لوحة القادة

لكل مقام مقال ... و لكل فعل رد فعل أيضآ ... من المنطقي تمامآ رفض الزملاء لبناء اي بيت عبادة غير اسلامي في مكة و هي تعتبر قلب الأسلام النابض ... و طبيعي ان يجدوه طلب مستفز .... مثلما هو من الطبيعي تمامآ ان لا يستفز منظر "الصلبان المعلقة" بجانب الجوامع في اي رقعة في مصر مثلآ المشاعر بنفس الدرجة للمتشددين علي انفسهم... و ان لا تستفز البعض الآخر علي الأطلاق كونها شيئآ طبيعيآ ولدنا و تربينا جميعآ في ظلالهما معآ جنبآ الي جنب ... اذا اردت ان تبنى بيت للعبادة يمكنك ان تختار الاماكن المناسبة التى لاتثير مثل هذه الضجة المتوقعة مسبقا... اذ ان العبادة الحقيقية لا تقترب من الألاعيب السياسية اللهم الا اذا كان المقصود بها اشياء اخري. ملحوظة .. نستطيع جميعآ ابداء رفضنا لأي شيء بدون ان ننزلق الي هجوم قاسي او استهانة برموز مقدسة للآخرين .. هو مجرد انطباع شعرت به و لا أقصد شخص بذاته ... تحياتي ...

عندما يقترب أي عيد من أعيادنا انتظر دائمآ ... انتظر رؤية تهنئته علي صفحات المحاورات .. فدائمآ كان هو السباق بالتهنئة ... و بالرغم من مغادرته لنا و لكن تبقي سطوره دائمآ مشعة .. وددت ان لا نقطع عادة بدأها معنا فلم أجد أفضل من كلماته تلك التي سبق و هنأنا بها كي أعيدها عليكم بدوري ... إخوتي و زملائي الأعزاء .. أرق امنياتي القلبية اليكم جميعآ بالعيد ... بارك الله فيكم و منحكم الصحة و السعادة و راحة البال .. و الرضا منه و مع الحياة كلها .... انتم و جميع من تحبونهم ... كل سنة و احنا كلنا طيبين .... :wub:

كل سنة واحنا كلنا طيبين احنا كمسيحيين بنعيد فى اعيادكم وبناخد الاجازة الجميلة الكبيرة واللى فعلا بافرح بيها اوى كل سنة وكل اخوانى المسلمين بالف صحة وخير وكل سنة و منتدى المحاورات بخير وباهدى ارق واجمل باقة ورد وعلى راى استاذ سكوربيون كل سنة واحنا كلنا طيبين :roseop: :roseop: :roseop: :roseop:

بصراحه السواقة في مصر من اولها لآخرها غلط ... والكل مش بيعرف يسوق ستات ولا رجاله السواقه مش انك تظبط رجلك على البنزين والدبرياش وتمسك الدركسيون ... السواقة هي تطبيق قواعد المرور لما يبقى هناك نظام للمرور وناس عارفه القواعد وبتطبقها نبقى نقدر نقيّم مين اللي بيسوق صحّ ومين اللي بيسوق غلط وزي ما الاستاذه شيكو قالت ... قارنوا نسبة الحوادث ... وأدينا شايفين السعودية مثلا نسبة الحوادث والوفيات فيها عالمه ازاي رغم إن مافيش ستات بتسوق

ليه بنلوم على الناس انها بتصور ملابسنا القذرة رغم احنا من قام بنشر هذه الملابس كل شعب يتعرف على الاخر من منظور مايعرضه من افلام ومسلسلات ومن مدة طويلة وافلام المقاولات والافلام التى صورها فنانون مصريون فى لبنان اعطت انطباع غير سليم عن المراة المصرية ومعذور من يرانا بهذه الصورة فهم لم يروا الا الراقصات والنسوة الفاسقات لم يعرفوا امى واختى ولا امك و اختك لم يعرفوا ارامل شهداء اكتوبر وكفاحهم فى تربية اولادهم او الست البسيطة الغلبانة اللى بتبيع شوية جرجير مساعدة زوجها المريض او تعليم ولادها فى الجامعة وزادت من المصائب انتشار الفضائيات وسهولة مشاهدتهم لمسللاتنا التى كشفت عورات المصريين كان هذا هو الواقع بكل مافيها من شذوذ وزنا محارم وخيانات زوجية ومخدرات وحوارى ضيقة وعشوائيات وحدث ولا حرج اصبحت المراة المصرية محصورة فى ايناس الدغيدى وغادة عبد الرازق بكل مافيهم من بجاحة وقلة ادب اصبحت بيوتنا محصورة فى قصور مشيدة لفلوهية رجال لاعمال وتجار المخدرات واعضاء مجلس الشعب وزوجاتهم وبناتهم المنحلين الماشين على حل شعرهم فى النوادى والملاهى الليلية وكانه لايوجد رجال اعمال واعضاء مجلس شعب محترمين او محصورة فى بذاءة العشوائيات من ردح وبنات ليل وكان الحارة المصرية لم يعد بها سوى هذه النوعية من البشر رغم انه مازال وجود اسر محترمة بالمناطق الشعبية والشواهد كتيرة فى افلام العيد واعلاناتها ومسلسلات رمضان شهر العفة والصوم نحترم نفسنا الاول ونقدم اللى يعبر عن الاحترام ده وبعدين نعاتب على غيرنا لو جرح فينا

السلام عليكم و رحمة الله و بركاته بحب محشي الكرنب...و مبخافشي اتخن بحب....امشي ع الكورنيش قبل المغرب....لما يكون لسه فيه نور من السما....و الشمس مش سخنة و معاها سحابات صغيرين بحب...ااقلب في درجي علي حاجة و بعدين الاقي حاجة تانية خالص.....و غالبا بيكون كلاك كنت كتبته من فترة و نسيته في الدرج و بلاقيه لما بكون نسيت بحب...لما بنام و بحلم حلم حلو و اقوم و انا مبسوطة و بفضل طول اليوم استني الحلم يتحقق و مبتحصلشي حاجة و قبل ما انام افتكر برضه الحلم و افتكر انا كنت مستنياه يتحقق ازاي طول اليوم و افضل اضحك علي سذاجتي بحب....ماما لما تبصلي كده و تقولي يا خيبة املي فيكي....و لسه هتشخط...الاقيها بصتلي و ضحكت بحب....اي طفل صغير.....لما بيتعبط في ايدي و انا خارجة ...مع اني ببقي مزعقة قبليها مثلا...بس يبدو ان الخروج بيخليني مصدر جذب غير عاااادي بحب....الليل جدا......و زمان كنت فاكرة نفسي كنت خفاش و بعدين تحولت و بقيت بني ادم....لاني كائن ليلي جدا جدا بحب...رنة الموبايل...لما الاقيها من حد اديلي زماااان مسمعتش صوتها....بحب اكتر لما بكون لسه بفكر فيها امبارح مثلا و تاني يوم الاقيها اتصلت بيا بحب...الافكرا الجريئة....اللي تخلي القلب يزغرط كده و يتنطط.....من غير ما يضايق حد بحب....الالوان الحلوة...في اللبس بحب.......اشتري جزم جدا جدا جدا.....و لغاية دلوقتي مش عارفة ليه بحب.....الارنوب بتاعي.....لانه تقريبا في نص حجمي بحب....اشوف القطط في الشارع و اقولها بسبس بس بس....و لما تقرب مني....اقولها بخ بحب....لما حد من اخواتي يخش الحمام...افضل واقفة مستنياه....بره الحمام و ااقوله بخ برضه (تقريبا عقدة بقي) و بحب اكتر.....الضحكة ام كركعة اللي بضحكها لما بخضهم.....و طبعا بحب زعيقهم فيا wst:: بحب....بيتنا اوي.....و سريري....عشان تحت الشباك....و بحب انام و الشباك مفتوح عشان عيني تغمض و هي شايفة السما بحب...الاسدال بتاع الصلاة بتاع اختي لانه طويل عن بتاعي وبحس كده اني مستعدة اني اموت و انا لابساه و ربنا هيبقي راضي عني بحب....اخويا الكبير...لما يناديني....باسم معين.....و هو عارف اني بكرهه اوي....بس برضه بيقوله بحب.....نتفرج انا و ماما و اختي علي اي مسلسل او تلفزيون و بعدين نعمل حوار غير المسلسل خاااااااالص.....و يفوتنا الحلقة بحب....الفرحة......لما بتكون من القلب.....لما تكون لامي بحب.....الحرم اوي...و مشتااقة جدا بحب...السفر.....بس مش اكتر من اسبوع و بعدين ارجع بيتي بحب ... اصحي اشرب نسكافيه.....و بعدين اغسل سناني و ارجع افطر و ارجع اغسل سنااااااني.... :lol: بحب.....ادعي ربنا بحاجات و احس اني مكسوفة اوي...و انا بقولها كده يعني و بعدين الاقي ربنا بفضله و كرمه هيألي السبيل ليها نيجي بقي ع الناحية التانية....اقلب الشريط طيب.... مبحبش حد يفضل يقولي حاجة.....و بعدين يطلع او تطلع مش كده......بكره الاستعباط مبحبش....الغباء...بيخنقني مبحبش...غسيل المواعين.....و نفسي يخترعوا اطباق تتآكل ذاتيا و بعدين تبقي تراب...و لما نحتاج طبق...نكب ع التراب شوية ميه يرجع طبق تاني ...(ع فكرة انا شوفت كده في مجلة ميكي...بس مش فاكرة سنة كام) مبحبش.....عربية بابا....بيحبها اكتر مننا الحقيقة مبحبش.....شنب اي راجل لا يزيد طوله عن 1 سم.....بيضطرني اضحك اوي و بيبقي شكلي وحش مبحبش.....منظر الوداع في اي حتة...و خصوصا المطار مبحبش....الوقت...لما يطير و يبقي نفسي يطول شوية مبحبش .....اصحي بدري ابدا....... مبحبش .....الصيف.....لاني مبحبش الشمس مبحبش .....المستشفيات.....و اول ما بخشها بعيط....و ببقي فضيحة مبحبش.......الروتين....يعني اللي ننام فيه...نصحي فيه....اموت انا كده مبحبش.......حد يقولي وحشتيني.....و هو...او هي.....عايز حاجة من بعدها...بيبوظوا احساس الكلمة الحلوة مبحبش.......الوحدة.....و ابتديت اتعود عليها....و المشكلة احيانا بفتقدها مبحبش........االبس دبلة.....و لما البسها بفكر احطها حوالين رقبتي....(لا مش طوق....بس تبقي في سلسلة) مبحبش........الصوت العالي.....راجل او ست.....بينرفزني....جدا و طبعا طبعا....مبحبش الرغي...... :lol: حلو التوبيك دوت.....كملو انتوا بقي مساااكم...بحلاوة كل الحاجات اللي بنحبها....و بفرحة العينين لما بتفتكرها

ماش ياعم خد عندك لكشة التواريخ دى تاريخ ارسال الورق 4/2009 تاريخ فتح الملف 7/2009 أول مقابله 22/11/2009 سوريا ساعتها كان فىظروف و مينفعش اسافر وكمان مكنتش لسه شديت فى الفرنساوى رحت بعتلهم ميل واكدته بجواب فيه انى بطلب تأجيل المقابله بسبب ظروف معينه و ياريت تأجلونى لأقرب مقابله فى القاهره لأن ظروفى تمنعنى من السفر الى سوريا بس لو مينفعش الا سوريا خلاص انا تحت امركو فى اى مكان الناس طلعت محترمه اوى و قالولى ماشى ياعم انت هتتأجل لأقرب مقابله فى القاهره و قد كان وتحت امرك يا يوناثان فى اى شىء و فى اى مكان صحرا كان ام بستان :roseop:

الف الف الف مليون مبروك يا احمد باشا انت راجل محترم وكلك ذوق وان شاء الله ربنا هايقدملك اللى فيه الخير واللهى فرحتلك وربنا يطمنك وادعيلنا ربنا يسهلنا ويتمملك على خير

سيدتي الفاضلة maramero ... علمتني التجارب ان هدؤ الفكر ... و عدم الأستسلام لأي استفزاز هو افضل اسلوب للحوار .. للوصول دائمآ الي مناخ حواري صحيح ... أول شيء .. بالرغم من اني اتفهم تمامآ الأنطباع الذي تركته بعض السطور علي مشاعرك و هو نفس الأنطباع الذي وصل الي .. و لكن لننظر للأمور من هذه الزاوية ... لن نستطيع ابدآ مقارنة اجواء السعودية بأجواء كندا .. و لا حتي مصر ... ما يحكم السعودية هي شريعة يعلم الجميع أصولها و ابعادها و احكامها ... فلا يجب ان ينكر عليهم أحدآ طريقة حكمهم في بلادهم .. مثلما لا نسمح لأحد ان يتدخل في احكامنا .. مثلما في كندا او في اوربا عدم الموافقة علي عمل المثل هو ضد الديموقراطية التي تحكمهم بما تحتوي علي حقوق الأنسان و حرية العبادة و الأعتقاد ... لا أعتقد مثلآ انه في يوم من الأيام سيكون هناك جامع او معبد يهودي في الفاتيكان .. فبخلاف انه لا يوجد بها مسلمين مقيمين علي الأطلاق .. بل هي ليست دولة بالمعني المفهوم ... و لكن بها ما يشبه القنصليات او القائمين بالأعمال .. و داخل تلك الأماكن اذا كانت تنتمي الي دولة مسلمة هناك مكان او مصلي يستطيعون القيام بشعائرهم بدون اي مضايقات ... فاذا كان الأمر كذلك في السعودية .. فالحال من بعضه ... في رأيك .. حتي تلك اللحظة أين يصلون المسيحيين العاملين بالسعودية .. بل اين يصلون الجنود الأمريكيين ضيوف المملكة ... فما الذي جد حتي يتم طلب مماثل هوني علي نفسك يا عزيزتي ... الموضوع يثير نقطة هامة بالفعل و لا يوجد به "حتي الآن" ما يستوجب اي تعديل او حذف ... أذكرك فقط ان في المسيحية القلب هو الأهم و ليست القشور..

استاذنا الفاضل سكوربيون شكرا لتعليقكم المعتدل والذى ينم عن شخصية متفتحة واسمح لى ببعض التعليقات البابا لم يحدد مكان معين ولكنه طلب مكان للصلاة فمن اين جاءت مكه اما بالنسبة للزميل الفاضل القائل الافضل الا نذهب الي السعودية ليس هذا حلا عمليا سيدى ولكن لو سيادتكم كتبتم فى باب الهجرة الى كندا مثلا الافضل حفاظا على مشاعركم لا تذهبوا الى كندا لانهم قرروا غلق المساجد وهذا لن يحدث لان اساس الحياة هي احترام ومحبة الاخر واعطائه ابسط حقوقه فى مكان للعبادة ماذا سيكون رد فعل الاعضاء الافاضل اللى اختشوا ماتوا!!!! الفاضل دياب واللى يقول يلعبوا.........ايه راي سيادتكم فى اسلوب الحوار اخيرا استاذنا الفاضل ارجو من سيادتكم حذف الموضوع ان لم يلتزم الاعضاء بمستوى الحوار الراقى المميز لمحاورات المصريين وشكرا لسيادتكم مكه تم طلبها من الفاتيكان ورد عليهم د. محمد سليم العوا بان المسلمين لم يطلبوا بناء كنيسه في قلب الفاتيكان وبالنسبه لكندا لو رفضت حكومه مدينه ما بناء مسجد للمسلمين فدي قوانين يجب احترامها واذا احس فرد من المسلمين هناك بايذاء لمشاعره لعدم وجود مسجد فممكن يترك البلده لمكان به مسجد او يصلي في منزله ويحترم القوانين المنظمه للبلد التي يعيش فيها واظن ان احترام القوانين واجب والا اصبحت فوضي وبعدين السعوديه مساحتها اربع اضعاف مساحه مصر والسبع الاف دول مش في مدينه واحده لذلك فكل مدينه بها 100 او 50 قبطي يبقي لازم يتبنلهم كنيسه؟ وكمان الخمسين نفر دول مش مقيمين اقامه دائمه انما مرتيطين بعقود عمل مهما طالت مدتها فمصيرهم العوده لبلادهم

مبروك يا احمد باشا عقبالنا يارب أنا بعت الحمد لله أنا برده منتظر انهم يسحبوا من الكريديت بتاعي لازم مغناك حفله بليل ان شاء الله اعتقد كده عديت 75٪ من الموضوع ربنا يوفقك في الباقي ان شاء الله عمرو الله يبارك فيك يا دكتور عمرو ... وبالتوفيق لحضرتك ولجميع زملائنا المتقدمين وفي اعتقادي أن الموضوع مش هيطول بالنسبة لك ... في ناس مقدمين في أغسطس وسحبوا فلوسهم هما كمان

مبروك يا احمد باشا عقبالنا يارب أنا بعت الحمد لله أنا برده منتظر انهم يسحبوا من الكريديت بتاعي لازم مغناك حفله بليل ان شاء الله اعتقد كده عديت 75٪ من الموضوع ربنا يوفقك في الباقي ان شاء الله عمرو

الزملاء الأفاضل أحب أبشركم أني تأكدت منذ قليل أن الـ CIC سحب رسوم التقديم من حساب بطاقتي الائتمانية ... ما يعني أن الطلب اجتاز المرحلة الأولى وأصبح جاهز للتحويل لمكتب الهجرة بلندن وتمنياتي للجميع بالتوفيق

الزميل الفاضل: 1-مصدري ليس فقط ما نشر في وسائل الإعلام ، فالكل يعرف أن هناك تجارة على أعلى -أعلى مين.. أحط- مستوى في مسائل التأشيرات بجميع أنواعها مش العلاج بس .. لكن بقى شتان ما بين ظنون ، وكلام منتشر ، وكلام مرسل بلا دليل ، وبين وقائع وصلت إلى النيابة التي عثرت على أدلة كافية جداً لتحريك دعوى قضائية.. اسأل أي من معارفك هنا وهناك فسيخبرك بعضهم على الأقل أن النائب الفلاني بياخد "كذا" في التأشيرات ، لكن ليس له دليل ، لصعوبة إثبات تلك المسائل قانونياً صعوبة لا يفوقها في النظام القضائي المصري إلا إثبات جريمة الزنا.. لكن أما وقد حدث ، وقد ظهرت أدلة.. فهذا يعني أن الموضوع على الأقل كبير ، وحتى ولو لم يسفر عن إحالة هؤلاء النواب إلى المحاكمة.. 2-ما لا يريد أحد أن يفهمه أن الموضوع له شقين ، شق سياسي وشق جنائي ، وأن الفساد لا يعني بالضرورة الشق الجنائي ، أي نظام قضائي في العالم له نظم إثبات ، وما يكشف من جرائم هو ما يمكن لنظم الإثبات تلك اصطياده .. وهذا يدل على أن هناك جرائم أخرى يتم إغلاق ملفاتها لعدم توافر أدلة قوية كافية.. الشق السياسي أخطر ، ولا يريد أحد التطرق إليه.. ما هو معنى أن يكون النائب المعنى بمحاسبة المسئول الفاسد فاسد؟ ما هو معنى أن يشتم -أكرر : يشتم لأن الموضوع قد يصل لحد السباب- نائب وزيراً ثم ينحني عليه بعد الجلسة طالباً تأشيرة أو توقيع؟ ما هو معنى أن تتحول العلاقة بين نواب وبين أي وزير إلى علاقة ابتزاز؟ يا تشغل لي أهالي الدايرة يا ح أشتغل لك في الأزرق .. فك إيدك عن قلاضيشي في المستشفى الفلاني أفك إيدي عنك في المجلس.. موضوع العلاج على نفقة الدولة بدأ بهذه الطريقة.. ما يثير غضبي هو : لماذا انحط نقيب الأطباء والنيابي المخضرم إلى هذا المستوى الذي يدافع فيه عن شيء إن ثبت صحته هو غير أخلاقي؟ وإن لم تثبت صحته يبقى غير أخلاقي؟ خلص الكلام

كل سنة وحضرتك طيب استاذ يوسف احنا لو قعدنا نمشي ورا الميديا دي مش هنخلص لأن العيد لو مطلعش السبت مش هيغلبوا هيلاقوا غيرها الدين بيقول نحدد يوم العيد من القمر..مش من امريكا. وبعدين كلهم عرفين كويس جدا ان العيد ده خبط لزق بعد رمضان ورمضان شهر والشهر ده ماشي مع القمر. واكيييد حد في مكان ماهيطلع يقول بيحتفلوا ب11 سبتمبر سواء يومها أو اليوم اللي قبلوا. يا أستاذ يوسف في ناس بتحب تكره نفسها في الاسلام والمسلمين , والمشي ورا كلام الميديا هويتهم. من الاخر خليهم مع نفسهم..احنا نعمل اللي علينا وبس .

سافرت فى إجازة قصيرة وفوجئت عند عودتى بأن السيدة نجلاء الإمام اتصلت بمكتبى أكثر من مرة. كانت معلوماتى عن نجلاء الإمام أنها مسلمة تنصرت وقلت لنفسى من الجائز أنها بسبب تحولها إلى المسيحية تعانى من التضييق والاضطهاد فعزمت على الكتابة دفاعا عن حقها فى اختيار دينها. إن حرية العقيدة حق أساسى من حقوق الإنسان وقد كتبت وسأكتب دائما دفاعا عن حقوق الأقباط والبهائيين والمسلمين والبشر جميعا فى اعتناق أديانهم وممارسة عباداتهم بحرية وكرامة.. كما أن الرأى الفقهى الأقوى فى الإسلام يؤكد أنه لا عقوبة على المرتد. من شاء فليؤمن ومن شاء فليكفر.. من حق نجلاء الإمام إذن أن تتنصر ولا يقلل ذلك أبدا من حقوقها كمواطنة مصرية. غير أننى شاهدت لقاءات نجلاء الإمام التليفزيونية المسجلة على الإنترنت فوجدتها تتطاول على الإسلام وعلى الرسول (صلى الله عليه وسلم) بألفاظ فاحشة، بعد ذلك اتصلت بالسيدة نجلاء الإمام وقلت لها بوضوح إن من حقها أن تعتنق المسيحية ولكن ليس من حقها أبدا أن توجه الإساءة إلى الإسلام ورسوله (صلى الله عليه وسلم) وأكدت لها أن هذا الكلام الفاحش لو أنها قالته فى بريطانيا، الديمقراطية الأعرق فى العالم، لكان كفيلا بمحاكمتها جنائيا بتهمة احتقار عقيدة المسلمين والحض على كراهيتهم. بعد أيام وقعت حادثة طائفية أخرى، فقد اختفت السيدة كاميليا شحاتة زوجة كاهن دير مواس بالمنيا، وضغطت الكنيسة على النظام المصرى بمظاهرات حاشدة انتقلت من المنيا إلى القاهرة، لم يمنع رجال الأمن المتظاهرين الأقباط ولم يضربوهم أو يعتقلوهم كما يفعلون عادة مع المتظاهرين المطالبين بالديمقراطية، وقد لوح قداسة البابا شنودة بتدويل قضية كاميليا إذا لم تحضرها أجهزة الأمن فورا. هنا حدث شىء غريب فقد تبين أن السيدة كاميليا اعتنقت الإسلام وذهبت إلى الجامع الأزهر من أجل إشهار إسلامها، فإذا بالموظفين فى الأزهر حصن الإسلام الراسخ يخضعون لتعليمات الأمن ويمتنعون عن إشهار إسلام كاميليا. بل إن أجهزة الأمن بدلا من أن تحميها قامت باختطافها وتسليمها إلى الكنيسة التى قامت باعتقالها فى مكان مجهول. وعندما تظاهر المسلمون دفاعا عن حق كاميليا فى اعتناق الإسلام قام رجال الأمن بضربهم واحتجازهم وتفريقهم. هكذا أصبح الوضع فى غاية الشذوذ: مواطنة مصرية تمنعها الدولة من تسجيل عقيدتها التى اختارتها بمحض إرادتها، ثم يتم اختطافها واحتجازها رغما عنها، كل هذه جرائم يعاقب القانون المصرى إذا ارتكبها أفراد لكنه يقف الآن مكتوف اليدين أمام الكنيسة القبطية بكل ما لها من تاريخ واحترام. الأغرب من هذا أن السيد نجيب جبرائيل، محامى الكنيسة القبطية بعد أن شكر رجال الأمن الذين اختطفوا كاميليا قام بمناشدة البابا شنودة من أجل مضاعفة رواتب الكهنة ومنع زوجاتهم من العمل، لأن عمل زوجات الكهنة فى رأيه من شأنه تعريضهن لزعزعة عقيدتهن المسيحية. انزعجت من هذا التصريح أولا لأنه يصدر عن محام طالما رفع لواء حقوق الإنسان التى يبدو أنها فى رأيه تشمل الأقباط فقط دون المسلمين، وثانيا لأن السيد جبرائيل يعتبر زوجات الكهنة بمثابة كائنات فاقدة التمييز ضعيفة الإرادة تحتاج دائما إلى وصاية الكنيسة وحمايتها حتى لو أدى ذلك إلى منعهن من حقهن الطبيعى فى العمل. وهذه النظرة المهينة للمرأة تتطابق للأسف مع رؤية بعض المتطرفين المسلمين.. الحقيقة الآن: أن مواطنة مصرية اسمها كاميليا شحاتة يتم التنكيل بها ببشاعة، لم ترتكب كاميليا أى جريمة ولم تخالف القانون ولم تؤذ أحدا لكنها اختارت الإسلام بمحض إرادتها وبدلا من أن تكفل لها الدولة حرية العقيدة قامت بالتواطؤ مع الكنيسة ضدها إلى درجة أن حضرة المفتى على جمعه قال: «مسموح شرعا تسليم المسيحيين الذين يعتنقون الإسلام إلى كنيستهم». وهذا كلام غير صحيح ولا يستحق حتى مناقشته. ما يحدث الآن مع كاميليا شحاتة قد حدث من قبل من سنوات مع وفاء قسطنطين المسيحية التى أسلمت فتم تسليمها للكنيسة ولا يعرف أحد حتى الآن مصيرها وسط شائعات عن موتها أو قتلها.. إن مأساة كاميليا شحاتة، تدل على خلل جسيم فى وظيفة الدولة ووظيفة الكنيسة. المصريون جميعا مضطهدون من النظام الاستبدادى الذى جثم على مصر ثلاثين عاما فأوصلها إلى الحضيض فى كل المجالات. صحيح أن الأقباط كثيرا ما يعانون من التمييز ضدهم لكن مشاكل الأقباط لا يمكن أن تحل بمعزل عن مشكلات المصريين جميعا.. إن الكنيسة المصرية، بقيادة قداسة البابا شنودة الثالث، بدلا من أن تحشد الأقباط مع المسلمين فى نضالهم من أجل العدل والحرية، تحولت إلى حزب سياسى طائفى. لقد أصبحت الكنيسة فى مصر هى دولة الأقباط الحقيقية التى ينتمون إليها ويذعنون لأوامرها الدينية والدنيوية جميعا. الكنيسة تتحدث سياسيا باسم الأقباط وتحثهم على مواقف سياسية بعينها وتقدم لهم مرشحين محددين وتحضر لهم أتوبيسات تنقلهم ليدلوا بأصواتهم لصالحهم وقد اتبعت الكنيسة المصرية سياسة مزدوجة لإخضاع النظام المصرى لمطالبها: فهى فى الخارج تستغل تعاطف الدوائر الغربية مع الأقباط وتتحرك بعنف من أجل إحراج النظام، ان مظاهرات أقباط المهجر وشكاواهم للمؤسسات الدولية والحكومات الغربية، كلها تتم بموافقة الكنيسة حتى لو تظاهرت بغير ذلك. أما السياسة الداخلية للكنيسة فتتلخص فى إعلان الولاء الكامل للنظام المصرى ومباركة توريث مصر من الرئيس مبارك إلى ولده جمال. ولا يتسع المجال هنا لذكر التصريحات والمواقف المعلنة من البابا شنودة ومساعديه فى التغنى بحكمة الرئيس مبارك وإنجازاته التاريخية مع تأييد جمال مبارك والتعامل معه باعتباره الرئيس القادم لمصر. وإزاء سياسة العصا والجزرة التى أتقنتها الكنيسة المصرية، ترنحت الدولة المصرية واهتزت خطواتها وتحول التمييز ضد الأقباط إلى تمييز إيجابى فى صالحهم على طول الخط حتى ولو خالف ذلك العرف والمنطق والقانون، الأسوأ من ذلك أن مطالب الكنيسة المصرية كلها طائفية وليست وطنية. لم يحدث أبدا أن أدانت الكنيسة تزوير الانتخابات أو التعذيب أو قانون الطوارئ، كل ما تطلبه الكنيسة امتيازات للأقباط بدون الالتفات إلى مطالب المصريين المشروعة. كأنما تبعث الكنيسة إلى النظام المصرى بالرسالة التالية: «حقق لنا نحن الأقباط مطالبنا ثم افعل بعد ذلك ما شئت فى المسلمين فذلك أمر لا يهمنا». إن الكنيسة فى المسيحية سلطة روحية وليست سياسية أبدا ولقد قال السيد المسيح بوضوح قاطع «اعطوا ما لقيصر لقيصر وما لله لله» (انجيل متى الإصحاح 22). الغريب أن الكنيسة تعيب على الإخوان المسلمين خلطهم للدين بالسياسة بينما تفعل هى نفس الشىء. لقد أنجزت الكنيسة المصرية تاريخا وطنيا عظيما فى مقاومة الاحتلال والاستبداد، لكنها الآن تخالف تاريخها وتلعب دورا سياسيا طائفيا سيؤدى إلى إخراج الأقباط من الإجماع الوطنى وسوف يحيلهم من مواطنين مصريين إلى أقلية طائفية متواطئة مع نظام الاستبداد، تحقق مصالحها الضيقة بعيدا عن مصلحة الشعب والوطن. إذا استمر هذا التمييز الطائفى ستكون نتيجته الطبيعية إذكاء روح الكراهية ضد الأقباط، الأمر الذى سيشعل فتنة طائفية قد تحرق مصر كلها لا قدر الله.. إن قضية كاميليا شحاتة هى قضية مصر. قضية العدل والحرية. قضية حق الإنسان فى الاختيار. لو أن كاميليا شحاتة كانت مسلمة وتنصرت لكتبت أيضا مدافعا عن حقها فى اختيار الدين الذى تريده. إن الموقف من مأساة كاميليا شحاتة يكشف الحقيقى من الزائف فى مجال الدفاع عن الحريات. لماذا لا نسمع الآن أصوات منظمات حقوق الإنسان ومنظمات تحرير المرأة الممولة من الغرب..؟. لماذا لم تصدر الخارجية الأمريكية والهيئات الغربية بيانات شديدة اللهجة تضامنا مع كاميليا كتلك التى تصدرها دائما دفاعا عن الأقباط والبهائيين..؟!. إن كاميليا قبل أن تكون مسلمة أو مسيحية إنسانة. لا يجوز قمعها واعتقالها وإجبارها على تغيير معتقداتها الدينية مها كانت الحجج والمبررات.. ان الأديان جميعا جاءت من أجل حفظ كرامة الإنسان وحريته، وكل ما يعتدى على حقوق الإنسان ليس من الدين فى شىء. الديمقراطية هى الحل. http://www.shorouknews.com/Columns/column.aspx?id=292688

مبروك يا خالد وعقبال الفيزا

السلام عليكم سورة القصص إِنَّ قَارُونَ كَانَ مِن قَوْمِ مُوسَىٰ فَبَغَىٰ عَلَيْهِمْ ۖ وَآتَيْنَاهُ مِنَ الْكُنُوزِ مَا إِنَّ مَفَاتِحَهُ لَتَنُوءُ بِالْعُصْبَةِ أُولِي الْقُوَّةِ إِذْ قَالَ لَهُ قَوْمُهُ لَا تَفْرَحْ ۖ إِنَّ اللَّـهَ لَا يُحِبُّ الْفَرِحِينَ ﴿٧٦﴾ وَابْتَغِ فِيمَا آتَاكَ اللَّـهُ الدَّارَ الْآخِرَةَ ۖ وَلَا تَنسَ نَصِيبَكَ مِنَ الدُّنْيَا ۖ وَأَحْسِن كَمَا أَحْسَنَ اللَّـهُ إِلَيْكَ ۖ وَلَا تَبْغِ الْفَسَادَ فِي الْأَرْضِ ۖ إِنَّ اللَّـهَ لَا يُحِبُّ الْمُفْسِدِينَ ﴿٧٧﴾ قَالَ إِنَّمَا أُوتِيتُهُ عَلَىٰ عِلْمٍ عِندِي ۚ أَوَلَمْ يَعْلَمْ أَنَّ اللَّـهَ قَدْ أَهْلَكَ مِن قَبْلِهِ مِنَ الْقُرُونِ مَنْ هُوَ أَشَدُّ مِنْهُ قُوَّةً وَأَكْثَرُ جَمْعًا ۚ وَلَا يُسْأَلُ عَن ذُنُوبِهِمُ الْمُجْرِمُونَ ﴿٧٨﴾ فَخَرَجَ عَلَىٰ قَوْمِهِ فِي زِينَتِهِ ۖ قَالَ الَّذِينَ يُرِيدُونَ الْحَيَاةَ الدُّنْيَا يَا لَيْتَ لَنَا مِثْلَ مَا أُوتِيَ قَارُونُ إِنَّهُ لَذُو حَظٍّ عَظِيمٍ ﴿٧٩﴾ وَقَالَ الَّذِينَ أُوتُوا الْعِلْمَ وَيْلَكُمْ ثَوَابُ اللَّـهِ خَيْرٌ لِّمَنْ آمَنَ وَعَمِلَ صَالِحًا وَلَا يُلَقَّاهَا إِلَّا الصَّابِرُونَ ﴿٨٠﴾ كم قارون لدينا الآن؟؟؟ و كم من مفتون بهم؟؟؟؟ و انظر إلى العظة الجميلة له" وَأَحْسِن كَمَا أَحْسَنَ اللَّـهُ إِلَيْكَ ۖ وَلَا تَبْغِ الْفَسَادَ فِي الْأَرْضِ ۖ إِنَّ اللَّـهَ لَا يُحِبُّ الْمُفْسِدِينَ " و للمفتونين " وَيْلَكُمْ ثَوَابُ اللَّـهِ خَيْرٌ لِّمَنْ آمَنَ وَعَمِلَ صَالِحًا وَلَا يُلَقَّاهَا إِلَّا الصَّابِرُونَ " ليس دعوة لأن يظلوا فقراء .. بل الصبر و الرضا مع العمل الصالح فَخَسَفْنَا بِهِ وَبِدَارِهِ الْأَرْضَ فَمَا كَانَ لَهُ مِن فِئَةٍ يَنصُرُونَهُ مِن دُونِ اللَّـهِ وَمَا كَانَ مِنَ الْمُنتَصِرِينَ ﴿٨١﴾ ألا يتعظون؟؟؟؟ وَأَصْبَحَ الَّذِينَ تَمَنَّوْا مَكَانَهُ بِالْأَمْسِ يَقُولُونَ وَيْكَأَنَّ اللَّـهَ يَبْسُطُ الرِّزْقَ لِمَن يَشَاءُ مِنْ عِبَادِهِ وَيَقْدِرُ ۖ لَوْلَا أَن مَّنَّ اللَّـهُ عَلَيْنَا لَخَسَفَ بِنَا ۖ وَيْكَأَنَّهُ لَا يُفْلِحُ الْكَافِرُونَ ﴿٨٢﴾ تِلْكَ الدَّارُ الْآخِرَةُ نَجْعَلُهَا لِلَّذِينَ لَا يُرِيدُونَ عُلُوًّا فِي الْأَرْضِ وَلَا فَسَادًا ۚ وَالْعَاقِبَةُ لِلْمُتَّقِينَ ﴿٨٣﴾ مَن جَاءَ بِالْحَسَنَةِ فَلَهُ خَيْرٌ مِّنْهَا ۖ وَمَن جَاءَ بِالسَّيِّئَةِ فَلَا يُجْزَى الَّذِينَ عَمِلُوا السَّيِّئَاتِ إِلَّا مَا كَانُوا يَعْمَلُونَ ﴿٨٤﴾ أخيرا فهموا .. و يؤكدها المولى عز و جل " تِلْكَ الدَّارُ الْآخِرَةُ نَجْعَلُهَا لِلَّذِينَ لَا يُرِيدُونَ عُلُوًّا فِي الْأَرْضِ وَلَا فَسَادًا ۚ وَالْعَاقِبَةُ لِلْمُتَّقِينَ" ... الطريق واضح و كذلك الجزاء

السؤال هنا ... والذي أجده يلح على عقلي كلما قرأت أو سمعت كلام كهذا ... ما هي الفائدة من مناقشة هذا الكلام أو ما هو التراث الذي نتحدث عنه .. سنجد أنه تراث ظاهري .. الأكل .. الزي .. المطاعم .. ديكور المطاعم .. زي العيد ... الخ مصر هي كلها تراث وتاريخ ... ومجرد أن تذكر إسم مصر على مسمع أي شخص من أي مكان في العالم .. إسأله عما شعر به عند سماع اسم مصر .. سيقول لك التاريخ .. والتراث .. فضلاً لا تسأل أي من الأخوة العرب وخاصة الخليجيين .. لأنك ستحزن من الإجابة .. الأكل المصري .. نحن في مصر لدينا أكل له نكهة خاصة .. المطبخ المصري غني جداً .. ولكن لطبيعة المصريين .. لم تكن نوعية الأكلات هذه تقدم إلا في المنازل .. فهو أكل بيتي يعبر عن حميمية الأسرة المصرية .. وارتباطها .. قد تجد أن تراث مصر في تلك التفصيلة الصغيرة .. كل الناس تأكل لحم وخضار .. وأرز وخبز .. ودجاج .. وسلطة ... كل بلد يضيف إليها التوابل التي يراها ملائمة لتذوقه ... أو التي تتوافر في بلاده .. نحن أيضاً نأكل كل تلك الأكلات .. ولكن في البيت .. لم نكن بالحرفية الكافية لأن نقدم تلك الأكلات في مطاعم متخصصة أو نضع لها السيستم لتقدم في كل مرة بنفس النكهة والطعم .. مثلما تذكر في المطاعم الصيني أو التايلندي ... الخ أما عن الزي .. فلم يكن يوماً الزي يعبر عن كل الشعب .. إلا في الخليج العربي .. أو في دول أفريقيا .. هل عندما تذهب إلى تايلند .. أو المغرب ستجد كل الناس يلبسون نفس الزي ... لا طبعاً .. التراث الموسيقي العربي .. كله من تركيا ومصر .. حتى أنك إذا ذهبت إلى تركيا .. ستجد كل الراقصات يرقصون على الألحان المصرية .. كيف تقول أن لا تراث لنا .. اللهجة .. السان المصري الفصيح .. والذي بسط اللغة العربية وجعل الجميع يسهل عليهم فهمها .. بل ولسحرها .. سهل عليهم تقليدها وإتقانها هل رأيت أحداً يمكنه إتقان اللهجة المغربية مثلاً .. أو نجح حتى في تقليدها ... محاولة أن نقول أننا شعب بلا تراث .. هي أكذوبة .. وخيال .. يحاول البعض الترويج له مؤخراً .. هل ترى هذا هو تأثيرخليجي على العقل المصري ..

وكتاب الله ما يحصل أمشي في الشارع وأنا لابس جيبه مزركشه ومن غير بنطلون كمان ؟ وإن ما كانش كده يبقى طربوش وأبقى مُطربش ؟ لأ خليني كده من غير هويه بس بكرامتي وبقيمتي ------------- أعتقد إن ما ساعد في حالة اللخبطة اللي إحنا فيها دي هو تعاقب القوى المحتلة لمصر من بعد التاريخ الفرعوني لحد العمثانيين

....انتبه ... السيارة ترجع إلى الخلف ... انتبه ... السيارة ترجع إلى الخلف مين بيتكلم على سواقة الستات ؟؟ طب عندك دليل على اللى حضرتك بتقوله ؟؟ ممكن تقولى احصائيات للحوادث المرورية نسبة كام لكام سيدات إلى رجل؟؟ طب المخالفات ؟؟ .... بص على العموم انا شايفة ان الستات سواقتهم زى الفل ... وتحذيرى اخوى ...بلاش تنرفز بنت سايقة على الطريق ليه بقى ؟؟ ممكن تعمل مجنونة ...وتوديك وتودى نفسها فى داهية علشان تثبت انها ما بتخفش من حاجة ...

بعشق الحرم المكى ...وباحب الحرم المدنى ... بحب السفر واعشق يوم الرجوع .... بحب الاماكن المرتفعة موش عارفة ليه ..؟؟ بحب احساس السمكة ....الغطس تحت المية بيدفينى... بحب فى الله .....واتمنى برضه لو ابغض فى الله ... بحب جامعة القاهرة ...بتفكرنى بشقاوتى بحب السجود ....... بحب الايس كريم ..المستكة والفسدقة .... بحب الساقع موش السخن .... بحب لون شعرى......وماحبش اغيره... بحب استعيل واعمل عبيطة مع الاطفال ... بحب السكر البراون موش الابيض بحب الشاى بالقرنفل... النيسكافيه...بالفانيليا..... بحب ريحة الديتول بيدينى ايحاء بالنضافة.... بحب العدل ....حتى لو كان مساواة فى الظلم ...... بحب الانترنت ...وماحبش التليفزيون ولا السنيما... بحب البنت الجدعة ...اللى بميت راجل ...الرقيقة ..موش عارفة ازاى بحب اللون الازرق بكل درجاته ومشتاقاته..لدرجة انى بفكر اتحول للرجل الازرق... بحب حيطان اوضتى ....وبابها ....احساس بالامان .... بحب الوحدة ....وافتقد اللمة فى اوقات قليلة ..... بحب اصحابى ...بس مابعرفش احافظ عليهم معظم الوقت .... بحب التورية ...والكنايه ...اساليب ذكية للنقاش ... بحب البنت الذكية وبكره الاستغباء.......... بحب السواقة بالليل .... بعشق البطيخ والكانتلوب .... بحب النقاش بس بكره الجدال ....بينرفزنى .... بحب المياه ....كائن مائى ....لازم افضل ماسكة كوباية فى ايدى .... بحب المسكنات ...حتى فى حل المشكلة لازم الجأ لتسكين الالم فى الاول .. بحب التورتة ...اكتر من الجاتوه ... بعشق البطاطس المحمرة ...بتلعب فى انزيمات المخ عندى وبتدينى شعور بالرضا غريب بحب لا ...غالبا ما تبقى احسن من ايوة ....او نعم ... مابحبش الشيكولاته ...وباستغربنى مابحبش السنيما ....الرسم ...المزيكا ...ولو انى ابان ذواقة ؟؟ ماحبش مياصة البنت على البنت ... ماحبش اللب من غير ملح ماحبش الزحمة ... ماحبش ارغى ....بحاول مارغيش ... ماحبش التلطيع ...واللزقة .... ماحبش النيسكافيه بلاك ... ماحبش الحقد ...وباكره الاستغلال ... ماحبش الافتاء ...بحب اسمع كلمة ماعرفش ... محبش عصبيتى ...بحس انى كائن تانى موش انا .... بكره الصداع .....وباترعب منه ..... بكره تسرعى ....ودورانى 180 درجة ....بطوح بطول دراعى ماحبش المحشى ...بس مافيش مانع اكله ... ماحبش البط ولا الوز ولا اى كائن مستضعف وليه جناحات (كسرة الجناح وحشة ) ماحبش اتصل ببابا اقوله الحقنى ....اصلى بخضه ... ماحبش اللون الكحلى ...ولا التايجر ... بكره اللف والدوران حوالين المعلومة ...هات من الاخر ... ولســــــــــــــة

السلام عليكم وَالَّذِينَ يُؤْتُونَ مَا آتَوا وَّقُلُوبُهُمْ وَجِلَةٌ أَنَّهُمْ إِلَىٰ رَبِّهِمْ رَاجِعُونَ ﴿٦٠﴾ سورة المؤمنون قارن هذا بمواكب توزيع الصدقات التي تحمل صورة هذا أو ذاك بل أسأل ...أهذا الشعور الخفي " وَّقُلُوبُهُمْ وَجِلَةٌ" هل هو ما يخالجنا و نحن نتصدق؟ أم يخالجنا العُجب؟ لن يطلع على هذا إلا الله تقبل الله منا و منكم و أصلح حالنا و المسلمين

متشكر جدا لحضرتك يا موريال أنا كنت عايز أعرف بما إنى غالبا مش حلحق الميشن ديه. كنت عايز أعرف هيه الميشنز فى سوريا مواعيدها إيه يعنى بتبتدى إمتى و بتننهى إمتى ؟ و هل الناس اللى إتأخر عليهم الإنترفيو سنة كان عندهم حاجة هيه اللى طولت المدة ولا هما مثلا طلبوا تأجيل المقابلة أو تغيير المكان و هوه ده اللى أخرهم ؟

بقى نسبة الستات اللى بتسوق كويس واحد فى المية اه ه ه وبعدين بقى كلكم شغالين على الستات فى المحاورات اليومين دول حضرتك وعنبو وسمبا - خير - هو مفيش غيرى بيرد عليكم ومالها سواقة الستات انا ليا اكتر من 6 سنين بسوق العربية ما عملتش غير حادث واحد فقط ومخالفات مرة كسرت الاشارة الحمرا لان ابنى كان فى المقعد الخلفى وبيعيط جامد وما انتبهتش ان الاشارة حمرا بحاول اسكت فيه كسرتها ولقتطتتنى الكاميرا ودفعت 50 دينار مخالفة لكن تعالى لتاريخ جوزى فى المخالفات والحوادث ولا اخويا قصة كبيرة انا بجد سواقتى بحرص وكل حاجة فى الطريق قرياها اثناء القيادة يعنى حتى لو مفاجاه بابقى خلاص واخدة بالى يعنى فى ستات سواقتهم افضل من الرجالة بكتير بجد بجد ميرسي اغابي

مش عاوزه احبطك ياسي السيد لكن ـ لو لاقدر الله ـ في حرامي ( حط شقتك في دماغه ) مستحيل هتقدر تمنعه مهما عملت .. في العمارة الي والدي ساكن فيها البواب الله يحرقه مطرح ماراح مات وساب ثلاثه ابناءه بلطجية .. بعد تعدد سرقاتهم لشقتنا وشقق بعض الجيران معانا ـ وخلي بالك من ( تعدد ) دي ـ اكتشفت ان فعلا مفيش فايده .. كالون كمبيوتر يتركب على الباب بكل بساطه ( بيفش ) الكالون .. وعملة فش الكالون دي بيعملها اي حرامي مبتديء وهتلاقي على غلاف الكالون من برا تعديد لمزاياه منها انه ( ضد ) الشنيور وضد الطفاشة وضد مش عارف ايه تاني الي هو ضده .. تركيب باب حديد وركبنا .. برضه الباب الحديد في الاول والآخر بيتقفل بايه ؟ بكالون .. والمذكور اعلاه بيعرف يفش كوالين وبالتالي فجرى عليه ماجرى على باب الشقة الاصلي .. احدث حاجه والدي اشترى من ساكو كالون خمستلاف سكه بيتفتح بكذا مفتاح .. مش المفاتيح دي كوالين ؟ خلعه لنا خالص .. كل يوم كنا نلاقي مسمار منه مفكوك لما قررنا نشيله بدال ماهو محطوط ديكور .. احلى ماعملناه بقى .. جهاز انذار بيشتغل بالاشعة الحمراء .. يلقط الي يعدي من قدامه ولو مدخلش الرقم السري خلال ثواني تطلع سارينه تخرم ودن الميتين .. اظن كده يعني عدانا العيب وقزح زي مابيقولوا .. ببساطه شديده .. البيه البواب بيشد سكينة الكهرباء كل مايكون البيت فاضي ودي اكتشفناها لما تكرر انقطاع الكهرباء بالصدفة عن البيت وقت ماكل الي فيه يكونوا خرجوا مثلا ومعاهم شنط سفر رايحين مصيف او كده ويكون حد مننا بالصدفة باقي في البيت فيقطع عليه النور وينزل ليجد السكينة مرفوعه من تحت .. وقال ايه .. عيال صغيره بتلعب جنب العدادات .. وطبعا طالما مفيش كهربا يبقى مفيش انذار هيشتغل وعيش يامعلم .. في خلال تلك المرات المتعاقبة ولما لقينا مفيش فايده خاصة وهم متابعين البيت وشايفين الي رايح والي جاي وبيعرفوا امتى تكون الشقة فاضية.. في البداية كنا بنلاحظ ان ( الدكتافون او الانتركم ) بيرن ولما نرد محدش يتكلم .. اتاريها دي طريقة مش بطاله برضه للتأكد من اننا في البيت ولا لاه. . جاء اليوم ومسكناهم متلبسين .. خلاص مفيش مفر .. بلغنا البوليس وانقبض عليهم .. وطلعوا براءة زي الشعرة من العجينة اصل واحد من البهوات ( مرشد مع البوليس ) زي ماقالت الست الهانم والدتهم في التحقيق قدامنا .. اخر مازهقنا خالص وبعد ماالكوالين مش نافعه والابواب مش نافعه توصلنا لحد ( معرفة ) في الشرطه بعت استدعاهم بشكل ( غير رسمي ) ( للدردشة ) .. بكل اسف مجرد ماشكوا ان لنا ( ظهر ) نقلوا نشاطهم لشقة الجيران الي صادف برضه انهم بكل اسف مضطرين يسافروا كل شويه .. هتسألني صحيح عن الجيران هقولك ان معظم شقق العمارة الي والدي فيها مسافرين وطبعا لما يكون حاميها حراميها هيكون ده الوضع .. وعلى فكره لو الحديد المتركب على الشبابيك مش ( متبرشم ) يعني المسامير بتاعته بعد ماتركبه على الشباك ( يتلحم ) عليها بأوكسجين يبقى اعتبر نفسك مش مركب حديد لان ببساطه مفك صغر على المسامير يخلع الحديد كله واهو بيتباع بمبلغ مش بطال برضه .. بالمناسبة .. في خبر العصابة الدولية في حاجه مش مظبوطه مخليه الخبر مش راضي يدخل دماغي بتفاصيله الدقيقة دي ..

أخي الفاضل خطاب المولى سبحانه و تعالى يأمرنا بعدم الاستسلام لليأس و لن تجد فيه لوم على من يسبب هذا اليأس لأن الحياة ببساطة تقوم على التحديات التي تواجه الانسان و ان على الانسان أن يتسلح دوما بالإيمان لمواجهة تلك التحديات و ليس الحل في الغاء التحديات ستظل المنغصات و المكدرات موجودة إلى قيام الساعة و لاسبيل لمواجهتها إلا بنبذ اليأس و التسلح بالأمل المؤمن الحقيقي لا يوجد في قاموسه إلقاء اللوم على الآخرين و تحميلهم سبب كل مصيبة فهو يعلم ان الطريق طويل و شائك و أنه لا فائدة من لوم من يفقدنا الأمل و إنما الأجدى في رأيي هو التسلح بمزيد من الأمل و هذا لا يأتي الا بالإيمان السليم دون غلو

مش هقول أكتر من كده على فكره محمد مسلم اللى قطعوه فى لبنان قرأت من فترة انه برىء من تهمة القتل !!! :wub:

السلام عليكم انا هسافر كندا كمان سنه ان شاء الله انا معايا بكاليريوس خدمه اجتماعيه يا تري معادله الشوسيال وورك صعبه و ايه النظام انا دورت هنا كتيير عن معلومات عن معادله و شغل تخصصي بس ملقتش حاجه تفيدني للاسف ورمضان كرييم عليكم :wub:

إنما القضية صراع بين عقل ناقد وعقل ناقل كالعادة .. كلمة حق أريد بها باطل يكفي إسم أحمد صبحى منصور

الله يخليك يااخ يوسف واحجزي لي مكان جنبك ربنا يكتبلك الخير انت وعائلتك الكريمة

اسمح لي اخي الفاضل فمن وجهة نظري ارى ان ظهور المتأسلمون والمتأقبطون لم يكن نتيجه لشيوع فقدان الامل وانما كلاهما عرض ونتيجه لتراجع العقلية المصرية والذي اصبحت على مايبدوا سمة لنا في السنوات الاخيرة وبكل اسف .. مستوى التعليم في مصر انحدر ومنذ عقود .. والقائمين حاليا على التعليم هم ذاتهم نتاج نظام التعليم المتهالك وبالتالي فما يخرجونه لن يزيد في المجتمع الا تهالكا ولن يزيد العلم الا انحدارا . . مسلمة لا تحتاج الى تفكير . الثقافة اصبحت شبه منعدمه بل ومحصورة ان تحدثنا عنها في الفنون بانواعها من موسيقى ورسم ورقص وغناء وتمثيل .. هذه هي الثقافة ( الشعبية ) الموجهة لعامة المصريين بطبقاتهم الدنيا والمتوسطة فيما يتم حصر الانواع الاخرى من التي تعتمد في اساسها على اعمال ( الفكر ) في طبقات شديده الخصوصية من المثقفين .. الثقافة بمعناها القاصد الى تفتيح الذهن واشغاله بما يوسع افقه ومداركه لم تعد موجوده واستبدلت بالرسائل المباشرة التي توجه للعامة عن طريق المسلسلات او المقالات السطحية في وسائل الاعلام المختلفة .. المحصلة .. شعب في مجملة سطحي لايجد مصدر لتلقي العلم الصحيح وان وجده فهو دائما مايبحث عن ( الكبسولة ) او الحلول الجاهزة والملخصات السريعة لكل مشكلة تقابله او قضية تشغل ذهنه .. العقل المصري اصبح في اجماله مثل المعدة المريضة التي لم تعد قادرة الا على ( المسلوق ) .. الجاهز .. ( المتقشر ) الذي لا يحتاج الى مضغ او هضم . . ولهذا فلا تتعجب سيدي ان لجأ البعض الى قشور الدين عوضا عن لبابه فهذا ماتعودوه وهذا اقصى مايستطيعه عقل توقف عن العمل منذ عقود . هذا بخلاف ان الغالبية العظمى اصبحت منشغلة بالبحث عن ( لقمة العيش ) بدلا عن الانشغال بالعلم والتحصيل .. بل حتى من يفكر في الاطلاع وتوسيع المدارك سابحا عكس التيار سيصطدم غالبا بصخرة الواقع .. فلا مصادر لتلقي العلم السليم ولا امكانيات مادية لدعم هذه الرغبة ان وجدت ..كتاب العلم الوحيد الموجود في كل بيت هو القرآن الكريم او الكتاب المقدس وفيما عدا ذلك فامر متروك للظروف .. ولهذا فستجد الدين هو اقرب مايفتى فيه من كل من هب ودب فهو الامر الوحيد المتاح الاطلاع عليه للكل .. فان اضفنا الى هذا نوعية ( العقليات ) التي سوف تطلع ومن ثم تستنبط وتتصدى ( للفتوى) توقعنا وبكل سهولة نوعية ماستتحفنا به من نتائج .. المتاسلمون والمتأقبطون بل وحتى عبدة الشيطان كلها ظواهر لحالة التخلف العام التي اصبحنا نعيشها وعلى كل الاصعده فلماذا نتعجب ان ظهرت ايضا في الدين .. نحن نعيش عصر الانهيار في الموروث الثقافي والعلمي لشعب المصريين بأكمله .. مازال البعض صامدا ولكن وان استمر الحال على ماهو عليه فهي مسألة وقت فقط حتى يسلم هذا البعض ويعلن انضمامه الى القطيع ..

انا ارى ان الانسان اذا اصيب بالاحباط او فقدان الامل فعليه الا يذهب الى التدين السطحى ولكن عليه ان يذهب الى الخماره او البار كما فى الافلام وليحتسى البيره والويسكى والخمره حتى يجد الامل كاتب المقال طرح ان فقد الامل هو السبب فى اخراج جيل جديد من المسلمون السطحيين ولم يكتب لنا هل هو ذنبهم انهم فقدوا الامل ولم يهاجم من افقدهم الامل ويحاول ان يحل هذه المعادله الصعبه وكيف نعطيهم الامل وبعد ذلك دخل الساده المحاورون ليسقطوا الذنب على هؤلاء الذين فقدوا الامل ولم يتكلم احدهم عن من افقدهم الامل وبعضهم ذهب الى ان الدين هو سبب تخلفنا كما تخلفت اوربا فى القرون الوسطى لا ياسيدى اوربا تخلفت عندما كانت الكنيسه مسيطره على اوربا وعندما تركت الكبيسة الامور تقدمت اوربا ولمن يقرأ التاريخ كنا فى نفس الوقت متسكين بالدين فكنا متقدمين فى وقت تخلف اوربا وتاخرنا عندما تركنا الدين

لخبطتيني يا باشمهندسة ... عريس و الا عروسة لنوف ؟؟؟

دكتورتنا العزيزه أولا إنتى لم تذكرى إن كانت فرصة السفر اللى قلتى لنا عليها فرصة عمل و اللا لأ لو كانت فرصة عمل فهى فعلا فرصه لأن العمل كطبيب فى الإمارات شئ صعب جدا لأنهم بيعملوا إمتحان مش سهل زى ال MRCP فلو كانت فرصة عمل فتوكلى على الله لأن أهل الإمارات إذا وجدتيهم أساسا ناس طيبين جدا بالمقارنه ببقية دول الخليج فلو حبيتى تستنى لما تبقى أخصائى الشغل مش حيستناكى و طبعا الراتب مش حيزيد بعد الماجستير إلا لو فيه خبره كمان يعنى السفر حيكون مش أقل من بعد 5 سنين على الأقل ... يدينا و يديكى طولة العمر . ثانيا الزماله المصريه و عن خبره لبعض الزملاء فى مصر مش معترف بيها بره مصر على ما أعتقد و هى غير منظمه جيدا حتى الآن اللى دخلوها ما كانوش مبسوطين فيها لغاية ما تركت مصر فى أوائل القرن الحالى . بالنسبه للدبلوم لو حبيتى تآخديه ... كل دول الخليج بإستثناء السعوديه بتطلب ماجستير و الدبلوم فرصته قليله فى السفر أما فى السعوديه و لكونك بنت ففرص الشغل متوفره لك بأى شهاده ما تقلقيش و ال MRCP أو الزماله البريطانيه فلا تتطلب التفرغ و هى من جزئين نظرى و جزء CLINICAL و الإمتحان بيتم فى كل دول الخليج و رسومه فى الكويت على سبيل المثال 225 دينار كويتى يعنى إنتى بتشتغلى و تذاكرى و فى موعد الإمتحان تآخدى لك كام يوم أجازه و تمتحنى و لو الموعد مش مناسب لك ممكن تدخلى فى الموعد اللى بعده أو فى موعد آخر فى بلد خليجى آخر . و بالنسبه للبورد العربى فأنا أول مره أسمع عنه و لكن نصيحتى إبعدى عن كل ما هو عربى فى العلم عموما و فى الطب خصوصا و لو سافرتى أى بلد عربى ممكن تبدأى تعملى الMRCP و إنتى بتشتغلى زى ما قلت لك . و بالنسبه للتخصصات المطلوبه زى ما قلت لك فى السعوديه كونك بنت فده تخصص مطلوب فى حد ذاته و بمرتب مش بطال حتى لو كنتى ممارس عام و طبعا يا ريت يبقى نسا أما فى باقى الدول الأخرى فيا ريت يكون تخصص مفيهوش نبطشيات متعبه زى الأشعه التشخيصيه أو التحاليل أو الباثولوجى و بالتوفيق إن شاء الله و طمنينا عليكى

استاذنا الفاضل سكوربيون شكرا لتعليقكم المعتدل والذى ينم عن شخصية متفتحة واسمح لى ببعض التعليقات البابا لم يحدد مكان معين ولكنه طلب مكان للصلاة فمن اين جاءت مكه اما بالنسبة للزميل الفاضل القائل الافضل الا نذهب الي السعودية ليس هذا حلا عمليا سيدى ولكن لو سيادتكم كتبتم فى باب الهجرة الى كندا مثلا الافضل حفاظا على مشاعركم لا تذهبوا الى كندا لانهم قرروا غلق المساجد وهذا لن يحدث لان اساس الحياة هي احترام ومحبة الاخر واعطائه ابسط حقوقه فى مكان للعبادة ماذا سيكون رد فعل الاعضاء الافاضل اللى اختشوا ماتوا!!!! الفاضل دياب واللى يقول يلعبوا.........ايه راي سيادتكم فى اسلوب الحوار اخيرا استاذنا الفاضل ارجو من سيادتكم حذف الموضوع ان لم يلتزم الاعضاء بمستوى الحوار الراقى المميز لمحاورات المصريين وشكرا لسيادتكم

إني صائم إني صائم

طب ايه المشكلة لو اتبنت كنيسة فى السعودية ؟؟؟

اللي أختشوا ماتو صحيح تفتكروا ممكن يجي اليوم اللي هتلاقوا فيه الصليب متعلق كدة جنب الكعبة الله يرحم السادات كان لما يتعوج يروح موضبه فيرد و يروح يقوله أحنا أسفين يا صلاااااااااااح