لوحة القادة

علمني رسولي صلى الله عليه و سلم فقال

مين قال مفيش فايده ؟ ربنا سبحانه وتعالى علمنا حاجتين مهمين .. اولهما .. وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللَّهِ يُكْفَرُ بِهَا وَيُسْتَهْزَأُ بِهَا فَلا تَقْعُدُوا مَعَهُمْ حَتَّى يَخُوضُوا فِي حَدِيثٍ غَيْرِهِ إِنَّكُمْ إِذاً مِثْلُهُمْ إِنَّ اللَّهَ جَامِعُ الْمُنَافِقِينَ وَالْكَافِرِينَ فِي جَهَنَّمَ جَمِيعاً وثانيهما .. فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الْأَرْضِ كان يقدر سبحانه يأمرنا بالرد والمجادلة لما نسمع كفر وتبجح .. تماما زي لما قالنا ( وجادلهم بالتي هي احسن ) لما نكون رايحين ندعوا حد .. لكن لانه سبحانه عارف ان في مواقف بيكون الي قدامك اصلا مش داخل يسمع ولا داخل يستفيد وانما داخل ( يغلوش ) او يشوش على الموضوع ويخرجه من مساره .. في حالة زي دي متحاوليش تقنعي ولا تحاولي تردي .. اتركيه والا هتكوني مثله .. ولو عندك رد مفيد قوليه بعد كده في اي موطن آخر الا موطن العناد والمكابرة .. لما يكون في مجلس مفتوح اساسا في ظاهره للحديث عن الدين بينما هو في باطنه واوله وآخره مجلس كفر واستهزاء بيه يبقى المؤمن يكون كيس فطن ويربأ بنفسه وبدينه انه يرد في مجالس زي دي . وفي النهاية لا يصح الا الصحيح وكل الزبد هيروح زي ماجاء لن يلتفت له احد ومش هيبقى مننا غير كلمه صالحه هتبقى تنفع الناس فيما عدا ذلك كله هينطوي في النسيان .. اوعي تبطلي كتابة واوعي تبطلي مشاركه لكن تخيري من تحدثين والاهم .. من تجالسين .. اوعي تصدقي ان مفيش فايده .. لاه فيه عارفه ليه .. لان نبينا الكريم قال .. (( ان قامت الساعة وفي يد احدكم فسيلة فان استطاع ان لا يقوم حتى يزرعها .. فليزرعها ))

سيدي الفاضل المقصود بكلامك ببساط وبساطه اوي هو الفشر او اني اكدب علي الناس وهما مش عارفين اني بكدب -وش ابو لمعه- لكن لما اكون بقول قصه للموعظه او للضحك -ومش حرام الضحك علي فكره- بقول للناس قبل القصه او النكته ياجماعه دي مش قصه حقيقيه انما هدفها فقط الموعظه او الضحك فبدل ما اقولهم السطر السابق كله بقولهم هاقولكم نكته يعني تفتكر لما اقولهم واحد بدل ما يقعد علي قهوه قعد علي شاي هما هايصدقوا ان الراجل قعد علي شاي فعلا كان الرسول الكريم وسيدنا علي بن ابي طالب ياكلون البلح وكل مالرسول ياكل بلحه بحط النوي امام سيدنا علي وفي الاخر النوي كله تجمع امام سيدنا علي وامام سيدنا محمد كان خالي من النوي فقال الرسول لعلي ااكلت كل هذا البلح-وهذا كذب من منظورك لانه قال شئ غير حقيقي - فرد علي وانت اكلت البلح بنوا يارسول الله-وهذا ايضا كذب لانه لم يحدث واراد به الدعابه-

إخوانى وأخواتى أعضاء منتدي "محاورات المصريين" , تحياتي للجميع. إنها وقفة جادة, ولابد لنا جميعاً أن نضع أيدينا سوياً للخروج من هذا النفق المظلم الذي أدخلنا أنفسنا فيه بقصد أو بدون قصد, في الفترة الأخيرة تلاحظون جميعاً خروج أى موضوع يحمل الطابع الدينى عن مساره الطبيعي في المناقشة كما حدث في موضوع "حارة النصاري" وموضوع "حرية العقيدة" وموضوع "إشكالية الدين" وغيرها من الموضوعات. المنتدي يكفل حرية المشاركة للجميع لكن بضوابط وقواعد من أهمها إحترام العقائد وعدم التطاول عليها , وإحترام الأعضاء وعدم التطاول عليهم بأى لفظ أو قول, ولا أعلم سبباً لصمت الإدارة عن اى محاولة إنتهاك هذه الحرية من قبل أى عضو. لكننا جميعاً أو معظمنا وللأسف الشديد إنتهك هذه الحرية بقصد أو بدون , وبدأت كل المناقشات والمواضيع التى تحمل الطابع الدينى سواء الإسلامي أو المسيحي تتحول إلي موضوع "حوار الأديان" وكل منا يشكك في عقيدة الآخر ويطلب التفسير من الآخر, أرجوكم وأناشدكم جميعاً وأذكركم وأذكر نفسي أن هذا المنتدي هو منتدي "محاورات المصريين". ومن منا يريد تفسير أمر دينى اسلامي ملتبس عليه فلو اقامته في مصر فعنده علماء الأزهر الشريف ودار الفتوي وإن كان في دول الخليج العربي فعنده لجان التعريف بالإسلام وإن كان في كندا أو أوروبا فهناك مواقع الفتوي المعتمدة على الإنترنت. ومن منا يريد تفسير أمر دينى مسيحي ملتبس عليه فعليه بأهل العلم الدارسين للمسيحية من قساوسة أو رهابنة وإن لم يتيسر له الأمر فعليه بسؤال أى من إخواننا المسيحين هنا عن كيفية التواصل مع أى عالم مسيحي وبالتأكيد سيدله على الطريق الصحيح. أرجوكم جميعاً نقطة نظام ومن بداية السطر , إتركوا حوارات الأديان لأهلها ولعلمائها الدارسين لها , وتعالوا نعود جميعاً محاورين متعدلين ليس لنا علاقة بالأديان ومن منا يريد التحدث في موضوع دينى فعليه أن يتحدث فيه من منطلق عقيدته وفكره وكتابه الذي يؤمن به, ولا يجوز لعضو آخر أن يشكك فيما قاله اى عضو آخرعن دينه وعن عقيدته , ولا يجوز له الإشارة لا من قريب أو من بعيد إلي دين آخر وعقيدة أخري, ومن يريد الإستفسار من أى عضو عن ما قاله فليتبادل معه الرسائل الخاصة وليترك الموضوع بصورته المعتدلة ومناقشاته الطيبة. مع تحياتي للجميع

السلام عليكم ورحمة الله... وعن النهم العاطفى أُجيب....:) عندما قرأت العنوان تصورت أن الأخت العزيزة مغتربة تسأل عن ما يعرف " بالجوع العاطفى" أى حرمان الشخص من الإشباع العاطفى ، ولكن بعد قرأة المحتوى استطعت أن أتبين أن السؤال يدور حول " النهم للطعام المرتبط بالتقلبات المزاجية والعاطفية ".....وهو عرض من أعراض بعض الحالات التى تعانى من إضطرابات الأكل المرتبطة بالتقلبات المزاجية أنا كده فاهمة صح؟ هناك بالفعل بعض الحالات التى تشعر بالنهم للطعام عندما تتعرض للإحباط أو الحزن ، وهناك على العكس من ذلك بعض الحالات الأخرى التى تصاب بالعزوف عن الطعام ورفض الأكل عندما تصاب بالإحباط أو المواقف المحزنة . وقد حاول علماء النفس تفسير هذه الإستجابات المتناقضة تجاه الطعام أو الأكل فى إرتباطها بالحالات المزاجية أو الحالات النفسية فى مبحث كبير من مباحث علم النفس المرضى أو السكوباثولوجى ، فيما يعرف بإسم إضطرابات الأكلEating Disorders والتى يتطرق فيه العلماء لاشكال عديدة من إضطرابات الاكل من قبيل : Anorexia Nervosa فقدان الشهية العصبى Bulimia Nervosa الشره المرضى للطعام وهناك العديد من الأشكال الأخرى لإضطرابات الأكل يمكن أن نعود للحديث عنها مستقبلاً ، ولكن مايهمنا هنا رداً على تساؤل الفاضلة مغتربة ، هو أنه يوجد بالفعل علاقة نفسية بين الطعام ، وبين الحالة النفسية أو المزاجية ، وتتوقف هذه العلاقة على طبيعة الشخص وميوله ورغباته وطبيعة الأحوال النفسية التى يمر بها ، وينبغى تفسير ذلك فى ضوء تحليل شخصية كل فرد على حدة ، فالطعام قد يكون مثيراً واحداً ولكن إستجابة الأشخاص له إقبالاً أو إحجاماً هى التى تختلف بإختلاف الأشخاص وأحوالهم النفسية ومدلولات هذا الطعام فى حالتى الفرح أو الحزن ، ولايمكن تعميم هذه الأحكام لأن معنى السلوك لا يمكن تحديده إلا بالرجوع إلى طبيعة الشخصية ، وتفردها ، وأحوالها ، وتقلباتها.... ماهى الحلول المتاحة هنا والأن.... للحديث بقية لو كان فى العمر بقية ان شاء الله تحياتى

عن أبي العباس عبد الله بن عباس رضي الله عنهما قال: كنت خلف النبي (صلى الله عليه وسلم) يوماً، فقال لي: "يا غلام إني أعلّمك كلمات: احفظ الله يحفظك، احفـظ الله تجده تجاهك، إذا سألت فاسأل الله، وإذا استعنت فاستعن بالله، واعلم أن الأمة لو اجتمعت على أن ينفعوك بشيء لـم ينفعـوك إلا بشيء قـد كتبـه الله لك، وإن اجتمعوا على أن يضرّوك بشيء لم يضرّوك إلا بشيء قد كتبه الله عليك، رفعت الأقلام وجفّت الصحف

قامت الرئاسة العامة للإفتاء بالسعودية بافتتاح موقع رسمي للإفتاء ستعرف فتواك وانت في مكانك ، وتطلع على العلم بلا كلفة اضغط هنا سبحان الله وبحمده .. سبحان الله العظيم أتمنى أن يكون مفيداً لكل مسلم باحث عن فتوي في أى من الأمور الدينية التي تهمه مع تحياتي

السلام عليكم فى رأيى إن فكرة المقال هى فكرة انهزامية خبيثة ومحبطة لأى آمال فى التقدم نحو الإفضل. " اللى نعرفه أحسن من اللى مانعرفوش " هى المقولة المفضلة للكسالى وتنابلة السلطان ومن يقبلون بالعبودية والخنوع. التغيير هى سنة الحياة ، وعندما نعرف كيف ومتى نغير الحاكم وحكومته ، وعندما يعرف الحاكم لنه ليس مخلدا فى منصبه وأنه سيحمل لقب " سابق " فى احد الايام سيعرف كيف يحترم آدمية محكوميه. دعونا نجرب غيره ، وغيره وغيره ، سيأتينا من هو أفضل وسيأتينا من هو أسوء ، ولكننا فى النهاية سيكون عندنا أمل فى القادم الجديد. فرق كبير بين ان ننتقد انفسنا ونصلح من حالنا وأفعالنا ، وبين أن نسبح بحمد الديكتاتورية ونترحم على ايامها السوداء . تحياتى !!!

التقييم هو نوع من أنواع الأمانة , وبالتالى فإستخدامه يكون عن إقتناع بالفكرة تماماً وإعجابك بهاً فتعطيها الضوء الأخضر , وإما أنك مختلف معها تماماً في الرأي فتعطيها الضوء الأحمر , وليس الأحمر دليل كره أو عداوة شخص لشخص. من باب الأمانة والموضوعية أيضاً عدم قيام عضو بتعديل مشاركة له كتبها عن إقتناع وفيها خروج عن النص بعد الرد عليها من قبل عضو آخر خالفه في هذا الرأي , وعدم حذف مشاركات تم إقتباس أجزاء منها والرد عليها من قبل عضو آخر اثبت له خطأ ما كتبه او انه جانبه الصواب فيه, حتى يظهر ذلك العضو الذي قام بالحذف أو التعديل بمظهر الحمل الوديع الذي لم يخرج عن النص وان العضو الآخر هو من يرد من تلقاء نفسه, وبالتالى يفقد الحوار موضوعيته. مع تحياتي

ده لان التقييم الموجود تحت اسمك بيمثل الفرق مابين النقاط الايجابية والسلبية الي اعطيت لك .. يعني تقدر تسميها بلغتنا اهل المحاسبة ( مقاصة ) .. مثلا انت اخدت 50 تقييم ايجابي من اعضاء مختلفين وفي نفس الوقت حصلت على عشرة تقييمات سلبية منهم هم نفسهم او غيرهم يبقى هيظهر تحت اسمك رقم 40 وهو الفرق بين الرقمين .. اما لو حصل العكس وكان الايجابي هو الي عشرة والسالب 50 يبقى تقييمك هيوصل سالب اربعين .. معليش الحته دي مش فهماها .. هو يفترض اني ادي ( السوالب ) لحد غير المختلفة معاهم في الراي؟؟ يعني هو مش الايجابي معناها اشد على ايدك وكلامك صح او يسلم فمك زي مابيقولوا والسالب معناها لاه معليش الكلام ده غلط اختلف معه جملة وتفصيلا ؟؟ لو التقييم السالب مخصص للمشاركات الخارجه عن القواعد بس يبقى ايقونة ابلاغ المشرفين وظيفتها ايه ؟؟ زمان كانت فضيلة ان الواحد يقول الحق ( لو على رقبته ) يعني لو فيها قطع رقبة هقول رأيي برضه مش هيهمني .. يبقى ايه المشكلة لو عارفه اني مخالفة للكل وهقول و( هنطس ) تقييم سالب ومع ذلك هقول طالما انا مقتنعه بالي بقوله ؟ التقييم السلبي مهواش شر كله واحنا هنا مش جايين نتنافس على كيلوات الطماطم الي هناخذها عن كل نقطه ايجابية نحصلها .. لا جايين نجمع تأييدات ولا نشكل تكتلات .. كل واحد بيقول كلمه الحق الي معتقد انها هتنفعه عند ربنا لما يسأله .. مش فارقة بقى وقتها خدت كام نقطه ولا انطرح منه بسببها قد ايه .. ملاحظة : العلامه السلبية الي اخذها على راي قلته عارضت فيه وانا عارفه انه لايلقى قبول الكل وسام على صدري لا اخجل منه طالما ان هدفي قول الحقيقة .. والحقيقة فقط ..

يا جدعان العبوا سوا .. بس يا أغابي تعالى الناحية دي .. انتي ايه اللي طلعك من 3/2 و وداكي عند دور الولاد .. يلا على فصلك اتفضلي يا نايت مير اتفضل يلا املى الزمزمية بتاعتك و روح على حصة المعمل عشان الميس مستنياك بالفلكة يا معلم :lol: بالله اهدوووووووووا مكاوى

التقييمات السلبية التي حصلت عليها الفاضلة جويرية لم تتم لأنها اختلفت مع الاخرين فقط فليس معقولا أن تختلف مع كل من عقب علي نفس الموضوع وتصر أنك علي صواب هي لم تختلف فقط .. بل استفزت الجميع بأرائها التي رأي الجميع أنها تستحق عليها تقييم سلبي وهذه حرية مكفولة للجميع وتكررت اسفزازاتها بتكرار ردرودها لانها لم تكتفي برد واحد علي نفس الموضوع .. فما معني هذا !!! أعرف أن العاطفة ستغلب علي الجميع الأن ويطالبوا بالغاء تقييماتها السلبية ولكني أري أن هذا ليس من الديموقراطية في شيء .. لأننا بذلك نصادر علي حق كل مع اعطاها تقييم سلبي وان كان يمكننا الغاء اي تقييم سلبي بهذه السهولة فالأفضل أن يتم الغاءه كليا لأنه هنا لا يؤدي للنتيجة المرجوة الأفضل انها كما حصلت علي تقييمات سلبية علي مشاركاتها .. أن تحصل علي تقييمات ايجابية بنفسها ايضا دون تدخل من الادارة والا فمن حق كل من حصل علي تقييم سلبي أن يطالب بالغائه من قبل الادارة .. وفي هذه الحالة لن يكون لمسألة التقييمات اي معني عذرا ان كنت أختلف معكم في الرأي .. ولكن بالتأكيد الاختلاف في الرأي لا يفسد للود قضية تحياتي

يجب ان نفرق بين المرمطون اللى بتمرمط بمزاجه والتى تجبره الظروف على ذلك للاسف 90% من المرمطون اللى بنشوفه بيبقى بمزاجه كان اول موضوع كتبته فى المحاورات يتحدث عن ليه احنا كمصريين الشعب الوحيد اللى اول ما يسافر بيفكر هيرجع امتى ؟ قبل ما يشترى حاجة هيبعها بكام حتى قبل ما يشتغل هيسيب شغله امتى انا بدأت احس ان الموضوع ليه علاقة بالجينات من كثر ماشفته عاوز اسال الناس هنا شفتم كام واحد مصرى عايش فى مكان فى الخارج يتناسب مع دخله او مكان يعيش به نفس اقرناءه فى الراتب او عمله ؟ شفتوا كام مصرى بيكب سيارة فخمة تناسب مستواه شفتوا كام مصرى مدخل اولاده مدارس الفئة الاولى مع اللبنانيين مثلا مع العلم ان فيه مئات من المصريين مديرين تنفيذيين فى شركات كبيرة انا بارجع كل اللى شايفينه ده الى النظام السياسى اللى علمنا الرضا باى شىء نرضى ببواقى ملابس التصدير واللى فيها عيوب ناكل الخضار والفاكهة التى ترفض الدول الاخرى استيرادها وغيره وغيره وغيره اصبح شعار المصرى ياعم اهى ماشية خلينا جنب الحيط احسن من مفيش نحتاج 3 اجيال كاملة لنغير فقط المفاهيم الموجودة الان وفى الاخير كل ده يرجع لعدم قناعة الناس بان رزقه مكتوب قبل ان يولد وانه بيد الله ولن يستطيع احد ان ياخذ اكثر من رزقه

انا ارى ان التقيمات السالبه التى حصلت عليها الاخت جويريه اغلبها فى نفس الموضوع ...لنفس الاسباب السابق ذكرها من الاستاذ عادل ...وهى الاختلاف فى الرأى بدون مقدمات..وارى ان كثره التقيمات السالبه لها شجعت الكثير لاعطائها المزيد منها لمجرد اختلافهم فى الرأى و كان ممكن منهم تجاهل ما كتبته فقط دون اعطاء نقاط حمرا. وادعو الاداره الى مراجعه ارائها مره اخرى و محاوله تقليص هذه النقاط لكثرتها المبالغ فيها...او ارجاعها الى نقطه الصفر مره اخرى و البدء معها من جديد خصوصا ان ارائها لا يوجد فيها مثلا الفاظ خارجه عن حدود الادب او افكار شتيته وحدها فى عالم اللامنطق والدين مثلا. ملحوظه:لو رأيى معجبش حد بلاش نقاط حمرا علشان ما يبقاش "ما ينوب المخلص الا نقاط حمرا تخلص عليه"

السادة الافاضل المتحاورون او لنقل ( المدردشون ) في الموضوع .. مش ملاحظين ان انتم خمسة سته بس الي بتتكلموا وتردوا على بعض .. مش ملاحظين ان تقريبا مفيش حد غيركم متابع ؟ عن نفسي بقرأ الردود في الموضوع ده قراءة سريعه لو لقيت حاجه تستحق بقرأها بتركيز للنهاية ولو ملقيتش بمر عليها مرور الكرام .. اعذروني لو مخدتش بالي واهملت حاجه مهمه بس اعتقد في التوبيك ده مقريتش غير مداخلتين تلاته يستحقوا القراءة والباقي .. اعذروني .. كنت ناوية اكتب بس مظنش حد ـ غيركم ـ هيوصل للصفحه دي عشان يقرأ هكتب ايه وان وصل مظنش هياخذ باله غالبا لما في بضع ساعات هتطلع صفحتين تلاته بعدها تردم على كل ماقيل في النص .. على كل حال ملخص ماكنت سأقوله واظنني ساعود لقوله مرارا بعد ذلك ... اولا : الاسلام دين الحرية العقدية .. من شاء فليؤمن ومن شاء فليكفر .. انك لا تهدي من احببت ولكن الله يهدي من يريد .. هذا بخلاف الايات والاحاديث التي تعرفونها جميعكم ـ مسلمين ومسيحيين ـ عن التوصية باهل الملل الاخرى ومعاملتهم بالحسنى بل وعدم التعرض لاديانهم حتى لو كانوا وثنيين .. ثانيا: حد الرده ثابت في الدين ولا اظن ان هنالك خلافا حول تطبيقه على من يدخل في الاسلام ثم يخرج منه .. لم اسمع انه طبق او دعي الى تطبيقه على من يغير دينه ممن ولدوا مسلمين .. وانما عن من اعلن اسلامه ثم اعلن (تراجعه) عنه .. ثالثا : اعرف واحده مسيحية اسلمت وجميع ابنائها وتزوجت مسلما وانجبت منه .. تعمل في مجال الكوافير وهي مشهورة في مدينة طنطا ولعل الكثيرين يعرفون بقصتها كوننا مدينة صغيره وكونها ترويها لكل زبائنها بفخر واعتزاز .. لماذا لم يتم اختطافها واجبارها على العوده للمسيحية كما يحدث لزوجات الكهنة ؟؟ هذا مجرد مثال لعديد من الامثلة لمسيحيين تحولوا الى الاسلام ولم يتعرض لهم احد من الكنيسة بسوء . مع ملاحظة ماقاله احد الاخوة المسيحيين هنا بان المسيحية اصلا لا تحتوي على حد للرده .. رابعا : في فترة انتشار اعتزال الفنانات ( شادية .. شمس البارودي .. الخ ) ظهرت فصيلة اخرى من العاملين في مجال الفن واعلنوا هم الآخرين اعتزالهم .. الغريب انهم كانوا من المغمورين (( محمود التوني , فريده سيف النصر ..الخ )) والغريب انهم ـ وبعد فترة قصيرة ـ عادوا بعد اعلانهم الاعتزال مرة اخرى بل وذكرت احداهن ( فريده سيف النصر ) انها تتعرض لتهديدات من جماعات اسلامية متطرفة .. وعلى حد علمي فهي مازالت على قيد الحياه وتمارس ( التمثيل ) حتى الآن .. خامسا : لو ان حد الردة يطبق بالفعل الآن وليس حدا معطلا لفكر الكثيرون الاف المرات قبل اعلان اسلامهم ـ الكاذب ـ تمهيدا لعودتهم المبيته من الاساس لا اشكك في نية احد ولا في اسلامه .. ولكني اتكلم بشكل عام .. حد الرده لا يصم الاسلام بالعنف كما يظن البعض .. فصله عن الدين لن يجعلهم يرضون عنا ورب عزتنا يقول بانهم لن يفعلوا حتى نتبع ملتهم .. حد الرده حماية لمن يدخلون في الاسلام فعلا بقلوبهم قبل السنتهم من دخول آخرين فيهم ممن يمتهنون المتاجرة بالدين فيبيعون آخرتهم بدنيا غيرهم .. اعتذر ان كانت مداخلتي خروجا عن بقية مداخلاتكم ولا علاقة لها بما تتحاورون بشأنه على مايبدوا .. اعتذر ايضا ان لم اتمكن من متابعة هذا الموضوع بشكل افضل .

هذا المقال مناسب لهذا الموضوع لماذا أصبحنا ملطشة؟ بقلم د. محمد أبوالغار

السلام عليكم وظل العمال يهتفون خلال التظاهرة: «يا مبارك فينك فينك.. الحكومة بينا وبينك»..لا أجد الكلمات الكافية لوصف ضيقي بهذا الهتاف ألا زال الناس في بلدي بهذه السذاجة؟ هل لا زلنا "نؤله" الحاكم و "ننزهه" عن خطايا الحكومة التي أتى بها و يصر عليها؟؟؟ ألا زالت صورة الحاكم "الطيب" المحاط بالأشرار الفاسدين هي السائدة؟ و أنه "لو" علم بالظلم الواقع على الرعية "لانتفض من فوره و رفعه؟؟؟ هل الناس مقتنعة بهذا فعلا و يرسخ الإعلام هذه الصورة المصيبة عندهم؟ أم هم يتظاهرون بالتصديق مقدمين بهذا بابا للحاكم ان يرفع "بعض" الظلم و "يجود" عليهم بفتات من حقهم؟

السلام عليكم و رحمة الله و بركاته ممكن لو سمحت حد يفهمني إيه الفايدة لما بنفضل نتكلم و نتكلم و نجيب من شرق و من غرب....و برضه محدش لا بيقتنع و لا بيسمع و لا عايز اصلا؟؟؟ إيه الفايدة لما خلاص معظم الاعضاء تبقي دماغهم مقرية.....و غالبا بتوقع ردودهم في توبيكات معينة...نفسي اعرف ايه الفايدة....من المشاركة....تعبير عن الراي...يا فرحتي....هي الناس مش واخدة بالها ان ارائها بقت واضحة خلاص....هي عافية يعني.....اللي بيخش حوار اكيد عايز يستفيد....حاجة جديدة ايه الفايدة....لما الاقي توبيكات المفروض في ظاهرها انها بتتكلم عن الدين بجوهره الحقيقي....لكن الاقيها بقدرة قادر بقت هجوم شرس و عنيف و ناس بتلزق من هنا علي هناك....و كل واحد نصب نفسه العالم بامور الدين اكتر من غيره ايه الفايدة....اني افضل اقول الادارة تتدخل في حاجة....و بعدين اقول لنفسي....ايه شغل الولايا دوت.....وصلنا لمرحلة ان الادارة تتدخل.....طب هو ايه ادارة اصلا.....يعني هتشيل و هتحذف.....لا انا مش عايزة كده ايه الفايدة.....ان موضوعات بعينها تبقي حكر علي ناس بعينها...مش عشان مش عارفين نشارك.....لا عشان سينارين الستفزاز...بقي يتلعب بنفس الخطوات في كل توبيك...و برضه بنمشي وراه... ايه الفايدة....اصلا من دخول المحاورات مش عارفة ايه الفايدة بقي.....!!! لو حد عرف يقولي.....يفهمني اصل الطعم بقي زي ما بنقول عندنا في الصعيد.....ماسخ اوي :sad: كل سنة و انتم زي ما انتم.....محدش هيتغير....يمكن الاسامي....يمكن المعرف....بس هي هي....الدماغ واحدة مكنتش عارفة اني ممكن في يوم اياس لكن بجد عملوها الوحوش.....و جبت زيت جزاكم الله كل خير متابعة من صفوف القراء..... ممتنعة عن المشاركة الي اجل غير مسمي

أوافق الفاضل nightmare علي انزعاجه من تحول مواضيع مطروحة للنقاش في سبيل العثور علي أجوبة و حلول .. الي مواضيع مثيرة للخلاف و مناقشة العقائد بل و تعدي خطوط طالما احترمناها جميعآ في المحاورات ... أوافقه علي دعوته في "توظيف" الدين كي يجمعنا لمواجهة مستقبلنا و مستقبل أولادنا و ان ننأي به عن "استخدامه" ليفرق بيننا و ليثير حزازيات و احتقانات نحن في غني عنها بل لا يوجد مكان لها بيننا .. نحن ابناء هذا البلد جميعآ ... أشترك معه في تلك الدعوة في ايقاف تلك النقاشات الخاسرة ... و عدم الرد علي مداخلات نجدها مستفزة فمن يضيفها يضيفها باحثآ عن مبارز ... و نحن لسنا كذلك ... كما أشارك أستاذي الفاضل عادل ابو زيد إطراؤه للمحاورات ... فبجانب كل مظاهر الرقي بها أضيف ان من خلالها ظهرت أخيرآ اصوات مسيحية مختلفة تشارك قرينتها الأسلامية الحوار بدون تشدد او انفعالات مبالغ فيها ... و لم يعد الأمر متوقفآ علي عضوآ واحدآ او اثنين علي أكثر التقدير .. فهل نستخدم جميعآ تلك الفرصة علي أحسن صورة ام نهدرها و نسير نحن ايضآ في درب الخلافات الطائفية العقيمة ... أعتقد ان الرد واضح و لا يحتاج الي كثير من التفكير .. تحياتي و مودتي ...

طبعا يا جماعه كلو ركبه بتخبط فى بعض و انا بفكر فى فكره بس محتاج مساعدة الناس اللى خلصوا مقابله ...صمويل ورومانى و توتا و ملوكه والناس اللى خلصت و معدناش بنشوفها هما عارفين نفسهم طبعا :happy: ياريت يشاركونا المهم ... الفكره اننا نحاول نكتب هنا خبرات و نصايح للناس اللى داخلين المقابلات فى صورة كبسولات تتاخد 3 مرات بعد الاكل (صيدلى بقى :P )وانا شخصيا هبدأ واى حاجه هلاقيها فى سكتى هجيبها و اعرضهالكو و ربنا معاكو

علمني المصطفى صلى الله عليه و سلم

نفس السؤال اللي محيرني أختي العزيزة زهقنا من الحلول الفردية و قصر النظر و نفسي الناس تفوق بقى عارفة كلامنا ده -رغم انه مش كفاية- ناس بتقراه .. يمكن يفتح عقولهم .. يمكن يكون عند حد منهم حل أحيانا عقلي يقولي المصريين ياما دقت على راسهم طبول و عارفين ان اي تغيير محتاج قائد و تنظيم جيد و إلا ضرره أكبر انا زيك .. باسأل .. كل اللي اقدر عليه اربي ولادي على الإيجابية .. ما يخافوش .. يعرفوا دينهم صح و يطبقوه صح بحاول مااسكتش عن الحق .. و اشجع اللي حواليا على كده .. الناس لما بيلاقوا حد بيتكلم .. بيدافع عن حقه و حقهم -رغم انهم بياخدوا جنب في الأول - بيقفوا وراه .. و سبحان الله تلاقي الظالم اللي كان متجبر بيتراجع و يقصر الشر عارفة .. الفساد رغم انه يبان غول ضوافره في كل حتة .. بس ضعيف جدا.. واحد شريف بس ممكن يحجمه.. الفساد بيقوى بينا إحنا .. سكوتنا و ضعفنا و كتير مشاركتنا فيه بقصد أو لا

كل عام وانتم بخير هادور علي صور قطار المشاعر واحاول اجيبها

علمنى رسولي صلى الله عليه و سلم فقال

ماهو الجيل ده زى حركة 6 ابريل والاف الشباب على الفيس بوك اللى العين عليهم وكل المدونيين حطينهم فى البلاك لست فى محاولة لتكميم افواهم دول ممكن يساعدوا الناس ويفهموهم ايه المفروض يحصل عشان التغيير يتم. فى الاف البسطاء مايعرفوش حاجة فى اى حاجة وهى دى الاصوات اللى بتروح الانتخابات لكن الناس لو لقيت اللى ياخد بايدها ويفهمها اكيد حيكون فى نتيجة لكن الحجر على الافكار وقمع الحريات والاراء بيخلق اجيال بتتخبط مش عارفة الصح من الغلط والاهم من ده كله مش بنعلم اولادنا الثقافة السياسية حرصين ناكله كويس ونعله لغات ونوفره حتى الشقة يتجوز فيها لكن مش بنعلمه ازاى يدافع عن حقه المغتصب مش بنديه مساحة يقول اللى هو عاوزه بنسيبه لاصحابه والنت والتلفزيون يتعلموا منهم وطبعا مافيش غير الكليبات والاغانى وهو ده اللى عايزاه الحكومة تعليم بايظ قيم مفيش حتى القنوات اللى كان فيها بقايا للفضيلة قضوا عليها وسابوا للعيال اللى يزود خيبتهم ناس متعلمة كتير ومثقفة كتير لكن كام واحد يهمه يحصل تغيير ولا ميحصلش طيب هو بيشارك بايه انا واحدة من الناس عاوزة حد يقولى ممكن اعمل ايه عشان يحصل تغيير كل اللى حيلتى كلام وبس

ليه بقى يامغتربه كده داانا لسه مديكى واحده اخضر وانا بشوف المشاركات وشكل كده هاسحبها :) مالك بقى ومال بتوع كندا ماتسيبيهم فى حالهم وبعدين انا اهو اول ماكنت بدخل كنت بدخل بس باب كنكا وبعدين شويه شويه رجلى جت عندكم هنا ومتابع كل حاجه بس مش شرط المشاركات يعنى المهم لما الواحد يشارك يقول حاجه جديده ميقولش نفس الكلام زى ماانا ملاحظ وعشان كده حد زى لماضه بقت بتقول ان كل حاجه مكررة وسى السيد لما ضرب مثل بالقصه بتاعة الجمل فى توبيك تانى wst:: الموضوع مش بعدد المشاركات والتجاوب يعنى العدد مش فى اللمون . لازم نعرف ان كل واحد ليه اتجاهاته واهتماماته المختلفه عن التانى يعنى مينفعش نجبر حد انه يشارك فى حاجه معينه قبل مايدخل يشارك فى الحاجه اللى مهتم بيها وبعدين حتى باب كندا دلوقتى بقى محدش عاوز يدخله يمكن انا وكام حد تانى اللى لسه بندخل ومن الاخر كده الباب ده بعد ماكان احسن مرجع لموضوع الهجرة ده وكان غنى جدا بموضوعاته ومشاركاته الناس بطلت تدخل عليه وسابوا كمان المنتدى من اصله وراحوا منتديات تانيه ومش فاكر انا قبل كده قريت ان الناس بردو مضايقه من باب كندا وعشان كده ناس كتير مشيت من المنتدى خالص ولعلمك بقى احنا فى باب بتاع كندا زى ماقالت اغابى نعرف بعض كويس والناس اللى معايا فى جده هنا بنتقابل يمكن كل اسبوع واللى فى غير جده بنكون على اتصال من الوقت للتانى عارفه ليه لان الاهتمامات مشتركه والهدف واحد والناس بتساعد بعض ( باختيارهم) وعشان كده مفيش مشاكل زى باقى الابواب عارفه عشان ايه ؟ عشان كل واحد عارف هو داخل حاجه عشان يفيد ويستفيد لكن عكس معظم التوبيكات اللى بتلاقى نفس الناس كل يوم بيكتبوا فيها هم هم واللى مالوش فى الموضوع اصلا ولا دى اهتماماته بردوا لازم يدخل يكتب ويشارك طب ليه بقى هو نظام ازود عدد مشاركاتى والسلام ولا المفروض من العنوان كده ومن راس الموضوع افهم اذا كان الموضوع ده مهم بالنسبالى وممكن استفيد منه وافهم الناس بتقول ايه او لو عندى حاجه افيدهم بيها ادخل واضيفها فى التوبيك بس ازاى بقى يبقى فى توبيك مفتوح من غير ماالناس تدخل تضربلها كام مشاركه حتى لو الموضوع مش فاهمين فيه حاجه ممكن يعترضوا والسلام wst:: wst:: او يعيدوا نفس الكلام بصيغه تانيه المهم يكتبوا وخلاص عشان كده الناس بتختلف كتير مع بعض واهى مشاركات والسلام يعنى الافضل كل واحد يدخل يشارك فى موضوع معين يكون اما عاوز يستفيد فيسال ويسمع الرد او عاوز يفيد فيقول اللى عنده او يدخل يتناقش ويقول رأيه ويسمع رأى الاخرين اوعى حد يزعل منى بجد انا مقصدش حد بعينه ( وبردو خلوا بتوع كندا فى حالهم wst:: ) تحياتى للجميع أكرم,,

لما بدخل قسم كندا بحس انى بدخل منتدى تانى غير محاورات المصريين بلاقى اسماء غريبه علينا فى باقى المنتدى و ليها مشاركات كتير جدا و عارفين بعض جدا و بينهم علاقات متينه و بالتالى برضه هيكون الى فى باقى المنتدى و الى مش بيخش قسم كندا و لا بيشارك فيه ممكن يكون مجهول بالنسبه ليهم و كذا مره افكر افتح عندهم موضوع باسم يا اهل كندا لما لا تشاركونا فى باقى الاقسام لكن انا عندى اقتراح برضه بهذا الخصوص و هو عدم السماح للعضو الجديد طبعا لان القديم خلاص عدم السماح للعضو الجديد بالمشاركه فى منتدى كندا بالكتابه فيه الا بعد استيفاء عدد معين من المشاركات فى الاقسام الاخرى للمنتدى فى محاوله لجذبه لتصفح المنتديات الاخرى لعل و عسى ان يجد فيها ما يغريه بالمتابعه فيها بالاضافه لاهتمامه المشروع بمنتدى كندا و بكدا نبقى كلنا عارفين بعضنا و بنشجع الكل فى الكتابه فى كل المنتدى رايكم ايه

استاذ خالد مش شرط يا باشا تكون العينة اتسرقت و صاحبها سليم 100% ساعات بيكون فيه اصابة كامنة أو مش مؤثرة أو الجسم حامل للأجسام المضادة .. و الأكيد بيعملوا عينة و اتنين و تلاتة و ممكن في الرابعة يدوك نتيجة شوف يا ايجبت باشا لو افترضنا الأسوأ و ان فيه اصابة فخير و بركة انكم عرفتوا بدري بدري عشان في الأول الأمور بتكون اسهل أوي في العلاج .. خلينا بأة دلوقتي نركز على وصول زوجتك ليك اذا طلعت النتيجة ايجابية (يا رب تطلع سلبية) المكتب هنا بيخلع ايده خلاص و زوجتك بتطلب تاخد نتيجة من الصحة و بيدوهالها ان شاء الله على 3 مرة كدة .. و المكتب بيدلها تعمل ايه بس خليني أقولك .. بتاخد هي النتيجة و حضرتك بتروح السفارة أو القنصلية و بتعمل تعهد بانك على علم بالاصابة و مسؤل عن توفير التأمين الصحي و انها لن تعمل و لن تختلط و كدة و هم في السفارة عندهم فورمة الكلام ده و ده اجراء روتيني جداً .. هتروح بعد ما تختم من السفارة على الخارجية و توثق التعهد ده في 5 دقايق .. الدنيا سهلة جداً و الله مش صعبة خالص .. تبعت التعهد ده لزوجتك و خلي معاك صورة احتياطي .. هتاخد هيا التعهد مع أوراقها و نتيجة التحاليل و هتروح على السفارة السعودية في مصر قسم الرعاية الطبية .. بمنتهى الذوق و الاحترام هياخدوا منها الورق و هيقولوها راجعينا بعد 4-5 ايام .. و هتاخد التأشيرة بمنتهى اليسر و الف مبروك و تتجمعوا على خير. انت بس ابعتلها كل حاجة تثبت تواجدكم مع بعض و تواجدك في السعودية .. انا عملت احتياطي و بعت كل ما قد يمس الموضوع من مستندات و زوجتي قالتلي الورق اللي بعته كله نفعها و رجعوا ناس كتير على اي حاجة .. لكن هي أخدوا منها الورق كله. ابعت نسخة من عقدك .. قسيمة الجواز المتوثقة .. الورقة الصفرا بتاعت الاستقدام .. صور من اقامتك و جوازك و تأشيرتك مختومين من الشركة .... و هكذا .. الحاجات دي مش شرط لكن أمان عشان تخلصوا الكلام ده متجرب أكيد.. و ربنا يوفقك يا رب و يجمعكم على خير و اهدوا كدة على بعض و خليك هادي بدون تعصب خالص. مكاوى

طيب لما انتى تقولى اناممتنعه و انا اقول و سين من الاعضاء و صاد من الاعضاء يبقى ازاى ممكن ان احنا نحلم بالمختلف صدقينى ان كان التكرار طعمه ماسخ فالياس طعمه علقم مش مطلوب ان احنا نغير حد و لا ان حد يغيرنا لكن المطلوب قوى ان احنا نفهم بعض قوى و نوصل لبعض قوى العقبات استحاله تختفى لاننا ببساطه عينه مصغره من الواقع او الدنيا الكبيره الى بنقول عليها المجتمع و علشان كدا لا فيه مدينه فاضله و لا برضه منتدى كامل العينات العشوائيه رغم التحفظات الى بتكون عليها لكن فى نظرى هى اصدق العينات تمثيلا لمجتمعاتها علشان كدا لو احنا هنا ياسنا برضه فى مجتمعنا الكبير هنياس و دا صعب قوى و خطر قوى قوى انتى من اكتر الناس الى كانت دايما تنادى بالايجابيه فى النظره حتى فى اسوء الظروف بصى للجوانب الايجابيه هتلقيها مش قليله لكن لحظات الياس الى بتمر علينا هى الى بتخبيها عن عنينا لازم تقاومى الياس دا و لازم بجد تقاومى كل اغراءات الانسحاب :roseop:

اللى محدش يعرفه ان اسكندريةمن يومين كانت اشبه بالثكنة العسكرية اعلى رتب من ضباط الامن مترصصين على بعد مسافات متقاربة وخاصة طريق الكورنيش ولما الناس استغربت للى بيحصل اتضح ان العصابة بربطة المعلم مجتمعين فى قصر راس التين والسبب كما جاء على لسان احد امناء الشرطة حفلة تأييد وتدعيم للتوريث وحقيقة لا اعرف حقيقة هذه المعلومة من عدمها ولكن الوضع كان مختلف عن وضع الانتخابات والاخوان زى ماكنا بنشوف قبل كده كان الوضع انه فى زيارة مهمة لكن منعرفش مضمونها او سببها الا ماجاء على لسان امين الشرطة حكاية بقى ان الرئيس ماعندوش علم باللى بيحصل للشعب المغلوب على امره فده بيفكرنى بسلطة الاحتلال فى الافلام كانت بتضرب المصريين بايد اخواتهم برضه من ضباط وعساكر مصريين وزى الاجانب فى اشغالنا بيسلط عليك رئيسك المصرى وهو كأنه مايعرفش حاجة ولو ادخل عشان يرفع عنك ظلم وانت تقول بص الاجنبى ارحم على من ابن بلدى وفى الحقيقة عكس كده انتم الاتنين مجرد اداة فى ايده بيلعب بها زى ماهو عايز بس هو خلف الستار خلينا ساكتين وخايفين على نفسنا وعيالنا لحد ماكرامتنا وحقنا راح برة وجوة سياسية كل الناس دلوقت خلينا فى حالنا خلينا ماشيين جنب الحيط لحد مافى مرة الحيطة دى مش حتستحمل وحتنهار علينا مرة واحدة من سلبيتنا وظلمنا لنفسنا وفى جميع الحالات ضيعين يبقى نضيع حياتنا لهدف مش نقعد حطين ايدينا على خدنا مستنين الفرج

محاولة طيبة يا أخ محمد أحييك عليها بس هي معادلة شعب + نظام حاكم = نجاح أو فشل مفيش معادلة من طرفين .. لازم يكونوا 3 أطراف .. مينفعش المعادلة تكون شعب = نجاح أو فشل ولا ينفع تكون نظام حاكم = نجاح أو فشل لازم الاتنين مع بعض و يا عمي بهدلة ببهدلة خلينا نجرب اصناف جديدة من البهدلة مكاوى

انا مش عارفه انتى قصدك يا اغابى اقتراحات لينا احنا المشاركين نطبقها فى مشاركتنا و لا اقتراحات لاداره الموقع لتطوير الموقع عموما انا عندى اقتراح ان الاداره تعمل استضافات لشخصيات سياسيه و ثقافيه و فكريه لان دا من شانه اثراء المحتوى بالتناقش معهم عن قرب و سماع وجهه نظرهم و كمان للاجابه على الاسئله الى نوجهها ليهم و كل ما تنوعت اتجاهتهم و مجالاتهم كل ما دا ادى الى استفاده اكبر من الفكره كمان ممكن ننشط الفاعليات شويه فى المنتدى يعنى ان الاداره تنشا اقسام تقوم على اساس التفاعل بين الاعضاء او بين الاعضاء و الاداره لان دا هيخلق جو تعاون و روح حلوه فى المنتدى اقامه المسابقات فى المنتدى برضه شيفاها هتكون ايجابيه مش شرط يكون فى جوائز ماديه يكفى جدا جوائز معنويه كالقاب او اوسمه او ما شابهه دا الى عندى دلوقتى و لو لقيت حاجه تانيه اكيد هحطها

الاخ الفاضل تنقل كفاله عادي جداااا حتي لو انت جاي من مصر تاني يوم بس هو المشكله في شي واحد عايز امر من الاماره او من الدخليه والامر بيلغي المده القانونيه اهم شي امر صريح بنقل الكفاله لو عايز كمان تعدل المهنة مع الكفاله وبكدا انت غير ملزم بي مكتب العمل

جميل قوي ومن يصنع المحاورات ؟ ومن يصنع المجتمع نفسه اللي إحنا عمالين نلعن سلسفيلة ليل نهار ؟ ومع ناسيين حاجه مهمه جداً .. إننا من نصنع ذلك كله .. ريهام بتتكلم في حاجة تانية يا مكاوي بتتكلم عن أراء فعلاً بقت محفوظة حتى لو بتتكلم في كرة القدم ... هي هي نفس الأراء بتتاخد كوبي وبيست وتوضع لو في موضوع في باب هدي الإسلام أنا فهمتك يا لماضه . وعاوز أضع قصة طريفة هنا ... يمكن نتعظ

اهههههههههههههههههههه انتم بتبدلوا نقط مع بعض بقى قلتو لى وانا باقول الناس دى بتجيب النقط دى منين كنت باحسبهم بيتباعوا فى السوق اتارى الموضوع طلع بزنس عالى اوى :lol::lol::lol::lol::lol::lol::lol: طيب ممكن توطوا صوتكم بقى وتتناقشوا على الخاص احسن الناس تقول ماشفوهومش وهم بيتبادلوا التقييمات شافوهم وهم بيتحاسبوا ومحدش يفهمنى غلط

...فعلا ...سامح الله التكنولوجيا ...لا ولسه ... حد سمع عن اختراع الحاسة السادسة ...؟؟ الموضوع حقيقى يستحق المشاهدة .... ياريت نشوف الاختراع ده ...ممكن يعمل فينا ايه ..؟؟ تخبل كدة ؟؟ http://www.youtube.com/watch?v=o43Yyi7lv4E

وجعتولي عيني الله يسامحكم يا جماعة مسلم كله أخو .. مسيحي كله سيم سيم صديج متيجوا نشوف الهم اللي كلنا فيه و البلا الازرق اللي طالع على جتتنا مسلمين و نصاري مش معنى كلامي بأقول للمسلمين ما تدافعوش و للنصاري تطاولوا .. بتهيألي معروف عني كويس ما ينفي ذلك .. بس بأقول اختصاراً لكم دينكم و لي دين!! الصراحة موضوع الفاضل محمد كان ممكن يستغل استغلال أحسن من كدة بكتير و كلنا نستفاد منه و نتعرف على عقليات متفتحة و نغير اسلوب حياتنا في كل شئ مش بس في حرية العقيدة العبوا سوا .. الله يرحمك يا جدي مكاوى .. و يجعله عامر

انا عندى راى مختلف شوية انا شايف ان يجب ان ندرس فعلا اللى حصل اثناء موضوع جامعة الازهر شخصيا استخلصت بعض النقاط التى يجب ان ندرسها ونضعها فى حسابتنا : - الاخت جورية اخدت النقاط الحمراء لاختلافها مع جميع الاعضاء وده فى حد ذاته يثبت انها خطأ لسبب صعب جدا فى موضوع زى ده كل الناس تتفق على راى وهى تخالفه حتى لو كان راى شخصى وكان واجب عليها عدم الاستمرار فى الردود على نفس المنوال او الطريقة لان فى بعض الاماكن الاخرى قد يتطور الامر الى سباب واشياء اخرى لذا اعتقد انها نقطة اسفادة شخصية جيدة لها فى حياتها ان شاء الله - النقطة الاخرى انه لم يؤيد اى فرد فى الحاورات راى الاخت جورية ولو حتى من قريب ده معناه ان كل الشباب اللى فى المحاوات عندهم نفس الرؤية والنظرة الى ظباط الشرطة وهذا مؤشر سىء لى كمصرى ( كنت باحسب انا بس اللى باكره الشرطة) وده يوضح ان شكل كل المحاوراتية مش عاجبهم حال مصر - نقطة اخرى ان يتضح ان معظمنا ماعندوش موضوع انه يتقبل الراى الاخر حتى لو كان مختلف معاه او ضده بالعكس رغم اننا فى حوار يعنى بنتكلم بدون استخدام الايدى ولكن كله اعطى تقرير سالب امال لو كنا بنتحاور وجها لوجه كنا ضربنا بعض ؟ النقطة الاهم بقى ان اثبت ان مافيش حد من المحاورتية تبع الحزب الوطنى او بيؤيد الحكومة وكده انا اطمنت ونتكلم براحتنا بقى :lol::lol::lol::lol::lol::lol::lol:

اذن نتفق على أن التأليف في حد ذاته جميله جميل و قبيحه قبيح و أنه ليس كذبا و بالتالي فهو ليس محرما مادام لا يتجاوز ما نهى عنه المولى عز وجل من السخرية و الكذب و سوء الخلق و مادام يدعو للخير ملحوظة رغم سخافة و رتابة نكتة اللي جا يقعد على قهوة قعد على شاي و رغم أن التناول قد يكون طفوليا الا انها تتبع التلاعب بالألفاظ و على التشابه اللفظي بين القهوة المشروبة و بين المقهى باللغة العامية و أيضا أرى أن التلاعب بالألفاظ ليس محرما بل و يمكن الخروج به من مأزق دون كذب كما قال الرسول صلوات الله وسلامه عليه في طريقه للهجرة عندما سئل من أي القبائل هو و صاحبه الصديق رضوان الله عليه فرد قائلا نحن من ماء فهو صلى الله عليه و سلم كان يقصد ان الانسان مخلوق من ماء و أيضا كانت هناك قبيلة ماء فهذا ليس كذبا بالتأكيد و انما تلاعب بالألفاظ ملحوظة ثانية أرجو ألا يأتي من يتهمني بالتطاول على الرسول صلى الله عليه و سلم بلفظ " تلاعب" و لست أعلم تعبيرا آخر غير التلاعب بالألفاظ

أغابى قالت دا اسمه ايه حضرتك ... احنا طلبنا توضيح فقط لا غير .. وهيا حتى مردتش !!! مفيش حد بيحجر على رأى حد حضرتك شارك وقول رأيك واحنا بنتناقش مش بنتخانق ... ممكن تلاقى شوية انفعالات .. عادى يعنى مش مشكلة واصل يا استاذنا يا جماعة انا مش شايف ان ده هجوم على الاسلام وده بأمانة مش دفاع عن اغابى هى ذكرت معلومة غلط من وجهة نظركم من الواجب انكم تصححوها وتقولولها لا يا اغابى كلامك غلط عشان كذا وكذا وكذا وانتهى الموضوع يعنى مفيش داعى تاخد شكل الهجوم على الاسلام عشان حوارنا يكتمل فقط كانت محتاجة رد هادئ وارجو ان اكون على صواب وشكرا يا ابو شريف على اسلوبك تحياتى للجميع

ربنا يباركلك ..انا لسة صدقيني كنت النهاردة بقول لواحد قريبي علي الفيديو دة و قعد يقولي لاااااا دي مؤامرة اكيد من القناة وانة ماينفعش حد في الكون مايبقاش عارف اسماء اصحاب الاهرام...تخيلوا و قعدت ادور و ما كنتش لاقية و لقيتة هنا دلوقتي.. هو طبعا الموضوع فضيحة بينة...مرة سالوا دكتور جامعة و قالولوا...يا دكتور كل مجتمع او دولة لة سيكل ,حلقة شوية فوق و شوية تحت و مصر دلوقتي وصلت القاع يبقي هانت خلاص عشان نطلع تاني...سكت شوية و قالهم و هو باصص علي الارض و قالهم بس مصر تفردت انها وصلت القاع و ابتدت من عند مستوي القاع تحفر لتحت كمان :lol: :sad: في انتظار المعجزة

مقال جميل اختي مغتربة , يفند فكرة الصورة النمطية .. ولكنك لم تشيري الى اسم الكاتب او جنسيته لا جدال ان للغرب صورة هلامية تماما عن العالم العربي .. ومختلفة ونمطية في احيان وضبابية في احيان اخرى اذكر مقابلة مع احد الاطباء الفلسطينيين في قناة الجزيرة قبل وقت طويل يعمل في الولايات المتحدة الامريكية .. عندما علمت واحدة من مريضاته الامريكيات انه فلسطيني قالت بتاثر : هل لا زال صدام حسين يعذبكم ؟ زار احد الاطباء الاوربيين جدة في مؤتمر طبي .. قال لاحد الاطباء السعوديين انه كان يتصور ان الجمال هي وسيلة التنقل الرئيسية التي كان يعتقدها في بلادنا لدرجة انه راسل المستشفى السعودي المنظم للمؤتمر للاستفسار عن هذا الخصوص .. هناك العشرات من المواقف النمطية مثل هذه التي تشي بعدم معرفة الغرب لماهية العالم العربي حقا ومدى تنوعه وثرائه لكن في المقابل هل يعرف ( العرب ) العالم العربي حقا ؟؟ تفاجأت وانا اتصفح احد المواضيع القديمة هنا بمحاورات المصريين ان البعض يعتقد ان الحبشة هي منطقة بالسعودية ذكر لي احد اصدقائي السعوديين الذي سافر للبنان قبل فترة طويلة عن استغرابه لرؤيته مجموعة من اللبنانيات محجبات ؟ في برنامج من سيربح المليون اعتقدت لبنانية ان ايران هي دولة عربية وفي نسخة برنامج من سيربح المليون المغربية اعتقدت مغربية ان المسجد الحرام يوجد في القدس من منا يعرف شيئاً عن موريتانيا ؟ حاكمها او صحافتها او عاصمتها رفضت مجموعة من الحجاج الليبين الركوب في حافلة حملة الحج السعودية الي استقبلتهم لان اسم الحملة ( القرشي ) وقالوا بالحرف الواحد انهم لن يدعموا حملة حج ينتمي اصحابها لمن حاربوا الرسول ( صلى الله عليه وسلم ) والصحابة .. ولم يقبلوا بالركوب بالباص حتى تم احضار باص اخر لا يحمل هذا الاسم صديق سوداني تعرفت عليه بالماسنجر .. يسأل ان كان لا بد له من اطلاق لحيته اذا اراد زيارة الاراضي السعودية ؟ اعتقد انه من الافضل ان نعرف انفسنا جيدا قبل ان نطالب الاخرين بان يعرفوناعلى حقيقتنا

هل يجوز منك حمد ربنا على ما ترى أن فيه مخالفة للشرع؟

ازيك اخي شريف مان كيف الاحوال الدكتور فرج فوده افتي عبد الصبور شاهين بارتداده عن الاسلام واغتاله سماك لا يعرف القراءة والكتابه ولم يقرأ بالطبع كتاب واحد من كتب فرج فوده وغالبية المرتدين عن الاسلام يعلمون ان هناك حدا للردة يباح لاي مسلم ان يقتله اذا لم يقتله ولي الامر وهناك فتاوي كثيرة معروفة تسمح بذلك هذا لمجرد ان شيخ افتي بارتداد والدكتور لم يعلن ارتداده عن الاسلام وظل ناطق لشهادة التوحيد حتي مماته فما بالك بمن يعلن ذلك علي الملأ

سلام عليكم .. معلش هو طلب مني للإدارة بس أنا قلت أكتبه على العام عشان لو فيه حد معترض عليه .. مع احترامي الشديد للمشاركات الأربعة اللي أغابي لفتت ليها النظر .. واللي أنا كنت إديتهم تقييم إيجابي من قبل حتى ما أغابي توضح النهاردة إن هم دول المداخلات اللي كان ليهم دعوة بالموضوع .. أنا باقترح بتعديل إسم الموضوع ليتناسب مع محتواه وأيضا حذف هذه المداخلات الأربعة لإن صعب جدا إن الادارة تحذف 50 مداخلة خارج الموضوع عشان تبقي على 4 مداخلات عُمي حتى لو كانت المداخلات دي هي اللي خدت بالها الموضوع بيتكلم عن إيه .. اقتراحي في نقاط: 1. تعديل إسم الموضوع ليتناسب اسمه الجديد مع المداخلات الخمسين اللي مالهمش دعوة باسمه الحالي 2. حذف المداخلات الأربعة اللي ليها علاقة بالإسم الحالي ----------------------------- أغابي .. ألوم عليك تسرعك في بعض الأحيان .. إنتي فهمتي رد أستاذي أبو محمد على مكاوي المقلوب تماما .. ----------------------------- رجاء من الإخوة المصريين المسيحيين الأعضاء النشطاء في المنتدى واللي مش فاهمين ليه باقي المصريين المسيحيين متقوقعين على انفسهم إنهم يتعلموا الدرس بقى ويبطلوا أي محاولة منهم لتوصيل وجهة نظرهم ويتقوقعوا هم كمان عشان يحافظوا على كرامتهم .. آسف أستاذ عادل أبو زيد .. دعوتك للمصريين المسيحيين بالتفاعل الإيجابي في المجتمع كانت دعوة في غير محلها .. كان يجب أن يسبقها دعوة لتأهيل المجتمع في تقبل هؤلاء المختلفون أولا .. شكرا

في عانس صنعت من احزانها نجاح و فرح الدكتورة غادة عبدالعال صاحبة مدونة عايزة اتجوز و كانت سعيدة جدا بنجاح مسلسل عايزة اتجوز و بتقول الحمد لله ان ربنا عوضني عن كل اللي فات و انا عايشة نجاح جديد بس هيا برضو بتملك موهبة الكتابة ، و المسلسل ناقل مدونتها بالظبط و كلام هيا عرفت تعبر عنه

حضرنى بمناسبة الكلام ده حكاية كان والدى الله يرحمه حكاهم لنا زمان فى بداية الثلاثينات كانت معظم الستات من عينة امينة فى فيلم نجيب محفوظ(علنيتهم اوى) الوقت ده كان الراديو اختراع جديد وقليل اللى عنده كهربا وكان الشيخ محمد رفعت الله يرحمه بيقرا قرآن فى الراديو وفجأة عطس قامت ست كبيرة من اهل البيت قالت لجدى اقفل الشباك يا مصطفى احسن الشيخ استهوى

nightmare باشا ... شوف، أهو التصريحات بتجيب بعضها اهو، القف دول ... "أزمات الكهرباء والمياه والأسعار تضاعف من ثواب الصائم" عدلي حسين محافظ القليوبية، طب والحكومة مش عايزة شوية ثواب؟ "الحديث عن مرشحين للحزب الوطني في وجود مبارك قلة أدب" علي الدين هلال أمين الإعلام بالحزب الوطني، أمال الحديث عن ترشيح جمال مبارك ايه؟ كل الأدب؟ "الدولة اللي تغير الدستور علشان شخص معين تبقى هُزؤ" علي الدين هلال أمين الإعلام بالحزب الوطني، طب والشخص اللي يبيع نفسه عشان منصب يبقى ايه؟

إوعى حد يفتكر إني بأسخر منه عشان لسه صغير وبيبدأ حياته ؟ لإن كلنا كنا كده ومازلنا نتعلم .. وكنا في بداية حياتنا نتلمس الطريق ونرجو أن يأخذ أحد بأيدينا إلى الإتجاه الصحيح لكن لما ألاقي الطريق وألاقي اللي يساعدني أقوم بكل شجاعة أقدم تنازلات مُذلة من الأول وأحسس اللي قدامي إني مستعد ألعق حذاءة عشان لقمة العيش ؟ إلى جانب ذلك فقد قلت له يا حبيبي السهم لما بيتجه للنزول إلى أسفل في البداية ... فعمره ما هايطلع تاني ... ما اقصدة إنك ممكن في بداية التفاوض على عمل تما توصل إلى حلول وسط .. وتقف على نقطة في منتصف الطريق وده مطلوب وهي مهارة من مهارات التفاوض .. ولكن أن تستسلم بهذا الشكل وتُصعر خدك من البداية .. فسامحني إنت عمرك ما هاتكبر او يبقى عندك طموح .. وضربت له مثل وقلت له : عمرك قابلت لبناني أو أردني بيدور على شغل ؟ أهم دول بالذات بيبقوا راسمين خطة معينة لحياتهم وحطين ثوابت لا يستطيعوا أن يُفرطوا فيها وبالنسبة لهم غير قابلة للنقاش .. وأنا شخصياً أعرف ناس بيقعدوا بالشهور عاطلين عن العمل ولا يقبلوا أقل مما حددوه ويضطروا للإستدانة لكي يستطيعوا أن يأكلوا ويشربوا فقط .. وكل ده عشان ما يتقالش عليه إن المنحنى البياني عنده بينزل . وبغض النظر عن المقومات أو المؤهلات اللي موجوده عند الشخص ففي كثير من الأحيان - وأظُن كثير منا شاهد ذلك - لا تفرق مع بعض الشركات وبالتالي يختاروا الشخص عشان شكله حلو وبيتكلم حلو أو من جنسية راقيه أو إن نوع البارفان بتاعه غالي ... إلخ إذاً فالإنسان هو من يستطيع أن يُسوق نفسه .. ويعمل لنفسه سعر في سوق العمل عن طريق كبرياؤه وطموحه وتأثيرة على الآخرين .. هذا ما قصدته من هذه القصة الواقعية الي تحرق الدم والتي يُمكن أن يستفيد منها الكثيرون

طيب اذا الناس او ممن هم اصحاب التفكير اللى نوعا ما لما بيتختلفوا فى الراى ممكن يصل الحال الى استعمال هذا الغضب فى صورة بدل ما يحولوها لحرب يحولوها مثلا لنقاط حمرا يبقى داه مش منطقى ابدا ان النقاط الحمرا تستعمل لمن يخالفنى الراى يبقى لازم الادارة توظف النقاط الحمرا فى اطار قوانين محددة اغابي :roseop: