لوحة القادة

إيه يا جماعة ... هو مافيش ادارة هنا بتشوف الردود دي ولا ايه !!!!!! يا أخت جويرية .. ممكن اعرف انتي خريجة أي جامعة بالظبط ؟؟؟؟ ثم يعني ايه تفضل طول عمرها عانس !!! ... وهتبقي سوابق !!! ... وتاخدلها شهر حبس !!! ايه الكلام الفارغ ده ؟؟؟؟؟؟؟؟؟؟؟؟؟؟؟؟؟؟؟؟ انتي ايه بالظبط ممكن افهم ؟؟؟ هو مافيش حاجة خالص يعني ؟؟؟ هو انتي متخيلتيش ابدا انك ممكن تكوني مكانها في أي وقت وعلي فكرة ده عادي جدا انه يحصل .. بس خدي بالك لتاخديلك شهرين حبس وتبقي سوابق ده حاجة تحرق الدم

الواضح ان فيه ناس تافهه بتضحك على اهانة غيرهم والرقم 800 مبيوضحش حجم الفراغ واتفاهة اللى هما فيها .... لا دا بيوضح حجم التفاهة اللى غيرهم فيها اما عن وصف البنات بالهبل فلا تعليق وطبعا لو الداخلية باشوات فأكيد باشوات على اللى زيك والمظاهرات موجودة فى الدنيا كلها انا معرفش بصراحة انت ولد وللا بنت بس واضح انك مبتمنعيش من تفتيشك ذاتيا قبل دخول الجامعة هما لانهم محترمات .. رفضوا وانضربوا بس زى ما قولت أكيد فى غيرهم كتير بيوافقوا عشان كده كان عددهم 800

السلام عليكم و رحمة الله و بركاته ممكن افكر في حاجة كده....يمكن تكون غير السياق اللي فات بشكل عام...انا مبحبش اتفرج علي اي كليب فيه تعذيب او أساءة لاي انسان بحس اني بعد ما بتفرج علي حاجة زي كده....بيتعملق جوايا خوف غير مسبوق من جهاز الشرطة و اعضائه...مصحوب بحالة من القرف الشديد لاي شخص بيشتغل في المهنة دي فعلا بلاقي نفسي اكثر عزلة في مجتمعي لاني بحس اني مستهدفة بشكل غير متوقع سؤالي....هل الهدف من احنا نتناقل الفيديوهات دي....هو تعرية الممارسات السلبية المستهجنة؟؟؟ طب ما كلنا عارفينها...و البعض منا بالفعل مر بيها و نسالكم العافية طب الهدف منها....ان احنا نستخدمها كورقة ضغط عشان نحاول نفرض صوتنا علي نظام مش بيسمع اصلا....يبقي اسمحولي مش بنستخدمها صح...لان احنا فقط بنتناقلها فيما بيننا يعني من جوه البيت لجواه برضه....عمر ما حد فينا فكر انه يبعتها لاي منظمة حقوق انسان و يتابع اجراءات توثيق قضية معينة "زي قضية خالد سعيد"...ليه الحدث بياخد فقاعة بالون و بيرجع يهدي و بنستني اللي بعده و اللي بعده انا عايزة بس نفكر و نحس ان احنا لازم نتغير بعد ما نبص علي فيديو زي ده....مش نتغير و ننكمش خوفا...لان كده احنا بنحقق للنظام اللي هوو عايزه....ان نزداد فقرا في القدرة...و فقرا في المقاومة...و فقرا في الارادة لازم نتغير لقدام للاحسن تفتكروا ازاي؟؟؟ تحياتي

الفيديو دة يحتوي على قصه حياه كل راجل انا و انت و الكمسرى اللي بيقطعك التذكرة بتبدا حياتك و انت صغير بمربع صغير ممكن يكون حلمك ممكن يكون شخصيتك المربع دة هو انعكاس ليك و مع الوقت بتكبر و بيكبر المربع معاك و بتعمل مربعات تانية مثل دراستك و هواياتك يعني المدينة دي هى انت انت بكل ما فيها انت بذاكرتك و انت بطموحك و انت بقلبك و انت اضفت في كل جزء لمستك و لونك شخصيتك و تفردك عن كل اخر حتى الورده اللي اهتميت بيهاجدا مهي دي مشاعرك جلست تتاكد انها خالية من العيوب و تهتم بيها و بنضرتها و لما حببتك ظهرت اختفيت و انسحبت اختفيت وراء اي مكعب ممكن يكون شغلك - هوايتك المهم اتجنبتها و دخلت كهفك و هي بتتامل عالمك تتامله بعينيك انت مهو انت عالمها ووجودها تمشى حافية لا تخاف شى فهي كالطفل الذي يرى العالم لاول مرة وانت واقف بعيد شفت نقص فيك شفت جزء ناقص مش كامل من مكعبك و جزعت ممكن تنزل من نظرها بس انت مش واخد بالك انك كل دنيتها ممكن متحبكش ممكن تسيبك انت خفت و انكمشت اكتر في كهفك و بعد كدة رأت الورده جميله متفرده لا ينقصها شي انها رات مشاعرك رات احاسيسك رأتك كما انت و عجبتها بس هي فضلت مستنياك تقرب اكتر تشاركها وانت مش قادر تاخذ الخطوة اليها تسمرت بدون اي حركه و ذهبت ذهبت بدون رجعه و خسرتها الي الابد فالان ذهب عالمك و تلاشى فمين هيسكن قلبك علشان تسكن انت في البيوت دي و مين هيروي الزهرة مادام حبيبك لن يراها فالزهرة هتدبل مع الوقت و تذهب ريحها وكله ينتهي وراء ظهرك و في الاخر دمعه متحجرة في العين مش قادر تطلعها اصعب من شلال من الدموع وانت شايف حبيبك و مش قادر تمدله ايدك

أعلن عدد من الحركات السياسية المختلفة، من بينها الجبهة الشعبية الحرة ورابطة طلاب مصر وطلاب اتحاد أندية الفكر الناصرى، إلى جانب عدد من المدونين ، تنظيم وقفة احتجاجية يوم الاثنين المقبل الموافق 18 أكتوبر أمام وزارة التعليم العالى احتجاجا على الاعتداءات الأمنية التي شهدتها الجامعات الحكومية المصرية بعد قيام الأمن بالتعدي على ناشطات بجامعة الزقازيق. انتهاكات بلغت ذروتها! وتسعى الحركة السياسية إلى تقديم 3 مطالب أولها طرد الحرس الجامعى خارج أسوار الحرم الجامعى، وفتح باب التحقيق مع الضباط المتورطين فى الجرائم التى جرى ممارستها ضد الطلاب، والمطالبة بإطلاق حرية الطلاب بما يكفل حقهم فى التعبير عن الرأى وممارسة كافه أنشطتهم السلمية دون قيود. وجاء فى بيان للحركت السياسية أن انتهاكات الحرس الجامعى بلغ ذروته بعد الضرب المبرح الذى تعرض له إحدى الطالبات داخل حرم جامعه الأزهر بالزقازيق أثناء مشاركتها فى إحدى الفعاليات الطلابية، وادى الضرب المبرح إلى إصابة الفتاة بارتجاج فى المخ وجروح خطيرة أخرى في أنحاء متفرقة من جسدها، بجانب الإشاره إلى احتجاز إحدى الطالبات داخل غرفة الأمن بجامعة الفيوم بمفردها بعد رفضها تفتيشه لها ذاتياً، بجانب التعدى على طلاب جامعة عين شمس بسبب المعارض التى يقيموها وأدت لتحويلهم للنيابه فى عدد من المرات. تفتيش ذاتى بالقوة: وكان فرع جامعة الأزهر بالزقازيق قد شهد اشتباكات بين حرس الجامعة، وطالبات أسرة المنار، المنتمية لجماعة الإخوان المسلمين، بسبب إصرار الأمن على تفتيش إحدى الطالبات ذاتياً، والإعتداء عليها بالضرب. وشرحت إحدى الطالبات الأمر من بدايته قائلة: "حينما أصر الأمن على التفتيش طلبنا أن يتم ذلك عن طريق موظفة، أو مشرفة أمن، فرفضوا ذلك وقال أحدهم :"هو احنا مش ماليين عينكم"، وحاولوا تفتيشنا بالقوة، وعند ما قاومناهم انهالوا علينا بالضرب ركلاً بالأقدام والأيدي، ثم فتحوا علينا خراطيم المياه". منع سيارات الإسعاف من الإنقاذ!! وأضافت طالبة أخرى: "لم يتنه الأمر عن هذا الحد بل منع حرس الجامعة سيارات الاسعاف من نقل المصابات، نتيجة الاعتداءات، إلى المستشفى حتى لايتم تحرير محاضر ضدهم". وأشارت إلى أنهن استمررن فى الضغط على الأمن للسماح بنقل المصابات إلى المستشفى، حتى نقلت الطالبة سمية أشرف، الفرقة الرابعة كلية الدراسات الاسلامية والعربية شعبة أصول الدين، إلى مستشفى "الأحرار" بالزقازيق بسبب اصابتها بنزيف داخلى. وأعلن الطالبات اعتصامهن أمام الجامعة بعد رفض الحرس دخولهن إلى الحرم الجامعي ، ورددن شعارات "يا عميدنا ساكت ليه.. ضرب سمية ده كان ليه"، "يا عميدنا فين المسؤولية.. إنت الراعي ونحن الرعية". ومن جانبها اتهمت الطالبات، حرس الجامعة بالتحرش بهن جنسياً، وطالبن باقالة الدكتور "عبد العزيز جبريل" عميد كلية الدراسات الإسلامية، فرع جامعة الأزهر بالزقازيق، بسبب سماحه للأمن بالتعامل معهن بهذه الصورة الهمجية. كما طالب المعتصمات بضرورة تدخل الدكتور "أحمد الطيب" شيخ الأزهر، لرفع الظلم عنهن والحفاظ على كرامتهن. فيما نفى مصدر أمني، طلب عدم ذكر اسمه، الاعتداء على الطالبات، وقال إنهن رشقن أفراد الأمن بالحجارة مما أدى إلى إصابة فردين من أفراد الحرس. تغادر المستشفى .. والنزيف لم يتوقف! وفى السياق ذاته اتهم والد الطالبة سمية أشرف الصعيدى - إحدى ضحايا عنف الامن-بعدم استكمال علاج الطالبة تحت ضغط أمنى. وقال والد الطالبة إن نائب مدير المستشفى تعليمات للطبيب المعالج بخروجها بعد 10 ساعات من دخولها المستشفى رغم وجود اشتباه فى نزيف داخلى كما هو مثبت فى التذكرة الخاصة بها بعد تشخيص حالتها، وصدر إذن الخروج برقم 14979/2734 مؤقتا بالساعة 8 مساء بالرغم من أن المريضة دخلت المستشفى الساعة الـ10 صباحا. واضاف أن أمن المستشفى طالب المريضة ووالدها بمغادرة غرف المستشفى، ولكن نظرا لأن حالتها الصحية لا تسمح بذلك، فوافق أمن المستشفى على أن تظل فى صالة الاستقبال بالعيادات الخارجية، وبالرجوع إلى أحد الأطباء المتخصصين بالجراحة أكد أن أى حالة اشتباه فى نزيف داخلى تخضع للعناية والرقابة لمدة تتراوح ما بين 24 ساعة و48 ساعة لتظل تحت الملاحظة الطبية المكثفة طبقا للحالة والمعايير الطبية المتعارف عليها. وفى الوقت ذاته طالبت لجنة الحريات بنقابة المحامين النائب العام المستشار عبدالمجيد محمود، بفتح تحقيق فورى فى واقعة الاعتداء على طالبتى جامعة الأزهر بالزقازيق، ومحاسبة المتورطين فيها وإحالتهم إلى محاكمة عاجلة. وقال جمال تاج الدين أمين عام لجنة الحريات: "إن الجريمة لا يجوز الصمت عليها بأى حال، خاصة مع الغضب المتصاعد بين الشباب، ولابد من فتح تحقيق فورى مع المتورطين من وزارة الداخلية، تجبنا لما لا تحمد عقباه.

السلام عليكم و رحمة الله و بركاته نكمل سوا عن حاجات استفدتها من وجودي برة في التعامل مع الأطفال في السن الصغير التعاون ثم التعاون دايما يركزوا في الحكايات و الكارتون و الألعاب على القيمة دي ازاي لما تشتغل لوحدك و تستأثر بالمهمة (أنا أقدر لوحدي) .. الفشل هو النتيجة الطبيعية على العكس ..إذا اشتغلت و نسقت مع اللي حواليك .. هتنجحوا كلكم و ان أي دور مهما كان صغير برضة مهم و ممكن يكون هو السبب في نجاحكم كلكم التنافس يكون بينك و بين نفسك .. اتحسنت قد إيه عن قبل كده؟ مش المهم اني أكون أحسن من فلان أو أحسن الموجود لو واحد جاب 65% بعد ما كان بيجيب 60%يبقى اتحسن و نشجعه .. و العكس لو بيجيب 95% و بعدين جاب 90% ندور إيه السبب و نحاول يرجع لمستواه

موضوع اكثر من رائع خصوصا واني دايما احن للماضي ودايما افتكر ايام الطفولة واتمنى انها ترجع تاني وهحاول اتذكر معاكم خزعبلات الطفولة وانا صغير كانت والدتي دايما تقولي كل الرغيف كله علشان ميجريش وراك يوم القيامة وانا في كل مرة اسرح بخيالي واتخيل حوالي عشرين رغيف طالع لهم رجلين صغيرة وانا منطلق بأقصى سرعة وهما ورايا بس في مرة فكرت لو وقفت هيعملوا ايه يعني؟؟ وانا صغير كنت صاحب نظريات واكتشافات فأكتشفت ان الانسان بيكون في بداية حياته كبير وبعدين بيصغر والسبب في الاكتشاف ده ان كان لينا جار صديق والدي قصير جدا فكنت متخيل انه صغر وكمان كام سنه هيبقى أدي وطبعا من ضمن التحليلات طرحت تساؤل ونجحت في الاجابة عليه الا وهو طيب ليه انا مش فاكر حاجة من ايام ما كنت كبير؟؟؟ وبسرعة وضحت لنفسي الامر وطلعت بنتيجة وهي ان الانسان بينسى الاحداث اللي حصلت لما يصغر وانا في سن ال5 سنوات كنت نفسي افضل سهران ومنامش علشان اشوف مين الرخم اللي بيجي بالليل يدلق علياميه وانا نايم لدرجة اني بقوم غرقان md2: لما افتكر حاجة تاني ارجع اقولكم عليها علشان لسه عندي كتييييير

وأنا صغيرة كانو يقولولي متاكليش بزر البطيخ عشان ميطلعش بطيخ في بطنك وأنا صغيرة كانوا يقولولي متكليش وانتي واقفة عشان الاكل مينزلش في رجلك وتبقى قد رجل الفيل وأنا صغيرة كنت فاكره ان البنات بس اللي عندهم رموش وكنت دايما محتاره ليه بابايا عنده رموش وأنا صغيرة كنت فاكرة بابايا أطول راجل في العالم وكل مرة ييجي ياخدني من المدرسة انشر خبر ان أطول راجل في العالم جاي مدرستنا وأنا صغيرة كنت فكره الباميه جواها مسامير عشان كانت بتشكني كل مااكلها وأنا صغيرة كنت فكره ان الرجيم بيتخن وأنا صغيرة كنت فاكرة ان البرص عبارة عن تمساح بيبي وأنا صغيره كان نفسي أطلع مدرسة تصحيح...اصحح بس مش ادرس وأنا صغيرة كنت واثقة ومتاكدة ان عندي قدرت سحرية بس لسه متعلمتش استخدمهم وأنا صغيرة كنت برش مية على الناس اللي ريحة واللي جاية من البلكونه عشان أشوف ردت فعلهم وأنا صغيرة كنت اجيب الرول بتاع الفويل بتاع المطبخ بعد مايخلص واقف في الشباك اقول فيه اذاعة الراديو وأعمل فقرات خاصة لشاديه وأنتو كنتو ايه وانتو صغيرين ؟؟ :rolleyes:

كلنا يعلم ما تقوم به دولة تشيلي هذه الايام لانقاذ عمال احد المناجم المحاصرين علي بعد 700 متر تحت الارض العمال محتجزين منذ اكثر من شهرين ..... تشيلي خلت وزير مقيم يوميا يشرف علي عملية الانقاذ (الحكومة بل الدولة علي قلب رجل واحد) وعند اخراج اول عامل من العمال كان في استقباله رئيس تشيلي وقبله رئيس تشيلي كان عند الحفره المعموله لانقاذ العمال يعني العامل مرحش لغاية القصر الجمهوري تذكرت واقعة صخرة الدويقة وكيف اننا بعد اسبوع واحد قلنا اردم يا عم الحاج مافيش حد عايش فعلا للدول رجال ...... وللصغار افعال يظهروا منها وانا اقول مثل ما قال التشيليين (تحيا تشيلي) رويترز

السلام عليكم و رحمة الله و بركاته من يومين حضرتك كنت فاتح توبيك جميل جدا....عن "امرأة ذات الخلايا الخالدة"....قبل ما اخش ع التوبيك مكنتش اعرف انه علمي بحت....بس سرحت مع نفسي في عنوانه و تخيلت ممكن الانسان تكون خلاياه متجددة...خالدة كان هذا استهلالا لابد منه استاذ عادل... كل سنة و حضرتك طيب.... كل سنة و كل خلية فكرية (مش خلية سياسية و لا حاجة...احسن الجو ملغم اليومين دولم).... حضرتك...خلتها تتنفس هنا في المحاورات....تكبر...تتجدد.... تقراها عيون....و تعدي عليها عيون... و تفضل شايلة حلاوة الفكرة معاها منين ما بتروح اذا كان العلم بيقول ان فيه خلايا خالدة و اذا كان الدين بيقولنا ان فيه صدقة جارية....و ممكن تكون افكارنا اللي تقاسمناها في يوم من الايام بصدق النوايا.....صدقة جارية لينا تنفعنا لما نكون في الضفة التانية يبقي نشكر ربنا...ان احنا في قطار الغربة...وقفت محطتنا ع المحاورات انك في يوم صفرت الصفارة و خليت القطر يقف.....هنا علي خلايا خالدة جدا جدا....اسمها محاورات المصريين كل سنة وحضرتك بتفكر في فكرة جديدة....تكون مصرية خالصة كل سنة و حضرتك في طاعة

خطوه متاخره و لكنها بالتاكيد جيده

استاذى الفاضل المياه تعتبر من الثروات الطبيعيه للبلاد الخاصه بها اذا كانت تقع بالكامل داخل هذه الدوله او تخضع لاتفاقيات توزيع الحصص اذا كانت اكثر من دوله تشترك فيها كنهر النيل مثلا و بالتالى فكل دوله حره فى التصرف فى مصادرها من المياه العذبه كما تتصرف فى اى ماده اخرى تمتلكها و بالتالى يجوز لها بيع الفائض عندها او استيراد ما يسد العجز الأخت الفاضلة / مغتربة لو تم تطبيق حديث رسول الله لما كنا نعاني مما نعانيه الآن ولا تنسي إجابة الرسول أيضاً عندما سئل عن ما هو الشئ الذي لا يحل منعه ؟ أجاب صلى الله عليه و سلم الماء 0 فالذي تتحدثين عنه هي قوانين وضعية و ضعها الإنسان و طالما هي من صنع الإنسان فأكيد لن تجدي فيها العدل الذي يرضي و يقتنع به الجميع 0 خالص تحياتي مهندس / أشرف محمد

الحاجة الوحيدة اللي ممكن اعلق عليها في كلامك الآتي لان الباقي انا اسفة لا يستحق عناء الرد القسم بالله يكون كده و الله مش واللهي

يا جويرية الله يهديكي .. مفيش أي مبرر ان حد يتعامل مع بني آدم تاني بالشكل ده قلتلك برة في قانون الإرهاب و مع ذلك ما شفتش أمن في الجامعة

ان شالله فى ميزان حسناتك وربنا يفرح قلبك دنيا واخره وينولك اللى ببالك قادر يا كريم ويطرح فيك وفى كل اللى بيساعدوا الناس البركه يا رب كمان احمد سيف مختفي ربنا يطمنا عليه ويسعده هو واكرم والجميع عشان ما انساش حد

ايوه رباعي عادي ذي الباسبور بالضبط بالعربي و بالانجليزي ولا شكر علي واجب عمرو

كل سنه وحضرتك طيب وبخير يارب قرأت مواضيع لحضرتك بعدد شعر رأسي واستفدت منها الكثير والكثير ولا زالت واحاول ان اتبع دربك ونهجك فى التفكير والله نفسي اقابل شخصك الجميل على الحقيقه لانى متوقعه جدا ان حضرتك من الشخصيات العظيمه والتى بجابنبها نحب ان نقف دائما وجزاك الله عنى وعن كل المحاوراتيه خير الجزاء وكل سنه وانت طيب يا راجل يا طيب

بالراحه عليا شويه يا هند واحمد انا مش ملاحقه اقرأ ال انتوا بتكتبوه علشان اضيف جديد اما انت يا احمد قول الحمدلله ان لا عندك عيل و لا تيل لانك هتتقفش هتتقفش القصائد الجامده اوى دى...بس احنا وراك متخافش ...وراك رجاله اطمن هنحمل الرايه من بعدك ...بس انت اتقفش الاول و شوف هنعمل ايه انا وهند cr((: cr((: cr((: ( يا عينى عليك يا احمد ماكنش يومك يا اخويا ياللى اتخدت غدر يورينا فيهم يوم..يعنى هو عمل ايه يعنى..كتب حبه قصايد سياسيه وايه يعنى ..اعتبره يا سياده القاضى اخوك الصغير و مش هيعمل كده تانى..انا اخته المهندسه قولتله بلاش يا احمد وراك ولايه يا اخويا انا وهند وهو برضه ما سمعش الكلام ..اقفشوه هو وسيبونى انا وهند نربى العيال..ما تخافش يا اخويا العيش و الحلاوه والسجاير هبعتهملك مع الشاويش الكمل ده..:اسمك ايه يا اخ عقبال ما اشوفك صول قد الدنيا ..الشاويش:اسكتى يا ست لاحبسك جنبه..انا:وعلى ايه يا اخويا الطيب احسن سلام عليكم وبلاها سجاير كمان ) هدور على حبه قصائد تانيه ولنا عوده ما تخفش احنا وراك .

اكيد حضرتك مش مصرية عشان الكلام ده يصدر منك فى حق اخواتك المصريين انا وانت واى انسانة محترمة ممكن تتعرض لموقف زى ده وميكونش لها يد فيه لو الفيش حيكون فيه كده ده وسام شرف لها هى مش ممسوكة ادآب مئات البنات اتعرضوا لاكتر من كده من شباب 6 ابريل والمظاهرات على خلفية مقتل خالد سعيد وزمان صفية زغلول وزميلاتها تعرضوا لكده برضه وايه دخل العنوسة والجواز فى الكلام ده حتى المسجلة اداب بتتجوز يعنى مش مقياس و هواللى بيتجوز واحدة بيعملها فيش وتشبيه ويطلع على الصحيفة الجنائية بتاعتها ولا ده متبع فى الدولة اللى حضرتك منها

جهاز فاسد عايز يتسرح -من أوله لآخره بما فيهم قرايبي- و يتبني على نضافة يتبني بناس قلبها على بلدها و ناسها مش بيعلموهم انهم فوق الناس و تبقى قيمته معتمدة قد إيه بيهينوا الناس و يستهينوا بالقانون اللي المفروض يطبقوه على الكل بدل ما يحمي الناس .. بقى عدوهم (بوصلتهم هي مصالحهم و مصالح اللي بينعموا عليهم) ده كفار قريش كانوا بيترفعوا عن ضرب النساء .. دول بقى جنسهم إيه؟

و انا صغيره مره اصحابى سالونى اسم مامتك ايه؟فرديت و كلى ثقه ماما اسمها ماما هيكون ايه يعنى و فضلوا العيال يضحكو عليا علشان مش عارفه اسم مامتى و انا مصره ان ماما اسمها ماما و ملهاش اسم تانى ماما كانت دايما تقولنا ان اخر معلقه فى الطبق هى الى فيها البركه علشان نخلص طبقنا و انا صغيرة كنت مقتنعه اقتناع تام ان المكرونه بتتزرع و مكنتش مصدقه انها بتتصنع ابدا اما عن سوس الاسنان فكنت معتقده انه حشرات صغيره لونها اسود بتاكل الاسنان و لو اكلت حلويات كتير و مغسلتش اسنانى هياكل كل اسنانى و هبقى زى جده من غير ولا سنه(كنت معتقده ان اسنان جدى اختفت بسبب السوس) كان عندى هوس غير معقول ببطل جرينديزر و كنت مقتنعه انى هتجوزه لما اكبر كمان كنت معتقده ان النجوم الى فى السما دى هى الناس الى ماتوا و دى روحهم تحولت لنجمه كان نفسى و انا صغيره اروح مشوار ايه هو المشوار ده و شكله ايه مكنتش عارفه بس كنت عايزة اروح واحد زى بابا كنت عايزة ابقى بنت البقال علشان اكل حاجات حلوة زى ما انا عايزة من غير ما ادفع حاجه

عايش غربة..قصيدة عامية..محمد الخطيرى ------------------------------------------------------------------- عايــــش غربــــــة مــــا بيـــن الأهـــــــل وده احســــاس صعــب ماهـــوش سهـــــــل عارف لما تحس كأنك فكرك دايما سابق سنــــك فاهم كل الناس ومفيش حد من البشرية دى فهمك *** يومها تحس انك وحدانى كأنك جاى من عالم تانـــى تسأل نفسك مين الجانى وليه الأحزان دى ملزمانى *** أنا نفسى اعرف العيب منى والا العيب ع الناس اكمنى بصرخ بالحرية فى فنى والناس كلها مش سمعانى *** ماهى حاجة تضايق حاجة تغيظ لما السلطة تكون توريـث يمشى رئيس ييجى ابنه رئيـس و الشعب المسكين بيعانى *** جوع وبطالة وفقر وخنقة وحياة صعبة و فيها مشقة ذل وقهر وكبت وسرقة ومش قادرين نستحمل تانى *** واما الشعب يفكر يــوم يطلب حقه فى مرة يقـــــوم أمن الدولة طحنه بشوم فى تصرف همجى وعدوانى *** قالوا هيعدلوا فى الدستور قولنا خلاص هنشوف النور طلعت حركة نصب و زور و دى حركة بجد مضيقانى *** دى عصابة اللى حميها حراميها من فوقها لأصغر من فيها جوعنا اتذلينا على إيديها و اشهدى يا حقوق الإنسان وعشان كده أنا عايش بين الأهل وحيد مش لاقى صاحب والا حبيب فى زمن مادى وعصر عجيب فيه الإنسان طماع وأنانـــــى ***

الموضوع قرأته اليوم فى أخبار جوجول و هو عن سيدة توفيت من أربعين سنة بسرطان عنق الرحم و تم أخذ عينات من خلاياها المصابة بالسرطان من أجل البحوث العلمية. ما سبق كان إستهلالا لابد منه حتى ذلك الوقت لم يكن ممكنا من الناحية العلبية الإبقاء على خلايا الإنسان حية أكثر من سويعات و لكن مع خلايا هذه السيدة فقد أمكن الإبقاء على الخلايا حية و فى حالة تكاثر تعطى جيلا جديدا من الخلايا الحية كل 24 ساعة. و أدى هذا إلى العديد من القفزات النوعية فى تطور العلوم الطبية. المقال موجود بالعربية فى جريدة القبس الكويتية و إليكم رابط المقال و يليه تص المقال http://www.alqabas.com.kw/Article.aspx?id=641588&date=07102010

ايه يا رجالة ... انتو صدقتوا ولا ايه .. انا كنت باهرج معاكوا بس شوية وبعدين هيا كلها مغالطات حسابية والموظف المسكين مخدش باله منها واتكحول علي عينه ركزوا انتو بس واوعي حد يغالطكم بالشكل ده بس برضه انا بيعجبني المدير الذكي .. ومبيعجبنيش الموظف الغشيم صباح الفل

سوري يعني مهلش هو حضرتك بتتكلمي عن ايه ؟؟؟؟ هيا عشان تدخل الجامعة تحضر محاضراتها ... المفروض تدخل منين !!!! يعني تدخل من البوابة ولا هتنزل بالباراشوت علي المدرج ثم ان هيا لو غلطانة وقليلة الأدب وفيها كل العبر ميدلوش ابدا الحق انه يضربها بالشلوت وبالعصاية ويشتمها ويعاملها بالاسلوب ده فيه نظام يحكمه ويحكمها .. لكن ده انسان همجي متخلف ميستحقش البدلة اللي هو لابسها واما نشوف وزارة الداخلية المبجلة هتعمل ايه معلهش اصل ردك بصراحة استفزني شوية

لو كنا بنكتب حاجات من دى فلاحساسنا اننا فى بيتنا عيلة واحدة كل واحد بيكتب على سجيته من غير تكلف وبرضه كل واحد حر يقراه ولا لأ ببخلى الحديث فى دفء و مشاعر خصوصا لو متعاطفة مع موضوع لاختك فى المنتدى ومش مجرد مشاركة تسديد خانة اروح الحق بقى صنية البطاطس لاحسن تتحرق فوتك بعافية ههههههههه انا كنت بكتب كتير في المنتديات برضو و بعدين اكتشفت ان فيه نوع جديد من القراءة ده خاص بالنت يعني مش زمان في حصة القراءة ، نقرا كلمة كلمة و سطر سطر قراية النت ، بتبقي القاء نظرة بس علي المداخلة ، تفهمي بس المشاركة بتتكلم عن ايه و بعدين عرفت بأه ان مجهودي ضاع في الأرشيف ، قصدي في صفحات النت عايزة تتأكدي من كدة لو كتبتي موضوع و فيه ، جزئية موضحتيهاش ، بس وضحتيها مع أول رد علي المشاركات حتلاقي ممكن اكتر من 20 مشاركة بتعلق علي الجزئية دي يعني محدش بيقرا المشاركات و بعدين في دكاترة بيقولوه ، مفروض ميزيدش استخدام النت عن ساعتين مش حنقدر نلتزم بموضوع الساعتين دول بس بقدر المستطاع نحاول نكتب ما قل ودل

السلام عليكم و رحمة الله و بركاته حلو اوي موضوع و انا صغيرة....(طب ما احنا لسه صغيرين..... :lol: ) زمان و احنا صغيرين كان عندنا قدرة ع الدهشة...و صياغة الدهشة في اسئلة في منتهي البساطة...دلوقتي مساحات الدهشة بقت ااقل و بقينا نظن ان احنا نمتلك اجابات لكل الاسئلة خدي بقي عندك يا دامو....مع اني معاكي جدا في موضوع رش الميه من البلكونات....(اينعم انا دور ارضي...يعني ملتحمة بالجماهير بس مسدس الميه كان زي صوابع ايدي عمري ما فارقني حكاية البرص و تحوله الارتقائي الي تمساح....او التمساح المتنكر في زي برص قزم....دي برضه من ابحاث الطفولة المشردة) و انا صغيرة: 1- كنت معتقدة اني لما اخد الدوا بتاع السخونة اسخن.....طفلة نابغة من يومي...(وش اي عيل عبيط)....و عشان كده كنت يوم الاحد داميا غياب من المدرسة....كنت دايما بسخن....و دايما باخد الدوا بطريقة عكسية؟؟ 2- بحب ااقلد صوت الضفادع....مش عشان صوتها حلو....لا عشان بعرف اعمل صوتها و بفتكر انها بتكلمني و خصوصا لما بنبقي في الكورنيش و الدنيا ضلمة 3- مع كرهي الشديد للمستشفيات...تخيلت ان البنج هو الديتول او الكلوركس اللي بينضفوا بيه جوه العيانين 4-ماما دايما كانت تقول اللي بيضحك في الضلمة العفريت يركبه....عفريت ايه بس....انا و اخويا كنا بنجيب الشموع و بعدين نعمل خيال ضل ع الحيطة و نفضل نضحك فيه...و مافيش اي عفاريت ركبتنا....غير....(عفركوش و شمهورش و الاشكيف... :lol: ) 5- بابا جاب الفوطة بتاعت الايدين و في حركة تثبيت اكتاف من اخويا....صاحب واجب طول عمله....نزل لي كل صف سناني القدامنين الملخلخين....علي اعتبار اني لازم الصبح اغني نشيد الصباح...."يا شمس يا شموسة خدي سنة الجاموسة...قصدي...العروسة)...و لازم احط السنان تحت المخدة و اصحي ارميهم في ام عين الشمس :blink: 6- و انا صغيرة كنت بحس ان كل حاجة بتكلمني.....يعني الدباديب....بنس الشعر...الشوزات....الفساتين....بس هي بيبقي ليها لغة خاصة بيها....مش لازم اردبس كنت عارفة انهم بيكلموني 7- كان لازم اغطي الدبدوب و ينام جنبي (و لغاية دلوقتي الحقيقة :rolleyes: )...و احيانا ممكن هو يتغطي و انا لا....مصدقة جدا انه ممكن يكون بردان و انا صغيرة لما كانت تيجي لقطة في التلفزيون ان الشباك يترزع....و الريح تبقي جامدة موووووت....البطلة بعديها تعيط...ابص لاخويا و في نفس واحد نقول يبقي "حامل" و انا صغيرة كنت متاكدة و مقتنعة جدا اني لازم اتجوز بابا....و بعدين ابقي اشوف اي حد تاني اتجوزه....بس بابا الاول و انا صغيرة ماما عشان ننام...كانت بتقول اللي مش هينام هيطلع نقار الخشب ينقره....الاوضة بتاعتنا كانت باركيه....انا و اخويا كنا نستني طول الليل نقار الخشب دوت....و احيانا نحط ليه حتة عيش من تهريبة ساندوتش و كده اتهيالي انه حاجة كده في حجم النعامة و مليانة ايدين.....و بعيدن مرة جه في التلفزيون...طلع حاجة مسخرة خالص استكملا لمسلسلات الرعب بتاعت تخويف الطفال الابرياء....في المدرسة كان عندنا ناظرة شديدة جدا اللي بيعمل حاجة غلط بتقوله هنحطك في اوضه الفيران و العيال اصحابي نقعد ندور هي فين هي فين....و رسينا يف الاخر انها تحت السلم....كنت مقتنعة تماما ان الفيران دي مبتخوفشي....مش فيه "جيري" اللي بيضرب توم ع قفاه....يبقي اكيد لو قعدنا في اوضة الفيران...هنلعب لعب.....بس عمري ما جربتها wst:: و انا صغيرة....كنت مقتنعة جدا ان اللي يقولي...."انا اعرف بابا و ماما"....يبقي فعلا يعرفهم....و اتعرضت للخطف....او محاولة يعني كده...و تقريبا المجرم الشرير...(اللي اكيد دلوقتي تاب و اناب الي الله...بعد ما اكلت ودانه من الرغي)....وقعه حظه التعس في اختياري كضحية....بس لما قالي الجملة السحرية....فعلا كنت مصدقاه كنت فاكره الدنيا كلها تعرف بابا و ماما...انتو متعرفهومش...(وش عيل واقف و حاطط ايديه في وسطه) و انا صغيرةكنت بحب اخد الحاجات بالشقلوب....لاني مكنتش فاهمة معني المعدول....يعني الزوجليقة من تحت لفوق...مش زي الاطفال الطبيعين....المخدات ع الارض و راسي ع الارض و رجلي ع السرير....طول عمري اقعد اخر الكلاس...مع انهم بيقولوا الشطار قدام محدش قالي ايه المعدول.....فالشقلوب كان بالنسبة ليا احلي....و تقريبا دي الحاجة اللي كملت معايا و انا صغيرة حياتي شفت الزحاليق بالشقلوب....و لما كبرت...حبيت حياتي برضه بالشقلوب و انا صغيرة.... و انا صغيرة و انا صغيرة حاجات كتير اخدناها معانا.....و فضلت جوانا.....و بنقول يا تري ولادنا هيبقوا بالعته ده....و لا هيبقي ليهم دنيا بطعم الفانيليا و سما بشقاوة الشيكولاته دامو.......احنا هنفضل طول عمرنا....."و انا صغيرة" مسااااكي......فرحة...عربية هامر,,,, لونها موف يا دامو....موف....انا خلاص قربت انتحر من الصياعة بتاعت العربيات اللي بشوفها فوتك بعافية

] السلام عليكم أرى أن البحث فى هذا الموضوع يشبه تماما " الحرث فى البحر " ، لسنا مؤهلين لغويا او تاريخيا او تخصصيا ان نؤكد او ننفى صحة المعلومات الواردة. وارى ان اجتزاء كلمة او كلمات للحكم على امر خطير كهذا ، يشبه تماما من يصر على ان القرآن امرنا بأن " ولاتقربوا الصلاة "

الفاضله / سلوى شكراً على اتاحه المساحه و الفرصه كل سنه و انت و الاسره الكريمه بخير دمت/ لنا جميعا الفاضل المحترم طائر الليل الحزين.. كل عام وانتم بخير... هى مجرد فضفضة فى معايشات يومية .. لكن؟؟ احيانا نرى نصف الكوب فارغ...وهو فى الحقيقة ممتلئ .. لكننا لاندرى .. لانشعر اننا افضل من غيرنا ( حاشا لله ) اقصد اقول ...وضعنا ليس سيئا كوضع آخرين لانشعر بهم لأنهم حتى مختبئون.... يختبئون..حياء...او يأس ...او ..لامبالاة... او .. ايمان تام ورضا يجعلهم يقبعون فى سكون.. و.... لأننا نحيا فى عالم تنتشر به روائح النعناع التى ....ينفر منها بعض الفئران...والجرذان.. لاندرى ..ان خوفنا من الغد ومم قد يحدث ...شئ مضحك .. مضحك فعلا ... الم ترى .....باكستان؟؟؟ الم ترى ....الفيضان؟؟؟ الم ترى ؟؟؟.....ملايين ضاعوا ..(( بعضهم بالموت غرقا...بعضهم بالموت جوعا...بعضهم بالموت مرضا )) لااله الا الله... رحمتك ياالهى تسع كل شئ سبحانك انى كنت من الظالمين.. يارب استرها معانا واكفينا شر المستخبى ..

العزيزة ايمان.. جميل جداا شعورك بالرحمة تجاه الناس ... حقيقة ... وكعهدى بنفسى ... سأحاول قدر استطاعتى توصيل شعورى واحاسيسى بعد قراءة كلماتك.. فى الحقيقة كانت مشاعر شتى .. لعلنى فجأة .... اكتشف اننا لانفكر بنفس الطريقة .. او .. لعلنى ازن الأمور بطريقة اخرى .. او .. لعلنى متفائلة بعض الشئ...وانظر دائما....ورائى . او... لعلنى رايت انك تضخمين الأمور ...او..ان هذه مشكلة شعب وحكومة ... وليست مشكلة افراد.. او .. لعلنى رايت...ان ...التكافل الاجتماعى مهم جدااا ... ولو كل فرد شعر بالتراحم لمن حوله.. لأكتملت المنظومة ... واعلم... أن القرآن يخاطب الناس عامةً (وهو الذي جعلكم خلائف الأرض ورفع بعضكم فوق بعض درجات ليبلوكم فيما أتاكم) (الأنعام 165) دى بقى حكمة ربنا ... كانت ...وستظل ... اما مسألة ان الناس تعانى (( وهم لديهم عملا يدر عليهم بعض الدخل حتى لو كان قليل )) فغيرهم ليس لديه عمل ولا يدخل بيته اى طعام الا ما يسد الرمق وهم كثر.. هؤلاء العمال حقيقة ...من يتناولون الخبز والفول والطعمية ...اسعد حالا من اناس تفترش الأرض وتلتحف السماء ... اسعد حالا ...من صياد ..يخرج ( على باب الله ) وان لم يصطاد حتى ..سمكتين...فسوف يظل اولاده باقى اليوم بدون طعام...طبعااااااا...لااكل ولابيع ولا غيره ...!!!! هذه حقيقة لازيف فيها ... هل تعاملتى ياأم مادا مع اطفال صغار ....يحصدون الفل....؟؟؟؟ هذه حقيقة ومعروفة جدااا ...بنات مصريات صغيرات جداا.. هل رايتى طفلة امنية عمرها ان تذهب للمدرسة؟؟؟ هذه المدرسة التى تتحدثين عن اطفالها وصعوبة الحصول على شنطة ..او كتب دراسية ؟؟؟...هذه الطفلة انا رأيتها تخدم ..فى بيت من بيوت الأثرياء المنتشرين فى ربوع الوطن الغالى ...ولا يستنكفون ان تخدمهم طفلة لم تبلغ حتى سن الادراك.. وتساءلت؟؟...كيف طاوع قلب الأب..وقلب الأم(( اكيد لاحول لها ولا قوة )) ان يرموا بابنتهم..وان تكون هذه الصغيرة مسئولة عن تربية باقى اخواتها ؟؟ هو فشل ...على كل المستويات لكن؟؟ لنعد الى موضوع المرض....والقلق....وضعف خدمة التأمين الصحى ..او ..من ليس لديه تأمين فى بلادنا.. فى كل العالم ..المستشفيات المجانية على مستوى عال من النظافة والجودة .. اذن .. كما قلنا .. دى مشكلة حكومة ولكن باستطاعة افراد حلها .... لو تعامل الجميع بضمير... يعنى مش معقول ....الطبيب يعامل المريض بلا اى اهتمام (( لمجرد انه بيقبض مرتب قليل )) الضمير لادخل له بالدخل... فاهمانى ؟؟؟ اقصد فاهمة اللى اقصده؟؟؟ لى ايام اتابع يومياااااااااا عمال المناجم ف شيلى .. تخيلى ؟؟؟ سبق لى وتحدثت عن هذا الموضوع..امامهم اكثر من ثلاث شهور ....تحت الأرض.. ده ان استطاعوا انقاذهم... مارايك ...فى عمل هؤلاء؟؟؟؟؟؟؟؟؟؟ هل هو شاق .......كعمل ....عمال المطبعة ؟؟؟ .الدنيا كدة ياصديقتى العزيزة .. الانسان دائما يرى آلآمه وآلآم من حوله على المستوى القريب....أبأس الآلام ولكن؟؟ ببعض الايمان والرضا...والنظر لمن هو فى وضع اصعب ... سوف نرضى جميعا عن حياتنا ونشكر الله صباحا ومساء .. ليرحمنا الله برحمته وليرضينا كل حسب حاجته.. وليتم نعمته علينا ويمنحنا صبرا جميلا ... دمت بكل الخير ....

لما يقف فى حلقك الكلام... ولما تنشف الدموع.. ولما يعجز اللسان عن التعبير. حتى أقرب الناس لينا مش عارفين نعبرلهم عن اللى بيحصل جوانا!!! يبقى إيه الحل يا سلوتى :closedeyes: على فكرة وحشتينى قوى أد السما و الأرض.. أد الهوا اللى بينهم.. وبرقة نسمة باردة تداعب وشك فى جو حر جدا

افتكرت حاجة دلوقتى يا قلبى الابيض يا ختى ممكن تبقى بسيطة وهبلة بس تعبر عن الواقع المرير برضو....اى والله عارفة انا كنت فى ابتدائى واعدادى فى مدارس راهبات......يعنى الانضباط يا امى ماقولكيش السير تبقى واقفالنا على باب الفصل وكلنا بنتكلم بزوق وادب وبصوت واطى ولو واحدة فينا تعدت الحدود يبقى تعاقب فورا الحاجة اللى انا عاوزا اقولك عليها هى انى افتكرت زمان لو فى يوم عجبتنى توكة وحطيتها فى شعرى وروحت المدرسة بيها.........يا وييييييلى لو التوكة مش لونها ابيض كان لازم التوكة يبقى لونها ابيض......لو الطالبة داخلة من الباب وشافتها المشرفة فى شعرها لون مختلف من سكات كده وهى ماشية بتلاقى ايد على شعرها..........بتسحب التوكة الشراب لونه كحلى شفاف ولازم يبقى كولون والاظافر مرتين اسبوعيا يبصوا عليها ولو طويلة 5 مل تاخدك على العيادة تقصهالك الشعر ممنوع يبقى سايب.....ولو اتسيب تلاقى برضو اللى جاية من وراكى وحطتلك توكة فى شعرك اوبنسة تلم بيها شعرك وفيه كمان تسريحات ماكانوش بيسمحولنا بيها الكلام بأدب وبذوق الاكل بدون صوت......وحتى ساعة الاكل........البريك يعنى كان فيه مشرفين انضبــــــــــاط تعالى بقى دلوقتى ورينى فين الانضباط ده..........ده انا بشوف بنات المدارس بحزن اللى بشعرهم كل واحدة عاملة تسريحة شكل وممكن تكون عاملاه عند الكوافير كمان والتوك اشكال والوان والمحجبات كل واحدة بايشارب لون واللى لابسة جيبة جينز بدل جيبة المدرسة.......اصلها مغسولة النهاردة واللى حاطة روج وتقولك دى زبدة كاكاو......واللى حاطة مكياج كامل والله بقعد اسال هو مافيش مشرفين؟؟؟؟.........طب مافيش مدرسين؟؟؟؟ طب فين ابلة الناظرة بتاعه زمان؟؟؟ ده انا روحت ثانوى فى مدرسة عادية والله العظيم لو كنا نتاخر خمس دقايق كنا ناخد طول النهار برا الفصل (حكم ذاتى يعنى) وكنا نلبس كرافتات ولو الكرافتة مش مربوطة تتهذقى والقميص لغايت اخر زرار مقفول(تعالى شوفى دلوققتى يا اختى) وكنا نلبس بنطلونات عشان مش كل واحدة تلبس جيبة الطول اللى هى عاوزاه دلوقتى مافيش الكلام ده انا تعبت........اصلى لو قعدت اكتب على سلبيات اللى فى اخلاقيات البنات والصبيان فى المدراس مش هنخلص بصراحة الله يرحم ايام زمان :closedeyes:

قبل الرد على حضرتك اود ان الفت النظر الى ان هذا النص محل الخلاف ليس هو الاشاره الوحيده على سيدنا محمد صلى الله عليه و سلم فى العهدين القديم و الجديد سواء تصريحا او وصفا و لا اقوها ايضا فهناك الكثير جدا من الاشارات الاخرى و التى لا تطال سيدنا محمد فقط بل ايضا مكه المكرمه ووصف للمسلمين انفسهم لكن هذا ليس وقته و لا مناسبته للحديث عن كل هذه البشارات و دعنى اقول لك اخى الكريم انك اصبت عندما اشرت الى ان الكلمه الاولى جمع للثانيه و لكنك اخطات السبب فالعبريه و العربيه شقائق ينحدروا الاثنان من نفس الاصل السامى و عليه فانهم يشتركون فى كثير من الخصائص و من ضمن هذه الخصائص استخدام الجمع للدلاله على التعظيم فالكلمه فى صيغه الجمع تعظيما لاسم الشخص و يكفى ان تاخذ الكلمه لاى موقع ترجمه محترم على النت و تدخلها فيه لترى انه سيتم ترجمتها الى كلمه محمد كما تكتب بالانجليزيه اصل المشكله هو ترجمه الاسم و هو امر غير جائز و الا لاستساغت فتاه اسمها امل فى مصر ان تنادى hope عندما تذهب الى امريكا مثلا الاسماء لا تترجم هذا ثابت و النص من بدايته يوضح بجلاء انه يتحدث عن شخص ما بدليل ان عباره كله مشتهيات التى يترجم لها الاسم زورا تختلف تمام الاختلاف فى الهجاء فى باقى الكتاب المقدس عن تلك الموجوده فى هذا الاصحاح فلماذا الاصرار على تسويتهما فى الترجمه رغم الاختلاف التام فى النطق و الكتابه ؟؟؟ اما بخصوص سفر نشيد الانشاد و الذى اعلم ما الذى ترمى اليه بحديثك عن الفاظه فنحن لسنا مطالبون بان نصدقه باكمله او نتركه باكمله فلا يمكن عند نقد النصوص ان نطبق قاعده take it or leave it لكن الصحيح هو محاوله رد النصوص الى اصولها مما يستتبعه ذلك من رفض لبعضها و قبول للبعض الاخر على طول رحله الاعاده و بالتالى ليست هناك مشكله ان يرفض نص باكمله ما عدا ايه او اثنين و العكس صحيح الاسم واضح و معنى الجمله لا يستقيم الا به و هى ليست البشاره الوحيده و لا الاقوى بل هى تدخل فى المجمل لكن للاسف هناك من يفضل الاخذ بالتفسيرات القسريه و الملتويه للاشياء عن الواضحه و المستقيمه لها متناسيا ان اقصر طريق بين نقطتين هو الخط المستقيم تحياتى

الاخت مغتربة clp:: ولي عودة ان شاء الله

الدليل الصحيح الذى يبرهن على صدق الاسلام!!!!! اعوذ بالله اخى الكريم و هل نحن فى حاجه للبرهنه على صدق الاسلام الاسلام نفسه حجه لنفسه بمنهاجه و اعجازيه كتابه و رسالته نحن لسنا فى حاجه للبرهنه عن صحه ديننا بهذه الطريقه و لكن انطلاقا من ايماننا المطلق بصحه ما اخبرنا به ديننا انطلقنا نبحث فى كتب الاوليين فلم نجد الا ما اخبرنا به الله و ليس العكس لنقيم الحجه على غيرنا و ليس لنقنع انفسنا هناك فرق و لو خلا الكتاب المقدس الحالى عن اى اشاره ما كان ليزيد او ينقص من ايماننا مقدار خردله استاذ محمد كلمه مشتهيات وردت فى الكتاب المقدس فى اكثر من موضع على سبيل المثال سفر نشيد الأنشاد 5: 16 حَلْقُهُ حَلاَوَةٌ وَكُلُّهُ مُشْتَهَيَاتٌ. هذَا حَبِيبِي، وَهذَا خَلِيلِي، يَا بَنَاتِ أُورُشَلِيمَ. 2) سفر إشعياء 44: 9 الَّذِينَ يُصَوِّرُونَ صَنَمًا كُلُّهُمْ بَاطِلٌ، وَمُشْتَهَيَاتُهُمْ لاَ تَنْفَعُ، وَشُهُودُهُمْ هِيَ. لاَ تُبْصِرُ وَلاَ تَعْرِفُ حَتَّى تَخْزَى. 3) سفر إشعياء 64: 11 بَيْتُ قُدْسِنَا وَجَمَالِنَا حَيْثُ سَبَّحَكَ آبَاؤُنَا، قَدْ صَارَ حَرِيقَ نَارٍ، وَكُلُّ مُشْتَهَيَاتِنَا صَارَتْ خَرَابًا. 4) سفر مراثي إرميا 1: 7 قَدْ ذَكَرَتْ أُورُشَلِيمُ فِي أَيَّامِ مَذَلَّتِهَا وَتَطَوُّحِهَا كُلَّ مُشْتَهَيَاتِهَا الَّتِي كَانَتْ فِي أَيَّامِ الْقِدَمِ. عِنْدَ سُقُوطِ شَعْبِهَا بِيَدِ الْعَدُوِّ وَلَيْسَ مَنْ يُسَاعِدُهَا. رَأَتْهَا الأَعْدَاءُ. ضَحِكُوا عَلَى هَلاَكِهَا. 5) سفر مراثي إرميا 1: 10 بَسَطَ الْعَدُوُّ يَدَهُ عَلَى كُلِّ مُشْتَهَيَاتِهَا، فَإِنَّهَا رَأَتِ الأُمَمَ دَخَلُوا مَقْدِسَهَا، الَّذِينَ أَمَرْتَ أَنْ لاَ يَدْخُلُوا فِي جَمَاعَتِكَ. 6) سفر مراثي إرميا 1: 11 كُلُّ شَعْبِهَا يَتَنَهَّدُونَ، يَطْلُبُونَ خُبْزًا. دَفَعُوا مُشْتَهَيَاتِهِمْ لِلأَكْلِ لأَجْلِ رَدِّ النَّفْسِ. «انْظُرْ يَارَبُّ وَتَطَلَّعْ لأَنِّي قَدْ صِرْتُ مُحْتَقَرَةً». 7) سفر مراثي إرميا 2: 4 مَدَّ قَوْسَهُ كَعَدُوٍّ. نَصَبَ يَمِينَهُ كَمُبْغِضٍ وَقَتَلَ كُلَّ مُشْتَهَيَاتِ الْعَيْنِ فِي خِبَاءِ بِنْتِ صِهْيَوْنَ. سَكَبَ كَنَارٍ غَيْظَهُ. 8) سفر هوشع 9: 16 أَفْرَايِمُ مَضْرُوبٌ. أَصْلُهُمْ قَدْ جَفَّ. لاَ يَصْنَعُونَ ثَمَرًا. وَإِنْ وَلَدُوا أُمِيتُ مُشْتَهَيَاتِ بُطُونِهِمْ». فى كل هذه المواضع ارجع للنص العبرى المرادف لها ستجدها كلها استخدمت ترتيب احرف اخر مغاير للموجود فى الفقره و هذا يدل على انه ليس المعنى المطلوب من الكلمه و ان المترجم عندما احتار فيها ترجمها الى اقرب معنى و هذا تحريف لانه كان الاحرى به ان يتركها كما هى معربا الاحرف فقط هذا على اعتبار انك قارنت بين الاسم العربى بين ان يبقى كما هو او بين ان يترجم لكن المشكله الحقيقيه ان الاسم بالعبرى و الترجمه العربيه له ليسوا ذو علاقه فهى ليست ترجمه حرفيه بل ترجمه تقريبيه و هى ما تطرح علامات الاستفهام حول السبب فى الاصرار على الترجمه فكلمه كله مشتهيات التى ترجمت لها الكلمه فى العربيه ليست هى المعنى الحرفى للكلمه يعنى بصوره اوضح جرب حضرتك ان تترجم عباره كله مشتهيات من العربيه او الانجليزيه حتى لمرادفها بالعبريه ستجد انها ستعطيك كلمه اخرى بحروف اخرىغير المستخدمه فى تلك السفرو هذا اصل المشكله عفوا لكن هذا الكلام يحتاج لاثبات منك اخى الكريم ان الكلمه بصيغتها الحاليه كانت تستخدم بهذا المعنى تحديدا و لهذا وجد علم نقد النصوص المقدسه ووجد علماء هذه مهمتهم و اذا لم يفلحوا فالرد الى التقريب لكن بالتاكيد هناك منهاج للبحث و هناك انجازات مهمه توصلوا لها اما السند القطعى فانت تعلم انه لا يوجد الا فى الاسلام و اذا استخدمناه معيار فلن نعترف باى ايه فى الكتاب المقدس كله و بالطبع هذا لا يصح و لكن بالطبع عند غياب السند القطعى ستتجه الى الاقل فالاقل مع مراعاه فروق القوه بالطبع ما انا قولت لحضرتك ان الترجمه العربيه للكلمه ليست هى المقياس لانها ليست دقيقه لكن انظر فى النص العبرى بتركيبته ثم قارن هل ستجد ان الجمله مستقيمه دون تقريب المعنى ام لا و هذا ما نقوله ايضا و لكن ما نقوم به هو اعتبارها فرضيه ثم نبحث عن صحتها من عدمه فاذا ثبت بالادله الراجه صحتها فلما نمارى فيها بعدها هذا هو بيت القصيد البحث اولا ثم الدفاع عنها ثانيا و ليس العكس و هذا ما تم تحياتى :roseop:

الأخت مغتربة : لقد كفيت وأوفيت والأخ الذي يحاورك أقول لك : ليس عنوان الموضوع الدلالات على نبوة رسول الله فى الكتاب المقدس لا بل أنا شاهدت الفيديو واستوثقت من الموضوع فقلت انقله وليس معناها اي مما ذكرت من انه نص غير ثابت يبقي لا نأخذ به وهو ليس مجالا لفتح حوار عقدي من اي نوع هي معلومة ونقلتها وخلاص اخذ بها من شاء ويرفضها من شاء سهلة جدا اهي

السلام عليكم ورحمه الله وبركاته قبل مااكتب مداخلتى استمعت الى الفيديو الذى اورده ...عن نفسى انا لااريد ان اتوقف عند هذه القضيه كثيرا هل ذكر اسم الرسول صلى الله عليه وسلم فى التوراه والانجيل ؟ طبعااااااااااااااااا مش بس اسمه وعلاماته ومكان هجرته وانه سوف ينتصر على من ناوئه من الكفار بس انهى توراه او انجيل ...عقيدتنا كمسلمين ان التوراه والانجيل الموجودان حاليا امتدت اليهما يد التحريف فأقصى ما يمكن ان نجد فيهما فهو اشاره بعيده لمحمد عليه الصلاه والسلام ...طبعا لا يتوقع احدنا ان نجد مثلا فيهما (سياتيكم نبى من العرب اسمه محمد فأتبعوه)طبعا مستحيل كان موجود مثل هذا واكثر ولكنه حرف بضم الحاء نعود للموضوع الاصلى نجد ان العباره محل الخلاف هى (حِكُّو مَمْتَقِيم وكُلُّه مَحَمَدِيم زِه دُودِي وْزِه رِيعِي بْنُوتْ يِرُوشَاليم) طيب ترجمتها ايه العربيه ايه حَلْقُهُ حَلاَوَةٌ وَكُلُّهُ مُشْتَهَيَاتٌ هذَا حَبِيبِي وَهذَا خَلِيلِي يَا بَنَاتِ أُورُشَلِيمَ، اما السياق فهو :لامرأه شابه تتغزل فى حبيبها وتقول انه جميل وحلو وزى العسل ليس فى العباره اى تبشير بقدوم او ببعث او بخروج نبى او رجل عظيم فكلمه محمديم المذكوره لها معنيين : الاول :هى جمع لكلمه مشتهى فتصبح مشتهيات الثانى :انها اسم لرجل عظيم تم جمع اسمه بغرض التعظيم لو تبنينا المعنى الثانى :يصبح عندنا المعنى الاتى ان فتاه تصف حبيبها وتقول ان حلقه وفمه ينطق بالجميل من الالفاظ وجميع صفاته تشبه صفات هذا الرجل العظيم الذى يسمى محمد الذى سيأتى بعد ذلك ربما يكون هذا المعنى ...ربما هنا استخدمنا التشبيه الذى هو احد اساليب المجاز الذى يستخدمه بكثره شراح الكتاب المقدس فى شرح معانى نشيد الانشاد انا لم اكن افضل التطرق للموضوع ولكن بعد ان اورد الزميل هذا الفيديو وجب على ابداء الراى وانقل مداخله اعجبتنى وفيها تفصيل اكثر : علمنا أن أصل كلمة (مُحَمَّد) في لسان العرب هو الفعل الماضي الثلاثي المجرد (حَمِدَ) ومضارعه (يَحْمَدُ). يقال: (حمده) على شجاعته (حمداً) أي: أثنى عليه وأطراه. (الحمد) غير (الشكر) لأن (الحمد) يستعمل لخلة / صفة في الممدوح وفيه معنى التعظيم للممدوح وخضوع للمادح. للفظ (حمد) مشتقات كثيرة منها: حامد ومحمود وأحمد وغيرها. بعد هذه المقدمة “العربية” أود الآن أن أعرض بعض ما يبوح به اللسان العبراني بهذا الخصوص بتوفيق الله. يوجد لفظ (حمد) كذلك في اللسان العبراني القديم بحروفه الثلاثة الحاء ח والميم מ والدال ד، ورسمه بالتشكيل هكذا: חָמַד ونطقه هكذا: حَمَدْ، كما وردت بعض مشتقات ذلك اللفظ المشترك بين العربية والعبرية في العهد القديم. أما لفظ (محمد) فقد ورد رسمه في نشيد الأنشاد، الإصحاح الخامس، العدد السادس عشر، بالشكل التالي: מַחֲמַדִים ونطقه كالتالي: مَحَمَدِيم، وذلك في السياق التالي: חִכּוֹ מַמְתַקִים וְכֻלּוֹ מַחֲמַדִיםזֶה דוֹדִי וְזֶה רֵעִי בְּנוֹת יְרוּשָׁלָיִם والذي يمكن التعبير عن منطوقه العبراني باستخدام الحروف العربية التالية بصورة قريبة جدا، وهي: حِكُّو مَمْتَقِيم وكُلُّه مَحَمَدِيم زِه دُودِي وْزِه رِيعِي بْنُوتْ يِرُوشَاليم أما ترجمته العربية الرسمية فهي كالتالي: حَلْقُهُ حَلاَوَةٌ وَكُلُّهُ مُشْتَهَيَاتٌ هذَا حَبِيبِي وَهذَا خَلِيلِي يَا بَنَاتِ أُورُشَلِيمَ حيث تم ترجمة كلمتنا محل البحث إلى لفظ (مشتهيات). أقول: هناك ثلاث إشكالات لسانية فيما يتعلق بدلالة لفظ מַחֲמַדִים على اسم النبي الخاتم صلوات الله عليه هي: الجمع والتشكيل والسياق، وفيما يلي أتناول كل واحدة منها بصورة سريعة. الإشكال الأول: الجمع تتكون كلمة מחמדים في الواقع من جزئين هما מחמד و ים، أما מחמד فهو لفظ مفرد، وأما ים فهي علامة الجمع المذكر. إذا كانت الكلمة تدل على نبي الهدى فكيف جاءت بصيغة الجمع؟ أقول: الجمع في اللسان العبراني القديم نوعان: جمع العدد وجمع الإجلال، ولا يمتنع عقلاً أن يكون الجمع هنا هو وجمع الإجلال Pluralis majestatis على غرار لفظ אֱלֺהִים والذي يترجم إلى God باللسان الإنجليزي أي إله وليس آلهة. الإشكال الثاني: التشكيل الشكل الرسمي لكلمة מחמדים كما هو مثبت في ال Biblia Hebraica Stuttgartensia المصدر الرسمي المعتمد في أكاديميات اللاهوت البروتستانتي هو: מַחֲמַדִים ومنطوقه هكذا: مَحَمَدِّيم وليس هكذا: مُحَمَّدِيم، فإذا كانت الكلمة تدل على نبي الهدى فكيف جاءت بتشكيل مختلف؟ أقول: العبرة إنما تكون أولا بالرسم ثم بعد ذلك بالشكل، أما الرسم فلا خلاف عليه أنه يتكون من حروف الميم מ والحاء ח والميم מ والدال ד، وأما التشكيل فليس حجةً دامغةً ما دام الرسم أقدم من الشكل، حيث يعود الرسم لآلاف مرت من السنين قبل عصر المسيح بينما يعود الشكل المتعارف عليه اليوم إلى القرن العاشر الميلادي فقط، أي أن تلك الجملة أخذت قبل القرن العاشر الميلادي الصورة التالية الخالية من التشكيل: חכו ממתקים וכלו מחמדיםזה דודי וזה רעי בנות ירושלים ومن غير الممتنع أن الكلمة كانت تلفظ في الأصل هكذا: مُحَمَّدِيم ثم جاء التشكيل القياسي masoretisch باللفظ الحالي: مَحَمَدِّيم لسبب أو لآخر. الإشكال الثالث: السياق لعل إشكالية السياق هي أقوى الإشكالات الثلاث، حيث يجري الكلام في ظاهره على لسان تلك الفتاة السمراء الجميلة المفعمة بثورة الأنوثة وهي تتغزل وتتمدح في عشيقها قائلة: حَلْقُهُ حَلاَوَةٌ وَكُلُّهُ مُشْتَهَيَاتٌ هذَا حَبِيبِي وَهذَا خَلِيلِي يَا بَنَاتِ أُورُشَلِيمَ، فإذا كانت الكلمة تدل على نبي الهدى فكيف جاءت في مثل هذا السياق؟ أقول: يؤمن كثير من أهل الكتاب بأن معاني سفر نشيد الأنشاد ليست حقيقية وإنما مجازية، وإلا يلزمهم وصف كتابهم بأنه كتاب إثارة وشهوة جنسية erotisch مثلا عند قراءة النصوص التالية: (1) (مَا أَجْمَلَ رِجْلَيْكِ بِالنَّعْلَيْنِ يَا بِنْتَ الْكَرِيمِ! دَوَائِرُ فَخْذَيْكِ مِثْلُ الْحَلِيِّ، صَنْعَةِ يَدَيْ صَنَّاعٍ. 2 سُرَّتُكِ كَأْسٌ مُدَوَّرَةٌ، لاَ يُعْوِزُهَا شَرَابٌ مَمْزُوجٌ. بَطْنُكِ صُبْرَةُ حِنْطَةٍ مُسَيَّجَةٌ بِالسَّوْسَنِ. 3 ثَدْيَاكِ كَخَشْفَتَيْنِ، تَوْأَمَيْ ظَبْيَةٍ. 4 عُنُقُكِ كَبُرْجٍ مِنْ عَاجٍ. عَيْنَاكِ كَالْبِرَكِ فِي حَشْبُونَ عِنْدَ بَابِ بَثِّ رَبِّيمَ. أَنْفُكِ كَبُرْجِ لُبْنَانَ النَّاظِرِ تُجَاهَ دِمَشْقَ. 5 رَأْسُكِ عَلَيْكِ مِثْلُ الْكَرْمَلِ، وَشَعْرُ رَأْسِكِ كَأُرْجُوَانٍ. مَلِكٌ قَدْ أُسِرَ بِالْخُصَلِ. 6 مَا أَجْمَلَكِ وَمَا أَحْلاَكِ أَيَّتُهَا الْحَبِيبَةُ بِاللَّذَّاتِ! 7 قَامَتُكِ هذِهِ شَبِيهَةٌ بِالنَّخْلَةِ، وَثَدْيَاكِ بِالْعَنَاقِيدِ. 8 قُلْتُ: «إِنِّي أَصْعَدُ إِلَى النَّخْلَةِ وَأُمْسِكُ بِعُذُوقِهَا». وَتَكُونُ ثَدْيَاكِ كَعَنَاقِيدِ الْكَرْمِ، وَرَائِحَةُ أَنْفِكِ كَالتُّفَّاحِ، 9 وَحَنَكُكِ كَأَجْوَدِ الْخَمْرِ) (نشيد الأنشاد 7 : 1 - 9)(2) (فَلَمَّا رَأَتْ أُخْتُهَا أُهُولِيبَةُ ذلِكَ أَفْسَدَتْ فِي عِشْقِهَا أَكْثَرَ مِنْهَا، وَفِي زِنَاهَا أَكْثَرَ مِنْ زِنَا أُخْتِهَا. 12 عَشِقَتْ بَنِي أَشُّورَ الْوُلاَةَ وَالشِّحَنَ الأَبْطَالَ اللاَّبِسِينَ أَفْخَرَ لِبَاسٍ، فُرْسَانًا رَاكِبِينَ الْخَيْلَ كُلُّهُمْ شُبَّانُ شَهْوَةٍ. 13 فَرَأَيْتُ أَنَّهَا قَدْ تَنَجَّسَتْ، وَلِكِلْتَيْهِمَا طَرِيقٌ وَاحِدَةٌ. 14 وَزَادَتْ زِنَاهَا. وَلَمَّا نَظَرَتْ إِلَى رِجَال مُصَوَّرِينَ عَلَى الْحَائِطِ، صُوَرُ الْكَلْدَانِيِّينَ مُصَوَّرَةًٍ بِمُغْرَةٍ، 15 مُنَطَّقِينَ بِمَنَاطِقَ عَلَى أَحْقَائِهِمْ، عَمَائِمُهُمْ مَسْدُولَةٌ عَلَى رُؤُوسِهِمْ. كُلُّهُمْ فِي الْمَنْظَرِ رُؤَسَاءُ مَرْكَبَاتٍ شِبْهُ بَنِي بَابِلَ الْكَلْدَانِيِّينَ أَرْضُ مِيلاَدِهِمْ، 16 عَشِقَتْهُمْ عِنْدَ لَمْحِ عَيْنَيْهَا إِيَّاهُمْ، وَأَرْسَلَتْ إِلَيْهِمْ رُسُلاً إِلَى أَرْضِ الْكَلْدَانِيِّينَ. 17 فَأَتَاهَا بَنُو بَابِلَ فِي مَضْجَعِ الْحُبِّ وَنَجَّسُوهَا بِزِنَاهُمْ، فَتَنَجَّسَتْ بِهِمْ، وجَفَتْهُمْ نَفْسُهَا. 18 وَكَشَفَتْ زِنَاهَا وَكَشَفَتْ عَوْرَتَهَا، فَجَفَتْهَا نَفْسِي، كَمَا جَفَتْ نَفْسِي أُخْتَهَا. 19 وَأَكْثَرَتْ زِنَاهَا بِذِكْرِهَا أَيَّامَ صِبَاهَا الَّتِي فِيهَا زَنَتْ بِأَرْضِ مِصْرَ. 20 وَعَشِقَتْ مَعْشُوقِيهِمِ الَّذِينَ لَحْمُهُمْ كَلَحْمِ الْحَمِيرِ وَمَنِيُّهُمْ كَمَنِيِّ الْخَيْلِ. 21 وَافْتَقَدْتِ رَذِيلَةَ صِبَاكِ بِزَغْزَغَةِ الْمِصْرِيِّينَ تَرَائِبَكِ لأَجْلِ ثَدْيِ صِبَاكِ) (حزقيال 23 : 11 - 21) إزاء تلك النصوص وغيرها يلجأ مفسرو وشرَّاح العهد القديم لأسلوب المجاز واصفين الزنا المذكور بسفر حزقيال مثلاً بأنه خيانة الرب!!! بنفس ذلك المنطق المجازي يمكن الزامهم بأن السياق محل بحثنا هو كذلك سياق مجازي، فالفتاة التي تترنم هي رمز لبني إسرائيل، وغزلها ما هو إلا شوقها الروحي لذلك المنتظر، أما المنتظر فما هو إلا نبي آخر الزمان الذي صرحت باسمه الذي يهفو قلبها ووجدانها لتعاليمه!!! أوليس هذا منطقهم؟ إذاً فليقبلوا ذلك الإلزام … أما إن كانوا لا يقولون بالمجاز ويتذرعون بالحقيقة فليتفضلوا عندئذً بشرح المعاني الحقيقية الواردة في النص أعلاه بسفر حزقيال وبيان علاقته بالإلهيات والقداسة والإيمان، وعندها سيكون لنا معهم حديثٌ غير هذا.

المشكلة الأصلية مع الطالبة تقريبا بسبب انها مرتضتش تطلع الكارنيه الأمن عمرهم ما بيكلموا حد لو طلع كارنيهه بهدوء فيه ناس بقي بتكتر في الكلام ، فطبعا مش بيسيبوهم

اخواتي هند و ام زايد و اللهي يا اخواتي انا بتكلم من اللي بشوفو بالعكس هما الأمن مش بيدققوا مع الستات اوي يعني مع الرجالة ، يسألوهم عن محل الأقامة و الشغل فين اما مع الستات ، يادوب تطلعي البطاقة و يبص فيها و ميكلمكيش تاني ، اما في ناس لمضة بأه ، و تشوف بطاقتي ليه ، فيستلقوا وعدهم بأه

سوري يعني مهلش هو حضرتك بتتكلمي عن ايه ؟؟؟؟ هيا عشان تدخل الجامعة تحضر محاضراتها ... المفروض تدخل منين !!!! يعني تدخل من البوابة ولا هتنزل بالباراشوت علي المدرج ثم ان هيا لو غلطانة وقليلة الأدب وفيها كل العبر ميدلوش ابدا الحق انه يضربها بالشلوت وبالعصاية ويشتمها ويعاملها بالاسلوب ده فيه نظام يحكمه ويحكمها .. لكن ده انسان همجي متخلف ميستحقش البدلة اللي هو لابسها واما نشوف وزارة الداخلية المبجلة هتعمل ايه معلهش اصل ردك بصراحة استفزني شوية المظاهرات ده اسلوب همجي ، في طرق قانونية الواحد يقدر ياخد بيه حقه للأسف الجامعة بتشجع السلوب الهمجي ده بدليل ان الظباط معندهمش اوامر يفرقوا المظاهرات دي ، يسيبوهم بس يزعقوا و يصرخوا براحتهم ، بس البنات هبل شوية افتكروا ان هما سايبنهم و مش قادرين عليهم ، يعني يقدروا يقلوا ادبهم علي باشوات الداخلية انا ضحكت لما لقيت الظابط بيدي البنت بالشلوت مش عارفة عدد الطلاب اللي اتظاهروا ، 800 ن رقم بيكشف حجم الفراغ و التفاهة اللي فيها الطلبة

هوه الأمن حيمنع ليه حد ان هوه يدخل الجامعة التفتيش الذاتي أظن انه تفتيش حقيبة اليد و بعدين الطالبات دول لو خدوهم بتهمة التجمع و اثارة الشغب ، وكل واحدة تاخدلها شهر حبس و يبقي في الفيش و التشبيهة بتاعها ان ليها سابقة و تفضل عانس طول عمرها عشان مفيش حد حيتجوز واحدة سوابق يبقي الظابط كرمها بالضربتين اللي خادتهم ، و اهو علقة تفوت ولا حد يموت

و هما ليه سايبين محاضراتهم وواقفين في المكان ده البنات المؤدبين حتي بين المحاضرات ممكن يذاكروا ، او يتناقشوا مع بعض في المواد اللي بيدرسوها أما حق صاحبتهم ، اذا كانت فعلا مش غلطانة ، فده مسئول عنه اهلها