لوحة القادة

السلام عليكم نظرا لوجود اختلافات كثيرة فى نظام العمل ونظام التأشيرات ومشاكلها والامتحانات والتراخيص وغير ذلك فلماذا لا نفتح موضوعا خاصا بنا ونحاول حل مشاكل بعضنا البعض و ليضيف كل منا ارائه وخبراته عسى الله ان يجعل لنا من امرنا رشدا

وهكذا اختفت شهرزاد بين متطلبات العيد بلحومه وسلطاته وبابا غنوجه ههههههه فين الرومانسيات بقى وسط روائح الشوي وبخار التحمير الشهي بتاثيره الخمري ,, :happy: الغيره يا شهرزاد كنتي بتسالي عن الغيره وسببها ,, والرد ببلاغه موجود في الكليب ده ,, http://www.youtube.com/watch?v=bJJ-4sJ-AX4&feature=related

السلام عليكم و رحمة الله و بركاته عارف يا باسم....مش عارفة هتعرف منين...انت اديلك فترة طويلة مختفي كلامك كان فكرني بحاجة قريتها من فترة اسمها "القلب الواعي"...و اللي هتستغرب منه...ان المؤلف مقالشي الفكر الواعي....لكن قال القلب الواعي متفقة معاك في اقتراحك اللي فوق جدا و بشوف ان ده الاجابة الكاملة جدا و البسيطة جدا لمعطيات الحياة اللي انت برضه اختصرت كل احباطاتها في كلمات موجزة ممكن افكر معاك في حاجة مش لازم حد يمسك الشباب و يثقفهم الشاب مش محتاج حد يسقيه التفكير بالمعلقة.... علي اد ما هو محتاج يتعلم إزاي يفكر... إزاي يحلل...إزاي يقلب الامور باكتر من زاوية...إزاي يساعد نفسه انه لما يتكعبل في مشوار الحياة يرجع يقوم تاني..... هي آليات....تفكير...و سيناريوهات حياة...محدش هيكتبهالك....لكن لازم تتعلم ازاي تعيش و يكون ليك منهجية.... إزاي وسط العتمة تقدر تبقي لسه شايف الخيط الابيض إزاي وسط القذارة...(و سامحني في اللفظ)...مش مجرد شوية قاذورات مرمية علي جانب الطريق....لا دي صفة امتدت للبشر....للسلوكيات الفوضوية..إزاي وسط الفوضي و البعثرة تقدر تتمسك بقيم جميلة حتي و ان اتهمك الكل انك كائن ديناصوري منقرض عارف يا باسم....العلاج في كلمة واحدة...."الإيمان" و مش بتكلم عن ديانة و لا دين لكن بتكلم....عن الناس ترجع تصدق..... ترجع تؤمن أن فيه تغيير ترجع تؤمن ان سنة من سنن الكون التحول ترجع تصدق أن الخير...فطرة....و الشر....شذوذ عن الفطرة ترجع تؤمن....أن عبادة ربنا مش تواجد بالمسجد او كنيسة ربنا ادانا فرص لعبادته في مساحات غير محدودة من تعاملات البشرمع البشر.....تفاعلات البشر مع الحجر....مع تفاصيل الطيراللي بتحط علي شباكك في الصبح و استالة واحد منهم يشبه التاني ....مع كون بحاله بيقولك... يا تري انت بتؤمن بإيه...و مصدق ايه الشباب....محتاج.....يدور جوه نفسه علي نفسه.... مش محتاج عشان يثبت وجوده...يخالف.... محتاج يفتح دراعاته علي التجارب....بس زي ما قولتلك فوق....ب "القلب الواعي" يتعلم و يتألم.... يقع و يقف..... محتاج يتعلم إزاي يعافر و يعاند....مش في الغلط.....لكن يسال نفسه الطاقة الجامدة اللي جوايا ده هعمر بيها الكون إزاي أه محتاج يقول لنفسه كل يوم الصبح.....أنا ربنا خلقني عشان اعمر الكون....و خلق الكون عشان يخدمني في رسالتي....انا هعبد ربنا في الكون الفسيح ده إزاي و مش هقولك...هيعيش راهب....و لا ناسك في الجبل.....لا هيشمر دراعاته....و ينزل مع الناس و نفس العين اللي لقطت كل قبيح.....لازم تسي احساس الفطرة جواها ميحرمهاش انها...تشوف حاجات تانية كتير...حاجات يمكن مش كبيرة لكنها انسانية جدا...فيها خير اوي لازم في زحمة الدنيا.....يقدر يشوف نموذج حلو....نموذج شاب زيك....و زيها....ناجح....مش لازم يطلع الاول.....لكن شاب عارف يفكر....عارف يقرر مش لازم يبقي منتمي لحزب.....لكن مهم انه يصنع لنفسه وطن من قناعاته و افكاره و ينتمي ليها و يعيش حياته و هو مصدق...أن الناس هيجي عليها يوم....و هتصدق.... و يمكن تفتكره....و يمكن تتغير.... و يمكن برضه لا..... بس المهم هو عمل المهمة اللي نزل مخصوص عشانها للارض يا تري في محطة الترانزيت دي....هيعمل ايه و لما يطلع للحياة التانية.....هياخد معاه ايه.....حكاية كفاح....و مصمصمة شفايف مسااااك يا باسم.....سؤال قولته.."ايه الحل؟"....و اجابته....مش كلام هنرصه جنب بعض....ده ايمان نصحيه جوانا و نصدقه و نعيش بيه كن دايما بخير....كن دايما علي الفطرة....كن نفسك ملحوظة "القلب الواعي"....برنامج تدريبي لشباب ما دون ال خامسة عشر تقدمه احد الكنائس بالمدينة التي اقطن بها و راقني للغاية تحياتي

إبدأ بنفسك إذا كل واحد بدأ بنفسه .. وبدأ باللي حواليه .. الحال حيبقى أفضل كتير .. طول ما إحنا بنلاقي المبرر .. وبندور لأي منحرف على عذر .. مس حيتصلح أي حاجة.. إبدأ بنفسك

هنكمل تاني > اشكر الله كثيرًا وتذكر مقولة رجل مجهول «لم يكن عندي حذاء وكنت دائم الشكوي من ذلك حتي قابلت رجلاً بلا قدمين». > لا تؤجل عمل اليوم إلي الغد بالذات دفع فاتورة الموبايل. > تجنب الزحام (خليك في البيت). > إذا لم تتعلم من أخطائك خليك وراها لحد ما تتعلم. > كن واثقًا أن الأشياء الجميلة في الحياة (ببلاش). >تخلص من الوزن الزائد والدهون إما بممارسة الرياضة الشاقة (ممكن تروح تسلم لهم نفسك في القسم) أو باستخدام الأدوية (أرشح لك بريل مزيل الدهون العبوةالكبيرة). > قم بشراء علبة ألوان شمع وورق تصوير باتنين جنيه وحاول أن ترسم وجوه كل الذين تحبهم. فكرة برضه > حاول أن تجد في كتب الفلسفة إجابات لأسئلة تشغلك مثل معني جملة (حلقاتك برجالاتك). >حتي تحمد ربك علي ما أنت فيه تذكر الأشخاص الذين يعيشون من حولك في مأساة مستمرة مثل الشخص اللي اسمه نبيل لكن الناس طول الوقت بيقولوا له يا خالد. > قم بإضاءة الشموع الفواحة برائحة الكراميل في أرجاء غرفتك مع موسيقي هادئة (رقم المطافئ 188). >تصرف بتلقائية.. . عندما تجلس في مطعم منتظرًا اقطع جزءًا من رغيف العيش واتجه به إلي أي منضدة وقل للجالسين (ممكن الطحينة بتاعتكم دقيقة؟). > شاهد صورك القديمة وأنت طفل لتعرف أنك كنت غبيا كالعادة وأنت تستعجل مرور الأيام لتصبح شابًا مكتئبًا. >إذا وجدت سيارتك (متكلبشة) لا تنزعج واتركها كما هي وانصرف ثم عد إليها في وقت متأخر ستجدهم قد حلوا الكلبشات لأنها عهدة وكده كده لازم تتسلم بالليل. > لا تشاهد نشرة الأخبار ،يمكنك الاكتفاء بنشرة روتانا. > تخلص من الأفكار القديمة البالية التي تعشش في مخك (اللي يحب مش لازم يستحمل.. .اللي يحب لازم يتعالج). > ارتد ملابس تدل علي الجرأة والشجاعة مثل الأجنحة التي ارتداها عباس بن فرناس. > امنح نفسك لقبًا يثير فيك روح الشجاعة (سفاح المعادي). > تعلم شيئًا جديدًا (تعرف تركب الأنبوبة؟). > اصنع لنفسك بنفسك الوجبة التي كنت تفضلها طفلاً (ساندوتش العجوة المتحمرة في السمنة). > اشتر لنفسك كرسيًا هزازًا وضعه في البلكونة واسترخ وتأمل (إذا لم يعجبك الكرسي الهزاز اشتر «كرسي بعجل». > تأكد أن المال لا يجلب السعادة ولا تنزعج إذا اكتشفت أن السعادة لا تجلب المال. > اعمل توكيلاً لمحام شاب لينوب عنك في المصالح الحكومية (منه تساعده علي بداية طريقه ومنه ترتاح من اكتئاب هذه المشاوير)، وإذا لم تجد محاميًاابحث عن شاب طلوقة صحته حلوة واعمل له التوكيل. > لا تدع جيبكخاليا من حبات النعناع والشيكولاته وقدمها لمن تعرفه ومن لا تعرفه وإذا قابلك شحات لا تتردد في أن تقشر واحدة وتضعها له في فمه.. صدقني ستغير هذه التجربة فيك شيئًا لو امتلكت الجرأة علي تنفيذها، وستشعر بسعادة ما حتي لو الشحات تف الشيكولاتة في وشك. > حاول أن تشعر الآخرين أنك تقدر جهودهم.. ضع علي باب الشقة ورقة عليها وجه يبتسم وقلب ملون وجملة(عزيزي الزبال.. مش متخيل الحياة من غيرك). > حاول أن تملأ حياة الآخرين بالمفاجآت.. اذهب للتبرع بالدم وقبل انصرافك قل لهم: أنا رجعت في كلامي وعايز دمي تاني. > شاهد فيلم (غرام في الكرنك). >أكثر من تناول الملوخية، فالملوخية التي نراها مجرد أكلة يراها العلماءأكلة مضادة للاكتئاب والتوتر، لأنها تساعد علي إفراز السروتينين الذي يسبب الشعور بالاسترخاء، لكن لابد أن تأكلها مطبوخة فهي لا تصلح للف في «سجاير». > لا تشتر هدية لطفل ولكن اشتر هدية لشخص مسن ستمنحه أملاً ما يمكنك أن تلاحظه بوضوح. > عيش عيشة أهلك. > تفاد الاحتكاك بالجيران.. يفضل أن تركن سيارتك بعيدا عن العمارة أو عن الشارع كله. > الاهتمام بالمظهر يرفع الروح المعنوية (آن الأوان أن تتخلص من الشعر الزائد في أنفك وأذنيك). >صل الفجر في مسجد ستنا السيدة نفيسة ثم مارس بعدها رياضة المشي لمدة نصف ساعة في نسيم الصباح النقي (بس حاول ماتكونش التمشية بتاعتك قريبة من كوبري السيدة عائشة عشان الأتوبيسات بتقع من فوقه في الوقت ده). >تأكد إن ماحدش واخد منها حاجة ومهما كنت عظيمًا أقصي حاجة ممكن تحصل عليهاإن صورتك تبقي طابع بريد واسمك يبقي علي شارع متفرع من شارع متفرع من ميدان الجيزة. > ابحث علي النت عن كل الإنتاج المشترك بين (بليغ حمدي وسيد النقشبندي) و(بليغ حمدي ووردة) و(صلاح جاهين وسعاد حسني) و(أسمهان ومحمد القصبجي). > تخلص من الوحدة.. الحياة نكتة.. والنكتة علشان يبقي لها معني لازم تكون بين اتنين علي الأقل. > خليها علي الله بجد آخر واحدة دي هي اللي فيها الخلاصة

سبحان من جعل الموت تذكرة للعباد لعلنا نفيق للحظات و ننظر إلى أنفسنا و نرى إلى أين تأخذنا الدنيا و مشاغلها لحظات علنا نراجع فيها أنفسنا هل نحن فعلا على الطريق الصحيح؟؟؟

للأسف ، ماأراه على الساحة بيقول إن رجال الأعمال اللى بيشغلوا فلوسهم فى الإعلام يضعون النظام فى إعتبارهم قبل أى شيئ ، بل قد يكون برنامجهم الإعلامى منبثق بشكل أو بآخر من تعليمات صفوت الشريف.

شكراً أستاذة مصرية متغربة على حسن ظنك، و على حذفك للكلمة، و نصيحتك في محلها، و الكلمة دي متكررة 4 أربع مرات بعد كده في الردود و الاقتباسات اللي جت بعد المشاركة الاصلية، لو تشيليهم حضرتك بقى يكون أحسن. صح؟ :huh: أستاذة لماضة يا رب تكون الصورة وضحت. و لكل أعضاء المحاورات كل التقدير و الاحترام

انا لله وانا اليه راجعون.. كتبتها هناك ....ف باب اجتماعيات ... مقدرتش اشوه الموضوع بكلامى اللى اكيد هناك مكانش مكانه...!!! يعنى غصب عنى ....غصب عنى والله ...بحاول اسكت ومش عارفة !!! بحاول افتكر كلمة ...اذكروا محاسن موتاكم....بحاول .. لكن غصب عنى مش قادرة اسكت... يعنى حتى ف نشر الخبر ....خبر الموت....الموتتتتتتتتتتتتتتتت... اهم حاجة تتقال ... وقد صافح السيد الرئيس ...نجليه .....و..........................يااااعالم. ده انتوا لسا بتقولوا ... وقد أقيمت صلاة الجنازة على الفقيد بعد صلاة الظهر بمسجد ..... بمدينة .....، ثم اتجه المشيعين لموارات جثمان الراحل الثرى بمسقط رأسه..... في ....ة. يعنى لموارات جثمان الراحل ..........دى . لها مليون معنى ... مليون معنى ياعالم.. يعنى تحت التراب .....بيواروا (( الجثة )) تحت التراب .. ومع ذلك اللى يهمكم .....انه صافح؟؟؟ يعنى انا لو حضرت جنازة ابويا حفكر مين اللى صافحنى ومين اللى مصافحنيش ؟؟؟ ولازم الناس تتكلم ؟؟؟ولازم يتقال وقد حضر عليه القوم؟؟؟ طيب....كام واحد اترحموا على المرحوم؟؟؟ فاكرين المسجد اللى عمله المغفور له ان شاء الله؟؟؟ فاكرين اتكلف كام؟؟؟ فاكرين الاتاوات اللى اتاخدت على كل من فكر يشترى ارض ؟؟؟ وغيره وغيره وغيره ؟؟ طيب فاكرين حتى بعد .الشفاء المؤقت ...كان بيفكر يرشح نفسه تانى .؟؟ حاشا لله.. حاشا لله ... انا لااذكر مساوئ رجل رحل الى بارئه...لكنى اتعجب من تصرفات ممن يسيرون فوق التراب وهم يوارونه تحت التراب ...و.. مشفتش حد اتعظ ولا بيتعظ .... مشفتش ... ده ميت بيوصل ميت .....بس مين يتعظ؟؟؟ مين يفوق ؟؟؟ مين يلحق نفسه؟؟؟ غصب عنى مش قادرة اسكت...مش قادرة اسكت وانا بسمع ان اغلب (( الناس الكويسة )) بطلوا حتى يدبحوا ف العيد ...ألكل ماشى على نظام الصكوك ..والناس بقى اللى عندها ضمير تفرق بمعرفتها فلوس وغيره ....طيب مين بقى فاضل فيهم لسا عنده ضمير ؟؟ مش قادرة اسكت وانا بسمع اهوال بتحصل ف البلد ....عصابات عصابات عصابات مبرمجة ولادها على السير على نفس الطريق .. آهى السلامات دى والمواساة دى بتفكرنى بحاجة غريبة ... بتفكرنى بمسابقات الجرى الجماعى ....آه والله.. اللى بيوصل فيهم بيسلم الراية للى بعده....يسرق له شوية . وبعد كدة نحلم برضه ....ماهو لازم نحلم ونتمنى .. ولازم ف يوم حايتحقق الحلم .. لازم حاييجى حد ويشوف الأصل ....ويشيل الصورة .....لازم يعنى . لازم حاييجى حد ....عايش كل اللى بيحصل ... يشيل كل الاشواك اللى مالية كل الطرق وعلى كل الجبهات .. واحد عايز يعيش بضمير حى ... عايز يعيش صح.. وعايز الكل يعيش ...زيه .....برضه يعيش صح.

احكي لك عبد الله الغالي عن بعض الخطوط العريضه المرحله اللي بتتكلم فيها دي اسمها Criticism وهي تعقب العاصفه الذهنيه Brainstorming في الترتيب ,, بداية لا تضع لعقلك حدودا مسبقه للخيال وخلق افكار جديده- مش بتكلم هنا عن المنطقه ذاتية الحركه كلامي عموما - وتخلص من قناعاتك المسبقه واحكامك الجاهزه التفكير خارج الصندوق حيعطيك مساحات من الحريه غير متناهيه حتقدر تقدم بها عشرات الافكار وبعد ان يحدث المخاض وتهدأ ثورة العقل لديك ,, نقدر نخضع كل فكره منهم على حده للدراسه والتطوير ,, وبعدين ندخل في مرحلة الدمج ,, يعني ناخذ فكرتين منهم ونطلع بمخلوق ثالث فيه ميزات الاثنتين او اكثر ,, مش حطول عليك بس حبيت اضع امامك الطريق السليم واطلق العنان لخيالك بعيدا عن النماذج المقولبه المقيده له ,, بالنسبه لرهاب الخوف من الارتفاعات acrophobia وقتها نلجا للاحصائيات التي تبين النسبه المئويه للمصابين بهذا النوع من الامراض ويمكن التغلب على مخاوفهم بحلول عديده ويبقى المنطقه السفليه كحل دائم بالنسبه لهم ,, وبالنسبه لاقصى عمق للجسر المعلق انا مش قلقان خالص و اتوقع حستخدم فكره شبيهه بالروافع البرجيه Tower cranes تنشأ من الاطراف وتتكرر على حدود المحيط الخارجي الاكبر للجسر لك كل الموده والتقدير

لموضة الغالية كل سنة و انتي عسولة كده زي ماانتي محدش في المحاورات كلها يفكر مجرد تفكير انه يسيء فهم حضرتك و لا حد يقدر يفكر انه يسيء ليكي بصورة من الصور أستاذي الفاضل عبد الله كل سنة و حضرتك طيب يا فندم بالتأكيد حضرتك لم تقصد الفاضلة لماضة لا من قريب و لا من بعيد و أكيد حضرتك لم تقصد المعنى الحرفي للكلمة و مع يقيني ان نية حضرتك خير اضطررت لحذف الكلمة و نصيحة في الله يا إخواني الأفاضل و أخواتي الفضليات ياريت نتجنب الألفاظ التي تحمل أكثر من معنى منعا لحدوث سوء فهم كل سنة و انتم طيبين مساكم فخدة ضاني معمولة كباب حلة

انا لله وانا اليه راجعون..

قليلا من العدل لا يضر ياسيدى المعمارى أنا من أكثر الممتعضين بل من أشد القرفانين بسبب اختزال حرب مجيدة فى "الضربة الجوية الأولى" ولكن هذا لا يلغى أهميتها القصوى برنامج ندوة للرأى الذى كان يقدمه حلمى البُلُك بدأ لكى يظهر الفكر المعارض الذى تتفق أغلبية الشعب المصرى (عدا قلة معروفة) على أنه فكر تدميرى .. دمر أول ما دمر بعض العقول .. كان البرنامج عبارة عن مناظرات بين أصحاب ذلك الفكر وعلماء فى أكثر من تخصص من تخصصات العلوم الدينية .. برز منهم المنتفعون (كل منهم بوسيلته) .. ودعنى أذكر اثنين منهم (من النوعين) .. أحمد عمر هاشم ، وعبد الصبور شاهين أنا لا أكتب دفاعا عن أحد .. بل أكتب راجيا بعضا من العدل .. فما تكتبه صحيح فى مجمله .. ولكن كما قلت "بعضا من العدل لا يضر" وكل سنة وانت طيب

كل سنه وانت طيب يا باشمهندس موضوعك خفيف ومواكب للاحداث عاوزه احكى لكم حكايه حكيكيه بجد وحق وحقيق :big_boss: حصلت معايا شخصيا ليله العيد كنا متفقين مع حد يجيب لنا الخروف وخلى بينا فى اخر لحظه ..وبدء السعى والجرى للالحاق بخروف بعد فطار يوم الوقفه يعنى بالليل المهم خدنا اااااخر خروف موجود وباعلى سعر وباين عليه كان مجنون والله اعلم المهم خدناه ووصلنا البيت وفى بلكونه كبيره حبسناه او هكذا خيل الينا انه اتحبس وهيييييه بقى خروف العيد صورينا ياماما معاه وماما اللى هى انا طبعا جباااانه :sofa: جدا gsp_) من اى كائن حى يمشى على اربع او حتى اتنين ...بما فيهم البنى ادمين المهم ماما وقفت ورا الباب الزجاجى ومع اول فلاش طااااااااار الخروف ونطح الباب ودشدش الازاز وفضل يرمح فى الريسبشن ويدغدغ كل اللى يقابله وانا اصررررررررخ والعيال يضحكوووووووووا وقد بلغت حجم الخسائر cr((: ضعف تمن الخروف والله اعلم طبعا بعد ما ادبح انا كان نفسى ادبحه تانى وتالت وافش غلى فيه كل سنه وانتم طيبين ويكفيكوا شر الخرفان الهبله mc:

عيد أضحى مبارك و أيام كلها سعادة إن شاء الله عيد سعيد و كل سنة و حضراتكم بألف خير و سلامة

أفضى لما قدم الله يرحمه فهو قادر على كل شيء .. مش عارف ليه أفتكرت دلوقت مشهد من مسلسل " حدائق الشيطان " لما كان رياض الخولي مجرد فلاح بسيط وليست له أي شعبية .. ونازل الإنتخابات امام واحد من فطاحل مجلس الشعب وما كانش ضامن حتى صوته .. والنائب ده توفى قبل الأنتخابات بسويعات ففاز رياض الخولي بالتزكية

من ساعة ما حفيد الريس مات و لقيتهم كلهم بلا استثناء لابسين سواد و نكدوا علينا وعلى اهالينا 3 ايام بحالهم و نازلين تعزية و اللي قلب القناة بتاعته دار للمناسبات و تلقى التعازي و اللي جاب شيخ مخصص يتكلم عن اللي حصل و الله يقولك خلاااااااااااااااااص الريس في الجنة بما انه صبر قارنت اللي حصل دا بيوم السلام 98 عرفت ان الناس دي كلها بتغني علينا و انهم خدام اسيادهم و اللي بيحصل دا كله من اول عمرو اديب لمنى الشاذلي و عقبال ميزو كمان تمثيل في تمثيل بس اظن معتز احوط شوية و قالك لا يا عم انا اوطي لحد الريح ما تعدي و نقل البرنامج بتاعه لسياحة اليومين دول اظن من يومين كان في تونس الخضراء بيفسح المودام و بالمرة المشاهدين و يعايشك

يعني الصراحة عمري ما شفتها معارضة و لا خارج الخط أعتقد لو الخبر صحيح مجرد خلاف بينها و بين صاحب الشغل مش لازم نظرية المؤامرة تسيطر علينا مش شايف دي اللي الحكومة تعملها حساب ،،، هيا اساسا معاهم

قرأت عبارة ذات مرة اعجبتني .. لسان حال رجل ينطق ويقول لماذا نحصل على كل الحنان في وقت نحن لا نفهمه .. ونحرم منه حين نعرفه ونحتاج اليه

السلام عليكم و رحمة الله و بركاته توقفت عند "الطفل مخلص في عمله الطفل واضح في رؤيته" مخلص....لأنه يلعب و يلهو...و لا يلق بالا ماذا سيقول عنه الاخرون واضح...لأن عيناه لم تتلوث بعد بغبار النضج و تراكم الذاكرة عفوي....لأنه يأتي الكون و معه تصريح دخول و فتح كل الابواب المغلقة....فقط بحفنة من التساؤلات المغرقة في العفوية المحببة الطفل ليس لديه أقنعة....لا يضع مساحيق و حين يضعها....إنما ليضحكنا...و يمتعنا ذات طفولة.....كان كل شيء بالامكان القطار يمشي علي قوس قزح في السماء .....و الحلم ستأتي جنية في المساء و ترش بعض الذرات الملونة فيصبح حقيقة مؤكدة ذات طفولة.....كنا نردد...."انا بحبك يا ربنا أوي" كنا نرددها بقلب يملؤه اليقين.....دون فلسفة....كنا فقط علي تلك الفطرة المحببة للنفس ذات طفولة.....كنا نعي الحياة علي حقيقتها ذات طفولة...ياالله مقالة رائعة استاذي أتعلم استاذي ان بعض المبدعين ليظلوا مبدعين يتعمدون الالتصاق بعالم الأطفال...حيث الأفكار البكر....و التساؤلات الخصبة كل منا لديه طفلا بداخله....يستنفره في حضرة طفل آخر كل منا قادر علي أن يوقظ المارد الصغير المكير....فقط إن أراد أتوقف كثيرا عند الآباء...حين يجلسون بجانب ابنائهم و يصرون أن يرسم الطفل البيت كما ينبغي....صندوق...و نافذتين....و اتعجب اكثر حين يكسر الطفل كل القيود...و يصر ان يجعل له عينين....و يبحر في الخيال و يجعل لباب المنزل فما مبتسما و كأنه يري ان الباب...و الفم كلاهما مدخلا لصاحبه اتعجب حين يصر ان يتحدث الي كل الاشياء المغرقة في الصمت....و يؤكد لي....أنها تحادثه بالمثل...و لاصدقك القول....تعلمت في الغربة....أن اقتبس من تلك الحيل الكثير أتعجب...حين يصر ان نقف في الشارع لكي نلقي السلام علي العصافير و القطط الضالة....و لا ضير ايضا من التوقف عند الكلب لتحيته أيضا أتعجب....أنه يشدني شدا...للتحرر من كل خوف افترضه في عقلي....في حين....هو يقف فاتحا ذراعيه للكون باسره أتعجب....حين أبكي....و اراه يقترب مني....و يتساءل "يا عمتو بتعيطي ليه"...."مش انتي معاكي ساندوتش"....و يختصر عني كل هذا الضيق....في عبارة هي قمة في الامل....ما الحياة الا ساندوتش أتعجب....حين....يصر ان يحتضنني قبل النوم....و عند اليقظة.....و كأنه يقول لي.....فلننهي يومنا بحضن دافيء ممن نحب....و لنبدءه أيضا به أتعجب....حين اصرخ....معلنة أن هناك قواعد...و لا ادري من اين تفتق ذهني بها.....و إذا به...يختصر كل تلك القوانين الوضعية الاسرية في كلمة واحدة...."ليه....اعمل كده ليه"...هما بيجيبوا اللماضة دي منين!!! أتعجب حين أصر أن امسك يده....و يصر أنه قد كبر علي تلك الحركة الطفولية....و يعدني وعدا صريحا...."ما انا ماشي جنبك أهه....خايفة من ايه"..... هو صحيح الاهل بيخافوا علي ولادهم من ايه..... حبنا ليهم بيخلينا نخاف علي طاقة النور اللي جواهم بيبقي نفسنا تكبر و تنور الكون بحاله مقالة أكثر من رائعة و اشعر ان كل من انعم الله عليه بطفل....أنما منحه فرصة أخري.....أن يعانق الحياة التي اسميتها استاذي "ذات طفولة" فقط العين التي تتوقف عند كل تلك النفاصيل القريبة جدا من ثنايا القلب معذرة علي الإطالة راقني المقال كثيرا تحياتي علي النقل.....العفوي....جدا

وانا صغير في المدرسه كنا بنعمل تقسيمه كالمعتاد ونلعب فرقتين قصاد بعض فلما كان حد بيخرج من الفريق الاول لاي ظروف كان بينتقل لاعب او اكثر من الفريق الثاني للعب مع الفريق الاول وبما ان ساري لوحده قصادنا عاوزين حد يتطوع ويبقى معاه عشان يبقى فيه تكافؤ ,, انما كلنا كده بنرد عليه احتمال يزهق ,, اختار انت ياساري وتعال بعتادك وعتيدك ولتكن موقعة فاصله ههههه :happy: ودي مني ,, شاب سعودي بيتريق على كل اللهجات العربيه http://www.youtube.com/watch?v=agLu8V16Tg0

"نحن لا نري الأشياء كما هي ..... نراها كما نحن" سقراط