لوحة القادة

http://www.youtube.com/watch?v=QZVpgf9baKA&feature=related الله يرحمه كان بيأذن فى مالطه!!!الله يرحمه

من نوادر الزواج سئل أحد الفلاسفة: كيف تختار امرأتك فأجاب: لا اريدها جميلة .. فيطمع فيها غيري . ولا قبيحة ... فتشمئز منها نفسي . ولاطويلة .. فأرفع لها هامتي . ولاقصيرة .. فأطأطئ لها رأسي . ولا سمينة .. فتسد علي منافذ النسيم . ولاهزيلة .. فاحسبها خيالي .. ولابيضاء .. مثل الشمع .. ولاسوداء .. مثل الشبح .. ولاجاهلة .. فلا تفهمني .. ولامتعلمة .. فتجادلني .. ولاغنية .. فتقول هذا مالي .. ولافقيرة .. فيشقى من بعدها ولدي . رأي في النساء سئل دون جوان: من هي أجمل النساء في نظرك ؟؟ قال: حبيبتي فقيل له: ومن غيرها ؟ قال: زوجة جاري.. فقيل له: ثم من ؟؟ قال: خادمتي . فقيل له: ثم من ؟؟ قال: زوجتي . كان ياما كان قالت الزوجة المريضة لزوجها: إذا أنا مت فأكتب على قبري هذه الجملة: ( في السماء راحة وسلام ). فقال لها زوجها: بل سأكتب ( كان في السماء راحة وسلام ). حكاية غرام سألت امرأة صديقتها: كيف عرفت زوجك الثاني ؟ فأجابتها: ان لذلك قصة طريفة .. فقد كنت اجتاز الشارع مع زوجي الأول حين أقبل زوجي الثاني بسيارته، فصدم زوجي الأول وقتله ... وهكذا بدأت قصة غرامنا.. وصية امرأة عندما أحست إحدى الزوجات بدنو أجلها .. قالت لزوجها: يا زوجي الحبيب .. لقد أخلصت لي طوال حياتك .. ولم تفكر يوماً في خيانتي .. لذلك أوصيت لك بكل ثروتي.. ولكن أريد منك وعداً بأنك إذا تزوجت بعد وفاتي .. فلا تسمح لزوجتك أن ترتدي ملابسي . فقال لها زوجها: كوني مطمئنة أيتها الحبيبة .. فملابسك ليست على مقاسها .. ثمار الفيلسوف في النساء قالوا قال سقراط لأحد تلاميذه: تزوج يابني .. فإنك إن رزقت بإمرأة صالحة .. أصبحت أسعد مخلوق على وجه الأرض .. وإذا كانت شريرة.. صرت فيلسوفآ زوجات وازواج في إحدى الحفلات، قالت احداهن للأخرى: الست تلبسين خاتم زواجك في الإصبع الخطا؟ فأجابت الأخرى: نعم. لانني تزوجت الرجل الخطأ يبقى الرجل ناقصا الى أن يتزوج. حينها ينتهي كليا. سأل طفل والده فقال: كم يكلف الزواج؟ أجاب: لا أعلم يا ولدي, لكني حتى الآن لا زلت ادفع الثمن . ******* طفل صغير سأل والده: هل صحيح ان في بعض مناطق افريقيا لا يعرف الرجل زوجته الا حين يتزوجها؟ فأجابه: هذا يحدث في كل بلاد العالم يا بني. ******* قالت امرأة ذات مرة: لم أعرف معنى السعادة الحقيقية الى أن تزوجت, حيث أدركت حينها أنه قد فات الأوان. الزواج هو انتصار الخيال على الذكاء. It's the truth إنك تحب واحدة.. ولكنك تتزوج من واحدة ثانية.. الثانية أصبحت زوجتك.. بينما الأولى أصبحت كلمة سر بريدك الاليكتروني ******* الدنيا بها طفل واحد فقط هو الأفضل.. كل أم تعتقد أنه طفلها. الدنيا بها زوجة واحدة فقط هي الأفضل.. كل رجل يعتقد أنها زوجة جاره ******* ثلاثة أحلام لكل رجل - أن يملك الكثير من الوسامة.. كما تعتقد أمه - أن يملك الكثير من المال.. كما يعتقد طفله الصغير - أن يملك الكثير من النساء.... كما تعتقد زوجته مع تحياتى لكل المتزوجين

بصراحة يا بشمهندسة تستهلى نقطة خضرا هو فعلا كان رجل علم وايمان الراجل داه انا بحترمه اوى من زماان وباحترم كل كلمة بيقولها والبرنامج بتاعه ليه ذكريات فى البيت لان كلنا كنا نتجمع نستناه وخاصة بابا داه حتي موسيقى البرنامج كنت بحبها اوى بتسحبك لمكان بعيد اوى وعلمه وثقافته وصوته وحكمته وهدؤه وتاملاته مش بسهولة يتنسيوا ابدا ابدا وله رؤية خاصة فى امور كتير اوى بعيده المدي الراجل داه من رموز مصر حقيقي الله يرحمه دكتور مصطفى محمود اغابي :roseop:

أول مرة أتعامل مع الشعور وهو سمكة جيدة لحمها متماسك لكنه فصوص جيدة الطعم والشكل السمكة شعور وزنها حوالى 2.5 كيلو نسلخها من الجد وهى سليمة نرشها بخل كفاية ونتركها حوالى 20 دقيقة ثم تتبل بملح وفلفل أسود وزيت زيتون وكمون وكسبرة مطحونة وعصير ليمون ندخلها الفرن حوالى ساعة ونصف الصوص بصلة كبيرة حمرا تقطع جوليان - شرائح طولية - ثم ترفع على النار مع معلقتين زيت زيتون وتترك مع التقليب من وقت لأخر حتى تتكرمل نضيف قليل من الزبدة وعصير الليمون - هنا أضفت عصير عنب ثم تفرد على السمكة فى طبق التقديم معها فطر مع الفاصوليا مسويان فى زيت الزيتون متبل بالملح والفلفل النصف الثانى من السمكة هنعمل له صوص مختلف الصوص مشمش مقطع منقوع ثم يرفع النار مضافا له بشر قشر ليمون مع عصير ليمونة حلوة مع قليل من الزبدة وملعقة خل يترك على النار مع التقليب حتى يتكثف ثم يفرد على السمكة فى طبق التقديم وعشان هى دايت خالص السلطة عبارة عن كرافس مقطع متبل بعصير الليمون ومعهم أرز الأرز مغسول ومسوى فى ماء غزيز (زى المكرونة) مع فلفل أسود حب وهيل حب يتصفى بعد ما يستوى ويضاف له الفاصوليا الحمراء الجاهزة مع الملح وزيت زيتون وهنا وعافية

شهدت صحيفة "المصري اليوم" خلال اليومين الماضيين توترات شديدة بعد تدخل الملياردير القبطي المقرب من البابا شنودة "نجيب ساويرس" بعنف لوقف نشر مقال المفكر الكبير الدكتور محمد سليم العوا ، وكان العوا قد اتفق مع مجدي الجلاد رئيس التحرير على نشر المقال على جزئين ، وبعد نشر الجزء الأول جرت أربع اتصالات متشنجة من "ساويرس" أبدى فيها استياءه من نشر المقال ورفض أن تقوم الصحيفة بنشر الجزء الثاني منه ، وأمر الزميل "شارل فؤاد المصري" مدير التحرير وصاحب القرار الفعلي في شؤون النشر بالصحيفة بوقف نشر المقال بعد تجهيزه للنشر فعليا ، ولمحاولة تلطيف الأمر ، اتصل مجدي الجلاد رئيس التحرير بالدكتور العوا واعتذر له عن عدم نشر المقال ، وتعلل له بأن هناك "تدخلات أمنية" مشددة لمنع نشر المقال ، إلا أن العوا بعد ساعات قليلة اتصل به وأكد له أنه لا توجد أي توجيهات أمنية بهذا الخصوص ، فعاد الجلاد وقال له أن المشكلة في أن المقال طويل وأن الجريدة لا تستطيع نشره بهذا الحجم ، إلا أنه تبين أن الأمر غير صحيح وأن هناك مقالات أطول من مقالات العوا يتم نشرها وأبدى العوا مرونة في اختصار المقال ، فرفض "شارل فؤاد المصري" المقرب من ساويرس نشر المقال حتى بعد الاختصار ، وطلب حذف كل ما يتعلق بالبابا شنودة والكنيسة من المقال نهائيا وهو ما يفقد المقال معناه بالكلية ، ثم انتهى الجدل بين قيادات الصحيفة إلى رفض نشر المقال بالكلية ، مع التعلل بأن هناك ردود أفعال سلبية عليه ، وأن الصحيفة لا تتعرض للعقائد والجدل الديني ، رغم أن مقال العوا أبعد ما يكون عن الجوانب العقائدية حيث يبدي حرصه الشديد على احترام عقائد الآخرين وعدم المساس بها ، وأن يكون الحوار حول الأبعاد الوطنية والسياسية والاجتماعية لسلوك الكنيسة . إلي ذلك كشف صحفيون بالمصري اليوم عن تلقي مجدي الجلاد رئيس التحرير اعتذاراً من الكاتب الساخر بلال فضل عن الكتابة مجدداً للمصري اليوم تضامناًً مع الدكتور سليم العوا الذي باعته المصري اليوم لكسب رضا الكنيسة ، وأكد فضل في خطابه أن المصري اليوم بهذه الطريقة سوف تخسر مصداقيتها وقارئها للأبد ، مضيفاً أن من حق كل الأطراف عرض وجهات نظر طالما أن الجريدة ترفع شعار الاستقلالية والحياد ويسعي الجلاد لاقناع فضل بالعدول عن قراره بعدم الكتابة للمصري اليوم مجدداً .

ماذا لو دخلت صيدلية وتناولت كل الأدوية التي بها؟ - هل ستشفي من جميع الأمراض؟ - ابدا.. ستموت فورا ولكن هناك صيدلية عالمية مليئة بالأدوية الطبيعية إذا تناولتها ستعيش في منتهي الصحة والقوة والسعادة.. ان البحر أعظم صيدلية في التاريخ علي سطح الكرة الأرضية. - ولكن.. أين الروشتة؟ - انها روشتة عالمية تاريخية تتلخص في كلمتين: استقبل الهواء وأدبر للشمس.. اعط ظهرك للشمس واستقبل الهواء بصدرك.. خاصة هواء الفجر الباكر المليء باليود اعظم دواء لكل الأمراض الصدرية وإذا استلقيت علي وجهك واعطيت ظهرك للشمس فهذا هو دواء العظام والعمود الفقري بالذات مهما طال بك العمر لن تنحني ولن يظهر لك ما يسمي "بالأتب" حتي لو عشت قرنا من الزمان ثم فيتامين "د" يدخل في عظام رجليك لتصبح أقوي من رجلي رفعت الفناجيلي.. ثم هذه الشمس المحرقة هي خير دواء للكلي.. لن تشكو من أمراض الكلي طول عمرك وإذا استلقيت علي وجهك فوق الرمال الساخنة لا فوق هذا الكرسي الطويل الموجود علي الشاطيء المسمي "شيزلونج" وهي كلمة فرنسية معناها الكرسي الطويل. إذا تركته ونمت علي رمال الشاطيء الساخنة ستتذكر علاج زمان أيام جدك وجدتك المسمي "كئوس الهواء".. زمان كان الذي يعاني من أمراض الصدر يعملون له "كأس هواء" ليمتص كل ما في الصدر من معاناة!! ثم مجرد المشي علي رمال الشاطيء من الكورنيش إلي البحر فيه تقوية لعضلات ساقيك وبطنك.. غوص القدم عميقا في الرمال ثم انتزاع القدم من الرمال أحسن من أي جيمنزيم!! ثم انزل البحر بقي يا خفيف!! في البحر باقي الأدوية.. ماء البحر قطرة لعينيك وإذا كان هناك رمدا ما في عينيك ستشعر بحرقان لكي تشفي من هذا الرمد!! انت لا تستطيع أن تغسل "طبلة" اذنيك.. مياه البحر تتدفق خاصة لو كان هناك موج داخل الأذن لتغسل الطبلة غسيلا.. ومهما استنشقت بأنفك مياه البحر ستدخل الأنف رغم أنفك وتطهر الجيوب الأنفية خيرا منك.. ثم ماء البحر يتسلل من خلايا جسمك كله لاخراج السموم من جسدك. وعلي فكرة.. الأمواج الكبيرة العنيفة قرب الشاطيء خير مساج لجسمك.. خير من صديقي حسنين حمزة!! وماء البحر طاهر.. ممكن تتوضأ ثم تصلي علي الرمال الناشفة والقبلة معروفة.. اعط ظهرك للبحر وصل. وإذا تراكمت عليك المشاكل.. وزهقت من العيشة واللي عايشنها.. مصاريف رمضان ثم كعك العيد ثم دخول المدارس وغلاء أسعار كل شيء.. فهناك فتوي مؤكدة.. الغريق يدخل الجنة بغير حساب.. تعال بسرعة.. نحن في انتظارك!! كان هذا مقال الكاتب الرائع عبد الرحمن فهمي في عموده اليوم بجريدة الجمهورية

السلام عليكم تابعت فيلما جميلا عن الكون الرائع الذي نعيش فيه .. أعاد تذكيري بالاتساع الهائل و التمدد المستمر له .. و تذكرت الحديث الشريف: ما السموات السبع في الكرسي إلا كحلقة ملقاة بأرض فلاة ، و فضل العرش على الكرسي كفضل تلك الفلاة على تلك الحلقة أحسست بمدى ضآلتنا في هذ الكون .. و مع هذا إذا تقربت إلى الله ذراعا .. تقرب إليك باعا يقول الله تعالى : أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملأ ذكرته في ملأ خير منهم ، وإن تقرب إلي شبرا تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة فلم هذا الاستغراق في الدنيا و خلافاتها و صراعاتها ؟؟؟ طبعا أنا لا أقصد "الدروشة" و الانعزال عن الدنيا .. دار الاختبار .. بل أن يكون وجودنا فيها "عبادة لله سبحانه و تعالى" .. لا نحب إلا فيه .. و لا نبغض إلا فيه لا نخاف مخلوقا .. لا نكتم كلمة الحق .. لا ندخر جهدا لنشر دين الله لذا .. من فضلك .. قف لحظة راجع أولوياتك رقق قلبك أخرج منه الدنيا و املأه بحب الله جل و علا

أنا قلت بما انكم من متابعي الحركة الأدبية والسياسية في مصر فأكيد ميفتكوش انكم تقروا أخر كتابات الرائع أحمد فؤاد نجم كأنك مفيش برغم إن صورك فـ كل الدواير وكل المداخل وكل المحاور ومليا الشوارع على كل حيط .. مطنش علينا وعامل عبيط .. كأنك مفيش .. *** يا فرحة قلوبنا رئيسنا ظريف .. فُكهي .. إبن نكته ودمه خفيف فـ عهدك سيادتك فَرَشنا الرصيف وآخر مُنانا الغُموس والرغيف وكل أمَّا تُخنُق ندوَّر .. مفيش !! *** مسيِّب علينا عصابة حبايبك فضايح وسرقة ونهب بسبايبك مابين حزب نجلك .. وهانم جلالتك وجيش الغوازي إللَّي داير يجاملك وناملك وقاملك .. وحارسك وأمنك شبعنا مهانه .. شبعن ا لطيش ..! وأنت .. مفيش !! *** باعونا فـ حضورك .. ببركة عِبـيدك وغالي وسرورك باعوا الأراضي .. وكل المصانع وباعوا البنوك .. وقدَّام عِنيك .. صوتنا إتـنبح .. ننادي عليك .. إلحق يا ريس : ده باعوا الحديد !! وأنت منشِّف دماغك عنيد !! .. كأنك مفيش !! *** دوشتوا دماغنا " بجمال " طلعتك ومن يومها وإحنا عَبـيد حضرتك ما تزعلش إني مواطن أبيح ورافض كلابك فـ شعبك تطيح فسادهم يا ريِّس واضح .. صريح قوم بينا صلّح وفتَّش .. وثور ح نكتب تاريخك ياريِّس بنور مش تبقى عايش كأنـَّك مفيش !! *** ورحمة أبوك .. مادام أنت قاعد عيب لمَّا عُصبة نَـوََر يسحبُوك م تُقبض عليهم .. م تقطع إيديهم .. م تعمل عليهم يا ريِّس شاويش بدل م انت ساكت وقاعد مفيش *** ياريس علىّ الطلاق تعبانين !! ياريس علىّ الحرام كفرانين صبرنا سنين .. سيادتك مسلطن وشعبك وناسك بتاكل مسرطن وتشرب مجاري وميت سم هاري .. ومش دريانين !! ما تنهض يا ريس تلم الديابه ؟!! ده شعبك غلابه .. ومليان طيابه .. وهوَّ الشفاعة ف يوم الحساب وهما البطانة الحُثاله الكلاب ما يملاش عنيهم غير التراب وليهم ضوافر وميت ألف ناب وواقفين لشعبك ورا كل باب لإمتى ح تسكت وليه الغياب ؟ ده ياما ممالك طواها التراب حياتنا ياريس تعب فوق عذاب *** يا ريس " شريفك " ماهوَّاش شريف !! " نظيفك " يا ريس ماهوَّاش نظيف !! وحتى " حبيبك " ماهواش حبـيب !! وأنا غصب عني .. خلاص إستويت .. بـ غـُلبي إنحنيت .. وطلعان عنيا .. وصعبان عليا بحسبة بسيطة ومن غير خريطه .. وكونك مفيش .. لقيت متساويش ومش فارقه أعيش .. نويت أشتكيك للِّي فوقي وفوقك وأصلي الفرايض ..عسى يفـُك طُوقـك قالولي إللي يسجد عدو النظام !! حاولت أحكي حالي ..!! قالولي الحكاوي نميمة وحرام !! فكرت أكتب .. لقيتكم سيادتك منعتوا الكلام !! فقررت أحلم .. هاحلم سيادتك وأفُك اللِّجام ولو مش هيعجب سيادتك يا فندم وصِّي العساكر .. تاخُدني أمَّا انام !! *** حلمت إني شعب ..! حلمت إني شعب ومصلوب بطولي على أرض سمرا ودمي بينـزف ومليان جروح وفوق صدري جمرة يميني مربّط على أرض طابا شمالي ممسمر فـ "أولاد علي" ورجلي على جزع نخلة فـ "حلايب" ومرتاح براسي على حِجْر م صر وشوفتك ياريس ..كأنك ولي .. كأنك نبي .. فـ إيدك عصاية وليك معجزات وشايل صليبي وبتفـُكني .. وانا فـ جنَّه خضره .. وتحتي جداول .. ومن فوقي نور .. وريحة بخور .. همست ف ودانك بآخر وصيّة : إنسى إللي فاتك .. هننسى الأسية .. !! *** أمانه عليك .. حُط الوطن جُوَّه نِنِّي عينيك ; كرامة عيالنا أمانة ف إيديك بحق إللي بينّا يا ريِّس وبـينك وحَق اليَمِين و" ألكتاب " فى يمينك بحق الشهيد .. إللي رافع جبينك وجيش إنتصارك فى يوم العبور وجيل حُر طالع .. وعدته بدور لملم عيالك .. وجمَّع فـ مالك وإسحب " جمالك " وسيبنا وغور .

- من أهم المميزات التى يمكنك الحصول عليها فى الشارع المصرى هى..إنك ممكن تقفل الشارع بمزاجك من غير ما حد يعترض ، لو عندك حالة وفاة تستطيع أن تحول الشارع إلى دار مناسبات و تقفله بصوان بس تسيبش ممر صغير للناس تعدى منه على رجليها علشان ماتسبِّش للمرحوم. 2 فى حالة لو عندك فرح ممكن تقفل الشارع من غير ماتسيب ممر للناس تروَّح علشان مافيش حد أصلا هيروَّح قبل الفرح مايخلص. 3 مصر هيا البلد الوحيده اللى ممكن تلاقى فيها سواق تاكسى يركِّبَك ببلاش ( حدث بالفعل مع كاتب المقال منذ عدة سنوات ،نتيجة لظرف ما كان يقف مفلسا فى جسر السويس يحلم أن يصل إلى مقر عمله فى وسط المدينة ، استوقف سائق تاكسى و سأله لو ينفع يوصله و يكسب ثواب، فنظر له سائق التاكسى من أعلى إلى أسفل ثم قال له إطلع ، وفى الطريق صارحه السائق بأنه قبل أن يوصله مجانا لأنه كده كده نازل وسط البلد ولأنه استريح له..هكذا و ببساطة). 4 لو ركبت تاكسى و فى جيبك شريط بتحبه ممكن تديه للسواق يشغله (وممكن كمان..علّى يا اسطى)،و سيزيد حماس سائق التاكسى لتشغيل شريطك إذا كان كوكتيل شعبى حيث العنب و المولد وقوللووه ،أو إذا كان خطبة عن عذاب القبر. 5 مصر هى الدولة الوحيدة التى تعرف فيها هتدفع كام قبل ما تركب التاكسى(فى أوربا والدول المتقدمه زى دبى مثلا فيه حاجة اسمها عداد)، هناك أشخاص يعتبرون سؤال سائق التاكسى (هتدفع كام) هو سؤال بجح، لكن وبشكل عقلانى هو سؤال يضمن (حقكوا انتوا الاتنين). 6 مش كل مرة تتقفش فيها مخالف هتتسحب منك الرخصه، وده أوبشن متاح فى مصر بس ، وعلشان رخصتك ماتتسحبش عندك كذا طريقة أشهرها أنت مش عارف أنت بتكلم مين لكنها مش دايما مضمونه وممكن تقلب بغم. 7 وأسهلها إستعطاف أمين الشرطة و تبرير خطأك كطفل أمه قفشته بيعاكس بنت الجيران مع التأكيد على إنك مش هتعمل كده تانى و الإكثار من معلش و نهارك ابيض يا باشا. 8 و هناك الطريقة الأكثر فعالية وهى إنك تحط بين رخصة العربية ورخصة السواقة ورقة بعشرين. 9 بالمناسبة ممكن تاخد المخالفة عادى،ولمّا تروح تطلّع شهادة مخالفات تلغيها!. 10 معظم أصحاب السيارات الصيّع فى مصر معهم خريطة بها الاماكن (اللى ينفع تركن فيها صف تانى من غير ما تتكلبش، حيث أن الكلابشات ليست متوافرة فى كل الشوارع) . 11 لدينا أيضا ميزة أن للكلبشة مواعيد عمل رسمية نعرفها جميعا و تجعلك تركن سيارتك صف تانى أمام سنترال التحرير فى الثالثة صباحا وانت متطمن. 12 لدينا ميزة إنك ممكن تفتح الإشارة بالضغط على أمين الشرطة عن طريق الكلاكسات، فى الواقع لدينا ميزة أخرى أهم تدل على أننا نعيش أجواء ديمقراطية وهى أن الواقفون فى الإشارة لديهم الحق فى تحديد الوقت المقبول للوقوف فى الإشارة وعندما يتم تجاوز هذا الوقت تبدأ زفة الكلاكسات. 13 لدينا ميزة اخرى وهى إنك ممكن تشترى سارينة إسعاف و تركبها فى عربيتك، و ستساعدك كثيرا فى إختراق الزحام، لإن الناس يفسحون الطريق تلقائيا عند سماع السارينة (حتى لو ماشافوش فى المراية اى عربية إسعاف ). 14 لدينا أيضا ميزة الإلتصاق بسيارة إسعاف حقيقية (لو ماعندكش سارينة)، الإلتصاق بسيارة الإسعاف سيجعلك تصل أسرع ، احيانا تحدث مناوشات بين سائقى السيارات حول من يستحق أن يلتصق بالإسعاف، وهناك نوع من السائقين فى منتهى خفة الدم (بيعملوا نفسهم قرايب المريض اللى فى عربية الإسعاف). 15 لدينا ميزة لا نراها هى فى حد ذاتها ولكن نرى آثارها فى الشوارع بسهولة، ميزة الميكانيكية المهرة الذين يسمحون لسيارات عمرها الإفتراضى إنتهى منذ سنوات بعيدة أن تستمر على قيد الحياة وتنافس سيارات الألفية الجديدة فى شوارع القاهرة(يعنى فيه ميكانيكية ممكن يخلوا عربيتك تعيش خمسين سنه على الأقل)، القاهرة هى العاصمة الوحيدة التى سترى في شوارعها سيارات موديل أوائل الستينيات ((r 1100، وأوائل السبعينيات (فيات 124)،و نهاية السبعينيات (فيات 132)، وبداية الثمانينيات (الفيورا طبعا).، ناهيك –حلوه ناهيك دى- عن السيارات ابنة فترة الاربعينيات والتى أصبحت قطع تاريخية نراها على فترات فى شوارع الزمالك والمهندسين. 16 ممكن الناس تركب فى شنطة العربية الملاكى لو العربية مليانة ، وهو مشهد له وقع طريف على من يراه، وهناك من يركب إلى جوار سائق الميكروباص (على شمال السواق)،و هناك المقعد الامامى الذى يتسع احيانا لثلاثة اشخاص(اتنين جنب بعض وواحد على رجلهم شويه وعلى التابلوه شويه)،وهناك المجانين الذين يجلسون فوق شنطة السيارة وهى مسرعة،وهناك الموتوسيكل الذى يحمل اسرة كاملة، لدينا ميزة الناس اللى بتشيل بعض فى (الزنقة). 17 لدينا ميزة روح التعاطف المختلطة بالأمومة، يعنى لو ماشى بعربيتك و كاوتش عربيتك نايم شويه او نص نايم او حتى مهوّى،هتلاقى كل العربيات اللى بتعدى عليك بتهدى جنبك وكل اللى فيها بيشاورولك على الكاوتش ، وهناك من هم متأججى المشاعر الذين يطاردونك حتى يلحقون بك (و بيكسروا عليك علشان يلفتوا نظرك ....الفرده اللى ورا عايزه تتزود). 18 النقطه السابقه نفسها تتكرر لو كنت ماشى بعربيتك وفيه باب من ابواب العربية مش مقفول كويس. 19 النقطة السابقة نفسها تتكرر لو ماشى وغطا تنك البنزين مفتوح. 20 تابع لروح التعاطف والأمومة ،إذا كنت على كورنيش المعادى او الأتوستراد او الطريق الصحراوى ، ولاحظت أن السيارات القادمة فى الإتجاه المقابل كلها بدون استثناء (عمّاله تقلّب لك نور) ، ستعرف فورا (إنه فيه رادار أو لجنة رادار على الطريق) و أن تقليب النور ماهو إلا تحذير أمهاتى إنه (خُد بالك يا بنى و على مهلك). 21 من اجمل ما فى الشارع المصرى تلك الجمل التى نراها مكتوبة على السيارات بكافة الأنواع،وهى مليئة بالحكمة احيانا ( السعادة فى الرضا)، وبالوقاحة احيانا (صغير بس يحيّر)،و بخفة الدم احيانا (المجروحين يمسكوا يمين)،و بالطيبة احيانا (يا بركة دعاكى يا أمى)، و بالمياصة أحيانا(من حق الكبير يتدلع)،و بالغموض أحيانا (للكبار فقط). 22 من اجمل ما فى الشارع المصرى روح التعاون ، وتتجلى هذة الروح فى (ورطة الزق)، فعندما تعطل سيارتك وتطلب من أقرب مجموعة أشخاص أن (يزقوك) سيستجيب لك الجميع فورا..ولكن لأى مدى؟، لأبعد مما تخيل، فالشخص الذى تورط فى أن يزقك لن يتخلى عنك حتى تدور سيارتك وتنطلق مسرعا ملوحا له بالشكر من شباك سيارتك، لكن من الوارد أن تستمر عملية الزق لمسافة طويلة تجعلك تشعر بالإحراج ،ومن الوارد أن تتوقف العربية مرة أخرى فتنزل من سيارتك وعلى وجهك ابتسامة بلهاء فتجد الأشخاص الذين قصدتهم من قليل يعودون إليك مرة اخرى و يواصلون عملية الزق لدرجة تجعلهم يبتعدون عن المكان الذى كانوا يقفون فيه بمسافة تحتاج لمواصلتين علشان يرجعوا لها ...بس الجميل فى مصر إنه مش مهم الناس دى مشيت معاك لحد فين المهم عربيتك تدور وتمشى وترحمهم من الورطه اللى حطوا نفسهم فيها. 23 الأظرف عندما يكون العطل اللى فى سيارتك من النوع الذى لايفلح معه الزق، هنا سيستمر الناس فى زقك إلى ان يفقدون الأمل تماما، وساعتها سيقترحون عليك أن (إحنا هنزقك على جنب وتركن عربيتك وتقفلها وتروح تجيب ميكانيكى)، وقد تجد بينهم شخص لا يفهم فى الميكانيكا لكنه عاطفى جدا و سيفاجئك بطلب غريب( إفتح كده الكبوت). 24 روح التعاون والتعاطف لها أشكال كثيرة ،مثل أن يتعاون الناس فى عدل سيارة إتقلبت على الطريق ، تراهم بهمة عمال البناء ينظمون انفسهم ويوزعزن أدوارهم و يحددون التكنيك المناسب لعدل السيارة مع العد( 3،2،1) و (بسم الله الرحمن الرحيم...زق زق ). 25 ولأن الله (بيقدّر و بيلطف)، قدرنا ان تمتلىء شوارعنا بالحفر العميقة و البالوعات المفتوحة، ولكن لطف الله يتجلى فى الروح المصرية التى تحشد العشرات لإنتشال السيارة من الحفرة -لدينا عدد لا بأس به من الناس الذوق ذوق ذوق، مثل هذا الشخص الذى لايكتفى بإشارة يمين ولكنه يخرج لك ذراعه من الشباك احتياطى لتكون مش واخد بالك، و هناك الشخص الذى لا يكتفى بإشارة الإنتظار إذا اضطر إلى الوقوف لكنه يرفع لك يده أعلى من مستوى السيارة فى إشارة تحمل مزيجا من الشكر والتنبيه،وهناك الشخص الذى تضطره الميكروباصات لأن (يكسر عليك) فيضطرإلى أن يفض ماشى قدامك لمسافة ميتين متر وهو رافع إيده لك أسفا و إعتذارا، وهناك من يضطره الإستعجال لأن يقفل بعربيته عليك ويدخل الى محل ما وهو عينه على العربيات اللى قافل عليها و ما أن يراك تفتح باب سيارتك وقبل أن تمتعض تراه جاى جرى وعلى وجهه ابتسامه تجعلك تود أن تقول له (ياريت الناس اللى بتركن صف تانى كلها زيك كده)، يقول لك (آسف) فلا تملك إلا ان تقول له (ماحصلش حاجه). 2-هناك شبه إتفاق بين المصريين إنه مافيش مشاكل يعنى وأنت سايق لو تسرق الحته دى عكسى أو تخطفها مخالف أو (أنت مالكش دخله من الفتحه دى بس خش خش الوقت متأخر مش هتلاقى حد واقف...حد طبعا بمعنى أمين شرطة). 3-من حقك تعمل مطب قدام بيتك ، أو قدام المحل بتاعك أو المدرسة بتاعتك علشان تحس بالأمان ، و بناء المطب حق مكفول لأى مواطن ولا يحتاج لتصريحات ولا يكلفه أكثر من شيكارتين اسمنت. 4-من المميزات التى يمكنك الحصول عليها فى شوارع مصر فقط هى إنك من حقك تمنع أى حد يركن قدام المحل بتاعك أو الورشة بتاعتك ،معللا ذلك بأنه (ده باب رزق يا أستاذ)، وهى حجه قوية ومقنعة طبعا. 5-من المميزات التى يمكن الحصول عليها فى الشارع المصرى هى إنك ممكن تحجز مكان لعربيتك تركن فيه، مجرد قائمين من الحديد الصدىء و سلسلة من نفس الخامه ، و تقوم بزرع القائمين فى أى مكان فى الشارع معلنا استيلائك عليه و لن يعترض احد، بالعكس سيقوم جيرانك بالبحث عن مكان يصلح لتحويله إلى باركنج مشابه للذى اخترعته. 6-مش من حقك تشد التعشيقه لو هتركن صف تانى، بس من حقك تركن صف تانى. 7- كمان من المميزات اللى عندنا أن أى حيطه تنفع سبورة تكتب عليها اللى انت عايزه وده موجود من ايام الفراعنه، هناك من يكتبون أسمائهم للذكرى، وهناك من يرسمون قلوب منبعجه بأسهم وإسمه وإسم حبيبته( مجدى و رانيا)،وهناك من يكتبون إعلانات عن شقق للمغتربات بأرقام تليفون الشقق علشان لو حد عايز يظبط واحده مغتربة، وهناك من يكتبون شعارات عنتريه مثل (عفوا هذا زمن الأهلى)، وهناك من يكتفون بالشخبطه والرسم، وفى كل جدران العاصمة ستجد متنفسا لهؤلاء المكبوتين لا تملك إلا ان تعتبره ميزة تنفس عن البعض و تضحك البعض. 8-من احلى الحاجات فى الشارع المصرى هو الحق المكتسب لصاحب الكشك فى استخدام ما يستطيع من المساحة المحيطة به، لو عندك كشك –وفى مصر فقط- تستطيع ان تضع كل بضاعتك بالخارج ،وهو يعنى حتة الكشك هيشيل إيه ولا إيه؟ 9- لو عندك سوبر ماركت ممكن تزين بابه بصفين، صف علب سمنة روابى ،وصف كراتين برسيل،ومع إنها مجرد بضاعة إلا إن الناس بتعتبرها إيمدج للمحل،(مع إن المفروض إن البضاعة دى كلها تدى إنطباع بالكساد)! 10-من أحلى الحاجات فى الشارع المصرى ، إن المواطن المصرى لو شاف خواجه فى الشارع بيبتسم فى وشه على طول وبشكل تلقائى...إلا لو كان خليجى وده موضوع تانى. 11-ممكن توقّف أى شخص فى الشارع وتطلب منه اى حاجه ومن النادر إنه يكسفك، ممكن تطلب أى حاجه من أى واحد ماشى فى الشارع و بيتكلم مصرى بداية من (ممكن تقرا لى العنوان اللى مكتوب فى الورقة)،مرورا ب(سيجارة)،نهاية ب(ممكن جنيه اروح بيه؟). 12-من أحلى الحاجات فى الشارع المصرى ،الطيبة اللى زرعها الله فى الوجه المصرى، نوع من الطيبة تزيدها قسوة الظروف جاذبية، طيبة يسهل إستكشافها إذا وضعت وجها مصريا بين وجوه من جنسيات مختلفة (المانى، قطرىن يابانى،مكسيكى). 13-من أحلى الحاجات فى الشارع المصرى ، أن الجميع يدعو لك فى مختلف الاحوال، يعنى إذا عطفت على شخص سيدعو لك (ربنا يزيدك)، وإذا ساعدت شخصا ما (ربنا يريح قلبك)،وإذا تعرضت لمكروه(ربنا يعوض عليك)، حتى لو قمت باستفزاز شخصا ما (ربنا يسهلّ لك)، وأحيانا إذا تسرعت و تعديت بقول جارح على شخص ما (ربنا يسامحك). 14- برغم السلعوة فإنك لا تستطيع أن تنكر حالة من الشعور بالأمان تسيطر على شوارعنا، و تذكر كم مرة نسيت سيارتك مفتوحة و توجهت للنوم لتجدها فى اليوم التالى كما هى، اللصوص عندنا-وهذة ميزة ايضا-لا يسرقون السيارات المفتوحة. 15-البلد لا تنام وتعمل 24 ساعة ، وهى واحدة من اهم مميزات الشارع المصرى ، فأنت تستطيع ان تشترى اى شىء فى أى وقت بداية من الدواء نهاية بالحشيش (اللى هو دواء برضه)،وأضف إلى القائمة خدمات علاجيه ومحلات السوبر ماركت و مطاعم ومحطات بنزين وبائعى صحف و عربيات فول و محلات عصير ومقاهى و اقسام شرطة و كباريهات لو عايز. 16-من أحلى ما فى الشارع المصرى إجتهاد معظم الشعب فى أن يكون خفيف الدم صاحب إفيه (وكل واحد ومقدرته طبعا)، لكن وجود هذة الروح فى الشارع المصرى يضمن الحد الادنى من القدرة على التفاهم و التواصل، ويمكنك ملاحظة هذا بسهولة فى الحوارات التى تنشب سريعا بين قائدى السيارات المتوقفة فى أى إشارة و بمرور الوقت يمتلىء الحوار بآراء ساخرة و إفيهات ذكية سريعة إلى أن (تخِّضر) الإشارة و تبدأ زفة الكلاكسات ( يا عمى أنت هترغى؟). 17- أتوبيسات النقل العام مصممة بحيث تستوعب أكبر كم ممكن من الركاب، ومن احلى الحاجات فى مصر قاعدة ركوب الاتوبيس التى تقول (مهما كان الأتوبيس مليان..دايما ليك مكان). 18-من احلى الحاجات فى الشارع المصرى أن أى شارع ممكن ان يتحول إلى ملعب كرة، وأنا اقصد كلمة أى شارع فعلا و تذكر الماتشات التى تقام أمام القصر الجمهورى فى عابدين. 19-من أحلى الحاجات أن محترفى كرة الشارع اخترعوا كره على قد الشارع (الكورة الشراب طبعا). 20-من أحلى الحاجات فى مصر إن أى حد ممكن ياخد لقب (باشمهندس) بسهولة، ماعدا الباشمهندس الحقيقى فالناس تناديه ب (يا دكتور). 21- بالرغم من أن خطوط عبور المشاة يندر احترامها ،فإنه كثيرا ما يحترم قائدو السيارات رغبة المشاة فى العبور من أماكن خطر و يتوقفون لهم تماما حتى يعبرون فى أمان. 22-لو وقعت فجأه فى الشارع هتلاقى الناس اتلمت حواليك ممكن مايعملوش حاجه مفيده قوى بس على الاقل هتلاقى حد يشيلك من الارض و يركنك على جنب،و ( ميه..حد يجيب شوية ميه). 23- من أحلى الحاجات فى شوارع مصر ضحكة عسكرى المرور عندما تضحك فى وجهه او تلقى عليه تحية الصباح (صباح الفل). بالمناسبة من المميزات ايضا إنك ممكن تدى عسكرى المرور الغلبان حاجه و تاخد عليها ثواب وماتعتبرش رشوة لأنه مابيعملش حاجه أصلا. 24-من أجمل الحاجات فى الشارع المصرى مشاهد لن تراها إلا فى شارع مصرى، مشهد شاب يساعد سيدة مسنة أو رجلا اعمى فى عبور الشارع، مشهد صلاة الجمعة او العيد فى الشارع، مشهد بائع العرقسوس و بائع الربابة و بائع غزل البنات،الرجل الذى يحمل قفص الخبز فو رأسه يسنده بيد وبالأخرى يقود دراجته، مشهد تجمع العشرات حول عربية الفول فى الصباح الباكر (أحلى شوية أكل فى العالم كله أصلا)،مشهد المحل الذى تمر أمامه ليلا وتراه مغلقا ولكنك تسمع قادما من الداخل صوت إذاعة القرآن الكريم،مشهد السيدة البدينة بالجلباب الأسود تجرى خلف اتوبيس هيئة النقل العام،مشهد الباعة الجائلين وهم يحملون فرشة البضاعة و يهربون من شرطة المرافق،مشهد صبى القهوة وهو يضع مبسم الشيشه فى فمه و ينفخ فيه ليفرغ الشيشة من الماء على الاسفلت،مشهد أعلام الزمالك ترفرف من السيارات عندما يفوز الأهلى فى نهائى أفريقيا وطبعا محدش بيقول نكت زى محنا بنقول فى مصر ولا ايه ...؟ بمناسبة النكت باه حاجه على الماشى كده .. صعيدى يشتكي لصاحبه يقوله الدنيا دلوقتي مابقلهاش امان ؟؟!!؟؟ سأله صاحبه لييييه .... قاله : تصدق امس رحت لجلبيه ابويه اسرق محفظته لقييت محفظتي بجيبه منقول

بسم الله الرحمن الرحيم أخي الفاضل / blooo تحية طيبة وبعد 000 أمس قمت بزيارة أرض المشروع و لكن واضح أن الموضوع لسة بدري عليه جداً لأنهم حتى الآن لم يتم البدأ في عمل شبكة الطرق الداخلية 0 و لم يتم إدخال المرافق إلى المشروع و بالتالي أعتقد إن لسه بدري عليه 0 و في حالة وجود أي أخبار جديدة سأقوم بنقلها فوراً إلى المنتدى كما ذكرت سابقاً خالص تحياتي مهندس / أشرف محمد

الخبر الأصلي من المصريون http://www.almesryoon.com/news.aspx?id=40111 ستظهر لنا الأيام القادمة حقيقة الأمر المصريون .. لي عليها ملاحظات كثيرة ومصداقيتها بالنسبة لي هشة قد يكون الخبر حقيقي .. أو جزء منه كما أشرت .. أو بعضاً منه غير حقيقي .. ستظهر الصورة أوضح خلال الأيام القادمة

السلام عليكم الزميل الفاضل ارشيتكت اهلا بك الليبرالى المعتدل الذى تشير اليه له و منذ زمن موقف معروف ضد الاسلام و اهله منها على ما اتذكر تصريحاته ضد الحجاب و المحجبات فى مصر رغم ان هذا شأن ليس له و لا لغيره الافتئات و الكلام عليه ..هذا اولا ثانيا ..الليبرالى المعتدل كما تقول يمتلك ..او تى فى التى دشنت فى بداياتها عصرا جديدا من الاباحيه فى فضاء القنوات العربيه بعرض افلام uncut . الليبرالى المعتدل لا بد ان يكون عنده حد ادنى من روح الليبراليه فى إطار الرأى و الرأى الاخر و هذا عين ما ينصبون علينا به هؤلاء ..الليبراليين ..من انهم يقولون شعارات هم اول من يتنصل منها و الا فما هى مؤهلات المهندس ..ساويرس ..ليكون من حكماء البلد ..حكماء مره واحده . هو ليس متدينا كما سمعته يقول و دراسته فى الهندسه و مجاله البيزنس العام و التجاره ..فمن اين جائته الحكمه التى تشير اليها اخى الكريم و اعطته الحق او قل الخبره ليمنع مقال مفكر فى قامه د. العوا لو قضى ساويرس سنين طويله عند قدمى العوا ليتعلم منه ما استطاع الوصول الى خبره و علم و حكه حقيقيه شهد بها القاصى و الدانى للعوا . اليك اخى الفاضل و للاخوه الكرام مقال العوا الذى منعه ..الحكيم ..ساويرس http://www.el-awa.com/new/index.php?op=news&id=12 اشكرك ابو عمر على مرورك الكريم ,, اعتقد من الحكمه عدم التجريح لا في شخص نجيب ساويرس ولا في اي طرف من اطراف الموضوع يعني عاوزين الامور تهدأ مش تزيد اشتعالا لانك حتلاقي ناس من مصلحتها زيادة العنصريه والتشاحن والبغضاء واذكرك بموقف الرسول الكريم عليه الصلاة والسلام عندما تشاحنت لديه الاوس والخزرج وقد جئت بالموقف واقتبسته فيما يلي : قال: مر شاس بن قيس ـ وكان شيخا قد عسا في الجاهلية، عظيم الكفر، شديد الضغن على المسلمين شديد الحسد لهم ـ على نفر من أصحاب رسول الله صلى الله عليه وسلم من الأوس والخزرج في مجلس قد جمعهم، يتحدثون فيه، فغاظه ما رأى من إلفتهم وجماعتهم وصلاح ذات بينهم على الإسلام، بعد الذي كان بينهم من العداوة في الجاهلية فقال: قد اجتمع ملأ بني قيلة بهذه البلاد، والله ما لنا معهم إذا اجتمع ملؤهم بها من قرار، فأمر فتى شابا معه من يهود، فقال: اعمد إليهم فاجلس معهم، ثم ذكرهم يوم بعاث، وما كان قبله، وأنشدهم بعض ما كانوا تقاولوا فيه من الأشعار، وكان يوم بعاث يوما اقتتلت فيه الأوس والخزرج وكان الظفر فيه للأوس على الخزرج، ففعل فتكلم القوم عند ذلك، وتنازعوا وتفاخروا، حتى تواثب رجلان من الحيين على الركب، أوس بن قيظي أحد بني حارثة من الأوس، وجبار بن صخر أحد بني سلمة من الخزرج، فتقاولا، ثم قال أحدهما لصاحبه: إن شئتم والله رددناها الآن جذعة، وغضب الفريقان جميعا، وقالوا: قد فعلنا، السلاح السلاح، موعدكم الظاهرة ـ والظاهرة الحرة ـ فخرجوا إليها، وانضمت الأوس بعضها إلى بعض، والخزرج بعضها إلى بعض، على دعواهم التي كانوا عليها في الجاهلية. فبلغ ذلك رسول الله صلى الله عليه وسلم فخرج إليهم فيمن معه من المهاجرين من أصحابه حتى جاءهم فقال: يا معشر المسلمين الله الله، أبدعوى الجاهلية وأنا بين أظهركم؟ أبعد إذ هداكم الله إلى الإسلام، وأكرمكم به، وقطع به عنكم أمر الجاهلية، واستنقذكم به من الكفر، وألف به بينكم، ترجعون إلى ما كنتم عليه كفارا، فعرف القوم أنها نزغة من الشيطان، وكيد من عدوهم لهم، فألقوا السلاح، وبكوا، وعانق الرجال بعضهم بعضا، ثم انصرفوا مع رسول الله صلى الله عليه وسلم، سامعين مطيعين، قد أطفأ الله عنهم كيد عدو الله شاس. الشاهد ,, انا التمس من كل عضو كريم ان يقول كلمه طيبه عن الجميع هنا وهناك فمن عفي له من أخيه شيء فاتباع بالمعروف وأداء إليه بإحسان والعفو ما سهل وما تيسر قال الله تعالى خذ العفو يعني والله أعلم ما سهل من الأخلاق

كأنى مفيش ... صورة فى افيش ... مأتكلش عبش .... صوت مافيش .... مافيش غير .. مافيش مافيش شغل مافيش .... فلوس مافيش ...... علاج مافيش ...... وجع اه .....احساس مافيش .... طب لما كله مافيش مافيش ....يبقى ليه نعيش ..

للموضوعيه عاوز اذكر موقف معتدل لنجيب ساويرس وهو محسوب من حكماء البلد ,, ان احد الامهات المسيحيات دخلت مكتبه لكي يعين ابنا لها ,, فدخلت ممسكه بيدها اليمنى بصوره للسيد المسيح وباليد اليسرى صوره للسيده العذراء فراح رفض مقابلتها وتشغيل ابنها في شركاته وقال لها بالحرف انا مصري مسيحي ولست مسيحي مصري ده غير انه معروف عنه انه ليبرالي معتدل ,, و يمكن اراد بمنع المقال تهدئة الاجواء المتوتره حاليا وعدم التصعيد الى ان تهدأ الامور ,, انا ححاول اجيب المقال المحذوف للدكتور العوا وانشره هنا ونشوف هل المقال يزيد الفتنه اشتعالا فكان من حق ساويرس منعه ام لا ,, اسال الله سبحانه ان يديم الحب والوئام بين جناحي الامه وان يعو صوت المعتدلين والعقلاء على صوت المتزمتين وهواة الصيد في الماء العكر ,,

كان الزمان جميلا والحياة اجمل بل كانت مصر ام الدنيا كان استاذا للعلماء والمفكرين والساسة والموظفين والعمال والفلاحين كان استاذا لشعب باكملة يتعلم ويقرأ ويعلمنا جميعا كبيرا ام صغيرا حتى من لايستطيع النطق كان يفهم من هذا البرنامج الذى كنا نسمع موسيقاة فى الطريق فنسرع الى البيت كى نتمكن من اللحاق بة ومشاهدتة كنت ترى فية اخ كبير ام والد او معلم او عالم محترم انة هرم كبير من رجالات العصر الجميل اللة انفعة بما علمنا واغفر لة وادخلة الجنة برحمتك

السلام عليكم و رحمة الله و بركاته بحب اوي.....أول يوم جامعة....عشان مبيبقاش فيه محاضرات ...(وش عيل فاشل جدا) بحب السمك جدا...و متهيالي في حياة ما كنت سمكة و بعدين اتحولت و بقيت سمكة برضه بحب أنااااااااااااااااااام....عشان اصحي و ارجع انام تاني wst:: بحب المفاجآت جدا....بداية بكلمة "بخ"....و نهاية بمكالمة من مكان بعيد لصوت كان نفسي اطمن عليه...عليها بحب اللبن اوي....و نفسي اربي بقرة في البيت عشان متحرمشي من شرب اللبن اطلاقا بحب المراجيح...و اخر عريس سالني ايه هوايتك رديت و قولتله بحب اتمرجح....بعدها الضحية ضحك....و بعدين اختفي في ظروف غامضة...تفتكروا هيجي تاااااااااني :lol: بحب مكالمة ماما الساعة 6 الصبح....و هي عارفة فارق التوقيت...تفضل تزعق اني مش بتصل....و بعدين لما ااقولها وحشتيني....تقولي اكلتي ايه...(هو ايه علاقة افتقادي لماما بالاكل؟؟؟) بحب حضن بابا اوي....و مفتقداه اوي اوي اوي بحب الصورة اللي تتاخد خطف....من غير ما نقف و نعمل نفسنا بنضحك...بحس ان احنا بنتصنع و شكلنا بيبقي وحش بحب الفكرة اللي تنكش في دماغك و تطلع فكرة تانية بحب الحلم الحلو اللي ربنا بيدهولك و انت نايم و تقوم الصبح بتضحك بحب ربنا اوي اوي اوي بكره ايه بقي بكره شغل البيت جدا جدا جدا جدا.....بحس انه بيجيب غباء mfb: صباحكم.......دايما حاجات بنحبها....ممكن تكون صغيرة اوي...بس بتنور فينا حاجة حلوة

يا لماضة احنا بنهزر وبنضحك وبس ومش ده اللى في قلوبنا , الزوجة هى الام والاخت والإبنة وكل حاجة يعني وانا شخصياً على إقتناع تام أنه إذا صلحت الأم صلح المجتمع كله. اى خدمة وبخصوص الصورة عندك حق انا نفسي بترعب منها وتم تغييرها بصورة لى والكهربا شغالة. ههههه السلام عليكم و رحمة الله و بركاته بالعكس يا استاذي الفضفضة مطلوبة جدا جدا و انا بحب زوجي (اللي هو اصلا تاية في صحراء الربع الخالي و هبطت عليه طيارة اباتشي خطفته و حطته في غوانتانامو و بعدين قفلوا علي صباع رجله الصغير باب الزنزانة...فمستني ادارة الجوازات بكوبا تختمله الجواز و كده يعني )....لازم يفضفض لازم يطلع كل اللي جوه قلبه و عقله وفشته و كلوته و كده يعني....اومال الراجل يطق يمووووت بعد الشر عنه md2: بس ابقوا فضفضوا ع القهوة بتاعتكم....احسن هتلاقوا عيل متشرد زيي مثلا قام زاقق كتف و هيقعد بقي يكلمكم عن الزواج في زمن العولمة و القضية و المفهوم و بلا ازرق....(وش اي حد بيطلع في برامج النيل ثقافية و محدش بيتفرج عليه) عنوان القهوة بتاعتكم اههه من فضلك افعص هنا و طبعا طبعا احنا هنكفل ليكوا كل الحرية اصل احنا بلد درقماطي خاااالص بس هنبقي بنبص عليكو من خرم الباب و ماسكين كسرولات الخناق.... :lol: ع جنب بقي أتصدق حضرتك....فعلا الصورة الجديدة معبرة اكتر....تحس كده فيها باجابة السؤال....هي اللحمة غليت ليه.... :lol: بس خلاص فوتك بعافية

صباحكم ورد عليه قطرات ندي بتلمع في ضي الشمس عجبتني اوي فكرة حضرتك استاذ رءوف ان الواحد يبتدي يومه بضحكة بس ع فكرة احنا قاعدين في المحاورات نكركع...(أيون من الفعل كركع يعني اتقلب ع ضهره من كتر الضوحك :lol: )...في حتة ابتداها استاذنا دياب بص حضرتك تاخد اول توك توك...و تقوله "يا عم وديني التوبيك اللي اسمه اضحك....اضحك....و ربنا المعبود لانت ضاحك"...و تطبق ايدك بحتة بخمسة و تديهاله هتلاقي نفسك في التوبيك ع طول طب ااقول لحضرتك حاجة لانك جديد معانا اتفضل هنا اسهل و ربنا لا تضحك يا جدع اي خدمة صباح حضرتك ضحكة تطلع من القلب اوي

السلام عليكم و رحمة الله و بركاته هو انا ليه لما خشيت التوبيك دهون لقيت اخواتنا الرجالة فارشين و قاعدين...هو التوبيك رجالي يعني و لا ايه.....لو كان رجالي...مااظنش...يبقي حضراتكم تلموا بعضيكم كده و فيه توبيك اسمه باين "جمع مذكر سالم"....او قوم يا صميدة نادي علي الواد سالم....او خفر السواحل....ع اعتبار انكم يعني حماة الحمي و الوطن و الشارع و الحراة و الذي منه و هناك طبعا هتمتعوا بكل حقوقكم الدستورية في الفضفضة و الشحتفة و تقطيع فروة الستات....و طبعا احنا ممنوع علينا ان احنا نخش التوبيك بتاعنا....بس لو لقيتوا اي حد انفيزابل بلاش تتخضوا ده احنا هنكون بنبص عليكم من خرم الباب بما انكم حطيتوا التوبيك كدهون عيانا بيانا....و اللي ما يشتري يتفرج و حمرة يا قوطة ممكن اسال سؤال هو ليه الراجل هو دايما اللي بيشتكي من الجواز...و بيقول فين ايام السرمحة....قصدي العزوبية....طب ليه ما بتفكروش فعلا ان البنت بيبقي نفسها....ترجع لايام زماااااان لما كان اقصي طموحها في الحياة انها تغسل طبقين المواعين بعد الغدا بستعجب بجد ان الراجل هو اول واحد يحسسنا ان الجواز....كرش لازم يطلعله فيزيقيا و نفسيا و يحسس اللي حواليه انه اتغير و لازم يفكر مرة و اتنين و خمشاشر قبل ما يلقي بنفسه في التهلكة؟؟؟ ربنا يوفقكم استمروا........ ع جنب بقي مش عارفة ااقول ايه بس الهي يطعمك ما يحرمك و يبعد عنك ولاد الحرام...اخونا نايت مير....اللي هو يعني كابوس.....و الله العظيم حصلنا الرعب.....شيل الصورة الفزيعة دي بتاعت حضرتك لما قطعت الكهربا....بجد بتعمل انقلاب في الامعاء و العملية مش ناقصة....ده اقتراح متواضع هزيل فوتكم بعافية

ميرسي اغابي على موضوعك متعوب عليه والله حبيت اشارك باسم دواء روعه للحموضه وكل مشاكل الجهاز الهضمي الدواء اسمه نابيزول Napizole تاثيره بيبدأ بعد 4 ساعات ويستمر لمدة 48 ساعه بعد كده ,, لا محظورات في الطعام بعد كده

مقال رائع , وجامدة الحتة الأخيرة دي clp:: مع تحياتى

محدش بيعرف ان النوك وصل ل1000 ولا لسه انا رايى انك تبعتى مش هاتخسرى حاجة عشان لو بعتى وكانوا وصلوا للالف هايرجعلك ورقك تانى وهايكون معاه خطاب هايوضحلك اذا كان ورقك اترفض عشان النوك اكتمل ولا عشان فى حاجة تانية ناقصة وبردو هايرجع الورق وارجعى ابعتيه السنه اللى جايه تانى مع تجديد الورق اللى هايحتاج تجديد بالتوفيق أكرم,

الفيش مش مطلوب دلوقتي ، متبعتهوش مع الورق المبدي ، لما يطلبوه حتبعته. Please consult our Web site at: www.cic.gc.ca/english/information/security/police-cert/index.asp for specific and up-to-date information on how to obtain police certificates from any country. Note: For applications submitted at the Centralized Intake Office (CIO) prior to June 26, 2010, you must submit police certificates with your complete application and supporting documents to the visa office within the 120 day deadline set out by the CIO. If you are submitting your application to the CIO on or after June 26, 2010, the police certificates are not required with your complete application to the CIO. If your application is placed into processing you will be required to provide police certificates to the visa office at a later date. بالنسبة لموضوع الفلوس ، لازم تكون الشهادة صحيحة وقت تقديم الطلب ، وعند عمل اللاندنج تكون معاك الحد الأدنى المطلوب طبقا لعدد أفراد الأسرة أميرة

بكل بساطة لتكامل أسباب الغلاء جميعاً في وقت واحد. الأول: غلاء كل أدوات الزراعة من شتلات زراعية وصوب ومواد كيماوية واجرة ماء الري وحتى اجرة العامل الذي كنت تؤجره لحرث الأرض أو زراعتها او لجنى المحصول وكذلك غلاء اجرة ماكينات الحرث والحصاد والتى تعمل بالساعة. ثانياً: الديون المتراكمة على 90% من الفلاحين لدي البنك الزراعي او بنك ناصر والذي يدفعهم إلي زيادة السعر حتى يستطيعوا الوفاء بسداد القروض. ثالثاً: غلاء اجرة نقل المحاصيل من الأراضي إلى الأسواق , من عمال وسيارات , وكله يتم تحميله إلى تكلفة المحصول. رابعاً: جشع التجار الذين تعودوا على هامش ربح معين ومازالوا متمسكين به برغم أن سعر التكلفة أصبح مضاعف. خامساً: عدم وجود رقابة على الأسواق والضرب بيد من حديد على كل تاجر جشع, لكن هو فيه حد بيحاسب حد في البلد , كله بيعمل اللى نفسه فيه , مرحلة "فوضي" في كل جوانب الحياة. دعابة : الغلاء خالف كل التوقعات , كانوا بيعلمونا زمان انه كلما زادت السلعة عن الحد قلت قيمتها , ماشي حلو . طب افهم بقي "الكوسة" غالية ليه مع انها مالية البلد.:lol: مع تحياتى

ان شاء الله نتيجه الايلتس تطله و تكون مبسوط انا الحمدلله بعت انا و اكرم من نص الشهر اللي فات بالنسبه لموضوع الخبرة اعتقد انك كده عملت الصح و هوا ده المطلوب بالنسبه للدفع اي بنك يعملك شيك مصرفي بس اعتقد الشباب فى مصر يفيدوك اكتر ( هوا فى بنك سكوشيا فى جاردن سيتي ) و الصور برضه انا اتصورت فى السعوديه و مراتي محجبه تتصور عادي جدا مافيش مشاكل بس محيط الوجه يكون باين مش اكتر من كده الفلوس كلنا تقريبا عملنا كده متقلقش ان شاء الله خير و ان شاء الله نسمع انك بعت و نفرح كلنا بالاخبار الكويسه عمرو

وهذا الرد أخي الكريم .. بقلم أ.د. عبد الرحمن البر بسم الله الرحمن الرحيم الحمد لله، والصلاة والسلام على رسول الله ، وعلى آله وصحبه ومن والاه، وبعد، فقد كنت مشغولا عن متابعة الجدل حول الانتخابات بالانتهاء من بحث علمي متخصص ، حين أطلعني الأخ الكريم الدكتور عصام العريان على مقالة الأستاذ الكبير فهمي هويدي في جريدة الشروق بعنوان (مصلحة الجماعة أم مصلحة الوطن) وقد شدني العنوان بقوة لقراءة المقال. وفي البداية فالأستاذ فهمي أكبر من أن أثني على أدائه الفكري وعطائه التحليلي وأثره العملي في التفكير السياسي للمثقفين عموما وللإسلاميين بوجه خاص، كما أنه أجلُّ في نفوسنا من أن تتأثر مشاعرنا تجاهه بسبب رأي يبديه ونختلف معه فيه. لكن من واجبنا أن نذكُر للأستاذ الكبير وأن نذكِّره بحقيقة موقفنا؛ حتى لا يسوء ظنه بنا. ولست بصدد مناقشة المقال، ففيه من الأفكار ما يحتمل الآراء المتعددة، ويقبل وجهات النظر المختلفة، سواء في المشاركة في الانتخابات ومقاطعتها، أو في تقييم الأداء البرلماني لكتلة الإخوان المسلمين . لكن ما لم أتصور أنه يدور بخلد أستاذنا الكريم التمييز بين مصلحة جماعة الإخوان المسلمين ومصلحة الوطن العزيز ، وأن جماعة في وعي الإخوان المسلمين يمكن أن تؤخر مصلحة الوطن عن ( مصلحة الجماعة !! ) . ولهذا فأستأذن الأستاذ الكبير في القول: إن الراسخين في معرفة الإخوان (وسيادتك منهم) يدركون يقينا أن مصلحة الوطن هي الدافع الرئيس لكل تحركات الإخوان وقراراتهم في المجال العام، وأنهم مستعدون دائما للتضحية من أجل حرية هذا الوطن وكرامة أبنائه، وأنهم أكثر من ضحى ودفع من الجهد والدماء ومصادرة الأموال والمنع من الوظائف والتضييق في كل المجالات؛ من أجل هذا الوطن، وليسوا يَمُنُّون بذلك على أحد، بل يعتبرون أنهم يؤدون واجبهم تجاه الوطن الذي أحبوه وأحبهم، وأنهم يدفعون ضريبة هذا الحب راضية بذلك نفوسهم، وليست لهم أية أهداف أو مصالح تتناقض مع مصلحة هذا الوطن الذي يتعرض لهجمة شرسة من الفساد الذي بلغ الركب، بل الأذقان، يجب أن تستنهض كل محب لهذا الوطن إلى العمل المخلص الجاد في سبيل حفظه وإنقاذه، وهو ما يسعى إليه الإخوان المسلمون. إن التناقض الحقيقي يا أستاذنا الكريم هو بين مصلحة الوطن والإخوان جزء منه، وبين مصلحة نظام فاسد لا يلتفت إلا لمصالح أركانه وأعضائه على حساب الوطن العزيز، ولهذا فمن المؤلم حقا أن يتكون لدى سيادتك ظن بأن الإخوان «ربما سعوا بذلك إلى استجلاب رضا النظام حتى يخفف من حملته عليهم»! إن عقلا في مستوى عقل الأستاذ فهمي يتصور هذا التصور لا يعني إلا الطعن في نوايا الإخوان، ورميهم بالانتهازية والالتفاف على مصالح الأمة لتحقيق حقوق المظلومين من الإخوان، من خلال (صفقات سرية) مع الفساد والمفسدين، وهو ما أربأ بالأستاذ الكبير أن يتصوره ، ثم هو ما يترفع الإخوان المسلمون عنه. وأنا أسألك بالله يا سيدي: أيهما يحقق للجماعة رضا النظام: منازلته في الميدان وتعريته أمام الرأي العام المحلي والدولي ، ودفعه دفعا إما إلى التجمل والتحرك نحو الديمقراطية ، وإما إلى التعري الفاضح باللجوء إلى التزوير المكشوف؟ أم مقاطعة الانتخابات وإراحة رأس النظام الذي سيجد نفسه في ساحة خالية غالب -إن لم يكن كل- اللاعبين فيها من أتباعه وصنائعه، وعندئذ لا ضير أن يجري أنزه الانتخابات، وأن يدعو الشهود والمراقبين المحليين والدوليين ليسجل الحياد الكامل للجهاز الأمني، الذي لن يقوم باعتقال المعرضين السياسيين، بل سيعطيهم التراخيص اللازمة لعمل المؤتمرات الانتخابية ، ويحمي تحركاتهم ومسيراتهم بشكل واضح ؛ لأن جميع الفائزين في النهاية هم رجال النظام . في أي الحالتين يا سيدي ستمتد يد النظام الباطش وأجهزته الأمنية لترويع الآمنين واعتقال الشرفاء من الإخوان وتلفيق القضايا والتهم الجاهزة لقياداتهم؟ يا سيدي الكريم، إن القرار الأسهل والمحقق للراحة والاستراحة والأقل كلفة بكل المقاييس هو المقاطعة، وإن القرار الأشق والأصعب والأكثر كلفة هو المشاركة، والإخوان حين يشرعون في اتخاذ قرار من هذا النوع يتشاورون ويحسبون المصالح والمفاسد والمكاسب والخسائر، ثم يستعينون بالله على تقرير ما يرونه مصلحة الأمة والوطن، غير عابئين بالتضحيات التي يقدمونها من أجل مصلحة هذا الوطن العزيز. على كل حال يا سيدي فلكل من المشاركين في الانتخابات والمقاطعين لها وجهة هو موليها، وكل من الرأيين له وجاهته التي تقنع أصحابه بأنه الأجدى لمصلحة الوطن، ولكن رَمْي أي من الفريقين للآخر بتأخير مصلحة الوطن هو ضغط (ولا أقول: إرهاب) فكري، إن صح أن يصدر من متنافسين سياسيين ممن يستحلون الأعراض وتشويه الناس؛ فلا أظنه يُقْبَل من قامة فكرية ووطنية مثل الأستاذ فهمي. والإخوان يا سيدي إذا شاركوا أو قاطعوا فهم يتوخَّوْن مصلحة الوطن الحبيب قبل أي شيء آخر، ومن ثم فلا مجال – من وجهة نظري- للسؤال الذي عنونت به المقالة، وإن تجريم الإخوان واتهامهم بالانتهازية والميكيافيلية لمجرد أنهم قد يتخذون قرارا يخالف وجهة نظرك هو قسوة لم يخطر بالبال أنها تحصل منك أيها الأستاذ الكريم. أما ما ذكرته سيادتك في تقييمك للأداء البرلماني للكتلة فاسمح لي أن أخالفك فيه (خلافا لا يفسد الود والتقدير)، فهو لم يكن كما ذكرت «ضجيجا لم يسفر عن أي طِحْن ممكن». فإن صح ذلك فيما يتصل بإفساد (وليس تعديل) الدستور وبعض القضايا الكبرى التي حشد لها النظام أغلبيته الميكانيكية، فهو لا يصح في قضايا أخرى من أخطر القضايا التي تعرض ويتعرض لها الوطن والمواطنون، ومنها على سبيل المثال: تعديل قانون الحبس الاحتياطي، ووقف نزيف بيع الأراضي بعد كشف التجاوزات الخطيرة التي بلغت أكثر خمسمائة مليار جنيه، ولا تزال المحاكم تنظر الملف وتحاسب المفسدين، ومنها إيقاف قطار الخصخصة بعد كشف التجاوزات الخطيرة فيه، ومنها إعادة تسعير الغاز الذي يقدمه النظام للكيان الصهيوني، ومنها قوانين الممارسة الاحتكارية، وحماية المستهلك، وكادر المعلمين، وقانون حماية الحرية الفكرية، وقانون الإسكان، وغير ذلك من القوانين التي كان للكتلة فيها أعظم الأثر. وقد تقدم نواب الكتلة بـ 55 مشروع قانون و140 اقتراحا بمشروع قانون، من إجمالي عدد القوانين التي ناقشها المجلس، ولعل سيادتك تتطوع بقراءة إصدارات الكتلة البرلمانية لتقف على الإنجازات التي حققوها ، والتي يمكن البناء عليها في المستقبل إن شاء الله. وسيادتكم خير من يعلم أن التحولات التاريخية في حياة الشعوب والأمم هي نتيجة تراكمات لجهود أجيال متعاقبة، وأن (القشة التي تقصم ظهر البعير) ليست هي التي تقصمه بالفعل، ولكن هي التي جاءت بعد أن بلغ السيل الزبى، ولم يبق محل لاحتمال قشة. وأما ما لم أفهمه مطلقا فهو تحميل سيادتك لنواب الإخوان جزءا من المسؤولية عن كل ما صدر عن المجلس من خطايا، تعلم سيادتك يقينا أنهم عارضوها بمنتهى القوة، واستعملوا في مواجهتها كافة الإجراءات والأدوات البرلمانية ، ولم يتغيبوا عن أية مناقشة، ولم يتخلفوا عن إبداء آرائهم، مع علمهم بأن الأغلبية الميكانيكية ستحبط كل جهودهم، لكنهم أدوا دورهم بكل كفاءة. وهل تلام سيادتك إذا أصرت قيادة الصحيفة التي تكتب فيها على مناقضة كتاباتك باستمرار، وهل يمكن أن يقال لك: إنك تتحمل نصيبا من المسؤولية مع صدوعك بالحق؟ وأخيرا فليس من عادتي أن أعلق على المقالات السياسية، وما أكثر ما قرأت مقالات للأستاذ فهمي وغيره أختلف معها، لكنني أرى أنه رأْيٌ ، والرأي مشترك، كما قال الخليفة الفقيه عمر بن الخطاب رضي الله عنه، لكن الذي حركني للتعقيب على هذه المقالة خشيتي من أن يكون الأستاذ فهمي قد ساء ظنه بإخوانه في جماعة الإخوان، وقلقي من أن يقع في ظن الأستاذ ومحبيه –على غير الحقيقة- أن للإخوان مصلحة غير مصلحة الوطن. مع خالص حبي وتقديري للأستاذ فهمي حفظه الله. .................. أستاذ الحديث وعلومه بجامعة الأزهر , وعضو مكتب الإرشاد

احب الوحدة كثيرا ...واكره تعودى عليها ....

وبعدين فى النق بقى :P :P نقولو مبروك - نقول مبروك بالنسبة للخبر خرج للنور خلاص - مفيش مجال اطلاقا للتراجع فيه بلاش تشاؤم يا سندباد الله يخليك بالاضافة انهم بدأو بالفعل فى الترتيبات الاولية للقانون الجديد بالتنسيق مع وزارة الشئون - وكمان اكيد فى نواب معترضين فى مجلس الامة مش مشكلة يخبطو راسهم فى الـ... ... .ـــ اللى انا عاوزة اقوله باختصار نظام الكفيل خنقة سودا وزل وعبودية بجد الجد عقبالك يا ازوزو قصدي يا محمد عقبال عندكم انتم وكمان مصريينا كلهم اللى فى السعودية امين يارب وتمم لمصريين الكويت الموضوع على خير اغابي :cheer:

سبحان الله لسه كنت بفكر في الحكاية دي النهرده .. اقول لحضرتك .. اسعار الخضار ولعت لعدة اسباب اهمها بكل اسف مياه الري في مصر الي شحت بشكل غير مسبوق .. من سنين وهي بتيجي ( بالدور ) يعني تكون غزيرة في فترات معينة من كل اسبوع وبالتالي الناس كانت بتنظم الري على اساس المواعيد دي .. الي حصل ان المياه نقصت جدا من السنة الي فاتت وبناء عليه ناس كتير زرعها مات او اوشك وترتب على كده ان ناس كتير خرجت من مجال الاستثمار الزراعي ووجهت نشاطها لمجال اخر .. هنفهم من كده ان لو كان عندنا زمان فدانين مزروعين خضار دلوقت مبقاش عندنا غير فدان واحد فلما كنا بندفع 3 جنيه في كيلو الخضار النهرده هندفع 6 . ضيف على المشكلة دي الارتفاع الغير مسبوق في اسعار الكيماويات اللازمه لمعالجه الزرع وكمان الاسمده .. بالمناسبة التركيبة السابقة افرزت انخفاض شديد في سعر الارض الزراعية ( تقريبا النص ) ماترتب عليه توجيه استثمارات لجهات اخرى فارتفعت زي الذهب مثلا او المباني بمعنى رفع سعر الحديد وهكذا .. الدجاج بقى اسعاره ارتفعت لان العلف غلي بشكل مبالغ فيه .. طبعا الاعلاف دي بتيجي مستورده وجزء منها بيصنع محليا معتمد على الذرة وخلافه وده برضه سعره غلي للسبب السابق .. كمان الكتاكيت نفسها الي هي اساس عملية انتاج الدجاج الاحم سعرها تضاعف نتيجه سيطرة عدد محدود من المنتجين على سوقها في مصر .. نتج عن كده ان الدجاجة الي كانت بتكلف على صاحبها مثلا 8 جنيه فيبيعها بعشرة جملة وترجع توصلنا كمستهلك بالكتير بـ 13 ولا 14 اصبحت النهرده بتتكلف فوق العشرين جنيه وبالتالي هنشتريها احنا كمستهلكين بكام ؟ اللحوم اسعارها ارتفعت برضه لارتفاع اسعار العلف وهو الارتفاع الي دفع بكثير جدا من المربين ـ في السنتين الماضييتين ـ للتخلص من رؤوس الماشية الي عندهم ( مهم مش لاقيين يأكلوهم ) خاصة والبرسيم او العلف الاخضر كان مكلف جدا في تلك الفترة ( كان في ارتفاع غير مبرر في ايجارات الارض الزراعية بما رفع التكلفة على المربي وبالمناسبة فالاسعار رجعت انخسفت الارض بعد ماعزف الكثير عن التربية ) .. نتيجه للنقص الي حصل في اعداد الماشية في مصر ونتيجة لارتفاع اسعار العلف حصل ارتفاع غير عادي لسعر الحيوان نفسه.. فالجاموسة ـ اكرمكم الله ـ التي كان سعرها من سنتين تلاته 8 او 9 النهرده مش اقل من 15 ويقال انها وصلت الى 18 او 20 لراس الجاموس الواحد !! ده لو هتشتريها جملة .. لكن شوف بقى على ماتتوصل لنا كمستهلك والجزار الي كان متعود يبيع مية كيلو مثلا كل اسبوع مكسبه في الكيلو على سبيل المجاز 5 جنيه يبقى هو متعود يكسب 500 جنيه اسبوعيا .. النهرده ونتيجه لارتفاع سعر اللحم ناس كتير قللت استهلاكها منه وبالتالي الي كان بيبيع مية مش هيبيع غير 50 .. يبقى عشان يحصل على نفس المكسب وهو 500 مضطر انه بدال ماكان بيكسب في الكيلو 5 جنيه هيرفعه الى 10 يعني بدال مايبيع الكيلو بخمسين هيبيعه لنا بستين .. ده بخلاف ازمه انفلونزا الطيور في الكام سنة الي فاتوا والي قضت على ثروة مصر الداجنة من البط والاوز المربى منزليا في الريف وده خلاهم يتجهوا لاستهلاك الدجاج الابيض والاسماك بما خلق طلب اضافي ساهم بدوره في رفع الاسعار .. دي اسباب خاصة حدثت في الكام سنة الي فاتت اضافة لاسباب اخرى شائعه بتحصل من سنين طويلة زي الحظر المفاجيء على تصدير سلعة ما زي الرز مثلا بما يضرب منتجها في مقتل .. او تواطؤ البعض على صناعة ما زي ماحصل في بنجر السكر الموسم الماضي .. او اغراق السوق فجأه بمنتج مستورد اقل سعرا بما يدمر المحلي منه زي ماحاصل اليومين دول لما اشتري دجاجة ( فرخة ) بـ 35 لافاجا ان الدجاج المجمد انتاج البرازيل مالي المجمعات الاستهلاكية بسعر 22 جنيه للدجاجة فقط !! او لاتباع المزارعين والمربين في مصر لنظرية القطيع في تحديد السلعه الي هينتجوها فلو محصول البصل السنة دي جاب ايراد كويس هتتفاجيء ان السنة الجاية البلد كلها هتزرع بصل فالسعر هينزل الارض عشان يرجع يرتفع السنة الجاية لعنان السماء لما الكل يعزف عن زراعته بعد قرصة السنة الي فاتت .. وقيس على ذلك .. اذا ففي غياب الخطة ومع التخبط في اصدار القوانين ووجود الايادي القذرة المتلاعبة في الخفاء واستمرار المزارع المصري بالعمل كما كان اجداده يعملون وبنفس الطريقة دون تطوير او تدخل معرفي او تكنولجي هيكون الي بيحصل ده طبيعي واكثر من الطبيعي كمان ..

ياماما قلب ابيض في سنة 1997 دي كنت واخد 16 حصة في الاسبوع وكنت مشرف قسم الكمبيوتر في مدرسة متوسطة يمكن بالنسبة ليكي سنة 1997 دي من زمان اوي علشان وقتها كنت عندك بتاع 14 سنة وبعدين ده كل اللي بيني وبينك يجي 3 سنين بس والكباب مراحش وهيفضل دين في رقبتك بس انا كنت هخليكي تعزميني عليه من المباركية يعني من ابو دينار لكن انا غيرت المكان وهنروح هليوبوليس يعني من ابو دينارين و 750 فلس وبعدين ويل يا ويل دي فكرتني بأيام ما دخلنا فيلم قطقوطه في سينما الفنتازيو اللي في الجيزة فاكرة؟ انت ساكن فين بالضبط لان في فرع في حولي ممكن يكون اقرب ليك وبعدين لو هتفسحني في مصر هتوديني فين علشان لو المكان معجبنيش اقترح عليك مكان تاني ازيك يا رونا انتي عايزة المقارنة بين السالمية والرميثية من ناحية ايه؟ اختنا اريج لازم يكون زوجك عنده اقامة وبطاقة مدنية علشان يقدر يعمل التحاق بعائل او زيارة لاي شخص ولو عمل الاقامة يقدر يعملك التحاق بعائل انتي والاولاد لو الشروط تنطبق يه ربنا يكرمكم ويوفقكم

السلام عليكم و رحمة الله و بركاته قصة صاحب الجنتين استعرضت سورة الكهف قصة صاحب الجنتين في احد عشر آية متتالية تنتقل بنا من البداية حيث النعمة و تنتهي حيث العقاب الشديد و الدرس الكامن وراء القصة و مرورا بتفنيد لخطيئة صاحب الجنتين التي عصي بها الله لم أتسءل يوما عن خطيئة صاحب الجنتي لأنها كما سنستعرضها لاحقا قد ذكرت بشكل واضح في سياق الآيات....و لكني لم أتوقف عن التساؤل يوما حول أترانا اليوم....نقع في مثل تلك الخطيئة و لا ندري؟؟؟ تبدأ الآيات باسلوب قصصي بديع حول قصة صاحب الجنتين بوصف حاله قبل ما الحق به من عذاب (وَاضْرِبْ لَهُمْ مَثَلاً رَجُلَيْنِ جَعَلْنَا لأَحَدِهِمَا جَنَّتَيْنِ مِنْ أَعْنَابٍ وَحَفَفْنَاهُمَا بِنَخْلٍ وَجَعَلْنَا بَيْنَهُمَا زَرْعاً)(الكهف:32) :(كِلْتَا الْجَنَّتَيْنِ آتَتْ أُكُلَهَا وَلَمْ تَظْلِمْ مِنْهُ شَيْئاً وَفَجَّرْنَا خِلالَهُمَا نَهَراً) (الكهف:33) البداية حيث الوصف البديع للآيات القرأنية حول طبيعة تلك الجنتين حتي ليخيل للقاريء أنه يري بعين قلبه النخيل و العنب و ما بينهما من زروع و يسمع خرير الماء حين ينساب بين ضفتي النهر اليذ قدر اله له أن يجري في تلك الجنتين وصف قرآني...موجز و بديع و يتوقف بنا كثيرا عند عظمة الله في المنح.... حين يمنح جمالا فهو يمنحه كما يليق بكمال جلاله... حين يمنح جنة علي الارض يمنح نموذجا لما ينتظر عباده الصالحين بالآخرة حين يصور وصفا يحملك اليه لأنه خلق بداخلك جوارح سبحانه و تعالي يعلم أنها ستري و تشعر بذلك الجمال متي ما كانت تلك الجوارح علي طاعة الله. يستوقفني أيضا في قصة صاحب الجنتين....ان الاحداث تدور حول شخصين...و لنقل أن احدهما هو الجانب المضيء و الآخر هو الجانب الذي هو في بئر سحيق وجود الشخصين يجعل المقارنة واضحة المعالم....يجعل الطريق لتفادي الهاوية أوقع قد تبدو القصة مكتملة إذا ذكر صاحب الجنتين بمفرده....لكنها تزداد وضوحا و تأكيدا بوجود شخص آخر علي النقيض و تتكامل أركانها حين يتجاذب كلا الشخصين أطراف الحوار و ينخرطان في مجادلة...تتأمل في ثناياها ككقاريء....أي الفريقين تريد أن تنتمي....و كأن القصة تحرك بداخلك قرارا مصريرا يجب أن تأخذه في لحظة قراءتك للقصة...علي أي الدربين ستسير؟ تتوالي أحداث القصة و نصل الي الحبكة او ما يسمي بذروة الأحداث كما تستعرضها الآيات التالية ( وَدَخَلَ جَنَّتَهُ وَهُوَ ظَالِمٌ لِنَفْسِهِ قَالَ مَا أَظُنُّ أَنْ تَبِيدَ هَذِهِ أَبَداً)(وَمَا أَظُنُّ السَّاعَةَ قَائِمَةً وَلَئِنْ رُدِدْتُ إِلَى رَبِّي لَأَجِدَنَّ خَيْراً مِنْهَا مُنْقَلَباً) (الكهف:35-36) يستوقفني في هذه الآية "و هو ظالم لنفسه" ذكرها الله سبحانه و تعالي قبل أن يذكر ما تفوه به صاحب الجنتين و أعتقد و الله اعلي و أعلم أن ظلم الانسان لنفسه ليس فقط فيما يتفوه به....بل يتغلغل هذا الظلم فيما يخبئه قلبه و يفصح به لسانه لاحقا يستوقفني أيضا في الآية السابقة "لأجدن خيرا منها منقلبا" ذكر الشيخ ابن عثيمين في تفسير القسم في الاية حيث ان اللام توكيدية أن خطيئة صاحب الجنتين هي "القياس الفاسد" اي لأنه ظن أن الله نعمه في الدنيا فإن الله سينعمه في الآخرة و لكن ليس هذا بحال المؤمن أيضا تكمن خطيئته أنه ظن يقينا أن ما أنعم الله به عليه في الدنيا إنما هو استحقاقا له لصنيع عبادته...أي مقابلا منطقيا لما يقوم به من عبادات و ظن أن الله تقبل منه...فأنعم عليه في الدنيا و تباعا أقسم أن الله سينعم عليه في الآخرة تتضح مدي فداحة ما ارتكبه صاحب الجنتي حين نري علي الشاطيء الآخر ماذا قال الشخص صاحب المال و الولد الأٌقل قال تعالي: (قَالَ لَهُ صَاحِبُهُ وَهُوَ يُحَاوِرُهُ أَكَفَرْتَ بِالَّذِي خَلَقَكَ مِنْ تُرَابٍ ثُمَّ مِنْ نُطْفَةٍ ثُمَّ سَوَّاكَ رَجُلاً) (الكهف:37) لقد حاور أحدهما الآخر و لم يكفره مباشرة...و لم يعتزله دون أن يبين له فداحة ما آل إليه....اليست تلك آداب الحوار و المحاورة؟؟ حين حاوره القي إليه بمثال ينبض بالتواضع حين ذكره بخلقه من تراب....أي من لا شيء....من العدم و يؤكد حين قال....."من نطفة.....ثم سواك رجلا" و كأني أنظر الي حفنة من تراب تتطاير مع الرياح و بقدرة الله عز و جل تصير رجلا مكتمل الاعضاء و الحواس و حين ينعم الله عليه يتجبر في الارض و ينسب صنيع الله فيه الي نفسه....أي خطيئة تلك؟ (لَكِنَّا هُوَ اللَّهُ رَبِّي وَلا أُشْرِكُ بِرَبِّي أَحَداً) (الكهف:38) (وَلَوْلا إِذْ دَخَلْتَ جَنَّتَكَ قُلْتَ مَا شَاءَ اللَّهُ لا قُوَّةَ إِلاَّ بِاللَّهِ إِنْ تَرَنِ أَنَا أَقَلَّ مِنْكَ مَالاً وَوَلَداً) (الكهف:39) و يستمر الحوار بينهما و يبلغ مداه حين يقولها يقينا "لا قوة إلا بالله" أيا إنسان....من تراب....من نطفة صيرك الله رجلا و صير لك من النعم ما لا يعد و لا يحصي و لم يكن كل ذلك يوما بقوتك أنت و لا مشيئتك انت و لا أرادتك أنت و لا عملك انت فأنت كنت يوما من تراب تذكر ذلك حين تقف بين يدي رب العباد قالها "ما شاء الله لا قوة إلا بالله" و لا زلنا في الحوار حين يستطرد قائلا: قال تعالي: (فَعَسَى رَبِّي أَنْ يُؤْتِيَنِ خَيْراً مِنْ جَنَّتِكَ وَيُرْسِلَ عَلَيْهَا حُسْبَاناً مِنَ السَّمَاءِ فَتُصْبِحَ صَعِيداً زَلَقاً) (الكهف:40) تأملت كثيرا في "فعسي".... فالرجل الآخر في الحوار قد يحسبه البعض بعد ما أفصح به من تعلق قلبه بالله و تفويض كل أمره اليه سبحانه و تعالي....قد تتبادر الينا أنه إذن المستحق لدخول الجنة.... و لكن يدهشنا اللفظ في القرآن...فكل كلمة تحمل معني و تستلزم التوقف و التدبر فقد قال "فعسي" هي للرجاء و قد قال احد العلماء إن الايمان طائر له جناحين أحدهما الرجاء و الآخر الخوف يذكرنا أن ما نفعله من صالحات ليس من أنفسنا.....هي من مشيئة الله و قوته و أيضا ما ندعو الله به من خير في الدنيا و الآخرة....ندعوه رجاءا و خوفا و طمعا و يقينا و تواضعا و مذلة و قربا و حبا و ثقة في عطاء المانح كما يبنغي بجلال وجهه و عظيم سلطانه قصة صاحب الجنتين تحرك داخل منا مشهدا كثيرا ما نقع به كثيرا ما نعجب بأعمالنا كثيرا ما نطمئن و نركن إلي أنفسنا لم نتعلم مذلة الظاعة لم تتغلل حلاوة التلق بالله وحده لنفوسنا لم نتعلق بحبال الله رجاءا و خوفا لا زلنا أحد الشخصين في قصة صاحب الجنتين و الوصول الي الشاطيء الآخر...حتما يتطلب....إيمانا علي مراد الله و ليس كما تراه أنفسنا اللهم إنا نسألك إيمانا تنور به طريقنا و تدلنا علي السبيل إليك و الله أعلي و أعلم

اولا شكرا ليك يا رونا علي مشاركتك اولا ... يا تري اللي يسافر الي كندا عن طريق كيبك يقدر بعد الوصول يروح اي مقاطعه انجليزيه ولا لازم يقعد في كيبك ؟!! طبعا لانك بتاخد فيزا كندا كلها مش فيزا كيبك ^^^ طيب انا نزلت ورق الهجره عن طريق كيبك بيقول فيه انك تتعهد بالاقامه في كيبك . علي ما اعتقد ان ده معناه احنا هنسافرك كيبك وهتعقد هناك وهتتمتع بكل حاجه بيتمتع بيها المواطن الكندي فيما عدا الانتخاب اما لو روحت اي مقاطعه تاني هتتحرم من كل الحاجات ديه بما فيها التأمين الصحي والمعونات الحكوميه وغيرها ...... واعتقد كمان انك لو هتتدرس المعادله او الشهاده يبقي كمان لازم تكون بالفرنساوي ....وديه هتبقي مشكلة كبييييره لاني لو هسأفر عن طريق كيبك يبقي هدرس الفرنساوي من البدايه بس علشان الهجره لكن المعيشه والدراسه مش ممكن تكون بالفرنساوي ^^^ ثانيا ... مافيش حاجة اسمها معادلة فى انك بتقدم على شهادة زى accg cma ca ^^^ طيب الشهادات ديه مدتها اد ايه ؟ ... وتكلفتها كام ؟ ... وممكن تتعمل من مصر قبل الهجره ؟ .. علشان انا سمعت من ناس كتيير بيقول ان كندا مش بتعترف بأي شهادت اتخدت من بره !^^^ ثالثا .... لو مقدرتش اكمل ممكن ارجع مصر معايا الجنسيه وكمان معادله معترفه بيها في اي مكان في العالم . ولا ايه رايكوا ؟ طبعا بس هل انت هتهاجر بس علشان السبب دة ولية مش هتقدر تكمل المفروض يكون فى اصرار على النجاح وخطة للهجرة ودراسة كويسة للبلد ^^^صدقيني انا نفسي اسافر علشان .... اعيش ... انا ممكن تكون قدامي فرص عمل هنا لكن انا لسه مدفون في مصر ... كل ما تمشي في الشارع او تقرأي عن احوال مصر في الداخل وصورتها في الخارج هتعرفي يعني ايه واحد ميت بس لسه منزلش القير ! وانا بصراحه مش ممكن اسمح ان ولادي يعيشوا في نفش الجو الفاسد ده ^^^ رابعا .... كنت عاوز اعرف هي تكاليف الشخص الواحد للسفر من مسكن ومأكل ومشرب اول شهر لغايه لما الامور تظبط هتكون حوالي كام ؟ على حسب عدد الافراد ^^^ اه ... شخص واحد اعزب . بالتقريب هتكون كام ؟ ^^^ كنت كام عاوز اضيف سؤال هي تكاليف السفر كلها علي بعضها بدون محامي هتكون كام بالمصري لو السفر عن طريق كيبك ؟ وهتكون كام بالمصري لو فيدرال ؟ ويا تري في شركات ممكن توثق عقود عمل هنا في مصر علشان الواحد يقدر يسافر بسرعه ؟ .. وياتري بكام ؟ .. وهل هي مضمونه ومعترف بيها في كندا ولا ايه ؟

في دريم حدث ما هو ألعن ، فجاء الكفراوي ليقول في الشروق قبل أيام أن الأرض كانت "حق انتفاع" ، ثم تم بيعها لبهجت "من بعده".. كلام ما يخشش دماغ عيل عنده أربع سنين.. واللي حصل مع هشام يؤكد مقولة الأبنودي إن المجرم اللي بيدخل السجن هو المجرم اللي بيفشل في إخفاء جريمته ، وإن رجال الأعمال محترفي النهب العقاري زي بهجت وآل درة وآل صبور وخلافه كانوا بيعرفوا يوضبوا ورقهم ، ويوضبوا علاقاتهم مع الجهات الرقابية بحيث تشيد بمجهوداتهم في حل مشاكل البلد بدل ما تحاسبهم على استغلال أراضي كاملة لغرض خدوا عليه تسهيلات ورجعوا وغيروه.. التصحير الأخطر هو اللي بيحصل في الدلتا ، لما الزراعة تحولت لمشاريع تجارية خاسرة نتيجة تخلي الحكومات المتعاقبة عن الفلاح المصري وعدم دعمه ومساعدته في الوقت اللي بنلاقي فيه كرم حاتمي مع الواردات الصينية الرديئة حتى في مجال الزراعة.. لما تجار الخدمات في الريف من أعضاء ما يسمى بمجلس الشعب بيلجأوا أحياناً لتبوير مساحات من الأراضي القابلة للزراعة علشان يعملوا عليها مشاريع أو الحكومة تعمل عليها مشاريع خدمية ، فمساحة الأراضي الصالحة للزراعة تقل، ونرجع بقى نلف ع الصحاري نعمرها ، ونستجدي شخص زي الوليد بن طلال علشان يعملنا حتة زي توشكى مرزعة كاتشب.. زي ما قال في تصريح وقح نشرته المصري اليوم قبل شهور.. دة الأخطر والمسكوت عنه وعليه.. خلص الكلام

احنا موجودين انت اخبارك ايه بعتي و لا لسه ؟؟؟ عمرو

ألاخوه الافاضل - المتقدمين للامتحان - الحقيقه أنا زميل لكم من فتره طويله لكن بحكم أني أنتهيت من مرحلة الامتحانات - و أصبحت في مرحلة أنتظار الميدكال - فلم أشارك في هذا الباب منذ فتره لكن وجدت أن الباب تشعب جدا و أصبح مرهق لكل من يبحث عن معلومه لذلك لخصت معظم الاشياء المهمه و التي يحتاحها من يتقدم للهجره أو من يريد تحسين مستوي اللغه أو التدريب علي الامتحان في باب واحد - بدون أي تعليقات أو مداخلات للشكر و خلافه فلو كان أحدكم محتاج هكذا مساعده عليه بالدخول الي هذا اللينك ألايلتس - كلمتين و بس و نسألكم الدعاء خالص تحياتي

كيف نتجنب حرقة المعدة؟

أنا عندي اقتراح لإدارة المنتدى المحترمة الحقيقة أنا شايف أن المشكلة ليست في وضع تقييم للمشاركات بواسطة الأعضاء ... فهذا أمر ايجابي ومفيد اللي بيخلق الحساسية ويتسبب في إساءة استخدام خاصية التقييم هو إظهار مجموع التقييمات تحت إسم العضو ... أولا هذا بيعطي انطباع أن التقييم هو للعضو نفسه وفي ناس بتاخذ المسألة دي بشكل شخصي وهم معذورون في ذلك لأن هناك البعض يستخدم الخاصية للانتقام من أشخاص بعينهم سواء لأنهم منحوهم تقييمات سلبية أو بسبب مواقفهم وانتماءاتهم الفكرية بصورة عامة ... ربط التقييم بالمشاركة وليس بالعضو يحل هذه المشكلة ثانيا ... المجموع الجبري للتقييمات لا يدل على شئ إطلاقا ... الواحد مثلا ممكن يحصل على عشرات التقييمات الايجابية نتيجة الإجابة على أسئلة الأعضاء في أبواب خدمية مثل كندا أو المغتربين ... أو ممكن يشارك في أبواب المنتدى الجادة والحوارية ويحصل على تقييمات متنوعة وأغلبها سيكون سالب لأن الاعتراض أسهل من التأييد في هذه النوعية من الموضوعات ... وطبعا لا علاقة بين مبررات التقييم في الحالتين لذا أقترح الاكتفاء بمسألة تقييم المداخلات وإظهار نتيجة التقييم أسفل المداخلة مع عدم إظهار مجموع التقييمات التي حصل عليها العضو بجانب اسمه

ربنا يكرمك يا دكتور :) تستاهل واحدأخضر هاها :lol:

إيه يا مان النظام أنا جاهز بس خلينا اشوف الواد محمد و اجيلكوا عمرو

نعم ممكن، من ملف حضرتك الشخصي. المبدأ جميل. ويشبه مبدأ مماثل على مواقع البيع والشراء التجارية، وعلى رأسها eBay. أنا أقترح الإبقاء على الخاصية لكن مع إخفاء هوية الأعضاء الذين يقومون بالتقييم. أي ما أراه فقط هو تقييم الزملاء لي، بصرف النظر عمن قام به. إذ لا أرى فائدة موضوعية من هذه المعلومة. اخى الكريم راجعت ملفى الشخصى و لم استطع الوصول الى ما ذكرت برجاء الايضاح اكثر و الف شكر لقيتها لك يا أبله مغتربه لقيتها .. لقيتها بُصي إدخلي على ملفك الشخصي في نص الصحفحة من فوق هاتلاقي Recent Status Updates معلوماتي مواضيع مشاركات Reputation دوسي على ريبوتشن دي وهاتلاقي بقى كل شيء مكشوف وبالتفصيل أنا عملت كده دلوقت لقيت واحد مديني كحكه في احد الموضوعات هههههههههه ليه كده يا ..... ؟ بس هو صلح غلطته وأداني نجمه في موضوع تاني لأ بجد .. انا شايف إضافات أخرى للمنتدى أفضل من كده .. الحاجات دي بتعمل عداوة .. وبرضوا شايف إنها ليست ذات أهمية

اسمحلى يا زهيرى باشا اختلف مع حضرتك، لا ارى ضررا فى اعطاء السلطة للجميع ... خاصة وان اغلب المشاركين فى هذا المنتدى على قدر كبير جدا من الايجابية اقترح تحديد فترة لتقييم هذه الخدمة ولتكن 6 شهور مع عدم اتخاذ اى اجراء من مشرفى المنتدى - لا منح ولا منع على الوضع الحالى للأعضاء وفى نهاية فترة التقييم يتم نشر النتائج على الاعضاء مع التشاور فى الخطوة التالية من حيث الابقاء على الخدمة وربطها بخدمات اخرى او بوقف الخدمة وفى النهاية الرأى للأغلبية الساحقة من شعب هذا المنتدى الرائع

استاذى الفاضل دكتور محمد العوا لا تحزن فلن يضيرك ابدا كل الذين يحاولون متعمدين ان يخرجوا كلامك عن معناه الواضح الجلى متوهمين انهم بذلك يستطيعون ان يشوشروا على الحقيقه و يتوهوا معالمها كلامك واضح و مرتب الافكار و مفهوم كل حرف فيه لكنك تعلم ان هذا لن يروق لكثيرين فالحقيقه واحده و ستظل كما هى و لو مرت عليها مئات السنون اما الاشخاص فهم يذهبون و ياتون

السلام عليكم اخى الفاضل جزاك الله خيرا ان اكثر ما اوصل الامور الى ما هى فيه الان هو اسلوب التطنيش و طأطأه الرؤس . انصر اخاك ظالما او مظلوما يا باشمهندس هذا هو هدى المصطفى صلى الله عليه و سلم . اخى الكريم انا لم اتجاوز على ساويرس بكلمه و لم اشخصن الموضوع معه لانى بالطبع ليس هناك معرفه مباشره بينى و بينه و العلاقه انه ..هو .. شخصيه عامه بصرف النظر عن عقيدته سمح لنفسه بالتجاوز على فى دينى فواجب على حمايه لدينى كما امرنى ربى ان ارد عليه و على من ينتهج نهجه او يدعمه او يدافع عنه بالبينه و الحجه ..و طبعا بالادب . تحياتى لك و اهلا بك فى جده (بالمناسبه فيه مطعم سمك فتح فى دوار الخارجيه ..البيعه امام فندق البرج و الشيف مصرى كان يعمل فى مطعم قدوره اسمه ..صباح الكابوريا ...بيعمل شويه بورى سنجارى جامد قوى :lol:

السلام عليكم الزميل الفاضل ارشيتكت اهلا بك الليبرالى المعتدل الذى تشير اليه له و منذ زمن موقف معروف ضد الاسلام و اهله منها على ما اتذكر تصريحاته ضد الحجاب و المحجبات فى مصر رغم ان هذا شأن ليس له و لا لغيره الافتئات و الكلام عليه ..هذا اولا ثانيا ..الليبرالى المعتدل كما تقول يمتلك ..او تى فى التى دشنت فى بداياتها عصرا جديدا من الاباحيه فى فضاء القنوات العربيه بعرض uncutافلام . الليبرالى المعتدل لا بد ان يكون عنده حد ادنى من روح الليبراليه فى إطار الرأى و الرأى الاخر و هذا عين ما ينصبون علينا به هؤلاء ..الليبراليين ..من انهم يقولون شعارات هم اول من يتنصل منها و الا فما هى مؤهلات المهندس ..ساويرس ..ليكون من حكماء البلد ..حكماء مره واحده . هو ليس متدينا كما سمعته يقول و دراسته فى الهندسه و مجاله البيزنس العام و التجاره ..فمن اين جائته الحكمه التى تشير اليها اخى الكريم و اعطته الحق او قل الخبره ليمنع مقال مفكر فى قامه د. العوا لو قضى ساويرس سنين طويله عند قدمى العوا ليتعلم منه ما استطاع الوصول الى خبره و علم و حكمه حقيقيه شهد بها القاصى و الدانى للعوا . اليك اخى الفاضل و للاخوه الكرام مقال العوا الذى منعه ..الحكيم ..ساويرس http://www.el-awa.com/new/index.php?op=news&id=12

لا اعتقد ان ساويرس ( تدخل ) لمنع المقال وانما الصحيح ان ساويرس ( يمتلك ) عدد من الجرائد والفضائيات بل ومنتديات الانترنت وكلها لها توجه عام واضح واسباب لا تغيب عن نظر المتابع فتحت من اجلها واستمرت لتنشر فكر وتوجهات معينة .. مقال العوا ـ ايا كان محتواه ـ في احد ( ممتلكات ) ساويرس سيكون بالتأكيد ضد اهدافها وضد سياستها العامة ولهذا فمن البديهي منعه بدون حاجة لتدخل المالك شخصيا .. على كل حال العوا تحول في اليومين الماضيين ـ وعن عمد ـ الى ( رمز ) يمثل فكر او تيار معين بغرض توجيه الرأي العام الى ماينبغي فعله اذا ماتبنى شخص ما او جهة ما مايتبناه العوا من فكر .. على كل حال تقول الحكمه القديمة من السهل جدا ان تخدع كل الناس بعض الوقت .. او ان تخدع بعضهم بعض الوقت .. لكن من المستحيل ان تخدع كل الناس كل الوقت .. هي مسألة وقت قبل ان تفقد كل هذه ( الممتلكات ) مصداقيتها ويظهر للاغلبية السبب الحقيقي وراء تواجدها على الساحة المصرية .. بهذه الكثافة .. والتفرد ..