لوحة القادة

الأخوة الأعزاء الأفاضل ------تحياتى لكم جميعا بعيد الفطر المبارك أعاده الله علينا جميعا بالخير والبركات ولى تجربة أحب أشاركها مع الجميع كعمل خالص لوجه الله ليس لى فيه من هدف سوى الخير والخير فقط لاغير وماسأسرده ليس ألزاميا لأحد وكل واحد فينا له رأيه ووجهة نظره فى الحياة ولكن رأى الذى أتحدث عنه الهدف منه توصيل وجهة نظر مهمة قد تكون متوارية بعض الشىء فى زحمة الأحداث عند الكثير منا -- أنا أخ وزميل ليكم وكنت مقدم على الهجرة الفيدرال تبع النظام القديم وأستلمت الفايل نمبر من مكتب القاهرة فى 2 ديسمبر 2007 يعنى تقريبا داخل على 3 سنوات ومنذ ذلك الحين وأنا قلق على التجربة الجديدة ليس بدافع الخوف ولكن بدافع الذهاب الى مجتمع جديد يختلف عنا كليا فى الثقافة و الأمور الدينية وأمور كثيرة ---المهم أستمرت حيرتى كثيرا وطويلا مابين رغبة التقدم والتطور والحياة فى مجتمع على أسس ونظام دقيق أى حد فيه يستطيع أنه ياخد حقه بسلاسة ودون تعقيد وممكن يعيش حياة كريمة ليه ولأسرته ---ماسبق أن ذكرته هو ما أعتبرته أيجابيات الحياة فى كندا –ولكن على الوجه الأخر كانت تساورنى خواطر التعرض لخطر تربية الأولاد فى مجتمع منفتح –المهم استمريت أفكر طويلا لانى سأتحمل مسئولية أسرة سوف أسئل عنها فى يوم لاظل الا ظله وظل الشعور يراودانى –وأهتديت الى أن عمل الأستخارة هو الحل الأمثل ---الى أن جاء شهر رمضان المبارك وذهبت الى المسجد وهناك حضرت أحدى الخطب الدينية التى ألقاها رجل علامةوجهبز فى الدين وهو بالمناسبة أستاذ جراحة بطب عين شمس فطلبت منه أن أتحدث معه على أنفراد ماشجعنى على ذلك أنه ذكر أنه درس فى فترة من حياته فى أمريكا ووجدت أنها فرصة طيبة للأسترشاد ---المهم لاأود أن أطيل عليكم كلام الرجل فى منتهى الخطورة وفى نفس الوفت فى منتهى العقلانية –لأنه تحدث عن نقطة تربية الأولاد فى مجتمع منفتح وفى سن المراهقة وتأثيرات التواجد فى المدرسة مع زملاء أغلبهم ليس من نفس الثقافة والمناهج التى تدرس ليست أسلاميةوبمراقبة وزارة التعليم الكندية حتى لو ألتحقوا بمدارس أسلامية والأولاد لا تستطيع أن تفرض عليهم وصايةودورك أستشارى خصوصا فى سن مابعدالعشر سنوات لأنهم يسألونهم فى المدارس عن أى تدخلات أسرية أو مضايقات والمجتمع هناك من السهل والعادى أن تسمع عن ال جيرل فريند والبوى فريند وعادى أنهم يخرجوا مع بعض وبرامج التليفزيون على المفتوح والمساجد ليس لها مأذن والتأثر اللى كان موجود بالحياة الأسلامية سوف يتلاشى تدريجيا والرجل هناك هو كمان مفتتن فى مجتمع الغالبية العظمى فيه ليست مسلمة وماذا ستفعل عندما تخرج مع زملاء العمل فى أجتماع وهم كلهم يشربون الخمر وأنت الوحيد الذى يقول لا وكلهم مع الجيرل فريند وأنت تقول لا وكيف بالله علينا جميعا يمكن عمل صداقات وأن يتأثروا بينا ونحن حياتناالأجتماعية بها فروق متباعدة عنهم الى هذا الحد---- بلاش كلهم قول أغلبيتهم والى متى وهل تعتقد انك يمكنك مصادقتهم او حتى مزاملتهم وأنت على اختلاف حاد معهم فى العادات والثقافات ------المقصد المهم أنا أسف جدا أذا كنت أسبب الضيق للبعض خصوصا وأن أغلبية من يشاركون فى المنتدى هم ناس خدوا قرار ولكن أرى من رأيى أنها الأمانة توصيل المعلومة بضمير لخدمة الغير لأن ماأتيح من معلومات لى قد لا يكون متاح للأخرين وأرى أننا يجب أن نفكر جيدا هل عندنا أستعداد ولو بنسبة 1 % لفقد أولادنا وهم الأستثمار الحقيقى الذى نعيش لأجله –أنا بقول 1وليس أربعين بالمائة ---الراجل وهو رجل كبير بيقول البنت اللى مابتعملش علاقة فى سن الثالثة عشر بيعملوا معاهاجلسات نفسية وبعتبروها شاذة--وعادى أنهاتدخل البيت ومعها البوى فريند بتاعها وأنت سعادتك بتتفرج ولاتقدر تفتح بقك -- أنا أسف هذا ماسمعته من أكثر من مصدر --عموما يجوز يكونوا كلهم مبالغين أو مغرضين ولكن دايما علمونا أن الأشاعة بيكون فيها ولونسبة من الحقيقة وأنا ماعنديش أستعداد أنى ألعب ولو 1 جنب مستقبل أولادى ------النقطة الأخيرة وهى كذلك فى منتهى الخطورة وهى فى الحقيقة متعلقة بموضع العمل اللى بيروح لا بيشتغل بسهولة ولا وده المهم بيشتغل بمهنته يعنى عادى أوى أنك تلاقى راجل محترم خريج هندسة ومعاه دكتوراه وبيشتغل عامل فى محطة بنزين وبأجور لا تصنع حياة الرفاهية اللى أحنا بنحلم بيها ----عارف أن فى ناس هاتقوللى أحنا أشتغلنا من أول يوم وأنا أستأذنهم نجيبها بالنسبة كام فى المية أشتغل من أول يوم وكام فى المية أشتغل بمؤهله وهل سعادتك عندك أستعداد أنك تاخد كل المجازفات ديا وتخسر دين أولادك وناهيك طبعا عن الجيل التانى اللى مش هايعرف ولا هايبقى عايز يعرف حاجة عن الدين الأسلامى –دين الأصل بتاعه-----أسف للأطالة وأسف للتشاؤم وعارف أن فى ناس ممكن مايعجبهاش هذا الكلام وتعتبر صاحبه متخلف ورجعى ودقة قديمة وماتحبكهاش أوى كده ياراجل وخد الأمور بسهوله مالك محبكها ليه --–الحياة هنا فيها سلبياتها أنا عارف لكن مش لدرجة ان يخسر الأنسان دينه الى هذا الحد --- وتستطيع أن تفرض أسلوبك لأن على الأقل المجتمع كله بيتكلم نفس اللغة فى هذه النقطة وأغلبه مسلم ولسا لم يدخل علينا المصطلح بتاع الواد داخل البيت فى مرحلة الأعدادى ومعاه الجيرل فريند بتاعته ---وأختم كلامى بخير الكلام ----كلكم راع وكلكم مسئول عن رعيته --- والله الموفق -----ملحوظة هامة ---لو حضراتكم تكرمتم مش عايز تجريح لأنى أقدمت على الكتابة من منطلق الأمانة والأخلاص للغير وأيثارهم وأعتبار مستقبل الغير كأنك مكانه وتخدمه لوجه الله وربنا يوفقنا جميعا

اخواتى و اخوتى اشكركم جميعا على ردودكم السريعه و نبدأ اليوم بأول موضوع و انتظر اقتراحتكم عن المواضيع التى تودون ان نتناقش بها -------------------------------------------------------------------- -------------------------------------------------------------------- كلنا نستمع الى الاغانى بكل انواعها,,الرومانسيه و الراقصه و الدراميه, الخ....... و لكن هل نعرف كيف تصنع هذه الاغانى كيف تبدأ الصناعه و كيف تصل الى المستمع .. بعضٌنا يعرف بالتأكيد و لكن هناك اسرار كثيره لا يعلمها غير المتخصصين فقط ,و دعونا نبدأ من اول البدايه ,,,,,,,,,,,,,,,,,,,,,,,, هناك وسيلتان لا ثالث لهم لبدايه ظهور الاغنيه , اما المطرب أو المؤلف مع الملحن فلكل مطرب مجموعه من المؤلفين و الملحنين يرتاح للعمل معهم و مقتنع بهم , مثل هانى شاكر و كاظم الساهرو لطيفه,, و غيرهم و بعض المطربين يريدون التغيير و الدماء الجديده وهم قله و ان كانت على رأسهم سميره سعيد ,,,,,,,,,,,,, و عنداتفاق المطرب مع شركه الانتاج يبدأ بالأتصال بمجموعه المؤلفين لأختيار الكلمات و بعد الاستقرار عليها يرشح المطرب أحد الملحنين بالأشتراك مع المؤلف و يبدأالملحن فى تلحين الكلام و عاده لا يأخذ اكثر من يومين او ثلاثه اذا كان المطرب ذو شهره أو كان الملحن مٌفلس ماديا ,, هذه هى الطريقه الأولى,, اما الطريقه الثانيه فهى العكس تماما ,,, يلتقى المؤلف مع الملحن لتلحين الكلمات ثم يختاروا معا احد المطربين أو المطربات و يعرضوا عليهم اللحن فاذا وافق المطرب تبدأ اولى خطوات التسجيل وهى الأتصال بالموزع الموسيقى و هو اهم دور فى ظهور الاغنيه فى العصر الحالى ,,,,,,,,,,, بعد انتهاء الموزع من عمله وهو يستغرق بين 6 ساعات و أسبوع كامل ,, تأتى مرحله اخرى و هى سماع اللحن بعد التوزيع من قبل الملحن و المطرب و أحيانا المؤلف ,و بعد اضافه الاراء و الاقتراحات تبدأمرحله اخرى ,, وهى اختيار الاستوديو و غالبا يكون رأى الموزع هو الأهم و كذلك أختيار مهندس الصوت و مجموعه العازفين و هى ليست فرقه موسيقيه كما هو شائع عند البعض ,, ثم حجز الاستوديو و العازفين ثم التسجيل و يتم على عده مراحل : يقوم الموزع بوضع الموسيقى المخزنه على جهاز الكومبيوتر الخاص به أو بعض الاجهزه الاخرى الخاصه بهذه العمليه الى ماكينه التسجيل و قد تكون كومبيوتر او انواع اخرى ,, ثم تبدأباقى الالات كل اله على حده عدا مجموعه الوتريات فتعزف معا ثم بعد ذلك الكورال ,,, ثم المطرب ,,, و اخيرا عمليه المكساج و هى دمج كل ما سبق معا بشكل فنى مع وضع المؤثرات الصوتيه المرحله قبل الاخيره: بعد الانتهاء من كل اغانى الشريط تبدأعمليه الديجيتال ماستر و يقوم بها مهندس مختص و فيها يضع اللمسات الاخيره الهندسيه للشريط كأن يكون مثلا كل الاغانى فى نفس مستوى الصوت من حيث العلو و الانخفاض ...الخ اما المراحل الاخيره فهى الطبع و تصوير البوستر و الدعايه و الفيديو كليب اى حد عنده استفسار او رأى انا ف الخدمه هشام

والله أنا ماعنديش فكره خالص عن مسألة الهجرة لكيبك ... أنا تخصصي فيدرال بس بس ممكن حضرتك تلاقي معلومات مفصّلة حول الهجرة لكيبك في المواضيع التالية http://www.egyptiant...showtopic=88810 http://www.egyptiant...showtopic=70870 http://www.egyptiant...showtopic=90981 وعموما كل الموضوعات ذات الصلة موجوده في الفهرس http://www.egyptiant...showtopic=97317 إن شاء الله في بداية يوليو 2011 أيوه بيرجع خلال شهر واحد https://spreadsheets...authkey=CLDXsFA العفو ... تحت أمرك

من الصعب ان نصدق ان مصر تتجة طواعية او جبرآ الى ما تصفونة بالفكر السلفى بحسبة بسيطة ايها العقلاء .. المذهب السنى المعتدل يمثل 90%من عدد مسلمى الارض والمذهب الشيعي يمثل 10%من باقى الحسبة وأن المذهب السلفى وباقى الفرق المسماة بالجماعات الاسلامية تساوى فقط 10%من عدد السنة فى العالم الاسلامى فى محيط الكرة الارضية اذآ ما هو سبب الهلع من تكاثر السلفية وهى اقل من عدد المذهب الشيعى اليس هذا تكبيرآ لما نشاهدة وهلع لما ينتمون الى الفكر المسمى بالحديث والعلمانى مع احترامنا لهم كيف نترك 80%من عدد مسلمى العالم ونتشبث بالقاء الفوكس والمكبرات للصورة الى جماعة قوامها هامشى كما يوجد فى باقى الأديان من جماعات متشددة بل اشد خطرآ من السلفيين المسلمين ورغم عدم قبولنا لهم فى بعض سياساتهم وتفسيرهم للأحداث الا اننا نشاهد الكثير من جماعات أخرى غير مسلمة لا داعى لذكرها اشد خطرآ على الانسانية فكرآ وتنظيمآ اذآ ماهو المقصود من تلك الحملات على جزء هامشى من الاسلام ليأخذ معة باقى المسلمين ياسادة اتعبو انفسكم فى التفكير عن مخرج لما هو حادث لأتهام المسلمين جميعآ بالتخلف ووضع النموذج الغير مكتمل من البناء او بة بعضآ من سوء التنظيم والتمسك بأفكار قديمة امام المرآة ليصبح المسلم سبة او ملعون فى عين الاخر وهذا ليس من تدبير الاخر او ما يكرة الاسلام واتباعة بل من الكثير ممن يعتنقون الاسلام ويريدون الاصلاح على طريقة التهليل واشاعة الفوضى بين المسلمين لاغراض يعلما كل صاحب عقل وعين وقلب سليم هدانا الله جميعآ الى الحق والبعد عن تشوية صورة الاسلام بجعل فرقة منة مثال صارخ لة بأنة دين عنف او تشدد سامحنا الله على تقصيرنا تجاة الاسلام والهمنا الصبر على من يحاربة بأفكار خبيثة وساعدنا الله عز وجل على ان نرد على كل من يسي للاسلام بوضع كل فرقة سواسية كما يتم الان من اظهار الاسلام بالتخلف والقصور الفكرى الغير صالح للمضى بالعالم الى الخلاص من تبعات العصر المادى القذر الذى يباح فية كل شيء من الاعراض الى الشواذ الى الربا والاتيان بكل ماهو خارج عن المألوف عنما فطر الله الناس علية .. وكل عام وانتم بخير

موضوع حيوي و مهم جدا - استاذ عادل - فنحن نعيش بالفعل ثورة رقمية و انا من المتحمسين بشدة للقراءة الالكترونية و لذلك سأعقد مقارنة بين القراءة الورقية و القراءة الالكترونية في السطور التالية بدايةً احب ان اسرد حوار دار مع كثيرين من الزملاء و الاصدقاء – انا لا أفضل الا الكتاب الورقي و لا أستطيع ان اقرأ من على شاشة الكومبيوتر و ردي ان الذي يصر على مقولة الاعتماد فقط على الكتاب الورقي سوف يظل خلف الركب الحضاري ببعيد (ده اذا كان بيقرأ من الاساس بشكل منتظم) فمن المعروف ان المعرفة البشرية تضاعفت منذ القرن السابع عشر الى بدايات القرن العشرين الى ان وصلنا الان انها تتضاعف كل خمس سنوات و لمسايرة هذا التطور السريع لابد من المثقف او المتعلم عموما من الحصول على معلومات اكثر في وقت قليل لذلك لا بد لنا من معرفة ماهية قصة تطور الورق بإختصار و ما أهمية الورق من الاساس لا شك ان صناعة الورق و التي يقال انها بدأت في الصين مهدت لثورة حضارية في تاريخ البشرية و ارجو ان تتخيل ان الانسان كان يتعامل فقط مع غيره شفويا فلما تم صنع الورق استطاع ان ينقل الحضارة لاجيال قادمة بحفظ المعلومة على ذلك الورق المصنوع عندما فتح المسلمون الامصار اعجبوا بفكرة الاوراق و نقلوها من بلاد الصين و هذا مهد لازدهار الحضارة الاسلامية و كان البيت المسلم المتوسط في قرطبة خلال القرن العاشر الميلادي يحتوي على عدد من الكتب يفوق عدد الكتب الموجود أنذاك كل الكتب في قارة اوروبا (سيجريد هونكه – شمس العرب تسطع على الغرب) مما يبين لك كيف اهتم المسلمون بتلك الظاهرة الحضارية الا و هي ظاهرة المعرفة ثورة اخرى في عالم القراءة تمت باختراع الة الطباعة في القرن 15 و التي جعلت من الممكن طباعة نفس الكتاب طبعات كثيرة اي ان نفس المعلومة توصل لجمهور كثير و بسعر زهيد.... و الذي احدث ثورة هائلة في نشر العلم في الغرب بينما صدرت فتاوى تحرم استخدام الطابعة في الدولة العثمانية في القرن الخامس عشر و ذلك بحجة انها ستفتح الباب لنشر الرسوم و الالحاد و تغيير حروف القرأن و القضاء على الكتابة بالخط العربي... و هذا كان بداية الافول للعلم في ديار الاسلام بعد ما سادوا المسلمون العلم وحدهم مدة 1000 سنة تقريبا – فسبحان مغير الاحوال و مقلبها. عموماً الان هناك ثورة غير مسبوقة الا وهي الحصول السريع على المعلومة من خلال الوسائط الالكترونية سواء كانت كتاب الكتروني او مقال على الويب او بلوج الخ.... وانا هنا سوف اركز على الكتاب الالكتروني كاهميته فالباحثين و الاكاديميين و المدققين لا ينظرون عادةً الى مقالات الهواة و التي تتغير من زمن لاخر كمجلة علمية او نشرة ....الخ كنظرهم للكتب المتخصصة بشكل عام و تجربتي الشخصية مع الكتاب الالكتروني بدأت في عام 2003 تقريبا عندما وجدت الكثير من امهات الكتب في مجال تخصصي (هندسي) التي كنت ابحث عنها موجودة ككتب الكترونية - شجعني هذا للبحث عن تلك الكتب فوجدت منتديات كثيرة و مواقع كبيرة متخصصة في تلك الكتب.... الى ان وصلت مكتبتي الالكترونية الان لعدة الاف كتاب في مجال الهندسة وحده – غير المجالات الاخرى طبعاً السؤال المشهور عند الكثير و الذي يسأل يكون عادةًَ مصحوبا بسخرية و يا ترى قرأتهم كلهم – و ردي السريع على ذلك بالتأكيد لا و لكن استخدمت الكثير منهم في اشياء صغيرة... و ان مكتبة بهذا الحجم تسهل بكثير الحصول السريع على المعلومة و التي اجدها موثقة في اكثر من 4 او 5 كتب على الاقل و هذا ساعدني كثيرا و الحمد لله ايضا نفعني الحصول على الكتب الالكترونية كبديل لمثيلاتها للورقية اثناء غربتي حيث ان تكلفة الحصول على الكتب كبيرة جدا فضلا عن نقلها من مكان لمكان ساعدني هذا على قراءة الكثير من كتب تثقيفية عربية ايضا – و هناك ميزة انه يمكن كتابة تعليق على الكتاب من خلال بعض البرامج المتاحة لحين عودتك و لتشجيع السادة الزملاء – الان انت تستطيع ان تحصل تقريبا على كل الكتب التراثية المعروفة تقريبا مراجع عالمية في مجال تخصصك سواء كان علمي ادبي طبي لغوي ....الخ روايات و قصص كتب تثقيفية تاريخية فلسفية – مذكرات – الخ و في انتظار اراء الزملاء الافاضل في هذا الموضوع الشيق - و خبراتهم مع الكتب و القارئات الاكترونية

يا جماااااااعة مفيش حاجة والله اسمها ضرب من الخيال انتو ناسيين احداث المحلة لوحدها كانت عاملهم قلق ازاى؟؟؟ دول بعتو قوات امن مركزي من جميع انحاء الجمهورية عشان تتمركز جوا المحلة لمدة شهر ... ومدير أمن الغربية اتسحل هناك واتجرجر من قفاه عشان ضرب ست كبيرة بالألم على وشها وسط الناس ودي مدييييييينة واحدة ... وايامها هددوا الناس وبعتو لكل المصالح الحكومية ان ممنوع اى موظف يغيب فى يوم 6 ابريل ده ؟؟ اللى هو كان اول مرة... وان اى موظف هيغيب هيتحقق معاه...( طبعا لا مؤاخذة يعني قصر ديل يا أذعر) من خيبيتهم شوفو بقى لما الجمهورية كلها تعلن العصيان المدني .. خليهم يورونا بقى هما اعضاء الحزن الوطني اللى هما اغلبية زي ما بيدعو كااااااام واحد بقى من هيئات مصر الحكومية على الاقل شوفو فقر وعانينا ..سحل واتسحلنا .. كهربا واتقطعت .. طرق ومكسرة .. ماية وملوثة... اكل ومسرطن .. اكتفاء ذاتي بالقمح وبيحرموه علينا عشان امريكا متزعلش حاجة بجد تقرف دي ظروف أسوأ من ظروف الحرب .. ومع ذلك يطلعو علينا ويقولك بحكمته وفلاحته بقالنا 30 سنة فى سلام .. والنبي ايييييه ؟؟؟

السلام عليكم هذا الاقتراح الرائع لا يصلح للتطبيق في مصر بحالتها الراهنة للأسف .. الناس التي تبيع صوتها مقابل "كيلو لحمة" أو وعد بقرض ميسر لن تقاطع الانتخابات و ستوفر الشرعية المطلوبة

السلام عليكم ورحمه الله وبركاته العصيان المدني هو اخر مراحل الوقيعه بين الشعوب والحكومات وهو مبدا معروف في بروتوكولات حكماء صهيون وليس فيه الا الخراب للارواح والاموال واشعال فتنه غير معروف حدودها يجب توجيه الجهود المبذوله في الحاكم واختياره الي جهود في توعيه الناس وانشاء مجتمع في المستقبل متعلم منتج وليس مستهلك فقط عشان اختيار الحاكم قدر الشعوب من عند الله ليس بشطاره حد فلنحاول تغير انفسنا قبل تغير الحاكم واللي غير نفسه عليه الصبر حتي يستطيع الجميع او الاغلبيه من تغيير انفسهم عشان ربنا يري صلاح الجسد فيغير الراس ان الله لا يغير ما بقوم حتي يغيرو ما بانفسهم والبردعي ده بالذات لا لانه طلبها

النقطة التاسعة فى الاول طبعا فى بروسيسنج تايمز برضه, بس بسيطة المرة دى, فى مكتب القاهرة العظيم طبعا , كاتبين انهم بيخلصوا 91 % فى شهر تقريبا فى الرابط التالى:http://www.cic.gc.ca/english/information/times/international/14-temp-students.asp لكن ينصح دائما اننا نبدأ فى الاجراءات قبل شهرين من الدراسة, او بدرى على قد ما نقدر علشان الموضوع ده ساعات بيزيد عن الشهر. وطبعا زى ما كلنا عارفين فى نظام التقديم الى السفارة الكندية فى حالة الهجرة هناك ابليكاشنز وورق وصور والذى منه, بس المرة دى فيه وثيقتين المفروض اننا ناخدهم من السفارة الكندية, يعنى مش فيزا دراسة وخلاص, والاثنين كما يلى: 1- Study Permit الوثيقة دى تكلفتها 125 دولار فى الرابط التالى: http://www.cic.gc.ca/english/information/fees/fees.asp ولازمتها انها الوثيقة اللى بتقول انك مسموح لك بالدراسة فى كندا, وغالبا بتطلع بنفس مدة فيزة الدراسة, ولكن ساعات يدوها لمدة سنة فقط مثلا, فى حالة الناس اللى ليها ملفات هجرة, لانه بعدها هيبقوا مواطنين دائمين, ولو حتى ما اخدوش المواطنة يبقوا لازم يقدموا تانى على تمديد لهذه الوثيقة, وساعات الكلام ده مش بيحصل. وممكن تنزلوا الابليكاشن بتاعها من الرابط التالى: http://www.cic.gc.ca/english/information/applications/student.asp ونقرأ عنها فى الرابط التالى: http://www.cic.gc.ca/english/study/study-how.asp#step1 وطبعا من اهم الورق اللى بيبقى مطلوب هو الفيش والتشبيه والمديكال (زى بتاع الهجرة وعند نفس الدكاترة) وطبعا جواب الموافقة الأصلى اللى الجامعة ارسلته لك واحنا اتكلمنا عليه قبل كده. وطبعا كيفية ملئ الابليكاشن كلنا عارفينها, وطرق دفع الفلوس برضه شبه الهجرة بالضبط. ومن اهم النقاط فى الابليكاشن انك لازم تعمل اثبات مالى بقدر معين بيختلف من حالة للثانية, يعنى مثلا فى جواب الموافقة بتاع الجامعة, بيبقى مكتوب فيها الجامعة هتديلك فلوس قد ايه فى السنة, وطبعا لازم تكتب فى الابليكاشن ال Tuition بتاع الجامعة ومدة الدراسة ونوعها, وكل الكلام ده مختلف من جامعة للثانية, وفيه ناس رايحة فردانى وناس رايحة ومعاها عائلاتها واولادها والكلام ده كله لازم يبقى محسوب بالضبط. ووفقا للقانون الكندى احنا لازم نثبت الاثبات المالى الكافى للدراسة فى اول سنة فقط من البرنامج الدراسى, ولكن فى حالات كثيرة بيكون دائما من الافضل ان يغطى الاثبات المالى كل مده البرنامج الدراسى علشان تطمن الاوفيسر فى الانترفيو ان كل شئ هيبقى تمام وتبقى مالى مركزك. يعنى مثلا غالبا بيبقى مطلوب من الطالب انه يثبت ان معاه 10000 دولار كندى لمصاريفه فى السنة بخلاف ال Tuition , يعنى مثلا لو ال Tuition 8000 دولار والجامعة كانت كاتبه انها هتصرف لك 15000 دولار, يبقى كده الجامعة وفرت لك 7000 دولار من العشرة الاف دولار المطلوبة ,ويبقى معنى كده انك لازم تثبت ان معاك 3000 دولار فى حسابك لأول سنة ولو برنامجك الدراسى 4 سنين يبقى يفضل انك تثبت ان معاك 12000 دولار. ولو الكلية مش هتدعمك بفلوس فمعنى كده انك لازم تثبت ان معاك 18000 دولار أول سنة , ويفضل اثبات ان معاك 72000 دولار علشان الاربع سنين دراسة. الحسبة السابقة للطالب لوحده والحسبة كلها هتبقى مختلفة طبعا لو معاك زوجتك واولادك. 2- Temporary resident visa (TRV) ولازمتها انها تسمح لك بدخول كندا فقط. والوثيقة دى لها نوعين : أ‌- Single entry تكلفتها 75 دولار فى الرابط التالى: ب‌- Multiple entry تكلفتها 150 دولار فى الرابط التالى: ت‌- http://www.cic.gc.ca/english/information/fees/fees.asp والفرق ان الاولى تدخلك كندا مرة واحدة فقط, وتسمح لك بزيارة الولايات المتحدة الامريكية فقط دون تجديدها. انما الثانية ممكن تطلع كندا لاى دولة لعدة مرات وترجع كندا تانى, وهى افضل طبعا, لانها هتريح دماغك من الموضوع ده طوال فترة الدراسة والفرق بينهم كفلوس مش كبير. وممكن تنزلوا الابليكاشنز تبعها من الرابط التالى: http://www.cic.gc.ca/english/information/applications/visa.asp وبعد ما نقدم الورق المطلوب فى الوثيقتين, غالبا السفارة هتكلمك علشان انترفيو, علشان يسألوك انت رايح تدرس ايه وليه, طيب ما درستش الموضوع ده فى مصر ليه, ما انتم عندكم جامعات كويسة واجنبية كمان فى مصر, وطبعا الموضوع ده مش صعب قوى, ولكن لازم تخللى الاوفيسر اللى قدامك يحس انك فعلا رايح تدرس, مش هتقعد هناك شوية وتكسر الفيزا, ولازم تخليه يحس انك فعلا العلم فى دماغك وليك مراسلاتك مع دكاترة عالميين وكنديين على الاخص, وليك ابحاثك المنشورة, ومعاك اثباتات مالية كافية وتزيد حتى عن طلباتهم, ومش فى دماغك ابدا انك تاخدها سكة علشان تستقر هناك, انت رايح تدرس فقط. هتقولوا لى ما احنا كلنا مقدمين هجرة, هتقولهم ايه بقى يا بطل؟؟؟؟؟ طبعا الكدب خيبة فى الحالة دى, لازم تبقى صادق لو سألوك لانهم طبعا هيعرفوا بسهولة كبيرة وتقولهم انك فعلا مقدم على هجرة, ولكن انت بتفكر فى الدراسة حاليا حتى الانتهاء من الاجراءات اللى بتاخد وقت كبير , ولو انت استنيت الاجراءات دى عقبال ما تخلص, فرصة الدراسة هتروح عليك, وتأكد لهم انك حتى لو فرصة الهجرة ما جتش لا قدر الله, فانك تفضل الف مرة الرجوع الى مصر لان وضعك هنا افضل كتير من انك تكسر فيزا, ولك مكانتك العلمية اللى انت رايح تعززها فى كندا. وفى النهاية اغلب دراسين الماجستير والدكتوراه بيتقبلوا لان دراستهم عليا, واغلب المقدمين على الكلام ده ناس مش بتهزر, ولكن القلق طبعا بيبقى من اللى رايح يدرس مدة قليلة, او مثلا رايح يقول لهم انا عايز ادرس كورسات مثلا مش على درجة علمية معينة, ابسط رد هيقولوا له ما تاخد الحاجات دى فى مصر وريح دماغك, وطبعا معاملة السفارة الكندية فى القاهرة تختلف عن معاملة باقى السفارات الكندية حول العالم, وصدقونى هما هارشين كل حاجة وعارفين كل شئ بالاحصائيات والدراسات وعندهم POLICY هما ماشيين عليها لكل حالة. وبكده نكون قدمنا ورقنا للدراسة ومستنيين رد السفارة, وبعد ذلك سنتكلم عن النقطة العشرة باذن الله. مع تحياتى

كل عام وانتم بخير .. يااستاذ/ عادل .. بدون اى احتياج لأى تحايل.........القوانين هنا تمنع ترحيل اى شاب اوغلام او قاصر (( يقل عمره عن تمنتاشر سنة ...(( ده قانون وثابت ))..من اوروبا اذا وصل وحده..!!!..وقال انه ليس له عائل..(((( هذا يدحض فكرة ان الاهل موافقين ...او...ممكن الطفل يكذب على اساس البقاء هنا )))) بمعنى ... لو تم اكتشاف اى شاب هربان .. كما يحدث مثلا من مراكش لأسبانيا يتم تهريب الاطفال عن طريق كامبيونات الفواكه والخضار او حتى ثلاجات الاسماك يهربون عن طريق البقاء ف الكامبيون تحت .وغيره وغيره والوسائل كثيرة جدا جدااا ده غير طبعاااا مراكب الموت حكاية التبنى ايضا...هو تبنى صورى (( ليس تبنى كامل يعنى ....هو بيكون عبارة عن استضافة مؤقتة ....دى الحقيقة )) مثلا... كما يحدث مع ابناء الشعب الصحراوى ..!!! يتم التبنى على اساس يحضر الطفل لفترة معينة كل عام (( وليس دائما )) ويكون المتبنى مسئولا عنه امام كل السلطات الرسمية .. عندما يتم تمنتاشر سنة ....ممكن وقتها يتم عمل اوراق رسمية للاقامة .. ماذا يحدث بعد وصول هؤلاء لأرض اوروبية ؟؟ توجد مبانى (( على فكرة ...رائعة فعلا ومجهزة )) يعيشون بها .. يتعلمون ويحضرون لهم خصيصا من يتفاهم معهم .. يعودونهم على ممارسة عدة انواع من الرياضة .. وللعلم... الاكثرية يكونون (( مشاغبين جداااا )).. سبق لى وقلت هنا ..ان ابنى (( تعمد ان يترك عمله الذى يدر عليه مرتب محترم ))...واختار برغبته . ان يعمل مع هؤلاء ك..مربى اجتماعى ...لفترة ...(( ف نفس الوقت مدرس ...وبعد الظهر مدرب كرة قدم...معهم ايضا ))...يخرج معهم فى رحلات كثيرة .. (( هو يقول انه يتعلم منهم ايضا ....هى تجربة انسانية رائعة فعلا ...لأنهم ضحية مجتمع لايراعى اى حق للطفل ..لكنهم خامات طيبة واذكياء وفقط ينتظرون الفرصة حتى يثبتوا انهم افراد صالحين )) فيهم فعلا موهوبين .. المشكلة ؟؟ المشكلة ....رأيت بعض من النقاط المهمة الاساسية فى تكوين هذه المشاكل .. ]رأيتها فى موضوع لسى السيد....هل نحن شعوب جادة ؟؟ ... http://www.egyptiantalks.org/invb/index.php?showtopic=18213&pid=190873&st=0entry190873 عندما تكون ميزانية المسلسلات التلفزيونية ...750 مليون جنيه ..؟؟ فى بلد .......يبحث بعض ابناءه عن طعامهم ...ف.....؟؟؟؟؟ عندما ينتحر المتفوقين ....قهرا....لأنهم لايجدون عملا يكفيهم شر الحاجة ؟؟؟ عندما تكون (( النخبة الحاكمة )) فى واد...وباقى الشعب فى واد آخر .. عندما تتحدث ....مشيرة هانم خطاب ...من منبرها العاجى .. وهى فى حقيقة الأمر لاتعلم اى شئ الا من خلال تقارير وهمية تقدم لها وهى تحتسى القهوة ؟؟ اذن... سوف نجد سماسرة ... سماسرة يضحكون على (( العائلات...شبه المعدمة ))..فئة تعيش تحت خط الفقر...!! يدعون....سوف يسافر ابناءكم ....سوف ترفلون ف النعمة ... اوصوهم ان يقولوا انهم بلا اهل ...!! هؤلاء.... طبعاااااااا يختلفون عن الشباب ...الذى تم الاتفاق بشأنه بين الحكومة المصرية والايطالية ... ايه بقى ؟؟ سوف يتم انشاء مدارس صناعية ....على غرار (( الدون بوسكو ...مثلا)) يتم تدريب الشباب على حرفة معينة تختارها الحكومة الايطالية ... الحكومة الايطالية سوف تصرف بالكامل على هذه المدارس...وايضا...تأتى لهم بالمعدات اللازمة .. وبعدين؟؟ احتمال ف المستقبل.....نبقى ناخد الشباب دول . الله؟؟؟...وده معناه ايه؟؟؟ ياعينى ..؟؟ وايطاليا حاتصرف دم قلبها علشان الشباب بتوعنا ؟؟ ياحرام ...!! لالالالالالالا.. ده بقى حايكون استثمار من الناحيتين .. محدش (( قليل الأدب ...وعايز يسافر يسرق او يتاجر ف المخدرات او يتسول ...!! يجيلنا ...هى ايطاليا ناقصة ؟؟ ييجى يعنى بأى وسيلة ..يعنى يعدوا ف مراكب الموت)).. وف نفس الوقت .. يبقى زى اللى بيربى ........(( فراخ ))... وكل يوم بعد كدة .... يلم البيض....والفراخ بقت ملكه.. صح؟؟ لو فيه حاجة مش مفهومة ...رجاء قبول اعتذارى .... ممكن تعديل الكلام بعد موعد الافطار ...عندنا على الساعة تسعة الا تلات دقائق.. الخلاصة ؟؟ السماسرة يعنى ملهمش اى لازمة ....بس خلاص.. كل سنة وانتم طيبين ..

يا استاذ scorpion عندما أقول ( باباهم ) فأنا أعني ما أقول ,, ولا أقصد بذلك السخرية أو الشتيمة أنا مسلم ولا أؤمن بــما يسمى بابا ,, ولا أقول ( أبونا ) نعم هو ( باباهم ) أي بابا النصارى ,, أي ما يعتقدون أنهم أبوهم أما أنا فلا بابا لي إلا أبي الذي أنا من صلبه لذلك لن أقول ( البابا ) يقول تعالى ( لكم دينكم ولي دين ) فلا تلزمني بدين ليس ديني كما أنني لا ألزم النصراني أن يقول ( لا إله إلا الله محمد رسول الله ) أتمنى أن يكون الالتباس قد زال والفكرة قد اتضحت