لوحة القادة

السلام عليكم و رحمة الله و بركاته طب هو ينفع اسأل حضرتك سؤال.....هو احنا ليه بندور علي ايجابيات.....؟؟؟ عشان يعني نبرر لنفسنا احنا بنحبها.....او مبنحبهاش....(مش هقول بنكرهها....لانها مش هتركب.....ممكن نقول زعلانين منها مثلا....مقموصين....لاويين بوووز....و اوقات كتير مخنوقين منها) ممكن اقول لحضرتك.....عشان النسمة الحلوة اللي بنلاقيها ع الكورنيش.....الساعة 12 بالليل...و الناس كلها لسه سهرانة و انتي فاكرة ان الساعة لسه 9 و داخلة ع عشرة...(واحدة وشها في الارض بعد ما اتهزأت ع التأخير) يمكن ااقول لحضرتك....عشان الواد الجدع اوي اللي اسمه "محمد" اللي بيدرس في كلية حاسب آلي و تكنولوجيا معلومات اللي في سنة تالتة و اللي بيشتغل ف الصيف منجد عشان يلم فلوس الدراسة و يمكن برضه ااقول لحضرتك......عشان عشان "ابراهيم" سواق التاكسي اللي امي ركبت معاه النهاردةو قالها البنت بنتي....قالتلي عايزة آكل تين...و انا مش هقدر اجيبلها تين عشان يوميتي مش هتكفي....و لما ماما اشترت ليه بفضل الله اللي كان نفسه فيه.....حلف يمين طلاق تلاتة (بيعجبني انا عرق الرجولة اللي بيفط مع حلف اليمين......وش واحدة بتضحك لو جوزها قالها كده).....انه لازم يدفع.....و كسرا لكل التوقعات اللي عمالين نسمع عنها عن النصابين و الشحاتين و سارقي شنط السيدات.....عم ابراهيم....اصر يحاسب علي كيلو التين.....ايون اشتري كيلو تين.....و قال لمامالما قالتله طب اشتري نص كيلو ميل عليها و بنفس عرق الرجولة اللي حلف بيه اليمين تلاتة من شوية....قالها عشان الست ام العيال......آه ياااااااااااااااني يمكن عشان بحب ااوي المحلات اللي بتفتح شبه بعض و جنب بعض و في نفس الاسبوع و بقعد اتفرج يا تري هيضربوا في بعض ازاي.....و بعد كده الاقيهم محدش بيضرب في بعض......بس في اخر الاسبوع كل واحد بيعلق يافطة تحمل عبارة ايمانية في الصميم....اكيد مش حسبنا الله و نعم الوكيل.....بس عبارة زي "سيبها ع الله"....."ربنا هو الرزاق" يمكن عشان "شريف"...ظابط الشرطة اللي واقف في ميدان المحطة.....اللي في يوم لقي واحدة ست عجوزة بتعدي الشارع و تقريبا مش شايفة....و لما ساعدها و عداها الشارع.....ميل عليها و قالها...ما تيجي نشتغل مع بعض...اليوم اللي بعده كان جايب لها مناديل و هو واقف يكتب مخالفات للعربيات ...و احيان يسحب رخص من البنات اللي بتسوق عربيات...عشان يعمل حبة حركات كده....و هي قاعدة ع الرصيف التاني يمكن تكون بتبيع مناديل.....بس لما بتقرب منها بتديك مع كل علبه دعوتين.....غير الدعوتين اللي بتقولهم للي جنبك يمكن عشان..."مصطفي"....اللي صورته مرسومة علي باب معهد الاورام عندنا......وشه مليان فرحة اوي.....عشان هو كان اول حد يخف من سرطان الدم في المعهد المتهالك اوي ده.....و الدكتور بتاعه و طقم المستشفي اصروا انهم يحطوا صورته عشان هو كان فعلا "مصطفي"....يعني ليه نصيب من اسمه....يعني "مختار".....يمكن ربنا اختاره انه بابتسامته الحلوة دي....يدي امل لاي حد هيعدي من الحتة دي يمكن و يمكن......و الف يمكن في كل يمكن منها بلاقي تفاصيل صغيرة اوي بس تفاصيل بشوفها.....و غيري بيشوفها....و بتوحشني.....و بتونسني لما بتاخدني موجة الغربة و تحدفني يمكن حضرتك و اي حد هيعدي هنا هيقول......كلام ميجبشي تمنه.....بس هو سؤال هو احنا لما بنحب حد بنسال نفسنا بنحبه ليه؟؟؟ لما بس بنتجوز.....بنقول احنا هنتجوزه ليه...في محاول يائسة مننا ان احنا نمطق علاقات.....مستحيل تتمنطق...هي تتاخد كده....كلها علي بعضها لما بنحب بني آدم..... بنحبه كده كله علي بعضه...... بنشوفه زي ما هو.... يمكن مش احلي الناس..... و لا اشجع الناس.... و لا اغني الناس.... .بس في عيوننا بيبقي كل الناس كلام...........من دنيا الخيال.....كتير هيقول بس انا مصدقاااااه أوي مصدقة أن حبي لمصر دي......"حب"......مش جواز مش هينفع نطلع قلبنا كل شوية من جوه الضلوع و نساله قولنا بقي بتحبها ليه.....عشان القلب اللي بحجم كف الايد الصغيرة اوي....مش هيلاقي رد.....هيسكت.....بس مش هيبطل يحبها.....زي ما هي بس خلاص مساااااااكي......يا قلب ......قلب....يحب.....و ميسالشي.....ليه؟؟؟

السلام عليكم بداية أنا مش عارفة المكان الصح للموضوع ده كنت كتير أسأل نفسي لما اشوف حال بلدنا و نهبها و إفسادها .. ياترى أبطال أكتوبر اللي لسة موجودين ندمانين؟؟ قريت المقال ده لبلال فضل و بكيت "أما الرسالة الثانية التى اخترتها لك فقد كانت رسالة صادقة وموجعة فى سعيها للإجابة على السؤال المرير الذى طرحته فى مقالى، الرسالة جاءتنى من المهندس حسام الدين مصطفى وقال فيها «مقالتك الأخيرة عبرت عن الوجع اللى جوايا بدقة متناهية، أنا واحد رُبيت على يد واحد من جنود حرب «يوم عشرة» هو خالى المهندس على محمد على سكران، كنت ومازلت أستمع وأستمتع بما كان يرويه لى ولأبناء إخوته عن «سيمفونية– يوم عشرة» وعن الشهداء رفاقه اللى ماتوا أمام عينيه فى «ثغرة الدفرسوار» وعن جُبن الصهاينة وخوفهم أن يدخلوا عليه الخندق فى الوقت اللى كان لوحده بعد استشهاد كل زملائه وبسلاح خفيف ومع ذلك خرج أمامهم ولم يروه. عارف؟ خالى ده تعرض لظلم بَيّن سنة ١٩٩٢ من مدير هيئة كان يعمل بها خالى مديرا لصيانة السيارات بالمركز الرئيسى بالقاهرة، حيث كشف أتوبيسات تم توريدها على أنها مستوردة وجديدة وياللأسف كانت مستعملة وتم تَـكهينها. رفض وكتب تقريرا مُفَصَلا– خالى حاصل على ماجستير فى محركات السيارات من جامعة عين شمس حيث تخرج فيها مهندساً– مُبدِياً العيوب الفنية بدقة متناهية. كان الجزاء، استبعاده من اللجنة ونقله إلى مقر الهيئة فى «مرسى علم»! لجأ الى قضاء مصر «العادل» وحصل على حكم ضد رئيس الهيئة مع إيقاف تنفيذه لأنه عضو فى لجنة «القِيَم». وفى الآخر نقلوه معامل الهيئة فى الدقى، خالى طلع «معاش» منذ ٥ سنوات ولولا شقاه فى «السعودية» لكان متلطم وهو أب لأربعة أولاد، الحمد لله اتجوزوا تلاته منهم وفاضل واحد. لكن لسه عنده «الحسرة وكسرة النفس على العمر اللى ضاع». بس والله لو تسأله دلوقتى لو الزمن رجع بيك لـ«يوم عشرة» وانت عارف انك ها تروح «مرسى علم» فى عصر ما قبل الـ بورتو. بدون تفكير يرد ويقولك ها أكرر اللى عملته وكمان أكتر. " "أما مسك ختام الانتصارات فأتركه لرسالة رائعة جاءتنى من أحد أبطال حرب أكتوبر الأستاذ فريد أحمد السيد، الضابط السابق بالقوات المسلحة ومدير عام بالمعاش، قال فيها بالنص وبأسلوب مؤثر «مهلا يابلال فلم تأت الساعة الثانية بعد.. الساعة الآن مازالت الحادية عشرة ظهرا يوم السبت العاشر من رمضان السادس من أكتوبر سنة ١٩٧٣، والمكان الموقع الهجومى لإحدى كتائب الدبابات بالجيش الثانى الميدانى، وكنا نحن ضباط الكتيبة قد علمنا بموعد بدء الحرب أو ساعة س أو ساعة الصفر، كنت بحكم طبيعة عملى فى الكتيبة قد علمت بساعة س من قائد الكتيبة الساعة التاسعة صباحا بعدما تلقاها فى نفس التوقيت من قائد اللواء، وعرفنا أن ضربة الطيران الساعة ١٤٠٥ يسبقها بخمس دقائق ضربة مدفعية وعرفنا مسلسل عبور دباباتنا الذى كان سيبدأ الساعة السابعة مساء، واجتمعنا فى قيادة الكتيبة نتناقش ونتحاور وسط خليط من أحلى مشاعر ممكن يعيشها أى مصرى على مر التاريخ على أرض المحروسة، مشاعر فرح وفخر تشوبهما بعض مشاعر القلق، عايز تعرف بقى كنا بنفكر وقتها فى إيه بعد ما عرفنا أعظم سر فى تاريخ مصر الحديث، كان كل عسكرى وكل ضابط فى جيش مصر المحروسة بيفكر وقتها فيما سيفعله عندما تجمعه المعركة بالعدو الذى أعماه غروره وغطرسته عن تقدير قوة وعظمة المقاتل المصرى العظيم، كنا كلنا بنفكر فى أنه قد آن الأوان لنسترد لمصر عزتها وكرامتها ومجدها بعد ست سنوات من الذل، كنا بنفكر فى فرحة المصريين عندما يذاع عليهم البيان الأول، تخيلنا فرحتهم فى الشوارع والبيوت، فى المدن والقرى والنجوع، توقعنا زغاريدهم ودعواتهم لنا عندما يتأكدون من عبورنا القناة، فكرنا فيما سيقال فى البيان الأول الذى أجمعنا أنه سيشير إلى اعتداء إسرائيلى على قواتنا بادرنا بالرد عليه، قلنا لبعض هتكون كذبة؟، وماله، دى حتبقى أشرف كذبة فى التاريخ، ياما إسرائيل كذبت على العالم، والعالم صدقها، جلسنا نفكر فى المجد الذى سنحققه للمحروسة فى هذه الحرب إذا انتصرنا، وأخيرا تعاهدنا قبل أن تأتى الساعة الثانية ظهرا على النصر أو الشهادة فى هذه المعركة، ولم نفكر للحظة فيما سينتاب آباءنا وأمهاتنا من حزن عندما يبلغهم نبأ استشهاد أحد أبنائهم، ولا أخفى عليك سرا أنه عندما طاف بخاطرى شرف الاستشهاد فى هذه المعركة، كنت على يقين من أن أصدقائى: مسلم وشامل وجلال وصبرى ورضا ومجدى وبدران وعبده والسيد الأفريكى، كانوا سينظمون سنويا فى قريتى بالشرقية دورة على كأس تحمل اسمى مسبوقا بكلمة الشهيد، وهو ماأكده لى أصدقائى بأنفسهم فى أول إجازة بعد الحرب. أما وعندما جاءت الساعة الثانية ظهرا، فقد بدأنا نستمع ونستمتع بأحلى سيمفونية لأصوات محركات الطائرات الميج فى دشمها بالمطار الحربى المجاور لموقع كتيبتنا وهى تبدأ فى الدوران للتسخين استعدادا للانطلاق، وبالمناسبة كان قد صدر فى نفس اليوم أمر قيادة يلزم جميع القوات بالبقاء تحت الأرض قبل بدء العمليات تحسبا لضربة إجهاض قد تقوم بها إسرائيل، أمر قيادة إيه ياعم وإنت شايف طائرات مصر بطياريها الأبطال تمرق كالصاروخ على ارتفاع منخفض من فوق رأسك مباشرة تتجه صوب الشرق إلى أرض الفيروز، ليتنى كنت أديبا بارعا لأصف لك فرحة العساكر والضباط وتهليلهم وتكبيرهم بأعلى صوت فى حناجرهم للطيارين وهم فوق رؤوسهم، قائد كتيبتنا خرج عن وقاره وخلع سترته وأخذ يلوح بها للطيارين صارخا بأعلى صوته «اضربوهم.. احرقوهم»، قائد كتيبتنا هذا كان من المفترض لإجراءات أمنية أن يكون مسلسل عبوره بدبابته رقم عشرة يوم عشرة، فإذا به يقول أمام ضباط وعساكر الكتيبة عندما وصلنا إلى المعابر «على الطلاق ماحد يحط رجله على أرض سينا قبلى»، وفى أثناء العبور لم يكن العساكر والضباط ينتظرون وصول المعدية للشط الشرقى ورسوها، بل كانوا يتسابقون فى القفز بكامل ملابسهم للسباحة فى مياه القناة للوصول أسرع من غيرهم إلى أرض سيناء التى حرروها بدمائهم الزكية. " اييييييييه الحل عشان نحافظ على مستقبل بلدنا و اولادناأو بالأصح عشان نرجعهالهم تاني؟؟ الأبطال دول عملوا اللي عليهم و زيادة .. الدور علينا .. هنعمل إيه؟؟؟

الساعة 6 ... المنبه بيرن ... اوتوماتيكي ايدي عارفة طريقها للزرار تقفله ... 10 ثواني و اقوم ... اضرب رجلي في الشبشب و عالحمام ... ابص في المراية علي دقني و ابتدي امسك فرشة الحلاقة .. و مع اول رغوة افتكر ان النهاردة الحد .. أجازة ... ابتسم و اشيل الرغوة من غير ما احلق .. و ارجع ارمي نفسي في احضان السرير بسعادة ... و لكن مافيش نص ساعة و اصحي علي صوت المكنسة الكهربائية ... الماركة اسمها Silent –energy ... و لكنها في الحقيقة ليها صوت منشار كهربائي بتاع نجار شغال في مغلق خشب .. ما علينا ما هو انا كده كده لازم اصحي علشان عندي كذا حاجة متأجلة و لازم اعملها النهارده ... تبتدي بأيه يا سكوب تبتدي بأيه يا سكوب ... نغسل العربية اللي العيال ابتدوا يكتبوا شعارات علي التراب اللي عليها.. و انا رايح ناحية الجراج الاقي بوسطة علي ترابيزة المدخل ... قررت اني ابص بصة عليهم قبل ما اغسل العربية ... اسيب مفاتيح العربية عالترابيزة .. اقرا كام جواب و اللي كان في وسطهم كام فاتورة ... و بعدين اتجه ناحية صندوق الزبالة علشان ارمي الأظرف الفاضية و الأعلانات ... و لكن الاقيه مليان عالآخر .. اسيب الجوابات و اشيل صندوق الزبالة و اروح علشان أفضيه بره ... لكن الأول فكرت في الفواتير فطلعت دفتر الشيكات اتطمن انه موجود ولا نسيته كالعادة ... المهم لقيته و لكن كان فيه آخر شيك ... رحت اوضة المكتب ادور علي الدفتر الجديد اللي كنت سحبته الأسبوع اللي فات ... عالترابيزة لقيت ازازة الكوكاكولا اللي كنت حشربها امبارح بالليل و نسيتها هناك ... اخدتها و قررت احطها في التلاجة تاني ... و انا رايح المطبخ لاحظت ان فازة الورد اللي علي ترابيزة الصالة مبقاش فيها ميه .. سبت ازازة الكوكاكولا علي الترابيزة و اخدت الفازة علشان املاها ميه .. جنبها لقيت النضارة اللي كنت بدور عليها امبارح طول الليل ... قررت اروح اسيبها علي المكتب بدل ما انساها تاني و افضل أدور من جديد .. و بعدين ابقي املا الفازة ميه ... سبت النضارة عالمكتب و رحت املا شفشفق ميه املا بيه الفازة ... و انا بملاه علي ترابيزة المطبخ الاقي الريموتكونترول بتاع التليفزيون .. مليون في الميه جونيور هو اللي سابه كالعادة هنا .. اقرر ان بعد ما املا الفازة ميه حبقي احطه في مكانه في الليفينجرووم ... ابتدي املا الفازة .. شوية ميه اتحطوا جواها و شوية اكتر خلصوا عالباركيه ... و عليه رجعت لبلكونة المطبخ .. اسيب الريموتكونترول علي الترابيزة هناك و آخد ممسحة انشف بيها الميه اللي وقعت مني ... ارجع للصالة و انا بفكر في حاجة تخص الشغل ... و بعدين اقف في نص الصالة علشان افتكر انا كنت حعمل ايه بالممسحة اللي في ايديا دي ... الخلاصة .. آخر النهار جه ... العربية ما اتغسلتش ... ما دفعتش اي فاتورة ...صندوق الزبالة مليان ...فيه ازازة كوكاكولا علي ترابيزة اوضة المكتب ... الورد من غير ميه ...فيه شيك واحد في دفتر الشيكات ... مش لا قي الريموتكونترول بتاع التليفزيزون ... و لا النضارة ... فيه بقعة منيلة بستين نيلة علي باركيه الصالة و ما عنديش اي فكرة فين مفاتيح العربية ... وقفت شوية افكر ازاي و بالرغم من اني ما وقفتش لحظة طول النهار.. و احساس الأجهاد الجامد ده ... ماانجزتش اي حاجة اليوم كله ... فقررت اني اقعد شوية اكتب كام سطر اسألكم عن تفسيركم للحالة دي .. هو انا عََجِّزت و الا حاجة ؟؟؟

أفندينا ده الظاهر (شارب) حاجة، ومتصور إنه هيزايد على (ماكينة) الإعلام المصري الرهيبة. ده فاكر إنه بيساعد جمال مبارك عن طريق تغيير (شعور) الزباين ناحيته (بالتدريج)، وبالتالي (تقصير) المسافة بينه وبين القصر الرئاسي. لكن آدي (دقني) لو نفع الكلام ده. هي يعني الناس خلاص (نـَسِت) أبوه كان بيعمل فيهم ايه. ده كفاية التعذيب والضرب على (القفا) في أقسام الشرطة، واللي (صبغ) مصر بصبغة الخوف والرعب وخلا الناس تجيب (زيت). أي تأييد لجمال هو مصالح شخصية ومجرد (قشرة) خارجية. وأكبر مثال على كده هو عليّ الدين هلال بتاع (زيرو) المونديال. أنا متأكد إن الناس عند الجد (هتحلق) لجمال عشان عارفين إنه لو وصل للحكم، هيحاول (تطويل) مدته فيه على قد ما يقدر. علاوة على إن أيمن نور (موس) وعارف كويس إن الحركات (القرعة) دي مفيش منها فايدة. لكني برضه أتمنى إنه (يشد) حيله ويحاول (تمشيط) مصر بحثًا عن الحلاقين عشان (يقصقص) أي ملصقات عندهم من هذا النوع. ده طبعًا غير المنافس (اللامع) محمد البرادعي، اللي كتير بيعتبروه (بلسم) السياسة في مصر. بس في رأيي الشخصي، لو يلبس (باروكة) هيبقى أحلى بكتير. :D

أضيف أنا وأقول إن كابل بعشرة جنية كان ممكن يخلينا في مصاف الدول المتقدمة ... وكابل بعشرة جنية بعد قيام الثورة كان ممكن يخلينا واحة من الديمقراطية لو تم تسليم البلد من السلطة العسكرية إلى سلطة مدنية تحترم الناس والدستور والديمقراطية ... وكابل بعشرة جنيه في التعليم كان يخرج لنا جيل محترم مثقف قبل أن يكون متعلم .. وعنده إنتماء وحب للبلد .. بدل ما تلاقي الطالب من دول رايح متكدر المدرسة كإنه رايح السجن ... واللي بيتابع التعليم في ماليزيا واليابان هايكتشف إن سر التفوق هو في الكابل أبو عشرة جنيه ... فالكابل ده يتمثل في إحترام المُدرس للتلميذ اللي لا يدعوه بإسمه ولكن يقول له يا مستر فلان ... وهو من وجهة نظرنا عيل مفعوص في سنة أولى إبتدائي .... عارف عارف إن المدرس مقهور وطالع عين اللي خلفوه من الكادر والمرتب الهزيل و و و و و ... لكن ده مش سبب رئيسي لإن نفس المدرس ده بتلاقية بيعمل ملايين من الدروس الخصوصية مثلاً ... والمفروض يكون مرتاح ويريح الطلبة .. لكن لأ .. هذا لا يتم وتلاقيه بيشتكي مر الشكوى ويقهر الطلبة .. وبالرغم من إننا بنعمل أعمال عظيمه قوي وإنشاءات جبارة ويتصرف عليها ملايين ... لكن عشان توفير ثمن كابل بعشرة جنيه ... بعد سنوات قليلة هذه الاعمال تتحول إلى ركام .. أنظروا إلى طريق المحور أو الدائري مثلاً ... عمل عظيم ويُضاهي الموجود لدى الدول الكبرى المحترمة ومع ذلك ... بعد سنة إو إتنين وعشان مستخسرين نجيب كابل بعشرة جنيه ... بتلاقي الطريق إتحول إلى ملاهي .. أنا مسميه كده ... عالي وواطي وطالع ونازل وتحس إن العربية ماشية على بساط الريح المتمايل واللي عُمره ما يمشي ثابت أو مستقيم .... ولنفس السبب .. تلاقي مستشفى عظيم وصرح عملاق ومستعد أعد أساميهم لحضراتكم .. وما فيش سنة تعدي إلا وتقرف تعدي حتى من جنب المستشفى .... يكفي أن تنظر فقط إلى الجدران الخارجية لأي مستشفى حكومي وأتحدي أن يذكر أحد إسم مستشفى واحد حكومي الجدران الخارجية به ليست على وشك الأنهيار من تسرب مياة الصرف الصحي والمواسير المهترئة بالرغم من إن مثلاً مشروع إنشاء وتجديد الحمامات إتصرف عليه ملايين تماماً زي نظام الأمن في المتحف أبو 30 مليون ... لكن صيانة ومتابعة من نار ... الحاجات دي تفاهات ولا تعنينا وإحنا أكبر من كده ... وكأن العشرة جنيه مبلغ هايأثر في ميزانية الدولة أو هايغير نظامها ... ده أنا ضربت مثل الحمامات فقط مش حاجه تانية ... ويمكن المشروع الوحيد اللي شوفته فلت من تحت إيد الكابل هو مترو الأنفاق بصراحة ... إلى حد ما .. ولو كان إتساب لإدارة حكومية تابعة لموظف درجة تالته في أرشيف دولاب العمل بوزارة النقل .. كان زمانه حصل القطارات بتاعتنا كلها اللي لا تصلح إلا لنقل المواشي وأسف للتعبير ... بالرغم من إن الرخصة التالتة للمحمول اللي عدت 10 مليار لهفتها الحكومة في كرشها .. تم توجية معظمهما لتطوير نظام القطارات في مصر كلها .. إلا إن التطوير اللي حصل ممكن يكون في سراير قطارات النوم عشان المسئولين الكبار لو مسافرين بالقطر ما يحسوش بتعب وتلاقيهم جابوا لهم مراتب أسنفج من تاكي أو أميريكان فيرنيتشر .. أما عامة الشعب فمصيرهم هايلقوه في حريق قطر الصعيد في العيد ... ويبقى يا سادة المتهم الوحيد في هذه القضية هو الكابل الماثل أمامكم عرياناً خلف القطبان بدون خشى ولا حياء وبراءة الاطفال في أسلاكه ....

إمشي في اي شارع من شوارع مصر من مرسي مطروح لأبو سمبل.. ادخل في اي حارة منها .. او حتي زقاق ستجد حتمآ "قهوة بلدي" .. من طلعة النهار لأنصاف الليالي .. 7 ايام في الأسبوع .. 365 يومآ في السنة .. تلك القهاوي مليئة .. و أغلب روادها من الشباب ... و غالبية هؤلاء الشباب .. شباب عاطل ... يبحث عن عمل ( لآ أدري كيف و هو جالس علي تلك القهوة) أو فقد الأمل في العثور عليه ... أو يعمل بالفعل .. لكنه مزوغ .... مشكلة البطالة في مصر مشكلة في غاية الخطورة .... فمن هو بلا عمل هو أرض خصبة لمشاكل عدة .. لنفسه ... لجماعته ... لوطنه ... هي مشكلة لها أوجه كثيرة جدآ .... لا يجب ان يتحمل تداعيتها و مسئوليتها شبابنا فقط ... و ان كان جزءآ لا بأس به منها يقع علي عاتقهم هم ... هذا الموضوع هو دعوة لمناقشتها ... من جميع أوجهها ... و من وجهة نظر الجميع .. دور الدولة في توفير فرص عمل لأبنائها .... الشباب نفسه ... الخريجين الذين لا يجدون عمل و أحيانآ لا يريدونه ... أرباب الحرف الذين يصرخون هروب الشباب من الحرف اليدوية .. و بالتالي اختفاء اليد العاملة الحرفية المتخصصة في بلدنا و ظهور جيل "احنا بتوع كل حاجة" رجال الأعمال الذين يقولون انهم لا يجدون بمن يرضي بوظائف بسيطة ... المرتبات .... الضمير في تأدية اي مهنة او وظيفة ... حلم الهجرة الذي يغطي علي اي طموح او تضحية .... الخ .. الخ ... ملحوظة هامة : ليس الهدف من هذا الموضوع البكاء علي اللبن المسكوب .. او فتح مجال للبكائيات و توزيع الأتهامات .... الهدف هو ايقاظ الأذهان و العثور "إن أمكن" علي حلول واقعية .. بدون احلام ...

انا عارف ان الموضوع ده اتقتل كلام وبحث وكل الناس سواء بيدخنوا او مبيدخنوش عارفين راى الدين والصحة والاقتصاد فى الموضوع ده طب ايه الجديد؟ مع محولات شخصية كتيرة فاشلة لاقناع ناس كتيرة بالاقلاع عن التدخين (تقريبا نسبة النجاح كانت صفر %) بدات افكر فى اسلوب مختلف لحل المشكلة وهو اذا كان عدد المدخنين فى العالم بلغ 1.1 مليار شخص على مستوى العالم وكمان لما نعرف ان عدد المدخنين فى مصر يزداد بمعدل 8-9 % سنويا ولما نعرف ان المصريين بينفقوا خمسة مليار جنيه مصرى سنويا عالتدخين (طبعا ده قبل تعديل الضرايب المفروضة عالسجاير والاسمنت) وطبعا غير الانفاق عالمخدرات ده غير ان التدخين اصلا يتسبب في 30% من كل حالات السرطان، وهو سبب 90% من حالات الوفاة بسرطان الرئة، وأكثر من 80% من حالات الالتهاب الشعبي المزمن والانتفاخ الرئوي. انا سامع واحد من بعيد بيقول ياعم انت مالك (قول يا باسط) سيب اللى يدخن يدخن.... مش هو اللى صحته بتتعب وهو اللى بياخد ذنوب وهو اللى بيضيع فلوسه اقوله لاء يا سيدى .... احنا كلنا فى مركب واحدة ويوم مهتغرق هنغرق كلنا ودى اسبابى 1- التلوث الناتج عن التدخين يصيب الجميع وليس المدخن وحده ولاسيما الاكثر تضررا المحيطين به. (ومين فى الايام دى مفيش حد قريب منه مش مدخ؟) 2- الانفاق عالتدخين (وهو انفاق ليس من ورائه عائد) يؤثر بالسلب على المجتمع ككل ولا سيما فهو يعمل على تجميع الاموال فى اماكن لاتهتم بصرفها بما يدر بالعائد او النفع عالاخرين 3- يقول سبحانه وتعالى : " الم يروا كم اهلكنا من قبلهم من قرن مكناهم في الارض مالم نمكن لكم وارسلنا السماء عليهم مدرارا وجعلنا الانهار تجري من تحتهم فاهلكناهم بذنوبهم وانشانا من بعدهم قرنا اخرين . " انا بدات افكر بدل منشتغل على تقليل عدد المدخنين واللى فشلنا فيه........ عالاقل نثبتهم (يعنى ميزدوش اكتر من كدة وده ممكن يكون اللى فى ايدينا) طيب ايه الفكر الجديد فى كدة فكرت اننا نعمل منهجية للتعامل مع النشأ او الطفل الجديد (والمتوقع انه يكون اكثر ذكائا وجرأة من الاجيال السابقة له) بحيث يكون عنده من المقومات الشخصية والسلوكيات اللى تبعده عن ممارسة التدخين وبكدة هنضمن عالاقل ان الاجيال الجديدة يوصلوا لبر الامان بعدم التدخين طيب ايه المطلوب؟ المطلوب ان لو حضرتك مش بتدخن تقولنا: 1- ايه الاسباب الرئيسية اللى مخلتكش تدخن (يعنى وازع دينى - حفاظ عالصحة - تربة بشكل معين - اسباب اقتصادية - قدوة حسنة - رياضى - .........) 2- من وجهة نظرك ايه الحل فى مشكلة التدخين؟ 3- ايه القصص الغريبة اللى شوفتها فى موضوع التدخين؟ 4- لو عايز تزود حاجة زود طيب لو حضرتك بتدخن قولنا : 1- ايه الاسباب الرئيسية اللى خلتك تدخن (يعنى نقص الوازع الدينى - اصحابك - قدوتك كانت بتدخن - ...........) 2- حضرتك بتفكر تبطل ولا مبتفكرش ولو ناوى تبطل ايه اللى معطلك او مستنى ايه؟ 3- حضرتك لو دخلت البيت فى يوم من الايام ووجدت زوجتك او احد اولادك بيدخنوا هيكون رد فعلك ازاى.......... (وانت عارف كويس انه هيترد عليك ويقولوا اشمعنى انت) الفكرة هتكون اننا نشوف ايه اكتر المؤثرات اللى بتاثر عالنشئ فى اتخاذ او عدم اتخاذ قرار التدخين وبالتالى هتتكون لدينا منهجية فى توجيه النشئ لسلوك حياتى معين نضمن به (بنسبة كبيرة طبعا ولكن هتكون اقل من 100% ) ابتعاد النشئ عن التدخين بمعنى ان لو الناس اجمعت ان اهم حاجة فى ابتعادهم عن التدخين هى الرياضة و الوازع الدينى او الصبحة الصالحة فهنركز عالحجات دى بترتيب اولويات ذكرها فى مشاركات الاعضاء طبعا الموضوع مفتوح للجميع للمناقشة واظن ان كل مكانت التجارب مع التدخين اكتر كل مكانت الاستفادة اكبر واحد تانى هيقولى ياعم انت عايزنا نعمل جهر بالمعصية والمكان مش مناسب عشان ادخل اقول للناس انى مدخن (اقوله يا سيدى الفاضل المفروض اننا هنا اشخاص اعتباريون ومعظمنا لا يعرف بعضهم البعض الا القليل جدا وبالتالى ستكون المناقشة من اجل الاستفادة ومساعدة الاخرين بتزويدهم بالاسباب وراء التدخين) تقبلوا تحياتى

شعرت بدوار خلال قرائتى الأولى و دوار أشد فى قرائتى الثانية بتركيز أكثر. ما سبق كان إستهلالا لابد منه فكرت أن هذا الموضوع يمكن أن يكون موضوع مسابقة أين مفاتيح السيارة ؟ أيت الريموت كونترول ؟ أين الأظرف الفارغة و الإعلانات ؟ و يكون شرط المسابقة قراءة الموضوع مرة واحدة فقط فعلا تنفع مسابقة فقط يبقى ما هو عنوان المسابقة ؟ إبحث مع الفاضل سكوربيون مثلا

السلام عليكم ورحمه الله وبركاته لاحول ولاقوه الا بالله العلى العظيم اللهم اجرنى فى مصيبتى واخلف لى خيرا منها والله العظيم مصايب وبلاوى كل يوم الواحد بيقرأ عنها الاعتكاف بخطاب الكفيل والله العظيم نكته من النكت طيب نناقش الموضوع : كيف نضع حريه العباده فى ايدى البشر؟ ليه انا اخد خطاب من كفيلى وانا عارف ان هناك من يحل محلى فى العمل عشان اروح احييى سنه الاعتكاف فى المسجد وغالبا محدش بيحييى هذه السنه الا فى العشر الاواخر ؟ طيب افرض كفيلى راجل فاسق او زنديق او متعنت وقالى لا مش تروح ..رغم ان سير العمل لن يتأثر..وده بسبب أسباب شخصيه عندالكفيل يبقى خلاص حد عنده ذره من عقل يقول كده واذا كان الموضوع عن حركه الاصلاح ممكن يزيدوا من الرقابه على المساجد وطبعا هيه مساجد معينه وضمان ان الاعتكاف لن يستخدم فى احداث فتن مش كل واحد يجيب جواب من كفيله زائد ليه نربط ده بمصالح الناس محدش قال ان الواحد مش يراعى الله سبحانه وتعالى فى شغله ويروح يعتكف ..الاعتكاف سنه وقضاء مصالح الناس واجب ولا تقدم السنه على الواحب ولكن ... نفترض ان واحد شايف شغله على اكمل وجه ويراعى الله سبحانه وتعالى وفى العشر ايام الاخيره اراد ان يكتف لله سبحانه وتعالى فى مكه او فى المدينه ابتغاء الاجر والثواب ليه بقى احطله عراقيل واجعله يأخد الاذن من بشر قد يكون صالح وقد يكون فاسق وحتى لو كان صالح المبدأ فى حد ذاته فاسد ملخص الكلام اللى انا عاوز اقول انا اعترض على نقاط معينه : كيف نطلب اخذ الاذن للقيام بشعيره اسلاميه من نظام اسمه الكفاله مخالف اساسا للشريعه الاسلاميه قلبا وقالبا وده مش كلامى ده كلام الجمعيه الوطنيه لحقوق الانسان بالسعوديه http://www.arabianbusiness.com/arabic/523355

السلام عليكم و رحمة الله و بركاته مشاركة صغيرة بسم الله الرحمن الرحيم وَاذْكُرْ فِي الْكِتَابِ مَرْيَمَ إِذِ انتَبَذَتْ مِنْ أَهْلِهَا مَكَانًا شَرْقِيًّا ﴿16﴾ فَاتَّخَذَتْ مِن دُونِهِمْ حِجَابًا فَأَرْسَلْنَا إِلَيْهَا رُوحَنَا فَتَمَثَّلَ لَهَا بَشَرًا سَوِيًّا ﴿17﴾ قَالَتْ إِنِّي أَعُوذُ بِالرَّحْمَـٰنِ مِنكَ إِن كُنتَ تَقِيًّا ﴿18﴾ قَالَ إِنَّمَا أَنَا رَسُولُ رَبِّكِ لِأَهَبَ لَكِ غُلَامًا زَكِيًّا ﴿19﴾ قَالَتْ أَنَّىٰ يَكُونُ لِي غُلَامٌ وَلَمْ يَمْسَسْنِي بَشَرٌ وَلَمْ أَكُ بَغِيًّا ﴿20﴾ قَالَ كَذَٰلِكِ قَالَ رَبُّكِ هُوَ عَلَيَّ هَيِّنٌ ۖ وَلِنَجْعَلَهُ آيَةً لِّلنَّاسِ وَرَحْمَةً مِّنَّا ۚ وَكَانَ أَمْرًا مَّقْضِيًّا ﴿21﴾ فَحَمَلَتْهُ فَانتَبَذَتْ بِهِ مَكَانًا قَصِيًّا ﴿22﴾ فَأَجَاءَهَا الْمَخَاضُ إِلَىٰ جِذْعِ النَّخْلَةِ قَالَتْ يَا لَيْتَنِي مِتُّ قَبْلَ هَـٰذَا وَكُنتُ نَسْيًا مَّنسِيًّا ﴿23﴾ فَنَادَاهَا مِن تَحْتِهَا أَلَّا تَحْزَنِي قَدْ جَعَلَ رَبُّكِ تَحْتَكِ سَرِيًّا ﴿24﴾ وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَبًا جَنِيًّا ﴿25﴾ فَكُلِي وَاشْرَبِي وَقَرِّي عَيْنًا ۖ فَإِمَّا تَرَيِنَّ مِنَ الْبَشَرِ أَحَدًا فَقُولِي إِنِّي نَذَرْتُ لِلرَّحْمَـٰنِ صَوْمًا فَلَنْ أُكَلِّمَ الْيَوْمَ إِنسِيًّا ﴿26﴾ فَأَتَتْ بِهِ قَوْمَهَا تَحْمِلُهُ ۖ قَالُوا يَا مَرْيَمُ لَقَدْ جِئْتِ شَيْئًا فَرِيًّا ﴿27﴾ يَا أُخْتَ هَارُونَ مَا كَانَ أَبُوكِ امْرَأَ سَوْءٍ وَمَا كَانَتْ أُمُّكِ بَغِيًّا ﴿28﴾ فَأَشَارَتْ إِلَيْهِ ۖ قَالُوا كَيْفَ نُكَلِّمُ مَن كَانَ فِي الْمَهْدِ صَبِيًّا ﴿29﴾ قَالَ إِنِّي عَبْدُ اللَّـهِ آتَانِيَ الْكِتَابَ وَجَعَلَنِي نَبِيًّا ﴿30﴾ وَجَعَلَنِي مُبَارَكًا أَيْنَ مَا كُنتُ وَأَوْصَانِي بِالصَّلَاةِ وَالزَّكَاةِ مَا دُمْتُ حَيًّا ﴿31﴾ وَبَرًّا بِوَالِدَتِي وَلَمْ يَجْعَلْنِي جَبَّارًا شَقِيًّا ﴿32﴾ وَالسَّلَامُ عَلَيَّ يَوْمَ وُلِدتُّ وَيَوْمَ أَمُوتُ وَيَوْمَ أُبْعَثُ حَيًّا ﴿33﴾ ذَٰلِكَ عِيسَى ابْنُ مَرْيَمَ ۚ قَوْلَ الْحَقِّ الَّذِي فِيهِ يَمْتَرُونَ ﴿34﴾ مَا كَانَ لِلَّـهِ أَن يَتَّخِذَ مِن وَلَدٍ ۖ سُبْحَانَهُ ۚ إِذَا قَضَىٰ أَمْرًا فَإِنَّمَا يَقُولُ لَهُ كُن فَيَكُونُ ﴿35﴾ وَإِنَّ اللَّـهَ رَبِّي وَرَبُّكُمْ فَاعْبُدُوهُ ۚ هَـٰذَا صِرَاطٌ مُّسْتَقِيمٌ ﴿36﴾ سورة مريم أتمنى أن يقرأها كل مسيحي بقلبه و عقله عندما تليت على النجاشي و أصحابه "وَإِذَا سَمِعُوا مَا أُنزِلَ إِلَى الرَّسُولِ تَرَىٰ أَعْيُنَهُمْ تَفِيضُ مِنَ الدَّمْعِ مِمَّا عَرَفُوا مِنَ الْحَقِّ ۖ يَقُولُونَ رَبَّنَا آمَنَّا فَاكْتُبْنَا مَعَ الشَّاهِدِينَ ﴿83﴾ وَمَا لَنَا لَا نُؤْمِنُ بِاللَّـهِ وَمَا جَاءَنَا مِنَ الْحَقِّ وَنَطْمَعُ أَن يُدْخِلَنَا رَبُّنَا مَعَ الْقَوْمِ الصَّالِحِينَ ﴿84﴾ فَأَثَابَهُمُ اللَّـهُ بِمَا قَالُوا جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا ۚ وَذَٰلِكَ جَزَاءُ الْمُحْسِنِينَ ﴿85﴾" سورة المائدة

المعيار الأساسي للتقييم هو تشابه مهامك الوظيفية مع المهام المحددة لهذه الوظيفة وليس المسمى الوظيفي أو المؤهل المهنة الموجودة في الباسبور ليس لها أي تأثير والمؤهل عامل مساعد وليس شرط أساسي لإقناع ظابط الهجرة بأنك تعمل في الوظيفة المطلوبة لو عرفت تجيب من النادي شهادة خبره فيها المهام الموجودة في صفحة النوك الخاصة بالوظيفة (مش منقولة حرفيا) ورقك هيعدي ... غير كده صعب تقنعهم إنك بتشتغل في الوظيفة المذكورة

لأ أنا تحت أمرك البحرين مطبقة نظام تعليم اسمه (توحيد المسارات) ... يعني الطالب بيختار مجموعة مواد يدرسها منها اللي في تخصصه ومنها اللي بره التخصص ... فممكن أوي طالب العلمي أو الأدبي يدرس مواد تجارية زي المحاسبه كمادة اختيارية هتلاقي معظم المواد التجارية تدرس باللغة الانجليزية لإن دي هي لغة التجارة هنا ... وخصوصا إنك في مدرسة خاصة كل المواد تقريبا فيها (ماعدا الدين والعربي) بتدرس بالانجليزي ممكن جدا طبعا في أي وقت يقولوا لك احنا لقيناك مش مناسب للوظيفة علشان نقطة الانجليزي ... وقانون العمل البحريني بيعطي حق لصاحب العمل في فصل العامل بإنذار يوم واحد خلال فترة التجرية أو بإنذار شهر بعد ذلك ... فالأحسن برضه تطّلع على قانون العمل من على الانترنت علشان تعرف ايه اللي لك وايه اللي عليك. لكن عموما الحكاية دي بتحصل نادرا ومعظم الناس بتكمل مدة العقد وبيجددوا لها كمان ... طبعا عند إثبات كفاءتهم نصيحة لو ربنا كتب لك الوظيفة استعد كويس للشغلانة الجديدة وارجع ذاكر ثاني بالانجليزي علشان تعرف تمشي فيها ... وانسى كل اللي عرفته عن التدريس في مصر لإن الطالب هنا هو محور العملية التعليمية وهو اللي على الحجر ... يعني لازم تسايسه وتريحه وتتعامل معاه بكل احترام وفي نفس الوقت تخليه يتعلم كويس البحرين من الدول المتقدمة في مجال المعلوماتية ولذلك هتلاقي معلومات كثير عنها على النت ... أدخل موقع الحكومة الالكترونية وهيئة تنظيم سوق العمل ووزارة التربية واالتعليم والمدرسة نفسها علشان تعرف حقوقك ومسئولياتك ونظام التعليم والعمل هنا. وما تنسانيش في التقييمات يا باشا.

لسة الأيلتس.. بس أنا كنت بقول فرصة أجهز الأبلكيشن والأوراق لحد ما يتعمل الأيلتس ، علشان يبقى كل حاجة جاهزة على الإرسال أبدأ منين؟ من الشيك ليست؟ هو أنا الكمبيوتر بتاعي شكله فيه مشاكل لأن في مواقع تانية مبتفتحش ومش عارفة ليه؟ -_- على الأقل المنتدى ده شغال معايا bv:- بصي حضرتك على الانتي فيروس ممكن يكون بيقفل اي حاجه فيها دونلود او حاولي تعملي ابديت للانترنت اكسبلور 8 او 9 مش فاكر و ان شاء الله هيحمل معاكي النقطه التانيه لو عايزة تعملي كده نزلي الابليكيشن و اطبعيها و ابدأئي تظبطي كل حاجه عشان لما تيجي تكتبي فى الاخر تكوني جاهزة ان شاء الله عمرو

حـمـلـة (لا تـنـسـوهـــم فــي الـعــيــد) شارك معنا في نشر هذه الحملة المباركة تصميم شعار. تصميم برشورات دعائية. تصميم بنرات. تبادل إعلاني. نشر بالمنتديات. جمع مقاطع (فيديو & صوتيات). مقابلات شخصية. منشورات للحملة بالمساجد. وهناك المزيد ....... لا تحرم نفسك الأجر وساهم معنا في نشر حـمـلـة (لا تـنـسـوهـم فـي الـعـيــد) البريد الاليكتروني للحملة : notforget@jadded.org رابط الحملة على الفيس بوك : ( اضـغـط هـنــا) راعي الحملة : موقع جدد حياتك www.jadded.net

أظن ده انسب موضوع الواحد يسأل فيه عن الأستاذ جرندايزر والأستاذ ابن مصر .. ياترى فين أراضيهم دلوقتي .. ربنا يجمعنا بيهم تاني على خير يا رب

اولاً كل سنه وانتى طيبه ثانياً الموضوع اللى بيحصل معاكم ده بيحصل بسببكم انتم ايوز لان انتم اللى سبتم حقكم يعنى ايه واحد علشان يوفر تاكسى ياخدنى من وسط مراتى وعيالى علشان اوصله !!!!!!!! ده انا مش اعتذر ليه او اقوله مش جاى لا ده انا اوصل لحد البيت عنده واضربه وارجع انام تانى الناس اللى زى دول لازم الواحد يدوس معاهم جامد انا ليا واحد قريبى تقريباً نفس نظام زوج حضرتك طيب ومحترم قوى وبيتحرج يقول لاى حد لا طبعاً لما بقعد معاه ضغطى بيرتفع لان الناس بتستعبط بجد عنده واحد صاحبه كل لما يشوف حاجه زياده عنده يقوله متجيبها وياخدها منه والمشكله ان اللى بياخد الحاجه ده مش محتاجها بس هنقول ايه للناس ! مافيش احسن ان الواحد يدوس مع الناس دى ويعاملهم بقلة زوق يعنى من الاخر يجليط معاهم بنفس اللفظ انا بدوس قوووووووى مع الناس دول يعنى ممكن واحد يجيى يقولى بعد اذنك اقوله لا عادى فى وشه اما الناس المحترمه فدول الواحد يشيلهم على دماغه من فوق انا فيه ناس اقاربى واصحابى لو اتصلوا بيا فى اى وقت اروح لهم على طول بدون تفكير اساسا بس ده لانى عارف ان موضوع الاستغلال مش وارد عندهم اساسا وهم لما بيتصلوا فعلا بيكون عندهم ظروف تحياتى عنبو وهو مضايق

من المهم جدا انه يبقى عندك كنترول قوى عالكريدت كارد لان لو اتاخرت فى تسديد الفواتير هتتحسب عليك فوايد والفوايد تتراكم ويتحسب عليها فوايد والبنوك تبلغ عنك وتدخلك السجن ودى من عيوب الكردت كارد انها سلاح ذو حدين ممكن تكون حاجة كويسة لوقت العوزة زى ما الاستاذ احمد قال وممكن تكون خراب بيوت عليك so please takecare

الراجل لما شاف اللى يبقول عكس اللى عايزة النظام لا بيتشال الى جهات غير معلومة المصدر لا بيتوقف و يدخل فى سين و جيم لا بيتفضح زى ما فضحوا بنت البرادعى كدة راح قال موافق على يدىىىى وش فؤاد المهندس فى مسرحية سك على بناتك جمال قاعد كدة و الشعب قاعد كدة و جمال يقول مخدوش يا بابا مخدوش يا بابا و الشعب يقول عايزة يعنى عايزة الراجل كترررر خيرة نيابة عن الشعب بيقول راية سؤال لئيم ياترى بتوع الحى لما شافوا صورة مبارك بالبنط العريض قدام محلة شالوا الصورة و لا سابوها ؟؟؟؟

السلام عليكم و رحمة الله و بركاته الراجل ده من خيار الناس....عارفين ليه عشان فكرني بالنكتة بتاعت....كوهين ينعي فولان....و يصلح ساعات اهه قالك حال الحلاقة في البلد واقف و الرجالة لمؤاخذة هجمت عليهم حالات تصحر لا ارادي...قال يعمل رواج للمحل....هتشوف اليافطة...هتستفز....قووووووووو ايه (وش سليمان غانم و هو بيحكي لبهروز و المليجي)...هتقوم داخل و يقوم هو هابدك الحلقة اللي هي....و الله اعلم هيقضي علي تقاوي الشعر اللي عندك و لا ايه......و انت هتكون فرغت الكبت السياسي اللي عندك....و قولتها بالفوم المليان.....ايييييييييييييييييييييييييه فين ايام زمان (زمان ايه يا خويا الا ما شفناها زمان ده...وش حد بيمصمص شفايفه ع الاخر) الشعب ده.......متجدد.....فيه كده؟؟؟؟ مسااااااكم......شجب و اعتراض و تنديد.....و حلاااااااقة

شكراااا ياباشا ع الرد طيب والايلتس المطلوب ياترى اكاديميك ولا جينيرال - يارب يكون جينيرال عشان انا معايا جينيرال حاليا ومش عاوز ادخله تانى دلوقتى وبالنسبه لو جينيرال بياخدو الايلتس صلاحيه كام سنه ولا اتنين ولا كاااام اخيرااا - ابقى طمنى عليك وادعيلى احصلك قريبا يا خااالود اسمحلي اجاوبك انا على النقطة دي المعهد ده بيطلب اي امتحان انكليزي يعني الايلتس جنرال ينفع او في امتحان تاني سهل بتعمله لما توصل كندا اسمه `Canadian Language Benchmark مقبول برضو في شرط تاني مهم هنا انك لازم تكون عديت الافاليويشن الاول وبيشترطوا عليك لو قبلوك في المعهد انك مش ح تدخل الاوسكي في شهر 5 لان الكورس عندهم من فبراير لنوفمبر

بالنسبة للعروض ((عمل و سكن)) نجيب كام عرض و هل لازم من كذا سايت و هل لازم في اكتر من شغلانة و هل لازم في شغلانات ليها علاقة بعملي الاساسي و هل لازم في مدينة واحدة و هل لازم السكن في اكتر من مدينة و اكتر من سايت ارجو الاجابة علي اللوازم :)

اولا شغل بتوع امريكانا 12 ساعة في اليوم ثانيا دواماتهم غير ثابتة يعني ممكن يشتغل اسبوع من 12 الضهر ل 12 بالليل والاسبوع اللي بعده من بالليل لغاية الضهر بمعنى انه ميقدرش يدور على شغل اضافي وكمان الشغل بيبقى متعب جدا لانه واقف في مطعم وشغال باستمرار ده غير معاملة بعض الزباين الغير آدمية بالمرة وعلى فكرةكمان شركة امريكانا مش بترحم حد يعني اقل غلطه هيقولوا له مع الف سلامة ياريت ترجع في الموضوع ده لصفحات سابقة وتشوف ردود الناس وتعليقاتهم على مواضيع مشابهه يا جماعة الكويت انا حاسس ان الناس اللي بتدخل تسأل كلها هتقول اننا مش عايزين حد يشتغل بس هما بيسألوا عن شغل برواتب متدنية جدا والموضوع امانه وبكرر كلامي ان ملناش اي مصلحة ولا علينا اي ضرر لما اي حد يجي يشتغل بأي راتب سواء كبير او صغير وكل واحد حر في نفسه بس المصيبة اننا بنرخص جيل كامل ورانا لما بنقبل بالرواتب التعبانه دي

ياجماعه الحكاية نسبية انا من الناس اللي كان بيقارن مصر من زمان بغيرها يعني مثلا الكويت ومصر وقارنت مصر وانا طفل وانا طالب ف الجامعه وانا موظف مصر جميلة قوي وانت مسئول من اما لما تبقى مسئول عن هتتعب يعني وانت عايش بتاخد مصروف بتبقى مصر تمام انا كنت بفتقد حاجات مش موجوده ف الكويت مثلا بنت الجيران الكويت كان فيها بنت جيران بس برده جو مصر لا يعلى عليه شد ستاير وحركات طبعا ده ميزة مش متوفرة ف الكويت بسهولة وقفة البلكونات مثلا ميزة ممتازة مش متوفرة فالكويت طبعا السعوديه انسى ياعمرووووووووووووووووووووو اما لما بتشتغل ف مصر فالمميزات هي الهزار والتهريج وطبعا ده خارج مصر مش متوفر قوي خاصه لو شغال مع ناس مش مصريين هنود او فلبينيين او اوروبيين لكن سلبية مصر الاساسية هي ضياع منظومة القيم حاليا مصر بقت بلد مسخ فين القيم بتاعت زمان اختفت اما اللي يقولي مصر الناس فيها فقراء مش كلهم الكل ملاحظ السيارات الشعبيه ف مصر هي 1- لانسر 2- صني 3-كيا سيراتو 4-تويوتا كورولا 5-فولكس فاجن جيتا طبعا السيارت ده من 95 الف جنيه وانت طالع يعني اشك ان ده معناه ان الناس فقراء الناس بقى معاها فلوس بس طموحاتها زادت والشكوى ف بقنا عمال ع بطال واشك انها سمة من سمات الشخصية المصرية ف مصر بنشتكي من قلة ذات اليد سافرنا الخليج بنشتكي من الكفيل والغربة ومفتقدين بلدنا هاجرنا كندا بنشتكي من البروده والتعامل الجاف والغربة الصعبه طب امتى المصري مش هيشتكي معرفش فعشان كده مصر سلبياتها واجابيتها بتتغير بتغير المرحله

أنا هرد على السؤال الثالث بس لإني ما أعرفش إجابة السؤالين الأولانيين 3-لماااااااذااااااا اول مانوصل كندا نطلع كردت كارد هل هو من الضرورات ولماذا ؟ في كندا الكريديت كارد هو من أكثر أساليب الدفع شيوعا ... يعني الناس بدل ما تشيل فلوس في جيبها بيبقى معاها كارت تدفع بيه كل حاجه ... لإنه أسهل وأأمن لكن السبب الأهم هو إنك باستخدامك للكريديت كارد بتبني كريديت هيستوري ... يعني بيبقى لك سجل في البنوك يقدروا يقيموك على أساسه ... هتقولي وأنا محتاج التقييم ده في ايه؟ لو حضرتك احتجت تاخذ قرض لأي سبب من البنك فنسبة الفايدة وشروط التمويل بتعتمد على تاريخك الائتماني ... وممكن توفر كثييير لو كنت بتدفع فواتير الكريديت كارد بانتظام سبب آخر هو إن استخدامك للكريديت كارد في كندا هو أحد وسائل إثبات إنك كنت مقيم فيها لإن المعاملات بتتسجل عكس الدفع الكاش ... وده بيفيدك في مسألة التقديم للجنسية وأخيرا فالكريديت كارد يعتبر Buffer كويس لأوقات العوزه ... يعني لو مصارفك زادت شويه عن الفلوس اللي معاك في شهر معين ممكن تستخدم الكريديت المتاح لك لتغطيتها وتبقى تدفع بعدين ... بس أهم حاجه في الكرديت كارد هو استخدامه بعقلانية والقدرة على التحكم في مشترياتك.

تعرفوا حضراتكم نظرية الجنان ايه هي نظرية الجنان اننا نستمر في عمل شيء بنفس الطريقة و نتوقع نتائج مختلفة طب منيييييين؟؟ يا نهار أبيض زي الفل الموضوع من 6 سنوات و كأنه مكتوب النهارده مما يدل اننا ندور في حلقة مفرغة و زي ما قالت الفاضلة مصراوية ليه بنستنى التغيير من فوق فكرتوني بتساؤل من حرك قطعة الجبن خاصتي؟ http://www.youtube.com/watch?v=129C5ATjOEs&feature=channel لازم التغيير يجي مننا أولا لازم نبطل شكوى و لوم الآخرين و تحميلهم سبب كل بلاء لازم نبطل انتقاد و بدل ما نلعن الظلام نقيد شمعة لازم نبطل مقارنات بيننا و بين الدول الأخرى و بين حالنا و حال غيرنا لازم نبطل نعيش في الماضي و نتحسر و نمصمص شفايفنا على الزمن الجميل اللي فات لازم نبطل أنانية و كل واحد يقول يللا نفسي و يكش تولع الكلام ده بأقوله لنفسي قبل ما أقوله لحضراتكم حاربوا السلبيات الخمسة تستقيم حياتكم الكلام ده عملته على المستوى الشخصي و فعلا فرق كتير في حياتي أتمنى انه يحصل في مصر على مستوى شعبي صدقوني التغيير حيبدأ بينا احنا (إن الله لا يغير ما بقوم حتى يغيروا ما بأنفسهم ) صدق الله العظيم جزيل شكري و امتناني لأستاذي دكتور ابراهيم الفقي

أنا آسف.. مش قصدي أظهربمظهر الشرير .. ولا أنا مع الحكومة .. أو مؤيداً لسياساتها .. وهذا يعرفه القاصي والداني ولكني أتمسك وأتشبث بالموضوعية للأسف الشديد .. ما تم ذكره أمور تعتبر خيالية بشكل كبير .. وغير قابلة للتطبيق .. وأعتقد أنها تعتبر من الأمور المستححيل تطبيقها .. خاصة مع مراعاة سيادة الدول الأخرى .. هل تقبل أي دولة بإرسال لجنة للتحقيق على أعلى مستوى تحضر التحقيقات وتباشرها مع المحققين .. هل تقبل أي دولة أن تقوم مصر أو راعي أما باقي ما تم ذكره .. لا ينطبق على حالات كثيرة ويستحيل تطبيقه مع وجود عدد كبير من شباب مصر يسافر بتأشيرة سائق خاص أوعامل ... أو مزارع .. أو راعي غنم ... الخ ... مع أنه يحمل مؤهل جامعي .. بالرغم من أنه يعرف مساوئ وسلبيات هذا الوضع أو من يسافر إلى سوريا .. تم تسللاً إلى لبنان .. صحيح أن الناس لا تجد فرص عمل في بلادنا فتجدهم يفرون خارج البلاد بشتى الطرق .. شمالا ًبالبحر .. أو شرقاً .. ما نتحدث عنه هنا .. هي جرائم عادية تحدث لأشخاص عاديين .. أو أن بعضهم يكون عرضة لحدوث جريمة له أكثر من غيره .. أو أن بعضهم قد يكون مذنباً في علاقات أو أعمال أخرى ... أو أن يعضهم يقتلون بعض (مصريين في مصريين) أخذاً بالثأر مثلما حدث في عدة جرائم في ليبيا .. هل يحق لنا .. أن نتدخل في سيادة تلك الدول .. لإرضاء الرأي العام في مصر .. بالرغم من أن هذا غير ممكن وغير معقول .. أخي سي السيد .. ما ذكرته بخصوص كوريا الشمالية وأمريكا .. هي حالة مختلفة تماماً ... وما تذكره عن إسرائيل ومواقفها تجاه أسير أو رفات جندي فهذا له مرجعيات مختلفة .. فتلك دول تتعامل مع أعداؤها .. ولكن لبنان أوالسعودية ليسوا أعداء لمصر ... !!!! أما عن سنغافورا .. فلا أعلم عن تلك القصص أي شئ لأعلق على تلك الروايات .. الموضوع ببساطة .. لا رخج عن كونه حوادث عادية .. وشعب غاضب من حكومته .. يفرغ غضبه ضد الحكومة في أي شئ تذكرت الصيف الماضي .. شاب سعودي .. عمل مشاكل في مطعم بالزمالك .. وكان الظاهر في غير ححالته الطبيعية .. وكان بعاكس البنات هناك .. وعندما توجه له رجال أمن المطعم .. قعد يشتم فيهم وفي البلد .. وحصل شوية حاجات ملهاش لازمة قاموا ضربوه .. علقة جامدة جداً .. تم نقله للمستشفى .. ثم قرر أهله نقله لاكمال علاجه بالسعودية .. ثاني يوم .. المنتديات السعودية .. والصحف الاكترونية .. بما تحمله تحت الخبر من تعليقات .. كانوا ينادون بطرد المصريين من السعودية .. وأن تقوم السعودية بشن حرب على مصر ..أو إرسال لجان لتقصي الحقائق ... أو معاملة المصريين بالمثل في السعودية ... ليس هكذا تدار الأمور دائماً

هل نستحق ما نحن فيه .... هل ما نحن فيه رديئ بالنسبة لعطائنا للحياة ؟ برأس بارد فعلا هل لو بيدك - حاشا لله - تقسيم الأرزاق هل كنت تعطينا مثل إنجلترا مثلا؟ ما سبق كان إستهلالا لابد منه الفاضل سى السيد - لو حصل فعلا - هل تستطيع الترشيح فى النقابة .. لا دعك من النقابة هل يمكنك الإتفاق مع الملاك أو الساكنين معك على مثلا دهان الواجهة ؟ أظن هذا مثال بسيط و ليس به أى تقعر فكرى ! لا أريد أن أتشائم و لا أريد أن أسقط إلى قاع الإحباط و لا أريد أن أفرط فى التفاؤل سؤال بسيط هل الظروف الآن - الظروف تعرفها أنت و تقيمها أنت - أحسن أم أسوأ من ست سنوات مضت ؟ و السؤال هذا موجه للجميع سواء فى مصر العاصمة أو النجوع أو المغتربين ؟ ستقول لى نظريا أحسن و لكن نتيجة جهدى الشخصى و كذا مرور الزمن. أتفائل شخصيا بأداء شخص أحمد زكى بدر فى وزارة التربية و التعليم و أراه رجلا يتشبث بقاطرة التعليم ليمنعها من الإنحدار بل يحاول دفعها للأمام و لكن من الإعلام المنشور كثيرين يهاجمون الرجل فهل يصمد ؟ و مثل وزير التربية و التعليم هناك العديد يتشبثون بقاطرة الوطن لمنعها من الإنحدار و دفعها للأمام. و سيحدث حتما تغيير و لابد أن التغيير سيكون فى الإتجاه الصحيح أو شبه الصحيح لأننا لا يمكن أن نتدهور أكثر. أقوم بتشطيب شقتى تعاملى مع العمال و المقاولين يجعلنى أتسائل عن أصل الخطأ ... بالتأكيد ليس النظام و لكنه الناس

Quebec is a province in Canada which has the rights to select its immigrants but you can not enter Canada until you have the Visa of Entrance.Only the Fedreal offices can give you the Visa that is why all Quebec applicants must apply for visa after passing the interview of Quebec. There is a list for Quebec now for the recommended professions but until now it is not obligatory. But sure one day it will , so always the sooner you apply, the better as Timon said the average studying of French is from 10 to 12 months, may be 6 months may be 18 months , it depends about your time, ability, money, private lessons, public lessons, previous knowledge from school, your self study and efforts.

وأنا كمان لأ طبعا ما يضرش عند التقديم لإنك هتقدمي على جنسية كندا مش جنسية كيبك

الحقيقة اللي اكتشفتها مع الغربة شوية و الاقامة في مصر شوية ان الغربة دي احساس داخلي بحت ملهاش دعوة باللمة الحقيقية أو بالوحدة ممكن واحد يكون موجود في حفلة كبيرة مليانة ناس و ممكن يكونوا أهله و أصحابه و هو في عالم تاني و ممكن يكون في بلد تانية و ما يعرفش حد و بعيد عن حبايبه جسديا لكنه لا يشعر بالغربة ممكن لأنه دايما متواصل و يمكن يكون شخص ايجابي متفائل بيشوف الحاجات الحلوة بس في أي مكان يروحوه عن نفسي مريت في حياتي بأحاسيس متباينة جدا و مع ان الظروف بتكون هي هي الا ان احساسي بيها بيختلف من فترة لأخرى المسألة في اعتقادي الشخصي هي رؤية فردية للمكان و الأحداث يعني ممكن اتنين يكونوا في نفس المكان و نفس الظروف بس مشاعرهم مختلفة و حنروح بعيد ليه في البيت الواحد بنلاقي الاخوات اللي من نفس الأب و الأم و عايشين نفس العيشة مختلفين في نظرتهم للحياة اللي همة عايشينها تقريبا زي بعض تماما الانسان يقدر يخلق بيئة لنفسه في أي مكان يتواجد فيه بأفكاره ومعتقداته و نظرته للأمور و منهجه و سلوكياته اللي بيمارسها في نفس الوقت اللي فيه ناس مخنوقة من مصر و مش شايفة فيها أي حاجة حلوة في ناس في نفس الظروف مبتفكرش أساسا تسيب مصر و ده طبعا ملوش أي علاقة بالوطنية له علاقة بالقدرة على التكيف المغتربين لهم أسبابهم في الاغتراب و المقيمين برضه لهم اسبابهم في الإقامة الدنيا مليانة بالمتناقضات و ياما في حاجات يعتبرها البعض منغصات بينما يراها الآخرون متعة الحياة تحياتي

يعني هوه فعلا مفيش مادة لازقة الحجارة في بعضها طيب و تفريغ الهواء ده ممكن يكون اللي بنوا الهرم عملوه أزاي ؟ شكرا الاخت الكريمة جويرية يقال ان ذلك عن طريق عمل عده فتحات او ثقوب فى قطعه الحجر و عمل ثقوب مماثله لها فى واجهه القطعه الأخرى المراد جذبها إليها بحيث تكون هذه الثقوب متقابله فى نفس المكان و يتم تفريغ الهواء بينهم مما يؤدى إلى تماسكهم بقوه ( فكره تفريغ الهواء فى اللاصق المطاطى الذى يلصق إلى الزجاج ) هذا الراى مجرد تخمين لم تثبت صحته لكن الذى لا يمكن ان نجادل فيه انه لا توجد مادة لاصقة بالفعل ونسميها ( المونة ) فاذا علمت ان الجدار الذى يجاورك به مادة لاصقة قدرها واحد سم لكل 6 سم ارتفاع منه اذا كان بالطوب الاحمر مقاس 6 × 12 × 20 وهو المقاس الدارج بمصر او اكثر قليلا لكل 20 سم ارتفاع اذا كان بالطوب الاسمنتى 20 × 15- 20 × 40 .فاين المونة التى تلصق كل هذه الاحجار لالاف السنين .. ولاعود لموضوعى الاساسى لاستفيد من مداخلتك واتسائل ... اين المونة التى تربط المجتمع المصرى لالاف السنين .. اهى ذلك الرباط الخفى الذى ذكره سيدنا رسول الله محمد صلى الله علية وسلم. عن عمر بن العاص حدثني عمر أنه سمع رسول الله يقول: (إذا فتح الله عليكم مصر بعدي فاتخذوا فيها جنداً كثيفاً، فذلك الجند خير أجناد الأرض) قال أبو بكر: ولم ذاك يا رسول الله؟ قال: (إنهم في رباط إلى يوم القيامة). الرباط .. تفسر على انها تحفز مستمر للحرب والقتال وهذا صحيح وتفسير ايضا على انها ارتباط مجتمعى وثيق .. وهذا صحيح ايضا !!! ولم يكتشف بعد على مر التاريخ ماهية ذلك الرباط والارتباط المجتمعى لنا اهل مصر .. فهل المونة اللاصقة المجهولة تقابل هذا الرباط .. كيف نصادق بكل بساطة اناس نقابلهم بالصدفة فى الاسانسير او فى المواصلات .. وكيف تكون الفجوة كبيرة ومجهولة بيننا وبين اى طبقة اخرى سواء موظف او مسؤل او شحات اذا نظرتى لاسفل .. تركيبة الواسطة التى امتزنا بها لالاف السنين .. هى محرك كل تعاملاتنا . انظروا جيدا فى علاقتنا وتركيبتنا .. تجدوها نفس علاقات وتركيبات حجارة الهرم الاكبر اكررالجملة المحورية بالموضوع المصريون بنوا الهرم ليدفن كل منهم خوفو فيه .. فاذا بالمصريون أحجاراً وكل منهم خوفه خالد ما السر وراء ذلك ؟ هل هو الهرم الاكبر ؟ وهل افتراض عدم وجوده يعنى انتهاء هذا الارتباط بكل مزاياه .. وكذلك انتهاء الشكل الحاكم لمصر طوال التاريخ بكل مساوئه.. كلا النتيجتين خطيرتين للغاية

مر عام ...! أستاذ وليد ( أبو يوسف) قرأت مداخلتك لقد أبكيتنى ... حقا أبكيتنى !! فعلا لم أسأل سؤالا و لكننى فتحت جرحا !! فكيف بنا بعد مرور عام و مازلنا نفتح الجرح

مدام هتشتغلي في عليشه فالحمد لله كده ممتاز لانها تعتبر في قلب الرياض .. بس بما انك لسه في مصر على مايبدوا من كلامك فاعملي حسابك من دلوقت هاتي كام طقم خروج كويسين معاكي من هنا لان في السعودية وداخل الحرم الجامعي مفيش حد بيلبس حجاب او لبس زي الي بنخرج بيه في الشوارع في مصر .. داخل الجامعة هتخلعي العباية وشعرك بيكون مكشوف ومكياجك كامل وبرفانك جايب من اول البوابة الخارجية .. عادي ده الطبيعي .. عشان متدوريش كتير هناك هاتي من مصر افضل خاصة والاسعار هنا في الملابس الخروج ( الشيك ) احسن كتير من هناك لان في السعودية بالنسبة للبس الخروج اما رخيص وتعبان او حاجه شيك ودي بتبقى اضعاف سعرها في مصر .. يعني ظبطي نفسك من دلوقت واعملي حسابك في اللبس ومش لازم يكون طويل ومحتشم زي ماسبق وقلت لان داخل الجامعة مفيش اختلاط .. ملاحظة : لو تعبتي في اول يومين تلاته في السعوديه عادي جدا اوعي تخلي الانطباع ده يضايقك لانه مش هيدوم ابدا .. هو شهر بالكتير وباذن الله هتتعودي تماما على العيشة فيها حتى لو كنتي لوحدك .. ومتنسينيش بقى لما ربنا يكرمك باول عمرة انك تدعي لي اروح اعتمر تاني باذن الله .. توصلي بالسلامة ..