لوحة القادة

بصرحة استغربت لكم التقيم السلبي الي وضع لمشاركه الفاضل احمد سيف مع انها من وجهة نظري عادية جدا وقد تمثل راي الغالبية مننا وان كان الفرق انه ( صرح ) بما قد يفعله البعض مع رفضه للاعتراف به حتى بينه وبين نفسه .. يعني ناس كتير اوي من عقود فاتت قضوا ( زهرة شبابهم ) في الخارج .. عملوا واشتغلوا ( وعمروا ) هناك .. معتقدش ان لو رجعوا عشان ( يقضوا آخر ايامهم ) في ( بلدهم ) يبقوا بكده قضوا حقها عليهم.. الناس الي عملت كده ـ ولا الومها اطلاقا ـ طبقت ضمنيا كلام احمد سيف وبحذافيره حتى لو معترفوش بده .. عن نفسي لا افكر نهائيا بترك مصر وفكرة الهجرة كمثال مرفوض حتى التفكير فيها وسبحان الله مش عشاني انا لو علي اهاجر من بكرا ( وهتفضل مصر في قلبي ) وانما تحديدا عشان بنتي الي احب انها تتربى وسط اهلها مش في مجتمع غريب الله اعلم هيطلعها على ايه .. عن نفسي برضه شايفه ان لو بحب بنتي وعاوزه مستقبلها يبقى اكثر اشراقا من ايامنا الي عايشينها دلوقت يبقى لازم ابدأ بنفسي واوقد شمعه في الضلام .. بس في نفس الوقت لا الوم ابدا من قرر الانسحاب من ( المعركه ) وانقاذ ابناؤه بطريقة مختلفة.. كلنا بحاجة ( داخلية ) ان يكون لنا انتماء لكيان ما .. وكلنا بنحن لاهلنا واصحابنا وذكريات طفولتنا .. وعلى هذا فكلنا محتاجين جدا يكون لنا ( وطن ) .. وبكل اسف فحاجتنا للامان ولسد الافواه الجائعة والاهم لاحترام ذاتنا وآدميتنا اكيد اكبر بكتير من حاجتنا لسد فراغ عاطفي ممكن جدا نتحمل بقاءنا بدونه .. علاقة المغتربين بمصر دلوقت تماما كعلاقة زوج بزوجه نكدية مطلعه عينه وعمرها ماحسسته انه زوج .. صابر عليها بس عشان العشرة .. لكن للاسف منضمنش انه يفضل على كده ومحدش ابدا هيقدر يلومه لو جاء يوم ودور على ( نفسه ) في مكان تاني .. بكل اسف وطنا مش بيقدم لنا غير الحاجة العاطفية وفيما عدا ذلك فمضطرين نتعب اوي عشان نلاقيه .. البعض قرر يستمر ويكافح لغايه مايصنع له ولابناءه وطن افضل .. البعض الآخر قال معليش هطلع شويه ابني نفسي وارجع بالي بنيته اعمر الي في مصر انخرب .. والبعض الاخير قرر يترك الجمل بما حمل ويأوي الى جبل يعصمه من الماء .. كلنا وايا كان البعض الي قررنا ننتمي له بنجتهد والله اعلم مين فينا الي اختار صح ومين الي غلط .. ولا يلام ابدا محتاج على الاجتهاد ..

الاخ الفاضل احمد سيف ترددت كثيرا في الرد علي هذا الرد و خاصة من خوفي ان تعتبره هجوم عليك و لكني فضلت الرد لسبب واحد و هو اني اخشي ان ينتهج العديد من المصريين هذا النهج و الذي اراه انه فعلا هروب و يبتعد بمصر عن ركب الحضارة و الذي طالما نحلم به اري ان هذا فعلا هو هروب .. هروب من الواجب القومي و كلامي ليس كلام نظري و كلام انشاء .. لا انا فعلا مقتنع بان مصر لما كل شباببها و الكفاءات اللي فيها يسافروا للهجرة و الاقامة الدائمة برا مصر هروبا من الاوضاع المصرية الحالية و بعض مظاهر التخلف و التي نجدها في حياتنا كمصريين هو من اسباب تاخرنا و زيادة الفجوة بيننا كمصريين و الغرب. كما ان للفرد واجب تجاه نفسه و اسرته الصغيرة فهناك ايضا واجب تجاه اسرته الكبيرة و انسانيته و دينه و هذا الواجب لا يقل اهمية عن واجبه تجاه نفسه من تحقيق الاحلام و الطموح و تجاه الاسرة الصغيرة .. و فعلا لو انا تخليت عن الواجبات القومية فهو هروب بل اعتبره انه انانية .. لاني فضلت مصلحتي او مصلحة اسرتي الصغيرة علي المصلحة القومية و كلامي ليس معناه ان استمر في الحياة في مصر مع اني متأكد اني لن اصل الي ما اهدف اليه .. بل انا ممكن اسافر و اروح اي بلد و لكن لازم اعمل حسابي انها فترة و هرجع لبلدي بكل اللي فيها .. بحبها ايوة بحبها بكل سلبياتها و هيكون ليا دور في اني اغيرها للاحسن ايوة انا هغير مصر .. او بمعني اصح هيكون ليا دور في تغيير مصر .. و كل واحد مننا لازم يكون له دور في تحويل مصر من الفوضي في كل شئ الي الحضارة و الرقي في كل المجالات .. قد يعتقد البعض اني اتكلم بشكل نظري او اني مفعم بالحماس و بحلم ... و لكني بقول كل كلمة و انا بعمل لها مش مجرد افكار او احلام او حماس و خلاص .. صدقوني انا بعمل للحلم ده .. كل حاجة بعملها في حياتي دلوقتي عشان الهدف ده .. اني اكون من اللي غيروا مصر للاحسن حتي لو بسافر برا مصر .. بس برجع تاني في النهاية .. انا ليا دور و المفروض انفذه حتي و لو كان الدور ده صغير و اذكركم ان الفرد هو نواة المجتمع .. لو كل الافراد المثقفين ذوي العلم سافروا برا مصر فلن يتبقي في مصر الا من يعكرون صفو حياتنا في مصر و يتراجعون بنا جميعا الاف السنين الي الوراء و لو كل المصريين تكاتفوا و عملوا علي الاقل اللي عليهم جوا مصر او برا مصر . هيكون وضعنا في الصدارة بين الامم و اسف عن الاطالة

لمساعدتك في اختيار الإطارات المناسبة لسيارتك، سوف أشرح لك كيفية قراءة وفهم المعلومات المدونة على جدران الإطارات. يشار إلى نوعيات الإطارات شائعة الاستخدام بالحروف الثلاثة التالية: P ـ الإطارات الخاصة بسيارات الركاب LT ـ الإطارات الخاصة بالشاحنات الخفيفة C ـ الإطارات الخاصة بالشاحنات التجارية الكبيرة في هذا المثال، الإطار خاص بسيارات الركاب. ثانياً عرض الإطار/ نسبة الإرتفاع إلى العرض يقاس عرض الإطار بالمليمتر نسبة الإرتفاع إلى العرض هي النسبة بين مقطع الإرتفاع و مقطع لعرض للإطار. في هذا المثال، عرض الإطار و نسبة الإرتفاع إلى العرض هما 215/56. ثالثاً تصميم الإطار تصميم الإطار موضح بالحروف كما يلي : في هذا المثال، الإطار مصمم بطبقات من الأحزمة الفولاذية وهي الأكثر استخداماً. R ـ إطار بطبقات من الأحزمة الفولاذية B ـ إطار بطبقات من الأحزمة النسيجية رابعاً قطر الطوق المعدني (الجنط) المقصود به مقاس العجلة أو الطوق المعدني "الجنط" بالبوصة. إن قطر العجلة مع عرض الإطار و نسبة الإرتفاع إلى العرض جميعها تحدد مقاس الإطار. في هذا المثال، قطر الطوق المعدني هو 15. تأكد من الاطلاع على دليل مالك السيارة الخاص بسيارتك أو من الملصق المثبت على جدار باب السائق لمعرفة المقاس المناسب لسيارتك. خامساً مؤشر الحموله / الحموله القصوى مؤشر الحمولة هو رمز رقمي وهو يمثل الحمولة القصوى أو الطاقة التحميلية للإطار عند السير بالسرعة المحددة. والحمولة القصوى هي الحد الأقصى للوزن المحمل على الإطار بما في ذلك وزن السيارة والركاب والشحنة. وهي تقاس بالكليوجرام أو الرطل. في هذا المثال مؤشر الحمولة هو 95، وهذا يعني أن الطاقة التحميلية القصوى هي 1510 رطل على كل إطار. رموز مؤشر الحمولة وما يقابلها من حمولة قصوى تجدها في كتيبات الإطارات. سادساً معدل السرعه معدل السرعة هو السرعة القصوى التي يتحملها الإطار في الظروف الاعتيادية، ويمثل السرعة القصوى رموز حرفية. في هذا المثال، الحرف H يمثل الحد الأقصى للسرعة وهي 210 كيلومتر/ساعة. ويمكن الاطلاع على معدلات السرعة تجدها عادة في كتيب الإطارات كهذا الجدول سابعاً مؤشر تآكل مداس الإطار مؤشر تآكل مداس الإطار يوضح مدى مقاومة الإطار للتآكل وكلما زاد الرقم زادت مقاومة الإطار للتآكل. في هذا المثال،يبلغ مؤشر تآكل مداس الإطار 220.أما الإطارات الاعتيادية في الوقت الحاضر فيبلغ مؤشر تآكل المداس فيها 300 وأكثر. ثامناً الإحتكاك مؤشر الاحتكاك هو مقياس لقدرة الإطار على الوقوف على الأسطح أو الأرصفة الرطبة. وهو يشار إليه بالحروف C ,B ,A ,AA. أكبر معدل احتكاك يشار إليه بالرمز AA وأدنى احتكاك بالرمز C. في هذا المثال فإن مؤشر الاحتكاك هو A. في المملكة العربية السعودية، يوصى بشراء الإطارات ذات الاحتكاك AA, A, B. تاسعاً مقاومة الحراره مقاومة الحرارة تشير إلى قدرة الإطار على التخلص من السخونة. و يشار إليها بالحروف A, B, or C. أعلى معدل لتحمل الحرارة هو A وأدنى معدل هو C. في المملكة، يوصى باستخدام الإطارات التي يكون معدل مقاومة الحرارة فيها من الفئة A. في هذا المثال معدل المقاومة لدرجة الحرارة هو A. عاشراً الحد الأقصى لضغط الهواء في الإطار يقاس ضغط الهواء بالرطل في البوصة المربعة (psi) أو بالكيلوباسكال (kPa). احرص دائماً على قياس ضغط الهواء في الإطارات حينما تكون باردة (عند سياقة السيارة لأقل من كيلومتر واحد). في هذا المثال الحد الأقصى لضغط الهواء في الإطار هو 35رطل/بوصة مربعة. يمكن معرفة الحد الأقصى لضغط هواء إطارات سيارتك من دليل مالك السيارة أو من الملصق المثبت على جدار باب السائق. حادي عشر الرقم التسلسلي يوضح الرقم التسلسلي مكان وتاريخ صنع الإطار والالتزام بمعايير أنظمة السلامة. إن أهم البيانات المتضمنة في الرقم المتسلسل هي تاريخ الصنع , ينصح بعدم شراء أي إطار مصنوع قبل سنه أو أكثر من سنة واحدة. في هذا المثال، DOT تعني أن الإطار متوافق مع أنظمة السلامة الامريكية. ثاني عشر تاريخ الصنع فيما يلي الطريقة الصحيحة لكيفية قراءة تاريخ تصنيع الإطار: إذا كان رمز التصنيع هو 038، فإن ذلك يعني أن الإطار مصنوع في الأسبوع الثالث من عام 2008. إذا كان رمز التصنيع هو 3706، فإن ذلك يعني أن الإطار مصنوع في الأسبوع 37 من عام 2006. من الضروري الحرص على شراء الإطار المناسب لسيارتك، لأن سلامتك تعتمد عليه ـ بعد الله . اختيار الإطار المناسب يتوقف ببساطة على القراءة الصحيحة وفهم البيانات المدونة في دليل مالك السيارة والبيانات المدونة على جدار الإطار. للمزيد من المعلومات حول معنى الرموز والأرقام المدونة على جدار إطار سيارتك، يرجى مراجعة الشركة الصانعة. الخلاصه لتجنب تلف الإطارات أثناء شهور الصيف يجب الحرص على مايلي:- فحص ضغط هواء الإطارات مرة كل أسبوع وقبل الرحلات الطويلة، وحينما تكون إطارات سيارتك باردة. لا تنس الإطار الاحتياطي. استخدام مقاس هواء من نوع جيد. معاينة إطارات سيارتك للتأكد من عدم وجود تلف أو اهتراء، بمعدل مرة كل أسبوع على الأقل وعند الضرورة. المحافظة على إطارات سيارتك بحالة جيدة. السياقة بسرعة معقولة. فالسرعة العالية تساعد على زيادة درجة الحرارة وخصوصا على الأسطح الساخنة. إضافات مفيدة منقول منتدى الجامعه العربية

سؤال غريب فعلا .. يعنى ايه اللى بيخلينا نقول على واحد انه محترم وواحد ثانى انه مش محترم ؟ يعنى مثلا انا كان ليا واحد صاحبى من ثانوى فرقتنا الايام والليالى وكل واحد فينا شالته بلاد الله و اخونا لف على اوروبا بالطول والعرض و ربنا كرمة وخد الجنسية الألمانية و بعدين التقينا .. بالصدفة جه يشتغل فى السعودية .. و فى نفس الشركة معايا و بعد السلام و الأحضان واخبارك و أعمالك كان بيسألنى عن أجراءات الشغل و الاقامة والذى منه و أول ما سمع أن الكفيل بيشيل عنده الباسبور .. لقيته اتنطر من مكانه يشيلو مين .. عند فين ؟!! ثوانى اتصل بانجليكا .. من أنجيليكا دى ياد.. دى مسئولة من السفارة الالمانية .. قبل ما انزل أعطونى رقمها وقالولى ان حصلك أى حاجة اتصل بيها الرقم بتاع موبالها شغال فى أى وقت .. معرفتش تتصل ابعت مسج بمكانك ورقم باسبرك الألمانى قلت والله برافو يا المانيا .. كدة الدول اللى بتحافظ على مواطنيها بصحيح بس ريح نفسك يا حلو .. باسبورك حيتحجز يعنى حيتحجز قاللى والله فى سماه ما تحصل .. انت مش محترمنى ولا إيه ؟؟ صراحة اتفاجئت برد فعلة ايه علاقة الاحترام بالموضوع ؟؟ بس ياعم هو اتصل بانجيلكا دى و فتح السبيكر عشان نسمع بصراحة فى راجل رد بدال انجيليكا .. قلت يالله يا عم .. أدى انجيلكا بتاعتك مش بترد بس .. بعد شوية كلام المانى مافهمتش منه شىء لقيت وش صاحبنا اتغير وحتى هو حسيت انه بيدى عنوان الشركة للى بيكلمة و قفل الخط -ايه يا أبو هيمة حصل ايه - قالولى خليك زى مانته .. احنا حنعتلك واحد من طرفنا - يانهار .. ليه بس .. - ... شوية ولقينا واحد جاى من السفارة الالمانى .. بيسأل عن مدير الشركة ومدير ال اتش ار (كان موظف عربى) و لقيناة مطلع جواب و اداهلهم مع شوية كلام كثييير الراجل بتاع الاتش ار اترعب حقيقة .. و شخط فى الموظف يجيب الباسبو بتاع صاحبى و يرجعة له و انا مذهول .... بعد كام يوم رحت على القنصلية المصرية فى جدة و كلمت القنصل ووريته صورة الجواب .. وقلتلة ..فى كدة ؟؟ قاللى لا .. احنا حاجة تانية .. اللى مش عاجبة نظام الكفيل يسيب البلد . - أيوة بس فى الجرايد بيقولوا ما فيش حاجة اسمها كفيل .. فى صاحب عمل وقانون عمل - لا يا حبيبى .. انت يعنى مش عارف ؟؟ - طيب انتوا ما بتقولوش حاجة ليه .. ماهو صاحبى خد باسبورة والا يعنى عشانه ألمانى - يابنى دول محترمين!

لعله موضوع جرئ ...ولعله موضوع عابث فى نظر البعض ...ولعلها مجرد افكار تراودنى وتجعلنى اتعجب ؟؟ اقرأ وارى واسمع عن السرقات بكل انواعها ..سرقات بسيطة وسرقات كبيرة ..نهب بكل فجر ونهب على استحياء . تمنيت يوما (( لو استطيع )) ان اضع مفتاحا وقفلا ضخما على باب مصر وامنع عنها الدخول والخروج واضعها فى وضع ...( كوارنتينا ...او كارانتينا كما يطلقون عليها فى الاسكندرية ) ..وكأن بها وباء يجب القضاء عليه .. وانظفها من كل اللصوص ....اتخير من يصلح ... احاكم الجميع ... تمنيت كما يتمنى كل الشرفاء ان اعيش فى جو صحى ... تمنيت لهم ...( البتر ) ...ثم زرع عضو يصلح للاستخدام الاصح ..الصالح .. لماذا يسرق اللص الفقير ...الفقراء امثاله ...الفقراء الشرفاء ؟؟ ...زمان كان حتى اللص شريف لايسرق العجوز او الاعمى او المحتاج ....كان حتى اللص عنده جزء من مبدأ انسانى ولن اقول عنده مبادئ ...( عدة مبادئ ) كان مثلا يسرق ليأكل ....الآن يسرق ليسرق ....يسرق ليتناول المخدر او لينتقم من الجميع .. اتساءل ؟؟ طالما الاغلبية تسرق ...لماذا لم يخرج علينا ..(امير اللصوص )...او روبين هود ...المصرى ؟؟ لم نسمع عن ( لص ) سرق من الاغنياء واعطى الفقراء ؟؟ او هذا حدث قبلا...لان روبين هود كان اصلا من النبلاء ؟؟ هى مجرد تساؤلات؟؟؟ طالما صعب العلاج ....ولن نستطيع منعهم من السرقات ....اذن...ننادى بالا يسرق اللص الفقير ..الفقراء . صح ؟؟ ونطلب من اللص الجرئ ان يسرق الاغنياء ليعطى الفقراء ....

الحكومه بتحاول بكل الطرق اثبات الاثار السلبيه للمشروع ومحدش منهم ابدا عايز يفكر فى الا ثار الايجابيه الحكومه بتتكلم فى نقاط محددة وعماله تنفخ فيها وان شاء الله هتفرع فى وشها فكرة التحكيم الدولى غير واردة لانها شركة طلعت مصطفى ِش-م-م عارفين يعنى ايه يعنى شركة مساهمة مصريه ولا يجوز الطعن فى العقود خارج الحدود المصريه ما لم ينص العقد غير ذلك والعقد فعلا لم ينص على غير ذلك غير واجيه سياج بعبع البورصه: كلام هبل فى هبل من افاقين ومنتفعين انا شارى بمبلغ ضخم فى اكتتاب طلعت مصطفى السهم تقريبا 12 جنيه وربنا يعوض عليا سايبهم لاولاد انهارت البورصه المصريه والعالمية والراجل اتحكم عليه بالاعدام محدش قال بلاش نعدمة عشان خاطر البورصه والسهم نزل فى عز الازمه لغايه 2.35 وبعد كدة رد لغايه 7.5 مع صدور حكم مدينتى السهم نزل جنيه واحد وبعدها بيومين رجع تانى يعنى التاثير عادى جدا ولازم يحدث تاثير نتيجة اى قرار فى اى شركة حتى لو شركة بتبيع ترمس فى البورصه لكن الشطارة فى المدى المتوسط حتى مش البعيد هل يقدر يرجع ولا لا واهو رجع بعدها 48 ساعة فقط بالمناسبه من يوم الاكتتاب الى هذة اللحظة لم يقوم المحترم بتوزيع قرش واحد ارباح على المساهمين بالرغم من اسعار البيع الى ما شاء الله تدوخ ممكن خبرا البورصه يقول ليه سهم يخسر 50 % من قيمته حتى قبل حكم الاعدام ومحش اتكلم ولا فتح بقه فى شركة كانت تعتبر الشركة الوحيدة الى بتكسب فموضوع البورصه دة انا مش مقتنع بيه اصلا بعبع الاستثمار : اين الاستثمار هل هذا استثمار انا لو جبت عم محمد البواب واعطيته 20 كيلو متر ببلاش ومعاهم قروض من البنك على حسهم وفلوس الاكتتاب (خلى باللك الارض اتاخد عليها قروض ودخلت فى الميزانيه فى الاكتتاب وهو مدفعش حاجة لسه ) وفوق البيع فلوس الحاجزين بعد شويه اعلانات يبقى فين الاستثمار الاستثمار حاجة من اتنين اما انك تدخل اموال او تدخل تكنولوجيا ممكن حد بقى يقولى الى فوق دة يبقى ايه لو كل المستثمريين الاجانب والمصريين هيعملوا كدة بلاها استثمار وخالى ارضنا فى حضننا احسن صحرة صحرة بس بتاعتنا المستثمر الى بجد عايز بلد فيها قوانين تحميه عايز حركة نقل ومواصلات سريعه عايز شفافيه سهوله فى الاجراءات مش حكومة توزع الارض ببلاش (واناليس ضد هذا) وبعد كدة تتبنى بفلوس الشعب بعبع الحاجزين : لهم كل الاحترام وحقهم لازم يتاخد تالت ومتلت غصب عن التخين بس لازم الحكومه تعرف ان زى ما فى مدينى فى دولتى ودولتى الان 80 مليون وبعد 25 سنه هيبقى كام مش عارف بس فين حق الناس دى فى النهايه كنت سوف اكون متعاطف جدا مع طلعت مصطفى والدوله لو هذا المشروع اتنفذ فى مدة زمنيه من 3-5 سنوات مش 25 سنه وفى مداخله اخرى هقول اسبابى ملحوظة هامة جدا مقوله ان الاستثمار العقارى هو قائد التنميه ومحرك الاقتصاد وقاطرة لاندفاع وكل انواع المواتير فكرة خاطئه وباطله الاستثمار العقارى لا يضيف فى الميزان التجارى للدوله قرش احمر ولكنه يحرك الاموال داخل البلد من جيب فلان الى علان مع تجميدة فى النهايه فى شكل كتل خرسانيه لا تستطيع تصديرها للحصول على عمله صعبه وبالتالى هو مراة لاقتصاد النقدى بمعنى كلما زادت حركة البناء والتشيد دة دليل على وجود اموال فى الدوله فى دول تانيه ممن تاخد الاموال وتعمل مصانع ودول تعمل شاليهات فى الساحل والحدق يفهم الفرق بينهم

بصراحة يا شريف مش هو بس اللى المفروض يتحاكم , اى حد بيدعوا للفتنة لابد أن يحاكم محاكمة علنية سواء مسلم او مسيحي , كمان الحكومة لابد أن تحاسب لانها كانت ومازالت تستخدم موضوع الفتنة الطائفية كسلاح وقت اللزوم لمحاولة صرف انظار الاعلام والناس عن بعض الجرائم التى تنتهكها مثل تزوير الانتخابات وخلافه , لكن الموضوع فلت منهم واصبح بالونة انتفخت وستنفجر في وجههم قريباً. ولابد ان نحيي هؤلاء الشباب ونقف معهم ونساندهم ليس ضد بيشوي وفقط ولكن ضد اى مثير للفتنة مسلم او مسيحي. آن الآوان ان ننسي كلمة "أنا مسلم" او "أنا مسيحي" , ونرفع جميعاً شعار "أنا مصري", هدفنا واحد ومصلحتنا واحدة. ودور علماء المسلمين كبير في هذا الوقت وفي هذه المرحلة وكذلك دور الكنيسة , توعية الناس والشباب بالأخص بخطورة هذا الموضوع ونشر ثقافة التراحم والمحبة شيء مهم وضروري حتى لا ننساق وراء هذه الفتنة التى لو انفجرت ستدمر كل شئ , واحنا مش ناقصين كفاية اللى البلد فيه.

مش عارف الناس زعلت من كلامي أوي كده ليه ... يا جماعه مش الرسول عليه الصلاة والسلام طلب من المسلمين الهجرة من مكة الى الحبشة وبعد كده هاجر معاهم للمدينة لما وجد أن بقاءهم في مكة معناه نهاية الدعوة نتيجة الضغط المادي والمعنوي الواقع عليهم من مجتمعهم وبعدين لما أسس المجتمع اللي هو عايزه رجع ثاني بلده منتصر وطبق الإصلاح الذي يدعو له ... طيب ما نقتدي بالرسول في دي ونبتعد بأبناءنا عن الوسط الملوث السائد في مصر (سلوكيات سيئة - تلوث - تعليم فاشل - جريمة - فقر ... الخ الخ الخ) ونربيهم في مجتمع افضل ليصبحوا نواة لمجتمع مصري سوي يقود مصر الى الإصلاح والتقدم. هتقولوا لي مش هيرجعوا بلدهم ... هيرجعوا إن آجلا أم عاجلا وإن ما رجعوش والله أنا شايف إن صلاح حالهم خارج وطنهم أفضل من عودتهم اليه ليفشلوا وينحرفوا ... مصر يا حضرات ليست هي قطعة الأرض المحددة بخطوط طول وعرض على الخريطة ... مصر هي مجموعة من المبادئ والقيم والتقاليد والممارسات الثقافية التي نحافظ عليها ونربي عليها ابناءنا ... إذا انعدمت هذه القيم في ارض الوطن فما جدوى البقاء بها. واللي هيقولي هروب أيوه هروب من معركة خاسرة وإدخار للقوى والإمكانيات وتهيئة لأنفسنا وأبناءنا وأحفادنا ليخوضوا معركة الإصلاح عندما تتهيأ الظروف وتصبح الفرصة سانحة للتغيير. واللي عايز يديني تقييمات سلبية يدّي ... ده رأيي وأنا حنبلي بأه.

حول العالم فى ثمانين فقرة بقلم بلال فضل ١٦/ ٩/ ٢٠١٠ المصدر http://www.almasry-alyoum.com/article2.aspx?ArticleID=269832&IssueID=1895

كيف تتم صناعة الغباء؟ مجموعة من العلماء و ضعوا 5 قرود في قفص واحد و في وسط القفص يوجد سلم و في أعلى السلم هناك بعض الموز في كل مرة يطلع أحد القرود لأخذ الموز يرش العلماء باقي القرود بالماء البارد بعد فترة بسيطة أصبح كل قرد يطلع لأخذ الموز, يقوم الباقين بمنعه و ضربه حتى لا يرنشون بالماء البارد بعد مدة من الوقت لم يجرؤ أي قرد على صعود السلم لأخذ الموز على الرغم من كل الأغراءات خوفا من الضرب بعدها قرر العلماء أن يقوموا بتبديل أحد القرود الخمسة و يضعوا مكانه قرد جديد فأول شيئ يقوم به القرد الجديد أنه يصعد السلم ليأخذ الموز ولكن فورا الأربعة الباقين يضربونه و يجبرونه على النزول بعد عدة مرات من الضرب يفهم القرد الجديد بأن عليه أن لا يصعد السلم مع أنه لا يدري ما السبب قام العلماء أيضا بتبديل أحد القرود القدامى بقرد جديد و حل به ما حل بالقرد البديل الأول حتى أن القرد البديل الأول شارك زملائه بالضرب و هو لايدري لماذا يضرب و هكذا حتى تم تبديل جميع القرود الخمسة الأوائل بقرود جديدة حتى صار في القفص خمسة قرود لم يرش عليهم ماء بارد أبدا و مع ذلك يضربون أي قرد تسول له نفسه صعود السلم بدون أن يعرفوا ما السبب لو فرضنا .. و سألنا القرود لماذا يضربون القرد الذي يصعد السلم؟ اكيد سيكون الجواب : لا ندري ولكن وجدنا آباءنا وأجدادنا له ضاربين عادات وتقاليد هناك شيئين لا حدود لهما ... العالَم و غباء الأنسان هكذا قال أينشتاين

فيديو مدته 6 دقائق , يلخص حال مصر بالكامل وكل نواحى الفساد التى وصلنا إليها, لم أرى أفضل منه على الإطلاق. أتمني أن يعجبكم.وأدعوا الله أن يصلح حال مصر. http://www.youtube.com/watch?v=DtjLc89DjlY مع تحياتى

بالرغم من ان معظم الافاضل السادة الاعضاء تمتعوا بهذه الرؤية الفلسفية :closedeyes: الا انى اقرئها لاول مرة ...ولاول مرة تفسر لى تلك الظاهرة ... كل صباح ...اراهم يتأهبون لرفع سواعدهم لضربى ...mfb: :blush2: وانا موش فاهمة هما بيعملوا كده ليه ؟؟ دلوقتى بس فهمت ..:wub:

اللى وصل لذهنى من الفزورة دى الاخطبوط :اسرائيل الطائر المزعج:امريكا الفتاة :السودان صراع الشمال والجنوب:محاولة لانقسام السودان لدولتين

فكرة غريبة جدا وتنعش في الواحد ملكة التفكير .. بعد تقليب للموضوع اكتشفت ان تقريبا ان لم يكن كل المعمرين الي قابلتهم في حياتي ( ممن تجاوزوا الثمانينات او التسعينات من العمر كمان ) كلهم بلا استثناء يقطنون في الدور الاول او الثاني على اقصى تقدير .. تفتكروا الحكايه دي بجد فعلا ؟ ياريت حد يقلب في معمري العائلة كده ويقولنا هل كان من بينهم حد ساكن في ادوار عليا ؟

وقفنا بباك فلا تردنا خائبين ... اللهم اقذف فى قلبك رجائك واقطع رجائى عمن سواك ***** ....اللهم رب الناس اذهب الباس اشف انت الشافى لا شفاء الا شفائك شفاء لا يغادر سقما

اللهم إنى أسالك حبك وحب من أحبك وحب عمل يقربنى إلى حبك اللهم ما رزقتني مما أحب فاجعله قوةً لي فيما تحب وما منعت عني مما أحب فاجعله فراغاً لي فيما تحبب يارب املء قلبى وعقلى بهذا الإحساس دائماً والرغبة فى رضاك يارب قربنى إلى مرضاتك يارب أعذنى بطاعتك ولا تذلنى بمعصيتك

ايه ده يابنتى انت خلتينى اقوم ابص على نفسى فى المراية ههههههههههههههه انا من سكان العاشر لكن الحمد لله مش حاسة باثر الكلام ده على وحتى لو فيه مش ممكن حتنازل انى اشوف البحر 24 ساعة اوانى اشوف الشمس وهى طالعة من الارض الصبحية ولاهى فى حضن المية المغربية فيو يااغابى يرجعك شباب 20 سنة ورا(رغم اللى حصلى اول ماسكنت فيها لو عاوزة تعرفى احكيلك فى توبيك للكبار فقط بتاع الاشباح) العجز ده شئ نسبى من شخص لاخر حسب العوامل المؤثرة فيه واهمها الوراثة يعنى عندك ناس شعرها بيبض فى سن مبكرة لان اهلهم كانوا كده فى حين اقرانهم فى نفس السن عكس ذلك وقيسى على كده الامراض فى ناس بتعانى امراض شيخوخة مبكرة من نقرس وخشونة ركبة وهشاشة عظام........ فى وقت الاكبر منهم سنا ناس طبيعية وبيكون السبب الاكبر هنا السمنةوالوراثة واهم من كل ده الحالة النفسية لما الانسان بيكون متسامح و راضى عن نفسه واحواله بينعكس ده على شكله كتير غير الانسان النكدى اواللى دايما بيبص على حال غيره ده اعوز بالله بيعجز بدرى بدرى وانا قدامى النماذج دى وبحكيلك من خلالها واول واخر هو احساس داخلى نهارك شباب دايم

أهلا وسهلا بالشباب الجديد ومرحباً بكم أعضاء جدد في حزب المغتربين انا مش عارف الشهر ده حاسس إن مصر كلها بتهج ، اعرف واحد السنة دي أخواته الاتنين جم من مصر واحد مدرس وواحد دكتور، وواحد قريب مراتي جه من شهر، وابن عمي بيدور على عقد في مصر، واضح إن الشباب خلاص مش قادر يقعد في البلد، اللهم ارحم اهلنا وشعب مصر من الظالمين يارب. الأخ محمود شكلك مضطرب على الآخر من موضوع السفر، هدي اعصابك وكله هيهون بإذن الله، بس الأول ارسالك على وضع هتنزل 29/10 ولا الاربع الجاي؟؟ للأن الاربع الجاي 29/9 يعني سبتمبر. الشباب اللي نازلين جدة مايقلقوش من الحياة وطبيعة المدينة، جدة مدينة صديقة للمغترب، يعني هتلاقي المعيشة فيها قريبة من المعيشة في أغلب مدن مصر، فيها، زحمة وبحر ورطوبة زي السويس وفيها محلات فول وطعمية، وفيها عشوائيات وفيها حاجة كده شبه الميكروباص إسمها الحفلة (مش معناها بارتي لأ دي معناهاالحافلة بالعربية الفصحي)هتحتاج تدرس خطوطها لحد متشوف بتعدي جنب بيتكم ولا لأ، وفي خطوط نقل عام أتوبيس مرسيدس لونه برتقاني يفتح النفس لأو ومكيف كمان وكل ده بريالين بس . مش عارف المفروض يكون الشغل بتاعكم مرتبلكم سكن أول ما توصلوا ده لو شركة محترمة، لكن بالنسبة للي معندوش أي ترتيب المفروض يطلب من كفيله يرتبله سكن ولو اول يومين لحد ما يوصل ويدور على سكن،على فكرة قانون العمل السعودي بيلزم الكفيل يرتب سكن لمدة 14 يوم لأي وافد جديد لحين عثوره على سكن مناسب . مش عارف ايه نوع المعلومات اللي محتاجينها عشان افيدكم لو في اسئلة محددة ممكن اساعدكم. إرشادات عند الوصول: 1- اتمنى تكون اخترت ميعاد رحلتك توصل بدري وياحبذا لو في النهار علشان تقدر تتصل بكفيلك أو بمكان عملك علشان يوصفلك مظبوط العنوان. لأنك لو وصلت متأخر 90% ممكن ماحدش يسأل فيك 2- حاول تاخد العنوان بالتفصيل زي وصفة الطبيخ كده ، ولازم يكون بإسم الحي وإيه هو أقرب معلم واضح من مكان العمل زي مول أو بنك او مستوصف..الخ ، مثلا يكون العنوان حي الشرفية شارع خالد إبن الوليد خلف بنك الراجحي مثلا، العناوين هنا كده لأن هنا محدش بيحفظ اسماء الشوارع إلا الشوارع الرئيسية، يعني لو شارع صغير مافيش حد هيعرفه، وكمان مافيش ارقام للمنازل فماتحاولش تسأل عنها. أهم شئ يكون معاك تليفون لحد هيبقى عارف إنك جاي و ياريت تكلمه من مصر قبل ماتركب الطيارة. 3- المفترض أن الشركة تدبر لك شخص ينتظرك بالمطار لتوصيلك للسكن أو الشركة، لو ده ماحصلش يبقى هتاخد تاكسي من المطار يوصلك وده هياخد 50 ريال لكن لو حاولت تفاصل فيها ممكن تنزل 40 ريال. 4- لو هتوصب بالليل لازم تطلب من شركتك ترتبلك مكان مبيت وتكون عارف عنوانه بالظبط ورقم موبايل لحد موجود بالمكان ده، ولو فندق تاخد تليفوناتهم وتتصل بهذا المكان او هذا الشخص قبل السفر بيوم. لو حد هيستناك في المطار يبقى ماتقلقش بس إعرف رقم موبايله وبرضه كلمه قبل السفر. اتمنى سلامة الوصول للجميع

اسمح لي ان اخالفك يا اخي فيما كتبت فالوضع ليس كما ذكرت (بشكل عام)....فكما تعلم ان هناك مستويات في تعلم اللغات الاجنبية .....مستوى محادثات يومية او المحادثة عموما و مستوى النطق بعده او اقترابه من اهل اللغة وهناك المستويات الاكاديمية من قواعد واساليب كتابة و قراءة واجتياز توفل وايتلس مما يؤهل للدراسات العالية...................ان كنت تقصد في المستوى الاكاديمي و خلافه فحتى على مستوى الناطقين بالانقليزية كلغة ام فانهم يحتاجون لمهارات لا تتوفر للغالبية لاتقان اللغة...مثل العربية فجلنا متحدثو العربية لا تتوفر لغالبيتنا الموهبة في الكتابة للرسائل او التقارير او المذكرات القانونية او العلمية حتى لخريجي الجامعات....... اما على مستوى الكلام والحديث........فالحقيقة ان اهل الخليج (ومؤخرا السعودية) لا يقلون عن باقي اقرانهم العرب في معرفة الانقليزية.....خاصة الجيل الجديد فاهل الخليج كالكويت والبحرين وامارات ساحل عمان كان علاقاتهم وثيقة جدا ببريطانيا والهند حتى على المستوى التجاري وهذا معروف لمن قرأ تاريخ الخليج بل ان نسبة الكلمات الانقليزية الاصل في المحكيات الخليجية يكاد يكون طاغيا.....وحديثا اهل الخليج من اكثر العرب سياحة لبريطانيا -لندن على الخصوص واميركا وكذلك الدراسة او العلاج والجيل المولود في التسعينات الميلادية يكاد ينطق الانقليزية كاهلها (لهجات اميركا) وفي السعودية في الساحل الشرقي على الخليج النسبة مهولة ممن ((يتقن)) الانقليزية و في المنطقة الغربية خصوصا (جده) يندر الا تجد شابا بعد 15 لا يتقن الانقليزية (انقليزية التلفزيون) ونسبة الذين يسافرون الى بريطانيا واميركا جدا كبيرة....اما ابناء القرى والبوادي فمن الطبيعي الا يحفلوا باي لغة اجنبية ======= طبعا ما ذكرته لا يشكل عامل فخر واعتزاز -دوما-بل هو للاسف -في بعض الاحيان-اتباع للقيم الغربية (في غير حاجة) وليس مطلوبا من شعب كامل ان يتقن لغة اجنبية لشعب اخر..........فليس كل اهل اليابان والصين وكوريا يعرفون الانقليزية ومع ذلك نقلوا العلوم والتكنلوجيا وفاقوا الغرب بعكسنا الذين لم نزد ان نكون عالة ومستهلكين فقط

يااعضاء المنتدى الكرام ويا زائرين المنتدى انا جبت لكوا رابط موقع الجوازات السعوديه للى عايزين يستفسروا عن اى حاجه فى التأشيرات وانتهاء التأشيره ومشاكل الكفيل الخ هتدخل الموقع وبعدين تختار اختيار (اتصل بنا) ثم تختار (الاستفسار) وتسأل السؤال بتاعك هيردوا عليك عن طريق الايميل والرابط اهو http://www.gdp.gov.sa/ وعلى فكره انا جربته اكتر من مره

و اونكل س س انا راجل مش متجوز و الكلام ده هيأثر فى نفسيتى ارجوزك بلاش wst:: هنا بقى انا بشكر الاخت ضحى على سؤالها لأنها بسؤالها جاوبت على كلام حضرتك هنا.... ايام العصور الوسطى كان بديل الشرعية الدولية هو العرف السائد....لم يكن هناك اى قانون او شرع يمنع الحرب بين الدول و الممالك، بإستثناء قانون واحد ... و هو "ذريعة الحرب" فإن لم يكن هناك ذريعة للحرب او كما يقولون فى الغرب casus لن يستطيع الملك او السطان اقناع اللوردات و الفرسان و بالتالى الجنود بالذهاب للحرب...ـ قانون بسيط كان ايام العصور الوسطى، و بما ان الدولة بمفهومها الحديث لم تكن ايام العصر العثمانى، إذ كان هناك لا مركزية فى الحكم decentralization فكان اللورد يرفض اوامر الملك بالحرب اذا لم تتوفر الذريعة .. بل و ربما ينقلب على الملك ايضاً او ينفرد بالحكم، او حتى يكون مملكة خاصة به من مقاطعته..ـ و اجابتى على سؤال حضرتك هو بالطبع لا اقبل ان اضم لا السعودية و لا السودان بالحرب، بل ينضموا سلميا فى بلد اسلامى واحد و كبير، و هذا حلم الاتحاد الذى تعيشه كل شعوب العالم...ـ و لكن على الجانب الاخر ، العصور الوسطى لم تكن تعترف بهذة المواثيق و الشرائع الدولية، و كان هناك قانون واحد، هو القوة، و ذريعة للحرب... لأن الارض كانت تعتبر ملك الحاكم يفعل بها ما يشاء، تماماً مثل منزلك الخاص، تنقل فيه اشيائك بمنتهى الحرية...هكذا كانت البلاد قديماً.. ملك السلطان يفعل بها ما يريد، و عندما يقرر السلطان ضم املاك جديدة الى املاكه فهو تماما يفعل مثلما يفعل سكان بعض الاحياء من ضم لأراضى فضاء بجانب مبنى السكن لبناء غرفة جديدة ملحقة بشقتهم الاصلية...ـ يعنى فعل طبيعى و لم يكن مستغرباً فى العصور الوسطى ان يوسع سلطان او ملك املاكه و اراضيه على حساب ممالك ضعفت و تفتتت كلام حضرتك ده تأكيد لما قلته :closedeyes: لأن الغزو لا يعنى ابداً بأن أاتى بمن انتصرت عليه ليحكم فى الناس بإسمى الجديد، لأنه طبعا سيثير الناس ضدى و ينقلب الشعب على الحاكم الجديد...ـ و لكن ما فعله العثمانيين بالضبط هو استبدال الحاكم بآخر و نزع لقب الخليفة لصالح السلطان العثمانى، و بالطبع كانت مصر هى سلة الغذاء و مصدر الزراعة الرئيس فى جنوب الدولة العثمانية...ـ فى نقطة هامة اخرى، و هى ان الدولة العثمانية لم تكن ابداً دولة بحث علمى و لا تقدم تكنولوجى، بل كانت دولة حرب و جهاد فى كل الاتجاهات، فهى جاهدت الروس فى الشمال و دافعت عن التتار و الخانات الشمالية ضد وحشية الروس، و من الشرق دافعوا عن العقيدة السنية ضد الشيعة و دولهم الخبيثة مثل دولة الحشاشين و الدولة الصفوية و دولة تيمورلنك المغولية، و من الغرب دافعوا عن حدود الاسلام ضد اوربا جمعاء، بل و فتحوا بولندا و بروسيا و المجر و صربيا و البوسنة و كرواتيا و البانيا و اليونان و موريا و بلغاريا و حتى فينيا العاصمة النمساوية حاصرها العثمانيين مرتين خلال تاريخهم الحافل بالحروب.. و من الجنوب صدوا هجمات الاسبان على ليبيا و اجلوهم عن الجزائر و تونس و المغرب و ساعدوا المسلمين فى الاندلس الفقيده من الهروب من حملات التطهير التى تعرضوا لها، كما انهم صدوا هجمات البرتغاليين عن اليمن و السعودية و الهند و اندونيسيا فى اقصى شرق اسياـ انا لا ادافع عن تأخر مصر حضارياً ايام العصر العثمانى، و لكنى ارجع ما حدث الى تأخر العالم الاسلامى كله بسبب الجشع و الطمع الغربى فى احتلال بلاد الشرق و النيل من خيراته، بل و اعتبار الرجل الابيض احق بالحياة و بالحكم من سكان البلاد الاصلية... فكيف بالله عليك تستطيع انت ان تقرأ فى كتاب مثلاً بينما هناك من يدق عليك باب شقتك بعنف يريد ان يدخل عليك ليقتل كل اهل بيتك و يسرق شقتك بالكامل؟؟؟ ارجعك لجملة قالها الفاتح الاسبانى ماجلان عندما ذهب الى حاكم الفلبين المسلم يريد اخضاع بلاده بالمفاوضات بعدما فشل عسكرياً... و هذا مثال قوى لقانون العصور الوسطى الذى اقصده:ـ "اننى باسم المسيح اطلب منك التسليم... و نحن العرق الابيض اصحاب الحضارة أولى منكم بحكم هذة البلاد"... فما كان رد "لابولابو" الحاكم المسلم الا ان قال:ـ "إن الدين لله... و إن الإله الذى أعبده هو إله جميع البشر على اختلاف الوانهم".. المصدر: موسوعة التاريخ الاسلامى: اصدار مؤسة اقرأ

أخيراً رجعت الصفحة تانى سليمة... انا كنت قربت اجيب مرايا و احطها قدام الشاشة عشان اعرف اتعامل :blink: ألف شكر يا nightmare مانجيلكوش فى حاجة وحشة :blink:

اليوم السابع فى هذا الموضوع ، ذكر أخى العزيز سكوربيون كلاما مشابها للاقتباس الآتى كما جاء على لسان المشاركين فى الحملة .. وإن جاء كلامه فى إطار الاحترام والتبجيل للموقع الذى يحتله المواطن المصرى/ بيشوى فى الهيراركى الكنسى الأرثوذكسى ولم يتجاوزه إلى العبارات التى جاءت على لسان المشاركين فى الحملة من أبناء طائفة أو طوائف أخرى .. كما جاء كلام أخى العزيز مغلفا بالألم وخيبة الأمل فى أن المواطن المصرى المسيحى الذى ظل لأجيال يطالب - بصوت خفيض وأحيانا فى صمت - بتفعيل مبدأ المواطنة ، عندما بدأ - ذلك المواطن المصرى - فى الكلام بصوت مسموع انطبق عليه المثل القائل "سكت دهرا ثم نطق كفرا" اليوم السابع ولأسباب أتفهمها جيدا أدرك سكوربيون الصباح فسكت عن الكلام المباح .. وكنت قبل أن أفكر وأتفهم أسباب أخى العزيز سكوربيون قد انتابنى ضيق لسكوته ، ولذلك الصمت الرهيب من إخواننا المسيحيين .. خصوصا ونحن لا نتكلم فى العقائد ، ذلك الخط الأحمر الذى لا نتجاوزه شعورا منا بالمسؤولية الجسيمة وللمنتجات الدميمة لمثل تلك الفتن .. يقول زهير بن أبى سلمى فى معلقته : وَمَا الحَـرْبُ إِلاَّ مَـا عَلِمْتُمْ وَذُقْتُـمُ .. وَمَا هُـوَ عَنْهَا بِالحَـدِيثِ المُرَجَّـمِ مَتَـى تَبْعَـثُوهَا تَبْعَـثُوهَا ذَمِيْمَـةً .. وَتَضْـرَ إِذَا ضَرَّيْتُمُـوهَا فَتَضْـرَمِ فَتَعْـرُكُكُمْ عَـرْكَ الرَّحَى بِثِفَـالِهَـا .. وَتَلْقَـحْ كِشَـافاً ثُمَّ تُنْتَجْ فَتُتْئِـمِ فَتُـنْتِـجْ لَكُـمْ غِلْمَانَ أَشْأَمَ كُلُّهُـمْ .. كَأَحْمَـرِ عَادٍ ثُمَّ تُرْضِـعْ فَتَفْطِـمِ أدرك وأتفهم الفرق بين "رجال الدين" المسيحى و "علماء الدين" الإسلامى .. كما أدرك واتفهم الفرق فى النظرة إليهم من أتباع الديانتين .. أفهم التبجيل الذى يصل إلى حد التقديس - من المواطنين المسيحيين - لبعض "رجال الدين" .. ولكنى أعتقد أن ذلك صحيح فيما يخص العقيدة ولكنه ليس بالضرورة صحيحا فيما يخص تعمد دفع المجتمع المصرى إلى أتون الفتنة .. وأرجو التصحيح إذا كنت مخطئا فى اعتقادى لذلك فقد بدأت ذكر اسم صاحب التصريحات المثيرة للجدل - والفتنة من بعد الجدل - مسبوقا بلقب "المواطن المصرى" تعبيرا عن رفضى الكامل أن تصدر مثل تلك التصريحات عمن يتبوأ موقع الرجل الثانى فى الكنيسة الأورثوذكسية .. وأذكركم بأننى - فى الموضوع المشار إليه - قد فسرت الشك لصالحه عندما أطلق تصريحه الأول الذى وصف فيه مواطنين مصريين بأنهم ضيوف فى بلدهم .. وافترضت أنه قد استـُدرج إلى تلك السقطة بفعل فاعل من إعلام مغرض غير مسؤول لا يهمه إلا زيادة أرقام التوزيع .. ولكنى عجزت – ولا زلت عاجزا - عن تفسير الشك لصالحه عندما نشرت الصحف نصا مكتوبا أعده وكتبه ذلك المواطن المصرى - بعد تفكير - ليلقيه فى محاضرة ضمن فعاليات "تثبيت العقيدة" بالفيوم .. فهو نص جرى إعداده وكتابته ومراجعته بعناية قبل طبعه وتوزيعه - Hand out - على جمهور جاء ليستمع إلى محاضرة المفروض أن الغرض منها "تثبيت عقيدة" شعب الكنيسة .. فإذا به يتجاوز الغرض المفترض إلى الخوض فى "عقائد الآخرين" .. وهو أسلوب مشجعى الكرة الذين يلجأون إلى التقليل من شأن الفرق الأخرى بدلا من التركيز فى تشجيع فريقهم .. وإحقاقا للحق فهو أسلوب يلجأ إليه الهواة المتعصبون من الدعاة والمتعالمين الإسلاميين .. ولا أجد لهم صفة أفضل من "متعالمى الفضائيات" الذين ينفخون فى نار الفتنة دون أن يكون لديهم الحد الأدنى من المسؤولية نحو أهلهم من أبناء الوطن أو نحو عقيدتهم التى يدعون إليها .. فهذا الأسلوب - أسلوب مشجعى الكرة - إن دل على شئ فإنما يدل على ضعف الحجة فى "الدعوة إلى العقيدة" أو فى "تثبيتها" لدى معتنقيها ، فيلجأ أصحابه – أصحاب ذلك الأسلوب المشين - إلى الخوض فى "عقائد الآخرين" أضم صوتى - الذى بـُحَّ فى انتقاد المتعصبين المتأسلمين - إلى صوت المواطن المصرى البروتستانتى كما جاء فى الفقرتين الأخيرتين من الخبر .. أضم صوتى إلى صوته فى سؤاله الموجه إلى المواطن المصرى / بيشوى ، وفى رجائه من البابا شنودة ، وفى مناشدته للأقباط المصريين الشرفاء

الظروف دي هتتهيئ لوحدها؟؟؟؟؟؟؟؟؟؟؟؟؟؟؟؟؟؟ و لا نستنى غزو أجنبي أو كارثة طبيعية؟؟؟ إحنا مش عايزين نتعب .. و معندناش استعداد ندفع الثمن الرسول صلى الله عليه و سلم غير الدنيا كلها ازاي؟؟؟؟ في يوم و ليلة؟؟؟؟ ولا بالعمل و الدعوة و الجهاد المستمر ربنا يهدينا جميعا و يعيننا و يصلح حالنا

بمناسبة الزوغان , حصلنا موقف جامد لن أنساه أبداً في الثانوية , كنا شلة من 5 افراد وكنا معلمين الفصل من الآخر احنا اللى بناخد الغياب وبنجيب التغذية ونوزع نصها وناخد نصها وكده . وكنا متعودين تقريباً كل يوم نزوغ من الحصة الثالثة وننط من على السور ونروح نسرح لحد الحصة السادسة ونرجع تانى. حصلت مرة حادثة لعادل صاحبنا وربنا ستر والموضوع خلص على ان رجله اليمين اتكسرت وتم تجبيسها بالكامل, وبما اننا اصحابه كنا طبعا بنروح ناخده من البيت للمدرسة ونرجعه تانى ومعاه في كل مكان حتى في الحمام. وفي اول يوم لرجوعه المدرسة وهو لسه متجبس جينا في الحصة الثالثة ورايحين نزوغ كالعادة , لقينا صاحبنا مصمم انه هيجي يزوغ معانا , واحنا نحاول نقنعه انه مش هينفع ينط السور, وهو راسه والف سيف انه هييجي يعني هييجي, خدناه ونزلنا على تحت واتفقنا ان فيه اثنين ينطوا ويقفوا بره المدرسة وواحد يطلع يقعد على السور والرابع يحاول يشيله على كتفه واللى قاعد على السور ياخده منه وبعد كده اللى واقف تحت يطلع يقعد على السور ويحاولوا الاثنين ينزلوه والاثنين اللى تحت يسندوه منهم. المهم الخطة بدأت واثنين نطوا وبقوا بره المدرسه وانا طلعت على السور وصاحبنا الرابع شاله على كتفه وطلعه وانا سندته لحد ما قعد على السور وصاحبنا اللى شاله طلع على السور معايا علشان ننزله بقي للاثنيين اللى واقفين تحت .واحنا الثلاثة قاعدين على السور ويادوبك خرجنا رجله الشمال بره المدرسة الا وجاءت الصدمة الكبري , لقينا الناظر فوق دماغنا وبصوت هز المدرسة كلها لقيناه بيقول "اقف يا ؟؟؟ يا ابن ؟؟؟ انتا وهو اقف ياد " . وبحركة لا إرادية نطينا انا وصاحبي على بره , وسبنا صاحبنا اللى متجبس قاعد على السور وهو رجل بره ورجل جوه.وبدأ صاحبنا يصرخ فينا انتا يا ندل انتا وهو اعمل ايه انا دلوقتى , وسامعين طبعا الناظر من بره وهو عمال يبستف فيه , ويقوله انتا ربنا هيعمل فيك ايه اكثر من كده علشان تتهد , واحنا من بره ميتيين من الضحك ومش عارفين نعمله ايه "ما باليد حيلة":lol: الناظر جاب الفراشين ونزلوه من على السور , وما نعرفش طبعا ايه اللى حصل بعد كده , طبعا ما ارجعناش المدرسة تانى في اليوم ده بس استتناه بره علشان نوصله . وهو خارج من الباب رحنا عليه , وفي صوت واحد ايه يا عادل , عمل معاك ايه , قال مفيش ادانى اسبوع فصل , بنقوله معلش ما تزعلش مش مشكلة وعلشان تريح برضه , رد عادل بكل براءة وقال انتوا اللى ما تزعلوش اتفضلوا جوبات فصلكوا انتوا كمان , بنقوله يا ندل اعترفت علينا . قال امال اقوله طلعت السور ازاى ومين اللى طلعنى.:lol:

معليش يا جماعه ... بعض الأسئلة التي طرحت مؤخرا ذكرتني بموضوع قديم للفاضل سكوربيون ... رأيت أن أنقل لكم رابطه http://www.egyptiantalks.org/invb/index.php?showtopic=65676 والله من وراء القصد.

اهلا مرة اخرى اعتقد ان الامر ليس بنكته على الاطلاق (اسمح لي بالاختلاف معك) ....فدول الخليج عانت و تعبت عبر قرون من شظف العيش والظروف المناخية والمنازعات القبلية الداخلية ....ورغم تلك الظروف الصعبة الا ان دول الخليج كانت مطمعا للقوي الاستعمارية الاوربية مثل البرتقاليين والانقليز و الفرس والعثمانيين(في عهودهم الاخيرة) ....., و حتى عندما اراد الله (لحكمة يعلمها هو) ان يجعل غالب اكسير حياة الحضارة -البترول-على اراضيها لم تسلم من مطامع الطامعين........ واعتبر ان الامر يشكل (معجزة) ان نظل في مكانة عاية بين الامم رغم تلك الصعوبات التي لو عانتها امم و شعوب اخرى (لمحيت من الوجود)....وما قامت به القيادات (في حالتنا هذه السعودية على سبيل المثال) من حسن التعامل مع القوى العالمية والصديقة دون الخضوع لها يشكل ملحمة يصعب ان يجود الزمان بمثلها......... فلمحمة احضار شركة ارامكو ومن ثم -تأميمها بذكاء خارق ودهاء الرجل البدوي امام العقل التكنلوجي ودون اشعاره بذلك....وملحمة تأسيس الصناعات البترولية والصناعات عموما ........ واما التعليم -فقياسا لقيام الدولة الحديثة -فان ما تحقق يعتبر اكثر من ممتاز (ولا ننسى الرافد المصري الكبير في بدايات التعليم-ولا زال- على النمط الحديث خصوصا الجامعي وما بعد الجامعي) ولكن كانت هناك روافد اخر....من فلسطين والعراق ....والهند في منطقة الحجاز قديما ورافد لا يغفل وهو الرافد الغربي....فمنذ الاربعينات الميلادية والسعودية ترسل ابنائها للتعلم هناك (وبعثة الملك عبدالله ال سعود الحالية) ولسنا بدعا في ذلك.....فالنهضة التعليمة على النمط الحديث في مصر بدأت من بعثات محمدعلي باشا الى فرنسا والتي اثمرت جهود الطهطاوي فيما بعد وكذلك الجامعة الاميركية وكلية فكتوريا ومدارس الليسية والراهبات والان المدارس الاجنبية وغيرها مما لا اعرف بل وحتى الجامع الازهر الذي بناه الصقلي (الطلياني) لدولة الفاطميين القادمة من المغرب ............ ما اريد قولة ان البشر (جميعا) لا يستغنون عن بعضهم البعض في شتى مناحي الحياة....والا لما كانت اليابان ولا الصين بل و حتى اميركا ما كانت لتتفوق علميا من دون روافد خارجية تغذية...مثل الارض التي يجددها الطمي القادم من البعيد حتى لا تبور ان تمسكت باملاحها الذاتية.... اذن المسألة ليست (بنكتة) اطلاقا.................. بالنسبة للمدن التي تضاهي اوروبا (اعتقد ان سمحت لي بالتدخل في مسائل شخصية) ان اقول ان بعضكم يبالغ كثيرا في هذا الامر................ انا ممن يسر الله لهم الذهاب لاوروبا واقول بكل ثقة لا زال في مصر اماكن تضاهي اوروبا بل ان هناك اماكن تتفوق جزئيا على اوروبا.....فقد كنت في روما قبل 3 اشهر ووجدت بعض المناطق وتصميم القصور التي تشبه القاهرة القديمة (بالمللي) وذهبت الى كورنيش OSTIA في ايطاليا الذي يقل كثيرا جدا عن خليج نعمة ومنطقة شرم الشيخ بل وحتى بعض المناطق في Brighton بانقلترا على سبيل المثال :)

بصراحة هو غزو ونص لإن الفتح بيبقى للبلاد الغير مسلمة لنشر الإسلام فيها لكن إحنا إن شاء الله كانوا عاوزين يدفعونا جزية ؟ ولا شافوا إسلامنا قل فقالوا نقويه ؟ هو غزو ونشر للجهل وأمتصاص للثروات بكل معنى الكلمة ... 400 عاماً وأكثر من الجهل والتخلف بالمناسبة حتى بناء مصر الحديثة على يد محمد علي .. تحول إلى توزيع ثروات البلد على أهله والعائلة العلوية ... وجعل الشعب مجرد فلاحين من ذوي الجلاليب الزرقاء وكل عملهم في الحياة إنهم يعلموا عند الباشا في الأرض مقابل أكلهم اللي ما كانوش بيلاقوه حتى أما أهل المدن الأفندية .. فحدث ولا حرج ... فقر وعوز ودرجة إجتماعية في أسفل السلم على فكره .. إذا كان فتح ... فقارن بين حال تركيا البلد الأم وأي دولة كان العثمانلية محتلينها ... قارن بقى بين حال الجزيرة العربية والدول التي فتحتها الخلافة الإسلامية .... تلاقي إن الدول دي كانت أغنى وأقوى يمكن من دولة الخلافة نفسها

والله انت جيت على الوجيعة يا سين سين ومعظم مشاكلى مع اصحابى بسبب عدم الاتزام بالمواعيد واللى اعتقد اصبح من العادات اليومية لمعظم المصريين بقالى 7 سنين باحاول ابرمج مراتى على احترام المواعيد معايا وخصوصا لما نيجى نخرج او اروح اجيبها من مكان او شىء مش قادر لدرجة انى السنة دى سافرت السعودية وسيبتها فى مصر علشان اخرتنى عن الميعاد اللى محددينه للتحرك ( اه والله حصل لانى اتنرفزت جدا وصممت على احترام الميعاد المتفق عليه ) وبسبب التزامى بالميعاد ده كمثال دفعت 6000 جنيه تذاكر طيران علشان تحصلنى mfb: mfb: mfb: mfb:

خلي بالك إن مراسلة السفارة أكتر من اللازم ممكن يتسبب في تأخير الملف

الي ابي رحمة الله عليه ما اقدر أنسى ابدا من حملت أسمه..... ولن انسى أبدا من أعطاني الحب والحنان والعطف....ومابنسى أبدا صاحب القلب الكبير....هو من علمني الصدق...وكيف احب الناس وكيف اتعامل معاهم .... الى أغلى انسان...... ابوي الله يرحمك تذكرتك هي والله تذكرت وكل يوم في بالي ...ذالك اليوم....الذي اسميه اليوم المحزن..يوم كنت ناايم ولا تقدر تتحرك من مكانك ..كنت ما تقدر تتكلم بس تنظرلنا ونحن نظر لك وعيني تدمع ودموعي كلها ع صدرك .. وفي هذه اللحظه عرفت اني مابشوفك مره ثانيه وكان الكل يكذب عليه ويقولو هو بس تعبان بيرقد له كم ساعه ومن غفت عينه ثواني عرفت انه بيروح مكاااااااااااااااان بعيد ومستحيل يرد لي....وألتفت من ورايه ومن حولي اشوف الكل يبكي امي اخواني خواتي .. وكانت دموعي تنزل علي وجهي ما عرفت اعمل ايهفي هذه الساعه ..الاني كنت أتمنى اكووون بدالك في الفراش وانت اللي تبكي عليا . ..ما نقدر نقول غير الا انا لله وانا اليه راجعون..... ابوي الغالي ...<<<(( الله يرحمك ويغمد روحك الجنه )) كنت اتمنا اذ احتجت شي ألجا اليك يا غالي كنت اتمنا لو توقف بجانبي اذ كنت في مصيبه وكنت اتمنى تشوفني وانا البس بدله فرحي ودموع الفرح في عيونك كنت اتمنى لو ارتمي في حضنك جزء من الثواني وتشل عني الهموم والاحزان عني كنت اتمنا اذ مرضت اراك فوق راسي وتشوف حالي كنت اتمنا وجوووودك اكثر من غيابك عني ولكن..... ما اكتملت فرحتي في دنياي والقدر كان مكتوووب لك .... تراك في القلب ..... وما بنسااااااااااك طوول عمري وانا عايش في الحياه

بصفتى متجوزه ومتغربه كمان مع جوزى لى راى فى الموضوع يا أستاذ قاهرى رغم انك فى سؤالك سألت الرجالة لكن انا حبيت اتكلم عن الطرف التانى وهو الست 0 عليه احب اقولك انى لا أجد اى سبب فى الوجود فى نظرى يعطى الزوجة الحق انها تطلب حاجه زى دى من جوزها0 أعتقد ان طلب الزوجة فى حد ذاته دليل وجود خلل فى العلاقة0 انا لسه فى بداية حياتى ومقدرش اتخيل انى اطلب من جوزى يكتب بإسمى شقة ولا شاليه فى يوم من الأيام لأن الحياة الزوجيه مش مفروض اصلا تتخذ الشكل المادى دا بين الطرفين ولا آجد ان هناك اى مبرر لإستباحة الزوجة لنفسها الحق فى كتابة شقى العمر لزوجها بإسمها0 ثم ما الفرق اصلا اذا كانت الشقة باسمها من اسم جوزها ؟؟ عموما اظن ما يهديه الرجل لزوجته من تلقاء نفسه وما يقرر هو بكامل ارادته ان يكتبه باسم زوجته يختلف تماما عن فرض امر مثل هذا عليه اظن ان اى زوجة تقدر نفسها وتقدر زوجها لن تطلبه من الأساس0

نشرت محافظة بورسعيد لائحة بأسماء من إستشهدوا وقتلوا خلال أيام العدوان الأنجلوفرنسي علي بورسعيد فيما يلي أللائحة المنشورة ، وساضيف صورا من لوائح المحافظة التي نشرت في أطلس بورسعيد عن هذه الأسماء ، محافظة لتكملة ما ينقص منهم ، حيث من الواضح أن الائحة ليست مكتملة إطلاقا .... وقد أسعدني بهذه المناسبة بل حثني علي النشر ، ما ذكره الأخ الفاضل ألأستاذ رمضان ، بأن أقاربه (عمه وخاله) قد إستشهدا خلال مقاومة العدوان الأنجلوفرنسي علي بورسعيد 1956 ، وأتمني أن يجد إسمهم بيه هذه ألسماء ... وإذا لم يكن وإذا لم يكن إسمهم بين الأسماء المدونين أدناه ، أو في اللأئحة "الصور المرفقة" أرجو التفضل بالأتصال بي أو ذكر ذلك هنا ، حتي يتم الأتصال بمحافظة بورسعيد من أجل إتخاذ الأجراءات اللازمة حتي يتم التحري والتأكد والتوثيق والنشر د. يحي الشاعر

السلام عليكم اخى العزيز س س و ايه ذنب المسلمين فى كل اللى بيحصل علشان كمان تحملهم شطر المسئوليه .. طالما استمرت تلك النغمه المجامله للمخطئ باشراك من لا ناقه له فى تحمل المسئوليه معه ليفعل بيشوى و غيره ما يحلو له .. ************* ثم مين قال ان الستات و البنات فقط هن اللاتى يسلمن فكر غريب يخالف الحقيقه تماما و لكن وضع المرأه مختلف كونها غالبا ما تكون تابعه لطرف اخر هو الرجل سواء كان ابا او اخاو لضعفها فبيتشطروا عليها .. اما الرجل فلديه الاستقلاليه و التحمل لقراره *************** و قصه انهم من القاهره او محافظات غريبه جدا .. **************** بالمناسبه هناك فرق كبير بين المسيحيه و المسيحيين و المجموعه التى تحكم الكنيسه الان ..منعا للمزايده و التفلت من مواجهه الخطر القائم بالدلوف الى نغمه الطعن فى الدين . دمتم سالمين