لوحة القادة

خـلاص يا اكرم باشا وعلشان خاطرك وانت عارف ومتاكد انت غالي عندى جدا وبعتبرك فعلا الاخ الذى لم تلده امى وانا باسف جدا على حالى وان كلمة شتيمة بسيطة قدرت تستفزنى للدرجة دى المفروض انى ما استفذش بسرعة عموما لاخوانى اصحابي المسلمين وانا منزلة تهنئـة فى موضوعين موضوع - رمضان والعيد فى كندا - للاخت دامو وموضوع كل سنة واحنا طيبين - للاستاذ سكوربيون وكل سنة واحنا كلنا طيبين وانتهز الفرصة واقدم شكر خاص جدا للاستاذ سكوربيون واللى نفسي فعلا اتعلم طريقته فى الحوار الهاديء المتزن داه ومسيري حاتعلم برضوه ومناقشة اى موضوع حتى لو مستفز بالهدوء الجميل داه بس انا كان ليا وجهة نظر وبعرضها وبدافع طبعا عن حق انساني وشكرا ليك يا اكرم لانك هديت النفوس بجد وشكرا كمان لمغتربه وللمهندسة الفاضله واللى بحترمها جدا وصدقيني يا بشمهندسة المشاركة بتاعتك عملت احاسيس وحاجات جوايا - - مش حاقدر اوصفها بجد بجد - اخجلتيني شكرا ليك ولمحبتك ولاسلوبك الراقى تمنياتى بعيد سعيد اختكم اغابي :roseop: :roseop:

اتمني ان يأتي اليوم الذي نناقش فيه تلك المسائل الحساسة بدون ان نترك أنفسنا تنصاع وراء إغراء الأسلوب الهجومي ... بدون البحث عن اي نقطة نجدها تندرج تحت بند نقاط الضعف و نبروزها و نبالغ فيها... اعلم ان هذا الأسلوب هو الأسهل .. فالهدم دائمآ أسهل كثيرآ من البناء ... و لكننا الآن اعزائي لا نملك رفاهية هدم آخر .. شقوق أخري .. أسوار أخري ... عزيزتي أغابي ... مثلما طلبت من الفاضلة maramero ان تنظر الي الأمر من جميع جوانبه و ليس من وجهة نظرنا نحن فقط .. أطلب منك ان تنظري معي الي تلك المسألة من زوايا أخري .. و هنا الديبلوماسية او غض الطرف لا علاقة بهما بما نناقشه ... سأضرب لحضرتك مثالآ عما اود ايصاله ... هل توافقي علي الطلاق في المسيحية ؟؟ بالطبع الجواب سيكون بالنفي ... و ببساطة لأننا عندما نتزوج نعلم تمامآ ان تعاليم الكنيسة ترفض تمامآ تلك الخطوة ... لذا نتقبل هذا الأمر بحلوه و مره ... نعلم تمامآ اننا متي قررنا الأرتباط الكنسي بشخص فسيكون هو من يقاسمني حياتي و كهولتي حتي الممات ... و لن يغير من الأمر شيئآ اذا كانت تجربة فاشلة .. فلقد سبق السيف العزل .. الحل في تلك الحالة هو الأبتعاد عن الكنيسة و لا توجد اي شكوي مهما كانت منطقيتها ستجعل من الكنيسة تغبر من تعاليمها في سبيل ذلك ... اذا أردت ان اشتري ثلاجة أعجبتني في محل ما .. و عند الشراء وجدت ان سياسة هذا المحل المعلنة بشكل واضح ان "البضاعة المباعة لا ترد و لا تستبدل" و بالرغم من توجسي لكن اغراء تلك الثلاجة كان أقوي من تخوفي و اشتريتها ... خلاص .. مهما وجدت بها من عيوب بعد ذلك لن استطيع ارجاعها مرة أخري .. فالعقد شريعة المتعاقدين ... عندما اوافق علي الذهاب للعمل بالسعودية .. فأنا "كمسيحي" اتقبل الأمر بحلوه و مره ... فمن أجل "الحلاوة" اي امكانية تحقيق مستوي افضل قليلآ من مستواي اذا بقيت في مصر في الوقت الراهن .. يجب علي انا اوافق أيضآ علي المر ... عدم وجود مكان عبادة طبيعي مثلما الذي تعودت عليه في مصر.. فأنا أعلم ذلك مسبقآ ... لا توجد هناك كنيستي بصلبانها و أجراسها و لقاءاتي الدورية بمعارفي و احبائي بها ... لم يضحك عليا أحد ذاكرآ انني سأجد شيئآ مماثلا هناك ...فعلي اذا ايجاد حل ممكن ... و هو الذي يقوم به جميع المسيحيين هناك الآن ... بل دائمآ ... و لا أعتقد ان هناك شيئآ غير طبيعي قد جد حتي يتم تغيير هذا الوضع .. نفس الأمر لأخوتي المسلمين عندما يذهبون الي دول أوربية او امريكية فهناك كثيرآ من العادات بل و الحقوق التي يوفرها لهم الأسلام عليهم التضحية بها .. او عدم ممارستها ... لكل بلد قوانينه و اجواءه ... و علي ضيوفه احترام ذلك ... منذ فترة قصيرة أضطررت للبقاء في لوكسمبورج لمدة طويلة زمنية ... و في البقعة التي كنت بها لم تكن هناك كنائس أرثوزكسية ... كلها كاثوليكية .. و كنت أصلي بها عادي .. و لكن عندما "هفني الشوق" الي قداس أرثوزكسي .. قطعت مسافة 4 ساعات بالسيارة لحضور قداس مماثل و العودة نفس المشوار ... وجدت ان هذا الأمر عادي ... كانت تضحية قمت بها بسعادة و ايمان .. و أعتقد ان ثمنها في السماء أغلي بكثير من اذا كنت وجدت تلك الكنيسة علي بعد امتار مني ... تبقي نقطة أخيرة أوجهها لأخوتي المسلمين المشاركين في هذا الحوار ... موضوع الفاتيكان .. و الذي كفاني العزيز أحمد سيف محاولة شرح الفرق الشاسع بين وضعه و ووضع السعودية ككيان مدني .. فأدعوكم لقراء مداخلته تلك مرة أخري .. أعزائي .. ليس بالضرورة ان يكون لكل طلب سبب مخفي ... اي انسان طبيعي يبحث دائمآ علي ما هو أقضل لنفسه و لجماعته ... فهذا شيء طبيعي جدآ ... علينا فقط ان ندع جانبآ حساسية و تربص أعاشونا فيه حتي تغلغل داخل نفوسنا حتي النخاع ... تكفي فيه اي هزة صغيرة حتي ننفجر جميعآ صائحين مهاجمين أحدنا الآخر ... بينما يمكننا الأختلاف بمحبة ... يمكننا بسهولة رفض الفكرة بتفنيدها منطقيآ لا بالشعارات الحماسية او باحضار روايات مبالغ فيها من أرشيف الكراهية ... تحياتي

إذا تحدثنا عن مصر لا أو أؤيد العصيان .. السلمي ولا حتى بالعنف .. ولا بأي شكل من الأشكال إشراك الشارع أو اللجوء للشارع في مصر عملية في منتهى الخطورة مشاركات الشارع المصري في أي من حالات التمرد سابقاً .. كانت نتائجها سلبية في كل المرات

اهلا بكم مرة اخرى السلام على الجميع وعلى من اتبع الهدى,,,,,,,, الى الاخت اغابي .........(اجل انا مواطن سعودي و سعادتي لا توصف بالانضمام الى منتداكم الذي لا اشعر فيه بالغربة) رجوعا الى موضوع (الحرية الدينية) الذي (حصرتيه)في بناء دور العبادة .....اقول (هل جموع النصارى والهندوس والبوذيين واللادينيين)في المملكة العربية السعودية يشكون من عدم حرية العبادة؟؟؟؟؟؟؟؟ هناك فرق بين حرية العبادة (واستخدام الدين)لتغيير استقرار و كيان مجتمع (اختار بمجموعة )طريقة حياة معينة......وبين الا تؤثر على على كيان ذلك المجتمع... فكياننا (نحن) و مجتمعنا (نحن) سيتهدد لو (فتحنا باب الحرية لكل صاحب دين او ما يعتقده الاخرون) فنفتح معبد بوذية وهندوسية ومعابد لتقديس البقر او الطاووس او (الاعضاء الجنسية كما في التبت) وعبادة الكواكب .والبهائية والقديانية واتباع الساينتولوجي!!!!!!!!!!.... اجل قد تكون بعض البلدان (تستطيع ذلك) كالهند و بلاد فارس او ماليزيا واي بلد ذو تراكمات تاريخية معينة ومرة اخرى (لا مجال للمقارنة بالبلاد الاخرى) التي اختارت (العلمانية بمحض ارادتها) فسمحت بحرية الاديان والسياسة والجنس(فهذا الامر لا يلزمنا)......فهاهي سويسرا تسمح (لاتباع ديانة ) بتقرير مصير (طريقة عبادة ديانة اخرى) بالتصويت والديمقراطية....(فماذا ستكون النتيجة لو اتبعنا الديمقراطية السويسرية بالسعودية)؟؟؟ ورغم وجود دور عبادة (للمسلمين) في اوروبا الا ان ذلك (لا يعني وجود حرية كاملة تامة للعبادة) فمن حقك ان تصلي(وهذا جيد) لكن لا يسمح لك مثلا(بتعدد الزوجات)في نفس الوقت الذي يسمح لاخرين (تعدد القيرل فرندز)او الزواج (المثلي)امراة بامرأة ورجل برجل(فلماذا هذا التمييز لمن ادعى حرية العبادة)؟؟؟ يسمح (للراهبة بحجاب يغطي رأسها وهذا حقها بلا شك و تمنع او تضايق المسلمة ان غطت رأسها في المدارس والاماكن العامة ويسمح للسافرة لبس القصير وكشف سرتها وبطنها؟؟؟؟) ومع ذلك لا يحق لي كمسلم (اجبار تلكم المجتمعات على اتخاذ مبادىء الاسلامية) فان لم اتكيف بالوضع (فعلى انا ان اخرج) اذن (هناك عدة عوامل تاريخية واجتماعية اوان اردت ادعاء الثقافة جيوبولتيكية) تحدد سقف ومساحة (الحرية الدينية) ولكنها تظل (حرية دينية) ممكن ان نعتبرها (حرية نسبية)و صدقوني من (تجربة شخصية و خبرة في مجال العمل)مع اشخاص من ديانات اخرى (نصارى و بوذيين و غيرهم)كثير منهم يرغبون (بشدة) بنمط المعيشة بالسعودية على شتى الصعد (مثلما هناك كثير من المسلمين-وانا احدهم-ممن يحبون كثرا من انماط المعيشه في الخارج -اوروبا وغيرها)

سبق أن ذكرت لكم أن إبنى أهدانى جهاز قراءة إليكترونية Amazon Kindle و ذكرت أن هذا الجهاز أعطانى قدرا كبيرا من المتعة. ما سبق كان إستهلالا لابد منه جهاز Kindle لا يدعم اللغة العربية و لكنه يدعم صيغة ال PDF و معظم الكتب العربية الإليكترونية عبارة عن scan للكتب و هو فى صورة pdf . المتعة الكبرى مع Kindle هى قراءة الكتب و المجلات الموجودة باللغة الإنجليزية و عدد من اللغات الأوروبية تشترى المجلة أو الكتاب و يصل إليك فى زمن أقصاه 60 ثانية و تكلفة النسخة الواحدة من جريدة الديلى تلجراف 75 سنت أى حوالى أربعة جنيها مصرية. دعنا من المجلات و الكتب الإنجليزية فى الفترة الأخيرة أنزلت حوالى 35 كتاب عربى على جهاز Kindle و إستغرقتنى القراءة و هى متعة إفتقدتها لفترة من الوقت ، الممتع فيها أنك تحمل لوح أردواز أو جهاز Kindle و فيه عشرات من الكتب و تبدل فيها كيفما تريد و كل هذا فى جهاز وزنه أقل من 300 جرام. العيب أن القراءة ميكانيكية صفحة وراء صفحة فى الكتب العربية ال pdf لا يوجد إلا الصفحة التالية أو الصفحة السابقة فقط بعكس الكتب الإنجليزية حيث يمكن البحث و إستخدام القاموس. أن تحمل مكتبتك معك متعة كبيرة

سمعت عن موقع facebook منذ فترة ليست بالقصيره والحقيقة وقتها لم أعر الأمر إنتباها وقد وصلتني عدة دعوي من أصدقاء المهم قلت ادخل واشوف إيه النظام الحقيقة بعد أول ربع ساعة جالي ذهول فلو انك قلت لأكبر أجهزة مخابرات في العالم ان المعلومات دي هتكون في أيدكم كانوا اتهموك بالجنان الرسمي الحقيقة كم المعلومات المنشورة مفزع للغاية ولا توجد خصوصية داخل هذا الموقع اللي لفت إنتباهي أن تخصصي اساسا تحليل البيانات أو فرع في علم الحاسب يسمى Data Mining فباتكلم من هذا التخصص إن كم المعلومات المتاحة للتحليل بشع وكم الاستنتاجات اللي ممكن تطلعها من بيانات الأشخاص مهول ياترى إنتم رأيكم إيه في الموقع وفي الخدمه بشكل عام؟

سبب كتابه موضوع جديد اننى فى الفترة الماضية وجدت هنا فى كندا بعض الفرص منها على سبيل المثال واحد مسافر اجازة شهرين و سيترك شقته بالفرش و التليفون و الانترنت و التليفزيون مغلقة و يعرضها للايجار بسعر رمزى بدل ما يقفلها على الفاضى قد تكون مناسبة لواحد اخر جاى كندا لاندنج مثلا او فى رحله عمل .(كلاهما سيستفيد الاول بايجار شقته و الثانى بالسعر الرخيص) واحد اشترى سيارة موديل حديث و عنده سيارة موديل قديم عارضها بسعر كويس او عاوز يخلص من مصروفات الباركنج و التامين ممكن توصل انه يعطها لواحد هديه يعنى ببلاش واحدة اشترت غساله فى البيت و اكتشفت ان ادارة العمارة ترفض استخدامها فى الشقة و عاوزة تبيعها او تديها لاى واحدة هديه واحد عاوز يشترى (تليفزيون _كمبيوتر _انتريه _سجاد _ ............) جديد و عاوز واحد ياخد القديم سواء مجانا او بسعر رمزى وامثله اخرى كثيرة لذلك قد يصادف احد منا فرصة فى: سكن او سيارة او سلعة او اى شىء قد يكون غير مناسب لى فى الوقت الحالى اعرضه هنا و قد تحتاج : سكن (مؤقت او دائم) سيارة (ايجار او شراء) سلعة او خدمة اكتبها هنا

ذاكرة كمبيوتر تعمل كالدماغ http://www.alqabas.com.kw/Article.aspx?id=635314&date=09092010

عندما يقترب أي عيد من أعيادنا انتظر دائمآ ... انتظر رؤية تهنئته علي صفحات المحاورات .. فدائمآ كان هو السباق بالتهنئة ... و بالرغم من مغادرته لنا و لكن تبقي سطوره دائمآ مشعة .. وددت ان لا نقطع عادة بدأها معنا فلم أجد أفضل من كلماته تلك التي سبق و هنأنا بها كي أعيدها عليكم بدوري ... إخوتي و زملائي الأعزاء .. أرق امنياتي القلبية اليكم جميعآ بالعيد ... بارك الله فيكم و منحكم الصحة و السعادة و راحة البال .. و الرضا منه و مع الحياة كلها .... انتم و جميع من تحبونهم ... كل سنة و احنا كلنا طيبين .... :wub:

توثيقا للوجوهات المناسبات المختلفة الخاصة بشعار منتدي محاورات المصرين بعد الانتقال للإصدار 3.1 من برمجيات النتدى .. اللوجو العام لوجو شهر رمضان المبارك - بدون مدفع الإفطار لوجو شهر رمضان المبارك - مع مدفع الإفطار لوجو عام للأعياد -------------- اللوجو القادم بإذن الله سيكون بمناسبة نصر أكتوبر المجيد --------------- الرجاء من أستاذنا الفاضل عادل أبو زيد استخدام لوجو العيد خلال الإسبوع الحالي .. بخصوص العيد السنوي للمحاورات .. هل هو 29 ديسمبر أم هو يوم آخر؟

السلام عليكم يعنى حضرتك شايف ان مبارك يحكمنا لان الله قد اختاره او لانه قدرنا الذى قدره الله علينا ، وطبعا لاراد لقضاء الله . أى منطق هذا؟ وترى انه بدلا من تغيير الحاكم ، يجب علينا ان نغير انفسنا لنتناسب مع الحاكم ، وبعد ان يغير كل منا نفسه علينا ان ننتظر ان يغير الناس جميعا انفسهم ، وبعد ذلك لايهم ان نغير الحاكم ام لا ، لاننا بالطبع سنكون خانعين خاضعين راضيين بما قدره الله من الحكام ، ولابأس من الدعاء ليل نهار للحاكم الذى اختاره الله لنا. ومن رأيك انه لا للبرادعى لأنها طلبها ، أى آراء تلك التى تعرضها علينا سيادة الرئيس؟ كل رؤساء العالم وكل نواب برلمانات العالم يسعون الى تلك المناصب ومن ثم يختارهم الشعب ، يحدث هذا بدءا من " الفة " الفصل الابتدائى الى رئيس الدولة، ياترى حسنى مبارك طلبها ام لم يطلبها؟ ام ترى ان الله هو الذى اختاره فأوحى لأعضاء الوطنى ان يختاروه لانه اختارهم؟ أرجو ان تراعى انك تتحدث الى ناس لايزال لديها بقية من عقل لم تفقده بعد .

باشمهندس يوسف اولا كل سنه وحضرتك والاسره الكريمه بخير وسعاده ثانيا موضوع اكثر من رااائع ياريت بقى نلحق نشوف كام اعلان قبل السفر

والله العظيم إتصدمت من وجهة نظر النخبة المثقفة في المحاروات يعني قفلتوها في وشنا وكأن خلاص نرضى بالأمر الواقع وكل سنة وإنتم طيبين وأهو يروح مبارك الأب ييجي مبارك الإبن .. واللي يتجوز أمي أجول له يا عمي وإحنا ولايه هانعلم إيه يا بوي ؟ وأبو أدهم داخل يشمعها بالشمع الأحمر .. لا أؤيد لا عصيان مدني ولا سلمي ولا حربي ولا حاجه أبداً ... وهي كده مالهاش حل يعني مالهاش حل .... طب بل ريقنا يا راجل برأي مفتكس الله يرضى عليك حتى الزميل " الرئيس " إوعى تكون هو وداخل تطيب خاطرنا ؟ :lol: يا نهار مش فايت ... ده لو عندنا كام ألف أمنوا بهذه المقولة كنا روحنا في داهيه أكتر ما إحنا رايحين .. أو كان زمان كل واحد فحت له تُربه ودفن نفسه فيها ... ما هو قدر الله بقى وهل قدر الله علينا أن نظل تحت الحكم الديكتاتوري الظالم وأن ترى بعينك البلد تتدحرج إلى الهاويه ونحن صامتون ونضع أيدينا على خدودنا تسليماً بقدر الله ؟ لأ يا سيدي ... قدر الله هو الشيء الذي لا نسطتيع ان نغيره ويقع علينا بالرغم من محاولاتنا وسعينا في الدنيا ... فقدر الله ما بيقولش لطالب الثانوية العامة مثلاً .. برطع وأمرح طول السنة .. وإدخل يا بني الامتحان .. ولو سقطت يبقى قدر الله بقى هانعمل لك إيه ... وهل قدر رالله علينا بيقول لهم زوروا الإنتخابات ؟ أو بيع البلد ؟ او ورثها لإبنك ؟ هل هذا تفسيراً لقدر الله أيها السادة ؟ ولا هانعمل زي العثمانيين اللي قهرورنا لمدة 4 قرون كانت قرون سوده تحت حجة " الخليفة هو ظل الله في الأرض " وبالتالي لو قولت البطيخ اللي بتاكله أقرع .. يبقى بتققل إن مولانا نفسه أقرع .. لإن البطيخ جاي من مزارع مولانا ... وإوعى تفتح بؤك أحسن تكون بتعصي الله وتتحدى قدره وتدخل جهنم الحمرا أما العبارات المطاطة من نوعية ربي شعب منتج ووعي الشعب ... فدي مسكنات محتاجه عشرات السنين .... وإذا أخذنا مثل كماليزيا مثلاً .... هل تعرف إن لحد سنة 70 .. أهو يعني لسه أول أمبارح .. كانت ماليزيا دي زي بنجلاديش مثلاً .. يعني مش موجوده على الخريطة .. وفقر وأمية وتخلف وامراض وزيادة سكانية وحاجه دمار يعني إيه .. ما أستسلموش ليه لقدر الله وقالوا مجدر ومكتوب عالجبين يا ولدي .. واللي مكتوب عالجبين لازم تشوفه العين ... بس قالوها بالماليزي طبعاً ... لأ يا سادة .. هذا ليس قدر الله ...بل هو إختبار من الله عشان يشوف إحنا هانعمل إيه أمام المنكر الذي نراه بأم أعيننا كل لحظة.. ولو هو قدر الله .ليه كل محاولات التغيير في التاريخ حدثت ؟ يا سادة العصيان المدني السلمي الواعي المُخطط له هو ضد الفوضى والغوغائية ... التغيير السلمي لم ندعو له رفاهيةً أو عشان عندنا وقت فراغ .. لكن لقد فاض بالجميع الكيل وهم يرون البلد بتخرب يوم بعد يوم بدون بصيص أمل ... وإليكم أخر الاخبار

كل سنه و أنت طيب يأ بشمهندس يوسف و الاسره الكريمه بخير و سعاده أعده الله عليكم بالخير و البركات وحشتنا جدا يا راجل يا طيب و نفسنا نتواصل مره أخري بعطائك و حبك للخير عيد سعيد عليك و علي أسرتك خالص تحياتي

الشيت اتصلح يا ناس اتفضلوا اللي عايز يضيف بياناته يكتبها هنا و انا ان شاء الله هضيفه للشيت اكرم باشا انا كتبت ان الملف بتاعك وصل النهارده عشان بتاعي وصل delivered مستني لما تقولي عملت ايه عمرو

أنقذونى فأنا ضائعة كشائعة بين الشفاه والعقول بين المرافىء والتخوم اتهاوى بلا ملامح أتوه فقط أدنو من لحظة الغروب دائما أدنو.. من لحظة الغروب

اولا كل عام وانتم بخير انا متابع الموضوع من الاول لكن بصراحه ليا رأى انا شايف يااخوانا اننا نقفل التوبيك ده لان من بدايته اتفتح للنقاش بطريقه خطأ وفعلا كان شويه مستفز لإخوانا المسيحين اللى هما طول عمرهم عايشين معانا فى مصر من غير مجادلات ولانقاشات لاتجدى أى نفع . فقط ممكن أن تشعل فتنة ليس لها داعى وخصوصا ان احنا بنتكلم فى محاورات المصرين (يعنى مسلمين واقباط) وبعدين ممكن لو حابين تناقشوا الموضوع ده يبقى فى سياق تانى من الاول على أن يكون الحوار بطريقه مختلفة يااخوانا بجد مش عاوزين حد يضحك علينا ولا يقعد يقرا ويقول اهم المصريين بيقطعوا فى بعض وطول عمرهم عندهم فتنه طائفيه والكلام اللى انتم عارفينه اللهم بلغت اللهم فاشهد ومستنين التهنئة بعيد الفطر من اخوانا المسيحين وبسرعه كمان :) :) وفى نفس التوبيك ده زى مااتعودنا منهم مشاركتنا فى اعيادنا ومناسباتنا كلهاكأخوة لينا. تحياتى أكرم,,,,

كل وعام وأنت يا بخير يا باشمهندس يوسف ... وأعاده الله عليكم وعلى المسلمين بالخير واليمن والبركات

علماء يطورون زجاجا برؤية أوضح للسائق http://www.alqabas.com.kw/Article.aspx?id=635316&date=09092010

دياسبورا» المنافس القادم لـ «فيسبوك» http://www.alqabas.com.kw/Article.aspx?id=635322&date=09092010

http://www.youtube.com/watch?v=Nqja2RxOVyA

http://www.youtube.com/watch?v=JSs4Iob6CdEزكاة الفطر هل تخرج طعاما أم مالا؟ كل عام وأنتم بخير

اتفق معك تماما في الجزء الملون بالاحمر ..

للاسف دي الحقيقة

يعني ايه لا يجوز إخراجها مال يعني اللي يخرجها مال حرام ويأثم مثلا كلمة لا يجوز دي كلمة مطاطه تحمل كل المعاني ودي لغة ارفضها يا حرام يا حلال لكن لا يجوز عندي ليس لها محل من الإعراب وبعدين انت بتصعب الدين كده ليه وبتحجر علي اراء غيرك ليه ومين ده اللي بتحجر علي رأية انه الامام الاعظم ابو حنيفة النعمان وبعدين المشهد اللي هاحكي عليه يشاهدة المقيمين في السعودية وهو ان الفقراء بعد ما بيحصلوا علي زكاة الفطر حبوب يقفوا طوابير امام تجار الحبوب لرد تلك الحبوب بقيمة مادية اقل لان التاجر لازم يكسب يعني الزكاة بتطلع للتجار مش للفقراء هو ده اللي انت عايزة يعني الموضوع اسهل من كده بكتير بعيد عن المغالاة وان كل بلد ادري بظروفها ولاني اعيش في مصر اري ان الافضل اخراجها نقود لان الفقير يحتاج للنقود اكثر من احتياجه للحبوب وبعدين انت بتربط بين الصيام وبين الاكل طب يا استاذ مانت بردوا بتمتنع عن شهوة الجماع ممكن تقولي هاتطلع زكاة عنها ازاي

السلام عليكم ورحمه الله وبركاته العصيان المدني هو اخر مراحل الوقيعه بين الشعوب والحكومات وهو مبدا معروف في بروتوكولات حكماء صهيون وليس فيه الا الخراب للارواح والاموال واشعال فتنه غير معروف حدودها يجب توجيه الجهود المبذوله في الحاكم واختياره الي جهود في توعيه الناس وانشاء مجتمع في المستقبل متعلم منتج وليس مستهلك فقط عشان اختيار الحاكم قدر الشعوب من عند الله ليس بشطاره حد فلنحاول تغير انفسنا قبل تغير الحاكم واللي غير نفسه عليه الصبر حتي يستطيع الجميع او الاغلبيه من تغيير انفسهم عشان ربنا يري صلاح الجسد فيغير الراس ان الله لا يغير ما بقوم حتي يغيرو ما بانفسهم والبردعي ده بالذات لا لانه طلبها

يوجد احتفال كبير فى تورنتو فى هذا المكان http://www.gtaeid.com/index.html

السلام عليكم و رحمة الله و بركاته لفت انتباهي شيئ مهم في قصة سيدنا موسى .. فهو لم يواجه فرعون فقط .. بل فرعون و هامان و قارون السلطة و البطانة و المال أضف إلى هذا قوم فرعون .. باستسلامهم و انقيادهم خلف ثلاثي الفساد "فَاسْتَخَفَّ قَوْمَهُ فَأَطَاعُوهُ ۚ إِنَّهُمْ كَانُوا قَوْمًا فَاسِقِينَ" .. لكن على الجانب الآخر هناك السحرة "فَأُلْقِيَ السَّحَرَةُ سُجَّدًا قَالُوا آمَنَّا بِرَبِّ هَارُونَ وَمُوسَىٰ ﴿70﴾ قَالَ آمَنتُمْ لَهُ قَبْلَ أَنْ آذَنَ لَكُمْ ۖ إِنَّهُ لَكَبِيرُكُمُ الَّذِي عَلَّمَكُمُ السِّحْرَ ۖ فَلَأُقَطِّعَنَّ أَيْدِيَكُمْ وَأَرْجُلَكُم مِّنْ خِلَافٍ وَلَأُصَلِّبَنَّكُمْ فِي جُذُوعِ النَّخْلِ وَلَتَعْلَمُنَّ أَيُّنَا أَشَدُّ عَذَابًا وَأَبْقَىٰ ﴿71﴾ قَالُوا لَن نُّؤْثِرَكَ عَلَىٰ مَا جَاءَنَا مِنَ الْبَيِّنَاتِ وَالَّذِي فَطَرَنَا ۖ فَاقْضِ مَا أَنتَ قَاضٍ ۖ إِنَّمَا تَقْضِي هَـٰذِهِ الْحَيَاةَ الدُّنْيَا ﴿72﴾ إِنَّا آمَنَّا بِرَبِّنَا لِيَغْفِرَ لَنَا خَطَايَانَا وَمَا أَكْرَهْتَنَا عَلَيْهِ مِنَ السِّحْرِ ۗ وَاللَّـهُ خَيْرٌ وَأَبْقَىٰ ﴿73﴾ إِنَّهُ مَن يَأْتِ رَبَّهُ مُجْرِمًا فَإِنَّ لَهُ جَهَنَّمَ لَا يَمُوتُ فِيهَا وَلَا يَحْيَىٰ ﴿74﴾ وَمَن يَأْتِهِ مُؤْمِنًا قَدْ عَمِلَ الصَّالِحَاتِ فَأُولَـٰئِكَ لَهُمُ الدَّرَجَاتُ الْعُلَىٰ ﴿75﴾ جَنَّاتُ عَدْنٍ تَجْرِي مِن تَحْتِهَا الْأَنْهَارُ خَالِدِينَ فِيهَا ۚ وَذَٰلِكَ جَزَاءُ مَن تَزَكَّىٰ ﴿76﴾" سورة طه أي يقين هذا .. في لحظة رأوا الحق فلم يترددوا في اتباعه .. لم يرهبهم جبروت فرعون و بطشه اشتروا الآخرة و لم يعبؤا بالثمن .. لم يطلبوا مهلة ليراجعوا أنفسهم و أيضا مؤمن آل فرعون ..و نصيحته المخلصة لهم في سورة غافر و نهايتها خاصة " وَيَا قَوْمِ مَا لِي أَدْعُوكُمْ إِلَى النَّجَاةِ وَتَدْعُونَنِي إِلَى النَّارِ ﴿41﴾ تَدْعُونَنِي لِأَكْفُرَ بِاللَّـهِ وَأُشْرِكَ بِهِ مَا لَيْسَ لِي بِهِ عِلْمٌ وَأَنَا أَدْعُوكُمْ إِلَى الْعَزِيزِ الْغَفَّارِ ﴿42﴾ لَا جَرَمَ أَنَّمَا تَدْعُونَنِي إِلَيْهِ لَيْسَ لَهُ دَعْوَةٌ فِي الدُّنْيَا وَلَا فِي الْآخِرَةِ وَأَنَّ مَرَدَّنَا إِلَى اللَّـهِ وَأَنَّ الْمُسْرِفِينَ هُمْ أَصْحَابُ النَّارِ ﴿43﴾ فَسَتَذْكُرُونَ مَا أَقُولُ لَكُمْ ۚ وَأُفَوِّضُ أَمْرِي إِلَى اللَّـهِ ۚ إِنَّ اللَّـهَ بَصِيرٌ بِالْعِبَادِ ﴿44﴾ فَوَقَاهُ اللَّـهُ سَيِّئَاتِ مَا مَكَرُوا ۖ وَحَاقَ بِآلِ فِرْعَوْنَ سُوءُ الْعَذَابِ ﴿45﴾" المشكلة اننا الآن نواجه نفس الثالوث الفاسد المفسد .. لكن أقل القليل من يحذو حذو مؤمن آل فرعون و السحرة اللهم ثبتنا على الحق و ثقل موازيننا

السلام عليكم جميعا عباد الله انا متابعه للموضوع منذ البدايه وارى انه تحول الى اتهامات لاتتناسب معنا كمصريين مسلمين و مسيحيين وان الموضوع فى باطنه بعيد عن بناء مسجد او كنيسه انا ادعوكم جميعا الى عدم الاستمرار فى الرد كل واحد منكم للاخر فتذكروا دائما انكم الشعب الوحيد الذى اذهل العالم كله ومثلا يحاولوا الاحتذاء به فى التعايش السلمى و الحب الموجود بيننا مسلمون ومسيحيون . سأحكى لكم قصه انا مسلمه محجبه كنت ماشيه فى الشارع و رأيت راهبه من مدرستى التى كنت فيها منذ الصغر بالصدفه فجريت مسرعه لاسلم عليها واقبلها بحب.. ولا داعى لان اذكر مدى حب بعضنا الاخر وحب التلاميذ للراهبات وعمرناما شوفنا من بعض اى نظره غير الحب فعلا ويشهد الله على كلامى .....فوجئنا برجل اجنبى الجنسيه يصورنا بسرعه البرق فسرعت اوبخه بالكلام قال لى انه لم يشاهد ولن يشاهدمثل هذا المشهد ثانيا الا فى مصر وهو يشكر الصدفه التى جمعته فى هذا الوقت بنا فهو يعمل بحث عن المسلمين والمسيحيون بمعنى اخر تعدد الاديان فى دول الشرق الاوسط وذهب الى كل الدول العربيه و كان اخرها مصر واذهله ماشاهد من حب بيننا ويشهد الله ان هذا قد حدث فعلا بالرغم من انه يظهر وكأنه فيلم سينمائى فقط فلماذا تنسوا اصلكم يا مصريون ودعكم من كل المواضيع التى يفتحها اعدائناالخارجيين الذين يتمنوا ان تشيع الفتنه فى مصر لكى تكون ثغره للدخول اليها وتعكير صفو شعبها... ويا سيده اغابى اهدئى قليلا و لا تدعى مشاعرك تجعلك تقفى و تعقبى على كل رد من الاعضاء وكانك حاسه بشىء من الاضطهاد او الاستهانه ولا عياذ بالله فهذا غير موجود بأذن الله اكيد لنا كلنا اصدقاء مسيحيون والعكس ولا نكن بعضنا البعض الا الحب والاحترام دعكوا من سياسات الدول يفصلوا فيها كما يشائون ولا تنسوا ان اعدائنا يقرأون ويراقبون كل ما يكتب فى جميع المنتديات الحواريه ليعلموا متى وكيف يصطادوا فى الماءالعكر فلا تدعوهم يخوضوا بيننا ويستغلوا الظروف .. فعلى السعوديه الرفض او القبول بهدوء وعلى الطرف الاخر احترام قرارهم فى هدوء ايضا وكفى الله المؤمنين القتال وكل من له نبى يصلى عليه اللهم صلى على سيدنا محمد وسلم تسليما كبيرا على سيدنا عيسى و امه الصديقه وكل سنه و انتم جميعا بخير وارجو منكم التوقف عن الكتابه فى هذا الموضوع

استاذى الفاضل اسلام القوانين تحترم طبعا لكن اين حرية العبادة النقاب والمنقبات اللى حضرتك بتتكلم عليهم والقضية عموما تم مناقشتها بشكل واسع ومفصل على صفحات المحاورات منذ فترة قريبة لكن اسالك سؤال - هل المنقبة دى ملهاش مكان عبادة تصلى فيه كل دولة فى اروبا فيها مساجد ومراكز اسلاميه فخمة جدا لكن برضوه ارجع واسال السعودية قوانينيها بتمنع اى الست تنزل بدون عباءة او حجاب والاقليات الاجنبية بتحترم كدا كويس وانتم عارفين ان السيدات الاوربيات لبسهم ايه فى السعودية ومحترمين القوانين هناك والمنتقبة اللى بتتكلم عنها لو احترمت قوانينهم انها ممنوع تلبس نقاب - يبقى واحدة بواحد لكن المنتقبة على الاقل بتروح المسجد تصلى لكن الاوربيات هل بيروحو كنيسة فى السعودية يصلوا ؟؟ لغاية النقطة دى ما بقاش اسمها قوانين بقى اسمها تعسف والرجوع للخلف اكثر بافكارنا كشعب عربي تحياتى اغابي الزميلة الفاضلة اغابي اسمحي لي ان ارد علي مداخلتك قلت (لكن اسالك سؤال - هل المنقبة دى ملهاش مكان عبادة تصلى فيه كل دولة فى اروبا فيها مساجد ومراكز اسلاميه فخمة جدا) اه كل اوربا مسموح لها ان تصلي فيها ما عدا مكان واحد وهي الفاتيكان فليس مسموح لها ان تمارس شعائرها فيها لان ممنوع فيها بناء المساجد المهم المبدأ يا زميلة موجود وهو وجود اماكن في اوربا ممنوع بناء المساجد فيها ومش مهم المساحه او الظروف المهم ان فيه مكان علي وجه الارض ممنوع بناء المساجد فيه وياتري ماذا ستفعل المسلمة او المسلم المقيم في الفاتيكان تحت اي ظرف وكيف سيمارس شعائره في مسجده الغير مسموح ببناءه في هذه الرقعة قد تقولين لي انهم اقليه وهنا سنرجع لنفس الرد ماهو الموجودين في السعودية بردوا اقليه بالنسبة والتناسب بين عدد المقيمين في الفاتيكان والسعودية اذا عندما تكلمت عن الشعائر ولم يعجبك قرارات السعودية بعدم بناء الكنائس قمت ولم تقعدي وعندما واجهناك بمثله التمستي لهم الاعذار واخذت تبحثين عن المبررات الواهيه ايضا من وجهة نظري كما هي واهية بالنسبة لوجهة نظرك (لغاية النقطة دى ما بقاش اسمها قوانين بقى اسمها تعسف والرجوع للخلف اكثر بافكارنا كشعب عربي) لا اسمها قوانين قد تعجبنا او لا تعجبنا لكنها في النهاية قوانين والاولي لك يا زميله يا موضوعية قبل ان تطالبي السعودية بالسماح ببناء المساجد ان تبدأي بنفسك وتطالبي الفاتيكان ايضا باظهار سماحة المسيحيه وقبولها للاخر وان تطالبيهم بان يبنوا مسجد لاعضاء الجاليات المسلمة في بلادهم هذا اذا جعلت من نفسي محاميا عن قضايا الاقلية المسلمة في الفاتيكان كما وضعت نفسك محامية عن الاقلية المسيحية في السعودية عليك بتبني هذه القضية وعرضها علي الجهات الرسمية في السعودية ولهم الحق في قبولها او رفضها قوانين البلاد يجب ان تحترم وهذا ما قلناه من قبل في كافة المواضيع الاسلاميه التي كان يعتبرها البعض تعصب وتعنت من حكومات الدول الغربية وقلنا انها قوانين يجب ان تحترم ونقولها الان يا زميلة هذه قوانين يجب ان تحترم ولا السعودية مالهاش قانون يجب ان يحترم الزميل الفاضل اسلام انت مشكلتك الوحيدة انك ما قرتش مداخلاتى داه اقتباس من المداخلة بتاعتى رقم 33 وكمان يا استاذى - لما اقول رايي او وجهة نظرى اللى انا شايفاها وبعرضها فى موضوع مفتوح للكل انهم يتكلمو بحرية ما يبقاش اسمها محامية عن الاقلية المسيحية - انا ليا وجهة نظر وما باتكلمش غير بالعدل والشي اللى بشوفوا انه مش ظلم ليه انت زعلان - وبتهاجمنى - لو قارنا - موقفكم اصعب والمقارنة مش فى صالح موضوعكم صدقنى وانا مع استاذ سكوربيون الموضوع مش حرب ومش مقارنة ومش كل واحد متربص للتانى احنا بنتكلم فى موضوع لكن من اوله تم استخدام الفاظ غير لائقة وانا كمسيحية ما استحملتش انى ما اردش عليها ولا داه مش من حقى كمان لو اتعرض الموضوع بهدوء وبفكر ارقى من كدا ما كنتش البداية حتبقى قنبلة موقوتة زى ما فجرها صاحب الموضوع الاصلي باستخدامه الفاظ لا تليق شكرا استاذ اسلام ياريت تفهم رايي حتلاقيني معاكم مش ضددكم انت بس ما قرتش مداخلاتى كويس الحرية بوجه عام من حق كل شعوب الارض اغابي

مرة ثانية الفاتيكان ... هناك أوقات يتم الرد بدون التروي او التفكير .. فتأتي مقارنات لا مجال لها علي الأطلاق ... يا أصدقائي الأعزاء لمن لا يعرف فالفاتيكان لا يتجاوز مساحة قرية مصرية صغيرة ... و نتيجة لمسائل سياسية اثناء الحكم الفاشي لأيطاليا .. تم فصله ليكون دولة مستقلة .. و لمن يقرأ تاريخ بلدنا أستطيع أن اشبهه بجمهورية زفتي أثناء الأحتلال البريطاني لمصر .. و لكن بينما كتب لجمهورية زفتي الفشل السريع في فكرة استقلالها ... كان للجانب الديني الهام للفاتيكان الدور الرئيس لنجاح استقلالها ... و لكنها دولة لا تزيد مساحتها عن 0.44 كم مربع وعدد سكانها ما يقارب 800 نسمة فقط و هم منقسمون كالتالي : 120 كاردينالاً يقيم 58 منهم فقط في الفاتيكان في حين أن أغلب الكردالة ينتشرون حول العالم كرؤساء أساقفة للالكنيسة الرومانية الكاثوليكية. 293 رجل دين، غالبًا يكونون بلقب خور أسقف؛ يمثلون بعثات الكرسي الرسولي الديبلوماسية حول العالم، وبعضهم أعضاء في المؤسسات الفاتيكانية المختلفة، كمجمع العقيدة والإيمان، على سبيل المثال. 101 عدد الحرس السويسري، وهم حرس البابا الشخصي ويشكلون حوالي خمس السكان. 62 رجل دين، يؤدون خدمات الفاتيكان المختلفة، وغالبًا ما يكونون من الدرجات الكهنوتية الصغرى، كالرهبان، الشمامسة ومنشدو الترانيم (كورس). 246 شخص يعمل داخل الفاتيكان، دون أن يملك الجنسية، 80% منهم رجال دين، غالبًا ما يضطلعون بمهام أخرى في الفاتيكان كإعداد الاحتفالات الطقسية. 43 شخص عادي، يحملون الجنسية الفاتيكانية. القاعة الرئيسية لمكتبة الفاتيكان هناك أيضًا حوالي ثلاث آلاف عامل، هم في الغالب إيطاليون، يقدمون الخدمات العامة للفاتيكان كالإعتناء بالحدائق وما شابه؛ وبالتالي يمكن قسمة سكان الفاتيكان إلى قسمين أساسيين هما رجال الدين ويشكلون أغلب مراكز المسؤولية في المدينة والمواطنون العاديون الذين يقدمون مختلف أنواع الخدمات من الحراسة والتنظيم والتدقيق وسواها، كذلك يوجد عدد من العلمانيين يشغلون مراكز المسؤولية، فالناطق باسم الفاتيكان غالبًا ما يكون شخصًا عاديًا لا إكليركيًا. و عليه لا يستوي أبدآ بالفعل عقد مقارنة بين الفاتيكان و المملكة السعودية في أمور مماثلة ... يا رب تنفع المرة دي ...

وما صاحب ذلك في اليومين الماضيين من نشر الصحف القومية المحترمة اللي ورق التواليت أنضف منها في نشر صورة بنت البرادعي وهي ترتدي مايوه بحر .. على فكره أنا شوفت الصورة وهي صورة ليست كامله ولكن يمكن للرقبة والصدر فقط - مش توبليس طبعاً - وإن كنت أنا من الطبقة المتوسطة التي ترفض ذلك إلا إن البنت كان شكلها لسه صغيرة في السن ... وياما في بلاوي عند الناس أفظع من كده وكلنا عارفين البورتو ومارينا وشرم الشيخ اللي الريس ما بيتحركش منها بيبقى فيها إيه .. وما تردد عنها أنها مُلحده ولا تعترف بالأديان وأنها تزوجت من شخص مسيحي بريطاني وإن والدتها اللي هي زوجة البراعي بالمرة كمان مُلحده .... بس نسيوا يقولوا إن محمد البرادعي هو كمان مُلحد عشان تكمل الصورة وتبقى أحلى .. شيء في منتهى القذارة وكأن الحياة الشخصية للشخصيات السياسية أصبحت كتاب مفتوح وبالتالي عادي يعني إن الصحف القومية تهتم إن بنت فلان لبست مايوه أو إبن علان السياسي أتمسك في قضية بانجو ..... مما يدُل على وضاعة ما وصل إلية حال الإعلام لدينا .. ولو كان في الصحف القومية دي راجل واحد .. واشك في ذلك ... خليه بس ينشر ولو خبر صغير مش هاقول عن مرات جمال او علاء مبارك أو أو أو .. لأ ... كلمنا عن ثرواتهم ومن أين أكتسبوها .... لكن هي أية من ايات النفاق امبارح يبقى البرادعي إبن مصر البار والشخص الرابع الذي أهدى لمصر جائزة نوبل بعد السادات ونجيب محفوظ وزويل . وكلنا نفتخر به وبعلمه وأدبة ونسبة العريق .. لكن لما يفكر .. مجرد تفكير يقرب من الكرسي ... يبقى يتصور على إنه فاشل ... أه والله الأخبار والأهرام قالوا عليه كده وإنه كان أخر دفعته في الكلية وإنه كان طالب فاشل وساعد في ضرب العراق وأفغانستان ومذابح رواندا وبوروندي وإن عائلته ملحده و و و و و و أخص عليكم أيها الأوباش الملاعين يا من تطوعون أقلامكم وتلونونها للي يدفع أكتر نرجع مرجوعنا للعصيان المدني وندعنا من تلك الفتاهات التي تُسيء إلى هؤلاء الأوباش قبل أن تُسيء إلى الإنسان المحترم اللي كل ذنبه إنه بيطالب بالتغيير ولا يسعى إلى السلطة والكرسي

بالنسبة لادعاء (عدم وجود حرية العبادة) في المملكة العربية السعودية؟؟؟؟؟؟؟؟؟؟؟؟ احب ان انوه انه توجد (حرية العبادة) للمقيمين عندنا (في الاماكن الخاصة لغير المسلمين) بشكل عملي النصارى (فلا وجود لليهود ولا اعتراف بالديانات الارضية كالوثنية والبوذية وعبادة الشيطان) ولسنا ملزمين (في بلادنا) ان (نحذو) حذو الدول الاوربية التي (نحت الكنيسة الا قليلا) واتخذت (العلمانية)منهجا (وهذا القرار يخصهم فهم اولى ببلادهم و اديانهم) ان ارادوا الاعتراف بكنائس الشواذ او عبدة الشيطان او اي ملة ومذهب (ومن ضمنهم دين الحق الاسلام)............. طبعا من الناحية التاريخية كانت هناك تجمعات للنصارى واليهود والمجوس في الجزيرة العربية .....فمثلا في (نجران) كانت هناك معاقل تاريخية لليهود والنصارى حيث مجيء الاسلام بل ان سيدنا رسول الله محمد صلى الله عليه وسلم استقبل (وفد نجران النصراني) في المسجد النبوي بل لقد اقاموا صلاتهم فيه وكان بعض المجوس في الاحساء وحتى ان الذي قتل سيدنا عمر بن الخطاب (ابو لؤلؤة المجوسي)في المدينة (ولا اعلم حقيقة ان كان مسموحا لهم ايقاد نار المجوس)........... ولا زال في اليمن والبحرين وبلاد العراق اليهود والنصارى (والصابئة بالعراق) ومنذ ظهور الاسلام الى الان اماكن عبادتهم(لم يتم محو اتباع تلكم الديانات او اماكن عباداتهم) نفس الشيء بالامارت و قطؤ والكويت اذن ما هو وجه الاختلاف في (المملكة العربية السعودية)؟؟؟؟؟؟؟؟؟؟؟؟؟؟ اولا:تأسست المملكة العربية السعودية و حكومتها وشعبها (نسبة الاسلام 100%) فمن المنطقي الا تكون هناك دور عبادة (لغير المسلمين) ولم يكن من المعقول (لو افترضنا جدلا) ان يسعى غير المسلمين (للتجنس بالجنسية السعودية) ان يتم التخلي عن (الشريعة الاسلامية من احلهم) او ان يقبل غير المسلم (ان يحكم بالشريعة الاسلامية) فيما يخص احكام الذميين والجزية والحدود كحد السرقة والزنا الى اخره............. ثانيا:لكل ما سبق (فغير المسلمين في بلادنا) لهم صفة المقيم (المؤقت) وليست صفة (المواطن ولا الذمي).....(برضى الجميع بلا اكراه ولا اجبار) ثالثا:هذا الوضع الفريد والعبقري لصالح الجميع وعلى سبيل المثال فاكبر جالية فلبينية خارجية تعيش في السعودية وجالية اثيوبية كبيرة ايضا وحرية عباداتهم مكفولة (في اوساطهم) واخيرا ......الوضع لدينا (لا يسمح بانشاء دور عبادة خاصة لغير المسلمين) والسلام على من اتبع الهدى وتحيتهم فيها سلاما .... والله ..اجملت فأحسنت .... فى السعودية ..عشرات الملل .... عبادتهم مردودة عليهم .....ولكم دينكم ولى دينى ... ولكن لا الزام على مكة او غيرها من بقاع السعودية ..لفتح ذراعيها لمعابد يهودية وبوذية وكنائس واديرة واشمعنى كنايس بس ...وليه موش معابد يهودية ...او بوذية ... هل تريدون ..ان تتحول السعودية فى خلال سنوات قليلة إلى قبلة وحج لمختلف الاديان .. وتبقى قدس اخرى ..لنحاول تحريرها ..من ايدى المغتصبين ... ياريت بلاش الجدال واللى موش عاجبه يعيش فيها ...يسيبها ويرحل ...ليس هناك اى رابط ولا داع لاجباره على تلك الارض ... ان كان يبحث عن الكنائس ...والاديرة و المعابد .....فإيطاليا وروما وشتى بقاع الارض مليئة بها ....فليترك الارض لاهلها ...ويسكن باى ارض طابت له

بالنسبة لادعاء (عدم وجود حرية العبادة) في المملكة العربية السعودية؟؟؟؟؟؟؟؟؟؟؟؟ احب ان انوه انه توجد (حرية العبادة) للمقيمين عندنا (في الاماكن الخاصة لغير المسلمين) بشكل عملي النصارى (فلا وجود لليهود ولا اعتراف بالديانات الارضية كالوثنية والبوذية وعبادة الشيطان) ولسنا ملزمين (في بلادنا) ان (نحذو) حذو الدول الاوربية التي (نحت الكنيسة الا قليلا) واتخذت (العلمانية)منهجا (وهذا القرار يخصهم فهم اولى ببلادهم و اديانهم) ان ارادوا الاعتراف بكنائس الشواذ او عبدة الشيطان او اي ملة ومذهب (ومن ضمنهم دين الحق الاسلام)............. طبعا من الناحية التاريخية كانت هناك تجمعات للنصارى واليهود والمجوس في الجزيرة العربية .....فمثلا في (نجران) كانت هناك معاقل تاريخية لليهود والنصارى حيث مجيء الاسلام بل ان سيدنا رسول الله محمد صلى الله عليه وسلم استقبل (وفد نجران النصراني) في المسجد النبوي بل لقد اقاموا صلاتهم فيه وكان بعض المجوس في الاحساء وحتى ان الذي قتل سيدنا عمر بن الخطاب (ابو لؤلؤة المجوسي)في المدينة (ولا اعلم حقيقة ان كان مسموحا لهم ايقاد نار المجوس)........... ولا زال في اليمن والبحرين وبلاد العراق اليهود والنصارى (والصابئة بالعراق) ومنذ ظهور الاسلام الى الان اماكن عبادتهم(لم يتم محو اتباع تلكم الديانات او اماكن عباداتهم) نفس الشيء بالامارت و قطؤ والكويت اذن ما هو وجه الاختلاف في (المملكة العربية السعودية)؟؟؟؟؟؟؟؟؟؟؟؟؟؟ اولا:تأسست المملكة العربية السعودية و حكومتها وشعبها (نسبة الاسلام 100%) فمن المنطقي الا تكون هناك دور عبادة (لغير المسلمين) ولم يكن من المعقول (لو افترضنا جدلا) ان يسعى غير المسلمين (للتجنس بالجنسية السعودية) ان يتم التخلي عن (الشريعة الاسلامية من احلهم) او ان يقبل غير المسلم (ان يحكم بالشريعة الاسلامية) فيما يخص احكام الذميين والجزية والحدود كحد السرقة والزنا الى اخره............. ثانيا:لكل ما سبق (فغير المسلمين في بلادنا) لهم صفة المقيم (المؤقت) وليست صفة (المواطن ولا الذمي).....(برضى الجميع بلا اكراه ولا اجبار) ثالثا:هذا الوضع الفريد والعبقري لصالح الجميع وعلى سبيل المثال فاكبر جالية فلبينية خارجية تعيش في السعودية وجالية اثيوبية كبيرة ايضا وحرية عباداتهم مكفولة (في اوساطهم) واخيرا ......الوضع لدينا (لا يسمح بانشاء دور عبادة خاصة لغير المسلمين) والسلام على من اتبع الهدى

و تقريبا في كل دول العالم "المتحضر" صوت الأذان ممنوع يخرج برة الجامع رغم ان المسلمين هناك مواطنين من حقهم يسمعوه من غير انفعال .. إيه معنى الخبر ده في هذا التوقيت تحديدا؟؟؟؟؟؟؟ طب ما فى كل دول الخليج الكنايس بدون صلبان - بمعنى اصح ممنوع ممنوع يعنى - عندنا فى الكويت هنا مفيش صلبان فى كنايس الكويت ولا كنيسة دبي ولا الامارات ايه يعنى هو احنا كمسلمين ومسيحيين مش حنعرف نصلى فى الكنيسة ولا فى المسجد بدون صلبان وميكوفونات حاجة غريبة -انا قلت من الاول بلاش مقارنات ومفيش انفعال ولا حاجة دى كلها مناقشات ومحاورات مرة تبقي على الحامى ومرة تبقى على البارد تحياتى للجميع اغابي

كل سنة واحنا كلنا طيبين احنا كمسيحيين بنعيد فى اعيادكم وبناخد الاجازة الجميلة الكبيرة واللى فعلا بافرح بيها اوى كل سنة وكل اخوانى المسلمين بالف صحة وخير وكل سنة و منتدى المحاورات بخير وباهدى ارق واجمل باقة ورد وعلى راى استاذ سكوربيون كل سنة واحنا كلنا طيبين :roseop: :roseop: :roseop: :roseop:

فى امور ما بعرفش اجامل فيها ولا اتكلم بدبلوماسية وحاولت امنع نفسي من الرد لكن كام جملة كدا ناقصين كلام فارغ زى الهوا زى هتلاقواالصليب متعلق كدة جنب الكعبة ولا جملة باختصار .. ميقدروش ورقة بيلعبوها و خلاص وهما ضيوف وحيمشو من البلد وحاجات كدا ممكن نقول انها ايه يا ترى ؟؟؟؟ بتزيد الطين بلة ما كفاية حال بلدنا اللى يحزن - ايه مش شايفين حال مصر مع العلم ان العنوان اساسا غلط - اللى اختشو ماتو - تقصد بيها المسيحيين اللى عاوزين يبنوا كنيسة ولا السعوديين اللى رفضو يبنو الكنيسة ياريت توضح اصل انا ليا وجهة نظر مختلفة منين السعوديين اللى من قلب مكة وبيروحو يتفسحو ويصلو فى مساجد ايطاليا و امريكا بنتها علشانهم واحتراما لحريتهم ومنين مش عاوزين يبنو كنيسة لنفس الناس فى بلدهم السعودية صحيح اللى اختشو ماتو على فكرة انا مش باقارن ولا الكلام داه انا بس بدور على شوية معانى كدا واستفسارات فى دماغى طيب ابسط حقوق اى انسان ايه يا ترى - مش من حق الشخص داه يتكلم مع الله و يصلى فيه ايه فى الانجيل بتقول على لسان ربنا من اجتمع اثنان او ثلاثة باسمي ساكون وسطهم لو اى اتنين صلوا مع بعض المكان بيبقى مقدس وحلت فيه روح الله والبركة مش مهم بيت او كنيسة اى مكان نصلى - صلوا كل حين ولا تملوا بس ارجع واقول احنا المسيحيين - غلطانين انا مش عارفة ظروفهم المسيحيين اللى فى السعودية ايه هل السعودية محتاجة لخبرتهم ولا هما محتاجين لفلوسها الظروف ايه مش عارفة لكن انا من راى فعلا اى مسيحي يرفض يعيش فى بلد مفهاش كنيسة ازاى يعدى عليك سنين فى الغربة من غير ما تدخل كنيسة - انت كدا اسير ربنا يحل الماسورين ويفك اسرهم وكلمة الصلبان دي يا دياب اللى بتقولها دون مراعاه لمشاعر اى مسيحي ازاى تتكلم عن الصليب بطريقة التهكم والاستهتار وهو رمز مقدس عندنا ايه ما عندكش كان جار مسيحي ولا صاحب مسيحي تحترمه صحيح اللى اختشو ماتو الزميل المحترم دياب ياريت لما تعبر عن رايك فى موضوع - تعبر باسلوب مهذب وبقول مهذب لاحظ كل كلمة بتقولها وشوف هى رايحة فين وممكن تعور ولا لاء - بلاش حدف الكلام والتخبيط وانت يا اخت مصراوية - انت فى محاورات المصريين يعنى جزء من مصر يعنى المسيحيين فى المنتدى معاكى فى كل مكان وفى كل موضوع مش شطارة كلمة ورقة بيلعبوها و خلاص لو مسلمين امريكا وفرنسا ووووو الخ مفيش ليهم جامع او مركز اسلامي كنت كمسلمة احساسك ايه وحتصلى ازاى ؟؟ حرية العبادة فى اى مكان على وجه الارض دى حرية من الله اعطاها للعباد - منحة من ربنا للكل اللى عاوز يصلى يعمل دور عبادة ويصلى لكن احنا ثقافتنا كشعب مختلفة فى النقطة دى وبتدخل فيها دور التربية والافكار الخاطئة اه قبل ما انسي با دياب - السادات رحمه الله مات باى رصاص - مش فاكر - ابقى حاول تنشط ذاكرتك يمكن تكون نسيت فاصل ونواصل اغابي

كل سنة وانتم طيبين وعيد سعيد علينا جميعا ويارب يارب مصر دايما تبقى بخير وناسها الطيبين بخير

سيدتي الفاضلة maramero ... علمتني التجارب ان هدؤ الفكر ... و عدم الأستسلام لأي استفزاز هو افضل اسلوب للحوار .. للوصول دائمآ الي مناخ حواري صحيح ... أول شيء .. بالرغم من اني اتفهم تمامآ الأنطباع الذي تركته بعض السطور علي مشاعرك و هو نفس الأنطباع الذي وصل الي .. و لكن لننظر للأمور من هذه الزاوية ... لن نستطيع ابدآ مقارنة اجواء السعودية بأجواء كندا .. و لا حتي مصر ... ما يحكم السعودية هي شريعة يعلم الجميع أصولها و ابعادها و احكامها ... فلا يجب ان ينكر عليهم أحدآ طريقة حكمهم في بلادهم .. مثلما لا نسمح لأحد ان يتدخل في احكامنا .. مثلما في كندا او في اوربا عدم الموافقة علي عمل المثل هو ضد الديموقراطية التي تحكمهم بما تحتوي علي حقوق الأنسان و حرية العبادة و الأعتقاد ... لا أعتقد مثلآ انه في يوم من الأيام سيكون هناك جامع او معبد يهودي في الفاتيكان .. فبخلاف انه لا يوجد بها مسلمين مقيمين علي الأطلاق .. بل هي ليست دولة بالمعني المفهوم ... و لكن بها ما يشبه القنصليات او القائمين بالأعمال .. و داخل تلك الأماكن اذا كانت تنتمي الي دولة مسلمة هناك مكان او مصلي يستطيعون القيام بشعائرهم بدون اي مضايقات ... فاذا كان الأمر كذلك في السعودية .. فالحال من بعضه ... في رأيك .. حتي تلك اللحظة أين يصلون المسيحيين العاملين بالسعودية .. بل اين يصلون الجنود الأمريكيين ضيوف المملكة ... فما الذي جد حتي يتم طلب مماثل هوني علي نفسك يا عزيزتي ... الموضوع يثير نقطة هامة بالفعل و لا يوجد به "حتي الآن" ما يستوجب اي تعديل او حذف ... أذكرك فقط ان في المسيحية القلب هو الأهم و ليست القشور..

لقد افزعنى الخبر ولكن ما اثار قلقي اكثر بل واكثر ان الحكومة معتمدة على انه لا يوجد من ينافسنا فيما نرثه من سنين سواء كان قناه السويس او الاثار السياحية - وبمناسبة النصف الثاني من الجملة السابقة دعونى اتحدث عنها بشرح مبسط لا يوجد الان مفهوم مطلق لكلمة السياحة بالمعنى القديم والعتيق بل يوجد الان السياحة باشكال جديده وتعتبر نوع من التحدي ايضا والذى تعتمده بعض الدول . بعيدا عن اعتمادها على الاثار كمصدر اساسي للسياحة - مثل لبنان ودبي والاردن وسوريا وحتى السعودية بدأت للترويج عن السياحة لديها حتى وان كانت اسواق ومولات وشواطىء ومدينة ملاهى وسلسلة مطاعم عالمية وبرامج سياحية وترفيهية متنوعة تجذب السائح . وبهذا يكون تطور جديد للسياحة بدون الاعتماد على الاثار والتاريخ القديم كمصدر اساسي -اعود للتحدث عن موضوعنا قناة السويس وان كان هذا الخبر امامه الكثير من الوقت ليبرهن فعاليته وصالحيته فى اتخاذه بديل الا انه من المحتمل ايضا ان تكون خطوة خطرة لتنافسنا فى مدخول قناه السويس - و خاصة كما تفضل الدكتور احمد سيف وتكلم عن الاحتباس الحرارى والذى من الممكن ان يخدم هذا الطريق البديل والمنافس لقناه السويس وانا اعتبره خبر خطير ومقلق للغاية حتى وان كان امامه وقت طويل وللاسف ما زلنا لا نبحث عن التطور ونعيش على مجد الماضى وما ورثناه يوما من اسلافنا واجدادنا دون البحث عن التجديد فناه السويس هذه من صنع ايدي اجدادنا يوما ما ونحن من حفرناها ودفع الثمن المئات من المصريين - هذا ورثناه ولكن الان هل يوجد جديد نقدمه !! كل ما ورثناه بدايه من القطارات القديمة وهيئات السكك الحديدية المنتهية الصلاحية وصولا الى قناه السويس - كله ميراث ولا تجديد ولا تغيير ولا تطوير تذكرت ايضا شيء . . وبرغم اننى لست ناصرية . . الا انه اثر فى نفسي الوضوح الشديد والكتاب المفتوح امام الشعب . . عندما تكلم فى خطاب رسمي وفى قمة الوضوح الراحل جمال عبد الناصر عن ايرادات قناه السويس انها مليون جنيه فى ذلك العام وكان سعيد جدا وتحدث بلغة الارقام والحسابات مستعينا بورقة بيده - اعجبنى الوضوح فقط هل الان يخرج علينا احد المسؤولين ليشرح بالتفصيل وبنفس الوضوح ويكشف عن مجمل ايردات قناه السويس سنويا كما فعل سابقا جمال عبد الناصر هل احد منا اى مصري - و بدون تخمين يستطيع ان يعرف كم ايرادات قناه السويس سنويا فعليا ؟؟؟ واسفة على الاطالة اغابي

السلام عليكم ورحمه الله وبركاته استاذي الفاضل لقد تم أضافه وصفه بنجاح والحمد لله بس لي تعقيب صغير ليه الخطوات مش طلعت تحت بعضها مع انى مفروض عامله انتر يعنى الكود بتاع الbr مفروض يبقي شغال ولا انا مفروض ابقي اكتب بعد كده الكود بتاع السطر الجديد ؟؟؟؟؟؟؟؟ انا بس ملاحظتى علشان يبقي الشكل افضل ان شاء الله وطبعا انا بعد ما خلصت جربت البحث باسم الوصفه وطلعت بسرعه والحمد لله وجزاكم الله كل الخير على المجهود الرائع ده

حد الردة موجود فى الكتاب المقدس يا باشا - عشان بس محدش يفتكر من غير المسلمين انه كاسر عينا وان ديننا ارهابي - سفر التثنية:13 6 واذا اغواك سرا اخوك ابن امك او ابنك او ابنتك او امرأة حضنك او صاحبك الذي مثل نفسك قائلا نذهب ونعبد آلهة اخرى لم تعرفها انت ولا آباؤك 7 من آلهة الشعوب الذين حولك القريبين منك او البعيدين عنك من اقصاء الارض الى اقصائها 8 فلا ترض منه ولا تسمع له ولا تشفق عينك عليه ولا ترقّ له ولا تستره 9 بل قتلا تقتله.يدك تكون عليه اولا لقتله ثم ايدي جميع الشعب اخيرا. 10 ترجمه بالحجارة حتى يموت.لانه التمس ان يطوّحك عن الرب الهك الذي اخرجك من ارض مصر من بيت العبودية. 11 فيسمع جميع اسرائيل ويخافون ولا يعودون يعملون مثل هذا الامر الشرير في وسطك 12 ان سمعت عن احدى مدنك التي يعطيك الرب الهك لتسكن فيها قولا 13 قد خرج اناس بنو لئيم من وسطك وطوّحوا سكان مدينتهم قائلين نذهب ونعبد آلهة اخرى لم تعرفوها 14 وفحصت وفتشت وسألت جيدا واذا الامر صحيح واكيد قد عمل ذلك الرجس في وسطك 15 فضربا تضرب سكان تلك المدينة بحد السيف وتحرّمها بكل ما فيها مع بهائمها بحد السيف. 16 تجمع كل امتعتها الى وسط ساحتها وتحرق بالنار المدينة وكل امتعتها كاملة للرب الهك فتكون تلا الى الابد لا تبنى بعد ************************ ماهو ذنب البهائم و الاطفال ؟ لماذا تحرق المدينه ؟ اين الله محبه ؟ يجيلك واحد ************* و يقول ده عهد قديم ( مع أنهم لا يكفرون به بل يؤمنون به )!!!! نقوله طيب هات لنا نهى يسوع الان من عهدك الجديد ( عهد المحبه ) بسقوط حد الرده الجواب .... لايوجد كانت هناك نقاط اختلاف كثيرآ ما كنا نتناقش حولها يا سيدي الفاضل .. و لكن كانت دائمآفي اطار من الأحترام الشديد و البعد عن السخرية ... لذا ساءني كثيرآ اسلوب حضرتك الذي اختفي من المحاورات منذ فترة طويلة و لكن ها هو يحاول مجددآ التسلل اليها ... فرجاء يا سيدي الفاضل ان تخاطب الناس بنفس الأسلوب الذي تحب ان يخاطبوك به .... هو رجاء اتمني ان تأخذه بجدية .. فما كتبته حضرتك من اسئلة ثم قمت بالرد عليها اجد نفسي معني به في المقام الأول لأني سبق و ذكرته بالفعل علي سطور المحاورات ... و لا أحب ان يخاطبني أحدآ ناعتآ اياي "بالفذ العبقور من عباقير النصاري" ,,,, كما ان اله كتابي ليس اله نكرة .. فهو الرب القدير .. الله الواحد الذي نؤمن به جميعآ .. كلآ من منظور مختلف .. و لكنه الله العلي ... علي كلآ .. لا أستطيع ان الومك .. و لكنني الوم في المقام الأول من اعطي الفرصة و الحجة علي طبق من فضة الي عاشقي تأجيج الفتن .. فأصبحوا مثلهم .. الوم من جعل فئة من مسيحيي مصر يعتقدون انهم اصبحوا غير قابلين للمس و تصبح المصيبة أعظم عندما يكون من يفكر كذلك هو من رجال الكنيسة .. الوم من يضرب بعرض الحائط بمصير شعب امام كرامته الجريحة بهجران زوجته له ... الوم من يركب موجته من شعب الكنيسة بدون ان يتحقق ... فأصبحنا بالفعل الشعب الذي تلمه زمارة .. الوم كبار رجال الكنيسة الذين يجب ان يقوموا بدورهم الذي طالما قاموا به عندما يقع كاهن في خطأ شديد فيقومون بشلحه لا أن يحموه و يداروا علي خطأه الشديد ... الوم حكومة يجب ان توجه له تهمة اثارة الفتنو تلقي به في سجن لا يخرج منه درسآ لمن يقوم بما قام به و لكنها تخاذلت عن ذلك ... و مع الوقت و رويدآ رويدآ اصبحنا نحن المسيحيين بدون ان نشعر نفكر مثل اليهود و نتصرف مثلهم ... شعور بأضطهاد مرضي ... و رد فعل مبالغ فيه علي نفس منوال اعداء السامية ... و تكبر الدائرة و ـاخذ في طريقها الأخضر و اليابس ... و من سيدفع الثمن سيكون اولادنا ... كلنا ... ميراثنا لهم سيكون فقط بلد منهوب .. محطم تنعق بين اسواره بوم الكراهية و الحقد ... تفاحة معطوبة وضعوها في سلة وطننا منذ زمن و تركوها تقوم بما يجب ان تقوم به .. تفاحة وراء الأخري و أخري .. و أخري .. و ها نحن الآن نعيش في سلة كل تفاحها معطوب تعيث به الديدان فسادآ و نحن لا نفعل شيئآ الا القيام بتغذبتها أكثر و أكثر .. و هناك من يفرك بيديه فرحآ بذلك ... في أي عرف ضيق زوجة من زوجها و ابتعادها عنه تصبح له كل هذه الأبعاد .. اتخطفت ... اجبروها علي الأسلام .... لأ محصلش ... اهه رجعت ... اجبروها علي المسيحية .... أهلي ... زمالك ... حكومة داعرة ... اضطهاد ... استقواء بالغرب ... ايه القرف ده ... يا ناس .. اصحوا .. فوقوا .. كفاية بجد .... يا كنيسة ... يا أزهر .. يا مسيحيين ... يا مسلمين .... بلدنا بتروح ... و احنا ماسكين في البردعة و سايبين الحمار يرفس فينا ليل و نهار ...

يا جماعة هو العملية مش دولة داخل دولة الاصل ان الدولة الكبيرة ( مصر ) ماتت و دخلت مرحلة التحلل و اصبح بالتالى كل مجموعة بتعمل دويلة داخل الدولة من اول بتاع عبارة السلام اللى كان عامل دولة فى البحر الاحمر وكان فوق القانون والمحاسبة مرورا بدولة النخيلة التى تم اجهاضها فى الصعيد و عشرات الدويلات الشبيهة الغير معلنة لحد دولة وشعب الكنيسة و العملية مجرد وقت عشان تصبح الدولة الاولى فى التاريخ (مجرد ماضى وذكرى ) سواء بشكل واضح او بشكل مستتر زى دولة الكنيسة و طبعا القادم هى مواضيع البدو فى سيناء و حكاية النوبيين و اخيرا الامازيع فى سيوة وعلى قد متقدر قسم التورتة و اللى مش مصدق ينزل اى شارع فى مصر و يشوف حالة المرور فى الشارع عشان يعرف ان البلد دة كل واحد عمل قانونة الخاص و بمزاجة

قالت صحيفة هاآرتس الإسرائيلية إن مصر حملت إسرائيل مسئولية انقطاع التيار الكهربائى مؤخراً فى معظم الأحياء والمدن المصرية، مدعية أن صفقة تصدير الغاز المصرى لإسرائيل أثرت سلباً على احتياجات مصر من الطاقة ووصفت الصحيفة انقطاع الكهرباء عن كثير من المدن والقرى والأحياء المصرية بـ "الكارثة"، نظراً لارتفاع درجات الحرارة بمصر فى فصل الصيف لتصل إلى 40 درجة مئوية، بالإضافة إلى معاناة المصريين من الظلام وإفطارهم على ضوء الشموع فى شهر رمضان، بجانب تكبدهم الكثير من الخسائر لتلف بعض المنتجات فى المحلات التجارية والمصانع حتى اسرائيل حست بينا يارب اوعدنا ان اللي عندنا يحسوا http://www.haaretz.com/news/diplomacy-defense/egypt-blames-israel-for-power-blackouts-1.308778

مش قادرة افسر وعلشان ما افتيش كمان لان الموضوع مش ناقص لكن انا كان حصل معايا هو موقف وحيد لا غير ولم يتكرر ابدا - زمان لما كان عمرى حوالى 7 سنين وماما طلبت منى اروح انا واختى واخويا ننادي بابا من عند ناس اصحابه سهران عندهم وكانت الساعة 10 باليل او الحدود دي يعنى - فرحنا احنا التلاتة - والمسافة مش بعيد اوى كام شارع المهم انا واختى واخويا وماشيين فى الشارع وفى نص الطريق كان فى زاوية فيها كشك كهرباء المعروف فى مصر داه صاج حديد كله كدا - المهم ورا الكشك داه لقينا شخص واقف والمسافة بينا وبين بعض 4 متر مش اكتر وشايفينه كويس اوى اول واحد اكتشفه اخويا قال ايه داه بصوا - الراجل داه اسود فحمة كانه محروق ولا باينله ملامح اصلا وكمان مالوش ودان وااقرع وعيونه حمرا وبيد واحدة ودايما لما باشوف سبايدر مان مع اولادى حاليا بيفكرنى بهيئته اللى مش قادرة انساها - بس سبايدر مان ملون لكن داه اقرع واسود وبدون ودان - المهم اخويا صرخ عفريت واختى تجرى عفريت وانا علشان الصغيرة فيهم اتهببت واتكعبلت على بوزى على الارض وهما رجعولى قومونى وجرونى معاهم وكلنا نصرخ لغاية ما وصلنا عند بابا - وحكيناله حه بابا مع اصحابه وراحو عند كشك الكهربا ولفو حواليه وما لقوش حاجة خالص بتاتا لكن اللى كان مخلى بابا مصدق اننا احنا التلاتة شوفناه - مش مثلا انا شوفته واخويا لاء او اختى لاء - احنا التلاتة شوفناه - حتى لغاية دلوقتى ادينا كبرنا واتجوزنا وخلفنا لكن لما نتجمع مع بعض بنفتكر الموقف داه بالتفصيل - لان صورة العفريت مش قادرين ننساها ابدا بجد - وطبعا بابا كاب عاوز يطمنا ان ممكن راجل عادى كان ورا كشك الكهربا وانتم علشان ضلمة خوفتم منه بس كلنا قولناله يا بابا داه كان واقف محروق كله اسود وعيونه حمرا اوى وبدون ودان واقرع وبايد واحدة مش ممكن مش شكل الناس العادية . فانا اعتقد فى الظواهر دي طبعا .

مساء الخير مبررووك علي اللاندينج و عقبال الجنسية معلش متأخرة شوية كنت عايز اعرف ايه رأي حضرتك في الطيران التركي و ايه اللي الواحد ممكن ياخده معاه لو هستقر بعد اللاندنج و أخيرا ما رأيك الان بالحياة في كندا بعد هذه الفترة ؟ بالتوفيق و شكرا جزيلا

ألآخت الفاضله - موديزم بعد التحيه كل عام و أنت و أسرتك الكريمه بخير - أذكر أن أخر مداخله لي كانت بمناسبة العيد - و قد مر وقت طويل علي مداخلاتك - و الاسبوع الماضي كان المولد النبوي - فكل عام و أنت بألف خير أما عن ما بدر من بعض الاعضاء من تشبيهات - قد لا تكون في محلها - فأود أن أشير ألي شئ بسيط لعلنا جميعا ندركه و لكن لا نراه أن كل الاعضاء في هذا المنتدي من ثقافات و خلفيات علميه مختلفه ,, كما أنهم من أعمار و تجارب حياتيه متباينه- و للكتابة في مثل هذه الامكان نزعة من حب الظهور و التميز عند البعض - و كأننا علي منابر خطابيه و ليس مكان نلتمس فيه يد العون و المساعده من من تطوع بها مختارا و ليس مكرها -- و غالبا ما تجدي هذه النزعه عند صغير في السن أو حتي كبير في السن ,, صغير في خبراته الحياتيه -- لا يعرف كيف يقيم من يساعده و من يتنافس معه لذلك و أنت كبيره في الخبره و لك من التجارب و الشواهد ما أوصلك الي ما انت فيه و أسرتك من علم و كفايه فلا تصغري بالنزول للصغائر - و لا تنفري من محبي الظهور - فالكثير من الاخوه للاسف غير متعود علي هذا السلوك التطوعي في المساعده - و الحياه عندهم ما هي الا فزلكه علي الفاضي و المليان - حتي لو كانت هذه الفزلكه تؤزيه فلا مانع,, لقد أظهر الرجل سعة خياله و عظيم معرفته بشخصيات الكراكتير و لكن خانته الكياسه و معرفة أن لكل مقام مقال ,, و هذا هو لب الكتابه هنا ,, نحن في أنتظار أنطباعتك و زوجك الكريم عن هذه الفتره التي مضت عليكم في شتاء تورونتو - و أخبار الاولاد و المدارس و التعليم - و الشغل الكاجول و غيره -- و الاكل و الشرب و الملبس و الواصلات و كفايه كده بالله التوفيق

منور يا عم نصار دايما متألق وفكرة مهمة لتوبيك رائع محتاجينه

الف شكر

برغم اشتراكى به بناء على دعوات الأصدقاء إلاّ إنّى أعتبر هذا التطبيق من أسخف ما مرّ بى فى حياتى الانترنتيه !! لدرجة توقّفى تماما عن الدخول على الحساب الخاص بى و تفكيرى الجدّى فى إلغاء هذا الحساب أصلا .. فكرة التلاقى مع أصدقاء الطفوله أو الدراسه ممّن فرّقتهم الأيّام فكره تبدو فى ظاهرها جميله و برّاقه لكن مع بعض التفكير ستسأل نفسك : ولماذا فرّقت بيننا الأيّام من الأصل لو كانت علاقتنا من القوّه لتستمر !! أنا استعدت بعض الذكريات مع أصدقاء قدامى فرّقت بيننا مشاغل الحياه ثم عاد الوضع لما كان عليه و انقطع التواصل على Facebook كما كان الحال فى السابق !! لأن خلاص اتّجاهاتنا فى الحياه اختلفت ومن ثمّ انقطعت الصلات .. المثير للدهشه كذلك كمّ التطبيقات الاضافيه التى تلحق به كل يوم .. ما يتعلّق بفيلمك المفضّل أو كتابك المفضّل أو إرسال emotions متحرّكه و غيرها من أشياء تستهلك المزيد من الوقت فى هذا الشئ الذى لا أهميّه له "فى رأيى المتواضع" سوى إعلام الغير بأنّى سأذهب فى اليوم الفلانى للمعرض العلاّنى أو الفيلم الترتانى .. يعنى أمور خاصّه لا تهم الكثيرين .. و برغم وجود خيار جعل الحساب الخاص بك غير متاح سوى لأشخاص تحدّدهم فالوصول لهذا الاختيار يتطلّب صبر و تضييع وقت إضافى لظبط الخيارات الخاصّه بك و الموضوع مش مستاهل من البدايه ..