لوحة القادة

تحياتي اولاً على هذا الموضوع , السؤال ده يا om zayd طرحته على نفسي من حوالى 8 شهور كده , وسألت نفسي هو انا مسلم بالبطاقة بس والا مسلم عن اقتناع بالإسلام, وقررت انى أفكر بالعقل والمنطق وسأروي لكى ما وصلت اليه في نقاط بسيطة محددة. - اولاً انا مقتنع تماماً وعقلي مقنع أيضاً ان لهذا الكون اله عظيم يدبره وهو الذي خلقنى من عدم وخلق الأشجار والانهار والبحار والارض والسماء , وكلمة "الاله" في اللغة هو ما يستحق أن يكون معبوداً وهو المنزه عن صفات البشر , طب كويس إذاً النار والبقر وغيرها من المخلوقات لايصح أن تكون اله, وكيف اعبد ما اتحكم فيه واستطيع قتله وأكله , لايعقل. - بدأت البحث في الأديان الثلاثة المعروفة لنا جميعاً , الإسلام والمسيحية واليهودية , فوجدت ان اله اليهود هو "الله" في التوراة هو إله خاص ببني إسرائيل فقط وليس إلهاً لجميع البشر . فبنو إسرائيل لم يعرفوا الإله الواحد إله الخلق أجمعين ، لقد عبدوا إلها قومياً خاصاً لا يقبل أحداً من الناس في عبادته سوى بني إسرائيل. تقول التوراة: "لا يدخل عمّوني ولا مؤابي في جماعة الرب حتى الجيل العاشر. لا يدخل منهم أحد في جماع الرب إلى الأبد"،وجاء في سفر الخروج يخاطب الله موسى بشأن فرعون:"ويقول له الرب إله العبرانيين "أرسلني إليك قائلاً أطلق شعبي ليعبدوني في البرية". ويدعي اليهود أنهم موحدون أي إن الإله عندهم هو إله واحد لكن طريقتهم في تثبيت واستكمال التوحيد في التوراة لم تكن بالطريقة المستحسنة، فكتبهم لا تشير إلى الإله الواحد إلا من خلال سيطرته على الآلهة الأخرى وتحطيمه لها. والوصية الأولى لا تشير إلى إله واحد كوني وأزلي، بل إلى إله إسرائيل وحدها:"أنا الرب إلهك…لا يكن لك آلهة أخرى تجاه" إستنتجت من هذا ان هذه الديانة لا تصح فكيف يكون الله لجماعة من البشر دون غيرهم فلماذا خلقنا الله إذاً؟؟؟؟ - ثم بدأت البحث لمعرفة الله في المسيحية والإسلام وهدانى الله الى منتدي رائع تتم فيه المناظرات بين المسلمين العاقلين والمسيحيين المستنيرين في جو محترم يكفل تكافيء الفرص ويمنع على الاعضاء المشاركة او التعقيب في صفحة المناظرة نفسها , وقرأت وتابعت هذا المنتدي لمدة تزيد عن 3 اشهر كاملة وكنت امسك الورقة والقلم وكأنى اذاكر وابحث عن صحة كل مشاركة يكتبها سواء المسلم او المسيحي , ومن المناظرات التى تابعتها " مناظرة حول ألوهية يسوع" , "هل فعلاً محمد صلي الله عليه وسلم نبي الله", "الإعجاز العلمي بين القرآن والكتاب المقدس" ... وغيرها الكثير , ووجدت في خلال هذه المناظرات ازياد اقتناعى التام بان الاسلام هو دين الله , ولو قلت لكى بدون مبالغة ودون ان يزعل منى اخوانى المسيحيين الذين احبهم واقدرهم ان 90% من هذه المناظرات انتهت بإسلام المناظر المسيحي وال 10% الآخري لم يستكمل فيها المناظر المسيحي المناظرة بدون سبب معلوم. - اقنتعت تماماً بعد حوالى 3 شهور من البحث والدراسة التفصيلية اننى على الحق وعلى الصراط المستقيم , وان الدين عند الله الإسلام. فالحمد لله الذي هدانا وما كنا لنهتدي لولا ان هدانا الله, والحمد لله على نعمة الإسلام وكفي بها نعمة. مع تحياتي

ايوة ماهى بتيجى عندى انا وبتخلص انما برة بتطلع زى الرز هههههههههههههه ماهو اصل فيه واحدة بنت حلال...بتدى ع المداخلة الواحدة كذا نيجاتيف ريبوتيشن تقريبا نص ال - ريبوتيشن اللى عندى منها شكرااااااا..يامدام هند وربنا يتقبل.... :) :)

شوفى بقى المشكلة لو بينهم بتتحل لصالح الصغير كل مرة كدا وكمان طريقة نرفزة الصغير ولما يتضايق اوى وهو بيشتكي ويدافع عن حقه يديكى وابل من الكلمات الغلط واللى مش مفهومة فانا فى وسط الخناقة برغم ان المظلوم فيها الكبير الاقيني بدافع عن الصغير وكمان احضنه وابوسه وادلعه واقوله - ما تزعليش يا نونا يا حلوة - يا قلب المامى - يا سكر المامى الاقى ابنى الكبير يقول يا رخم المامى يا غلس المامى :lol: :lol: ربنا يهدك واستريح منك ليه يارب اديتنى اخ انا مش عايزه مزهقنى اووووف :lol: :lol: وبكدا بابقى فرقت بينهم وابقى عارفة لكن مش قادرة اسيطر على نفسي واني حتى مرة واحدة انصف الكبير مش بايدي يا جماعة بجد مش عارفة اتصرف ازاى اقول لك على حاجة ومتزعليش منى ممكن يكون ابنك الكبير بيكرهك من جواه لانه فاكر دلوقتى انك مش بتحبيه حتى لو مش بيعبر عن كده دلوقت صدقينى مع اول فرصة حتلاقى بركان انفجر بقائمة اتهامات انكم عملتم وعملتم وممكن يخرج عن طوعك بعد كده لان المشكلة دى شفتها مع واحدة صحبتى وكنت باحذرها وكان ابنها ده بيصعب على لما كانوا يضحكوا للصغير الغلطان فى حين الكبير منزوى بيعيط بعد تهزأيهم ليه دلوقت هى وابوه اللى بيشتكوا ان ابنهم قاسى عليهم وحاسين انه بيكرهم الحقى نفسك دلوقت وصلحى قبل ماتندمى وتكونى انت ظلمتيه مرتين لما بحابى اخوه عليه ومرة اخرى انه يعصاك لو كفأتى كفئى الاتنين مع بعض وبرضه لو عاقبتى عاقبى الاتنين مع بعض وخصوصا الغلطان فى حاجة عاوزة اقلك عليها الولد لما حد يضحك له على كل اللى بيقوله حتى لو غلط بياخد الكلام ده مسلم به بعد كده ويعتبر نفسه صح بدليل ضحكم وتشيجعكم له يعنى هو مش غلطان وماينفعش بعد كده تضربيه او تزعقيله على نفس الشئ لما يكبر مش حيصدقك فى كتب ارشادية عن التربية الصحيحة و كيقية التصرف فى الحالات دى استعينى بها لو حابة ارشح لك اسماء بعض الكتب موجودة عندى واستفدت منها بس مش عارفة متوفرة عندكم ولا لأ وممكن اكتب لكم مواضيع من الكتاب عن تربية الاطفال امانة عليك ارحمى الولد الكبير حتى لو ضحكتى غصب عنك حاولى تخبى ضحكتك عن الاتنين ده عشانك انت فى الاول والاخر وعشان علاقة الاتنين ببعض تتحسن لانى باحس العيل المدلع ده بيبقى سوسة وممروع رغم صغر سنه بيوقع الكبير فى شر اعماله ويظهر انه ضحية ماقصدش ابنك عشان انا عارفة دماغك بس ده عموم الاطفال بيعملوه انا ربيت نفسى من جديد مع ولادى اتغيرت كتير عما كنت صغيرة والحمد لله اقدرت اكسبهم عكس جوزى خالص شديد معاهم ماهو ماينفعش احنا الاتنين كده وعيالنا يدورا على الحنية برة محتاجين اللى يكلمهم ويفضفضوا معاه ويستشيروه احسن مايلجأوا لزمايلهم اللى فى نفس خبرتهم ويمكن اقل اعذرينى انى طولت عليك بس فعلا بازعل اوى لما الاهل تبدى بعقوق اولادهم فى الصغر وبعد كده لما يحتاجوهم فى كبرهم يشتكوا عقوق ولادهم وينسوا هم عملوا فيهم ايه وهم صغيرين حتى من بداية اختيار امه او اسمه او تفريق فى المعاملة بينه وبين اخواته

انا اكيد معكم في المجموعه

مقال على السريع كده قولت مش معقولة ادخل عندكم وايدى فاضية تحياتى أكرم,, الاصنام الجديدة بقلم : د‏.‏ مصطفي محمود لكل زمن معبوداته واصنامه والهته‏..‏ في مصر في الزمن القديم كان رع وامون وحورس‏..‏ وفي الجزيره العربيه قبل الاسلام‏..‏ كانت اللات والعزي ومناه‏..‏ وفي فلسطين‏..‏ بعل‏..‏ ثم جاء زماننا وزمان الاستعمار ومعه طاغوت الراسماليه‏..‏ ثم جائت امريكا ومعها‏..‏ العولمه‏..‏ والنظام ا لعالمي الجديد‏..‏ واقتصاد السوق‏..‏ وصندوق النقد الدولي‏..‏ وهي الهه اخر الزمان واحدث ابداعات العقل الاستعماري للسيطره علي ثروات المنطقه وخيراتها‏..‏ هذه المره مصوغه في صياغات عقلانيه تناسب عصر الحداثه وزمان الكومبيوتر‏..‏ ولكنها نفس القوالب‏..‏ ونفس الاسباب التي يستهوون بها العقل‏..‏ ونفس المنطق الذي يلتمسون به الاقناع باستخدام مفردات العصر ورموزه يساعدهم في ذلك اعلام مفترس يدخل كل بيت وفضائيات تقتحم اي حدود بلا استئذان وصحف تعمل في خدمتهم ليل نهار‏.‏ وتري المثقف يضع ساقا علي ساق ويتحدث عن خفايا العولمه واسرارها ولا اسرار هناك فهي لا تعني سوي الامركه والسيطره الامريكيه في عصر التكتلات الكبري وانطواء الضعفاء تحت جناح الاقوياء وتاكل الارض التي يقفون عليها واسلامهم مقدراتهم للاله الامريكي الجديد‏..‏ وباللغه الصحفيه‏..‏ الراعي الامريكي‏..‏ نوع جديد من العبوديه في قالب مهذب ولطيف‏.‏ وقد شاهدنا كيف ثار العمال في سياتل علي هذه العبوديه الجديده وامطروا رجالها بالحجاره وكيف هدموا المعبد العولمي علي من فيه‏..‏ وكيف جائ هذا الرد فوريا وصاعقا‏..‏ وشاهدنا مظاهرات واشنطن منذ ايام وهتاف الفقراء باسقاط‏200‏ مليار دولار ديون‏41‏ دوله فقيره‏.‏ وما يحدث هو تخطيط امريكي شكلا ولكنه صهيوني حقيقه‏..‏ وما امريكا سوي الاداه الظاهره‏..‏ ولكن الايدي في داخل القفاز صهيونيه والفكر صهيوني‏.‏ والذين اقاموا هذا المعبد العولمي ووضعوا طقوسه وتراتيله هم اليهود الذين وضعوا هذا المصطلح‏(‏ النظام العالمي الجديد‏ هم اليهود‏(‏ عصابه روتشيلد‏)‏ وهم الذين صكوا هذا الاسم علي ظهر ورقه الدولار‏..‏ من قبل ان يعلنه بوش بعد غزو العراق‏..‏ وبوش نفسه احد رجالهم والتامر علي العالم مبيت من مئات السنين واذا قلبت ورقه الدولار الواحد علي ظهرها فسوف تري الهرم والعين الماسونيه وكلمه النظام العالمي الجديد باللاتينيه تحت قاعده الهرم والسياده علي العالم من خلال السيطره علي الاقتصاد والتحكم في خيرات الشعوب ونهب ثرواتها هو تخطيط قديم رسمه اليهود الكبار اصحاب البروتوكولات والمصطلحات الجديده مثل العولمه واقتصاد السوق وصندوق النقد الدولي والنظام العالمي الجديد هي اسماء الاوثان الجديده‏..‏ والاصنام التي سوف يحرق لها البخور وتقدم القرابين‏.‏ والقرابين هي الشعوب الفقيره في افريقيا واسيا‏..‏ وهم العمال والكادحون باللقمه في كل مكان‏.‏ والبند الثاني في البروتوكولات‏..‏ كان اغراق العالم في الفساد وشغل العبيد في شهواتهم حتي لا يفيقوا وحتي لا ينتبهوا الي ما يراد بهم وفضائيات اوروبا التي تذيع العمليه الجنسيه بتفاصيلها وتبثها بالصوت والصوره والالوان علي شباب العالم شاهد علي ما اقول‏.‏ وطوفان المخدرات وعصابات دعاره الاطفال‏..‏ وشبكات الانترنت التي تعرض الاطفال عرايا ليختار الزبون ما يريد‏..‏ والنوافذ المتخصصه التي يدخل اليها هواه العلاقات الجنسيه ليختار كل شاب الخليله التي تلائم مزاجه‏..‏ بما يشمل التليفونات والعناوين‏..‏ وضمان السريه والكتمان‏.‏ لقد جعلوا من العلم في اعلي صوره قوادا‏..‏ هكذا في فجور صريح‏.‏ هل هذه عولمه بمعني توحيد العالم والارتقائ به‏..‏ ام هي عولمه بهدف افساد العالم وتدميره؟ هل هي عولمه بمعني توعيه الشباب ام هي عولمه بمعني التامر عليه؟ انهم يقولون‏..‏ اننا نقدم كل شيئ‏..‏ الدعاره‏..‏ والتجاره‏..‏ والعلوم المتخصصه‏..‏ والفلسفه‏..‏ والسياسه‏..‏ والاخلاق‏..‏ حتي القران وتفسيره‏..‏ والاحاديث النبويه ورواتها‏..‏ حتي اذان الصلاه ومواعيدها‏..‏ فما ذنبنا اذا ترك الشباب كل هذه المائده العامره بالتقوي وبالعلوم الجاده‏..‏ واختار لنفسه سهرات الطبل والزمر والهلس‏..‏ انه فاسد بطبيعته‏..‏ وبدون الانترنت سوف يلجا الي هذه السهرات‏..‏ نحن لم نضلل هذا الشباب بل فضحناه‏.‏ وهو نفس منطق القائلين‏..‏ وهل اخطانا اننا وجدنا حمارا فركبناه‏..‏ وهل يصلح الحمار الا للركوب‏..‏ وهم بهذا ينكرون التخطيط الماكر من البدايه‏..‏ التخطيط لاستغلال الضعفاء..‏ ونصب الشراك والفخاخ للايقاع بالضحايا‏..‏ ان ما تبطن النفوس هو الموضوع‏..‏ والنوايا هي لباب الامر‏..‏ والله من اجل هذه النوايا خلق الجنه والجحيم‏..‏ ولن يستطيع احد ان يخدع الخالق الذي خلق الدنيا ومفاتنها لاختبار القلوب وبواطنها‏.‏ اننا لا ننكر انهم اذكياء وربما عباقره‏..‏ وكذلك الابالسه لهم ذكاوهم‏..‏ ولكن اي ذكائ هو؟‏!!..‏ انه ذكاء شرير‏..‏ ولن يستطيع احد في النهايه ان يمكر برب الكون وخالقه العليم بالخفايا والنوايا والبواطن الذي احاط بكل شيئ رحمه وعلما‏..‏ والقيامه والحساب موعدهم‏..‏ ولهم يوم لن يخلفوه وحقيقه الامر انهم لا يومنون باخره ولا بقيامه ولا باله خالق عليم قدير‏..‏ ولهذا اقاموا انفسهم الهه وحكاما وخططوا للسياده علي الكون ونهب ثرواته وافساد شبابه‏.‏ ورسموا وخططوا كل شيئ بعنايه ومهاره واختاروا اغني واقوي دوله لتكون ظهيرهم‏..‏ ورسموا علي الصين لتكون حليفا احتياطيا‏..‏ وسربوا اليها بعض الاسرار واحتجت امريكا وهددت وتوعدت وسجنت الجاسوس بولار الذي سرب الاسرار الي الصين‏..‏ ولم تطلقه الي الان رغم الشفاعات والضغوط والوساطات وعادت اسرائيل تغازل الصين بصفقه طائرات الاواكس وعادت امريكا للتحذير‏.‏ ومن الواضح ان اسرائيل تريد ان تضم الكبار لصفها وان تضمن لنفسها مصادر متعدده للقوه‏.‏ ومن الواضح ان لها اطماعا ولها تخطيطا بعيدا وانها ترسم للسياده علي العالم بالفعل‏.‏ فهل تنجح‏..‏؟‏!!‏ انها روايه خطيره سوف نشهد فصولها من كراسي اعلي التياترو مع رواد الدرجه الثالثه من الشعوب الفقيره‏.‏ ومعنا كل الشعوب الناميه ومعنا كل الدول الكبري شهود هذه الروايه العظمي في تجمع تاريخي لم يحدث من قبل في اكبر عرض لاحداث نهايه الصراع الذي بداته اسرائيل منذ قرون‏..‏ كيف يتطور‏..‏ وكيف ينتهي‏..‏ واي نهايه سوف يختارها الله لهذا الصراع الدامي؟‏!!‏ ومن سيكون ابطاله ومن سيكون وقوده‏..‏؟‏!!‏ اخيرا‏..‏ سوف تاتي الاجابه وسوف نعرف كل شيئ‏..‏ ________

مش بيقولوا نطبق القانون؟ طب ليه ما اتطبقش على قنوات تانية بتجيب برامج شبه تحريضية ، وبتستضيف دجالي الماكروبيوتيك ، وبيحاولوا التشكيك في القضاء ، وبيخالفوا مواد صريحة في الميثاق اللي بيقولوا عليه؟ والأمثلة كتير وانتم عارفينها ، افتحوا النايل سات وانتوا تشوفوا.. خلص الكلام

انا مش عارفه والله ارد على حضرتك اقولك ايه بس بيتهيالى جيلنا ده مش زى وقت حضرتك ممكن يكون نفع الاسلوب ده زمان معاكم بس دلوقتى مش هينفع لان اى مدرس هيستخدم الاسلوب ده مع طالب او طالب هيخلى حد منهم يتجرئ عليه سواء بكلام او برد فعل وده فعلا بيحصل دلوقتى وانا دلوقتى وصلت لثالثه اعدادى وعمرى ما قبلت ان مدرس يمد ايده عليا او يقولى كلمه ممكن يتخذ معايا اى اجراء ده لو انا عملت حاجه وحشه بس من غير ما يتكلم معايا او يوجهلى اى اهانه قدام حد وبعدين هو لما مدرس هيغلط فى واحد ممكن ينسى ويعديها انما لو اتخد معاه اجراء استداعاء وفصل لمده ممكن ده ياثر ف سلوكه لانه بعد كدا هيفكر هو بيعمل ايه ومش هيصدر منه نفس الغلط،،،ثم ان النظام اللى حضرتك بتقولى عليه ده اكييييد انه هياثر سالب مع اى طالب لان المفروض ان المدرس بيساعده يبنى شخصيته فلو هو عمل كدا هيطلع ايه غير واحد جبان وثقته فى نفسه مهزوزه وشكاك ويبقى فيه العبر وعمره ما هيفيد حد ده غير ان المجتمع هيبقى مليان عنف وكرهه اكتر ما هو موجود حاليا وانا عن نفسى والله لو طلعت مدرسه اكيد هحاول استفيد خبرات بس مش زى بتاعة حضرتك

دعــوة لكل اب وام الحقيقة انني فكرت فى هذا الموضوع بعدما لاحظت ان الظلم كله من الاب والام على الطفل الكبير فى انه يتحامل على نفسه - فى انه كبير كبير وكانه عمره 25 وهو ليس الا طفل ايضا فهو لم يبلغ سن الـ 7 - 8 - 9 - 10 والمغالاه فى تدليل الابن الاصغر والفرحة بنطقه الكلمات باعوجاج والتهليل لاى موقف يحدث منه او ردة فعل مع عدم مراعاه مشاعر اخيه الاكبر - وما يترتب على ذلك من غيرة او استفهامات او سلوك عدوانى او تفسيره بان تدليل الاب والام للاخ الاصغر لانهم يحبونه اكثر الصدمة تصاحب الابن الاكبر فور ظهور اخيه الاصغر على الساحة بعد كل هذه الفرحة به لانه اول فرحة واول مولود والكثير من اهتمام الاسرة بل و من جميع العائلة يتحول فى ليلة الى الاهمال ثم الاهمال ثم توجيه اللوم عليه لانه الاكبر ويجب ان يتحمل ويتحمل هذه صدمة حقيقية وتحفز على السلوك العدوانى لديه ليجعلهما دائمي الشجار ما جعلنى افكر بهذه لطريقة هو اصرار ابنى الاكبر - 8.5 على انى احب اخيه الاصغر 4.5 ولا يسمع منى اى تبريرات بل يصل الامر انى اقبل اخيه الاصغر كثيرا وادلله وانسي تماما ابني الكبير وانسي ايضا انه طفل ويحتاج الى الحنان والتدليل فهو بعد مازال طفل اريد مشاركات وتدريبات فى التعامل لاننى ادلل الاصغير بشكل مبالغ فيه و هذه هى الحقيقة اغابي

وعليكم السلام و رحمة الله و بركاته أكيد طبعا أخترت دينى أنا أتولدت مسلم ... بس وصلت لسن أقدر من خلاله أختار اذا كنت هكمل مسلم وللا هغير يعنى أقدر ببساطة أجيب التوراة والانجيل والقرآن وأختار اللى انا عايزة أقدر أقرأ فى البوذية والبهائية .... الخ وبردوا أختار اللى عايزة ... يبقى فى النهاية أنا أخترت دينى تحياتى

الفاضل / psychologyteacher دعنى أتحدث عن نفسى يضيرنى انها : 1- إنسانة 2- مصرية لايهمنى بماذا تدين فهذا بينها وبين خالقها ولكننى سأعترض إذا إحتجزتها سلطات أمن الدولة أو البوليس بدون جريمة إرتكبتها إذا إحتجزها زوجها بالمنزل عقابا لها على شيئ إقترفته إذا إحتجزها خاطف مطالبا بفدية اى كان نوعها إذا إحتجزعها أى جهة دينية تحت أى مسمى ( غسيل مخ أو إعادة التأهيل النفسى ) فهذان التعبيران سمعتهما بنفسى الاول من أحد القساوسة فى قصة كاميليا ، والثانية من عدة سنوات فى قصة شاب اسمه مينا كان يشتكى من احتجازه فى " الدير " فتم الرد عليه انها لاعادة تأهيله نفسيا وغسيل مخه من الغسيل الذى تم له. فكرة الاعتراض على قيام الكنيسة ( معتبرة نفسها سلطة ) باحتجاز أشخاص. وأسألك سؤال صريح ، ماذا لو قامت اى جهة دينية إسلامية باحتجاز ( السيدة وفاء او السيدة كاميليا او الشاب مينا أو غيرهم ) لحمايتهم من ( السلطة الكنسية ) حتى لاتقوم الاخيرة بغسيل مخهم كما اوضح ذلك أحد القساوسة؟ ماذا ستسمى ذلك؟ أستاذ / psychologyteacher منذ سنوات قام أحد أولياء الأمور بعد ان اصابته حالة من الهياج داخل مدرسة ابنه ، قام بتكسير بعض الاثاث والزجاج داخل المدرسة ( مدرسة حكومية )، فأصدرت مديرة المدرسة أمرا للحارس بغلق البوابة الرئيسية للمدرسة وقامت بالاتصال بالبوليس ، وانتهت القضية بتقديم مديرة المدرسة للمحاكمة بتهمة إحتجاز اشخاص دو ان تكون مخولة بذلك . الموضوع ببساطة انه لايحق لشخص او لجهة ما ان تقوم باحتجاز اشخاص دون سند من القانون أنه لايحق لشخص او جهة ما ان تؤثر على شخص ما لتغيير عقيدته وقناعاته الدينية بغير القول الحسن ناهيك عما نراه من ضغوط نفسيه وارهابية وترغيبية تتنافى مع مبدأ حرية العقيدة التى اقرها العالم واقرتها الأمم المتحدة . يتساوى فى ذلك المسلم مع المسيحى مع اليهودى مع البوذى والهندوسى. الموضوع لايحتاج منا ومن رجال الدين الا ان نكون متفتحين ونعيش عصرنا ( Open minded )

أختلف معك في السطر الأول ولو الحكم قابض يبقي كل دول قابضين, عاوزين نتكلم بموضوعية وبدون اهواء او تحيز للفريق الذي تشجعه, والفيديو ده بسجل اعتراضي على الاغنية بتاعته وبعض اللقطات اللى فيه الخارجة عن أخطاء التحكيم ( زي لقطة الراحل محمد عبد الوهاب ورمز الأهلى حسن حمدي ), لكن ركزوا فيه على أخطاء التحكيم لصالح الأهلى وفقط. http://www.youtube.com/watch?v=uUj1eBy0YX4 http://www.youtube.com/watch?v=Mj5Lnxs9IYc اتفق معاك في السطر الثاني قلباً وقالباً. مع تحياتي

من أزبل الشخصيات السياسية اللي ممكن تقابلها أو تستمع غليها في حياتك ... وكداب كدب العِرسه اللي بتسرق الكتاكيت أنا في إعتقادي وده مبدأ عندي إن أي شخصية بتبحث عن ألقاب فارغه ... بتبقى شخصية فاضية من جوه زي أخينا مصطفي التُربي أو الفقي ده اللي بيقول لك : ما تقولوش عليه سياسي .. لكن قولوا لي يا مُفكر !!!!!!!!! كإنه هو الوحيد اللي بيفكر أما إحنا فبناكل مشابك الغسيل .. جتك نيله يا مُزور يا للي داخل مجلس الشعب بفضيحة على إيد الإنسانة المحترمة المستئارة " نهى الزيني " اللي فضحتك فضيحة اللحمه وهي معروضه عريانه في السوق والناس ما بتقربلهاش عشان معديه الـ 70 جنيه بُصوا التُربي قايل إيه وسلوا نفسكم

ولا تزعل نفسك يا أ.ممدوح , احنا في الخدمة http://www.youtube.com/watch?v=iLZibyjI_jM مع تحياتي

اضيفى الى هذه القائمه ...المهندسه بالرغم من انى لست متضرره من النقاط الحمرا ولكن ارى انها ليس لها معنى...غير منطقى ان اعطى نقطه بالسالب و انقص من رصيد عضو لمجرد اختلافى معاه فى الرأى او الدين مثلما حدث مع بعض الاعضاء. النقاط الحمرا تولد البغضاء بيننا البعض ..فأرجو الغائها

اهدي كده بس يا ميدو يا اخويا نتكلم الصراحة الأول ونقول ان الاهلى لم يؤدي ما يؤهله للفوز , اداء عقيم وتغييرات خاطئة وشدة اعصاب من لاعبين المفترض انهم اصحاب خبرات عالية ولا ينساقون وراء اى مهاترات وان يكونوا اهدي مما كانوا عليه امس, كان من المفترض ان يركزوا في لعب الكورة وفقط وليس في التشويح والاحتجاح على اى كورة حتى ولو كانت صحيحة, والأهلى اضاع التأهل من هنا في القاهرة بعد ان اضاع كل الفرص التى كانت تجعله يلعب لقاء العودة وهو مستريح واهدي مما كان عليه. نيجي بقي للتحكيم فمعروف ان التحكيم يوم لك ويوم عليك , ولماذا تعترضون على هدف الترجي وتناسيتم هدف فضل في القاهرة , فكلاهما لمسة يد ومتعمدة وكلاهما اسفرت عن هدف , ولماذا نتهم هذا الحكم بالمجاملة ولم نتهم حكم مباراة الارجنتين في كاس العالم عندما احرز مارادونا هدفه ايضاً من لمسة يد وفازت الارجنتين بكأس العالم, ولعل بالامس القريب نتذكر هدف هينري باليد والذي صعد بفرنسا الى كاس العالم بجنوب افريقيا 2010. ولماذا نتكلم على التحكيم الافريقي ونسينا التحكيم المصري في لقاء انبي عندما الغى محمود سمير عثمان هدفين صحيحين 100% , وخرج علينا الاعلام ليقول ان الحكم بشر وهو معرض للخطأ , ولم ننسي خطأ جمال الغندور القاتل الذي حرم اسبانيا من الفوز على المنخب الايطالي بكأس العالم في كوريا واليابان وفي كأس العالم احرزت اهداف كثيرة ولم تحتسب رغم ان الكرة تعدت خط المرمي بمراحل. يعني بلاش نعلق سوء الاداء على شماعة التحكيم , ولو ان الحكام الافارقة محتاملين علينا ما كان فاز الاهلى ب 6 بطولات دوري ابطال ولم تفز مصر ب 3 بطولات افريقية متتالية. لابد ان نعترف ان الاهلى مستواه سيئ وكذلك الزمالك والدوري المصري يلعب اسبوع ويتوقف 10 وهذا كله تسبب فيما حدث للمنتخب القومي وانهيار مستواه لدرجة اننا هزمنا من فريق ليس له وجود على الساحة الكروية ولم نسمع عنه من قبل يسمي النيجر. لابد من دق ناقوس الخطر لان الايام القادمة ستكون صعبة على الكورة المصرية بوجه عام, وهارد لك للأهلى وبالتوفيق في بطولات اخري قادمة ولكن نريد ان نراه كما تعودنا فوز باستحقاق ولعب رجولى حتى اخر دقيقة ( غابت روح الفانلة الحمراء فغابت الإنتصارات ). مع تحياتي

ما حدث ليلة البارحة ,,,,اكبر مهزلة كروية في التاريخ........................ والاغرب الفرحة العارمة لدى مناصرين الترجي!!!!!!!!!!!!!!!!!!!!!!!!!!! كرة القدم تكاد تلفظ انفاسها الاخيرة فقد اصبحت سيركا سيء التمثيل

انا معاكم وبتمني الادارة ان تشيل التقييم ده

لورد والله يا استاذ سين سين ضحكت كتير اوووي علي السطرين لانهم اللي كانوا في بالي اول ما قريت الموضوع وما بقتش عارف ارد ازاي علي مدام بوسي علشان ما تزعلش مني بس يا مدام بوسي اسمعي كلام استاذ سين سين وابتسمي للحياة وانا شايف ان السمكة اللي في الحوض مش هتفرق حاجة عن البوري والبلطي واللي بناكله ده علي كده الاستاذ بندق شرس جدا لما يشمر عن ساعديه ويعمل كذا وصفة لسمكة واحدة غلبانة ويحرك امعاءنا المسكينة جوعا وشوقا ده حتي العيد واكم من الخرفان هتتدبح وسط تهليل وفرحة اولاد صغيرين حضرتك حساسة زيادة عن اللزوم وده مش كويس خالص لحالتك المزاجية وعلشان اريحك واتعاطف معاكي ان كل ما اشوف حوض سمك ولا قفص عصافير اقول البني ادم ده مفتري مفتري وصدقت جملة فيلم ماتركس البشر سرطان هذا الكوكب ... علشان نجيب حيوانات ولا اسماك لمجرد الزينة شوفي بقي لما نحكم عليهم بتأبيدة علشان بس شكلهم بيعجبنا ... سيبك انتي النهاردة لازم تاكلي اكلة بحري تمام تشكيلة كده وما يصعبش عليكي غالي :)

تأجيل موعد اجراء القرعة العلنية للقرعة السادسة حسب الاعلان بموقع الهيئة تنويـــــــة تقرر تأجيل القرعة العلنية لاراضى الهيئة السكنية. و المقرر أجرائها يوم الاحد الموافق 17/10/2010 والاثنين الموافق 18/10/2010 وسيتم الاعلان عن الموعد المقرر تحديده خلال فترة وجيزة . مع تحيات هيئة المجتمعات العمرانية الجديدة

دي زفة الحجاج للحاجة نعمة محمد القناوية يا ozoozo يا أخويا وده رابط تحميلها , ربنا يوعدنا جميعاً وخاصة انتى يا shiko /?mdvmwyiim4q او http://www.4shared.c...8/__online.html مع تحياتي

قـائمــة الاعضــاء الاحــرار -------------------------- ضحـــــى اغابــــي تيمــــور هنــد على ديـــــاب خالد المسلم مصرية متغربة نايت مــــار زوهـــــــيري ------------- مين ينضم للتصويت الاعتراض حق من حقوق الاعضاء -------------------------- اغابي

الله عليك يا عمر يا سيد يعطييييك اللللف عافية

الحلقة دي خدت تريقة للصبح وأحلي حاجة جايبين مرضعة كليوبترا عشان تتكلم عن الفيس بوك اللي 99 % من مشتركيه من الشباب وبعدين المذيعة عمرها ما دخلت عليه بس قرفانه منه والدليل قالوله :happy:

الحديث السابع ................. عن حمران مولى عثمان بن عفان رضى الله عنهما (انه رأى عثمان دعا بوضوء فافرغ على يديه من اناءه فغسلهما ثلاث مرات ثم ادخل يمينه فى الوضوء ثم تمضمض واستنشق واستنثر ويديه الى المرفقين ثم مسح برأسه ثم غسل كلتا رجليه ثلاثا ثم قال:رايت النبى صلى الله عليه وسلم توضأنحو وضوئى هذا وقال :من توضأنحو وضوئى هذا ثم صلى ركعتين لايحدث فيهما نفسه غفر له ماتقدم من ذنبه) الاستنشاق :دخول الماء فى الانف باليد اليمنى الاستنثار :خروج الماء من الانف باليد اليسرى مايؤخذ من الحديث .................... (1)مشروعية غسل اليدين ثلاثا قبل ادخالهما فى ماء الوضوء (2)التيامن فى تناول ماء الوضوء لغسل الاعضاء (3)مشروعية التمضمض والاستنشاق والاستنثار على هذا الترتيب وحكمهم واجب (4)غسل الوجه ثلاثا من منابت الشعر الى الذقن طولا ومن الاذن الى الاذن عرضا (5)غسل اليدين مع المرفقين ثلاثا (6)مسح الرأس مرة واحدة يقبل بيديه عليه ثم يدبر بهما (7)غسل الرجلين مع الكعبين ثلاثا (8)وجوب الترتيب بين الاعضاء (9)ان هذه الصفة هى صفة وضوء النبى صلى الله عليه وسلم الكاملة (10)مشروعية الصلاة بعد الوضوء (11)ان سبب تمام الصلاة وكمالها حضور القلب بين يدى الله تعالى وفيه الترغيب بالاخلاص والتحذير من عدم قبولها ممن لهى فيها بأمور الدنيا ومن طرأت عليه الخواطر الدنيوية وهو فى الصلاة فطردها يرجى له حصول هذا الثواب (12)فضيلة الوضوء الكامل وانه سبب لغفران الذنوب (13)الثواب الموعود به يترتب على مجموع الامرين وهما الوضوء على النحو المذكور وصلاة ركعتين بعده وقد خص العلماء الذى هنا بصغائر الذنوب اما الكبائر فلابد لها من التوبة منها قال تعالى(ان تجتنبوا كبائر ماتنهون عنه نكفر عنكم سيئاتكم)(النساء:31)

السلام عليكم وَبَيْنَهُمَا حِجَابٌ ۚ وَعَلَى الْأَعْرَافِ رِجَالٌ يَعْرِفُونَ كُلًّا بِسِيمَاهُمْ ۚ وَنَادَوْا أَصْحَابَ الْجَنَّةِ أَن سَلَامٌ عَلَيْكُمْ ۚ لَمْ يَدْخُلُوهَا وَهُمْ يَطْمَعُونَ ﴿٤٦﴾ وَإِذَا صُرِفَتْ أَبْصَارُهُمْ تِلْقَاءَ أَصْحَابِ النَّارِ قَالُوا رَبَّنَا لَا تَجْعَلْنَا مَعَ الْقَوْمِ الظَّالِمِينَ ﴿٤٧﴾ سورة الاعراف أذكر نفسي و أذكركم بأصحاب الأعراف كم هو عصيب هذا الموقف أن تستوي الحسنات و السيئات .. الجنة أمامهم لا يملكون لها دخولا النار متأججة أمامهم يسمعونها تزأر "هل من مزيد" ؟ يتنازعهم الخوف و الرجاء أي ندم يحسه الإنسان ساعتها؟! حسنة واحدة كانت تعفيه من هذا .. تجنب سيئة واحدة كان يغنيه عن هذا آه لو تذكرنا هذ الموقف ,, لما استحقرنا ذنبا و لا استثقلنا خيرا اللهم أعنا على ذكرك و شكرك و حسن عبادتك اللهم إنا نسألك رضاك والجنة، ونعوذ بك من سخطك والنار اللهم إنا نسألك الجنة وما قرب إليها من قول وعمل، ونعوذ بك من النار وما قرب إليها من قول وعمل اللهم إنك عفو تحب العفو فاعفُ عنا. اللهم إنا نسألك العفو والعافية في الدين والدنيا والآخرة. اللهم إنا نسألك العفو والعافية في ديننا ودنيانا، وأهلينا وأموالنا ربنا اغفر لنا ولوالدينا وللمؤمنين يوم يقوم الحساب

مصطفى الفقى لغز كبير محيرنى جدا الرجل دة كنت قبل سنه 2000 لما اشوفه فى التليفزيون كان لازم اسمع كلامه واحس انى بتعلم فعلا وكان بيقول كلام محترم و عقلانى جدا من ساعة ما تعين مستشار للرئيس بدا يحدف شمال شويه لما نفضولوة فى الرئاسه والمناصب الاخرى وهو حاليا خالى شغل حاسس انه مش حدف شمال دة لبس فى الحيطة ودشش ام العربيه حاليا يقول كلام غريب جدا ومحاولات مستميته منه لتجميل النظام السياسيى مش قادر يصدق انه اتالش من وظيفته اول امبارح كان فى حوار له على قناة الفضائيه المصريه بيتكلم عن مجلس الشعب لما سمعته قلت لعن الله السياسه والساسه الى ممكن تغير الناس بالشكل دة وبالمناسبه نفس الكلام ينطبق على على الدين هلال -- ومفيد شهاب الى يفرقهم عنه انهم لسه فى وظائفهم

أنا اللى حقيقى مبسوط جدا لأن مداخلة الذكريات - التى كنت أعتقد أنها تسعدنى أنا فقط - قد أسعدتك ، وتقبلها الأخ الفاضل "أوزوزو" والأخت الفاضلة "مصرية متغربة" بقبول حسن وعبرا عن ذلك بالتقييم الإيجابى للمداخلة كانت لى عمة أحببتها كثيرا .. وكانت تحج تقريبا كل سنتين .. فى السنوات التى لم تكن تحج فيها كانت تقود جلسات "التحنين" .. كان صوتها جميلا وأداؤها رائعا .. كانت "تحنن" والدموع تجرى على خديها .. أحببت جدا أن أستمع إليها وهى "تحنن" بأغنية أحمد عبد القادر "إمتى نعودلك يانبى" .. عارفة أحمد عبد القادر ؟ .. هو صاحب إحدى أشهر أغنيتين من أغانى رمضان .. أغنية "وحوى ياحوى .. رحت ياشعبان .. جيت يارمضان .. وحوينا الدار" .. الأخرى طبعا هى أغنية عبد المطلب "رمضان جانا وفرحنابه" .. كانت الأغنية تملأ البيت بشكل مستديم من خلال الجرامفون عندما يتوقف "التحنين" وتنصرف السيدات .. كانت كل سيدة تقول كوبليه والباقى يردوا عليها .. وكانت عمتى الله يرحمها هى من تبدأ دائما بمطلع الأغنية الذى يقول : إمتى نعـود لك يـانبى ونمتع الأنظـار والفرح يرجع يانبى والطبل والمزمار لو تحبى تسمعى .. اتفضلى : إمتى نعود لك يا نبي.mp3متى نعود لك يا نبي.mp3] فى إحدى مرات حجها ذهبت مع والدى يرحمه الله - الذى كان يصغرها سنا - لوداعها فى السويس حيث كان الحج أيامها بالباخرة .. وكذلك ذهبت لاستقبالها هناك .. كان السفر من الاسكندرية للقاهرة بالقطار ثم قطار آخر من القاهرة إلى السويس .. سعادة لا أستطيع وصفها وكان أحمد عبد القادر على حق .. فمن المنزل إلى محطة القطار ، زفة بالطبل والمزمار عند الذهاب .. وزفة مثلها من المحطة إلى البيت عند العودة عند العودة كانت نساء وفتيات العائلة ينتظرنها على السلم .. وهات يا زغاريد .. وأذكر أجمل أغنياتهن التى كانت تقول : ليلة بيضة وليلة نور وش الحاجة طبق بنور ثم يأخذنها إلى شقة الحريم ويكملوا أغانى .. أما الرجال فكان ينتظرهم المقرئ الذى يبدأ بالقرآن الكريم .. ثم قصائد المدح وأذكر ما كنا نرد به عليه فى مدحه وإن كنت لا أذكر ما كان يقول هو ، فقد كنت طفلا لا يستوعب القصائد .. فى إحدى القصائد كنا نرد : "ياسيد الكونين يا علم الهدى .. يامن لرب العالمين رسول" .. وفى قصيدة أخرى كنا نرد : "تركت الناس كلـَّهـُمو ورائى وجئت إليك" وكانت عمتى الله يرحمها بعد الليلة ما تخلص تبدأ تفتح الشنط .. وكل واحد ياخد هديته وكل واحدة تاخد هديتها .. ولا زلت أذكر هداياها إلى الآن .. ولكن كانت درة التاج "فى نظرى" هى قطعة قماش "شركسكين" زى بتاعة أخويا الكبير اللى كان فى كلية الحقوق وموصيها عليها .. دى بقى قماشة زى الحرير ولكنها سميكة شوية وكان اللون السائد منها هو الأبيض .. وفاكر لما رحنا أنا وهو نفصل الجاكتات .. دفع لى 2 جنيه وله 4 جنيه .. بس اللى كان مزعلنى هو أنه وصى الخياط يفصلهالى واسعة شوية :sad: .. جت على مقاسى بعد ما خلصت الاعدادية :) .. بس برضه كانت موضه .. وافتكر لما كنت ألبسها وأمسك الراكت "المضرب الخشب" وأقف قدام المراية وأقلد عبد الوهاب فى "عاشق الروح" :) كفاية كده النهاردة ونبقى نكمل بإذن الله

لا اختلف معك في كل ما تقوله يا اخي الفاضل على الرغم ان كل المؤهلات التي تراها في الدكتور مصطفى الفقي ليست من الشروط التي يتم على أساسها الوصول بحاملها لقمة العمل السياسي في بلدي .. بدليل ان آلاف العلماء والنابغين الذين ينتمون لأسر متوسطة أيضا وليست ثورية فروا من بلادهم وهاجروا منها و لم يكن لهم مكانا ولا حظا في قمة الهرم السياسي مثلما حظي به الدكتور مصطفى والدكتور شهاب وباقي الكتيبه السياسية الخالدة ... ويمكنك عن طريق البحث في ويكيبيديا الوصول للسيرة الذاتيه لكل هؤلاء النابغين والتعرف على إنجازاتهم ومشاريعهم الهامة سواء العلمية منها او السياسية في تلك الدول التي هاجروا إليها .. وآخرهم كان الدكتور سمير نجيب الذي أشرف على مشروع التأمين الصحي المعدل في الولايات المتحدة والذي تم تكريمه من الرئيس أوباما وشكره بنفسه... فما هي الإنجازات السياسية أو الثقافية التي فعلها الدكتور المفكر مصطفى الفقي والتي ترى انه يستحق الإشادة عليها من وجهة نظرك..؟؟ إلا لو اعتبرنا ان نجاحه في إقناع الجهات السيادية في مسألة دخول المحجبات للسلك الدبلوماسي ووزارة الخارجية يمثل إنجازا هاما بالنسبة إليك ...!!!

:lol: يا ريتني ريا لكن للاسف انا سكينة :lol: المسيحية عموما وبالنسبة للاخوة المسلمين تشبه علامة استفهام لو ثبتت على الارض ستصل الى السماء فى علوها كل وجهات النظر اللى بيتكلموا بيهم الاخوة المسلمين كلها بلا معلومات صحيحة وانت نفسك يا هند اتكلمتى غلط ووقعتى فى الفخ الاخوة المسلمين ايه مصادرهم يتكلمو فى شئون مسيحية هم لا يملكون المعلومات والادوات اللى تؤهلهم للكلام فى مثل هذه الامور فقدان المعلومة سيؤدي حتما الى الردود الخاطئة يا هند لما تشبهون الكنيسة بالقلاع و عقيدتنا لا يجوز فيها بناء الكنيسة على شكل بيت عادى او فيلا وملتزميين من قبل ظهور الاسلام ببناء الكنائيس بشكل محدد برموز محددة يطول شرحها يبقى لا يجوز للاخوة المسلمين يتكلموا بالطريقة دى شوفى لما يبقى على المنتدى 200 مسيحي واكتر ويتكلم منهم 3 فقط يبقى انتم السبب لما يبقى على المنتدى 200 مسيحي واكتر وال3 اللى بيتكلمو واحد يجيله حالة شغل شديد للاهمية زى استاذ كامل وواحدة تخرس اللى هى انا يعنى وواحد ينعزل بعيد بعد ما الكل هاجمه وهو الاخ جووو يبقى انتم السبب لما يدخل 2 لسة جديد ليهم كام مشاركة ومش حينفع يسدو خانة لان 2 على 50 شخص ما ينفعش مش عدل ومش انصاف يبقى انتم السبب يبقى ما تدوروش على صوت المسيحي انه يتسمع لازم يكون فى حرية انتم بتسالو وبتجاوبو على نفسكم لامتى مش حتسمعوا غير صوت نفسكم لامتى حترفضو انكم تسمعو الراى الاخر هو عاوز يوصلكم ايه بدون اعتراض ومهاجمات مستميتة للبحث عن من هو الرابح الاكبر وارجع اقول التقييمات ليها دور انا شفت ناس كتير بيتكلم فى موضوع مسيحي ويعطوا معلومات كلها غلط لانهم بيتكلموا عن موضوع يخص الكنيسة وهو اللى بيتكم مسلم - طب ما تدى العيش لخبازه انتم بتحلو مشكلة الكنيسة المسلمين مع بعضكم والمسيحيين خرجو من الموضوع اتنين بيتكلموا فقط وبعدين مستغربين ليه الاخوة المسيحيين ملتزمين الصمت يبقى انتم السبب مش كل الاسماء اللى حضرتك قولتيها طريقتهم مش متشددة فى عرض اى مسالة او قضة للنقاش تخص المسيحيين مثال كمان لما يدخل مشرف من المشرفين الافاضل ويقول فى موضوع يخص رمز مسيحي - دى حاجة تزهق يبقى انتم السبب يبقى ما تدوريش انك تسمعى ابدا صوت مسيحيين تحياتى اغابي السلام عليكم معلش هخرج بره الموضوع شويه لما حضرتك تقولى ان كل وجهات النظر للمسلمين فى الشأن المسيحى مبنى على معلومات خاطئه جميل واجب حضرتك كمسيحيه انك تناقشى الاخطاء الوارده فى توضحيها ...أراء بعض الاخوه غلط بسبب كذا وكذا وكذا ولكن مجرد وضع تقييم سلبى وخلاص طبعا كده هيتفهم غلط لان التقييم السلبى لابد له من مبرر سبب ليه انا اديتك تقييم سلبى ...ومينفعش انى ارد انى اختلف معايا فى الراى مهو ده مفهوم من التقييم السلبى نفسه ولكن يبقى السؤال تختلف معايا فى ايه بالضبط ايه الغلط فى كلامى او فى مصادرى فعلا علامه استفهام من الارض للسماء لما فتح ابو حميد المسافر موضوع وجود اسم سيدنا محمد فى الانجيل دخل bongoerge وغرقنا كلنا تقييمات سلبيه واورد فيديو من قناه الحياه طبعا انا مش عندى اعتراض على دفاعه عن دينه طبعا ده حقه وانا هعمل نفس الشئ بالنسبه لدينى ولكن انا اعتراضى على التقييم السالب دون ابداء الاسباب اما التقييم فى حد ذاته محتاج نضج ووعى نضج يجعلنى ادى لوحد تقييم ايجابى لان رايه صح مع انه ياما ادانى تقيامات سلبيه ووعى يجعلنى اعلم الراى الذى يستحق تقييما ايجابيا وان كان خلاف معتقداتى السابقه او سلبيا ان كان لدى المبررات والاسباب الكافيه

يا استاذ محمد الصورة المثالية اللى حضرتك بتتكلم بيها دى مفيش حد بيطبقها نهائي التقييم داه معمول بيه سلف ودين ومجاملات هى دى الحقيقة تحياتى اغابي :roseop: تعميمك ليس صحيحا زميلتي الفاضلة .. فكما وضح لك الزملاء الأفاضل وعن تجربة شخصية أستطيع ان اقول لك أن المشكلة التي تواجهينها ليست في الآلية نفسها وإنما المشكلة تكمن في كيفية إستفادتك منها.. فعن نفسي..., وقبل إدراج تلك الخاصية في برمجيات المحاورات .., كنت أظن أن هناك جاب واسع جدا بيني وبين بعض الزملاء والزميلات الأفاضل الذين تكون لهم بداخلي صورة ذهنية بأنه لا يمكن ان يكون هناك لقاء محتمل بيني وبينهم وأن مساحةالإختلاف بيني وبينهم في الآراء والمواقف الفكرية لا يمكن ان تقل بأي حال من الأحوال عن 180 درجة ... ولكن بعدإستخدام تلك الآلية .. أكتشفت أن هناك مساحات من الإلتقاء الفكري في بعض الأفكار والأطروحات موجوده بالفعل ... ولكن لم يكن متاحا لي أن أتعرف على ذلك دون إستخدامهم لتلك الآلية وتقيمهم الإيجابي على تلك الأفكار التي نتفق عليها... فمن الطبيعي انك لا تستطيعين التعليق على كل مداخلة تتفقين معها خصوصا حينما لا يكون عندك أي إضافه إيجابية ترفقين به تأييدك لهذا الموضوع غير عبارات مثل مشكوووور وبارك الله فيك .. وهنا تكمن الإستفادة القصوى من تلك الآلية بالنسبة لي على الأقل.. أما اعتبارك ان هناك من يتعامل معك بتلك الآلية بشكل صبياني او ثأري في الجانب السلبي ... فهذا وارد أيضا ولا يمكن التحكم في إستخدامات الأعضاء لتلك الخاصية ولا أظن أيضا أن هناك مشكلة من ذلك إذا أستطعت الإستفادة من تلك التقييمات السلبية .. خصوصا لو كانت تلك التقيمات السلبية من أعضاء لهم ثقلهم في المحاورات ومعروفين بجدية ما يحررونه في المنتدى ... أما لو حصرتي مشكلتك في من يستخدمونها كنوع من النفسنه او العصبية فهذا من وجهة نظري لا يقلل من النظرة العامة للأعضاء الأفاضل فيما تقولينه او تعبري عنه.. هذا في حالة ما كنتي تعتقدين او تجدين ان معظم زملاءنا أصاحب أقلام محترمة ويملكون القدرة على التفريق بين الجيد والسئ او بين الأسلوب المحترم والأسلوب الردئ.. وتقبلي تحياتي

سامعينك وردينا عليك أكتر من مره مش عارف الناس شاغله نفسها بالموضوع ده ليه وما بتركزش في المفيد يا سلام ... شووووف إزاي يعني لو ما كانتش الخاصية دي إتمنعت عنك - إنت الوحيد من دون الاف الأعضاء - ... كان هايبقى مبارك فُله وشمعه منورة ورجل البر والتقوى ؟ مره أخرى .. أرجو أن نكون على قدر المسئولية وأن نشغل انفسنا بما يُفيد .....

خاصيه غير منطقيه و مثيره للتنابذ فإذا تم السماح لكل من يعارضك الرأي ان يقيمك تقييم سالب و هو أمر لا عيب فيه لكن اذا كان بناء عليه سيتم حرمانك من بعض الصلاحيات فمعنى هذا ان اي شخص مخالف لفكر جماعة ما(ايا كان مستوى تفكير هذه الجماعه) ممكن يطرده مخالفيه من المكان مثلا انا مثلا ممكن الاقي نفسي بره المكان خلال نص ساعه :)

مسألة مهمة لم يغطيها الحوار حتى الآن هذه المسألة هى "سر المهنة" و يبدو أن السائد أن "الفلوس" هى العامل الأساسى فى الإستثمار و هذه فكرة خاطئة تماما. ما سبق كان إستهلالا لابد منه "سر المهنة" أيها الأفاضل ليس مجرد معادلة التصنيع كما يبدو من الوهلة الأولى و لكنها كل المعلومات و الخبرات التى تمكن من القيام بنشاط ما ...... حتى و لو كان "صناعة قباقيب" أو بيع "علب كلينكس" فى إشارات المرور ... كل الأنشطة تحتاج ل "سر المهنة" قد يتصور البعض أن بيع "علب كلنكس" فى إشارات المرور أمر بسيط و سهل و يستطيع أى شخص القيام به و هذا غير صحيح فهناك تنظيم ما يجب أن تأخذ موافقته على البيع فى مكان ما و عليك أن تعرف أصول التعامل مع أفراد هذا التنظيم و أيا كانت هذه الأصول فهى تمثل "سر المهنة". الوضع الأمثل أن تشارك شخص ما من قلب المهنة أو النشاط الذى تريد أن تستثمر فيه أو تختار نوع من النشاط يكون لأسرتك خبرة أو تاريخ فيه أو تدخل فى علاقة أسرية "نسب مثلا" مع أسرة لها تاريخ فى هذا النشاط . للأسف لا توجد - فى مصر - كتب تعلمك سر أى مهنة و لكنك بالتأكيد سوف تجد مصدرا لمعرفة معادلة أى صناعة أو نشاط مثل صناعة الخميرة التى تكلم عنها أحد الأفاضل هنا فى محاورات المصريين و لكن سر المهنة يتمثل فى التفاصيل الدقيقة لتنفيذ المعادلة الصناعية و معرفة كيفية تصريف الإنتاج و هل توجد إمكانية تصريف الإنتاج و من هم المنتجين الحاليين لتلك السلعة (الخميرة) و هل يتم البيع نقدا أو بالأجل .... و مئات من الأسئلة الغير مكتوبة ÷ل تصورك للتجهيزات الفنية مضبوط هل توجد تصورات أخرى للأجهزة و الآلات تستعمل فى مصر مثلا يمكن أن يكون السائد إستخدام تجهيزات بدائية و تكون كافية لتغطية السوق و تكون تجهيزاتك عالية التكلفة !! تماما مثل الفرق بين الأدوات التى يستخدمها "الأسطى بلية" الميكانيكى مقارنة بأجهزة توكيلات خدمة السيارت الحديثة . أعرف أن مداخلتى حتى الآن ربما تكون ذات مردود سلبى بالنسبة لك و لكنك أكيد تعرف أن أسهل إجراءات الإستثمار هى الشراء و الإنفاق. أستطيع أن أضع سؤالك فى صيغة ما هو الإستثمار الملائم لموظف يعمل فى الخليج و ليس له خبرة فى السوق المصرية. نفس السؤال يمكن أن ينطبق على ألوف الموظفين المصريين و الذين تذهب مدخراتهم إلى الإنفاق السفيه. ببساطة شديدة و من قديم الأزل الإستثمار فى العقارات هو الحل الذى يختاره الجميع لأنه و ببساطة شديدة أن العقارات عبارة مستودع جيد للقيمة و قيمتها تتزايد بإستمرار. موضوع الشقق المفروشة يحتاج أيضا إلى سر المهنة لأن المسألة ليس بالبساطة التى تبدو بها. بعض من أعرفهم بالخليج يقومون بشراء الشقق و "تسقيعها" أو الإنفاق عليه فى بعض التشطيبات و إعادة بيعها و هذا النشاط أعرف أنه كان موجودا دائما شراء أو بناء عمارة ثم بيعها. و بعض من أعرف يشترى دكاكين و هذه تكون أسعارها عامة قليلة و لكنها تباع بعد فترة قصيرة بربحية مرتفعة. أتعشم أن أكون قد ساهمت فى إثراء الموضوع

شكراً يا جماعة .. بس ساعات شر البلية ما يُضحك وممكن التكنولوجيا تقلب معاك بغم وتوديك النار .. - ده بقى موقف تكنولوجي طازة موديل 2004 ، من كام إسبوع كده لسه قريب يعني ، بيزور شركتنا لأول مرة رئيس شركة من اكبر شركات الكمبيوتر في العالم زي بيل جيتس كده وعم عبدو العجلاتي والناس الكبار دول ، المهم طبعاً الجماعة قالوا عيب إننا نبعت له سواق من سواقين الشركة يستقبله هو والوفد المرافق له ، فأختاروني ألعب دور زكريا عزمي رئيس ديوان رئيس الجمهورية ،، المهم بقى إنهم ماقالوليش على الموضوع ده ، فجيت في يوم الصبح الشغل عادي وراحوا قايلنلي المفاجأة .. يالا يا بطل خد عربية رئيس مجلس الإدارة الفياجرا - مش الحبوب لأ دي نوع جديد والعياذ بالله من العربيات المرسيدس - وروح إستقبل الناس .. قولت ماشي وبالمرة أجرب أسوق عربيات نضيفة وكفاية سيات بقى ، اخدت المفاتيح ونزلت عالباركنج .. أدور على مكان الكونتكت اللي المفروض بيبقى في الدريكسيون .. مالقتوش .. يادي الكسوف وناقص نص ساعة على وصول الناس والطريق للمطار بياخد 20 دقيقة لو ماشي على 140 .. المهم إتصلت بالسواق بتاع المعلم الكبيروكان سوداني توهني ووداني مقلة اللب ..يادي الفضايح ، روحت ناده لسكرتير مكتب المعلم وقولت له روح قوله س س بيقولك المفتاح مش راضي يشغل العربية ، راح الراجل قايلة .. مفتاح أيه وبتاع أيه روح قول لـ س س يحط حتت البلاستيكاية دي في المكان المدور اللي حوليه نور أحمر في التابلوه ويلف البلاستكاية وهي هاتشتغل بالأشعة تحت المحشية ... وفعلاً دارت العربية ، تعالوا بقى للمشكلة التانية .. من عادة الخليجيين هنا أنهم يرجعوا الكرسي بتاع السواق لحد ما يبقى عند الكنبة اللى ورا ويقعد كده ويتسلطن وهو سايق وساعات يطلع رجله من شباك العربية برضوا وهو سايق .. طب انا مش عارف أسوق وعامل زي العيل الصغير اللي مركبينة عجلة 28 من اللي بيسوقها بتوع اللبن .. قولت مابدهاش ألمس الدواسات بطراطيف صوابعي وخلاص .. سوقت حوالي 10 ك في عذاب ربنا مايوريكوا .. روحت متصل على عثمانه تاني .. يا عم إلحقني الكراسي دي بتتحرك إزاي .. قالي هاتلاقي في الباب اليمين زارير بالطول وزراير بالعرض .. خليك مع اللي بالعرض .. والحمد لله ظبطت الكرسي .. وطول الطريق مكالمات من الشركة عايزيني أوصل بسرعة عشان الناس واقفه في الشارع وشكلهم بقى وحش ومافيش وقت على المؤتمر الصحفي اللي المفروض يحضروه . وصلت الحمد لله لقيت الصالة فاضية وكل الناس مشيت إلا التلاتة اللي واقفين زي الأيتام مش عارفين حاجة .. المهم رميتهم في العربية ولسه ماشي لقيت واحد بيقولي لو سمحت ممكن تشغل التكييف لحسن الجو حر ، انا أنفجرت بصراحة وقولت لهم لحد كده وكفاية ده انا ماصدقت دورت العربية تقولولي شغل التكييف ، اللي عايز حاجة يقوم يعملها " هيلف يور سيلف " وطول الطريق مكالمات تحثني على المجيء بسرعة البرق ففتحت على الـ 160 وفرحان بقى بشبابي وعمال أعمل غرز وازنق على العربيات وازمر للناس التانية اللي راكبين عربيات معفنه وشكلي بقى عامل زي سواق نص نقل ومحمل شويلة دقيق ، والناس ياعيني شايف في عنيهم نظرات الذعر وكل واحد لازق في الكرسي ومش قادر يتكلم ، الحمد لله قربت على الشركة ويادوب فاضل 3 ك وتقوم عربية نقل ضاربه فرامل قدامي وأنا كنت على سرعتي ولأول مرة أشعر بإن البطين الأيمن عندي بقى عند صابع رجلي الصغير وأقسم بالله وقفت عند الِنمر الورانية بتاعت اللي العربية النقل ، ولقيت الأتنين اللي قاعدين ورا بقوا عندي قدام وقولت لهم لا مؤخذه يافندية أصل فيه ناس بعيد عنكوا بتسوق بالبركه وواخده رخص سواقة بالدراع - قصدي على سواق النقل طبعاً - وقولت سبحان الله " العمر لحظه " يعني سِنه كمان وكنت رجعت لصاحب الشركة بعربيته مجرورة بعربية كارو ووشها بقى في قفاها ، والناس الغلابة اللي معايا بدل مايروحوا المؤتمر الصحفي هايروحوا قسم الحوادث في مستشفى الدمرداش وانا أقعد أشتغل 10 سنين مجاناً لحد ما جيب ثمن الفوانيس بس . المهم وصلنا بخير وروحنا على الفندق وكانت المفاجاة الكبرى بالنسبة لي .. إن اللي الناس عماله تسلم عليه بحراراة ويتمسحوا فيه والكل عايز يتصور معاه هو الوحيد اللي أنا ماستنضفتوش في المطار ولا سلمت عليه ولا أديتوا كارت ، كان هو رئيس الشركة لأنه في المطار كان واقف غلبان على جنب لوحده وقولت ده يمكن جاي معاهم يساعدهم ولا حاجة ... وانا مالي بقى مش المفروض يبقى في ناس مخصوص للمراسم والحاجات اللي زي دي بدل ما يبعتوا حد يبوظ علاقات الدول وبعضها .

إيه يا بوسي ده ؟؟؟؟ يعني أنا لو جبت إتنين كيلو سمك بلطي وشويتهم وعملت سلطات جنبهم .. أقعد أعيط وأقول أنا مش انا .. أنا وحش .. أنا مش عارفني .. وقولي لي يا مرايتي ؟ يا ستي صلي عالنبي .... وأنا قلت لك من الأول ... تربية الحيوانات الأليفة ما ورهاش إلا وجع الدماغ ... بيعي الحوض ... وربي فيران زي ريهام اللي بتدلعهم وتقول عليهم " هامستر " عارفه لها موضوع في باب الهوايات إسمه " شمشون خلف باركولي " كل يوم ادخل المحاورات اقرأها شمشمون خلف بروكلي .... مش عارف إيه حكاية القرنبيط معايا ... او بُصي .. ربي أرانب . أه والله .. وأعملي كل يوم ملوخية بالأنارب وكده ... وهاتلاقي عُمر هايفرح بيهم جداً ... ويقعد يجري وراهم فوق السطوح ...

لاااااااااااااااااااااااااااااااا اختلف معاك تماما يا س س ومكنتش اتوقع انك تقول كده خااااااااالص وخصوصا من مبارك لان ما حدث ما هو الا حلقة فى مسلسل اهانة المصريين والتعدى عليهم ولا حياة لمن تنادى..لا وايه فى مصر وفى ستاد القاهرة طبعا العروبة موجودة والخوة موجودة..... نحن لا نطالب الا ان القانون ياخد مجراه وزى اى بلد تانى بتنفذ القانون على اتخن شنب....والعيال دى لازم تتربى...واذا كان ولا بد من كده يبقى اقل تقدير بعد ماتش العودة..حتى يكونوا عبرة لمن يعتبر....وتكون خطوة اولى على طريق استعادة الكرامة المفقودة للمصريين فى الداخل والخارج مسألتش نفسك ليه زين العابدين بن على طلب الافراج عنهم ..لان عنده ناس يخاف عليهم واذا نكانش القرار ده منه يبقى بناء على طلبات كثيرة داخل تونس انما على الجانب الاخر انت عندك ناس وضباط وعساكر غلابة استفدت انا ايه من كده....ومن ثم يبقى كل واحد ياخد حقه -- يشكر لبعض التوانسة موقفهم ورد فعلهم...ولكن اللى غلط يتربى....لان مصر والمصريين مش هفية كل دولة وكل جنسية والريادة العربية ليست لبانة فى البق وخلاص وكل هذا لا ينفى التسامح والاخوة...لكن عفوا ليس على حساب كرامتى وكرامة ابنائى

س س قول والله انت معانااااااااااا ولا علينااااااااااااااا من امتى لينا كرامة فى حتة...اتنت ما تعرفش تفاصيل الموضوع