لوحة القادة

اول مرة الاحظ موضوع التقييم ده , لما لقيت نفسي -1 , قلت أسأل استاذنا سي السيد هو ايه ده , وبشكره على رده السريع على وفهمنى الموضوع باختصار فقلت أكيد ده ليه موضوع كامل في شئون المحاورات وفعلا دخلت لقيتكم كلكم هنا ومناقشات وحوارات وانا بقالى اسبوعين هتجنن واعرف ايه -1 دي وبعد ما دخلت على الملف الشخصي بتاعى اكتشفت ان فيه أحد الأعضاء المحترمين طبعاً , مديني -1 في مشاركة كانت سنة 2007 يعني من ثلاث سنوات , والمشكلة انها مش مشاركة بمعني الكلمة يعني لا بعرض وجهة نظر ولا رأي في مسألة ما , ده واحد بيقول انا من الدمام قلتله اهلاً وسهلاً انا في الدمام انا كمان ممكن نتعرف بعد إذنك , أفهم أنا بقي ايه اللى دخله هو في الحوار ده وايه اللى مش عاجبه علشان يدينى -1 . ما علينا , بس أنا فعلاً مؤيد لإلغاء هذا الموضوع تماماً , أو على الأقل إخفاء التقييم الموجود تحت اسم كل عضو , منظر السالب بصراحة مش عاطفي وبيضايقنى:lol:

النقطة التاسعة فى الاول طبعا فى بروسيسنج تايمز برضه, بس بسيطة المرة دى, فى مكتب القاهرة العظيم طبعا , كاتبين انهم بيخلصوا 91 % فى شهر تقريبا فى الرابط التالى:http://www.cic.gc.ca/english/information/times/international/14-temp-students.asp لكن ينصح دائما اننا نبدأ فى الاجراءات قبل شهرين من الدراسة, او بدرى على قد ما نقدر علشان الموضوع ده ساعات بيزيد عن الشهر. وطبعا زى ما كلنا عارفين فى نظام التقديم الى السفارة الكندية فى حالة الهجرة هناك ابليكاشنز وورق وصور والذى منه, بس المرة دى فيه وثيقتين المفروض اننا ناخدهم من السفارة الكندية, يعنى مش فيزا دراسة وخلاص, والاثنين كما يلى: 1- Study Permit الوثيقة دى تكلفتها 125 دولار فى الرابط التالى: http://www.cic.gc.ca/english/information/fees/fees.asp ولازمتها انها الوثيقة اللى بتقول انك مسموح لك بالدراسة فى كندا, وغالبا بتطلع بنفس مدة فيزة الدراسة, ولكن ساعات يدوها لمدة سنة فقط مثلا, فى حالة الناس اللى ليها ملفات هجرة, لانه بعدها هيبقوا مواطنين دائمين, ولو حتى ما اخدوش المواطنة يبقوا لازم يقدموا تانى على تمديد لهذه الوثيقة, وساعات الكلام ده مش بيحصل. وممكن تنزلوا الابليكاشن بتاعها من الرابط التالى: http://www.cic.gc.ca/english/information/applications/student.asp ونقرأ عنها فى الرابط التالى: http://www.cic.gc.ca/english/study/study-how.asp#step1 وطبعا من اهم الورق اللى بيبقى مطلوب هو الفيش والتشبيه والمديكال (زى بتاع الهجرة وعند نفس الدكاترة) وطبعا جواب الموافقة الأصلى اللى الجامعة ارسلته لك واحنا اتكلمنا عليه قبل كده. وطبعا كيفية ملئ الابليكاشن كلنا عارفينها, وطرق دفع الفلوس برضه شبه الهجرة بالضبط. ومن اهم النقاط فى الابليكاشن انك لازم تعمل اثبات مالى بقدر معين بيختلف من حالة للثانية, يعنى مثلا فى جواب الموافقة بتاع الجامعة, بيبقى مكتوب فيها الجامعة هتديلك فلوس قد ايه فى السنة, وطبعا لازم تكتب فى الابليكاشن ال Tuition بتاع الجامعة ومدة الدراسة ونوعها, وكل الكلام ده مختلف من جامعة للثانية, وفيه ناس رايحة فردانى وناس رايحة ومعاها عائلاتها واولادها والكلام ده كله لازم يبقى محسوب بالضبط. ووفقا للقانون الكندى احنا لازم نثبت الاثبات المالى الكافى للدراسة فى اول سنة فقط من البرنامج الدراسى, ولكن فى حالات كثيرة بيكون دائما من الافضل ان يغطى الاثبات المالى كل مده البرنامج الدراسى علشان تطمن الاوفيسر فى الانترفيو ان كل شئ هيبقى تمام وتبقى مالى مركزك. يعنى مثلا غالبا بيبقى مطلوب من الطالب انه يثبت ان معاه 10000 دولار كندى لمصاريفه فى السنة بخلاف ال Tuition , يعنى مثلا لو ال Tuition 8000 دولار والجامعة كانت كاتبه انها هتصرف لك 15000 دولار, يبقى كده الجامعة وفرت لك 7000 دولار من العشرة الاف دولار المطلوبة ,ويبقى معنى كده انك لازم تثبت ان معاك 3000 دولار فى حسابك لأول سنة ولو برنامجك الدراسى 4 سنين يبقى يفضل انك تثبت ان معاك 12000 دولار. ولو الكلية مش هتدعمك بفلوس فمعنى كده انك لازم تثبت ان معاك 18000 دولار أول سنة , ويفضل اثبات ان معاك 72000 دولار علشان الاربع سنين دراسة. الحسبة السابقة للطالب لوحده والحسبة كلها هتبقى مختلفة طبعا لو معاك زوجتك واولادك. 2- Temporary resident visa (TRV) ولازمتها انها تسمح لك بدخول كندا فقط. والوثيقة دى لها نوعين : أ‌- Single entry تكلفتها 75 دولار فى الرابط التالى: ب‌- Multiple entry تكلفتها 150 دولار فى الرابط التالى: ت‌- http://www.cic.gc.ca/english/information/fees/fees.asp والفرق ان الاولى تدخلك كندا مرة واحدة فقط, وتسمح لك بزيارة الولايات المتحدة الامريكية فقط دون تجديدها. انما الثانية ممكن تطلع كندا لاى دولة لعدة مرات وترجع كندا تانى, وهى افضل طبعا, لانها هتريح دماغك من الموضوع ده طوال فترة الدراسة والفرق بينهم كفلوس مش كبير. وممكن تنزلوا الابليكاشنز تبعها من الرابط التالى: http://www.cic.gc.ca/english/information/applications/visa.asp وبعد ما نقدم الورق المطلوب فى الوثيقتين, غالبا السفارة هتكلمك علشان انترفيو, علشان يسألوك انت رايح تدرس ايه وليه, طيب ما درستش الموضوع ده فى مصر ليه, ما انتم عندكم جامعات كويسة واجنبية كمان فى مصر, وطبعا الموضوع ده مش صعب قوى, ولكن لازم تخللى الاوفيسر اللى قدامك يحس انك فعلا رايح تدرس, مش هتقعد هناك شوية وتكسر الفيزا, ولازم تخليه يحس انك فعلا العلم فى دماغك وليك مراسلاتك مع دكاترة عالميين وكنديين على الاخص, وليك ابحاثك المنشورة, ومعاك اثباتات مالية كافية وتزيد حتى عن طلباتهم, ومش فى دماغك ابدا انك تاخدها سكة علشان تستقر هناك, انت رايح تدرس فقط. هتقولوا لى ما احنا كلنا مقدمين هجرة, هتقولهم ايه بقى يا بطل؟؟؟؟؟ طبعا الكدب خيبة فى الحالة دى, لازم تبقى صادق لو سألوك لانهم طبعا هيعرفوا بسهولة كبيرة وتقولهم انك فعلا مقدم على هجرة, ولكن انت بتفكر فى الدراسة حاليا حتى الانتهاء من الاجراءات اللى بتاخد وقت كبير , ولو انت استنيت الاجراءات دى عقبال ما تخلص, فرصة الدراسة هتروح عليك, وتأكد لهم انك حتى لو فرصة الهجرة ما جتش لا قدر الله, فانك تفضل الف مرة الرجوع الى مصر لان وضعك هنا افضل كتير من انك تكسر فيزا, ولك مكانتك العلمية اللى انت رايح تعززها فى كندا. وفى النهاية اغلب دراسين الماجستير والدكتوراه بيتقبلوا لان دراستهم عليا, واغلب المقدمين على الكلام ده ناس مش بتهزر, ولكن القلق طبعا بيبقى من اللى رايح يدرس مدة قليلة, او مثلا رايح يقول لهم انا عايز ادرس كورسات مثلا مش على درجة علمية معينة, ابسط رد هيقولوا له ما تاخد الحاجات دى فى مصر وريح دماغك, وطبعا معاملة السفارة الكندية فى القاهرة تختلف عن معاملة باقى السفارات الكندية حول العالم, وصدقونى هما هارشين كل حاجة وعارفين كل شئ بالاحصائيات والدراسات وعندهم POLICY هما ماشيين عليها لكل حالة. وبكده نكون قدمنا ورقنا للدراسة ومستنيين رد السفارة, وبعد ذلك سنتكلم عن النقطة العشرة باذن الله. مع تحياتى

النقطة الثامنة نرجع لمرجوعنا يا شباب , بعد ما اكلنا القطايف والكنافة , ونتكلم عن خطاب القبول من الجامعة وانتظاره, طبعا ال letter of acceptance من أهم الورق اللى السفارة هتطلبه منك لما تقدم على فيزا الدراسة, بس ليه هى مهمة؟ والجواب ان جواب القبول مكتوب فيه رسميا انك مقبول فى الجامعة, وايه هى مدة الدراسة, وايه هى وسائل الدعم المالى اللى الجامعة هتوفره لك , وفى الحالة دى ممكن يقل كتير المبلغ اللى انت المفروض تثبت انه معاك, وممكن ما يتطلبش اصلا خصوصا لو انت رايح على وظيفة معينة فى الجامعة مثلا. وطبعا الجواب ده بيدى مصداقية كبيرة لطالب الدراسات العليا فى السفارة, وهى شرط اساسى للحصول على الفيزا. بس لو احنا مثلا كنا مقدمين الورق فى شهر اكتوبر, يبقى غالبا جواب الموافقة هيجيلك فى شهر أبريل او مايو وساعات بيبقى فى يونيو, يعنى الكلام ده حسب نظام الجامعة, وطبعا الكلام ده علشان تلحق تقدم على الفيزا علشان تبدأ الدراسة فى سبتمبر. انما لو هتبدأ الدراسة فى يناير, يبقى غالبا هتجيلك الموافقة فى سبتمبر او أكتوبر. وخطاب القبول غالبا بيجى عن طريق البريد, وختم الجامعة وامضاءات العاملين فيها لازم تكون موجودة طبعا علشان الكلام يبقى رسمى قدام السفارة. وخطاب القبول له عدة أنواع كما يلى: 1- خطاب القبول الذى يحدد المساعدة المالية اللى هتقدمها الجامعة للطالب. 2- خطاب القبول المشروط, اللى اتكلم عنه قبل كده اخونا الاهلاوى الأصيل, وبيبقى مشروط على انك تجيب تمويل خارجى, او لسه ما جبتش درجات الانجليزى المطلوبة لكنك هتاخد كورسات انجليزى فى الجامعة على حسابك حتى تصل للمستوى المطلوب لبدء الدراسة, او لاختبار الدرجات اللى هتجيبها فى اول سميستر هل هتبقى كويسة ولا لأ. 3- خطاب القبول العادى, الذى يلزم الطالب بدفع الرسوم الدراسية بنفسه. والمرفق التالى لنموذج لخطاب قبول فى جامعة يورك وفيه واحد تانى فى جامعة يال, وطبعا هتلاحظوا انهم كاتبين الفلوس اللى ممكن الجماعة تقدمها قد ايه, بس الأهم من كده فى اخر كام سطر مكتوب انك لازم ترد على الجامعة بموافقتك على عرضهم فى مدة محددة, ولازم طبعا ترد فى هذه المدة, لانك اذا لم ترد- وغالبا الرد عن طريق خطاب فى البريد يكون عليه توقيعك لكن جامعات كتير حاليا بتسمح انك تبعت لهم موافقتك من ال account بتاعك على الجامعة- ممكن ياخدوا واحد تانى حسب اولوية التقديم, والنقطة دى مهمة جدا, يعنى بفرض انه جالك جوابين قبول من جامعتين مختلفتين – وده احتمال مش كبير عموما-, هل لسه هنفضل على مبدأ التوازى فى مراسلة الجامعات؟؟؟ لأ طبعا, هنا هيبدأ الجد, ويفضل انك تبدأ تركز مع جامعة واحدة فيهم وتخلص الموضوع, لانهم ما داموا بعتولك جواب قبول يبقى الموضوع هيمشى ان شاء الله. وطبعا فيه مدة انتظار كبيرة عقبال ما يجيلك جواب قبول, وفى الوقت ده ممكن تشيك على حالة ملفك على ال account اللى احنا عملناه قبل كده فى الجامعات. ويا حبذا لو تقدر تنشر بحث كده فى اى مؤتمر فى الوقت ده علشان تثبت انك شغال والموضوع فى دماغك. وممكن تبعت البحث المنشور ده لأى دكتور اعطى لك موافقته المبدئية علشان برضه يحس انك بتاع شغل. وممكن برضه تأخد رأيه فيها ولو هو يحب يشترك فيها بأى فكرة مثلا. وبمناسبة تطوير علاقتك بالمشرف بتاعك , الكتيب التالى من جامعة بريتش كولومبيا جميل جدا, عن كيفية التعامل مع الدكاترة لفهمهم, ومعرفة افضل طريقة للتعامل معاهم فى الرابط التالى: http://www.grad.ubc.ca/printpdf/book/export/html/2655 وبكده يبقى استلمنا جواب القبول وبنجهز الورق علشان نتقدم للسفارة وناخد فيزا الطلبة , وهى دى النقطة التاسعة باذن الله. كل سنة وانتم طيبين

اول مرة الاحظ موضوع التقييم ده , لما لقيت نفسي -1 , قلت أسأل استاذنا سي السيد هو ايه ده , وبشكره على رده السريع على وفهمنى الموضوع باختصار فقلت أكيد ده ليه موضوع كامل في شئون المحاورات وفعلا دخلت لقيتكم كلكم هنا ومناقشات وحوارات وانا بقالى اسبوعين هتجنن واعرف ايه -1 دي وبعد ما دخلت على الملف الشخصي بتاعى اكتشفت ان فيه أحد الأعضاء المحترمين طبعاً , مديني -1 في مشاركة كانت سنة 2007 يعني من ثلاث سنوات , والمشكلة انها مش مشاركة بمعني الكلمة يعني لا بعرض وجهة نظر ولا رأي في مسألة ما , ده واحد بيقول انا من الدمام قلتله اهلاً وسهلاً انا في الدمام انا كمان ممكن نتعرف بعد إذنك , أفهم أنا بقي ايه اللى دخله هو في الحوار ده وايه اللى مش عاجبه علشان يدينى -1 . ما علينا , بس أنا فعلاً مؤيد لإلغاء هذا الموضوع تماماً , أو على الأقل إخفاء التقييم الموجود تحت اسم كل عضو , منظر السالب بصراحة مش عاطفي وبيضايقنى:lol: ...هو انا باعترف انى حاولت ارفع الظلم ...عن حضرتك بانى اديك بوسيتيف ...وده موش دورى فى المنتدى هنا بس يمكن ليا اسبابى : اولها انى بحب المنتدى ...بجد منتدى محترم وجميل ...وطالما حضرتك من الاعضاء المحترمين اللى فيه يبقى نخدم المنتدى بوجود حضرتك معانا ,,,, ثانيا عاوزينك تدخل المنتدى وانت موش متضايق مننا كل ماتشوف التقييم ثالثا فعلا التقييم السالب اللى حضرت اخدته موش فى محله بالمرة ....ويظهر انه جه بالغلط .... ...وانا شايفة طبعا انه قد يعتبر البعض ان تقييمى لا محل له من الاعراب ....ولكنها وجهة نظر لا اكثر

طب نتكلم جد ... ولا ناخدها هزار عشان الموضوع في باب الإبتسام ؟ أنا هاعتبره جد واتكلم معاك يا عنبو لإني مش شايف حد رد عليك لحد دلوقت ( إحنا جايين نهدي النفوس بس ) - بص يا عنبو .. الموضوع يتوقف على الشخص نفسه أو الزوج يعني ... هل هو محتاج شريكة للحياة وإنسانة لها نفس حقوقه وعليها نفس واجباته بل أكتر شوية عشان مراعاة البيت والأولاد والحاجات دي ... ولا محتاج كيس جوافه مالوش أي لازمه في البيت ؟ لو محتاج شريكة حياة .. اللي هو الإختيار الأولاني .. يبقى ما فيش حاجه إسمها سي السيد او سعيد مهران ... لكن في حاجه إسمها مركب ماشيه في الحياة ركابها الزوج والزوجة والأولاد .... لكن قائد المركب هو الزوج وهو اللي لازم يستشير زوجته وأولاده وفي الأخر يتخذ هو القرار ... وإتخاذ القرار مش ميزة ولا جبروت ولا سُلطة ... لأ ... دي مسئولية عشان لو حصل حاجه للمركب يبقى هو المسئول الأول والأخير وهو اللي يصلح نتيجة خطئه ... لو محتاج كيس جوافه بقى ... يبقى يدخل بقى على سي السيد والزعيق والكرباج وقلة القيمة .. زي ما ناس كتيرة بتعمل وتعامل الزوجة على إنها مجرد شيء موجود في البيت يطبخ ويغسل ويمسح ويربي العيال ... لإن العلاقة الزوجية يا عنبو ليست علاقة ندية .. مين يبقى اقوى من مين .. أو مين يبقى له الكلمة اللي تمشي حتى لو غلط ومين يتكلم بصوت منخفض قدام مين ... يعني بإختصار كل واحد لو عرف دوره وإن هناك رجل وهناك أمراة وكل واحد له دور في الحياة مرسوم ومعروف ... فالحياة بتسير بشكل محترم وبينعكس ده كله على تنشأة الأولاد أما لو تبدلت الأدوار ولقيت الست متسلطة وعاوزه الكلمة تبقى ليها وهي تبقى الراجل .. أو لقيت الراجل متسلط وينظر لزوجته على إنها تابعة له وليس لها رأي ولا دور .. أو لقيته العكس مهاود ومريح على الاخر ومسلم القيادة لزوجته ...فلازم تلاقي حاجه غلط في الصورة ومستحيل الأمور تمشي بالمنظر ده ...

تابع النقطة السابعة 4- رابع خطوة اننا نعمل الاكونت اللى قلنا عليه قبل كده, ونبدأ ندخل بياناتنا وفى النهاية نطبع الابليكاشن دى ونرفقها مع كل الورق اللى جهزناه قبل كده, وطبعا لازم نكتب الابليكاشن دى فى وقت محدد وفى الجامعة دى لازم تتم فى 30 او 45 دقيقة كما فى الرابط التالى: http://www.grad.ubc.ca/prospective-students/application-admission/apply-online 5- الخطوة الخامسة اننا نبعت الورق كله بالبريد على العنوان اللى الجامعة هتبقى كاتبها, وفى الجامعة دى بيختلف حسب البرنامج الدراسى فى الرابط التالى: http://www.grad.ubc.ca/prospective-students/graduate-degree-programs وبكده نبقى بعتنا الورق بتاعنا للجامعة وفى انتظار رد الجامعة وهى النقطة القادمة اللى هنتكلم عنها باذن الله. مع تحياتى

النقطة السابعة وبكده نبقى وصلنا للنقطة السابعة اللى هنتكلم فيها عن تقديم الاوراق الى الجامعات, وهنشرح مثال عن كيفية التقديم الى جامعة بريتش كولومبيا فى الرابط التالى: http://www.grad.ubc.ca/prospective-students/application-admission/application-process انا اخترت انى اكتب عن المثال من الجامعة دى بالذات لان اجراءاتها واضحة جدا ومقسمينها فى 5 خطوات وباقى الجامعات تتبع نفس الطريقة تقريبا ونبدأ من الخطوة الاولى كالتالى: 1- اول خطوة انك تبحث عن البرنامج الدراسى اللى هتنضم اليه وطبعا كل واحد عارف التخصص اللى هو بيفكر فيه ويشوف الدكاترة اللى شغالين فى تخصصه, ويحاول يراسلهم والنقطة دى اتكلمنا عنها قبل كده. 2- تانى خطوة اننا نشوف متطلبات كلية الدراسات العليا Admission Requirements , ودى لما تفتحوا صفحة Review Admission Requirements هتلاقوها على الشمال , فتتاكدوا من Minimum Academic Requirements: International Credentials , هتلاقوا انهم مقسمينها حسب الدول, هتجيبوا مصر هتلاقوا المطلوب جيد جدا, بعد كده هنشوف English Proficiency Requirements هتلاقوا المطلوب تويفل 550 او ايلتس 6.5. بعد كده هنتأكد من ال GRE المطلوب هنلاقيه مطلوب فى تخصصات محددة فقط. طبعا فيه جامعات مش بتطلب ال GRE اساسا. ونتأكد من ال deadlines اللى لازم نقدم فيها ورقنا لكل semester . 3- ثالث خطوة ان احنا نجهز ورقنا علشان نبعته, طبعا حاليا اغلب الجامعات بتطبق نظام الابليكاشن الاليكترونى Online , يعنى بتملأ كل بياناتك على الانترنت, وتعمل لنفسك account له user name & password , علشان من وقت للتانى تدخل تتأكد من حالة الابليكاشن بتاعتك, هل اتقبلت ولا لأ , وطبعا النظام ده بيسهل على ناس كتير متابعة الحالة بالضبط, بدل ما كل شوية يكلموا الكلية ويسألوا عن الحالة. واهم المرفقات اللى لازم نجهزها ما يلى: أ‌- تجهيز كريدت كارد علشان ندفع مصاريف الابليكاشن اون لاين, ودى تتراوح بين 100 الى 150 دولار فى الرابط التالى: http://www.grad.ubc.ca/prospective-students/application-admission/online-application-fee ب‌- تجهيز نسختين (أصول) من شهادات التخرج فى البكاليريوس و الماجستير, وفيه جامعات كتير بتطلب نسخة واحدة بس, ولازم نتأكد بالضبط من العدد المطلوب فى الرابط التالى: http://www.grad.ubc.ca/prospective-students/application-admission/international-students-tran******s ت‌- تجهيز خطابات التوصية من الدكاترة المشرفين عليك قبل كده , وغالبا بيبقى مطلوب خطابين فقط ولكن بعض الجامعات تطلب ثلاث خطابات, وبعض التخصصات تطلب ان يكون احد هذه الخطابات من واحد اشتغلت معه خارج النطاق الاكاديمى (فى الشغل يعنى) والتخصصات دى بتبقى غالبا ادراة الاعمال. وفيه نموذج خاص لكل جامعة لازم نبعته للدكاترة علشان يملوه , زى اللى فى الرابط التالى: http://www.grad.ubc.ca/forms/reference-letter وطبعا فيه طريقيتن لارسال خطابات التوصية , الاول بالايميل ولكن لازم يكون الدكتور هو اللى باعته من الايميل اللى الدومان بتاعه خاص بالكلية يعنى ما ينفعش يبعته من ايميل الياهو او الهوتميل, وطبعا اغلب جامعاتنا نظام الايميل بتاعها ضايع, فيفضل اتباع طريقة طباعة خطابات التوصية وارفاقها فى ظرف مغلق. والطريقتين فى الرابط التالى: http://www.grad.ubc.ca/prospective-students/application-admission/letters-reference ث‌- تجهيز شهادات اللغة, وغالبا اغلب الجامعات بتطلب ان الجهات الممتحنة زى الاميدست او البريتش كاونسل هى اللى تبعت نسخ من الامتحانات بنفسها وذلك لمنع التزوير , وساعتها بنروح البريتش كاونسل وندفع لهم 160 جنيه تقريبا ونقول لهم عايزين نبعت شهادة الى جامعة بريتش كولومبيا والكود بتاع الكلية 0965, وكل كليه ليها كود معين هتلاقوه فى موقع الجامعة أو ممكن فى الريتش كاونسل يكونوا عارفين, وفيه جامعات تانية ممكن تسمح لك انك ترفق نتيجة الانجليزى بنفسك ضمن كل الورق بتاعك لكن لازم نتأكد من النقطة دى بالضبط فى الجامعة اللى هنقدم فيها. وممكن نقرأ الكلام ده فى الرابط التالى: http://www.grad.ubc.ca/prospective-students/application-admission/english-proficiency-requirements ج‌- تجهيز Statement of Interest زى اللى اتكلم عنها استاذ احمد سيف قبل كده, وفيه جامعات ممكن تحدد فورمة معينة تكتب عليها, وفيه جامعات بتحدد فقط الطريقة اللى تكتب فيها زى الرابط التالى: http://www.grad.ubc.ca/prospective-students/application-admission/statement-interest ح‌- مراسلة الدكاترة وسؤالهم هل ممكن نكتب فى الابليكاشن ان الدكتور موافق ولا لأ فى الرابط التالى: http://www.grad.ubc.ca/prospective-students/application-admission/finding-supervisor

نجحت حملة «مصر تتطلع لبداية جديدة» بالجمالية، لتأييد ترشيح جمال مبارك، أمين السياسات بالحزب الوطنى، لرئاسة الجمهورية، فى جمع ٣٠ ألف توقيع من خلال الموقع الإلكترونى على الإنترنت «يا جمال يا حبيب الملايين»، كما جمعت ٢٠ ألف توقيع على بيان التأييد الورقى. وزعت الحملة ٢٠٠٠ كيلو لحمة على أهالى الجمالية والمنشأة، وهتف الأهالى بعبارات حب وتأييد لـ«جمال» منها: «بنحبك ياجمال.. ياللى مأكل العيال» و«هننتخبك.. ونعيش فى خيرك» و«يا ابن الريس كتر خيرك».. وقال مسؤولو الحملة إنهم قاموا بتوزيع اللحوم لمواجهة ارتفاع الأسعار. وشهدت عمليات توزيع اللحوم اشتباكات بين الأهالى وصلت إلى السباب والاشتباكات بالأيدى، مما تسبب فى إصابة ٣ من مسؤولى الحملة بجروح فى الرأس، ورفعت الحملة صورة كبيرة للرئيس مبارك ونجله جمال، ووضعتها تحت «نصبة الذبح»، وارتدى مسؤولو الحملة والجزارون الذين قاموا بعملية الذبح ملابس الحملة، التى تحمل صورة أمين السياسات وشعار الحملة. وفى المنيا، أعلن طارق السيد، لاعب الزمالك ومنتخب مصر السابق، تدشين حملة جديدة فى المحافظة لتأييد جمال مبارك، مرشحاً للرئاسة، وقال «السيد» لـ«المصرى اليوم» إنه تقدم بأوراق ترشيحه للمجمع الانتخابى لخوض انتخابات مجلس الشعب المقبلة عن دائرة المنيا، وأكد أن حملته تستهدف جمع التوقيعات من أهالى بنى مزار. عمرى ما شوفت اساليب احقر من كدة بجد حرام اللى احنا فية دةة المتجارة باحتياج الفقرا و استخدمها باساليب رخيصة بهذا الشكل جمعوا توقيع خمسين الف فقير محتاج و اوقع جمع الكثير ما اكثر الفقراء داخل مصر سؤال من اين يتم تمويل تلك الحملات ؟؟؟ لو اى حزب اخر عمل اللى بيحصل دة هيكون رد الفعل اية ؟؟؟ بعد جمع تلك التوقيعات هيحصل اية بقى ان شاء الله هتتطلع حملة شعبية الى قصر القبة لاعطاء اللامضاءات الى جمال مع القيام بمظاهرة شعبية حاشدة علشان نتحايل علية يحكمنا ؟؟؟ رايحة لفين يا مصر ؟؟؟ بجد الصورة بقت سودااا قوى قوى

أول حاجه عاوز اتكلم فيها هو الممتحنه عشان فيه ناس كتير بيختلفوا عليها انا هحكى تجربتى الشخصيه و وجهة نظرى الشخصيه و هى تحتمل الصواب و الخطأ .... طبعا انا لمارحت هناك سألت هى مين اللى بتعمل المقابلات راحو قالولى دى واحده اسمها راشيل هى شديده شويه بس كويسه انا طبعا مفهمتش منين شديده ومنين كويسه ؟؟؟؟ المهم هى شابه فى اواخر العشرينات او اوائل الثلاثينات ممكن برضو و بتتكلم كلام متفسر و مش سريع و سهل جدا انك تفهمه و لو اتزنقت فى سؤال ممكن تطلب منها بأدب انها تعيدو و هى بتعيدو مفيش مشاكل بصيغه تانيه طبعا بداية المقابله مهم جدا وده بيأثر لحد كبير على سير المقابله بعد كده يعنى بالنسبه ليا انا حسيت ان المقابله بدأت هاديه و فضلت ماشيه على نفس الريتم بعد كده لا زعيق و لا خناق و نرفزه زى مفيه ناس بتقول لازم تكون هادىء و و اثق من نفسك وان ربنا مش هيضيع تعبك ده كله وان اللى قدامك دى انسانه زيها زيك و ان خلاص مفيش حاجه تقدر تعملها خلاص فتهدى كده و ريلاكس خالصصصصصصصصص ورقك ثم ورقك ثم ورقك .....الست دى بتهتم جدا بالورق و بتحب جدا يكون الورق مختوم بختم النسر بس مش بتسأل فى التواريخ بس ده ميمنعش انك لازم تبقى حافظ كل كلمه وكل تاريخ فى شهادات التخرج و شهادات الخبره بالنسبه للباسبور لو فيه اى حته سافرتها بره مصر قبل كده و التأشيره موجوده فى الباسبور هتسألك امتى و ليه بالنسبه لمستوى الفرنساوى هى بتشوف انت كاتب مستواك كام و بتعاملك على الأساس ده و مش مطلوب منك اكتر من انك تثبت الكلام ده وبالنسبه للناس اللى اترفضت قريت ان واحد تربيه فرنساوى اترفض و رزلت عليه طب يا جماعه حطو نفسكو مكانهاقدامك واحد مدرس فرنساوى و هيروح هناك يدرس فرنساوى للفرنساويين نفسهم ..... يبقى بالعقل واحد زى ده لازم يبقى مستواه عامل ازاى فى الفرنساوى ؟؟؟؟!!!كمان لازم تدوس عليه فى الانترفيو ودى حاجه معروفه جدا ان اى واحد تخصص فرنساوى بيطحن فى الانترفيو عشان تشوف مستواه و بيترزل عليه كمان عشان يشوفوا هيكون رد فعله ايه خصوصا كمان لو اللمتحن حس انك داخل متوتر ملاحظه اخرى لاحظتها وأهم ملاحظه هى الأسئله...بقولكو ياجماعه الشغلللللللللللللل ثم الشغللللللللللللللل ثم الشغللللللللللللللللل انا كان 90%من الأسئله عن الشغل أسئله كتير جدااااا عن الشغل بس كلها اسئله سهله و مش مفاجأه ولا سئلت عن اى حاجه فى كيبك ولا ليه كيبك ولا تاريخ ولا اقتصاد ولا سياسه ولا صحه ولا حتى من رئيس الوزراءكله شغل فى شغل بس ده ميمنعش تكون مستعد لاى سؤال من دول اخر ملاحظه للناس المتزوجين .... الزوجه بتتسأل كتييييييييييير و كلو فى الشغل برضو دى شوية ملاحظات سريعه عشان اطمن الناس شويه على منزل باأسئله

بالرغم من الحساسية التي اعانيها من جو كندا ... و لكن درجة الحرارة المرتفعة هناك الآن و التي وصلت حسب ما سمعت الي 40 درجة سمحت لي أخيرآ بالدخول الي هذا الباب ... و في هذا الموضوع الهام بالذات لا يسعني الا ان اقدم شكر عميق بأسم كل من افاده و سيفيده الي الدويتو الذي رعاه ... للفاضل salamatarek علي مجهوده الرائع و الملحوظ في تجميع مواده و بالطبع الي الفاضل أحمد سيف علي الجانب الذي قام به ايضآ ... تناسق رائع و اكمال معلومة بأخري في هارمونية جميلة ... بأسم فريق المشرفين أقدم شكر خاص علي مجهودكما الرائع ...

اللى كتب الموضوع نسى يسأل نفسه حتعمله ايه الفلوس فى صحراء جرداء مافيهاش بق مية كذلك الحياة بدون مشاعر ؟ حيعمله ايه شغله لما يتكهن ويقعد فى البيت زى قرد قطع من غير ونيس ولاجليس يؤنس وحدته ويرد عليه نفسه؟ هيعمله ايه شغله لما يحاول يهرب من همومه واحزانه ومافيش قلب حنين يشيل عنه؟ الزواج نعمة مش بيحس بيها الا اللى عارف قيمتها فى الشغل بياخد اجر دنيوى ممكن يزول من اول نفخة ريح لكن الزواج اجره غير ممنون مش معنى كده ان الراجل يهمل شغله لا لكن هناك فى اولويات للاختيار

الف الف مبروووووك يا دكتور ايهاب منتظرين الشرح المفصل - اوى جدا خالص هو ايه اخبار استاذ جورج يا جماعة واتفضلوا دول و عقبال الباقيين اغابي

أعتقد أن كل من قرأ هذا الموضوع واستفاد منه يدين بالشكر للباشمهندس سلامه على المجهود الرائع الذي بذله لتغطية الموضوع من جميع جوانبه وتنظيمه ليكون ميسرا وواضحا لكل من يريد السير في هذا الطريق. جزاك الله خير يا هندسه وجعله في ميزان حسناتك ووفقك في سعيك. واستنى عليا لحد بكره علشان أحط التقييمات لإن رصيدي بتاع النهارده خلص. بس لسه عندي ورد ... فخد مني الورده دي

النقطة السادسة وفقا للنقاط العشرة اللى احنا اتكلمنا عليها قبل كده, احنا المرة دى هنتكلم عن النقطة السادسة, وهو انتظار رد الدكاترة, يعنى بفرض انك ارسلت ايميلات لدكاترة كتير, هنقعد قد ايه نستنى رد الدكاترة, فى الحقيقة اى دكتور مهتم بحالتك هيرد عليك فى حدود اسبوع او اسبوعين بالكتير بعد كده لا تتوقع منه الرد, واعتبره مش محتاج حد حاليا وشوف غيره. بس كده معناه ان المدة ممكن تبقى طويلة عقبال ما نرسل ايميلات الى كل الدكاترة, وطبعا احنا عارفين ان الدكاترة ممكن تكلم بعضها وكل حاجة, ولكن فيه دكاترة كتير ممكن تقدر الكلام ده فى البداية فقط, وليس فى المراحل التالية, وممكن يقدروا ان الواحد عايز يلاقى مكان بأى طريقة, لكنها مش هتبقى لطيفة ابدا لو كملت فى المراحل الجدية كما سنستعرض لاحقا مع اكتر من دكتور من نفس الجامعة, وطبعا حكاية انك ترسل نفس الايميل من البداية لكل الدكاترة فى تخصصك هتوفر لك وقت وهتحسم المواضيع بسرعة اكبر, ولكن لا يجب ابدا اننا نكمل فى الجد مع دكتورين من نفس الجامعة, ولكن يقتصر هذا الموضوع على المراحل المبدئية فقط. يعنى مثلا ممكن دكتور فى نفس الجامعة يرد عليك ويقول لك كلم زميلى فلان الفلانى فى نفس الجامعة برضه لان تخصصه اقرب لك منى بكتير او يقول لك معلش انا معايا طلبة كتير حاليا لكن زميلى الدكتور ..... بيدور حاليا على طلبة وممكن يفيدك اكتر. بعد كده زى ما قلنا فيه انواع كتير من ردود الدكاترة , ولكن الخلاصة انك فى النهاية هتلاقى دكتورين او ثلاثة بالكتير قوى فى جامعات متفرقة مهتمين بحالتك, طب وبعد كده هنعمل ايه, نختار احسن واحد مثلا ونركز معاه وخلاص والا اييييه؟؟ لا طبعا احسن حاجة انك تمشى معاهم كلهم بالتوازى, لان موافقتهم المبدئية كويسة وكل حاجة , ولكن ممكن اى حاجة تعطل الموضوع ده بعد كده, وساعتها هيفيدك حكاية التوازى دى جدا. وبديهى انك هترسل للجامعات دى ورق الابليكاشن بتاعها زى ما هنتكلم فى النقطة التالية, ونستنى ردهم, وهو غالبا ياتى فى شهور ابريل او مايو او يونيو فى حالة بدء الدراسة فى سبتمبر, وغالبا فى شهور سبتمبر او اكتوبر لو هتبدأ الدراسة فى شهر يناير من العام التالى, ولازم الرد يجيلك فى البريد المرة دى مش عن طريق الايميلات, وعن طريق مكتب الدراسات العليا فى الجامعة مش عن طريق الدكتور, وساعتها بيجيلك جواب الموافقة اللى هتروح بيه للسفارة مع ابليكاشن الفيزا وورق تانى كتير هنبقى نتكلم عليه بعد كده. وخلال مدة انتظارك ومراسلاتك حاول تنشر ابحاثك مثلا فى اى مؤتمر او مجلة علمية, وممكن حتى فى المؤتمرات دى تقابل الدكاترة شخصيا ويبقى معاك كل ورقك وتسألهم وجها لوجه عن حالتك وتوري لهم ورقك كمان. والنقطة دى ظريفة جدا لان تأثير المقابلة الشخصى احسن كتير من الايميلات, وهتحس بالدكتور على طول, ممكن مثلا تلاقيه شخصية رخمة جدا, وهتحس انه هيطلع عينك فى الدراسة رغم انه موافق عليك وكل حاجة, وممكن يكون شخصية ظريفة وحبوبة وتحس انه اخوك الكبير مثلا, وساعتها لو جالك موافقة من الاثنين روح للشخصية الظريفة حتى لو كانت مكانة جامعته اقل من الاول لان شخصية الدكتور بتفرق كتيييييييييييير فى الموضوع ده, لان الشخصية الحلوة ممكن تخلص معاك الموضوع مثلا فى اربع سنين, انما الشخصية الرخمة ممكن تقعدك جنبها خمس او ستة سنين, وساعتها فرق السنتين دول هيعوض فرق الجامعات بين الدكتورين. وفى النهاية كل ما تنشر ابحاثك على قد ما تقدر تدعم فرصتك فى الدخول الى برنامج الدكتوراه, وكده كده انت عندك وقت ولسه بتراسل. وفى نفس توقيت انتظارك لرد الدكاترة ممكن تبعت ايميلات لمكتب الدراسات العليا مثلا فى هذه الجامعات وتسألهم عن اى حاجة انت مش فاهمها عن طريق التقديم لجامعتهم, وساعتها ممكن يفيدوك بحاجات كتير, يعنى ممكن يقولوا لك ان القسم ده حاليا مش هيقبل بالطلبة الدوليين علشان عندهم طلبات كتير اتقبلت فعلا لطلبة دوليين ولازم يخصصوا بعض الاماكن للطلبة الكنديين وبكده هيوفروا عليك الوقت فى الانتظار وهتعرف نظام الجامعات المختلفة. وبعد كده ننتقل الى النقطة السابعة باذن الله بمثال عملى على تقديم الابليكاشن لاى جامعة.

طمنتوني ربنا يخليكم ليا .... ده انا مفاصلي سابت لما شفت الأستاذ عادل بيعلق عالموضوع ده .. الراجل ما بيتحركش الا في المشاكل الكبيرة و كونه يشرف باب الأبتسامات قلقني بصراحة .. و لكن في النهاية كرجل اعمال ماهر و بمناسبة رمضان اداني فكرة بمليون جنيه و المشكلة نعمل بيها فوازير رمضان و نطلع بسبوبة ... لكن لما أسد يقول كلنا هذا الرجل .. نبقي ناخد نفس عميييييق و بالنا يستريح ... ربنا يخليك يا كبير .. و اول ما اجيب الكيت كات بتاعت احمد سيف حديك انت الكيت يا عم .. و كفاية عليا الكات ... دي حتي بتقول نياو ... اما اللي كتبته هند .. فبصراحة مش لاقي رد مناسب لأني في انانية رجولية بحتة ما فكرتش في النص التاني من الموضوع .. النص اللي بيصحي هو كمان يوم اجازته علشان يشتغل في بيت اتمطع بسلامتي الاقيه نضيف ... و كل اللي قدرني ربنا عليه اني اشتكي من صوت المكنسة الكهربائية ... حتي الحاجة الوحيدة اللي نسيت تعملها ( تحط ميه للورد ) يا ريتني كنت سبتهالها علي الأقل ما كنتش طرطشت ميه في دائرة قطرها مترين .... والله يا ستات انتو ليكو الجنة ....

السلام عليكم ملاحظة على جنب مني و أنا غير متخصصة .. ما تعلمناه أن الأرض تدور حول الشمس و المجموعة الشمسية بأسرها تدور حول مركز في مجرة درب التبانة و المجرة كاملة تدور هي الأخرى . بل إن كل الكون المعروف لنا يتحرك و يتمدد باختصار ثبات الشمس بالنسبة للأرض نسبي

بعد السلام والتحية,,,, ان اتخذت الدولة هذا القرار (فلا شك ان هناك اسباب قوية وموضوعية)لذلك,,,,فلا يخفى على الجميع (استغلال الفئات الضالة) للمواسم الدينية والاعمال الدينية كجمع الصدقات والتبرعات ولا يستبعد قيام بعض المغرر بهم لاعمال تضر بمصالح البلاد والعباد....والتاريخ القريب شاهد و حافل بذلك.......... للاسف ....لقد نجحت (تلك الفئات الضالة) بالاضرار بمصالح المسلمين بشكل يفوق ما اراده اعداء الاسلام ......... عموما ان اتخاذ القرارات الاخيرة مثل قصر الفتوى على بعض العلماء و قرار الاعتكاف (له ما يبرره) ولاشك ان الدولة تنظر بمنظور اوسع واشمل وفق الله الدولة لما فيه خير الاسلام والمسلمين

ياباني في غير ملكك يامربي في غير ولدك أو العكس .... الوطن .. والإحساس بالوطن .. المصريين لديهم وطن يشعرون به ويحبونه .. ويحلمون بالعودة له .. حتى ولو قالوا غير ذلك ... حتى ولو غضبوا من حال هذا الوطن .. أما الفلسطسيني .. سواء إشترى شقة في السعودية أو في الأردن ... فالحالة واحدة .. بيت في غير الوطن أما نحن .. فالحالة مختلفة .. إضافة إلى أن إجراءات تملك الأجانب للعقارات في السعودية .. عملية طويلة ومعقدة وصعبة

باب التمليك مفتوح منذ اكثر من 10 سنوات للإجانب في كل السعودية إلا في مكه والمدينة اللي فيها حق إنتفاع فقط .. إحنا المصريين نختلف تماماً عن الجنسيات العربية الأخرى ... حد عُمره شاف فلسطيني أو أردني أو سوري او يمني مشي نهائي وقال كفايه كده ؟ لأ طبعاً لكن مهم طالت فترتنا هنا فوجودنا مؤقت والبلاد العربية كلها ليست بلاد هجرة أو إستقرار .. كما إن تملُك عقار في السعودية لا يُعطي أي ميزة للأجنبي .. مش زي دبي أو الإمارات بشكل عام اللي بيبقى عقارك هو كفيلك اللي بتقعد على حسه في البلد ... كمان الأسعار المرتفعه هنا ... فالتقسيط بيقطم الوسط وأقل فترة تقسيط بتلاقيها ما بين 10 إلى 20 سنة تفضل تدفع لما يبان لك اصحاب ... كما أن كثير من البنوك إن لم يكن كلها لاتمول عمليات شراء العقارات للاجانب ... وبالتالي هاتلجأ إلى شركات التقسيط ... يعني لو بتتكلم عن شقة معقولة ومش هاقول فيلا ... يبقى بتتكلم في مليون ريال وقسط طبعاً لن يقل عن 3 الاف ريال شهرياً ... لكن بشكل عام حيثما وجد الأستقرار والامان وُجد الإستثمار الأمن ... مش واحد كل شويه يهددك إنه هايديك نهائي

إذا لم تستحي فأفعل ما شئت المتحدث بإسم الرئاسة - كالمعتاد - جه يكحلها عماها وخزق عنيها الأتنين ونعم الإبن البار ... شوفتوا كنا هانظلم الولد ونصوره على إنه عاق .. وبعدين ما أهو .. لا راح عمل محادثات ولا مقابلات رسمية ولا راح البيت الأبيض يا جدعان ... لكن بيقول لك إن " وول مارت " كان عامل تخفضيات هايلة على قمر الدين والقراصيا ... فجمال راح مع أبوه يشتري الحاجات دي ... عشان العيلة بتحب الخشاف والخشاف بيحب رمضان .. وكل سنة وإنتو طيبين. عملوا حديث قريب مع حاتم الجبلي وزير الصحة المعدومة .. فبيحكي ويتحاكى عن وفاء وبر جمال وعلاء بأبوهم أثناء مرضه الأخير وإنها حاجه ما حصلتش وعمره ما شاف كده ... مش عارف ليه محسسني إننا بنرمي أهالينا في الشارع مثلاً أو ماسكين السنج طول اليوم وبندبح فيهم .. وإن البر والإحسان والوفاء هي عروض حصرية على قناة العائلة الرئاسية ...

[أهلا بك و نورت منتدى الصابرين يا أخ جيزيرلى و ان شاء الله أتوقع لك أن الابليكشن التانى هى اللى تمشى أسرع و ربنا يوفقك ان شاء الله

اقبل محاسب في جامعه الباحه لانها حكوميه والراتب هيكون ممتاز جدااااااااااااااااااااا ده من غير ما تفكر

اخيرا لقيت حد فى الدمام .. أرجوا التواصل انا ايضا فى الدمام بس مش عارف ازاي .. اعتقد قوانين المنتدي لاتسمح بوضع ايميلات او ارقام تليفونات .. ده طبعا لو معندكش مانع يا استاذ / عمرو

أة ياجماعة اللي بيحصل في المقابلات دي البني أدمة اللي أسمها زفت راشيل دي مش طبيعية دي مهبولة و مش محترمة عمالة تقول الورق مزور و شهادة الكلية مزورة و الخبرة مزورة و هبل كدا و اسلوب مستفز و غير محترم بالمرة و كل مالواحد يقول حاجة تقولة مش مصدقاك دا أسلوب مش محترم