لوحة القادة

السلام عليكم الحقيقة مش عارف الموضوع دا مكانه فين فى المنتدى لانه موضوع شخصى بس متعلق بالمشاركة هنا فى المنتدى فحبيت اضعه فى هذا القسم حتى يراه الجميع . من فترة وجدت رد لاحد الاعضاء هنا فى المنتدى والرد عجبنى جدا وكلامه دخل قلبى لدرجة انى حبيته بجد وبعد كده عرفت انه توفى قبل تسجيلى فى المنتدى بحولى سنتين العضو دا هو الافوكاتو ( رحمه الله ) . كل فترة كنت بدخل على ملفه الشخصى وأقرأ كل موضوعاته ومشاركاته وبعد كل موضوع أو مشاركه .. أدعيله وحبيت أعمل مقارنه بينه وبينى !! وقلت ياترى لو أنا مت النهاردة وسجل عضو جديد ورجع لمشاركاتى هيدعيلى وللا هيدعى عليا !!! ياترى هيحبنى وللا هيكرهنى !!! ياترى هيستفيد من مواضيعى وردودى وللا هيقول أيه الكلام الفارغ دا !! المهم انى عملت المقارنة وكانت النتيجة صاااادمة !!!!!!! وقلت لازم يبقى فيه وقفه مع نفسى وأراجع دفاترى القديمة فلاقيت ان كل مشكلة حصلت هنا فى المنتدى منذ اشتراكى .. أنا مشارك فيها حتى لو مش سبب .. بس أنا مشارك أفتكرت مشكلتى مع أحمد سيف .. وردى البايخ على ريهام .. وردودى الاكتر بواخة على أغابى وسبحان الله انا وأغابى كانت علاقتها كزملاء هنا فى المنتدى أكتر من رائعة .. فى احترام متبادل .. كل موضوع كانت بتكتبه كنت ببقى أول مشاهد ليه وأحاول استفيد منه وأفتكرت كلام حسام ليا أول اما اشتركت ها فى المنتدى ( متخدش كل حاجة على صدرك ) وكلام ريهام ( بترد بعصبية ويتاخ كل حاجة على نفسك ) وكلام ضحى ( راجع ردودك فى المنتدى ممكن تلاقى رد وتاخد عليه ذنوب .. كان فى موضوع حج الرئيس .. وكان كلام غير مباشر ) وافتكرت رد لضحى أمبارح ( فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الْأَرْضِ ) ولقيت أعضاء كتير زعلانين وبيفكروا يسيبوا المنتدى .. وحاسس ان انا السبب طيب ليه مغيرش ردودى !! ليه مبقاش هادى !!! ليه بدل ما اقارن نفسى بالاستاذ محمود ( رحمه الله ) محاولش اتعلم منه !! فقررت انى لازم يبقى فيه وقفه مع النفس قبل فوات الأوان .... لو فيه حاجة مش عجبانى فى المنتدى ليه مغيرش من نفسى لانى جزء من المنتدى ولو كل الاعضاء عملوا كده هيبقى شكل المنتدى أفضل بكتير.... عشان كده قررت الأتى : أولا : تقديم أعتذار للى أسأت اليهم وكمان اللى حسيت أنهم زعلانين منى .. وهم مع حفظ الالقاب للجميع أغابى - أحمد سيف - ريهام ( لماضة ) - سكوربيون - ابو محمد - محمد يوسف - عادل ابو زيد - اشرف حليم - psychologyteacher - سى السيد - اسلام المصرى ثانيا : بالنسبة لى 1- عدم الرد بعصبية فى اى موضوع 2- عدم الهجوم على أى عضو 3- عدم استفزاز اى عضو واستخدام الفاظ غير مقبولة 4- عدم التواجد فى المنتدى لفترات ( طويلة ) والتركيز فى العمل والدراسات 5- تقبل الرأى الاخر بصدر رحب 6- عدم اهانة اى عضو فى المنتدى حتى لو اساء لى أتمنى أن يقبل الجميع أعتذارى والا يترك أحد المنتدى بسببى تحياتى شريف

يبدو ان " هى دى مصر ياعبلة " بلاها تقييمات ، مارأيكم نعمل مفتاح " مشكور " ، أو مفتاح " دعاء عشوائى " كلنا نقرأ تعليقات لاذعة على مقالات كبار الكتاب ، لم يتوقف أحدهم عن الكتابة بسبب ان هناك من لايعجبهم كتاباتهم. لماذا لاتتقبل فكرة ان رأيك سيقبله البعض ويرفضه البعض؟ لماذا نتخيل ان التقييم سيدخل فى المجموع وسيضطر صاحبه للدخول تنسيق مرحلة ثانية أو ثالثة؟ لماذا نعتبر ان التقييم لاشخاصنا وليس معارضة لآرائنا ، وحتى لو كان هناك ضعاف النفس ممن يقيمون مجاملة او انتقام ، لم لانتركهم لباقى الاعضاء ليقرروا بأنفسهم ان كانوا على حق او كانوا ظالمون. لماذا نشغل أنفسنا كثيرا بتقييم سالب لفكرتنا إذا كنا مؤمنون بفكرتنا ، ولماذا لانعتبرها فرصة لمراجعة الفكرة لعل بها شطط؟

الموضوع مهم جداً من وجهة نظرى, لأنه يستخدم الدين فى أغراض دعائية أو لنشر الخرافات والأساطير بين المسلمين. ولمست أهمية هذا الموضوع من تجربة شخصية مع أحد أئمة المساجد الذى حكى فى خطبة من خطب الجمعة قصة البنت العمانية التى مسخت حيواناً غريباً نتيجة سخريتها من القرآن والمصحف. وكنت قد عرفت قبلها أن هذه القصة ما هى إلا شائعة انتشرت فى المنتديات, وقد استخدمها أحد أصحاب المنتديات بغرض إشهار موقعه وزيادة الزيارات له. فوضحت للإمام حقيقة القصة بعد انتهاء الصلاة وتوقعت أن يعقب على هذه القصة فيما بعد لتوضيح الحقيقة, ولكن صدمت لأنه اعتبرها قصة لترقيق القلوب حتى وإن كانت غير حقيقية فيكفى أن ترقق قلوب المسلمين وتذكرهم بالله. صدمت مرة أخرى اليوم لما قرأت أحد التعليقات على الموضوع الذى أنقله هنا, لأنه يتبنى نفس وجهة نظر الإمام فى الموقف الذى ذكرته من قبل, ويعترض على كاتب الموضوع, بل ويصفه بأنه هو الذى يحارب الدين لأنه يذكر الحقيقة, وكأنه من المفروض علينا أن نختلق قصصاً وندعى أنها حقيقة وسيغفر الله لنا ذلك الكذب والتزييف لأن الغاية هى ترقيق القلوب والدعوة إلى الله. أنقل لكم هذا الموضوع أيضاً-مع بعض التعديلات- لأنه يعدد بعض القصص التى انتشرت فى رسائل البريد الإلكترونى وعلى المواقع, حتى أوضح حقيقتها لكل من يقرأ هذا الموضوع. المصدر: هام جدا يا مسلمين مش كل اللي تسمعوه حقيقي فكرواااا

موافق على كل ما قالته الأخت مغتربة وأضيف أن كل عمليات التحول أو الدخول في عقيدة جديدة يتم لأسباب موضوعية أولها الأسرة كل الأسر المسلمة تنتج أفراد مسلمين وكل الأسر المسيحية تنتج أفراد مسيحيين ...والانتقال يتم كذلك لأسباب موضوعية ... ضغوط اجتماعية مثلا فأنا أعرف أسر تحولت للإسلام في قرى مصر بسبب أن المحيط مسلم وهذا يشكل ضغط اجتماعي يتحمله البعض ولا يتحمله البعض الآخر كل لأسبابه ...وكذلك الضغوط الاقتصادية والنفسية وما إلى ذلك حتى أننا نعرف أن الديانات الجديدة الإسلام والمسيحية إحتاجت فترة حتى وجد المنتسبين الجدد سببا موضوعيا للدخول فيها أو ... وجدت ملوكا رأت أن من مصلحتها الدخول في هذه الأديان الجديدة ... حتى داخل الدين الواحد حيث تظهر مذاهب جديدة بسبب صراع حضاري أو صراع على السلطة ومعروف أن فترة الاستعمار القديم كانت سببا في تحول شعوب بأكملها إلى الديانة المسيحية .... وأظن أن فكرة الاختيار العقلي المحض المجرد من المصلحة أو الأصل أو المقارنة ليست مقنعة بشكل كاف .... ومثلا زنوج أمريكا الذين تحولوا للإسلام كان نكاية في المسيحيين الذين جلبوهم قسرا واستعبدوهم وهناك أمثلة كثيرة ... وكما قالت الأخت مغتربة الدين بالنسبة لنا نحن الشرقيون ذات أهمية كبيرة رغم تشدق البعض أحيانا .... ولكن عند الغرب فالمسألة الآن سهلة .

أختنا الكريمة ذهبيةأولاً: أسأل الله أن يبارك في ولدك.. وأن يجعله مطيعاً لربه، باراً بوالديه، حنوناً على أهله، محباً لفعل الخيرات.. ثانياً: أنصحك باستشارة طبيب نفسي متخصص ليشير عليك بأنجع الطرق في التعامل مع الطفل العنيد أو ذو الطبع الحاد، أو الذي لا ينسى الإساءة.. العلم هنا هو الحل وخصوصاً مع الأطفال في هذه المرحلة العمرية الصعبة.. تجنبي نصائح البعض بضرب الطفل، أو تركه بدون عقاب، أو التهليل له لأنه رجل ويحب أن يأخذ حقه!.. بقي أن أقول لك إن إتباع نصائح الطبيب لن يغير من شخصية ولدك كما تريدي بالضبط، لكن على الأقل سيهذب سلوكه، ويهدأ أعصابه، ويكسبه حسن التصرف بأقل ضرر

السلام عليكم ورحمه الله وبركاته اتمني الجميع يكونوا بخير ومش هطول عليكم وادخل في الموضوع علي طول بصراحه لغه الحوار داخل قسم المغتربين المصريين مش تمام ...... سامحوني بس حاسس كدا الناس تنقسم الي نوعين الاول متعقد من السعوديه والثاني مبسوط عاوزين يا جماعه نفض الاشكال دا يعني الوقتي اي حد بيفكر يسافر بيحصل له قلق لما يشوف الكلام دا ياريت الي عنده موقف ايجابي يوضحه لكل الناس الجديده لان دا بيعطي تفاؤل وامل جديد بالنسبه للناس بقي الي عندها مشاكل مع الكفيل مثلا مع صاحب العمل ؟ ياريت نوضوح المشكله بوضوح وان شاء الله الاخوه يساعدوا الكل اكيد لاننا نتمني الخير لكل المصريين بالسعوديه اتمني كل الناس تكون فهمت انا قصدي ايه ياريت ميكونش الكلام كله في جانب واحد والي عنده مشكله او واجهته مشكله وتم حلها يقول حلها ازاي ؟ اتمني من المصريين المقيمين من فتره كبيره في السعوديه توضيح النقاط للمغتربين الجدد مثلا :_ كيف تبدأ بنجاح في المملكه ؟ اخطاء احذر منها ؟ التعامل مع الجنسيات المختلفه ؟ ـــــــــــــــــــــــــــــــــــــــــــــــــــــ ياريت كلنا نتشارك في شيء مهم جدا لكل المصرين باننا نحاول نوضح المشاكل وحلولها ؟ واتمني من كل شخص له تجربه جيده في المملكه ان يوضحها حتي يكون قدوه للناس تتعلم منه وتنطلق من الفكر السليم اعتقد ان المصريين افضل شعب في العالم وعاوزين نشوف الحوار يبقي ازاي بين المصريين وعاوزين نلغي بقي مقوله ان اوحش تعامل في الغربه مع المصريين بجد بيضايقني اوي ازاي نكون اخوات وبنكره الخير لبعض وبينقطع ارزاق بعض يعني عاوزين نتناول كل هذه الاحداث بواقعيه بما يفيد المغتربين الحاليين وتوجيه النصائح للجدد ومين اين يبدأو جيدا ـــــــــــــــــــــــــــــــــــــــــــــــــــــ تحياتي لكم واتمني من الاداره عمل سكشن خاص بكل دوله لان السكشن دا ضامم كل الدول وتحس ان الموضوع محتاج شويه تنظيم

( طرقات قوية أيقظتني من نومي فزعا ، انطلقت صرخة طفلي الرضيع مذعورا تشق صمت الليل ، هممت باستبيان الأمر ، صوت انكسار الباب شل حركتي ، أعمى عيني أضواء مصابيحهم القوية ، اغتصب سمعي صوته الجهوري ) ـ فز قوم يا ابن الوزة .... ( صرخات أطفالي و زوجتي و أخواتي حالت دون سماع بقية موجات لعناتهم المتتالية ، وجدتني مجرورا على الأرض في اتجاه الباب ، باءت كل محاولاتي للمقاومة بالفشل ، انهالت زوجتي بالشبشب على رؤوسهم ) ـ سيبوه يا زبالة يا ولاد الزبالة ، واخدينه على فين ؟ ( سدد أحدهم إليها ركلة قوية في بطنها فطارت ملتصقة بالجدار ، جرى الأطفال إليها يصرخون ، ركلني أحدهم بقوة فسقطت متدحرجا على دركات السلم ، ألم رهيب سيطر على جسدي نتيجة ارتطامي بزوايا السلم الخشبي الحادة ، لا أعلم كم من الوقت مضى و أنا غائب عن الوعي ، استيقظت على أصوات بعض النساء و الرجال الذين التفوا حولي ، نظرت هنا و هناك أحاول استبيان الأمر ، فإذا بنا داخل غرفة مظلمة إلا من شعاع ضوء خافت متسلل من إحدى نوافذها العالية ، بدأت الرؤية تتضح بعيني شيئا فشيئا ، الكثير من الناس يقفون هنا و هناك ، تحرش بسمعي بكاء بعض النساء الجالسات ، اكتظ المكان بالمساكين أمثالي ، ناولني أحدهم إناءا معدنيا صدئا ) ـ اشرب اشرب ، حمد الله على السلامة .... ( رفعت الإناء أفرغ ما بداخله بجوفي ، شدة الظمأ جعلتني أتناسى هذه الرائحة العفنة للسائل الذي أتناوله ، حاولت السيطرة على هذه الرغبة التي بدأت تتأجج بمعدتي لإفراغ ما بداخلها ، أين أنا ؟ ماذا حدث ؟؟؟؟ و إذا بصوت أظن أنني أعرفه يداعب سمعي ) ـ حتى أنت كمان يا أستاذ ؟ ( التفت ناحية الصوت و إذا بالخالة لبيبة تجلس بجواري ، صرخت فرحا ) ـ خالة لبيبة ؟ خالة لبيبة ؟ ـ حتى أنت ما سلمتش من إيديهم ؟ ـ مين دول ؟ ـ ولاد الكلب اللي جابوك هنا .... ـ هو إحنا فين بالظبط ؟ ( أخذتها حالة هستيرية من الضحك حتى استشرى الضحك بين الجموع ، حاولت الخالة لبيبة التماسك للرد على سؤالي ) ـ ها ها ها ، إحنا في الهيلتون يا أستاذ ( انفجر المتواجدون ثانية في الضحك) ها ها ها ، تحب نعمل لجنابك إيه على العشا ؟؟؟؟؟ ها ها ها .... ـ كده برضه ؟ الله يسامحك .... ـ طب قولي أنت ، أرد عليك أقولك إيه ؟؟؟؟؟ ـ لا و لا حاجة طب احنا إمتى و فين ؟ ـ إحنا سنة ألفين و خمسة و تلاتين ، أما بقى احنا فين ؟ ففي المعتقل يا سعادة البيه ، مش شايف بعينك الزبالة اللي رمونا فيها ؟؟؟؟؟ ـ معتقل ؟ طب و يعتقلونا ليه إن شاء الله ؟ هو أنا عملت لهم إيه ؟؟؟؟؟ ـ مش لازم تكون عملت ، ما تخافش هما ها يخلوك تعمل غصبا عن أبو خاشك .... ـ أعمل إيه لا مؤاخذة ؟ ـ تعملها على نفسك ، هاهاهاهاها ( انفجرت في الضحك ) ـ هي طالبة معاك ظرافة ع الصبح و إلا إيه بالظبط يا ولية أنتي ؟؟؟؟؟ ـ ما هو إنت اللي بتسال أسئلة غريبة ، الجماعة دول مش محتاجين إن سيادتك تعمل حاجة أصلا عشان يودوك في ستين داهية ، هما مرتبين لك كل حاجة ، و مفصلين لك حاجة على مقاسك و كل ما عليك تلبس و تقعد و تتهنى ، شفت مريحينك ع الآخر إزاي ؟؟؟؟ ـ آآآآآآه ، فهمت ، يعني كلنا كده في الشخرمة لا مؤاخذة ؟؟؟؟؟ ـ الله ينور عليك ، حمد الله ع السلامـــــــة ....... ـ طب و عيالي و مراتي ؟؟؟ ـ ربنا يتولاهم بقى ، إنت شوف نفسك الأول ، بس ادعي ربنا كده إنك ما تستحلاش القعدة و تطول عشان ما تتعذبش كتير و تخلص بدري بدري .... ـ لا حول و لا قوة إلا بالله ، معقولة الكلام ده ؟؟؟؟ ـ و مش معقولة ليه ، كل يوم يدخلوا علينا يصطادوا لهم تلاتة أربعة مننا و ما يرجعوش تاني ..... ـ و تهمتي إيه بقى إن شاء الله ؟ ـ لاااا من الناحية دي اطمن ، ها يفصلوا لك تهمة برضه على مقاسك بالظبط ، ما تقلقش إنت بس ... ـ ليه ؟ هي سايبة و إلا سايبة ؟ ما فيش قانون في البلد ؟ ـ قانون إيه يا أبو قانون ، قانون إيه يا أبو قانــــون ، تكونش فاكر نفسك في بلد الأمن و الأمان ؟؟؟؟ ههههههه ده كان زمان و جبر و طلع لك في قفاك وبر ، دلوقتي بقت بلد الكوسة و البتنجان ، ما خلاص خلصت خلاص ، مش قعدتوا تقولوا ( كفاية كفاية ) لحد ما خربوتوها و قعدتوا على تلها ؟؟؟؟ استلقى وعدك بقى ، مش هما دول اللي قعدتوا تقولوا إنهم ها يصلحوا البلد ؟؟؟؟ فاكر لما قعدتوا تقولوا ( التغيير التغيير ها يخلي الرغيف ده كبير ) ؟ أدينا سمعنا كلامكم و غيرنا ، حصل إيه بقى ؟ تقدر تقول لي ؟ و إلا ( ما حصلش لسه ) على رأي نيللي ؟ بالعكس ، أهي بقت أظرط م الأول عشروميت مرة ، الديون ؟ أهي زاطت و بقت أكتر من الأول ، الفقر ؟ أهو زاد و غطى و ما بقناش لاقيين حتى ورق الشجر ، الدولار ؟ أهو بقى بتلاتة و عشرين جنيه و نص ، الأمراض ؟ إلا ما فيه حد فينا إلا عنده كوكتيل ، إيشي سرطان على دبحة على بلهاريسيا على كبدي على سكر و ضغط و فشل كلوي ، البطالة ؟ أهي الرجالة و الستات زي ما أنت شايف قاعدين لا شغلة و لا مشغلة ، و أهو الطلاق و العنوسة و الرشوة و المحسوبية و البلطجة و الجواز العرفي و التحرش و الجريمة زادوا عن الأول شخروميت مرة ، قلت لك م الأول يا أستاذ العيب فينا إحنا ما سمعتش كلامي ، إحنا أوس البلاوي و إحنا اللي عايزين ( تغيير ) و إحنا اللي ( كفاية ) ، إحنا اللي نستاهل ضرب الجزم ، إحنا اللي بنسرق و إحنا اللي بننهب في البلد و إحنا اللي بنخرب و نبوظ ، قلت لك من الأول إن إحنا اللي ناقصين رباية ما سمعتش كلامي ، يا ريتكم كنتوا سمعتوا كلامي م الأول ، يا ريتكوا سمعتوا كلامي ، و يا ريتها كانت دامت ، يا ريتها كانت دااااااااااااامت ، الله يرحمه و يرحم أيامه ، الله يرحمك و يرحم أيامك يا مبـــــــارك ، الله يرحمك و يرحم أيـــــامك يا مبـــــــــــــــــارك .......

حضرتك بتتكلم عن الغالب الأعم و التاريخ لكن العقيدة و الإيمان الحقيقيين مينفعش تكون بالوراثة و أكيد متنفعش تكون مصالح او تجارة و كثير من الشعوب المستعمرة لم تتحول عن دينها رغم دعم الاستعمار لحركات تبشير ضخمة فيها ملحوظة .. كتير من الأفارقة اللي استعبدوا في امريكا كانوا مسلمين أصلا و نصروهم و ذرياتهم هناك

الأحزاب السياسية "الشرعية" متخلفة سياسياً واقتصادياً..كلها بلا استثناء.. رؤساء تحرير صحف معارضة يكتبون في صحف النظام الذين يسبون له.. زعيم تاريخي لحزب معارض يقسم الدائرة بين عائلته ما بين حزبه والحزبوطني.. سكوت يصل إلى درجة الصهينة على انحرافات النواب خاصةً فيما يخص التأشيرات ، حتى من جانب من يطلبون منا النزول للشارع للمطالبة بكيت وكيت ، بل ووجد نقباء نقابات مهنية يدافعون عن فاسدين من أمثال نواب العلاج.. استخفاف علني من جانب النخبة المثقفة بسخافات الانتخابات الحقيقية ، المرشح الذي يغير صفته ويغير دائرته ويترشح لستين دورة بلا حد.. استخفاف علني واستعباط على تصرفات غريبة الشكل تغزو العملية الانتخابية ، أدوار غريبة لرجال الدين ومن في حكمهم في العملية الانتخابية ، تعرفون قصة شيخ إحدى الطرق الصوفية الكبيرة الذي رشح نفسه ضد فتحي سرور ، ثم انسحب معلناً تأييده وتأييد طريقته لرئيس مجلس الشعب.. تأييده هو حر .. لكن هل توصل للدرجة إن رئيس أي مجموعة دينية كانت يصدر أوامر مباشرة للتابعين ليه بالتصويت لفلان ولا لعلان؟ احنا في مصر ولا في العراق ولبنان؟ ولو رشح حد من دول نفسه ، أياً كان مذهبه أو دينه ، حيبقى عضو مجلس الشعب عن كل المصريين اللي ساكنين في دايرته ، ولا حيبقى عضو المجلس عن مجموعته بس؟ المال اللي هبط فجأة على الوفد وبقى بيستقطب بيه شخصيات عامة عايزين يترشحوا للمجلس غير الموقر بلا خبرة سياسية ولا فهم لما يحدث.. عدم وجود الحد الأدنى من الوعي بالدور الرقابي والتشريعي لعضو مجلس الشعب من أي نوع.. كل اللي فالحين فيه يتصوروا وهمة ماسكين تقارير المركزي للمحاسبات في إيديهم على بوز سينمائي ولا بتاع فيلم الواد محروس بتاع الوزير! مثقفو المعارضة وكتابها المطرمخين على كل ما سبق.. في جو كهذا تصبح الديمقراطية عديمة الجدوى ، ويجد الكثير من الناس أمانهم في دولة بوليسية تعطيهم ما يريدون نتيجة سكوتهم على كل ما تفعل بهم.. في جو كهذا يستحيل علي أن أصوت في أي انتخابات ما حييت.. خلص الكلام

والله يا architect لو تعرف موضوع الفوركس ده عمل فيا اييه، عارف احساس انك خلاص حاجة انت متأكد منها و ناوي تتوكل على الله و تدخل فيها بكل تركيزك، وفجأة..بخخخخخخ انا مش داخل اقول انها حلال او حرام، خالص والله واكيد انت عارف اكتر مني ان الموضوع فيه اختلاف اراء من العلماء والمفتيين والاختلاف رحمة، وانت فى الاخر بتاخد الرأي الي بستريح ليه، واهم حاجة انك تكون متأكد ان الرأي ده انت مقتنع بيه مش هوا نفسك هيا الي مقتنعة بيه انا ذكرت موضوعي لمجرد التنبيه لوجه الله، وربنا شاهد على كلامي وربنا يرزقنا و يغنينا كلنا بالحلال ان شاء الله

جزاكم الله خيرا جميعا أنا اتعلمت الدرس ده و انا صغيرة أعدت ارسال أحاديث منسوبة للرسول صلى الله عليه و سلم دون ان اتاكد -جهل مني بعلم الجديث- ووصلني رد "تقريعي" عليها .. أذكر منها "كيف لا نتثبت و نحن أمة السند وعيت الدرس ..بحثت عن مواقع للتأكد من صحة الحديث الشريف كي أتأكد ما أقصده انه لولا ان واحدا ممن استلموا الرسالة و عرف خطأها لم يحذفها و كفى .. و كلف نفسه الرد علي و تنبيهي لظللت أعيد إرسال مثل هذه الرسائل دون تثبت رجائي .. لا تكتفي بحذفها .. رد على المرسل و وضح له خطأه و انصحه بعبارة واضحة رقيقة هدانا الله و إياكم لما يحب و يرضى

قال رسول الله صلى الله عليه وسلم انا زعيم ببيت فى الجنة لمن حسن خلقه وقال صلى الله عليه وسلم اقربكم منى مجلسا احاسنكم اخلاقا ---- يا سلام لو نصف الناس تعمل بالحديث ده...نصهم بس صلى عليك الله يا علم الهدى وطيب ثراك و رزقنا لقاءا بك فى جنة الخلد

الترجمان قال : اسمح لي سيدي الفاضل فاعتقادك خاطيء تماما ان كنت تتحدث عن الدين الاسلامي .. الله سبحانه وتعالى يقول : الايات واضحة وصريحه ان من يرتد عن الاسلام داخل النار داخل لا محالة .. بعكس الآيات التانية الي بتتكلم عن الكفر عموما والي بتقول ان كل انسان مرده الى ربه والله اعلم بمصيره ايه .. من لم يدخل في الاسلام الله اعلم بمصيره .. لكن من دخل فيه ثم خرج هذا مصيره محسوم لا جدال فيه .. هل تعرف سيدي الفاضل السبب ؟ تأمل قوله تعالى .. "من كفر بالله من بعد إيمانه إلا من أكره وقلبه مطمئن بالإيمان ولكن من شرح بالكفر صدراً فعليهم غضب من الله ولهم عذاب عظيم. ذلك بأنهم استحبوا الحياة الدنيا على الآخرة وأن الله لا يهدي القوم الكافرين" الله سبحانه وتعالى يقولها لنا صريحه .لن يدخل دين الاسلام احد ثم يخرج منه الا احدى حالتين .. اما انه مكره أو انه فضل الدنيا على الآخرة اي ان خروجه من الاسلام لم يكن بحثا عن الاله الحق ولا اطمئنان قلبي لدين آخر وانما لعرض زائل فبه استحق غضب الله .. المسألة محسومه ..

الفكرة جميلة وياريت متبقاش عن السلبيات وبس لا لو فى حاجة ايجابية من مواطن او مسئول نحطها ومش شرط اللى جايب الخبر يكون فى البلد لكن يكون قرأ عنها فى جريدة او على النت لان المتواجدين فى المنتدى من المقيمين فى البلد عددهم قليل والاخبار ستكون قليلة لكن بمشاركة المغتربين ممكن نثرى الموضوع باخبار كثيرة ومتنوعة

أفضل ما سمعت من نوادر العرب "قصة الأصمعي" , يحكى بأن الأصمعي سمع بأن الشعراء قد ضاقوا من الخليفة العباسي أبو جعفر المنصور فهو يحفظ كل قصيدة يقولونها ويدعي بأنه سمعها من قبل فبعد أن ينتهي الشاعر من قول القصيدة يقوم الأمير بسرد القصيدة إليه ويقول له لا بل حتى الجاري عندي يحفظها فيأتي الجاري( الغلام كان يحفظ الشعر بعد تكراره القصيدة مرتين ) فيسرد القصيدة مرة أخرى ويقول الأمير ليس الأمر كذلك فحسب بل إن عندي جارية هي تحفظها أيضاً ( .والجارية تحفظه بعد المرة الثالثة ) ويعمل هذا مع كل الشعراء.فأصيب الشعراء بالخيبة والإحباط ، حيث أنه كان يتوجب على الأمير دفع مبلغ من المال لكل قصيدة لم يسمعها ويكون مقابل ما كتبت عليه ذهباً. فسمع الأصمعي بذلك فقال إن بالأمر مكر. فأعد قصيدة منوعة الكلمات وغريبة المعاني . فلبس لبس الأعراب وتنكر حيث أنه كان معروفاً لدى الأمير. فدخل على الأمير وقال إن لدي قصيدة أود أن ألقيها عليك ولا أعتقد أنك سمعتها من قبل. فقال له الأمير هات ما عندك ، فقال القصيده http://www.youtube.com/watch?v=b9AIudEUMhg حينها اسقط في يد الأمير فقال يا غلام يا جارية. قالوا لم نسمع بها من قبل يا مولاي.فقال الأمير احضر ما كتبتها عليه فنزنه ونعطيك وزنه ذهباً. قال ورثت عمود رخام من أبي وقد كتبتها عليه ، لا يحمله إلا عشرة من الجند. فأحضروه فوزن الصندوق كله. فقال الوزير يا أمير المؤمنين ما أضنه إلا الأصمعي فقال الأمير أمط لثامك يا أعرابي. فأزال الأعرابي لثامه فإذا به الأصمعي. فقال الأمير أتفعل ذلك بأمير المؤمنين يا أصمعي؟ قال يا أمير المؤمنين قد قطعت رزق الشعراء بفعلك هذا. قال الأمير أعد المال يا أصمعي قال لا أعيده. قال الأمير أعده قال الأصمعي بشرط. قال الأمير فما هو؟ قال أن تعطي الشعراء على نقلهم ومقولهم. قال الأمير لك ما تريد. مع تحياتي

الفاضل خالد المسلم .. حضرتك أوردت رأي بعض من المشائخ العاملين في مجال الافتاء بخصوص القاء النكت .. وبمااننا جميعا مش اهل للفتوى فارجوا من حضرتك انك تكتفي بالرأي الي ذكرته بدون ردود اضافية منك للتأكيد عليه فكل ماستكتبه او يكتبه غيرك مجرد اراء واجتهادات شخصية منا لا اظن ان هذا محلها .. انت عملت الي عليك وحطيت الفتوى ومن شاء اخذ بها ومن لم يشأ هو حر مش هتشيل ذنبه لو هو غلطان .. بالمناسبة .. عن نفسي .. لا اعتقد بحرمة النكات واخذ بالراي القائل ان المقصود بالكذب في الحديث من يختلق قصة ليضحك الآخرين لا من يحدثهم بنكته يعلم سلفا انها غير حقيقية .. والله اعلم ..

محمد سنجر تتألق مرة أخرى حتى فى الحلم سامحونى اصدقائى الأعزاء فأنا لا أرى فكرة انهزامية هنا بين السطور بل أرى نداء واستغاثة استيقظوا حتى لا يحدث هذا فهناك من حدث لهم هذا بالفعل وربما أصبحوا حقا يتمنون أياما تناسوا فيها كرامتهم على أيدى الطغاة لأنهم باللسبية والتبعية فقدوا ماهو أعظم بمرور الوقت هذه وخزة محب لعقولنا وضمائرنا وتحليل قوى لما يمكن ان يؤول إليه الحال لو لم ننتبه وربما سوداوية لكن بريق الأمل الذى لا يفارق أرواحنا سيجعنا نأمل للأفضل لكن هل سنأمل فقط ام أننا سنعمل جاهدين الا نرى ما وصفه محمد سنجر فى أحلامه وبعيدا عن السياسة حبكة ومحتوى قيمين وابداع فى فن القصة القصيرة كبناء قوى جدا رائع يا سنجر ويارب يا بلد نصحى وما نروحش فى التوهة وحشتونى البنت المصرية

أعتقد ان اكتر واحد ممكن يفيدك أخونا العنبي انت فين يا عنبي !!! ابعتله رساله لأنه مختفي من فترة تحياتي

ونضع صور اخرى لمشاريع اخرى قادمة بإذن الله .. * ملعب الملك عبدالله برابغ : * مشروع تطوير وسط ابها : * مشروع مدينة الفنار بالخبر : * هاي رايز الخبر ( مجمع تجاري عائم على شكل شبه جزيرة تحيط به المياه من ثلاث جهات ) : * تطوير مطار المدينة المنورة الدولي : * تطوير مطار حائل الدولي : شكرا لكم جميعا .. ويتبقى مشروع واحد كم كنت اتمنى لو انه تحقق .. لكن للاسف تم الغائه انه الجسر البري الذي يربط بين السعودية ومصر .. والذي تم الغاءه بعد ان كان مقررا md2: ما نقول الا حسبنا الله ونعم الوكيل

السلام عليكم ورحمة الله... حول موضوع التقييم وفى محاولة منى لتصحيح التصورات والمفاهيم ، أود أن أطرح وجهة نظرى الخاصة ، ولا أعلم ان كان مكانها المناسب هنا أم فى موضوع الفاضلة ضحى ..عن مقترحات لآلية التقييم...الامر متروك للزملاء المشرفين.. مالفت نظرى شخصيا كثرة الجدال حول هذا الموضوع كنتيجة حتمية لقيام بعض الأخوة الأفاضل بتقييم مداخلات البعض الأخر على نحو لا يجعله تقييماً موضوعياً بمعنى الكلمة ، حيث يكتفون بتقييم لا يسمن ولا يغنى من جوع مثل " إيجابى" أو " سلبى"..هكذا ..ببساطة..بدون تقديم الأدلة والبراهين المقنعة أو التبريرات المنطقية لهذه التقييمات ، مما يعنى أنه حكم مُرسل بلا سند ، وبلا هدف ، مما يمكن أن يسبب الإحباط لصاحب المقال ويجعله ينصرف عن الكتابة أو حتى تجويد ما يكتب ، ومن ثم فإن الهدف التعليمى أو التدريبى قد إنتفى فى هذه الطريقة التقويمية ( التقييمية ) ، وبدلاً من أن يؤدى النقد والتقييم إلى التنمية والإرتقاء والتطوير ، إذا به يؤدى إلى وأد الإبداع وقمع الفكر وإثارة جو من الإحباط العام يجعل المشاركين ينصرفون عن الكتابة ، بل وعن المنتدى . ومن هنا ، فقد إرتأيت أن نضع قواعد معينة للنقد والتقويم ، بحيث تصبح هذه العملية عملية بناءة وليست هدامة ...فكل جهد عقلى يبذله أى إنسان لابد وأن ينطوى على قدر من الإيجابيات ، وفى نفس الوقت لابد أن يكون فيه بعض السلبيات ، ووظيفة النقد البناء هى زيادة الإيجابيات والتقليل من السلبيات ، ومن ثم ينبغى أن نضع قواعد لمنهج النقد ...على سبيل المثال: أولاً: تقييم إختيار المشكلة أو القضية المطروحة فى المقال ، من حيث أهمية هذه المشكلة - تمثل قضية الساعة - أو أنها تمس حياة الناس بصورة أو أخرى . ثانياً : تقييم أسلوب المعالجة ، من حيث وضوح هذا الأسلوب وإستخدامه لمفردات يفهمها العامة والخاصة . ثالثاً: تقييم المنهج المتبع فى تناول المشكلة من حيث الرؤية الشمولية أو الرؤية الأحادية للموضوع المطروح. رابعاً: القدرة على إستخلاص الحلول المقترحة والتوصيات الوقائية والعلاجية للمشكلة المطروحة للبحث . خامساً : أتصور - ومن وجهة نظرى الشخصية أيضا - أن تكون شخصية القائم بعملية التحكيم مجهولة ..حتى نتجنب شخصنة التقييم ، وحتى لا يتعرض القائم بتقييم المداخلة إلى الهجوم المضاد من جانب من قام بنقده أو تقييمه .. وتصبح المسألة برُمتها مسألة ثأر متبادل بين الناقد والمنقود ، مما يفسد المناخ السوى والصحى للمنتدى...وهو ماوقع فيه البعض للأسف الشديد مما قد يؤثر على التواصل بين الجميع. سادسا :..أتصور ايضاً أن العضو الذى يقييم مداخلة بالسالب ، ان يتفضل بتوضيح وجهة نظره المعارضة..وبهذا نفتح باب تواصل وحوار راقى بين الجميع....والتقييم السالب الغير مسبب يتم حذفه عن طريق المشرفين.... تلك بعض المقترحات والضوابط التى نرجو أن تحظى بإهتمام الإخوة والأخوات المشاركين لكى نضبط ميزان النقد والتقييم ولكى نحقق الهدف المنشود منه فى تشجيع أعضاء المنتدى الكرام وإستقطاب العناصر الجديدة لإثراء هذه المشاركات بحيث تصبح بمثابة دورات تدريبية وورش عمل للارتقاء بمهاراتنا جميعاً وتحقيق التنمية البشرية لكافة المشاركين ، وليس إحباطهم بكلمة قاطعة واحدة إما سلبى أو إيجابى ...أو ده دمه خفيف يبقى تقييم موجب..وده دمه تقيل يبقى سالب ..كما يحدث الأن للاسف... والله الموفق لما فيه الخير تحياتى

من غير احنا ما نتغير .. حتى لو جه حاكم كويس .. بعد شوية ممكن يتغير

التقييمات السلبية التي حصلت عليها الفاضلة جويرية لم تتم لأنها اختلفت مع الاخرين فقط فليس معقولا أن تختلف مع كل من عقب علي نفس الموضوع وتصر أنك علي صواب هي لم تختلف فقط .. بل استفزت الجميع بأرائها التي رأي الجميع أنها تستحق عليها تقييم سلبي وهذه حرية مكفولة للجميع وتكررت اسفزازاتها بتكرار ردرودها لانها لم تكتفي برد واحد علي نفس الموضوع .. فما معني هذا !!! أعرف أن العاطفة ستغلب علي الجميع الأن ويطالبوا بالغاء تقييماتها السلبية ولكني أري أن هذا ليس من الديموقراطية في شيء .. لأننا بذلك نصادر علي حق كل مع اعطاها تقييم سلبي وان كان يمكننا الغاء اي تقييم سلبي بهذه السهولة فالأفضل أن يتم الغاءه كليا لأنه هنا لا يؤدي للنتيجة المرجوة الأفضل انها كما حصلت علي تقييمات سلبية علي مشاركاتها .. أن تحصل علي تقييمات ايجابية بنفسها ايضا دون تدخل من الادارة والا فمن حق كل من حصل علي تقييم سلبي أن يطالب بالغائه من قبل الادارة .. وفي هذه الحالة لن يكون لمسألة التقييمات اي معني عذرا ان كنت أختلف معكم في الرأي .. ولكن بالتأكيد الاختلاف في الرأي لا يفسد للود قضية تحياتي

هو ليه الموضوع تحول لمناقشة حد الردة؟ هل حد الردة -إذا طبق أصلا- يمثل حجرا على حرية العقيدة؟ هو من أكثر الحدود شهرة في الإسلام .. ليس سرا و لا نخفيه .. نتناقش كمسلمين في حالات تطبيقه و من يقوم به و متى و يشهره من ينتقدون الإسلام دوما الداخل في الإسلام يعلمه تماما و لم يجبره احد اصلا على تغيير دينه سؤال آخر ..المسيحيون قالوا ان ليس عندهم حد للردة .. و أنا أعرف مسيحية أسلمت و تزوجت و كان زوجها يحضرها لتزور أهلها الذين لا زالوا على دينهم إذن لم المظاهرات الآن عندما تسلم مسيحية؟ و دوما الإصرار انها خطفت و أجبرت على الاسلام حتى إذا نفت هذا بنفسها؟ لماذا الآن؟ و صححوا لي .. هل كانت تحدث مظاهرات مماثلة من قبل؟ في تصوركم .. ما الذي يضمن حرية العقيدة و عدم التلاعب بها في ذات الوقت؟

يا ريت يا جماعة نحافظ علي وحدة الموضوع و موضوع المدارس ده نخليه في موضوع تاني

ده المفروض يعرفه اي حد بيشارك في المنتديات ، ان في حرية رأي ، و نعلق علي المشاركة مش علي صاحب المشاركة فيه ردود كتير سيئة و مش عايزة اعلق عليها لو مفيش حرس جامعي في كل البلاد ، ده يختلف في البلاد العربية اللي ليها عاداتها و تقاليدها وكمان الطلبة مناهجهم تافهة و محدودة ، يعني عندهم وقت فراغ كبير ممكن بأة كل يوم يبقي فيه مشاكل و خناقات و مظاهرات ، واي تفاههة من دي انا مش فاهمة القضاة مفهموش الكلام ده ازاي ، الناس دول مغيبين ولا ايه برضو عايزة اوضح موضوع ( علقة تفوت ولا حد يموت ) مثلا لو موظف اتأخر عن الشغل ، مديره زعق فيه وقاله انت مهمل او كسلان، ده مش أجراء رسمي ، وده غلط من المدير ، الأجراء الرسمي انه ياخد جزا 3 ايام طيب ايهما افضل ، اكيد الأول و هوه ده لصالح الموظف رغن انه مش قانوني نفس المثل ده الطالبات دول ، واضح ان انشطتهم في الجامعة تجاوزت المسموح به الرسمي بأة انهم يتفصلوا سنة من الدراسة اما الأمن يشدد عليهم شوية و يمنعهم من الدخول كام يوم حيرجعوا و يبقوا في حالهم و يلتفتوا لدراستهم مش عارفة ارد على حضرتك اقول ايه مناهج ايه اللى هايفة وفراغ ايه اللى العيال فيهاانا مش عاوزة اقول امثلة احسن تقولى اهو جايبة كل قرايبها فى المنتدى بس كفاية اقول لك عندنا من مراحل تعليم ابتدائى لحد الجامعة مناهج زى الزفت العيال كبار وصغيرين مش عارفين يلوقطوا نفسهم من المناهج المحشوة فما بالك بالكليات العملية هندسة وعلوم وحتى النظرية وبعدين لما الطلبة تبقى عاوزة تشارك فى التغيير وحال البلد ينصلح يبقى تجاوزوا المسموح طيب مايمسكوا اللى بيحششوا ويبرشموا جوة الجامعة اولى لكن ليه ماهم عاوزين العيال كلها كده تايهة يقبضوا بس اصحاب الفكر دول اللى يتخاف منهم مش كده من الاخر ومتزعليش منى اسلوبك استفزنا جميعا حتى بنتى الصغيرة مش عجبها اللى حضرتك قلتيه بالمرة وكل مداخلة لحضرتك طلبت منى اقيمها سالب ورغم كده رفضت ده على امل تغيرى حتى اسلوبك مش رأيك انا شكيت ان حضرتك تكونى مخابرات ولا من امن الدولة من كتر استمرار دفاعك عن القضية بالصورة دى رغم الرقم القياسى الغير مسبوق للتقيمات السالبة الموجودة عندك اعذرينى على ردى ده

ده المفروض يعرفه اي حد بيشارك في المنتديات ، ان في حرية رأي ، و نعلق علي المشاركة مش علي صاحب المشاركة فيه ردود كتير سيئة و مش عايزة اعلق عليها لو مفيش حرس جامعي في كل البلاد ، ده يختلف في البلاد العربية اللي ليها عاداتها و تقاليدها وكمان الطلبة مناهجهم تافهة و محدودة ، يعني عندهم وقت فراغ كبير ممكن بأة كل يوم يبقي فيه مشاكل و خناقات و مظاهرات ، واي تفاههة من دي انا مش فاهمة القضاة مفهموش الكلام ده ازاي ، الناس دول مغيبين ولا ايه برضو عايزة اوضح موضوع ( علقة تفوت ولا حد يموت ) مثلا لو موظف اتأخر عن الشغل ، مديره زعق فيه وقاله انت مهمل او كسلان، ده مش أجراء رسمي ، وده غلط من المدير ، الأجراء الرسمي انه ياخد جزا 3 ايام طيب ايهما افضل ، اكيد الأول و هوه ده لصالح الموظف رغم انه مش قانوني نفس المثل ده الطالبات دول ، واضح ان انشطتهم في الجامعة تجاوزت المسموح به الرسمي بأة انهم يتفصلوا سنة من الدراسة اما الأمن يشدد عليهم شوية و يمنعهم من الدخول كام يوم حيرجعوا و يبقوا في حالهم و يلتفتوا لدراستهم

اي محكمة دي اللي حكمت ان تواجد الأمن شئ مش قانوني تجمع عدد من الناس بالعدد ده و يوميا عدد الطلبة ممكن يكون في حدود 5000 مثلا ، ده لازم يكون في أمن لاحظت ان فيه طالبات بيسمحوا لهم بالدخول يعني الأجراءات دي مع طالبات اسرة المنار بس اكيد انشطة الأسرة دي تعدت المسموح به و الحقيقة غائبة محدش عارف سبب المشكلة اصلا ايه

يا جماعة بس انا عايزة اوضح حاجة الأمن مفيش بينا و بينهم حاجة غير بطاقة أثبات الشخصية انا منقبة ، و ولو اي ظابط و انا مسافرة طلب مني البطاقة الشخصية علي طول بوريهاله من غير كلام ليا كذا واحدة من معارفي ، ممكن تنسي البطاقة او مترضاش تطلعها ، او تتكلم بطريقة مش كويسة طبعا الظابط ينزلها من الأتوبيس و متكملش السفر ، او ممكن طبعا يوديها القسم او امن الدولة طيب و ليه ما انا في غني عن ده كله ، و هوه الظابط بيأدي عمله فعشان كدة بقول ان البنات دول مفيش مشكلة لو قبلوا ان شنطتهم تتفش ساعات لو فيه مشاكل شوية ، بيبقي فيه أجراءات امنية مشددة و فترة و بعد كدة حيدخلوا بالكارنيهات عادي

السلام عليكم و رحمة الله و بركاته إنا لله إنا إليه راجعون يعني يا إخواننا الواحد لما يرجع مصر بزوجته بناته هنتبهدل البهدلة دي .. على فكرة أنا رأيي إن أعمال الشركة دي هتؤدي إلى تصاعد و ظهور حركات عنف جديدة سواء من الشعب أو من بعض أفراده و اللي هيكون معظمهم من الشباب و اللي مش هيكون ليهم اي انتماءات لا سياسية ولا دينية .. خلاص كله بيتسحل .. السواق و الطالب و الشيخ و المهندس و المعلم .. كله يا باشا بأة يتسحل و بالتالي لا أستبعد ظهور هذه الحركت العنيفة قريب جداً و ده اللي بتدفع الحكومة الشعب ليه بكل الطرق. بالنسبة بأة للي بيحصل هنا الأول مفيش داعي يا محاوراتية نصب غضبنا على بعض عيب ميصحش كدة لو في كلام مستفز عندنا ننكره بالوسائل المتاحة و هي كتير .. المهم .. اللي حصل للبنت فعلاً لا يرضي الله ثم لا يرضي أي حد فينا و للأسف كلنا عرضة ليه .. أنا زوجتي في الجامعة دي و أخاف يحصل معاها كدة .. بس عامة لا زالت القاعدة موجودة و هي أن الله سبحانه و تعالى مقسم الأرزاق بخيرها و شرها .. و ربنا بيختبر البنت دي و اي حد يتعرض لبلاء سواء خير أو شر .. المهم أنا رأيي إن البنت كان عندها أكتر من طريقة تتفادى اللي حصل ده .. مش لازم أخبط دماغي في الحيطة .. ما بأقولش تكون جبانة و يهشها تتهش .. إنما ما تجيش في وش التور و تنطح .. دلوقتي الشرطة مالهاش كبير ولا حد في البلد له كبير .. يبا أتعامل معاهم بالحيلة مش راس براس لأن ولا حد في البلد دلوقتي راسه براس الشرطة يا إخواننا للازم نتعامل على قدر المعطيات مش على قدر الأهواء ... روحي شوية بعيد و ارجعي تاني هتلاقي ظابط تاني يمكن يكون محترم .. يمكن .. روحي بوابة تانية .. مش انتي عاوزة تخشي وخلاص ولا هو عند؟ أنا ما بألومش البنت طبعاً .. الملام الأول في هذا الموقف هو الضابط القذر و قبل منه ولي الأمر حسبنا الله و نعم الوكيل فيهم .. و كمان البيه المقدم اللي مش عارف يلم النقيب ولا يسيطر عليه .. حاجة ديرتي مكاوى

ههههههههههههههههههههههههه مش للدرجة دى جنوب افريقيا 4 نقاط واحنا نقطة يعنى لو كسبناها الماتش اللى جاى نبقا أول mfb: متشكرين يا شريف اهو انت دايما كده...تخش ويعجبك المداخلة وعمرك ما نقطت ولو ببوزيتيتف ريبوتيشن واحدة ننور بها الزيرو المتين ده مع انى عامل معاك واجب قبل كده الناس وصلت 40 ات 50ات ههههه

نقطة تانية يابو دياب في الكلمة العظيمة لشيخ الإسلام ابن تيمية رحمه الله: "إن الله يقيم الدولة العادلة وإن كانت كافرة ولا يقيم الدولة الظالمة وإن كانت مسلمة" هداية للأمة في مرحلة التيه الحالية، وتفسير لحالة الاستقرار التي ينعم بها الكفار في أوروبا وغيرها، وحالة الفوضى والفتن التي تعيشها أغلب بلاد المسلمين. و ليصدق قول نبينا الكريم صلى الله عليه وسلم: «إنما أهلك الذين قبلكم، أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد» [رواه البخاري].

أود أن نناقش في هذا الباب بجدية ومن واقع التطلع لبرلمان يمثل الشعب فعلا ويعمل أعضاءه لمصلحة من حملوه هذه الأمانة...وكذلك مصلحة الوطن....ما هي صفات عضو مجلس الشعب المطلوبة والتي نتطلع لها....لماذا يعزف من تتوافر فيهم هذه الصفات يعزفون عن ترشيح أنفسهم والعكس فيمن لا تتوافر فيهم هذه الصفات....وماهو الطريق لجزب هؤلاء ودفعهم لترشيح أنفسهم....وهل العملية المتبعة حاليا من قبل الأحزاب لاختيار مرشحيهم سليمة...وما هو التعديل المقترح....هل النظام الحالي كفيل بأن يبني مجلسا قادرا علي التشريع والمراقبة التي هي مهمة عضو مجلس الشعب الأساسية... .....أرجو المناقشة والتحليل والاقتراح والنقد البناء دون التأثر بالميول السياسية...

الطاعون تاريخا لا أحد يعرف عدد ضحاياه بدقة لان لفظ طاعون كان يستعمل كما نستعمل نحن لفظة وباء فالعديد من الأوبئة التى كان يطلق عليها طاعون قديما هى فى الحقيقة كانت أوبئة لامراض أخرى وهذا لا يقلل من خطورته التاريخية وقضائه على الملايين من البشر لاكن فى العصر الحديث أعتقد أن خطورته قد تضائلت وبشده فهو يعالج بمضادات حيوية رخيصة وفعالة ولا أعتقد أنه يوجد منه خطورة تحوله لوباء بل هو أصبح مرض متوطن فى بعض البؤر المعزولة بأفريقيا والهند فقط الخطر فى عصرنا الحديث من الفيروسات التى ليس لها علاج فعال لليوم

تحياتى لبنتك يا استاذة هند وخير ما عملتى لأحسن الحساب بتاع الاخت جويرية ينفجر وللا حاجة :lol:

لا الموضوع موضوع ظلم بحت لان الفريق لم يقصر فى حدود المتاح ولكن اذا كان الحكم نازل يكسب فريق يبقى مهما عمل الفريق التانى مش هيكسب ومهما عمل الفريق الول من مخالفات لن يحتسب شيئا بالذمة دى كورة ..ياعم غريب اصل دى لعبة لها قوانين وليست مولد او موضوع تقديرى حسبى الله ونعم الوكيل.........انا بالمناسبة لست من متعصبين كرة القدم ولكن انا تركيبة ضد الظلم واكرهه بشدة

لا يا نايت مير اخطاء التحكيم حاجة والتواطؤ حاجة تانى خالص لان كرة زى دى اسمح لى افجر واوضح بكتييييييييييييييييير من كورة مارادونا وهنرى هناك كان خطأ تحكيمى هنا تواطؤ وفساد وطرد بركات ده مشهد فى الفيلم..لا باينة خالص والتغاضى عن ضربات الجزاء اللى زى الشمس...والتغاضى عن اخطاء الخصم والتعامل بمنتهى القسوة على الفريق الضيف اظن الفرق واضح

فكرة كويسة والله

اولا احيي فريق الاهلى الذى لم يقصر ولكن بعد انتهاء مباراة الكرة الطائرة التى لعبت فى استاد رادس...وضحت النية الخبيثة لدى حكم المباراة الذى على ما يبدو انه قابض ليه كده يا افارقة...ليه كده يامن تدعون الاخوة كرة فولى بول...تحسب هدف ازاى ...الحكم ماشافهاش؟؟؟؟...طيب حامل الراية ماشافهاش وهى قدامه....دى لو الراية واقفة لوحدها كانت نطقت طرد بركات ليييييه؟؟؟؟ العنف الغير مبرر....والضرب من جانب التوانسة.....والتحامل والتواطىء من جانب الحكم لييييييييييييييه؟؟؟؟ هل اللى بنلعبه ده كورة او يمت اليها بصلة الواحد نفسه قفلت من الكورة الافريقية وشغلانتها السودا وقرفت جداااااااااا من ريحة الفساد والبوظان الافريقى الذى استفحل حقيقى حسبى الله ونعم الوكيل هذه ليست رياضة وكما قال حسام البدرى لا يشرفنى كونى افريقى