لوحة القادة

مساء الأحد الماضى كنت مهتما بمعرفة ما تمخضت عنه اللجنة التى شكلها مجلس الوزراء لحل ما يسمّى مشكلة الحكم القضائى ببطلان عقد «مدينتى»، وتوقفت عند برنامج «مصر النهارده» الذى استضاف فيه المذيع تامر أمين وزيرى الإسكان والمالية، وكان واضحا أن الوزيرين فى حالة طرب لما توصلت إليه اللجنة الحكومية المطعون فى حيادها، ووصل بهما الطرب إلى درجة من الخفة كانت كاشفة بسفور عن مهزلة الهزل الذى يحكمنا به هؤلاء الوزراء وأضرابهم، وفاضحة لمحتوى تفكيرهم الذى يشكل خطورة حقيقية على هذه الأمة. بعد أن تبادل الوزيران تبرير ما توصلت إليه اللجنة الحكومية والمتلخص فى إعادة بيع أرض مدينتى لشركة طلعت مصطفى بالسعر والشروط نفسها التى كانت فى العقد الذى أبطلته المحكمة الإدارية العليا، وساقوا فى إيضاحاتهم أمثلة هزلية مثل نقل ما فى الكوب إلى زجاجة أو من كوب مكشوف إلى كوب بغطاء على حد تعبير وزير المالية، انتقل الوزيران لتقطيع وتجريح المهندس حمدى الفخرانى رافع دعوى بطلان عقد مدينتى، فكان على لسانيهما «فاضى ومش لاقى حاجة يعملها»، ولا يعرف ما يتكلم عنه، وأخيرا صدر عليه حكم أحدهما بأنه «دا واحد بيخرب» فيما يشبه التحريض على مواطن لجأ للقضاء، فأنصفه القضاء، ومن ثم لم تلهم الوزيرين أدمغتهما اللامعة إلى كونهما بهذا التجريح للمتقاضى إنما يُجرِّحون القضاء العادل الذى أصدر الحكم لصالحه، بل لصالح الأمة. أمّا ما هو أبشع من هذا الانزلاق الطروب للوزيرين نحو سخافة التسفيه، فكان هذه الوصلة المبتذلة عن بيع أراضى الدولة التى قدمها الوزيران وتألق فيها وزير الإسكان كاشفا عن نفوذ يَجُبُّ أسطورة نفوذ بطرس غالى الذى كان المغربى يُسكته فيسكت، ليلعلع المغربى، ويقود هذه الوصلة بثقة مبالغ فيها توحى بدعم مَن لا علم لنا به، ولا علم أو معرفة أو بعد نظر فيه! وفى سياق تسفيه تقدير ثمن أرض مدينتى بمئات المليارات كما قال المهندس حمدى الفخرانى وغيره، تبارى الوزيران فى الزعم بأنها كانت أرضا صحراء لا تساوى شيئا قبل أن تحل عليها بركة هشام طلعت مصطفى، ثم تمطَّى وزير الإسكان وأعلن تحديه لمن يُحضِر مستثمرا يشترى الأرض بأقل من المليارات التى تحدث عنها من تحدثوا، وحتى لا تختلط الأمور ومن باب التحوُّط، تواشج الوزيران فى التأكيد عن أن الحديث ليس عن أرض مدينتى، فهذه «خلاص» «خلصت» على حد تعبير أحدهما وموافقة الآخر، ولكن الحديث عن أرض تشبهها. واستأسد وزير الإسكان الذى يبدو ناعما وتتناقض نعومته مع ما أبداه من سطوة فى هذه الحلقة، فأعلن «وعندى حتة أرض مساحتها 11 ألف فدان وموقعها أحسن من موقع مدينتى لأنه أقرب للقاهرة ومستعد أبيعها للى يدفع».. وافتتح الوزير مزاد «حتة الأرض» وقال: أنا أبيع الآن لمن يشترى المتر ب«عشرة»، «لأ بلاش عشرة. خمسة. أربعة. لأ. بألف جنيه المتر». وظاط الوزيران واستخفتهما الخفة فى هذه الوصلة الهازلة الضاحكة ضحكا يثير السخط والقرف، فوعدا المذيع المُكشِّر عادة فى وجه ضيوفه الذى كان ضاحكا هذه المرة، بنسبة من حصيلة البيع! من أنت أيها «الوزير» لتقول عن قطعة من أرض مصر مساحتها تبلغ ضعف مدينة زاهرة كمدينة المنصورة، مدينتى، وليست مدينتكم، والبالغ مساحتها 24 كيلومترا مربعا يعيش فيها أكثر من مليون إنسان، تقول: «أنا عندى حتة أرض»، ومن أنت لتبيع «على الترابيزة» وعلى الهوا، هذه «الحتة»، ومن قال لك إن هذه الأرض لا تساوى شيئا لتتعامل معها بهذه الخفة وهذا الهزل الهزيل؟ كانت هذه التساؤلات الساخطة تضطرم داخلى مساء الأحد الماضى، لكننى الآن سأجيب بما يكشف حقيقة الهزل الذى تتكون منه عقول وضعتها الصدفة والغرابة فى موقع السلطة لتستخف بأرض مصر، وتستخف بعقولنا، وتدمر حاضرنا ومستقبل أولادنا بكل هذه الخفة السمجة وبهذه السطحية التى تتوهم فى نفسها منتهى العلم! هذه الأرض الصحراوية أيها الوزير تساوى الكثير والكثير جدا، لكن ليس بمقاييس عقل سماسرة الأرض ومقاولى بناء الغفلة واستثمار الجلا جلا الذى يستحوز على أرض بالمجان أو ما يشبه المجان وبمجرد تأشيرة من وزير تحوم حوله الشبهات، ثم بضمان هذه الأرض يحصل على القروض من بنوكنا، أى من جيوبنا، وبهوجة إعلانات وحملة تسويق يتدفق الحاجزون الأبرياء ويدفعون مدخرات عمرهم، فيبنى الحاوى قليلا ويبيع كثيرا، وبالكثير يكمل فكأنه يكسب من الهواء الفاسد أرباحا طائلة لا غرابة أن تذهب بعقول السفاهة إلى حد التورط فى القتل! هذه الأرض أيها الوزير هى أغلى ما تكون ليس بقيمتها المعنوية كتراب وطنى فقط، لكن أيضا بقيمتها المادية فى منظور من يراها بعين البصيرة والعلم وبُعد النظر الاستراتيجى ومفهوم التنمية الحقيقية الشاملة والمستدامة، لا من يراها ببصر حسير لا يكاد يرى إلا ما تحت قدميه من ربح مريب عاجل، ومحسوبية عمياء، وفساد فاحت روائحه حتى من وزراء يتربحون من مواقعهم على حساب الأمة فى عقد صفقات فاسدة لشركاتهم وشركات الأقارب والمحاسيب، ويستغلون المال العام فيما يُخجِل ويُشين كما فى نهب مشروع للعلاج على نفقة الدولة المقرر أصلا لغير القادرين لا ثراة المستوزرين. يؤسفنى أن أقارن فساد منطق مسئولينا الضار بأمتنا، بمنطق عدونا الحريص على تقوية كيانه وإضعاف كياننا، فقد قال إلياهو بن أليسار أول سفير لإسرائيل فى مصر «إن استعادة التاريخ لا تتم إلا من خلال الضغط الشديد على الجغرافيا»، ولم يكن التوسع فى احتلال وسرقة الأرض العربية ومياهها هو الشكل الوحيد من هذا الضغط الشديد على الجغرافيا، بل كان منطق التنمية متعددة الأطياف لهذه الأرض هو سبيل إسرائيل لتحصين ذاتها العدوانية، وكانت الزراعة قرينة الإعمار فى قلب هذه التنمية فى أراض صحراوية كالتى يرى وزراؤنا أنها «أرض مرمية»، ولعل أرض صحراء النقب تكون نموذجا يوضح المقصود، وقد قال بن جوريون أول رئيس وزراء للكيان الصهيونى «النقب منطقة خالية ومعزولة، وباستطاعتنا تحويله إلى منطقة مأهولة بالمستوطنات اليهودية». ولم تكن رؤية بن جوريون على نمط رؤية مقاولينا الوزراء، مجرد بناء مدن أسمنتية ومسطحات نجيل وشجر زينة وبحيرات صناعية كالمدينة إياها «العالمية على أرض مصرية»، فمدن مقاولينا ومتنفذينا ما هى إلا مدن مستنزِفة للطاقة ومهدرة للمياه وغير منتجة وقابلة للتحول إلى مدن أشباح مع أول أزمة للطاقة وأول عسر أقتصادى يلوح فى مصر، فهى بغير تنمية حية وحيوية موازية للإعمار الجامد أو الميت على عكس ما فعلته إسرائيل البغيضة ويقودنا لسخط مُضاعف على هؤلاء المقاولين المستوزرين لدينا لأنهم يقصرون فيما لم يقصر فيه عدونا، فكأنهم يعملون معه بلا وعى لمضاعفة ضعفنا. لقد كانت الكيبوتسات الإسرائيلية، أى التجمعات السكانية التعاونية القائمة على الزراعة كأولوية، هى الأساس الاقتصادى والاجتماعى والسياسى للكيان الصهيونى منذ عام 1909 تاريخ إنشاء أول كيبوتس صهيونى، وبموازتها كانت هناك أيضا حركة «الموشاف» أى المستعمرات التعاونية التى نشاطها الأساس هو الزراعة، وكانا شريان مشروع «نقب النمو» الذى موله صندوق بناء إسرائيل «كاكال» مع وزارة الزراعة الإسرائيلية والوكالة الصهيونية، وانصب على تنمية القطاع القروى فى النقب بإقامة مزارع متفرقة تستهدف الإنتاج الزراعى والسياحى، فاشتمل مشروع «نمو النقب» الإسرائيلى على حقول الدفيئات لإنتاج الخضر والفواكه الأرضية كالطماطم والفراولة والبطاطس مع منْح كل وحدة زراعية مخزن تبريد ومعمل تغليف لتسويق منتجاتها، كما اهتموا بزراعة الحمضيات على مياه الصرف المُعاد معالجتها، وكانت هناك مسامك عبارة عن برك فى وادى ومرتفعات النقب لتربية الأسماك، مع أغراس زيتون مروية بمياه مالحة ومراعٍ للنوق وغرف ضيافة لاستقبال رواد سياحة الصحراء! بمثل هذه الرؤية تصير الأرض الصحراوية كنزا، صحيح أنها فى الحالة الإسرائيلية ليست إلا تدعيما لمملكة الشر، لكنها يمكن أن تكون بالكيفية نفسها قوة لمملكة الخير، وهناك نموذج مصرى لتنمية البيئة الصحراوية تم إجهاضه بتآمرات خبيثة وخسيسة وسيأتى وقت لحديث موسع عنه، أما الآن فسأكتفى بذكر نموذج عربى خيِّر أنجزه المغفور له الشيخ زايد آل نهيان وكان لى الحظ أيام كنت محررا علميا لمجلة العربى أن أتابع هذا الإنجاز على الأرض، فقد حوّلت الفطرة السوية للشيخ زايد رمال الصحراء الإماراتية، خاصة فى أبوظبى، إلى حدائق وجنان بتقنية غاية فى عبقرية البساطة عاينتها بنفسى، فكان يمهد الكثبان الرملية ثم يكسوها بطبقة بسيطة من الطمى، ويغرس ويروى ويرعى ويحصد، فتحولت الإمارات الواقفة على حدود صحراء الربع الخالى الأشد قسوة وتصحرا من صحراواتنا القريبة من الوادى والمتميزة بكونها سهلية وصالحة للزراعة، تحولت الإمارات إلى واحات بها 40 مليون نخلة منها 33 مليونا فى أبوظبى وحدها، وبساتين تصدر الخضراوات والزهور والفواكه إلى أوروبا وأمريكا واستراليا واليابان. حقَّقت إمارات الشيخ زايد الصحراوية هذا وهى لا نيل عندها ولا أعماق بعيدة من رواسب الطمى التى لم نكف عن تجريفها وتبويرها وإحراقها ليتربّح ناهبو أرض الدولة وتجار الإعمار قصير النظر وفقير الرؤية الذى لا يرى فى أرض مدينتى قبل أن تشرق عليها شمس إبراهيم سليمان وهشام طلعت مصطفى إلا صحراء جرداء بلا قيمة، و«حِتَتْ أرض مرمية» «مش لاقية حد يشتريها»، فتُمنَح بالأمر المباشر، أو بكلمة، أو بمزاد على الهواء وعلى الترابيزة.. ممن لا يملك لمن لا يستحق. د. محمد المخزنجى - جريدة الشروق http://www.shorouknews.com/Columns/column.aspx?id=304942

عزيزي الفاضل rar .. اللي مش بيحن علينا إلا مرة كل يجي 100 يوم ويروح شاتم في الواد ابنه ورامي في وشنا مداخلة وفاكك إزيك بجى شوف يا جميل .. أنا لظروف خاصة جدا - هاعمل عبيط ومش هاصرّح بيها - مش عندي استعداد إني أعقب بحرية على كل مداخلتك .. عشان كده هاستسمحك إني أكتفي بالتعقيب على نقطتين صغننين قد كدهه .. بذمتك يا rar .. وعيني فعينك كده .. أنت مصدق اللي كتبته ده؟ يعني لو مجتمع فيه مش بس نصوص قانون .. لكن تفعيل وممارسة للقانون ده .. المجتمع ده مش هيهتم بسمعة الكنيسة؟ خالص؟ مش هيهتم إذا كان فيها قساوسة مثليين ولا مفهاش؟ أو فيها قساوسة عندهم ميول جنسية ناحية الأطفال أو مفهاش؟ يعني لو الأركبيشوب بتاع كنيسة انجلترا قال رأي سلبي عن اليهود أو إيجابي عن المسلمين في أي حالة من الأحوال دي المجتمع هناك مش هيهتم بتأثير الرأي ده على سمعة الكنيسة؟ أنا ما عنديش ذرة شك إنك مدرك إن المجتمع اللي بيهتم بسمعة الكنيسة هو بس المجتمع اللي بيمارس حقوقه القانونية .. إنما المجتمع العرفي مش هيهمه سمعة أي مؤسسة فيه ولو بصاغ .. وعدم الاهتمام ده هو اللي بيولد انحدار السمعة اللي مافيش حد مهتم في المجتمع إنه يحافظ عليها .. مش بس سمعة الكنيسة .. لا .. الجيش .. القضاء .. كل مؤسسات الدولة سمعتها بتنحدر .. عشان مافيش حد في المجتمع اللي من النوع ده مهتم بسمعة أي مؤسسة من مؤسساته .. سمعة الكنيسة في مصر تهم فقط كل من عنده أمل إن القانون يفعل ويمارس في البلد .. أنما باقي الشعب فلا يهتم بها .. لأن جل اهتمامه بيكون في النعرة القبلية اللي بينتصرلها .. شوف يا جميل .. آدي "لفظ القرآن" اللي أظن إنك تقصد تأويله: ﴿ يَا أيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ ﴾ [الحجرات: 6] وبه .. يكون التالي: الذين آمنوا: الدكتور سليم العوا فاسق: جريدة الشروق + أحمد منصور بنبأ: تكديس الأسلحة قوما: الكنيسة - وليس المسيحيين بجهالة: استناد الدكتور سليم العوا على دليل باطل يبقى في واقع الأمر وبناء على التأويل الصحيح للآية .. دكتور سليم العوا تقمص شخصية "الذين آمنوا" وتبقى انت يا جميل تقمصت شخصية "الأنبا بشوي" في محاولته لتأويل بعض آيات القرآن الكريم تحياتي

المؤامرات موجودة .. لا شك فى هذا أما "نظرية" المؤامرة فهى نظرية يلجأ إليها الفاشلون لتبرير فشلهم هل من المفروض ألا يتآمر أعدائى ضدى ؟؟ !!! .. إن من يتوقع عدم تآمر أعدائه عليه يستحق كل ما يناله منهم إذا - فعلا - تآمروا عليه .. هناك نظرية متلازمة مع نظرية المؤامرة فى عقول الطغاة والمستبدين .. وهى نظرية "الخطر الخارجى" .. وهى عينها ما أشار إليه الفاضل الترجمان بضربه مثال أسلوب جورج بوش فى إدارة حملته على العراق .. هناك شعار "حق" عايشناه بعد هزيمة 67 استعمله المستبدون فى كتم العديد من الأصوات ، وهو شعار "لا صوت يعلو على صوت المعركة" .. الشعار حقيقى وكان لابد منه فى تلك المرحلة حيث كان يتوجب على "الأمة المصرية" أن تصرف كل جهودها نحو إزالة آثار تلك الهزيمة .. ولكن من عاش تلك الفترة يعرف جيدا فيما استعمل هذا الشعار إلى جانب هدفه الوطنى نظرية المؤامرة ونظرية الخطر الخارجى الذى يتهدد الوطن هى من تطبيقات كتاب "الأمير" لميكيافيللى

السلام علي احلي منتدي اللي بنستفيد منه كل يوم ... كان عندي سؤال ناس كتيييييييير بتسأله بس مش بتلاقي أجابه يا تري اللي يسافر الي كندا عن طريق كيبك يقدر بعد الوصول يروح اي مقاطعه انجليزيه ولا لازم يقعد في كيبك ؟!! علشان انا بفكر اعمل الآتي اولا ,,,,,,, كيبك اسرع في الآجرءات من فيدرال كمان ان شروطها تعتبر اسهل علي اساس ان هي مش بتطلب اكتر من سنه خبره .. اه طبعا الفرنساوي معقدها بس كل يهون عشان مصر ! ثانيا ....... انا كنت ناوي اول ما اجهز نفسي اسافر وفي خلال الثلات سنوات الاولي اشتغل اي شغلانه وفي نفس الوقت ادرس علشان المعادلة ... اه صحيح انا تجاره انجليزي , يعني قواعد ثابته و ارقام 1+1=2 .. يا تري المعادله هتتكلف كام وهتكون مدتها اد ايه ؟ ثالثا .... لو قدرتش اكمل ممكن ارجع مصر معايا الجنسيه وكمان معادله معترفه بيها في اي مكان في العالم . ولا ايه رايكوا ؟ رابعا .... كنت عاوز اعرف هي تكاليف الشخص الواحد للسفر من مسكن ومأكل ومشرب اول شهر لغايه لما الامور تظبط هتكون حوالي كام ؟ خامسا .... تكاليف المعادله مش ممكن تشيلها الدوله او علي الاقل تشيل نصها ؟؟؟؟ وشكراااااااااااااااااااااااااااااااااا للجميع

الانسان فى الدنيا ماشى بشنطة أى حاجة بيتعلمها بيحطها فى شنطته واحد صاحبى

قبل....... أن تؤدي الصلاة هل فكرت يوماً... وأنت تسمع الأذان ..... بأن جبار السموات والأرض يدعوك للقائه في 'الصلاة' !!!!... وأنت تتوضأ.... بأنك تستعد لمقابله ملك الملوك...!! وأنت تتجه إلى المسجد ...!!! بأنك تجيب دعوة العظيم ذي العرش المجيد !!! وأنت تكبر تكبيرة الإحرام !! بأنك ستدخل في مناجاة ربك السميع العليم!! وأنت تقرأ سورة الفاتحة في الصلاة !! بأنك في حوار خاص بينك وبين خالقك ذو القوه المتين !! وأنت تؤدي حركات الصلاة !! بأن هناك الإعداد التي لا يعلمها إلا الله من الملائكة ........ راكعون وآخرون ساجدون منذ ألاف السنين حتى أطَت السماء بهم!!! وأنت تسجد !!!!! بأن أعظم وأجمل مكان يكون فيه الإنسان هو أن يكون قريباً من ربه الواحد الأحد وأنت تسلم في آخر الصلاة...!!! بأنك تحترق شوقاً للقائك القادم مع الرحمن الرحيم ...... 'الشوق إلى الله ولقائه' نسيم يهب على القلب ليذهب وهج الدنيا .... 'المستأنس بالله' جنته في صدرة وبستانه في قلبه ونزهته في رضى ربه 'أرق القلوب ............قلب يخشع لله 'وأعذب الكلام ............ذكر الله وأطهر حب............ الحب في الله 'ومن وطن قلبه عند ربه' سكن واستراح 'ومن أرسله في الناس' أضطرب وأشتد به الغضب وإذا أحسست بضيق وحزن , ردد دائماً (لا إله إلا أنت سبحانك أني كنت من الظالمين) هي طب القلوب نورها سر الغيوب ذكرها يمحي الذنوب منقول (لا إله إلا الله)

ردا للأستاذ فريند بص يا سيدى اتنين مشم يعنى فى اتنين هيعملوا المقابلات و طبعا مستشارين الهجرة دول من كيبك ما ينفعش يكونوا مصريين او اى حاجة تانية لازم يكونوا ولاد بلد و يكونوا مختارين بعناية كبيرة جدا انا مرة سمعت ان فى اتنين واحد من الاصل جزائرى و كان متعصب لفئة معينة من لناس و فى واحدة تانية كانت متعصبة للفئة الاخرى و الاتنين اتشالوا من الشغل ده يعنى الحيادية لن تغيب عن المقابلات ابدا و لكم منى تحية

فعلا ناس كتير ماتعرفش ان موريتانيا جمهوريه عربيه اسلاميه فى غرب افريقيا ودى بتسمى فى الجغرافيا منطقه المغرب العربى ودخلها الاسلام على يد عقبه بن نافع ...وفى مؤرخين بيقولوا ان سبب عدم معرفه العالم كله بتاريخ و جغرافيا منطقه المغرب العربى بيعود فى مضمونه الى اهلها نفسهم لانهم مش بيكتبوا عن نفسهم كتير و مش بيدونوا تاريخهم وبيعرفوه للعالم...ده من واقع معلوماتى المحدوده وكمان ال عزز عند الناس ان موريتانيا مش دوله عربيه ..انهم بيتكلموا باللغه الفرنسيه كطبيعه الحال فى المغرب العربى نرجع للموضوع نفسه ..الحال الموصوف لمصر وشعبها و حالها فى المقال ده شىء معروف لنا كويس و محسوس اوى لكن اهميه المقال بترجع فى انه اول مره يشوف مصر ال طالما وصفها التاريخ بعظمتها و عظمة شعبها و انها هبه النيل...وانه اتصدم و صدمته جائت فى التناقض بين ما قرأه عن مصر وماشهده رؤيا العين.... ويتطرق المقال لسلبيات كتيره فى مصر منها كلنا طبعا عارفين ان ظاهره الاحتباس السياسى كما وصفها المقال الموجوده فى مصر ه اكبر السلبيات ...مفيش دم جديد و عقول جديده وبالتالى افكار جديده ينتج عنها تطور و تغيير فى جوهر الدوله ذاتها...فالفكر هو هو من اكثر من 30 سنه ولابد من تغيير العقول القائده لعربه القياده علشان مشوارنا يتعدل بدل ما احنا رايحين ورا الشمس فعلا ده موجود فى مصر وبقه محسوس اوى ان الطبقه المتوسطه اختفت من مصر وده من وجهه نظرى انه ناتج طبيعى جداا للفساد بشتى طرقه سواء الادارى او السياسى او كلاهما وناتج طبيعى للسرقه و الرشوه الزادت اوى فى مصر ...يعنى مثلا افتكر واحنا بنعمل شهاده ميلاد بنتى فى الصحه الموظف كان بيلمح بأصطباحه زى ما بيقول ..طيب ليه ده هيكتب اسم البنت و خلصنا حتى مافيهاش عدى علينا بكره؟؟؟ لكن شاف انها ظاهره فى البلد ماحدش عارف يوقفها فقال هى جت عليا انا؟؟؟ بدون الدفاع لكن ده موجود فى كل بلاد العالم عمرك ماهتعدى جنب تماثيل الشوارع و هتلاقيها متلمعه نتيجه العوامل الجويه خصوصا ان احنا فى دوله مناخها جاف نوعا ما ...لكن اعتقد انه المعنى الموجود بين السطور هو عدم الاهتمام بالرموز التاريخيه و اندثار التاريخ شيئا فشيئا ونرجع نقول وظيفه الاهتمام بتماثيل الشوارع دى وظيفه الحى و اهمال التمثال اكثر من اللازم دليل عى الفساد الادارى و انهم مش شايفين شغلهم كويس زى مثلا حوادث القطارات المستمره و حاله القطارات المتهالكه و التى اصبحت كهنه ...اكتشفت فى الاخر هيئه الرقابيه الاداريه انه تم استقطاع ملايين من ميزانيه الدوله لتطوير هيئه السكه الحديد لكنه راحت كلها فى كرش ال؟؟؟ احيانا البائعين بتعمل كده نتيجه الفقر و الحاجه لكن فى الاغلب ان ده عادى اتعودوا من زمان على ان يوجد اسعار سياحيه و انك لازم تاخد من السياح الطاق طاقين وده بتعززه الدوله نفسها كمان لما يكون سعر التذاكر للمصريين غيرالاجانب لو قولنا انها سياحه ولازم نستفيد و نلم عمله صعبه من السياحه واستغلال موقع مصر الجغرافى فى استقطاب السياح طيب ليه الكلام ده مش بيتم فى اى دوله اخرى؟؟؟ وكمان لو اشتريت زجاجه بيبسى من البقال غير لو اشتريتها من النادى او الكافيه ...كل ده الدوله بتساهم فى تعزيزه..على العكس هنا فى السعوديه مثلا اسعار التذاكر موحده ...اسعار المنتجات موحده سواء من البقال او من الكافيه. وفى الاخر هو الغلطان ماخترش الوقت الصح علشان يزور فيه مصر ...لو كان جه ايام حكم محمد على كان شاف نهضه لمصر و نهضه فى التعليم عن طريق بعثاته التعليميه الى الخارج والصناعه و الزراعه فى انشاء القناطر و ووسائل الرى و لا ننسى و نغفل نهضه الجيش فقد كان وقتها الجيش المصرى اقوى جيش فى العالم قفد فتح افريقيا و دخل على تركيا و اوروبا وغزى العالم بقوته واعلن ان مصر مستقله وليست تحت اى حكم اخر و تمرد على الحكم العثمانى و اصبحت مصر مستقله واعتمدت على نفسها فى الاكتفاء الذاتى ...والغريبه انها نجحت ..طيب اومال فى ايه دلوقت ليه مش مكتفيه بذاتها ....من وجهه نظرى "علشان مافيهاش حاكم زى محمد على" واسفه جدا على التطويل يارب متكونوش مليتوا

الست لم تخطئ لكنها غير أمينة في استكمال المعلومة. نعم مصر مليانة شغل في كل مكان ولكل الطوائف , بس بكام يا حاجة ؟؟؟؟؟؟ الشاب دلوقتى يوم ما يتمعظم هما من 400 الى 600 جنيه , انا بتكلم هنا على الشريحة العظمي من الشباب وليس الدكتور او المهندس. طب الشاب يعمل بيهم ايه دول , يدوبك يصرفهم مواصلات وفطار وشاي وقهوة , وكإنك يا أبو زيد ما غزيت, برضه قاعد مع والده في الشقة ووالده هو اللى بيأكله ويشربه (غداء وعشاء ) ولو احتاج لبس بياخد من والده برضه, يبقي يشتغل ليه ؟؟؟ انا بتكلم على واقع شفته بعينى , اخويا الأصغر مني لسه متخرج من سنتين وبعد ما شاف الجيش , لف مصر كلها على شغل ولقي شغل كثير بس كان أكثر راتب اتعرض عليه 400 جنيه, لدرجة انه راح مصنع يشتغل في شئون العاملين الراجل قاله مرتبك 300 قاله ازاى ياعم ده العامل بياخد 800 , قاله اه ده العامل :blink: , قاله خلاص اشتغل عامل , قاله ما ينفعش , فسابه ومشي. وانا بكلمه في التليفون بقوله يا ابنى كنت قبلت واخدت الخبرة وكده , قالى لأ , الوظايف دي مالهاش لازمة , اللى هجيبه مش هيكفينى مواصلات , انا هفتح مشروع يجيبلى اضعاف كده وانا قاعد لا بروح ولا باجي ولا حد يقولى اتاخرت ليه او يتمنظر على , وفعلا فتح سايبر نت وصيانة وشغال كويس ما شاء الله. طب الشاب اللى مفيش معاه فلوس ولا فيه حد يساعده يفتح مشروع يعيش بالمبلغ ده ازاى يا ستى. ويفتح بيت ازاى ويجهز نفسه من اين او بعد كام سنة ؟؟؟ يسرق والا يشتغل بلطجي ويبقي مجرم. الشاب دلوقتى علشان يدوبك يعرف يجيب مبلغ نقول عليه آدمي شوية ويحوش منه او لو متزوج يكفي مصاريف بيته منه لازم يشتغل ما لايقل عن 16 ساعة في اليوم, طب ده حرام والا حلال. وكفاية كده علشان انا بطنى وجعنى بجد. مع تحياتى

الرخصة الدولية تستخرج من نادي السيارات اللي بتعمل فيه التربتك بس ما دمت مصري فلا يجوز القيادة بها في مصر بس اذا عندك رخصة كويتية ممكن تستبدلها بالمصرية بدون اختبار وده اللي انا شخصيا عملت كده الف شكر يا اخ تامر موضوع اني ابدل الرخصة الكويتي ده اكيد ؟ لاني سمعته بس مش متاكد منه واجراءاته في مصر ازاي ؟ يعني بياخد وقت ولا بيخلص بسرعه الواحد خايف يضيع الاجازة في الرخصه :lol: بس انا معرفش مكان نادي السيارات ده لاني مبسافرش بالسياره انا اسمع انه على الدائري الرابع لكن فين بالضبط معرفش ياريت تقولي على مكانه بس غريبه موضوع اني معرفش اسوق بالدوليه في مصر انا سالت واحد قريبي رتبه في المرور وقالي مدام معاك اقامه كويتي ورخصه دولي بيعدوها بس طبعا اللي شككني في كلامه انه قالي اي حد يكلم معاك اتصل بيا على طول بصراحه انا مبحبش موضوع اني اتصل بحد والمواضيع دي بحب امشي سليم وفعلا كنت سامع ان الرخصه الدوليه لا تستخدم في الدوله الصادره منها بمعنى اني مقدرش اسوق بالدوليه الكويتيه في الكويت او الدوليه اللي صادره من مصر في مصر لو حضرتك متاكد يبقى قلي اصل الواحد خلاص زهق من مواضيع الرخص والمرور :sad:

انا خايف من دا فيا م الشكوى المداريه بالذات فى الليله ديه تحت الغيم و المطر بره الشبابيك غيوم بره الشبابيك مطر مالى خايف كده خايف و حاسس بالخطر دا حزن و لا مطر دا قلب و لا حجر دا دمع و لا مطر

مش عارف أبدأ منين... سامحوني اني بانشغل عنكم، بس الدراسة و العمل و طفل متشرد في البيت، مخليني مش لاحق افتح الميل حتي... أما بعد أراك يا أستاذ عادل مهتما بشدة بسمعة الكنيسة المصرية، و أري ذلك أحد اسباب الخطأ، و احد أسباب سوء الفهم... يا سادة أنا كقبطي لم أنتخب رجال الاكليروس، و عندما أقيمهم لا يخطر ببالي بتاتا آراءهم السياسية... بفرض أن رجال المجمع المقدس بأكملهم فقدوا عقلهم ذات يوم... ما علاقة ذلك بالأقباط و رأي الأقباط و مشاكل الأقباط... ما علاقة نظرة الأنبا بيشوي أو غيره لأخوتي و أهلي و أصدقاءي بنظرتي أنا و رأيي أنا و صوتي أنا الانتخابي؟؟ متي انتخبت انا هذا الشخص أو طلبت منه التعبير عن رأيي؟ لماذا يخرج الآلاف للشوارع ليضربوا صورة البابا شنودة بالجزم، لأن أحد رجال الاكليروس قال رأيا شاذا؟؟ هل يفترض في البابا تعيين و ترقية الأساقفة بناء علي عمقهم الروحي و اخلاصهم في عملهم و بحوثهم، ام بناء علي أراءهم السياسية؟ لو عزل البابا كاهن بسبب رأي سياسي مهما كان صادما، لفقد مصداقيتة امام الكنيسة كلها... سمعة الكنيسة يا أستاذ عادل لا تهم الا في مجتمع بلا قانون... يتم حسم جرائمه بالجلسات العرفية... تماما مثل سمعة العائلة في الصعيد، التي يجب أن تحمي بالدم و القتل و الارهاب، و الا عجزت عن ردع الآخرين في غابة بلا قانون... اما في المجتمعات الآدمية، فالمجرم يعاقب بقانون عادل يطبق علي الجميع، و لا يهمه سمعة أحد... ها هو دكتور العوا يتقمس شخصية الفاسق "بلفظ القرآن" و يتقول علي الكنيسة مالا يملك عليه دليل، و ان ملك فلا يحق له التعميم و التنميط... و قد تم ابلاغ النائب العام... فلننتظر جميعا الجلسة العرفيه، حيث سيعتذر د. العوا أو الانبا بيشوي، و يستكمل كل منهما حياته العادية، و يطلق عليه المثقفون لقب "المعتدل" دون أي عقاب أو حبس... فنحن مجتمع بلا قانون العزيز شريف مان غاضب جدا من عدة مواضيع يمكن تلخيصها بأجمعها أن الدولة تضرب المتدينين من المسلمين بجزمة أكبر من التي تضرب بها الأقباط... و كأن الكنائس لو أغلقت مثل الجوامع أو أن الأقباط حبسوا مثل الملتحين فستكون تلك هي الجنة و العدل المطلوب... يا عزيزي أغضب من صاحب الجزمة، و ليس مني أنا... ها أنا أنتظر تطبيق القانون، باعدام من يتهم بحرق البيوت أو الكنائس، و بقتل كل من يدعو لقتل و حبس من يقوم بحبس من يغير ديانته و لو كانت الي الالحاد، و ليس لديانة اخري تشترك مع ديانتي في 90% من معتقداتها... انتظر ان يتم احترام دماء شهداءنا في كل حروب القرن الماضي بازالة أي مواد دينية من المناهج الحكومية... و سأظل منتظرا، اشارك بالعمل و ليس فقط بالكتابة... كل قدر استطاعته... لن أيأس أبدا و لن أشك في محبة أهلي و زملاء دراستي، مهما سمعت من ميكرفون الجامع المجاور، أو من شيوخ الأزهر أو الفضائيات... لأن كل هؤلاء أيضا اناس لم ينتخبهم أحد للحديث باسمه... أعتذر للخروج بالموضوع عن اهتمامات الرأي العام المصري من كاميليا و وفاء، و نانسي و هيفاء، مع غض النظر عن سبب الداء و البلاء و الغلاء...

الى كل المصريين ابشروااااااااااااااا فى مصر 4 مشن يعنى اربعه اشخاص هيقوموا بالمقابلة الفترة القادمة علشان كده اتنين بالقاهرة و اتنين بالاسكندرية و ده الجدول بالمشن الجديدة يعنى توقعوا سيل من خطابات الانترفيو بحسبة بسيطة كل يوم 6 افراد * 5 ايام اسبوعيا فى عدد الايام ده كتير قوى http://www.immigration-quebec.gouv.qc.ca/publications/en/divers/Programmation-missions-travailleurs-lieu-en.pdf