لوحة القادة

بسم الله الرحمن الرحيم هذا أبو هريرة رضى الله عنه يقول وإن الرجل ليصلى ستين سنة ولا تقبل منه صلاة فقيل له : كيف ذلك ؟ فقال : لا يتم ركوعها ولا سجودها ولا قيامها ولا خشوعها ويقول عمر بن الخطاب رضى الله عنه إن الرجل ليشيب فى الإسلام ولم يكمل لله ركعة واحدة قيل : كيف يا أمير المؤمنين قال : لا يتم ركوعها ولا سجودها ويقول الإمام أحمد بن حنبل رحمه الله يأتى على الناس زمان يصلون وهم لا يصلون , وإنى لأتخوف أن يكون الزمان هو هذا الزمان !!!!!!! فماذا لو أتيت إلينا يا إمام لتنظر أحوالنا ؟؟؟ : ويقول الإمام الغزالى رحمه الله إن الرجل ليسجد السجدة يظن أنه تقرب بها إلى الله سبحانه وتعالى ووالله لو وزع ذنب هذه السجدة على أهل بلدته لهلكوا سئل كيف ذلك ؟؟؟ فقال : يسجد برأسه بين يدى مولاه وهو منشغل باللهو والمعاصى والشهوات وحب الدنيا ... فأى سجدة هذه ؟؟؟؟؟؟؟؟؟؟؟ النبى ( صلي الله عليه وسلم ) يقول : (( وجعلت قرة عينى فى الصلاة )) فبالله عليك هل صليت مرة ركعتين فكانتا قرة عينك ؟؟؟؟ وهل إشتقت مرة أن تعود سريعاً إلى البيت كى تصلى ركعتين لله ؟؟؟ هل إشتقت إلى الليل كى تخلو فيه مع الله ؟؟؟؟ يقول سبحانه وتعالى : ((ألم يأن للذين آمنوا أن تخشع قلوبهم لذكر الله )) يقول ابن مسعود رضى الله عنه : لم يكن بين إسلامنا وبين نزول هذه الآية إلا أربع سنوات ,, فعاتبنا الله تعالى فبكينا لقلة خشوعنا لمعاتبة الله لنا ... فكنا نخرج ونعاتب بعضنا بعضا نقول: ألم تسمع قول الله تعالى : ألم يأن للذين آمنوا أن تخشع قلوبهم لذكر الله ...... فيسقط الرجل منا يبكى على عتاب الله لنا فهل شعرت أنت يا أخى أن الله تعالى يعاتبك بهذه الآية ؟؟؟؟ لا تنظر إلى صغر المعصية .. ولكن أنظر لعظمة من عصيت إذا ضاقت عليك الأرض بما رحبت، وضاقت عليك نفسك بما حملت فأهتف ... يا الله لا إله إلا الله رب السموات السبع ورب العرش العظيم منقول

السلام عليكم تابعت فيلما جميلا عن الكون الرائع الذي نعيش فيه .. أعاد تذكيري بالاتساع الهائل و التمدد المستمر له .. و تذكرت الحديث الشريف: ما السموات السبع في الكرسي إلا كحلقة ملقاة بأرض فلاة ، و فضل العرش على الكرسي كفضل تلك الفلاة على تلك الحلقة أحسست بمدى ضآلتنا في هذ الكون .. و مع هذا إذا تقربت إلى الله ذراعا .. تقرب إليك باعا يقول الله تعالى : أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملأ ذكرته في ملأ خير منهم ، وإن تقرب إلي شبرا تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة فلم هذا الاستغراق في الدنيا و خلافاتها و صراعاتها ؟؟؟ طبعا أنا لا أقصد "الدروشة" و الانعزال عن الدنيا .. دار الاختبار .. بل أن يكون وجودنا فيها "عبادة لله سبحانه و تعالى" .. لا نحب إلا فيه .. و لا نبغض إلا فيه لا نخاف مخلوقا .. لا نكتم كلمة الحق .. لا ندخر جهدا لنشر دين الله لذا .. من فضلك .. قف لحظة راجع أولوياتك رقق قلبك أخرج منه الدنيا و املأه بحب الله جل و علا

كفاية الكلمتين دول يا مصراوية وانتى تعرفى فيه فايدة والا لأ؟ عندي دائماً أمل , بس في ظل العتمة دي صعب يتحقق, لكن أكيد هييجي اليوم اللى تزال فيه هذه العتمة . مش معقول اننا هنفضل كده على طول , احنا وأولادنا وأولاد أولادنا ......... مش قادر أتخيل كده :sad: مع تحياتى الأمن ليس بهذه القوة .. وقت الجد كله هيخاف على نفسه و اسمحلي أرد بمشاركة سابقة اللي شاف مظاهرة اسكندرية و اللي حصل فيها لما بعتولها فرق الكاراتيه و مقدرتش تعمل حاجة يعرف ان الموضوع ممكن .. احنا عاملين زي الفيل اللي عشان يدربوه بيقيدوه بالحديد لفترة و بعدين يفكوه و ميهربش لانه لسة فاكر الحديد في رجليه المشكلة فينا "احنا ملناش دعوة بالحاجات دي" مستنيين التغيير ييجي لوحده أو بايد غيرنا الله يرحم المسيري قال لمااللي راكبين المكروباس ينزلوا ينضموا للمظاهرة بدل ما يتضايقوا انها عطلت "مصالحهم" هنقدر نغير

باختصار .. ما دام الناس ابتدت متخافش و عايزة تشارك ..يبقى طبعا فيه فايدة كمان زيادة صعوبة المعيشة ممكن تخلي كتير يساند التغيير على الجانب الآخر .. إيثار السلامة لا زال هو شعار الأغلبية .. المشكلة فيمن يقبل أن يبيع نفسه ب 6000 جنيه بل و لأقل من هذا بكثييير .. هؤلاء هم الخطر الحقيقي

يا ابو عمار :lol: حتنسيني شوية السمات اللى انا اعرفها تعالى روق روق ربنا يهديك وووووووو صـــــباح الياساااااامـــــين اهم السمات المصرية انتبه لما هو اتى اهم السمات : انك تصحي الصبح وانت ورايح الجامعة او المدرسة تلاقى عم فتحى بتاع الفوووول على الناصية والزحمة حواليه وتحسن انك بتجوع بسرعة حتى لو مش جعان ونفسك مفتوحة اهم السمات : من بعيد تسمع صوت الراديو بيوصلك من كل مكان وتسمع منه احلى صوت عمو فؤاد المهندس وهو بيقول كلمــــتين وبــس اهم السمات : طول ما انت ماشي مش عارف ترد على داه ولا دي وداه - بتبص حواليك بتلاقى كل الناس بيصبحو عليك بدون ملل ولا كلل وبيقولولك صباح الخير اهم السمات : قبل ما توصل لنهاية الشارع يجيلك صوت اغنية - بالسلامة يا حبيبي بالسلامة اهم السمات : تتجمع مع اصحابك يوماتى ليلاتى فى كل مكان البنتوتات الحلوات يتجمعو عند كل جارة شوية منهم بالدور مش مهم مسلمة او مسيحية المهم انهم اصحاب وفى الجيرة عشرة عمر وكل واحدة تحكى اللى عندها وقفلين على نفسهم باب الاوضة لا يحبو حد يدخل عليهم ولا يقاطع حكاويهم ومش مهم نشرب ايه المهم ان الضحكة والرضا والسعادة موجودين . اهم السمات : ان الشباب يتجمعو على الناصية ويمكن يكونو بيحكو فى نفس مواضيع حكاوى البنات اللى بيحكو فيها وممكن الناصية دي تكون تحت الشباك اللى فيه اوضة البنات وكله سامع كله والضحكه من القلب طالعة . اهم السمات : مش مهم نهاردة ايه فى الايام ومش مهم حناكل ايه المهم ان كل الشارع صاحى ومش بينام وصوت الضحك فى كل حته حتى بيوصلنا ريحة الشيشة والدخان اهم السمات : ان ماما توصلك لغاية باب البيت وانت وماشي باحلى دعوة - روح ربنا يوقفلك اولاد الحلال . اهم السمات : بصة بابا المرعبة وانت بتطلب من ماما بلاش تحكى لبابا اللى حصل امبارح يا ماما ابوس على ايدك . اهم السمات : الفرحة بالعيد وكل الاعياد - كله بيخرج يهيص ويفرح ومش مهم داه داه اى عيد فى الاعياد او لعم حسين ولا لعم عياد اهم السمات : شنطة المدرسة اللى مليانة كتب واحنا لسة ماشيين فى الطريق وشايلينها و بنسمع برضوه فؤاد المهندس لان الكلمتين ما خلصوش اهم السمات : انى لو ماشية فى عرض الطريق بتراخم - بالاقى عم فلان اللى ما اعرفهوش وعمتو فلانة اللى برضوه ما اعرفهاش بيخافو عليا جدا جدا انى ماشية مش تحت الحيط وبيقولولى بلهفة الام والاب حاسبي يا ماما ما تمشيش كدا على الاسفلت علشان العربيات تخبطك اهم السمات : ما ننساش السمرة المصرية والابتسامة الحلوة والقلب الطيب اهم السمات حكملها بعد شوية اغابي :roseop:

http://www.youtube.com/watch?v=QZVpgf9baKA&feature=related الله يرحمه كان بيأذن فى مالطه!!!الله يرحمه

أول مرة أتعامل مع الشعور وهو سمكة جيدة لحمها متماسك لكنه فصوص جيدة الطعم والشكل السمكة شعور وزنها حوالى 2.5 كيلو نسلخها من الجد وهى سليمة نرشها بخل كفاية ونتركها حوالى 20 دقيقة ثم تتبل بملح وفلفل أسود وزيت زيتون وكمون وكسبرة مطحونة وعصير ليمون ندخلها الفرن حوالى ساعة ونصف الصوص بصلة كبيرة حمرا تقطع جوليان - شرائح طولية - ثم ترفع على النار مع معلقتين زيت زيتون وتترك مع التقليب من وقت لأخر حتى تتكرمل نضيف قليل من الزبدة وعصير الليمون - هنا أضفت عصير عنب ثم تفرد على السمكة فى طبق التقديم معها فطر مع الفاصوليا مسويان فى زيت الزيتون متبل بالملح والفلفل النصف الثانى من السمكة هنعمل له صوص مختلف الصوص مشمش مقطع منقوع ثم يرفع النار مضافا له بشر قشر ليمون مع عصير ليمونة حلوة مع قليل من الزبدة وملعقة خل يترك على النار مع التقليب حتى يتكثف ثم يفرد على السمكة فى طبق التقديم وعشان هى دايت خالص السلطة عبارة عن كرافس مقطع متبل بعصير الليمون ومعهم أرز الأرز مغسول ومسوى فى ماء غزيز (زى المكرونة) مع فلفل أسود حب وهيل حب يتصفى بعد ما يستوى ويضاف له الفاصوليا الحمراء الجاهزة مع الملح وزيت زيتون وهنا وعافية

أول ما قريت السؤال افتكرت كام حاجة بحبها وحاجات كتيير بكرهها. أنا طول عمري ملاحظة على نفسي كده. عدد الحاجات اللي بكرهها في حياتي أكتر كتير من اللي بحبو...أو يمكن قوة الكره أكتر من قوة الحب بحب مصر جدا جدا جدا بكره اللي مبوظها بكره لما اشوفها عماله ترجع لورا وأنا مش قادرة اساهم باي حاجة بحب علم الجينات والتحور بكره النباتات والكيمياء والسيكولوجي والحشارات والحيوانات بحب مناقشات عن الاديان المختلفة مع غير المسلمين بكره لما أسأل عن حاجة في الاسلام ويتقالي متسأليش نفذي وبس بحب الأغاني الدوشة. بكره 99% من الأغاني الهادية (سواء حزينة أو لأ) بكره اليوم اللي أصحى فيه تعبانه بحب الشمس بكره المطر والرياح والرطوبة والايام اللي مفيهاش شمس. بتبوظلي مودي ومبعرفش أعمل حاجة طول اليوم. بكره البحر والرمل بحب المشي بسرعة كاني على طول مستعجلة بحب أعمل غرز وسط الناس طول ما أنا ماشية بحب الفلوس. بحب شغلي بحب جامعتي. بكره مدرستي وأي حد اتعرفت عليه فيها مدرسين أو زمايل ومش واحشني حاجة فيها ومش محتفظه بأي ذكريات بكره مصاريف جامعتي. بكره الulcer اللي بيطلعلي على لساني من الstress بكره الايام اللي ملاقيش فيها حاجة عدلة اكولها. بكره الطعمية واللوبيا بنقطة بحب السوشي بكره اي حد يهز ثقتي بنفسي بكره أي حد ييجي على كرامتي بكره أي حد يقف في طريقي بكره الطفل وكل حاجة ليها علاقة بيهم بكره الوقت اللخمة لما كله يتكلم في وقت واحد بصوت عالي بكره الخروجات والتجمعات العائلية بحب أختي بحب مكتبي بحب لابتوبي بحب الفلوس بحب موبايلي بحب الانترنت بحب أفضل فاهمة كل الناس اللي حواليا بحب النجاح بكره الفشل بعد التعب بكره الاحساس بعدم الأمان بحب الهديا والمفاجأت بكره اوقات الوداع بحب الارانب...بزيادة بحب اغسل المواعين لما أبقى مهمومة بكره أي شغل بيت تاني بكره الطبخ بحب الاقلام بكره المكياج بحب الصلاة بحب نفسي بحب المواصلات بحب الرقص بكره الناس الكسولة (مش بحترمها خالص ) بحب برفاني بحب نضرتي الجديدة بكره نضرتي القديمة بحب ساعتي القديمة بحب الدابسة بتاعتي بحب الالوان الفاتحة بكره لما تعجبني أي حاجة لونها فاتح يقوم بابايا يقولي شوفي غامق أحسن عشان ميغلبكيش في الغسيل بكره لما أختي تمسك وداني رغي ساعات على حاجات ملهاش أي لازمه وأنا وراية مذاكرة ااااد كده واستحلمها بعدين في أي وقت لو جيت اقولها حاجة لمدة دقيقة وهيا بتذاكر تتنرفز وتقولي قلتلك مش فاضية ...يعني هي مش بتهون عليا...أنا بهون عليها بكره المواقف اللي الناس تتعالى عليا ومعرفش ادافع عن نفسي بكره الشعور اللي بيفضل فترة بعديها بكره العياط سواء لوحدي أو قدام الناس (بيحسسني اني ضعيفة وده عكس فكرتي عن نفسي تماما ) بحب الأكل بحب الفسيخ بحب الفلفل المخلل بحب الbutter chicken اللي هيا اكلة هندي بحب المحشي بكره المحشي ورق عنب اللي مش ملفوف عدل بكره لما مامتي تقولي لفي الورق عنب عشان مش بعرف الفه عدل بكره الضلمة بكره السود..عارفه ان دي عنصرية. أنا مكنتش بكرههم. لكن عن خبرة مشفتش حد واحد فيهم عرفت اديله ذرة احترام ايه ده أنا نسيت نفسي خالص .... :blush2: الموضوع ده جميل قوي على فكرة الواحد كان حاسس انو بيقول الحاجات دي لنفسه مش للي هايقراها

- من أهم المميزات التى يمكنك الحصول عليها فى الشارع المصرى هى..إنك ممكن تقفل الشارع بمزاجك من غير ما حد يعترض ، لو عندك حالة وفاة تستطيع أن تحول الشارع إلى دار مناسبات و تقفله بصوان بس تسيبش ممر صغير للناس تعدى منه على رجليها علشان ماتسبِّش للمرحوم. 2 فى حالة لو عندك فرح ممكن تقفل الشارع من غير ماتسيب ممر للناس تروَّح علشان مافيش حد أصلا هيروَّح قبل الفرح مايخلص. 3 مصر هيا البلد الوحيده اللى ممكن تلاقى فيها سواق تاكسى يركِّبَك ببلاش ( حدث بالفعل مع كاتب المقال منذ عدة سنوات ،نتيجة لظرف ما كان يقف مفلسا فى جسر السويس يحلم أن يصل إلى مقر عمله فى وسط المدينة ، استوقف سائق تاكسى و سأله لو ينفع يوصله و يكسب ثواب، فنظر له سائق التاكسى من أعلى إلى أسفل ثم قال له إطلع ، وفى الطريق صارحه السائق بأنه قبل أن يوصله مجانا لأنه كده كده نازل وسط البلد ولأنه استريح له..هكذا و ببساطة). 4 لو ركبت تاكسى و فى جيبك شريط بتحبه ممكن تديه للسواق يشغله (وممكن كمان..علّى يا اسطى)،و سيزيد حماس سائق التاكسى لتشغيل شريطك إذا كان كوكتيل شعبى حيث العنب و المولد وقوللووه ،أو إذا كان خطبة عن عذاب القبر. 5 مصر هى الدولة الوحيدة التى تعرف فيها هتدفع كام قبل ما تركب التاكسى(فى أوربا والدول المتقدمه زى دبى مثلا فيه حاجة اسمها عداد)، هناك أشخاص يعتبرون سؤال سائق التاكسى (هتدفع كام) هو سؤال بجح، لكن وبشكل عقلانى هو سؤال يضمن (حقكوا انتوا الاتنين). 6 مش كل مرة تتقفش فيها مخالف هتتسحب منك الرخصه، وده أوبشن متاح فى مصر بس ، وعلشان رخصتك ماتتسحبش عندك كذا طريقة أشهرها أنت مش عارف أنت بتكلم مين لكنها مش دايما مضمونه وممكن تقلب بغم. 7 وأسهلها إستعطاف أمين الشرطة و تبرير خطأك كطفل أمه قفشته بيعاكس بنت الجيران مع التأكيد على إنك مش هتعمل كده تانى و الإكثار من معلش و نهارك ابيض يا باشا. 8 و هناك الطريقة الأكثر فعالية وهى إنك تحط بين رخصة العربية ورخصة السواقة ورقة بعشرين. 9 بالمناسبة ممكن تاخد المخالفة عادى،ولمّا تروح تطلّع شهادة مخالفات تلغيها!. 10 معظم أصحاب السيارات الصيّع فى مصر معهم خريطة بها الاماكن (اللى ينفع تركن فيها صف تانى من غير ما تتكلبش، حيث أن الكلابشات ليست متوافرة فى كل الشوارع) . 11 لدينا أيضا ميزة أن للكلبشة مواعيد عمل رسمية نعرفها جميعا و تجعلك تركن سيارتك صف تانى أمام سنترال التحرير فى الثالثة صباحا وانت متطمن. 12 لدينا ميزة إنك ممكن تفتح الإشارة بالضغط على أمين الشرطة عن طريق الكلاكسات، فى الواقع لدينا ميزة أخرى أهم تدل على أننا نعيش أجواء ديمقراطية وهى أن الواقفون فى الإشارة لديهم الحق فى تحديد الوقت المقبول للوقوف فى الإشارة وعندما يتم تجاوز هذا الوقت تبدأ زفة الكلاكسات. 13 لدينا ميزة اخرى وهى إنك ممكن تشترى سارينة إسعاف و تركبها فى عربيتك، و ستساعدك كثيرا فى إختراق الزحام، لإن الناس يفسحون الطريق تلقائيا عند سماع السارينة (حتى لو ماشافوش فى المراية اى عربية إسعاف ). 14 لدينا أيضا ميزة الإلتصاق بسيارة إسعاف حقيقية (لو ماعندكش سارينة)، الإلتصاق بسيارة الإسعاف سيجعلك تصل أسرع ، احيانا تحدث مناوشات بين سائقى السيارات حول من يستحق أن يلتصق بالإسعاف، وهناك نوع من السائقين فى منتهى خفة الدم (بيعملوا نفسهم قرايب المريض اللى فى عربية الإسعاف). 15 لدينا ميزة لا نراها هى فى حد ذاتها ولكن نرى آثارها فى الشوارع بسهولة، ميزة الميكانيكية المهرة الذين يسمحون لسيارات عمرها الإفتراضى إنتهى منذ سنوات بعيدة أن تستمر على قيد الحياة وتنافس سيارات الألفية الجديدة فى شوارع القاهرة(يعنى فيه ميكانيكية ممكن يخلوا عربيتك تعيش خمسين سنه على الأقل)، القاهرة هى العاصمة الوحيدة التى سترى في شوارعها سيارات موديل أوائل الستينيات ((r 1100، وأوائل السبعينيات (فيات 124)،و نهاية السبعينيات (فيات 132)، وبداية الثمانينيات (الفيورا طبعا).، ناهيك –حلوه ناهيك دى- عن السيارات ابنة فترة الاربعينيات والتى أصبحت قطع تاريخية نراها على فترات فى شوارع الزمالك والمهندسين. 16 ممكن الناس تركب فى شنطة العربية الملاكى لو العربية مليانة ، وهو مشهد له وقع طريف على من يراه، وهناك من يركب إلى جوار سائق الميكروباص (على شمال السواق)،و هناك المقعد الامامى الذى يتسع احيانا لثلاثة اشخاص(اتنين جنب بعض وواحد على رجلهم شويه وعلى التابلوه شويه)،وهناك المجانين الذين يجلسون فوق شنطة السيارة وهى مسرعة،وهناك الموتوسيكل الذى يحمل اسرة كاملة، لدينا ميزة الناس اللى بتشيل بعض فى (الزنقة). 17 لدينا ميزة روح التعاطف المختلطة بالأمومة، يعنى لو ماشى بعربيتك و كاوتش عربيتك نايم شويه او نص نايم او حتى مهوّى،هتلاقى كل العربيات اللى بتعدى عليك بتهدى جنبك وكل اللى فيها بيشاورولك على الكاوتش ، وهناك من هم متأججى المشاعر الذين يطاردونك حتى يلحقون بك (و بيكسروا عليك علشان يلفتوا نظرك ....الفرده اللى ورا عايزه تتزود). 18 النقطه السابقه نفسها تتكرر لو كنت ماشى بعربيتك وفيه باب من ابواب العربية مش مقفول كويس. 19 النقطة السابقة نفسها تتكرر لو ماشى وغطا تنك البنزين مفتوح. 20 تابع لروح التعاطف والأمومة ،إذا كنت على كورنيش المعادى او الأتوستراد او الطريق الصحراوى ، ولاحظت أن السيارات القادمة فى الإتجاه المقابل كلها بدون استثناء (عمّاله تقلّب لك نور) ، ستعرف فورا (إنه فيه رادار أو لجنة رادار على الطريق) و أن تقليب النور ماهو إلا تحذير أمهاتى إنه (خُد بالك يا بنى و على مهلك). 21 من اجمل ما فى الشارع المصرى تلك الجمل التى نراها مكتوبة على السيارات بكافة الأنواع،وهى مليئة بالحكمة احيانا ( السعادة فى الرضا)، وبالوقاحة احيانا (صغير بس يحيّر)،و بخفة الدم احيانا (المجروحين يمسكوا يمين)،و بالطيبة احيانا (يا بركة دعاكى يا أمى)، و بالمياصة أحيانا(من حق الكبير يتدلع)،و بالغموض أحيانا (للكبار فقط). 22 من اجمل ما فى الشارع المصرى روح التعاون ، وتتجلى هذة الروح فى (ورطة الزق)، فعندما تعطل سيارتك وتطلب من أقرب مجموعة أشخاص أن (يزقوك) سيستجيب لك الجميع فورا..ولكن لأى مدى؟، لأبعد مما تخيل، فالشخص الذى تورط فى أن يزقك لن يتخلى عنك حتى تدور سيارتك وتنطلق مسرعا ملوحا له بالشكر من شباك سيارتك، لكن من الوارد أن تستمر عملية الزق لمسافة طويلة تجعلك تشعر بالإحراج ،ومن الوارد أن تتوقف العربية مرة أخرى فتنزل من سيارتك وعلى وجهك ابتسامة بلهاء فتجد الأشخاص الذين قصدتهم من قليل يعودون إليك مرة اخرى و يواصلون عملية الزق لدرجة تجعلهم يبتعدون عن المكان الذى كانوا يقفون فيه بمسافة تحتاج لمواصلتين علشان يرجعوا لها ...بس الجميل فى مصر إنه مش مهم الناس دى مشيت معاك لحد فين المهم عربيتك تدور وتمشى وترحمهم من الورطه اللى حطوا نفسهم فيها. 23 الأظرف عندما يكون العطل اللى فى سيارتك من النوع الذى لايفلح معه الزق، هنا سيستمر الناس فى زقك إلى ان يفقدون الأمل تماما، وساعتها سيقترحون عليك أن (إحنا هنزقك على جنب وتركن عربيتك وتقفلها وتروح تجيب ميكانيكى)، وقد تجد بينهم شخص لا يفهم فى الميكانيكا لكنه عاطفى جدا و سيفاجئك بطلب غريب( إفتح كده الكبوت). 24 روح التعاون والتعاطف لها أشكال كثيرة ،مثل أن يتعاون الناس فى عدل سيارة إتقلبت على الطريق ، تراهم بهمة عمال البناء ينظمون انفسهم ويوزعزن أدوارهم و يحددون التكنيك المناسب لعدل السيارة مع العد( 3،2،1) و (بسم الله الرحمن الرحيم...زق زق ). 25 ولأن الله (بيقدّر و بيلطف)، قدرنا ان تمتلىء شوارعنا بالحفر العميقة و البالوعات المفتوحة، ولكن لطف الله يتجلى فى الروح المصرية التى تحشد العشرات لإنتشال السيارة من الحفرة -لدينا عدد لا بأس به من الناس الذوق ذوق ذوق، مثل هذا الشخص الذى لايكتفى بإشارة يمين ولكنه يخرج لك ذراعه من الشباك احتياطى لتكون مش واخد بالك، و هناك الشخص الذى لا يكتفى بإشارة الإنتظار إذا اضطر إلى الوقوف لكنه يرفع لك يده أعلى من مستوى السيارة فى إشارة تحمل مزيجا من الشكر والتنبيه،وهناك الشخص الذى تضطره الميكروباصات لأن (يكسر عليك) فيضطرإلى أن يفض ماشى قدامك لمسافة ميتين متر وهو رافع إيده لك أسفا و إعتذارا، وهناك من يضطره الإستعجال لأن يقفل بعربيته عليك ويدخل الى محل ما وهو عينه على العربيات اللى قافل عليها و ما أن يراك تفتح باب سيارتك وقبل أن تمتعض تراه جاى جرى وعلى وجهه ابتسامه تجعلك تود أن تقول له (ياريت الناس اللى بتركن صف تانى كلها زيك كده)، يقول لك (آسف) فلا تملك إلا ان تقول له (ماحصلش حاجه). 2-هناك شبه إتفاق بين المصريين إنه مافيش مشاكل يعنى وأنت سايق لو تسرق الحته دى عكسى أو تخطفها مخالف أو (أنت مالكش دخله من الفتحه دى بس خش خش الوقت متأخر مش هتلاقى حد واقف...حد طبعا بمعنى أمين شرطة). 3-من حقك تعمل مطب قدام بيتك ، أو قدام المحل بتاعك أو المدرسة بتاعتك علشان تحس بالأمان ، و بناء المطب حق مكفول لأى مواطن ولا يحتاج لتصريحات ولا يكلفه أكثر من شيكارتين اسمنت. 4-من المميزات التى يمكنك الحصول عليها فى شوارع مصر فقط هى إنك من حقك تمنع أى حد يركن قدام المحل بتاعك أو الورشة بتاعتك ،معللا ذلك بأنه (ده باب رزق يا أستاذ)، وهى حجه قوية ومقنعة طبعا. 5-من المميزات التى يمكن الحصول عليها فى الشارع المصرى هى إنك ممكن تحجز مكان لعربيتك تركن فيه، مجرد قائمين من الحديد الصدىء و سلسلة من نفس الخامه ، و تقوم بزرع القائمين فى أى مكان فى الشارع معلنا استيلائك عليه و لن يعترض احد، بالعكس سيقوم جيرانك بالبحث عن مكان يصلح لتحويله إلى باركنج مشابه للذى اخترعته. 6-مش من حقك تشد التعشيقه لو هتركن صف تانى، بس من حقك تركن صف تانى. 7- كمان من المميزات اللى عندنا أن أى حيطه تنفع سبورة تكتب عليها اللى انت عايزه وده موجود من ايام الفراعنه، هناك من يكتبون أسمائهم للذكرى، وهناك من يرسمون قلوب منبعجه بأسهم وإسمه وإسم حبيبته( مجدى و رانيا)،وهناك من يكتبون إعلانات عن شقق للمغتربات بأرقام تليفون الشقق علشان لو حد عايز يظبط واحده مغتربة، وهناك من يكتبون شعارات عنتريه مثل (عفوا هذا زمن الأهلى)، وهناك من يكتفون بالشخبطه والرسم، وفى كل جدران العاصمة ستجد متنفسا لهؤلاء المكبوتين لا تملك إلا ان تعتبره ميزة تنفس عن البعض و تضحك البعض. 8-من احلى الحاجات فى الشارع المصرى هو الحق المكتسب لصاحب الكشك فى استخدام ما يستطيع من المساحة المحيطة به، لو عندك كشك –وفى مصر فقط- تستطيع ان تضع كل بضاعتك بالخارج ،وهو يعنى حتة الكشك هيشيل إيه ولا إيه؟ 9- لو عندك سوبر ماركت ممكن تزين بابه بصفين، صف علب سمنة روابى ،وصف كراتين برسيل،ومع إنها مجرد بضاعة إلا إن الناس بتعتبرها إيمدج للمحل،(مع إن المفروض إن البضاعة دى كلها تدى إنطباع بالكساد)! 10-من أحلى الحاجات فى الشارع المصرى ، إن المواطن المصرى لو شاف خواجه فى الشارع بيبتسم فى وشه على طول وبشكل تلقائى...إلا لو كان خليجى وده موضوع تانى. 11-ممكن توقّف أى شخص فى الشارع وتطلب منه اى حاجه ومن النادر إنه يكسفك، ممكن تطلب أى حاجه من أى واحد ماشى فى الشارع و بيتكلم مصرى بداية من (ممكن تقرا لى العنوان اللى مكتوب فى الورقة)،مرورا ب(سيجارة)،نهاية ب(ممكن جنيه اروح بيه؟). 12-من أحلى الحاجات فى الشارع المصرى ،الطيبة اللى زرعها الله فى الوجه المصرى، نوع من الطيبة تزيدها قسوة الظروف جاذبية، طيبة يسهل إستكشافها إذا وضعت وجها مصريا بين وجوه من جنسيات مختلفة (المانى، قطرىن يابانى،مكسيكى). 13-من أحلى الحاجات فى الشارع المصرى ، أن الجميع يدعو لك فى مختلف الاحوال، يعنى إذا عطفت على شخص سيدعو لك (ربنا يزيدك)، وإذا ساعدت شخصا ما (ربنا يريح قلبك)،وإذا تعرضت لمكروه(ربنا يعوض عليك)، حتى لو قمت باستفزاز شخصا ما (ربنا يسهلّ لك)، وأحيانا إذا تسرعت و تعديت بقول جارح على شخص ما (ربنا يسامحك). 14- برغم السلعوة فإنك لا تستطيع أن تنكر حالة من الشعور بالأمان تسيطر على شوارعنا، و تذكر كم مرة نسيت سيارتك مفتوحة و توجهت للنوم لتجدها فى اليوم التالى كما هى، اللصوص عندنا-وهذة ميزة ايضا-لا يسرقون السيارات المفتوحة. 15-البلد لا تنام وتعمل 24 ساعة ، وهى واحدة من اهم مميزات الشارع المصرى ، فأنت تستطيع ان تشترى اى شىء فى أى وقت بداية من الدواء نهاية بالحشيش (اللى هو دواء برضه)،وأضف إلى القائمة خدمات علاجيه ومحلات السوبر ماركت و مطاعم ومحطات بنزين وبائعى صحف و عربيات فول و محلات عصير ومقاهى و اقسام شرطة و كباريهات لو عايز. 16-من أحلى ما فى الشارع المصرى إجتهاد معظم الشعب فى أن يكون خفيف الدم صاحب إفيه (وكل واحد ومقدرته طبعا)، لكن وجود هذة الروح فى الشارع المصرى يضمن الحد الادنى من القدرة على التفاهم و التواصل، ويمكنك ملاحظة هذا بسهولة فى الحوارات التى تنشب سريعا بين قائدى السيارات المتوقفة فى أى إشارة و بمرور الوقت يمتلىء الحوار بآراء ساخرة و إفيهات ذكية سريعة إلى أن (تخِّضر) الإشارة و تبدأ زفة الكلاكسات ( يا عمى أنت هترغى؟). 17- أتوبيسات النقل العام مصممة بحيث تستوعب أكبر كم ممكن من الركاب، ومن احلى الحاجات فى مصر قاعدة ركوب الاتوبيس التى تقول (مهما كان الأتوبيس مليان..دايما ليك مكان). 18-من احلى الحاجات فى الشارع المصرى أن أى شارع ممكن ان يتحول إلى ملعب كرة، وأنا اقصد كلمة أى شارع فعلا و تذكر الماتشات التى تقام أمام القصر الجمهورى فى عابدين. 19-من أحلى الحاجات أن محترفى كرة الشارع اخترعوا كره على قد الشارع (الكورة الشراب طبعا). 20-من أحلى الحاجات فى مصر إن أى حد ممكن ياخد لقب (باشمهندس) بسهولة، ماعدا الباشمهندس الحقيقى فالناس تناديه ب (يا دكتور). 21- بالرغم من أن خطوط عبور المشاة يندر احترامها ،فإنه كثيرا ما يحترم قائدو السيارات رغبة المشاة فى العبور من أماكن خطر و يتوقفون لهم تماما حتى يعبرون فى أمان. 22-لو وقعت فجأه فى الشارع هتلاقى الناس اتلمت حواليك ممكن مايعملوش حاجه مفيده قوى بس على الاقل هتلاقى حد يشيلك من الارض و يركنك على جنب،و ( ميه..حد يجيب شوية ميه). 23- من أحلى الحاجات فى شوارع مصر ضحكة عسكرى المرور عندما تضحك فى وجهه او تلقى عليه تحية الصباح (صباح الفل). بالمناسبة من المميزات ايضا إنك ممكن تدى عسكرى المرور الغلبان حاجه و تاخد عليها ثواب وماتعتبرش رشوة لأنه مابيعملش حاجه أصلا. 24-من أجمل الحاجات فى الشارع المصرى مشاهد لن تراها إلا فى شارع مصرى، مشهد شاب يساعد سيدة مسنة أو رجلا اعمى فى عبور الشارع، مشهد صلاة الجمعة او العيد فى الشارع، مشهد بائع العرقسوس و بائع الربابة و بائع غزل البنات،الرجل الذى يحمل قفص الخبز فو رأسه يسنده بيد وبالأخرى يقود دراجته، مشهد تجمع العشرات حول عربية الفول فى الصباح الباكر (أحلى شوية أكل فى العالم كله أصلا)،مشهد المحل الذى تمر أمامه ليلا وتراه مغلقا ولكنك تسمع قادما من الداخل صوت إذاعة القرآن الكريم،مشهد السيدة البدينة بالجلباب الأسود تجرى خلف اتوبيس هيئة النقل العام،مشهد الباعة الجائلين وهم يحملون فرشة البضاعة و يهربون من شرطة المرافق،مشهد صبى القهوة وهو يضع مبسم الشيشه فى فمه و ينفخ فيه ليفرغ الشيشة من الماء على الاسفلت،مشهد أعلام الزمالك ترفرف من السيارات عندما يفوز الأهلى فى نهائى أفريقيا وطبعا محدش بيقول نكت زى محنا بنقول فى مصر ولا ايه ...؟ بمناسبة النكت باه حاجه على الماشى كده .. صعيدى يشتكي لصاحبه يقوله الدنيا دلوقتي مابقلهاش امان ؟؟!!؟؟ سأله صاحبه لييييه .... قاله : تصدق امس رحت لجلبيه ابويه اسرق محفظته لقييت محفظتي بجيبه منقول

ذات يوم وقف رجلا وحيدا فى الشارع قس من اصل مجرى و هتف بنداء واحد يسقط الطاغيه شاوشيسكو فى البدايه لم يلتفت اليه احد لكنه لم يكلو لم يمل وواصل تكرار هذا النداء مرات تلو الاخرى فاخذت الناس فى الالتفات حوله و ترديد مثل ما يقول و قد كانت هذه هى الشراره التى اسقطت شاوشيسكو ديكتاتور رومانيا الطاغيه الذى سامهم سوء العذاب طيله فتره حكمه لكن تحرر شخص واحد من الخوف الهب الجميع لتقليده دائما هناك املا حتى فى احلك الظروف و لكن ان تحررنا من الخوف اولا تحياتى

عندما تجد فريق من الناس تفرغ لاعطاء التقيم السالب لكل فكر لا يتسق مع درجه الحساسيه التى يعتقدوا انهم بذلك يرسوها فى المحاورات عند الحديث عن مواضيع معينه حتى و ان كنت تتحدث بالمنطق و الحق بدلا من ان يعترفوا به او على الاقل يحاجوك فى ما كتبت بالمنطق و الحق و يردوا على الفكر بالفكر اعلم انهم بذلك برهنوا بشكل عملى عن ضعف حجتهم و منطقهم فعمدوا لما تصوروا انها ستكون اداه ردع فعاله فى اثناءك عن الحديث عما لا يروق لهم حتى و ان كان هذا الذى لا يروق لهم هو الحق و لانها عاده الضعفاء و ليس من على موقف ثابت فانك بالتاكيد ستترفع عن حتى الالتفات لتلك المحاولات الصبيانيه منهم لفرمله قلمك فى التعبير عن رايك فالمالك لادوات الراى و الحجه لا يحتاج الى تقيم ليتدرع خلفه و هو يعترض على مداخله لك بل يرد عليك قولا بقولا و حجه بحجه الذى يفكر فى التقيم قبل كتابه ما يتسق مع فكره و نظرته للامور لا و لن يستحق ان يمارس الحريه و الذى لا يجد الا تلك الوسيله لاسكات الاخرين فهو بالتاكيد لم يمارس قبل ذلك الحريه حتى و ان توهم ذلك

الحقيقة ان كلام الدكتور مصطفى محمود رحمه الله كلام واقعي و لا يحمل اي مبالغة فالعالم يسير من حولنا بسرعة و نحن العرب و المسلمين بصفة عامة و المصريين بصفة خاصة ما زلنا نحبو و نتحسس طريقنا وسط العالم و الاغرب اننا ندرك ذلك تماما و حكوماتنا المتعاقبة تدركه اكثر منا و لا نحرك ساكنا لتدارك الموقف و محاولة اللحاق بركب الحضارة الذي اصبحت المسافة بيننا و بينه ابعد ما بين الارض و القمر .....رحم الله هذا الرجل و هدى حكوماتنا و ولاة امورنا لمافيه صالح امتنا

بص نصيحة من اخت كبيرة الجواز مش لاابيض يااسود لأ ده جميع الالوان خصوصا الازرق عشان النجوم اللى فى عز الظهر هههههههههههههه لابجد زواج الصالونات هو اللى تملى بينجح وبيدوم كمان لانه بيكون فيه للعقل النصيب الاكبر فى الاختيار ومع العشرة رابطة الحب بتزيد المهم القبول بين الطرفين مش زى عروسة (......) وخصوصا فى ايامكم دى اللى الحب فيه سلق بيض وكتير بيطلع ممشش مافيش زواج من غير مشاكل وده احسن حاجة من الحياة الميتة الروتينية وبعدين وهل الانسان اللى مش مرتبط معندوش مشاكل بس اهم حاجة فى الموضوع هى درجة تحمل الزوجين كل منهم للاخر وتقبل وجهة نظره المختلفة من غير سيطرة ولا تعنت من احد الطرفين حكاية ان الواحد او الواحدة بيتغيروا بعد الزواج لها اتجاهين الاول المعاملة والاخلاق وده لان فى الخطوبة فترة انا لااكذب ولكنى اتجمل وهى اصلا كل واحد بيحاول يخبى عيوبه عن التانى وبيرسم له صورة مش حقيقية عن شخصه عشان مدة الزيارة او الفسحة مش كافية العشرة بعد كده بتبين المميزات والعيوب واللى بيحب حد بجد بيقبله بعيوبه قبل مميزاته وساعات ناس تبقى عيوبها واضحة جدا حتى لاطراف اخرى ويكابر ويقول او تقول حاغيره بعد الجواز صعب الكلام ده من شب على شئ شاب عليه مش حينفع نفصل انسان على ادينا ونغيره خصوصا بعد الجواز نيجى لتغيير الشكل هو مش بيشوفها وهى صاحية من النوم وشعرها منكوش وعنيها......... لكن بيشوف مكياج ولبس مهندم وغصن البان زى مابيقوله وهى تشوفه حالق دقنه وعطور ولابس اللى حيلته ولا رشدى اباظة تعالى بقى بعد الجواز يتفاجا وهى قايمة من النوم عاوزها تنام تانى وماتقمش وبعدين مع اول عيل البيت مكركب وهدومها مبهدلة وزنها زاد لو كانت بتشتغل المكياج وهى رايحة الشغل بس واللبس الحلو للشغل بس لانها عاوزة تعيش حياتها الطبيعية فى البيت ومع الكنس والمسح والطبخ وخصوصا مش بيساعدها وطلباته الكتير تلاقيها تكره اليوم اللى شافته فيه لكن لو بيراعيها ويساعدها حتى ولو كلمة طيبة بتكون سحر بالنسبة لها لكن معظمهم نقد نقد تلاقى الصورة كده هو بقى ذقنه شبر ومكشر وزهقان وقرفان يابيتفرج على التلفزيون يا بيقرا جريدة والكارثة الجديدة النت والموبايل وعاوزها تنظف البيت وتعمل الاكل وتراعى الاولاد وتذاكر لهم ماهى خلفتهم لوحدها لكن لو شال معها المسئولية اقتداءا برسول الله صلى الله عليه وسلم الحياة بتبقى كويسة قوى لازم الطرفين يهتموا ببعض ويتجملوا لبعض كما كان يفعل الصحابة رضى الله عنهم حتى قال احدم انى احب ان اتزين لامراتى كما تتزين لى فوق كل ده وده الازواج والزوجات الشاطرين اللى مش بيسيبوا الزمن يعلم عليهم وده اللى النكد بيعملوا فى ناس كتير بيبقوا مظلومين فى سنهم لانهم بيعجزوا قبل اوانهم دى خلاصة لنقد صور فى بيوت مختلفة كانت سبب فى كتير من المشاكل وضياع حب قبل الزواج مع ان معظمها بسيط حله بس بالطرفين مش واحد لوحده مش شكوى وهو ياعينى برئ او هى مظلومة ازرع ورد حتلاقيه ورد عمره ماحيكون صبار ولا ايه

قبل ما اكتب اللسته احب بس ان انا اقول لاستاذ مهيب كل سنه و حضرتك طيب انا مش عارفه لسه بتحود على الموقع و لا لا لانك بقالك كتيررررررر قوى غايب عنا بس فى اى مكان انت فيه دلوقتى و لاى سبب اخترت ليه انك تبتعد عن المحاورات باااااااااارب تكون كل امورك ميسره و تكون فى افضل صحه و اسعد حال لانك و بجد من الى اثروا فيا فى هذا المنتدى الراقى و الى انا اتعلمت منهم كتير كل حرف سجلته هنا كان بصمه مميزه ليك ربنا يجازيك عنها خير الجزاء كل سنه و حضرتك طيب و يا رب ايامك كلها اعياد و افراح

مرة واحد بيسال مراته انتى بتحبينى اد ايه قالتله اد ما انت بتحبنى قالها وليه كده انا عملتلك حاجه لاسمح الله مره واحده بتقول لجوزها "تصدق إن أنا كل يوم بحلم بيوم جوازنا" قالها "هى لسه الكوابيس دى بتجيلك؟ مرة دكتور دخل عنبر فى سراية المجانين لقى واحد بيضرب نفسة بالشبشب سأل الممرضة ماله ده ؟ قالت أصله كان بيحب واحدة ومتجوزهاش ..دخل العنبر الى بعده لقى واحد بيخبط دماغة فى الحيطة قالها وده ماله قالتله اصل ده اللى اتجوزها مرة واحد هو وابنه ميعرفوش هو ايه الاسنسير بس شايفين الحيطة عمالة تتفتح وتتقفل وهما مش فاهمين حاجة ...المهم جت واحدة عجوزة ضغطت على الزر اللي في الحيطة ودخلت الاسنسير وبعد شوية الاسنسير نزل وطلعت منه شابة جميلة فالراجل قال لابنه روح هات امك هنا واحدة الدولاب عندها بيعمل صوت لما القطر بيعدى من جنبهم جابت نجار صلحو مرة و اتنين و تالت مرة قالتلو ولاهى مانتا ماشى الا لما القطر يعدى و اشوفو هيتهز ولا لا شوية و جوزها جة و النجار من الخضة استخبة فى الدولاب .... لما جوزها شافو قالو انت بتعمل اية هنا قالو النجار لو حلفتلك باية مش هتصدق انى مستنى القطر واحد و هو بيموت بص لمراته بصه كلها رومانسيه و قالها : انا لما اترفدت كنتي معايا ، و لما عييت وقفتي جنبي، ولما فلست برضوا كنتي معايا ، و دلوقتى لسا جنبي ، مسك ايدها بحنيه و قالها : مش عاريف ليه حاسيس انك نحس مرة واحد ماشى مع خطيبته واخر انسجام فقالها "عارفة اية هو الحب واية الجواز؟" قالته "لا" قالها: "الحب زى النجوم الجميلة اللى فى السماء" قالتله"طب والجواز؟" قالها:"دى البلاعة اللى واحنا بنبص على النجوم بنقع فيها.." واحد متجوز وقاعد في البيت وبيبص كتير في عقد الزواج، مراته قالت له: "بتبص في عقد الزواج ليه يا حبيبي؟" قالها: "مش ع ارف يا حياتي المأذون كتب تاريخ انتهاء العقد فين واحد بيقول لمراته ... انا النهاردة عايز رومانسية فى البيت ... راحت الزوجة سألت امها : يعنى ايه رومانسية ؟؟ الام : مش عارفة بس احتياطى إنقعى الرز واحده وحشه بتقول لجوزها بكره عيد ميلادى . قالها هنقف دقيقتين حداد اتمني ان تعجبكم

لو قرأتي ردي السابق كويس كنتي عرفتي اني مش بقول بقانونية ماحدث للدلالة على انه صحيح وانما لاقول بان ( فصل ) الاستاذ تم ( كرد فعل ) لقرار اتخذه هو بالخروج من مصر .. الخبر يصور الجامعة على انها المعتوه قاتل الدجاجة التي تبيض ذهبا .. بينما الواقع ان الدجاجة هي من قرر التوقف عن وضع البيض .. ان ( نقدر ) هذا العالم المصري فهو امر يستحقه كنابغة برع في مجاله اما ان ( نحتفي ) به فاسمحي لي لست معك في هذا فهو قد اختار الابتعاد وهو قرر ان يستثمر مواهبه العلمية في مكان آخر فلنترك لذلك المكان الاحتفاء به وتقديره بما يستحقه .. ماحدث في قصة عالم الرياضيات ليس خطأ الجامعة ليس لانه متفق مع لوائحها ولكن لانه رد فعل طبيعي لشخص قرر الانسحاب فلماذا نتمسك به ؟؟؟ وبالمناسبة فمن عام 81 لم تكن ظروف البحث العلمي بهذا السوء الذي وصلت اليه الآن وعليه فربما لم تكن الاوضاع الغير مناسبة هي الحافز الوحيد لهجرة ذلك العقل الذي كان شابا وقتها .. لك الله يامصر ..

موقع خلاصات الكتب

يا ضحى دي ثاني مره تتهمي فيها المايسترو زهيري بمحاباتي وانه ماشي ورايا بمبخره ... يا ستي اثنين وعاجباهم مدخلات بعض علشان الدماغ واحده والفكر واحد انتي ايه اللي مزعلك ... ايه المشكلة انه لما واحد يقرأ مشاركة للثاني وتعجبه يقوم مديّ له تقييم إيجابي ... مش هو ده الهدف أساسا من موضوع التقييم ... أهو بسبب الكلام ده الراجل هيفكر ميت مرة قبل ما يديني يقييم إيجابي بعد كده حتى لو المداخلة كانت عشره على عشره من وجهة نظره حتى لا يتهم بالمحاباة والتبعية. وبصراحة أنا باسعد بالتقييمات الإيجابية اللي بيديها لي عم زهيري بالذات لإني بحترم فكره واتزانه ... فياريت تخليني بعيد عن خلافاتك مع زهيري لإني ماليش دعوه بيها.

حضرتك بتكلمى عن اية واى مصداقية دا فى ناس بتستخدمها كااللعبة للاسف على الفاضى والمليان وليس دليل كافى لمصداقية الموضوع او عدمة وانا مع راي الاخ (سى السيد) الذي قال فية لأ يا عم عادل .. شيل البتاعه اللي مالهاش لازمه دي الله يكرمك .. والله العظيم ما أعرف هي بتشتغل إزاي ولا جربت إزاي الواحد يقيم حد معين .. وفعلاً مممكن تخلق عداوة مالهاش أي لازمه ... وأساساً أهمية الواحد ليس بالتقييم ولا بالدرجات ولكن بتبقى بأفكاره ومشاركاته واقرب مثال انا نقلت موضوع لا اقصد فية زيادة مشاركاتى او اى شىء ولكن لنقل فكرة انا رايتها ممكن تكون معلومة جديدة لعبض الناس لقيت سخرية ليس لها داعى ولقيت اللى رايح واللى جاى يقيم ولاسف ممكن ميكنش فاهم فى اية فى الموضوع ولكن كمثل الفرح كله بيجامل مع احترامى للجميع ودا رائى بالنسبة لموضوع التقييم انما لو احنا عاوزين نقيم الموضوع فى النجوم زى ما حضرتك زكرت بداخل الموضوع ويتم تقييم الموضوع وليس الشخص وعلى اساسه ممكن نستنتج افضل الموضوعات والاراء

أنت عندك قصه أيهاب......... واحد أجتهد قي حياته و خطط مستقبله و اختار طريق وصلو لراحته وسعادته. وبيكتب عن تجربته الواقعيه.......أتعلمت منها أيه؟ القصه اللي أنا نشرت جزء منها دي قصه مهاجر مصري و عاءلته وبردو قصه واقعيه.........أتعلمت منها أيه؟ أقول لك تتعلم منهم أيه: اللي معاه شهاده وخبره تسهله الشغل في كندا يتوقع حياه مشابهه لحياه أيهاب. أللي معاه فلوس وربنا رزقه, يتوقع بايه سهله مشابها لتجربه أيهاب. أللي بحث و خطط كل مراحل الهجره, يتوقع راحه البال زى أيهاب. أللي معندوش شهاده ولا خبره تؤهلو في الشغل في كندا, يتوقع أنه يشتغل ب 10 دولار في الساعه ويشتغل ليل ونهار. أللي عنده عاءله و أولاد صغيرين, يتوقع حياته تكون أصعب لأن زوجته حتقعد في البت تربي الولاد و هوا حيصرف علي العيله بدخل 10 دولار في الساعه. ألداي كير غالي ومش حيقدرو عليه. أللي عنده طفل مريض, يتوقع مصاريف كتيره ولا يتوقع مساعده من الحكومه. واخد بالك؟ أنتا أبتديت خلاص..........أنتا في بتسأل وبتبحث وبتقرأ وبتحم وها دي البدايه. مقدرش أرد علي سؤالك عن الدوكتوراه لأن معنديش فكره لاكن علي المنح والسلفيات فموجوده بس معرفش المبلغ قد أيه بالظبط. علي أيامي أنا, أستلفت حوالي 12000 دولار في مده سنتين و مكانش مطلوب ردههم الا بعد 6 شهور من نهاءه الدراسه و ردتهم بتقسيط شهره بسيط جدآ و أظن كان من غير فواءد .........لاكن أنا بسمع طلبه كتير بتشتكي أن علي ما يخلصو دراسه بيكون عندهم ديون فوق ال 100,000 دولار. لو انت راغب تساعد الناس - ولازم تتدعم الرد بخبراتك الذاتية أولآ أنا مجتش المنتدي علشان أساعد ولا كان عندي فكره أن فق جزء مخصص للهجره واستغربت لما شوفت العدد الي نفسه يهاجر كندا. مقصدش اني ش عايز أساعد بالعكس اللي عايز مساعده بس يسأل............ لاكن أنا كنت عارف أن محدش حيعجبه الي أنا نشرته وبدل ما يخدوه كنصيحه و أحذار طبعا قالوا ده تشاؤم وأبعد عنا. يعني هم البني أدمين كدا........أغبيه :lol: أما عن تجربتي أنا فكانت تجربه صعبه ولو أسهل بكثير من أخونا صاحب القصه الي فوق دي. أنا جيت كندا ومعايه 1200 دولار وكنت فاكر نفسي غني :sad: صرفت الفلوس ف كام أسبوع وشحت. أهلي مككنش في أمكنيتهم المساعده ,اعتمدت علي نفسي في كل حاجه. أشتغلت ب 4 دولار ف الساعه و كنت باسكن في مساكن?????? ( أسمها أيه بالعربي؟) Homeless Shelters وبعدين مساكن مدعمه وأشتغلت صنايعي ب 7.5 دولار في الساعه وبعدين أشتغلت لحسابي شويه لغايه محوشت شويه فلوس و أستلفت شويه ودرست Programming ولما خلصت أشتغلت في مجال تاني خالص كام سنه وبعدين فتحت شركه صناعيه و أنشاء الله ناوي أغير تاني وبدرس International Trade علشان ناوي أشتغل في أسوراد وتصدير بين مصر وكندا.................أستفدت حاجه؟ smk:

السلام عليكم جميعا والله يا أخت بدرية الكلام اللى حضرتك بتقولية انا اسف مش علمى وحتة الدراسات دى مش حاجة قاطعة العبد لله بيشتغل فى شركة أدوية وليه خبرة مش بطالة فى المجال وممكن أقولك أسهل حاجة تعملى دراسة مضروبة وكتير من الشركات بتعملها بتدى فلوس لكلية طب أو صيدلة تحت اسم تبرع لكنها رشوة مقنعة ونطلب دراسة معينة حول عقار معين والنتايج اللى عاوزة تستنتجها الشركة بتبقى معدة سلفا المهم مش كل دراسة تبقى ليها مصداقية وبتبقى محترمة اللى أقدر أقوله ف الموضوع من الناحية العلمية من ناحية علم النفس هناك الدورة النفسية للذكور والاناث على السواء يعنى مش قاصرة على الرجال بس وبتتناوب فيها ايام البهجة مع أيام الضيق والاكتئاب بدون سبب واضح يعنى الواحد يحس انه متضايق من غير ما يعرف ايه السبب والخلاصة الدورة النفسية تحدث للرجال كما تمر النساء بالدورتين معا الشهرية والنفسية ولكى منى كل التحية

السلام عليكم الاخوه الكرام جزاكم الله خيرا اولا موضوع الدوره الشهريه للرجل دعابه ظريفه لم يثبتها العلم و لا الشرع . اخى زهيرى ربنا عز وجل هو الذى شرع للمرأه ان لا تصلى و تصوم و لا تطوف بالكعبه اثناء الحيض و ليس المتشددين الذين ذكرتهم فضلا على ان حالتها النفسيه تكون على غير طبيعتها اثناء الحيض . فضلا على ان طبيعتها كانثى تختلف عن الرجل و تبعا لذلك تختلف الوظائف و المهام و كل ميسر لما خلق له يعنى مثلا الله عز وجل اعطى المرأه صبر و قوه تحمل على الحمل و تربيه الاطفال اكثر من الرجل و اتذكر ان ممكن اى ام ممكن تسهر طوال الليل حامله ابنها المريض على ذراعيها بلا ملل او كلل(عكس الرجل الذى فى نفس الوقت يكون نائما يشخر و ليس فى باله ) و لا تستطيع مثلا حمل انبوبه بوتاجاز بضعه سلالم مقارنه بالرجل الذى يكون فى عمله طوال اليوم فى اسواء الظروف و المرأه فى البيت معززه مكرمه و لو ما لهاش نفس تطبخ تتصل بيه و تقول له انا ما طبختش النهارده علشان حاجبى مجزوع فهاتلنا غدا معاك النهارده فيستجيب بلا مناقشه . تمايز الرجل و المرأه ليتكاملا فلو تساويا صارا شيئا واحدا اذن لا حاجه لوجود الجنس الاخر . و قديما قال الشاعر الجنس الخشن خشن و الجنس الناعم ناعم

صدقت يا عزيزى، اتفق معك تمام الاتفاق فى جملتك هذة، فهى ببساطة بالنسبة لى " الخلاصة " - خاصة هذا المقطع: "ومابين العبد وربه فهو متروك لله" حتى لو كان هذا العبد لا يدين بأى من الثلاث ديانات التى ذكرتهم. و لهذا فأنا اردد دائما ان " الثورة الفرنسية " هى الحل لمجمل الدول العربية، ولا يوجد حل أخر فى رأئ الخاص، هذا ان ارادت هذة الدول ان تغير شيئا بأرادتها، و ليس أن تنتظر دورها حتى يفرض عليها فرضا، وضع أو أرادة قادمة من الخارج.. فشكرا لك.

يطيب لى كثيرا سماع مثل هذة الأراء، فهى فى صميم ما اؤمن بة من مبادئ، التى من أهمها فصل الدين عن الدولة، فبتطبيق شريعة دينية بعينها أى كانت، سيعانى كثيرا مختلف باقى الأقليات المحكومين فى ظل مثل هذة الشريعة، و سيصبحون دوما مصدر قلق و أزعاج خاصة للأغلبية!! و الأمثلة من حولنا كثيرة جدا، أنظر للبرابرة فى بعض دول المغرب العربى، أنظر للأكراد....الخ - أعلم اننى خلط بعض الشئ بأمثلتى هذة، و لكن هناك خيط رفيع يربط بينهم... عموما هذا رأئ الخاص، و شكرا...

الرابط : http://www.egyptiantalks.org/phpBB2Plus/vi...t=4561&start=75 بصراحة لم أكن أعلم بوجود هذا الموضوع، و مثل هذا الرد، و لكنى بعد قرائتة ، أعجبت فعلا برد الأخ " أذكى أخواتى"، بل و أتفق معة فى مبادءة و أفكارة، التى هى مبادئ و أفكار العالم المتحضر أجمع "الدول العلمانية"، يكفينى شجاعتة و هو يكتب مثل هذة الكلمات و هو يعلم جيدا مدى البغض، و الأضطهاد الذى سوف يقع علية، من أخرين كل قوتهم تكمن فى أنهم "أغلبية"، و العجيب ان الله قبل العالم أجمع يعلموا "كيف" أصبحوا "أغلبية" - و لكن فلنحذر فالتاريخ يعيد نفسة، و بقاء الحال من المحال!! فيجب علينا التفكير و الحسبان و "بسرعة" اذا حدث "لا قدر الله و أصبحنا "أقلية" فماذا نحن فاعلون؟! فشكرا على وضع الرابط فى سياق موضوعنا هذا، فقد أفادنى كثيرا بأن أثبت لمن حولى بأن هناك مصريين لديهم مثل هذة الشجاعة، و استقلالية الرأى، و ليس كبعضهم من من يهوى "التبجيل" و "الأشادة" عند كتابتة لرأى، أو فكر من الجائز فعلا أن لا يكون مقتنع هو شخصيا بما يكتبة، و انما كتبة على سبيل"المودة" و ليحصل على تأييد "الأكثرية" :cry: و شكرا.