لوحة القادة

حين وضعت هذا المقطع على صفحتي بالـ(فيس بوك) نبهني احد الاصدقاء متعجبا...(ان اليوم عيد!!) لذا أعتذر مقدما...اذ ربما يلقى هذا المقطع اليوتيوبي استهجانا(لأن الوقت مش مناسب) لكن عندما تصبح آلامنا وأرواح المئات (قنابل) مسيلة لدعابات الكبار وضحكاتهم..فلا حق لنا ان نعجب -مجرد عجب- اذن ان كانت تبرئة الجناة هي ديدن النظام مقطع من حوار للرئيس مبارك مع أحد المواطنين بسوهاج في برنامج مصر النهاردة حوى (إفيها) من الايفيهات المباركة التي يزدهر موسمها في تلك المناسبات دوما، لتنم عن فرد (البساط الأحمدي) مع عامة الشعب! لكن هذه المرة كان (الافيه) ناكيء للجرح الى حد غير مسبوق http://www.youtube.com/watch?v=NlYw3kaXNJM

معلش يا جماعة ( بأي حال عدت يا عيد ) دي مش مناسبة للعيد خالص و عشان كدة احب اصلح الخطأ المطبعي ده واهديكم اغنية خروفي يا خروفي لابس بدلة صوفي ليك قرنين وتلاتة رجلين وانا بحب اغنيها زي ما سمعتها من طفل صغير كان بيغنيها و تلاتة رجلين

السيارات بتستهلك بنزين كتير وده اهدار للطاقة وكمان البترول حيجيي يوم و يخلص ، البترول اتكون في باطن الأرض من ملايين السنين و البشر انقضوا علي الثروة دي و يخلصوها بدري فكان ليااقتراح ان هيئة النقل العام تستخدم الحمير و الحصنة كوسائل نقل وده تمهيدا لتعميم هذه التجربة وممكن يقتصر استخدام السيارات علي المطافي و الأسعاف عشان محتاجة سرعة ولو بحسبة بسيطة نحسب الطاقة اللي بيستخدمها الحمار في اليوم حنلاقيها مثلا بجنيه واحد برسيم ، اما السيارة ممكن تاخد في اليوم 100 جنيه بنزين كمان لو حسبنا برميل البترول مش بسعر البرميل العادي ، في ضوء ندرة هذا الخام ، حنلاقي السعر لا يقدر بثمن دي صورة قديمة و كان بتستخدم الدواب وسيلة مواصلات

يا نهار أبيض كل شوية اعدي من هنا و ابقى عايزة اكتب معايدة و معرفش ايه اللي بيحصل و الآخر قلت لازم اقف وقفة حاسمة :closedeyes: كل سنة و انتو طيبين يا محاوراتية مصر و السنة الجاية بإذن الله كل اللي نفسه يحج ربنا يكتبهاله يارب مسااااكم ريش ضاني مشوي بسلطاته ببابا غنوجه حقوق الطبع محفوظة للموزمازيل لمضمض هانم كعب الغزال

القوز الخيل و العربية http://www.youtube.com/watch?v=o8bqFbYpn9k :closedeyes:

....إنا لله وإنا إليه راجعون ... كل نفس ذائقة الموت . اللهم احسن خاتمتنا فى الامور كلها احيانا نحسب انفسنا ممن يحسنون صنعا رغم ذنوبنا و احيانا يغرنا ما اعطيتنا من فضل ان نعمل لدينك واحيانا تغرنا رحمتك و نعيش بالتمنى

بلا جدال اعتقد ان المرأة هي (الاقدر) عادة على ضبط مصروف البيت و كل ما له علاقة بالبيت من اثاث و مطبخ حتى لو كانت غير اكاديميه او تعليمها اقل من الرجل

معك حق يا استاذنا...لاحكمة من اضافته في (العيد)فعلا لكن عفوا ..؛ للوهلة الأولى شككت -من واقع مداخلة حضرتك- في معلوماتي حول هذا الفيديو الذي وصفته (بالقديم)! لا أدري مقياس القدم والحداثة الذي تعنيه...مع احترامي فالحلقة على حد علمي من برنامج مصر النهاردة اذيعت في هذا الشهر لا من شهر مضى او سنة مثلا على كل حال أعتذر مرة أخرى يا استاذي عن اشاعة جو من الكآبة الغير مقصودة هنا وأطلب من مشرفي القسم -اذا سمحوا-بحذف الفيديو...حاولت حذفه اليوم فعلا ولم أستطع ولا داعي للقلق مطلقا...فلن أنشر في أية (أعياد) قادمة فيديو لقطار محترق ولا لجثة خالد سعيد المشوهه ولا لانهيار صخرة الدويقة ولا فيديو عن بلطجة الانتخابات ولا آخر عن مصبي الزيت على نار الفتنة الطائفية ولا.... فهو عيد كما قلت وكما أجمع الجميع...وأبيت أنا عيد. و من حق مصر علينا فعلا ان .....(تفرح) خالص احترامي وتقديري وبالغ اعتذاري

عيد بأي حال عدت يا عيد **** بما مضى أم لأمـر فيك تجديد أما الأحبة فالبيـداء دونهم **** فليت دونـك بيد دونهـا بيد المتنبي لما كان شريد طريد في الصحرا و جيه عليه العيد بس الناس اللي بيزعلوا في العيد دول ناس غلطانين لأن العيد فرحة و اجمل فرحة مش عشان صفاء ابو السعود قالت كدة ، عشان فعلا العيد فرحة ذكريات الطفولة و فرحة الأطفال و تهاني العيد ، وكلمة كل سنة و انتو طيبين

بعد إذن أستاذة جويرية أنا نزلت الرد دا و هو يمكن خارج الموضوع شوية فسامحيني :unsure: أستاذ س س فكرة جميلة فعلاً، بس مش عارف حاسس انهم في السعودية مش مشجعين ترخيص الموتوسيكلات قصد علشان هما مش عاوزينها تنتشر و تبقى قانونية الاستخدام و إلا حتلاقي كتير ناس استخدموها و هما مش عاوزين حد ينغص عليهم سواقتهم للسيارات الفارهة و يشاركهم الطريق، حتى شوف اليفط على مداخل الطرق السريعة تلاقي مكتوب ممنوع دخول الدواب و الدراجات و الدراجات النارية، بجد أتمنى يسمحوا بيها على الطرق السريعة و إلا حيبقى إيه لازمتها ، حتبقى مش مفيدة قوي إلا في حالات نادرة زي حالة أخو مدام حضرتك، مش بقول هما مانعينها لكن مش مشجعينها يعني مثلاً لن تجد و لا مدرسة تعليم قيادة دراجات نارية واحدة، زي مايكون في قرار غير مكتوب بالمنع! حاجة غريبة :closedeyes: كل سنة وحضرتك طيب يا جماعة انا الادارة بتضطهدني عشان انا متعاطقة مع الحمير و المشاركة دي الدليل ، الأستاذ عبدالله بيحاول يغير مسار الموضوع ، ونحول الموضوع الي الموتسيكلات و انا من هنا بعلن عدم تراجعي واني بقف مع الحمير قصدي مع حقوق الحمير الي الأبد

ده تعليق الأستاذ محمد اما تعليقي كل الناس عايزة تسيب الحمير و يبقوا افندية ، طيب و نجيب مكاتب و كراسي لكل الأفندية منين

على غراندايزر يا مازنجر :closedeyes: انا غبت فعلا 34 دقيقة .. لقيت الرد باربع دقايق بس .. وتلاتين دقيقة ضحك :P استلم يا سيدي http://www.youtube.com/watch?v=zHeAONkCxpY

قلبك جامد وتقدر تتحمل المفاجآت :happy: طيب خذ غريندايزر دي يا ساري وقول لي رأيك ايه هههههههه http://www.youtube.com/watch?v=oOva1-NMVtw

سبع البرمبه ,, كلمه مصريه شعبيه بتتقال على الرجل للدلاله على قوته واحيانا للسخريه اذا كانت فتونته شكليه فقط ,, لكن اصلها له حكايه في ايام الاحتلال الانجليزي لمصر ,, اتخذ احد الفدائيين المصريين من جبل البرمبه الواقع بالقرب من حلوان نقطة انطلاق لشن هجماته بالاسلحه البيضاء على الجنود الانجليز المدججين بالسلاح ,, و لا يمر يوم او يومين الا ويجدو جثث الجنود ممزقه والدماء تملأ المكان ,, فتيقن الانجليز من وجود اسد او مجموعه من الذئاب في بطن الجبل تهبط منه على حين غره و تفتك بهم ,, فاعدوا حمله مجهزة واحاطوا بالجبل وصعدوا حتى القوا القبض على الفدائي المصري وتمت محاكمته واعدامه ,, فاطلق المصريين على الرجل لقب " سبع البرمبه "

الحنفية أو صنبور الماء أصل الكلمة مذهبى (أنا مش عاوز الموضوع يقلب نكد والله) .. لما دخلت الصنابير .. إنبرى المشايخ - كالعادة - للتحليل والتحريم .. قالوا انها مخالفة للسنة .. لأن السنة هى الوضوء من وعاء .. عرضوا الأمر على مشايخ المذاهب الأربعة .. حرَّمها السادة المالكية والسادة الشافعية والسادة الحنابلة .. وحللها السادة الأحناف .. بس قالوا ممكن استعمالها ولكن لملء الوعاء والوضوء منه .. وعشان كده سموها "الحنفية" وشوية شوية أصبح لا مانع من الوضوء منها مباشرة وحذاالسادة مشايخ المذاهب الثلاثة حذو إخوانهم السادة الأحناف

لا حول ولا قوة الا بالله العلي العظيم .. انا لله وانا اليه راجعون .. سبحان الله لم اتفاجأ بخبر وفاته بقدر ماتفاجأت من انه وافق احساسي لما شفته صورته الاخيرة .. معرفش ليه كنت تقريبا شايفه الموت فيها .. تماما زي ماقالت لماضه . الله يرحمه ويرحمنا جميعا ونسأله سبحانه ان يكون رزقه توبه قبل الموت ويرزقنا جميعا رحمته عند قبضنا اليه .. مع اني معرفوش بس مش عارفه ليه بطلبهاله من قلبي .. الله يرحمه بجد .. و ربنا يتولانا جميعا برحمته ..

وصدقني بعد الكلمتين اللي حضرتك قلت عليهم دول يا أستاذي .. هتلاقي ولا كإن حد سمعك .. عارف ليه؟ لإن حضرتك ماقلتش حاجة جديدة .. حضرتك قلت حقيقة معروفة للجميع .. هي مش المشكلة إن الواحد يبدأ بنفسه .. أو يعرف إن المفروض يبدأ بنفسه .. هي المشكلة إن الواحد مش مستعد يبدأ بنفسه .. لإن ده هيسحب منه صلاحيات أكتر من إنه يكون مستعد يستحملها .. أو مش هيهون عليه نفسه إنه يستحملها .. أو إنه أناني بالقدر الكافي اللي يخليه مش شايف أي داعي إنه يستحملها .. بينما إيجاد المبرر بيساعد جدا على إيجاد الراحة النفسية اللي ممكن يفتقدها الواحد لو بدأ بنفسه ووجد إنه بكده لازم يبطل حاجات .. ويبدأ يعمل حاجات .. وإن حاجات كتير كان المفروض يبطلها من زمان ..وحجات أكتر كان المفروض يبدأها من زمان .. على إيه كل ده!! طب ما أنا أرمي كل الليلة على واحد تاني .. واصدق نفسي .. واعيش مبسوط من نفسي كمان .. وكل سنة وحضرتك طيب يا أستاذ أسد

سبحان من له الدوام "كل شيء هالك إلا وجهه" منذ لحظات كنت أقرأ رد كمال الشاذلي على شائعة وفاته التي سرت منذ أيام وكان مما قال "إنه لن يترك مقعده في البرلمان لدخيل أو غريب عن أهل الباجور‏، وطالب الأهالي بإعطاء درس للخارجين عن الدائرة‏ " والذي حدث أنه ترك مقعده دون أخذ رأيه لأن الذي أخذ سبحانه لا يرد أمره ليت بقية من يظنون أنهم لن يتركوا مقعدهم لدخيل أو غريب يتعظون ويعرفون قدر أنفسهم

إبدأ بنفسك إذا كل واحد بدأ بنفسه .. وبدأ باللي حواليه .. الحال حيبقى أفضل كتير .. طول ما إحنا بنلاقي المبرر .. وبندور لأي منحرف على عذر .. مس حيتصلح أي حاجة.. إبدأ بنفسك

كُلُّ نَفْسٍ ذَائِقَةُ الْمَوْتِ ۗ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ ۖ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ ۗ وَمَا الْحَيَاةُ الدُّنْيَا إِلَّا مَتَاعُ الْغُرُورِ ﴿١٨٥﴾ سورة آل عمران يا رب احفظنا من الغفلة و الفتنة يا رب ارزقنا قلوبا خاشعة ذاكرة يا رب ارحمنا و أحسن ختامنا

كل عام و أنتم بخير اعاده الله علينا و عليكم وجميع المسلمين باليمن و الخير و البركة

كل عام وأنتم بخير وجميع الأمة الإسلامية ونسأل الله أن يرزقنا والجميع العام القادم حجا مبرورا وذنبا مغفورا eid - 1084

دى بس فترة مؤقتة قيمة بس شهر لحد ما الانتخابات تخلص و الكل يقسم الكراسى بمزاجة هتطلع كل البرامج دى تانى البرامج دى تمثليات بتطلع بمزاجهم و تختفى برضة بمزاجهم بس اطمنوا تاكدوا بعد الانتخابات كل دة راجع تانى و اللى عايز يخبط يخبط و اللى عايز يشتم يشتم عادى براحتة لكن بعد الانتخابات انا معجبة جدا بالحرية و الديمقراطية فى مصر بس انت حس بيهم زى ماانت عايز بس خد بالك فى الاول فى الاخر كلمنا احنا اللى يمشى و الى هيجى احنا اللى مخترينة و اى قانون مش عاجبك و مالة يا حبيبى ميعجبكش فضفض قول و على صوتك قوى براحتك بس برضة هتنفذة فية حرامية و مالة عارفين و احنا عارفين انكم عارفين و اية يعنى هو احنا هنكبت الشعب ما تسيبوة يقول يا ناس اممممم اتكلمت يا شعب فضغفضت عملت الشويتين بتوعك روح نام بقىىىى

الإخوه الكرام و الأخوات الفضليات كل عام و أنتم جميعاً بخير بمناسبة عيد الأضحى المبارك http://www.youtube.com/watch?v=XjkJFZQ746c&feature=relatedأعاده الله عليكم و علينا و على الأمه الإسلاميه كلها بالخير و اليمن و البركات أتمنى للجميع عيد سعيد .. تملأه الفرحه .. و يتوجه التواصل .. و تزينه الموده بين الجميع عيد تتلاشى فيه المسافات بين الأحبه .. و تتقارب فيه القلوب قبل الأكــُـف .. و يعم فيه التراحم و والوئام أسأل الله أن يتقبل طاعة من أُنعِم عليه بنعمة الحج هذا العام و أن يكتب للبقيه و نحن فيهم حجاً مقبولاً العام المقبل إن شاء الله تحيتي لكم جميعاً و أدام الله علينا جمعنا في بيتنا الكبير محاورات المصريين أم كريم :redrose: :redrose: :redrose:

سلعة ؟؟؟؟؟؟ :blink: هى بقت كده ؟؟ انا عارفة انك تقصد نوع معين من البنات اللى بيتغالوا فى طلباتهم لكن دول مش موضوع نقاشنا زى ماهو مش موضوع نقاشنا الشباب اللى عاوز يتجوز على الجاهز او بابا يجوزه أو يتجوز ببلاش وقت مايزهق بالسلامة والبيت والعفش بتوعه وهى على بيت اهلها دول نوعيات موجودة وبكثرة لكن مش هنعممهم والغالبية أفضل وزى مابيقولوا اللى بيدور بيلاقى بس ماتزعلوش منى ياجماعة لما أقول اننا وانا كنت منكم بنتلكك للرفض يمكن خوف يمكن عشان شفنا ناس وحشة يمكن فى انتظار الحب او اسلوب اخر للزواج ويمكن فى انتظار الشخص او البنت الكاملة بدون عيوب اللى مالهمش وجود ياجماعة دى كفة قصاد كفة والرسول صلى الله عليه وسلم بيقول اذا كره منها سلوك رضى بأخر أو احب سلوك أخر يمكن ده قيل بعد الزواج لكنه وارد قبل الزواج كمان والتقويمات والتعديلات باللين والتفاهم والحب وحسن المعاشرة بعد الزواج أمر مطروح ومافيش انسان مابيتغيرش او غير قابل للتغيير الا استثناءات لكن احنا بننقاش القاعدة العامة انا عندى قريب لما بيدور بيقول انا عاوزها بنت ناس كذا ومراكزهم كذا وطبعا هو يقصد انه يكون فيه نوع من التكافىء بين العيلتين لكنه بيزعل لما يلاقى الناس دى لها متطلبات غريبة ولانه زى اخويا الصغير وقريب من قلبنا كلنا نصحناه بشكل غير مباشر اه يكون تركيزه الأول على طبيعة الناس وطيبتهم ولو هتنازل عن المركز المحترم لحاجة متوسطة مع وجود مميزات تانية مش يبقا افضل زى ماقلت كفة قصاد كفة ولو انا مصر على المظهر مازعلش بقا من انهم برضه مصرين على المظهر خصوصا لو كانت امكانياتى تسمح بطلباتهم ولان انا من الأول اللى اخترت الزواج من النوع ده أماعن السؤال عن مميزات المصرية والله زعلتنى ده المصريات دول زى بلدهم صحيح حمالين قسية ولولا ان الحمد لله لسه فيه رجالة بتقدر وعلى خلق وقلبهم على تعب زوجاتهم حتى ولو باكلام كان الواحد نصح البنات ان بلاش من الجواز اصلا وعلى فكرة حضرتك تقدر ترد على سؤالك أكتر منى وتقولى هل "عااااامة المصريات "" مابيقعدوش فى البيت ولا يتجوزوا من غير شغالة واتنين ؟؟؟ هل بيقضوا وقتهم شوبينج وشرا حتى بالأقساط ؟؟ هل بتقضى وقتها تهتم بلبسها ومواعيد مراكز التجميل وعمليات التجميل واختيار اللبس والموضة اللى مالهاش علاقة بطباعنا الشرقية كام زوجة مش مصرية بتشوفها هى اللى شايلة ابنها بتأكله وتلاعبه يافاضل ده انا ساعات لما باخد بنتى الصغيرة اغيرلها فى قوض التغيير بتاعة الأطفال عارفها دى بالاقى ساعات رجالة هى اللى بتغير لاطفالها انا باتكلم فى العموم كام زوجة مصرية ايدها بايد زوجها فى كل حاجة من مصاريف لتربية لمتطلبات بيت واولاد باخلاص وتعب واتقان ومن غير لوم ولا شكوى زعلتنى والله وزعلت سيدات كتير منهم أمى وأختى وأكيد فاضلات اكتر تعرفهم اكتر منى وفى النهاية الموضوع مش اجبار ولا هو موضوع بنت مصرية قصاد جنسية تانية لان اللى يلاقى المواصفات دى واللى هو عاوزها فى اى بلد عربى تانى اهلا بيه ماحدش هيجبره ويقول له لازم مصرية

والله دى عسل