لوحة القادة

ايتها الصداقة: لولاك لكان المرء وحيدا اذا كنت تملك اصدقاء فانت لا تحتاج الى طبيب نفسي فالانسان بطبعه كائن اجتماعى خلق للعيش وسط مجموعات من الاشخاص الصداقة مهمة جدا حياتى برغم ظروف الغربة الصداقة مهمة فى حياتنا بشكل عام الصداقة شيء مهم وخاصة لما تكون صداقة قوية وفيها تفاهم واكيد العلاقة بينكم بتبقى ناجحة جدا وافتقاد البعض للصداقة بيشكل جانب ماساوى كبير

كلمات قرأتها وحبيت انقلها لكم ...يمكن تفيد كتير من الزوجات والازواج..لانى لاحظت فى اللاونه الاخيره انتشار الخلافات بين الازواج والتى اغلبها يتصف بالتفاهه فى مضمونها واسبابها وانا شخصيا ارجع ذلك الى ان معظم الخلافات الزوجية تكون ليس لإختلاف وجهات النظر .. بل لإمتهان وجهات النظر و عدم التقدير عزيزتي الزوجه : انتبهي لطبيعة زوجك .. وافهمي نفسيته جيداً حتى تستقر حياتكما وتنعما بالرضا والسعادة .. وهذه 19 لا .. تجنبي الوقوع فيها . لا تقارني نفسك به ، فهو مختلف عنك . لا تقتحمي عزلته ، لأنه يفضل أن ينعزل عن الآخرين ، إذا كانت لديه مشكل...ة يحاول حلها . لا تستفزيه ، فهو بطبيعته حاد الطباع ،عصبي المزاج ، ينفذ صبره بسرعة . لا تتوقعي منه أن يقوم بما ترغبين في أن يقوم به ، لأنه لا يفكر بأسلوبك نفسه . لا تفرضي أسلوبك أو تفكيرك عليه ، لأنه يغضب إذا شعر بنديتك له . لا تثقلي عليه بالحديث ، فهو لا يحب المرأة الثرثارة لا تنتظري أن يقول لك أسف ، لأنه لا يحب الاعتذار ، وأن أراد فإنه يتبع طرقاً أخري غير مباشرة في التعبير عن ذلك . لا تشعريه بعدم حاجتك إليه ، حتى لا تفقدي عطاءه ورعايته لك . لا تسمعيه كلاماً لا يرضى عنه ، لأن هذا يؤذيه ويعكر صفو مزاجه . لا تقللي من قيمة ما يقوم به من أجلك ومن أجل أولادكما حتى لا تفقديه . لا تنتقديه أمام أهله وأصدقائه ، لأنه يشعر بأنك تنتقمين من رجولته لا تلحي عليه في السؤال عند خروجه ، فهو يرغب في أن يكون كالطائر الحر . لا تنفريه منك أثناء المعاشرة الزوجية حتى لا يبحث عن المتعة في مكان آخر . لا تنشري أسرار حياتكما ، لأن الرجل بطبيعته كتوم . لا تزيدي من طلباتك ، فهو يحب الزوجة القنوع . لا تشعريه بأنك أفضل منه حتى لا تفقدي حبه واحترامه . لا تقللي من حبك وحنانك له فإن هذا يشعره بالرضا . لا تنتظريه دائماً أن يكون المبادر ، فإن كرم الزوج في ردود أفعاله . لا تهتمي بأولادك علي حساب اهتمامك به ، فهو يحب أن يكون مصدر الاهتمام والرعاية طوال وجوده بالبيت . ادرى ان صعب الواحد يتقيد بتصرفاته بس حاول عشانك وعشان اسرتك عزيزي الزوج زوجتك بحكم تكوينها تتصرف وتفكر بطريقة مختلفة عنك .. وحتى تفهم نفسيتها وتكسب ودها .. فهذه 18 لا .. ابتعد عنها بقدر الإمكان لا تفترض أنها تتصرف كما تتصرف أنت لأنها تختلف عنك . لا تهملها وامنحها الحب والعطف والأمان ، لأنها بطبيعتها... تحتاج إليها .لا تستهن بشكواها ، فهي تبحث حتى عن مجرد التأييد العاطفي والمعنوي . لا تبخل عليها بالهدايا والخروج من حينٍ لآخر ، فهي لا تحب الزوج البخيل . لا تتذمر من زيارة أهلها ، لأنك بذلك تفقد حبها ، فالمرأة أكثر ارتباطاً بأهلها . لا تغفل عن إبراز غيرتك عليها من حينٍ لآخر ، فهذا يرضي أنوثتها . لا تنس ملاطفتها ومداعبتها في الفراش وإشباع أنوثتها . لا تظهر عيوبها بشكلٍ صريح ، فهي لا تحب النقد .لا تنصرف عنها ، لأن المرأة تحب من يستمع لها . لا تخنها .. فإن أصعب شيءٍ علي المرأة الخيانة الزوجية لا تستهزئ بها أو بمشاعرها لأنها كائن رقيق لا يتحمل التجريح لا تخذلها ، فهي بحاجة دائمة إلي شخص تثق به وتعتمد عليه حتى تشعر بالراحة لا تهمل في واجباتك والتزاماتك الأسرية ، فتحقيق هذا يشعرها بحبك لها . لا تستخف باقتراحاتها لحل المشاكل التي تواجهكما ، فهذا يشعرها بعدم أهميتها . لا تتوقع منها أن تحل المشاكل بطريقة عقلانية ومنطقية ، لأنها أكثر ميلاً إلي استخدام العاطفة . لا تتدخل كثيراً في شؤون البيت ، وامنحها الثقة ، فإن هذا يشعرها بأنها ملكة متوجة داخل منزلها . لا تغفل عن امتداحها ،وتغزل في ملبسها وزينتها وطبخها حتى في ترتيب المنزل ، فهذا يرضي أنوثتها . لا تنس أن المرأة تمر بظروف نفسية صعبة ( الولادة – الحمل – الطمث ) ولابد أن تراعي مشاعرها أثناء تلك الفترات

مبدئياً .. لا أُنكر دور رجال القوات المسلحة أو الشرطة .. وناس على راسنا من فوق .. وسايق عليكم النبي ما حد يكلمني عن بطولاتهمم وتضحياتهم وسلطاتهم وبابا غنوجهم ... لإن أي فراش في مصلحة حكومية بيشتغل وبيضحي وبيعمل بطولات هو كمان ... وأنظروا بس لمحصل النور اللي داير في الشمس طول اليوم على كعوب رجليه ... عفواً طالما موظف وبيتقاضى راتب والدولة منحته مركز محترم .. يبقى لا مجال للمجاملات ولا التفضل والمن والأذى كل شويه .. الكلام ده لو بنتكلم عن عمل تطوعي في جمعية خيري ... لكن عفواً .. كل هؤلاء المحترمين لما يتولوا عمل في الحياة المدنية ... هم رمز للفساد والإفساد والفشل ... والقُطنة ما بتكدبش .. أنا كتبت الموضوع ده رداً على كلام اختنا أم زياد اللي مستعجبة من التخطيط العمراني في إنجلترا .. مقارنة بعشوائستان اللي عندنا واللي شعارها " هيصه .. هيصه .. عند العروسة هيصه .. سكر وبالوظه .. هيصه " وبدأت الهيصة بالظبط بعد قيام الثورة اللامباركة سنة 52 ... وقام الظباط اللي مش أحرار بتقسيم التورته على نفسهم وليخسأ باقي الشعب .. وليخساً أيضاً كل صاحب خبرة وعنده ضمير اهم حاجه .. أهل الثقة ... اهم حاجه .. الولاء التام لرأس السلطة .. اهم حاجه .. حاضر .. تمام يا فندم ... كل شيء ماشي حسب الأوامر معاليك .. أضحككم على حاجه ؟ الأسبوع الماضي قام أمين الشرطة أحمد زكي بدر وزير التعليم بإقالة رئيس لجنة الكنترول بوزارة التهليس .. قصدي التعليم ... الراجل لسه متعين من 4 أو 5 شهور ... ويمكن ما كملش وأترفد ... عارفين ليه ؟ عشان الباشا اللي مرتبة الأساسي 6 الاف جنيه شهرياً .. قام بوضع إسمه في لائحة مكافأت الإمتحانات back dated بأثر رجعي ... حيث إن الإمتحانات تمت وهو كان في بطن ماما وما أتعينش . وأهو نهيبه وسبوبة وماحدش حاسس بحاجه.. مش ده المهم عارفين رئيس لجنة الكنترول المسئولة عن الإمتحانات والتصحيح ورصد الدرجات والحركات منصبة إيه ؟ .. هههههههههههههه لواء شرطة .. يا حلاوة يا ولاد !!!!!!!!!!!!! شوفتوا العشوائية جايه منين ؟ شوفتوا إن تقريباً أكثر من 90 % من رئؤساء الأحياء المسئولين عن تخطيط المدن والقرى و و و و يا لواءات شرطة يا جيش قربوا يطلعوا معاش ... فالراس الكبيره عشان يضمن ولاءهم التام وطاعتهم العمياء بيقوم معينهم في مكان كله سبابيب عشان يقلبوا عيشهم قبلوا ما يقعدوا على قهوة المعاشات وإوعى تكلمني عن تخطيط أو تخبيط شوفتوا السيول اللي حصلت في العريش العام الماضي وأكلت الأخضر واليابس والخسائر كانت فادحه .. شوفتوا سببها إيه ؟ سببها إن محافظ شمال سيناء لوا صاعقه سابق .... وراجل مالوش في البطيخ وما يصحش يخرج بره المعسكر بتاعه ... سمح بالبناء في مخرات السيول .. وسمح ببناء قرية أوليمبية رياضية تكلفت الملايين في مجرى سيل .... وجت المياه شالت القرية كلها زي علب الكبريت ورمتها في البحر .. عارفين إن ولا عرايشي محترم بيته وقع بسبب السيول ؟ لإنهم ناس فاهمه مش كفتجية ... واللي بيتوتهم وقعت وتضررت كان من إرتداد المياه نتيجة العوائق اللي كانت في مجرى السيل .. فالمياة غيرت إتجهاها نتيجة العوائق الحكومية وةغرقت بيوت الغلابة ... عارفين إن منذ 7000 الاف عام ... لم تمس السيول أي مبنى فرعوني سواء معبد أو مقبره أو أو أو ... لإن الفراعنة كانوا خريجين كلية الهندسة جامعة القاهرة قسم عمارة ههههههه عارفين إيه اللي حصل بالرغم من الكوارث دي ... قام السيد الرئيس القائد العسكري ... بتغيير المحافظ ... وودا بتاع شمال سيناء في جنوب سينا يريح أعصابه في شرم ومحمية راس محمد ... وجاب بتاع الجنوب اللوا موافي - برضوا لوا ... بس المره دي مخابرات - ههههههههههههههههههههع ... وداه شمال سينا يا حليله يا ولاد !!!!!!!!!!!! قارنوا بين مباني فترة الإحتلال الإنجليزي والعثماني .. خصوصاً في منطقة وسط البلد حيث العمارة الإسلامية والأنجليزية والفرنسية والبلجيكية ... وبين عمارة ما بعد الثورة ... وإحنا نستشعر القبح والفجاجة في كل شيء .... أصل هايجيبوها منين ؟ عسكري .. يعني حياة جافة جاده غالباً صحراوية .. وليس لديه حس جمالي على الأطلاق .... هو رجل تربى على الصرام ... يعني ما ينفعش نلاقي قائد سايق دبابة وداهنها فوشية مثلاً ... أو محوطها بورد وياسمين ؟.. هاتقولي إدارة وقيادة ؟ ما أحنا جربناها لمدة اكثر من 60 سنة ,,, وجابتنا ورا .. وسكرتير الريس وكاتم أسرارة زكريا بك عزمي قالها عالية مدوية في مجلس الشعب " فساد المحليات وصل للرُكب " قال يعني معارض ومش شايف ومش مشارك في الفساد لركبُه هو كمان !!!!!!!!! ومع ذلك اقسى عقاب رادع لأي سيادة لوا رئيس حي فساد .. بيقى نقله لحي تاني هههههههههههههههههههههههه هاتقولي تخطيط المدن الجديدة .. هاقولك بعد إيه ؟ والمدن المتخططة دي .. حلت مشاكل العشوائيات التي تمثل أكثر من 95 % من مساحة ومباني مصر ؟ والمدن دي كمان متخططة بفلوس الناس اللي إشتروا هناك بالغلا والكوا ودفعوا فلوس كل حاجه من الألف إلى الياء .. لكن وأه من لكن ... قرات مقال من شهرين تلاته عن مبنى حي عين شمس مثلاً ههههههه اللي فيه مكتب رئيس الحي ... وكيف تحول إلى مقلب زبالة كبيرررررررررررررررر تحيطه الزبالة الجميلة من كل مكان ... ومواقف الميكروباصات اللي من غير لا مؤخذه نمر .. أه والله أسطوووووووووووووول ميكروباصات مملوكة لأفراد في الشرطة .. ومن غير لوح أرقام ... وفين ؟ قريبه من فندق السلام .. ونادي الشمس ومصر الجديدة .... و و و و وطبعاً مكتب اللواء رئيس الحي وجيشها الجرار المعاون له ... والراجل ساكت ومصهين ومطرمخ وقس على ذلك جميع الأحياء ... حتى المدن الجديدة لم تسلم إن رئيس جهاز المدينة يبقى لواء برضوا .. ما هو اساسي يا فندم .. اومال الناس دي تجوع ؟ لأ لأ لازم يبقوا مليادرات ولنذهب نحن جميعاً إلى الجحيم ... تخطيط إيه يا راجل وكلام فارغ إيه ؟ وسمعني سلام تحية العلم

الموضوع مالوش علاقه بنوعية الجنس ولا بنوعية التعليم انا مثلا مدير مالي بقالي بتاع عشر سنين و قبليهم 10 سنين كمان في مجال المحاسبه و بنجاح كبير و الحمدلله و مع ذلك فاشل تماما في مسك المصروف بتاع البيت و مراتي تخصصها العلمي مالوش علاقه بالحسابات و وضعها في مسك المصروف لا يقل عني تأزما الموضوع له علاقه بالطباع واحد مبذر و واحد بخيل و واحد معتدل

سعدت جداً بسماع هذا الملف الصوتي لنشيد ينشده الشيخ مشاري العفاسي يتغنى به في حب مصر الشيخ مشاري العفاسي من أجمل الأصوات في تلاوة القرآن الكريم و له عدة أناشيد دينيه راقيه و اليوم سمعت هذه الأنشوده الجميله إليكم المقطع الله الله يا مصر http://www.youtube.com/watch?v=puXma1WZ12U&feature=player_embedded تحياتي للجميع أم كريم

حبيبتي أغابي إليكي قواعد السواقة الجديدة في مصر حاليا

انا قعدت فتره كبيره أفكر .. ليه نظام الرئيس مبارك رغم تموجه ..وتوهجه.. وتأججه.. بنيران الفساد الضاريه والتى نهشت الاخضر واليابس فى انحاء الوطن المكلوم على مدار 30 سنه .. ليه رغم كل ده مازال هذا النظام قوى ورادع ومسيطر علينا على الاقل نحن كمصريين .. فلا معارضه نافعه .. ولا مظاهرات شافعه .. ولا وقفات اجتجاجيه فالحه .. فما زال النظام يملك زمام الامر ويسير بقوافله منذ 1981 متحديا كل رغبه.. مجرد رغبه ..او سعى فى اى شكل من اشكال الاصلاح .. دا حتى الوريث فى اخر حديث له فى برنامج مصر النهارده بيتكلم بالضبط نفس الكلام العايم واللى حفظناه من ابوه .. ده معناه انى الوضع ده حيمتد والعياذ بالله للاربعين سنه كمان لو التوريث تم ((بغض النظر عن الاقدار الرحيمه التى نأمل فيها جميعا لتغيير السيناريو البشع الذى تنتظره مصر)) بعد تفكير عميق اكتشفت ((وده استنتاج خاص قد يكون خاطئ وقاصر))اكتفت ان السر عند ميكافيللى .. وبين طيات كتابه الاشهر (الأمير) واللى مبارك بيطبق كتير من الافكار المطروحه بهذا الكتاب فى سياسته عند اختيار معاونيه . عشان كده مركب الفساد قادره تتحدى لحد النهارده الامواج العاتيه .. لكن ربنا كبير برده

كثير من الزملاء في المنتدى - وأنا واحد منهم - يمكن أن نطلق عليهم مغتربين بالوراثة أو مغتربي الجيل الثاني ... وهم من سافر آباءهم الى دول الخليج للعمل وأصطحبوا معهم عائلاتهم أو من ولدوا هناك ... ثم ظلّ الأبناء في تلك الدول أو عادوا اليها إما للعمل أو مرافقين لأزواجهم. سؤالي هو ... هل تعتقدون بوجود سمات مشتركة بين المنتمين لهذه الفئة من حيث طريقة تفكيرهم واهتماماتهم ونمط حياتهم فرضتها عليهم ظروف نشأتهم في الغربة؟ وهل كانت عودتهم الى الغربة باختيارهم نتيجة لعدم قدرتهم على التأقلم مع الأوضاع في مصر؟ وإن كان الأمر كذلك فماذا سيفعل أبناءهم (الجيل الثالث من المغتربين) الذين لا تكاد تربطهم رابطة بمصر (سؤال أطرحه على نفسي عندما أنظر الى أبنائي)؟ أتمنى منكم زملائي مغتربي الجيل الثاني أن تشاركوني وجهات نظركم وتجاربكم.

كلمة الاعتقاد هي مصدر للفعل اعتقد على وزن افتعل و هي من الجذر عقد أي ربط و حزم و شدّ و وثق و العقد هنا محله القلب و الاعتقاد درجة أعلى من الإيمان و أقل من اليقين و قوة الاعتقاد ترقى إلى اليقين و هي قوة محركة فقوة اعتقادك بحدث ما تجعله يحدث فعلا خيرا كان أو شرا عن نفسي مثلا كنت أعتقد أنه لو عطس شخص في الغرفة أو المكان الذي أتواجد فيه فأنني حتما سأصاب بالزكام أو الانفلونزا انتهى هذا الأمر تماما عندما اعتقدت بقوة أن هذا لن يحدث و قيسوا على ذلك كل أمور حياتي من أصغر الأمور و حتى الأحداث المصيرية زواجي ... انجابي.. الولادات السهلة و المتعثرة...عملي ودراستي... العين و تأثيرها... حتى ريجيمات التخسيس جرب أن تأخذ أي شيء من حياتك اليومية مما تعتبره من المسلمات و حاول أن تغير اعتقادك عنه ( للأفضل طبعا) يعني اذا كنت معتقد ان مديرك يضطهدك مثلا و واقفلك ع الواحدة جرب تعتقد بقوة أن ده كلام فارغ و انه شخص ظريف و بيستظرفك بشدة كمان بجد و بدون شك في النتائج إذا كنت شايفة زوجك بعيد عنك و كلامه قليل معاكي يدوب الكلام العادي جربي تعتقدي ان زوجك بيحب يتكلم معاكي جدا و انه صديقك الصدوق بقوة و بدون سخرية من الفكرة جرب تعتقد بقوة ان ابنك قمة في الأدب و الأخلاق و انه متفوق في المدرسة جربي تعتقدي بقوة انك جميلة و ان انفك التي تؤرقك مثلا هي اجمل مافيكي او ان شعرك جميل و ناعم و كذلك جسمك رشيق جرب تعتقد بقوة ان صحتك بمب و حديد و انك مبتشتكيش من أي مرض جرب تعتقد بقوة ان رزقك حيزيد و ان ربنا موسع عليك و مبارك لك جرب تعتقد بقوة انك ناجح جرب تعتقد بقوة انك سعيد أدعو حضراتكم أن تجربوا قوة الاعتقاد و أخبرونا بالنتائج و أعتقد بقوة ان منكم من سيستجيب و أعتقد بقوة أن منكم من سيخبرنا بنتائج مذهلة حدثت بعد ان غير قوة اعتقاده للجانب الأفضل ملحوظة هامة جدا لا تستخدم صيغة المستقبل و انما صيغة المضارع لا تعتقد أنك سوف تنجح لا بل اعتقد بقوة انك ناجح فعلا منتظراكم

صحصح كده.. وركز يابا من غير لا طبله ولا ربابه ح اروى أنا.. قصه حزينه عن دوله أغلبها غــلابــه إختارها ربنا...... وبلاها بحكــومه أشبه لعصابه جــارت ونشرت طغيانها وطبقت شـــرع الغــابــه والدوله ديه..... المنكوبه ريسها إسمـه عـلى بـابـا إللى بحديدُه...... وبنارُه وبجهلُه..... حولها خرابه صحصح كده وركز يابا على بابا دا للى ما يتسمى الحاكم اللى ملوش لازمه من يوم ما هـلت أيـامــه والغُمـــه حلــت عالأٌمـــه وبـلاده تطلــع من كارثه وتخش فى مصيبه وأزمه بفضل شـــلة حرامـــيـه هَلَّيبه.... معدومى الذمه ملقوش لا مانع ولا رادع الفَجَّره..... أولاد الهِرمَه وكل ده.. وسى على بابا ضاربها ميت مليون صرمه صحصح كده وركز يابا على بابا دا ..حاكم سَكَّا يشبه كـده لحــاكم عـكا باع للعِدا ثـــروات وطنه والقبض كــان حبِّة فكه وحَـط من قيــمة شعبه وضيع الخـــير والبــركه والناس وبالأفواج هجُّوا كندا... أوروبا….وأميركا وبعــد ما اتنهبــت بلــده واتقسمت.. وكما الكعكه عــــايز يورثـــها لإبــنه ما أصلها.... صبحت تِركه صحصح كده وركز يابا شعب الغلابه دا راس ماله صبر...وخـلاص دايبه حباله أصل الضنى.... سمم بدنه والظــلــم مــزع أوصـــاله ومعــدش بيحــس الفرحه من كتر حزنه على عــياله وكل يــوم..... زى العــاده على ضهره …بتزيد أحماله عشان كده... لازم يصــحى من نومه.... يتحدى مُحَـالُه يا إما ...يستسلم..... يرضى بــ..ذُلُّه ….ومـــرارة حالُه صحصح كده.. وركز يابا من غير لا طبله ولا ربابه رويت أنا.. قصه حزينه عن دوله أغلبها غــلابــه مع خالص عزائى wst:: التونسى wst::

هو انا حاسه من زمان انكم مش هاضمين الصوره الرمزيه بتاعتى و انكم كاتمين فى نفسكم و ساكتين :wub: :wub: :wub: مش عارفه ليه يا جماعه حاسه انكم مش قادرين تفهموا المعانى العبيقه قصدى العميقه و الرساله الويله قصدى النبيله بتاعتها و الى يقولى دى واحده الروج بتاعها سايح و الى يقولى مريله على نفسها :sad: :sad: عموما بما ان انا انسانه ديموقراطيه و بؤمن جدا ان انا انزل على راى الاغلبيه ( لحسن هما الى ينزلونى بمعرفتهم bsh:) bsh:) ) قررت انى ابلغكم بنبا سعيد و هو ان انا حاليا فى مرحله بحث عن صوره رمزيه جديده تبعبر عن دوخيلى النفسيه زى ما انا عايزه المرحله دى هتمتد لفتره يجى كدا 25 سنه لكن انا مش عايزاكم تقلقوا اول ما الاقى صوره جديده مستوفيه للشروط هغيرها على طول عموما بس خلونى اشرحلكم الصوره علشان تعرفوا ان انا كان ليا حق اختارها ما بين الالاف و احطها صوره رمزيه ليه الصوره عباره عن صوره فتاه بقها مقفول بالسوسته و مكتوب تحت اقسى العذاب ان تملك عقلا محتجا فى مجتمع غير محتج شوفتوا بقى انها سهله خالص ;) ;) يالله مش مهم انا برضه فدا الديموقراطيه هحاول اغيرها علشان خاطر عيونكم :P تحياتى

أمتى هايجى بشنطته السودا يناولهملى أناولهم.... لإدين ديّانه ممدودة وارجع وحدى ع الأوضه أسهرى صور ع الحيط صوتنا يعلى نتخانق ....نبكى ف عدّوده العتمة ولاّالنور؟!!! العد ل ولاّ الجور؟!!! وف أخر نفق الحديت نلاقى السكةمسدوده وتنام الأسئلة وتقوم ...............علىصوت بتاع الفول وحسابي ف الكشكول !!!! عمره ما كان مقفول عمره ما كان معدول وحيطانه مهدودة ***** وتنام الأسئلة وتقوم ع الصور ع الحيط والقمح مش ف الغيط والإبرة مش ف الخيط والمزع فينا غويط ف حكاية مقصودة ***** من دنية الأوضه يطُلّ م الشباك.... علي الدنيا اللى ف الشارع علي النور اللي مش والع علي الفجر اللي مش طالع علي( كان ) اللي مش راجع علي العتمة اللي مسنودة ******* يغطس سؤالى قُبالى .......... يقِّبّ نِفسه يعوم عّدى علينا وباقى ... يا جوعي قول كام يوم؟!! ويجى بشنطته السودا يناولهملى أناولهم...............لإدين ديَّانة ممدودة لإدين ديّانه ممدودة لإدين ديانة ممدودة 0

بصراحة اللى شجعنى اكتب فى الموضوع داه - اللى بشوفوه كل يوم فى الطريق اللى داخل عليك بدون اشارة وبقمة فى الــ ...... مش مهم اقول شتمة - المهم يبتسم ويضرب سلام قال يعنى استأذن وانا سمحتله واللى فجأه يزنق عليك فى الطريق - واللى يستظرف على الطريق وهو راكب عربية تريلا وماشي فى الحارة الغلط وبرغم انى ملتزمة جدا ان امشي فى الحارة اللى تناسب سرعتى الا انى بشوف تجاوزات وحركات كدا مستفذة اوى لا لا لا - ما تقولوش علشان انتي ست بيحاولوا يضايقوكى - لا - مش كدا خالص هو فى الاغلب اللى ماشي غلط وبدون اشارة وبيضرب لايت عالى مش بيبقى فى الاغلب واخد باله مين اللى بيسوق راجل ولا ست ولا كمان لما طفل يبقى راكب عربية جيب ضخمة وبيستعرض فى الطريق وعمره لا يتعدي الـ 14 سنة بصراحة ربنا يحمينا شر الطريق ليا سنين بسوق والناس الذوق اللى قابلونى على الطريق يتعدو على الصوابع نادرا ما حد يقولى اتفضلى قبلى او اى حاجة تدل على ان الدنيا لسة بخير كل الناس مستعجلة وكل الناس عصبية وكل الناس عاوزة تلحق سيارة الاسعاف وكل الناس خلقها ضيق مع انى حتى لو مستعجلة بقول لاى حد اتفضل واسمحله يعدي قبلى وبحترم انى ادى الاشارات فى اى اتجاه ناوية ادخله بصراحة الموضوع طويل جدا لان السواقة - فن وذوووووووووووووووق وأدب اغابي

اقتراح حلو اوى يا لماضه زيك كده انا عن نفسى كبسوله السعاده مع زوجى هى لما يكون متضايق من اى حاجه و يتنرفز فى البيت او على العيال ..اسكت خاااالص لغايه ما يهدى و اروح اعمله كوبايه شاى.

اسوأ سواقه و مرور شوفتهم في حياتي في القاهره حيث العشوائية بلا اي نظام او ضوابط يليها في الرياض و جده حيث الرعونه و التهور و اللا مبالاه بينما تأتي مسقط في قمة المدن العربيه من حيث الإنتظام و الالتزام و النظام و الأدب طبعا مش حجيب سيرة كندا

السيد الأستاذ الفاضل / عبد اللع غريب تحية طيبة وبعد نحيط سيادتكم علما بأن المدعو / أشرف محمد ، يتقدم لسيادتكم بخالص الشكر والتقدير والمحبة ، كما أنه يوجه عناية سيادتكم أنه في غاية السعادة من كلامكم الطيب الرائع بخصوص ( مسدوده ) إيه رأي سيادتكم في هذا الرد ( الموظفيني ) والرسمي والجاف ؟؟؟؟ ، قصدت أن امزح مع سيادتكم وأرجوا أن لا أكون قد تجاوزت قدري ، ويبقي الود وخالص المحبة والإحترام لشخصكم الكريم

فعلا لم انتبه للجملة دي في مداخلتك في ناس على فكرة بتوافق على نشر علمهم بغرض التعلم فقط و ليس النسخ للمتاجرة و بيع نسخ غير أصلية للناس لكن اذا كان د. الراشد رغبته أن نشتري الإصدار فلابد من احترامها انا سمعتها كلها :P انا افتكرت إنه سامح بالاستماع و ترسخت الفكرة أكتر لما لقيته طول الأجزاء عمال يقول إعلانات عن كل إصداراته، و يعلن عن موقعه الإلكتروني، و كمان عمال يقول لازم تستخدموا كراسة التمارين المصاحبة للإصدار، و يذكر أهميتها و انها مليانة فوائد، يعني كان السماح للناس بالاستماع أكبر فايدة للبيع، و لذلك انا اعتبرت إنه مسامح في الاستماع للمادة من على النت علشان ينشرها بين الناس، (إعلان يعني) خاصة إنه مش مسموح بتنزيلها بل فقط الاستماع لها و ف رأي دا أحسن إعلان، بدليل إن أستاذة مصرية قررت تشتريه، و يمكن أنا، و يمكن آخرين. يا أخي سبحان الله هو مش من أساسيات الدين الإسلامي إننا لا نسيء الظن بالآخرين؟؟؟!!! و خصوصا أن د.الراشد ده مسلم زي حضرتك ده حضرتك مش بس أسأت الظن فيه ده حضرتك بتتهمه انه بيعمل اعلان عشان نشتري اصداراته و هي تهمة حتى لو صدقت فهي من حقه من حقه ان يكون لجهده و دراساته و ما أنفق فيها من وقت أن يكون لذلك ثمن و لا يلزمه أحد أن يتبرع بذلك ما قلته أقله الغيبة إن صدقت و أعظمه البهتان برميك أخيك المسلم بغير ما فيه إن لم يكن كذلك {وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَاناً وَإِثْماً مُّبِيناً }الأحزاب58 افكار حضرتك سلبية فعلا نعوذ بالله منها ادعو حضرتك بصدق أن تحاول جذب الأفكار الحسنة إلى نفسك خاصة أن ديننا الحنيف يأمرنا بذلك {يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضاً أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتاً فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ }الحجرات12 شكرا للتذكير أستاذة مصرية متغربة بس أنا لم اتهم الدكتور بل قلت لقد ظننت أنه مسامح، و دا كان حسن ظن بأنه قد سمح بنشرها بغرض الإعلان عنها و دا مافيهوش أي اتهامات ليه، دا من حقه، أنا لو مكانه ممكن أعمل كده بالتفصيل اللي في ردي السابق. عموماً أستغفر الله الذي لا إله إلا هو الحي القيوم و أتوب إليه، و جزاك الله خير على النصيحة،

اعتقد ان الشرع يحث على الإتزان في كمية الأكل بحيث لا يتبقى ما يمكننا القاؤه في النفايات و لا اعتقد ابدا ان الشرع امرنا بما يرادف المثل الشهير اللي بيقول وجع البطن و لا دلق الطبيخ

هو كله جوه المدرسة كده طيب ممكن انط من فوق السور كعادة اصيلة في المرحلة الابتدائية واروح اشتري دوم من الست الغلبانة اللي قاعدة جنب سور المدرسة ومعاها بالظبط عسلية دوم ام الخلول لب سوري في قراطيس مصاصة غريبة كده شكل مثلث واحيانا بيكون فيها قرش صاغ

على فكره الثقافه الى مبنى عليها قانون الجذب متغلغله جدا فى موروثاتنا الشعبيه و دايما بنتصرف وفقا ليه لكن من غير ما نحس مثلا فيه مثل شعبى دايما بيتقال للى بيستغرق فى الحزن بشكل مبالغ فيه او بيحزن و يتغم من اقل حاجه دايما يقولوله بلاش كتر الحزن الى عمال على بطال دا دا المثل بيقول (جروه بعود يجيلكم بعامود ) يعنى لو فضلتم تنكشوا عن الحزن بعود صغير هيجيلكم بما بمقدراه لو كنتك بتنكشوا بعامود كمان لو حد بيتمارض الكل لازم يقوله الحديث الشريف بتاع ( لا تتمارضوا فتمرضوا ) كمان فى المثل الجميل بتاع اضحك الدنيا تضحكلك و الاستشهاد بحديث تفائلوا بالخير تجدوه و الامثله كتيره جدا كل الاستخدامات دى للامثال او الاحاديث الشريفه او الاقوال الماثوره فى حياتنا اليوميه بتثبت ان احنا فعلا مؤمنين بان حاله الشخص النفسيه بتنعكس على حياته بشكل عام اى انه بيجذب لنفسه عن طريق الحاله الوجدانيه الى بيحط نفسه فيها و دا نفسه مبدا قانون الجذب لو نحينا المسميات جانبا و ركزنا بس على الفكره الاساسيه هنلاقى ان مفيش اختلاف كبير لكن لان الممارسات دى احنا بنمارسها يوميا بشكل عادى مبنخدش بالنا عن معانيها كل الى جد هو ان شخص معينا وقف مع نفسه شويه و اخد باله من الفكره فسماها باسم معين لكن هو لا اختراعها و لا حاجه الفكره نفسها موجوده من زمان جدا و الناس كلها بتتصرف وفقا ليها من غير حتى ما تشعر لكن التسميه و البلوره كانت لمجرد تسليط الضوء على شيىء موجود اصلا مش مستحدث تحياتى

هييييييييييه hypr::yahoo: و أنا بقى حأتدرب فيك على الانذارات و الحذف و اهو يبقى زيتنا في دقيقنا blw)

طااااااااااااااايب ولو انى كنت مأجلها .. بس طالما الموضوع وصل للعهدة والادراج إستنونى يا جدعان فى مذكراتى "كنت مشرفا" قريبا ان شاء الله وعليا وعلى الكل smk:

اهلا بيك اولا ثانيا تترجم الاوراق فى اى مكتب ترجمة معتمد لم يتم الغاء المقابلات فى سوريا انت وحظك تيجى فى سوريا او فى مصر ولكن الديلف ممكن يكون فيه مقابلة وممكن لا بعد الحصول عالفيزا ان شاء الله ممكن تدخل كندا من اى ولاية وتعيش فى اى مكان بس هتفقد مميزات كيبك لو دخلت من اى ولاية تانية كمان بيكون قدام سنة تقريبا من تاريخ المديكال تقدر تدخل كندا قبل ما تخلص السنة واى خدمة

بسم الله الرحمن الرحيم الاجابه ............ انا طبعا قصدي المراْه . المراْه مُدبره بطبعها (بالاضافه الى ان اللي بتوفره من مصروف البيت بتدكنه هيه) :P قصدي بتدكنه وتعينه لوقت الزنقه ;) وبصراحه الموضوع برضو بيرجع لتربيتها في بيت اهلها همه عودوها على ايه؟ التدبير وله الاسراف؟ لكن بوجه عام .المراْه لما بتتجوز وبتبقى مسؤله عن بيت وميزانيه وتكون بتحب بيتها وجوزها بتحاول توفر له لانها عارفه انه تعبان في القرش اللي بيجيبه ده ;)

بصراحه انا بدور لابنى عموره على حاجات تعليميه لان للاسفالحضانات بتاخد من سن 3 سنوات ونص ومش قبل كده والهدف مش الاستيعاب لا الهدف انه بيكون يعرف يروح البيبي لوحده وكده يعنى فقط على الرغم ان فى مصر بنت سلفتى كان عندها سنتين ونص ودخلت الحضانه وبسم الله ماشاء الله عليها ربنا يحفظها اللهم امين المهم انا شوفت الموقع ده اسمه بنين وبنات واد ايه انه موقع ممتاز كبدايه لذا حبيت اضعه بين ايديكم وتدعولى http://kids.islamweb.net/

حج مبرور وذنب بإذن الله تعالى مغفور و يارب يسر لى ولاسرتى الحج العام القادم

السلام عليكم و رحمة الله و بركاته استاذنا الغريب كنت بستمع من فترة حوار مع الاستاذ محمد هداية و كان بيتكلم ان الحج كمناسك بيبدأ بوقفة عرفة...لكن كرحلة إيمانية بيبدأ من لحظة النية نفسها و الله اعلم الشاهد من حوار استاذ هداية...هو الآية القرآنية "فمن فرض فيهن الحج فلا رفث و لا فسوق و لا جدال في الحج" أي ان من ينوي الحج بيفرضه علي نفسه اي يلزم نفسه به....و لكي يبلغ اجله...عليه ان يتلمس كل طاعة تقربه من غايته...و عليه فهو في حال الحاج من وقت ما نوي و عزم و الزم نفسه بالفريضة...فهو في رحلة نفسية ايمانية تبدا من وقت النية...و يختمها بمناسك الحج في وقته المعلوم و علي الله القبول و نسال الله ان يكتبها لحضرتك و لك مسلم و نسالك صالح الدعاء

السلام عليكم ورحمة الله وبركاته موضوع هايل وفي منتهي الاهمية .............. تسلم ايدك وبجد نصايح هايلة .......... بس المشكلة كل المشكلة في كيفية التطبيق ....... لأن دة كله كلام نظري لازم يطبق علي أرض الواقع طبعاً تطبيقه مش صعب ....... بس محتاج صبر ...... والصبر هنا لازم يكون م الطرفين أحلي حاجة في الحياه انها دايماً بتعلمنا ........ وتعليمها لينا بيكون عن طريق التجربة ....... يعني اني امر بموقف معين اتعلم منه .... فطبعاً اكتسب خبرة واتعلم التصرف السليم لو قابلني موقف مشابه طيب ليه قلنا الصبر ؟؟؟ علشان انا لازم امر بالموقف واتعلم منه ...... واحتمال الخطأ وارد جداً ..... خاصة لما تكوني بتتعاملي لأول مرة في حياتك مع شريك ليكي ف الحياه ؟ وكمان التعامل دة مش من فترة كبيرة ( طبعاً بتكلم عن اللي لسة بيبدئوا حياتهم ) بس كل الصبر ومنتهي الحب هو صبر الطرف الاخر .................. يعني لما تغلطي تلاقي شريكك صبور عليكي وبيقولك ايه اللي ضايقه وبيتناقش معاكي فيه ....... لأنه دايما بيلفت نظرك لحاجات انتي بطبعتك مش واخدة بالك منها .......... وطبعاً ماتقصديهاش لكن ضايقته ....... هنا الصبر بجد وهتحسي اد ايه هو فعلا بيحبك ........ حتى لو اتعصب واترفز ...... دة من خوفه عليكي يمكن بطبيعة الرجل هو الأكثر عصبية ......... علشان كدة مش لازم تقفي قدامه وقت العصبية دي انتي كمان لازم تتحملي اخطائه في المواقف اللي بيمر بيها لأول مرة .............. وابقي ناقشيه فيها ........ او اكتفي بس بلفت انتباهه بلطف الي التصرف اللي يرضيكي المشكلة ان كل واحد فينا بيتعامل مع الطرف الآخر لأول مرة ....... علشان كدة لازم ياخد فترة علشان يتعود علي ان فيه حد بيشاركه حياته والشخص دة مابيفكرش بنفس اسلوب تفكيره ولا نفس الدماغ البنت طول عمرها بتتعامل مع بنات اصحابها دماغهم قريبة اوي من بعض ....... طريقة تفكيرهم واحدة واسلوبهم واحد ..... وكل تعاملها مع الرجل بيبقي من خلال والدها او اخواتها الصبيان وطبعاً نطاق تعاملهم مختلف تماماً عن التعامل مع شريك حياتها .... لان والدها او اخواتها مش شركاء حياتها !!!!!!!!!!!!!!!!! وكذلك الشاب نفس الفكرة اول مرة يتعامل مع شريكة لحياته علشان كدة كل واحد له طريقة واسلوب في التفكير او الحياه لازم يحاول يعدلها شوية علشان تتناسب مع حياته الجديدة

لديك صديق ... إذن لا تحتاج إلى طبيب نفساني لديك صديق .... فأنت من الأغنياء لديك صديق ... أنت من المحظوظين أعتقد الشخص اللي عنده صديق حقيقي فعلا محظوظ الصديق اللي شايل همك بمعنى الكلمة وبيشاركك حزنك قبل فرحك زي ما بيقولوا "الصديق ... وقت الضيق" فعلا الانسان كائن اجتماعي مهما ظهر عنه صفات انطوائية بس في النهاية بيحن للناس ودفء وجوده بينهم في بيت شعر بيقول: تأبى الرماح إذا اجتمعن تكسرا وإذا افترقن تكسرت آحادا عزيزتي أغابي تقبلي مروري ... وتحياتي

طيب هى المرأة وصلت لرئاسة الوزراء وللا الرئاسة سنة كام .. عشان الاخوان المسلمين يعملوا كدة !! وغير المسلم آخره بقى وزير على حد معلوماتى المتواضعة .. لا شفته رئيس ولا شفته رئيس وزراء وبعدين غير المسلم لا فى وجود الاخوان ولا فى وجود الجن الاحمر هيوصل للرئاسة لان مصر مسلمة والمسلمين فيها أغلبية كاسحة .. لما يبقى يحكم أمريكا وللا المانيا وللا روسيا مسلم نبقى نفكر فى موضوع مسيحى يحكم مصر أنا ليا ملاحظات كتير على الاخوان المسلمين غير موضوع المرأة والمسيحين .. بس المرأة والمسيحيين هما السلاح اللى بيحارب بيه الاخوان عن نفسى أختار واحد يلتزم بالشرع ولا يخالفه عن انى أختار واحد فاسد ظالم

نحن لاننكر اهمية الصداقة فى حياة كل منا ولكن لماذا نحصر صداقتنا فى اطار معين الصداقة ليست مقصورة على اشخاص او افراد فكثيرين اضطرتهم ظروف السفر او الغربة لعدم وجود صداقة حقيقية فى حياتهم الا قليلا من المعارف فاختاروا الكتاب خير صديق حتى الانطوائيين يستطيعون اتخاذ الورقة والقلم ملاذا لهم لتعويض اى صداقة مفقودة وبعد ان اصبح العالم قرية صغيرة فالنت الان مكن الكثيرين من التواصل مع اصدقاءهم القدامى بل ايضا اصبح لاخرين بديلا عن صدقاتهم وقديما قالوا (الصديق مرآة لصديقه)

:give_rose:

شكراً على دعوتك، و جزاك الله خيراً أيضاً، نحن جميعاً نحاول أن نستفيد من هذا الموضوع و لذلك كل منا يطرح ما يراه، لا كمسلمات أو أمر غير قابل للمعارضة، لا ... البتة :happy: لكن فعلاً الموضوع جديد و يحتاج للغربلة من قبلنا كمتلقيين له. بخصوص محاولتي تلخيص ما اراه غير متوافق مع مفاهيمنا فأقوم به لخدمة نفسي اولاً، ثم من يقرأ الموضوع و لا أظن أن الأخوة الأعضاء بالمحاورات غير قادرين على نفس التحليل بل أظن أن هناك الكثير ممن لديه الكثير ليدلي به في هذا الموضوع و أنا أشهد أن الجميع هنا ما شاء الله على المستوى و أكثر، لكن نحن نناقش للوصول لرؤية أوضح فقط، لنستفيد نحن أولاً ، المتناقشون هم أول من يستفيدون من النقاش، كمان لا تنسي أن المنتدى يشاهده العالم كله و ليس أعضائه فقط..صح؟ فربما انتفع بالتحليل أحدهم. و حيث أن موضوع "قانون الجذب" جديد، و أن المادة المرئية و المسموعة ، و المقروءة تحتاج لوقت طويل قد يصعب على الجميع توفيره. فالتحليل يساعد الجميع و ربما يشجع من لم يشاهد المواد على الاطلاع عليها فيثري الموضوع برأيه و هو المطلوب. تقبلي تقديري :flr1:

درست في كتب مماثلة .. لم تكن نفسها .. ولكنها كانت بنفس الروح قبل ذلك ببضع سنوات كانت الشخصيات هي .. سوسن ونصر .. ثم عادل وسعاد .. ومنصور .. مش فاكر كويس .. ولكنها كانت بنفس الروح .. بمناسبة طابور الصباح .. كنت باحكي لابني على إننا كنا بنقف طابور الصباح كل يوم في المدرسة .. وإننا كنا بنحيي العلم .. وكان فيه كام نشيد وطني لازم نقولهم كل يوم . وكانت هناك الإذاعة المدرسية في طابور الصباح الذي كان يستمر قرابة ساعة إلا ربع تقريباً .. يعني حصة كاملة .. وكانت تلك الإذاعة المدرسية يقدمها التلاميذ .. ويكتب الموهوبون منهم موضوعات تعبيرية ليلقوها على زملائهم في الصباح .. وكان لها تحضير .. وإعداد .. وكانت هناك جماعة الخطابة .. وفيها كنا نتعلم كيفية الإلقاء على العموم ... ببساطة وبدون تعقيدات .. ولكنها كلها كانت أمور تتم بمنتهى الجدية والحزم .. أتذكر وأنا في الصف الخامس الإبتدائي ... كان صوتي قوياً .. ووقتها كنت أقوم بتحية العلم في طابور الصباح .. وكنت أقول بعض العبارات قبل تحية العلم .. وبالطبع كانت تقال من الذاكرة .. وكان في أول يوم أقول تلك العبارات ... وأخطأت في التشكيل وأنا ألقيها .... فلامني ناظر المدرسة .. وشعرت بإحراج شديد .. وكان ذلك حافزاً لي لأن أتدرب عليها جيداً حتى لا أخطئ فيها أبداً مستقبلاً .. وقد كان .. أيضاً كان هناك مايسمى بالقسم المخصوص .. وهذا القسم المخصوص كان عبارة عن مجموعة من التلاميذ يختارون ليتدربوا على عروض استعراضية .. تتم في الإستاد في مدينة بورسعيد في إحتفالات عيد النصر في ديسمبر .. وكانوا يتدربون عليها كثيراً .. وكان التلاميذ يتجمعون من كل مدارس بورسعيد .. ويتم تدريبهم على الحركات والاستعراضات .. ليقوموا بتك الاستعراضات في هذا اليوم الجميل .. ذكريات رائعة .. عن زمن كانت فيه المدرسة مؤسسة تختلف كثيراً عن مايطلق عليه مدرسة في زمننا الحالي .. نشأنا وتعلمنا الكثير في تلك المؤسسات الرائعة (المدارس الحكومية) ... وبرغم ما كنا نعاني من أزمات إقتصادية .. وحرمان كبير مقارنة بما يحطى به الأطفال والتلاميذ اليوم .. إلا أننا كنا نتعلم .. كانت هناك قيمة هامة جداً .. مغروسة في وجدان كل واحد منا .. وكان أهلنا يرردونها على أسماعنا حتى لا ننساها أو نتناساها ، وحتى لا نغفل عنها .. التعليم والنجاح .. هو الباب الوحيد الذي ينقلك من مستوى إلى مستوى آخر .. التعليم هو الذي يضيف لك القيمة .. إذا تعلمت جيداً .. سيمكنك أن تنتقل من فئة إقتصادية أو إجتماعية إلى فئة أخرى .. قيم كثيرة جميلة جداً تعلمناها في تلك الأيام .... يالها من ذكريات جميلة .. تشحن لنا همتنا من جديد

أعرف رجلا يبذل نفسه لاسعاد الآخرين بكل الحب وبمنتهى الانكار للذات يستصغر أي عمل يقوم به لخدمة من حوله... ويستنكر أي كلمة شكر يعتقد أن هذا واجبه وكأنه حمل على عاتقه محاولة اسعاد الناس جميعا أعرفه وأرى فيه انكار الذات في ابلغ صوره بشكل يجعلني أشفق عليه وأتمنى أن يشفق على نفسه... ولا أتردد أن أنصحه بذلك في كل المناسبات ولكن هيهات لا يتوقف النهر العذب عن الجريان لا يتوقف عن أن يمنح الحياة والخير لكل من يمر عليهم أحمد الله أن منحني هذا الأخ العظيم أعرف امرأة تحمل كل معاني الحنان الطيبة والتدين وخشية الله في السر والعلانية أعرفها وكلما رأيتها تصلي ولمست خشوعها ورأيت كيف تعطي صلاتها كل هذا الاهتمام أشعر بمدى ضآلتي وتقصيري في حق خالقي أتعلم منها كل يوم ... وأزداد لها حبا وتقديرا وأحمد الله أن منحني أختا مثلها أخي الحبيب وأختي الغالية دمتم لنا بكل الصحة والسعادة ودام لنا أبي وأمي السراج الذي أضاء لنا حياتنا ومنحوني أخوة وأخوات أثلجوا صدري وملؤا قلبي بالأمان أحبكم

في الثلاثينيات من القرن الماضي التحق طالب جديد بكلية الزراعة في إحدى الجامعات العربية ، وعندما حان وقت الصلاة بحث عن مكان ليصلي فيه فأخبروه أنه لا يوجد مكان للصلاة في الكلية إلا في غرفة صغيرة (قبو) تحت الأرض ممكن أن يصلي فيه….. ذهب الطالب إلى الغرفة تحت الأرض وهو مستغرب من الناس في الكلية لعدم اهتمامهم بموضوع الصلاة ؟ … دخل الغرفة فوجد فيها حصيرا قديما وكانت غرفة غير مرتبة ولا نظيفة ، ووجد عاملا يصلي ، فسأله الطالب مندهشا : هل تصلي هنا ؟ فأجاب: نعم.. لا أحد يصلي هنا غيري !. فقال الطالب بكل شموخ وعزة : أما أنا فلا أصلي تحت الأرض.. وخرج من القبو إلى أعلى ، وبحث عن أكثر الأماكن بروزا في الكلية ووقف وأذَّن للصلاة بأعلى صوته.. يا لروعة المشهد وعظم المشاعر….. تفاجأ الجميعُ وأخذ الطلاب يضحكون عليه ويشيرون إليه بأيديهم ويتهمونه بالجنون …. لم يبالِ بهم ، جلس قليلا ثم نهض وأقام الصلاة وطفق يصلي وكأنه لا يوجد أحد حوله !.. صلى وحده.. يوما.. يومين.. الحال لم يتغير.. الطلابُ يضحكون ويتغامزون. حصل تغيرٌ مفاجئ.. العامل الذي كان يصلي في القبو خرج وصلى معه.. ثم أصبحوا أربعة وبعد أسبوع صلى معهم أستاذ.. الجميع سمع بالخبر ، استدعى العميد هذا الطالب وقال له: لا يليق هذا.. أنتم تصلون في وسط الكلية.. سنبني لكم مسجداً في مكان مناسب , غرفة نظيفة مرتبة يصلي فيها من يشاء وقت الصلاة….. وهكذا بُني أول مسجد في الكلية . ولم يتوقف الأمر عند ذلك ، فطلاب باقي الكليات أحسوا بالغيرة وقالوا: لماذا هؤلاء عندهم مسجد ونحن لا ؟ فبُني مسجد في كل كلية في الجامعة. إن حياة الرتابة والتثاؤب مملة , بل قاتلة , حين يظل طلب النفيس مفقوداً ، والرغبة في كسر عاداتنا السيئة معدوما , وحين يعيش الواحد كالهمج الرعاع يكفيه من الدنيا ملبس ومطعم . يقول د. مصطفى السباعي « كم عظيم هزم الجيوش ، وهزمته عادةسيئة ». وقال كذلك: « أقسى أنواع الاستعمار : استعمار العادة للإنسان » …. فالبعض تبرمج منذ الصغر على أن يتصرف بطريقة عقيمة ويعتقد اعتقادات باطلة ، ويشعر بأحاسيس سلبية معينة ، واستمر في حياته بنفس التصرفات والاعتقادات وأصبح سجينا في برمجته السلبية , التي تحد من حصوله على ما يستحق في الحياة بأن يعيشها فيما يرضى الله ومجتمعه ووطنه بل وأمته إن خير ما يقوم به الإنسان نحو نفسه هو أن يروِّضها على العمل البناء ، ويدربها على الشجاعة الإيجابية ، وأن لا يجعلها ألعوبة تتقاذفها أمواج العادات السيئة والتقاليد العقيمة ، وأن يضعها في المكان اللائق بها…. وقد يجد ذوي النفوس الضعيفة صعوبة في تدريب أنفسهم على هذه الفضائل ؛ ولكن ليعلموا أنه لا سعادة لهم بغيرها ، فإن كان ظاهرها العذاب فباطنها الرحمة ….. فلا تيأس من نفسك لأن التغيير قد يكون بطيئا والعقبات لاشك موجودة ولكن قدراتك وحسن ثقتك بربك أولاً ثم بنفسك سوف تنسف كل عقبة , وكيف لا وقد قال الحبيب  ( إنما العلم بالتعلم , والحلم بالتحلم ، ومن يتحر الخير يعطه ، ومن يتوق الشر يوقه ) [صحيح الجامع 2328 ] من هنا نبدأ • إن العالم الذي نعيشه في الداخل وليس في الخارج … ليكن لديك الإيمان العميق بأن لك هدفا وغاية في هذه الدنيا ، وليكن لديك الإيمان بأنك قادر على صنع التغيير وتحقيق الهدف • يحكى أن ملكا كان يحكم دولة واسعة جدا. فقام يوما برحلة برية طويلة. وخلال عودته وجد أن أقدامه تورمت لكثرة ما مشى في الطرق الوعرة ، فأصدر مرسوما يقضي بتغطية كل شوارع المملكة بالجلد . ولكن أحد مستشاريه أشار عليه برأي أفضل ، وهو عمل قطعة جلد صغيرة تحت قدمي الملك فقط . فكانت هذه بداية انتعال الأحذية .فإذا أردت أن تعيش سعيدا فلا تحاول تغيير العالم كله ، فلن تستطيع ، وابدأ التغيير في نفسك . ومن ثَم حاول التغيير فيما حولك ما استطعت • قرر ما تريد تغيره بالضبط … فالفرصة الخاصة بالتغير لا يمكن أن تتواجد إلا في وقتك الحاضر ، وهذا يعني أن ترى بوضوح أين توجد الآن وفي هذه اللحظة. لا تخفِ نفسك بعيدًا عن الحقيقة الراهنة، فإذا كانت هناك بعض المظاهر التي لا تعجبك، فبوسعك أن تبدأ بتخطيط كيفية تغييرها، لكنك لو تظاهرت بعدم وجودها فلن تقوم بتغييرها أبدًا، ولذا فكن صريحًا مع نفسك منصفًا في رؤيتك لها على وضعها الحالي. • اربط الألم بعدم التغيير والمتعة بالتغيير , كما لو نصحك طبيب - مثلاً - بعدم أكل طعام معين من أجل زوال المرض الذي تعاني منه ، فإن قرارك بعدم الأكل عندما تربطه بألم المرض فإنه يساعدك كثيرا على الالتزام به . لذلك تخيل نفسك بعد تغلبك على المشكلة ومتعتك بحياتك الجديدة يساعدك في تغيير تلك العادة السيئة . • عند اتخاذ قرار التغيير استخدم كل قدراتك من أجلإنجاح هذا القرار، فالذبابة – مثلا - التي تريد أن تخرج من الشباك وهو مغلق , تطير فتصطدم بالزجاج ، وتطير مرة أخرى فتصطدم بالزجاج وهكذا تكرر محاولاتها فتفشل ،ولو أنها غيرت مسارها لخرجت من الباب أو الشباك الآخر ، وهكذا بعض الناس في عمليةالتغيير، يريدون تغيير أنفسهم بإتباع طريقة واحدة ، ولا يستخدمون كل قدراتهم ،ويقولون: لا فائدة من التغيير . • ابتكر بديلاً جديداً يمنحك القوة , كمن يريد مثلا أن يقلع عن التدخين فليحل محله الرياضة حتى يحافظ على الشعور بالمتعة . • كرر النمط الجديد ليصبح عادة , ومن ثم تحل العادة الحسنة محل العادة السيئة ، وكافئ نفسك عند كل انتصار ، ولنضرب مثلاً باللاعب المشهور في كرة السلة بمدينة بوسطن الأمريكية … «لاري بيرد» والذي كان يصيب في كل رمية ،فأرادت إحدى الشركات أن تسجله في لقطة إعلانية وهو يرمي الكرة ولا يصيب الهدف بها ، وظل يتدرب مراراً حتى يتعلم الخطأ لأنه تعود على إصابة الهدف , حتى تبرمج على ذلك . • اختبر نفسك فيما أنجزته وأوجد لك بيئة تغيير … وهذه قضية مهمة جداً لأن الإنسان يتأثر بمن حوله، وهذا تأكيداً للحديث المشهور في الرجل الذي قتل تسعة وتسعين نفساً ، وكيف أنه أخذا بنصيحة العالم في تغيير أرضه السوء التي يقيم بها فقبل الله توبته • من الخطأ أن تسمح للماضي أن يكون سجنًا لك ، ولذلك فإن التغيير المثمر يكون بالمضي بخفة بعيدًا عن الماضي . فالماضي يمثل لك بنكا للمعلومات والخبرات يمكنك أن تتعلم منه ، لكنه ليس بالبئر الذي يسقطك في داخله . فخذ ما تشاء من الماضي من فوائد وخبرات ومعلومات ، لكن إياك أن تعيش فيه د/ خالد سعد النجار مقال جميل ومفيد

*أعرف رجلا يحترف الصاق انانيته بالنصوص الدينية عنوة وبهتانا... ليخرس كل فم ويكسر كل قلم و(قدم) ينتمي لحاملات تاء التأنيث العجيب انني أعرف امرأة أكثر ملكية من الملك...فهي تذعن تماما لفكره وتهاجم منتقديه بشراسة أكثر منه! *أعرف رجلا تحوّل تماما الى ظلّ افتراضي بارادته..فهو أدمن استخدام ذلك الأيقون الذي يخرج نارا من فمه.. للتعبير -بضمير مستريح ودون ازعاج للسلطات-عن جام ثورته... *أعرف امرأة تفقد بوصلتها تماما إن نأى (الآخرون)عن محيطها ...فمنذ نعومة أظفارها تمت برمجتها على السير بمحاذاة خط واحد لا حياد عنه..بشرط ان يكون راسموه دوما (هم)

توبيك رائع يابشمهندسة احب اضيف شئ بسيط ان معظم المشاكل تحدث بسبب ضغوطات الحياة المختلفة على الطرفين زوج وزوجة واكثر الزوج بسبب ظروف العمل وكثرة تعاملاته خارج المنزل فاعتقد بتنازل بسيط من المراة ممكن تلافى اشتعال حرب ضروس لسبب تافه كما ذكرتى حضرتك لمجرد التنفيس عن هذه الضغوطات وللاسف لاتكن الا مع شريك الحياة لكن شئ من حرص كل منهم على مشاعر الاخر بيكون مفعول السحر لتجنب اى مشكلة كذلك شئ مهم يغفل عنه كثير من الازواج ان معظم النساء يسعدون بالخروج معهن فى نزهات ولو على فترات لتغيير رتم الحياة الممل وتجديد النشاط وتحسين المزاج وليس ضروريا بمصاريف كبيرة او عزومات كما يعتقد الرجال ولكن مجرد تمشية على كورنيش نيل او بحر او حتى حديقة بسيطة بالدنيا ومافيها بدلا من تفضيله خروجه مع اصدقاءه وتركها وحيدة باولادها فى المنزل وهو يحسن مزاجه بعيد عنهم اعتقد بسمة الرجل وهو داخل على اهل بيته بدل تجهمه يساعد كثيرا على طرد الكآبة والمشاحنات من المنزل لان السعادة والبهجة عدوى وكذلك الكآبة والتافف فياريت كل واحد يخلع وجهه العبوس على باب الشقة قبل دخوله وحيشوف الفرق كبير قد ايه

السلام عليكم السادة والسيدات اعضاء محاورات المصريين ضمن فعاليات لقاء أعضاء المحاورات فرع الكويت تم تنظيم اللقاء الأول في قرية المسيلة المائية وكان يوما أقل وصف يطلق عليه رووووووعة وكان لقاء ثري بشخصيات مرموقة وعلى مستوى عالي من الذوق بالطبع لا استطيع أن أوفي ماما قلب ابيض وزوجها الدكتور محمود حقهم مهما تحدثت عنهم وعن روحهم الجميلة وهي معروفة للجميع فهي أم للجميع طبعا اقصد اللي مواليدهم بعد سنة 80 اما مواليد السبعينات فهي اخت كبيرة لهم في المقام طبعا والدكتور محمود مجرد الجلوس بجانبه استفادة علمية وكما وصفه أخي سمبا فهو شخص رائع وحبوب بكل المقاييس وأبناءهم وبناتهم انعكس عليهم اخلاق ابويهم في تربيتهم فهم لا يختلفون عنهم في ذوقهم ومرحهم ورقيهم أما أخي الكبير سمبا فهو انسان هادئ رزين ومن يراه يشعر معه بألفة غريبة يعني الواحد يحس بأنه يعرفه من زمان انسان ذوق ومحترم بس كان بيشرب سجارة بني مش البني اللي تغنى بها مطرب البني انما سجارة راقية تحيتي لك يا سمبا التقينا ايضا بنجم من نجوم المنتدى وهو اتش درويش وأحمد الله ان اللقاء تم في هذه الفترة التي تزامنت مع وجوده في الكويت بالرغم من صغر سنه الا ان عقله أكبر بكثيير وانا شخصيا تمنيت ان اتقابل معه وكنت قد ذكرت ذلك له منذ عام تقريبا ولكن اللقا نصيب وأنار اللقاء ايضا أخونا العزيز سامح مجدي واسرته الكريمة وهو لا يختلف في دماثة أخلاقه عن سمبا وحسن درويش وهو شاب هادئ محترم ومثقف ولديه روح دعابة عالية وسرعان ما اندمج مع الدكتور محمود تحياتي لكم جميعا وعليه تم التوصل الى مشروع قرار للقاء الثاني تحت شعار يا مفسخاتي ... نور حياتي وحيث ان الفسيخ كان هو رمز الملتقى الثاني وبالرغم من عدم التوافق بيني شخصيا وبين الفسيخ وكذلك بعض الاعضاء فقد قررت ام اسلام اللي هي قلب ابيض ان يكون هناك بديل لأعداء الفسيخ وعلى فكرة احنا بعتنا فرقة مننا لشاطئ العقيلة علشان نسيطر على كل الحدود البحرية وان شاء الله نحاول نتفق على اللقاء في العقيلة علشان اخواننا سكان المنطقة العاشرة يقدروا يتجمعوا معانا في النهاية احب اوجه كلامي لمن تخلف عن حضور اللقاء انت الخسران بس يمكنك انك تلحق الركب بالحضور في اللقاء الثاني وبصراحة نفسي اطلع لساني للأخوة الأعداء ارحب بأختنا لماضة والبيت بيتك وتدخلي وتخرجي في اي وقت

السلام عليكم ,, وجمعه مباركه عليكم معلش سؤال انا عارف انه رخم tth: ليه كنتي متاكده بالشكل ده ؟ سؤالك ليس فيه أى نوع من أنواع الرخامة وأستطيع أن أجيبك عليه ياسيدى المعمارى : هذا المنتدى .. يعج بالفضليات والأفاضل الأكفاء لحمل المسؤولية .. وقد جاء ذكر إحداهن فى مداخلة الدكتورة .. "السيدة الفاضلة لولا" .. ولها من الخصائص مما هو لدى كثير من سيدات هذا المنتدى الراقى .. سعة أفق .. رجاحة عقل .. قدرة على كظم الغيظ .. حُسن وطلاوة فى التعبير .. عدم التعالى (حتى بالإيمان الذى لا يعلمه إلا الله) .. والكثير من الخصائص التى تتمتع بها سيدات هذا المنتدى .. وإن كانت السيدة الفاضلة "لولا" قد فضلت أن تعود إلى جوار أخواتها الفضليات لتكون أكثر تحررا فى التعبير عن ذاتها .. فهذا اختيار ليس أمام أى أحد إلا أن يحترمه وينحنى أمامه .. ربما أرادت الدكتورة أن توضح أن اختيار السيدة الفاضلة "مصرية متغربة" جاء تأكيدا لاستمرار معايير الاختيار .. وأسمح لنفسى هاهنا أن أتكلم بلسان فريق الإشراف .. فريق الإشراف ليسوا خياركم .. ففيكم من هم خير منهم .. ولكن بالتأكيد هم يحتاجون إلى دعمكم لهم لتحقيق هدفكم وهدفهم الأول وهو توفير الجو المناسب لأفكاركم النبيلة لكى تظهر على صفحات المنتدى بدون مصادرة أو إرهاب لأى فكر أو رأى في إطار من ضوابط منطقية للمشاركة وافقنا جميعا عليها

عَنْ حُذَيْفَةَ ( قَالَ: قَالَ رَسُولُ اللَّهِ صلى الله عليه وسلم : ((تَلَقَّتْ الْمَلَائِكَةُ رُوحَ رَجُلٍ مِمَّنْ كَانَ قَبْلَكُمْ فَقَالُوا: أَعَمِلْتَ مِنْ الْخَيْرِ شَيْئًا؟ قَالَ: لَا، قَالُوا: تَذَكَّرْ. قَالَ: كُنْتُ أُدَايِنُ النَّاسَ فَآمُرُ فِتْيَانِي أَنْ يُنْظِرُوا الْمُعْسِرَ وَيَتَجَوَّزُوا عَنْ الْمُوسِرِ قَالَ: قَالَ اللَّهُ عَزَّ وَجَلّ:َ تَجَوَّزُوا عَنْهُ)).

بغض النظر عن مدى اقتناعي بالبرادعي .. لكني لا أرى إطلاقا إنه "خاف"! إطلاقا! في واقع الأمر .. سلوك المصريين في انتظار الفدائي اللي مستعد للاعتقال والسجن والمعاناة كما يحدث لكل الأبطال الشعبيين في الحواديت في الحقيقة هو الشيء الوحيد اللي جعل البرادعي يتوقف .. البرادعي مش مستعد يضحي عشان لامؤاخذة ناس متستاهلش! هو قالها صريحة .. أيها المجتمع أنا لي دور .. هاعمله .. ثم أرمي الكرة في ملعبكم .. والله مستعدين تعملوا إنتم كمان الدور اللي عليكم يبقى خلصوا وارمولي الكورة عشان أكمل دوري .. بس .. ووقفنا عند النقطة دي .. الراجل ماغلطش نهائي .. والناس أساسا مبسوطين كده بس بيستعبطوا وبيقولي احنا قرفانين .. أساسا أساسا المشكلة هي الناس .. المجتمع .. كل واحد فيه وحش وعايز يلطش ويجري .. كل واحد بتاع مصلحته وسبوبته وبس .. هو ده المشكلة .. حتة إن يبقى فيه عصيان أو تغيير أو أو لن يغير من الأمر شيء .. المجتمع الفاسد سيحافظ على الوضع كما هو .. لو كانت الثورة على الوضع تضمن تحوله للأفضل كان البرادعي كمل .. وقبل إنه يبقى الفدائي .. لكن اللي ليهم مصالح هم اللي هيحركوا كل شيء بظاهر بريء ثم تعاد الكرّة والمجتمع مستعد جدا بل وسعيد إن الكرّة تعاد لأنه خلاص اتعود إنه يبقى بتاع مصالح وسبوبة .. وأي إدّعاء غير ذلك لا يغير من الحقيقة دي أكتر من ظاهر الادعاء الزائف .. المهم بلاش نقول على البرادعي إنه خاف .. البرادعي راجل .. والراجل قال .. أنا مش جاي ألعب ولا أنا فاضي زيكم .. أنا جاي أشتغل صح .. اضغطوا لتغير الدستور .. أنا مش هنا لغاية ما تعملوا كده .. المجتمع مش مستعد بقى يضحي عشان يضغط من أجل تغير الدستور .. فين الخوف اللي هنا! هو يعني لو اتسجن كان الدستور هيتغير! كتير مننا أصحاب مصالح وبنسعى بكل ما أوتينا من قوة في بقاء الوضع النفعي اللي عايشين فيه لكننا فقط بوعي أو بلا وعي ندعي غير ذلك .. وأي تغيير إذا لم يعمل على إجبار الناس بالقوة بل وممكن كمان بالقهر ليتوقفوا عن التفكير والسلوك النفعي الفردي السبوبي لن يكون لهذا التغيير أي مردود .. لأن كل الوحشين هيظهروا في وجوه جديدة بعد التغيير اللي هنموت عليه .. لازم نعترف إن جزء كبير جدا من المجتمع ناس منتفعين ووصوليين وبتوع مصالح ولا يهمهم سوى رؤية أي حد يكون الفدائي إلا لو الحد ده أنفسهم أو مصالحهم .. هذا مجتمع يستاهل أكتر بكتير مما هو فيه .. وأنا لست حزينا على وضعه .. بس :)

(2) ماجاء فى تصحيح العقيدة ............................ حديث يسب ابن ادم الدهر حدثنا الحميدى حدثنا الزهرى عن سعيد ابن المسيب عن ابى هريرة رضى الله عنه قال : قال رسول الله صلى الله عليه وسلم :قال الله عز وجل : ( يوذينى ابن ادم يسب الدهر وانا الدهر بيدى الامر اقلب اليل والنهار )

هعتبرك بتتكلمي جد ياجويرية وبتطرحي حل لمشكلة المواصلات توصلتي ليه بعد " تفكير " .. ومن المبدأ ده اقولك بثقة الفكرة فاشلة وغير قابلة للتطبيق في مصر ببساطه شديده لاننا نعاني من ازمه في قطاع الزراعه عموما وفي العلف الحيواني على وجه الخصوص .. حزمه البرسيم الي مستهونة بثمنها دلوقت لو تم تطبيق الحل الخاص بالبديل الحيواني في المواصلات هتقفز لتجاوز سعر لتر البنزين الي بتصرخي من سعره النهرده .. مش هنلاقي برسيم نأكل ( مواصلاتنا ) وفوق عن انه هيستهلك ميزانيتنا مش هنلاقي اكل لنا احنا شخصيا لما المزارعين يتجهوا لزراعه ( وقود ) الحمير بدال ( علف ) البني آدمين .. يعني مش هنوفر في فلوس الوقود فوقها مش هنلاقي ناكل كمان .. من الآخر .. متفعش ياجويرية .. فكري في حاجه تانية .

لو سمحتو يا جماعه انا معروض عليا شغل خاص بس هيعملي انا بس التاشيرة وزوجي طبيب جايلو عقد في مستشغى تشغيل ذاتي (حكومة يعني مكتب التوظيف هما اللى اتصلو وقالو المستشفى هتبعت التاشيرة وهيروح هوا يستلمها من مكتب التوظيف) المهم البمكتب بتاعي قالي حاجه غريبة ان مكتب التوظيف ممكن مايرضاش ييوافق ان زوجي يعمل للاطفال)تلات سنوات وسنتين( تاشيرة علشان نسافر سوا وقال ان لو هوا يقدمي انا والاطفال ممكن بس الاطفال لوحدهم لا للعلم كل واحد فينا احنا الاربعه له جواز مستقل لوحده فانا معرفش الكلام ده صحولا غلط يعنى ممكن فعلا يرفضوا يعملو تاشيرا للاطفال ولا ايه؟ ارجووكم ساعدوني لو تقدروا لان مكتب التوظيف قافل لحد العيد والمكتب يتاعي عاوزني ابدا في الاجراءات بسرعه جدا ده حتى عاوزني اقدم من دلوقت واخلص التحاليل والمعامل واسافر بعد العيد بس طبعا لو في مشكلة في سفر الاطفال معايا انا هلغي العقد اصلا وللعلم ربنا اراد في العقدج ده بس جالي بعد انتظار عمل اربع سنين محاولات بمعني انه لن يتكرر مش لانه عقدفظيع الحمد لله بس مافيش شغل للصيادلة السيدات في السعودية لذلك ستكون صعوبة علينا اننا نلغيه وطبعا مستحيل اني امش والاطفال يجوا بعدي انا وزوجي باي حال من الاحوال ارجوكم لا تبخلو علينا بالمعلومات ارجوكم وجزيتم خيرا ان شاء الله

يااستاذ noname سيدي الغربة قرار اختياري مش اجباري معرفش انت بقالك اد ايه ف الكويت لكن عن خبرتي المتواضعه من وانا صغير ف الكويت شوفت ناس كل سنة تقولده اخر سنه وملعون ابو الغربة وف الاخر 34 سنة ف الكويت سيدي اكيد كل واحد مننا له مبرراته ف اختيار الغربة كحل يعني لا اعتقد ان لو توفر البديل المناسب هتتغرب وع فكرة اذا كانت ف الاول فلوس فشوية وهتلاقينفسكبتتكلم ع مستوى معيشة طبعا ممكن الكويت حلو ف نظرحد ووحشه ف نظرغيرهع زي مصر ما اظنش ان سكان مصر اللي ف القطامية هايتس ومارينا عندهم مشاكل زي حضراتنا سيدي مشكلة مصر الكبرى عدم تكافؤ الفرص وضياع حقوق كثير وانتشار الرشوة والمحسوبية والكويت وي بلد عربي فيها كده لكن انا يهمني بلدي واللي عاوز اشوفها احسن بلد سيدي فكرة الزواج اللي بيدفع فيه فلوس فكرة كمشروع غير الكويتي بيدفع فلوس لمصالح بتطلع من وراه زيه بالظبط لما بيدفع فلوس للكفيل مقابل استمرار عمله ف الكويت اوالسعوديه وزي ما شباب كتير بيروح عشان يبيع نسه لواحده عجوزة ف شرم الشيخ او الغردقة ويا اخي العزيز لا داعي لتجريح ف اي ناس ليس اكثرمن انهم ينتموا لبلد فتحت فرص للكثير مننا ولا اكون مبالغا ف ان الجميع استفاد ع الاقل ماديا وكما ذكرت الغربة اختياريه لم يجء شخص الى مصر واختطفناونحن مخدرين واتى بنا الى ارض الجحيم الكويت take it or leave it