لوحة القادة

الاسباب التي ذكرت على المنتدى من السادة الافاضل الى الان كالاتي 1- تدين شكلي للبنات 2- عوامل اقتصادية 3- كثرة اعداد البشر بلا تربية من فهمي للواقع المصري الاسباب المذكورة تكون احد العوامل بينما من الواضح ان الظاهرة هي عبارة عن مشكلة جماعية و ليست حالة فردية و هي اشبه بثورة لتلك المجموعات من الشباب بدايةً:: معروف انه لا يمكن لشهوة رجل او ذكر مهما كان ان تشبع فقط بلمس جسد فتاة في لحظة عابرة تحت اسماع و انظار الغرباء في شارع مكشوف مع يقينه ان هذا تصرف غير مقبول من الناظرين فهذا مستحيل نفسياً و اعتقادي ان هذا مرض نفسي اذا فعل من قبل شخص (معذرة للتوضيح الذي لا بد منه) ولكن ما يحدث هو ثورة على المألوف – هؤلاء الشباب يرسلون الينا رسالة مفادها اننا نشعر بعدم عدالة من كل المجتمع و ها نحن نثور و نريكم سخطنا من خلال ذلك الفعل و الملاحظ لتلك الظاهرة والتي بدأت منذ سنوات يرى ان في احدى الحالات في نص البلد كان الشباب يتجمع بالمئات في اقل من دقيقة من طرق جانبية مختلفة خلف فتاة ) يعني ان هناك لغة تخاطب مسبقة بين هؤلاء الشباب بدون اتفاق يعني زي ما تقولوا نوع من الشفرة عندما يطلق احد الشباب السائرين خلف بنت او اكثر في ايام العيد في نص البلد نوع من الصفيراو الكلمات المفهومة لنفس النوعية من الشباب – يفهم الاخرون ان هناك صيد ثمين يعني هذا الشباب يقوم بثورة على طريقته و بلغة هو يفهمها و هناك كثيرون مثله من عندهم نفس الظروف الدافعة لذلك وهو يعرف هذا بالتأكيد غالبا هؤلاء الشباب من سكان العشوائيات و المناطق المحرومة داخل القاهرة و التي اصبح عددهم ملايين – عزبة الهجانة – بعض مناطق امبابة – كيت كات – عمرانية – الدويقة (فاكرين اللي حصل هناك) ... وغير هذا كثير...و التي تدير حكومتنا الغراء ظهرها لهم على طول الخط... فشباب يعيش في تلك المناطق ويتعرض لاهمال الحكومة من خدمات اولية كماء و كهرباء ثم بخل المجتمع عليه بالاعمال الخيرية و الانشطة الاقتصادية و الاجتماعية مما يشعره بفقدان العطف من الجار – ثالثا قمع امني من الشرطة و لا احد يستطيع الاستنجاد بمن يخرجه من براثن الشرطة العطوفة اذا تم القبض عليه بأي سبب تافه... ياريت كل واحد فينا يتخيل يكون نتاج هذا كله فقر – و بطالة – عدم وعي – عدم انتماء للوطن و المجتمع مما يدفع الى اما الركوب الجماعي في مراكب للهروب لاوروبا و الموت في البحر او تحرش جماعي في نص البلد و الحدائق... أو.فتح النار على المجتمع المهمل له.....و قريبا اذا لم نحل الموضوع سنشاهد سرقات جماعية لبنوك و محلات عامة ثم للمساكن – و خطف اطفال و غيره ..... يا سادة اننا بصدد بوادر ظاهرة مدمرة تسمى بثورة الجياع و التي غالبا ما تتطور الى ان مجموعات منظمة من شباب او فئات يجمعهم بيئة واحدة (زي عصابة خط الصعيد) – يمكن ان تستغل من قبل دول عدوة لمصر في اشعال الفتن و عدم الاستقرار بها و هذه الظاهرة اذا لم ينتبه لها المجتمع ككل بالبحث في اسبابها سيكون لها خطر مدمر علينا جميعا فعلى الجهات المسئولة 1- تحديد الاماكن التي تعيش تحت خط الفقر في القاهرة و مسح لعدد السكان فيها 2- التنسيق مع الهيئات الخيرية لانشاء انشطة اقتصادية - تربوية – اجتماعية 3- فتح باب التطوع للشباب للعمل هناك يعني اللي عاوز اقوله ان موضوع زي ده كبير على الناس لوحدها لازم الحكومة تنظم العمل فيه (ده لو هما فاضيين لمثل تلك الامور)

السلام عليكم ورحمة الله... إن من أسوأ سيئات الشبكة العنكبوتية ( رغم تسليمنا بمميزاتها الكثيرة ) أنها فتحت نافذة بلا ضابط فى بعض الأحيان لكل من هب ودب ليحولها الى نافذة "للردح" و "التطاول " من جانب بعض المعوقيين أخلاقيا أو من لا ضمائر لهم ..أو ممن فرضت عليهم بيئاتهم أن تنحط أخلاقياتهم الى حد البذاءة والتلذذ بتشويه صورة النماذج الراقية التى كان من الاولى بهم أن يقتدوا بها لكى يرتقوا بأنفسهم ، ولكى يتحرروا من انحطاط بيئاتهم الذى جعلهم يسيئون الى أسيادهم والى من لم يكونوا يحلمون يوما بأن يقتربوا من شخوصهم .. ولكن للأسف الشديد أتاحت لهم نافذة الديجيتال فرصة بديلة للنوافذ الأصلية التى كانوا يفتحونها فى بيوتهم لكى يقوموا بوصلة "الردح" و"تلقيح الكلام".ايمانا منهم بأن الغجرية ست جيرانها اينما وجدت......وبأعتذر للسادة الافاضل عن استخدامى لهذه الكلمات ولكن تجنبا لسوء فهم معانى المصطلحات السيكولوجية والتى قد يعتبرها البعض كلام "أبيح"...او شتيمة لا سمح الله... وبدلا من أن تكون هذه النوافذ ملتقى لاصحاب الفكر الراقى لتبادل وجهات النظر والمناقشة حول ما يفيد بالفعل ...تحولت الى جلسات نميمة وغيبة وقذف وتشهير وجرائم يعاقب عليها القانون...وبدلا من ان يكون اللقاء الاول فى نادى او كافييه...اصبح من الوارد جدا ان يكون اللقاء الاول فى ساحة المحاكم لرفع قضايا سب علنى وقذف وتشهير ...وتتقابل الاطراف فى مواجهة لاول مرة.... وللاسف الشديد..فإن صمت المحيطين أمام بذاءت وتغجير هذه النوعية يعتبر تشجيعا لها على الاستمرار فى أسلوبها اللا أخلاقى ..لانه لا يوجد لمثل هذه الانماط بدائل أخرى لثقافة الانحطاط التى نشأوا وترعرعوا فيها مثل بعض الكائنات التى لا تستطيع العيش الا فى المستنقعات العفنة والقاذورات والاوحال..وتتغذى على الجيّف....ولحم الاموات... ومايدهشنى حقا تلك القدرة على التلون وتضارب الاقوال والتخبط والازدواجية....فتارة هم يلعنون النمامين المغتابين وعندما تنظر اليهم تجد دماء البشر ولحومها عالقة بين اسنانهم....وتارة اخرى تراهم يخوضون ويلعبون وكأنهم ملكوا الدنيا بحذافيرها... اتعجب ايضا لمن لا يرى السنم الذى يثقل ظهره ويشغل نفسه بالاخرين....السنا متفقين ان " كل واحد متعلق من عرقوبه"...ان صح هذا المثل.. السنا متفقين ان وَكُلَّ إِنسَانٍ أَلْزَمْنَاهُ طَائِرَهُ فِي عُنُقِهِ وَنُخْرِجُ لَهُ يَوْمَ الْقِيَامَةِ كِتَابًا يَلْقَاهُ مَنشُورًا(13)اقْرَأْ كِتَابَكَ كَفَى بِنَفْسِكَ الْيَوْمَ عَلَيْكَ حَسِيبًا(14)مَنِ اهْتَدَى فَإِنَّمَا يَهْتَدِي لِنَفْسِهِ وَمَنْ ضَلَّ فَإِنَّمَا يَضِلُّ عَلَيْهَا وَلا تَزِرُ وَازِرَةٌ وِزْرَ أُخْرَى ................الاية-الاسراء اذن فلندع ما لقيصر لقيصر....ومالله لله...ولنهتم بأنفسنا ونصلح عيوبنا وليعاقب الله المذنبون بذنبهم...... أتذكر ان قالت لى احداهن ان زميلة لها فى مجال العمل حزينة جدا وكأن زوجها توفى...وعند سؤالها عن السبب قالت لها انا قلبى بيوجعنى قوى على فلان زميلنا ولازم انتقم له..لازم..لازم.... والله شىء مضحك...ان نكون وصلنا الى هذا المستوى المنحط من التفكير..وان يكون الانتقام لمجرد الانتقام ولاشباع هوسنا السيكوباتى ليس الا ..(ولابلاش السيكوباتى ده ) :rolleyes: وأخشى ما أخشاه فى هذا الخصوص أن لا يستطيع ذوى المستويات الراقية والثقافات السامية أن ينحطوا الى مستوى الرد على مثل هذه الكائنات المستنقعية ، فيتحقق بذلك القول المأثور " العملة الرديئة تطرد العملة الجيدة "...وذلك لصمت الغالبية من البشر ولايثارهم السلامة "بثقافة الصمت " والسكوت عن الحق...والساكت عن الحق شيطان اخرس.. فلا يكفى فى مواجهة هذه الكائنات التى أطلت علينا ببذائتها من النوافذ الديجيتال لكى تُسمعنا وصلات الردح التى لا تجيد غيرها ، أقول لا يكفى أن نمصمص شفانا اشمئزازا من بذائتها ، بل ينبغى أن نتكاتف جميعا لاسكات هذا الصوت النشاز وغلق النوافذ أمام وصلات الردح التى نلوث بها أبصارنا وأذاننا ... لينطبق المثل الشعبى والذى يعبر عن الاسقاط الذى يعانى منه هؤلاء..(ومعذرة لاستخدامى الامثال الشعبية الفلكورية ولكنى اقوم حاليا بدراسة شاملة لها سيأتى وقت الحديث عنها " "كلم الناس تلهيك اللى فيها تجيبه فيك" تفائلت خيرا بتبنى اخى الفاضل سكوب لحملة شيلوا الغامكم..وتجاوب الجميع معه...فى خطوة للاصلاح...وفكرت لماذا لا نتبنى حملة مماثلة لتطهير النفس من الغامها ... وكما أن الامل كل الامل فى ان تنجح حملة " شيلوا ألغامكم"..يكون هناك امل ايضا فى أن يتكاتف انصار السمو والنبل الاخلاقى لكى يشكلوا جبهة التطهير والنقاء ضد بعض من يحاولون عمل جبهات الانحطاط والبذاءة وكأنه تشكيل عصابى الكترونى...لكى نرتقى باهدافنا ونحقق مكانة مميزة على الشبكة العنكبوتية ولا نسمح بأن تتحول الى نافذة لارتكاب احدث انواع الجرائم الديجيتال ...ولكى نحافظ على مستوى الحوار الراقى الذى نتمنى ان يزداد رقى..وان يرتفع بمستوانا الثقافى والمعرفى الى أعلى مستوى ولا نسمح بأن يتحول الى أبواق الانحطاط والتدنى.... وان غدا لناظره قريب الا قد بلغت اللهم فاشهد قَالَ رَبِّ احْكُم بِالْحَقِّ وَرَبُّنَا الرَّحْمَنُ الْمُسْتَعَانُ عَلَى مَا تَصِفُونَ

أوجاع مقتبسة . . وجع (أول) جزء من النصّ مفقود...! (إلى صديقتي الغزيّة) مذ تلاقينا-مصادفة- على شفا حلم واحد وأنا أجاهد لأتناسى بديهية رحيلك الحتمي .. يصفعني الآن سؤال (شاحب) كقمر غزة... ماذا أصاب الحلم؟! كيف صارت (حاء) الحلم حريقا يلتهم أبجديات البقاء ..؟ من أعطى (اللام) حق التماهي مع (لاءات) أسلاكهم الشائكة...؟ من اغتصب (ميم) آخر الحلم واهداها للفظة ((ممنوع!)) الجاثمة كألف جندي على معبر المستحيل؟! في ذاكرة خائنة كاللغة..أفتش عن بقايا روح (تابت) من اقتراف خطيئة الحلم بعد أن امتلأت بكل أسباب الاغتراب ؛ وصارت موطئا لعلامات استفهام تحاصرها كألف أنشوطةاعدام!.... . . وجع (ثان) حقيقة علمية! من الأمنيات ماهو ناءٍ كالشمس... حقيقة وجودها تمنحنا أسباب الحياة ...وبلوغها لا يحمل لنا سوى حتمية الاحتراق! . . وجع (ثالث) عزف منفرد! كهمهمة عابثة بعد انقضاء لحن ملحميّ ..أتت هي بأحرف من مواساة..قالوا: أن تأتي متأخرا خير من ألا تأتي أبدا وقالت..: لن أكون محض همهمة أخرى سأصنع لحني! ومضت تعزف خارج الجوقة لقوم احترفوا الصمم! . . وجع (رابع) بعث! (سأصير يوما ما أريد!) من ركن (منسيّ) في ذاكرته العالقة بين الوجود والعدم.. انبثقت هذه الكلمات بغتة لتصاحب اندفاعه الحتمي نحو بقعة الضوء المتراقص بآخر الممر البارد يزداد يقينا وحكمة ..كلما ازدادت رقصة الضوء اقترابا يتساءل: أتراني قد بلغت مرافيء الحقيقة؟ ام أنها رقصة المذبوح الأخيرة لروح اعتادت التنقيب في وله عما يدمي حناياها..؟ عبثا ظل يفتّش في مجاهل الأبجدية عن معنى آخر للحياة لا (يدفع) ما تبقى من روحه إلى مصارعة طواحين الهواء ... كشرط للبقاء..! . . وجع (خامس) عاشقان! كعاصفة تولد من شذى قرنفلة منسيّة بين أوراق اصفرّت حنينا في دفتر ذكريات لم تُكتب بعد كقارورة عطر انسفحت عشقا ..لتحتضن دمع حبيبته الأبيّ كحلم مجنون الخطى..... مضى هو .. ليخط سطره الأول في حكايا العشق... مضى ... ليفرغ على فرْح حبيبته المسروق عمرا جديدا زغردت الحبيبة (الأرض) بألف قصيدة وسنبلة ..وانبثقت من عين الوطن دمعة.. تحمل صورة الشهيد بهية 9-9-2009

ومن الضحك ماقتل ... اعزائى الزملاء والاخوة كل سنة وانتم بخير بحلول عيد الفطر المبارك .. عندما تقرأ صحف مصر القومية تنتابك حالة من القرف او القيء لما تحملة من تضليل وكذب فتعلو معى نضحك حتى البكاء على 30 سنة عاشتها مصر سنين سوداء تهاوت فيها الصناعة والزراعة وصحة الانسان المصرى وعقلة وثقافة ابناءة ودرجة تعليمهم الى ان اصبح 60%من اطفال مصر قبل ال18 سنة يعانون من رداءة النطق بلغة مصر العربية وتنامت فى احضان مصر سلالة من البشر كل همهم جمع الثروات ونهب الخيرات وظلم الفقراء تعالو نطالع الكذب المغلف بكل انواع قتل وطن يصرخ ويأن من كبر الكذبة وحجمها وشعب اضعفوة وسلبوة من قوتة التى وهبها الله لة حتى اصبح الكثير من ابناءة بفعل القوانين لا أنتماء لهم ومستعدين على هجرة وعدم المكوث بة والشاهد على ذلك معدل الهجرة الغير شرعية .. هيا الى النفاق الاعلامى القذر ... ******************************************** في مؤتمر الوطني "مصر.. نمر اقتصادي": برنامج الرئيس مبارك.. سياسة متكاملة.. حققت 99.1% من أهدافها أكد مؤتمر الحزب الوطني بالقاهرة أن الخطوات العلمية والمحسوبة التي يقوم بها الرئيس حسني مبارك زعيم كل المصريين تمثل رسالة مؤكدة لحماية المواطن المصري. وأن حرصه علي تنويع مصادر استيراد القمح ورفع أسعار التوريد للفلاحين تؤكد قيمة المتابعة والحرص الكامل علي توفير الغذاء بأسعار مناسبة. جاء ذلك في المؤتمر الجماهيري الذي عقد بقصر ثقافة قصر النيل أمس برئاسة د. نبيه العلقامي عضو الأمانة العامة ورئيس لجنة الشباب والرياضة بمجلس الشوري تحت شعار "مصر.. نمر اقتصادي قادم". قال د.العلقامي إن ما ورد في مؤتمر الحزب الوطني من اهتمام بالمزارع وحصوله علي حقوقه المشروعة وأيضات برنامج دخول مصر إلي عصر الطاقة النووية وإنتاج الطاقة الكهربائية هي سياسة متكاملة وناجحة حققت 99.1% للاستخدام الأسري مؤكداً علي أهمية وقيمة ترشيد الاستهلاك وأن الصناعات كثيفة العمالة وفق البرنامج الانتخابي للرئيس مبارك خاصة إنشاء الألف مصنع حقيقة واقعة وأن برامج التدريب العلمي والعملي لتنمية جودة الصناعة المصرية والقدرة علي المنافسة التصديرية تأتي في إطار تحقيق التنمية الشاملة والنهضة في كافة المجالات.. مشيراً إلي أهمية وقيمة المتابعة الخاصة من جميع الأجهزة لعدم تهريب المنتجات الأجنبية للحفاظ علي المنتج المصري وأن البرنامج الخاص بإصلاح القري الأكثر احتياجاً هو البرنامج العلمي الواضح المعالم والذي أصبح مطلباً أساسياً. حيا المؤتمر الذي حضره عدد كبير من القيادات التنفيذية والشعبية جهود الرئيس حسني مبارك لحل القضية الفلسطينية وحرصه الكامل علي المشاركة بنفسه من أجل إقامة الدولة الفلسطينية وعاصمتها القدس الشريف.. كما وجه المؤتمر تحية خاصة لجمال مبارك أمين السياسة بالحزب الوطني الذي يتابع هذا البرنامج بقناعة وإيمان يشعر بهما أصحاب هذه المشروعات من أبناء القرية المصرية.. أكد المؤتمر أن العام الدراسي الجديد يتضمن تطويراً لبرامج التعليم قبل الجامعي والتعليم الجامعي. اخيرآ لى كلمة الى كل من يهمة مصر واصلاح احوالها فلنترك خلافاتنا وحربنا لبعضنا لمجرد اختلاف افكارنا .. السنا نحب ذلك البلد جميعنا هل حب مصر اقل من ان نبذل فية الجهد والفكر والتسامح ان المركب يشرف على الغرق والشواهد كلها تدل على ذلك ان مصر لن ولن تصبح نمرآ اقتصاديآ فى يوم من الايام وهى تعانى من فرقة ابناءها وتشبثهم بالفرقة وتقسيم ادوار لا يفيد الكل لابد ان يبذل الجهد والعرق والفكر من اجل نهضتها وتعويم السفينة التى تغرق ,, ان تفريق مصر الى احزاب وجماعات كلآ لة نهجة المضاد للأخر ماهو الا اداة فى يد من يريدون ان ينهار ذلك الوطن وتصبح مصر كما اصبحت دول افريقيا والعراق من شتات وضياع وغرق فى الفقر والجهل والمرض

اعتقد ان الوضع يتوقف عل شخصية الانسان ...فالبعض يكون احادى الشخصيه ..تسيطر عليه شخصية واحده يظهر بها دائما فى كل وقت ومكان ومهما اختلف الذين يتعامل معهم . و قد تكون هذه الشخصيه هى شخصيته فى عمله او فى بيته ، وقد يكون السبب فى ظهوره بها دائما هو حبه لها كما فى فيلم زوجة رجل مهم الذى اشرت اليه ، وقد يكون السبب سيطرة هذه الشخصيه عليه رغما عنه لانه اضعف من الخروج منها..كأن تحدث له ظروف معينه تجعله خائفا دائما او ضعيفا او منافقا او عنيفا او هجوميا او... وهو بهذه الشخصيه الاحاديه مريض او معقد يسبب المشاكل لنفسه ولمن حوله دون داع . والبعض الآخر مرن الشخصيه ...يظهر دائما بالشخصيه التى تناسب الوقت والمكان والذين يتعامل معهم ..واضرب مثلا ايضا بفيلم ورق سوليفان للكاتب يوسف ادريس بطولة احمد مظهر وناديه لطفى ..فقد كان البطل فى بيته هو الزوح المحب الحنون الرقيق الذى لا يرفض لزوجته طلبا حتى انها فى وقت ما ظنته ضعيفا بطبعه غير قادر على السيطره عليها ومعاملتها كزوج ، وفى عمله هو الطبيب الكبير الحازم الصارم المسيطر على من حوله واوامره مطاعه من الجميع . واعرف وكيل وزاره يعامل موظفيه بقسوه وفظاظه وقلة ادب احيانا ، حتى ان احدهم قبل ان يدخل غرفته كان يبسمل طمعا فى ان يخرج من الغرفه بسلام دون ان تنصب على راسه الشتائم والاهانات وخصم الحوافز ..وآخر كان يقتبس دعاء فريد شوقى فى احد الافلام ويعكسه فيقول ضاحكا..اللهم نجى الجحش من الوحش..ها ..ها.. لكن ابنة هذا الوحش عندما تتكلم عنه تشعر انه ملاك فى بيته لدرجة انك تتمنى لوكان ابا لك . هذا الانسان رأى انه لابد ان تتغير شخصيته تبعا للمكان وللموقف .. فهو فى عمله وكيل وزاره رئيسا للعشرات ، ولكى يحكم قبضته عليهم وينجح فى عمله لابد ان يكون قاسيا فظا ظالما احيانا . اما فى بيته فلابد ان يكون زوجا وابا ليحظى بما يتمناه الزوج والاب . اعرف ايضا فتاه تعمل فى احدى الشركات ، وكانت دائما جاده صارمة فى وضع حواجز اوحدود بينها وبين زملائها ، لدرجة ان البعض كان يناديها او يتكلم عنها مازحا فيقول ..الاخ او الدفعه... لكنها مع شلة الاصدقاء فى النادى او فى اى مكان كانت مختلفه تماما ...وكانوا يقولون عنها صادقين لا مازحين انها انسانه مرحه طيبه محبوبه من الجميع..لاتسئ لاحد ولا احد يفكر فى الاساءه اليها . هى ايضا اعطت العمل ما يناسبه من وجهة نظرها حتى تنجح فى عملها وتتجنب القيل والقال وتجارب اللائى تعرضن لمواقف حرجه فى الشركة نتيجة التبسط والسهوله فى معاملة الزملاء . واعطت الاصدقاء ما يستحقونه ايضا لانها معهم تسعد بالصحبه والبساطه والفضفضه دون خوف من القيل والقال ومصير اللائى وقعن فى مصيدة الزملاء . وكيل الوزاره والفتاه وامثالهما هم البعض السوى الذى يتوقف ليفكر عن الاسباب التى تدفعه للتصرف بطريقه ما ، فاذا لم يجد هذه الاسباب فى مكان ما او مع اناس آخرين تصرف بطريه اخرى تناسب المكان او الآخرين .. شكرى وتحياتى

فيه كمان معلومة لطيفة جدًا عن رئيس البنك الدولي، روبرت زوليك، فوجئت بيها في الكتاب ده ... كان بيشتغل مستشار لشركة "إنرون" الأمريكية العملاقة للطاقة، اللي انهارت وأفلست في أواخر 2001 بعد فضيحة اقتصادية مدوية في التلاعب والنصب على الناس، وكانت على علاقة وطيدة جدًا بإدارة بوش الإبن بسبب التبرعات وتمويل حملته الانتخابية. اللي أثناءها كان زوليك مستشار الشئون الخارجية للمرشح بوش. لما نجح بوش في الانتخابات، عين في حكومته كبار موظفي إنرون، وكان منهم زوليك. عينه سنة 2001 في منصب الممثل الأمريكي للتجارة، ثم نائب وزير الخارجية لاحقًا سنة 2005، وأخيرًا رئيس البنك الدولي من سنة 2007. فعلاً الدنيا دي صغيرة.

السلام عليكم وجدت بعض اللينكات التى قد تكون مفيدة للبعض وجدتها فى احد المواقع واردت ان تعم الفائدة. وان شاء لله تستفيدون منها اول موقع وهو موقع اجرائات المكالمات من اي مكان الي داخل امريكا وكندا وهو مجاني. www.earthcaller.com الموقع الموقع الثاني : مطاعم الحلال باي مكان بكندا . zabihah.com - your guide to halal eating الموقع الموقع الثالث : ترجمة الكلام من اي لغة الى اي لغة . الموقع الموقع الرابع: تحديد القبلة في مكان بداخل كندا . http://www.qiblalocator.com الموقع الموقع الخامس: موقع جداً مفيد للذين يبحثون عن المساجد والقبلة وبرامج الاذان.....الخ . IslamicFinder: Info about Islam and Muslim Mosques (Masjids), Calendar, & Prayer times. الموقع الموقع السادس: موقع بنك مونتريال . http://www4.bmo.com الموقع الموقع السابع: موقع من خلاله تشوف العائلة اللي تريدها في كندا ولا في العالم كله (للطلبة). http://www.homestayfinder.com السلام عليم محمد الشيخ

السلام عليكم و رحمة الله و بركاته اسمحلي استاذي الفاضل افكر مع حضرتك يف بعض النقاط: 1- ليه دايما بينطرح موضوع التحرش مع الاعياد في مصر...هل التحرش اللي هو سلوك بنشوفه كل يوم في حياتنا بقي مظهر من مظاهر العيد زي البمب و البلالين و الهدوم الجديدة...بس الحاجات دي هي اشياء جالبة للفرحة و التحرش هو لا شك سارق للفرح ليه تسليط الضوء علي الموضوع ده في المناسبات فقط....التحرش....للاسف الشديد اصبح جزء من الحياة اليومية و مظهر للاسف لاثبات الرجولة عند البعض 2- لما بنقول التحرش انا اللي بيجي في دماغي هو اي لفظ غير لائق يضايق بنت ماشية في امان الله في الشارع ....انا كفتاة مسلمة بتجرحني اني اسمع كلمة تخدش حيائي و اتساءل كثيرا طب ليه لما بروح في بلاد تانية مهما كانت الناس لابسة ايه....عمري مابسمع كلمة تضايق بجد في الشارع (عن خبرتي في الحياة في بلد عربي مسلم و هو الامارات). 3- الحاجة اللي بتوجعني.....هو طرح الاعلام صحافة و ميديا بكل اشكالها للموضوع ده من غير اي طرح موازي للحل او الاصلاح...سامحني استاذي بس تخيل شعورك و انت قاعد في بلد غريب و معاك جاليات مختلفة و بنتفرج مثلا علي خبر علي احد القنوات عن حوادث التحرش او تخش عليا زميلة تستفسر مني عني اجراءات الامان في مصر....بجد شي مؤسف الاعلام بيعري الجسد المتهالك من السلوكيات دون ان يقومها...دون ان يقوم بدور الطبيب اللي شاف الجسد تعبان و لازم يوصف له علاج 4- انا كفتاة ماشية في الشارع...ملتزمة و لله الحمد بحجابي اعترضتني سيارة و سمعت من سائقها الفاظ كنت اشعر اني الارض يا رب تنشق و تبلعني.....انا اعمل ايه؟ ابطل اخرج....مش هينفع....امشي ع الرصيف...حصل.....ممشيش في شوارع ضلمة.....حصل...اعمل ايه اختي الاصغر مني....بتقولي.....لما تنزلي الشارع حاولي تسدي ودنك و متاخديش بالك.....و انا مش عارفة اعمل كده....لان كده مش صح....بس في نفس الوقت مش عارفة اعمل ايه؟؟؟ مش عارفة اخد حقي ازاي؟؟؟ لاحظت حتي في بعض النوادي اللي بنفترض ان فيها بعض الخصوصية يبقي الصبي بجد لسه شنبه اخضر و شكله طفولي اوي...و تلاقيه لازم يخبط اللي تعدي من قدامه بكلمتين....طبعا هنا بنقدر نبلغ الامن بس هو السؤال هي المعاكسة دي مش تحرش برضه.....مش مضايقة برضه....ليه بنربي الصبي انه بقي راجل و لما بيعاكس...ما شاء الله الواد كبر و اهو هيخوض اول تجارب الرجولة!!! اعذرني ع الاطالة هي فقط تساؤلات!!

...طب ممكن اعرف بشكل دقيق ايه هى ايجابيات ...د/محى ؟؟؟ وايه هى الخساير التى تجنبها سعادة الدكتور فى خسف الشركات بالارض؟؟ ومين هى الدول اللى فاقت مصر فى الخساير ؟؟

طيب سؤال او امنية ليه زفت الطين وزير الماليه ماكنش راح بداله اهو منها كان يتفسح مجانى بدل مايتفسح بفلوسنا زى رحلة علاجه اللى اتفسح على حسها ومن ناحية تانية يحل عننا بس الظاهر لسة فى شوية دم لازم يمصوهم دراكولا جابى الحكومة

أ.أسد بصراحة ما كنتش عاوز أكون أول واحد يرد على الموضوع ده , لسببين , أولهم إنى مش عاوز أفسد على حضرتك فرحتك وشعورك بالفخر لتوليه هذا المنصب , ثانياً مش عاوز أكون دائماً مختلف مع حضرتك في وجهة نظرك , وليعلم الله أنى أحترم وأقدر كثيراً وجهات نظرك وآرائك ودعوتك الدائمة أن لا نري الحياة سوداوية ومتشائمة. لكن أنا شخصياً , فرحان ليه جداً بصراحه لتوليه هذا المنصب مش علشان انه منصب رفيع أو إنجاز , لكن لأنه سيكون بذلك أول وزير يخرج من وزارة نظيف , وعقبال الباقي إن شاء الله لن أنسي أبداً لهذا الرجل أنه تسبب بسياسة الخصخصة التى حمل رايتها لسنوات في بيع معظم القطاع العام المصري وتشريد الآلاف من العمال وخروجهم الى الشارع بحجة المعاش المبكر, ولا يخفى على الجميع المتابعين لهذا الموضوع أن خصخصة معظم الشركات كانت تنفيذاً لقرارات صندوق النقد الدولى. وأن كثيراً من هذه الشركات كانت تحقق فائض وأرباح. لن أنسي له أنه كان يريد ان يأتى على كل مصر بمشروع فاشل يسمي "الصكوك" والتى كانت ستجعل مصر كلها في خلال اعوام قليلة ليست ملك أهلها. أعتقد أن تعيينه هو مكافأة له عما فعله طيلة هذه السنوات من خراب وتدمير لإقتصاد الوطن , ولا أعلم كيف يتم تعيين شخص لمكافحة الفقر وهو من تسبب بقراراته في تشريد وفقر آلاف العاملين. أتمنى أن يكرم الله جميع وزرائنا بمناصب رفيعة حتى يبعدوا عنا ويريحونا مما نحن فيه. هذا رأيي وكل منا له وجهة نظره ورأيه .

السلام عليكم العصيان المدنى السلمى دائما يكون هو الحل الأخير الذى يلجأ اليه المعارضون للنظام متى توافرت لهم القاعدة الشعبية المؤيدة لهم والراغبة فى إحداث تغييرا ما. ولى ينجح العصيان المدنى يجب ان يرتب الداعون له القواعد الصحيحة حتى لايتحول الى فوضى قد تأتى على الأخضر واليابس ، يجب ان يكون لمنظمى العصيان المدنى قيادة وتسلسل قيادى اشبه بدولة ظل ولكن ليس لها صلاحيات وسلطات الحكومة ، ولكنها تستطيع ان تعطى اشارة البدء واشارة الانتهاء ، شيئ شبيه بمشجى الكرة. والبرادعى وضع التصور للعصيان المدنى ووضعه فى التسلسل الأخير فى اجندة التغيير التى بدأت بدعوة النظام سلميا للتغير ، ثم جمع التوقيعات والتوكيلات يليها التظاهر السلمى المتصاعد انتهاء بالعصيان المدنى. المشكلة ليست فى العصيان المدنى او فى المظاهرات او جمع التوقيعات. المشكلة فى النظام الذى لايقرأ التاريخ ولا يعتبر بما حدث مع ديكتاتوريات أخرى ليست ببعيدة ، نظام يراهن على ان الشعب المصرى سيظل خانعا راضيابما يحدث حوله من انهيار لدولته ولن يجد من يحييى فيه الشجاعة من بعد سبات دام لعقود ويوقظ فيه روح الأمل فى مستقبل أفضل .

السلام عليكم و رحمة الله و بركاته طب هو ينفع اسأل حضرتك سؤال.....هو احنا ليه بندور علي ايجابيات.....؟؟؟ عشان يعني نبرر لنفسنا احنا بنحبها.....او مبنحبهاش....(مش هقول بنكرهها....لانها مش هتركب.....ممكن نقول زعلانين منها مثلا....مقموصين....لاويين بوووز....و اوقات كتير مخنوقين منها) ممكن اقول لحضرتك.....عشان النسمة الحلوة اللي بنلاقيها ع الكورنيش.....الساعة 12 بالليل...و الناس كلها لسه سهرانة و انتي فاكرة ان الساعة لسه 9 و داخلة ع عشرة...(واحدة وشها في الارض بعد ما اتهزأت ع التأخير) يمكن ااقول لحضرتك....عشان الواد الجدع اوي اللي اسمه "محمد" اللي بيدرس في كلية حاسب آلي و تكنولوجيا معلومات اللي في سنة تالتة و اللي بيشتغل ف الصيف منجد عشان يلم فلوس الدراسة و يمكن برضه ااقول لحضرتك......عشان عشان "ابراهيم" سواق التاكسي اللي امي ركبت معاه النهاردةو قالها البنت بنتي....قالتلي عايزة آكل تين...و انا مش هقدر اجيبلها تين عشان يوميتي مش هتكفي....و لما ماما اشترت ليه بفضل الله اللي كان نفسه فيه.....حلف يمين طلاق تلاتة (بيعجبني انا عرق الرجولة اللي بيفط مع حلف اليمين......وش واحدة بتضحك لو جوزها قالها كده).....انه لازم يدفع.....و كسرا لكل التوقعات اللي عمالين نسمع عنها عن النصابين و الشحاتين و سارقي شنط السيدات.....عم ابراهيم....اصر يحاسب علي كيلو التين.....ايون اشتري كيلو تين.....و قال لمامالما قالتله طب اشتري نص كيلو ميل عليها و بنفس عرق الرجولة اللي حلف بيه اليمين تلاتة من شوية....قالها عشان الست ام العيال......آه ياااااااااااااااني يمكن عشان بحب ااوي المحلات اللي بتفتح شبه بعض و جنب بعض و في نفس الاسبوع و بقعد اتفرج يا تري هيضربوا في بعض ازاي.....و بعد كده الاقيهم محدش بيضرب في بعض......بس في اخر الاسبوع كل واحد بيعلق يافطة تحمل عبارة ايمانية في الصميم....اكيد مش حسبنا الله و نعم الوكيل.....بس عبارة زي "سيبها ع الله"....."ربنا هو الرزاق" يمكن عشان "شريف"...ظابط الشرطة اللي واقف في ميدان المحطة.....اللي في يوم لقي واحدة ست عجوزة بتعدي الشارع و تقريبا مش شايفة....و لما ساعدها و عداها الشارع.....ميل عليها و قالها...ما تيجي نشتغل مع بعض...اليوم اللي بعده كان جايب لها مناديل و هو واقف يكتب مخالفات للعربيات ...و احيان يسحب رخص من البنات اللي بتسوق عربيات...عشان يعمل حبة حركات كده....و هي قاعدة ع الرصيف التاني يمكن تكون بتبيع مناديل.....بس لما بتقرب منها بتديك مع كل علبه دعوتين.....غير الدعوتين اللي بتقولهم للي جنبك يمكن عشان..."مصطفي"....اللي صورته مرسومة علي باب معهد الاورام عندنا......وشه مليان فرحة اوي.....عشان هو كان اول حد يخف من سرطان الدم في المعهد المتهالك اوي ده.....و الدكتور بتاعه و طقم المستشفي اصروا انهم يحطوا صورته عشان هو كان فعلا "مصطفي"....يعني ليه نصيب من اسمه....يعني "مختار".....يمكن ربنا اختاره انه بابتسامته الحلوة دي....يدي امل لاي حد هيعدي من الحتة دي يمكن و يمكن......و الف يمكن في كل يمكن منها بلاقي تفاصيل صغيرة اوي بس تفاصيل بشوفها.....و غيري بيشوفها....و بتوحشني.....و بتونسني لما بتاخدني موجة الغربة و تحدفني يمكن حضرتك و اي حد هيعدي هنا هيقول......كلام ميجبشي تمنه.....بس هو سؤال هو احنا لما بنحب حد بنسال نفسنا بنحبه ليه؟؟؟ لما بس بنتجوز.....بنقول احنا هنتجوزه ليه...في محاول يائسة مننا ان احنا نمطق علاقات.....مستحيل تتمنطق...هي تتاخد كده....كلها علي بعضها لما بنحب بني آدم..... بنحبه كده كله علي بعضه...... بنشوفه زي ما هو.... يمكن مش احلي الناس..... و لا اشجع الناس.... و لا اغني الناس.... .بس في عيوننا بيبقي كل الناس كلام...........من دنيا الخيال.....كتير هيقول بس انا مصدقاااااه أوي مصدقة أن حبي لمصر دي......"حب"......مش جواز مش هينفع نطلع قلبنا كل شوية من جوه الضلوع و نساله قولنا بقي بتحبها ليه.....عشان القلب اللي بحجم كف الايد الصغيرة اوي....مش هيلاقي رد.....هيسكت.....بس مش هيبطل يحبها.....زي ما هي بس خلاص مساااااااكي......يا قلب ......قلب....يحب.....و ميسالشي.....ليه؟؟؟

السلام عليكم ورحمة الله وبركاته أولا مش عارفه انا ازاى مأخدتش بالى من القسم الرائع ده اظن هوس الطبيخ والمطبخ اخدنى من اقسام رائعه اما بخصوص الموضوع اللى بتناقش فيه اختنا فولانه..وبتحلله بشكل رائع الحقيقه فى العالم الافتراضى ماهو موجود فى عالم الحقيقه مع اختلاف موضوع الاسد والفيل الحقيقه انا المنتدى اللى اجده لا يحترم أعضاؤه بترك السفهاء يعثوا فيه فساد اسيبه وامشى على رأى واحده حبيبتى اشد فيشة الجهاز وخلاص حتى لو مشدتش الفيشه باخد نفسى وابعد..ليه؟؟ لان علشان انا مش بحب انزل لمستويات متدنيه من الحوارات وابتعد عن من ينسوا الله فأنساهم انفسهم..وشغلوا انفسهم بالغير وتركوا عيوبهم تتضخم أرى يا فولانه يا حبيبتى هذه النوعيه التى تبخ سمومها من خلال النت مريضه ولا تجد مكان آخر وهاقولك باختصار من يرى منكرا" ولا يقومه..سيناله هذا المنكر حبيبتى انا عندى مبدأ....ان الله يدافع عن الذين أمنوا لذا اترك من يحاول ان ينفث سمومه وابتعد واقف اشاهد عدالة الله اللهم انا نبتغى رضاك والجنه وكل عمل يقربنا اليه ونسأ فولانه...مش هتعالجى المرضى بس تقدرى تبعدى عن اماكن تواجدهم الموبوئه ومن لا يدافع عن الحق ...سيفتن فيه

بصفتى متجوزه ومتغربه كمان مع جوزى لى راى فى الموضوع يا أستاذ قاهرى رغم انك فى سؤالك سألت الرجالة لكن انا حبيت اتكلم عن الطرف التانى وهو الست 0 عليه احب اقولك انى لا أجد اى سبب فى الوجود فى نظرى يعطى الزوجة الحق انها تطلب حاجه زى دى من جوزها0 أعتقد ان طلب الزوجة فى حد ذاته دليل وجود خلل فى العلاقة0 انا لسه فى بداية حياتى ومقدرش اتخيل انى اطلب من جوزى يكتب بإسمى شقة ولا شاليه فى يوم من الأيام لأن الحياة الزوجيه مش مفروض اصلا تتخذ الشكل المادى دا بين الطرفين ولا آجد ان هناك اى مبرر لإستباحة الزوجة لنفسها الحق فى كتابة شقى العمر لزوجها بإسمها0 ثم ما الفرق اصلا اذا كانت الشقة باسمها من اسم جوزها ؟؟ عموما اظن ما يهديه الرجل لزوجته من تلقاء نفسه وما يقرر هو بكامل ارادته ان يكتبه باسم زوجته يختلف تماما عن فرض امر مثل هذا عليه اظن ان اى زوجة تقدر نفسها وتقدر زوجها لن تطلبه من الأساس0

معلش اسمحلى اختلف معاك اذا كان ده مش سبب كافى او بمعنى اخر ليس هو كل المشكلة فهم على الاقل جزء كبير من المشكلة او حتى جزء لا يمكن اغفاله من المشكلة انما كونى اعتبره كلام فارغ فنحن كمن يدفن رأسه فى الرمال عيب يا ريس ده انت ابن بلد برده...اوما سى السيد ازاى :)

السلام عليكم ورحمه الله وبركاته العصيان المدني هو اخر مراحل الوقيعه بين الشعوب والحكومات وهو مبدا معروف في بروتوكولات حكماء صهيون وليس فيه الا الخراب للارواح والاموال واشعال فتنه غير معروف حدودها يجب توجيه الجهود المبذوله في الحاكم واختياره الي جهود في توعيه الناس وانشاء مجتمع في المستقبل متعلم منتج وليس مستهلك فقط عشان اختيار الحاكم قدر الشعوب من عند الله ليس بشطاره حد فلنحاول تغير انفسنا قبل تغير الحاكم واللي غير نفسه عليه الصبر حتي يستطيع الجميع او الاغلبيه من تغيير انفسهم عشان ربنا يري صلاح الجسد فيغير الراس ان الله لا يغير ما بقوم حتي يغيرو ما بانفسهم والبردعي ده بالذات لا لانه طلبها

عبارات سمعتها الناس تهنىء بعضها بالعيد عيدك مبارك العام القادم عيدك جمال مابين كل محمدين جمال

الدكتور محمود محيي الدين تم ترشيحه لشغل منصب مدير عام البنك الدولي ، وهو منصب رفيع جداً .. واليوم وافق له رئيس الجمهورية على قبول هذا المنصب .. وهذا أمر يشعرني بالفعل بالفخر والفرحة .. الدكتور محمود محيي الدين هو واحد من أفضل عناصر الوزارة الحالية في مصر ويشغل بها كما يعلم الجميع منصب وزير الإستثمار وهي وزارة استحدثت في عهد تلك الوزارة فقط .. وكان الدكتور محمود هو أول وزير شغل تلك الوزارة هو رجل جدير بذلك المنصب ويستحقه بالفعل http://www.alaswaq.net/articles/2010/09/08/37065.html