لوحة القادة

جاءني عبر الايميل نصائح في كيفية التصرف حتى لا نتعرض للاختطاف (( كيف تنجو من عملية الاختطاف ؟؟ )) هام إلى كل النساء والأطفال إن عمليات الاختطاف تكررت للكثيرين خاصة في البلاد الأوروبية والأمريكية ... فيمكنك أن تتزود بهذه النصائح الضرورية حيث يمكنك القيام بها في حالة تعرضك للخطر ... ويمكنك أن تعرضها على زوجتك ... أطفالك ... أو أي شخص تعرفه ... 1 - إذا تعرضت لخطر الإختطاف وحاول الجاني أن يمسكك بقوة، تذكر أن عضمة الكوع في جسمك هي من أقوى العظام يمكنك أن تستخدمها إذا كان الجاني قريباً منك. 2 - إذا طلب منك أحدهم محفظتك أو شنطة اليد التي بها أموالك وكان مسلحاً ... اقذفها بعيداً عنك ثم اركض كالمجنون في الإتجاه الآخر ... لأن الجاني أو الخاطف يهمه محفظة نقودك أو شنطة يدك وسيركض ورائها ولن يركض ورائك ... هذا سيحفظ حياتك من القتل. 3 - إذا وضعك الخاطف في صندوق السيارة الخلفي يمكنك أن تسحب الأضواء الجانبية للسيارة وتزيلها ثم تحرك يديك خارج فتحة الأضواء الجانبية ... لن يستطيع الخاطف أن يشاهد يديك ولكن جميع سائقي المركبات الأخرى ستشاهد المنظر وينقذونك، هذه الحركة أنقذت حياة الكثيرين. 4 - بعض النساء يركبن السيارة بعد التسوق ويبدأن بتناول بعض المأكولات أو يقمن بفتح المحفظة وعد النقود بداخلها أو مراجعة بعض فواتير الشراء أو أداء أي عمل ... لا تفعل هذا أبداً ...لأن الخاطف يراقبك من بعيد بدون أن تلاحظه وهذه فرصة رائعة له للدخول إلى السيارة من الباب الجانبي ووضع مسدس على رأسك ويطلب منك أن تذهب إلى مكان ما. بمجرد أن تدخل السيارة اغلق الأبواب واترك المكان فوراً. 5 - إذا شعرت أن أحد ما بداخل السيارة فلا توقف المحرك ... أكرر... لا توقف المحرك ... بل يجب عليك أن تدير المحرك وتقود السيارة بأقصى سرعة وترتطم بأي شيء ... لأن وسائد السلامة ستحميك من الإرتطام ... أما الجاني فلو كان يجلس بالمقعد الخلفي فسوف يتضرر وبهذا يكون لديك الفرصة لتغادر السيارة فوراً وتركض بأقصى سرعة. 6 - قبل أن تركب سيارتك المتوقفة في مواقف السيارات يجب عليك أن تتذكر ما يلي: أ - انظر حولك، إلق نظرة على أرض السيارة من الداخل وكذلك الكراسي الخلفية، ربما دخلها أحدهم قبلك. ب - إذا كانت سيارتك متوقفة بالقرب من سيارة كبيرة وزجاجها مخفي وبجانب باب السائق، ادخل سيارتك من الباب الجانبي للسائق وليس من باب السائق، ثم اقفل الأبواب وغادر المكان فوراً، لأن الكثير من المختطفين استطاعوا الحصول على الضحية عن طريق جرها إلى داخل السيارة الكبيرة ذات الزجاج المخفي وذلك خلال محاولة الضحية الدخول إلى السيارة من باب السائق. جـ - انظر إلى السيارة المتوقفة بجانب سيارتك، إذا رأيت شخص ما يجلس وحيداً بالسيارة المجاورة لسيارتك فإرجع إلى المكان الذي خرجت منه فوراً واطلب أحد حراس الأمن مرافقتك لسيارتك. (من الأفضل أن تكون حريصاً على أن تكون مجني عليه... ومن الأفضل أن تكون خائفاً في نظر الناس على أن تكون الضحية). 7 - دائماً استخدم المصعد بدلاً من الدرج، لأن الدرج مكان مرعب وهو أفضل مكان لأداء الجريمة، هذا صحيح خاصة وقت الليل. 8 - إذا كان الجاني يحمل سلاحاً وانت لست تحت سيطرته فيجب عليك أن تركض بأقصى سرعة ولكن بشكل متعرج (zig-zag)، هنا يكون احتمال أن يصيبك الجاني بطلقة نارية هو 4% فقط ولن تصيبك في أماكن قاتلة بإذن الله. 9 - النساء دائماً يكون لديهم مشاعر التعاطف مع الآخرين، يجب أن نتوقف عن التعاطف في بعض الأحيان لأن هذا يؤدي أحياناً إلى الاغتصاب أو القتل. يوجد قاتل معروف بأمريكا اسمه (تيد بوندي) ارتكب عدة جرائم وكان مظهره جميلاً ومتعلم ومثقف وكان دائماً يلعب على الجانب العاطفي للنساء من ضحاياه حيث كان يمشي على عكاز وكان يطلب المساعدة للدخول إلى سيارته ويسارع لإختطاف الضحية بمجرد أن تستجيب له. 10- الاحتيال بصوت بكاء طفل! بعض الخاطفين ابتدعوا طريقة جديدة لخطف الضحايا خاصة من النساء: إحدى صديقاتي اخبرتني أنها سمعت صوت بكاء طفل عند سيارتها في وقت متأخر من الليل وكأن أحدهم ترك طفلاً رضيعاً عند السيارة، وقامت فوراً بإخبار الشرطة قبل أن تفتح الباب. الشرطة أخبرتها أن لا تفتح باب البيت مهما كان السبب، ثم سمعت الصوت يقترب من النافذة وهنا ظنت أن الرضيع بدأ يحبوا ووصل إلى النافذة وربما يقع عن الدرج الذي أمام البيت فبدأت بالقلق على الرضيع. فأخبرها الضابط بأنه أرسل لها دورية للتحقق من الأمر ويجب عليها أن لا تفتح الباب أبداً حتى تصلها دورية الشرطة... وأخبرها الضابط بأنه يعتقد أن هناك قاتل معروف لديهم يستخدم مسجلاً به صوت بكاء طفل وكان يستدرج ضحاياه بهذه الطريقة لفتح الباب. 11 - احتيال الماء! إذا استقضت في منتصف الليل وسمعت صوت الماء يتدفق من الصنبور الذي بالحديقة أو من أي مكان خارج البيت، فلا تفتح باب البيت أبداً ولا تخرج لتتفحص الأمر، ربما يكون الجاني هو الذي فتح الصنبور ليستدرجك خارج البيت ثم يهاجمك. إبق يقضاً واجلس بأمان في بيتك وحاول أن تستعين بجيرانك!

س: ما سبب تسمية "كوبري القبة" بهذا الإسم؟ ج: حيث تم انشاؤه في القرن ال19 و عهد لأحد المهندسين الفرنسيين القيام بعمل التصامييم و الرسومات و خصص لذلك ورق فاخر من الصين و حبر نادر من إيطاليا، وعندما شرع المهندس في العمل و وضع القلم في داواية الحبر....تزحلق القلم و وقع الحبر النادر على الورق الفاخر فقال المهندس "أوبااااااااا" فتم تسميته -- كوبري الأوبا، او بالفصحى-- كوبري القبة smk: ...س: ما سبب تسمية "وادي النطرون" بهذا الإسم؟ج: حيث يذكر انه اول من سكن هذه المنطقة رجلٌ يدعى طارق و كان عندهُ ولد صغير فاشترى له الأب نطروناً صغيراً كي يلعب به فترك الإبن مذاكرته و راح يلعب بالنطرون فأمره ابوه ان يترك النطرون وان يهتم بمذاكرته فلم يطع الإبن كلام ابيه فمسك الإب بالنطرون و ألقاه في الأرض وقال " وااادي النطرون" فسمي المكان بهذا الإسم :closedeyes:

بجد يا بوسي اتخنقت من الكلام و لا يمكن اتحمل وجود النوعية دي من الناس في حياتي و الغريب انك لسه بتقولي صديقتي :blink: صداقة ايه دي يا بوسي؟؟ تساعديها لو احتاجت لك ماشي أما صداقة؟؟؟ مش عارفة بقى اللي تحسبيه انتي اوعي تفتكري انك تقدري تحجمي النوعية دي و الا توقفيها عند حدها حتلف تلف و ترجع توقعك تاني بطريقتها و مادمتي متبتحبيش تكدبي (و أكيد هي متأكدة من كده) يبقى مش حتخلصي يا جميل ابعدي عنها يابوسي و مادامت مش جارتك يبقى حتى ملهاش حقوق الجار لها حق الأخوة في الله و ده لو كانت في شدة و لو كنتي تقدري تساعديها أما غير كده ابعدي عن الشر يا ماما خصوصا انها بتحكي لجوزها حتى الأمور النسائية دي لوحدها كفاية اوي تخليكي تلغيها من حياتك بالمرة انتي كده يعني مكشوفة قدام جوزها و ممكن يطمع فيكي على فكرة ده غير انه كمان بيحكي و ما بيتبلش في بقه فولة اوعي تقولي لا لا مش ممكن ده راجل محترم دي واحدة حمقاء و بتحكي له عنك يعني أكيد راسم لك صورة في خياله مع الأسرار اللي بيعرفها من زوجته و حبة حبة ممكن يتعلق بيكي و مصيبة كمان انه يحكي عنك لحد تاني و جوزك فين من ده كله يا بوسي ياترى عارف مصايب الست دي؟؟؟ يا ترى عارف انها بتحكي عنك لجوزها؟؟ يا ترى متقبل فضولها و استجوابها ليكي؟؟ حاسبي منها لتخرب لك بيتك الله يعافيكي يارب السرطان الخبيث لا علاج له الإستئصال مينفعش يصعب عليا و اسيبه و اقول معلش غلبان آسفة ان كلامي واضح زيادة عن اللزوم بس سامحيني يا بوسي لازم افوّقك و انتي حرة بقى

- يعني في الآخر البرادعي هيطلع مش مصري؟ - ينفع أجيب فاتورة الانترنت من قبل 1914 بدل فاتورة الكهربا أو المية؟ - طب يا ريتني ماطلعش مصري. حد طايل يتعامل معاملة الأجانب؟!

http://www.youtube.com/watch?v=DkynCUhTX0M

الدال على الخير كفاعله لاأنصح بمخالفة تعليمات جهة العمل أو التحايل على القواعد المنظمة

الأخت الفاضلة مصراوية أستطيع أن أتفهم ما ذهب إليه ذلك الجمهور من العلماء ، هذا إذا كنا نعيش ذلك الزمان الذى كان يـُسمح فيه بتزويج القاصرات ولكن من أيام جدى الله يرحمه ارتفع سن الزواج ولم يعد ممكنا أن تتزوج البنت القاصر ولو وافق جميع أولياؤها تحبى أرفع لك أغنية صالح عبد الحى : أبوها راضى وانا راضى ومالك انت بقى ومالنا ياقاضى البنت سن تلاتاشر والوش قمر اربعتاشر والجسم ما شاء الله عليه راخر مايفوتش من باب القاضى أبوها راضى وانا وانا راضى دى كانت أغنية بتعترض على قانون حدد سن زواج الفتيات بسن ستاشر سنة .. كان لابد للقاصر من ولى ليختار لها الكفء من الخـُطَّاب .. أما من بعد أغنية صالح افندى عبد الحى وما بعد ذلك أصبح لا يمكن زواج إلا البالغ الرشيد سؤال ربما يحسم الجدل : هل يستطيع الأب أو الأخ أو العم أو غيرهم أن يتصرفوا فى مال المرأة البالغ الرشيدة ؟ .. أيوه .. الله ينور عليكى .. مش ممكن طبعا (شرعا وقانونا) .. يبقى ازاى يتصرف فى نفس وحياة تلك المرأة ؟ .. أيهما فوق الآخر وأولى منه ؟ المال أم النفس ؟ ... أيوه .. الله ينور عليكى .. النفس طبعا .. فالمال أمره هين .. يذهب ويجئ .. أما الإنسان فمش هيعيش غير مرة واحدة بس سؤال تانى .. من فضلك الإمام الأعظم أبو حنيفة النعمان خرج عن ما ذهب إليه جمهور العلماء الذى تفضلتى وذكرتيه .. وذهب إلى جواز ولاية المرأة على نفسها عند الزواج .. فما حكم الإمام وما حكم مذهبه الذى تزوجنا نحن وآباؤنا وأجدادنا علي فقهه ؟ .. باطل ؟ .. يعنى احنا واللى خلفونا مش متجوزين ولا إيه ؟

يا جماعه فى موضوع عاوز الناس تهتم بيه جدا لأن ده عليه عامل مهم قوى قوى فى المقابله و هو الاعداد النفسى و طريقة التعامل مع المستشار اللى هيعمل المقابله اللى هو باختصار حتة السيكولوجى (حتى اسألو توتا وهى تقولكو قد ايه مهمه)... ودى شوية نقط بسيطه معظمها معروف بس ده للتذكره برضو 1)اول حاجه لازم تعرف انك بدل تعبت ربنا مش هيضيع تعبك يبقى نهدى كده و ريلا كس خالص التوتر مش هيعملك حاجه بالعكس ده هيبوظ الدنيا 2)خليك عارف ان المستشار ده انسان زيه زيك و هو كمان بيتأثر نفسيا و يمكن التأثير عليه نفسيا كمان وهقولكم ازاى 3)لازم تكون واثق من نفسك فى كلامك حتى لو بتقول حاجه منتاش متأكد منها (ولو انى منصحش حد يعمل كده) n2&( بس حتى لو حصل يبقى طريقة كلامك عن الموضوع هو اللى هيدى انطباع انك واثق من كلامك smk: 4)خليك جنتل مان او خليكى ليدى فى التعامل و احترم المستشار لأقصى الحدود من اول متدخل من الباب لحد متمشى و فى ايدك السى اس كيو انشاءالله ...مثلا اول متدخل لازم تبتسم فى وشه او وشها و اوعى اوعى تقعد قبله لازم تستناه لما هو يقعد الاول و الرجاله كمان لازم تقعد المدامات الاول مش يقعد هو و يسيب المدام تطلع تدور على كرسى بره و إياك تقاطع المستشار و هو بيتكلم او تقاطع مدامك و هى بتتكلم او تبصلها بصه مش كويسه لو غلطت ولا حاجه و ياريت تتفقو على اشاره او حاجه تعملها عشان التانى يعرف لو غلط فى الكلام ولا حاجه يوقف لما تعملو الاشاره دى من غير المستشار مياخد باله 5)ابتسم انت فى مصر :tease: ...خلى ده شعارك طول المقابله ابتسامه خفيفه مش جامده اوى يعنى و تكون عاديه مش مصطنعه 6)لازم تبقى باصص للمستشار طول الوقت متحطش وشك فى الارض yaw: (مش وقت كسوف خالص)عشان المستشار يعرف انك شخصيه واثقه من نفسها و تقدر تتعامل لو قابلك ظرف صعب فى حياتك هناك 7)خلى صوتك مسموع كويس يعنى ميبقاش واطى و يقعد كل شويه يقولك باردون على صوتك tot:: (فى الاخر هيتخنق منك و يقول هو هيقرفنا ليه بفى يلا بقى خلينا نشوف اللى بعدو)انت نفسك لو حد قعد يكلمك و هو مصر ان يوطى صوته هتتخنق منه ...كمان بلاش الصوت العالى قوى مش كويس (صوتك العالى دليل على ضعف موقفك) 8)حاول متفتحش على نفسك مجالات فى الحديث انت مش محضرلها و لو هو فتح معاك موضوع انت مش هتعرف تتكلم فيه حاول تبقى ذكى و تقول فيه كلمتين و تجره انت لموضوع تانى تكون انت تعرف تتكلم فيه بس يكون ليه علاقه بالموضوع مش يقولك كيلو الطماطم بقى بكام دلوقتى تقوم تقعد تقولو اه هو حلو وانا بصحى من النوم الساعه 7 الصبح ..كده غلط و المفروض مثلا تقولو اه هو بقى غالى بس ده جزء من المشاكل الاقتصاديه فى مصر و عشان كده انا بحب كيبك عشان الاقتصاد بتاعها كذا كذا ... وتتكلم عن اقتصاد كيبك اللى انت عارفو و محضره كويس 9)خليك ضد الاستفزاز ..يعنى توقع ان المستشار ممكن يحاول يستفزك او يحرجك عشان يشوف رد فعلك ايه وكتير جد مكن تتسأل سؤال مش غرض منه معرفة الاجابه قد ميكون الغرض منه رؤية رد فعلك عليه ..يبقى لو اتسالت سؤال و معرفتش تجاوب خليك هادى جدا و متنفعلش و لا تتوتر ..طبيعى جدا انك متعرفش تجاوب على سؤال و ده امر وارد ...حاول تستخدم ذكائك و هدؤك انك تطلع من المواقف اللى زى دى 10)و ده اهم جزء ..ازاى تأثر نفسيا على المستشار يعنى يبقى هو فاكر ان هو اللى مسيطر على المقابله بس فى واقع الامر بتكون انت اللى بتسيطر عليه ...الموضوع بسيط و باختصار هو بيسألك فى موضوع معين يبقى انت تجاوب على قد السؤال متزودش و هو هيطلب يشوف الورق اللى بيدل على الكلام ده و هو بيبص فى الورق او بيكتب على الكمبيوتر تبدأ انت تحضر جملتين تلاته حلوين و تظبطهم فى دماغك صح (بس يكون ليهم علاقه بالموضوع)و تقوم قايلهم كده بق واحد ورا بعض بدل متقعد تتفرج عليه و هو بيقرا فى الورق ..الحركه دى مهمه اوى طب ليه ؟؟؟ أ)هتدى انطباع ان اللغه عندك كويسه عشان انت مطلع جمل مترتبه و متحضره صح ب)هتقدر تطلع المعلومات اللى عندك بطريفه مظبوطه و لغه صحيحيه ج)هتشتت ذهنه و هو بيقرا فى الورق بتاعك و مش هتخليه يعرف يركز كويس و لو فيه حاجه ممكن يفتق فيها ممكن تخليه ميخدش باله منها د)و هو بيقرا الورق ممكن يكون بيحاول يحضرلك سؤال عقر فى دماغه عشان يعرف يوقعك فيه وانت يا عينى قاعد ساكت و مش دارى يبقى الهجوم خير وسيله للدفاع bxg:: و لما تتكلم انت برضو تشتت ذهنه و ميعرفش يحضرلك حاجه فى دماغه ...اومال يا جدعان ده سيكولوجى مش لعبه flrt: اخيرا ... دعواتى ليكم كلكم بالنجاح كل واحد بأسمه و كل واحده بإسمها دون كاملو -هارفى-مايكل-جوجو-دودو-روك-صيدلى كندى-تهانى-عمرو-ميسترى-جو-د/جيجى-ارساني مجدي-ام مونتريال-د/امي الديرى-علاء فرنش-روا-رودي-كريم عبدو-وجدي

حبيبتي بوسي خير الأمور الوسط والإعتدال انتي جندتي نفسك ليها ولأسئلتها وهيه من باب العشم زودت العيار لو انتي شايفه ان هيه كويسه بغض النظر عن الموضوع ده يبقى خديها بالهدوء وقفلي على امورك الشخصيه بكل ادب بدون تجريح مباشر ولو انتي شايفه انها ما ينفعش تصاحبيها يبقى خليكي بعيد احسن والبعد غنيمه

الموضوع ده بحق وحقيق وأنا شخصياً مجربه .. وأي منشأة مهما كانت بيبقى في ضدها شكوى حقيقية مدعمة بمستندات وبالتالي غير كيدية .. بتتبهدل وبيحصل تحقيقات جادة لحد الشاكي ما ياخد حقه .. انا شخصياً إشتكيت قبل كده مركز " جيان " التجاري .. بس إشتكيتهم لجريدة الأقتصادية في قسم أراء القراء . وردوا عليه ورفعوا الموضوع للمركز التجاري ولقيتهم بيتصلوا بي في ثواني عشان يسترضوني ... والجريدة تابعت معي قبل تمرير الموضوع لوزارة التجارة .. http://www.mci.gov.sa/mok2/form.asp بصراحة .. مليوووووون تحيه لوزارة التجارة المحترمة

اخى العزيز تامر مصطفى متزعلش نفسك انت عارف من الاول انه كان هيتقفل بس اهم حاجه اننا زى ما اختنا قلب ابيض بتقول طالما احنا مع بعض كلنا ونخفف عن بعض همومنا او مشاكلنا حتى افراحنا بنقسمها سوا فده يكفينى جدااااااااا ولو اخدت بالك هتلاقى الموضوع بتاعنا هنا فى اوائل الموضوعات بعد الموضوعات المثبته يعنى بحب الناس اللى هنا لبعضهم فالموضوع كانه مثبت غصب عن اى حد مع احترامى للجميع

تكبيرة العيد من الحرم المكي الشريف http://www.youtube.com/watch?v=TK9wAvkQ0Os&feature=related تكبيرة العيد - مصر http://www.youtube.com/watch?v=rC0q7371xyk&feature=related

انا حزينه بجد موضوع التثبيت اغلق؟؟؟؟؟؟؟؟ طيب لو اعتبروا ان باب المصريين بالكويت شات زى ماتفضل سى السيد وقال ...فى شك ان من خلال الشات ده الناس بتفيد وتستفيد من المعلومات اللى فيه؟؟ وبعدين المنتدى للمحاورات وليس جريده يوميه او سياسيه او خاصه بشكل ما من حقى انى اسأل واو ارد على اللى اعرفه طالما بشكل لائق ومحترم ولا يخدش الحياء او الدين او ما يعود باى ضرر معنوى حتى لاحد الاعضاء بجد انا محبطه جدا..... كأنى رايحه لاخويا وفاتحه له دراعى وبطلب منه بحب راح قافل فى وشى الباب والسبب انى بتكلم كتير من وجهه نظره هو فقط حزينه ولكن الخلاف فى الرأى لا يفسد للود قضيه طالما احنا مع بعض كلنا ونخفف عن بعض همومنا او مشاكلنا حتى افراحنا بنقسمها سوا فده يكفينى جدااااااااا كل الحب لديوانيه المصريين بالكويت

السلام عليكم أولا .. لم يقل أحد أن الولي من حقه أن يزوجها لمن شاء .. فرضى الطرفين "الإيجاب و القبول" هو الشرط الاول لانعقاد الزواج و الرسول صلى الله عليه و سلم رد زواجا تم دون رضى المرأة وروى البخاري في صحيحه عن خنساء بنت خدام الأنصارية رضي الله عنها (أن أباها زوجها وهى ثيب فكرهت ذلك فأتت رسول الله صلى الله عليه وسلم فرد نكاحها) جاءت فتاة إلى النبي – صلى الله عليه وعلى آله وسلم – فقالت : إن أبي زوجني ابن أخيه ليرفع بي خسيسته ، قال : فجعل الأمر إليها ، فقالت قد أجزت ما صنع أبي ولكن أردت أن تعلم النساء أن ليس للآباء من الأمر شيء . ثانيا .. إذا تعنت معها وليها "الأب مثلا" .. لها أن تتخذ وليا يزوجها حتى لو وصلت الى القاضي ثالثا .. لفظ الحديث عام .. لم يستثنِ سنا معينا .. و اعتقد أن أغلبنا تزوج بولي اما المشكلة؟ رابعا .. في كل المذاهب .. النص مقدم على الاجتهاد .. و كثير مما انفرد به أبو حنيفة كان بسبب عدم وصول الحديث إليه -لم يكن جمع الحديث قد تم بعد- و مذهبه معاصر لمذهب مالك و الصحابة و عملهم هم الأقرب لعصر النبوة و مع هذا إذا تعارض عملهم مع حديث صحيح للرسول الكريم صلى الله عليه و سلم فالنص مقدم لأن هؤلاء الصحابة ربما لم يصلهم هذا الحديث و أخيرا .. ما يحدث الآن من احتيال و تغرير بالنساء -مع أنهن متعلمات و أكثر من 25 سنة - يجعل وجود الولي غاية في الأهمية ليس انتقاصا من قدرة المرأة بل حماية و صيانة لها تحياتي و خالص احترامي

خير الأمور الوسط - يعني لا شكوى مستمرة وإدعاء للفقر والحاجه والعوز وعدم شكر الله زي ما بنشوف ناس كتير على طول تشتكي وعلى طول تدعي الفقر .. وفعلاً ده ممكن يؤدي إلى زوال النعمه وإبتلاءهم بالفقر اللي بيدعوه - ولا مباهاه ومفاخرة أمام كل من هب ودب .. وبالتالي الإنسان بيجلب على نفسه المشاكل ... خصوصاً إن المستويات بين البشر متفاوته منذ أن خلق الله الأرض ومن عليها إلى يوم القيامة .. وبالتالي لما أقعد أنا أتفاخر على طول باللي عندي واللي ربنا رزقني به .. فمش بأراعي شعور الأخرين خاصةً لو كانوا محتاجين والحاجات اللي بأتفاخر بها دي تكون كماليات او زيادة جداً جداً .. وده ممكن يخلق الحسد . أما ليه الناس بتحسد ... فممكن تسألي قابيل اللي قتل أخوه هابيل لأن زوجة هابيل كانت أجمل من زوجته ... وكمان ربنا كان بيتقبل قرابين هابيل وما كانش بيتقبل قرابين قابيل لإن الحسد بيملأ قلبه ... فكانت النتيجة إنه أرتكب أول جريمة قتل بين البشر ... وأصبحت سيئة جارية منذ بدية التاريخ إلى وقتنا هذا وكل جريمة قتل تحدث بتلزق في ذنوب قابيل ... يعني الحسد زيه زي أي طبع سيء في الناس زي الكذب والخداع و و و و ومستحيل تلاقي مجتمع من الملائكة ... وفي أمور كتيرة تجلعنا نتقي الحسد منها الأذكار الشرعية وأذكار الصباح والمساء .. وذكر الله بعد كل نعمة زي ما عمل الصديق في صديقة في سورة الكهف ... واحد عنده أولاد كتييييير وثروات وحدائق كثيرة وبيتفاخر بذلك بدون شكر للنعمه فصاحبه بيقول له " وَلَوْلا إِذْ دَخَلْتَ جَنَّتَكَ قُلْتَ مَا شَاءَ اللَّهُ لاَ قُوَّةَ إِلاَّ بِاللَّهِ إِن تَرَنِ أَنَا أَقَلَّ مِنكَ مَالاً وَوَلَداً فَعَسَى رَبِّي أَن يُؤْتِيَنِي خَيْراً مِّن جَنَّتِكَ وَيُرْسِلَ عَلَيْهَا حُسْبَاناً مِّنَ السَّمَاءِ فَتُصْبِحَ صَعِيداً زَلَقاً أَوْ يُصْبِحَ مَاؤُهَا غَوْراً فَلَن تَسْتَطِيعَ لَهُ طَلَباً : فكانت نتيجة إعجابه بنفسه وعدم شكره للنعمة " وَأُحِيطَ بِثَمَرِهِ فَأَصْبَحَ يُقَلِّبُ كَفَّيْهِ عَلَى مَا أَنفَقَ فِيهَا وَهِيَ خَاوِيَةٌ عَلَى عُرُوشِهَا وَيَقُولُ يَا لَيْتَنِي لَمْ أُشْرِكْ بِرَبِّي أَحَداً " لإن المواضيع دي ساعات بتخلي الإنسان ينسى نفسه ويفتكر إن كل ده من فهلوته وشطارته وعلمه .. فبتبقى النتيجة إن كله بيروح وبتفضل له فلهوته وجهله وورينا هايعمل إيه ؟ لكن برضوا معليش الإنسان مش المفروض يضع أمور الحسد أمام عينيه في كل وقت ويجعلها محور حياته لأن كده هايتعب نفسياً وستصيبه الوساوس وهايشك في كل الناس اللي حواليه ... ويوم ما حاجه تخرب عنده في البيت لأي سبب .. هايلزقها في الحسد وإن فلان كان عنده أمبارح وهو اللي نظر للحاجه دي فباظت وما إلى ذلك من الخرافات اللي بنسمعها كتير .... وده ممكن يفسد العلاقات بين الناس بدون داعي ..

علمنى رسول الله عن عبد الله بن بشر:ان رجلا قال:يارسول الله (ان ابواب الخير كثيرة ولا استطيع القيام بكلها فاخبرنى بما شئت اتشبث به ولا تكثر على فأنسى قال لايزال لسانك رطبا بذكر الله تعالى )

bv:- bv:-

برضوه يا ايمن ما قولتليش رايك ايه لو طلبت منك مودامتك انك تساعدها فى اعمال المطبخ ؟؟ وجاوب بسرعة بدون تفكيررررررررررر معنديش اى مشكلة ابدا يا مدام اغابى والله -الحمد لله - بصفتى عريس جديد ( فى الشهر الثالث ) عقبالكم واولادكم ان شاء الله حاليا مهامى فى البيت تشمل الدفع- اى حاجه فيها فلوس بدفع علطول - و شيل انبوبة البوتجاز و رمى كيس الزبالة وادخال قوارير المياة واحضار التموين من السوبر ماركت smk: غير كده انا طرزان .... يعنى فى البداية حاولت اساعد واغسل معاها بس المدام طردتنى من المطبخ :sad: ...عارفين بقى لما يكون مركب لها قبطانين ...ففضلت انسحب واراقب خطوط العدو و اضرب قنابل كلام عند الحاجه ...ماهو طبعا الواحد لازم يكون له صوت فى البيت مش كده ...الملح ناقص ...مش عارف ايه ...هو فيه حد بيعمل الرز بالطريقة دى ... الحمد لله انا متغرب من اول ما دخلت كلية فموضوع الاكل والغسيل وغيره عادى عندى معنديش اى مشلكة انى انظف الشقة او امسحها حتى او اغسل الأطباق أو غيره الله يمسيك يا خالى على بالخير يارب - لما كان ستات البيت بيعملوا محشى - كان هو اللى لازم يقود المسيرة وبيعمل محشى ولا اجدع واحدة فيهم دى المشاركة حلوة يا جدعان بس بالمزاج وبعدين المثل مش بيقول من قدم السبت لقى الاحد ..... :blush2: وهنيالك يا فاعل الخير

علمني رسولي صلى الله عليه و سلم فقال

احيانا الواحد بيضطر يكدب بس كدب مش بيضر حد لكن بيحافظ على النعم اللى عندى لما واحدة تستكتر عليك جوزك واولادك او عيشتك او حتى شكلك اللى ربنا عطوهلك لما واحدة تقارن عيالك بعيالها خصوصا لما يكونوا فى سنة دراسية واحدة(الموضوع ده بالذات مقروصة فيه جامد) لما تلاحقك باسئلتها من غير متديكى فرصة تسأليها ولو حصل وسألتيها مافيش غير الشكوى اظن الرضا اهم نعمة ربنا يديها للناس على فكرة امثالنا الشعبية بتاعة زمان مكنتش من فراغ واهم مثلين باحبهم فى الموضوع ده (دارى على شمعتك تايد) و( من بص لعيشة غيره حرمت عليه عيشته ) نسال الله انه يتم علينا نعمة الرضا والقناعة ويحفظنا ويحفظ اولادنا والله خير حافظا وهو ارحم الراحمين

صباح الفل على الجميع وشكرا على تهانيكم كلكم جميعا وانا اخت ليكم كلكم وساكون في الإسكندريه خلال فترة العيد وأمر عالقاهره يوم برجاء حار أي شخص محتاج أي شي من الكويت بس يبعتلي رساله وانا حاضر وتحت أمركم وبجد فرحتوني قوي وبعد شويه حأعيط واقلبها غم عليكم اختكم ام علي حمال الأسيه

كى أستطيع الرد عليك ، فلنعرف أولا ماهو الزواج ، الزواج ببساطة له أركان متى تحققت أصبح زواجا وتلك الأركان هى: 1- التأكد من خلو الطرفين من الموانع الشرعية 2- اإيجاب والقبول 3- الإشهار بألإضافة لعدة أمور فرعية أخرى لاتعتبر مهمة ولاتعطل عقد الزواج. من أهم النقاط فى الشروط السابقة هى مسألة " الإشهار " ماذا يعنى الإشهار؟ هل شهادة 2 شهود تعتبر إشهار؟ أم أن الإشهار يعنى أن البلد كلها تعرف؟ والغادى يقول للقادم أن فلا وفلانة قد اصبحا زوجين ، أو أن فلانا قد تزوج فلانة؟ بالطبع الإشهار أن يعلم الجميع بأمر الزواج . حسنا ، إذا كان الإشهار هو أن يعلم الجميع بأمر الزواج ، فكيف يخفى زوجا أمر زواجه عن زوجته أو زوجاته؟ إذا أستطاع الزوج إخفاء أمر زواجه عن زوجته او زوجاته وعن أسرته وأولاده ، فهذا ليس زواجا ، بل ( علاقة سرية ) إذن فالإشهار ببساطة ليس مجرد اثنين من الشهود وورقة سواء مسجلة بالشهر العقارى أو مختومة بخاتم المحكمة. ================================ المسألة الأخرى هى الفرق بين الزواج العرفى ، والزواج الرسمى أو المدنى لو جاز تسميته كذلك. من تعريف الزواج فى الفقرة السابقة ، يجب نعرف الآتى: فى الماضى وقبل ظهور الدولة الحديثة ، وعندما كانت البلدان صغيرة يعرف فيها كل شخص باقى أبناء بلدته ويستطيع أن يميز الغرباء ، كان الزواج يتم بدون اعتمادات رسمية حيث لم تكن هناك لامحاكم مختصة بذلك أو شهر عقارى يقوم بتوثيق عقود الزواج ، بل يكفى أن يقام حفل الزواج فيعلم القاصى والدانى بأمر الزواج. بعد أن كبرت رقعة المدن وسهلت الحركة وبعد أن خربت الذمم ، ومع ظهور تنظيم الدولة الحديثة ، تقرر أن يتم تسجيل كل الزيجات التى تتم حفظا للحقوق ولتطبيق النظام ، وتم سن القوانين المنظمة لذلك ، ولن هذا لم يمنع من أن تتم الزيجات بنفس القانون الاساسى للزواج الموجودة فى البنود 1 ، 2 ، 3 فى الفقرة السابقة. وأصبح مايتم تسجيله بالطرق القانونية يسمى " زواج رسمى " ويقوم بكتابة العقد فيه " المأذون " والمأذون هنا تعنى أنه مأذون من قاضى محكمة المنطقة ، أما مالا يتم تسجيله أو عقده بدون حضور مأذون فيسمى " جواز عرفى " وهو لايزال يمارس فى القرى النائية وبين بعض القبائل والى وقت قريب فى بعض القرى. مع الزمن ومع خراب الذمم أكثر وأكثر نشأ نوع جديد من العلاقة ( لاأرى انها يمكن أن تسمى زواجا ) يسمونها زورا " زواجا عرفيا : وهى فى الحقيقة لاتعنى سوى علاقة سرية ، لو جاز تسميتها زواجا فيمكن أن يطلق عليها " زواجا سريا ". هل الزواج السرى يعتبر زواجا صحيحا؟ فى رأيى هو زواج غير صحيح لأنه أفتقد شرطا مهما وهو شرط الإشهار ، ================================= بالنسبة لمسألة الطلاق للضرر ، فأعتقد أن هذه هى أبسط حقوق الإنسان ، أن تعيش الزوجة فى بيئة تحبها وترضاها ومع الإنسان الذى يقبله قلبها ، فهى ليست أجيرة ، وزمن العبودية قد ولى ، وأعتقد أنه طالما أعطى هذا الحق للرجل فلماذا تحرم المرأة منه؟

برضه بتتكلمى تانى بمنطق ان الطالبة تتهان او تتضرب اهون لها من الرفد من كليتها نفس الحكاية هنا مش مهم ان الزوجة تعيش مغفلة بس يبقى مافيش طلاق القانون بينفذ شرع ربنا فى حتمية اعلام الزوجة الاولى بالزواج الثانى وبعدين هو متجوز انسانة بتشاركه حياته مش جارية اشتراها من سوق العبيد وممكن يشترى غيرها دون ارادة منها فاكيد لازم تعرف بجوازه الثانى وهى وحدها اللى تقدر حجم الضرر المعنوى والنفسى الواقع عليها جراء زواجه عليها وسواء الزوج اساء العشرة ام لم يفعل بعد زواجه التانى فدى مسالة مبدأ انا واحدة من الناس مقبلش حد يشاركنى فى زوجى حتى لو احسن معاملتى اكثر من الاول بعد زواجه الثانى وفى هذه الحالة الطلاق حيكون عندى اهون من انى اعيش مغفلة وبعدين اللى يقرر الضرر الواقع على الزوجة لاهو الزوج ولا القاضى بل الزوجة نفسها ومن حقها تطلب الطلاق زى ماهو اعطى نفسه حق الزواج الثانى عليها وكون ان زوجة تقبل الزواج الثانى لزوجها فدى عملية نسبية بتختلف من ست لاخرى ولكل واحدة ظروفها على جنب كده فيه زوجة طلبت الطلاق من زوجها عشان عرفت انه اتجوز من 5 سنين ، و لما بيسالوا هل اسء معاملتك في 5 سنين اللي فاتت و انتي لم تعلمي بزواجه ، قالت لأ ، فاقنهعوها بان هيا متطلبش الطلاق عارفة دا لاته عامل زى اللى عامل عاملة وكل يوم يشترى سكوتها بهدية عشان متعرفش بس ياترى استمر فى المعاملة الكويسة دى بعد علمها ولا خلاص زالت مع زوال السبب وهو عدم المعرفة قال تعالى : { ولن تستطيعوا أن تعدلوا بين النساء ولو حرصتم } (النساء:129) قليل دلوقت اللى بيراعى ربنا ويقيم العدل مع زوجته الوحيدة فما بالك لو تزوج عليها

قالت إحدى الساحرات لرجل وزوجته: لكونكما من افضل الزوجين وقضيتما معا ما يقارب الـ 35 عاما، فإني سأهب لكل واحد منكما أمنية لأحققها له . قالت الزوجة : أنا أتمنى أن أسافر حول العالم مع زوجي العزيز دون أن نفترق. حركت الساحرة عصاها بشكل دائري مرددة: ' أبرا كدابرا أبرا كدابرا, أبرا كدابرا' فظهرت تذكرتين للسفر حول العالم وضعتها في يد الزوجة جاء دور الزوج الذي جلس يفكر ثم قال : هذه لحظة رومانسية, لكن الفرصة لا تأتي إلا مرة واحدة في العمر : آسف حبيبتي : لكن أمنيتي أن أتزوج امرأة تصغرني بـ 30 عاما شعرت الزوجة بغصة في حلقها وبطعنة سيف في قلبها وبدت خيبة الأمل على وجهها : لكن الأمنية أمنية. حركت الساحرة عصاها بشكل دائري مرددة: ' أبرا كدابرا أبرا كدابرا, أبرا كدابرا ' : فجأة أصبح عمر الزوج 90 عاما !!! قد يعتقد بعض الرجال أنهم أذكياء ولكنهم ينسون... !!!!!!!!!!!! .......... .......!! !!!!!!!!! !! أن الساحرات في النهاية هـن نساء

استمع للمرة الألف لنفس الأسطوانة المشروخة التي ترددها بدون كلل ... يتعب أصبعي من السكرولينج للوصول الي الخلاصة في حديثك .. لأصل دائمآ لنفس نفسيراتك المعلبة .... سطورآ و سطورآ تتماثل دائمآ في سواء في القص و اللزق سواء ما تجود به قريحة حضرتك .... تهاجم أفعال هاجمناها نحن أيضآ و رفضناها .... تعيد و تزيد .. ثم تزيد مرة أخري .. ثم مرة الف ... نفس النقاط الخمس او حتي العشر لدرجة الغثيان : البابا شنودة .. هو البابا شنودة .. مافيش غيره .. الفتنة أبتدأت مع ظهوره علي الساحة .... او لم يتزامن أعتلائه لكرسي البابوية و تلك الحملة الغبية ضد الأقباط مع بداية هجرة المصريين الي دول الخليج و تفاعلهم مع أفكار جديدة عادوا بها الي مصر و أبتدأوا في تطبيقها حرفيآ ... نفس الأفكار التي تنكوي منها الآن تلك الدول و تحاربها بكل قوة ... و لكن للعجب نجد من يدافع عنها و يحسب أرهابيها من الشهداء .... أكان البابا شنودة هو السبب في ذلك ؟؟!!! مسرحية الأسكندرية ... حدث داخليآ ينتمي الي كنيسة واحدة ... مجرد حادث فرديآ ... خاطيء بالطبع ... و تم رفضه ... و لكن لم يلفت نظر أحدآ من كان وراء طبعه و توزيعه بالمجان علي المسلمين .. و ما هو غرضه من ذلك .. مش مهم ... المهم ان نجعل منه سابقة و كارت ارهاب نشهره كل مرة نحتاجه .. او حتي بدون اي حاجة ... و لكن أمام كل تلك المطبوعات و التسجيلات الصوتية و المرئية التي تهاجم المسيحيين في عقيدتهم ليلآ نهارآ ... امام تلك الدعوات التي تصدر من بعض الجوامع و الزوايا في انحاء مصر تدعو علي النصاري و اليهود الكفار ... فهي بردآ و سلامآ علي حضرتك .. شيئآ طبيعيآ لا تدري اين هو تأثيرها السلبي علي شركائك في الوطن .. او يمكن تلك فرية من فريات البابا شنودة ... سلسلة الجرائم الدنيئة التي وصلت أحيانآ الي درجة المذابح علي المسيحيين يتمت أطفال و رملت نساء و أضاعت تعب اعمار من بعض المرضي فكريآ المتخفيين تحت عباءة الدين شيئآ عاديآ ... بل و يستاهلوا لأن البابا شنودة هو السبب ... ـاتي لي بأحاديث قسس مشلوحة و لا تنتمي الي جسد الكنيسة تأخذها كقرائن ... تبحث بالمجهر هنا و هناك علي احاديث لآخرين .. ربما زلوا فيها .. او ربما جزءآ من هذا الحديث ينفع في رسالتك التي أصبحت واضحة لكل ذي عين ... بل تدافع عن قسس آخرين و تهاجمني لأنني ذكرت انه عندما يذكر شيئآ غير موجود في دينه ( ده لو كان قاله فعلآ ) يبقي حمار ... و تأتي حضرتك بكل وداعة و تعلمني درسآ في أصول الحوار و كيف لا يجب أن انعته بهذا الوصف ... هل تسخر مني ؟؟؟ ها أنا أكررها ...من يرتدي ثياب الواعظ و يذكر شيئآ بعيدآ عن تعاليم دينه كحقيقة ثابتة .. فهو حمار...و أضيف أيضآ و حمار من يتبعه ... تجعل من شخص كماكسيموس لا نعترف نحن به و تعينه بابا موازيآ و تجعل من احاديثه اسانيد ثابتة .. تعيد أكاذيب صارخة عن اسلحة في الكنائس و الأديرة و لولا الملامة لكنت روجت أيضآ لموضوع الأسود التي تأكل تاركي المسيحية ... تصبح وفاء قسطنطين و كاميليا شحاتة حجر الأساس في مهاجمة الكنيسة و المسيحيين ... و الأسيرات .. و الدولة داخل الدولة .. تكذبون و للعجب مع الوقت من كتر ترديدكم للكذبة تصبح بالنسبة لكم حقيقة واقعة بالفعل ... ثم يأتي الأنبا بيشوي ليهديكم سببآ آخر علي طبق من ذهب ... و لكن خطأه هذا يعود الي شهرآ واحدآ فقط ... مجرد شهرآ ما ان فتح فاه .. حتي انفتحت ابواب الجحيم عليه و علي الكنيسة و معهم المسيحيين بالمرة .. و مظاهرات و اهانات و شتائم في أكبر رمز لنا ... عادي .. يستاهل هو السبب .. البابا شنودة ... بل عندما يأتي الخطر من الخارج ... تقوللي مش القاعدة .. دول عملوها فزاعة .. أذن فلتفسر لي لماذا لم ينكر حبيبك الزرقاوي تلك الفعلة الحقيرة .. بينما بادرت منظمته الأرهابية فورآ بنفي تهمة تدمير الجوامع أمس في باكستان ... فزاعة برضه .. و لا متفقين مع البابا شنودة ... أعلم مقدمآ ردودك .. و التهذيب .. و الهدؤ .. و أصول الكلام بين المختلفين .. لكن يا مولانا مع من يحمل فكرآ مماثلآ لم يعد هناك أي مجال لحوار أو اسلوب مختلف ... سنوات نبحث عن اسس سليمة للحوار .. نبحث عن حلولآ لمشاكلنا معآ .. و كل مرة يبدأ حوارآ مفيدآ مماثلآ يجب ان يتم افساده بواسطة حضرتك .. و كلمة السر اتنين .. البابا شنودة .. و العلمانية .. لا أحد ينكر ان الخطأ متبادل ... و لكن ان تجعل الطريق دائمآ اتجاهآ واحدآ ... و تحمل طرفآ واحدآ فقط كل المسئولية فليس من الذكاء في شيء ... تستطيع بالطبع اراحة ضميرك بتفسيرات مماثلة .. هذه اذا كنت مقتنع بها فعلآ و هو شيء أصدقه .. و لكنها بالطبع لا تحتوي علي اي حلول .. بل انها تضيف ديناميت علي النار ... ما زلت انتظر وثائقك التي تثبت بها ان هناك اسلحة في الكنائس و الأديرة ... و القول الآخر المنسوب للبابا شنودة ... التأليب بأستخدام اسلوب دغدغة المشاعر الدينية هو سلاح الضعفاء فقط ...

بلدياتنا اهدته صاحبته ببغاء... واتصلت تسأله ايه رأيك في الهديه ؟ قالها: عادي خالص زي طعم الفراخ ========================== بلدياتنا أبوه مات قالو له ادي الراجل اللي غسله 50 جنيه قالهم ليه هو غسل مارسيدس؟؟؟ ========================== بلدياتنا قال للصيدلي: اديني حقنة من اللي بتاخدها مراتي الصيدلي قاله اسمها ايه ؟ قاله اسمها:... مديحة ========================== بلدياتنا قاله أبوه افرح يا حبيبي جالك أخ صغير قاله وحياتك ماتقولش لأمي خليها مفاجئة ========================== بلدياتنا بيتخانق مع ابن الجيران طلعتله امه من الشباك وقالتله: ماتعملش مشاكل.؟؟؟ طخه وتعال عالبيت ========================== بلدياتنا حب يعمل مفاجأة لمراته يوم عيد ميلادها.. طلقها ========================== بلدياتنا جاله عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الأخير لركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت هتطلع يا أستاذ" ، فيرد عليه ويقوله : "ايوة دول طالعين رحله ... انا طالع شغل" ========================== بلدياتنا اشترى لحبيبته عصفورين!! واحد بيغرد والثاني ساكت سألته حبيبته: ليه الثاني ساكت؟ قالها: ده الملحن مع تحياتي

سامحنى كلام حضرتك غير مضبوط لان دائما الجيش مصنع الرجال كون استغلال المجند فى خدمات خاصة للضباط ده عيب افراد وليس عيب الجيش نفسه حياة الجيش تساعد فى تهذيب الاف الشباب وتعليمه كيفية تحمله المسئولية كثير من الشباب دلوقت متمرد على كل شئ حوله مش عاجبه حاجة مش متحمل المسئولية عاوز كل حاجة على الجاهز زى ماعودناه الجيش ده ضريبة لازم يدفعها كل مواطن حتى لو مقابل لحب وطنه واعتقد جميع الدول الجيش فيها الزامى بغض النظر عن امريكا التى تضحى بالاف المجندين الفقراء فى حروب دعائية لتركيع الشعوب وترهيبها وفرض هيمنتها كحرب العراق وغزو افغانستان الجيش بالنسبة للبلد الدرع الواقى لاى غزو او احتلال ومصدر من مصادر القوة لاى بلد ضد اى عدوان فكرحضرتك ممكن يحصل ايه لو مافيش جيش او حتى مافيش شرطة (رغم مساوئها) يحكمنا قانون الغاب ونصبح فريسة لاضعف دولة نصبح لقمة طرية لكل من تسول له نفسه احتلال البلد

انا متابع دائم للقناة دى وبستفاد منها كتييييييييييير جدا بجد قناة هايلة بس انا بتابع اكتر مملكة الغابة ولسعات مايك لى هى ( بستناه كل اسبوع ) تحياتى

طيب يقفلوها 8 ولو انه بدري اوي بس مقبوله لكن يفتحوا عشرة ليه ؟؟ بنزل كل يوم الساعة 7 الصبح امارس رياضة المشي .. بمشي في شوارع كتير رئيسية وفرعية .. القاسم المشترك .. مفيش نهائيا اي محل بيكون فاتح الهم الا محلات الفول , الكشري , المخابز , بعض المكتبات الي في طريق مدارس وبعض البقالة الصغيرة .. وقليل جدا من محلات الخضار والدجاج الحي .. فيما عدا ذلك مصر بتكون نايييييييمة مش بيصحوا قبل تسعه تسعه ونص كل يوم .. والبقية بكل اسف مش بتفتح قبل 12 الظهر !! والغريب ان الشارع بيكون فيه ناس كتير . وكلهم تقريبا مرتبطين بالمدارس اما رايحين يودوا اولادهم او هم نفسهم تلاميذ رايحه بنفسها .. اموت واعرف .. في بلد بتعاني اقتصاديا زي بلدنا وجوها غير عادي من روعته زي مصر .. مبيفتحوش ليه من بعد الفجر بساعه ويستمروا كده لقرب العشا وبعدها يعملوا الي يعملوه ؟؟ بنصحى متأخر ونبدأ حياتنا متاخر ليه ؟؟؟ اتمنى زي ماطلعوا قانون للاغلاق المبكر يطلعوا قبله قانون للاستيقاظ الابكر .. ونشوف ..

السلام عليكم الاخوه الكرام جزاكم الله خيرا . الزميل الفاضل سكوربيون ما كنت اتمنى ان يصل الحوار معك الى هذا الاسلوب المتدنى اتوقف عند هذه النقطه فى الحوار احتراما لنفسى و لزملائى الافاضل و للمنتدى الذى له مكانه خاصه عندى حتى ان التواجد به يعتبر جزء رئيسيا من يومى طبعا كل كلامك اعلاه مردودا عليه و ستجده فى مداخلات كثيره سابقه و لكن كما قلت اود ان احافظ على مستوى المنتدى محترما الى ابعد مدى و مطبقا نظريه ان الخلاف فى الرأى لا يفسد للزماله قضيه اما ما هو بعيد عن الرأى و تطرق الى اتهامات شخصيه و تطاول فليس لى عليه سوى رد واحد الطبل الاجوف ....عالى الصوت