لوحة القادة

بعد ما تشوفوا الفيديو ده ممكن حد يرد عليا ويقولى احنا فين من الناس د ى ؟بجد الفرق بينا اصبح مليون سنة ضوئية على راى احمد عيد فى فيلم ليلة سقوط بغداد http://www.youtube.com/watch?v=Ckl7ZaURUu0&feature=player_embedded#! فى رد قادم هاقولكم احنا ايه اللى بيهمنا واحنا فين

برغم اننا فى هذا الوقت نفتقد للنصيحة والارشاد - ونحن فى امس الحاجة اليهما الا اننا لا نجد النصائح بسهولة الموضوع رائع ونصائح مهمة بالنسبة للجميع لاننا جميعا نحتاج لها فى حياتنا واحترت انزل بالموضوع فى اى باب وان كان يناسبه اكثر موضوعات جادة لكن الاهم انه يوصل على صفحات المحاورات للقراء الكرام لانه موضوع رائع جدا ونصائح بحروف ذهبية ويستحق القراءة والمتابعه من كتاب جاكسون بروان ... (Life's Little Instruction Book) ويذكر ان بروان كتب النصائح لابنه فى اعتقاد منه انه سوف يكتب فقط 10 نصائح وبدون ان يشعر وجد نفسه يسجل 1560 نصيحة ولكن اهم هذه النصائح من وجهة نظر القراء النصائح الاتية ويذكر ان الكتاب حقق افضل المبيعات اليكم بعض نصائح - جاكسون بروان - لابنه

عشان نقرب من المستوى ده, محتاجين المبدعين يفكروا إزاى يبدعوا وبس. إنما تشوف المبدع دلوقتى بيقضى معظم وقته بيفكر فى إيه؟ بيفكر إزاى يوفر حياة كريمة لنفسه ولأسرته لو كان رب أسرة. أو بيفكر إزاى يكون نفسه عشان يقدر يتزوج ويكون عنده أسرة. بيفكر هل المياه اللى بيشربها صالحة للشرب ولا لأ. بيفكر هل الأكل اللى بياكله - أياً كان نوعه - صالح للاستهلاك الآدمى أو لأ. لو عنده مشكلة فى الشقة -سباكة أو كهربا أو غيره- هل يقدر يصلحها بسهولة وبإتقان ومن غير ما صنايعى يطلع عينه ويسرق فلوسه من غير ما يصلح المشكلة؟ لو عنده عربية, لو عنده أولاد فى الدراسة, لو مريض وعاوز يتعالج, لو عنده أى معاملة حكومية محتاج يخلصها... إلخ كل ده ممكن يتعمل بسهولة ومن غير ما نستنفذ طاقة المبدع فى أشياء أخرى ممكن لا تتعلق بالإبداع, ولكن لو كان هناك نظام دولة يقدر الإبداع والمبدعين ويحترم العلم والعمل.

انت شكلك يا سي السيد مش هترجع الا لما نتلم كلنا في مارينا:D شعارات الفساد فسادك أمانة علشان . . نخربها أكثر ما هي خربانة. فسادك يهمنا علشان . . ما نبقاش لوحدنا. فسادك يهمنا . . وحمايتك عندنا. من أجل سبوبة أكبر. اللى يعيش ياما يكوش. لا تقولى غلاء ولا أسعار . . الحزب الوثني مولعها نار. من كان الحزب أبوه والحكومة أمه . . فمفيش حد يقدر يلمه. الباب اللي يجيلك منه سبوبه . . اقلبه بلكونة. تعيش تموت مالكش دية . . أصل اللي زيك مش قضية. شعارات الطماطم بقي الحزب الوثنى . . هنعصرك عصر. طماطماية في أيدك خير من عشرة في القفص. يا بخت من عصر طماطمتين في الخلاط. قليل البخت يلاقي الطماطماية مفعصة. مع تحياتي

للمهتمين باللوحات الزيتية ادعوكم الي هذه المدونة الرائعة لوحات كثيرة ستدهشك واسلوب راقي من صاحبة مدونة لعرض وشرح تفاصيل اللوحات تمتع بهذا الفن من هنا

من كثرة الاحباطات التى تحدث لنا من نشر السلوكيات السلبية حبيت ادور على طاقة نور ايجابية تعطينا امل فى غدا افضل لو سمحتم التوبيك للايجابيات فقط وكلمة شكر ولو لمواطن بسيط لكنه ايجابى ولكى لانهضم بعض المسئولين حقوقهم لابد من نشر اعمالهم الايجابية حتى لو كانت لهم بعض الافعال السلبية وصلنى على الفيس رسالة ( مبادرة المدرسة الألمانية لتنضيف شوارع القاهرة ) الرباط الخاص بي

أؤيد هذا على فكرة يا هند .. مقالة حمدي قنديل عن علاء الأسواني كان فيها تكريم لإيجابيين كتير أنا شخصيا شايفة ان الجهر بكلمة الحق و الناس اللي ما بتسكتش على الظلم أكبر إيجابية و عم محمد الحلاق اللي عامل جنينة صغيرة و نضيفة قدام محله و ما استسلمش لسلبية جيرانه أكبر إيجابية و كل أم و أب بيربوا اولادهم صح و بفلوس حلال أكبر إيجابية :egyflag:

طبعا القرآن نزل "بلهجة" قريش .. ولا تنس أن للقرآن الكريم سبع قراءات والله فكرتنى يا صديقى بلهجة أهل الشرقية وأهل الكويت .. و "الفريج" حجى أو "حقى" .. كان ولا يزال لى أصدقاء سعوديين وكويتيين .. وأذكر أننا فى سمرنا أضفنا (إلى كان وأخواتها ، وإن وأخواتها) ، إيشحجة يعنى "إيشحقة" وأخواتها وأذكر منها إيشدعوة ، وايشلونك واشفيك ، وايشعلومك ، وايشجابك "إيشقابك" ، .. وفكرنى انت بقى بباقى إخواتها :WelEgTks:

مجرى ولاَّ مقرى ؟! :P رئيس فرنسا من اصل ((هنقاري)) فعلا بعض اهل (اليمن و عمان) ينطقون حرف (الجيم) G كما في كلمة (Go) ....... لكن الاكثر (فصاحة) هي نطق (الجيم كما في القران) ---------------------------------------------------------- لا تنسى يا صديقى أن العرب "العاربة" من اليمن (جنوب الجزيرة) أما شمالها فهم العرب "المستعربة" .. أو كما يقال العاربة من اليمين "اليام" والمستعربة من الشمال بكسر الشين أى "الشام" .. يعنى من الآخر إحنا واخدينها من أصلها انعم و اكرم باهل اليمن اس العروبة................ و لكن العربية (العرباء)او الافصح كما يقال....هي التي فتق الله بها لسان (اسمعيل بن ابراهيم الخليل عليهما السلام)...و عربية اهل اليمن (لسان حمير= تنطق حم ير) وان كانت لغة اصيلة الا انها ليست اللغة التي نزل بها القران الكريم و عليه فان لهجة اهل الحجاز ((تحديدا عربهم و ليست لهجات اخوتهم ممن جائها مهاجرا من اصقاع الارض) هي اللهجة اﻻفصح عربيا فلا يمكننا قراءة ((اذا جاء نصر الله و الفتح)) بطريقة itha Gaa'a nsr ALLAH wl fth و عموما نطق حرف ((ج)) مثل كلمة game ليست خطأ ((اﻻ في قراءة القران و ربما الحديث)).....و بعض لهجات اهل المنطقة الشرقية بالسعودية يبدلون بين حرفي ((ق)) و ((ج)) و geem فيطلقون على (قاسم=جاسم) (فريق=فريج) (قدام=جدام) و الخفقه=الخفجي ال....خ و لا ننسى ان امارة الشارقة ينطقها اهلها الشارجه واهل المغرب ينطقون ((الجمارك=القمارق)) و هذا من التنوع الجميل

ايجابية اخرى احب اسجلها لصالح المصرية للاتصالات كلنا عارفين اللى بيروح عند الحكومة مبيرجعش خصوصا فى الفواتير ادفع وبعدين اتظلم فواتير المدة الى فاتت للتليفون الارضى كانت عالية نسبيا ووجدت فيها مبلغ مضاف لزيرو 900 ولما استفسرت صمم المسئولين اننا اتصلنا بهذه الخدمة ولكن برضه انا كنت متأكدة ان محدش من اولادى استخدمها وذلك مااكدته صديقة لى وجدت نفس الشئ فى فاتورتها فنصحنى الموظف بالغائها من الاشتراك وفعلت فاتورة الشهر ده وجدت بها خانة اشتراكات اخرى ورغم زهد المبلغ حوالى 8 جنيهات الا انى قلت حيشتغلونا كل مرة حاجة شكل فسالت الموظف المختص وذهلت ان المبلغ مخصوم لى من القيمة وليس محسوب على والسبب ان المصلحة خصمته من بند الاشتراكات السابقة باثر رجعى وده شئ ايجابى لابد نذكره رغم تفاهة المبلغ الا انه بادرة خير فى نية الاصلاح من جهة حكومية

كلمة حق عاوزة اقولها لكن كنت محتارة اضعها فى انه توبيك رغم ماعانت منه الاسكندرية فى الفترة الاخيرة من كثرة الحفر وخروج بطون الشوارع لخارجها مما سبب حالة استياء عامة لجميع المواطنين دون استثناء الا انه ظهر مردود ذلك كله الان حيث وصلت نسبة النظافة تقريبا 100% فى الاحياء الراقية وبنسبة 90 % فى الاحياء الشعبية وحوالى 75 % فى المناطق العشوائية ويرجع هذا النقص لسلوكيات المواطنين انفسهم لكن معظم الاحياء اصبح لها اهتمام دون تفرقة فى مستوياتها كذلك اشغالات الطريق تكاد تكون معدومة الاول كان كل صاحب سوبر ماركت او محل وخاصة القهاوى والكافتيريات كان يحتل عرض الرصيف كله يجبرك ان تسير فى نهر الطريق وسط السيارات كانه امتلك الرصيف مع العين التى يشغلها ومحرم على المواطنين استعماله دلوقت الوضع اتغير نهائى فبعد الاجراءات الصارمة والمخالفات الكبيرة والغرامات لاصحاب تلك المحلات اصبح الشارع لاى اسرة لديها اطفال او حتى كبار للسير في امان دون النزول لنهر الطريق وتعريض حياتهم للخطر كذلك عشوائية الاسواق وده ظاهر جدا للكثيرين فى ميدان محطة مصر ومنطقة عمود السوارى السياحية كلها ايجابيات تسجل لصالح اللواء عادل لبيب وجهد مشكور للمحليات لان الصورة دلوقت احسن بكتير

الدكتور بيطري حالك زي حال كتير هنا من ازواج المدرسات احمد ربنا ان جالك اعادة كشف فيه مدرسات معايا طلع لازواجهم من اول مرة غير لائق بسبب النظر فاحمد ربنا واعرف ان كتير هناك بيعيدوا الاشعه فدا امر عادي وطالما مش قالوا لك اعمل اشعه مقطعيه يبقي مفيش شك انك مريض اكيد ان شالله الاشعه مكنتش واضحة وكمان انت بتقول انك قمت بعمل اشعه قبل كدا يعني نسبة انك تكون اتصبت خلال فترة قليلة بيكون نادرا ما يحصل يعني اطمن وطمن المدام ولا ايه رأيكم مفيش هنا دكتور اشعه يطمنا هو مش سمبا فى مجال التمريض؟ ما تيجي يا سمبا تتطمن الاستاذ بيطري ربنا يطمن قلبك

قضية الكورة فى مصر متشعبة الابعاد ولها زوايا كثيرة ووراء كل زاوية عفريت أولا : الدولة ومؤسساتها وعلاقتها بكرة القدم ، فالنوادى كمؤسسات هى تتبع النشاط الاجتماعى ولذا فهى منظمة تبعا لقانون وزارة الشئون الاجتماعية ، كما ان الارض المقامة عليها الاندية وملاعبها المختلفة هى ملك للدولة مشتملة بالمرافق والتجهيزات كما ان الدولة قامت ببيع شركات القطاع العام وشردت عماله ألا انها لاتستطيع فعل ذلك مع النوادى لانها الهدية اللى بعتها ربنا ليهم لالهاء الناس وصرفهم عن التفكير فى قضاياهم ومشاكلهم ومنها ايضا الاستفادة المادية والمعنوية ، لهذا سنجد مقاومة شرسة من الحكومة لفكرة تخصيص الاندية ،ومن سيحمل عبء اللعبات العشرون غير كرة القدم هل الدولة قادرة او حتى عندها النية لتمويل تلك اللعبات الأخرى ثانيا : التليفزيون والبث الفضائى ، السادة مسئولى اتحاد الاذاعة والتليفزيون مديونين للدولة بمبلغ يتعدى 8 مليار جنيه وكل سنة بياحدوا دعم حوالى 2 مليار اخرى ، وماحدش يقول طيب ومسلسلات وبرامج رمضان بتروح فين لانه موضوع كبير ومليان فساد لحد اللوز التليفزيون برضه رافض فكرة تخصيص واستقلالية الاندية لان مكاسبه فى نقل المباريات وأعلاناتها كبيرة جدا جدا - 11 مليون جنيه فى مباراةواحدة غير مذاعة للاهلى الا على قناتى النيل والثانية الارضية فى بداية الدورى الموسم الماضى - ولو علم الناس بكشوف المكافئات التى تصرف من حصيلة نقل المباريات لكل مسئول فى نهاية كل عام لاختلفت الصورة تماما ،كما ان موضوع اشارة البث لاتثار الا عندنا فى مصر وكانهم موظفين الحنفية بالنسبة لنادى الزمالك ومشاكله المتواصلة : رجال الاعمال الذين تقلدوا منصب رئيس النادى لايتبرعوا بل يقرضوا لحين توافر سيولة سواء من بيع لاعبين او من البوتيكات والديون الحالية هى اموال ممدوح عباس الرئيس السابق والتى تظللها شبهة غسيل اموال ، وطبعا ليست التبرعات حلا لمؤسسات كبيرة مثل نادى الزمالك بأعبائها المالية الضخمة والمستمرة ، بمعنى لو تم جمع تبرعات لانقاذ النادى من ازمته اليوم وماذا اذن عن الغد ؟ قال لى رجل عجوز من زمان ايه الفرق بين الزمالك والاهلى : قال لى اللى بيدخلوا فى مجالس الادارة فى الزمالك بيدوروا على حاجة من جوه النادى يتكسبوا منها كبيع لاعبين وياخدوا عمولتهم ، او منظرين على كام بوتيك يبيعوها لحسابهم ، أو عقود توريد ملابس رياضية للفرق والناشئين ، وعقود اخرى للنقليات والمواصلات ، واللى ما يلحقش حاجة كفاية عليه سفريات النادى خارج البلاد والمصايف ، قلت له وماذا عن الاهلى ولاتقول لى انهم ملائكة فكانت اجابته لا اللى بيخشوا المجلس فى الاهلى عينيهم على بادج النادى ده كفاية قوى وبيفتح لهم كل السكك بس بره النادى كل ماتتخيله من صفقات وبيزنيس كبير مع الحكومة والقطاع الخاص علشان كده تلاقيهم بيخدموا النادى بتفانى شديد وبيدفعوا من جيبهم والمهندس هشام سعيد مثال واضح جدا عندما استبعد من قائمة صالح سليم ولكنه ظل يكمل مشروع اقامة الصالة المغطاة المشرف عليها ...عرفتم ايه الفرق .

من حقكو عليه تعرفوا ما دار بيني وبين الريس في إجتمعنا المغلق بقهوة الرؤساء اللي ورا محطة البنزيم في عابدين أنا طبعاً وبمنتهى الكسوف لميت الشعارات بتاعتكو وخدتها للريس وروحت له عالساعة واحده واحده وربع كده .... لقيته مستنيني والشرر يتطاير من عينيه ودار بيننا الحديث التالي : الريس : كنت فين يا سين لحد دلوقت ؟ سين سين : والله يا ريس عيني ما غفلت من أول أمبارح .. وولادك في المحاورات كانوا شغالين على واحده ونص ... قصدي على قدم وساق .. وبصراحة عملوا شغال عالي قوي وأفتكسوا شوية شعارت يستاهلوا بؤك ... الريس : طب وريني كده سين سين : إتفضل يا باشا ... وروحت فارد الشعارات على طقطوقة المشاريب بتاعت القهوة .. وقام السيد الرئيس حفظه الله بإلقاء نظرة سريعة على كل الشعارات .. ثم أخذ نفس عميق من الشيشة وقال الريس : إيه القرف ده ... دي شعارات تحريضية تهييجية ضد الحزب يا أستاذ سين سين : يا ريس ما هو تهييج الجماهير مطلوب خصوصاً في المراحل الثورية الوحدوية اللي إحنا بنعيشها دي الريس : بلاش كلام فارغ وحدوية إيه وتقدمية إيه .. إنت شيوعي يالا ؟ وهنا شعرت بيد ثقيلة تنزل على قفايا قبل أن أهم بالرد .. ونظرت والدمع في عيني فوجدت إيد زكريا عزمي اللي عامله زي المرزبة مريحه على قفايا .. فصرخت : جت قطع إيدك ... إيه يا ريس هو أنا في قصر عابدين ولا في قسم أول عابدين ؟ ولم أستكمل بقية الجُملة إلا ولقيت قفا تاني بس المره دي بالصوابع بس وزي السهلوب نزل على وشي قائلاً : إخرس يالا وكلم البيه الظابط .. قصدي الريس عِدل وهنا تدخل الريس بكل حنيه وقال : خلاص يا زكريا .. الولا بالمنظر ده مش هاسيتحمل القلم التالت .. هاتوا له حاجه يشربوها .. س س : أنا عاوز ميلك تشيك بالفراولة الريس : هاتوا له زفت على دماغه وفعلاً في ثواني معدودة وجدت جرسون مرتدياص زي ضابط شرطة بنسر ونجمتين واقفاً أمامي بصينية الميلك تشيك .... وإذ فجأتن أنظر إلى الجرسون بنظره فاحصة وأصيح سين سين : إيه ده .. مش حضرتك طلعت في دور المواطن بتاع سوهاج اللي الريس شرب عندك الشاي بالياسمين حتى بالامارة بنتك كان طالع لها والعياذ بالله قرون على شكل ضفاير ؟ وقبل أن أستكمل حديثي .. إذ بسهلوب اخر ينزل عليه لكن المره دي في فُم المعدة .... وقبل ان أفيق وجدت الجرسون أختفى أخذً معه الميلك تشيك وحتى كوباية المية الساقعة خدوها ... يُتبع

عَنْ أَبِي هُرَيْرَةَ ( أَنَّ رَسُولَ اللَّهِ صلى الله عليه وسلم قَالَ: قَالَ اللَّهُ: (( إِذَا أَحَبَّ عَبْدِي لِقَائِي أَحْبَبْتُ لِقَاءَهُ، وَإِذَا كَرِهَ لِقَائِي كَرِهْتُ لِقَاءَهُ )) .صحيح البخاري اللهم اجعلنا ممن يحبون لقاءك أحسن ختامنا و اقبلنا يا أرحم الراحمين

حديث ( فمن يموت وهو يشهد ان لااله الا الله ) ........................................ عن عبد الله بن عمرو بن العاص رضى الله عنهما قال : قال رسول الله صلى الله عليه وسلم : ان الله سيخلص رجلا من امتى على رءوس الخلائق يوم القيامة فينشر له تسعة وتسعين سجلا كل سجل كمد البصر ثم يقول :اتنكر شيئا ؟اظلمك كتبتى الحافظون ؟فيقول لا يارب فيقول الك عذر ؟فيقول لا يارب فيقول :بلى ان لك حسنة فانه لاظلم عليك اليوم فتخرج بطاقة فيها اشهد ان لا اله الا الله واشهد ان محمدا عبده ورسوله فيقول :احضر وزنك فيقول :يارب ماهذه البطاقة مع السجلات فقال : انك لا تظلم قال :فتوضع السجلات فى كفة والبطاقة فى كفة فطاشت السجلات وثقلت البطاقة فلا يثقل مع اسم الله احد )

اسمعوا يا احباب من ابواكوا الغرااااب الواجب علينا نشيله بين ايدينا ونهنيه ونقول له عصفور الجنينه

الاقتراحات والحلول المتاحة يا اكرم - 1 - اقـــتراح هو إنك تبعث جواب بالبريد - الدي اتش ال طبعا - تشرح فيه الموقف وتسألهم ايه العمل - 2 - اقـــتراح http://www.serviceca...r_program.shtml اللينك داه مش عارفة ممكن تسال فيه او يكون فيه رقم تلفون ممكن تتصل عليهم فيه - 3 - اقـــتراح 0016139444000 بعد كدا 1...2...1...2....1 التلفون داه اللى انت تعرفه طبعا - ودى بتحتاج ان حد من جوة كندا يتصل هو رقم مجاني للاتصال من داخل كندا الحل الوحيد اللي أنا شايفاه هو الاتصال من داخل كندا - عن طريق اختك طبعا وتفهمها الموضوع كلها - 4 - اقـــتراح حسب الروابط دي تابع http://www.canadavis...43317.1050.html http://www.canadavisa.com/canada-immigration-discussion-board/applications-after-266-in-any-noc-connect-here-to-get-the-status-t49421.0.html;prev_next=next#new صرف الفلوس وتشوف وصلو لفين - انا عارفة يمكن معلوماتى عقيمة شوية و مش اد كدا لكن هى دى الحلول اللى جات فى دماغى لو كنت مكانك اخــــــيرا مكاتب الهجرة عموما (ومكتب سيدني خصوصا) استجابتهم بطيئة ومش بيجاوبوا على الأسئلة إلا بطلوع الروح وعادة بيدّوا ردود جاهزه ... فما تقلقش لو ماردوش عليك ... وفي كل الأحوال هما هيطلبوا منك تتاكد فانت اطبعلهم نسخة من الايميل اللى يثبت انهم استلموه فى الميعاد الفلانى واكيد معاك نسخة من اثبات الدي اتش ال وابعتهولهم بالبريد مرة تانية جواب - تقولهم فيه ادى صورة الدي اتش ال بتقول انكم استلمتو فى التاريخ الفلانى ملفى واطلب منهم الرد فورا وابقى طمنى يا اكرم ضرورى

برافو يا أرش أنا عليه يا عم هاحط اللحم بتاعها عشان تبقى أغنيه متلحمه كويس بس للأسف ده مش شعار ... ده ممكن ينفع أغنية بعد الحزب ما يكسب . حاول تاني

اخى حسن درويش انا لو مكانك هقبل بعرض مصر مباشره اصل احنا مش هنخلل فى الغربه اكيد لازم هيجى يوم ونرجع فطالما فى فرصه للرجوع والعرض كويس خاصه ان العروض التانيه مش هتبقى مجزيه اوى لو جبت زوجتك وولادك معاك لانك هتصرف على الاقل نص المرتب فى الايجار وهتصرف الباقى على مصاريف البيت يبقى ساعتها وبعدين بالنسبه لمصر واحوالها فهى عامله زى الخلاط لازم فى الاول هتتعب وتقعد تحلف بايام الكويت بس مش هتاخد وقت وترجع تدخل فى الدوامه وتتاقلم بسرعه

يلا حالا بالا بالا هنوا ابو الفساد حيكون عيد ميلاده الليله اسعد الاعياد فاليحيا ابو الفساااااااد

معلش يا توتا انا حاقتبس الكلمتين دول من مشاركة دون كاملوا - اعلق عليهم لان توتا بتزعل من الاقتباس - معلشي استحملونى لحظة شوف يا دون كاملوا يمكن بتكسب ثواب فى انك بتقدم معلومة بدون مقابل مش لازم انت وبتدي معلومة تنتظر من الشخص انه برضوه يديك يعنى الناس دول - ايه اللى تعرفه عن ظروفهم ووقتهم ومشاغلهم فى انهم يشاركو فى المنتدى وبعدين انا واحدة من الناس كنت بتايع من ورا الباب لمدة سنة كاملة - لان ظروفى ما كنتش تسمح انى اشارك فى المنتدى ولما جه الوقت المناسب وربنا اراد - اشتركت فى المنتدى - عموما - مش بس باب كندا - لاء وكل الابواب كمان وكسرت الدنيا smk: :P :D :lol: يعنى انا اللى عاوزة اقولهولك يا جون ان فى ناس محتاجة اوى لمعلوماتكم دى - وربنا بيجازيكم خير عليها مش كل الناس تقدر تشارك - حسب ظروفهم كان الله فى عون الجميع وما بتتكلمش ليه طيب عن الناس اللى بعد ما تروح كندا وتاخد اللى هى عاوزاه من المنتدى ما نشوفش وشها تانى ؟؟ حنقول كان الله فى عونهم دول لسة ما ظبطوش امورهم فى كندا - اه بس الكلام داه سنتين يعنى يبقى ليهم سنتين ولسة ما وصلوا نت فى بيوتهم ولا لسة ما لقوش ساعة يشكرو المنتدى ويطمنونا عليهم ولا حتى الناس دي بتفتكر المنتدى ان له الفضل عليهم وتردله الجميل زى المثل اللى بيقول - خلصت حاجتى من عند جارتى اعتقد هما دول الفئة الاصعب بكتير - الشخص اللى بعد ما يروح كندا ما يرجعش المنتدى تانى حتى يشكر الناس اللى فيه او يقدم نبذه عن الحياه فى كندا واخر التطورات هناك - قليل جدا ومحفوظين بالاسم اللى عملوا كدا عموما احنا خلينا فى فرحتنا وقلقنا بالنسبة للناس اللى معانا هنا فى الليستة وربنا معاكم كلكم كلمة على جنب :closedeyes: على فكرة انا فيدرال - مش كيبك - بس معاكم لحظة بلحظة ابقو صلولى اغابي

: حمدي قنديل يكتب :عندما أصبحت الصحافة أسيرة للحكام والجامعة مسرحا للبلطجة حمدي قنديل عرفت الدكتور علاء الأسواني عن قرب منذ أقل من عام، عندما هبت على مصر رياح الموجة الأخيرة الداعية للتغير التي سبقتها موجات وسوف تتلوها موجات أخر.. ورغم أن ما بيننا لا يزيد عمره على شهور قليلة إلا أنني عندما لا أراه افتقد الوجه السمح الذي يعكس روحا نقية صافية وافتقد الصوت المجلجل المشحون بالحماس مبعثه إيمان وإخلاص نادر.. أكثر ما أجله فيه هو نبله في الخصام والخصومة .. شاهدت ذلك في واقعتين عندما اختلف مع الدكتور البرادعي الذي أصبح كشمس الشتاء لا تظهر إلا لماما وعندما غيبت الضغوط مقالاته التي أشرقت بها جريدة الشروق.. في كلا الحالين كانت له وقفة صارمة وفي كلا الحالين كان رقيقا كما لو كان عريسا يتودد لخطبة فتاة أحلامه في حين أنه كان على أعتاب طلاق بدا كما لو كان طلاقا بائنا. لا تؤهلني هذه المدة القصيرة للوقوف بينكم متحدثا عن علاء الأسواني لكن الذي استفزني اليوم للحديث عن الدكتور علاء هو أنه لو كانت لدينا وزارة ثقافة ترعى الثقافة بحق لكنت قد حصلت على أرفع جوائزها أو حتى تصدرت المدعوين إلى محافلها ولياليها الساهرة .. لو كانت جامعة القاهرة التي تخرجت منها جامعة مستقلة مثل جامعة إلينوي التي نلت منها الماجستير لقدمت لك درجة تقدير أو حتى رحبت بك لإلقاء محاضرة في إحدى كلياتها.. لو كانت لدينا صحافة حرة حقا لتسابقت لنشر مقالاتك أو حتى تابعت بريق خطواتك بعرض الدنيا وطولها على صفحاتها.. لو كنا في بلد مستقل حقا.. سيد حقا .. ديمقراطي حقا – وأنت الداعي إلى أن الديمقراطية هي الحل – لتاهت بك بلدك زهوا وفخرا بين العالمين. ولكنك تعلم ونحن جميعا نعلم أن الثقافة عندما أصبحت حظيرة وتعلم ونحن جميعا نعلم أن الصحافة عندما أصبحت أسيرة.. إن لم تكن أسيرة للحكام فهي أسيرة لأصحاب المال والأعمال.. أزلام وأسرى النظام.. وتعلم ونحن جميعا نعلم أن الجامعة عندما أصبحت مسرحا للبلطجة لا موردا للعلم وأنها تسيّر بالحرس وأمن الدولة لا بمجالس الأساتذة وأنها لا تمنح شهادتها الفخرية إلا لأهل القربى والناعمين برضا السلطان.. وتعلم ونحن جميعا نعلم أن الوطن كله اختطفته بالقمع والتزوير والتبعية للأجنبي والتواطؤ مع العدو، عصبة زادت فجرا وغنى مما استلبته من ثروة هذا البلد ومن قوت عياله الذين وأدهم العوز وأنهكتهم الحياة .. لا تجزع إذا يا أسواني أن تكريمك لم يأت من أي من هؤلاء .. لا تجزع فتكريمك اليوم بين هذه النخبة النضرة من شباب وشيوخ الجماعة الوطنية التي لم تمسك إلا بالجمر هو التكريم الحقيقي.. تكريم هذا الجمع لك هو أشرف تكريم.. هو أرقى تكريم .. هو الأخلص والأنقى. اليوم لا نكرم فيك الروائي الذي حصد الجوائز من مشرق العالم ومغربه وحقق أقصى أرقام التوزيع لكتبه أو الكاتب الذي قال كلمة حق عند سلطان جائر أو المناضل بالفكر والجهد والمال من أجل بسطاء الناس ومن أجل رفعة مبادئ الحرية والكرامة والعدل.. لا نكرم فيك أي من هؤلاء أو كل هؤلاء فحسب ولكننا نكرم فيك اليوم أيضا كل من رفع راية النضال من أجل الوطن. نكرم فيك إبراهيم يسري الذي ناب عنا جميعا في الصمود أمام منصات العدالة ليوقف إرضاع إسرائيل بغاز مصر وإقامة جدار العار مع غزة. نكرم فيك مجدي أحمد حسين الذي سجن لنصرته إخواتنا في فلسطين، المضرب منذ الأمس عن الطعام في حبسه الذي تجاوز القوانين والأعراف. نكرم فيك مسعد أبو فجر الذي ناضل من أجل حقوق أهلنا في سيناء من أجل أن يكون لدماء شهدائنا على ارضها ثمن . نكرم فيك شهيدنا خالد سعيد الذي راح ضحية سطوة وتدليس وعهر الشرطة التي كرست سلطانها لحماية الحكام وقهر المحكومين . نكرم فيك يحيى حسين عبد الهادي الذي قال لا لبيع مصر في مزادات السماسرة صبية شركات الأجنبي والبنك الدولي. نكرم فيك عبد الجليل مصطفى ومحامي الشعب صلاح صادق الذين اقتنصا حكم طرد الحرس الجامعي من براثن رؤساء الجامعات ووزيرهم وقاوما تحايلهم الرخيص على تنفيذ كلمة القضاء. نكرم فيك أحمد دوما الذي قضى في السجن شهورا لأنه خرج ليحمي شباب مظاهرة من بطش السلطة ونكرم شادي الغزالي حرب الذي اختطف من مطار القاهرة ونكرم الشباب الذي اعتقل أياما وأسابيع لأنه رفع صوته ضد الظلم أو وزع مطبوعا يدعو إلى تغيير هذا النظام المحنط. نكرم فيك رموز الدعوة لاستقلال القضاء زكريا عبد العزيز والبسطويسي ومحمود الخضيري ونهى الزيني والأخوين مكي وأقرانهم الشامخين. نكرم فيك كل المعتقلين بلا أحكام وكل من مثلوا أمام المحاكم العسكرية إخوانا مسلمين وغير إخوان مسلمين. نكرم فيك حمدين صباحي وأبو العلا ماضي الذين لم يكل لهما عزم في السعي بالترخيص لأحزاب تمثل عقائدهما السياسية يحصل عليه الناشطون في بلاد أخرى بمجرد الإخطار. نكرم فيك المحظورين والمحظورات، الممنوعين والممنوعات.. نكرم بهاء طاهر وأحمد فؤاد نجم وسكينة فؤاد وأبو العز الحريري وعبد الرحمن يوسف. نكرم فيك رفيقيك الأقربين، الطبيبين محمد غنيم ومحمد أبو الغار. نكرم فيك حمدي الفخراني الذي بذخ في ظلمة صورت الشعب كما لو كان قد استكان لأرضه تسرق وماله ينهب فإذا به يهب ليستعيد لهذا الشعب حقه في مدينته وبلده. نكرم فيك ناجي رشاد الذي حصل للعمال على حكم تاريخي بوضع حد أدنى للأجور في بلد يدفع الملايين علاجا لعين وزير حالي والملايين مرتبا لوزير سابق تحوطه تهم الفساد والإفساد. نكرم فيك كمال أبو عيطة الذي وقف ضد التطبيع والتوريث والطوارئ وقاد مسيرة موظفي الضرائب العقارية حتى حصلوا على حقوقهم النقابية وصاروا مثلا لنضال الحركة العمالية ونضال حركات الاحتجاج السياسي. نكرم فيك إبراهيم عيسى وصحبه الذين ضحوا من أجل كلمة حرة وصحيفة حرة. ونكرم عبد الحليم قنديل الذي لم يساوم قط حتى ولو عروه في غياهب الطرق الصحراوية وهو الذي يستره شرفه وتدثره مبادؤه.. ونكرم وائل الإبراشي وجميع الصحفيين الشرفاء الذين جرجروهم للمحاكم في زمن يرفع فيه اللئام عقيرتهم بالاتهام وتداس فيه حرية الكرام تحت الأقدام. نكرم فيك كل من حاصروا رأيه وصادروا حريته وضيقوا عليه عيشه.. نكرم فيك كل المناضلين شهداء وأحياء، أسرى وأحرار، من أصابوا دور القهر ومن لا يزال في الانتظار. هؤلاء يا دكتور هم من نكرمهم فيك ومعك. فلتقبل منا وليقبلوا جميعا منا الامتنان والتقدير والاحترام. ولك يا دكتور علاء قبل ذلك وبعده المحبة ، خالصة لوجه الله والوطن. الرباط الخاص بي

to emy eldery المستشارة كانت لغتها سريعة و غير مفهومة و كانت بتكلمنى انا ومراتى بنفس المستوى كانت بتديني فرصة اتكلم ماكنش في اسئلة غريبة ماكنش فية زجاج المقابلة استمرت ساعة to amruby انا كاتب المستوى 4 و مراتى المستوى 10 حصلت على 14/16 فى اللغة to Kareemabdou المقابلة كانت ساعة المستشارة كندية - من كيبيك to marina طبعا جاوبنا على كل الاسئلة انا كنت ساعات باحتاج السؤال يتعاد بصيغة تانية و لو مفهمتوش المترجمة موجودة to dodo الفرنساوى بتاعها مش سهل اللهجة الكيبكواة واضحة فيها جدا المقابلة استغرقت ساعة to خائف ايوه بدون لا يوجد فاصل لا يوجد اسئلة غير متوقعة التركيز على الشغل و الدراسة معايا طفل to rock المستشارة قابلت عدم فهمي بتكرار السؤال او بالترجمة . خلى بالك انا متقدم تابع الاهتمام بالشغل سمعت ان المستشار الراجل احسن من الست ابدت رضاها عن لغة مراتى و اعحبت بيا لما قلت هقعدت اول سنة فى كيبيك متفرغ لدراسة اللغة to arsany magdy كلامك صح نسبيا و دة حصل معايا و انا كنت بجاوب بالفرنساوى طالما عارف ====================================================================================================== احب اشكر كل الناس اللى صلت و دعت و ولعت شمع و كل الناس اللى اطمنت عليا بالتليفون و اللى هنونى على صفحات المنتدى و كل الناس اللى فادوني بخبراتهم و معلوماتهم من ايام الاستاذ نصار و السيد منير .. معلش اصلى قديم شوية و لحد الدعم المعنوى من د / ايهاب و أ / صموئيل و اغابى و روك و لازم اعترف اني كسبت صداقات من هنا .. ويارب تدوم لان صعب جدا تلاقي صديق اليومين دول اتمنى يجي يوم نقدر نشوف فية بعض ====================================================================================================== رجاء خاص لادارة المنتدي اثناء المقابلات في الاسكندرية اتعرفت على ناس و من الكلام عرفت انهم بيدخلوا على صفحات المنتدى و يستفيدوا من خبرات و تجارب الاعضاء .. بل و يعتبرون المنتدى بمثابة مستشار الهجرة المجانى و لا يفيدونا بخبراتهم ومنهم من لدية خبرات لا يتخيلها احد منا و المثل الشهير بيقول يا بخت من نفع و استنفع لذا ارجو من الادارة ايجاد حل اخلاقي مناسب للتعامل مع تلك الفئة التى تدخل البيت من الشباك و يتغذون على معلومات ممكن يكون تعب البعض في البحث عنهاو يكون كلفة سنين من حياتة للحصول على تلك الخبرة والسلام خير ختام

أخي ياسر انا شاكر جدا اهتمامك وردك , وياريت تعتبرني اخوك الصغير ويتسع صدرك لبعض الأسئلة ممكن اعرف انطباعك ايه بعد ماخضت التجربة دي وهل تستحق التكاليف والمشقة اللي اتحملتها في سبيلها ؟ وهل يفضل ان الواحد يخوض التجربة دي بعد الزواج او قبل الزواج ؟ والمدة اللي اللي استغرقتها من بداية مافكرت في هذا الامر حتى السفر كم ؟ وايه هي المشاكل اللي ممكن تقابلني من بداية هذا الأمر حتى السفر ؟ ولو عندك اي نصائح اخرى لأخوك ياريت اعرفها ويكون ليك جزيل الأمتنان ويكون ده في ميزان حسناتك وربنا يوفقك على قدر مساعدتك للأخرين السلام عليكم, اخي احمد الشكر للة ثم للناس الطيبين اللي هنا و علمونا حاجات كتير عن موضوع الهجرة . و انا انصحك انك تقرأ في باب كندا للدكتور الشامي و دكتور التهامي و لانهم افادونا بمعلومات كتييير. اما عني انا فانا قدمت فيدرال علي النظام القديم في اخر 2004 و بدات الاجرءات و اخدت حوالي 3 سنين و بعدين جالي الكشف الطبي في ابريل 2008 و سافرت مع الاسرة في شهر سبعة 2008 عشان نعمل اللاندينج و قعدنا هناك خمسين يوم تقريبا و رجعنا تاني الكويت اما عن هل التجربة تستحق او لا فالاجابة نسبية,, انا غيرك و انت غير فلان و فلان غير علان و هكذا,, دة توفيق و رزق من ربنا اولا و اخير و احنا ما علينا الا السعي و الاخد بالاسباب. بس صحيح في تعب و مصاريف و اختلاف كبير في نمط الحياة و طبيعتها,, و عشان كدة بقولك ان مش كل واحد يقدر يتكيف مع الهجرة او الغربة عن البلد بصفة عامة. اما عن انطباعي فانا راجل سافرت كتير و دة خلي عندي ارتباط بالغرب و قدرة علي التأقلم مع نمط الحياة الغربي , ممكن يكون الانطباع سيئ لواحد تاني من وجهة نظر تانية, لذلك بقولك الموضوع نسبي و اوعي اني او غيري نقولك كندا حلوة فتقوم تقدم و تهاجر,, او العكس,, القرار قرارك بعد ما تدرسة كويس و تشوف انت عايز اية,, بالنسبة للزواج الزوجة الحاصلة علي شهادة جامعية بتاخد عليها عشر نقاط زيادة,,حسب النظام القديم بتاعي,, و انا شخصيا اتجوز الاول و بعدين افكر في هجرة,, الجواز حلو يا احمد و افكارك قبل الجواز ممكن تتغير بعدة,, و تتغير بعد ما ربنا يرزقك باولاد,, و بعدين يمكن مراتك ما تتقبلش فكرة الهجرة,, اما عن المشاكل اللي ممكن تقابلك خلال التقديم فلا تذكر,, امتحان انجليزي قوي لازم تنجح فية بدرجات معينة,, و المصاريف بس كدة,,اقعد مع نفسك و قلب اولوياتك و شوف انت عاوز اية ,, استشير واحد عاقل مثقف واعي و لة خبرة بالحياة,, و اتنور براية,, و تاني اقرا للناس اللي قلتلك عليهم و اعرف ان تجربة فلان مش لازم تنطبق علي, لان لكل واحد ظروفة,, و اهم حاجة صلاة الاستخارة,, ربنا يوفقك

فكره الجنسيه و الانتماء من اكثر الافكار تعقيدا و ارباكا سؤال مثل من هو من يطلق عليه مصرى ( على سبيل المثال )هل من يحمل جنسيتها فقط حتى لو كان قضى مظم حياته خارجها ام من عاش فيها و تفاعل معها حتى و ان كان لا يحمل جنسيتها كلمه مصرى فى هذا المثال يمكن ان تستبدل باى جنسيه اخرى دون ان يخل ذلك بالمعنى هذا التساؤل لا يطرحه الافراد فقط بل حتى الحكومات حول العالم تطرحه بشكل ملح و هو ما ادى الى لتباين معالجتها لهذه المعضله فمنهم من يعترف باى مولود ولد على ارضها حتى و ان لم يعش عليها يوما واحد و هناك من تشترط شروط معينه و قضاء اوقات معينه متصله حتى يستطيع الشخص ان يحصل على جنسيتها و هناك بعض الدول التى تمنح جنسيتها لاشخاص معينه لتميزهم فى مجال معين مثل الرياضيين مثلا ليحصولوا باسمها على البطولات و هناك من لا تقبل بازدواج جنسيتها مع اخرى و هناك و هناك لكن الخلاصه التى لم تستطيع اى دوله ان توفق بينها هى ان الانتساب للجنسيه و الانتماء ليس بالضروره ان يقترنا فى اعتقادى الشخصى ان اى شخص يهاجر من بلد الى اخر يظل انتماؤه لبلده الاماما ابناؤه فسيعانون صراع هويه تختلف شدته باختلاف درجه تمسك ابائهم بجذورهم سيقل او يكثر لكنه بشكل او باخر لابد ان يكون موجود اما الجيلالثالث و هو جيل الاحفاد فالمسئله ستكون محسومه لهم سيكون انتماؤهم للبلد الجديد و قد لا يعرفوا عن البلد القديم الا اسمه اذا الموضوع لا يحتاج اكثر من جيليين لاحقيين لتتغير بوصله الانتماء 180 درجه عبدالحليم مصرى جنسيه و انتماءدون ان يتعارض ذلك مع كونه من اصول غير مصريه

بريء يا بيه .. بريء يا بيه , لما بيجوا يقفشوا يا لماضة بياخدوا الراس الكبيرة صاحب الموضوع ( الزعيم وقائد التنظيم ) , راح فيها سي السيد , كان بدري عليك يا غالي:D خدي عندك المصري اللي على حق ما يقلش للحزب لأ. صوتك للوطني أمانة مع إنه مش فارق معانا. الحزب الوطني مش هتقدر تضم رجليك. الحزب الوثني الديمقراطي .. مستعبدينك مستعبدينك. طوبة على طوبة .. هتفضل البلد منهوبة. يقولوا تبديل , يقولوا تغيير .. الحزب الوثني ما لوش مثيل. مع تحياتي

الحزب الوطنى .. حشيشك عندنا

لو حنرجع للجدود حيبقى اصل كل انسان على وجه الارض هندي ,,على اساس ان آدم قد نزل الى من الجنه الى ارض الهند واصلنا جداويين لان امنا حواء نزلت بجده :happy: يقول جمال حمدان في كتابه شخصية مصر : ركائز الشخصية المصرية محصوره في العوامل الثقافية والاجتماعية التي تكون تلك الشخصية دون الاهتمام بعوامل الوراثة البيولوجية,, فالفرد في نظري يكتسب شخصيته بانتمائه إلى جماعة حيث يتعلم من خلال عملية التنشئة الاجتماعية أنساق السلوك والمهارات المختلفة والعادات ومعايير الجماعة .

السلام عليكم عَنْ أَبِي هُرَيْرَةَ -رضي الله عنه- قَالَ: سَمِعْتُ رَسُولَ اللَّهِ صلى الله عليه وسلم يَقُولُ: (( إِنَّ أَوَّلَ النَّاسِ يُقْضَى يَوْمَ الْقِيَامَةِ عَلَيْهِ رَجُلٌ اسْتُشْهِدَ فَأُتِيَ بِهِ فَعَرَّفَهُ نِعَمَهُ فَعَرَفَهَا قَالَ: فَمَا عَمِلْتَ فِيهَا؟ قَالَ: قَاتَلْتُ فِيكَ حَتَّى اسْتُشْهِدْتُ قَالَ: كَذَبْتَ، وَلَكِنَّكَ قَاتَلْتَ لِأَنْ يُقَالَ: جَرِيءٌ، فَقَدْ قِيلَ، ثُمَّ أُمِرَ بِهِ فَسُحِبَ عَلَى وَجْهِهِ حَتَّى أُلْقِيَ فِي النَّارِ، وَرَجُلٌ تَعَلَّمَ الْعِلْمَ وَعَلَّمَهُ وَقَرَأَ الْقُرْآنَ فَأُتِيَ بِهِ فَعَرَّفَهُ نِعَمَهُ فَعَرَفَهَا قَالَ: فَمَا عَمِلْتَ فِيهَا؟ قَالَ تَعَلَّمْتُ الْعِلْمَ وَعَلَّمْتُهُ، وَقَرَأْتُ فِيكَ الْقُرْآنَ، قَالَ: كَذَبْتَ، وَلَكِنَّكَ تَعَلَّمْتَ الْعِلْمَ لِيُقَالَ: عَالِمٌ وَقَرَأْتَ الْقُرْآنَ لِيُقَالَ: هُوَ قَارِئٌ، فَقَدْ قِيلَ، ثُمَّ أُمِرَ بِهِ فَسُحِبَ عَلَى وَجْهِهِ حَتَّى أُلْقِيَ فِي النَّار، وَرَجُلٌ وَسَّعَ اللَّهُ عَلَيْهِ وَأَعْطَاهُ مِنْ أَصْنَافِ الْمَالِ كُلِّهِ فَأُتِيَ بِهِ فَعَرَّفَهُ نِعَمَهُ فَعَرَفَهَا قَالَ فَمَا عَمِلْتَ فِيهَا؟ قَالَ: مَا تَرَكْتُ مِنْ سَبِيلٍ تُحِبُّ أَنْ يُنْفَقَ فِيهَا إِلَّا أَنْفَقْتُ فِيهَا لَكَ قَالَ: كَذَبْتَ، وَلَكِنَّكَ فَعَلْتَ لِيُقَالَ: هُوَ جَوَادٌ: فَقَدْ قِيلَ، ثُمَّ أُمِرَ بِهِ فَسُحِبَ عَلَى وَجْهِهِ ثُمَّ أُلْقِيَ فِي النَّارِ)) . النية و الاخلاص كيف ظنوا انهم سيخدعون رب العزة؟ هل نجدد نيتنا و نصححها؟ هل طهرنا قلوبنا و أعمالنا من الرياء و الشرك؟ عَنْ أَبِي هُرَيْرَةَ -رضي الله عنه- قَالَ: قَالَ: رَسُولُ اللَّهِ صلى الله عليه وسلم : (( قَالَ اللَّهُ تَبَارَكَ وَتَعَالَى: أَنَا أَغْنَى الشُّرَكَاءِ عَنْ الشِّرْكِ، مَنْ عَمِلَ عَمَلاً أَشْرَكَ فِيهِ مَعِي غَيْرِي تَرَكْتُهُ وَشِرْكَه )) اللهم أحسن ختامنا و عاقبتنا اللهم طهر قلوبنا و أعمالنا من الرياء و الشرك و اجعلها خالصة لك يا أكرم الأكرمين

كون عبدالحليم حافظ من (بيت شبانة) الموجود بالسعودية ((فهذه حقيقة معروفة لدينا)) و بيت ال شبانه بمكة مشهور....بل كان هناك احد افراد شبانه يقوم بعمرة عن عبدالحليم كل عام............ لكن حكاية انهم (ينتمون لآل البيت)فلم اسمع بذلك ...و كذلك انتماؤهم (لبني تميم) لم اسمع به....لكنهم هم الاعرف باصلهم.......... و العلاقات الاجتماعية والهجرات بين مصر و الجزيرة العربية لم تنقطع يوما ففي منطقة الحجاز على الاخص كثير من الاسر السعودية ذات جذور مصرية قديمة مثل اسر جمجوم-سجيني-عطوة-المغربي ال...خ و كذلك بمصر هناك قبائل لا حصر لها من جذور قدمت من جزيرة العرب مثل الاشراف-جهينة-سليم-بني مر ال...خ ومن عالم الفن (وقد ذكرتها مرارا) محمد رشدي (من اسرة الراجحي) و تحية كاريويا ((بدوية محمد)) من اسرة نجدية و مؤخرا شاهدت لقاء لمريم فخر الدين تذكر فيه ان والدها من مواليد (جده) و مما سبق علينا ان نعي ان (جميع البشر اخوة ولهم جذور مشتركة لكن قد تطول او تقصر تتشابك او تتباعد)

س: ما سبب تسمية "كوبري القبة" بهذا الإسم؟ ج: حيث تم انشاؤه في القرن ال19 و عهد لأحد المهندسين الفرنسيين القيام بعمل التصامييم و الرسومات و خصص لذلك ورق فاخر من الصين و حبر نادر من إيطاليا، وعندما شرع المهندس في العمل و وضع القلم في داواية الحبر....تزحلق القلم و وقع الحبر النادر على الورق الفاخر فقال المهندس "أوبااااااااا" فتم تسميته -- كوبري الأوبا، او بالفصحى-- كوبري القبة smk: ...س: ما سبب تسمية "وادي النطرون" بهذا الإسم؟ج: حيث يذكر انه اول من سكن هذه المنطقة رجلٌ يدعى طارق و كان عندهُ ولد صغير فاشترى له الأب نطروناً صغيراً كي يلعب به فترك الإبن مذاكرته و راح يلعب بالنطرون فأمره ابوه ان يترك النطرون وان يهتم بمذاكرته فلم يطع الإبن كلام ابيه فمسك الإب بالنطرون و ألقاه في الأرض وقال " وااادي النطرون" فسمي المكان بهذا الإسم :closedeyes:

حديث الحامدين ............... عن عبد الله بن عمر رضى الله عنهما ان رسول الله صلى الله عليه وسلم حدثهم ان عبدا من عباد الله قال : ( يارب لك الحمد كما ينبغى لجلال وجهك ولعظيم سلطانك فعضلت بالملكين فلم يدريا كيف يكتبانها فصعدا الى السماء وقالا :ياربنا ان عبدك قال مقالة لاندرى كيف نكتبها ؟ قال الله عز وجل وهو اعلم بما قال عبده : ماذا قال عبدى ؟ قالا يارب انه قال : يارب لك الحمد كما ينبغى لجلال وجهك وعظيم سلطانك فقال الله عز وجل لهما:اكتباها كما قال عبدى حتى يلقانى فاجزيه به ) فعضلت بالملكين :اشتدت على الملكين هذه الكلمة فلم يعلما مقدار مايكتب لها من الثواب ليكتباه لقائها لان اجرها عظيم لايعلمه الا الله تعالى ولم يطلعهما على مقداره

عفواً ... خليني أكلمك بإسم الإدارة يا أبو عمر .. يعني أكلمك رسمي فأراءك اصبحت لا تُحتمل ... ليس لإختلافنا معها ... أبداً .. ولكن لأن كلها تدور حول العلمانية المقيته .. والكنسية .. والباباش شنودة وإبنه الأنبا بشوي .... ليس عيبا ان يكون للانسان مبدأ يسير عليه شريطه ان يكون متوافقا مع الدين اولا و و ما يجيئ بعده من الاخلاق و الحجه و المنطق و ان يكون ثابتا على مبدأه لا يحيد عنه مع اى هاتف . أقعد النهاردة مع نفسك وأطبع كل مداخلاتك .. وهات لنا الله يخليك مداخلة تخرج عن هذا الإطار يمكن نستفيد منها . كلمة في اُذنك ... عندما ندافع عن مصر .. فإننا ندافع عن كل ما في مصر مساجد وكنائس مسلمين ومسيحيين ... و كاذب من يدعى على عكس هذا وما أسهل الإنبراء والأندفاع والدعوه للجهاد والله أكبر وحمل المصاحف على اسنة الرماح ... لكن ضد من ؟ تلك هي المشكلة إذا كنت لا تعرف يا احمد فتلك مشكلتك و عندها إسأل لتعرف بالمناسبة .... كان يمكن للإدارة أن تتدخل بإجراءات من البداية ضد كل من شتت مجرى الحوار لأن هذا خرقاً لقواعد المنتدى ... يا احمد نحن لسنا تلاميذ فى المدرسه يتم وضع عنوان و يجب علينا ان نسير خلفه بدون إختلاف و إلا bsh:) لكن أجمعنا على أن نترك هذا الحوار العجيب وتلك الأراء المُعلبة والمكررة بدون ملل .. لكي تتعلم منها الأجيال الحالية والقادمة .... لا يعنى هذا انكم الاصح السلام عليكم الاخ الكريم المشرف س س جزاك الله خيرا بدون تهديد او اتهام او تشويه كنت ارجو ان يكون للموضوعيه نصيب و عدم إقتطاع الكلام و الرد على مجمل الكلام بالحجه و الدليل و لكن ...!! اعدك ان تكون تلك اخر مداخلاتى فى هذا الموضوع ليس خوفا بالطبع من التهديد و لكن لاننى قلت ما عندى و لوجه الله .

كل الكلام اللي فات ده بيتعمل في اول مرة بس عشان تظبط الكمبيوتر و الاي فون. الخطوات اللي جايه دي هي اللي هتتعمل كل مرة تحب تنقل كتاب للاي فون: في الstanza desktop: ١ـ اضغط file ٢ـ بعدين open file ٣ـ دور على الPDF او الكتاب الالكتروني اللي حضرتك عايزه بعدين اضغط open شوية و الكتاب هيتفتح جوه الdesktop stanza ١ـ اضغط على Tools ٢ـ اضغط على Enable sharing عشان يكون جمبيها علامة صح دلوقتي ننقل للاي فون نفسو دلوقتي شغل stanza اللي نزلناه على الاي فون. ١ـ اضغط library ٢ـ اضغط shared books و استنا عليه شوية المفروض اسم الكمبيوتر يظهر. ٣ـ اضغط على اسم الكمبيوتر بتاع حضرتك و استنا شوية تاني ٤ـ الكمبيوتر هيسالك اذا كنت تسمح للاي فون انو يوصل للكمبيوتر و اكيد طبعا هتقول اه ٥ـ هيظهر الكتاب على الاي فون. هيكون في شاشة الاي فون من فوق زرار بيقول download بس كده

أنا كنت فاكره بيقول : الواد بطنه بتوجعه .. واللى بياكله يرجعه :) :)

أعتقد أن حكاية الــ 750 مليون جنيه .. هو دعاية مدفوعة الثمن من جيب جمال مبارك نفسه ..وذلك حتى يتخذ البعضخبر مجلة بيزنس على أنه مراجع ذات مصداقية .. ولا يبحث بحق في ثروة جمال مبارك وآل مبارك .. 750 مليون جنيه أي قرابة 110 مليون دولار أمريكي . أي أرفعة أمثال ثروة عمرو دياب الذيأعلن مؤخرا أن ثروته تصل لــ 30 مليون دولار أمريكي . فهل جمال مبارك يعادل فقط 4 أمثال عمرو دياب . لا فرق بين مبارك ولا شاه إيران ولا ماركوس الفلبين جميعهم لصوص أبناء لصوص .. إن لم يجد الطاغية مال ليسرقه من شعبه .. مد يده لجيبه الأيمن ليسرق ويضع في جيبه الأيسر .. فالسرقة يرونها الوجه الحقيقي لمفهوم العمل في السياسية .. وما الرئاسة لديهم غير مغارة على بابا . لقد سرق مبرك الكبير شعب مصر بشكل منتظم منذ تواليه السلطة وخاصة بعد الولاية الأولي .. وكان يقرض من ثروة الشعب المصري كما يقرض الفأر في قرص الجبنة الرومي .. إلي أن جاءت حرب الخليج الثانية .. وضرب الدينار الكويتي .. وهبوط سعر الدينار الكويتي لأقل من جنيه مصري .. حيث أمر مبارك شاه تدخل البنك المركزي المصري بشراء الدينار الكويتي المضروب من المصريين العائدين هربا من الكويت وكذلك من الكويتيين الذين هاجروا إلي مصر خلال أيام الحرب .. وقام البنك المركزي بشراء الدينار الكويتي المضروب برخص التراب .. ليبقيه مبارك في البنك المركزي وإلي حين تحرير الكويت . وإستيلاء مبارك على كامل الدنانير الكويتية ودفع ثمن شرائها للبنك المركزي .. وشحن كامل الكمية للكويت حيث تم الإستبدال بالدينار الكويتي الجديد والذي يعادل قرابة 3.3 دولارأمريكي .. فتضاعفت ثروة مبارك بنسبة عشرة أضعاف بين يوم وليلة . المبلغ الذي تم تحويله للحكومة الكويتية كان يزيد عن 800 مليون دينار كويتي .. إشتراهم مبارك من البنك المركزي بقرابة 700 مليون جنيه مصري .. ليحولهم لقرابة 10 مليار جنيه مصري بين يوم ولية .. وهذا أول خميرة كبيرة لنصب أسرة آل_ مبارك . هذا بالإضافة لإقتناعه بأنه هو السبب في إقناع دول الخليج العربي بتخفيض قرابة 12 مليار دولار من الديون المصرية مقابل إشراك الجيش المصري في حرب الخليج الثانية .. وبمنطق مبارك وحساباته خنصر لنفسه ما لايقل عن 2 إلي 3 مليار كعمولة . ويضاف إلي ذلك الأكراميات التي دفعها ملوك وأمراء الخليج لمبارك مقابل مساندة مصر للتدخل الأمريكي بالخليج وغيره من الأدوار التي لعبتها مصر خلال هذه الفترة .. والتي جعلت من صدام حسين يلقب مبارك بالتليفون ذات العملة .. تضع فيه نقود يتكلم بدون نقود مبارك لا يتكلم . هذه قصة عبقرية رجل الأعمال الفذ جمال مبارك .. وسرقة مجهود الشعب المصري . وما تلي ذلك من موافقة على مبارك بابا على شراء الأبن الأكبر علاء مبارك لديون مصر مشاركة مع إثنين من رجال الأعمال الخلجيين .. بحيث يدفع هذان الرجلان قيمة الصفقة ويشاركهم علاء بتوقيع مبارك شاه على الصفقة توقيع مبارك شاه على الصفقة عادل ثلث قيمة الصفقة ومبروك على مصر عبقرية مبارك وأبناء مبارك صدقوني لو جمع شياطين الأرض جميعا ثلة الخبث والدهاء من قلوب بني البشر .. وأختاروا قلب رجل واحد ليوضع به خبث البشرية جمعاء .. ما وجدوا خيرا من قلب مبارك رئيس مصر الذي أضاعهاوأضاع مستقبل شعبها .