لوحة القادة

جيتي على الجرح يابوسي .. امبارح بدأت الدراسة .. وامبارح اتفقت مع شخص ـ معرفوش ـ هيوصل بنتي ويجيبها من المدرسة كل يوم زي مابيعمل مع بقية التلاميذ .. من ساعتها وانا قلقانة .. مش من الشخص ده بالعكس وانما من الفكرة نفسها .. بنتي بتروح وتيجي لوحدها وربنا يسترها معاها يارب ومع كل الاطفال الي في مثل ظروفها .. انها متبقاش تحت عيني ومع ناس غرب ووسط اطفال تانيين ياعالم متربيين على ايه .. هو ده بالظبط مصدر القلق .. الموضوع ده دار في خلدي امبارح بالذات لهذا السبب وسبحان الله لقيتك فتحتي توبيك مخصوص بشأنه .. المشكلة الوحيده الي واجهتني في محاولاتي ( لتوعية ) البنت اني مش عاوزه اكبر لها الحكاية عشان معقدهاش من امور او ( افتح عينيها) على امور تانية .. وفي نفس الوقت مينفعش اسكت واهون لان الموضوع فعلا مهم .. خاصة و ( طوب الارض ) من الامهات السابقين حذروني من اني لازم انبها من دلوقت خاصة وانا كنت مش مهتمه بالحكايه دي حتى عهد قريب .. على العموم من قراءتي في هذا الموضوع في خطوات اساسية لازم الواحد يعملها قبل مايسيب الحكاية برمتها ( على ربنا ) .. اولا ابدئي في توعية الطفل من سن ثلاث سنوات مش بعد كده .. من السن ده لازم يعرف ان في اماكن في جسمه ممنوع نهائيا تظهر امام اي شخص ايا كان ماعدا ( ماما طبعا ) .. لما كانت بنتي بتروح الكيجي قبل كده فهمتها بهدوء وبسرعه وبدون دخول في تفاصيل ان لو حبت تدخل الحمام تقول ( للدادة ) وتدخل معاها مفيهاش حاجه لكن طبعا مبنخليش حد تاني يدخل معانا وهي امنت على كلامي .. امبارح ذكرت لها برضه في سياق التوصيات وانا بلبسها ملابسها ووشي بيضحك وكأنه حوار لقطع الوقت ان مهما حصل محدش يخلع لها ملابسها ابدا .. وهي برضه قالت لي طبعا .. ربنا يستر .. طبعا لما بتكلم معاها في اي موضوع من دول لازم بعد ماقلت لها التنبيه وبطريقة لا توحي باهميته او انه امر وبعد ماتأكدت انها استوعبت ماقلت بنتقل بسرعه لموضوع تاني خالص ملوش علاقه اذكره لها بطريقة مرحة عشان يبقى استفدت من ايصال المعلومه وفي نفس الوقت مخليش عقلها يتطلع لما وراءها .. عامة مبخليش بنتي تتفرج على افلام عربي ولا اجنبي .. مفيش غير الكرتون وافلام الاطفال ... لو شافت حاجه بالصدفة بدئا من القبلة وماشابه بقولها بهدوء نغير القناة ياماما عشان كده غلط .. وارجع اقلب تاني بعد انتهاء المشهد ..في محاولة وبقدر الامكان تأخير لفت نظرها لما يمكن ان يدعوها لسؤال الاكبر سنا عنه .. دائما بكرر لها اني بصدقها في اي حاجه بتقولها واني ( بثق فيها ) .. من الحاجات الي بيعتمد عليها المتحرش ان الطفل مش هيشتكي سواء لانه خايف من النتيجه الي هيعملوها فيه اهله لو عرفوا ( انه غلط ) او لانه عارف ان محدش هيصدقه .. مهم جدا ان الواحد يعرف ابنه او بنته انه واثق فيه والاهم انه يهتم بجد لاي شكوى يقولها الطفل ويلاحظ العلامات الي دائما بيتكلموا عنها في المواضيع المماثلة من انطواء مفاجيء او خوف او خدوش وماشابه في جسم الطفل .. الخ .. يسال الطفل بهدوء عن ايه ده ويهتم جدا لما سيقول .. عن نفسي دائما اقول لبنتي لو حد ( ضايقك ) قولي لي وانا ( هتصرف ) .. من الامور الهامه برضه عدم ارهاب الطفل من المدرسين او الاكبر سنا لمجرد انهم اكبر .. برضه منأمرش الطفل بالطاعة العمياء عمال على بطال .. لان المتحرش غالبا بيعتمد على ( ارهاب ) الطفل فيأمره بما يريد وبطبيعه الحال فلو الطفل معتاد على الانصياع هيستجيب بدون مقاومة .. من الحاجات الي بزرعها في بنتي بمناسبة وبغير مناسبة انها بتسمع كلامي ( لاني ماما ) وماما دائما استثناء .. وفي نفس الوقت بحاول قدر امكاني اني انمي فيها الشخصية وهي تختار مش انا او غيري الي يفرض عليها .. سمعت مرة في احد البرامج الحوارية ان اكثر الشكاوى الي بيتلقوها من اهالي تعرض ابنائهم للتحرش في ( تجمعات عائلية ) بمعنى في الاعياد مثلا لما بيلتقي الاخوة والاخوات وابنائهم .. غالبا الكبار بيكونوا مع بعض والصغار بيلعبوا في مكان تاني قريب والكل مطمئن .. في البرنامج ده حذروا من الحكاية دي وقالوا لازم كل شويه نروح نبص على اطفالنا ونتاكد انهم بيلعبوا في امان .. عن نفسي بنصح دائما انك ( تنتقي ) مين هيلعب مع اطفالك وانك تتاكدي من المراقبة ( من بعيد لبعيد ) ان الاطفال التانية لسه ( قطط مغمضه ) زي ابنائك بالظبط وان مفيش خطر لغاية دلوقت من اختلاطهم مع بعض .. من الحاجات الهامة جدا ان الواحد يتحكم في رد فعله اثناء استماعه لابناءه عادة .. الاهم كمان ان الابن لايعاقب العقاب المعتاد اذا هو بنفسه جاء وذكر الحقيقة .. اذكر مرة بنتي دلقت مية على اللابتوب ـ وكان لسه جديد ـ طبعا انحرق اللابتوب بس انا سكت وانا اكاد ارميها من الشباك وقلت لها وانا بكتم غيظي بصعوبه اني كنت هقتلها لكن هسامحها المرة دي بس عشان قالت الحقيقة .. فعلا الي دار في ذهني وقتها اني لو عاقبتها بما يفترض لعمله سوده زي دي فدي هتكون آول وآخر مرة تقولي فيها حاجه خاصة وهي الي جائت بنفسها وقالت لي الحقي ياماما انا عملت كذا بدون مااقصد .. من المهم برضه لو ابننا او بنتنا حكى لنا حاجه غلط عن صديق له او ماشابه اننا منتسرعش في ارتداء ثوب الواعظ ونبدأ نصحح ونقيم خطأ الصديق ده وانما اننا نسمع من الطفل الاول رايه هو ايه ونوجهه من بعيد لبعيد برأينا الي مش ( ملزم ) في الحالة دي .. ساعات كتير بيكون لابنائنا اصدقاء ( سوء ) وهم بيكونوا عاوزين ياخذوا راينا او يحكوا لنا عن الي بيحصل لكن لانهم عارفين مسبقا رد فعلنا هيكون ايه فبيفضلوا الصمت .. طبعا لو في شخص ( ناوي على التحرش ) وباديء يمهد لده فاحنا كأهل ممكن جدا ناخذ بالنا من المقدمات ونمنع حدوث ماهو اسوأ لو ان الطفل حكى لنا في الوقت المناسب عن امور قد تبدوا له طبيعية الى حد ما لكنها في الواقع ليست كذلك .. برضه بلاحظ في اهالي كتير بتعلم ابنائها اسماء اجزاء حساسة من اجسامهم وبيعتبروها ماده للضحك والتندر ان الطفل يكرر الاسماء دي امامهم .. بالنسبة لي الامر ده مرفوض تماما وارى ان الحل المناسب هو تجاهل الطفل لما يكرر الكلام ده سواء كان مجرد الفاظ او امتد لحركات خارجه ممكن يقوم بيها الطفل كان يتعرى من ملابسه او ماشابه بغرض اضحاك الكبار .. هيضحك النهرده وهتتفتح عينه بكرا .. مااراه صواب في المسألة دي اننا نختار الفاظ ( محترمه ) نعلمها لاطفالنا وفي نفس الوقت لانبدي اي اهتمام او تغير اذا تطرق الحديث اليها او ذكرها الطفل ونعاملها في سياق حديثنا كما يعامل اي اسم تاني لاي حاجه محيطه بالطفل اذا ماتحدث عنها هو .. فيما نتجاهلها نحن قدر الامكان اذا كنا من سيتحدث .. كمان لو انتي مع اطفالك عند ناس متتركيش طفلك ابدا في رعاية حد بيرعى اطفال الناس دول عاده .. يعني لو عندهم شغاله او سائق او حتى اخ اكبر متبقيش مطمئنة اوي ان طفلك معاهم وان الناس دي ضامنة الي شغالين عندهم او ماشابه .. لان ممكن جدا ووارد انه لا يؤذي اطفال البيت لان اهلهم ( صاحيين له ) لكن مش بالضرورة هيعمل نفس الشيء مع اطفال الآخرين .. لما تكوني مع ابنك او بنتك برا البيت فهم مسؤوليتك انتي لوحدك متسيبيهاش ابدا لحد تاني الى على مسؤوليتك الخاصة برضه .. واخيرا مهم اوي في تربية ابنائنا اننا نفرق لهم مابين ( العيب ) و ( الحرام ) .. لان الحاجه الي عيب النهرده او متنفعش مش بالضرورة تكون كده بكره على العكس من الحرام الي هنعيش ونموت وهيفضل حرام .. مهم اوي اننا منضخمش الامور بالنسبة للطفل ومنعملش له سلك شائك حوالين مناطق كتير وارد جدا انها هتكون مناطق طبيعية له في يوم من الايام ومصيره هيطلع عليها..الحكمه مطلوبه في الامور الي زي دي .. منبالغش بس في نفس الوقت منهونش وبالتاكيد .. منهملش .. هي التربية متعبه .. بس النتيجه تستحق التعب .. طبعا كل ماسبق هي نصائح لاطفال صغيرين زي بنتي او ابنك.. بكل اسف مش متاكده من الي المفروض الواحد يعمله لمراحل سنية اكبر ـ فترة المراهقة تحديدا ـ وايه هي انسب طريقة لحمايتهم في السن دي .. بس اعتقد والله اعلم اننا لو تعبنا شويه في السنين الاولى وربينا صح واعتمدنا منهج المصارحه والاحتواء فاحتمال كبير ان ربنا هيوفقنا في الي جاي .. يارب ..

والمفروض ان سيف اخرس يبقى لازم يتغاظ منها ويتعصب وفعلا سيف اتقمص الدور واعووو اعووو وهبا هبااا - يعنى هاج واتنرفز واحنا نسكت فيه انا صدقت انه اخرس بجد الله يخرب بيتك يا سيف وسنينك - لا حرام الله يمسيه بالخير والجروب بتاعى فى منهم اتنين رخمين كانو حيفضحونا مش ماسكين نفسهم من الضحك لان سيف مبدع الله يحظك يا شيخ الواد المسكين سيف جمع اكبر مشاعر انسانية حب وشفقة ممكن تتخيلوها فى التاريخ واد ايه كل اتوبيس الرحلة كان متعاطف معاه حتى سواق الاتوبيس حبه جدا جدا المهم - سيف دفع التمن انه مش مستمتع باغانى الرحلة والهيصة ولا انه يصرخ فى ملاهى السندباد ويقول يا بابا الحقنى يا ماما يالهوى زى ما كلنا صوتنا من الملاهى ولا اللى احنا فيه - كل داه المفروض انه منطوى وما يضحكش من النكت اللى بتتقال والتعليقات جنبه لازم يمسك اعصابه كويس - واد ايه جبار يا جماعة مش معقول فعلا كان ذهنه فى مكان تانى شارد مش معانا وووو فى نهاية اليوم الرائع اللى عمرى ما حنساه اتجمعنا دايرة كبيرة قعدنا على الارض - باقتراح منى انا شخصيا اننا نطلب كلنا من اجل سيف المسكين والدايرة حيلف على كل واحد فينا يطلب من ربنا امنية او يقول كلمة علشان سيف وكلنا مسلمين ومسيحيين المجموعة كبيرة جدا - صلينا جوانا وطلبنا من ربنا ان سيف فى يوم من الايام يتكلم زينا . لان كل الرحلة حبوه جدا هو شاب وسيم وشيك وملفت بجد وحرام انه يبقى اخرس واطرش فى الاخر فجأه واحنا منسجمين فى الدعاء والطلبات من اجله - وقف سيف وسط الدايره يرقص ويقول - الحمدالله الحمدالله انا بتكلم انا ما بقتش اخرس تصدقوا انتم اايه اللى حصل ؟؟؟؟ اولا انا من الضحك ضعت كنت حاموت حقيقي اعتبر نفسي فارقت الحياه للحظات تعبت اوى عمرى ما ضحكت بالشكل داه وكمان فى المقابل حصل حقيقي وسط المجموعة 5 حالات اغماء – اغماء بجد - 2 منهم شباب و3 بنات من الصدمة :lol: :lol: :lol: وباقى يوم الرحلة قلب نكد واغماءات وترجيع وصداع وتعب وحاجات بشعة سيف اتضرب ضرب ما اخدهوش حرامى فى مولد اللى ما اغماش عليهم جريو وراه اتلمو عليه يضربوه اولاد وبنات وفى بنات بكت كتير اوى وانهارت من الصدمة – كانو بنات اخر رقة بجد وانا مش عارفة السبب لغاية دلوقتى ومنهم اختى تهانى – هل لانها زعلت انى خبيت عليها حقيقته من اول الرحلة ولا لانها اتصدمت اوى . فمش عارفة اختى ليه اتاثرت جدا و صعبت عليا يا حرام الطريق كله فى الاتوبيس اسكت فيها وهى تعيط اسفة طولت عليكم اغابي

عاده ولما بتقوم خناقة مابين ( عائلتين ) بيتم الاحتكام ( لكبير ) يسوي الامر ويرجع المياه لمجاريها .. مبيكونش في مشكله لما الحكايه دي تحصل مرة ولا اثنين .. ومبيكونش في اثر يذكر للخلاف ومايستتبعه لو تم احتواءه في بداياته .. بتبقى المشكلة الحقيقية لما الاستفزازات على الجانبين تتكرر .. ولما تترك امور بدون تسويه للتتراكم وتشكل خلفية ينطلق منها كل فعل من جانب منهم او ردة فعل من الآخر .. وفي غياب الكبير.. لما كل ده يتضافر ويتحقق مش هيكون امام افراد العائلتين ـ في حالة صدور خطا حقيقي من احدهما ـ الا ان يكون واحد من اثنين .. يامحضر خير .. او ياروح مابعدك روح .. لو اني فرد في عائلة كتب عليها الصدام المتعاقب مع عائلة اخرى .. ساعات يقولوا احنا بنقرفهم وساعات بيقال هم البادئين .. لو اخترت اكون محضر خير فمفيش امامي غير حاجة من الاثنين .. اما اني من العائلة المعتدية فاكابر واعاند وادعي ان كل ماينسب الينا افتراء ومش صحيح او اكون اكثر انصافا بقليل فاعترف بالخطا فأبرره تحت اي مسمى .. وعلى اقل تقدير فاحسن من كل ده اصمت على اساس ان العرف المصري السكوت علامة الرضى .. أو اكون من العائلة المعتدى عليها فأبدأ كلامي بعد السلام بان الي حصل خطأ مقلناش حاجه بس مهو برضه احنا سبق وعملنا فيكم وسوينا فدي قصاد دي وخلينا نطلع اخوة وحبايب .. لو عملت اي من الاثنين دول مع قناعتي الداخلية ان في خطأ حصل هبقى بضحك على غيري لما اضللهم بموقفي وبالتأكيد بضحك على نفسي اكتر لو افتكرت ان الي بعمله ده صح او ممكن يجيب نتيجة ايجابية . . هل معنى كده اني اسلك الطريق التاني وارد الصاع بصاعين ونعملها فتنة بقى الله اعلم هتوصل لفين وتاخذ في طريقها قد ايه لغايه ماتهمد ؟ ان حد يغلط فدي مشكلته لوحده يتحمل تبعاتها هو بذاته مش حد تاني .. ان واحد يختار الطريق الاول ويغطي على الخطا او يدعمه حتى فده برضه موقفه لوحده بيعبر بيه عن نفسه .. ان آخرين يختاروا المصارحة والدفاع عن اسرهم وكبرائهم او علمائهم في مقابل من يخنع ويشتم الكل في الكل ليرضي من لايرضى فدي في حد ذاتها شجاعة يشكروا عليها حتى لو اختلفنا مع مايرونه حقا يستحق الدفاع عنه .. ان ناس تقرر انها تقف على الحياد فتتكلم ايوه وتقول رايها بدون ماتغلط في حد بس في نفس الوقت بدون ماتنحاز لباطل هي شيفاه كده فدول الي بجد ارفع لهم القبعة . وبالتاكيد اني اشوف خناقة مابين اثنين ( فاكتف ) واحد فيهم عشان ميضربش ظنا مني اني كده بفضها فيما الثاني مستمر في الضرب فاعتقد ده مش منطق ابدا بالظبط زي مالو سبتهم هم الاثنين ( ياكلوا في بعض ) .. وبالتاكيد فسكب النار على البنزين جريمة كونها في حقيقتها مشاركه في الصراع .. تكميم الافواه والمنع ابدا مش حل وتجاهل المشكلة هو خطأ اكبر من حصولها وهو بمثابة اتفاقات وقف اطلاق النار الي بتستغل مش لتهدئة الوضع وانما لشحن مزيد من القوات .. الانحياز لاي من الجانبين لمجرد انه ( عرق ) ولازم نعضده بغض النظر هو صح ولا خطأ هو معاه الحق ولا هو المعتدي ظلم معتقدش ابدا انه يرضي ربنا .. ربنا الي يفترض اننا بنعبده احنا .. وهما .. الاختيار صعب والاصعب منه تحديد مين الي معاه الحق ومين الي على باطل .. فتنة الله وحده قادر على انقاذنا منها .. طيب عن نفسي انا هختار اكون مين في كل دول ؟؟ في المواضيع المشابهة الي بتتكلم عننا احنا ( وهم ) .. في المواضيع الي لايقال عنها الا انها ( فتنة ) .. التزم قول الحبيب صلى الله عليه وسلم .. دعوها فإنها منتنة .. هو ده الي هيكون اختياري ..

انا بقي هيبقي نفسي فى حاجه واحده انى احج لبيت الله وارضي ربي ثم بعده زوجى ويكرمنى فى ابنى ويكون الولد الصالح فى حياتي ومماتى وادخل الجنه واكون رفيقه رسولنا ونبينا الحبيب محمد صلي الله عليه وسلم

أخيرا قدرت اجد المقطع المشار اليه من برنامج "تجربة حياة" هاهو لمن أراد الاطلاع عليه والحكم بنفسه على كلام هيكل: http://www.youtube.com/watch?v=dvHVLQyrBHQ&feature=player_embedded للأمانة شاهدت المقطع 3 مرات وحاولت اقوم بدور (المتصيدة) لهيكل مش المحايدة وبس عندي تعليقين: اولا:هيكل قال حرفيا وبوضوح شديد:( فيه شكوك خدت "بعض الناس" لبعيد وطالت أنور السادات إلا أن هذا كلام "غير معقول"، واللي بيحكوا الروايات دي بيستدلوا فى ادعائهم بمشهد أنا كنت أحد حضوره، وهو مشهد جرى فى هيلتون قبل الوفاة بثلاثة أيام) يعني هو بيحكي مستنكرا -واستنكاره واضح جدا- وفي سياق سرده لروايات اغتيال ناصر عن احدى الفرضيات اللي بيعتنقها "البعض" ودليلهم الوحيد فيها ان عبد الناصر مات مسموما بسبب شربه لقهوة أعدها السادات له قبل 3 ايام!!!! يبقى ازاي ممكن نعتبر ان دة اتهام؟!! طيب بلاش كدة ...وبلاش نعتبر القصة مشكوك فيها لأسباب أخلاقية وعملية وانسانية...الخ.....زي ما ختم استنكاره الواضح نعتبرها مشكوك فيها لأسباب طبية ومنطقية حتى!...اليس من غير المنطقي حكاية السم اللي ميظهرش مفعوله الا بعد ثالث يوم؟! دة دليل على ان القصة واهية اصلا ومعتنقيها لا يملكون سوى التخمين وبناء الافتراضات ،وهو دة بالظبط اللي هيكل بينكره مش بيثبته لأنه أمر يحتاج "دليل أولا و غير خاضع للظنون والتخمين" على حد تعبيره الحرفي وأكد ضعف هذا الظن بتذكيرنا-لمن نسى- بتاريخ ناصر المرضي والضغوط اللي كانت واقعة عليه وعلى البلد وقتها ...ماحدث للأسف ان بعض الصحف اقتطعت جزء من سياق حديث هيكل الرافض لهذه الفرضيات المفتقرة للدليل وحولتها بالعكس الى دليل ادانه له باتهام السادات على طريقة "اقرا الحادثة"!!وكذا فعلت عائلة السادات بعد تأويل الكلام وليّ عنقه ثانيا: بصراحة في رأيي كان تجنب ذكر هذه الرواية من البداية أفضل -أيا كانت نية هيكل ولو على سبيل ااستنكارها حتى-لأنها تظل "حكاية" تناقلتها الالسن تفتقر الى اي دليل وليست شهادة تاريخية...و لن يجني من الاشارة اليها- بخلاف الدعوى القضائية المرفوعة عليه- الا مزيد من الاحتقانات أعتقد اننا في غنى عنها الآن

وايضا هناك هذا المقال اعتقد انه مفيد ايضا التحرش الجنسي بالأطفال : التعريف .. الأسباب ... الوقاية والعلاج

اقدم هذه النصيحه لكل ام مهم جدا سنوياً، يتعرض مئات الآلاف من الأطفال للتحرش الجنسي، و بينما لا يستوعب العديد من الناس هذه الحقيقة، فغالباً ما يكون ذلك على يد أقرب الناس، كأحد أفراد العائلة، أو الأصدقاء، أو المربيات، أو الخادمات، أو السائقين، أو الجيران و في بعض الأحيان المعلمين و المدربين. إذا كنت والداً، جداً أو حارساً لطفل، فالإشارات التالية قد تدل على تعرض طفلك للتحرش جنسي، حسب المركز القومي الأمريكي للأطفال المفقودين و المغتصبين. بعض هذه التصرفات قد يكون لها تفسيرات أخرى عدا عن التحرش الجنسي، و لكن يبقى من الضروري الاهتمام بعلاجها لمساعدة طفلك، مهما يكن سببها. أيضاً، ضع في الحسبان أن الأطفال لا يظهرون دوماً دلالات واضحة على تعرضهم للتحرش الجنسي، و لكن قد يقولون أو يفعلون شيئاً قد يدل على ذلك. 1) تغير في السلوك، تأرجحات عنيفة في مزاجه، انطواء، نوبات رعب و بكاء عنيف. 2) التبول أثناء النوم، الكوابيس،الخوف من النوم في السرير، أو اضطرابات أخرى في النوم. 3) القيام بسلوكيات جنسية غير لائقة، أو الاهتمام الغير اعتيادي بالمسائل الجنسية. 4) إظهار حركات عاطفية مفاجئة أو عنيفة أو ثورية. 5) الانتكاس إلى تصرف طفولي معين ( التشبث) (( يعني يرجع يتصرف كأنه طفل أصغر من سنه)) 6) مشاكل سلوكية أو مدرسية. 7)تغيرات في عاداته في استعمال المرحاض. 8)الخوف من أنشطة معينة، أماكن معينة أو أناس معينين. 9) ظهور جروح، كدمات، رضات، طفح جلدي، خزعات (لا أعرف معناها) أو إصابات متعددة غير مفسرة في جسده. 10) آلام، حكة، نزيف، سوائل في المنطقة التناسلية. منقووووووووووووووووول للفائدة

والله فى موقف محرج جدا وسخيف كمان المهم ايام الثانوية العامية رحت درس كيمياء بدرى شوية ( قبل الميعاد بنصف ساعة تقريبا )مش عارف ليه !!! المهم لقيت سكرتيرة جديدة زى القمر ( لهطة قشطة ) :lol: فاتكلمت معاها شوية وبعدين دخلت قعدت مع واحد صاحبى لسوء حظى انى لقيته فقولتله ايه رأيك فى الموززة دى !! فكان رده نظره أولا ثم دى أختى :wub: بصراحة منطقطش بولا كلمة لحد ما الدرس خلص وروحت وكنت بتمنى الارض تنشق وتبلعنى :sad:

بصراحه السواقة في مصر من اولها لآخرها غلط ... والكل مش بيعرف يسوق ستات ولا رجاله السواقه مش انك تظبط رجلك على البنزين والدبرياش وتمسك الدركسيون ... السواقة هي تطبيق قواعد المرور لما يبقى هناك نظام للمرور وناس عارفه القواعد وبتطبقها نبقى نقدر نقيّم مين اللي بيسوق صحّ ومين اللي بيسوق غلط وزي ما الاستاذه شيكو قالت ... قارنوا نسبة الحوادث ... وأدينا شايفين السعودية مثلا نسبة الحوادث والوفيات فيها عالمه ازاي رغم إن مافيش ستات بتسوق

يعني مالاقيتش غير عبد الباسط حموده النصاب ده تخيل بلاقيه في جريده الوسيط هنا في السعوديه بيقول انه رئيس المركز القومي للبحوث:blink: المهم ان الادويه العاديه اللي في الصيدليات لخشونه الركبه هي ايضا مستحضرات طبيعيه ومافيش فيها مشكله من استخدامها واضمن من عبد الباسط حموده ده عندك Dorofenوده 30 كبسوله ب 30 جنيه حبه واحده يوميا ويحتوي علي الجلوكوزامين وده اللي بيزود الSynovial fluid اللي بين المفاصل ولو في معاناه من الصغط في مستحضر تاني نفس التركيب لكن منزوع الصوديوم بحوالي 15 جنيه واسمه Joflex وطبعا ده بعد استشاره الطبيب

فعلا الحرية لا تمنح برة بيقولوا our hard earned liberty

ههههههههههههههههههههههههههههههههههههههههههههههههههههه :lol: أوعى يكون صاحبك دا توفيق الدقن ويا منجى الوحش من الجحش :lol: كانت صدمة ياشريف بس اهو الواحد كل مايفتكر افطس على نفسى من الضحك يلا ياشريف احكيلنا موقف جامد من عندك أكرم,,, أخي العزيز رغم روعة السرد إلا أنني أشفقت على هذه البنت أن تصبح مادة للسخرية كانها زينات صدقي و أهلها عايزين يزوجوها

والله من غير مبالغة فى حاجات كتيرة من اللى حضرتك ذكرتيها متوفرة بالفعل عندكم فى القاهرة مثلا ساقية الصاوى ومايعرض فيها من زخم ثقافى وفنى وبيت السحيمى وبعض قصور الثقافة فيها ندوات كويسة واسكندرية برضه فيها اماكن زى كده كتير انا وبنتى بنمشى بامان فى الشارع والحمد لله وبنتى بتروح دروسها ومدرستها بامان ابنى الكبير ساعات يرجع من شغله بعد3 صباحا فى امان وساعات بلاقى فلاحات جايين وقت الفجر مع بضاعتهم ولوحدهم وسيدات رايحة تصلى الفجر لوحدها فى لسة ناس محترمة بتتكلم بادب وبهدوء فى رجالة وستات لحد دلوقت بتبوس ايد امها وابوها مستوى التعليم كويس فى مدارس كتير بس عاوز تطوير الشرطة مش بتعامل كل الناس وحش الا لو فى احتكاك مباشر معاها لكن احنا بنمشى جنبهم عادى من غير مشاكل ولاضرر طالما ماشين فى حالنا ومش بنثير مشاكل الناس بتحاول تتغلب على المرار اللى هم فيه بالضحكة حتى لو كانت مصطنعة لكن الحياة السياسية بقى دى اللى حتخلى العفريت يطفش من الفانوس والدنيا كلها أمنياتي مش ليا لوحدي يا هند دي لمصر كلها عن نفسي البيئة اللي اتربيت فيها مكانش فيها أي حاجات وحشة من دي و لا عمري تعرضت لأي أذى أو ضرر في مصر بالعكس تماما كل ذكرياتي في مصر جميلة جدا اتعلمت في جامعة عين شمس ببلاش اشتغلت في مدرسة لغات بعد التخرج و كان راتبي كبير و كان وسط الشغل راقي جدا أصحابي كلهم من مستوى راقي اجتماعيا و ماديا و بيتكلموا بأدب و هدوء عمري ما حسيت بالخوف و أنا في الشارع و لا عمري اصطدمت بالشرطة و لا تعرضت لظلم من حد محدش من أسرتي و لا قرايبي أهان أبوه و أمه بس دي حياتي أنا اللي نفسي كل المصريين يعيشوها في كل حتة في مصر و مش بس في القاهرة و اسكندرية

مداخلة الفاضلة: مصرية متغربة في موضوع: موروثات فرعونية على فكرة يا هند مش كل الكلام ما بيجيبش نتيجة الكلام لما يصبح شهوة يعني رغبة في التفزلق الكلام لما يبقى رنان لكنه أجوف لما يبقى مكرر بلا روح الكلام لما يقصد به الشهرة و الرياء الكلام لما يبقى طق حنك و فض مجالس أكيد مش حيجيب نتيجة بل بالعكس سيأتي بآثار عكسية كالملل والرتابة و الاحباط و الاكتئاب فقدان الرغبة في الاستماع و سد الآذان فقط عندما يكون الكلام أداة لتوصيل النور تستنير العقول كل الشكر يا أم سلافة على المداخلة عظيمة القيمة.

فُرجت.. وكنت أظنها لا تفرج نوارة نجم المصدر نوارة نجم - الدستور

السلام عليكم أولا جزاكم الله خيرا فعلا مهم نعلم أولادنا ازاي يتعاملوا مع من يختلف عنهم ,, في اللون ..الجنس .. العرق .. القدرات .. الرأي .. الدين هذا لا يمنع أن نحمد الله على نعمة العافية مع تمام الإدراك أن من لديه إعاقة ما ليس أقل منا بأي حال من الأحوال .. ربما فاقنا ذكاءا .. إيمانا .. رحمة ربنا يعافينا و يصلح حالنا جميعا

طبعا لأن من مصلحة اللانظام الحالي هذه الفتنة من ناحية إلهاء ..و الأخطر هو جعل الطرفين يتباروا في الاستنجاد بسيادة الرئيس و نجله

لأ وإيه كمان ؟ .. ياسلام يا أخى .. بقى لما يوصفنا بإننا ضيوف يبقى ده كلام إعجاب عجبى !!!!! وكمان بتقول : لما احنا بقى نبقى تفاح فاسد .. تبقوا انتم إيه ... هه ؟ وبعدين تيجى فى الآخر تقول : يعنى برضه عمال تقول إننا بنقتلكم ونشحنكم عالمشرحة ؟ أنا خلاص مش عايز اتكلم معاك تانى .. مفيش قدامى غير جوز القنابل دول أرميهم فى وشك عم أبو محمد .... صباح الخيرات أول مره أشوفك متحامل على حد كده ... وبصراحك شكلك عاوز تشيل الليلة لسكوربيون وتمنحه لقب " الأنبا بشوي الثالث عشر " لما احنا بقى نبقى تفاح فاسد .. تبقوا انتم إيه ... هه ؟ يا عمنا ...كامل يقصد بالتفاح الفاسد هي الأراء المتطرفة من الجانبين ... مش عارف إنت شوفتها إزاي إنه يقصد الملسمين بالتفاح الفاسد ؟ مره أخرى .... أرجوك اعد قراءة مداخلتك الموجهة لكامل .... وقولي رأيك بس قولي : طنط أم محمد عملت كحك السنة دي ولا لأ ؟ شوف يا سين سين باشا انا برضه كنت محتارة جدا في مغزى مداخلة الأستاذ الفاضل أبو محمد بس واضح من نهايتها انه أكيد طبعا مش متحامل على الأستاذ سكوربيون هي و الله أعلم موجهة لمداخلة تانية مكتوب فيها ان الفاضل سكوربيون لسه ما أقرش و أعترف ان الأنبا بيشوي أخطأ:blink: مع أن الأستاذ سكوربيون قالها في أكتر من مداخلة و أنا برضه يعني بجد باتساءل ايه المطلوب من الأستاذ سكوربيون أو من أي مسيحي في المنتدى بالتحديد عشان الموضوع ده يخلص

على فكرة يا هند مش كل الكلام ما بيجيبش نتيجة الكلام لما يصبح شهوة يعني رغبة في التفزلق الكلام لما يبقى رنان لكنه أجوف لما يبقى مكرر بلا روح الكلام لما يقصد به الشهرة و الرياء الكلام لما يبقى طق حنك و فض مجالس أكيد مش حيجيب نتيجة بل بالعكس سيأتي بآثار عكسية كالملل والرتابة و الاحباط و الاكتئاب فقدان الرغبة في الاستماع و سد الآذان فقط عندما يكون الكلام أداة لتوصيل النور تستنير العقول

مانحن فيه ليس موروثا فرعونيا بدليل ماظهر من ثورات لعرابى وسعد زغلول والضباط الاحرار والعديد من حالات التمرد والعصيان . كل ما هنالك ان الحكومة احكمت برمجة الشعب على الخنوع والطاعة فحسرت طموحاته فى سد رمق الجوع واصبح مستأنسا وحتى من منا صاحب الثروة اصبح خائفا على مايملك ان تمرد وربما لايشعر بغيره فهو فى غنى عن ذلك فنحن خانعون من القاع للقمة _تجدنا خانوعون لسائق المركبة حين يطلب زيادة الاجرة لانها لن تفرق معنا ولو اعترض اخر الف واحد ينهره دى بسيطة ولو مش عجبك انزل والنيجة ان السائق يتمادى لكن لو اتحدنا جميعا لن ندفع غصب عنه حيتازل عن الزيادة _عند الدعوة لمقاطعة سلعة ما كاللحوم مثلا تاديبا للبائع والتاجر الجشع تجد من يملك لايلزم نفسه بذلك رافعا شعار وانا مالى طالما قادر اشترى احرم نفسى ليه _عند بيع الشركات والخصخصة تجد من يهلل و يصفق لها طالما لاتمسه شخصيا وطالما بعيد عن فلوسه الفكرة ان الانانية مسيطرة علينا جميعا لاننظر الا تحت ارجلنا ولانفكر الا فى انفسنا واموالنا وكما قالت الاخت مصرية ماذا فعلنامن اجل التغيير سوى الكلامحتى ذلك عزف عنه الكثيرون لكن ماهو دورنا نحن من بالداخل وماهو دور المغتربين الذين يعيشون بالخارج ويتوسمون فينا القيام بالعمل وهم بالنصيحة.لن يحدث اى تغيير الا بتضافر مجهودات الجميع لان يد لوحدها لن تصفق

أولا اسمح لي حضرتك أعلق على الكلام المظلل بالأحمر و الذي يوحي ان حضرتك مش بتعتبر نفسك من المصريين و لا تنتمي للشارع المصري!! ثانيا مش فاههمة حضرتك تقصد ايه ب عبارة (على ضفاف المحاورات)؟؟؟!!! حضرتك بتتساءل عما فعل الآخرون لماذا لم يثوروا و لماذا لم يغيروا و لماذا ... و لماذا؟ طيب حضرتك يا ترى سألت نفسك ماذا فعلت أنت من أجل التغيير؟ هل تنتظر أن يقوم الآخرين بالتغيير ثم تقوم حضرتك بالتصفيق لهم؟؟؟!!!:) هل فكرت أن تشارك في هذا التغيير؟؟ هل فكرت كيف يمكن أن تشارك؟ هل قمت بأي خطوة؟ هذه الأسئلة شخصية جدا و طبعا لا أريد أن أسمع الجواب و لكني أتمنى أن يطرحها كل من يقرأ كلامي على نفسه ( بما فيهم نفسي طبعا) فلنتذكر جميعا أننا عندما نشير بإصبع السبابة لاتهام أحد نطبق ثلاثة أصابع باتجاهنا نحن أما بالنسبة لسؤال حضرتك عن إمكانية وجود صور أخرى غير تلك الصورة التي تراها حضرتك للشعب المصري فيسعدني أن أبشر حضرتك أنه ليس هناك صورة واحدة غير الصورة التي تراها حضرتك بل هناك ملايين الصور الجميلة يمكنك أن تراها إذا و إذا فقط رغبت فعلا في رؤيتها الجمال موجود و القبح موجود و أيهما تختاره عيناك لتراه فأنت فقط من تحدد ذلك

ابو عمار قال انا داخلة ومنتظرة حاجات وحاجات :lol: :lol: طيب ما كنت تقول للرجال فقط بدل للكبار فقط انا شايفة ان الموضوع فعلا للرجال فقط حرام عليكم تظلموا المراة المراة هى الام والاخت والبنت والزوجة المحبة المراه هى المنهج والحياه وهى صانعة الرجال المراه هى الشمعة المضيئة التى تحترق من اجل من تحب المراه هى دائما العش الهادىء - الجميل الرقيق الوديع المراه هى الضعيفه التى لا تملك من الحياه سوى بعض قطرات حزن فى صورة بكاء المراه هى نصف المجتمع وكل المجتمع وكل الحياه اسمعو هذه القصة ذهب احدهم يشتكى زوجته فى مجلس العائلة الذى كان بحضور اقارب كلا الطرفين وشيخ العائلة وامام الجميع - قام الزوج يصف عذابه ومعاناته ومشاكله التى لا تنتهى من زوجته امام الجميع على انه المسكين امام جبروت هذه المراه ساله شيخ المجلس : اصف لى يا ابنى ما الفرق بين هذه المراة التى معك الان ومن هى فى بداية الزواج قال الزوج المسكين : ياسيدى يوم تزوجتها كانت ملاك اقسم بالله ملاك فى صورة بشر - كيف تحولت بهذا الشكل لا ادرى قال له الشيخ اذن انت المخطئ - نحن الان نطالبك بهذا الملاك - انت قتلته وحطمته وبدلته اذن ليست كل المسؤلية على المراه وحدها والرجال لا يغيرون المراه ام لم يكون لهم تاثير فى حالها وتبديلها على جنب كدا - انا حاقوم عليكم نساء المنتدى كله منصفة المراه اغابي :blink: :blink:

معاك حق يا Scorpion فعلا لا كاميليا اتخطفت ولا وفاء اتقتلت ولا الاديرة والكنائس مليانه اسلحة ولا أى حاجة خالص الدنيا موز موز موز على رأى عمورة :lol: فعلا دا شغل جرايد صفرا :blink:

بصراحة ياجماعة ده شئ فعلا مضحك.. الاستاذ حسنين هيكل بيحكى . بغض النظر عن ميوله الاستعراضية او تفخيمه لنفسه .. لكن هذا الرجل فعلا ....(( مخه منظم جدااا ...مش متهور ..,بمعنى ادق...ثعلب فعلا ..ولا يقع ف خطأ كهذا لايقع فيه الا من هو غير مدرك لمكاتته الفعلية )).. بيحكى ودايما يقول انا كلامى مدعم بالمستندات ولدى وثائق كثيرة ومستندات لايتسع المجال هنا للاتيان بها كلها .. أنا رايت الحلقة ...والحقيقة ان الرجل لم يتهم السادات من بعيد او قريب بأنه دس السم لعبد الناصر.. هو فقط....حكى.. حكى ..لأن ايامها الموضوع ده اثاره الجميع وتمت مناقشته ف كل صحف العالم . قال مثلا ...لقد قال لى فولان (( لااتذكر الاسم الآن ..لكنه كان يتحدث عن سياسى اجنبى )) .. كيف سمحتم بموت الرئيس؟؟؟ عبد الناصر توفى وعنده اتنين وخمسين سنة ونصف ...يعنى شئ يشكك ..لكن الجميع يتناسى انه كان مريض وكان دائما يرهق نفسه .. رغم اى اخطاء ..لكن هذا الرجل لم يسرق فعلا ...هذا الرجل كان يحب مصر .. ومصر فى عهده حقيقة... .لم يجرؤ اى من الجرذان ان يدعى ان ...وكره ..هو منارة الفكر ...!!!! كانت القاهرة والقاهرة والقاهرة فقط ..هى منارة العلم... ليه حسنين هيكل قال الكلام ده دلوقت؟؟؟ ليه؟؟ حكى ف الوقت ده بالذات... وليه تعمد يقول ان السادات كان وحده وقت اعداد القهوة واعدها بنفسه؟؟ )) هو تعمد ذلك حتى ينفى تهمة قديمة ...واكداكثر من مرة على القول ..كنا جميعا فى حالة غريبة.. فى حالة قلق وكان الموقف انسانيا غير محتمل وكان الرئيس يتألم ... يعنى قال ما معناه..مش معقول ف موقف زى ده اى حد حايفكر ف اى حاجة وحشة او غير طبيعية .. بدليل... فعلا .(( مش معقول حانحاكم الناس بقى على ...نيتهم )) يعنى ظاهر الكلام والحكى ...عاااادى جداااااا ده رغم انه مش مؤرخ ...لكنه يحكى تاريخ موثق .. يعنى لديه جرائد ومجلات اجنبية والآف الصفحات تحكى هذه الواقعة .. اما حكاية القضية المرفوعة ...هى دى فعلا اللى عملت التشويش على سمعة الرئيس السادات.. يعنى ياللى متعرفش اعرف ..دول بيتهموا ابويا . يعنى عائلة عبد الناصر ترفع قضايا على عائلة المشير التى تتهم عبد الناصر بقتله؟؟ و..ترفع عائلة المشير قضايا وتطالب بتوضيح من قتل المشير؟؟ واتهامات جاهزة كتيررر.. فيه مشاكل اكتر بكتيرررر ..ياريت القضاة يهتموا بيها . هو دلوقت وقت سمعة الرئيس؟؟؟ طيب فين سمعة مصر اللى ضيعوها بكل النفاق والفساد؟؟؟ يعنى ابسط شئ.. فبركة صورة الاهرام....وتأخير الموكب ...ووضع صورة اوباما فى الخلف .؟؟ تعالوا شوفوا الجرايد الأجنبية كاتبة ايه؟؟ لاحول ولاقوة الا بالله.. http://www.elpais.com/todo-sobre/pais/Egipto/EGY/ http://www.cbsnews.com/stories/2010/09/17/world/main6876519.shtml

السلام عليكم و رحمة الله و بركاته إِلَّا تَنصُرُوهُ فَقَدْ نَصَرَهُ اللَّـهُ إِذْ أَخْرَجَهُ الَّذِينَ كَفَرُوا ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لَا تَحْزَنْ إِنَّ اللَّـهَ مَعَنَا ۖ فَأَنزَلَ اللَّـهُ سَكِينَتَهُ عَلَيْهِ وَأَيَّدَهُ بِجُنُودٍ لَّمْ تَرَوْهَا وَجَعَلَ كَلِمَةَ الَّذِينَ كَفَرُوا السُّفْلَىٰ ۗ وَكَلِمَةُ اللَّـهِ هِيَ الْعُلْيَا ۗ وَاللَّـهُ عَزِيزٌ حَكِيمٌ ﴿40 ﴾ سورة التوبة الله سبحانه و تعالى يذكرنا أنه جل و على حفظ نبيه صلى الله عليه و سلم في هجرته .. كلمة "نصره" معبرة جدا .. مصير هذا الدين الخاتم كان مرتبطا بوصوله صلى الله عليه و سلم سالما ألى المدينة المنورة و إقامة دولة الإسلام فيها رغم هذا .. لم يصل إلى المدينة "إسراءا" بل خطط له صلى الله عليه و سلم بمنتهى العناية و أحاطه بغاية السرية .. أتم الله هذا كله بإحاطته بعنايته و حفظه أحاول أن أعيش إحساس أبي بكر في هذه اللحظات الفارقة .. في هذا الغار الضيق المظلم ..يتنازعه الخوف و الرجاء .. خوفه على حبيبه صلى الله عليه و سلم و هذا الدين الذي يبذل من أجله كل شيئ .. كل الظروف المحيطة و الحسابات تقطع بعدم نجاتهم .. الرجاء في لطف الله و حفظه يلتفت إلى حبيبه صلى الله عليه و سلم ليجده في غاية اليقين "لا تَحْزَنْ إِنَّ اللَّـهَ مَعَنَا" .. يا الله .. معية الله .. أي شرف هذا .. ثم "فَأَنزَلَ اللَّـهُ سَكِينَتَهُ عَلَيْهِ" مجرد الإدراك أنك مع الله .. أنت اجتهدت و لكن الأمر كله بيد الله .. هذه السكينة و هذا اليقين في هذه الظروف هي ذخيرة للاستمرار في الدعوة و الجهاد .. درس رائع لكل مسلم .. لكل سائر على درب الهدى عندما تضيق به الدنيا و الله متم نوره

الحمد لله الحج قرب و احنا لازم نساعد بعض فانا هقولكم انا و جوزى قررنا ايه احنا هنسافر جدة بالعربية و نسيبها لواحد صاحبه هناك و طبعا معاى بابا و ماما و حماى و طفلى الصغير عشان تكاليف الحج طيران كثير و كمان عشان نقلل تمن الحج هنلتحق بالحملة من جدة و ربنا مكعانا و يوفقنا باذن الله

إنى اكون مكان هذا الضيف؟ حاجة فى منتهى الاحراج لدرجة انى سوف افقد نعمتى السمع والكلام ... زيه كده بالضبط http://www.youtube.com/watch?v=ItHdPoiGfGw&feature=related

السلام عليكم و رحمة الله و بركاته ايه الحلاوة دي.....حلو اوي مواقف و طرائف بيفكرني ببرنامج بتاع حد اسمه جلال علام....كان انتيكة خالص طب انا هحكي....و بعدين انسوا بقوا اني حكيت ....ماشي....(وش طفل ساذج اخر حاجة) الاول....(وش نور الشريف في فيلم دايرة الانتقام) الموقف ده كان حدث عالمي....و نقصد بالعالمي هنا هي زمام بيتنا ع العيلة الكريمة ع اصحابي في العمارة علي اصحابي في المدرسة ايه اللي حصل بقي انا كنت بحب اشارك اوي في الحفلات المدرسية....(وش صفاء ابو السعود و هي ضاربة ترتر علي راسها و بتقول العيد فرحة) مرة المدرسة كانت عاملة احتفال بعيد الطفولة باين و لا ايه....و اصروا ان البنات تلبس لبس ملون كده....و انا طبعا كنت مصرة انا اكون مختلفة.....و سبحان الله فعلا كنت مختلفة بشكل عجيب انا امي اصلا عندها بعض المحاولات الفزيعة في التفصيل و كنت انا الموديل الوحيد اللي بتلبس من ايدين امي الله يكرمها بقي امي قعدت تمخمخ كدهوت.....و قالت بس احنا هنعمل اللبس بخامة مختلفة.....ايه بقي يا اولاد عارف يا مواطن لما بتروح تشتري بوكيه ورد لخطيبتك....لمراتك...لعم عبده البواب....و بعدين يلفولك البوكيه في ورق اسمه ورق "كوريشة" ايون هو ده ماما إيف سان لوران.....قالت بس احنا هنعمل الزي بتاعي لماضة ناعومي كامبل بالورق دهوت انا اصلا كنت لا اوعي مين و لا فين بس كان يهمني اني اكون مختلفة.....و زنيت علي ماما عشان ابقي مختلفة و يا ريتني ما عملتها المهم الليلة دي انا فاكرة ان ماما يا عيني كانت سهرانة تعمل الزي و كده....و انا فاكرة اني اصريت انام مع بابا...يوه مش عيد الطفولة بقي و هي يا عيني كانت سهرانة و عمالة تاخد المقاسات بتاعتي....(هي غالبا اخدت مقاسات بابا) المهم صحيت الصبح لقيت الزي موجود كان زاهي و الوانه حلوة....و العملية مية مية ماما تقولي تعالي نقيسه و انا راسي و مليون صرمة لا.....عشان الحق المدرسة و الحفلة من اولها المهم روحت المدرسة...ابتدت الحفلة عارفين انتوا اعياد الطفولة بقي...اطفال ابرياء...اطواق بيضاء...و اجنحة ملايكة...و كرانيش و اذا فجأة يجي دوري في العرض....انا كنت كل اللي هعمله...اني هطلع.....اعمل حركة برجلي تقريبا نص دايرة....و دمتم طبعا انا لابسة البتاع ابو الوان زي راقصي هاواي...و تقريبا كان حادف برضه ع الهنود الحمر و هم حاطين القربان...قدام النار و بيصوتوا عليه طلعت بقي و كلي ثقة.....و دي الحاجة الوحيدة اللي فضلت متمسكة بيها لغاية آخر رمق و جيت قدام الجمهور بقي....اللي هو كان عوبارة عن اصحابي و امهاتهم....و لسه بعمل الحركة.....هووووووووووووووووووب الجيبة وقعت...... فاكرين هامني......و لا هامني...ما هو انا قولت من شوية....البني ادم ايه غير حبة ثقة فوق بعضيها طبعا الحفلة الانسانية اتقلبت بقي كوميديا ده غير انها بقت حديث الاجيال...اجيال و را اجيال بتعيش علي حلمنا (حد ينزلنا بالحلم العربي يا جدعان) اه نسيت ااقولكم علي حاجة الجيبة لما وقعت انا الحمد لله كنت حاجة.....هو تقريبا بنطلون.....بس ملزق شوية....وولاد الذوات بيقولوا عليه كولون زي بتوع البالية...يعني و ربنا حليم ستار بس خلاص انا مش هنا بقي

بجد و من غير شعارات نفسي مصر ترجع شيك تاني حاجة كده زي الثلاثينيات الميلادية أيام أحمد شوقي و حافظ ابراهيم و أحمد رامي ... أيام الشيخ محمد رفعت و المنشاوي و مصطفى اسماعيل .... أيام عبد الوهاب و يوسف بك وهبي نفسي ترجع طريقة الكلام بسيطة و راقية وكلها طيبة نفسي يكون في صالونات أدبية و سياسية ( و لو إن ده بجد موجود في المحاورات و هو ده اللي بيخلليني أعيش في الزمن الجميل) نفسي الناس ترجع أعصابها هادية و وشوشهم تبقى بشوشة مش شايلين الهم نفسي كل المغتربين و المهاجرين يرجعوا مصر و يحسوا انهم كسبانين نفسي اشارك في الحياة السياسية و اطلع بطاقة انتخابية وانتخب بجد نفسي يبقى لي صوت مسموع و نواب يمثلوني نفسي في تعليم محترم لأولادي و مراكز رعاية صحية في كل قرية و كل نجع نفسي في بيت جميل يلمني انا و أسرتي مش لازم يكون فخم اوي بس يكون لائق ان ناس تعيش فيه نفسي في شارع آمن ممكن أخللي أولادي ينزلوا و أنا مطمئنة نفسي ما أشوفش ست كبيرة مرمية بتعيط و مقهورة لأن ولادها اللي شقيت في تربيتهم مش سائلين فيها نفسي ما أشوفش راجل كبير قاعد على القهوة بعد ما يطلع معاش و جواه كآبة شديدة تخليه يتمنى الموت كل لحظة مع احساسه انه خلاص ماعادش له لزمة نفسي ما أشوفش ولاد الشوارع و ألاقيهم بيتعلموا القدر الأساسي من التعليم و لو عايزين يبقوا أصحاب حرف يلاقوا مدارس محترمة تعلمهم من غير ما يحسوا انهم مواطنين درجة تانية نفسي المرور يبقى منظم نفسي الناس ترجع تبتسم و يبقى عندها أهداف عايزة تحققها و همة حاسين ان كل شيء ممكن يتحقق نفسي ما أحسش بالخوف من الشرطة و ترجع تاني في خدمة الشعب مش لإرهاب الشعب نفسي في حاضر أعيشه و مستقبل أستناه .... كفاية بقى عيش في الماضي دي مش أحلام مستحيلة كلي إيمان انها تتحقق و قريبا جدا كمان و من غير فانوس كمان:P

شكرا يا أستاذه بسمله ... ولو انها مش فكرتي دي فكرة واحد انجليزي في منتدى visacanada وأنا لقيت نفسي فاضي شويه فنفذتها

السلام عليكم ايه الاخبار ؟؟؟؟ بعتي و لا لسه عايزين نضيف اسمك فى الشيت ان شاء الله قريب عمرو

متستغربش سيدي الفاضل فللاسف المشكلة دي مش خاصة بالاحزاب المعارضة لوحدها وانما حتى الشعب المصري نفسه لو ناقشت اي حد فيه هلاقي ان تقريبا محدش عنده خطة واضحه لما يريد ان تكون عليه الاحوال سواء من بيدهم القرار او من ينتظرون زوال الغمة وخروج اصحاب القرار عن مناصبهم .. من فترة طرحت موضوع عن البرنامج الانتخابي الي ممكن ترشحه . . من الردود الي ظهرت تاكدت من وجهة نظري السابقة .. للاسف كلنا في مصر بنطالب بالتغيير لكن تقريبا كده محدش عارف او عنده ابجدية واضحة التغيير ده هيكون لايه .. كلنا بنقول لازم حاجه تحصل بس سايبين تحديد ماهية وكنه هذه ( الحاجة ) للي هيقوم بيها .. وعشان كده دائما اقول التغيير في مصر مش هيجدي غير لو بدأ من القاعدة للقمة مش العكس ..

حسب علمى ان الدولة المدنيةتكون غير عسكرية بمعنى ان يكون الحاكم غير عسكرياعكس الموجود دلوقت فالحاكم هو القائد الاعلى للقوات المسلحة ومعظم ان لم يكن جميعهم المحافظين لواءات شرطة ومايحكم الدولة الان هو قانون الطوارئ والمحاكم العسكرية فى كثير من القضايا المدنية .

طالما كل واحد حر يقول رأيه . ففى أوقات كتير كل ماشوف تعليقات معينه بفتكر مقولة سيدنا على اطلبوا الخير من بطون شبعت ثم جاعت فان الخير فيها باق ولا تطلبوا الخير من بطون جاعت ثم شبعت فان الشح فيها باق. يمكن الخير اللى مقصود بيه هنا الخير المادى . بس انا بحب اطبق المقوله ده على كل حاجه فى حياتنا زى الأصل مثلا . تحيه وتقدير لكل مصرى شريف بيجرى على ولاده ويعلمهم عشان كده مضطر ياكل فول من عربيات فى الشارع ماهو مش هيقدر يأكلهم من جاد واخر ساعه . تحيه وتقدير لكل ام واب بيتشعبطوا فى المواصلات عشان مش قادرين على التاكسيات وللأسف مابيسرقوش وعايزين يوفروا قرشين عشان دروس عيالهم . تحيه وتقدير لكل عامل طالع عينه فى عز الحر وبيشرب عصير قصب ملوث عشان يبل ريقه . انما بقى اللى قاعد فى تكييف عربيته وبينظر بتقزز وباستعلاء غريب لكل هذه المظاهر فلا يستحق اى تعليق . تحياتى

الزميل الفاضل سكوربيون أنا قريت مداخلاتك من اليمين للشمال ومن الشمال لليمين ومش قادر افهم منها حاجة .. إمتى بقى حتقول إن الانبا بيشوى أخطأ ؟ .. يعنى كل اللى قدرك عليه ربنا هو انك تقول : لأ وإيه كمان ؟ .. ياسلام يا أخى .. بقى لما يوصفنا بإننا ضيوف يبقى ده كلام إعجاب عجبى !!!!! وكمان بتقول : لما احنا بقى نبقى تفاح فاسد .. تبقوا انتم إيه ... هه ؟ وبعدين تيجى فى الآخر تقول : يعنى برضه عمال تقول إننا بنقتلكم ونشحنكم عالمشرحة ؟ أنا خلاص مش عايز اتكلم معاك تانى .. مفيش قدامى غير جوز القنابل دول أرميهم فى وشك