لوحة القادة

كلمات قرأتها وحبيت انقلها لكم ...يمكن تفيد كتير من الزوجات والازواج..لانى لاحظت فى اللاونه الاخيره انتشار الخلافات بين الازواج والتى اغلبها يتصف بالتفاهه فى مضمونها واسبابها وانا شخصيا ارجع ذلك الى ان معظم الخلافات الزوجية تكون ليس لإختلاف وجهات النظر .. بل لإمتهان وجهات النظر و عدم التقدير عزيزتي الزوجه : انتبهي لطبيعة زوجك .. وافهمي نفسيته جيداً حتى تستقر حياتكما وتنعما بالرضا والسعادة .. وهذه 19 لا .. تجنبي الوقوع فيها . لا تقارني نفسك به ، فهو مختلف عنك . لا تقتحمي عزلته ، لأنه يفضل أن ينعزل عن الآخرين ، إذا كانت لديه مشكل...ة يحاول حلها . لا تستفزيه ، فهو بطبيعته حاد الطباع ،عصبي المزاج ، ينفذ صبره بسرعة . لا تتوقعي منه أن يقوم بما ترغبين في أن يقوم به ، لأنه لا يفكر بأسلوبك نفسه . لا تفرضي أسلوبك أو تفكيرك عليه ، لأنه يغضب إذا شعر بنديتك له . لا تثقلي عليه بالحديث ، فهو لا يحب المرأة الثرثارة لا تنتظري أن يقول لك أسف ، لأنه لا يحب الاعتذار ، وأن أراد فإنه يتبع طرقاً أخري غير مباشرة في التعبير عن ذلك . لا تشعريه بعدم حاجتك إليه ، حتى لا تفقدي عطاءه ورعايته لك . لا تسمعيه كلاماً لا يرضى عنه ، لأن هذا يؤذيه ويعكر صفو مزاجه . لا تقللي من قيمة ما يقوم به من أجلك ومن أجل أولادكما حتى لا تفقديه . لا تنتقديه أمام أهله وأصدقائه ، لأنه يشعر بأنك تنتقمين من رجولته لا تلحي عليه في السؤال عند خروجه ، فهو يرغب في أن يكون كالطائر الحر . لا تنفريه منك أثناء المعاشرة الزوجية حتى لا يبحث عن المتعة في مكان آخر . لا تنشري أسرار حياتكما ، لأن الرجل بطبيعته كتوم . لا تزيدي من طلباتك ، فهو يحب الزوجة القنوع . لا تشعريه بأنك أفضل منه حتى لا تفقدي حبه واحترامه . لا تقللي من حبك وحنانك له فإن هذا يشعره بالرضا . لا تنتظريه دائماً أن يكون المبادر ، فإن كرم الزوج في ردود أفعاله . لا تهتمي بأولادك علي حساب اهتمامك به ، فهو يحب أن يكون مصدر الاهتمام والرعاية طوال وجوده بالبيت . ادرى ان صعب الواحد يتقيد بتصرفاته بس حاول عشانك وعشان اسرتك عزيزي الزوج زوجتك بحكم تكوينها تتصرف وتفكر بطريقة مختلفة عنك .. وحتى تفهم نفسيتها وتكسب ودها .. فهذه 18 لا .. ابتعد عنها بقدر الإمكان لا تفترض أنها تتصرف كما تتصرف أنت لأنها تختلف عنك . لا تهملها وامنحها الحب والعطف والأمان ، لأنها بطبيعتها... تحتاج إليها .لا تستهن بشكواها ، فهي تبحث حتى عن مجرد التأييد العاطفي والمعنوي . لا تبخل عليها بالهدايا والخروج من حينٍ لآخر ، فهي لا تحب الزوج البخيل . لا تتذمر من زيارة أهلها ، لأنك بذلك تفقد حبها ، فالمرأة أكثر ارتباطاً بأهلها . لا تغفل عن إبراز غيرتك عليها من حينٍ لآخر ، فهذا يرضي أنوثتها . لا تنس ملاطفتها ومداعبتها في الفراش وإشباع أنوثتها . لا تظهر عيوبها بشكلٍ صريح ، فهي لا تحب النقد .لا تنصرف عنها ، لأن المرأة تحب من يستمع لها . لا تخنها .. فإن أصعب شيءٍ علي المرأة الخيانة الزوجية لا تستهزئ بها أو بمشاعرها لأنها كائن رقيق لا يتحمل التجريح لا تخذلها ، فهي بحاجة دائمة إلي شخص تثق به وتعتمد عليه حتى تشعر بالراحة لا تهمل في واجباتك والتزاماتك الأسرية ، فتحقيق هذا يشعرها بحبك لها . لا تستخف باقتراحاتها لحل المشاكل التي تواجهكما ، فهذا يشعرها بعدم أهميتها . لا تتوقع منها أن تحل المشاكل بطريقة عقلانية ومنطقية ، لأنها أكثر ميلاً إلي استخدام العاطفة . لا تتدخل كثيراً في شؤون البيت ، وامنحها الثقة ، فإن هذا يشعرها بأنها ملكة متوجة داخل منزلها . لا تغفل عن امتداحها ،وتغزل في ملبسها وزينتها وطبخها حتى في ترتيب المنزل ، فهذا يرضي أنوثتها . لا تنس أن المرأة تمر بظروف نفسية صعبة ( الولادة – الحمل – الطمث ) ولابد أن تراعي مشاعرها أثناء تلك الفترات

لا اخفى عنكم كتبت كتير ومحوت كل ما كتبت مرارا والسبب انى فى كل مره بدون مجامله اجدنى اسهب فى وصف مشاعرى تجاه كل شخصيه ممن قابلت فخفت ان اتهم بالمبالغه ولكنى سأكتفى بكل ما اختزنته فى نفسى من ردود افعال وانعكاسات تجاه هذا اللقاء الاسرى الدافىء ولعلى اوجز وصف الشخصيات فى كلمات بسيطه معتمده على ثقتهم فيما اقول وما احتفظت به لنفسى ابدء بالترتيب حسب الحضور اخى الاصغر تامر مصطفى وزوجته الجميله وبناته القمرات .. غنى عن التعريف وسبق ان تعارفنا من قبل وزادنى لقاءه احتراما وتقديرا لشخصه ..كل الموده لاسره تامر مصطفى سمبا ... اقل ما يوصف به باقه من الاحترام والذوق معا ..كتله احساس متحركه بكا معانى الكلمه.. وبيعمل شاى مزااااج سمبا ..احترماتى اخى العزيز سامح مجدى مثال للشاب الطموح المهذب واسع الافق خفيف الروح والظل بكل احترام وتدين وتواضع معا وما يزيدنى سعاده بسامح زوجته الشابه الجميله واجمل اختراع فى الدنيا والذى يطلق عليه ...احمد ....حكااااااااااااااايه مش ممكن يتنسى ابدا ربنا يحفظه لك يا سامح ويديم عليكم نعمه الاستقرار ورضا ربنا سامح ....كل الحب من ماما قلب الى ابنها وبنتها وحفيدها bv:- اتش ...درويش حضور طاغى ..رزانه وبشاشه متوافقه جداااا شاب تعتز بمعرفته ..وتتتمنى تكرار لقائه ...وان كان ظهوره مفاجىء وخروجه اكثر مفاجأه ...لدرجه انه مشى وماسلمش على :wub: ابو جنى.... تحياتى ...وامنياتى لك بالتوفيق دوما كل الحب لاعضاء الديوانيه وانتظركم فى اللقاء التانى ....ان قدر الله وكان لنا عمر :)

شوية موضوعية: 1-كمال الشاذلي خدم الحزبوطني بإخلاص أكبر بكتير من الناس "الصبيان" بتوع دلوقت.. والصبيان زي المماليك ليهم نفس الطباع ونفس الأخلاقيات ، والصبيان أول ما ظهروا تنكروا للمعلم بتاعهم وما سألوش عليه طوال فترة مرضه.. سواء صبيان الحزب أو صبيان صحافة الحزب اللي لمهم من كل شوارع التيارات السياسية الموجودة تقريباً.. 2-كمال الشاذلي أحد محاور قوة الحزبوطني في تلاتين سنة أو يزيد كان أميز ممارسي "سياسة الشارع" .. السياسة البعيدة عن القواعد المتعارف عليها والمرعية في عالم السياسة ، ييجي تحت بندها استخدام العصبيات والعائلات ، واستعمال سلاح الخدمات ، والاستعانة برجال الدين ، وكل دي تقنيات احنا عارفين إنها لا سياسة ولا أخلاق.. لكن الغريب إن رموز المعارضة اللي كانت حية ترزق وقت ما كان موجود في البرلمان ، وخصوصاً في أوج جبروت الشاذلي في فترة التمانينات والتسعينات ما اتكلمتش خالص مالص بالص على أي من الحاجات دي.. ما أنكرتهاش.. 3-كمال الشاذلي نجح في إنه يوفر غطاء برلماني لحكومات الحزبوطني المتعاقبة على أيامه ، زي ما صفوت الشريف قدر وبامتياز يوفر الغطاء الإعلامي ليها.. وتعاون الاتنين خدم الحزبوطني وأعاق كل جهود المحاسبة ومكافحة الفساد الضعيفة في عهد حكومات كتيرة .. بمعنى أصح .. الوزراء الفاسدين في حكومات عاطف صدقي والجنزوري (واللي بيبكي حرامية المال السياسي عليهم علشان عملوا في عهدهم أحلى فلوس من دم الغلابة) اتوفرلهم غطاء ما اتوفرش لأي وزير صالح في تاريخ مصر.. وأتحدى.. 4-في عهد كمال الشاذلي كان الحزبوطني أقوى ، وما أعتقدش إن الحزب طوال الانتخابات اللي اتعملت في ظل سيادته على مقدرات الحزب البرلمانية زور كتير زي ما أحزاب المعارضة الفاشلة صورت .. بل إن قيادات المعارضة بكل ثقلها ، زي فؤاد سراج الدين ومصطفى شردي وآل محيي الدين ما دخلوش البرلمان إلا بنفس الوسائل المنكرة القبيحة المنفرة المقززة اللي كان آل الشاذلي بيعملوها .. العلاقات الشخصية والعصبيات والعائلات والخدمات .. ورغم الديكتاتورية وقمع الرأي في فترة التمانينات اللي شهدت ضحى وظهر وعصر الشاذلي إلا إن المواطن كان حاسس بشوية أمان زيادة نتيجة قوة الحكومات نفسها رغم معرفته التامة بفسادها.. دلوقتي الحمد لله ما عندناش حكومة ، وصحف الحزب بتشرشح للوزرا في وضح النهار ، وأي عضو مجلس شعب حزبوطني أو حتى معارضة بقى أقوى م الوزير ميت مرة .. تحبوا أقول لكم أمثلة؟ خلص الكلام

لا أعرف إن كان هنا من يشاركني هذا الحنين الجارف لكل ما يذكرني بالماضي و طفولته و هدوءه و براءته و بساطته و كل ما فيه إنتابتني حاله غريبه من كوكتيل مشاعر لا يمكن وصفها بكلمه واحده عندما رأيت صور كتاب القراءه الرشيده على النت حاله ذهبت بي في رحله إلى مدرستي الإبتدائيه حتى أنني تذكرت وجوه بعض زميلاتي وقتها و تذكرت كذلك وجوه بعض المدرسات و تذكرت ناظر المدرسه الذي كنت أحبه و أحترمه جداً تذكرت تفاصيل كثيره قد تكون صغيره جداً لكنها كانت كفيله بإدخال السعاده و السرور على نفسي تذكرت شكل الزي المدرسي الذي كنت أرتديه في الإبتدائيه .. المريول الكحلي و الكولون الأبيض و الكوله البيضاء كان هناك ما يسمى بالكوله .. مش عارفه حد هنا عارفها و لا لأ ؟ كانت تلبس حول الرقبه كأنها ياقة قميص لكن أكبر بقليل و يجب أن تكون ظاهره بلونها الأبيض الجميل فوق المريول الكحلي كانت أمي ربنا يمسيها بالخير .. صنعت لي واحده بإبرة التريكو بإيديها .. كانت عندي غيرها أكتر من واحده جاهزه مصنوعه من الدانتيل الأبيض .. لكنني كنت أحب تلك التي صنعتها أمي بيدها .. و أفضل أن أضعها أكثر من الأخريات شعرت أنني شممت رائحة هواء الصباح الذي كنت أحب عبيره صباحاً و أنا أنتظر سيارة المدرسه .. تذكرت المكتبه الصغيره التي بجوار مدرستي و التي إعتدت أن أشتري منها قصص الأطفال المصوره الصغيره تذكرت دفاتري التي كانت تطلب منا المدرسات تغليف كل ماده بلون كان اللون الأزرق للغه العربيه و الأحمر للحساب و الأخضر للأنشطه و الأصفر للإنجليزي كأن الكتاب كان مفتاح قديم عثرت عليه بالصدفه و فتحت به صندوق ذكريات غني جداً .. صندوق لم أكن أتذكر ما به من ذكريات إلا أنه بمجرد فتحه أخذت الذكريات تتوالى و تقفز إلى ذهني كأنها تتسابق للفوز بالعوده إلى ذاكرتي صور صفحات الكتاب بكل ما فيه بداية من الغلاف و حتى الفهرس مروراً بالدروس الجميله البسيطه و الصور الجميله و الشخصيات التي إكتشفت فور رؤيتها أنها (( وحشتني قوي بجد )) و كأنها شخصيات حقيقيه أمل و عمر و نرجس و القطه بسبس .. صور الأم و الأب و المعلمه .. صور الخال و الحقل و الجرن تعالوا نتذكر سوياً ذكريات الطفوله و نتصفح الكتاب الذي أثارت صُـوَره على النت في نفسي رغبه كبيره جداً و أمنيه لا أعرف كيف أحققها في أن أمتلك الكتاب مره أخرى في يدي سأضع هنا بعض الصور كبدايه .. و سأنتظر منكم إستعادة ذكرياتكم الجميله عن هذه المرحله التي لا أعتقد أن هناك من لا يهفو لها تذكروا و شاركونا هذه التفاصيل الجميله المرحه و المفرحه و سأتابع وضع الصور على فترات تحيتي للجميع

شوية رفايع ف شنطة همومى معاى ف أمسى وبكرة ويومى ف صحوى ونومى............ف صحوى وغيومى ف بعدى وقدومى شوية رفايع ف شنطة هدومى ******** أبو رجل مسلوخة و أم شوشة والبَعوّ ف كُل ليلة ، والمقصّ ف إيد مزين ........ تحت إيده مالي حيلة والتمرجى أبو إيد تقيلة والغفير أبو إيد طويلة و "الفَلقَة " ف كُتّاب سيدنا لو فكرت ما أجيبش " خميسى " .....تبقي وقعة سوده نيلة ولسع النار بالمعلقة قبل النوم والجلدة عزيزة المسقِّية بزيت محروق ف إيدين أستاذ لو ضاقت ف عنيه الدنيا ف ثانية بيقلب عشماوى ***** لمّا صعبت عليها الشنطة قالت لى : بتلملم ليه ف بقايا قزاز مكسور ف بقايا ألوان بهتانة ف بقايا دموع نشفانة ليه غصبن عنها عايزها تخش معاك برواز وتشكل لوحة لحلم حُمار جوّاك سبقك " على بابا " وسابها وسابك...... مزنوق كما زنقة كلب ف جامع وقت صلاة العيد !!! مهما تحاول أو تتحايل حالك زي أيامك مايل مهمن تقلق مهمن تصبر مش راح تقدر إنك تقدر ....تعدل حال الحمل المايل خدت كلامها ف جنبى ف قلبى كأنه طعنة خنجر وحدفت ف حنكى " سفة " مُر و " سفة " حنضل ****** على كتفى الشنطة والسلك الشايك شابك طرف أحلامى ومفيش قدامى غير إنى أبص ورايا!!!!!

السلام عليكم بصراحه انا مش عارف اقول ايه بس فعلا اللى مجاش امبارح خسر و هيندم من هنا لحد اللقاء الجاى بتاع الفسيخ" والمكرونه بالباشميل smk: " ان شاء الله فعلا كان يوم اكتر من رائع مش عارف اتكلم واشكر فى مين ولا فى مين فى ماما قلب ابيض وزوجها الدكتور محمود اللى كانو قمه فى كل شى هما وولادها ربنا يحفظهم ولا فى اخوانى تامر ولا فى سيمبا ولا فى حسن درويش اللى كل واحد فيهم لو فضلت اتكلم عنه من هنا لبكره مش هقدر اوصف اخلاقهم وروحهم الحلوه وعقلهم الكبير وكفايه ان الواحد كسب اخوه بهذا الشكل هنا فى الكويت فعلا كان يوم فوق العاده تحيا مصر يا عم

اتفق معاك ايضا ان الحكومه و الحزب الوطنى ناويين على نيه مش كويسه من اول الغاء الاشراف القضائى لحد التضييق على المرشحيين و تفويج العمال لانتخاب الحزب بس لسؤال هوه هل إحنا عاوزين نبقى جزء من الحل و إلا جزء من المشكله لو قعدنا فى بيوتنا مستنيين الانتخابات تبقى نزيهه نبقى جزء من المشكله لو رحنا و انتخبنا بقينا جزء من الحل

السلام عليكم السادة والسيدات اعضاء محاورات المصريين ضمن فعاليات لقاء أعضاء المحاورات فرع الكويت تم تنظيم اللقاء الأول في قرية المسيلة المائية وكان يوما أقل وصف يطلق عليه رووووووعة وكان لقاء ثري بشخصيات مرموقة وعلى مستوى عالي من الذوق بالطبع لا استطيع أن أوفي ماما قلب ابيض وزوجها الدكتور محمود حقهم مهما تحدثت عنهم وعن روحهم الجميلة وهي معروفة للجميع فهي أم للجميع طبعا اقصد اللي مواليدهم بعد سنة 80 اما مواليد السبعينات فهي اخت كبيرة لهم في المقام طبعا والدكتور محمود مجرد الجلوس بجانبه استفادة علمية وكما وصفه أخي سمبا فهو شخص رائع وحبوب بكل المقاييس وأبناءهم وبناتهم انعكس عليهم اخلاق ابويهم في تربيتهم فهم لا يختلفون عنهم في ذوقهم ومرحهم ورقيهم أما أخي الكبير سمبا فهو انسان هادئ رزين ومن يراه يشعر معه بألفة غريبة يعني الواحد يحس بأنه يعرفه من زمان انسان ذوق ومحترم بس كان بيشرب سجارة بني مش البني اللي تغنى بها مطرب البني انما سجارة راقية تحيتي لك يا سمبا التقينا ايضا بنجم من نجوم المنتدى وهو اتش درويش وأحمد الله ان اللقاء تم في هذه الفترة التي تزامنت مع وجوده في الكويت بالرغم من صغر سنه الا ان عقله أكبر بكثيير وانا شخصيا تمنيت ان اتقابل معه وكنت قد ذكرت ذلك له منذ عام تقريبا ولكن اللقا نصيب وأنار اللقاء ايضا أخونا العزيز سامح مجدي واسرته الكريمة وهو لا يختلف في دماثة أخلاقه عن سمبا وحسن درويش وهو شاب هادئ محترم ومثقف ولديه روح دعابة عالية وسرعان ما اندمج مع الدكتور محمود تحياتي لكم جميعا وعليه تم التوصل الى مشروع قرار للقاء الثاني تحت شعار يا مفسخاتي ... نور حياتي وحيث ان الفسيخ كان هو رمز الملتقى الثاني وبالرغم من عدم التوافق بيني شخصيا وبين الفسيخ وكذلك بعض الاعضاء فقد قررت ام اسلام اللي هي قلب ابيض ان يكون هناك بديل لأعداء الفسيخ وعلى فكرة احنا بعتنا فرقة مننا لشاطئ العقيلة علشان نسيطر على كل الحدود البحرية وان شاء الله نحاول نتفق على اللقاء في العقيلة علشان اخواننا سكان المنطقة العاشرة يقدروا يتجمعوا معانا في النهاية احب اوجه كلامي لمن تخلف عن حضور اللقاء انت الخسران بس يمكنك انك تلحق الركب بالحضور في اللقاء الثاني وبصراحة نفسي اطلع لساني للأخوة الأعداء ارحب بأختنا لماضة والبيت بيتك وتدخلي وتخرجي في اي وقت

مساء الخير ليكم كلكم...الف مليون مبروك لكل اللى نجحوة وعقبال باقى اللستة. انا من اسبوع فات كنت بعمل بحث على وظائف فى تخصصى على النت ولقيت موقع حلو اوى والميزة كمان فى الموقع دة ان لما سجلت الايميل بتاعى لقتهم كل لما تكون فى وظيفة جديدة فى تخصصى فى كيبيك يبعتوها على الايميل.. المهم دة الموقع لو حد عايز يدخل علية و طريقة التسجيل سهلة جدا علشان يبعتولك على الايميل http://ca.indeed.com/jsp/contactus.jsp لو فى اى حاجة مش واضحة انا تحت امركم ربنا موجود

السلام عليكم ,, وجمعه مباركه عليكم معلش سؤال انا عارف انه رخم tth: ليه كنتي متاكده بالشكل ده ؟ سؤالك ليس فيه أى نوع من أنواع الرخامة وأستطيع أن أجيبك عليه ياسيدى المعمارى : هذا المنتدى .. يعج بالفضليات والأفاضل الأكفاء لحمل المسؤولية .. وقد جاء ذكر إحداهن فى مداخلة الدكتورة .. "السيدة الفاضلة لولا" .. ولها من الخصائص مما هو لدى كثير من سيدات هذا المنتدى الراقى .. سعة أفق .. رجاحة عقل .. قدرة على كظم الغيظ .. حُسن وطلاوة فى التعبير .. عدم التعالى (حتى بالإيمان الذى لا يعلمه إلا الله) .. والكثير من الخصائص التى تتمتع بها سيدات هذا المنتدى .. وإن كانت السيدة الفاضلة "لولا" قد فضلت أن تعود إلى جوار أخواتها الفضليات لتكون أكثر تحررا فى التعبير عن ذاتها .. فهذا اختيار ليس أمام أى أحد إلا أن يحترمه وينحنى أمامه .. ربما أرادت الدكتورة أن توضح أن اختيار السيدة الفاضلة "مصرية متغربة" جاء تأكيدا لاستمرار معايير الاختيار .. وأسمح لنفسى هاهنا أن أتكلم بلسان فريق الإشراف .. فريق الإشراف ليسوا خياركم .. ففيكم من هم خير منهم .. ولكن بالتأكيد هم يحتاجون إلى دعمكم لهم لتحقيق هدفكم وهدفهم الأول وهو توفير الجو المناسب لأفكاركم النبيلة لكى تظهر على صفحات المنتدى بدون مصادرة أو إرهاب لأى فكر أو رأى في إطار من ضوابط منطقية للمشاركة وافقنا جميعا عليها

تقريري المفصل من وجهة نظري وكل واحد ووجهة نظره بقي ساعة الصفر كانت رنة من موبايل مسيو تامر مصطفي ايوة مسيو الراجل شكله اللهم لا حسد جايب خواجاتي وعينيه قططي :) رديت علي مسيو تامر وعرفت مكانهم وكنت قريب اوي منهم بس تحسبا انهم يرفعوا شعار لا للتدخين smk: قولت اتفرس في الناس دي من بعيد شوية وادخن سيجارة واخدت نفس عميق رغم ان نفسي مقطوع وقولت اندمج بلاش يحسوا اني جاي من خمسة باب :P وكله ماشي طبعا الحدث التاريخي اللي هيتحفر في أعماق ذاكرة الأمة اني قابلت وجه لوجه مدام قلب أبيض انسانة عفوية جدا وبشوشة جدا ماشاء الله تحس انها غلبت الدنيا بابتسامتها والاستاذ تامر مصطفي من الوهلة الاولي تحس انه شخص مسئول ويعتمد عليه وسعيد جدا اني قابلته دكتور محمود زوج مدام قلب ابيض باختصار وبالبلدي انسان عشري ومريح الاستاذ سامح راجل كوول ومحترم ومعاه جاتوه :P ومن اعماق البحر طلعنا لنا الاستاذ حسن درويش ولحد دلوقتي بعد ما قابلته لسه فاكر انه في مصر مش عارف لحق يجي امتي :blink: لكن بجد تحس بالطيبة جواه وطبعا كان شرف لينا حضور اسلام ابن مدام قلب ابيض شاب يبان هادي لكن حاسس انه بيفكر كتير وبنت مدام قلب ابيض .. عروس المسيلة ... محدش يضرب دي زي بنتي :closedeyes: الاحداث بدأت بالشوي ولا يفوتني اني اقول ان فكرة الشوي هي فكرة تامر والشواية شوايته وقفنا وقفة رجالة حوالين الشواية والفحم ولع علشان وقفنا وقفة رجالة والحديث كله حوالين الشواية فحواها الشوي وجودة والفحم وكده بعد شوية كانت اربع طاولات لأ خمسة علشان الحسد :closedeyes: مفروشين بما لذ وطاب والكثير مما لذ وطاب كان من بيت مدام قلب ابيض واخد بالك ايها الحالم بالمحشي :P المهم الكلام كان في حاجات كتير اوي واتجاها كتير اوي بدأت بالسيارات مع زوج مدام قلب ابيض وبعدها شغل الاستاذ حسن درويش وكلام عن زرع وطماطم وخيار والعيشة في السعودية وختمت بالكلام عن الجن والأشباح خلاص بقي نشوفكم الحلقة الجاية :)

في الثلاثينيات من القرن الماضي التحق طالب جديد بكلية الزراعة في إحدى الجامعات العربية ، وعندما حان وقت الصلاة بحث عن مكان ليصلي فيه فأخبروه أنه لا يوجد مكان للصلاة في الكلية إلا في غرفة صغيرة (قبو) تحت الأرض ممكن أن يصلي فيه….. ذهب الطالب إلى الغرفة تحت الأرض وهو مستغرب من الناس في الكلية لعدم اهتمامهم بموضوع الصلاة ؟ … دخل الغرفة فوجد فيها حصيرا قديما وكانت غرفة غير مرتبة ولا نظيفة ، ووجد عاملا يصلي ، فسأله الطالب مندهشا : هل تصلي هنا ؟ فأجاب: نعم.. لا أحد يصلي هنا غيري !. فقال الطالب بكل شموخ وعزة : أما أنا فلا أصلي تحت الأرض.. وخرج من القبو إلى أعلى ، وبحث عن أكثر الأماكن بروزا في الكلية ووقف وأذَّن للصلاة بأعلى صوته.. يا لروعة المشهد وعظم المشاعر….. تفاجأ الجميعُ وأخذ الطلاب يضحكون عليه ويشيرون إليه بأيديهم ويتهمونه بالجنون …. لم يبالِ بهم ، جلس قليلا ثم نهض وأقام الصلاة وطفق يصلي وكأنه لا يوجد أحد حوله !.. صلى وحده.. يوما.. يومين.. الحال لم يتغير.. الطلابُ يضحكون ويتغامزون. حصل تغيرٌ مفاجئ.. العامل الذي كان يصلي في القبو خرج وصلى معه.. ثم أصبحوا أربعة وبعد أسبوع صلى معهم أستاذ.. الجميع سمع بالخبر ، استدعى العميد هذا الطالب وقال له: لا يليق هذا.. أنتم تصلون في وسط الكلية.. سنبني لكم مسجداً في مكان مناسب , غرفة نظيفة مرتبة يصلي فيها من يشاء وقت الصلاة….. وهكذا بُني أول مسجد في الكلية . ولم يتوقف الأمر عند ذلك ، فطلاب باقي الكليات أحسوا بالغيرة وقالوا: لماذا هؤلاء عندهم مسجد ونحن لا ؟ فبُني مسجد في كل كلية في الجامعة. إن حياة الرتابة والتثاؤب مملة , بل قاتلة , حين يظل طلب النفيس مفقوداً ، والرغبة في كسر عاداتنا السيئة معدوما , وحين يعيش الواحد كالهمج الرعاع يكفيه من الدنيا ملبس ومطعم . يقول د. مصطفى السباعي « كم عظيم هزم الجيوش ، وهزمته عادةسيئة ». وقال كذلك: « أقسى أنواع الاستعمار : استعمار العادة للإنسان » …. فالبعض تبرمج منذ الصغر على أن يتصرف بطريقة عقيمة ويعتقد اعتقادات باطلة ، ويشعر بأحاسيس سلبية معينة ، واستمر في حياته بنفس التصرفات والاعتقادات وأصبح سجينا في برمجته السلبية , التي تحد من حصوله على ما يستحق في الحياة بأن يعيشها فيما يرضى الله ومجتمعه ووطنه بل وأمته إن خير ما يقوم به الإنسان نحو نفسه هو أن يروِّضها على العمل البناء ، ويدربها على الشجاعة الإيجابية ، وأن لا يجعلها ألعوبة تتقاذفها أمواج العادات السيئة والتقاليد العقيمة ، وأن يضعها في المكان اللائق بها…. وقد يجد ذوي النفوس الضعيفة صعوبة في تدريب أنفسهم على هذه الفضائل ؛ ولكن ليعلموا أنه لا سعادة لهم بغيرها ، فإن كان ظاهرها العذاب فباطنها الرحمة ….. فلا تيأس من نفسك لأن التغيير قد يكون بطيئا والعقبات لاشك موجودة ولكن قدراتك وحسن ثقتك بربك أولاً ثم بنفسك سوف تنسف كل عقبة , وكيف لا وقد قال الحبيب  ( إنما العلم بالتعلم , والحلم بالتحلم ، ومن يتحر الخير يعطه ، ومن يتوق الشر يوقه ) [صحيح الجامع 2328 ] من هنا نبدأ • إن العالم الذي نعيشه في الداخل وليس في الخارج … ليكن لديك الإيمان العميق بأن لك هدفا وغاية في هذه الدنيا ، وليكن لديك الإيمان بأنك قادر على صنع التغيير وتحقيق الهدف • يحكى أن ملكا كان يحكم دولة واسعة جدا. فقام يوما برحلة برية طويلة. وخلال عودته وجد أن أقدامه تورمت لكثرة ما مشى في الطرق الوعرة ، فأصدر مرسوما يقضي بتغطية كل شوارع المملكة بالجلد . ولكن أحد مستشاريه أشار عليه برأي أفضل ، وهو عمل قطعة جلد صغيرة تحت قدمي الملك فقط . فكانت هذه بداية انتعال الأحذية .فإذا أردت أن تعيش سعيدا فلا تحاول تغيير العالم كله ، فلن تستطيع ، وابدأ التغيير في نفسك . ومن ثَم حاول التغيير فيما حولك ما استطعت • قرر ما تريد تغيره بالضبط … فالفرصة الخاصة بالتغير لا يمكن أن تتواجد إلا في وقتك الحاضر ، وهذا يعني أن ترى بوضوح أين توجد الآن وفي هذه اللحظة. لا تخفِ نفسك بعيدًا عن الحقيقة الراهنة، فإذا كانت هناك بعض المظاهر التي لا تعجبك، فبوسعك أن تبدأ بتخطيط كيفية تغييرها، لكنك لو تظاهرت بعدم وجودها فلن تقوم بتغييرها أبدًا، ولذا فكن صريحًا مع نفسك منصفًا في رؤيتك لها على وضعها الحالي. • اربط الألم بعدم التغيير والمتعة بالتغيير , كما لو نصحك طبيب - مثلاً - بعدم أكل طعام معين من أجل زوال المرض الذي تعاني منه ، فإن قرارك بعدم الأكل عندما تربطه بألم المرض فإنه يساعدك كثيرا على الالتزام به . لذلك تخيل نفسك بعد تغلبك على المشكلة ومتعتك بحياتك الجديدة يساعدك في تغيير تلك العادة السيئة . • عند اتخاذ قرار التغيير استخدم كل قدراتك من أجلإنجاح هذا القرار، فالذبابة – مثلا - التي تريد أن تخرج من الشباك وهو مغلق , تطير فتصطدم بالزجاج ، وتطير مرة أخرى فتصطدم بالزجاج وهكذا تكرر محاولاتها فتفشل ،ولو أنها غيرت مسارها لخرجت من الباب أو الشباك الآخر ، وهكذا بعض الناس في عمليةالتغيير، يريدون تغيير أنفسهم بإتباع طريقة واحدة ، ولا يستخدمون كل قدراتهم ،ويقولون: لا فائدة من التغيير . • ابتكر بديلاً جديداً يمنحك القوة , كمن يريد مثلا أن يقلع عن التدخين فليحل محله الرياضة حتى يحافظ على الشعور بالمتعة . • كرر النمط الجديد ليصبح عادة , ومن ثم تحل العادة الحسنة محل العادة السيئة ، وكافئ نفسك عند كل انتصار ، ولنضرب مثلاً باللاعب المشهور في كرة السلة بمدينة بوسطن الأمريكية … «لاري بيرد» والذي كان يصيب في كل رمية ،فأرادت إحدى الشركات أن تسجله في لقطة إعلانية وهو يرمي الكرة ولا يصيب الهدف بها ، وظل يتدرب مراراً حتى يتعلم الخطأ لأنه تعود على إصابة الهدف , حتى تبرمج على ذلك . • اختبر نفسك فيما أنجزته وأوجد لك بيئة تغيير … وهذه قضية مهمة جداً لأن الإنسان يتأثر بمن حوله، وهذا تأكيداً للحديث المشهور في الرجل الذي قتل تسعة وتسعين نفساً ، وكيف أنه أخذا بنصيحة العالم في تغيير أرضه السوء التي يقيم بها فقبل الله توبته • من الخطأ أن تسمح للماضي أن يكون سجنًا لك ، ولذلك فإن التغيير المثمر يكون بالمضي بخفة بعيدًا عن الماضي . فالماضي يمثل لك بنكا للمعلومات والخبرات يمكنك أن تتعلم منه ، لكنه ليس بالبئر الذي يسقطك في داخله . فخذ ما تشاء من الماضي من فوائد وخبرات ومعلومات ، لكن إياك أن تعيش فيه د/ خالد سعد النجار مقال جميل ومفيد

و انا جيت اهو اول ما العيد خلص بتوقيت الامارات جيت على طول موضوع قوه الاعتقاد او قانون الجذب او كتاب السر او ايا من المسميات دى تبلور نتيجه للبحث عن اجابات عن اسئله من نوعيه ايه هو دور العقل الباطن فى حياتنا هل هو متلقى ام ناسج للاحداث هل احنا الى بنشكله و لا هو الى بيشكل حياتنا القانون دا ايا كان مسماه بيشتغل على العقل الباطن للانسان بشكل مباشر و لان كتير من الناس متعرفش مدى تاثير العقل الباطن فى حياتهامبتقدرش تتصور ان دا شيىء حقيقى و انه ممكن يحصل ببساطه علاقتنا بعقلنا الباطل علاقه تبادليه احنا الى بنخزن عليه المعطيات سواء و احنا حسين بدا او من غير ما ناخد بالنا و هو بيتصرف فى حياتنا بناء على المعطيات دى الى احنا دخلناها فيه يعنى ببساطه احنا بنبرمجه و هو بيبرمج حياتنا و للاسف فان اغلب المعطيات الى على اساسها بياثر عقلنا الباطن فى باقى حياتنا كلها بتتشكل فيه خلال الخمس سنوات الاولى من اعمارنا علشان كدا اول خمس سنين فى عمر الطفل مهمه جدا جدا لبقيه حياته لكن لحسن الحظ البرمجه دى قابله للتعديل يعنى مهياش ختم اتختم بيه عقلنا الباطن لباقى حياتنا لكن ممكن نغيرها لكن لو عرفنا الطريقه الصح لدا علشان كدا لو احنا عايزيين نغير اى حاجه فى حياتنا او نفسنا لازم نعرف الاول ايه المعطيات الغلط الى دخلناها فى عقلناالباطل فخلانا نتصرف بالطريقه دى علشان ان احنا نغيرها و لحظه ما احنا بننجح فى تغير المعطيات الخاطئه دى هنلاقى السلوك او الحدث الى كان مسبب لنا ازعاج اتغير لوحده دا مش لانه سحر و لا خرافه و لكن لوجود علاقه سببيه اغلب الناس متعرفهاش اساليب اعاده برمجه العقل الباطن كتيره و متشعبه ما بين تمارين اليوجا و الاسترخاء او تدريبات قانون الجذب او التنويم المغناطيسى كلها مسميات مختلفه لكنها و ان اختلفت الطرق بتشتغل للوصول لهدف واحد و هو تمكينا من اعاده برمجه عقلنا الباطل بالمعطيات الى تؤدى فى الاخر للمخرجات الى احنا عاوزينها منه بعباره قصيره لان الاعتقاد بينبع من العقل الباطن لو احنا من داخلنا مؤمنين ان احنا فاشلين اكيد هنلاقى نفسنا فى حياتنا فعلا الفشل حليفنا و العكس بالعكس و دا قياسا على اى فكره اخرى كل الاساليب السالف ذكرها هى تقنيات نمارسها كلنا يوميا بصوره فطريه من غير ما نعرف و لا نشعر لكن لما بنقرى و بنعرف انها موجوده بنصاب بالذعر لاننا متعودناش قبل كدا على الايمان بوجودها رغم ممارستنا ليها فكره قانون الجذب حقيقيه و التمارين الخاصه بيه ما هى الا بوابه علشان نقدر نغرس فى عقلنا الباطن معطى جديد موافق للى احنا عايزينه يكفى ان تغير عقلك الباطن فحسب فيتغر العالم كله من حولك تلقائيا فالجنه و النار يقبعان سويا داخلك انت فقط من تختار على ايا تريد ان تركز نظرك تحياتى

الأستاذ ريمو يا جماعة غير مدام remo أم مريومة برجاء الانتباه للاسم مستقبلا

السلام عليكم و رحمة الله و بركاته استاذ وليد...تيجي بالسلامة يا رب...و تكون الرحلة عتبة خيرو سعادة في حياتك الحقيقة الاسئلة بتاعت حضرتك مش هعرف اجاوب عليها....(اصلها اولادي اوي) اقتراح سريع لغاية ما الشباب يرجعوا من السفر و الاجازات و كده....ممكن حضرتك تراجع الصفحات في التوبيك هنا و باذن الله هتلاقي تساؤلات كتيرة مشابهة لحضرتك خليك متواصل معانا....و باذن الله ربنا ييسرلك امورك

عنبي ،، ومكاوي ،، وعاشق الترحال ،، وإنفستور ،، وحسام عبدالفتاح ،، وغيرهم... شباب محاورات المصريين من جدة أختفوا في ظروف غامضة بجد والله ليكم وحشة كلكم ربنا يوفقكم لكل خير ، ويسمعنا عنكم أحسن أخبار ..

رأيت فيما يري النائم أن الحور وقفت لك صفاً أنحنت لك خجلا وبايماءة من وجهك أشرقت الشمس رأيت آلهة الأغريق وقفت لك باجلال والملائكة أجهدها التصفيق ورايت ملاك راح من جمالك في سكرة كمن شرب كثيرا خمر جيد التعتيق رأيت فيما يري النائم كل اصناف الطير بين يديك قد حضرت يقدمون بتشريف لك استعراضات بالاجنحة علي بال احد ابدا ما خطرت رأيتك تحركين الكون بعينيك وبسحر هذا البريق رأيت القمر في السماء أعتصم يشكو إلي السماء ويختصم يغار من جمالك وكان ظنه أنه بضياؤه قد عظم الا يدرك ان طلتك في الليل تنير الف طريق رايت فيما يري النائم الأشجار جميعها قد أثمرت حتي العقيمة منها تدللت واورقت وفروعها تضاحكات وبحسن عودك تغامزت واهدت لك من اجمل النبت رحيق رأيت فيما يري النائم أن الأحتفال قد طال حتي حضرته حبات رمل الصحراء والكثير من الجبال في غرفة أرقبك وانا في أصعب حال متي ينتهي الاحتفال وأضمك لصدري وأنهب ما أشتهي دونما سؤال فأنا علي لهب وفي حريق

مش عارفه أقول لك إيه يا أخ سمبا ذكرياتك عن المدرسه مش و لا بد و لو إنها منطقيه .. لما يكون مدرس الألعاب بيدرس ماده جميله زي التاريخ !! و مدرس أياً كان تخصصه يضرب طفل بالقلم !! كان طبيعي إن ده يبقى إنطباعك عنها على كل حال أتمنى تكون مش هي دي القاعده أنا عندي ذكريات جميله كتيره تخيل أنا فاكره أول يوم فيب الحضانه فاكره منه لقطات كده متفرقه كأنها فلاشات بتمر سريعه في الذاكره فاكره إننا كنا قاعدين على كراسي منخفضه و قريبه من الأرض و فاكره وجه المدرسه يومها .. و فاكره إن فعلاص أغلبية الاطفال كانوا بيبكوا .. بس أنا كنت ساكته و بتأمل .. لأني صدقت بسزاجتي وقتها إن ماما واقفه ورا باب الفصل منتظراني فضلت طول اليوم ملتزمه بكلام ماما و هو إني لا أتحرك من الفصل و أسمع كلام المعلمه و ماما يا دوب هتروح تستلم الكتب من الفصل اللي جمبنا و ترجع و تفضل منتظره وراء الباب :happy: إللي كان شاغلني هو ليه كل العيال دول بيعيطوا i*: رغم إن أمهاتهم واقفين و را الباب ؟؟؟

اعزائي المصريين عندي سؤال بسيط ممكن تجاوبوني عليه بصراحة او بشفافيه بس من بتوع المعلم نظيف :D انا شاب مصري زي حالاتكم بس انا من اللي طفشوا من مصر من ساعة ما سبت مصر من سنتين ما رجعتلهاش انا كنت بشتغل في وظيفه ممكن تكسبك دهب بس تكبر دماغك تكبر دماغك بس :D ....مش تسرق :ninja: ولاني مكبرتش دماغي اصطدمت وعملت مشاكل كبيرة ولقيت نفسي بين اختيارين يا اما استمر وافقد احترامي لنفسي ... يا اما اسيبهالهم مخضرة وقررت ... وسبت البلد كلها وطفشت رغم معارضة كل الناس اللي قال مجنون واللي قال بكره يندم ويعيط واللي قال طبعا ماهو اهله مرتاحين ومسنود بدأت هنا بمرتب بسيط جدا- وكنت بشتغل 15 ساعة في اليوم لكن الحمد لله انا مرتبي دلوقتي ضعف مرتبي في مصر - قبل ما ارميلهم استقالتي اللي ما قبلوهاش - 60 مره اي والله العظيم 60 مره - ولله الحمد ملحوظه انا مرجعتش مصر مش لاني مبحباهش - بالعكس -ابسلوتلي - علي راي اللمبي انا لو دخلت مصر ممكن معرفش اخرج بسبب اني معرفش موقفي من الوظيفة ايه ومعنديش تصرح عمل وباسبوري مكتوب فيه الوظيفه القديمة فيه واحد ممكن يسأل ؟؟ وده من حقه ... انت بتحكي قصة حياتك ليه ؟ هو احنا ناقصينك ؟ ممكن ارد انا بس بقول لكل واحد شايف حاجة غلط وساكت عشان لقمة العيش أوعي تخاف ( ومن يتق الله يجعل له مخرجا ويرزقه من حيث لا يحتسب) تم تغيير العنوان ليعبر عن محتوى الموضوع

انا لحقت امل وعمر وابي وامي بس مفيش حنين جارف للايام دي ولا حاجة اول يوم لي في المدرسة قعدت في الصف الاول اعيط وكان فيه ابلة لسه فاكر وشها لحد دلوقتي لانها كانت جميلة وحزينة وقاعدة ساكتة وهادية خالص وانا اعيط ومفيش فايدة كانت اغرب حاجة بالنسبة لي لاني لما كنت ابكي في البيت في السن ده البيت كله يتقلب لكن دي مش نافع معاها حاجة كل اللي فاكره اني ما كنتش بحب المدرسة ولا المدرسين تخيلي مدرس الزراعة ضربني بالقلم وانا في تالتة ابتدائي علشان تعبت من كتر شيل البلاط اللي هيبنوا بيه المصلي ولحد اللحظة دي نفسي بجد اشوفه واديله القلم قلمين وفاكر اني كنت اغلب الحصص سرحان مع المدرسين المملين المملين اوي وبركز مع المدرسين اللي بيخلونا نتفاعل معاهم ويدخلونا وسط الدرس في خامسة ابتدائي مدرس الالعاب كان بيدينا تاريخ انا كرهته بسببه المهم اخدت جزائي وقدر الله اني اكون تعليم متوسط لكن مش ندمان ابدا ابدا لاني بحب المجال اللي بشتغل فيه ممكن استأذن حضرتك في الصورة اخدها علي صفحة في الفيس بوك انا خارج م الموضوع بقي شكل جرس الفسحة ضرب

تسلم يا بشمهندس على السؤال احب اطمنك ان الشباب كلهم بخير انا طبعا كنت شغال فى فترة العيد بيبى سيتر كل اقاربى راحوا يحجوا وسابوا العيال والحمد لله فتحوا عينى على حاجه مهمه قوى ان الحياه بدون اطفال لذيذه قوووووووووووووووى ومريحه قووى التجربه دى عاوزه توبيك انتظرونا قريباً ميكاوى وحسام وعاشق كانوا فى الحج ربنا يتقبل منهم جميعاً يارب انفستور راح حج فى الرياض وتقريباً كان بيقول عاوز اروح اعمل عمره فى تركيا معرفش راح ولا اكتفى بحجة الرياض هذا ما سوف نتيقن " حلوه نتيقن دى" فى الايام القادمه تحياتى عنبو بعد الافراج

طبعا محدش هايسألك بوتيتن يقولك جايه عندنا ليه ؟؟؟ يا لمض انت تزوء الباب كده وتخش عدل من غير لا احم ولا دستور ...وبعدين ايه الفرق بين الامارات والكويت دى فركت كعب ....الكلام ده نقوله لاخوانه البعدا اياهم اللى عارفين نفسهم . بتوع اسرائيل .. smk: مرحبا بكل الناس فى ديوانيتنا النتواضعه تصدقى يا لمضمض اللهمه فعلا كانت مش عارفه لحد الان اوصفها بجد مشاعر حلووووووووووووه بشكل ان شاء الله تكمل لما نتقابل كلنا من كل المحاورات فى ارض الكنانه واكيد هايحصل فى يوما ما ان شاء الله وبدل ماتقفى متشعلقه فى اوكره الباب كدهوت ...اتفضلى تعالى معانا ..وكلنا قلوب مفتوحه لكل اللى بيحبونا وبناءا عليه ومن موقعى هذا اناشد للمره الاخيره بجد بقى اداره المنتدى رحمه بالاعضاء ودعما لاواصر المحبه بيننا ان تتصرف ياتوفر لهم الكوله ...يا تصرف لهم شنداوتشات حلاوه بالقشطه عيد سعيد على كل المحاوراتيه فى كل الدنيا

قبل ما أحكي علي تجاربي مع موضوع قوة الاعتقاد أو قانون الجذب في نقطة لابد من توضيحها ..... ليس معني قوة الاعتقاد إنك مجرد تحلم بشئ أو تتخيل شئ فقط سيأتي لك بدون عمل حتة علم نفس ع جنب: إن الايمان هو عبارة عن أي مبدأ أو اعتقاد يمكن أن تمد المرء بمعني الحياة ... فالمعتقدات هي الفيلتر أو المرشح لرؤيتك للعالم وهي تعتبر قائد المخ ... فإذا أمنت بصحة شئ فذلك يعطي إشارة للمخ تخبره بكيفية تحقيق ذلك . " إن شخصا يتمتع بالايمان له قوة تعادل تسعة وتسعين شخصا لايؤمنون " جون ستيوارت ميل فالايمان أو المعتقدات هو حالة نفسية تتحكم بالسلوك... فالاعتقاد يتحكم بقدراتك علي فعل الشئ من عدمه ومن ثم هذه القدرات (التي حصلت عليها من الاعتقاد) هي تتحكم بسلوكك وأفعالك وبالتالي الأفعال هي التي تحدد النتائج التي تحصل عليها. " الانسان حسب ما يؤمن به" انتوني تشيكوف فمثلا بالنسبة لي مررت بتجربة من هذا النوع كنت أصبت بمرض أقعدني في الفراش لمدة 6 أشهر مما أدي أن وزني زاد حوالي 20 كجم عندما تعافيت من المرض حاولت بكل الطرق إني أخس رحت لدكتور شهير جدا للتخسيس وكنت ملتزمة جدا بكلامه خسيت 400 جم في شهرين !!!!!!!! جربت كل الطرق ولم تفلح لمدة سنتين ثم سمعت لأول مرة شرائط قانون الجذب لد/الراشد تحتوي الشرائط علي تمارين عملية ولأني وقتها كانت دي أكثر مشكلة مضايقاني طبقت التمارين عليها من التمارين إنك تحدد الهدف وتضع خطة وهناك تمرين اسمه 21x14 طبقته علي هذا الهدف وبدأت مع نفسي الالتزام بنظام غذائي ورياضة وفعلا في خلال سنتين فقدت 30 كجم بلا رجعة العملية مش سحر العملية إني آمنت من داخلي أني أستطيع فزي ما بقولوا في الكتاب والفيلم أعطيت أمر للجني وفي هذه الحالة أقصد بالجني قدراتي العقلية أعطيته أمر أن ينفذ ....وفي خلال الرحلة كنت أري صورتي كما أريد طبعا هناك تجارب صغيرة شرائط قانون الجذب لد/الراشد خلتني أخد بالي من الرسائل السلبية أو من إن التفكير في الأمور التي لا تريدها يجعلها تحدث " اللي يخاف من العفريت يطلع له" فمثلا تركيزي وخوفي إني لا أجد تاكسي الصبح وأنا متأخرة علي مواعيدي بيخلي ده يحصل معايا فعلا لكن العكس لو ببساطة من داخلي رأيت إني بمجرد خروجي من المنزل وجدت تاكسي يحدث ذلك فعلا وده برضه مش سحر من النقط المهمة التي تعلمتها من د/ الراشد (بالأدلة العلمية ) أن الكون تفاعل مرتبط ببعضه البعض يمكن لأي ذرة موجودة في الكون أن تتصل بأي خلية أو ذرة موجودة في الكون خارج إطار المكان والزمن وفي دراسة علمية مثبتة وجدوا إن حركة ال particles داخل نواة الذرة تتحرك طبعا للفكرة. (وجدوها في كل مرة تتحرك بشكل مختلف مرة مع عقارب الساعة ومرة عكس عقارب الساعة فوجدوا أنها تتأثر بفكرة من يجري التجربة ) وهي دراسة علمية ومثبتة حاجات تانية كتير صغيرة في أحيان كتيرة بأكون في البيت وحدي وفجأة يجي علي بالي إني عايزة حاجة معينة بدون ما أتصل باللي بره البيت غالبا 90% ألاقي ربنا أرسل لي اللي أنا عايزة مع أبي أو أمي أو أخي وهم راجعين من بره. أتمني مكنش طولت عليكم

السلام عليكم و رحمة الله و بركاته فيه ناس....ممكن تكون في طريقنا....تصحي فينااحساس...ممكن نكون نسيناه ممكن نكون عاندناه فيه ناس...بتكون سبب لسعادتك فيه ناس....لازم تفتقدها مش عشان بس بتفكرك بروحك...اللي متشعلقة هناك لا عشان بتصحي فيك احساس اني لسه جوايابني آدم لمن أهداني تلك الاغنية من ثنايا القلب جدا حنين http://www.youtube.com/watch?v=Yj4Dl2Amzy0 الغربة توهتنا.....لكن ما غربتنا صبااااااحكم روح لسه قادرة تتنفس

السلام عليكم و رحمة الله و بركاته اوعي حد يسالني و يقولي يا بنت يا لماضة يا بتاعت الامارات جاية عندنا بتعملي ايه بجد....بجد انا جاية اغش شوية من الروح الحلوة من الفكرة اللي بتقوي في الغربة من اللمة اللي نفسي فيها.....و بتوحشني فوق الوصف و نفسي اشوفها عندي في الامارات بجد ربنا يوفقكم.....و دايما تتجمعوا علي خير و طاعة و فرحة مبسوطة بيكم من هنا لغاية عندكم ينفع بس تسمحولي....اكمل متابعة معاكم...بدل ما انا كنت متشعلقة في اوكرة الباب و عمالة اتصنت عليكم عشان اعرف بتقولوا ايه قلب ابيض.....صباااااااح حضرتك فتافيت سكر دايبة في فنجان المحبة اخواتنا في الكويت كلكم صباااااحكم.....شواية....بنار الحنين للمة العيلة ربنا يوفقكم

يااااااااااااه يا سين سين و الله فكرتني بأيام تيتو سانتانا و توني جاريا و اندريا ذا جاينت و هالك هوجان كنت بحب اتفرج عليهم اوي :closedeyes: على فكرة انا ليا فكر مختلف في الموضوع ده و هو ان مشاهدة بعض من العنف ممكن تكون مفيدة أحيانا للتنفيس عن طاقة غضب بداخلنا بس طبعا في مرحلة سنية مناسبة مش مع الأطفال اللي اولا بيحبوا التقليد و ثانيا لسه بيكونوا مفاهيمهم عن الحياة انا كنت باتفرج في نهاية فترة المراهقة لأن بابا الله يرحمه كان بيتفرج هو و ماما و كنت بحب لمتنا مع بعض و احنا بنتفرج كانت بتتعرض ساعة كاملة مساء كل جمعة على التلفزيون السعودي برضه وجود الأب و الأم مع ولادهم أثناء مشاهدة التلفزيون أمر في غاية الأهمية لأنهم بيعلقوا و بيناقشوا و بتبقى فرصة عظيمة للتواصل الأسري بس ده طبعا يتوقف على درجة نضج الوالدين و طريقة تعاملهم مع الأبناء اوحيتوا لي بفكرة موضوع جديد كيف تشاهد التلفزيون مع أولادك؟

يسعدني جدا اهتمام حضرتك بالموضوع و النقاش حوله بالنسبة للفترة الزمنية ما بين أول مداخلة 6:37ص و حتى كتبت عن الفيديو في 10:53 ص يعني أكثر من 4 ساعات كانوا كفاية اني اشوف الفيديو و مدته 84 دقيقة لقد كانت الفترة كافية تماما للتوقف كثيرا و إعادة أجزاء من المقاطع أكثر من مرة على فكرة انا لا أدافع و لا أبرر و لا أقبل إلا كل ما يوافق عقيدتي و لا أجامل في ذلك و لكن يجب أن أتقبل أن هناك آخرون مختلفون و أنني لابد أن أتلقى ما يقدمون بنظرة حيادية تماما ثم بعد أن اتلقى الطرح أقبل ما اقبل و أرفض ما أرفض و أعتقد يا أخي الفاضل أن رواد المحاورات هم أفاضل عقلاء و ناضجون بما يكفي لمعرفة ما يقبلون و ما يرفضون و إن كان من المؤكد أن حرصك و كلامك هو شيء طيب نرجو من الله عز وجل أن يضعه في ميزان حسناتك

لن أذكر الجانب السياسى المباشر لنأثير الأعلام على المصريين ، ولكنى سأذهب الى منطقة أشد خطورة و اكثف فى تأثيرها على الناس ، الا وهى مسلسلات الفيديو التى ينتجها القطاع الأقتصادى المصرى فمنذ خمسة وعشرون عاما مضت وبشكل متواصل حرص الاعلام على غرز مجموعة القيم والمفاهيم والتى حرص دائما على تكرارها بشكل ممنهج ومرتب ، ألا وهى نوعية المواضيع التى يشاهدها المواطن المصرى فى بيته هو واولاده ، دائما و أبدا ستجد فيلا أو سراية لاحد رجال الاعمال الاغنياء وحمام السباحة يتصدر المشهد حتى ان بعض الفنانين كشهيرةزوجة محمود يس أستغلت ذلك المنهج وحولت فيلتها الزرقاء الى استديو يتم تاجيره للقطاع لتصوير المشاهد الخارجية - تقربيا ظهرت تلك الفيلا فى ما يقرب من 60 مسلسل ومع اختلاف زوايا التصوير - وهنا يظهر أصرار القطاع على ابراز الفخامة مرتبطة دوما برجال الاعمال ولم يدر بخلدهم انه من الممكن ان يعيش رجل الاعمال فى شقة فاخرة أيضا ولكن لابد من ترسيخ المفهوم ، حتى عندما يتواضعوا ويتناولوا قصصا عن متوسطى الحال كمدرس ثانوى مثلا - نور الشريف فى مسلسل ..يا أبى والسعدنى فى مسلسل آخر مع هالة صدقى تجدهم يرتعون فى مساحات واسعة لاتتناسب اطلاقا مع مايعيشه أرباب تلك المهن وكأن التليفزيون يصر على اظهار المواطن المصرى وكانه يعيش فى بحبوحة ولا يعانى من ازمات فى السكن وضيق المكان وضيق الامال ، وبالطبع تأثير تلك المناظر المتكررة على مخيخ الشباب لتاثير مدمر وبشع فكيف تقنع هؤلاء الشباب بفضيلة الصبر والمثابرة وهو يشاهد يوميا تلك الاحلام الملونة التى يسوقها له التليفزيون ، كان من الطبيعى أن تنتج تلك المسلسلات اجيالا لاتهتم باية قيم الا قيمة واحدة ألا وهى كيف تكون ثروة سريعا وبالملايين كأبطال تلك المسلسلات ، وعن الفتيات كيف للواحدة منهن أن تخطط لمستقبلها جيدا بان تفوز برجل غنى ومريش دونما اعتبار للعواطف أو حتى لاحترام كيان المرأة.

والله يا آرشتيكتال أنا أترقصت فى موضوع الملائكة والرز بلبن وأول ما قراته أفتكرته جد وحقيقى لحد ما لقيت الكلمة اللى مالهاش محل من الاعراب اللى اسمها مزاطيط أو زمبليط مش فاكر ، المهم ربنا يكون تاب على اخونا وحبيبنا ونور عيوننا من دور القاف اللى الم به و يقلبها كاف او راء أو حتى شلولو ، بالمناسبة الشلولو يطهى فى أسوان وبلاد النوبه وبعض مناطق سوريا وهى ورق الملوخية مع الشوربة بدون تخريط و لافرم و أنت وجدعنتك تلحق ورقة وتتزفلط أربعة على هدومك ...

ده بعض ما عندكم يا أستاذة .. وبعض مما عند الباشمهندس المعمارى اللى طلع مهندس فى معمار اللغة بس انتى يا "مصرية" طلعتى "أروبة" بفتحك لهذا الموضوع الشيق .. "الأروبة" بقى ياستى معناها العاقلة الحكيمة .. ومصدرها "إرب" ومنها "مأرب" وجمعها "مآرب" بمعنى الحاجة والحاجات .. إلا أنها تعنى - فى نفس الوقت - العقل والحكمة يقول سبحانه وتعالى : وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ عَوْرَاتِ النِّسَاءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ ۚ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ (النور : 31) وجاء فى تفسير القرطبى : فإذا كان غير ذى الإربة هو الأحمق أو الأبله .. فيكون ذو الإربة هو الحكيم العاقل .. ويقال "اللبيب الأريب" .. والله أعلم

السلام عليكم لما شفت الموضوع في البداية لم يكن لدي ما أقوله بالذات لاني احسن الظن ببهية و أعلم حرصها على الإصلاح لكن بعد مناقشاتكم.. حبيت اضيف حاجة الفيديو لم أعتبره بكائية .. هو تسليط للضوء على هذا الحاكم و فقدانه الاحساس بمن يحكمهم أو ربما فقد الاحساس بمعنى و مسئولية الحكم التي سيسأل عنها ربما كان تسليط الضوء مهما لأن كثيرين لا زالوا تحت وهم ان الريس طيب و لو عرف اللي بيجرى هينصفنا و يقضي على الفساد و المفسدين لكن أما آن الأوان أن ننخرط أكثر في البحث عن حلول كيف نتغير و نغير لا أقصد أن نتوقف عن تسليط الصوء على الفساد و فضحه فهذا جزء من العلاج شرط ألا نصوره غولا ينشب اظفاره في كل مكان يستحيل هزيمته لأن هذه ليست الحقيقة دمتم بكل خير :egyflag:

أخي الفاضل عبد الله بالطبع شاهدت الفيديو كاملا قبل ان اضع لحضراتكم رابطه و هو فيديو موجه للبشر عل اختلاف عقائدهم و ليس للمسلمين فقط ربنا سبحانه و تعالى قال: {وَالْأَرْضَ وَضَعَهَا لِلْأَنَامِ }الرحمن10 و لا يخفى على حضرتك أن كل من يؤمن بوجود رب يأخذ كافة حقوق المؤمنين بالربوبية و أولها السلام الداخلي الذي قد يصل إليه البوذي و الهندوسي من غير الكتابيين عن طريق التأمل و يصل إليه النصارى و اليهود بصلواتهم كما نصل إليه كمسلمين بالخشوع في الصلاة الكون له نواميس من فك شفرتها أستطاع أن يأخذ كما يريد من خيراته التي خلقها لنا رب العزة و سخرّها لنا حتى اللاديني أو الملحد يرزقه رب العالمين التجاذب قانون كوني لكافة الخلق مهما كانت عقائدهم و هذا سر الخلق و تأمل معي التدرج القرآني " قل أعوذ برب الناس* ملك الناس* إله الناس" و في الحديث القدسي "عبدي أطعني تكن ربانيا تقول للشيء كن فيكون" كوننا مسلمين نؤمن بتوحيد الألوهية فذلك أعطانا ميزات إضافية و سهل علينا الوصول لرب العالمين فنحن نتبع منهجا مرسلا إلينا لنتبعه بحذافيره و لا ينفي ذلك أن من أصحاب العقائد الأخرى من وصل إلى ربه الفرق بيننا كمسلمين و بين غيرنا من أصحاب العقائد الأخرى انهم كمن يجرب المكونات لصنع كعكة ويجرب بزيادة و تقليل مقادير الكعكة كما أنه يجتهدوا في طريقة الصنع قد تنجح و قد لا تنجح لكنهم لا يكفون عن المحاولة و قد يصلون للحقيقة لأن الناموس الكوني أن لكل مجتهد نصيب بينما نحن لدينا الوصفة بمقاديرها و طريقة الصنع و مع ذلك لازال معظمنا لا يصل و الأدهى و الأمرّ أننا حتى لا نحاول

السلام عليكم و رحمة الله و بركاته موضوع مهم جدا لماذا نحن سلبيين في تعاملنا مع الإعلام و نكتفي بالتلقي أو على أفضل الأحوال عدم تلقي ما نعترض عليه إغراقنا بسيل من اللا أخلاق إغراقنا بسيل من المحبطات إغراقنا بسيل من الانجازات الوهمية إغراقنا بسيل من التطلعات الاستهلاكية الزائفة خطاب ديني غير متوازن يتحرك في حدود المسموح و نحن نكتفي بالتلقي ممكن تقروا الكتاب ده http://www.egyptiantalks.org/invb/index.php?app=core&module=attach&section=attach&attach_id=4462 بالذات أول فصلين و الخاتمة صحيح ..تعس ذلك البلد الذي يحتاج بطلا

عارفين .. هما الناس دول اللي احنا محتاجين نوصل لهم الناس دي بتبص تحت رجليها .. و شعارها احييني النهار ده و موتني بكره بس الناس دي هي اللي حاربت في 1973 و ثارت سنة 1919 محتاجين نوصل لهم بجد تحياتي

أفندينا ده الظاهر (شارب) حاجة، ومتصور إنه هيزايد على (ماكينة) الإعلام المصري الرهيبة. ده فاكر إنه بيساعد جمال مبارك عن طريق تغيير (شعور) الزباين ناحيته (بالتدريج)، وبالتالي (تقصير) المسافة بينه وبين القصر الرئاسي. لكن آدي (دقني) لو نفع الكلام ده. هي يعني الناس خلاص (نـَسِت) أبوه كان بيعمل فيهم ايه. ده كفاية التعذيب والضرب على (القفا) في أقسام الشرطة، واللي (صبغ) مصر بصبغة الخوف والرعب وخلا الناس تجيب (زيت). أي تأييد لجمال هو مصالح شخصية ومجرد (قشرة) خارجية. وأكبر مثال على كده هو عليّ الدين هلال بتاع (زيرو) المونديال. أنا متأكد إن الناس عند الجد (هتحلق) لجمال عشان عارفين إنه لو وصل للحكم، هيحاول (تطويل) مدته فيه على قد ما يقدر. علاوة على إن أيمن نور (موس) وعارف كويس إن الحركات (القرعة) دي مفيش منها فايدة. لكني برضه أتمنى إنه (يشد) حيله ويحاول (تمشيط) مصر بحثًا عن الحلاقين عشان (يقصقص) أي ملصقات عندهم من هذا النوع. ده طبعًا غير المنافس (اللامع) محمد البرادعي، اللي كتير بيعتبروه (بلسم) السياسة في مصر. بس في رأيي الشخصي، لو يلبس (باروكة) هيبقى أحلى بكتير. :D