لوحة القادة

بيان التنحي بقلم: طارق عبد المعز لأ لأ ماحدش يفهمني غلط. انا لا رحت مكتب أمن الدولة ولا اتقرصت في وداني ولا جاني تهديد من جانب أي حد لا سمح الله. إنها الحقيقة العارية البلبوص التي أدركتها بعد سنوات التيه والضياع في بحر إبراهيم عيسى ووائل الإبراشي ومنى الشاذلي ومعتز الدمرداش ومحمود سعد. لقد انجلت الغشاوة من على بصيرتي وهاأنذا أعلن من منبري هنا من الرياض الحبيبة التي هاجرت إليها باختياري ورغبتي منذ ثلاث سنوات، أنني أتنحى تمامًا ونهائيًا عن الاهتمام بالشأن العام المصري ومتابعة ما يجري على لسان الفضائيات الخاصة والعامة وما تكتبه جرائد المعارضة والمستقلة ، وأن أعود إلى صفوف المصريين النابهين أجمع المال واعزل نفسي عن كل ما يدور حولي مثلي مثل أي مصري آخر مقيم في كومباوند مغلق في القطامية هايتس أو أكتوبر والشيخ زايد أو مدينتي والرحاب والقاهرة الجديدة. لقد اكتشفت أيها الإخوة أننا نحن المصريون المقيمون في الخارج بلهاء وقليلي الذكاء فبدلًا من أن نركز جهودنا في جمع المال والإكثار منه تحسبًا للأيام التي لا يعلم إلا الله كيف ستكون إذا عدنا إلى بلدنا للتقاعد قبل الحصول على باسبور كندي أو أسترالي أو نيوزلندي (لا قدر الله) ، بدلًا من ذلك نستغل أوقات الفراغ القليلة في الاهتمام بالشأن العام ورفع الضغط والسكر والكولسترول بالمناقشات العقيمة والبكاء على أحوال مصر واللي جرالها، بينما عندما زرت مصر في إجازتي الأخيرة وجدت المصريين على النقيض التام من ذلك كله، ولربما خضنا في مقال آخر عن سبب اهتمام المغتربين بالوطن أكثر من اللازم، لكن دعوني أصف لكم كيف كان شكل الثمانين مليون داخل الوطن. هل المصريين بيستعبطوا؟ هل المصريين كهنة وبيدّعوا الفقر؟ آه هما فعلا كهنة وبيستعبطوا لأن السيارات السيراتو ذات المائة ألف جنيه أصبحت السيارة الشعبية الأولى في مصر ويمكن أن تقول بملء فمك أنها أخذت مكان الفيات بأرقامها 128 و127 الهاتشباك. إذا وقفت في شارع الملك فيصل، وهو شارع عشوائي يلعن كل ساكن فيه الساعة التي جعلته يسكن بالقرب منه، إذا وقفت في ذلك الشارع دقيقة واحدة ستمر أمامك على الأقل عشر سيارات سيراتو ماشاء الله تبارك الله. سألت موظف محترم في سوبرماركت بنزينة شل هو أيه حكاية العربية السيراتو في مصر؟ قاللي كل العربيات دي قسط يابيه، سألته وياترى قسطها يعمل كام؟ قاللي: ألفين ألفين ونص، كبرت وهللت الله الله الله كل دول ماشاء الله مرتباتهم بتعدي الست آلاف جنيه وبيدفعوا القسط بسهولة كده قاللي: ده نصهم كمان موظفين في الحكومة ! ...إذن يبقى كلام أحمد عز وجمال مبارك صح، يبقى فعلًا فيه تنمية في البلد والناس اتزبطت. أمال الناس في مصربتصرخ ليه لما تلاقي كيلو اللحمة بستين جنيه؟ وما فيش بيت فيكي يا مصر دخلته مالقيتش فيه لحمة على السفرة!! التقسيط الآن ملأ بيوت المصريين بأرقي أثاث وأفخم ديكورات وأكسسورات وأحدث أجهزة منزلية والكترونية، وبالطبع ملأ شوارع المصريين بأحدث العربيات على الزيرو، حتى السياحة بقت بالتقسيط، وكل ما أتصل بواحد صاحبي عشان نتقابل اللي يقوللي معلهش مش فاضي أصلي طالع تركيا أعمل شوبنج الأسبوع الجاي، والثاني يقوللي أنا في ماليزيا مع المدام بنجدد شهر العسل، واللي يقوللي أصلي لسه راجع من اسبانيا وهلكان. أما اللي وقته (مش جيبه) مايسمحش يسافر بره بيأجر أسبوع في الساحل، بأعيد وأؤكد إني بأتكلم عن أصحابي ولاد الطبقة المتوسطة ، لأن طبقة موظفي الحكومة والقطاع العام "المعدمين" بيصيفوا في أسكندرية ومرسى مطروح. الصدمة الكبرى إن أم عزة اللي ساكنة فوق سطوح بيتنا بقالها ثلاث سنين كل سنة بتصيف في نيو جيرسي عند ابنها المقيم هناك بصورة غير شرعية من سبع سنوات ... وبتحكي للجيران إن لولا عزة وأخواتها الصغار لسه في المدارس كانت قعدت في أمريكا على طول!! بلاش العربيات والعفش والسفر، تعالى نتكلم عن الدروس الخصوصية، أصدقائي وقرايبي بيحلفوا أن أي أسرة لديها 3 أطفال في المدارس الحكومية لن يتكلفوا أقل من عشرة آلاف جنية في السنة دروس، تتضاعف 3 مرات لو إن أحد العيال في الثانوية العامة، ولو العيال في مدارس خاصة عادية تصل مصاريف المدارس مع الدروس لخمسين ألف جنية في السنة، ولو مدارس خاصة أجنبية لن تقل مصاريف الثلاث عيال مع دروسهم عن مائة ألف جنية في السنة، أما الدراسة الجامعية الخاصة والحكومية فحدث ولا حرج فالميزانية مفتوحة بدون سقف. الظريف إن جحافل العيال طوال السنة صيف شتاء رايحة جاية بين المدارس والدروس في سوق تعدى حجمه المليارات (إذا كان اللي بيدخلوا امتحان الثانوية العامة بس 15 مليون عيل !!!)، يا عالم ياهوه المليارات دي كلها بتيجي منين إذا كنتم فقراء؟! مافيش إجابة غير إن المصريين بيستعبطوا وكهنة وبيدّعوا الفقر. هل المصريين بيستعبطوا؟ هل المصريين كهنة وبيدّعوا الفقر؟ آه هما فعلا كهنة وبيستعبطوا لأن حسب الإحصائيات السعودية فإن أكبر عدد معتمرين في العالم كله يأتي من مصر (أكثر من ستمائة ألف معتمر في السنة) أكثر من دول تعدي مسلميها المائة مليون مثل إندونيسيا وماليزيا وباكستان والهند والصين، وهذا الشعب المؤمن المتدين هو اكبر مستهلك للحشيش في العالم وأكبر مستهلك للمخدرات المستوردة في الشرق الأوسط بحجم تجارة مليارات (أقل بقليل من حجم تجارة الدروس الخصوصية). هل المصريين بيستعبطوا؟ هل المصريين كهنة وبيدّعوا الفقر؟ آه هما فعلا كهنة وبيستعبطوا لأن الشباب اللي قاعد على القهاوي في الثلاث الطوابق ودي من المناطق الغارقة في العشوائية والعبث وكل الألفاظ اللي نفسك فيها، الشباب دول ما شاء الله تبارك الله لابسين جزم نايكي وساعات سواتش ونضارات شمس أوكسيدو أصلي مش مضروبة، وأنسى الموبايلات فآخر إحصائيات عدد الخطوط اللي نزلتها الثلاث شركات المشغلة في مصر تعني أن المتوسط لكل مصري فوق عمر ستة عشر سنة هو موبايلين!! ...أمال أيه حكايات الفقر والبؤس والإضرابات وقلة الأدب اللي قرفونا بيها دي؟ بصراحة كده ومن خلال احتكاكي بكل اللي قابلتهم في مصر من أقارب وأصدقاء ومعارف تيقنت وآمنت أن الناس كلها مزبطة حالها على كافة المستويات وبكافة الطرق سواء حلال أو حرام لأن الحلال والحرام أصبح مصطلح مطاطي في مصر كل واحد بيعمل قانون الحلال والحرام على راحته. وأصبح متوسط الدخل في مصر مقارب للدخل في الخليج ، والكلام ده مش اعتباطي والدليل موجود ، فإذا كانت أسعار الاحتياجات الأساسية من مأكل ومشرب وملبس ووقود في مصر أعلى (أؤكد مرة أخرى أعلى) من مستوى أسعارها في الخليج بينما مازال المصريين بيأكلوا ويشربوا ويلبسوا ويشتروا سيارات جديدة بل ويسيحوا في بلاد الله فلا بد وان الدخل في مصر مقارب للدخل في الخليج. أما الفقر فأنا ماشفتش فقراء وإذا كان فيه فقير في مصر فده بسبب غباؤه ليس إلا بدليل إني لما كنت بادور على مكان لركن عربيتي الحقيرة الآفيو في شارع القصر العيني عشان أقضي مصلحة شاور لي شاويش طيب وقاللي تعالى هنا وركنت صف تالت في شارع جانبي قريب من مجلس الشعب.المهم إني قضيت مصلحتي ورجعت لقيت فيه ورقة على زجاج العربية بما يفيد المخالفة مسكتها وبصيت للشاويش وقلتله بقى كده يا حضرة الصول؟! قاللي يا بيه أنا اللي حاططها وانت نازل،انت ماختش بالك ولا ايه؟ طب بص يابيه في الورقة هاتلاقيها مكتوبة بخط اليد مافيش فيها حاجة مطبوعة عشان بس لو عدى الونش ولا حاجة تبقى محمية بالمخالفة، انفجرت في نوبة ضحك هيستيري وقررت أعطيه عشرة جنيه مش عشان كان بيحمي عربيتي لأ عشان ذكاؤه في تزبيط حاله. إذا كان صاحب العربية الحقيرة اللي هو أنا بيديه عشرة جنيه أمال اللي راكب سيراتو ولا باسات ولا بي أم ولا مرسيدس هايديله كام؟ ألا يجمع هذا الشاويش بنهاية كل يوم ورقة بمائة جنيه على الأقل يعني ألفين ونص في الشهر غير مرتبه الكحيان يبقى يدفع قسط السيراتو ولا لأ؟ ....يبقى من حقي أصدق جمال وأحمد وعز ولا لأ يا شعب يا كهين ياللي بتستعبط.؟ ---------------------------------- بصراحه مقال رائع . روعته بالنسبالى انى كنت بادخل فى جدال عقيم مع ناس كتير منهم مغتربين وقله غير مغتربين كانو محسسنى ان الغالبيه العظمى من شعب مصر مش لاقيين ياكلوا وشحاتيين وهدومهم مقطعه ولما كنت بقولهم انتوا مابتنزلوش مصر وتشوفوا الناس عايشه ازاى يقولوا دى حالات شاذه انما معظم الناس فقراء وجعانين . أقولهم ياجماعه يعنى العربيات دى كلهااللى انتوا شايفنه اصحابها هم الفئه الشاذه يردوا بالفم المليان ايوه . للآسف احنا المصريين اختزلنا كل المصريين اللى مش مغتربين انهم فقراء وجعانين بس . مش عارف ليه برغم انناعندنا كل الطبقات زى اى بلد فى العالم . فى فقراء آه بس فيه طبقه متوسطه وفى طبقه غنيه . معلش انا عندى رأى صادم شويه . اوقات كتير بحس اننا بنهول من الفقر والجوع فى البلد وخاصه من - بعض وليس كل - المغتربين عشان كل واحد يحس انه أحسن من غيره وانه فى نعمه عن غيره وبالتالى يبقى مستريح نفسيا ان فيه ناس بتعانى وهوا عايش احسن منه وبيبقى عنده قناعه انه حاله ميه ميه ودا مبرر قوى للأستمرار فى الغربه . مع ان الموضوع مش محتاج اللفه دى كلها . انت لو مبسوط فى حياتك ومقتنع بيها مش محتاج تبرر لحد ومش محتاج تقلل من شعب كامل وتنعته بالفقر والجوع عشان تحس انك كويس وان اختيار الغربه بالنسبالك هو الحل الأمثل . المقال جاء على هواى عشان انا كنت متبنى نفس وجهة النظر اللى فيه . بس دا مايمنعش ان فى وجهات نظر مختلفه واكيد وجهات نظر تحترم. تحياتى

كل ده بنشوفه فى المدن الكبرى حتى فى الاحياء الشعبية بتلاقى احدث موديلات عربيات لكن مصر مش هى بس القاهرة والجيزة واسكندرية ولاعواصم المحافظات لان النخبة بتسكن المناطق دى لكن لو نزلتم مش حنقول الارياف ولا قرى الصعيد اللى فيها ملايين تحت خط الفقر انزلوا المناطق العشوائية والحوارى الفقيرة عندكم فى المحافظات دى حتشوفوا الناس اللى بتسألوا عليها وطبعا الصورة دى غير الصورة اللى بيشوفها السياح والاجانب وغير اللى الحكومة بتديها للبنك الدولى عن حالتنا الاقتصادية انه كله تمام ومافيش تضخم ولافقر ولابطالة عارفين احنا عاملين زى ايه زى بيت ايل للسقوط ومخوخ من جوة ومن برة احسن ديكور ومطلى احسن دهان وممكن لو حد زارك تغطى الاثاث البالى اللى عندك بحتة قطيفة مزوقة اصحابه بيستلفوا عشان يجيبوا احسن لبس واحسن عربيات فى حين ولادهم جوة البيت مخبينهم عشان هدومهم المقطعة واشكالهم الرثة

اشعر بالحاجة الي فتح هذا الموضوع فقط لكي أخلق لنفسي نقطة هادئة ارتكن اليها في هذا البحر المتلاطم حولي ...بحر من مباديء و أفكار جديدة تتسلل و تحل رويدآ رويدآ محل افكار و مباديء اخري نشأت و تعودت عليها... و أخيرآ .. ما يدور فوق صفحات مكان أخترته كمأوي شخصي .. أركن اليه عندما أكون في حاجة ان اكون مع أهلي و أصدقائي ... أو بكلمات أخري محاورات المصريين ... هي خواطر عديدة بدون تسلسل ...مواضيع عديدة يربطها خيط واحد .. الدين .. مجرد تفكير بصوت مسموع .. اتمني من الذي سيناقشها معي ألا ينزلق الي اسلوب تجريح أو شخصنة أو حتي حساسية من طارح الموضوع كونه مسيحي .. خواطر حول ما يدور حولنا ...أحداث غير مرتبطة و لكنها تدور في فلك واحد بغض النظر عن آثارها أو طريقة معالجتها ... فلسطين ... العراق ... بلدنا ... الأختطافات و القتل .. جهاد ام ارهاب ... مقاومة ام جريمة منظمة ... دينية او علمانية ... ديموقراطية او سلفية ... اعتدال او راديكالية ... و نحن شخصيآ عائلة المحاورات ما هو دورنا .. ما هي النقطة التي يجب أن نلتف حولها لنخلق من هذا الألتقاء شيء ايجابي .. كيف نقوم بدور المثقف و ليس "الندابة" التي لا هم لها الا الصراخ و العويل و شق الجيوب في كل مناسبة.. ثم نسيان الأمرو التحول الي غيره .. اليس أولي بنا أن نحاول البحث عن الأسباب الحقيقية التي افضت الي هذا الواقع الحزين الذي نعيشه الآن .. و كيفية ايجاد حلول مبدئية.. بسيطة... قابلة للتنفيذ .. بدلآ من تصفية حسابات ...و مهاجمة الأشخاص .. حوارنا الآن يعيش أزمة حقيقية .. فهو اما غائب تمامآ أو هو حاضر بغير تقاليد تضبط مساره .. في ظل هذا لنضع .. اوبصيغة أفضل ... اتمني أن نأخذ في اعتبارنا بعض النقاط : أولآ .. الحوار و التعايش كركائز ... لا بديل لنا عن الحوار العاقل كمنهج .. ففي وضعنا هذا ليس لنا خيار آخر .. و لا بديل عن البحث عن أفضل وسيلة للتعايش بيننا و جعلها غاية ..بل يجب أن ندافع جميعآ عن تلك الركائز بكل قوتنا فهي التي تشكل أساس الأستقرار الذي نبحث عنه ... و انا كمسيحي لا أمانع أطلاقآ أن نستلهم منابعها من مباديء الأسلام الأصلية... ثانيآ .... إحترام الأديان و المقدسات كافة هو مسئولية الجميع .. و لذلك أناشد كل الذين يتصدون للحوار في القضايا الفكرية أن يعبروا عن التزام كامل و اصيل بمقتضيات ذلك الأحترام و آدابه .. ثالثآ ... ليس فقط ان نتحلي بمقتضيات الأدب و الأحترام في حوارنا بل يجب أن نراعي أيضآ شعور الآخرين ..حيث ان التجاوز من جانب يفتح الباب تلقائيآ و بقوة رد الفعل لتجاوز مماثل .. مما ينزل من مستوي الحوار و لا يحقق مصلحة من أي نوع ... رابعآ .. ( و هي نقطة ستثير خلاف بلا شك ) إن المرجع و الميزان الذي ينبغي أن نرجع اليه في نهاية المطاف يجب أن يكون الدستور و القانون .. فالأزمات لا تكمن في نقص القوانين او الشرائع بل في تراجع قيمة احترام هذه القوانين.. خامسآ ... آن الأوان بالفعل أن ننهي تلك الخلافات بيننا .. بين كل تلك الفصائل سواء دينية أو فكرية أو مناهج إصلاح .. فضلآ عن انه لا ينبغي لكل حوار أن يؤدي في النهاية الي تمزيق الأواصر و تضييع هدفنا المشترك.. آن الأوان أيضآ أن تخرج الدببة من بياتها الشتوي و ترجع مرة اخري للقيام بدورها... فلنرد للحوار اعتباره ....

presidentاحييك على الموضوع جداااا انا كان نفسى من زمان افتح الموضوع ده ..الكلام ده حقيقى جداا..احنا بقالنا فى السعوديه 4 سنين اتغير فيهم حاجات كتير ..جدا جدا كل ما انزل اجازه الاقى اصحابى بيقضوا اجازاتهم فى شرم الشيخ او الغردقه وطابا او على الاقل الساحل اقعد اسأل نفسى ازاى و احسبها يمين و شمال واقول مش دى (اسم صاحبتى)بتشتغل كذا و جوزها بيشتغل كذا اومال جابوا الفلوس دى منين واقعدت انخور واسأل هنا هنا لغايه ماعرفت ان فعلا المرتبات عليت اوى ده انا بقعد احسبه لما انزل اقضى يومين فين وانقى الارخص لان الواحد متغرب و طالع عينه علشان يوفر عيشه كريمه لولاده ودول مترفهييييين اوى طيب ازاى؟؟؟؟...انتوا عارفين انا قبل ما اسافر كان راتبى 700 جنيه!!!!فعلا والله فوجئت دلوقت ان المهندس اول لما بيتخرج بياخد 2000 و ساعات 3000 واتصدمت لما عرفت ان جوز صحبتى مثلا مهندس معمارى برضه بياخد راتب 0الاف جنيه مع ان سنه 34 سنه فقط بس بينزل احيانا مواقع ...طيب تيجى ازاى و غيره محاسب راتبه 6الاف ...ايه الارقام دى يا راجل من امتى ...بس دى فعلا حقيقه طيب اخويا السنه الفاتت قبل ما يبقى ضابط متخصص قدم على وظيفه مدرس لغه فرنسيه فى مدرسه خاصه و كان مرتبه 1500 و بعد 3 شهور هيزيد طيب ازاى برضه ده لسه متخرج فى نفس السنه من امتى رواتب المدرسين متحسنه كده...فعلا ...وكمان واحد اعرفه عنده bmw س ده غنى ابا عن جد من زمان يعنى حاله موجوده من زمان كان بيزورنا فى البيت و قال اروح التوكيل الجنبكم اظبت حاجه فى العربيه و ارجع على طول ..خد فى المشوار ده 3ساعات ولما رجع بنقوله اتأخرت ليه قالنا كل ده واقف فى الطابور مستنى دورى العربيات الBMW كترت جدا فى البلد اصلها بقت بالقسط.. ظيب حتى لو قسط ماهو غالى بالافات فى الشهر طيب الناس راتبها كام؟؟؟؟ولا واحد قريبنا جوزى بيقولو ممكن اجيبك السعوديه بس علشان انت لسه متخرج هتيجى على 2500محاسب ..قالو ياعم ده بطلع ضعفهم من بيع كروت الموبايلات بس مع العلم انه معندوش محل ده واقف فى الشارع حضراتكم !!!!!!!!كل ده شوفناه من قرايبنا واصحابنا لما نزلنا اجازه و الواحد كاتم فى قلبه لدرجه انى بقول لجوزى ماتيجى ننزل لو جوز صحبتى جابلك شغل ب10الاف زيوه كده تبقا على رأى طلعت زكريا فى التجربه الدنيماركيه"خلاص جبرت قوضيت النهارده" الواحد فعلا كان بيقعد يتفرج على عمرو الليثى ويعيط يعيط ويصعب عليه الناس و يشيل همهم طيب مافى حيتان فى البلد اهو واكلينها والعه ما يشيله الهم معانا وسعلى بقه مكان جنبك يا president علشان هنضم انا كمان لصفوف المتفرجين واخلى بالى من عيالى بس أأمن لهم مستقبلهم الاول و بعدين نشوف

اسمح لي ان اخالفك يا اخي فيما كتبت فالوضع ليس كما ذكرت (بشكل عام)....فكما تعلم ان هناك مستويات في تعلم اللغات الاجنبية .....مستوى محادثات يومية او المحادثة عموما و مستوى النطق بعده او اقترابه من اهل اللغة وهناك المستويات الاكاديمية من قواعد واساليب كتابة و قراءة واجتياز توفل وايتلس مما يؤهل للدراسات العالية...................ان كنت تقصد في المستوى الاكاديمي و خلافه فحتى على مستوى الناطقين بالانقليزية كلغة ام فانهم يحتاجون لمهارات لا تتوفر للغالبية لاتقان اللغة...مثل العربية فجلنا متحدثو العربية لا تتوفر لغالبيتنا الموهبة في الكتابة للرسائل او التقارير او المذكرات القانونية او العلمية حتى لخريجي الجامعات....... اما على مستوى الكلام والحديث........فالحقيقة ان اهل الخليج (ومؤخرا السعودية) لا يقلون عن باقي اقرانهم العرب في معرفة الانقليزية.....خاصة الجيل الجديد فاهل الخليج كالكويت والبحرين وامارات ساحل عمان كان علاقاتهم وثيقة جدا ببريطانيا والهند حتى على المستوى التجاري وهذا معروف لمن قرأ تاريخ الخليج بل ان نسبة الكلمات الانقليزية الاصل في المحكيات الخليجية يكاد يكون طاغيا.....وحديثا اهل الخليج من اكثر العرب سياحة لبريطانيا -لندن على الخصوص واميركا وكذلك الدراسة او العلاج والجيل المولود في التسعينات الميلادية يكاد ينطق الانقليزية كاهلها (لهجات اميركا) وفي السعودية في الساحل الشرقي على الخليج النسبة مهولة ممن ((يتقن)) الانقليزية و في المنطقة الغربية خصوصا (جده) يندر الا تجد شابا بعد 15 لا يتقن الانقليزية (انقليزية التلفزيون) ونسبة الذين يسافرون الى بريطانيا واميركا جدا كبيرة....اما ابناء القرى والبوادي فمن الطبيعي الا يحفلوا باي لغة اجنبية ======= طبعا ما ذكرته لا يشكل عامل فخر واعتزاز -دوما-بل هو للاسف -في بعض الاحيان-اتباع للقيم الغربية (في غير حاجة) وليس مطلوبا من شعب كامل ان يتقن لغة اجنبية لشعب اخر..........فليس كل اهل اليابان والصين وكوريا يعرفون الانقليزية ومع ذلك نقلوا العلوم والتكنلوجيا وفاقوا الغرب بعكسنا الذين لم نزد ان نكون عالة ومستهلكين فقط الاخ مسافر اسمح لى ان اشكرك فى الاول على ثقافتك الواسعه الواضحه من مشاركاتك وحسن حوارك واسمح لى ايضا ان اتفق معك فى اشياء واتفق فى اخراها بالدلائل استمعت الى محاضره لدكتور فى علم المساحه سعودى فى جامعه ام القرى وادهشنى ما سمعته من ثقافه وعلم زاخر و لباقه ونطق للانجليزيه رائع وعندما سألت زوجى الذى يعرفه شخصيا قال لى "يا بنتى ده زميل خريج هندسه حلوان"بمعنى انه تلقى تعليمه الاساسى و الجامعى فى القاهره وده ليس بأشاره منى على تعيم مصر لا لكنه اشاره ان السعوديين عندما يتلقوا تعليمهم خارج المملكه يتفوقوا و بيصبحوا مثل اقرانهم وليس اقل ...ده غير دكاتره تانيين جامعه سعوديين استمعت لهم وكل ما انبهر بأحدهم اجده تلقى تعليمه خارج المملكه وهذه هى نقطه الاتفاق معك ان السعودى عندما يتلقى تعليمه جيدا يصبح بنفس مستوى اقرانه من الدول الاخرى ولكن نقطه الاختلاف الشديده معك هو مستوى التعليم فى السعوديه ....فهو مع الاعتذار الشديد لك سىء جداااا فهو لا يصلح لبناء مجتمع و وشباب و شعب قوى قادر على صد اى عدوان بعلمه او قادر على الدخول حتى فى مسابقات بين الدول فى مبادىء العلوم حتى...وده لمسته جدا لانى حاليا احاول دراسته مناهجهم لانى افكر فى اعطاء دروس او عمل كمدرسه...يا سيدى الفاضل القى نظره على كتاب الفيزياء للثانويه العامه السعودى "دى مش فيزياء"دى بالكتير علوم منهج رابعه ابتدائى فى مصر ..شىء مؤسف ....اما عن اللغه الانجليزيه فحدث و لا حرج فسأقص عليك حكايه كتبتها سابقا هنا فى المحاورات...جارتى سعوديه فى سنه تانيه كليه فيزياء جامعه الملك سعود السنه الفاتت قولتلها"هاتى كتاب الفيزياء اشوف المنهج ...دى بعبع الثانويه العامه عندنا"وياريتنى ما قولتلها ردت عليا وقالتلى "ما عندنا فيزياء"قولتلها طيب رياضيات قاللتلى "ماعندنا رياضيات قولتيلها"بتدرسوا ايه؟ قالتلى السنه دى انجليزى فقط ومن السنه الجايه فيزياء ..لك ان تتخيل انها فى كليه نظيرتها عندنا هى كليه العلوم قسم فيزياء .التى اخرجت احمد زويل وسميره موسى . فهل ده مستوى قادر على اخراج علماء؟؟؟؟؟.ولما شوفت كتاب الانجليزى اقسم لك انه كتاب الصف الثانى الابتدائى لمدارس اللغات عندنا...مش بس كده البنت دى من وادى الدواسر وجايه الرياض للجامعه ...دخلت معاها مره محلات panda .وقفت شويه تقرأ وقالت "هايبر بندر"!!!!!! مسكت احد مستحضرات التجميل وقالتلى ده لونه ايش قولتلها مكتوب عليه "brown" قالتلى ازرق يعنى" يا سيدى الفاضل التعليم فى السعوديه محتاج لكتيييير لسه للنهوض بيه المناهج شديده الضعف لا ترتقى بعقول الطلاب و لكن تأخدهم الى اسفل تكتم فيهم حب التعليم والتعلم طبعا لا اريد منك ان تأخذ كلامى بمحمل سىء ولكنه واقع واعتذر لك بشده اذا كان كلامى قد اغضبك ..واعتقد ان ثقافتك مستمده من الاحتكاك بمجتمعات اخرى او الدراسه خارجا او اجتهاد شخصى لانك تريد ذلك ولا يرجع الفضل للتعليم السعودى اطلاقا السلام موصول للاخت المهندسة ولكل الاعضاء والعضوات الاعزاء في هذا المنتدى........... صدقوني لا اشعر مطلقا بالغضب ولا الزعل باي درجة.........كل ما اردته هو توضيح الصورة قدر الامكان لانه من المفيد ان يعرف الاخرون عنا الصورة الاقرب للواقع حتى لا يحدث سوء تفاهم((فربما يأتي شخص مصري او عربي الى بلادنا ولديه صورة ذهنية باننا شديدو التخلف والجهل-او حتى الغباء-و يتعامل معناعلى هذا الاساس و يفاجيء بردة فعل عكسية (قد تكون سلبية) بسبب عدم وزن الامور....وربما هذه من ضمن اسباب بعض المشكلات كمشكلات الكفيل وخلافه......واحيانا قد يدعي البعض الجهل والتخلف لنصب المصايد لمن يظن انه الاذكى .......فاردت ان ابين ان الوضع ليس كما يظن البعض.....نعم نسبة كبيرة من الشعب لا زالوا في حالة البداوة (وهم يفتخرون بذلك ومصرون على ذلك) لكن لا يعني ذلك انهم جهلاء ......... نأتي لنقطة التعليم (المدرسي والجامعي) لا شك ان التعليم لدينا متأخر مقارنة بمصر وبلاد الشام والمغرب .....ولذلك تقوم الحكومة بخطى متسارعة لتطوير التعليم وارسال البعثات التعليمية في شتى دول العالم المتقدم و يتوقع ان نجني ثمار ذلك قريبا...ومع ذلك لدينا بعض الجامعات والكليات على مستوى راق جدا ....لا يقل كثيرا عن افضل كليات العالم ففي جامعة البترول مثلا المناهج اميركية 100% والمهندسين المتخرجين يعملون في الشركات الاجنبية.....و هناك كلية الاتصالات (جل مهندسيها مصريين وغالب الكنديين والاميركان من اصول مصرية والان نسبة المهندسين والمدربين السعوديين عالية)...... لكن لا ننسى ان هناك -اسبابا موضوعية تبرر من وجهة نظري تاخر التعليم (النظري والعلمي الحديثين) ومنها 1. نشأة البلاد الحديث والتحديات الاقتصادية والتغيرات الاجتماعية كانت متزامنة بشكل كبير مما ادى لحرق المراحل ولو انتظرنا حتى تنضج عملية تأسيس قوي لفاتنا القطار....ففي مصر على سبيل المثال وجود المؤسسات التعليمية الاوربية منذ وقت مبكر جدا اعطي الوقت الكافي لنضوج القاعدة العلمية على مهل. 2.نسبة كبيرة من المجتمع كان رعويا و فلاحيا وفي الحواضر تجاريا فلم يكن التعليم الحديث ذو فائدة (حسب نظر الناس وقتها) فلم يرغب غالبية الناس في التعليم الحديث. 3.العلم الديني كان المسيطر ومفضل على علوم الدنيا (وهذا الفكرة كانت موجودة ايضا في مصر وبلاد الشام بدرجات مختلفه) كل تلكم العقبات ما كانت لتجعل التعليم بنفس الزخم في دول الجوار ....فليس من المنطق ان يدرس الطالب السعودي الكيمياء والفيزياء واللغات الاجنبية بنفس مستوى الطالب المصري في الاربعينات والخمسينات فاحتياجات المجتمع والاولويات مختلفة ففي مصر كانت توجد جاليات اجنبية و انقليزية وفرنسية ويونانية ووجود مدارس تتبع تلكم الجاليات فكانت هناك بيئة منطقية لممارسة اللغات بشكل لم يتوفر للسعودي فالانقليزية لا تمارس حياتيا(كان ذلك في السابق)فالاجانب هم عمال وموظفون وليسوا جاليات مستوطنه ولا وجود لمدارس داخلية ككلية فكتوريا ولا يوجد تداخل اجتماعي عموما مع التطور الحادث في العالم و تداخل المصالح الاقتصادية والعولمة كما يقولون لاشك ان ذلك سينعكس لا محالة علينا سلبا وايجابا ....واعلامنا كثيرا ما يتحفنا باخبار النوابغ من ابنائنا في الخارج والداخل كذلك (وللمثال وجود طقم طبي متفوق في عمليات فصل التوائم) والقادم اجمل باذن الله والان ......اصبحت هناك سنة (تحضيرية) قبل الدخول في التعليم الجامعي للتقوي في الانقليزية والرياضيات والفيزياء ال...خ

السلام عليكم و رحمة الله و بركاته من فترة بسمع مصطلحات زي..."التنمية البشرية"..."البرمجة اللغوية العصبية"..."التفكير الايجابي" و الحقيقة مخبيش علي حضراتكم كنت فاكرة ان الواحد لما يكتئب مثلا....يبتدي يقرا في الحاجات دي....انا ابتديت ااقرا فيهم من قيمة اسبوع و فعلا حسيت انه مجال رائع جدا و خصوصا انه بيساعد كل فرد انه يعيد قراءة نفسه و اكتشاف ما اسميه كؤوس الكريستال لديه...و بالتالي بيكون في موقف افضل في تفسير المواقف سواء الصغيرة او المصيرية ابتديت بسلسلة اسمها EFT Emotional Freedom Technique Robert Smith و دي معدية حوالي ال 177 حلقة اخترت التالية بعنوان: Voices in Your Mind- FASTER EFT NLP Transformations الاصوات السلبية التي تحملها في رأسك....كيف تغيرها...كيف لا تدعها تقضي علي طاقتك؟؟ http://www.youtube.com/watch?v=OQCKITgITFQ&feature=channel فيه تدريب ان شاء الله هآخده في دبي في شهر 9 ان شاء الله....اسمه Be the Change و هحاول أنزل بعض المواد منه انا لسه بكتشف الموضوع....و عشان كده المساحة هنا لينا كلنا نتعلم و نكتشف تحياتي

سؤال غريب فعلا .. يعنى ايه اللى بيخلينا نقول على واحد انه محترم وواحد ثانى انه مش محترم ؟ يعنى مثلا انا كان ليا واحد صاحبى من ثانوى فرقتنا الايام والليالى وكل واحد فينا شالته بلاد الله و اخونا لف على اوروبا بالطول والعرض و ربنا كرمة وخد الجنسية الألمانية و بعدين التقينا .. بالصدفة جه يشتغل فى السعودية .. و فى نفس الشركة معايا و بعد السلام و الأحضان واخبارك و أعمالك كان بيسألنى عن أجراءات الشغل و الاقامة والذى منه و أول ما سمع أن الكفيل بيشيل عنده الباسبور .. لقيته اتنطر من مكانه يشيلو مين .. عند فين ؟!! ثوانى اتصل بانجليكا .. من أنجيليكا دى ياد.. دى مسئولة من السفارة الالمانية .. قبل ما انزل أعطونى رقمها وقالولى ان حصلك أى حاجة اتصل بيها الرقم بتاع موبالها شغال فى أى وقت .. معرفتش تتصل ابعت مسج بمكانك ورقم باسبرك الألمانى قلت والله برافو يا المانيا .. كدة الدول اللى بتحافظ على مواطنيها بصحيح بس ريح نفسك يا حلو .. باسبورك حيتحجز يعنى حيتحجز قاللى والله فى سماه ما تحصل .. انت مش محترمنى ولا إيه ؟؟ صراحة اتفاجئت برد فعلة ايه علاقة الاحترام بالموضوع ؟؟ بس ياعم هو اتصل بانجيلكا دى و فتح السبيكر عشان نسمع بصراحة فى راجل رد بدال انجيليكا .. قلت يالله يا عم .. أدى انجيلكا بتاعتك مش بترد بس .. بعد شوية كلام المانى مافهمتش منه شىء لقيت وش صاحبنا اتغير وحتى هو حسيت انه بيدى عنوان الشركة للى بيكلمة و قفل الخط -ايه يا أبو هيمة حصل ايه - قالولى خليك زى مانته .. احنا حنعتلك واحد من طرفنا - يانهار .. ليه بس .. - ... شوية ولقينا واحد جاى من السفارة الالمانى .. بيسأل عن مدير الشركة ومدير ال اتش ار (كان موظف عربى) و لقيناة مطلع جواب و اداهلهم مع شوية كلام كثييير الراجل بتاع الاتش ار اترعب حقيقة .. و شخط فى الموظف يجيب الباسبو بتاع صاحبى و يرجعة له و انا مذهول .... بعد كام يوم رحت على القنصلية المصرية فى جدة و كلمت القنصل ووريته صورة الجواب .. وقلتلة ..فى كدة ؟؟ قاللى لا .. احنا حاجة تانية .. اللى مش عاجبة نظام الكفيل يسيب البلد . - أيوة بس فى الجرايد بيقولوا ما فيش حاجة اسمها كفيل .. فى صاحب عمل وقانون عمل - لا يا حبيبى .. انت يعنى مش عارف ؟؟ - طيب انتوا ما بتقولوش حاجة ليه .. ماهو صاحبى خد باسبورة والا يعنى عشانه ألمانى - يابنى دول محترمين!

هو ميعاد مناسب جدا بس المشكله في انا الخميس والجمعه دول ملك الحكومه مش ملكي md2:

ضحكتنى يا دنجل والله ..... الصوره والكلام ماشى مع بعضه خاااااالص وبعدين التوقيع بيكمل المشهد ..يديك احساس ان المسدس فى دماغك وانت بتهتف ...مصر هاتفضل غاليه عليا وبعدين صحيح ماتقلبوا الدفه على الامارات بقى شويه ... ولا انتو خايفين من دنجل ولماضه؟؟؟؟؟؟؟؟؟؟ md2: mfb: ههههههههههههههههه فكرتنى بأخونا اللبنانيين لما نيجى نتكلم عن سعر الدينار بالعمله المصريه او اللبنانيه ...تلاقى الموضوع بقى بالملاييين

http://www.immigration-quebec.gouv.qc.ca/en/immigrate-settle/permanent-workers/official-immigration-application/requirements-programs/glossary.html#financial http://www.cic.gc.ca/english/immigrate/skilled/funds.asp حضرتك ممكن تستفيد كتير من الموقعين اللى فوق بخصوص المبلغ المطلوب أنا مش مع الرأى ده...ورأيى انك تخلص أوراقك كلها وتقدم مباشرة فى أسرع وقت...الله أعلم ال 20000 طلب هيتقفلو امتى....الحاله الوحيدة اللى متقدمش فيها هيه انهم يعلنو على الموقع الرسمى انهم كملو العدد ومش هيقبلو طلبات تانى...ده طبعا بالنسبة لنظام الفيدرال الحالى...المفروض السنة الجديدة بالنسبة ليهم هتبتدى يوليو السنة الجاية...لكن مش معروف اية اللى هيتم فيها وهل الوظائف هتفضل كده ولا هتتغير بخصوص الايلتس...ممكن حد من الزملاء الأفاضل يديك فكرة عنه أكتر فى الموضوع الخاص بيه...لأنى ذاكرتله 3 أيام بس...ودى تجربة مش ممكن يتقاس عليها أى حاجة خالص مالص....وبخصوص الوقت الأفضل ده يتوقف عليك بالتوفيق ان شاء الله

على فكره الهدف من الموضوع مش اننا نقول ان مافيش حد فى مصر فقير والناس كلها بتركب عربيات وبتاكل سيمون فيميه . ابدا الموضوع مش كده خالص . اكيد احنا مصريين وبنشوف الحالات دى بس المبالغه الشديده فى وصف الأوضاع وسوء الحال والفقر الشديد برغم مظاهر النعمه مش هنقول الثراء اللى موجوده هى اللى بتخلى واحد بيتساءل عن التضاد الفظيع ده . واحد صاحبى بيحيكلى مره هو ساكن فى القاهره فنزل مره الأرياف اللى بتتكلمى عليها عشان بيت العيله وكده . كل مايقعد مع حد بيسمع حكايات تشيب الراس والناس اللى عايشه ب 50 جنيه فى الشهر وكده . المهم كان فى محل حوواشى عندهم فى البلد وكان صاحبى مشتاق ياكل من عنده قعد اسبوع يروحله وكل مايروح زحمه موت ويتقاله استنى ساعتين المهم قرر يستنى ويشوف الزحمه دى ليه اكتشف ان اللى واقف مش بيطلب مثلا رغيف ولا اتنين لأ دا بيطلب 5 وعشره لأهل بيته وعرف ان سعرالرغيف ب 4 جنيه . الغريبه انه شاف اتنين من اللى كانوا بيحيكلوا على احوال البلد وكل واحد طالب كميه معتبره فبيقولهم مالحال زى الفل وبتتعشوا حوواشى امال فى ايه بس ؟ رد واحد وقاله ايوه الحال زى الزفت ومش لاقيين ناكل ومش لاقيين علاج وبيطلع عين اللى جابونا عشان الجنيه . بس برده الواحد لازم يشوف نفسه وينزه نفسه برده امال هيبقى قرف من كل حته . ياترى فهمتوا حاجه . على فكره واضح ان الموضوع بقى عدوى فعلا . اخويا المفروض انه خريج كلية تربيه يعنى مدرس المهم هوا واخد اجازه من التدريس وعنده مشروع تجارى شغال فيه وبيجيبلوا مكسب حلو ماشاء الله . اشترى عربيه جديده فكنت بهزر معاه وبقولوه ايوه ياعم على العربيات الجديده . لقيت وشه قلب وبيقولى مانت لو تعرف انا عايش ازاى والواحد بيطلع عينه فى المدرسه ازاى والقرف وهم ال 148 اساسى يعيشوا بنى آده دا مابيعيشوش قطه اساسا . قاطعته وقلتله هوا انت مش واخد اجازه من المدرسه يابنى ؟ قالى آه صحيح مدرسه ايه بس معلشى اصل انا اسستستمت على الكلمتين دول . تحياتى

حالة الدهشة بل الفزع التي أصابتني في الفترة الأخيرة من جراء تتابع أحداث و أحاديث .. ردود فعل و ردود فعل مضادة جعلني أهرع الي جزيرتي الصغيرة تلك أشارككم خواطري ... خواطر اي مصري بالدرجة الأولي قبل أي تصنيف آخر.. بعد أن تجاوز المغرضون بأمن هذا الوطن المدي.. فالصورة التي يتم عرض تلك الحالات فيها يتم رسمها بعناية و تضخيمها لتصبح في النهاية توترات طائفية .. و لقد نجحوا في ذلك للدرجة التي جعلت العديد من الكتاب والإعلاميين يقعون في هذا الفخ أثناء مناقشتهم لتلك المشكلات... و نجد هذا بصورة أوضح في حواراتنا هنا نفسه ... و المواضيع يتم فتحها بصورة دورية تنقل اي مقالة تهاجم هذا او ذاك ... أبدأ خواطري بالأنبا بيشوي .. فهو الشخصية التي سرقت الأضواء مؤخرآ بل انها نجحت في تحويل الهجوم المستمر علي البابا شنودة من قبل البعض ليجدوا فيه ( الأنبا بيشوي ) ضالتهم الجديدة .. و لكن بينما في حالة البابا شنودة كنت أجده دائمآ هجوم مغرض بلا اساس و يعبر عن حالة من التشدد الديني السلبي و الذي يفرز فقط كراهية للآخر ... أجدني امام حالة الأنبا بيشوي اجد الأعذار لمن يهاجموه ... فشخصيآ و منذ فترة غير قصيرة تولد لديانطباع سلبي تزايد مع مرور الوقت.. كثيرآ من التحفظات أعتقد ايضآ بكل ثقة ان كثير من المسيحيين شاركوني اياها علي تصريحاته الجدلية والمثيرة للجدل الطائفي البغيض ... والتي لم يكن للمسلمين جانبآ فيها في باديء الأمر و لكن المسيحيين من طوائف أخري ..نجح من خلالها في أن يصيب العلاقات المسيحية- المسيحية بتوتر متصاعد.. أدي في نهاية الأمر إلي مقاطعة شبه معلنة بين الكنيسة الأرثوذكسية من جهة... والكنيستين الكاثوليكية والإنجيلية من جهة أخري... و لكن أتت الطامة الكبري عندما لم يعد يزن كلماته .. و صدرت منه هفوة في حديث طويل جملة لطالما نكأت جروحآ .. فهي جملة تندرج عن اتهام لطالما عانينا نحن أنفسنا من أمثاله علي الصعيد الآخر ... جملة الضيوف و اصحاب البيت .. و نحن جميعآ في غني عن شرح عوارها ... لأننا نعلم تمامآ أصلنا و كيف اننا جميعآ أصحاب هذا البلد .. أختار فرعآ منا طريقآ للتعبير عن ايمانهم بالله و أختار آخرين طريقآ آخر .. و لكن نبقي جميعآ مصريين حتي النخاع ... و لكن الرجل لم يزن كلماته مثلما ذكرت و ردد ما يردده الجانب المتشدد منا .. و هو تصريح لا يختلف عما يشتكي هو منه من التصريحات المسيئة للعلاقات المسيحية الإسلامية في مصر... بغض النظر عن محاولات التبرير والتعويم الذي قام بها الأنبا بيسنتي في حواره مع جريدة الدستور.. لإصلاح ما لا يمكن إصلاحه... خطأ ... خطأ ..كان حله البسيط الأعتذار الفوري .. و لكن لأن صيادين المياه العكرة يجدون في أحداث مماثلة مصدر لا ينضب لبث سمومهم .. انتهزت الجزيرة هذا التصريح و أستضافت دكتور محمد سليم العوا للرد عليه ... في حديثه الي الجزيرة لم يكتفي د. العوا عند مهاجمة تصريحات الأنبا بيشوي(وهو في ذلك له كل الحق ) ... ولكنه تجاوز هذا الحق و ردد أوهام الأصوات المتطرفة في الحديث عن وجود أسلحة في الأديرة والكنائس... و شارك هو أيضآ بكل ثقة في مولد «البمب» و"صواريخ العيد" من الصين حسبما استقرت النيابة.. و تحويلها تهريب للأسلحة..وهو ما لا يقبله منطق أو عقل.. وكأنه لا يوجد دولة أو نظام أو أمن. لا أوافق علي تبرير ما قاله كل من الأنبا بيشوي من خلال وكلائه ... أو د.محمد سليم العوا «العضو المؤسس للفريق العربي للحوار المسيحي الإسلامي».. هذا الكيان الذي تحول إلي صالون للديكور الاجتماعي والثقافي علي غرار لقاءات الكهنة والشيوخ لالتقاط الصور التذكارية ... ولن أقبل تبريرات البعض الساذجة بأن تصريحاتهم قد فهمت بشكل خطأ إن الأنبا بيشوي «سكرتير المجمع المقدس» والمحسوب علي الكنيسة بتصريحاته ... ود.محمد سليم العوا «المفكر الإسلامي» والمحسوب علي المؤسسة الإسلامية بتعليقاته قد تحولا معًا إلي شركاء في حرق هذا الوطن.. وتحولا إلي فتيلة الأشعال لانطلاق فوضوية الشارع الطائفية في التعبير عن نفسها في علاقاتها اليومية ... وهو ما لا يمكن توقع نتائجه.. فلم يحاول أي منهما أن يعبر عن وجهة نظره في إطار مفهوم المواطنة والدولة المدنية التي نروج لها شكلاً.. ونضربها في مضمونها بجميع الأشكال يوميًا. للحديث بقية ... طويلة

بغض النظر عن لهجة الحسرة المختلطة بالقهر والغل سواء من كاتب المقال أو بعض التعليقات الا أنه من الواضح أن هذا التقييم كان سطحيا ولم يرى سوى ما أراد أن يراه ، وتعالوا نحسبها 85 مليون مصرى × 15 % =12.75 مليون وهم من يمتلكون المال الحقيقى ويستحوذن على 85% من الدخل ولديهم مساكن وشقق وممتلكات عقارية فى أغلى مناطق فى مصر هذا عدا فيلات وشاليهات للتصييف والاستجمام والاستحمام فى محتلف مصايف ومشاتى مصر ، ويتلقى أولادهم التعليم المميز فى مدارس وجامعات خاصة وبخلاف الثروات فى البنوك أو فى المعاملات فى سوق الاوراق المصرفية طيب لما يكونوا حوالى 13 مليون مكوشين على اغلب ثروة البلد ومنهم حوالى 8 مليون يسكنون بالعاصمة المركزية فى القاهرة والباقى موزع على بقية الاقاليم ، طبعا للانطباع الاول سيعطى مؤشرا بأن البلد ميت فل وعشرة وليس فى الامكان أحسن مما كان ، دول 8 مليون بنى آدم يعنى أكبر من تعداد بعض الدول الخليجية والاوربية ، ولن ندخل فى تفاصيل تقسيم ال 15 % لانهم ليسوا شريحة أو طبقة واحدة فهناك أقل من نصف فى المائة هم الاثرياء الحقيقيون يمتلكون من 50 - 150 مليون جنيه وهم الطبقة المتوسطة العليا ويعلوهم شرائح أكبر من 150-800 مليون جنية وتتبقى حوالى عشرين أسرة تخطت المليار جنيه ، وعن بقية ال15 % فتتراوح ثرواتهم بين المليون وال 50 مليون وهم الطبقة المتوسطة الدنيا وبالطبع لن من هؤلاء سوى المظهر الخارجى فقط ، السيارات الحديثة والتعليم المميز وفيلات المصايف والمولات والسنتر والشوبنج ، وهذا هو نمط الانفاق الغالب والشائع لاننا لانملك حتى الآن آلية الاستثمار الصغير المأمون والمضمون من قبل الدولة فى مشاريع أنتاجية حقيقية وتضمن دخلا محترما للأسر يفى بأحتياجاتها اليومية ، يعنى بالبلدى دى قشرة المجتمع الحارجية وهذا ما أحب صاحب المقال أن يراه لأنه لو أراد لرؤية الواقع الحقيقى لذهب للمناطق التى يسكن فيها الشعب الحقيقى فى بولاق الدكرور وامبابة والوراق وزينهم ودار السلام والمعصرة والسيدة والازهر وعين شمس والقطامية ....ألخ لرأى العمال فى التبين وحلوان وشبرا الخيمة ولرأاى الفلاحين فى بشتيل وبهتيم وكرداسة ومخر الخيل والمنيب وساقية مكى ،ولرأى الموظفون الغلابة وهم يتشعبطون فى الاتوبيسات ويتكدسون فى نفق المترو ويهرولون وراء الميكروباسات غير عابئين بالاخطار الوارة حنقول أيه ولاأيه طيب كان يمشى رجليه للقرى وحتى البنادر فى دلتا مصر لكان رأى ما لم يرد أن يره .

والله ما هي فنجرة بوء ولا خيالات وأوهام ... أنا شخصياً ممكن أطور منظومة التعليم دي كلها في يوم واحد ..... أقل حاجه أعملها إني أستفيد من تجارب الأخرين وأخرهم ماليزيا أقل حاجه أعملها إني أسند الأمر لأهله والخبراء فيه أقل حاجه أعملها إني أسيبني من وهم مجانية التعليم والمصاريف الوهمية أم 30 ج في حين إن نفس الناس دي بينفقوا الاف مؤلفه سنوياُ على نفس الطالب اللي بيندفع له 30 ج .... ومش هانقول نخيلها ألاف ... لأ .. على الأقل 500 ج مثلاً ولو بالتقسيط مع إعفاء الحالات التي تستحق الدعم ... ونطور الكتب العبيط بتاعت الطعمية .... وندفع مرتبات زي مخاليق الله للمدرسين ... ونعوضهم أيضاً على شكل مجموعات تقوية إختيارية في المدارس للطلبة الراغبين في ذلك ونزود دخلهم بشكل معقول .. ونُجرم الدروس الخصوصية والمراكز العشوائية .. ونشيل الحشو اللي في الكتب ونركز على المواد المفيدة والمؤهلة لسوق العمل ونوسع الإعتماد على النت والقنوات التليفزيونية التعليمية اللي مجهولة وماحدش يعرفها وكأنها سرية

اولا الف سلامة عليكى يااخت بوسي ثانيا اسباب الام الظهر حاجات كتير جدا من ضمنها 1- بعض الالتهابات فى الضهر يعنى ممكن تكون اربطة او عضلات او اى حاجة زى كده ودى بيتم علاجها بالمراهم والكلام ده وممكن حقنة فولتارين تظبط الالم بسرعة وبردو ممكن شوية برد من المكيف ولا حاجة ودى هاتتظبط بدهان من اللى بيعملو سخونه فى منطقة الضهر وتطلع البرد ولو انتى مقيمة فى مصر فى نوع من انواع اللزقات اسمه النمر وسعرها ممكن 3 جنية بس اعوذ بالله منها مرة كان ضهرى فيه برد وانا فى احدى الاجازات وحطيتها ومش قادر اقولك على الحرارة اللى عملتها (اكيد هاتعرفى بنفسك) md2: 2- الام بيكون سببها بعض مشاكل فى الفقرات نفسها زى اعوجاج فقرة او اكثر وممكن انضغاط فى الفقرات او حركات من دى وممكن ساعات تسبب تنميل فى احدى الارجل او بعض الحركات الغير معتادة فى الرجل ومعظم العلاجات بتكون عن طريق المسكنات فقط وبينصح فى هذه الحالات بتقليل الوزن وممارسة الرياضة وعدم الجلوس لفترات طويلة والنوم بطريقة صحيحة والخ.. 3- الام ناتجة عن وجود شد عضلى فى احد عضلات الضهر او تراخى فى بعض العضلات الاخرى مما يزيد من تحميل الوزن على العمود الفقرى ودى بردوا بينصح فيها بممارسة الرياضة لتقوية العضلات وبعض الادوية لفك الشد فى العضلات والخ.. 4-يوجد بعض الاسباب النفسية كما ذكرت اغابى بس الحقيقة معنديش عنها معلومات كتير غير ان فى بعض الناس لما بيكون اعصابها متوترة او مشدودة وبتفكر وقلقانه يجيلها الام فى الضهر على طول يعنى من الاخر العلاج المشترك فى كل الحالات دى هو تقليل الوزن وممارسة الرياضة دى معلوماتى وارجوا انها تفيدك تحياتى أكرم,,,

يا ريس مش لما بيبقى يتكلم عن جودة الكتاب ولا تخريب مش عارف إيه ؟ الراجل كل كلامه عن السبوبة اللي بتطلع لبتوع الكتب الخارجية وعن حقوق الملكية الفكرة لكتاب المدرسة المعفن اللي بيتلف فيه طعميه وإن الوزارة بتاخد كام قشفور بس وهما بيهبروا ملايين ؟ وأهو بالصدفة .. هو مكون لجنه لقياس جودة التعليم ... نفس ذات اللجنة لسه أول أمبارح رافعه له تقرير عن رداءه الكتاب المدرسي .. وشكلهم نصحوه إنه يبقى ورق تواليت أو يقطعوه ويعملوا به زينة رمضان وأهو نوفر والله الملايين بتاعت الطباعة عيب ... دي هيافه يا نايتمير .... هيافة ومحاربة لطواحين الهواء وأختلاق مشاكل فوق المشاكل .... كان أولى به أنه يطور الكتاب المدرسي الأول ويتسفيد من جمال الكتاب الخارجي ويعمل زيه أو ربعه في الكتاب المدرسي وبعدها يشنق اللي يهرب كتاب مدرسي أو يتعاطاه في الحمام تخيل يا نايت إن مؤلف كتاب المُعاصر للرياضيات اللي كان أشهر كتاب رياضة في ثانوي .. وهو الأستاذ حسين جاويش .. كان مدير مدرستنا في ثانوي ؟ يعني العمالقة دول مش جايين من المريخ أهو ؟ لكن لما تُعطي الأمر لغير أهله ... يبقى أشرب يا معلم بتاع إيه يجيب أساتذة جامعة معقدين نفسياً يألفوا كتب المدرسة ويضعوا الأمتحانات ؟ في حين إن الناس اللي إيدهم في الموضوع وفي المطبخ طول اليوم سايبهم قاعدين على القهاوي ويألفوا كتب خارجية وداخلية وبحمالات ؟ بالله عليك شوفته مره بيتكلم عن مآساة الدروس الخصوصة ؟ يا راجل بلا قرف

اتفق وأختلف معك يا سي السيد , أتفق معك أن قضية القضاء على الكتب الخارجية ضرورة وأنها أحد أسباب خراب العملية التعليمية. لكن قبل أن نحيي وزير التعليم على ما فعله كان لابد أن نحييه أولاً إذا قام بتطوير الكتب المدرسية وجعلها في نفس قوة الكتب الخارجية , قبل أن يأخذ قرار مثل هذا كان عليه توفير البدائل الحكومية القوية السلسة والميسرة التى يستطيع الطالب من خلالها إستيعاب المنهج وتدربه على حل كافة الأمثلة والتمارين. ما ينفعش خالص من وجهة نظري انك تيجي على واحد بقالك 30 سنة بتديله هيروين وتحقنه كوكايين لحد ما بقي مدمن وفى يوم وليلة كده تمنعها عنه وترميه في الشارع او تقوله خدلك برشامتين بندول او اسبرين بدلهم, لان دي مش طريقة علاج. ثم ان الموضوع له بعد إجتماعى آخر , كام عامل ومطبعجي وكم قيمة رؤووس الأموال القائمة على هذه المشروعات حتى يتم اهدارها بكل سهولة هكذا, وأن ينضم هؤلاء الى طابور العاطلين من الشباب وممن خرجوا معاش مبكر. مين فينا ينكر ان كل اعتمادنا في تعليمنا كان على الكتب الخارجية من سلاح التلميذ والمعاصر والأضواء ولامى و Bit By Bit وغيرهم.وان مفيش حد فينا كان بيفتح كتاب الوزارة الا فيما ندر. الموضوع من وجهة نظري تم علاجه بشكل خاطيء وبشكل إدارى متخبط ومتسرع وبدون دراسة مستفيضة لكل ابعاد الموضوع. مع تحياتى

هذا موضوع قديم و لكنه يستحق مشاركة الجميع صحيح الموضوع من عنوانه يبدو عبارة عن نوع من التنظير و لكن بالغوص فيه نجده ينطبق تماما على محاورات المصريين و على آليات الحوار البناء بين مثقفى مصر. ما سبق كان إستهلالا لابد منه صاحب الموضوع الفاضل freefreer من رواد محاورات المصريين و قد إنتقل للحياة فى كندا من مدة طويلة. الروابط فى الموضوع قد لا تعمل لإختلاف البرمجيات و لكن يمكنك الوصول للموضوع بإستخدام showtopic بدلا من viewtopic و لكن رابط موضوع معين فى مجلة إيلاف الإليكترونية غير موجود. توصلت لهذا الموضوع من قائمة الموضوعات الشبيهه و الذى أفضل بتسميتها قائمة موضوعات مقترحة أو موصى بها للتصفح و المشاركة.

اهلا بكم مرة اخرى,,, الى الاخت -المهندسة- لا يوجد ما يغضبني بتاتا وما ايرادي بعض النقاط التاريخية لنشوء التعليم (الحديث) ومقارنته بمصر الا ....لايضاح سبب ما قد يراه البعض من تأخر (نسبي) في التعليم......(((ونحن لا ننكر ذلك))) والا لماذا تقوم السعودية بعملية ابتعاث علمي هي الاكبر في هذا القرن الميلادي الجديد ((ربما على مستوى العالم)) وانشاء جامعة للتكنلوجيا واحضار طاقم اداري (((من حملة نوبل))) ........اذن نحن نشعر حقيقة بضرورة تطوير التعليم العلمي الحديث........\ لكن كما ذكرت ان مستوى بدايات التعليم لدينا كان له ((ما يبرره)) قديما فهل كان من المنطق ان نبدأ بنفس مستوى اوروبا واميركا بل وحتى مصر في الاربعينات؟؟؟؟؟؟ والمجتمع بغالبيته قبلي و رعوي؟؟؟؟؟؟؟؟ اذن (الاحتياجات والظروف الانية) تحدد لكل مرحلة اولوياتها........ فمثلا ....تعليم الكومبيوتر لم يكن اولوية في الثمانينات فلم يكن الكومبيوتر شائعا (واذكر اننا كنا ندرس الكومبيوتر نظري في عام 91) لكن الان (هناك جيل سعودي وعربي عموما -شياطين في استخدام الكومبيوتر) بل انني استشير اخي الاصغر في معضلات الكومبيوتر وانا الذي تخرجت من كلية الاتصالات منذ 1995 الكلية التي بدأنا فيها ندرس الكومبيوتر عملي وبلغة DOS ........ وعموما علينا ((الا نعول كثيرا)) على استنساخ (التجارب التعليمية الخارجية) دون (تحديد الاولويات والاهداف) فاهداف المجتمع الياباني تختلف عن الاميركي وعنها عن الروسي والالماني............. فمن حيث (اختزان المعلومات واستحضارها) .....يفوق (الانسان العربي) نظيره في اوروبا واميركا واليابان (حسبما اسمع ممن تنسى له الدراسة بالخارج) لكن (الرك) على كيفية تفعيل واستخدام ما يعرف (وبالمناسبة كنت مع احد اقربائي ممن يعملون في شركة يابانية فكان حديثنا ان الياباني -كفرد- اقل مستوى علمي من نظيره السعودي ويكاد لا يستطيع ان يتخذ القرارات.....لكنهم يمتازون بالعمل الجماعي والجهد البشري حيث يكون شخص واحد بمثابة العقل المفكر وملقي الاوامر والباقين العضلات المنفذة وبذلك لا يستطيع احد ان يجتازهم بل ان يقاربهم ولا يركزون كثيرا على الاهتمام بعلوم خارج اختصاصاتهم.....نستفيد من ذلك ان من عيوبنا في العالم العربي ان كل شخص يريد ان يكون الرئيس ولا يعترف ويقر لمن يفوقه مقدرة وذكاء بالقيادة لان في ذلك مسا بكرامته...ونسبة لا يستهان بها تتخذ العلم وجاهة اجتماعية مع احتقار للادوار الثانوية المساعدة.......ومن عيوبنا الاستزادة من المعلومات (لمجرد الاستزادة والتباهي بما لديه من علم).............. واخيرا اقول (((العلم نورن)))bv:- wst::

أكيد بردة لازم بس هوه أقل بكتير فى كيبيك عن الفيدرال...مثلا أسرة 3 أفراد فالفيدرال 17000$ و فى الكيبيك 5000$ لو الذاكرة مخنتنيش....بالتوفيق

تم الاتفاق على إعادة فتح الموضوع بعد حذف مداخلتين ، وتحرير مداخلتين أخريين بسبب التعارض مع سياسة "محاورات المصريين" التى ترفض - من باب الشعور بالمسؤولية تجاه أمن الوطن وأبنائه - أن تساهم فى إشعال فتنة طائفية قد لا تبقى ولا تذر نثق فى أن الأعضاء الأفاضل سيلتزمون بهذه السياسة .. وإن كنا نصف من يثيرون الزوابع وينفخون فى نار الفتنة بأنهم لا يقدرون مسؤولياتهم .. فلا أقل من أن نقدر نحن مسؤوليتنا الإدارة

طجين دجاج النهاردة اخيرا وبعد نص رمضان دخلت المطبخ بعد ما بطننا نشفت من اكل المطاع وعملت الاكلة دي ( طجين دجاج ) وصورتهابعد ما خلصتها بصراحة طعمها خطر والله حاجة كده فلة خالص الوصفة سهلة بس عايزة طول بال ربع كوب صغير زيت دجاجة مقطعة لاربعة اجزاء ( طبعا مع مراعاة وضع الدجاجة في ماء وخل وملح لمدة ربع ساعة بصلة متقطعة مكعبات صغيرة طماطم متقعطةمكعبات صغيرة ملعقة صغيرة كركم ملعقة صغيرة زنجبيل فلفل اسود ملح كل دول كده بيتحطوا في الحلة مع بعض مرة واحدة علي نار هادية وبعد 3 دقايق بنحط نص كوباية مية بعد عشر دقايق تقريبا بنقطع بصلة متوسطة طرنشات وبتصاف للحلة مع نص كوباية مية كمان في الوقت ده بنجيب كام حبة بطاطس بعد التقشير بيتقطعوا بالطول مش بالعرض لاربع اجزاء ويتحطوا في مية وملح لمدة خمس دقايق تقريبا بعدين يتضافو للحلة لو محتاجة مية ممكن نزودها زيتون اخضر مخلل يتغسل كويس ولما نحس ان البطاطس استوت بنحط الزيتون ده ويتساب لمدة خمس دقايق وبعدين بالهنا والشفا بقي

الموضوع يتعلق بالكامل بحديث الأنبا بيشوى فى مؤتمر تثبيت العقيدة و هو مؤتمر كنسى لرجال الدين الأرثوذوكس و يبدو أن النقاش طال مذاهب دينية مسيحبة أخرى مثل البروتوستانت و لم يكونوا حاضرى هذا المؤتمر ما سبق كان إستهلالا لابد منه ما الذى "حشر" المسلمين و بالذات abaomar فى هذا الموضوع الأفاضل مصر غالية جدا على كل مصرى و أى مصرى مخلص يجب أن ينأى بنفسه عن مواطن النتن و إشعال و النفخ فى كل ما "يشعلل" الفتنة الطائفية. بعد إذنكم تم غلق الموضوع مؤقتا حتى يتم إتخاذ قرار بصدده أكرر الفتنة الطائفية ليس لها مكان أو سوق فى محاورات المصريين

طب نتكلم جد ... ولا ناخدها هزار عشان الموضوع في باب الإبتسام ؟ أنا هاعتبره جد واتكلم معاك يا عنبو لإني مش شايف حد رد عليك لحد دلوقت ( إحنا جايين نهدي النفوس بس ) - بص يا عنبو .. الموضوع يتوقف على الشخص نفسه أو الزوج يعني ... هل هو محتاج شريكة للحياة وإنسانة لها نفس حقوقه وعليها نفس واجباته بل أكتر شوية عشان مراعاة البيت والأولاد والحاجات دي ... ولا محتاج كيس جوافه مالوش أي لازمه في البيت ؟ لو محتاج شريكة حياة .. اللي هو الإختيار الأولاني .. يبقى ما فيش حاجه إسمها سي السيد او سعيد مهران ... لكن في حاجه إسمها مركب ماشيه في الحياة ركابها الزوج والزوجة والأولاد .... لكن قائد المركب هو الزوج وهو اللي لازم يستشير زوجته وأولاده وفي الأخر يتخذ هو القرار ... وإتخاذ القرار مش ميزة ولا جبروت ولا سُلطة ... لأ ... دي مسئولية عشان لو حصل حاجه للمركب يبقى هو المسئول الأول والأخير وهو اللي يصلح نتيجة خطئه ... لو محتاج كيس جوافه بقى ... يبقى يدخل بقى على سي السيد والزعيق والكرباج وقلة القيمة .. زي ما ناس كتيرة بتعمل وتعامل الزوجة على إنها مجرد شيء موجود في البيت يطبخ ويغسل ويمسح ويربي العيال ... لإن العلاقة الزوجية يا عنبو ليست علاقة ندية .. مين يبقى اقوى من مين .. أو مين يبقى له الكلمة اللي تمشي حتى لو غلط ومين يتكلم بصوت منخفض قدام مين ... يعني بإختصار كل واحد لو عرف دوره وإن هناك رجل وهناك أمراة وكل واحد له دور في الحياة مرسوم ومعروف ... فالحياة بتسير بشكل محترم وبينعكس ده كله على تنشأة الأولاد أما لو تبدلت الأدوار ولقيت الست متسلطة وعاوزه الكلمة تبقى ليها وهي تبقى الراجل .. أو لقيت الراجل متسلط وينظر لزوجته على إنها تابعة له وليس لها رأي ولا دور .. أو لقيته العكس مهاود ومريح على الاخر ومسلم القيادة لزوجته ...فلازم تلاقي حاجه غلط في الصورة ومستحيل الأمور تمشي بالمنظر ده ...

والله يا اجابى ده سؤال مهم جدا, وناس كتير هتتأثر حالتها بيه للأسف الوضع دلوقت صعب لحالتك زى حالتى تمام لاننا مستنيين الفايل نمبر, ورجوع الملف له حالتين: الاولى انهم يرجعوا الملف والفلوس ويقولوا لك قدموا من جديد لوجود غلطة بدون اعطائك فايل نمبر وساعتها للاسف مش هتقدروا تقدموا تبع القانون الجديد لان وظيفة المدير المالى اتشالت الحالة التانية انهم يرجعولك الورق فقط ويبقوا الفلوس عندهم ويقولوا لك عدلوا الغلطة بس ورجعولنا الورق ويعطوا لكم فايل نمبر رغم وجود غلطة زى ما عملوا مع ناس معينين وفى الحالة دى ممكن ترجعوا ورقكوا بعد تصحيح الغلطة, وكله يبقى تمام, ويارب الحالة دى تتطبق على كل اللى عندهم غلطات بالنسبة للمنحة غالبا اللى بيياخد منح وهو طالب دولى لازم يكون تقديره كبير فى البكالريوس , يعنى اكتر من جيد جدا, ولكن ممكن تلاقوا جامعات بتدى منح لتقديرات أقل من كده لو هى جامعات بعيدة مثلا, ويلزم مراسلة الجامعات المختلفة فى التخصص المطلوب ويفضل مراسلة دكاترة الجامعة المشرفين لمعرفة وجود منح من عدمه, علشان تعرفوا الحوار من الاخر, وللاسف هو ده الحل الوحيد لومش عايزين تقدموا كيبك الفلوس هتساعدكوا طبعا بعد كده فى التقديم الى السفارة ولكناهم شئ حاليا هو مراسلة الجامعات وربنا يوقفنا جميعا مع تحياتى :lol:

تلقيت تلك الرسالة على بريدي بالإنجليزية وترجمتها للعربية ... هكذا تبدأ سياسة ما (policy) ابدأ بخمسة قرود في مصيدة صغيرة . بداخل المصيدة علق موزة على زنبرك وضع تحتها سلم . بعد قليل سيذهب واحد من القرود للسلم ويبدأ في الصعود نحو الموزة . بمجرد أن يلمس السلالم ، رش على بقية القرود ماء باردًا . بعد برهة ، سيحاول قرد آخر الوصول للموزة ، عندها كرر ما سبق ورش بقية القرود بالماء البارد . سريعًا سيقوم القرود بمنع أي قرد يحاول صعود السلم مرة أخرى . انس موضوع رش الماء البارد . أخرج قردًا من المصيدة واستبدله بقرد جديد . سيرى القرد الجديد الموزة وسيحاول صعود السلالم . سيفاجأ بأن كل القرود تهاجمه . وبعد محاولة أخرى وهجوم آخر من بقية القرود ، سيعرف أنه إن حاول صعود السلالم سيعتدون عليه . أخرج قردًا آخر من الأصليين واستبدله بقرد جديد . سيحاول القرد الجديد صعود السلم وستهاجمه القرود الأخرى ، ومنهم القرد الجديد السابق . بالمثل ، استبدل قردًا ثالثًا بقرد جديد ، ثم رابع ، ثم خامس . في كل مرة يحاول القرد الجديد صعود السلالم تهاجمه بقية القرود . ومعظم القرود التي تهاجمه لا تعرف لماذا تم منعهم من صعود السلالم أو لماذا يهاجمون القرد الجديد . بعد استبدال كل القرود الأصلية بقرود جديدة ، لن يكون من بين تلك القرود الجديدة أي قرد تم رشه بالماء البارد . وبالرغم من ذلك فإنه لن يحاول أي من هذه القرود صعود السلالم للوصول للموزة . لماذا؟ لأنه على حد علمهم هكذا كان الحال دائمًا هنا . وهكذا يبدأ تمرير سياسة (policy) ما .

الله عليك يا سكوب... هو ده الكلام.. :blink: وكنت غطسان بقالك فترة...!! :angry:

السلام عليكم....ـ الحقيقة يا استاذ نايت ان مصدر الخبر اساساً جريدة المصرى اليوم اللى نشرت لقاء لها مع الانبا بيشوى سكرتير عام المجمع المقدس انا قرأته بنفسى و استشط غضباً عندما وصف المسلمون بضيوف على مصر و بأن المسيحيين هم من قبلوهم للعيش وسطهم!!ـ كما انه استنكر (بعد الف و ربعمائه عام هجرى) الجزية التى فرضها عمرو بن العاص على المسيحيين الذين لم يسلموا و قال: (مش كفاية فرضتوا علينا الجزية؟ كمان عاوزين تدخلوا فى الكنيسة و تقولوا معانا "أبانا الذى" ؟؟ـ) و ذلك رداً على تساؤل الصحفى عن تكوين هيئة الكنيسة و لماذا لا ترفع الكنيسة يديها عن المسيحيين و ألا تكون سلطة على شعب الكنيسة توازى سلطة الدولة.ـ اليوم قرأت خبراً فى المصرى اليوم يعتبر نوعاً ما رد مبدائى من البابا شنودة على ما قاله سكرتير المجمع المقدس:ـ جريدة المصرى اليوم 25.9 اتمنى ان نعرف نحن المصريين اصل هذة المشكلة، و تحديداً من هم الاساقفة الذين يزرعون الكراهية فى نفوس المسيحيين بقولهم ان المسلمون جاؤوا من الجزيرة العربية و انهم - اى المسيحيين - اصحاب الارض!!ـ من الذى يقول لهم ان المسلمون فرضوا عليهم اتاوة بإسم الجزية؟؟ و من الذى ينشر فى الخارج اخباراً مزورة و متفبكرة عن أسلمه المسيحييات و خطفهم (كل يوم) فى مصر؟؟ هناك بعض السفلة الذين يريدون لمصر مصير لبنان.. ********

الشروق 25 سبتمبر 2010

الشروق 25 سبتمبر 2010 :happy:

أخشى ما اخشاه ان يكون ما يقوله المدعو بيشوى مخطط للتعتيم على موضوع كاميليا وتوابعه والمظاهرات المتتابعة على ******** البابا شنودة والكنيسة وشد الانظار الى موضوع اخر ....شأن ما يحدث فى مصر الان....************ واعتقد هذا هو الاقرب للحقيقة...لاسيما ان البابا شنودة بدت له تصريحات تعترض على موضوع القران -------- كلمة اخيرة اللى بيته من زجاج ..ما يحدفش الناس بالطوب (فويل للذين يكتبون الكتاب بأيديهم ثم يقولون هذا من عند الله ليشتروا به ثمناً قليلاً فويل لهم مما كتبت أيديهم وويل لهم مما يكسبون “79″ سورة البقرة)

فعلا ياباشمهندس ممكن يكون عندك حق