لوحة القادة

الصورة دى ياجماعة عندى من فترة طويلة بس حبيت احطها يمكن محدش شافها قبل كده انا بصراحه دورت ليكون حد نزلها قبل كده وتقريبا ملقتش على قد علمى عموما بس انا عاوز اخد رايكم فيها والجدع اللى هايطلعنى انا مين فيهم :P

إزيكو يا جماعه ؟ ....... واحشنى كتيييييييييير و سامحونى على عدم المشاركه لفترة طويله لظروف معينه عاوز ابارك لكل الناس اللى تعبو و نجحو فى المقابله :flr1: دون كاملو و د/هارفى و مايكل و جوجو ودودو و عمانوئيل و اخيرا روك و خائف و تهانى وتامر و بصراحه ارفع القبعه للدكتور صيدلى كندى :hi: ... الراجل ده بجد من الناس المحترمة جدا وانا متأكد انو هينجح المرة الجايه انشاءالله بس عارفين ليه بارفعلو القبعه ؟؟؟ الراجل ده اول واحد تقريبا فى تاريخ المحاورات ربنا ميوفقوش فى المقابله و يدخل فى نفس اليوم يحكى مقابلته بالتفصيل .... بصراحه مشفتهاش قبل كده عشان كده انا متأكد ان ربنا هيباركله بس شفت العكس كتير اوى .. ناس استفادت استفاده رهيبه من المنتدى و بعد مينجح ممكن يحن علينا و يقول انو نجح هييييييه و شكرا للمنتدى هيييييييييه و الناس اللى ساعدونى هييييييييييه طب ياعم فين المقابله بتاعتك متحكى عشان الناس تستفاد زى منتا استفدت .. اه حاضر من عينيا ...انا دخلت سلمت على المستشار و كان راجل محترم اوى و سألنى عن شغلى و عيلتى و عاوز تروح كيبك ليه و فى الاخر سلم عليا و ادانى السى اس كيو وهيييييييييه ....و معنتش تشوف وشه فى المنتدى تانى يا جماعه مش كده المنتدى يستحق منكم اكتر من كده ارجوكو حافظو عليه عشان اخواتكو و قرايبكو و اصحابكو لما يحتاجوه يلاقوه و تبقو عملتم فيهم خدمة العمر لما يدخلو و يلاقو كنز المعلومات و المقابلات اللى الناس ممكن تدفع فيه الاف الجنيهات و برضو محدش هيديهولهم بالقوه دى و يفضل المنتدى اسره تكبر و تكبر مع الايام مفيش فيها غير الحب و التعاون و الاحترام و العلاقات الانسانيه الراقيه hg):: اللى للأسف معدتش موجوده فى الحياه وده اللى بيخلى الناس تدخل على المنتدى و تحب التواجد فيه و تحس الروح الجميله اللى فيه حتى لو مشاركتش بيجيلها يوم من الايام تحس انهالازم تكتب و تشارك دى دعوه منى للاهتمام بالمنتدى و المحافظه عليه لأن باختصار محدش هيلاقى مكان فيه كل الحاجات اللى قولت عليها دى غير هنا و هنكمل انشاءالله فى كندا... و الشكر كل الشكر للدكتوره ملوكه :ok: انها عملت التوبيك ده وكفايه انى اقولها ان كل واحد بيستفاد من التوبيك ده كلمه انتى ربنا بيكافئك عليه و لسه هيكافئك كمان اخيرا بادعى لكل الناس اللى لسه داخله المقابلات بالتوفيق انشاءالله

البقاء لله إنا لله إنا إليه راجعون الموت يا أخي له مفهوم خاص جدا من قرابة العام أحسست بنفس شعور حضرتك لوفاة زوج صديقتي فجأة تاركا زوجة شابة و ثلاثة أبناء بل انني قدرا عرفت قبلها حيث كانت معنا في المستشفى تنتظر أن يخبرها أحد أنه بخير حيث نقلته الاسعاف إلى الطوارئ كنت معها لم أتركها جلست مع أطفالها نضحك والعزاء يتم التجهيز له لن أنسى حالة الأبناء عندما آن الآوان لإخبارهم أن والدهم توفى و أنه لن يأتي للمنزل حيث كانوا ينتظرونه و كلما دق جرس الهاتف توقعوا أنه والدهم لقد عشت معهم المآساة و دعوني أقل أنني عشتها أكثر منهم تساءلت كثيرا عن فقدان الأحبة و عن لوعة الفراق و قسوة الموت و لم أجد إجابة شافية حتى أخبرتني بها صديقة أخرى و هي : أن الانسان يموت عندما ينتهي دوره في الحياة فكرت كثيرا بهذه الجملة و تذكرت والدي رحمه الله لقد توفي قبل أن أتزوج و لقد حز في نفسي كثيرا وقتها أنه مات قبل أن يسلمني بيديه لزوجي و قبل أن يرى أطفالي مرت سنوات و أحداث كلها كانت تؤكد أنه كان من الحكمة عدم تواجد والدي فيها رحمة من ربه عليه رحمه الله {كُتِبَ عَلَيْكُمُ الْقِتَالُ وَهُوَ كُرْهٌ لَّكُمْ وَعَسَى أَن تَكْرَهُواْ شَيْئاً وَهُوَ خَيْرٌ لَّكُمْ وَعَسَى أَن تُحِبُّواْ شَيْئاً وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ }البقرة216 من العبث أن نتصور أن فلان مات و لازال لديه الكثير ليفعله لقد مات لأنه لم يعد لديه ما يفعله

فى راى معدش فى تربية لا فى بيوت ولا مدارس قليل من الناس دلوقت اللى بتهتم تربى عيالها كويس الكل متكبل فى طاحونة الحياة عشان لقمة العيش اصبح الاب والام خارج البيت وسيبين ولادهم للنت والفضائيات ويمكن مايعرفوش حاجة عن اصحابهم هما فاكرين التربية محصورة فى توفير هدمة حلوة ومستوى معيشى كويس لكن فين الوقت اللى بيتلموا فيه على طبلية واحدة زى زمان فى وقت واحد غدا او عشا دلوقت معظم البيوت كل اللى فيه زى اللاجئين محدش له دعوى بالتانى مجرد لوكاندة ومطعم لكن فين الحضن اللى بيضم الاولاد ويعرف مشاكلهم ولا يسمعهم هما عاوزين يقولوا ايه , فين الوقت اللى بيصححوا لاولادهم افكارهم او يعدلوا سلوكهم وكمان المدرسة فقدت دورها الاساسى فى مساندة الاسرة فى التربية لما ضاعت هيبة المدرس بمد ايده لتلميذه لاخذ فلوس الدروس بل الازيد اخد سيجارة ساعات لما نمشى فى شارع نشوف او نسمع لفظ مش كويس عن نفسى باعاتب بلين اللى بيعمل كده لو حسيت انه طفل كويس بس ناقصه توجيه وفى اولاد بتستجيب وتعتذر وفى غيرهم يتجاهل كلامك ولازم كل واحد يحاول يعمل كده وبلاش قولة احنا مالنا ماهو ابنى وابنك سامع ولازم ننمنع اللى بيسمعه ويشوفه لكن عامة انا حاسة ان هنا فى اسكندرية الحمد لله مابلغش فيها السوء زى مابيوصفوا وفيها ناس طيبة كتير وباامن على ابنى الصغير ينزل الشارع والاكثر بنتى تروح درسها لوحدها واحيانا بالليل الشباب معذور لانه مفتقد القدوة اللى يتبعها والكلمة الطيبة اللى تحميه من عجرفته وسوء سلوكه لو دور المدرسة والمدرسين رجع زى الاول حتتغير كتير من السلوكيات اللى مش عجبانا ولو الناس اقتدوا بسلوكيات الرسول صلى الله عليه وسلم ان الدين معاملات مش عبادات الجيران حيحسوا ببعض الكبير يرحم الصغير والصغير يحترم الكبير حاجات فقدناها لما اخذنا من الدين قشرته الخارجية

اخوكم البرادعى المؤهل الثانوى دبلوم صناعى الشعبه المعماريه المؤهل المعهد الفنى للمنشأت البحرية واقتصاديات النقل البحرى شعبة ميكنة وتشغيل السفن المهارات ميكانيكا ديزل صيانة وصيانة الحاسب الالى وصيانة الدش والموبايل سوفت وشويه هارد وير دورات فى الكمبيوتر واللغه الانجليزيه والصيانة ده حتى عملت دورات فى الطبيخ هههههههه من معهد ايجوس للسياحه والفنادق العمل اشتغلت كتير من اول عامل نظافه فى بنزينه وسيلس فى محلات كتير وامين مخازن ومراقب عمال مبانى واشتغلت فاعل اشيل قصعه واشتغلت فى الوكاله ابيع منجه فى موسم المنجه لحد ماوصلت للمهنة اللى انا فيها حاليا مسوق عقارى واعمل مسوق عقارى من 2007 وباءت مسوق اليكترونى اجيب واعلن شغل وشويه شويه بداءت اتعلم المهنه صح واللسان بداء يتحرك ونزلت اتعامل بقى مع العملاء واوريهم شغل وافرجهم شغل بس الشركة بتنصب علينا وبتدينا اقل اقل من حقنا بس اهو شغل عمرى حاليا 23 سنه

السلام عليكم المقال بتاريخ 26-6-2010

____ ف نُصّ الصفحه ____ قال أستاذ العربى ف درس الإملا اكتبوا كلمة " حريه " من وسط عيال الفصل لوحدى رفعت إيديا من فضلك قولى يا استاذ..... إيه يعنى كلمة حر.............. وقبل ما اكمِّل قال لى اقعد وشخط فيا وكأنه لمح ف عنيا كلامى من ورا عدسات النضاره ( قعر الكبايه) لمحت عنيه بتطق شرار جوّاه مقدرش الغيظ يداريه وكأنى سحبت الكرسى قبل ما يقعد من تحتيه ولا قدرت تمنعنى الضحكه الصفرا __ لحظة لمح الناظر ماشى __ من إنى أشوف القرف المتكرمش.......... فوق قورته وتحت عنيه ودا ليه ؟! دا لأنى مكنتش برضى اكتب له أسامى عيال ف الفصل .... مكنتش بتاخد درس خصوصى حداه ولأنى مكنتش برضى اتصنّت على استاذالعربي التاني واعرف مين أو إيه ويّاه ولأنى مكنتش برضى اكون مرسال.............. بينه وبين الأبله الحلوه بتاع الرسم كان نفسه يموت وتروح ويّاه ولأنى مكنتش برضي اسرق له الطباشير ولأنى وأنى وأنى ولأسباب أنا كنت ساعتها ما بعرفهاش خلع النضاره قعر الكبايه ومسح منخيره الحمرا فى منديله وبغيظ كان أوضح من الطباشير فوق عضم السبوره الجربانه قالي: اطلع برّه وشتمنى بأمى وقفل الباب ونا بابعد خطوه كان صوته واصل لى من الشباك: لو عيّل يا ولاد الكلب قال نفس كلامه هاخرب بيته هايسقط يوم ما يموت هايخش النار ونا بابعد تالت خطوه عن الشباك لمحت عيال الفصل بيبصوا لبعض وللاستاذ وهوّ من الشباك بيشاور....... للأبله الحلوه بتاع الرسم والأبله الحلوه بتاع الرسم بتوشوش ف ودان الناظر مسكين مش قادر يصلب طوله وعنيه مش عارفه بتقرا ف إيه والفاضل فيه بيشمشم كان بحلاوة روح ف الباين من فستان الأبله الحلوه بتاع الرسم ونا واقف برّه السور ف الشارع لقيتنى ف إيدى صباع طباشير مسروق وبا بصّ لهم كده من تحت لفوق امتى عيال الفصل تفوق وتكتب زيىّ على الأسفلت برّه السور تبقى الحريه برّه السور تبقى الحريه برّه السور تبقى الحريه

أكد كامل ابوعلى رئيس النادي المصري بأنه سيرسل احتجاجا رسميا للاتحاد المصري لكرة القدم سيطالب فيه بمنح المصري النقاط الثلاثة كاملة الخاصة بمباراته الأخيرة في الدوري أمام الزمالك بسبب خرق 3 من لاعبي الأخير لقوانين الاتحاد الدولي مهددا بالانسحاب من الدوري ما لم يتم تنفيذ ذلك. وقال ابوعلى في تصريحات خاصة لـYallakora.com " ثلاثي الزمالك محمود عبدالرازق "شيكابالا" ومحمد إبراهيم وعمر جابر لم ينضموا إلي المنتخبين الوطنيين الأول والاوليمبي ورفضوا الانضمام إليهما بداعي الإصابة وهو ما ثبت عكسه فيما بعد بعدما استبعدهما الجهازين الفنيين للمنتخبين بداعي التمرد." وكان ثلاثي الزمالك قد تخلف عن مباراتي المنتخبين المصريين الأول والاوليمبي الوديتين أمام كل من استراليا ومقدونيا علي الترتيب بداعي الإصابة. ولعب الثلاثي مع ناديهم الزمالك أمام المصري يوم الأحد في الدوري في المباراة التي انتهت بفوز الفريق الأبيض بهدف نظيف أحرزه محمد ابراهيم. وأضاف ابوعلي " مشاركة اللاعبين الثلاثة مع الزمالك امام المصري باطلة، فقوانين الفيفا تنص على ان اى لاعب يتم استدعائه لمنتخب بلاده ويخرج منه بداعي الإصابة لا يحق له المشاركة مع ناديه إلا بعد مرور خمسة أيام من مباراة المنتخب ". وتنص الفقرات الرابعة والخامسة والسادسة في لوائح الاتحاد الدولي لكرة القدم في استدعاء لاعبي الأندية لمنتخبات بلادهم علي عدم مشاركة أي لاعب يستدعي لمنتخب بلاده ويخرج منه بداعي الإصابة مع ناديه خلال 5 أيام من مباراة منتخب بلاده إلا بتصريح رسمي من اتحاد الكرة. واتهم الجهازين الفنيين للمنتخبين وعلي رأسهما الكابتن حسن شحاتة المدير الفني للمنتخب الأول والكابتن هاني رمزي المدير الفني للمنتخب الاوليمبي اللاعبين الثلاثة بالتمرد علي المنتخبين وادعائهما الإصابة حتى لا يشاركوا في المباراتين الوديتين. وقرر شحاتة عدم استدعاء شيكابالا مرة أخري للمنتخب طالما تواجد هو علي رأس الجهاز الفني له. وأكمل رئيس المصري " نطالب الاتحاد بإعطاء المصري حقه فى هذا الاحتجاج ومنحنا نقاط المباراة الثلاث فالأمر واضح ولا يحتاج للجدال فيه." وهدد ابوعلي بتصعيد الأمر إلي الفيفا والانسحاب من الدوري في حال رفض الاتحاد المصري منح فريقه نقاط اللقاء وقال " سنصعد الامر الي الفيفا وسننسحب من الدوري اذا ما لم يمنحنا الاتحاد حقنا الشرعي." واختتم ابوعلى تصريحاته قائلا " لن اترك حق المصرى يضيع فى هذه القضية ولن نتازل عن نقاط المباراة الثلاثة خاصة وانهممن حقنا حسب لوائح وقوانين الفيفا ".

أشكرك لحضرتك حسن الظن، و مقدر وجهة نظر حضرتك و أحترمها، لكن الفيلم و الكتاب لم يدعو أي منهما لكل هذه المعاني الجميلة .. لكنها نفسك المتشربة بالمعاني الجميلة نتيجة فهمك للعلاقة الصحيحة بين العبد و ربه، أما الفيلم و الكتاب فكلاهما هدفه بعيد عن كل المعاني الجميلة اللي باشكرك حضرتك عليها. موافق حضرتك، إحنا بنتكلم على قوة الاعتقاد الذي يؤدي لتحقق أحلامنا بالإرادة و التصميم الذي لا يخلوا من استحضار قوى أودعها الله بداخلنا لا تحظى بالاستغلال من قبلنا لعدم تمكنا من استحضارها، لكن ..... هما بقى في الفيلم و في الكتاب همهم العقيدة بس بيلفوا حوالين الموضوع من بعيــد، و بيحاولوا يشوهوا الحاجة الجميلة المتمثلة في التمسك بقوة الاعتقاد في إمكانية تحقق الرغبات ، فيبقى إزاي نساعدهم بنشره، إحنا أذكي .. إحنا ممكن نشتري الكتاب و نشاهد الفيلم علشان نِفهَمهُم ، و نفَِهمهُم إن أحنا بأمر الله مش مسيرين بواسطة عصاهم السحرية أو تحت تأثير ما يلقنونه لنا ظناً منهم أننا خاويين من الإكتفاء الروحي بإلهنا و عقيدتنا و ديننا مثلما هو حالهم، بل اننا بإمكانا تطبيق كل هذا بروح أخرى تخالف ما أرادوه لنا جميعاً (جميع الأديان) لأ إحنا حنستفيد بالمبدأ زي ما حضرتك قولتي بدون الوقوع في الهاوية، و دا أقل وصف لها. على فكرة هما متقدمين من قبل ظهور كل الكلام ده، السر اللي بيحاولوا يثبتوه في الفيلم و في الكتاب لسه جديد؟ و ممكن عادي جداً يكون هجص و زي ما شوفنا فيالمقطع رقم 31 من سلسلة القادمون، إنهم هيحاولوا يخترعوا من الهوا علم جديد علشان يتحكموا في عقول الناس. صدقيني أنا أشعر إن لو مدحنا هذا الفيلم سنندم، لأننا بعدين حنعرف إنه كعمل فني لم يكن بهدف هذه المعاني الجميلة البريئة، حنكون بنديلو أكثر من حقه، لأ حنكون بنديلوا حاجة مش بتاعته خالص أصلاً. كان و ما زال هدفه محاولة إبعاد الإنسان (أياً كان دينه السماوي طالما إنه متمسك بفكرة الاعتماد على الله، و وجود الله) عن الدين و دي فقط الخطوة أولى. طيب شوفتي حضرتك التعليق على كتاب السر بمقطع رقم 31 من سلسلة القادمون؟ إيه الأخبار؟ باختصار إحنا عارفين إن الحالة النفسية ، و قوة اعتقادنا و ثقتنا في تحقيق أحلامنا و رغباتنا بتأثر على ما سيحدث لنا مش علشان النظرة المغلوطة للعلم و اللي سموها بالسر زيادة في الغموض، و اللي بيحاولوا يثبتوه لنا، لكن لأسباب أخرى متعلقة بعلم لم تتضح معالمه، و لم تتحدد مفرداته بعد، لكن هم أرادوا استغلال موضوع جديد فيه من الصحة و الأسرار ما لم يتكشف بعد، و استعجلوا و حبوا يحجزوه باسمهم و يستفيدوا منه لصالح توجهاتهم لإقصاء الدين و إضعاف الصلة بيننا و بين الله معتمدين في ذلك على شغف العالم الغربي قبل الشرقي بهذا الموضوع، الذي يعتبر جديد عليهم كما هو جديد علينا، و المحاولة لإقصاء الدين من عندهم (في العالم الغربي) على قدم و ساق، و المبدأ عالمي ، و سلسلة القادمون بالرغم من تحقظي على بعض ما فيها، إلا أن بها من الخير الكثير. مثال : سلسلة القادمون الحلقة 28

يا فندم انا متأكدة من حسن نيتك و أحترم جدا ندمك على ما قلت و محاولتك تحري الرأي الشرعي للموضوع خوفك من ربنا سبحانه تعالى ده شيء طيب و جدير بالاحترام بس أسلوب الطرح ملوش تفسير تاني احنا بنتكلم عن قوة الاعتقاد مبنتكلمش على العقيدة حضرتك مسلم حتبقى قوة اعتقادك في الله سبحانه و تعالى و في اسمائه الحسنى و صفاته العلى ستؤمن أن الله تعالى هو الشافي و هو المغني و هو المعين و لكن الدين أمرنا بالأخد بالأسباب و هو ده اللي بنتكلم عنه الأسباب اللي هي نواميس الكون أو قوانين الكون أو سنن الله الكونية سمها كما شئت الغرب ليه متقدمين بالشكل ده رغم انهم عايشين في المعاصي لأنهم واخدين بالأسباب عرفوا السر اللي هو سل ...تُعطي همة متوفقين و ناجحين و يرفلون في نعم المولى عز وجل رغم عدم إيمانهم به سبحانه بل و منهم من لايؤمن بوجود إله أو خالق!!! لماذا فهمت أنها دعوى للتخلي عن الدين؟؟؟!!! بالعكس أنا وجدتها تجديد رائع لإيماني بالله جل و علا لأول مرة أجد إجابات شافية لأسئلة لطالما أرقتني عن الله عز وجل و الإجابة كانت دائما موجودة في ديننا " أنا عند ظن عبدي بي فليظن عبدي ما شاء" {أَوَلَمَّا أَصَابَتْكُم مُّصِيبَةٌ قَدْ أَصَبْتُم مِّثْلَيْهَا قُلْتُمْ أَنَّى هَـذَا قُلْ هُوَ مِنْ عِندِ أَنْفُسِكُمْ إِنَّ اللّهَ عَلَى كُلِّ شَيْءٍ قَدِيرٌ }آل عمران165 {إِن تَكْفُرُوا فَإِنَّ اللَّهَ غَنِيٌّ عَنكُمْ وَلَا يَرْضَى لِعِبَادِهِ الْكُفْرَ وَإِن تَشْكُرُوا يَرْضَهُ لَكُمْ وَلَا تَزِرُ وَازِرَةٌ وِزْرَ أُخْرَى ثُمَّ إِلَى رَبِّكُم مَّرْجِعُكُمْ فَيُنَبِّئُكُم بِمَا كُنتُمْ تَعْمَلُونَ إِنَّهُ عَلِيمٌ بِذَاتِ الصُّدُورِ }الزمر7 ورد ذكر "يهدي من يشاء" 10 مرات في القرآن الكريم و الآن اتضح لي بعد أن تفكرت كثيرا أن الله تعالى لا يختار ناس معينيين ليهديهم دن غيرهم حيث ذلك يتنافى مع عدله سبحانه و المعنى صار واضحا أن الله تعالى يهدي من يشاء الهداية {لَّيْسَ عَلَيْكَ هُدَاهُمْ وَلَـكِنَّ اللّهَ يَهْدِي مَن يَشَاءُ وَمَا تُنفِقُواْ مِنْ خَيْرٍ فَلأنفُسِكُمْ وَمَا تُنفِقُونَ إِلاَّ ابْتِغَاء وَجْهِ اللّهِ وَمَا تُنفِقُواْ مِنْ خَيْرٍ يُوَفَّ إِلَيْكُمْ وَأَنتُمْ لاَ تُظْلَمُونَ }البقرة272 و هذه آية واضحة وفيها كل المعاني و فهمتها مؤخرا أولا لا يحاول الرسول صلوات الله و سلامه عليه و نحن من بعده لا نحاول رفع دورنا كبشر لدور الخالق و نعتقد أن بمقدورنا الأخذ بيد الناس و هدايتهم فنحن نساعد الناس ليساعدوا أنفسهم و يختاروا الهداية من الله أما الهادي فهو الله وحده و هو من يرزقنا السعادة باختيارنا و يرزقنا الشقاء باختيارنا و كل ما نفعله يُرد إلينا مرة أخرى حيث أن الله عز وجل يستحيل أن يظلم أحدا كل هذه المعاني و أكثر تفتحت أمامي من المواد التي اعتقدت حضرتك انها ضلال تفتحت تلك المعاني و غيرها لأني أريد الهداية من الله تعالى فوجدتها و هذا هو المعنى الذي نتناقش حوله هنا و هذا هو السر ماذا تريد؟ السعادة أو الشقاء؟ سل تُعطى

الأخ العزيز/ nightmare في رأيي أن الموضوع أعقد وأصعب بكثير مما ذكرت حضرتك. وأقتبس هنا مشاركة سابقة لي لبيان وجهة نظري .

يا أستاذ عبد الله أكرر حضرتك رغم حسن النية اللي حاساه كويس من مشاركاتك لازلت أشعر بنوع من الإصرار على أسلوب فرض الوصاية يا فندم نحن مؤمنين بالله عز جل و لا نسمح لأحد من كان بالقدح في عقيدتنا من فضلك و بأكرر بلاش فرض الوصاية و كأن حضرتك معلم لمجموعة من المراهقين اللي خايف عليهم للفيديو يقودهم للشرك و العياذ بالله قلت لحضرتك قبل كده ان احنا عاقلين و ناضجين عقيدتنا ليست بالهشاشة التي سيغيرها فيديو نراه أو كتاب نقرأه و نعرف جيدا ما نقبله و ما نرفضه بما يتوافق مع عقيدتنا دي محاورات راشدين و ليست منتدى مدرسي للمراهقين حضرتك عرضت رأيك أكثر من مرة و لحضرتك طبعا كامل الحرية في رفض أو قبول أي شيء توافق أو تخالف أنت حر لكن تصر على فرض الرأي و تكميم الأفواه بإسم الدين فهذا مرفوض شكرا

اختي يا جويرية الله يرضى عليكي هو كلامك دا جد و لا هزار ؟؟؟؟؟؟؟؟؟ بدل 7 او 8 ساعات تشتغل ساعتين؟ الاجازات مفتوحة؟ تاخد العيال الشغل؟ العميل يشيلها العيل لحد ما تخلص طلبه؟ و على ايه التعب دا يا بنتي ما ترتاح في بيتها احسن و الله بدل مرمطة المواصلات عشان ساعتين عمي رايحة ترضع فيهم عيالها في الشغل او تغيرلهم البامبرز

قبل الكلام : مش كل أشكال الفساد في المجتمع هي اللي مرتبطة بشكل أو بآخر بالسلطة أو بالنظام الحاكم في أي بلد.. فيه أشكال تانية بعيدة عن العين والعقل لا تضرب إلا بشكل فجائي وغير متوقع وعنيف.. ليه عندي شك بعد التصريح اللي عمله "النويهي" امبارح ونشرته الوفد ونقلته عنها في موضوع حوادث الطرق في مناقشات الفساد إن التصريح هو جزء من شيء أكبر.. ممكن تعتبروا اللي جاي دة شطح خيالي أو نظرية مؤامرة.. بس خلونا نتخيل ونفكر.. الحراك السياسي إدى دور وأهمية للنقابات الصغيرة جداً ، أو الاتحادات العمالية الصغيرة جداً ، أو الروابط العمالية الصغيرة (رابطة عمال كذا..اللجنة النقابية لكذا) وهكذا .. بل إن فيه نقابات موازية ظهرت بالفعل..مش بس بفعل أبناءها لأ كمان بفعل عوامل خارجية زي المال السياسي طبعاً ، اللي بيحارب النظام وفكرة الدولة نفسها بدعم تنظيمات وكيانات موازية للي موجودة دلوقت وبترعاها الدولة زي النقابات المهنية المعروفة.. المال السياسي يعني فلوس ومصالح ودور..وعشان يحمي الفلوس والمصالح لازم يبقى له دور.. هل صحيح إن المال السياسي "اشترى" جمعيات مهنية زي جمعيات النقل لحماية مصالحه واستثماراته الضخمة في العقارات اللي ليها علاقة بنقل الأسمنت ومواد البناء وأشياء أخرى واللي بتتم بشكل شبه حصري عن طريق اللواري؟ يحرك الجمعيات دي زي الشطرنج تعمل إضراب تعمل قلق تعمل مشاكل؟ هل ممكن المال السياسي يشتري ما هو أكبر من نقابات وروابط عمالية صغيرة علشان يلاعب بيها النظام ويلاعبنا معاه؟ إيه مدى أخلاقية الممارسة دي؟ مش دة بيتناقض مع ادعاءات رجال الأعمال دول بإنهم مبعوثي العناية الإلهية لإنقاذ مصر من الفساد؟ وإيه الجدوى من الجمعيات دي طالما إن آخر شيء بتعمله هو حماية مصالح أعضاءها وتحويلها لأذرع تضرب عن آخرين بالوكالة؟ خلص الكلام

متهيالي برضه لو دورتي علي اقوي عشر رجال في العالم الحالي مش هتلاقي فيهم رجل عربي

عمل رائع وتسلم على المجهود الرائع ده الفكره نفسها جباره تحياتى عنبو وهو مبسوط

الفيديوهات دي تحمل اكثر من موضوع للتحدث فيها فكرة وجود مدارس مسلمة وتجمعات اسلامية ومراكز للفتوي ودور للعبادة في المجتمعات الغربية , حاجة عادية جدا والمفترض تكون متواجدة في كل ولاية ومقاطعة ومش بس للمسلمين وللمسيحيين واليهود وغيرها , لان حرية العبادة مكفولة للجميع ومن اجل الحرص على اكساب كل طفل تعاليم ومبادئ دينه. فكرة الإنغلاق المجتمعي دي مشكلة كبيرة جدا , حتة ان الواحد يسيب بلده الأم ويهاجر لبريطانيا او كندا او اى مكان في الدنيا وهو يحمل معاه عادات وتقاليد بلده ويغلق على نفسه الباب ويظل عايش هناك بفكره وعاداته ويرفض الاندماج في المجتمع الآخر ويرفض فكرة اكتساب اى عادات منه يبقي كان ايه اللى سفرك اصلاً , لازم الواحد ينفتح على العالم والمجتمع اللى حواليه بدون التنازل عن عاداته لكن مع مراعاة احترام عادات الآخرين والأخذ منها ما يتماشي مع عاداته وتقاليده. فكرة التشدد الدينى , والنظرة الدونية لأي شخص من غير ملتك او دينك ودي برضه فكرة غريبة وعجيبة , يعني ايه واحد عايش في بريطانيا ويقيم بها ويعمل بها وفي الآخر يطلع يقولى انهم ( كفار ) ويأمر الناس كمان بعدم التعامل معهم ويأمر الأطفال بعدم مصاحبة اطفالهم , ده للأسف نموذج للجاهل اللى مش فاهم دينه , وطالما انت كده طب ايه اللى مقعدك هناك وايه اللى معيشك وسطهم , دي بلدهم ولو انتا شايفهم كده سيب بلدهم وروح لبلد اسلامية عيش فيها, احترام الأديان واجب والمسلم ما يبقاش مسلم الا إذا آمن بالله وملائكته وكتبه ورسله. جزئية المدارس الاسلامية في العالم الغربي وتعليم أطفالى بها , فكرة جيدة وعندي استعداد ادخل اطفالى بها بشرط ان اضمن ان ابنى مش هيبقي منغلق على العالم , وان المدارس دي ما تبقاش لمجرد تعليم الطلاب العلوم الدينية والاساسية وفقط , لازم تشمل ايضا مواد لتعليمهم كيفية التعامل مع المجتمع اللى هما فيه , كيفية التعايش في هذا المجتمع , كيفية الإندماج بدون الإخلال بالعقيدة الإسلامية او عاداتها. وهي دي برضه صفات المسلم اللى بجد , المسلم اللى بجد متمسك بدينه وعاداته , المسلم اللى بجد منفتح على المجتمع اللى هو عايش فيه , المسلم اللى بجد مفيد بعاداته المجتمع وياخذ منه ما يناسبه ويعطيه ما يضيف اليه , المسلم اللى بجد يعيش ويتعايش ويندمج وينشر بلطف وادب مبادئ دينه بسلوكياته وتصرفاته القويمة , هو ده المسلم اللى بجد لو المجتمع هناك هيساعدنى على كده يبقي هقدر اربي ابنائي هناك , لو مش هيساعدنى على كده واللى هعلمهوله باليمين تيجي مدرسة والا مركز والا غيره يهده بالشمال يبقي مش هقدر طبعاً واكيد هسيب هذا المكان وارحل. على الهامش بقي عاوزين نناقش ان شاء الله في موضوع آخر فكرة ضعف دور الإعلام الإسلامى نحو الغرب , لابد ان يكون هناك اعلام اسلامي قوي موجه للغرب لإيصال الفكر الإسلامي الصحيح وان الإسلام ليس دين تطرف او انغلاق. اللهجة البريطانية دي صعبة موووووت بجد ونص ساعة منها كفاية انها تخلى الواحد مع تحياتي

أولا أنا عايشة في مصر ثانيا أنا معنديش أولاد فيمكن كلامي هيبقي نظري لكن الموضوع من شقين ... الشق الأول إزاي نربي أولادنا مسلمين صح في مجتمع غير مسلم ؟ الشق الثاني وهو موضوع الفيديو هو حق المجتمع الانجليزي إنه يضمن إن كل الأطفال يتعلموا تعليم جيد ويندمجوا في المجتمع ولا يقعوا في براثن أفكار متطرفة......وأعتقد يا أم زيد إن ده ملوش علاقة بالشق الأول بالنسبة للشق الأول ....طبعا الموضوع صعب جدا وأكيد دي أول حاجة الواحد بيفكر فيها قبل ما يأخد قرار السفر أو الهجرة وفي نماذج كتير جدا من الأوروبيين بعد دخولهم الاسلام بيقرروا يتركوا بلادهم ويعيشوا في بلد مسلم عشان يقدروا يربوا ولادهم صح .....وأنا رأيي الشخصي متفق مع وجهة النظر دي صعب جدا جدا إنك في مرحلة الطفولة وتشكيل الشخصية إنك تربي أطفالك بنفس الطريقة اللي اتربنا بيها بحيث يفضل محتفظ بهويته بدون تأثير المجتمع عليه وفي نفس الوقت يكون مندمج في المجتمع وغير منعزل لكن برضه من جانب آخر ...الرغبة في إنك تربي أبنك في بلد متحضر فيه نظام وقانون وتعليم بجد واحترام للبشر أكيد رغبة تحترم ووارد إني أفكر فيها في يوم من الايام لأن الأحوال في بلادنا مع الأسف تزداد سوءا الشق التاني حق المجتمع الانجليزي وهو موضوع الفيديو .....أنا بصراحة متعاطفة معهم وشايف إن حقهم إنهم يضمنوا إن الأطفال يتعلموا بطريقة تؤهل الطفل إنه يكون مندمج في المجتمع وطبعا الكلام ينطبق علي المدارس المسيحية والمدارس اليهودية أنا شخصيا لا أفضل إن تكون مدرسة متخصصة لأن الطفل فعلا مش هيتعلم الاندماج لكن طبعا المدارس المتخصصة لها طبعا مميزات كتير لكن أنا في نقطة لفتت انتباهي في الفيديو مينفعش بأي حال من الأحوال إن كتب المواد الاسلامية اللي بيدرسوها تكون نفس المنهج السعودي ياجماعة لكل مقام مقال ....والحلال بين والحرام بين ...وفي أمور مشتبهات وفي فتاوي مختلفة ....فلابد أن يكون هناك منهج مخصوص للأطفال اللي عايشين في مجتمعات غير اسلامية يعلمهم دينهم بلغة وأسلوب يفهمه دينه وفي نفس الوقت يفهمه ويعلمه حب مجتمعه والاندماج فيه والانتماء له يعني إيه أهمية موضوع عيد الميلاد ده إنه يثار؟ دا إحنا هنا في مصر ناس كتير لغاية فترة قريبة بتحتفل بيه أعتقد إن المفروض الالتزام بأساسيات الدين ومراعاة فقه الواقع والمجتمع

السلام عليكم و رحمة الله و بركاته ازيكم ايها الضاحكزن و الضاحكات يا رب تكونوا ماليين الدنيا ضحكة من القلب اوي اتفضلوا الحبة دول فلاحة اول مرة تروح للكوافير بيسالها سشوار ولا صبغة قالتله لا فلينى - مذيعة بتسال صعيدى احمد زويل اخد جايزة نوبل فى ايه قالها فى علبة قطيفة حمرا - صعيدى حران ومعندوش تكييف ولا مروحة اخذ لبوس خافض الحرارة - مرة واحد صعيدى قابل واحدة اجنبية سالها انت منين قالتله : وااات ? قالها اجدع ناس الوتاوتة دول....(قديمة انا عارفة...بس اضحكوا بقي و جاملوني يعني ) - استاذ سأل طالب فى اى فصل يسقط المطر قاله فى الفصل اللى مافهوش سقف - غبى دبح امه وابوه سالوه ليه قالهم اصل المدرسة عاملة رحلة للايتام - صعيدى خبطته عربية اخد تعويض 50000 وقف ادام القطر قاله خش عليا ياابو الملايين - واحد شايل انبوبة غاز قال لمراته ادعيلى قالتله روح ربنا يفتحها فى وشك - عجوزة سمعت ان الدش حرام قالت الحمدلله انا طول عمرى بستحمى من الجردل - الشرطة بتتخانق مع مسطول هما يقولوله اركب وهو يقولهم لا انا عايز اسوق - موجه عربى بيقول للمدرس ليه العيال بينطقو الجيم دال قاله هو ده اللى مدننى - حمار وحشى وحمار عادى بيتسابقو بدأ السباق فالحمار العادى مجريش سالوه مجرتش ليه قالهم والنعمة مانا جارى الا لما تجيبو لى ترننج زيه - صعيدى رجع من الشغل لقى مراته مطبختش زعل ودخل نام فحبت تصالحه قالتله اعملك مساج قالها عليا الطلاق لو عملتيه لارميه بحلته فى الشارع مساااكم صوت الضحكة اللي ممكن يمحي يوم طويل....غريب فوتكم بضحكة صافية

السلام عليكم اولا الإجابة على السؤال ده تعتمد على ايه تعريف حضرتك لمسلمين بجد المسلمين نفسهم بيختلفوا مع بعض كتير في يعني إيه الواحد يبقى مسلم بجد . فما بالك المسلمين مع غير المسلمين. أنا شخصيا شايفة طبيعي ان يبقى في مدارس مسلمة في المجتمعات الغربـية ببساطة لان المسلمين عايزين يعلموا اولادهم الاسلام ! زي ماالمسيحين بيعلموا اولادهم المسيحية واليهود اليهودية ! اللمشكلة اللي بتحصل ان مدارس تفشل انها تعرفهم اهمية أننا نسجم في المجتمع اللي عايشين فيه زي اهمية الدين بالظبط. من امتى الاسلام يعني نقفل على نفسنا ومالناش دعوة باللي حوالينا !!! ومدارس تانية أصلا بتستغل الوضع ده عشان تنشر فكر متطرف ملوش أي داعي. اعتقد لو في المدارس العاديه عملوا اوبشن لمادة اسلامية أو حاجة من هذا القبيل ناس هتبتدي ترجع تاني ليها و الانفصال عن المجتمع اللي بيقول عليه ده هيبقى اخف. بعدين حاجة كمان. يعني هما لو مش عاجبهم البلد وشايفين كل اللي فيها 'كفار' قعدين فيها ليه ؟ إيه فكرة إن يجيبه مناهج وكتب السعودية للندن ومعرفش فين ؟؟؟ مايروحوا السعودية. يعني الواحد يتغرب ويتبهدل عشان يروح امريكا وفي الاخر يدرس منهج سعودي !!!! ومينفعش حد يقول ده رايح عشان اسلوب العيشه ...ماهو الاسلوب ده اللي بيتهاجم في المدارس دي !

كما ترون دخل الزلمة ببذاءاته ليغلوش على السؤال الموجه إليه فى بداية الموضوع : صحفيه إسرائيلية .. مع أمن شركة إسرائيلية .. فتشوها وأساءوا معاملتها وهى فى طريقها لركوب طائرة إسرائيلية .. إيش دخل الفلسطينى وايش دخل المصرى ؟ الخبر يا سادة ماهو إلا مدخل لفتح خرطوم الدفاشة والبذاءة المعتادة من الكثير منهم مرت علينا نماذج من "لكلوك" إلى "الصفدى" إلى "mickey_egp73" راضعين من نفس السم .. أسلوب واحد .. شتيمة فى النظام المصرى ونفاق للشعب المصرى .. جهلة لا يعرفون هذا الشعب .. لا يعرفون أنه مثل الأم "تدعى على ابنها ، وتكره اللى يقول آمين" ومع ذلك .. ومع حرصهم على النفاق إلا أنه يأتى الوقت الذى يفقد فيه أحدهم سيطرته على حقده الدفين (ليس على المصريين فقط بل على كل من عاشوا وسطهم) .. لا تلبث أن تجد الواحد منهم "بق البحصة" كما يقولون ، وفلت لسانه بحقيقة داخله الأسود ماجعلنى أكتب مداخلتى هذه هو أن بعضنا يسأل :لماذا تسكت الإدارة على أمثال هؤلاء ؟ السبب بسيط .. وهو حق الجميع فى المعرفة .. الإدارة تبذل جهدها فى محاولة توفير جو للحوار الراقى .. ولكن فى بعض الأحيان تضطر إلى التدخل كإدارة .. وتأتى أوقات يدخل فيها أعضاء فريق الإشراف بصفتهم الشخصية كمصريين لابد لهم من الرد على إفك الأفاكين ، وأحيانا بقسوة يستحقها المتطاولون أحدهم فتح موضوعا بعنوان "الصهاينة العرب" .. الزلمة "بق البحصة" فى هذا الموضوع .. وتخلى عن حرصه فى توجيه سمومه إلى النظام الحاكم فى مصر .. ووصف الشعب المصرى "بالصهاينة العرب" .. ولم تسلم حتى ربات البيوت من هذا الوصف وسأسمح لنفسى باقتباس فقرات من مداخلته التى افتتح بها الموضوع .. والتى نقلتها أختنا الفاضلة "فولانة" إلى الأرشيف فى ذلك الوقت من عام 2008 .. أفعل هذا على مسؤوليتى الشخصية .. وأرحب بأى قرار يتخذه فريق الإشراف سواء بحذف مداخلتى هذه أو اتخاذ أى قرار إدارى ضدى ... قال الزلمة بمناسبة أحداث اقتحامهم "المظفر" للحدود المصرية فى أوائل 2008 وبعد أن استنكرت الغالبية العظمى من الشعب المصرى تلك الغزوة المظفرة وتحت عنوان "الصهاينة العرب" : إلى هنا وهو يسير على المنهج والأسلوب المعروف .. يهاجم الإعلام الموجه من قبل نظام الطاغوت .. لا بأس ويستطرد فى الفقرة التالية قائلا : نفس المنهج والأسلوب .. لا بأس أيضا .. وجهة نظر ترى الساسة والإعلاميين فى مصر فاسدين لهم توجهات غربية صهيونية .. لا بأس ولكنه "بق البحصة" فى الفقرة التالية ، وظهرت دفينة أحقاده بل أحقادهم حيث قال فض فوه : وراح يعدد صفات "الصهاينة العرب" ليختتم مقاله الأسود بلون قلبه بالفقرتين الأخيرتين التاليتين : لم يعجبه نقل موضوعه إلى الأرشيف .. فاشترك فى موضوع كان سى السيد قد فتحه بعنوان أكبر سرقة فى التاريخ يبين سرقة إسرائيل لأراضى فلسطين .. وكانت نغمة تخوين المصريين على أشدها فى ذلك الوقت وأنهم "المصريون" هم الخونة - وليس غيرهم - حتى وصل الأمر بذلك الزلمة إلى وصف الشعب المصرى (حتى ربات البيوت) بالصهاينة العرب .. حاولنا معه بكل ما أوتينا من صبر علنا لا نضطر إلى توثيق مسألة بيع الأراضى التى لم تتوقف بإعلان دولة إسرائيل .. وما زالت قرائنها مستمرة حتى وقتنا هذا .. ولكنه أبى إلا أن يتطاول فكانت تلك المداخلة التى اسكتته وأغلقت الموضوع دون أن تغلقه الإدارة وللعلم كانت السلطة الفلسطينية تطبق قانونا أردنيا بإعدام من يبيعون أو يتوسطون فى بيع الأراضى الفلسطينية حتى سبتمبر 2010 .. أما القانون الفلسطينى فكان يعتبر ذلك جنحة ( مخالفة بسيطة) المصدر بتاريخ 20 سبتمبر 2010

على فكرة يا اغابى اختك نجحت بمعجزة كبيرة دة بس علشان مراتى ولعت شمعة ووقفت امام صورة العذراء طول مدة المقابلة فأنا عاوز عزومة وعلشان تعرفى ان لكل شيء تحت السماء وقت دا انا لو كنت لحأتها فى الاسكندرية كنت اخدتها عند بلبع او حسنى بتاع الكباب ودبستها لكن حظها حلو دا لو اللى حصل دة كان حصل مع صيدلى كندى كان المفروض ادتة شهادة تقدير مش رفض بس كل شيء بأمرة

أظن تتفقوا معايا ،،، إن الناس مهتمة بالدوري مين هياخده السنة دي ،، أكثر من نتيجة إنتخابات مجلس الشعب ،، و مهتمة أكتر بمنصب المدير الفني للأهلي عن منصب رئيس الجمهورية قبل بس ما يطلعلي حد من الجماعة بتوع شعوب فاضية و خارج نطاق التاريخ و كده ،، أنا شايف إن ده الطبيعي ،،، الكورة مفهاش واسطة و النتائج و الأداء بس هيا اللي بيتحميك و الموهبة هيا الحكم الأول ،، و كمان صوت الجماهير مسموع جدا و ليه وزنه ،،، يعني بنسبة كبيرة جدا الكورة فيها عدل و ديمقراطية و شفافية يعني رايي و اهتمامي ليه وزن ،،، بس الحكومة بتاعتنا طلعت ساذجة جدا في حكاية تأجيل ماتش الأهلي و الزمالك لبعد الانتخابات بالعكس دوول لو كانوا عايزين يطرمخوا علي الانتخابات براحتهم ،، كانوا سابوا الماتش في معاده محدهش كان هيسأل في الأنتخابات اساسا ،،،

الأعزاء الزملاء ... كل واحدآ منا لة وجهة نظر .. ادارة الاهلى تكون مخطئة لو سمحت بضغوط من الجماهير ... لاعبى الاهلى ساهمو والجماهير فى الضغط على الادارة والنيل من مدرب كحسام كلمة اخيرة اقولها بكل صدق .... غدآ سيندم جماهير الاهلى فردآ فردآ على ما يحدث من قلة او حفنة من جماهير تقود نادى وسنعرف جيدآ الغلط فين من شاهد مباراة الاهلى والاسماعيلى بعين لاعب الكرة سنجد ان هناك اتفاق من لاعبين بأعينهم هم من سبب بتلك المصيبة القادمة والحالية ... وغدآ سيتمنى كل من لة عقل ان يكون ما حدث حلم وليس حقيقة فى النهاية اتمنى ان ما افكر بة او اتوقعة الا يحدث مباراة الزمالك ستكون مصار صدمة كبيرة على الاهلوية والنادى بهذة اللاعبين الغير جاهزين لتمتعهم بروح غريبة عن روح الاهلى انها روح المصلحة والبزنس لقائنا فى رأس السنة

باركوا لي يا جماعة اشتريت الإصدار :yahoo::yahoo: عقبالكم جميعا الإصدار موجود في مكتبة جرير و سعره 199 ريال دلوقتي بقى اسمع براحتي

مقابلة تهانى 1- هل انتى متزوجة؟ 2-ماهى تاريخ زواجك؟ 3- تاريخ حصولك على الكلية؟ 4- ورقة الدرجات؟ 5- المواد التى درستيها؟ الانجليزى 1-درستى الانجليزية فين ؟ اتولدتى فين؟ سألتها بالعربى 1- عاوزة تروحى كيبك لية ؟ وهتشتغلى اية هناك وهتلاقى شغل ازاى ؟ الزوج ( المرافق ) 1- مالون قميصك ؟ 2- هل معاك ساعة ؟ 3- سألتة عن ربطة الكرافتة؟ 4- اوصف اولادك ؟ وفى النهاية طبعت الس اس كيو وقالت لهم انتم مستواكم مبتدىء وخايفة تروحو كندا تزهئو وترجعو علشان لغتكم ضعيفة

بصي يا ايمي ما تشغليش نفسك انا حتي ماتسألتش في عروض عمل و عروض سكن و مفيش حد من اللي دخلوا قالوا حاجة بخصوص جغرافيا بس ممكن حضرتك تعرفي البلاد اللي بتحد كيبك و الاقتصاد لو حضرتك معندكيش فكرة عنة ممكن ابعتلك ملف صغير في معلومات بسيطة صدقيني المقابلة بسيطة و مش امتحان انشاء يعني كلمتين و رد غطاهم و لا هيقولك هااااة يا دكتورة في سايد ايفيكت مهم لسة ماقلتهوش للكورتيزون :) ربنا معاكي و ماتقلقيش

فى نكته قديمه عن اليهودى الى حب ينزل نعى لابنه فى الجرايد فكتب كوهين ينعى ابنه و يصلح ساعات :P :P تقريبا دا التفسير الوحيد الى عندى :give_rose:

مصر وحشتنى جدا وحشنى فيها كل حاجه الحلو والوحش سيبك من المقوله وانزل وجرب وهتلاقي ان كل سنه تختلف عن التانيه عايزه اقولك ان كل سنه حنينى لمصر بيزيد نفسي انزل حتى لو هضرب هناك بس لازم انزل دانا سايبه فيها حته منى امى وابويا واخواتى وحماتى اللى هى امى برضه واخواتى اللى هم اخوات جوزى واخواته بجد وحشانى يا و مصر بكل اللى فيكى المقوله اللى بيقولهالك سمعتها سمعتها اكتر من مره ومن ناس كتير بس لو لاحظت هتلاقي معظمهم عايشين فى القاهره والاسكندريه يعنى الزحمه وعدم الفضا والانشغال الدائم بس لو شوفت اسماعليه ولا السويس ولا بورسعيد والاجازات هنا اد ايه جميله وحتى فى ازحم مكان فيكى يا مصر برضه انا مستمتعه بس انزل محدش يجي وينزلنى اه يا مصر نفسي انزل واخدك بين احضانى ومرحش بعيد عنك مانتى اللى كنتى اويانى عندك انا اتولدت وكبرت ومن عند بابك رحلت لما قلتى مش عايزانى ولسه برضه برجعلك ماهو انتى دمى وروحى وكيانى بحبك يا مصر رغم اللى بيقوله عنك جميله واصيله مهما مرمغوا اسمك بحبك ونفسي انزلك واخدك فى احضانى ااااااااااااااااااااااه وحشانى يا مصر تحياتى ليك يا استاذ اكرم وشكرا على الموضوع رغم انه فكرنى بالغربه ووحدتى فيها

من قديم الازل والعلاقة بين الام وزوجة الابن علاقة متوترة ومتشككة الام اللي ربت وسهرت وتعبت تنظر الى الابن كانه قطعة منها وتنظر الى زوجته انها استولت عليه وخدته والزوجة لا تريد بالطبع ان يشاركها احد في زوجها حتى لو كان اقرب الاقربين والزوج الشاطر هو من يشعرهما كليهما انه لها وحدها وانه يحبها ويقدرها انا كنت بحج مع زوجتي في العام قبل الماضي ورحنا الجمرات سيرا ع الاقدام وفكرت في امي وقلت ياه امال لما امي تيجي هنا هتعمل ايه وهتستحمل ازاي طبعا كانت غلطة دفعت تمنها زعل يوم كامل في خير الايام-ايام العشر- تخيلوا والله العظيم بنحبكم معا الزوجة والام والاخوات بس كل واحدة منكن لها حب مختلف وعاطفة مختلفة وسبحان مقلب القلوب

"لو وجدت بيتا تعيش فيه فأنت محظوظ ولو وجدت شيئا تعيش عليه فأنت زكي ولووجدت شخصا تعيش معه بحب متبادل فأنت سعيد ولو كان عندك كل هذه الأشياء فأنت أغني الأغنياء" حكمة هندية قديمة

"نحن لا نري الأشياء كما هي ..... نراها كما نحن" سقراط

ويظهر عيب المرء فى الناس بخله...................ويستره عنهم جميعا سخاؤه تغط باثواب السخاء فاننى.....................ارى كل عيب فالسخاء غطاؤه وقارن اذا قارنت حرا فانما.....................يزين ويزرى الفتى قرناؤه واقلل اذا ماستطعت قولا فانه ....................اذا قل قول المرء قل خطأؤه اذ قل مال المرء قل صديقه........................وضاقت عليه ارضه وسماؤه واصبح لايدرى وان كان حازما.......................اقدامه خير له ام وراءه ؟ اذا المرء لم يختر صديقا لنفسه .................فناد به فى الناس :هذا جزاؤه

أخوكم Mzohairy كهربائي سيليسيون اتخرجت من كلية الزراعه قسم معماري على اساس لما اتخرج اقدر افتح عياده و اقدر اترافع بقى امام القضاء المصري الشريف و اكسب كل القضايا لكن للأسف نقابة الصحفيين رفضت تديني الترخيص لممارسة مهنة التدريس كمحاسب قانوني و مارست المهنه اللي اتعلمتها و هي مذيع في اذاعة الشباب و الرياضه حد فيكم يعرف يجيبلي عقد في السعوديه بمهنة ظابط أمن ؟ :cry1:

السلام عليكم ورحمة الله دي أول مشاركة ليا في المنتدى و كان عندي استفسار عن عرض عمل و مش عارف أفتح موضوع جديد عشان كدة ضفت الاستفسار ده هنا العرض اللي جايلي كما يلي : الوظيفة : Senior Software Developer الخبرة : 5 سنوات المرتب : 9500 RS شاملة مرتب أساسي + انتقالات + بدل سكن مميزات أخرى : تأمين صحي لي و للأسرة + تذكرة سفر ليا و للزوجة و طفلين كل سنة أنا حاليا متزوج و ليس عندي أطفال هل العرض ده يعتبر كويس بالنسبة لتكاليف الحياة في الرياض ايه هيا تكاليف الحياة لفردين في الرياض أنا وزوجتي من حيث سكن و أكل ومصاريف الحياة عامة شكرا مقدما

مادام دخلنا في لبس الجلاليب وكل واحد يحكي براحته اوكي عموما انا بحب البزنس جدا جدا وبحب الفلوس جدا جدا جدا 1-في اولي ثانوي كنت باشتر ي الكتب الخارجيه القديمه من زمايلي بالمدرسه وبعد كده ابيعها للناس اللي في سور الازبكيه بربع التمن المكتوب علي الكتاب في حين كنت باشتري الكتاب من 75 قرش الي جنيه وكنت بدخل في اليوم الواحد من 15 الي 20 جنيه يعني حوالي 400 الي 500 جنيه في الشهر يعني كان اكتر يكتير من موظف حكومه ساعتها والعبه دي كانت بتاخد مني ساعتين الي ثلاثه كل يوم 2-في الكليه كنت طبعا ببيع الملخصات والملازم لمكتبه معينه وكنت باخد 10 % من نسبه التصوير وكنت مأجر بارتيشن من المكتبه دي وجايب بترينه وعامل فيها تركيب برفانات وجايب بنت موقفها فيها(ماكانش عندي وقت اقف فيها انتم عارفين كليه العلوم) 3-في الكليه برضه كنت باتفق مع المكاتب اللي في المركز التجاري في الجامعه اني اجيبلهم البلاطي لطلاب العلوم والصيدله بسعر اقل من السوق وكنت بفصل البلاطي دي في ورش في شارع كلوت بيه برمسيس وكنت بعملي في اللعبه دي 4 او 5 الاف سنويأ. 4-اتخرجت من الكليه وكنت الاول علي الدفعه واتعينت معيد لمده سنه ولقيت المرتب 500 جنيه في الشهر يعني 6000 في السنه ومطلوب منك في خلال خمس سنين تكون مخلص الماجيستير واللي هايتكلف علي الاقل 20000في حين كل اللي هاتقبضه في خمس سنين 30000 ده غير مصاريفك الشخصيه ...............قمت قلتيلهم مش لاعب وقدمت استقالتي لاني عرفت اني بعد الماجيستير ماشاء الله مرتبك هايوصل 700 جنيه حته واحده 5-اشتغلت ميديكال ريب في كام شركه اجهزه طبيه في مصر وفي الاخر ربنا اكرمني بشركه اجنبيه كبيره في السعوديه الي انا فيها دلوقتي.

مفيش ألماني فيكي يا مصر متقرصش من هتلر :sad: وبعدين معاك يا زهيرى ..ما تفهمنيش غلط ..انا اقصد " كلاب السلطه " ودى فصيله مش صغيره ..ومش كلب واحد وهتلر نفسه كان عنده مجموعة ضخمه بجانب الجوز الولف اللى انتحروا معاه .. أما كلاب السلطة اللى اقصدهم فانت طبعا عارفهم بس مخبى صورهم عشان متخوفناش .. مش كده ولا إيه ..حد ما يعرفش كلب السلطه ؟؟؟ ..

العقد كويس ولو كانت كمان الفيزا بمهنه كويسه هايبقي هايل السكن ممكن 1500 الاكل بصوره معقوله لشخصين من 1500 الي 2000 انتقالات هاتجيب سياره في حدود عشر الاف وهاتصرف عليها متوسط 150 الي 200 شهري

السلام عليكم ورحمة الله وبركاته انا لو امتلك ان اغير جنسيتى من هذه البلد التى يطلق عليها مصر لم اتردد لحظة ... وليس جنسية ده انا اغير انسابى لهذه البلد الفاسدة وهى اسوأ البلدان العربية بلا اسوأ بلدان العالم باكملة..