لوحة القادة

موضوع اكثر من رائع خصوصا واني دايما احن للماضي ودايما افتكر ايام الطفولة واتمنى انها ترجع تاني وهحاول اتذكر معاكم خزعبلات الطفولة وانا صغير كانت والدتي دايما تقولي كل الرغيف كله علشان ميجريش وراك يوم القيامة وانا في كل مرة اسرح بخيالي واتخيل حوالي عشرين رغيف طالع لهم رجلين صغيرة وانا منطلق بأقصى سرعة وهما ورايا بس في مرة فكرت لو وقفت هيعملوا ايه يعني؟؟ وانا صغير كنت صاحب نظريات واكتشافات فأكتشفت ان الانسان بيكون في بداية حياته كبير وبعدين بيصغر والسبب في الاكتشاف ده ان كان لينا جار صديق والدي قصير جدا فكنت متخيل انه صغر وكمان كام سنه هيبقى أدي وطبعا من ضمن التحليلات طرحت تساؤل ونجحت في الاجابة عليه الا وهو طيب ليه انا مش فاكر حاجة من ايام ما كنت كبير؟؟؟ وبسرعة وضحت لنفسي الامر وطلعت بنتيجة وهي ان الانسان بينسى الاحداث اللي حصلت لما يصغر وانا في سن ال5 سنوات كنت نفسي افضل سهران ومنامش علشان اشوف مين الرخم اللي بيجي بالليل يدلق علياميه وانا نايم لدرجة اني بقوم غرقان md2: لما افتكر حاجة تاني ارجع اقولكم عليها علشان لسه عندي كتييييير

http://www.youtube.com/watch?v=VzFpg271sm8&feature=player_embedded#! كل شئ قد يكون رائعا مبهرا لكنه سيبقي جامد بلا روح بدون الأنثي :)

خدتهم بعبلهم كده نسخ لصق من منتدي تاني 1-غبى انضم لشبكة ارهابيه سألوه ايه أخر عملية عملتها. قال: البواسير 2-شيخ بيسأل واحد و بيقوله: لو شفت أسد و انت بتصلى هتكمل الصلاه؟ قاله: لو فضلت على وضوئى هكمل 3-سألوا واحد تعرف مين طاهر أبوزيد؟ قال: مش لما اعرف مين اللى طاهرنى الأول 4-صعيدي بيموت جالو شيخ وقال له : أنطق الشهادة …راح قايل دبلوم صنايع 5-سألوا منافق مين اللى وحد القطرين قالهم مينا بتوجيهات من الرئيس مبارك 6-واحدة رفيعه اووووى ومش بيجلها عرسان خالص من رفعها .. امها جاتلها فكرة انها تجيب جرايد كتير و تلفها حولين البنت من تحت الهدوم كده فـ تبان تخينة شوية .. واحد شافها وعجبته واتجوزها وليلة الدخله كل ميشيل جرنال يلاقى واحد تحته ، يشيله يلاقى جرنال تحته.. سابها وراح اتصل بحماته وقالها : ايه يا حجه ؟ هيا بنتك على الصفحة كام 7- أحول سألوه ايه امنيتك في الحياة قال : اشوف واحد ماشي لوحده 8-ديلفرى بيسأل شيخ قاله هو انا شغلى حرام ؟ قاله ليه انت مش مؤمن؟ قاله لا كنتاكى 9-بخيل جاله ضيوف قال لمراته بفكر ادبح البغبغان … ونعمل شوربة و فته و نشوى الضلوع عالفحم و الجناح نعمله هواية و نعمل لحمة راس من المخ و نقلى الكبد و القوانص رد البغبغان: و احلبنى بالمرة علشان تعمل رز باللبن يا روح امك 10-واحد قبل ما يموت جمع ولادة التلاتة وحب يوصيهم …يفضلوا ايد واحدة واعطى لكبيرهم عود خشب كسره بسهولة.. اعطاه اثنين كسرهم بسهولة !! اعطاه خمسين عود كسرهم بسهولة!!!… قالهم طالما معاكم البغل ده مفيش خوف عليكم !!! 11-واحد بلدياتنا فتح محل انابيب غاز .. فجّر اسطوانتين فى وسط البلد .. دعاية 12-واحد شايل انبوبة غاز قال لمراته ادعيلى قالتله روح ربنا يفتحها فى وشك 13-صعيدى حران و معندوش تكييف ولا مروحة اخذ لبوس خافض الحرارة 14- مصرى ولبنانى تاهت مراتتهم فى الزحمة المصرى بيسال اللبنانى مراتك لبسة اية قالة لبسة بدى ستومك وهوت شورت وانت مراتك شو لبسة ؟؟قال سيبك منها تغور فى داهية يلا ندور على مراتك 15-يقولك 2 حرامية حبوا يسرقوا شقة واحد ففى واحدنط فى البلكونة فالراجل مسكة فقالة انت بتعمل اية هنا قالة بص ياعم الحج انا كنت بحارب الاعداء بالطيارة بتاعتى وفجاءة انضربت ونطيط بالبرشوت هنا راح الراجل قايلة ايوة كدة انت بطل مش التانى اللى نايم فى البانيو ويقولى ضفادع بشرية 16-مرة واحد صعيدى قابل واحدة أجنبية سألها انت منين قالتله واتwhat قالها اجدع ناس الوتاوتة دول 17-فلاحة أول مرة تروح للكوافير بيسالها سشوار ولا صبغة قالتله لا فلينى

كثيرا مانشاهد هذه الرموز على العلب البلاستيكية بل وكل شي مصنوع من البلاستيك فهل تعلم مامعناها . المثلث يعني قابل للتدوير وأعادة التصنيع وكل رقم داخل المثلث يمثل مادة بلاستيكية معينة ، والحروف هي أختصار لأسم البلاستيك المرادف للرقم في المثلث الرقم 1 : آمن وقابل للتدوير . يستخدم لعلب الماء والعصير والصودا وزبدة الفول السوداني . الرقم 2 : آمن وقابل للتدوير : يستخدم لعلب الشامبو والمنظفات ، الحليب ولعب الأطفال ويعتبر من آمن انواع البلاستيك خصوصا الشفاف منه الرقم 3 : ضار وسام اذا أستخدم لفترة طويلة وهو مايسمى بالفينيل أو ال PVC ، يستخدم في مواسير السباكة وستائر الحمام ، وكثيرا مايستخدم في لعب الأطفال وتغطية اللحوم والأجبان كبلاستيك شفاف لذا يجب الحذر من هذا النوع بالذات لأنه من أخطر أنواع البلاستيك وأرخصها لذا يستخدم بكثرة. يُتبع

صراحة.. محاورات المصريين منتدى له جاذبية خاصة لا يستطيع أحد إنكارها ، كما أنك تجد نفسك مجبرا للعودة إليه بعدما يزول عنك أي مانع يمنعك من متابعة موضوعاته الرائعة ولكني ما يرهقني شخصيا، وربما يتفق معي البعض هي المشاركات الطويلة التي تصل لمرحلة الملل من كثرة ذكر التفاصيل بها ، ولا شك أن الموضوع قد يحتاج لمثل هذه النوعية من المشاركات ولكن المشكلة تظهر بوضوح عندما يكون الإسهاب في التفاصيل ليس له داعي ربما لا يملك البعض نعمة إختصار كثير الكلام في بضع كلمات ولكن ما أردته من موضوعي هذا هو همسة لأصحاب المشاركات الطويلة إختصار مشاركتهم حتى لا يحرمنا من قرائتها بشكل جيد لأني بالفعل ببقى نفسي أقرأ رد لشخص ما ولكن يقف الوقت والملل حائل بيني وبين إكمال المشاركة ودمتم طيبين

وأنا صغيرة كانو يقولولي متاكليش بزر البطيخ عشان ميطلعش بطيخ في بطنك وأنا صغيرة كانوا يقولولي متكليش وانتي واقفة عشان الاكل مينزلش في رجلك وتبقى قد رجل الفيل وأنا صغيرة كنت فاكره ان البنات بس اللي عندهم رموش وكنت دايما محتاره ليه بابايا عنده رموش وأنا صغيرة كنت فاكرة بابايا أطول راجل في العالم وكل مرة ييجي ياخدني من المدرسة انشر خبر ان أطول راجل في العالم جاي مدرستنا وأنا صغيرة كنت فكره الباميه جواها مسامير عشان كانت بتشكني كل مااكلها وأنا صغيرة كنت فكره ان الرجيم بيتخن وأنا صغيرة كنت فاكرة ان البرص عبارة عن تمساح بيبي وأنا صغيره كان نفسي أطلع مدرسة تصحيح...اصحح بس مش ادرس وأنا صغيرة كنت واثقة ومتاكدة ان عندي قدرت سحرية بس لسه متعلمتش استخدمهم وأنا صغيرة كنت برش مية على الناس اللي ريحة واللي جاية من البلكونه عشان أشوف ردت فعلهم وأنا صغيرة كنت اجيب الرول بتاع الفويل بتاع المطبخ بعد مايخلص واقف في الشباك اقول فيه اذاعة الراديو وأعمل فقرات خاصة لشاديه وأنتو كنتو ايه وانتو صغيرين ؟؟ :rolleyes:

السلام عليكم و رحمة الله و بركاته عايزة أطلب منكم الدعاء لصديقتي و والديها.. في الغربة بتدرس و مامتها و باباها في النزع الأخير و مش قادرة تنزل لهم أسأل الله أن يلطف بنا جميعا لا أراكم الله مكروها في عزيز لديكم

الموضوع قرأته اليوم فى أخبار جوجول و هو عن سيدة توفيت من أربعين سنة بسرطان عنق الرحم و تم أخذ عينات من خلاياها المصابة بالسرطان من أجل البحوث العلمية. ما سبق كان إستهلالا لابد منه حتى ذلك الوقت لم يكن ممكنا من الناحية العلبية الإبقاء على خلايا الإنسان حية أكثر من سويعات و لكن مع خلايا هذه السيدة فقد أمكن الإبقاء على الخلايا حية و فى حالة تكاثر تعطى جيلا جديدا من الخلايا الحية كل 24 ساعة. و أدى هذا إلى العديد من القفزات النوعية فى تطور العلوم الطبية. المقال موجود بالعربية فى جريدة القبس الكويتية و إليكم رابط المقال و يليه تص المقال http://www.alqabas.com.kw/Article.aspx?id=641588&date=07102010

الموضوع يا جماعة من متابعتي لملف الفتنة الطائفية كالآتي : كلكم عارفين قصة كاميليا شحاتة لحد تصريحات بيشوي وكوووووووووووووول الحوارات دي المهم ان كل اسبوع من ساعة حوار كاميليا شحاتة تخرج مظاهرة يا إما من قدام مسجد الفتح فى رمسيس أو القائد ابراهيم فى الاسكندرية ( مظاهرات شديدة اللهجة ضد شنودة ) فالنصاري طالبوا الأمن بوقف المظاهرات لكن النظام سايب الحبل شوية للإسلاميين ( أهو يتلهوا شوية مع النصاري ويولعوا فى بعض مش مشكلة ) أهم حاجة الكل يتلهي فى هذا الحوار المهم شنودة أصدر قرار بمنع التظاهر فى الكتدرائية ( امتصاصا لغضب الاسلاميين ومخاطبة لود الأمن ) لكن الحبل لا يزال سايب للاسلاميين فقام فى نفس التوقيت ( سبحان الله ع الصدف يا جدع ) المدعو خيري رمضان بحلقة فى برنامج مصر النهاردة للسخرية والاستهزاء بالقنوات الاسلامية ( يمكنكم رؤية الحلقة ع اليوتيوب ) وفتاوي الشيخ أبو اسحاق الحويني بالذات وتحذيرا من خطرها وأنها تهدد الوحدة الوطنية وكلام من هذا القبيل ( خليك ساكت يا بقي ) wst:: فقام الاعلامي خالد عبد الله بالرد عليه بكل ادب واحترام وهدوء فى قناة الناس ( سأرفع لكم فيديو الرد لتحكموا ) فتم الإيقاف لأنه قد بلغ السيل الزبي بقي بصراحة ( إيه ده بتتهزأ وبترد كمان يا قليل الأدب !!! ) md2: طب خد إيقاف فى وشك أهو وبالمرة قناة الخليجية ( كان الشيخ محمد عبد الملك الزغبي يرد فيها على زكريا بطرس ) :blink: تعالوا انتوا كمان بالمرة وكمان الصحة والجمال ( ذات توجه اسلامي ايضا ) طيب ما هو الفراعين عملت حلقة برضه تشتم القنوات الاسلامية ( علمانية ) و on tv محسوبة على ساويرس النصراني خلاص ذرا للرماد فى العيون يبقي احنا كأن معندناش خيار وفقوس ياخدوا انذار كأن المرة الجاية فى طرد والله العظيم هى دي الحقيقة من وجهة نظر متابع لهذا الملف بدون افتراء

كويس ان انا سيبتها تمشى و ما حكمتش عليها بال بالى بالك عمتى برضه و ابويا كان يزعل و يفتحلى فى سين وجيم ف اكتفيت ب bsh:) بس..منتظره ايه من ريا غير كده ksh::

ماما كانت دايما تقولى بعد الاكل يالا يا شاطر أغسل ايدك أحسن الشمامة تشمك :lol:

بصراحة انا نفسي اصلح نفسي...انا زي الاستاذ عبد الباسط ما بيقول - انا مش عاجبني -_-

صفحة المحاورات فقط هى اللى بطيئة جدا جدا جدا لدرجة انى بكسل ادخل المحاورات او اكتب فيها بالرغم من ان كل المواقع الاخرى سريعة وبتفتح عادى جدا وانا علشان اكتب الكلمتين دول اخذت حوالى نصف ساعة علشان اكتب رد

بسم الله الرحمن الرحيم الأخوة الكرام / أعضاء المنتدى تحية طيبة وبعد 000 وافق المهندس / أحمد المغربي وزير الإسكان و التعمير على مهلة جديدة للحاصلين على قطع أراضي سكنية صغيرة المساحة سواء عن طريق القرعة أو التخصيص وذلك تيسيرا على المواطنين حتى 28/2/2011 لإستلام الأرض و تقديم جميع مستندات الترخيص و في حالة الإلتزام بذلك يتم منح مهلة أخرى حتى 31/8/2011 لإستكمال البناء على أن يتم بناء دور سكني واحد على الأقل مع تشطيب الواجهه و السور و بالنسبة لمن إستخرج الرخصة و إستلم الأرض و لم يستكمل البناء فتم منحهم مهلة حتى 31/8/2011 لإستكمال الأعمال 0 خالص تحياتي مهندس / أشرف محمد

الموضوع ليس مستفزا لان اللى اختشوا ماتوا ومن يعلن عن قطع اصبعة للتوقيع على استمارة الترشيح للرئيس دة على اساس انة هيروح لجنة مستشفى جراحة اليوم الواحد ولا اية المبالغة الزايدة قوى اللى مش ممكن تلاقيها فى العالم كلة طيب خلوة اللى هيقطع صباعة دة صادق يعنى على اى اساس سيقطع الصباع على اساس انجازات جعلتنا من مصاف الدول الغنية وانة مش مشكلة حتة صباع ولا على اساس الفقر المدقع اللى احنا فية وكدة كدة عايشين ولا كاننا عايشين فنضحى بصباع على سبيل التجربة لو الموضوع نجح نضحى بحاجات تانية ولا هو النفاق وصل لحد السفة والهطل وانا من راىى ان حتى جمال مبارك لايجب ان تسعدة هذة الشعارات لانها كاذبة ومنافقة ولايعطى اذنة لمن يتملقة او ينافقة فلماذا لم يقطع اصابعة من قبل للرئيس الاب بل اعتقد انة محتاج يقطع يدة لان مدة الرئاسة تستحق قطع اليد او الرقبة مش بس صباع واحد وهى على العموم فكرة جميلة اللى يروح ينتخب يقطعولوا صباعة عشان يمنعوا التزوير من المنبع وتكون انتخابات نزية جدا

لــو الست اتكلمت عن الانثي او الانوثة حنبقى عاملين زى مين يشهد للعروسة ومش مبلوعة نوصف فى محاسنا اوى انا عاوزة اسمع راى الرجالة يا ترى حتقوله ايه فى موقف زى داه - كل واحد حيوصف الانثي ازاى لو قولتو هى الام ما هى اللى معاكم فى البيت لو قولتو هى الزوجة ما هى اللى معاكم فى البيت لو قولم هى الاخت والصديقة ما هى معاكم فى البيت لو كل واحد ركز فى صفات مراته حيلاقيها هى الام والصديقة والزوجة والقلب الطيب وقت الضيقة والشدة وكل حاجة هى الدنيا حواليه طب ليه مش عاجبكم انتم عاوزين ايه تانى خلونا واقعيين وبلاش اوهام و ما تفكروش كتير ف المطربات الفاتينات ما هما دوول ليهم مشاكلهم برضوه مع ازواجهم و بيوتهم وقضايا و محاكم داه غير عمليات التجميل والنفخ والشد والترقيع انتم يا رجالة عاوزين ايه من الانثي صدقونى بعد الكلمتين دوول مش حتلاقوا حاجة تقولوها - انا اسفة لانى احرجكتم وكبستكم اغابي :roseop:

الرجل يفعل المستحيلات لكي يرى ابتسامة الرضا و الامتنان على وجه المرأة التي يحبها و المرأة حين يشعرها الرجل بأنوثتها حتى و لو بوردة تغض الطرف عن أي نقص و لاترى فيه إلا الكمال دعاء جميل قرأته النهاردة اللهم سخر لي زوجي و سخرني له اللهم جملني في عينه وجمله في عيني و لا تفرق بينه و بيني اللهم قر أعيننا بأزواجنا و أرزق كل من لا زوج لها بالزوج الصالح آمين

الفيش لاى حد من الاسرة بس يكون عمرة فوق 18 سنه ولو كان عايش فى اى بلد لمده اكتر من 6 شهور لازم يطلع فيش من البلد اللى كان عايش فيها الليسننج فوق 7.5 ده يعتبر هاى وياخد فى نقط الهجرة 4 نقط يعنى مش لازم هاى فى كل الاقسام ده على حسب النقط بتاعتك أكرم,,

مش لازم محامى ممكن تقدم لوحدك لو حبيت توفر فلوسك عشان المحامى بياخد كام الف اما موضوع الفرنساوى يبقى انت هاتقدم كيبيك وده هتلاقى توبيك تانى مخصوص للفرنساوى وتوبيك تانى لهجرة كيبيك عشان الموضوع مختلف تماما بالتوفيق أكرم,,

بسم الله الرحمن الرحيم الأخوة الكرام / أعضاء المنتدى تحية طيبة وبعد 000 24 ساعة عمل يومياً للإنتهاء من بانوراما المقاولون العرب يتابع عن كثب المهندس / إبراهيم محلب رئيس مجلس إدارة شركة المقاولون العرب مراحل التنفيذ العاجلة التي يباشرها بنفسه يومياًلمشروع بانورامابجوار نادي المقاولون العرب و الذي يجري فيه العمل على قدم وساق على مدار 24 ساعة يومياً حيث ينتهي أبناء المقاولون العرب من تنفيذ دور كامل من المشروع المقام على 6 أفدنة كل عشرة أيام وفقا لتصريحات رئيس مجلس الإدارة و الذي أكد أن المشروع يتم بناؤه لراغبي شراء الوحدات السكنية من الطبقة الفوق متوسطة بمساحات تتراوح بين 120 حتى 210 متر كاملة التشطيب وبتقسيط على 6 سنوات بدون فوائد مشيراً إلى أن للمشتري له مطلق الحرية في إختيار نموذج التشطيب و فقا لرغباته 0 ومن المقرر أن يتم التسليم خلال 18 شهر بسعر 4 آلاف جنيه للمتر كامل التشطيب 0 و أشار محلب إلى أن المشترين سيتمتعون بالإشتراك في نادى المقاولون العرب و كذلك الخدمات الطبية المخفضة فضلاً عن الأمن و على أعلى مستوى من النظافة لهذا المنتجع السكنى المتميز و الذي يتمتع بمناظر خلابة لموقعه على هضبة مرتفعة بجوار نادي المقاولون العرب 0 خالص تحياتي مهندس / أشرف محمد

حبيبتى om saif شكرا لزوقك ورقتك واصلك الطيب يارب يبارك فيكي وادعيلي ربنا يتمم على خير لان فيه امتحان ايلس مع جوزى يوم 4-11 ادعيله بقلبك اللى مليان خير - انه يجيب الدرجات المطلوبة - وابقى خلينا على تواصل واعرف اخبارك اول باول - اختى الغالية داليـــا شكرا على صدق محبتك ودايما الكلمة اللى من القلب بتدخل القلب مباشرة ومش بتحتاج لواسطة بصراحة كل المنتدى ناس يشهد لهم بالاخلاق والادب والاحترام وربنا معاكى ويفرح قلبك والله يبارك فيكي اغابي :roseop:

يخرب بيتك يا اكرم دا انت مشكلة - ضحكتنى وانا مليش مزاج خد نقطة خضرا تستاهل يعني معقول الناس بتخاف من الحسد فى موضوع كندا على ايه يا حسرة دا من ساعة ما تبدأ فى الابليكيشن لغاية الفيزا وعذاااب فى عذاب مفيش لحظة واحدة بدون توتر وشد اعصاب - انت ناقص تقول كله يرفع ايده لفوق و سلمو نفسكم الله يجازيك يا اكرم خد الوردتين دول :roseop: اغابي

كفاحي أتـيْتُ إلى حاسُوبي ذاتَ مَرَّةٍ, وجلسْت .. وبَرَيْتُ له أنَامِلِي, وأظافِري له سَنَنْت .. فلقدْ سَئِمْتُ هوَان قـوْمِي, ولِبُؤسِهم حَقا مَللت .. وارْتويْتُ مِن نِفاقِهم وشِقاقِهم حَتى ثمُلت .. وعَقـدْتُ العَزْم مِن تـوِّي بدْء الكِفاح .. مَالِئًا فضَاءَ الشَبَكةِ بالعَويل وبالنوَاح .. نَاقِمًا مِن كلِّ شَيْءٍ, فشَلا كان أوْ نَجاح .. داعِيًا عَلى كلِّ فرْدٍ لمْ يُصَاوبْه الفلَاح .. سَأريهم كلَّ بَأس, وأريهم كلَّ وَيْل .. وأريهم كيْفَ أغدُو فِي النَهَار وذاتَ ليْل .. سَأريهم شَرًا عَظِيمًا مُسْتطِيرًا مِثلَ سَيْل .. هذا كِفاحِي قدْ بَدأتُ, بَعْد طفح ألفِ كيْل .. ثـمَّ مَرَّ بي رَهط, كانوا يَرْجُلون .. قد رَأونِي قد فرغتُ للكِفاح وشَاهدُون .. كـيْفَ أسْمُو فِي سَبيل الحق رَفضًا للمُجُون .. فإذا هُمْ ببَعضٍ إلى بَعضٍ يَنظرُون .. قالوا لِي: تعَال مَعنَا الآن, هيَّا قم .. دعْك مِمَّا أنتَ قاعِدٌ مِن أجْلِهِ, وهلم .. فأمَامَنَا ألفُ هم وهم وهم .. أمَامَنَا جَدٌ وكدٌ وعَمَلٌ وعِلم .. قلتُ لهُم: اترُكونِي هاهنَا, فأنا كذا مُرتاح .. ألا ترونَنِي أكافِحُ الغوْغاءَ بالسبَاب وبالصِّـيَاح .. دعُونِي أرْكن إلى حاسُوبي مِن هُنَا حتّى الصَّبَاح .. وعِندمَا يَأتِي الصَّبَاحُ هِلوا, فِعِندها يَأتِي البَرَاح .. جاءَنِي الرَّهط صَبَاحًا يهْرَعُون .. عن جُلودِي وصُمُودِي يَسْألون .. فإذا هُمْ بي فِي سُبَاتِي يُدركون .. وعن سَبيـلِي فِي الكِفاح يَعجبُون .. --------------------------------- محمد يوسف 10/10/2010 م ---------------------------------

كنت متوقع أنا ناس كتيير هتظلمني وهتفهمني غلط ، وتقريبا أغابي ومغتربة عملوا كدة يا جماعة في موضوعات تستحق المشاركات الطويلة بالفعل ولا يستطيع أحد المرور على مشاركات هذه الموضوعات مرور الكرام حتى لو ملئت الصفحة ولكن أحيانا البعض إعتاد هذا الأسلوب أقصد أسلوب الإسهاب والإطناب حتى في الموضوعات الخفيفة التي لا تحتاج منا إلى حشو المشاركات بكثير كلام المهم هكرر تاني أني بس حبيت أنوه أن لغتنا العربية تمتاز بأنها قليلة المبنى كثيرة المعنى فلا نفوت على أنفسنا هذه الميزة في إختصار المشاركات ، وللعلم؛ التلخيص والاختصار من العلوم والفنون التي ألفت فيها الكتب

المشاركات الطويلة فى كثير من الاحيان على المحاورات مزيد من الثقافة الفكرية - وانا شخصيا لم استطيع ان اعطي مشاركة بدون القراءاة الكثيرة والمتابعات اليومية لانها ذخرا لافكارى وكلماتى - وهو المخزن الحقيقي لسلاحى الوحيد وقلمى فاقد الشيء لا يعطيه من يمتاز بالمشاركات الطويلة يمتك مساحة تعاملات واسعة وثقافة فريدة تؤهله فى ممارسة فن المشاركات الطويلة المشاركة الطويلة سواء باللغة العامية او العربية الفصحة ما هى الا مزيد للقارىء من العلم بامور لا يعرفه بل ومعرفة طباع الاخرين وافكارهم - وبشكل او باخر مزيد من المعرفة المفيدة وليست الضارة - اعرف اراء وافكار وثقافات من حولك تزداد معرفتك اغابي

هناك مداخلات تجبرك ان تلاحق كل حرف فيها حتى لو امتدت الى صفحات و هناك مداخلات تجعلك تندم على الوقت الذى اضعته فى مطالعتها حتى لو كانت كلمتين فقط عن نفسى اهتم بالمحتوى كاهم شيىء ثم ياتى بعد ذلك اى عوامل اخرى المداخلات الطويله و الى احرص على متابعتها اعمل لها كوبى و بيست على الديسك توب عندى لاعود لها وقتما توافر عندى الوقت و لكنى لا يمكن ان افرط فيها فالفكر الحقيقى هو اثمن ما نكتسبه من مشاركاتنا فى المنتدى و هو فى نظرى اغلى من ان افرط فيه بسهوله و كفايه لغايه كده لحسن تقولوا ان المداخله طويله و لا حاجه فمتقروهاش :lol: :lol: :lol:

نداء الى اصحاب القلوب الرحيمة :ninja: :ninja: ومن الاخر كدة اللى شغال فى الورق فى الخباثة wst:: او بعت الورق فى الخباثة بردو wst:: يعترف فورا ويقول وبطلوا حركات ثانوية عامة دى قدامكم فرصة 3 ايام تعترفوا وطبعا كل واحد عارف نفسه أكرم,,

ماشي يا عمرو وانا عند كلمتى انت عارف برج القاهرة فى مطعم فوق كل الفريق بيلبسو لبس فراعنة بس مش فاكرة اسم المطعم انا فاكرة انى اتعشيت مرة وكمان عزمت ناس مرة تانية واتصورنا مع الفراعنة هناك موافقة - خلاص المطعم داه كان جميل فى برج القاهرة نفسه اوك اتفقنا بس يوصل الفايل نمبر الاول :lol: :lol: وخد نقطة خضرا صبر نفسك بيها اغابي عارفه المطعم ده والله هوا جميل بس المشكله اني فى السعوديه و المشوار لمصر طويل حبتين ههههههههههه المهم اطمن على الفايل نمبر بتاعك الاول و نفرح و هعملك حفله على المنتدي جامده جدا بكرة تشوفي يا ستي و اهوا على رأي المثل قدم السبت تلاقي الحد ههههههههههههههههه عمرو

والله يا أخى العزيز adoma الواحد جاله احباط من كتر الانتظار أنا حاسس انهم لا شغالين قانون جديد و لا قديم و لا حاجة على العموم ربنا ييسر الحال و نسمع منك خبر حلو قريبا ان شاء الله و شكرا على مرورك يا غالى

الدليل الصحيح الذى يبرهن على صدق الاسلام!!!!! اعوذ بالله اخى الكريم و هل نحن فى حاجه للبرهنه على صدق الاسلام الاسلام نفسه حجه لنفسه بمنهاجه و اعجازيه كتابه و رسالته نحن لسنا فى حاجه للبرهنه عن صحه ديننا بهذه الطريقه و لكن انطلاقا من ايماننا المطلق بصحه ما اخبرنا به ديننا انطلقنا نبحث فى كتب الاوليين فلم نجد الا ما اخبرنا به الله و ليس العكس لنقيم الحجه على غيرنا و ليس لنقنع انفسنا هناك فرق و لو خلا الكتاب المقدس الحالى عن اى اشاره ما كان ليزيد او ينقص من ايماننا مقدار خردله استاذ محمد كلمه مشتهيات وردت فى الكتاب المقدس فى اكثر من موضع على سبيل المثال سفر نشيد الأنشاد 5: 16 حَلْقُهُ حَلاَوَةٌ وَكُلُّهُ مُشْتَهَيَاتٌ. هذَا حَبِيبِي، وَهذَا خَلِيلِي، يَا بَنَاتِ أُورُشَلِيمَ. 2) سفر إشعياء 44: 9 الَّذِينَ يُصَوِّرُونَ صَنَمًا كُلُّهُمْ بَاطِلٌ، وَمُشْتَهَيَاتُهُمْ لاَ تَنْفَعُ، وَشُهُودُهُمْ هِيَ. لاَ تُبْصِرُ وَلاَ تَعْرِفُ حَتَّى تَخْزَى. 3) سفر إشعياء 64: 11 بَيْتُ قُدْسِنَا وَجَمَالِنَا حَيْثُ سَبَّحَكَ آبَاؤُنَا، قَدْ صَارَ حَرِيقَ نَارٍ، وَكُلُّ مُشْتَهَيَاتِنَا صَارَتْ خَرَابًا. 4) سفر مراثي إرميا 1: 7 قَدْ ذَكَرَتْ أُورُشَلِيمُ فِي أَيَّامِ مَذَلَّتِهَا وَتَطَوُّحِهَا كُلَّ مُشْتَهَيَاتِهَا الَّتِي كَانَتْ فِي أَيَّامِ الْقِدَمِ. عِنْدَ سُقُوطِ شَعْبِهَا بِيَدِ الْعَدُوِّ وَلَيْسَ مَنْ يُسَاعِدُهَا. رَأَتْهَا الأَعْدَاءُ. ضَحِكُوا عَلَى هَلاَكِهَا. 5) سفر مراثي إرميا 1: 10 بَسَطَ الْعَدُوُّ يَدَهُ عَلَى كُلِّ مُشْتَهَيَاتِهَا، فَإِنَّهَا رَأَتِ الأُمَمَ دَخَلُوا مَقْدِسَهَا، الَّذِينَ أَمَرْتَ أَنْ لاَ يَدْخُلُوا فِي جَمَاعَتِكَ. 6) سفر مراثي إرميا 1: 11 كُلُّ شَعْبِهَا يَتَنَهَّدُونَ، يَطْلُبُونَ خُبْزًا. دَفَعُوا مُشْتَهَيَاتِهِمْ لِلأَكْلِ لأَجْلِ رَدِّ النَّفْسِ. «انْظُرْ يَارَبُّ وَتَطَلَّعْ لأَنِّي قَدْ صِرْتُ مُحْتَقَرَةً». 7) سفر مراثي إرميا 2: 4 مَدَّ قَوْسَهُ كَعَدُوٍّ. نَصَبَ يَمِينَهُ كَمُبْغِضٍ وَقَتَلَ كُلَّ مُشْتَهَيَاتِ الْعَيْنِ فِي خِبَاءِ بِنْتِ صِهْيَوْنَ. سَكَبَ كَنَارٍ غَيْظَهُ. 8) سفر هوشع 9: 16 أَفْرَايِمُ مَضْرُوبٌ. أَصْلُهُمْ قَدْ جَفَّ. لاَ يَصْنَعُونَ ثَمَرًا. وَإِنْ وَلَدُوا أُمِيتُ مُشْتَهَيَاتِ بُطُونِهِمْ». فى كل هذه المواضع ارجع للنص العبرى المرادف لها ستجدها كلها استخدمت ترتيب احرف اخر مغاير للموجود فى الفقره و هذا يدل على انه ليس المعنى المطلوب من الكلمه و ان المترجم عندما احتار فيها ترجمها الى اقرب معنى و هذا تحريف لانه كان الاحرى به ان يتركها كما هى معربا الاحرف فقط هذا على اعتبار انك قارنت بين الاسم العربى بين ان يبقى كما هو او بين ان يترجم لكن المشكله الحقيقيه ان الاسم بالعبرى و الترجمه العربيه له ليسوا ذو علاقه فهى ليست ترجمه حرفيه بل ترجمه تقريبيه و هى ما تطرح علامات الاستفهام حول السبب فى الاصرار على الترجمه فكلمه كله مشتهيات التى ترجمت لها الكلمه فى العربيه ليست هى المعنى الحرفى للكلمه يعنى بصوره اوضح جرب حضرتك ان تترجم عباره كله مشتهيات من العربيه او الانجليزيه حتى لمرادفها بالعبريه ستجد انها ستعطيك كلمه اخرى بحروف اخرىغير المستخدمه فى تلك السفرو هذا اصل المشكله عفوا لكن هذا الكلام يحتاج لاثبات منك اخى الكريم ان الكلمه بصيغتها الحاليه كانت تستخدم بهذا المعنى تحديدا و لهذا وجد علم نقد النصوص المقدسه ووجد علماء هذه مهمتهم و اذا لم يفلحوا فالرد الى التقريب لكن بالتاكيد هناك منهاج للبحث و هناك انجازات مهمه توصلوا لها اما السند القطعى فانت تعلم انه لا يوجد الا فى الاسلام و اذا استخدمناه معيار فلن نعترف باى ايه فى الكتاب المقدس كله و بالطبع هذا لا يصح و لكن بالطبع عند غياب السند القطعى ستتجه الى الاقل فالاقل مع مراعاه فروق القوه بالطبع ما انا قولت لحضرتك ان الترجمه العربيه للكلمه ليست هى المقياس لانها ليست دقيقه لكن انظر فى النص العبرى بتركيبته ثم قارن هل ستجد ان الجمله مستقيمه دون تقريب المعنى ام لا و هذا ما نقوله ايضا و لكن ما نقوم به هو اعتبارها فرضيه ثم نبحث عن صحتها من عدمه فاذا ثبت بالادله الراجه صحتها فلما نمارى فيها بعدها هذا هو بيت القصيد البحث اولا ثم الدفاع عنها ثانيا و ليس العكس و هذا ما تم تحياتى :roseop:

بالنسبة لمسألة الحرف الزائد أخي الكريم : מַחֲמַדִּ" (محمد) أما حرف "י" يود و حرف "ם" ميم) هما صيغة الجمع للتعظيم والاحترام محمديم مثل (الوهيم) كماان استخدام صيغة ( الجمع حرف "י" يود و حرف "ם" ميم ) فى اسماء الاعلام , يأتى كثيرا فى العبرية بالادلة التالية : بالنظر فى التوراة فى سفر التكوين فى اسماء احفاد نوح عليه السلام وابناء احفاده نجدهم (مصرايم ولوديم وعناميم ولهابيم ونفتوحيم وفتروسيم وكسلوحيم و فلشتيم وكفتوريم ) فكل هذه الاسماء تختم بحرف حرف "י" يود و حرف "ם" ميم). وهى من النصوص التالية من سفر التكوين: Gen 10:1وهذه مواليد بني نوح: سام وحام ويافث. وولد لهم بنون بعد الطوفان. Gen 10:6وبنو حام: كوش ومصرايم وفوط وكنعان نجد هذه الاسماء (مصرايم ولوديم وعناميم ولهابيم ونفتوحيم وفتروسيم وكسلوحيم و فلشتيم وكفتوريم ) فكل هذه الاسماء تختم بحرف "י" يود و حرف "ם" ميم أما عن المعني العام لذكر سيدنا محمد فى هذا السياق فهو : حلقه حلاوة وكله مشتهيات. هذا حبيبي وهذا خليلي يا بنات أورشليم فالذي حدث انه تمت اضافة حرف التعظيم مما ادي لتغيير معني الكلمة وتحويلها الى معني اخر

جزانا واياك الفيديو مهم جدا والمعلومات خطيرة ولكنهاقد تحتاج لبعض البسط والتفصيل استعنت بأحد أصداقائي ( خريج اداب عبري ) وشرح لى شوية حاجات سأنقلها فى وقت لاحق

جزاك الله خيرا على المعلومات دي أفادكم الله وفعلا الموضوع يستحق المشاهدة واعتبروا يا أولي الألباب

مش عارف أبدأ منين... سامحوني اني بانشغل عنكم، بس الدراسة و العمل و طفل متشرد في البيت، مخليني مش لاحق افتح الميل حتي... أما بعد أراك يا أستاذ عادل مهتما بشدة بسمعة الكنيسة المصرية، و أري ذلك أحد اسباب الخطأ، و احد أسباب سوء الفهم... يا سادة أنا كقبطي لم أنتخب رجال الاكليروس، و عندما أقيمهم لا يخطر ببالي بتاتا آراءهم السياسية... بفرض أن رجال المجمع المقدس بأكملهم فقدوا عقلهم ذات يوم... ما علاقة ذلك بالأقباط و رأي الأقباط و مشاكل الأقباط... ما علاقة نظرة الأنبا بيشوي أو غيره لأخوتي و أهلي و أصدقاءي بنظرتي أنا و رأيي أنا و صوتي أنا الانتخابي؟؟ متي انتخبت انا هذا الشخص أو طلبت منه التعبير عن رأيي؟ لماذا يخرج الآلاف للشوارع ليضربوا صورة البابا شنودة بالجزم، لأن أحد رجال الاكليروس قال رأيا شاذا؟؟ هل يفترض في البابا تعيين و ترقية الأساقفة بناء علي عمقهم الروحي و اخلاصهم في عملهم و بحوثهم، ام بناء علي أراءهم السياسية؟ لو عزل البابا كاهن بسبب رأي سياسي مهما كان صادما، لفقد مصداقيتة امام الكنيسة كلها... سمعة الكنيسة يا أستاذ عادل لا تهم الا في مجتمع بلا قانون... يتم حسم جرائمه بالجلسات العرفية... تماما مثل سمعة العائلة في الصعيد، التي يجب أن تحمي بالدم و القتل و الارهاب، و الا عجزت عن ردع الآخرين في غابة بلا قانون... اما في المجتمعات الآدمية، فالمجرم يعاقب بقانون عادل يطبق علي الجميع، و لا يهمه سمعة أحد... ها هو دكتور العوا يتقمس شخصية الفاسق "بلفظ القرآن" و يتقول علي الكنيسة مالا يملك عليه دليل، و ان ملك فلا يحق له التعميم و التنميط... و قد تم ابلاغ النائب العام... فلننتظر جميعا الجلسة العرفيه، حيث سيعتذر د. العوا أو الانبا بيشوي، و يستكمل كل منهما حياته العادية، و يطلق عليه المثقفون لقب "المعتدل" دون أي عقاب أو حبس... فنحن مجتمع بلا قانون العزيز شريف مان غاضب جدا من عدة مواضيع يمكن تلخيصها بأجمعها أن الدولة تضرب المتدينين من المسلمين بجزمة أكبر من التي تضرب بها الأقباط... و كأن الكنائس لو أغلقت مثل الجوامع أو أن الأقباط حبسوا مثل الملتحين فستكون تلك هي الجنة و العدل المطلوب... يا عزيزي أغضب من صاحب الجزمة، و ليس مني أنا... ها أنا أنتظر تطبيق القانون، باعدام من يتهم بحرق البيوت أو الكنائس، و بقتل كل من يدعو لقتل و حبس من يقوم بحبس من يغير ديانته و لو كانت الي الالحاد، و ليس لديانة اخري تشترك مع ديانتي في 90% من معتقداتها... انتظر ان يتم احترام دماء شهداءنا في كل حروب القرن الماضي بازالة أي مواد دينية من المناهج الحكومية... و سأظل منتظرا، اشارك بالعمل و ليس فقط بالكتابة... كل قدر استطاعته... لن أيأس أبدا و لن أشك في محبة أهلي و زملاء دراستي، مهما سمعت من ميكرفون الجامع المجاور، أو من شيوخ الأزهر أو الفضائيات... لأن كل هؤلاء أيضا اناس لم ينتخبهم أحد للحديث باسمه... أعتذر للخروج بالموضوع عن اهتمامات الرأي العام المصري من كاميليا و وفاء، و نانسي و هيفاء، مع غض النظر عن سبب الداء و البلاء و الغلاء...

صحيح هو المقصود بيها درجات الاربع سنين بتوع الكليه مفصله و لا حاجه تانيه ؟ بالضبط كده بتكون بيان بدرجات المواد التفصيليه كل سنه علي حدة و غالبا الناس فى شئون الطلبه فى الجامعه او الكليه عارفينها عمرو

على فكرة لو سأل اى واحد منكم ترك مصر من اجل تجميع المال نفسة هو لما بينزل مصر بيتصرف ازاى او بيتفسح فين او بيحاول يكون من اهل اى موقع بيعيش فية مصريين هيعرف بسرعة ان مصر بها من الفقراء ما يدمى القلب بمعنى لما سعادتكم تنزلو فى فنادق او تعملو شوبنج فى احدى المولات الكبيرة بالعاصمة او المدن الجديدة اكيد هتلاقو ناس تعرفوها بس ماتعرفوش دخلها وانها ممكن تبيع اى شيء ؟ اي شيء من اجل التنعم بالمعيشة وما تزعلوش اوى من المصريين لانهم بيشتكو من الفقر ماحدش مد ايدو لحضراتكم يشحت بلاش تعالى واظهار الطبقية عيشو مع الناس اللى تحت وانتو تعرفو الفارق بين ما تسطرونة من كلمات وحكايات والواقع الدامى هناك لا زال شرفاء لا يأكلون الربا او يتعاملون بالغش وعلى قد ما قسم الله لهم ويتم اهانتهم من الجميع خارج وداخل ومعايرتهم بالفقر رغم ان الدنيا ليس لها ضمان فربما نتكلم عن غنى جمع مالة وعددة ونهايتة انة أفقرة الله واصبح معدومآ فلا تتباهو بما لديكم لان الله قادر على التغيير وانزلو الى الارض ولفو مصر او القاهرة لتعرفو ولتشاهدو ابناء الفقراء وهم يعملون فى الاسواق حمالين لبضائع الاغنياء ستجدونهم فى اسفل الدرك او السلم لكنكم ترون من يرتدى اجمل الملابس ويركب السيراتو او غيرها ولم تأخذكم اعينكم الى ما دون ذلك وهذا ليس عيبآ فيكم لكنها الحياة الانسانية الغنى يرى الناس جميعآ اغنياء لانة يرتاد اماكنهم ولا يشعر بالفقراء لانة لا يدوس احيائهم اعزائى الاغنياء من اموال الخارج ارجو لكم ان توفقو فى جمع الاموال واتمنى ان تكونو ميسورين الحال ويغنيكم الله ويهدى بالكم اما فى مصر والمصريين المقيمين داخلها من الفقراء ان يعينهم الله على ما يحسدهم على فقرهم وعدمهم ويساووهم بأغتيائها رزقنا الله واياكم الى الصواب والمكسب الحلال والبعد عن الربا والسفة لانها رحلة مهما جمعنا من متاعها فألى زوال رحم الله الجميع وعلى مصر السلام

بالنسبه لموضوع الظف المقفول بتاع بيان الدرجات انا قدمته من غير ما اجيب الظرف و في ناس كتيره قدمته كده اما بالنسبه للتوقيع على خطاب الخبرة يفضل انك تجيب الكارت بتاع الشخص اللي موقع ما اعتقدش انك لو جبت كارت بتاع واحد زميلك هيكون حاجه صح و الافضل من رأيي انك ما تجبش حاجه و هما لو عايزين يتصلوا هيتصلوا على رقم الشركه عمرو

لانك كنت فاتح الموضوع مرتين و يمكن لان الجهاز عندك هنك و انتى بتحط الموضوع فنزل مرتين فحذفوا واحد و سابوا التانى علشان تتجمع الردود كلها على موضوع واحد بدل تشتيتها على اتنين يعنى عمليه تنظيميه لا اكثر