لوحة القادة

لا ما انتهاش بدليل اللي الولد الله يرحمه عمله ان شاء الله ربنا يتقبله في الشهداء مش هانكر ان الناس بقى عندها لا مبالاة بس برضو المجرمين اتفرعنوا جامد اوي عشان اللي المفروض يحاسبهم نايم في العسل اللوم هنا اظن على الشرطة لو فعلا في امن في الشوارع ما كان دا يحصل و لا يتجرأ المجرمين على جر الناس في الشوارع و يعملوا فيهم اللي هما عاوزينه المفروض الشرطة تقوم بواجبها لحماية الناس مش هانقعد نلوم على اللي اتفرجوا و سكتوا و نسيب اللي دورهم الاساسي هو نشر الامن و السيطرة على الشوارع و في مصيبة اكبر و دي ابدا مش لازم السكوت عنها اطلاقا دور المستشفيات ملايكة الرحمة اللي بيرفضوا يدخلوا حالات حرجه عندهم بحجة مش عاوزين نزود عدد الوفيات في سجلات المستشفى دا قمة في قلة الادب و الاستهبال و الاهمال و التقصير في دورهم و واجبهم دول لازم يتحاكموا و ينزل بيهم اشد عقاب عشان الدكتور اللي يرفض يستقبل حالة حرجه ايه لازمته بقى انه ياخد شرف مهنة الطب دا يروح يتنيل يقعد في السجن يتربى عشان يعرف ان الله حق الموقف دا حصل مع جدي الله يرحمه و يغفرله من سنة بالظبط تعب و المستشفى رفضت تدخله بحجة انه بيموت و مش عاوزين نزود عدد الوفيات عندنا بس بابا ما سكتش و طلع على النيابة الادارية و الحمدلله ربنا وقفلنا رئيس النيابة بنفسه و حقق في القضية و اثبت الاهمال و تم تحويل المسؤولين عن المهزلة دي للتحقيق و اتوقفوا عن العمل لو كل واحد اخد موقف ايجابي و بلغ عن المصايب دي و ما سكتش اكيد الحق هايرجع الاب دا اللي ابنه ما هانش على دكتور واحد في اي مستشفى من الاتنين يدخله و يعالجه لازم ما يسكتش عن حق ابنه ابدا و ربنا يصبره و يقويه

الأخوات و الأخوة الأفاضل ...... تحياتي إسمحولي قبل أن أقوم بإضافة ردود جديدة يجبرني عليها وعدى للفاضلة مغتربة برد وافي على ما جاء بمداخلاتها القيمة بالإضافة للرسالة أيضا" القيمة التى وصلتنى من الأخت أغابي و التى وعدت بأن أشير لوجهة نظرها المعتبرة بهذه الرسالة و ذلك بالرغم من الحالة التى إنتابتني من عدم الحماسة .... لا أعرف سببها بالتحديد , لكنه ربما لإحساسي بصعوبة المهمة التى أراد الأستاذ عادل أن يناط بها بالتحديد للمشاركين المسيحيين .... و لكن أين هم .... فلا أجد إلا نفسي وحيدا" بلا سلاح ؟؟؟؟؟ و لكن هذا لا ينفي الجهد المشكور اللى قام و يقوم به الأخوة المسلمين من مشاركة يمكن ترددت خصوصا" بسبب سقف توقعاتى المتدني لما يمكن أن يصيب هذه المحاولة من نجاح فيى الظروف العادية و بالتالي ما سوف تكون عليه فرص هذا النجاح في ظل الأجواء السلبية الحالية لما يمكن تسميته بشبه الفتنة.... حيث لا يمكن فصل ما هو فى حكم الإشاعات التي من المفهوم أن يكون لها تأثير على سمعة الكنيسة كما تفضلتم, و لكن لا يمكن فصل تلك الإشاعات عن الملابسات الأخرى التي جرت و تجرى مما يزيد من الفجوة و في نفس الوقت يقف عائق أمام العقل و المنطق لكي يفهما الأمور على القدر و الشكل السليم من صحة و ًصدق للأمر بالطبع أسمع همس بأنه علينا بأنه علينا أن نفعل قدر إستطاعتنا و الباقى أمره بالتأكيد على الله عز وجل ...... و هذا م سوف أحاول أن أقوم به و خاصة أننى كنت متابعا" للأزمة بشكل كاف لحد ما و لكن لي سؤال إذا نجحت هذه المهمة هنا مع أعضاء المنتدى الفاضلين حيث العقل و المنطق هو سيد الموقف .... فماذا عن خارج هذا المنتدى حيث في الأغلب أنه لا وجود لا للمنطق و لا للعقل من أساسه ؟؟؟؟؟؟ و عذرا" إن كانت هذه المقدمة ضرورية و لابد منها قبل الإستمرار في الردود ........ فشكرا" على سعة الصدر فقط إسمحولي أن أضيف مقالين لبلال فضل و عمرو الشوبكي حيث رأيت أنهم يثريا الموضوع و يتماشيا مع الخط العام له و ربما لما يساهما من توثيق للأمر و لكم منى أجل تحياتي http://www.almasry-alyoum.com/article2.aspx?ArticleID=272703&IssueID=1918 http://www.almasry-alyoum.com/article2.aspx?ArticleID=272805&IssueID=1919 http://www.almasry-alyoum.com/article2.aspx?ArticleID=272414&IssueID=1916

نحتسبه من الشهداء ان شاء الله وربنا يلهم والديه الصبر والسلوان قلبى وجعنى اوى لانه تقريبا من سن ابنى يعنى لسة زهرة بتتفتح للدنيا وقطفتها يد الغدر والبلطجة واهمال الشرطة واللامبالاة اللى الناس بقت عايشة فيها الجانى مش المجرمين بس لا سواق الاتوبيس والكمسرى اللى كان دورهم زمان بيعرفوا النشالين وكانوا بيعرفوا يتعاملوا معاهم ازاى وده شفناه فى فيلم عاطف الطيب لنور الشريف(سواق الاتوبيس) وجرى قد ايه ورا النشال لحد مامسكه لكن لما الدراما دلوقت بقت تعلم الشباب قلة الادب ازاى يتعاطى وازاى يتحرش حتى بمحارمه لازم تكتر السرقة عشان الكييف والصرف على شهواته مش لحاجة تانية الجانى المستشفيات اللى بترفض المرضى بدون تامين الافات تندفع مين عارف حيحصله ايه ولامين حيشيل بواكى فى جيبه تحسبا لظروف زى دى الجانى سلبية الناس اللى عاوزة تربى عيالها مع ان ممكن قوى الدور يكون على ولاده المرة الجاية ده المثل بيقول الكترة تغلب الشجاعة الموقف ده بالضبط حصل فى مينى باص عندنا فى مجموعة مسجلين قعدوا حبة ايام يطلعوا المين باص ويهددوا الركاب ويستولوا على الموبيلات والصيغة والفلوس لكن فى مرة واحد من الركاب رفض يستسلم لهم وقاومهم وبمساعدة السواق والركاب ستات ورجالة مسكوهم عدموهم العافية وبعد كده سلموهم فى القسم ليه بنستنى واحد يبدأ عشان نتشجع ونعمل زيه وهو ده اللى بنعمله مع الحكومة مستنين واحد يبتدى ياخد بادينا واحنا وراه كر لازم المبادرة تكون من كل واحد ستات قبل الرجالة وشباب قبل كبار السلبية حتقضى على ابنى وابنك قولة انا مالى حتضيعنا مش حتنجينا لان الدور حيجى علينا

أستاذي الفاضل أشرف حليم .. أنا متابع مداخلات حضرتك باهتمام بالغ .. وتقديري لأهميتها في قمته .. كل مداخلة لحضرتك أثرها أكبر بكتير من مجرد حدود المحاورات .. إخواننا المسيحيين أكيد متابعين حتى لو كانت مشاركتهم محدودة .. مشاركات حضرتك باب كبير ممكن يدخلوا منه للتفاعل زي حضرتك خصوصا إن حضرتك من المصريين اللي اختاروا الانصاف في حوارهم دون الميل وراء الهوى أو تغليب الرغبة على الحق .. أشكرك أولا وأشد على إيه حضرتك ثانيا .. ورجاء المواصلة في الموضوع عشان كلنا كمصريين لازم نقعد مع بعض ونسمع بعض ونشارك اللي بيدور في رؤوسنا مع بعض زي الجماعة .. دي بلدنا كلنا .. مش بتاعتي أكتر من حضرتك ولا بتاعت حضرتك أكتر مني .. دي مصلحتي ومصلحة حضرتك ومصلحة كل مصري .. استمر وواصل وتأكد من وجود الصدى من كل مصري .. جل تحياتي لحضرتك ..

http://www.youtube.com/watch?v=ap2FKIqHwX4 و من الفيس بووك للاسف مش لاقي جمال مبارك رد قال ايه بس باين في وقفته و أيده المربعة

استاذ اوزوزو واضح ان تفكير حضرتك مادى بحت و كل شيىء عندك بيخضع لحسابات المكسب و الخساره على فكره دا لا عيب و لا ميزه كل انسان حر فى كيفيه تقيمه للامور و حكمه عليها و دا مش من شاننا لكن دا لا يعطى الحق لاحد ان يطلق تشبيهات معيبه تجاه الاخرين من عينه عنب مفعص و لا السخريه منهم راى حضرتك مكنش هيثير كل هذه الانتقادات لو انت قلت ان الموضوع لا يناسبنى و خلاص زى ما كذا واحد دخل و علق لكن الاسلوب الى عبرت بيه عن رايك هو المرفوض جرح الناس على فكره هو الشيىء الاسهل لكن لو كل انسان حط فى باله انه يتحدث للاخرين او عنهم بنفس الطريقه الى يحب انهم يتكلموا معاه او عنه بيها حاجات كتير هتتغير يا ريت تكون وجهه نظرنا احنا المره دى الى وصلت لحضرتك

بصراحة كده كفاية على المعلم حسن شحاته ولا هو عايز يعمل زى غيره ويتبت فى أم الكرسى ، عايز فلوس بياخد 200.000 جنيه فى الشهر ده غير المكافئات والبدلات والمعسكرات والسفريات والبلح أمهات وجاب أبنه كريم - زى واحد مش صاحبنا - وعمله شركة تسويق بتاخد من الباطن مباريات المنتخب الودية وفلوس بالهبل ومصدره فى كل معسكرات المنتخب وأصبح وجوده الغير رسمى عادى جدا - زى واحد أبن واحد مش صاحبنا - والمنتخب مصروف عليه 33 مليون جنيه ده غير 13 مليون اخرى عن طريق الريس وحسن صقر ، يعنى مصاريف و أموال بدون رقيب وهى دى الفلوس اللى بتعمل دعاية كويسة للنظام تغطى على كل مشاكل البلد . طيب ومن الناحية الفنية معروف للكل أن محمود الجوهرى نقل تفاصيل خطته 3-5-2 من مدرب الاهلى فايتسا الألمانى وجاب لاعبى الاهلى اللى بيجيدوها وصعد بهم لكأس العالم سنة 90 ، نفس السيناريو وبالضبط حصل مع حسن شحاته ولكن النقل المرة دى جاء عن طريق مانويل جوزيه أول من ادخل طريقة 4-3-3 الى مصر واجادها لاعبو الاهلى وحصدوا بها 19 بطولة محلية وقارية وهو ده نفس التوقيت اللى حصلنا فيه على بطولات افريقيا 2006 2008 - 2010 ، وترك جوزيه الأهلى فى نهاية 2009 ، وكمل الأهلى بالبدرى الموسمين الماضى والحالى بأداء متذبذب ، وهذا ما حدث مع المنتخب القومى فى تصفيات كأس العالم الماضية وخروجنا على يد فريق الجزائر متوسط المستوى وتاهت البوصلة من المعلم كما حدث مع البدرى لانه مفيش أبداع شخصى يواجه به متغيرات المباراة سواء على صعيد تغيير تكتيك اللعب او اللاعبين ومراكزهم فى الملعب ، ومن يشاهد مباريات المنتخب فى التصفيات الماضية لايجد سوى طريقة عقيمة للعب وهى أرسال كرات طويلة فى عمق دفاعات المنافس تكون عادة سهلة المنال للمدافعين ولايوجد دور واضح المعالم للاعبى خط الوسط من نواحى التحركات والتمركز ، ونأتى لشئ آخر وهو فقدان السيطرة على اللا عبين فى الملعب كل واحد بيتحرك زى ماهو عايز ومفيش تغطية غلى الزميل واللى بيتقدم من الطرفين مابيرجعش يغطى مكانه فى حالة الهجوم المعاكس ، والمهاجمين لايتعاونون مع بعضهم وكلهم اصيبوا بالنرجسية والأنانية والمدرب خارج الخطوط فاقد التركيز والتوجيه ...وطبعا فان اية محاولة لنقد الاداء الفنى للمعلم تواجه بعاصفة من الهجوم الأعلامى المستفيد من هذا المناخ الفاسد وتكال التهم للمنتقدين ويطلعوهم خونة وعملاء ولايعملوا لصالح مصر وبيعرقلوا مسيرة البطولات والأنجازات ، وبالوضع ده مش حنوصل نهائيات أفريقيا 2012 وأنسى أن حسن شحاته يتغير لانه راجل واصل للرياسة مباشرة ..وزى ماقالت مارى منيب لعادل خيرى : خط البرج ماشى مع خط العمر شيل ده يقع ده يبقى لازم البرج يقعد !!!

صراحة.. محاورات المصريين منتدى له جاذبية خاصة لا يستطيع أحد إنكارها ، كما أنك تجد نفسك مجبرا للعودة إليه بعدما يزول عنك أي مانع يمنعك من متابعة موضوعاته الرائعة ولكني ما يرهقني شخصيا، وربما يتفق معي البعض هي المشاركات الطويلة التي تصل لمرحلة الملل من كثرة ذكر التفاصيل بها ، ولا شك أن الموضوع قد يحتاج لمثل هذه النوعية من المشاركات ولكن المشكلة تظهر بوضوح عندما يكون الإسهاب في التفاصيل ليس له داعي ربما لا يملك البعض نعمة إختصار كثير الكلام في بضع كلمات ولكن ما أردته من موضوعي هذا هو همسة لأصحاب المشاركات الطويلة إختصار مشاركتهم حتى لا يحرمنا من قرائتها بشكل جيد لأني بالفعل ببقى نفسي أقرأ رد لشخص ما ولكن يقف الوقت والملل حائل بيني وبين إكمال المشاركة ودمتم طيبين

من غير اى تعليقات أو تقييمات سلبية انا عاوز افهم ايه اللى بيحصل وليه وازاى بقيينا كده يمكن انا غريب ومش فاهم حاجه بس بالله عليكم حد ينورنى هو جرا ايه فى الدنيا ؟

كان عند إمرأه صينيه مسنة إناءين كبيرين تنقل بهما الماء، وتحملهما مربوطين بعمود خشبى على كتيفيها وكان أحد الإناءين به شرخ والإناء الآخر بحالة تامة ولا ينقص منه شئ من الماء وفى كل مرة كان الإناء المشروخ يصل إلى نهاية المطاف من النهر إلى المنزل و به نصف كمية الماء فقط ولمدة سنتين كاملتين كان هذا يحدث مع السيدة الصينية، حيث كانت تصل منزلها بإناء واحد مملوء ونصف وبالطبع، كان الإناء السليم مزهواً بعمله الكامل وكان الإناء المشروخ محتقراً لنفسه لعدم قدرته وعجزه عن إتمام ما هو متوقع منه وفى يوم من الأيام وبعد سنتين من المرارة والإحساس بالفشل تكلم الإناء المشروخ مع السيدة الصينية ”أنا خجل جداَ من نفسى لأنى عاجز ولدى شرخ يسرب الماء على الطريق للمنزل“ فابتسمت المرأة الصينيه وقالت ”ألم تلاحظ الزهور التى على جانب الطريق من ناحيتك وليست على الجانب الآخر؟“ أنا أعلم تماماً عن الماء الذى يُفقد منك ولهذا الغرض غرست البذور على طول الطريق من جهتك حتى ترويها فى طريق عودتك للمنزل ”ولمدة سنتين متواصلتين قطفت من هذه الزهور الجميلة لأزين بها منزلى“ ما لم تكن أنت بما أنت فيه، ما كان لى أن أجد هذا الجمال يزين منزلى كلٌ منا لديه ضعفه ولكن شروخاتنا وضعفنا تضع حياتُنا معاً بطريقة عجيبة ومثيرة يجب علينا جميعاً أن نتقبل بعضنا البعض على ما نحن فيه وللنظر لما هو حسنٌ لدينا لكل أحبائى الذين يشعرون بالعجز أو النقص أتمنى لكم يوماً عظيماً و إشتموا الزهور التى بجانبكم من الطريق

عندي اعتقاد إن فرط الحساسية دي مشكلة موجودة عند كل المصريين على عمومهم وليس الأخوة المسيحيين بخصوصهم .. قد أكون مخطئ ويكون المصريين المسلمين مافيش عندهم فرط حساسية ولا حاجة .. ماقدرش أقطع في الامر ده بصراحة .. وعندي اعتقاد آخر برضه إن باب شدة الحرص من المصريين المسلمين على المصريين المسيحيين لازم يظهر في طريقة معاملة المصريين المسلمين للمصريين المسيحيين قبل ما يظهر في ذهاب المصريين المسلمين ليهم بالدعوة .. على الأقل عشان تكون الأخلاق اللي أمر الإسلام أتباعه باتباعها سند أساسي للدعوة دي .. ومعذرة في تكرار كلمة المصريين المسلمين والمصريين المسيحيين .. أصلي مفترض إني بناقش في الموضوع ده من منطلق إني مصري وبالتالي مفهوم إحنا وانتم مش واضحلي بالقدر الكافي بعد ..

مع تحياتي

ههههههههههههههههههههههههه مش للدرجة دى جنوب افريقيا 4 نقاط واحنا نقطة يعنى لو كسبناها الماتش اللى جاى نبقا أول mfb: متشكرين يا شريف اهو انت دايما كده...تخش ويعجبك المداخلة وعمرك ما نقطت ولو ببوزيتيتف ريبوتيشن واحدة ننور بها الزيرو المتين ده مع انى عامل معاك واجب قبل كده الناس وصلت 40 ات 50ات ههههه

موضوع التظلم موضوع فاشل انا عملتة قبل كدة وبرضو اترفض مع ان ناس كتيرة جدا حتى المحامى كان مأكدلى انة هيترفض بردو بس انا مسمعتش الكلام وبعت التظلم وبردو اترفض لان اللى بيعمل معاك المقابلة بيأ قافل كل الثغرات اللى ممكن تشتكية فيها

كلام حضرتك لاغبار عليه بس جمال عبد الناصر والسادات كانوا من عامة الشعب وعشان كده الناس حبتهم واقتدت بيهم لكن بص على 30 سنة اشغال شاقة وحصل فيهم ايه اسوا سنين عمرنا شفناها من فساد ورشاوى واستعباد وطوارئ وبلطجة وارهاب وبذاءة وانحلال زمان مشاكل الحكومة كانت مع السياسيين والشيوعيين دلوقت مشاكل الحكومة طالت طوائف الشعب كلها مش معقول نحبس واحد ماقدرش يسدد شيك بالف جنيه تمن ثلاجة ونسيب حرامى هبر ملايين لا وايه نسهل له هروبه للخارج كمان الشعب له دور مش ببنكر بس لو صاحب البيت انسان مش مضبوط عمر ولاده مايطلعوا كويسين لانه لو حاول يقومهم مش حيصدقوه بل بالعكس حيكونوا العن منه لان ده المنهج المتبع . لما تلاقى موظف مرتبه 100 و200 الف فى الشهر والاف الشباب عاطل على القهاوى لاشغلة ولا مشغلة فراغ فى فراغ حيكون ايه غير الادمان والمعاكسات فين العدالة فى توزيع ثروة البلد للاسف محصورة فى ايد عدد قليل من الصفوة ماينفعش اقول لموظف بسيط انت بتاخد رشوة ليه فى حين رئيسه واخد هبرة كبيرة على نفس العملية ولا نقول للمدرس ماتديش دروس خصوصية فى حين مصروف تلاميذه اكبر من مرتبه.

مدام هند .. اشكرك علي الرد و اشكر الزميل العزيز نايت علي الرد ايضا .. و لكن بدأت احس ان تغيير قمة الهرم هي مشكلة المشاكل حاليا و التي اصبحت هي الشماعة التي نعلق علينا كمصريين اخطائنا و عجزنا و تقصيرنا في الكثير من الامور !!! لو حصل حادثة من بلطجي بنقول قمة الهرم .. ولو حصل ازمة في الطماطم بنقول قمة الهرم .. و لو حصل ان ابني فشل في الدراسة بنقول قمة الهرم .. الان نحن بصدد مشكلة و هي السلبية في الحياة العامة و في الشارع .. هل سببها هم (فقط) من في قمة الهرم و اوسطة و لا نري اننا اساس الاصلاح او ان لنا دور في هذه الفوضي (اذا كانت فعلا بالصورة القاتمة التي نتكلم عنها و يراها الكثير منا) ؟اذا كنا هنتكلم علي القدوة الصالحة و تطرقنا في الحديث الي مهاتير محمد و هو احد القادة الذين يشهد لهم التاريخ انهم حولوا شعوبهم من الظلام الي النور من اسفل الامم الي اعلي الدول في التقدم التكنولوجي و الاجتماعي و الحضارة هل كان هناك قائد قبل مهاتير محمد علمه ازاي يتحول و لا مهاتير محمد هو اللي قرر انه يتغير و يغير اللي حواليه ..؟؟ اين "اردوغان" ؟ و اين بدايته كبائع في الشوارع يساعد والده علي مصروفات الحياة ؟ اليس هو الان القائد و بدأ في وقت لا قائد له الا احساسة بانه لابد ان يصنع شيئا ؟ ان يحول امته من التخلف الذي الحقة به اتاتورك في بداية القرن ال 20 ؟عندما نغير من انفسنا و نري ان لنا اهدافا نود تحقيقها .. و نبدا فعليا في خطوات الوصول للهدف .. وقتها .. و وقتها فقط .. نستطيع تغير من هم في اعلي قمة الهرم .. بل في الاهرام المجاورة ايضا .. مهاتير محمد او اردوغان او اي حد من الناس اللي بنفتخر بيهم او حتي هتلر او اوباما لن و لم يصلوا الي ما هم عليه الا بعد ان بدأوا بتغيير انفسهم هم و من حولهم و الا كانوا مثل اي فرد في الشعب ..لو حطينا الفكر ده في اولادنا .. ان كل واحد يحط له هدف انه يعمله و يكبر و هو بيتربي عليه .. هيطلع من اولادنا او من احفادنا من سيقود البلد للافضل .. اما الان فخلونا نكون واقعيين .. لن يترك اهل قمة الهرم قمة الهرم .. :)و ما نقوم به هو محاولة ترك فرصة لمن بعدنا ليقوموا بالتغيير لان التغيير لن ياتي الا باحد طريقتين ..الاولي و هي التغيير السلمي و الذي يستمر علي مدي سنوات طويلة مثل ما حدث في ماليزيا و تركيا الان و الثانية هو التغيير بعد الازمات و الحروب و الكوارث مثل المانيا و اليابان بعد الحرب العالمية الثانية ..و لكن في كلا الحالتان .. لابد من ارادة في التغيير .. تغيير انفسنا و ليس تغير الكون من حولنا :)اتمني الا اكون قد اثقلت عليكم ..و تحياتي لكم جميعا :)

الاخ العزيز / ناتاتفق معك في الفكرة و لكن اختلف معك في بعض الجمل التي قمت بتكبير خطها ..الاصلاح في رايي لا يبدأ ابدا من قمة الهرم .. الاصلاح يبدأ من اسفل الهرم ثم اوسطة و بالتالي اعلاه .. و كيف لنا ان نطالب بان ينصلح حال راس الهرم و نحن في الاسفل فينا ما فينا من سلبية و تخاذل و مشاكل فلنبدأ اولا بانفسنا ثم نطالب من هم فوق الهرم بتحسين انفسهم ... اسمح لى اختلف مع حضرتك فى النقطة دى لان نظافة السلم بتبدأ من الاعلى وبعدين راس الهرم هو القدوة اللى الناس بتتبعها ومين غير علية القوم اللى دخلوا كل السلوكيات الشاذة من امريكا واختلاط انسابهم بجنسيات اجنبية متحررة واصبح فكر سائد فى مجتمعنا الفقير ممكن يشترى مخدرات لكن من اللى دخلها البلد وبيتاجر فيها مش الكبار لكن لو امتنعوا عن تجارتها مش حيلاقى اللى يشتريه لو اولادهم عدلوا لبسهم وسلوكهم والموضات الخايبة اللى كل يوم والتانى اشى بدى محزق وجيبة ربع متر وبنطلون ساقط اولادنا وشبابنا مش حيلاقوا اللى يقلدوه فى كلياتهم او شوارعنا لو افلامنا اتعدلت ومتباقش من منتج كبير عشان يكسب اكتر بيبيع الفضيلة وينشر الرذيلة .الفقير غلبان بيمشى تبع اللى بيشوفه قدامه عيبنا التقليد الاعمى فلو القدوة حسنة والنوايا حسنة جايز ساعتها ينصلح حالنا

هو ده .. لما نشوف حاجة غلط نغيرها .. حتى لو هنموت و احنا بنحاول ربنا يرحمه و يصبر أهله تفتكروا بعد ما قريت الخبر ده هتلكك و اربي ابني انه يمشي جننب الحيط؟؟؟؟ لأ طبعا

هسميك بعد كده شريف المخيف ..يا ما نفسى اشوفك بعد الجواز يا شريف يا شرررييير.. خالى بالك احسن تيجى تصيده يصيدك..هههههه

وجهة النظر وصلت لكن الدنيا والعلاقات الانسانية عمرها ماتتاخد بالصورة المادية دى معاملتى مع زوجى والناس مش حتكون مشروطة فى مقابل انا باخد منهم كام او باستفيد منهم ايه الانسان بيعمل اللى عليه فى اى شئ فى الدنيا والاجر على الله حتى عمل الانسان مع ربنا مش صفقة لان محدش حيدخل الجنة الا برحمة ربنا وهذا ما قد قرره رسول الله في الحديث الذي رواه البخاري من حديث أبي هريرة ومن حديث السيدة عائشة وحديث أبي سعيد الخدري أن رسول الله قال: «لن يُدْخِلَ أحدَكم الجنةَ عملُه، قالوا: ولا أنت يا رسول الله؟ قال: ولا أنا، إلا أن يتغمدني الله برحمته». ولنلاحظ هنا دقة كلام رسول الله في التعبير عن هذا المعنى فهو لم يقل (لن يَدْخُلَ أحدُكم الجنةَ بعمله)

ممكن فعلا يكون سبب الطلاق فى حاله احنا مش واخدين بالنا منها...خالوا بالكم انها كانت عروسه(رايقه وفاضيه) لسه يعنى قاعده فى البيت بملابس براحتها...ممكن تبين مفاتنها...ويفاجأالزوج وصاحبه بمراته خارجه كده؟؟؟ّّ!!طبعا الدم غلى فى نافوخه!!! انا شخصيا مقدرش افكر بتفكيره او احس بشعور لانى مش رجل زييه ...الرجاله بس اليقدروا يحسوا بيه بس برضه من وجهه نظرى كان لازم يتروى قبل ما ياخد القرار ده وانه معندوش حق فى تطليقها طاما هى لاتقصد...هو ممكن يقصر خالص مع صاحبه حتى لو وصلت انه يقاطعه علشان ما يفتكرش الموضوع كل لما يشوفه.

كل بلاوى مصر من العيال المسجلين خطر وطبعا زبالة الداخلية سايبينهم طايحين فى البلد عشان بيخلصولهم قضايا والله قلت بدل المرة عشرة المسجلين يا يتسجنوا مدى الحياة يا يتعدموا يا يترموا فى معسكر فى الصحراء يزرعوا وللا يتنيلوا حاجة تقرف

نداء الى اصحاب القلوب الرحيمة :ninja: :ninja: ومن الاخر كدة اللى شغال فى الورق فى الخباثة wst:: او بعت الورق فى الخباثة بردو wst:: يعترف فورا ويقول وبطلوا حركات ثانوية عامة دى قدامكم فرصة 3 ايام تعترفوا وطبعا كل واحد عارف نفسه أكرم,,

الفاضلة ريمو الف سلامة على بنتك ليتك ان تسرعى بعرضها على أخصائى أنف وأذن وحنجرة وان تركزى مع الدكتور على العلاقة بين التهاب اللوزتين وآلام الأذن ( قناة استاكيوس ) ومؤقتا الى ان يتفم اتخاذ القرار فى شأن استئصال اللوزتين من عدمه ، يمكن استعمال نقط معالجة التهابات الأنف بالطريقة التالية: اجعلى بنتك ترقد على جنبها بحيث تكون الأذن الموجوعة هى التى تنام عليها مع ميل الرأس خفيفا للخلف ، ثم تقطرى القطرة فى انفها . هذه الطريقة ستجعل سائل التنقيط يصل لقناة استاكيوس لحمايتها من الالتهاب وايضا لازالة السدد فيسمح للهواء بالتحرك مايمنع الألم ملحوظة : قناة استاكيوس تصل بين الزور والاذن الوسطى ، واهمال معالجة الالتهاب له آثار ليست حميدة ، اسؤها هو " التهاب السحايا " احكى من واقع ماعلمته من الدكتور الذى كان يعالج ابنتى عندما كانت صغيرة وكان لها دائما مشاكل مع اللوز وآلام الأذن بسبب قناة استاكيوس. والف سلامة لبنتك مرة أخرى.

السلام عليكم و رحمة الله و بركاته ممكن أسأل سؤال؟ ليه التأهل و ماتشات الكورة بتستحوذ على كل الاهتمام ده؟ ليه الناس بتحرق دمها عشانها؟ و تبقى الماتشات "موقعة" و فرصة أو إنجاز "تاريخي"؟

ياجماعة عايزين حد جدع من الاسكندرية يعملنا لفة علي 3 فنادق قريبين من المركز ويسالنا عن اسعار الحجرة ويقولنا هاة يلا

أحمد فؤاد نجم ( عيد ميلادك الكام وثمانين ) .. طبعاً اسمحولى استبدلت كام وسبعين بكام وثمانيين. سيدي الرئيس في عيد ميلادك الكام وثمانين كل سنة وانت طيب واحنا مش طيبين كل سنة وانت حاكم واحنا محكومين واحنا مظلومين واحنا متهانين ويا تري يا حبيب الملايين فاكرنا ولا احنا خلاص منسيين فاكر المعتقلين فاكر الجعانين فاكر المشردين فاكر اللي ماتو محروقين فاكر الغرقانين الله يكون في عونك - ها تفتكر مين والا مين في عيد ميلادك الكام وثمانين بقول لك كلمتين الأوله شيلتنا طين وهل تعلم أن النيل بقي رشاح والجو أصبح بيئة والعيشة ولعة والشرفا قلوبهم عالبلد والعة وانت عاملهم مذبحة ولا بتاعة القلعة والإقتصاد سداح والسرقة بقت كفاح ومصر متاحة بس للسياح وعرض البلد بقي مستباح والثانية ورتنا الويل دا الخطوة في عهدك بقت ميل والضحك بقي نواح وعويل والكوسة عارف الكوسة ممكن أقول لك فيها مواويل والجامعة بقت يا إما كباريه أو دار مسنين والشباب معظمهم من غير خمرة سكرانين والعلم عز علي المتعلمين والأساتذة بقم دجالين والقادة بقم طبالين واديني في الهايف يا حبيب الملايين والثالثة عارف اليابانيين زمان في سنة اتنين وخمسين كان عندنا تروماي وكان عندنا علم ومتعلمين وثقافة ومثقفين وأدبا وعلما وفنانين وكانو اليابانيين بالنووي لسه مضروبين وللصدقة مستحقين دلوقتي إحنا فين وهما فين هما فوق واحنا في أسفل سافلين والرابعة أمن بلدنا بقي تنين والمحاكم اتملت مظالم والعدالة بقت كمالة وكلمة الحق في الزبالة وأصحابها في الزنازين والخامسة القطاع العام….عام والفساد…..ساد وفي جثة بلدنا بيرعي أفتكر لجنابك إيه وللا إيه وكل ذكري ليك بدمعة آآآآآآآآه آآآآآآآآه أنا كنت حالف ميت يمين أكملهم لك تسعين بس ها كفيهم ورق منين وكل سنة وانت …………. واحنا طيبين ……………………………. واسمحولي اقول كل سنه وانت نافخ واحنا منفوخين كل سنه وانت ضارب واحنا مضروبين كل سنه وانت شادد واحنا مشدودين كل سنه وانت ساحل واحنا مسحولين كل سنه وانت ……….. وجمال وارث واحنا مورثين مع تحياتي

مش عارف أبدأ منين... سامحوني اني بانشغل عنكم، بس الدراسة و العمل و طفل متشرد في البيت، مخليني مش لاحق افتح الميل حتي... أما بعد أراك يا أستاذ عادل مهتما بشدة بسمعة الكنيسة المصرية، و أري ذلك أحد اسباب الخطأ، و احد أسباب سوء الفهم... يا سادة أنا كقبطي لم أنتخب رجال الاكليروس، و عندما أقيمهم لا يخطر ببالي بتاتا آراءهم السياسية... بفرض أن رجال المجمع المقدس بأكملهم فقدوا عقلهم ذات يوم... ما علاقة ذلك بالأقباط و رأي الأقباط و مشاكل الأقباط... ما علاقة نظرة الأنبا بيشوي أو غيره لأخوتي و أهلي و أصدقاءي بنظرتي أنا و رأيي أنا و صوتي أنا الانتخابي؟؟ متي انتخبت انا هذا الشخص أو طلبت منه التعبير عن رأيي؟ لماذا يخرج الآلاف للشوارع ليضربوا صورة البابا شنودة بالجزم، لأن أحد رجال الاكليروس قال رأيا شاذا؟؟ هل يفترض في البابا تعيين و ترقية الأساقفة بناء علي عمقهم الروحي و اخلاصهم في عملهم و بحوثهم، ام بناء علي أراءهم السياسية؟ لو عزل البابا كاهن بسبب رأي سياسي مهما كان صادما، لفقد مصداقيتة امام الكنيسة كلها... سمعة الكنيسة يا أستاذ عادل لا تهم الا في مجتمع بلا قانون... يتم حسم جرائمه بالجلسات العرفية... تماما مثل سمعة العائلة في الصعيد، التي يجب أن تحمي بالدم و القتل و الارهاب، و الا عجزت عن ردع الآخرين في غابة بلا قانون... اما في المجتمعات الآدمية، فالمجرم يعاقب بقانون عادل يطبق علي الجميع، و لا يهمه سمعة أحد... ها هو دكتور العوا يتقمس شخصية الفاسق "بلفظ القرآن" و يتقول علي الكنيسة مالا يملك عليه دليل، و ان ملك فلا يحق له التعميم و التنميط... و قد تم ابلاغ النائب العام... فلننتظر جميعا الجلسة العرفيه، حيث سيعتذر د. العوا أو الانبا بيشوي، و يستكمل كل منهما حياته العادية، و يطلق عليه المثقفون لقب "المعتدل" دون أي عقاب أو حبس... فنحن مجتمع بلا قانون العزيز شريف مان غاضب جدا من عدة مواضيع يمكن تلخيصها بأجمعها أن الدولة تضرب المتدينين من المسلمين بجزمة أكبر من التي تضرب بها الأقباط... و كأن الكنائس لو أغلقت مثل الجوامع أو أن الأقباط حبسوا مثل الملتحين فستكون تلك هي الجنة و العدل المطلوب... يا عزيزي أغضب من صاحب الجزمة، و ليس مني أنا... ها أنا أنتظر تطبيق القانون، باعدام من يتهم بحرق البيوت أو الكنائس، و بقتل كل من يدعو لقتل و حبس من يقوم بحبس من يغير ديانته و لو كانت الي الالحاد، و ليس لديانة اخري تشترك مع ديانتي في 90% من معتقداتها... انتظر ان يتم احترام دماء شهداءنا في كل حروب القرن الماضي بازالة أي مواد دينية من المناهج الحكومية... و سأظل منتظرا، اشارك بالعمل و ليس فقط بالكتابة... كل قدر استطاعته... لن أيأس أبدا و لن أشك في محبة أهلي و زملاء دراستي، مهما سمعت من ميكرفون الجامع المجاور، أو من شيوخ الأزهر أو الفضائيات... لأن كل هؤلاء أيضا اناس لم ينتخبهم أحد للحديث باسمه... أعتذر للخروج بالموضوع عن اهتمامات الرأي العام المصري من كاميليا و وفاء، و نانسي و هيفاء، مع غض النظر عن سبب الداء و البلاء و الغلاء...

السلام عليكم و رحمة الله و بركاته أبا الحاج محمد.....انا عايزاك تزغطط (وش غريب في فيلم كتكوت) مين ده اللي يبطل روشنة.... طب دي الروشنة اتقمصت كده و لوت بووووووووز (اعوذ بالله... ده منقار مش بوز) طبعا انا مش عايزة اقولك سعادتي آد ايه لما لقيت حضرتك بتنافس سباحنا العظيم ابو هيف....يعني انت ابو عنب تصدق يا مواطن....انا بعمل بالملي اللي انت بتقول عليه...و ده حاجة كده بتخليك في الميه شبه الضفدع....انا يا سيدي مش انت...يعني اطرافك الاربعة كده واخدة زاوية حادة حوالي 65 لو معاك منقلة انا افتكر مرة بابا و اخويا حاولوا يعلموني السباحة....كنت في ستة ابتدائي... و بعدين يا مواطن نازلين بقي المية بالجلاليب... الله مش صعايدة بقي المهم لقت كل واحد فيهم بص للتاني.... و آن آن............................أأأأأأأأأأأأأأأأأأأأن كل واحد مسك الاطراف و رموني في المية (و انا عارفة اخويا صاحب واجب.... عملي موجنوص كده من تحت جابني علي وشي)... معرفشي هم كان في دماغهم ايه.... بس انا اطرافي كانت متحجرة فعلا... و هما عمالين يقولولي يا بنتي سيبي نفسك مع الموجة...موجة مين يا عم..... اختك بقي عملت ايه.....لقيت نفسي بزعق .....(كنت الطفلة المعجزة في وقتها).... و بقول حرااااااااااااااااااامي آه و الله......ما اهو مكنتش حافظة غيرها في مواقف الازمات و الناس اتلمت بقي.... و يحدفوهم بالتراب و انا اضحك (وش فوزية في مسرحية سك ع بناتك) سيبك بقي م المية.... الحوتة اتبلت ع الاخر و بعدين كده ممكن تكش آخر أخبار اللسعان من شوية قولت اما اصلح السرير....هو خير اللهم اجعله خير و انا قايمة من قيمة اسبوع فات سمعت كركبة كده...تقريبا المولة انتحرت.....فراااااااااااااشة يا ناس (فين ايام السرير ابو سوستت... كنا ننط النطة و مننا لفوق الدولاب) المهم رميت المرتبةو البطاطين ع الارض....و بعدين بصتلهم كده.....تصدق.... حسيتهم بينادوني و انا احب البي الندااااااااااء اوي روحت هووووووووووب...... شبه البلنص بتاع تانتك قلب ابيض.... بس من غير بلوللومبللوم... خالص... بس ممكن تحط مؤثرات صوتية براحتك عادي جدا و قعدت انط.... و ايه مرة بالجنب.... و مرة بضهري.... و مرة شقلبة.... و مرة بريمة.....يا ربي... موش منكن و ايه احب انزل النزول اللي هو مع فرش جميع الاطراف كدهوت..... يعني تحس انك لزقت بس النزلة الاخرانية الظاهر المراتب اتحركت....لبست في الدولاب..... و غالبا هتتنفخ.... عجبك كده... شكلي بقي شبه سراج منير في فيلم بتاع (عنتر و لبلب) ارجع المرتبة.... و لا اخليها..... اكون......أو لا أكون......ذاتيز ذا كويشتن فوتكم بعافية أه يا راسي... أه يا حلوة يا منمنة يا لوزة

اخوانى الكرام عذرا مقدما لطول الرد ولكن ارجو قرائته كاملاً : أولا .. صاحب الموضوع كان مفروض يحط استفتاء واضح ضمن الموضوع .. ثانيا .. الاسباب الدينية مستحيل تكون من أسباب التجنس بالجنسية السعودية (( والإ كانت تبقى فتوى ومصيبة وكل العالم الاسلامى يبقى سعودى وهاتبقى نكتة mfb: .. مش نكتة وحدة المسلمين .. لكن النكتة وحدتهم وراء مُلك جائر وليس خلافة راشدة كما توقع النبى بالضبط .. )) فكرتونى بموقف حصل بين اثنين مصريين لما واحد قال التانى : ياريت نبايع الملك فهد كمصريين كلنا ونخلص من وجع الدماغ اللى احنا فيه ويحكم هو مصر والسعودية معبعض بما يرضى الله وبالمرة يحسن الاحوال المنيلة لمصر دى .. بالذمة مش احسن من صاحبنا . التانى رد وقاله بس هو يرضى .. :D وبالمناسبة ورد نفس اللفظ ده على لسان على عبدالله صالح الرئيس اليمنى وقال انا على استعداد لوحدة العرب والمسلمين تحت حكم واحد بس ومستعد ابايع الرئيس مبارك أو الملك فهد .. (( بس هما يرضو )) mf-: يعنى انا لما قلت وطنى اى بلد مسلم ده من خلال معتقداتى (( والتى من المفروض ان تكون نفس معتقداتكم )) .. ولايعنى هذه عدم حبى وعشقى للبلد اللى اتولدت فيها بس الجنسية السعودية لأسباب دنيوية ولأنها مش فارقة معايا كمسلم ( ده المفروض ) ونقول مثال للى لسه لم يستوعب انا باقول ايه : فى موضوع فى المحاورات يدور حول التعارف دبت فيه مشاجرة ولو أنها هزار حول أفضل الأحياء هل المهندسين ولا الدقى ولا العباسية ولا ... ولا ... ولا :blink: نفترض الان حدوث احتلال لمصر لاقدر الله .. وحدوث تقسيمات على مستوى الاحياء وليس على مستوى الاديان بالتالى حى المهندسين سيكون دولة مستقلة وله علم ورئيس جمهورية المهندسين وممكن جدا بعض اعضاء المحاورات يكونوا محافظين او وزراء أو حتى شيوخ حارة mc: وستواجه هذه الجمهوريات المكروسكوبية حروبا ضروسة من بعضها البعض ((((( واقع الحال قبل الاسلام ))))) فهل اذا طلع احد البولاقيين ( احد مواطنى دولة بولاق ) أو الزومكاويين ( احد مواطنى دولة الزمالك ) .. ده مثلا .. قام هذا الرجل بالدعوة لوحدة مصر .. هاتقولوا عليه ايه .. ؟ :huh: بيتبرى من وطنه بولاق او الزمالك .. ؟!!!! معندووووووش جذوووووووووووووور المهندسين دى حتة من قلبى والمهندسين هبة المهندسين والمهندسين فى قلبنا من جوه .. gt: طب لو قالكم ياجماعة بولاق زى المهندسين زى الزمالك زى العباسية كلها مصر وكلها ارض المصريين هاتقولوا مصلححححححححححححجى وبتاع دنيا برضو .... fsh:: انا باقولكم السعودية زى مصر زى اى بلد مسلم اطلعوا عمروها واختلطوا بأهلها وكل ما اختطلنا هانحب بعض وهاتتمسح شوية من فروق عملتها مائة سنة .. وهاننسى شوية شوية العنتظة والعصبية والقبلية ومش هاننسى أصلنا المصرى لكن هانكون كلنا مسلمين أولا .. وأخيراً وحتى ذلك الحين اشيل اى بسبور يسهل عيشتى ..

جزاك الله خيرا على المعلومات دي أفادكم الله وفعلا الموضوع يستحق المشاهدة واعتبروا يا أولي الألباب

جزانا واياك الفيديو مهم جدا والمعلومات خطيرة ولكنهاقد تحتاج لبعض البسط والتفصيل استعنت بأحد أصداقائي ( خريج اداب عبري ) وشرح لى شوية حاجات سأنقلها فى وقت لاحق

بالنسبة لمسألة الحرف الزائد أخي الكريم : מַחֲמַדִּ" (محمد) أما حرف "י" يود و حرف "ם" ميم) هما صيغة الجمع للتعظيم والاحترام محمديم مثل (الوهيم) كماان استخدام صيغة ( الجمع حرف "י" يود و حرف "ם" ميم ) فى اسماء الاعلام , يأتى كثيرا فى العبرية بالادلة التالية : بالنظر فى التوراة فى سفر التكوين فى اسماء احفاد نوح عليه السلام وابناء احفاده نجدهم (مصرايم ولوديم وعناميم ولهابيم ونفتوحيم وفتروسيم وكسلوحيم و فلشتيم وكفتوريم ) فكل هذه الاسماء تختم بحرف حرف "י" يود و حرف "ם" ميم). وهى من النصوص التالية من سفر التكوين: Gen 10:1وهذه مواليد بني نوح: سام وحام ويافث. وولد لهم بنون بعد الطوفان. Gen 10:6وبنو حام: كوش ومصرايم وفوط وكنعان نجد هذه الاسماء (مصرايم ولوديم وعناميم ولهابيم ونفتوحيم وفتروسيم وكسلوحيم و فلشتيم وكفتوريم ) فكل هذه الاسماء تختم بحرف "י" يود و حرف "ם" ميم أما عن المعني العام لذكر سيدنا محمد فى هذا السياق فهو : حلقه حلاوة وكله مشتهيات. هذا حبيبي وهذا خليلي يا بنات أورشليم فالذي حدث انه تمت اضافة حرف التعظيم مما ادي لتغيير معني الكلمة وتحويلها الى معني اخر

" الَّذِينَ يَتَّبِعُونَ الرَّسُولَ النَّبِيَّ الأُمِّيَّ الَّذِي يَجِدُونَهُ مَكْتُوباً عِندَهُمْ فِي التَّوْرَاةِ وَالإِنجِيلِ ‏"الاعراف 157 الموضوع يستحق المتابعة والمشاهدة والبحث http://www.youtube.com/watch?v=CQeUi9TPY5U&feature=player_embedded http://www.youtube.com/watch?v=tMnmXKfm67g&feature=fvw وهذا موقع الصفحة التي فيها اسم رسول الله وهذا احد مواقع الترجمة