لوحة القادة

http://www.youtube.com/watch?v=5zIRY6onhow&feature=player_embedded#! ....ممكن حد يشاورلى على الفيديو ده ويقولى ... احنا فين ؟؟؟ وامتى ......؟؟ وازاى ؟؟ مصر فى عيونهم .... امال عيونى مالها ؟؟. تفتكروا ...انا محتاجة لدكتور رمد ؟؟ ..فين الدويقة ..فين منشية ناصر ؟؟ فين المرور ووقفات المحور القاتلة ؟؟ فين افران العيش ؟؟ احنا فييييييييييين ....وهما فين .؟؟؟؟؟؟؟

الحمد لله الف مبروك يا دكتورة يالا شدي حيلك بقي ان شاء الله هنبعت كلنا مع بعض انا واكرم قدمنا شويه حاجات كده و هنبعت لما نخلص ان شاء الله على الاحد او السبت بكرة ايه رأيكم اكون اونلاين بعد التروايح كده 10 مثلا او 11 عشان نكتب الابليكيشن مع بعض او لو في حد عنده اي استفسار بالنسبه للنتيجه جميله جدا الحمدلله ربنا مضيعش تعبك فعلا انا عارف انك تعبتي والحمدلله ربنا يوفقك ان شاء الله تكمل على خير بس 9 ريدنج ........ جامده دي هههههههههههههههههه ما شاء الله عمرو

الفاضل احمد سيف تحية طيبة ياسيدي التجربة الوهابية لايمكن نقلها الى مصر لمليون سبب وسبب الجميع يعرف ان مصر كانت دولة بمعنى الكلمة من آلاف السنين بينما الدولة السعودية أسسها الملك عبد العزيز بحوالي 17 رجل جاء بهم من منفاه بالكويت الفكر الوهابي لو تقصد به حضرتك التنطع في امور الدين بما لايوافق نقل او عقل .. هو شيء ليس مقصور على شعب بعينه لكنه واضح وظاهر في التجربة السعودية وبالتالي فالاسباب التي ذكرتها حضرتك غير واقعية عند قراءة واقع كافة دول الخليج التي ينطبق عليها جميع ماذكرت ومع ذلك لم نشهد فيها بزوغ نجم الافكار الوهابية ولكن يهمني التأكيد على نقطة اراها محورية الوهابية لا تساوي التنطع والجمود هي كلمة ينسب قائلها بعض الافكار الى الشيخ محمد بن عبد الوهاب وعلينا البحث والتمحيص عن هذا النسب .. هل هو حقيقي او انتحال فأنا قرأت من بعض مؤلفات الشيخ مثلا كلام لا يختلف عليه اثنان في التوحيد والعقيده ونبذ البدع والامور الشركية الى غير ذلك من نواقض التوحيد التي كانت موجوده في الارض السعودية وقت ظهور الشيخ دمت بخير

كثيرا ما واجهتنى عبارة الكلام فى الدين لعلماء الدين مثل أن الحديث فى الطب للأطباء و فى الهندسة للمهندسين و لم أكن أقبل هذه المقولة ما سبق كان إستهلالا لابد منه الكاتب خالد منتصر أفرد مقاله اليومى لعدة أيام لعرض المقولات المغلوطة التى تقف عائقا أمام الإجتهاد و إليكم نص مقاله يوم الجمعة الماضى:

لا يوجد في الأسلام كهنوت و لا أسرار بل حض على التفقه في الدين و طلب العلم عندما عارضت المرأة عمر بن الخطاب و هو من هو علما و فقها لم ينكر عليها لأنها جاءت بالدليل من كتاب الله لكن لا يصح الاجتهاد دون مقومات أو الكلام بغير علم

يتوجه فريق الإشراف بالأسف إلى كل الزميلات والزملاء الذين حاولوا الحوار "بموضوعية" فى هذا الموضوع .. حيث قد وصل أسلوب الحوار إلى ما لا نسمح به فى موقع "محاورات المصريين" سيغلق الموضوع لحين المداولة بشأنه بين أعضاء فريق الإشراف والوصول إلى قرار نهائى بالنسبة له ، فضيق الوقت فى شهر رمضان المبارك لا يتيح لأعضاء فريق الإشراف رفاهية تتبع كل ما تخطه الأقلام لحذف كل كلمة سيئة أو لفظ غير مناسب نشكركم على تفهمكم ونرجو قبول اعتذارنا عن إغلاق الموضوع الذى نرجو أن يكون مؤقتا فريق الإشراف

شكرا اخ egyptawy علي مرورك الكريم و ردك ولكن اعذر جهلي اين يقع حي الورود ومواصفات الشقق هناك بتكون ازاي

هناك أمور فى الدين قابلة للنقاش والأخذ والرد وهناك أمور اخرى لا تقبل النقاش ... فهى منزلة لحكمة لا يعلمها الا الله وعليه ... عندما يريد شخص ما الاجتهاد فى امور الدين، يجب ان يكون قد حاز على قدر معقول من العلوم الدينية ... كأصول الفقه والحديث وغيرهم من علوم الدين ولكن ما يحدث اليوم ... ان كل من هب ودب يتحدث فى امور الدين بناء على رأية الشخصى، وهذا الرأى الشخصى يكون غالبا مبنى على البيئة التى نشأ فيها هذا الشخص - سواء متشددة أو مفرطة ما أراه هو ان الاجتهاد فى امور الدين له حدود ومتطلبات

الايلتس بيتعمل تبع البريتش كاونسل ومكان الاختبار فى القاهرة والاسكندريه بس لااعتقد ان فى مكان تانى فيه الاختبار وعموما ادخلى على موقع البريتش وادخلى على البرتش بتاع مصر هتلاقى اماكن الاختبار ومواعيدها واخر موعد للتسجيل فى الاختبار وعموما هو تقريبا حجز الامتحان بيكون قبلها بشهر او شهر ونص وكل ده هايبان من الموقع بتاع المواعيد وتكلفته فى مصر 800 او 850 جنيه والنتيجه بتطلع بعد اسبوعين من الامتحان وبالتوفيق اكرم,,,

أولاً هانت كرامة المواطن فى الداخل فـ هانت كرامته فى الخارج وبغض النظر عن درجة الغضب من عدمه، فالبداية من احترام المواطن داخلياً ... فتكون النتيجة احترامه خارج حدود الوطن

ياعم اسد الموضوع زاد عن حده قوي , طب انا معاك ان الجريمة دي ليها ظروفها , طب اللى قبلها ومقتل المواطن المصري على يد قرية باكملها وصلبه كالذبيحة والتمثيل بجثته وبعد انتهاء التحقيقات طلع براءة من الجريمة اللى كان مشتبه فيها طب اين حقه, اليس هذا انتقاص من مصر ومش دول وبس ومقتل الدكتورة مروة الشربينى في المانيا , ومقتل الصيدلى المصري طعناً على يد سعودي في المدينة المنورة , واطلاق النار من قبل شاب سعودي على مديره المصري, ومقتل مندوب المبيعات المصري في الكويت على يد جيرانه الشوام ايضاً , واعتقال مجموعة من العمال المصريين في قطر بتهمة التخابر "عمال وبتهمة التخابر" تيجي ازاى دي مش عارف, واعتقال العالم المصري النووي في امريكا .. وغيرها وغيرها لو عاوز تانى اكملك كل هذا من وجهة نظرك لا ينقص من قدر المصريين او حكومتنا الموقرة التى تقف عاجزة عن حماية رعاياها في كل هذه البلاد. للاسف الشديد من يمسكون بمقاليد الامور حالياً , آخر شيء يفكرون فيه هو المواطن سواء في الداخل او الخارج. ولنا الله طيب حضرتك ممكن تطرح علينا إقتراح موضوعي أو سيناريو حسب قناعاتك ووجهة نظرك ورأيك لما يجب أن تفعله الحكومة المصرية بالتفصيل لو سمحت في ظل كل الإعتبارات الأخرى القوانين الدولية وسيادة كل دولة والإتفاقات الأمنية ومصالح جموع المصريين .... الخ في إنتظار الرد على سؤالي هذا من حضرتك أو من أي من المتحمسين والغاضبين من مواقف الحكومة في تلك القضايا بالتحديد التي ذكرتها لبنان - حالتين المانيا - حالة مروة الشربيني السعودية : حالة الصيدلي

....لو سمحتم ممكن اقول رأيى الشخصى .....الاجتهادى .... اللى قدرت اوصله ..بعد البحث والتفصيص والتمحيص .... مارأيته بعين الحقيقة داخل البنوك بعد عشرااااااااااات السنين علاوة على اجتهادات اقتصادية بميزانيات البنوك...ودراسة طبعا ... اولا فيما يخص البنك المركزى : وده البنك اللى بيحدد سعر الفائدة على مستوى البنوك حتى الاسلامية وده بناءاَ على المعطيات لكل بنك (بالبلدى كده الميزانية وحجم الوداع ومؤشرات الادخار و معدلات التضحم) ثانيا فيما يخص البنوك الربوية (زى مابيقولوا عليها ) محدش يقولى ان البنوك بتحط فايدة ثابتة ...لان الفايدة من 10سنين كانت حاجة ودلوقتى بقت 9%بالمتوسط ...يعنى اذا الفايدة موش ثابتة .... طيب اومال ال9%....؟؟دى ياجماعة بعد مايحط عامل اسمه عامل المخاطرة (بيتاريسك ) وبكده حضرتك بتتحمل جزء من المخاطرة فى الخسارة ختى لو المشروع ماخسرش...يعنى المودع قبل مايحد 9% شايل فى الخسارة بنسبة ثابتة برضه ... ثالثاً البنوك الاسلامية وده بقى ...اللى موش عاوزة اتحمل وزر الحديث عنها ...غير انه يكفى انى اقول انها بتشيل فلوسها فى البنك المركزى وتاخد عنه فايده ثابتة ....وتدى العملاء جزء منها ...وقلما لما تشوف مشاريع استثمارية كبيرة لبنك اسلامى ...الموضوع مبنى على اساس تدوير الفلوس موش اكتر ... وعلشان ابقى قلت الحقيقة كاملة الميزة الوحيدة فى البنوك الاسلامية انها موش بتدخل فى مشاريع خمور او ما شابه ....واللى بيتعامل مع البنوك دى بيبقى عمل اللى عليه والوزر على اولى الامر ... اخيرا ....بقى ان اقول ....الله ورسوله اعلى واعلم

أحييك استاذ شريف على موضوعك المميز انا شايف ان اى رجل اعمال زيه زى اى حد عايز يكسب مش هدفه لا تعليم ولا اقتصاد دولة ولا اى حاجة رقم واحد واتنين والف المكسب زى ناس كتيييييييير وبالنسبة للجامعات الخاصة فهدفها الربح وماشاء الله بتحقق ارقام فلكية يعنى الهدف الاساسى من الاستثمار مش الارتقاء بالتعليم انما الفلوس وفيه بردوا رجال اعمال كتييير جدا محترمه وهدفها الصالح العام بجانب المصلحة الشخصية تحياتى

فيه ناس فى قاعدة البيانات ان بروسيس بعد 15/12/2009 و حتى 31/12/2009 اجازة الكريسماس من 16الى اول يناير الكريسماس والسنة الجديدة دى من المقدسات فى العالم وخصوصا اوروبا وامريكا الشمالية فى حاجة مش مظبوطة فى البانات وكمان شهر 8 اللى بيشتغل فى قليل دة اللى عرفتة من المركز الثقافى الفرنسى وضح اكتر يعنى ليه الكلام ده؟ هوه كل شوية ماسكين شهر و لا اية؟؟ و ايه علاقة المركز الثقافى بالموضوع انا باخد فى المركز الفرنسى فحصلت مشكلة وبها عرفت ان اجازات الاجانب \لان المركز تابع للسفارة الفرنسية وقالولى اجازات الدبلوماسيين بالزات بس ببساطة وفعلا محدش كان عندة مقابلات لكيبك فى شهر 8 او 16-31 ديسمبر دة على قدر معلوماتى احب اضيف شىء مهم يوجد فرق كبيرررررررر بين تقديم الورق فى السفارة وبين ظهور الحالة ان بروسس ع النت دة للعلم وليس اكتر

فيه ناس فى قاعدة البيانات ان بروسيس بعد 15/12/2009 و حتى 31/12/2009 اجازة الكريسماس من 16الى اول يناير الكريسماس والسنة الجديدة دى من المقدسات فى العالم وخصوصا اوروبا وامريكا الشمالية فى حاجة مش مظبوطة فى البانات وكمان شهر 8 اللى بيشتغل فى قليل دة اللى عرفتة من المركز الثقافى الفرنسى وضح اكتر يعنى ليه الكلام ده؟ هوه كل شوية ماسكين شهر و لا اية؟؟ و ايه علاقة المركز الثقافى بالموضوع انا باخد فى المركز الفرنسى فحصلت مشكلة وبها عرفت ان اجازات الاجانب \لان المركز تابع للسفارة الفرنسية وقالولى اجازات الدبلوماسيين بالزات بس ببساطة وفعلا محدش كان عندة مقابلات لكيبك فى شهر 8 او 16-31 ديسمبر دة على قدر معلوماتى

يعني مش عارف ليه؟ علشان تقييماتك السلبية التي تمنحها لكل من يختلف معك في الرأي ... وليس بناء على قيمة مشاركاتهم وما تضيفه للنقاش أو تخصم منه كما هو مفترض كنت قد حذرت في بداية تطبيق آلية التقييمات من هذا الاستخدام الخاطئ لها ***************

نسمع منذ فترة مقولة تتردد أن دولة الصهاينة (إسرائيل) هي دولة دينية ... ويلجأ المتحمسون للدولة الدينية لهذا الادعاء لسببين - إثبات أن الدولة الدينية لا تتعارض مع الحداثة والتقدم على اعتبار أن (إسرائيل) هي من أكثر الدول تقدما في مجالات العلم والتكنولوجيا خصوصا - إثبات أن العلمانيون يكيلون بمكيالين حين يرفضون قيام دولة دينية في البلاد ذات الغالبية المسلمة وفي ذات الوقت يغضّون الطرف عن إسرائيل والحقيقة أن هذه المقولة تنطبق عليها مفهوم الكذبة التي ظللنا نرددها حتى صدقناها ... ولذا تجد الجميع يتعامل معها باعتبارها حقيقة مسلما بها وليست مجرد تلاعب لفظي كما سأثبت حالا إسرائيل هي دولة يهودية ... أو هكذا تريد أن تكون ... ولكن بأي معنى ؟؟ ... هذا هو المهم الحقيقة أنها ترى نفسها دولة للشعب اليهودي وهذا هو الأساس الذي قامت عليه ... أي أنها ترغب - في النهاية - في حصر مواطنتها باليهود ونزعها عن غيرهم ... ولنتذكر جميعا أن اليهود ينظرون لأنفسهم كقومية وليس فقط كدين (أبناء يعقوب) واختاروا اسم دولتهم ليعكسوا هذه الرؤية ... والغريب أن مؤسس الحركة الصهيونية تيودور هرتزل كان ملحدا ولكن أصحابنا مصممون على أن سعى لتكوين دولة دينية كان ليصبح هو نفسه أول ضحاياها ومجرميها. ولكن على الجانب الآخر فإسرائيل - في تشريعها لقوانينها وتعاملها مع مواطنيها هي دولة علمانية كأي دولة غربية .... وذلك يمكن الوصول استنتاجه ببساطة من خلال النظر للحقائق التالية: - أولا ... لا يوجد في قانون الدولة أي إشارة للشريعة اليهودية كمصدر للتشريع ... فضلا عن اعتبارها مصدرا أساسيا أو الأساسي أو الوحيد للتشريع كما يطالب أخواننا من أنصار الدولة الدينية السلطانية - ثانيا ... نظام الحكم فيها ديموقراطي قائم على إرادة الشعب كمصدر لشرعية الحكم وعلى حق المواطنين في اختيار حكامهم ومشرعيهم دون أي شروط مسبقة فيما يتعلق بتدينهم أو معتقدهم. - ثالثا ... لا يوجد لرجال الدين - الحاخامات- أي سلطة تتعدى ما لغيرهم من المواطنين في التدخل في تشريع القوانين وتطبيقها أو اختيار الحكومة ... نعم هناك امتيازات معينة ممنوحة لرجال وطلبة الدين ولكن هذه الامتيازات تم إقرارها باختيار الشعب وليس بامتياز الهي أو نص شرعي ... ويمكن للشعب الذي منحهم هذه الامتيازات سحبها منهم في أي لحظة - رابعا ... للأحزاب الدينية حق المشاركة في السياسة كغيرها ولكن ليس من حقها احتكار العمل السياسي والغاء الديموقراطية حال وصولهم الى الحكم كما يمنى أنصار الدولة الدينية أنفسهم هناك طبعا بعض الأصوات التي تخرج بين الحين والآخر للمناداة بتطبيق الشريعة اليهودية ولكن هذه الأصوات يتم الرد عليها بشكل صارم وفوري ... لأن قادة هذا الكيان يعرفون أن تلك ستكون بداية النهاية لدولتهم وسيعود معظم من هاجروا اليها - وأغلبهم من دول علمانية - الى بلادهم أو سيغادرون الى دول علمانية هروبا من إضطهاد رجال الدين وتدخلهم في حرياتهم وآدي مثال http://www.al-akhbar.com/ar/node/168477 السؤال هو: هل يمكن مقارنة الدولة الدينية المزعومة في إسرائيل بما يروج له في مصر تحت مسمى (الدولة الإسلامية) ... الإجابة القاطعة هي لا ... ما يراد تحويل مصر اليه هو دولة يحكمها رجال الدين عن طريق كونهم الجهة الوحيدة المخولة بتشريع القوانين والحكم في المنازعات ... وعن طريق تحالفهم مع حكم استبدادي مع إنكار حق الشعب في الديموقراطية والحريات الأساسية. وأقول لدعاة الدولة الدينية... إذا كنتم تريدونها دولة دينية على غرار إسرائيل فأنا أول المؤيدين لذلك ... أما إذا كان كل ما تسعون اليه هو تمرير مشروعكم تحت يافطة يهودية إسرائيل وإسلامية مصر فهذا إدعاء لا ينطلي إلا على البسطاء والمقتنعين أساسا بفكرتكم. ولي عودة.

مش عارف ليه الناس كلها بأت ضدى فجأة أنا حاسس ان التقييم دا هندخل بيه الجنة !! على العموم يمكن فهمت رأيك بشكل خطأ

الاخ العزيز د/ قناوى قاعدة البيانات دى عظيمة فعلا و ده اللى كان نفسى اعمله- اننا نجمع معلومات كتيير و نستنتج منها احصائيات قاعدة البيانات اللى بعتها تحتوى على معلومات عن Permenant residence and temporary residence What we are concerned about is " Permenat residence" , and in this topic we are Quebec Skilled Workers,SO for example only , we can deduce the following from the given tables: In year 2005: total cases (Quebec only)= 12465 20% took 5 months 50% took 8 months 80% took 12 months In year 2006: total cases (Quebec only)= 13969 20% took 5 months 50% took 8 months 80% took 15 months In year 2007: total cases (Quebec only)= 15622 20% took 5 months 50% took 8 months 80% took 15 months In year 2008: total cases (Quebec only)= 15488 20% took 6 months 50% took 9 months 80% took 15 months In year 2009: total cases (Quebec only)= 18379 20% took 6 months 30% took 6 months 50% took 8 months 70% took 12 months 80% took 16 months Cases passed = 17799, cases failed=580, approval percentage=97% For Cairo Only: In year 2009: total cases (Quebec only)= 287 20% took 9 months 30% took 10 months 50% took 11 months 70% took 13 months 80% took 15 months Cases passed = 283 , cases failed=4 , approval percentage=99 % Total Visas issued from Cairo in 2009= 707 All Quebec Numbers are the best among all numbers of different immigration types لو لم أكن كيبيكيا لوددت ان اكون كيبيكيا

أعتقد إنه الطبيب هناك برضه "دكتور" :P يا سيدي وهي الناس دي تعبت وذاكرت عشان يتقال لها يا دكتور؟ لو كده يبقى يستاهلوا بقى. الناس دي المفروض تعبت وذاكرت عشان حبوا كده ووجدوا متعة في كده، والمتعة دي مستمرة سواء بقى اتقال لهم يا دكتور أو يا أسطى. اللقب لا قيمة حقيقية فعلية له بقدر القيمة الفعلية للشخص نفسه. عمرك سمعت حد مثلاً بيقول: الأستاذ الدكتور/ ألبرت أينشتين؟ ذي ما في توقيع أحد الأفاضل الزملاء، العظماء الحقيقيون هم من تذكر أسماؤهم بدون ألقاب. لكن في مصر طبقية فجة وحادة، الألقاب واحدة من ملامحها. الألقاب صنعتها البشرية لتمييز الناس غالبًا بناء على خلفية مهنية أو علمية. يعني الأصل إنه مفيش حد أعلى من حد بشكل عام. يعني المهندس لقب مهني لواحد شغلته الهندسة، والطبيب (أو الدكتور) لقب مهني لواحد شغلته الطب، والدكتور (الأكاديمي حامل الدكتوراه) لقب علمي لواحد حقق شروط علمية معينة ... الخ. يعني الأصل إنها ألقاب مهنية أو علمية مش هدفها المفاضلة أوالطبقية. لكن بمرور الوقت تولـّد عنها طبقية اجتماعية مقيتة، موجودة في كل مجتمعات العالم، لكن بدرجات متفاوتة. تزيد وتترعرع وتزدهر بازدياد تخلف المجتمع، وتقل وتضمحل وتتدهور بازدياد تقدم المجتمع (وبإمكانك وضع المقاييس اللي تحبها للتقدم والتخلف). ويا سيدي جامعات مصر مليانة أساتذة مكانهم الطبيعي مش الجامعة. فمنهم مثلاً اللي مكانه يتاجر في الأراضي، ومنهم مثلاً اللي مكانه يبيع عربيات ... وهكذا، لكن الضغوط الاجتماعية بقى هي السبب. وفي النهاية تلاقي المكان الطبيعي هو اللي بيغلب، وبتبقى "دكتور" لقب لا قيمة فعلية له في الحقيقة.

يا اخوتي اطلب منكم الصبر انا كنت زيكم من الناس اللي عانت تحب اقولكم حاجه ان عملك للميديكال بيخلي وقتك ضيق جدا تبقي نفسك تعمل حاجات كتير والوقت بيجري بيك علشاان كده متستعجلوش الميديكال هيجي هيجي مهما طال الوقت اصبروا وكل الاشياء تعمل معا للخير للذين يحبون الله اصبروا مرة تانيه وجهزوا انفسكم قبل الميديكال

كل حاجة بتريح فى رمضان ، إشمعنى بتوع السفارة اللى احنا عايزينهم يشتغلوا ، ما هم مصريين بردو ، ان شاء اللة لو مندعيتشى فيما تبقى من رمضان ، هتبقى سيول بعد العيد

فى الاجازة اللى فاتت فى مصر كنت حريص انى اقابل كل اصحابى على اد مقدر.... وبالذات القريبين من قلبى واحد منهم جه قضى معايا يوم كامل واتغدينا سوا وتواعدنا على اللقاء مرة اخرى.... وبصراحة خدتنى الايام وانشغلت وكل مفتكر اكلمه اقول طب خليها بكره ومتصلتش بيه خالص لحد مرجعت السعودية وبالصدفة من يومين قابلته عالماسينجر وكنت بعاتبه عشان مكلمنيش....... قالى عشان عتابك ده مكنتش ناوى اقولك بس هقوللك تانى يوم عملت حادثة انا ووالدى ووالدتى واختى ووالدى رجله انكسرت ووالدتى فكها اتكسر ده غير الكدمات........... اتضايقت اوى وزعلت عاللى حصل (لا حول ولا قوة الا بالله) بس اللى ضيقنى اكتر ان صديقى وهو فى عز احتياجه لى مكنتش انا وياه ........ (حسيت انا واحد جاب شومة وادانى فوق دماغى) وحسيت انى مهمل فى علاقاتى مع الاخرين وكان المفروض ابقى حريص اكتر من كدة فى التواصل مع اصحابى :( القصة دى تزامنت مع قصة قراتها فى بريد الجمعة (جريدة الاهرام) من اسبوع وكانت مشكلة ان واحدة زعلت جوزها بالليل ونام غضبان عليها وقام الصبح راح الشغل من غير ميتكلموا...... هى كان فى نيتها تصالحه بس للاسف ملحقتش... لانه عمل حادثة ومات قبل ميرجع البيت وكمية تانيب الضمير اللى هى حاسة بيه لان جوزها يعتبر مات وهو غضبان عليها.... وكان فى ايديها تكلمه فى التليفون تصالحه ولكن....... نفس القصة حصلتلى فى الاجازة ان الناس اللى كنت بكلمهم عالطول وانا مسافر لما اقابلتهم فى مصر كنا عادى بنعرف نفتح مواضيع ونتكلم فيها وكنا اب تو ديت مع بعض لكن الناس اللى اعدت فترة طويلة فى سفرى مكلمهمش..... حصل بينا فتور...... حتى معتش فيه كلام قادرين نقوله...... مع ان المواضيع كتيرة والاحداث اكتر لكن فيه حاجز فى الكلام بيحصل بينا واظن ان السبب طول الفترة الطويلة فى عدم التواصل وبردوا كان زميل لنا هنا فى المحاورات بيحكى عن تجربة غربته واول مجاب زوجته وابنه زيارة....... تجربة قاسية عليه اوى من الفتور يعنى مش بيتكلم مع زوجته زى الاول.... ابنه ميعرفوش...... المشاعر والاحاسيس ليست كمان كانت بس برجع واقول انا مش هعرف اتواصل مع الناس اللى اعرفهم كلهم (شبكة العلاقات كبيرة) وكنت مضطر ان ناس كتيرة تقع منى فى الطريق...... كل يوم بيعدى عليا فيه ناس بتقع منى لانى مش ملاحق عالتواصل معاهم فهل انتوا كمان عندكوا نفس المشكلة........ ولما بيحصل فتور بتتعاملوا معاه ازاى وهل فعلا الفتور ده منتشر وبينهش فى العلاقات الاجتماعية عندنا فى المجتع.......... ولا دى اعراض لناس قليلة وهل الفتور ده ليه علاج او حل

معلوماتي أن مهنته الأصلية طبيب (وربما يُتوقع من مقاله أنه من غير علماء الدين)، ومؤخرًا بدأ يكتب في الصحافة ويظهر في الفضائيات. فهمت من كلام خالد منتصر أن علوم الدين هي من العلوم الإنسانية، ولديّ على ذلك تحفظ أن العلوم الإنسانية تحتمل آراءً وتقديرات متعددة، لكن الدين حق ثابت لا يتغير. فمن المتوقع أن كل من يقول في الدين يحاول البحث عن هذا الحق الثابت الذي لا يتغير، بصرف النظر عن رأيه أو تقديره الشخصيَّين. ولا تتوفر تلك السمات في العلوم الإنسانية. وإن كان خالد منتصر يسعى محايدًا للحقيقة، فأرى أنه ربما قد فات عليه أن قرن رسول الله صلى الله عليه وسلم، والذي يليه والذي يليه هي أفضل قرون الإسلام بنص الحديث الشريف، بما يجعل العودة لتلك القرون والاغتراف منها باستمرار ميزة يتحلى بها علماء الإسلام لا عيبًا. لكني أتفق معه في جوهر مأخذه على العلماء في صيرورة تلك العودة تجمدًا عند الكثيرين منهم. لكن ربما يكون عذرهم حذرهم الشديد من عاقبة التجرؤ مهما كانت الفوائد، وذلك من باب تغليب المصلحة على المفسدة. ولو كنت مكانه ودعوت علماء الدين للاغتراف من غير هذه القرون ونهروني عن ذلك، لنظرت نظرة موضوعية في نهرهم وحللته ووضعت احتمالاً ولو ضئيلاً لكون وجهة نظرهم صحيحة. وآخذ أيضًا على أكثر العلماء عدم تحرّيهم المناقشة الموضوعية مع هذا الفكر، واستنفاذ كل الحجج في محاولة اقناعه. وجهة النظر التي يتبناها خالد منتصر تعتمد على عدة ركائز، منها عدم الاعتماد على أقوال أو أفعال السابقين. فهم بشر يصيبون ويخطئون. ونحن كذلك بشر نصيب ونخطئ. هم أتوا في زمان ما، اجتهدوا في الإسلام بمقتضيات هذا الزمان. ونحن أتينا في زمان آخر، فلنا أن نجتهد أيضًَا بمقتضيات هذا الزمان. فوجهة النظر تلك لا تؤمن بفهم أو قول السابقين. وفوق هذا، لا تؤمن بما يسمون العلماء. من الركائز الأخرى التي تعتمد عليها وجهة النظر تلك، أن لمن يدين بالإسلام أن يجتهد فيه قدر ما يستطيع وقدر ما يحب وقدر ما يتطلبه زمانه وحاجاته. وأنه لا يستقيم ترك الاجتهاد لما يسمون العلماء وحدهم لأنه لا كهنوت في الإسلام. وأنه لكل مسلم الحق في استنباط ما يشاء في الإسلام بناء على ثابتين وحيدين هما القرآن والسنة. وأنه ليس من حقه فقط العمل بما استنبط، بل ونشره أيضًا للناس للاستفادة منه. وجهة النظر الأخرى تضع شروطًا للاجتهاد نقلتها من قبل في موضوع من هو المجتهد. الحقيقة أنا أرى أنّ مردَّ جُلِّ الخلاف بين الكثير من أطياف "المفكرين" المسلمين إلى اختلافهم على - وأستعير هنا مصطلحات الهندسة والصناعة - ما هو توصيف Specification وما هو تنفيذ/تطبيق Implementation في الإسلام. فالتوصيف هو وضع شروط عامة واضحة ومحددة، والتنفيذ/التطبيق هو الوصول لهدف يحقق شروط التوصيف. فمثلاً في الصناعة هناك الأيزو الذي يضع معايير محددة لمواصفات منتج ما، هذا توصيف. يقوم مصنع ما بانتاج هذا المنتج بالمواصفات المطلوبة، لكن بطريقة ما (آلات أو عمالة أو مدة زمنية معينة)، هذا تنفيذ/تطبيق. وعلى ذلك لكل توصيف يوجد عدد كبير جدًا من طرق التنفيذ/التطبيق. في الإسلام توجد مصادر متعددة، مثل القرآن الكريم والسنة النبوية وأفعال وأقوال الصحابة وأفعال وأقوال تابعيهم ... الخ. من في هؤلاء توصيف ومن تنفيذ/تطبيق؟ أي من في هذه الأمور توقيفي لا يصح للمسلم الحيد عنه قيد أنملة، ومن كان مجرد طريقة للتنفيذ/التطبيق من الممكن أن تتغير بتغير المكان والزمان؟ هذا في رأيي مرجع معظم الخلاف بين أطياف كثيرة من المسلمين. فعلى أحد طرفي النقيض يرى شديدو الإفراط (قد يُسمًّون متطرفي السلفية) أن تلك المصادر كلها تقريبًا توقيفية، أي أن كلها تقريبًا توصيف لابد من اتباعه ومراعاته في حياة المسلمين في أي زمان ومكان. بمعنى أن تلك المصادر هي خطوط تفصيلية دقيقة وليست خطوطًا عريضة عامة، وبالتالي تضيق بشدة مساحة الاجتهاد والرأي. فمثلا الحجاب وصلاة الرسول صلى الله عليه وسلم ومشيته وهيئته وطريقة نومه وشربه وأكله ... الخ كلها أمور توقيفية توصيفية لا يجوز الحيد عنها (لمن أراد فعل السنة). وعلى الطرف الآخر من النقيض يرى شديدو التفريط (قد يُسمًّون متطرفي المفكرين) أن كل تلك المصادر تقريبًا تنفيذية/تطبيقية، أي أنها مجرد طرق للتنفيذ/التطبيق خضعت للمكان والزمان. وأنه لابد من وجود طرق أخرى للتنفيذ/التطبيق لاختلاف الزمان والمكان. أي أن تلك الأمور هي خطوط عريضة عامة جدًا، بما يترك تقريبًا كل الإسلام مجالاً للاجتهاد والرأي. فمثلا هيئة الرسول وكيفية رؤية هلال رمضان والحجاب ... الخ كلها مجرد طرق لتنفيذ/تطبيق التوصيف. (رأى أحدهم أن القرآن بعضه توصيف وبعضه تنفيذ/تطبيق، فالمكيّ منه توصيف والمدني تنفيذ/تطبيق). بين طرفي النقيض المذكورين تتراوح آراء الكثير من أطياف المسلمين. وبالتوازي مع ذلك، تتعرض تلك الأطياف لإشكالية ثبات الإسلام، وفي نفس الوقت صلاحيته لكل زمان ومكان رغم تطور هذا الزمان وذاك المكان. فيرى أحد الأطياف الفكرية أنه ينبغي الوصول لمواءمة ما تحافظ على ثبات القرآن الكريم ، وفي نفس الوقت صلاحية الإسلام كمنهج حياة لأي زمان ومكان ، اللذين هما بطبيعتهما متغيران . فيحاول هؤلاء الوصول لتفسيرات للقرآن الكريم تتغير بتغير الزمان والمكان ، بما يحقق صلاحية الإسلام لكل زمان ومكان .

مع الاحترام الكامل لشخصكم ما تعتذرش علي حاجة انت ما عملتهاش لو متضايق من الجنسية المصرية اطلع منها و بسرعة انما لو عاوز تعمل حاجة و يكون لك دور في حل المشاكل اللي احنا بتواجهها كل يوم في مصر فمرحبا بك بيننا السلبية و فقدان الامل هما من اهم اسباب فشلنا لو لبسنا نظارة سوداء مش هنشوف الدنيا الا سوداء

كتير بيحصل وانت قاعد عالبلاج تحت الشمسية ومستمتع بموج البحر تلاقى واحدة ست بتجرى محدش شاف ابنى صغير وعنده 3 سنين وكان لابس مايوه اسمر وتلاقيها يعينى واخده الشط رايح جاى ويمكن بالخمس ست سعات ومش لاقية ابنها وقلبها يعينى هيتفتر ويتقطع مش كدة وبس انت بتلاقى اكتر من اسرة بتدور على اطفالها فى وسط الزحام فى مرة كنت لسه داخل ساحة الحرم المكى ومن ناحية باب الملك فهد والاقى يعينى طفل طالع من الباب مفزوع وبيعيط .... ابويا..... ابويا ومتجه نحية طريق ابراهيم الخليل وان حد يقدر يوقفه ابدا......... الواد مفزوع وخايف من كل الناس ...... وتحس انه ضاع خلاص ومحدش عارف يساعده والواد بيجرى فى كل الاتجاهات..... ومش بيستجيب لاى حد...... وطبعا معظم الناس وانا منهم انشغل بحاله مرة تالتة فى نص رمضان وليلة الجمعة وطبعا الافاضل اللى راحوا الحرم فى رمضان بيبقوا عارفين صحن الحرم مابين العشا والفجر بيبقى شكله ايه (يمكن اكتر من الحج) راجل محرم وشايل ابنه واعد يلف ويعيط (ايه ياعم مالك) قال مراتى وابنى ضاعوا منى (كنا ساعتها الساعة 3 ونص الفجر تقريبا) طيب اهدى كدة وباذن الله هنلاقيهم قال انا بدور عليهم بقالى 4 سعات ولكن بدون جدوى....... طيب معاهم موبيل....... لاء .......... اصلا هما مكنوش من اهل مكة.....طيب سالت الحرس..... سالتهم اكتر من مرة ومحدش عارف يساعدنى....... ومظنش ان حد هيساعده...... الله اعلم حصله ايه وعشان احنا لازم نتعلم من اخطاء الاخرين ........ فحسيت انه مهم جدا ان يبقى فيه اجراءات للخروجات بحيث يبقى عندنا حل لاى مشكلة دى بعض افكارى 1- ممكن نجيب اسويرة او سلسلة ونسجل عليها كل بيانات الوالد من اسمه وعنوانه ورقم تليفونه بالعربى والانجليزى ونلفها على معصم الطفل او حوالين رقابته او ممكن لو كارت بسيط للوالد ويتعلق بدبوس فى هدوم الطفل 2- ممكن تعمل ختم (اكلاشيه) فيه كل التفاصيل بردوا وتختم بيه على ايد الطفل لو انت خايف ان لو حاجة متعلقة فى ايده تضيع 3- دايما لما نروح مكان جديد سواء مصيف او حرم نعرف خريطة المكان وايه الخدمات المتاحة يعنى لو اتسرقت او ضاع طفلى ايه الحل اروح لمين اوكلم مين اعرف مثلا انه عالشواطئ فيه مكاتب استتعلامات وامن الشاطئ...... فى الحرم بردوا والمولات الكبيرة فى حجات زى دى........ وكمان نعرف مداخل ومخارج المكان يعنى مثلا الطفل تاه فى الحرم يبقى هنتجمع عند الاشارة الخضرا بتاعة الحجر الاسود........ عالبلاج طيب هنتجمع عند الكافتريا الفلانية........ فى مجمع التحرير يبقى هنتجمع عند مكتب مش عارف مين......... فى هيبر بندة يبقى هنتجمع عند صندوق البطاطس 4- مهم جدا وبالذات لو الطفل واعى يعنى من 3 سنوات فاكثر انك تعلمه لما يقع فى مشكلة ازاى يتصرف...... يمعنى ان الطفل فجاة مش لاقى والده طب يعمل ايه اول حاجة يهدى....... تانى حاجة ممكن تتفقوا على مكان تتقبلوا فيه لو تهتوا عن بعض (اذكر ان والدى وانا صغير جدا لما كنا بنروح المصيف قبل منعمل اى حاجة يعرفنى ايه اقرب المحلات للبلاج اللى نزلنا فيه واسمائها كمان يعرفنى ارقام اقرب برجين انقاذ للشمسية........ دايما بناخد لون شمسية مميز وليكن ازرق ولو مش مميز نعمل فيه اى علامة تميزه.... دايما فيه سين بينى وبين والدى ان عنينا على بعض كل فترة ...... زى متقول كدة بنتحسس بعض)طيب لو تهت فعلا عن المكان مكنتش بقلق لانى عارف ان هتصرف....... يعنى مكان الشمسية كان معروف ولو حتى الدنيا اسودت هوقف تاكسى واوصل لعنوان البيت مهو كمان معرفنى ازاى اوصل للبيت) 5- مهم جدا انك تعرف الواد ميسمعش كلام اى حد ومش اى واحد يقوله تعالى اوديك لبباك تروح معاه وخلاص الا لو كان حد معتمد (يعنى ظابط شرطة مثلا) (لان انتشرت اوى سرقة الاطفال ومن ثم اعضائهم) 6- مهم جدا ان الطفل يبقى حافظ اسمه بالكامل وعنوانه ورقم تليفون بباه ومامته 7- تجنبوا دايما الاماكن المزدحمة يعنى لو رحت شاطئ اختار مكان هادى ولو رحت الحرم ومعاك اطفال لما تطوف فى اطراف الصحن عشان الزحمة او تطوف فى الدور التانى ولو معاك اكتر من طفل ريح دماغك وجيب عجلة وحطهم عليها....... كمان بيبقى فيه اوقات شديدة الزحام واوقات معقولة الحجات دى مهمة جدا....... وفعلا كتير مش بيعرفوا اهميتها الا لما بيغقوا فى المشكلة ........ عشان كدة دى احتياطات بنعملها....فيه علم اسمه علم ادارة الازمات اظن كمان ان فيه افكار كتيرة للموضوع ده....... عشان كدة بفتح باب النقاش واى افكار جديدة ممكن تفيد الناس ولو حد فعلا ليه تجارب فى قصة ضياع الابناء ياريت يحكيها عشان نتعلم تحياتى للجميع

السلام عليكم 1 2 3 4 5 6 7 8 9 10

قلب ابيض .. انتى عارفه انتى اسم على مسمى انا حسيت كل كلمه كتبتيها هنا اوى ,,عارفه انا ماما كمان كده ,, بتكبر فى السن آه لكن عمرها ما اتعاملت مع نفسها انها بتكبر بتحب تنزل معايا نشترى اى حاجه .. تحب حتى لما تعجبنا حاجه معينه فى اللبس الا قيها بنشترى زى وهى بتضحك وتقول يعنى انا مليش نفس, انا بحب اوى اشوف الروح دى فيها .. عارفه يا قلب ابيض حقولك حاجه غريبه شويه ماما لما كنا صغيرين كانت جد شويه معانا ,, ومع الحياه كلها ,, لكن فى فتره من الفترات انا حسيت انها بدأت تتغير عن الأول وبعدين لما كبرت فهمت انها كانت دخلت الأربعين وقتها وانها اعتقد كانت حاسه زيك كده وقررت تحب الحياه ونفسها وتعيش وتضحك وتهتم بنفسها اكتر كمان. انا على فكره بحب اوى اقرب من كل الناس فى مختلف مراحلهم العمريه ,, اقرب من فكرهم من شخصياتهم اتعلم من تجاربهم .. عارفه كل الناس بتحس ان العمر بيتسرق منها ... انا كمان بحس ان العمر بيجرى بيه ديما افتكر لولا اللى قلبها دق اول مره وعندها 18 سنه وابص على نفسي دلوقت الاقى نفسي حدخل خمسه وعشرين بعد كام اسبوع .. واقول لنفسي حفضل على طول البنت الصغيره ولا حكبر والسنين حتتسحب من تحت رجلى وبعدين افتكر ماما ,, افتكر ازاى قدرت تكبر وتحافظ على روحها وقلبها ويمكن حتى جمالها واهتمامها بنفسها زى ما كانت ديما . قلب ابيض انتى لسه صغيره ..اتعلمى تحبى نفسك والحياه .. اعتبرى قلب ابيض دى انسانه وحده غيرك وانتى بتحبيها اوى ..صاحبتك اختك مامتك واديها حقها ,, بلاش تخلى روتين الحياع وزحمتها تحرمك من حق نفسك عليكى , عارفه كمان لو كنتى بتتفرجى على برنامج (اوبرا ) حتلاقى ازاى انها الست دى بجد هايله جدا جدا عندها ثقه رهيبه بنفسها ، ديما بمناسبه ومن غير لا زم تقول انها حاجه وخمسين وبتبص للموضوع بشكل ايجابى ان دى خبره اكتسبتها من الحياه . انها كل سنه بتتعلم اكتر... وتلاقيها وسط كل دا بتحترم نفسها وتعرف تدى الناس حقوقها وتاخد حقوقها كمان. العمر مجرد تاريخ بايخ على شهاده ميلاد .. لكن انتى عمرك الحقيقى انتى اللى بتعمليه بحبك لنفسك اهتمامك بيها بجمالك بروحك .. ادى اللى حوليك لكن لازم يكون ليكى حقوق عندهم.. لا زم تكون ليكى مساحه خاصه مع نفسك ................. واحنا ديما هنا ,,,,,,,,, ارجوكى ديما ادخلى هنا وسطنا وانتى حتلاقينا بنسمعك ........... انتى لا يمكن تكونى تقلتى على حد ولا دوشتيه , انا حبيتك اوى بجد. لولا

تحية إكبار واحترام لهذا الرأي المستنير والفكر السديد

- ( يَا أَيُّهَا الَّذِينَ آمَنُوا مَنْ يَرْتَدَّ مِنْكُمْ عَنْ دِينِهِ فَسَوْفَ يَأْتِي اللَّهُ بِقَوْمٍ يُحِبُّهُمْ وَيُحِبُّونَهُ أَذِلَّةٍ عَلَى الْمُؤْمِنِينَ أَعِزَّةٍ عَلَى الْكَافِرِينَ يُجَاهِدُونَ فِي سَبِيلِ اللَّهِ وَلا يَخَافُونَ لَوْمَةَ لائِمٍ ذَلِكَ فَضْلُ اللَّهِ يُؤْتِيهِ مَنْ يَشَاءُ وَاللَّهُ وَاسِعٌ عَلِيمٌ ) (54) - { ومن يرتدد منكم عن دينه فيمت وهو كافر فأولئك حبطت أعمالهم في الدنيا والآخرة وأولئك أصحاب النار هم فيها خالدون } لم أقرأ في القرآن قتلا للمرتد عن الإسلام إلا في حالات خاصة من السنة والخطأ في العفو أحسن من الخطأ في العقوبة ولا إكراه في الدين

حسن الخلق من أفضل الصفات التى يمكن أن يتحلى بها المرء صفة حسن الخلق ، أو الخلق الحسن ، وهى مفتاح للمحبة والود بين الناس على إختلاف عقائدهم وانتمائاتهم الفكرية ودرجاتهم التعليمية. حسن الخلق من الصفات الحميدة التى إن تحلى بها انسان فتحت له قلوب الناس بالود والمحبة ، وارضت عنه العبد وارضت عنه الرب ، وكما يقال " اللى يحبه ربه يحبب فيه عباده " قد يكون حديثى مرتبطا بالعقيدة الاسلامية بحكم ثقافتى ولكننى واثق تمام الثقة من ان المسيحية واليهودية تحثان على حسن الخلق ايضا وبصورة مساوية لما يحثنا به الاسلام. يقول الله سبحانه وتعالى فى وصف الرسول صلى الله عليه وسلم { وَإِنَّكَ لَعَلى خُلُقٍ عَظِيم } القلم : 4 ويأمرنا الله بحسن معاملة الآخرين مقدمين المعاملة الحسنة والرد على الاسائة بالحسنى حيث يقول { وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيم } فصلت : 34 ويقول رسول الله: إتق الله حيثما كنت واتبع السيئة الحسنه تمحها وخالق الناس بخلق حسن. ويقول سبحانه { فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لَانْفَضُّوا مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الْأَمْرِ فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِينَ } آل عمران : 159 ويأمرنا سبحانه بأن نعدل ونقسط فى معاملة الناس حتى لو كانوا على عداوة فيقول سبحانه { يَا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ وَلَا يَجْرِمَنَّكُمْ شَنَآنُ قَوْمٍ عَلَى أَلَّا تَعْدِلُوا اعْدِلُوا هُوَ أَقْرَبُ لِلتَّقْوَى وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ } المائدة : 8 واظهار حسن الخلق له مظاهر كثيرة ، منها حسن معاملة الآخرين ، البشاشة عند مقابلتهم ، استعمال الكلام الطيب اللين فى التخاطب مع الآخرين ، وهى أمور بالأضافة لانها تقرب بين الناس ، وتخلق جوا من الالفة والمودة ، فهى تعتبر من الاشياء التى يتقرب بها المؤمن من الله. ولأهمية الخلق الحسن فى حياتنا نجد ان الرسول عليه الصلاة والسلام كان خلقا حسن يمشى على الأرض ، يتضح ذلك من الروايات التى قيلت عنه وعن خلقه صلى الله عليه وسلم ، ومن العدد الهائل من الأحاديث التى يوصينا فيها بالتحلى بحسن الخلق ، بل انه فى اكثر من حديث يربط بين الجنة وأهلها وحسن الخلق. فيقول عليه الصلاة والسلام ، " البر حسن الخلق. " والبر ايضا كما وصفه الله فى محكم آياته { لَيْسَ الْبِرَّ أَنْ تُوَلُّوا وُجُوهَكُمْ قِبَلَ الْمَشْرِقِ وَالْمَغْرِبِ وَلَكِنَّ الْبِرَّ مَنْ آمَنَ بِاللَّهِ وَالْيَوْمِ الْآخِرِ وَالْمَلَائِكَةِ وَالْكِتَابِ وَالنَّبِيِّينَ وَآتَى الْمَالَ عَلَى حُبِّهِ ذَوِي الْقُرْبَى وَالْيَتَامَى وَالْمَسَاكِينَ وَابْنَ السَّبِيلِ وَالسَّائِلِينَ وَفِي الرِّقَابِ وَأَقَامَ الصَّلَاةَ وَآتَى الزَّكَاةَ وَالْمُوفُونَ بِعَهْدِهِمْ إِذَا عَاهَدُوا وَالصَّابِرِينَ فِي الْبَأْسَاءِ وَالضَّرَّاءِ وَحِينَ الْبَأْسِ أُولَئِكَ الَّذِينَ صَدَقُوا وَأُولَئِكَ هُمُ الْمُتَّقُونَ } البقرة : 177 ويقول صلى الله عليه وسلم أيضا " اقربكم مني مجلسا يوم القيامة احاسنكم اخلاقا. " وقال عن نفسه " اِنما بعثت لاتمم مكارم الاخلاق. " فلماذا نحتد عند نقاشنا؟ ولماذا يصر البعض على استخدام الفاظ واوصاف هى أقرب للسب والإتهام منها للحوار؟ لماذا نجد أن نبرة الحوار تكون ساخنة وشبه عدائية من أخوان لنا فى الدين لظنهم انهم يعلمون من الدين مالا يعلمه محاورهم؟ ولماذا يتعالى هؤلاء الإخوان على غيرهم متخيلين أنهم يمثلون الدين ويتحدثون باسمه ، وبالتالى فهم الأعلون؟ الحقيقة مادفعنى لكتابة هذه الكلمات المختصرة هو ان البعض يتقمص شخصية المعلم ، أو الخطيب الذى يعتلى المنبر ليتحدث هو فقط بنبرة المرشد الآمر والواعظ وماعلى الآخرين إلا السمع والاستماع ، وإذا اعترض احد المستمعين أو سأل سؤالا ليس له اجابة عند الواعظ ، ناله من الاتهامات مالا يقال فى الكافر. وما أكثر العبارات الجاهزة التى تلقى جزافا لكل من اعترض على اسلوب الخطابة الذى لايزيد عن كونه قص ولزق . يقول الرسول صلى الله عليه وسلم " ما من شيء أثقل في ميزان المؤمن يوم القيامه من خلق حسن وإن الله يبغض الفاحش البذيئ وزاد في روايه وإن صاحب حسن الخلق ليبلغ به درجة صاحب الصوم والصلاه. " فكيف يستوى هذا واتهام شخص بالكفر او اسم الدلع " العلمانية " اليس هذا سبا لانسان مسلم شهد ان لاإله إلا الله وأن محمدا رسول الله ؟ ومن المعروف والمشهود عن الرسول صلى الله عليه وسلم انه لم يكن سبابا ولا لعانا . سُئل رسول الله صلى الله عليه وسلم عن أكثر ما يُدخل الناس الجنه ، فقال تقوى الله وحسن الخلق وسُئل عن اكثر ما يُدخل الناس النار ؟ فقال الفم والفرج. وقال صلى الله عليه وسلم: أكمل المؤمنين إيمانا أحسنهم خلقا. يتبع إن شاء الله بمجموعة أخرى من أحاديثه صلى الله عليه وسلم عن " حسن الخلق "

سأنقل هنا مقتطفات لبعض الأفكار – كما قرأتها – وسأعلق على بعضها ، وسأضع الرابط لمن يريد مزيدا من التفاصيل .. أبدأ بنقل فقرات عن صناعة الأسمنت وخطرها مما دعا دول منشأ تلك الصناعة إلى التخلص من مصانع الأسمنت وتصديرها إلى الدول الرخوة التى لا تنتبه إلى تلك المخاطر إضغط هنا لمزيد من التفاصيل عندما تتنبه الدول "بعد تجارب أليمة" إلى خطر صناعة ما ، فإنها تدفع بتلك الصناعة إلى خارج بلادها .. ويبدو أن المملكة العربية السعودية قد بدأت تتنبه إلى مخاطر الوهابية فقررت اتخاذ إجراءات الحماية داخل المملكة للاحتفاظ بقدر من "منتجات" الوهابية مناسب لظروفها السياسية والاجتماعية ولمكانتها الدينية باعتبارها أرض الحرمين الشريفين .. وكما تحولت مصر من بلد مستورد للأسمنت إلى بلد مصدر له ، تتوطن فيه تلك الصناعة المرفوضة فى بلادها الأصلية (وفى نفس الوقت لا تستطيع الاستغناء عن منتجاتها) .. فالظاهر أن مصر مرشحة لكى تتوطن فيها الوهابية التى أصبحت خطرا فى بلد المنشأ .. خطرا دعا خادم الحرمين الشريفين إلى أن يصدر أمرا ملكيا في 12/8/2010 وجهه الى المفتي مطالباً إياه بقصر الفتوى على هيئة كبار العلماء وحظرها على غيرهم إلا على من ترخص لهم الدولة بذلك .. وتنوى الحكومة السعودية تطبيق الأمر الملكى بكل حزم فى حق المخالفين وذلك بتطبيق العقوبة "الشرعية" التى لم يستبعد بعض قضاة المملكة أن تصل إلى حد "القتل" .. إضطر خادم الحرمين الشريفين إلى إصدار هذا الأمر الملكى بعد أن بلغ السيل الزبى وبعد أن ظهرت ما أسماه السعوديون "أم الفتاوى" وهى فتوى هدم المسجد الحرام وإعادة بنائه من جديد بما يمنع الاختلاط أثناء الطواف والسعى .. وكأن الأمة الإسلامية منذ فتح مكة إلى آخر المفتين من آل الشيخ لم يتنبهوا إلى ما تنبه إليه الدكتور أستاذ الجامعة الشيخ يوسف الأحمد ، الذى ما أن استنكر القاصى والدانى مطالبته الغريبة حتى سارع إلى نفيها والادعاء بأن الصحفيين قد حرفوا كلامه وأنه ما طالب ب "هدم" المسجد الحرام "كاملا" بل إنه طالب ب"توسعته".. ولكن التكنولوجيا الحديثة "قاتلها الله" وقفت أمام إدعائه على الصحفيين بالتلفيق شاهد واسمع كلمات الدكتور الشيخ بحذافيرها أما فيما يتعلق بالأمر الملكى لخادم الحرمين الشريفين فسأنقل ما قرأته كاملا .. وبعدها ربما نستطيع الربط بين صناعة الأسمنت والوهابية المصدر أرجو ملاحظة أننى لم أنقل عن كاتب مصرى متهم فى دينه من أتباع الوهابية فى مصر .. بل قصرت النقل عن "كليبات" من فضائيات معروفة الانتماء ومواقع سعودية .. لن أستغرب اتهامها - هى الأخرى - بالعلمانية (صفة معناها - فى بطن الشاعر - الكفر ومعاداة الدين وخاصة الإسلام)

طول ما حسني عايش يجب على اسرائيل أن تطمئن ولو جمال مسك يبقى اسرائيل مش تطمئن بس .. لا .. دي تحط في بطنها بطيخة صيفي .

ده حتى لو ضربوا غزة بالنووي حسني مش هيتكلم ولو قتلوا 1000 من حرس الحدود المصريين .. حسني هيعدم كمان 1000 قربانا وستكون الحجة عدم احترام مشاعر أصدقائنا في اسرائيل يا عمي .. ما علينا .

ربنا يسترها و هما لسا هيحتلوها ماهو هما محتلنها كده كده اقصد ماهو معظم اللي في سيناء اسرائليين الا عدد قليل جدا

إفرجها بقى يااااااااااااااااارب أنا حاسس إن من كتر القلق والتعب النفسي اللي الواحد فيه على بال ماييجي الميديكال هايكون الواحد جاله مرض او توخولوف عقلي يمنعه من السفر

انا فعلا جالى تخلف من كتر الانتظار

إيه يا رجاله مش كده اومال ؟ اومال بات مان يعمل ايه _ يا عم بات مان طمنا عليك با رب يا مسهل

قلبى معك وان شاء الله يوصل فى الايام القادمة المدعو المديكال لينا كلنا

أستاذ حنظلة مش عارف حضرتك واخذ بالك ولا لأ أن هذا الموضوع ليس مخصصا لمناقشة انتماء ونوايا خالد منتصر كما لم يكن الموضوع الذي سبقة أيضا مخصصا لذلك هذا الموضوع هو لعرض مقال معين منشور في جريدة ومناقشة ما ورد فيه من أفكار وأطروحات .... وهذا المقال مختلف عن الذي سبقه شكلا وموضوعا إذا كان البعض قد حولوا الموضوع لمحاكمة خالد منتصر كما حدث أيضا في الموضوع السابق فهذه ليست غلطة من فتح الموضوع ولكنها مشكلة من يصرّ على تحويل أي نقاش موضوعي لأفكار الكاتب الى هجوم شخصي عليه ومحاكمة لنواياه

اولا السلام عليكم وكل سنه وانتم طيبين بس كنت عاوز اخد اراء الناس اللى معانا هنا دلوقتى انا مش هالحق اطلع شيك مصرفى بتاع ال1250 دولار كندى عشان البنك اللى حسابى فيه طلع نص كم وشيكاته كندا مش بتقبلها مع انه من اقوى بنوك اللى فى السعوديه :happy: :closedeyes: عموما دلوقتى لو انا بعتلهم فى الابليكشن رقم الماستر كارد بتاعى والكلام ده ليه بعض الناس واولهم الاستاذ سلامه كانوا بيقولوا ان بلاش نبعت بالفيزا ياريت ناخد الاراء عشان انا عاوز ابعت اليومين الجايين دول بعد نتيجه الاستاذ الايلتس

إلى الفاضل "شريف مان" أنت حر فى تقييمك للناس ولفكر الناس .. ولكنى أستغرب جدا استياءك من ممارستى لحريتى التى لم تضرك فى شئ .. ما الذى أساءك وجعلك تقيم مداخلتى المقتبسة تقييما سلبيا ؟ .. أنا ياسيدى حر فى تأجيل تعقيبى على المقال ، وحر فى أن أتوقع مهاجمة الكاتب بدلا من نقد المقال (وقد صدق توقعى) .. وأعتقد أن ممارستى لهذه الحرية لم تضر أحدا وبالمناسبة لقد كتبت مداخلتى دون أن أرى مداخلتك التى كانت هى إشارة البدء فيما توقعته .. أعذرك إذا اعتقدت أن مداخلتى كانت ردا على مداخلتك .. ولكن كان جديرا بك قبل القفز إلى النتائج : 1) ملاحظة الفترة الزمنية البسيطة بين مداخلتك ومداخلتى 2) مواجهتى بسبب استياءك فنحن فى موقع للحوار

أستاذ حنظلة .... هذه العبارة تلخّص مشكلة الفكر الذي تتبناه أنت بداية افترضت أنك تعلم علم اليقين (رغبة وإرادة رب العالمين) ... وثانيا أنت قطعت أن هذه الرغبة والإرادة الإلهية تتطابق مع ما تدعو اليه وتعتنقه وتتناقض مع ما يقولون به كل ذلك بلا دليل أو حجة ... أو على الأقل بلا دليل في هذه الحالة وكمثال مما ورد في المقال وأشار اليه بعض الإخوة ... ما وجه التناقض بين إرادة رب العالمين وتعلّم اللغة الانجليزية ... وهل كون الكاتب انتقد من عارض تعلمها بذريعة الدين تحدّيا لهذه الإرادة ملاحظة شخصية ... الحقيقة هذه المداخلة بالذات صدمتني ... لأنها تتضمن مجموعة من الألفاظ والعبارات التي استخدمتها لوصف مخالفيك تصورت أنها قد تصدر من أي شخص سوى حضرتك من نوعية (رمتني بداءها وانسلت) ،(رويبضة) ،(ناعق في البرية)، (زبالة افكاره). هذا الأسلوب لم أتوقعه من شخص بمثل ثقافتك ودماثة أخلاقك يا أستاذي الفاضل.

ياعم اسد الموضوع زاد عن حده قوي , طب انا معاك ان الجريمة دي ليها ظروفها , طب اللى قبلها ومقتل المواطن المصري على يد قرية باكملها وصلبه كالذبيحة والتمثيل بجثته وبعد انتهاء التحقيقات طلع براءة من الجريمة اللى كان مشتبه فيها طب اين حقه, اليس هذا انتقاص من مصر ومش دول وبس ومقتل الدكتورة مروة الشربينى في المانيا , ومقتل الصيدلى المصري طعناً على يد سعودي في المدينة المنورة , واطلاق النار من قبل شاب سعودي على مديره المصري, ومقتل مندوب المبيعات المصري في الكويت على يد جيرانه الشوام ايضاً , واعتقال مجموعة من العمال المصريين في قطر بتهمة التخابر "عمال وبتهمة التخابر" تيجي ازاى دي مش عارف, واعتقال العالم المصري النووي في امريكا .. وغيرها وغيرها لو عاوز تانى اكملك كل هذا من وجهة نظرك لا ينقص من قدر المصريين او حكومتنا الموقرة التى تقف عاجزة عن حماية رعاياها في كل هذه البلاد. للاسف الشديد من يمسكون بمقاليد الامور حالياً , آخر شيء يفكرون فيه هو المواطن سواء في الداخل او الخارج. ولنا الله

مش قلت لكم أن هذه الخاصية سيساء استخدامها بواسطة بعض الأعضاء لكن كما قلت أنا سعيد لحصولي على تقييم سلبي من هذا البعض لنفس السبب الذي ذكرته عاليه *******

أيوة يا باشا البنك بيخبط على باب بيتي وعلى دماغي كمان زي شركات المحمول والمأكولات والملابس والمشوبات وكل دووووووووول بالعروض والخصومات والاعلانات والاغراءات وما هو البنك الا وسيط بين المقرض والمقترض ؟؟؟ wst::

أعتقد أن المناقشة تدور في موضوع عن الوهابية بالتحديد عفوا يا أخت مصراوية ... عندما تأتيني هذه النصيحة بهذه الصيغة من شخص أعرفه ويعرفني من زمن فلن أجد أي غضاضة في تقبلها ... أما أن تأتي في سياق نقاش من خصم فكري يدّعي اتباع (الصراط المستقيم) كمقابل لغيره الذي يتّبع الهوى فإني أرى فيها اتهاما مبطنا لي بالكبر واتباع الهوى وهو مالا أقبله آمل أن تكون نصائحك عامة وليست موجهة لشخص بعينه ... أو - وهذا الأفضل - أن تحتفظي بها لنفسك في مثل هذه الحالات لأني والحمد لله مسلم وأعرف ما ينبغي علي تجاه ديني شكرا