فتره طويله يؤثر فى سلوكيات الناس بحيث تنضبط بوصلتهم الاخلاقيه تلقائيا بمرور الوقت مع مفرداته و يمكن فى بعض الاحيان ان يصير عرفا بينهم حتى لو اغلى هذا القانون بعدها بفتره فهما فى علاقه تبادليه التاثير فلا يستقيم احدهم دون الاخر

انا مع الراى الى بيقول يجس النبض عندهم الاول يعنى ممكن مامته تكلم مامتها او يوسط اى سيده على علاقه بيهم من بعيد او قريب لو مش عايز يبين مامته فى الصوره دلوقتى لو ليه اخت او زوجه اخ او بنت خاله اى سيده فى العائله يتوسم فيها انها تقدر تفاتحهم فى الموضوع بشكل سليم اى صديقه مشتركه من ايام الجامعه ( بس يتاكد الاول انها مش من النوع الى بيحب يهدى النفوس :rolleyes: :rolleyes: لحسن انت عارف غيره البنات من بعض wst:: wst:: )

في مقولة شهيرة لسيدنا عثمان بن عفان بتقول " إن الله ينزع بالسلطان .. ما لا ينزع بالقرآن " فالأخلاق بدون قانون .. يبقى ولا منها فايدة والقانون بدون أخلاق ممكن يُفسد الأخلاق زي قوانين زواج الشواذ مثلاً أو إباحة المخدارات وما إلى ذلك لكن عامةً .. القانون يأتي اولاً قبل الأخلاق عشان تظبطه وتضعه على التراك الصحيح

طبعا القانون بكل تأكيد ايا كانت انتماءات الدوله و شعبها دينيا فالشعب السعودي مثلا و هو كله من المسلمين لم يردعه في قوانين المرور اي اخلاق ولا حرمانيات ما ردعه فقط هو قانون جديد اسمه ساهر و هو عباره عن كاميرات مراقبة في الاشارات و رادارات السرعه فأصبح الشعب السعودي كما اراه الآن افضل كثيرا من ذي قبل في قيادته للسياره و احترامه للمرور

الأخت الفاضلة/ مصرية متغربة ... أمريكا دولة ليبرالية علمانية، وبالتالي لا يوجد بها "كود" موحد للأخلاق. يعني مقارنة بمصر اللي معظم أهلها مسلمين، مفيش حاجة اسمها حرام أو عيب أو ميصحش أو ينوبك ثواب ... الخ. وهذا لا ينفي وجود استحسان واستنكار لبعض الأخلاق بين العامة، لكن برضه المفهوم العام إن كل واحد حر في تحديد "كوده" الأخلاقي الخاص بيه. وده فرضته بشكل كبير طبيعة نشأة الدولة، اللي تكونت من ناس من ثقافات وأصول مختلفة، وبالتالي طبيعي أن تكون أعرافهم وتقاليدهم وتعريفهم للأخلاق الحسنة والسيئة مختلف. فبيتبقى القانون كملجأ أخير عشان الدولة تنفع، لكن مع إعطاء كل فرد الحرية في اتخاذ ما يراه من الأخلاق طالما في إطار القانون. برضه مش زي دولة عريقة زي مصر، ليها سكانها وأهلها اللي عاشوا على أرضها آلاف السنين وتجذرت ثقافتهم وأعرافهم في أرضها طوال تلك المدة، بالإضافة إلى الدين. فبالتالي توجد منظومة عامة للأخلاق في مصر، على رأسها أعراف "الواجب" و"العيب" (السادات عمله قانون) و"الحرام" واللي "مايصحش" و"احنا اتربينا على كده" و"الناس يقولوا علينا ايه" ... الخ. فأنا شايف إن إجابة السؤال تعتمد على طبيعة الدولة. لكني برضه بشكل عام شايف إن الاتنين بيمشوا مع بعض بالتوازي. علمًا بأن القانون باستمرار وجوده وتنفيذه على مدار سنين طويلة، بتصبح مواده عادة عند الناس وجزء من ثقافتهم، يعني إلى حد ما بيتحول إلى شبه خُلق. وعلى الجانب الآخر القانون لازم يأخذ في اعتباره بواقعية إمكانية تطبيقه من عدمها، يعني لازم يكون فيه توافق بين ثقافات وأخلاق المجتمع - إن جاز التعبير - مع مواد القانون، من ناحية لكي يصلح ويمكن تنفيذه، ومن ناحية أخرى لأن الناس (أو ممثليهم) هم من وضعوه. تحياتي ...

أهلا بسمبا باشا رمضان كريم يا فندم أحب أطمن حضرتك ان النظام اللي في أمريكا مش مستحيل يحصل في مصر و على فكرة وعي المواطن المصري أكبر من وعي المواطن الأمريكي المصري على الأقل عارف أخبار الدنيا من حواليه بينما الأمريكان مشغولين عن متابعة أخبار العالم في منهم اللي مشغول بجد و في منهم اللي قاعدين ع الكنبة طول النهار يتفرجوا على التلفزيون و ياكلوا بيتسا و ايس كريم أمريكا مش الجنة يافندم و اللي فيها مهماش ملايكة الجميل في أمريكا ان في دايما فرصة لكل بني آدم يحقق أهدافه مهما كانت طبيعة الأهداف دي النظام اللي عندهم ده ما جاش من فراغ و دفعوا تمنه كتير جدا من ناس كتير راحت ضحايا الهمجية و حروب العصابات و ما فيات المخدرات و السلاح مفيش حاجة مستحيلة لو فعلا عندنا رغبة في تحقيقها و بطلنا لوم و مقارنة و نقد و أنانية و اننا نعيش في الماضي السلبيات الخمسة دي كفيلة بقتل أي بارقة أمل في التقدم للأمام لدى أي انسان فما بال حضرتك بشعب غارق حتى أذنيه في تلك السلبيات و طبعا حضرتك عارف إن السلبية مرض معدي و حاليا متفشي بين البشر بشكل عام مش بس في مصر تفاءلوا بالخير تجدوه

انة يتقدم تانى عادى مفيهاش حاجة لكن مرتين رفض دة اللى مش عادى يبقى الحل اية انة ميتقدمش الا لما يتاكد انة المرة دى مش هترفض طيب يعمل اية دة دور البنت بقى ؟؟؟ تتكلم مع ماماتها و تفتح سكة مع باباها الام ليها تاثير و دور ايجابى جدا فى الموضع لو الام كمان رافضة يبقى صديقك يلغى المووضع كدة اكبر قوتين مش معاة يبقى الان دور الام و البنت لو ربنا سهل و عروفوا يقنعوا الاب يتقدم لو معرفوش يبقى يدور على غيرها و ملوش لزمة الاحراج مرتين

حبايبنا واصداقئنىا في المنتدى العزيز لقيت التقريرده ف نيوزويك وحطيت لكم اللينك عشان تشوف كل بلد فيها ايه وهم حاطين العوامل اللي بيختاروا عليها طبعا مش هقولك للاسف الشديد وطني العزيز ترتيبه ايه عموما سريعا اللي لاحظته ان الكويت افضل الدول عربيا عموما اتركم مع التقرير وكل واحد يختار يعيش فين http://www.newsweek....-countries.html

اصلها نسبة كبيرة جدا .... يعنى ما بين كل 20 واحد اعرفهم هناك يطلعلى واحد شاذ لأ يطلعلك 4 شواذ مش واحد من كل ميه عشرين و من كل عشرين اربعه :rolleyes:

وانا مصدقة الحاج زهيري في كل كلمه يقولها وان ملوش دخل بالتقييم الايجابي لمشاركاته .. الحاج راجل كله مفهومية ومستحيل يغلط غلطه زي دي ويقيم حاجه ايجابيا وهو مش مقتنع بيها smk: ولذلك اعطيت اخوية في المظلومية سين سين تقييم ايجابي على مشاركته عشان يبقى ده قصاد ده ويادار مادخلك شر .. ملاحظة : من قدم السبت .. متنساش ياسين ابن العم سين تقيمني ايجابيا على المشاركة دي عشان تعادل البي اتش لما يقيمها الحاج المايسترو سلبي .. ده كاس و داير يا حاجه ضحى عندك انا مثلا ماسكاني الحاجه شيكو تشريح و كل شويه تديني تقييم سالب في الرايحه و الجايه يعني مره انتقدتك في مداخله و انتي اعترفتي بصحة الانتقاد بنفسك و مع ذلك رزعتني واحد ماينص كاس و داير منه له جاي و رايح منه له

هي دي الي عاملين عليها القلبة من الصبح يعني مش بطالة ..بس بيني وبينكم .. يقولوا عدوة ثقافة يقولوا مبتفهمش في الفن والجمال بس رايي الي مقتنعه بيه ان في بلد الناس فيها مش لاقية حق رغيف العيش حرام وقلة حيا كمان وسفة اننا ندفع 500 جنيه حتى مش بس 500 الف في حراسة متحف عدد زواره لا يتجاوز 20 زائر كل يوم .. افهم اننا نحتفظ باثارنا الفرعونية والمصرية اجمالا وافهم اننا ندفع فيها دم قلبنا حراسة وتخزين لان ده تراثنا منقدرش نتخلى عنه .. لكن مالنا احنا ومال فان جوخ ولا بطيخ .. ازاي يكون عندنا لوحات بالقيمه دي ونحتفظ بيها مركونه عشان يشوفها عشرة عشرين واحد لغايه ماتنسرق ومنروحش من البدايه نبيعها ونعمل بتمنها حاجة تفيد .. مصر خلاص معادتش بلد سياحية حتى لو البعض لسه معتقد كده . لو الوحات والتماثيل وكيوبيد وابصر كيت الي في المتحف دي انباعت بسعرها وتم توجيه المبلغ لدعم المتحف المصري مثلا ولا اي قطاع سياحي اخر ولا حتى جبنا بيهم عيش حاف للغلابة في العشوائيات كان ابرك من رميتهاكده لغاية ماياخذها صاحب النصيب.. وخلينا كده زي الكحيت بتاع احمد رجب .. مش لاقيين ناكل وعاملين بنفهم في الفن الرفيع .. الرفيع اوي ..

يا اخواننامتصدقوش وربنا فازة هههههههه

كل حاجة بتريح فى رمضان ، إشمعنى بتوع السفارة اللى احنا عايزينهم يشتغلوا ، ما هم مصريين بردو ، ان شاء اللة لو مندعيتشى فيما تبقى من رمضان ، هتبقى سيول بعد العيد