لوحة القادة

السلام عليكم ورحمة الله وبركاته ،، مقدمة بقلم / لماضة .. ============================== في امسية من الأمسيات كنا ماشيين...بين التوبيكات و لقينا مغتربة....بتنادي....عن عيد ميلاد المحاورات فكرنا...كتير.....و حلمنا كتير... و في بالنا اتجمعت احلي الذكريات قولنا هنحكي عن قلوب متجمعة و لا نحكي.....عن الافكار المتنوعة خططنا نسجل لحظات.....فرح....وجع....قلق....حيرة...ضحكة....من القلب...يعني كل حياتنا كدهوت متجمعة و في النهاية رسي بينا الحال علي....... ما تيجوا نشوف http://www.youtube.com/watch?v=QTkNnMO-wDs كل سنة و كلنا في لمة حلوة كل سنة.....و احنا مصدقين حلمنا......اللي بيكبر بينا و معانا...هنا في بيت العيلة كل سنة.....و فيه شباك نور بيتفتح........هنا كل سنة و حضراتكم طيبين....لو الليلادي سهرانين.....او فيوم كنتم ع التوبيك دوت عابرين مسااااكم.....لمة محاوراتية حلوة ================================== فتحنا باب التهنئات.....بمناسبة 10 سنين محاورات وتحياتنا لكم ،، :partytime:

مجلس التوريث يا مجلسنا المـُزوَر .. يا مجلسنا الخبـيـث يا مجلس العصـابـه .. يا مجـلس التـوريـث يا مجلس الندامـه .. والفُجر .. والتـدليس يا مجلس التنابله..والـكـدب .. والتهيـيس يا مجلس إغتصبـنا .. فى حماية..البـولـيس إتهيأ.. لجل ((سُونَه))..ما يفرح بالعـريـس ويزِفوا.. غـصــب عنا ..ويتَوِجُـه .. رئـيـس علشان يجـى .. يكـمـل .. مـسـيرة التهجيص وياخدنا معاه فـ داهيه..على سـكة الهـويس والشعب يصير(فؤاده)..وسيادته بقى (عتريس) أه يا مجلس العصابه يا مجلس التوريث :closedeyes: و التونسى :malta:

المكان : غرفة السكرتارية خارج مكتب الأدفايزور الساعة : 8.45 صباحآ الأشخاص : مسز Moneypenny السكرتيرة الخاصة للأدفايزور سي السيد و سكوربيون .. يتقدم سي السيد أولآ قاذفآ بالكاسكيت الذي كان يرتديه جهة حاملة الملابس ليطير و يستقر كالعادة علي الأرض فيتمتم : نفسي مرة يرشق في الحمالة بينما يصيح سكوربيون : جووود مورنينج يا ست pina Moneypenny ... هاندرد تايمز قولتيليك اسمي Moneypenny ترد السكرتيرة بحنق سي السيد : الجدع بيبسط معاكي يا ست الكل .. ما تبقيش كده حنبلية اوكيه اوكيه ... انتي آوزة ايه ؟؟ - سكوربيون يلبس منديل فوق رأسه و يحول عينيه و يقول لسي السيد : انتي جاية اشتغلي ايه ؟؟؟ تبدأ Mrs. Moneypenny في السب و اللعن بالأنجليزية .. و ما هي الا لحظات و يظهر الأدفايزور فجآة علي باب مكتبه .. صائحآ .. فيه ايه .. ايه الهوسة دي كلها ... فيصمت الجميع .. -أدفايزور : آه هو انتم ... خشوا انا عايزكم و يدخل الي مكتبه .. فيتبعه سي السيد و سكوربيون .. و لكن سي السيد يعود بسرعة الي السكرتيرة مرة أخري و يقول لها : بس التوتنهام شحوركم امبارح ... و يسرع بالدخول الي مكتب الأدفايزور و ابتسامة الأنتصار علي شفتيه .. الأدفايزر مدخنآ البايب و ناظرآ في اوراق امامه يقول : - انت خرجت امتي يا سكوربيون - امبارح يا Boss .. ابلة فولانة كتر خيرها بعتت سي الأوستاذ جوزها ضمني - طيب طيب .. ما تبقاش من فضلك تزقل البوليس بالطوب و بلاش تروح العمرانية من اساسه اليومين دول .. - والله مظلوم يا Boss انا كنت بزور الأهرامات و انا راجع أخدتلي طوبة تذكار من دقن ابو الهول .. شافوها في ايدي مسكوني ... - طيب طيب .... و انت يا سي السيد .. الساعة بقت 9 الصبح و مش شايفلك غير 16 مداخلة بس ... ايه حنبتدي نخستك و الا ايه ... - نخستك ايه بس يا Boss .. ده انا بقيت انام اتكتك عالمخدة كانها كيبورد .. - طيب طيب .. بلاش كلام كتير ... سايبين شغلكم ليه و جايين هنا انتوا الأتنين .. انا لما بشوفكم مع بعض بعرف ان فيه مصيبة حتحصل ... - ربنا ما يجيب مصايب ... الموضوع ان بيبقي فيه دايمآ نباطشية ناقصة ... بالذات بتاعت بالليل ... كله خلع منها و اللي بيلبسها دايمآ سكوب و انا .... - طب عايزنني اعملكم ايه يعني .. البس العفريتة و انزل انا بالليل و الا ايه ... سكوب : لأ يا Boss لا سمح الله .. اصل .. اصل ... - اصل ايه و فصل ايه يا بني ما تتكلم تلمع عينين سكوب بفكرة أصل ابو محمد امبارح اتصل بينا علشان نفاتح حضرتك في مشرف جديد معانا.. كان بيقول يعني اننا محتاجين علي الأقل واحد جديد معانا بدل التلاتة اللي مشيوا ... - عنده حق طبعآ ... انا مابقتش شايف حد عنده حماس في الأشراف غير الستات بس .. و حضراتكم سلمتم النمر خلاص .. - يرد سي السيد ببعض الضيق : سبحان الله يا Boss .. طب الواحد يعمل ايه يعني اكتر من كده - يمسك سكوب بيده قائلآ .. و لا حاجة و لا حاجة ... ايه رأيك يا Boss في موضوع المشرف ده - سيبوني افكر و كمان كام اسبوع حبقي اقول لكم - و نستني ليه بس يا Boss ... ابو محمد كان قال كام اسم كده نعرضهم علي حضرتك علشان ما نضيعش وقتك .. و كان بيشكر كتير في واحد معين - ده مين ده ؟؟ - عضو اسمه مايوسف - ما يوسف ... ما يوسف .. ما يوسف ... ده كويس يا ولاد ؟؟ - سي السيد ... كويس خالص يا Boss .. واد مثقف بجد .. ده كفاية العضو من دول يقول له صباح الخير يقوم رازعه رد من 4 صفحات مقاس A3 يِحْولُه و يخليه ما يعرفش يقول ايه و لا يرد ازاي - طب كويس .. خاصية زي دي تنفعنا لما حد يشتكي و لا حاجة ... طيب .. شفتم بيرد ازاي علي اللي بيختلف معاه ؟؟ سكوب : في غاية الأدب و عهد الله ... هو كبيره انه يهبده كام دعوة تجيب اجل اللي يتشدد له أدفايزور : رائع خالص .. كان مستخبي فين ده كله ... عفارم علي اختياراتك يا ابو محمد ... طيب عالبركة .. روحوا هاتوه .. بس ما تنسوش الأجراءات السرية المعتادة ... يخبط سي السيد قبضته بقبضة سكوب باسمآ و يهما بالخروج .. سي السيد : ممكن سؤال يا Boss ... - خير الست مونيبيني اللي بره دي ازاي يعني بتشتغل معانا هنا أدفايزور : لأ دي حكاية قديمة كده لما كنت عايش في انجلترا .. كانوا اتعذروا في باقي مبلغ نهاية الخدمة معاهم فادولي بداله الغفير الأنجليزي ده .. بس مش بطالة والله بتوفرلي ورق و كهربا.. ياللا بقي و ما تضيعوش وقتي ...

المشهد : عنبر النوم الرجالي الملحق بمبني المشرفين خارج المحاورات .. الأشخاص : سي السيد يغط في نومآ عميقآ مصدرآ مقطوعة موسيقية تماثل السيمفونية السابعة لبيتهوفن و لكن يغلب عليها النشاز كونها تصدر من نخاشيشه مباشرة .. سكوب علي السرير الآخر ينظر اليه بغضب مشوب بالقلق ... و هو يقرقض ضوافره .. يستمر هذا الموقف لعدة دقائق حتي يعقد سكوب العزم و يتجه الي سي السيد .... - سي السيد لا رد - سي السيد ... سي السيد ... سي الســــــــــــــــــــيد يرد عليه باصوات مبهمة لا معني لها ثم ينقلب الي الجهة الأخري - انت يا بني آدم انت ... ( يقولها سكوب صائحآ بغل) - يا دي النيلة .. يادي النيلة .. فيه ايه يا سي زفت .. مش حنعرف ننام في يومنا ... - انا مش عارف جايلك نوم ازاي ... يا برودك يا اخي - و ما نامش ليه يا خويا .. واحد مطبق نباطشيتين .. و فاتحلي 6 موضوعات .. و رادد علي 18 موضوع تانيين .. و مفور 4 عقود بالكفيل بهم .. ايه المفروض اعمله بعد كده - نشوفلنا حل في المصيبة اللي حتحل علينا - مصيبة ايه بس يا سكوب - انت مش واخد بالك يا سي السيد ... مجموعتنا ابتدت تختل الموازين فيها ... - مخاليل .. مخاليل ايه اللي بتتوزن ؟؟؟ - ما تصحي يا جدع .. حد جاب سيرة مخاليل .. بقول لك تختل الموازين - الصبر يا رب .. واحدة واحدة يا سكوب و اشرح لأخوك بالراحة عايز تقول ايه .. حاكم لما العرق الطلياني بيمسكك بيبقي يوم اغبر انا عارف ... - يا احمد المشرفين نقصوا و لما الأدفايزور اختار .. اختار واحدة ست - طب فين المشكلة .. ما ده مكان فاضي من ساعة ما لولا جالها عقد في موريتانيا و قدمت استقالتها .. مش شايف فين المشكلة ... - دي ايه الحلاوة دي ... امال التلاته اللي مشيوا برضه احمد محمود و عصام و احمد سيف مافيش حد جه مكانهم ليه - قصدك ايه يا غراب البين انت - احسبها انت .. احنا كام مشرف .. حتلاقيهم صفصفوا علي التعادل - تعادل ايه يا افندينا .. احنا 6 دكورره ... و 3 ستات - ده اللي عالورق و اللي الأدفايزور بيدفع عليه الضرايب .. لكن لو بصيتلها حتلاقي ان شريف بره اللعبة لأنه لابد في باب الأعلام ما بيطلعش منه ...أسد مشغول لشوشته بقاله فترة ... يبقي مافيش غير ابو محمد و محمد و انت ... - و جناب سعادتك مش دكر برضه و لا كانوا مدييني معلومة غلط ... - لأ انا قبطي معفي من الضرايب ... بس دكر غصب عن عين التخين - و بعدين بقـــــــــي ... يعني ايه ... بعد السنين دي كلها حييجوا شوية فكيهات يقلبونا.. ده انا كنت اسور قتيل و لا ده ( يشاور علي شنبه ) ما يكونش علي راجل - و لا قتيل و لا حاجة .. احنا ندرسها بالعقل و نكلم بتوع النقابة يطالبوا الأدفايزور بسد الأماكن الفاضية بأمارة النباطشيات الدوبل اللي عمالين نطبقها دي .. - و ندخل النقابة ليه في حاجة ممكن نحلها .. احنا من الفجر نطلع للأدفايوزر و نكلمه علي بلاطة .. احنا طول عمرنا رجالته و حيسمعنا ... - ماشي .. بس حنكلمه علي مين .. يعني مين اللي حنرشحله اسمه لو سألنا - تصدق ما فكرتش في الحكاية دي .. طب بقوللك ايه ما تكلم ابو محمد و محمد ناخد رأيهم برضه ... - يا عم مكالمة محمد بتكلف شيء و شويات ده في امريكا .. احنا ناخد رأي ابو محمد و نوفر ... - ماشي ... اتصل بيه ... - الو .. الو ... ابو محمد - ايوه يا سكوب ازيك ... خير .. - كنا عايزين رأيك في مشرف جديد معانا - ايه رأيك في مغتربة و لا زهرة الجبل .... - يا دي النيلة .. مشرف يا ابو محمد مشرف ... راجل يعني - مش سامعك يا سكوب بتقول ايه ... - مشرف راجل يا ابو محمد ... - دقيقة واحدة يا سكوب اصل عقبال عندك مرات ابني حامل .. يترك ابو محمد السماعة و يحادث أم محمد متسائلآ : - بتتوحم علي ايه ؟؟ - يوستفندي يا ابو محمد .. يوستفندي ... - و انا اجيبلها يوستفندي منين دلوقتي .. و يسرح .. بينما سكوب يصيح في التليفون : - الو ... الو... ابو محمد ... الو ينتبه قليلآ ابو محمد و يرد شاردآ علي التليفون : - ايوه - قلت ايه يا ابو محمد - يوستفندي ... يوستفندي ... - هو ايه اللي يوستفندي .. الووووو ... ابو محمد ... الوووووو ينقطع الخط سي السيد : قالك ايه - يوستفندي - يوستفندي ايه بس يا سكوب - آه والله سمعتها كده .. يوستفندي ... الخط كان مشوش و مش واضح قوي - يكونش قصده يوسف افندي .. ما انا بيقوللي يا سي السيد افندي .. و انت سكوب افندي .. يبقي اكيد قصده يوسف افندي - هو احنا عندنا في المحاورات عضو بالأسم ده تفكير قليلآ ... ثم يخبط سي السيد يده علي ظهر سكوب بقوة تدفعه الي السقوط علي الأرض .. - ما يوووووووووسف - تصدق عندك حق ... هو مافيش غيره ... بكره و احنا بنرشحه للأدفايزور نبقي نقول انه اختيار ابو محمد .. الراجل بيحيه و ما بيكسرلوهوش كلمة ابدآ ... - عالبركة ... تصبح علي خير - و انت من أهله موسيقي تصويرية لعزف ثنائي من نخاشيش الريس متقال شخصيآ و لكن بدون ربابة ...

أنا شوفت الفيديو ده في رمضان وبصراحة زلزل كياني كله شوفنا العدد وأكتر ... زيه كتير في الحرم بس في مصر.... أعتقد أول مرة أشوفه فيها أنا خلاص حبيت أهل اسكندرية بزيادة بعدما شوفته حبيت تشاركوني فيه ولقيت ان ده أنسب مكان له لما شوفته عرفت ان مصر لسه بخير مش هأكون طمّاع لو دعيت ربنا اننا نشوفه كل صلاة جمعة ولا أكون طمّاع لو دعيت أنه يكون في باقي الصلوات مهما يكون .... بنرجع تاني لرب العالمين يارب اهدنا وشباب المسلمين جميعا http://www.youtube.com/watch?v=gapkBjuhGLQ&feature=related

آسفة لكل اللي في لحظة " زعلت منهم" بجد اللي بيغلط فيا مش لازم ازعل منه لازم أدعيله لأن غلطه فيا ده تنبيه اني في نقطة مش صافية جوة نفسي مش شرط تكون تجاه اللي غلط فيا على فكرة هي نقطة سلبية تجاه الكون بمن فيه و كله بيترد لينا تاني حتى لو كانت حاجة في ايديك تتنرفز و ترميها على الأرض بقوة دي نقطة سلبية النقطة دي هي اللي بتجذب لينا المشاعر السلبية لدى الآخرين الظلم بيجذب الظلم و الضيق يجذب الضيق و العجيب اني فعلا لما بأصفي نفسي تختفي تلك المشاعر من حولي تماما ليس هناك أناس طيبون و آخرون شريرون كلنا فينا الخير و فينا الشر فقط هناك أناس يرزقنا الله بخيرهم و يكفينا شرهم و هناك أناس نحن ( بما في داخل نفوسنا) نجذبهم جذبا لإخراج أسوأ ما لديهم تجاهنا حقا الخير من الله و الشر من أنفسنا كل الحب يا أهل المحاورات

السلام عليكم أنا للأسف بقدرش افيد كتير بس هحاول أنا عشت في نيو زيلاند قبل كده ودلوقتي في كندا العيشة في نيوزيلاند اسهل كتير من كندا والحياة اسهل لكن في كندا تقدر تحقق أهداف أعلى من نيوزيلاند . قرار انهو انسب لحضرتك يعتمد على حضرتك عايز توصل لإيه بالظبط. يعني لو عايز مكان تستقر فيه وتعيش في هدوء فقط يبقى نيوزيلاند. لكن لو ليك أهداف غير كده سواء في مهنتك أو لاولاد حضرتك يبقى كندا لكن لازم تحت كام حاجة في الاعتبار رأيي الشخصي : الوضع الأخلاقي أرحم في نيوزيلاند تقبل المجتمع للمسلمين أحسن في نيوزيلاند (والمسيحين مقبولين بنفس الدرجة في البلدين ) طبعا أكيد الوضع الاقتصادي في كندا أحسن من نيوزيلاند ...لكن في الاخر المصاريف في نيوزيلاند كانت اسهل والحكومة عاملة نظام اريح كتيييييير من حكومة كندا. في كندا لازم تعمل شقلبزات عشان تاخد حقك. في نيوزيلاند الحكومة تبعتلك تقولك خد بالك متنساش إنت ليك عندنا حاجة وبخصوص استراليا أنا مرحتهاش قبل كده لكن اتقالي ان العيشه فيها اصعب من نيوزيلاند. فأنا الscale بتاعي بيقول المعيشة في نيوزيلاند اسهل ثم استراليا ثم كندا

هو ممكن يحصل بس فى حالة واحدة بس ان العروسة لا تعترض على اى شىء الرجل يجيبة فى بيتة يعنى هو حر بقى يجيب غالى يجيب رخيص لنفسة فى بيتة لكن اللى بنشوفة الان مووضع مختلف نهائى يا قلب ابيض على اللى بتقولية دة انا شايفة انا المشاركة احسن حاجة و اللى فى ايدة يجيب حاجة يجيبها بالاتفاق والمشاركة لا دة يظلم دة و لا دة يظلم دةة يعنى لو الاهل شافوا ان الولد مؤدب و مستقبلة جاى و هيصون بنتهم اية المانع انهم يقفوا جنبة و يوفروا علية سنين من عمرة و عمرها انا لو ليا بنت و توسمت خير فى ان العريس ادب و اخلاق و المستقبل قدامة لن اتردد لحظة انى اشركة و اقف معاة فى بداية حياتة وعلى فكرة هو لو ابن ناس هيفتكر ليا المووضع دة و هيحافظ على بنتى و يصونها

السلام عليكم و رحمة الله و بركاته هو احساس جايلي و حبيت احطه قبل ما اروح انام....بعد ليلة فنية.....طويلة اوي الحقيقة عارفين احساس....انك واقف علي باب اوضة و مستني حد بتحبه اوي انه يضحك عارفين احساس انك...بتحب حتة اوي....و نفسك تشوفها بعينيك انت....و روحك انت عارفين احساس....ان فيه حاجة حلوة بتكبر قدام عينيك عارفين احساس.....ان حد يجي يشد علي ايدك و يقولك برافو عليك.....انت خلتني اضحك اوي من قلبي....و تلاقي نفسك اللي كانت زعلانة من شوية...بجد طايرة اهو هي الاحسوسات ديت.....بجد انا حاساها دلوقتي و معاكم يا رب الساري و مساعدته لماضة يكونوا قدروا يرسموا ضحكة علي وشوشكم قبل ما تناموا او تفتكرونا بالخير لو في يوم غبنا عن المكان و تقولوا العيال العكاريت دولم راحوا فين حبينا ننقل احساسنا.....و بنشكركم اوي اوي اوي....علي احساسكم اللي وصلنا في كل حرف ع جنب بقي عايزين شوية نقد للفيلم يا جدعان..... الجدع ده سحلني في البلاتوه.... و خلاني ارفع ملفات..(و انا صحتي علي ادي الحقيقة...كح كح..كح) و مسكني جردل و خلاني اسيء البلاتوة و نراجع المشاهد مرتين...مرة بالديتول و مرة بالفنيك....(وش مدام نظيفة و القطنة مبكدبشي) بجد ملاحظاتكم بتهمنا كتير...اوي بس خلاص انا كده فصلت....و لازم اشد الفيشة مسااااااكم احساس....رائع يفضل دافي في قلوبكم لغاية بكرة الصبح...و لغاية سنين قدام تصبحوا علي احيل سيناريو لاحلي فيلم....عشان اكيد احلي ناس كان معكم لماضة....الساري

الولادة و الطفولة ... كان الأطفال يشغلون مكانآ في غاية الأهمية في المجتمع المصري .. و عندما كانت تظهر بوادر الحمل علي المرأة تجدها غالبآ ما تعلق في عدة غرف بمنزلها صورآ لشخصيات اسطورية تشتهر بجمال مظهرها و جمال الشخصية .. و هو ما نسميه "الوحم" و تعتقد الحامل بأنها عندما تنظر باستمرار الي تلك الصورة فان الطفل الذي ستلده سيكون شبيهآ لها في ملامح الوجه و الشخصية .. مثلما تعتقد ان اي شيء تطيل النظر اليه سيؤثر علي الطفل الذي لم يولد بعد ... و للسبب نفسه كانت النسوة الحوامل تسعي الي تحاشي المناظر القبيحة او الغير سارة خوفآ أن يؤدي ذلك الي تأثر أطفالهن الذين لم يولدوا بتلك المناظر .. و اذا تصادف ان رأت مرأة حامل ميتآ .. مهما كان جنسه او سنه دون أن تأخذ الأحتياطات الواجبة .. فهناك اعتقاد شائع بأن الطفل سيموت بمجرد ولادته ... لذلك فانها عندما تري ميتآ تقوم علي الفور بقطع عقدها لكي تقع حباته علي الأرض ثم ترش الماء علي وجهها .. و يعتقد انها هكذا تضمن لأبنها ان يعبش يعد ولادته ... و كانت ايضآ في ساعة المخاض لا يقف أحدآ معها الا أمها او احد قريباتها .. و قد تستعدي القابلة ( الداية) لمساعدتها اذا لزم الأمر ...و عندما كانت تأتي هذه الأخيرة فأنها كانت تحضر معها كرسي الولادة المعتاد .. حيث كانت النساء تلدن في وضع القرفصاء و تضع ذراعيها علي غربال في وضع رأسي و تضغط عليه و هي تميل الي الأمام .. و يقوم الغربال بدور كبير في كل طقوس الولادة ... و من مهام السيدة او القابلة الموجودة مع الأم قطع الحبل السري و الذي كان له أهمية كبيرة جدآ في طقوس الولادة ...ففي ذلك الوقت كثيرآ من الناس كانوا يعتبرون المشيمة (الخلاص) طفلآ آخر غير مكتمل .. و اذا كانت المرأة لديها رغبة قوية في طفل آخر .. تقوم بدفن المشيمة تحت عتبة بيتها .. و عندما ترغب في طفل آخر تخطو فوق المشيمة المدفونة ثلاث او خمس او سبع مرات .. فبذلك كانوا يعتقدون ان روح المشيمة تدخل جسمها مرة أخري لكي تولد منم جديد كطفل مكتمل بالطريقة العادية .. و اذا كانت المرأة قد فقدت عدة اطفال بصورة متتالية بعد ولادتهم فانها كانت تعتقد بانها قد اثارت غضب "أختها" أو "قرينتها" و هي كي تصالحها فهي تحضر خبزآ من دقيق القمح تقتسمه مع "عرافة" البلدة التي تقوم بدور القرينة فبهذا يكونوا قد أكلا سويآ و تصالحا .. و عندما يحين ميعاد ولادتها التالية كانت تدفن المشيمة مع رغبف خبز و رطل ملح في سلطانية .. ثم تغطيها بسلطانية أخري لها نفس الشكل تحت ارضية بيتها .. و بهذا ترضي قرينتها و لا تأخذ أطفالها منها .. و اذا عاش الطفل حديث الولادة تقوم القابلة او قريبة الأم بالقاء المشيمة في النيل او احدي الترع .. و لابد من ان تضحك او تبتسم و هي تلقيها حيث ان ذلك سيجعل الطفل سعيدآ و مبتهجآ في حياته ... و اذا اهملت هذا سيشب الصبي تعيسآ ( إرضاء لجدتي رحمها الله .. اتذكر ان والدي رحمه الله اصطحبني ليقوم بهذا الطقس و جعلني القي مشيمة أخي الوليد في النيل طالبآ مني الغناء ) و لكي تضمن طولة العمر لوليدها .. كانت المرأة تأخذ قطعة صغيرة من الحبل السري و تلفها بفتيل من القطن.. و يوضع هذا الفتيل في مصباح فخار يضيء بالزيت ثم يشعل و يوضع في قارب صغير و يلقي في النيل ليسير مع التيار ... او تأخذ قطعة صغيرة دائمآ من الحبل السري و توضع في قطعة صغيرة من القماش القطني ثم تُخاط و تعلق بقطعة خيط حول رقبة الوليد ..و بعد فترة قصيرة توضع هذه القطعة مع بعض التعاويذ في حجاب جلدي صغير يحمله الطفل طول حياته ... و المرأة التي كانت تفقد اطفالها و تأمل ان يعيش مولودها الأخير .. فكانت تحمل طفلها بين ذراعيها و علي رأسها قفةمصنوعة من سعف النخيلو تخرج من بيتها طلبى ل "حسنة" للطفل .. تقوم بذلك مهما كانت درجة غناها و تتصرف كأنها شديدة الفقر ... يعطيها بعض الناس نقودآ و بعضآ "البتاو" او الخبز و غيره من انواع الطعام ... بعد ذلك توزع العطايا علي فقراء القرية.. حتي و لو كانت فقيرة مثلهم .. فهي بذلك كانت تعتقد انه نتيجة لهذا العمل يجعلها الله تحتفظ بطفلها ... يتبع

لا املك الا ان اقول لك "هدانى الله واياك , وعافاك مما ابتلاك به" مع تحياتي

شكرا للرد كثير من الاحيان يقوم العرب بتضخيم حجم العدو الصهيوني بأنه يتأمر علينا في كل المجالات - قريبا كان هناك خبر عن رئيس سابق في المخابرات الحربية يدعي اننا بعد معاهدة السلام استطعنا اختراق كل المجالات المصرية و فعلًنا الفتنة بين المسلمين و النصارى.... قبل هذا تغيير المناهج من خبراء يهود امريكان قبلها بذور يوسف والي المسرطنة و التي تسببت في رفع نسبة السرطان و الفشل الكبدي و الكلوي في مصر بشكل ضخم اخيرا ان الاسرائليين استطاعو بالتحكم في اسماك القرش بالبحر الاحمر لضرب السياحة يمكن أن يكون كل هذا ممكنا طبعا طبقا لنظرية الاحتمالات حتى و ان كان صغير الاحتمالية و هنا استعيد كلمة الشيخ الغزالي رحمه الله - انا الوم العين النائمة و لا الوم العين الخائنة يعني كل ده بسبب نومنا و ضعفنا - و نتيجة لذلك يتم تصديق اي شائعة تقال و يتم تضخيم العدو الهزيل الذي هزم شر هزيمة في لبنان 2006 من حزب الله الاقل في العتاد و التدريب و التمويل

بعد اذنكوا يا جماعة عاوز اقول حاجة لكل اللي بيستفسروا هنا ومن واقع خبرة سابقة ومستفادة من هذا المنتدي الرائع , اولا يجب عليهم السؤال عن الموضوع والايضاح بكل تفاصيلة ثانيا سيقوم الاخوة الافاضل بالرد الشافي وجزاهم الله خير ثالثا وهذا هو الاهم (((((((((((((( يجب علي السائل العمل بالرد مثلما قال الاخوة المجيبون )))))))))))))) بمعني مش واحد بيسال تقضية واجب وتسلية ويعمل اللي هو عاوزة دي حاجة يعني مثلا انا اخاف ان الاخ السائل بعد كل هذة الاجابات الشافية ان الاخ السائل ييجي علي التاشيرة دي وبعدين نلاقية فاتح مواضيع جديدة زي دي مثلا: (((........ جيت علي تاشيرة راعي اغنام هل من حقي استقدام او زيارة ........))))) (((........ التاشيرة الحرة مطلعتش حرة وكفيلي جاب لي معزتين وقال لي نفذ عقدك واشتغل....)))) (((.......هل يمكن تغيير مهنة راعي الاغنام....)))) (((,,,,,,,ياريتني سمعت الكلام واااه ياني ياني ياني ....مش هعمل كدة تاني,,,,)))) وكل هذة المواضيع المتوقع فتحها فيما بعد اعذرني اخي انا حبيت بس اوضح شي بسيط لحضرتك ولنفسي ولكل الاخوة نسيت حاجة مهمة جداااااااااااااا اية وضعك ووضع مصر لما تطلع تاشيرة زي دي لمصر بعد كاكانت لاتطلع الا لدول اخري _ مع احترامي للجميع _ يعني لية مفيش لبناني راعي اغنام لان لو طلعت محدش هييجي عليها طيب لية عملنا في نفسنا كدة فشوف صورتك في السفارة وانت بتاخد التاشيره او في المطار في مصر والامين بيبص لك ويبص للمهنة لا بلاش مصر شوف صورتك كمصري وانت هنا واقامتك كدة مع احترامي لجميع المهن الشريفة واللهي انا لا اقصد التقليل من شأن اي مهنة فارجو ان تكون وصلك ما اريد ولكم جميعا الشكر والتقدير والسلام عليكم

مبروك التوبك الجديد وشكرا لكل من يساهم بمجهوده ومعلوماته لإفادة الجميع لى رجاء بسيط لكل المشاركين وهو إعطاء بيانات كاملة ... على سبيل المثال تاريخ إستلام السفارة للفايل تاريخ إرسال الفايل نمبر كيفية إستلام هذا النمبر هل بالبريد أو بالميل كيفية التاكد من سحب الشيك المهنة وطبيعة العمل (إذا أراد) متزوج أو أعزب (إذا أراد) .... وهكذا بحيث نوفر على الكل الوقت والمجهود وكثرة الاسئلة وكذلك أيضا أختنا المُحبة أغابى تجد سهولة فى تنسيق الليستة بكل مشتملاتها وشكرا لمعاونتكم .... أطيب الأمنيات للجميع

لم اكن من متابعى هذا التوبيك و لا لاى توبيك يتكلم فى السياسه او الدين لانى اعرف انى لا املك من العلم السياسى و الدينى ما يؤهلنى للخوض فيهما... لكنى دخلته بمحض الصدفه و شدنى مشاركاته جدا و لكنى صدمت وتفاجأت بما قرأته و وجدتنى اسأل نفسى هل هذا موقع"محاورات المصريين" الذى اشتركت فيه من اكثر من سنه و قبلها سنتين متابعه له بمساعده زوجى فقد صدمت من اراء مشرفى المنتدى و بعض الاعضاء ولكن احب ان اوجه سؤال بسيط لماذا تطرح مثل هذه المواضيع التى تطعن فى السنه النبويه والكتب الفقهيه التى تربى عليها افضل شيوخ الامه...فى مصلحه من ...فهذا لاينفعنا كمسلمين ولكنه يضررنا و يحدث بلبله فهو لا يفتح مجالا للتفكير الموضوعى انما يأخذ اصحاب النفوس الضعيفه والثقافه الدينيه البسيطه الى طريق مظلم اوله عصيان واخره !!!! لابد ان تكون الامور واضحه و موضوعه فى نصابها الصحيح هل مثل هذه المواضيع التى تشكك فى العلماء و السنه والدين بأكمله ..موضوعه بقصد او انها بالصدفه ...ولماذا الى الان لم تحذف هذه المواضيع..هل.من زاويه التفكير المنطقى و استخدام العقل و انه ليس من المفروض ان نصدق بالكلام واكننا اطفال و ذلك كلام "ماما وبابا"مثلما ذكر بعض المشرفين الافاضل فى اول المشاركات ..اذكركم اننا منتدى حوارى و ليس دينى اى اننا كلنا من المشرفين الى الاعضاء لا نملك من العلم الدينى ما يؤهلنا للحديث فيه و الخوض فى اعماقه... فمن يريد ان يتقى الله و يبعد الفتن عن اخوانه المسلمين فاليساعد فى حذف هذه المواضيع و التصدى لاى موضوع يحاول مناقشه التشكيك فى السنه النبويه والطعن فيها وتشجيع الحوار حول الليبراليه من قريب او من بعيد من زاويه استخدام العقل؟؟!! واخيرا كلمه لمشرفى الاداره ...ارجو منكم قراءه الموضوع من اوله لتكتشفوا ان المنتدى فقد كثير من الاعضاء بسبب الخوض فى هذه المواضيع و لم يحرك انسحابهم ساكنا ...فهل هذا معناه اننا كأعضاء لا يهم اشتراكنا من عدمه عندكم.. ووجودنا من عدمه..

توبيك حضرتك مهم جدا خصوصا هذه الايام مع تعسر كثير من الشباب فى الزواج مش عارفة لكن والدى الله يرحمه كان له معتقداته فى الزواج وطبقها معانا 3 بنات وصراحة مالقتش زمان ولا دلوقت حد بيعمل كده وكانت فى ناس بتتعجب من تصرفه ده وتقوله محدش بيعمل كده كان مبدأه ان البنت تتجوز لو بياع فجل سريح على خلق ودين احسن من واحد غنى حيجيب لها كل حاجة لكن مش حتكون مرتاحة معاه وكان دايما يقول انا مش دايم لكم ولازم اطمن عليكم وفعلا كان عنده فراسة ونظرة للناس ولم يوافق الا على من ارتضاه خلقا ودينا والحمد لله كانت نظرته صح ثانى شئ انه كان شايف المهر والشبكة والمواسم وحتى مكان الفرح شئ يخص العريس ملناش فيه جاب كتير جاب شوية اهى حاجته وفى وشه وفى بيته ثالث حاجة ان البنت بقيمة الحاجة اللى بيجبها لها ابوها يعنى الشوار علينا مهما كانت قيمة المهر واعترض على ناس قالت حنشور احنا رغم ان العريس كان مستعد يشور هو لكن قاله لأ ادفع المهر اللى يناسبك وانا اجيب اللى عاوزه لبنتى ورغم انا مكناش من الاغنياء لكن سبحان الله كان كل حاجة ميسرة وسهلة لانه فعلا مكنش بيعسر على حد فى طلبات وجهزنا باحسن جهاز بل ايضا كان بيشترى حاجات كان العريس المفروض يجيبها لكنه شارك بها عمرى ماشوفته طلب من واحد جيب ولا متجبش او دى مش عجبانا او انت مجبتش ده ليه فى نفس الوقت كنت بلاقى جوزات اصحاب لى اتفركشت على طقم حلل او والدها طمعان فى مهيتها مش عاوزها تقعد من الشغل او عاوزين شبكة قد كده وفرح مش عارفة زى مين والنتيجة انهم اتجوزوا بعدى بسنين طويلة كذلك كان رافض نهائى زواج الاهل والاقارب مما سبب له قطيعة مع بعض اقاربنا كمان مكنش يرضى يجوزنا حد من محافظة تانية لازم يكون اسكندرانى او على الاقل مقيم فى اسكندرية وعلى فكرة اخويا واخد نفس منهجه ده انه هو اللى حيشور بناته ولسة رافض عريس لبنته لانه مش من محافظتنا بس الخلاصة اننا بنترحم عليه كل يوم لاكرامه لينا وحنيته عليناوده اللى المفروض يعمله كل اب وام مع اولادهم ان مايقفوش حجر عسر فى سبيل سعادة اولادهم عشان شوية كراكيب ممكن يروحوا فى لحظة غير ماانهم بيتركوا مرارة وذكرى سيئة لهم بتتمثل فى الجحود بعد كده حتى فى الدعاء بس اعتقد ان فى ناس بتسهل كتير دلوقت نظرا لارتفاع نسبة العنوسة المشكلة ان البنات بترفض شاب على قد حاله وممكن توافق على عريس فارق السن بينهم كبير لمجرد عنده شقة وشبكة بالشئ الفلانى بغض النظر عن المشاكل اللى حتحصل بعد كده من عدم التكافؤ او عدم التفاهم لانى بيبقى زواج مادى

أعتقد إن دي أمور دنيويه متروكة للناس وللعادات وتختلف من بلد لبلد يعني ما فيش نموذج أستاندرد بيقول مين عليه إيه او مين يجيب إيه .. وبالتالي نطلق علي إسلامي .... ولو عملنا كده يبقى اللي بيحصل في الهند من مسلمين برضوا يُسمى إيه ؟ حيث إن العروسة ناقص تجوز أهل العريس كمان لكن هو موضوع يتعلق بالتيسير على راغبي الزواج ... و بيني وبنيكم المفروض يعني الراجل هو اللي يشيل الليلة بحالها .. بصراحة لكن منين يا فرج ؟ الشباب اليومين دول بيكح تراب .... والأهل بيخافوا على بناتهم أحسن يقعدوا في أرابيزهم ... وكمان البنت نفسها تخاف تسيب العملية للعريس لتفاجأ في النهاية إن " أهلها رموها " من وجهة نظرها ... حيث ممكن إنها تفاجأ بشقة أوضة من غير صالة ... وطشت ... وسرير سفري لشخص واحد ... ومسمارين في الحيطه يعلقوا عليهم الهدوم ... وخلصت يا معلم لكن يظل في النهاية هناك أمور وسط مش محتاجه كلام وتقريباً متعارف عليها .. يعني شقة مناسبة حتى لو كانت إيجار جديد ... وأثاث مناسب لا هو تحت قوي ولا فوق قوي قوي قوي ... ولو الكل فكر بالطريقة دي وفكر إن مستحيل تلاقي حد في الدنيا إنتهى زي ما بدأ ( إلا لو كان فقري بقى .. هانعمل له إيه smk: ) ... يعني كل واحد بيبدأ صغير وبالمجهود والتعب والمشاركة بين الزوجين بيكبر - مش في السن - وبيحسن معيشتة وحياتة وحياة أسرته .. لكن لو عاوزين الشاب الصغير يبدأ من النهاية يبقى ده التعجيز بعينه

موضوع متميز اخى العزيز كامل تسجيل متابعة واعجاب ومنتظر باقى عادتنا و تقاليدنا الجميلة ...

هنا الناس كلها بتساعد بعضها بس لو حد فينا انشغل شوية هنرجع ونرد على حضرتك لو كنا نعرف بص لو اعتبرنا ان شغل السكرتيرة يعنى سكرتيرة تنفيذية او ادارية يبقى هنا Fonctions principales المهام الوظيفية http://imt.emploiquebec.net/mtg/inter/noncache/contenu/asp/mtg122_descrprofession_01.asp?lang=FRAN&Porte=1&cregncmp1=QC&cregn=QC&type=01&motpro=Secr%E9taire&PT1=25&PT2=21&PT3=10&PT4=53&pro=1241&aprof=1241 بالنسبة لموضوع المدير انت هدور على مهام المدير وهتختار منها اللى يناسب شغلك وتحفظه لان الوظائف فى كيبك متقسمة بطرقة نختلفة عن مصر يعنى Fonctions principales هنا directeur général http://imt.emploiquebec.net/mtg/inter/noncache/contenu/asp/mtg122_descrprofession_01.asp?PT4=53&aprof=0512〈=FRAN&Porte=1&cregncmp1=QC&cregn=QC&type=01&motpro=Directeur+&pro=0512&PT1=25&PT2=21&PT3=10 انت لما تقرأ المهام عموما للسكرتارية وللمدير هتلاقى كلام يناسبك حسب طبيعة شغلك وكلام لا اما بالنسبة ازاى تدور على عروض عمل من هنا http://placement.emploiquebec.net/mbe/ut/rechroffr/erechroffr.asp هتعلم على Toutes les offres وبعدين هتكتب اسم الوظيفة سواء سكرتارية او مدير وبعدين هتعلم على Tout le Québec وهتعمل RECHERER هيظهرلك الوظائف اضغط على اللى يناسبك واطبعه بالنسبة لوضوع المعادلة اللى اعرفه انك بتعادل الشهادة الجامعية بتاعتك وانا ما اعرفش حضرتك معاك شهادة ايه بس عموما الشهادات التى يتم معادلاتها هنا http://www.immigration-quebec.gouv.qc.ca/fr/emploi/professions-metiers/ordre-professionnel.html

هذه هى الكذبة التى كانت أولى دعائم مداخلة الانسحاب الدراماتيكى للفاضل nightmare .. لا ندرى مصدر الكذبة التى اعتمدت عليها المداخلة .. ولكننا نعلم الآتى تمام العلم : 1) نعلم أن موضوع الفاضل "شريف مان" عن الليبرالية قد ألغى .. وأن هذا سيكون مصير أى موضوع ينقله عضو بدون تعليق منه أو بدون شرح وجهة نظره هو "كعضو" فيما جاء بالمنقول .. بهذا المبرر الذي سقته يا أبو محمد لم تعد كذبة (ومدار كلامي هنا حذف المواضيع وليس عضوية الفاضل شريف مان) لأن الفاضل إسلام المصري ساق لنا مقال في موضوعه "إختلافهم نقمة...." ولم يعلق عليه وهو ما دعا الأخت ضحى في المداخلة رقم 13.. أكرر رقم 13 ..تذكر الزميل إسلام بأنه لم يعلق على المقال الذي ساقه في أول مشاركة بالموضوع فلماذا لم تحذف الإدارة الموضوع بنفس الداعي، بالرغم أن الزميل شريف مان أذكر أنه دعا في المداخلة الأولى للتحاور بهدوء حول المقال ولم يسوق المقال للإساءة لأحد.. أما بالنسبة للمقال المقصود، فحضرتك تقول أنت تعلم يا أبو محمد أن المقال يتكلم عن الليبرالية كفكر عالمي ولم يحصره في البلاد الإسلامية ولا العربية، كما أن الكاتب "نبيل العوضي" قال في مقاله فهو لا يقصد نسب هذا الفعل لليبرالي، ولكن الليبرالي يسمح به، والمبرر في هذا من وجهة نظر الكاتب : وكلمة "في الأصل" هنا توضح أنه يقصد الفكر الليبرالي بشكل عام ولا يسقطه على الليبرالين في البلاد العربية ولا الإسلامية.. آسف للإطالة وتحياتي لتفهمك

السلام عليكم يعنى إنت فى كندا بتعمل كده؟ بتمشى جنب الحيط وبتسيب حقك؟ يمكن الكلام ده ممكن يكون موجود فى الدول العربية خوفا من الترحيل ، لكن فى الدول التى تحترم الإنسان وتساوى بينه وبين غيره ممن يعيشون على نفس الأرض ، فلازم تمشى فى نص الشارع وتفتخر بأنك "أقلية". نعم يتحمل المغترب التعب ويكافح فى سبيل أن ينجح ، ليس لانه من الأقلية التى كُتب عليها أن تمشى جنب الحيط ، ولكن لأنه من الأساس هاجر طمعا فى النجاح.

السلام عليكم ورحمة الله وبركاته بالتأكيد أنا مع هذا النداء ومن ابتلي بإنكار أحاديث أو شيء مما اجتمعت عليه الأمة في أكثر من 14 قرنا من الزمان فليس هذا هو الطريق المناسب لمعرفة صحة ما يقول أو خطأه فطرح ذلك على المسلمين سواء هنا أو هناك يضر ولا ينفع خاصة وانه لم يدع أحد هنا أنه أهل للرد على مثل ذلك فالأهل للرد هم العلماء الذين أفنوا عمرهم في تحصيل العلم خاصةأن كثير من المسلمين في وقتنا الحالي يعيشون ويموتون وهم لا لم يعرفوا فقه العبادات ومنها الصلاة التي إن صلحت صلح سائر عمله وإن فسدت فسد ساثر عمله فيجب أن نحذر أن نفتن هؤلاء وذلك باتباع الطريق الصحيح وهذا كان رأي الإدارة أيضا في يوم ما كما في هذه المداخلة التي كتبها الفاضل عصام عن الإدارة في موضوع هل صحيح البخاري كله صحيح بالفعل

الموضوع مؤسف بحق .. تتم تلك النوعية من الجرائم بشكل متكرر في مصر .. تكثر أو تقل في بعض المناطق حسب الظروف ... ودائماً ما تحدث تلك المشكلات بمعاونة محامي فاسد .. مجرم بطبيعته ... موضوع إجرام بعض المحامين يمكن عمل عدد من الموضوعات المستقلة خاصة عنه .. وهذه مشكلة كبيرة في مصر ... لكن ما أثار دهشتي .. هو أن أغلب الآراء اتجهت إلى حل يبدو أنه في مصر منطقي وموضوعي .. وحل عادي وطبيعي يتم بمنتهى البساطة .. عدد من لاردود احتوت على إقتراح .. هات لك شوية بلطجية يخرجوه بالقوة .. سؤالي إللي مش عارف أجاوب عليه .. هو لو أي حد إحتاج شوية بلطجية ... يعمل إيه ؟؟؟؟ يعني يروح فين يجيب البلطجية دول ؟؟؟ وما هي العهود التي تتم مع البلطجية ؟؟ وكيف يأمن المرء على نفسه من هؤلاء البلطجية أنفسهم ؟؟؟ وكيف يكمل بقية حياته ؟؟؟ في أمن وأمان ؟؟ كيف يتعامل معهم مادياً ؟؟؟ كيف يحسب حساب العواقب التي قد تنتج عن هذا ؟؟ كيف يواجه أبناؤه وأسرته بعدما استعان يوماً بمجرم ؟؟؟ أو إستأجر بلطجي ؟؟؟ كيف يوجه إبنه للسلوك القويم ؟؟؟؟؟ هل سيكون محتاج أن يعلم إبنه السلوك القويم ؟؟؟؟ الحقيقة .. أنا لم أفاجأ بالقصة .. فقد سمعت أنها حدثت وتحدث ... ولكن لكل موضوع وقضية خلفياتها .... لا تأتي من فراغ ... غالباً .. ولكني صدمت صدمة كبيرة بتلك الآراء المؤيدة لموضوع استئجار البلطجية دي !!!!!!!! حقيقي .. لم أستطع إستيعابها .. يمكن أنا إللي مش فاهم .. ولا عارف حاجة .. يمكن أنا إللي غلط ....؟؟؟؟؟؟ لكني مش مقتنع .. ومصدوم !!!

بالنسبة لسؤال حضرتك انا كمان شفتها فى حالة واحدة زى ذهبية لكن بصراحة الموضوع عاوز ناس متفهمة جدا يعنى العريس صحيح دفع مهر وشبكة لكنه فرش غرفتين واهل العروسة اهدوههم غرفة كاملة بكل محتوياتها وسابوا غرفة مغلقة بدون فرش لكن بعد الزواج العريس كمل كل حاجة أول امكانياته ماتوفرت كمان اخو العروسة نفسها لما اتجوز عمل نفس الكلام يعنى الفلوس اللى معاه فرش بيهم يعنى الموضوع عاوز تفهم جدا وعدم اهتمام بكلام الناس اللى هتيجى تقولك فين سفرتها والقوضة مقفولة ليه ....الخ العريس دفع مهر لانه موضوع مهرها عفشها ده كان غير مقبول بالنسبة له وفرش الغرف بشكل لائق جدا لانه بيفرش بيته وفى المقابل زوجته ماكنش لها اى طلبات يعنى كانوا بيختاروا سوا فى الاطار المتفق عليه فيه ناس بتعمل حاجة تانية خصوصا لو عنده شقة يعنى العريس بيجهز شقته حتى قبل مايلاقى عروسة من تشطيب لفرش لكل حاجة ورأيهم انه مش هيستنى العروسة تيجى تفرش له الشقة طبعا فيه بنات مش بتوافق وبتقول ده بيتى وانا اللى اختار عفشي وفيه بنات ربنا بيهديها وبتركز اختيارها على العريس مش على فرشه . والله انا حضرتك لما فكرت فيها لقيتها معقولة جدا ومش مكلفة زى ماحنا متخيلين على العريس لانه بيجيب حسب مقدرته اللى بيحصل النهارده نتج عن الناس كانت عاوزة تسهل على الشباب لكن شوية شوية بقا فى حد ذاته مشكلة لان الاهل بقوا طرف فى الشرا ومن هنا جه التغالى ف الطلبات عند "بعض" الناس لكن يمكن لو جربنا نرجع للاساس يمكن المشاكل تقل الحاجة اللى بأكد عليها انه الناس هنا بترفض تكتب قايمة طبعا لكن مافيش عروسة من غير مهر (ده شرعا يعني ) وده حاجة مالهاش علاقة بالمؤخر لأن برضه العريس قال ان مافيش حاجة شرعااسمها مؤخر فيه "مؤجل " يعنى ممكن يكون جزء من المهر تاخده الزوجة وهى على ذمته وعلى هذا كتب المهر جزء منه قبل الزواج وجزء مؤجل لها الحق انها تاخده لما يتوفر له امكانيات . هو فى النهاية لو واحد محترم هيفرش بما يرضى الله وهيعاملها بما يرضى الله المهم انه يكون ده نابع من قلبه يعنى يكون دى نيته الحقيقة وربنا يكتب الخير خالص تحياتى لحضرتك

برااااااااااااااااافوووووووو برااااااااااااااااااااااااااااااااافووووووو هايلين بجد ...تستحقوا كل الشكر وكل الحب وعلى جانب التهنئه .. طبعا بما ان شهر ديسمبر شهر الانجازات...احم احم اسمحولى اكرر مرارا وتكرارا فضل المحاورات على انا شخصيا واللى بسببها اطلقت عليها ومن قلبى فعلا بيت العيله لاقيت فيها دفء فى وقت كان باااارد اوى بالنسبه لى غربه اهل ووطن ومشاعر وافكار برغم اللى حواليا كلهم كنت وحيده جدااااا ...الى ان لاقيت اخوات وابناء واباء وامهات ايضا لاقيت جزء كبير من نفسى هنا بينكم كل سنه واحنا سوا متجمعين على حب الخير ونسند بعض لما تميل بنا الدنيا ونعين بعض لما تضيق بنا حياتنا ونرسم بسمه على وش بعض لما تغلبنا همومنا ونمسح دموع بعض لما كل اللى حوالينا يدونا ضهرهم كل سنه وكل الحب مالى محاورات المصريين وقلوب كل المصريين ياااااارب

السلام عليكم ورحمة الله... أنت من الأحرار يا سُنسُن.. عصير الافوكادو ده أنا كرهته من كتر ما بأعمله..مش لى خالص..ولكن الافندى عندى بيحبه جدا... بيحب الافوكادو فى جميع صوره لا يختلف فى ذلك عن حبه للقرع العسلى...(رحماك من هذا العذاب ) ممكن كمان تضيف الافوكادو لفواكه اخرى وتعمل كوكتيل بيبقى مش بطال برضك..ونونكن كمان تضربه مع الزنجبيل امعانا فى الغيظ يعنى...وتضيف له بعض قطرات عصير الليمون وتلج مجروش... وممكن تعمله سلطة ..تهرسه بفص توم وعليه مايونيز ..ونونكن..ونونكن .....وقائمة طويلة من النونكنات تحت امر جنابك ...اطلب انت اى وصفة افوكادية وانا فى الخدمة.. أوووففف..مليتوا البلد...

علي افتراض انك في السعوديه ده موقع اكسترا هاتلاقي الانواع والاسعار http://www.extrastores.com/EnglishPages/ProductList.aspx?Page=Mobile Phones&CategoryId=190 بس انا بفضل النوكيا وبقي في حاجه جديده بتنافس الاي فون اللي هي N8 ب 2400 ريال

لأ يا احمد المشكله مش في الأجهزه و لا في مسح الكوكيز و اذا كان مسح الكوكيز نفع مع ناس فببكل تأكيد مانفعش مع ناس تانيه افتح منتدى المطاريد حتلاقي ناس كتير مش عارفه تدخل و فاتحين موضوع بكده انا اكبر مثال للموضوع ده و واضح ان المشكله بتييجي حسب مورد الخدمه يعني فودافون ولا اتصالات ولا زين ...... ركز معايا من 6 شهور مثلا كانت المحاورات بتفتح من الشغل على اللاب توب و من البيت على نفس اللابتوب بعدها بشهر مثلا بقت تفتح من الشغل و ماتفتحش من البيت على نفس اللابتوب مسحت الكوكيز و مسحت المطبخ و الحمام في البيت و مافيش فايده لغاية ما فيه عضو فاضل في المطاريد كتب طريقه فنيه معقربه شويه على الناس العاديين عملتها و بقت تفتح في المكانين و ما زال الآيبود بتاعي في البيت ما بيدخلش المحاورات (لأني ماعملتش فيه الطريقه اياها) اذا المشكله موجوده و لا داعي لتجاهلها و مش مفروض كل اللي عايز يدخل الموقع يقعد يعمل الخطوات الرزله اللي انا عملتها دي كلها بالتأكيد فيه كتير بيكبر دماغه و يزهق فتش عن الحل يا سين سين و بلاش ملاوعه

وبمناسبة محمد قنديل انا بحب صوته جدا .. وفيه اغنية مناسبه دينيه بعينها بحب اسمعها فى اى وقت لانها الى جانب كونها مبدعه ككلمات وكلحن ..فهى بتذكرنى بأحلى ايام طفولتى وصبايا .. وبتعيشنى اجواء رمضان المتميزه بيه مصر .. رمضان اللى محضرتوش بمصر من حوالى 7 سنين :closedeyes: http://www.youtube.com/watch?v=jlhi5Gja4c8

مناجاة مصرية رايحة جاية تزرع الغرفة ذهابا و ايابا طب اعمل ايه دلوقت انا كده حأضيع اتصرف ازاي دلوقت لازم الاقي حل و بسرعة انا حأجمع بعض من الاعوان نتناقش في المصيبة دي ******************************************************************************** مشهد 3 انا جمعتكم النهاردة عشان استشيركم في موضوع خطير بدون مقدمات انا حاتفضح الحقيقة مش انا صاحبة افكار مواضيعي اللي بتشوفوها مش وقته الله يكرمكوا تبصوا لي و تبصوا لبعض انا جمعتكم عشان بأثق فيكم اركتيكت: سكر والله دمك خفيف جدا يا مصرية بتهزري طبعا زوهيري: مش وقته يا ارش لازم تتعلم تتقبل الآخر بكل ما فيه من أخطاء و بلاوي سودا اهم حاجة انها من المحاورتية الشرفاء لماضة: مصرية كلنا بنغلط كلنا بتيجي علينا لحظات نخرج برة نفسنا و نقعد نبص عليها من بعيد نتخيل اننا ناس تانية تايهة في الزحام بس بتبقى عارفة انها لازم تلف تلف و ترجع تاني لبؤرة اللاوعي مساكي بؤر نور مصرية: انا في مصيبة ريمو بتهددني تشتكيني لأستاذ عادل ضحى: مصرية خلليني احلل الموقف الأول انتي غلطتي من الأول انك تخليت عن مبادئك كل ده عشان تكتري مشاركاتك المهم الجودة شوفي المواضيع القديمة واتعلمي و بعدين غلطتك التانية انك رحتي لريمو انتي عارفة انها كانت محتاجة قرشين عشان عملية مريومة و انتي استغليتي ضعفها و دلوقتي عايزة تتخلصي منها ارجو انك تراجعي نفسك و انا عارفة انك حترجعي للحق ساري:طب ايش رأيك اسويلك فيلم عن هدا الموضوع و الله فلة مصرية: هيا روح عني يا ساري ترا مرة مو وقتك و هنا دخلت مغتربة: معلش يا جماعة اتأخرت عليكم بس عارفة ان مصرية حاسة بيا كويس و ان بينا وشائج روحية تربطنا دي عرفت اني كنت لابسة بلوزة كحلي امبارح في الشغل عايزين ايه تاني بقى قولي يا مصرية خير لماضة: انا بدأت اتوتر و من موقعي امام محل عصير القصب ان لازم مصرية ترجع كل زعزوعة خدتها ... قصدي كل موضوع خدته من ريمو و ترجع تنسبه ليها و يا دار ما دخلك شر و تبقى تكتب تنويه اداري انها مخدتش بالها و الموضوع يتحل مغتربة: ايه ده اللي انا باسمعه ده و انا اللي كنت فاكراكي توأمي اخص على كده و هنا تفيق مصرية على يد ماما سلوى تربت برفق على كتفها في غرفة الاشراف يا حبيبتي يا مصرية انتي نمتي على المكتب يا حبيبتي معلش ما هو الشغل كتير قومي قومي اغسلي وشك و تعالى اشربي معايا قهوة و نسمع خوليو شوية و انتي تروقي تمت

السلام عليكم و رحمة الله و بركاته بعيد بس عن الكلام الكبير...استهتار...الطلاق....اسيب البيت...(لا انا ماسبشي بيتي غير لما يجي الونش..انا قاعدة علي مراوحه) و بعيد عن تدخل اي طرف في العيلة....دي مشكلة خاصة جدا....مافيش داعي ننشر الغسيل اللي مش اللي هو قدام الناس و خصوصا ان ده هيهز صورته قدام عيلته و بناته كتير هو انتي مندهشة ليه يا حماتي العزيزة..... طب الراجل عايز "يراهق"....حس فترة انه سابه كتير او انه معاشي حياته مثلا(و غالبا هو اتجوز بدري او تحمل المسئولية بدري)....فقالك اما الحق اعيش بقي مندهشة عشان عنده 33 سنة....ده سن النضج مثلا....اومال اللي عنده 55 سنة و قاعد قدام واحدة في دور بناته و لسه بيكلمها عن صولاته و جولاته و ازاي كان محطم قلوب العذاري مندهشة من الست.....انا كمان مندهشة منها....بس مش لنفس اسبابك مندهشة منها انها واخدة الموضوع في سكة تانية خالص غير السكة اللي المفروض تركز فيها هو عايز يراهق....عايز يحس الجو بتاع انه مراهق و ناس بتشاغله و حركات....طب هي ليه ما تلعبشي معاه!!! تعمل اكونت ع الفيس بوك....و تشغله تخش الشات....و برضه تشغله بس بدل ما كانت المساحة بتنشغل مع ناس تانية....و الله اعلم بتوصل لحد فين....خليها تتمتلي بمساحة من حقها هي مش لازم بس الفيس بوك و الشات هو عايز اهتمام...غير الاهتمام اللي هي بتعمله هو مش طفل في العيلة....و لا هي ناظرة المدرسة اللي هتديله محاضرة عن الاخلاق الحميدة في زمن العفن هو مراهق...برتبة زوج...أو زوج عايش في دور المراهق و هي بقي لازمن تكون ام....و صديقة و عشيقة يمكن هي كويسة كام.....يمكن ممتازة كزوجة....بس محتاجة تشتغل علي دور العشيقة....و بعدين تطلع علي دور الصديقة مش كل الناس هتقدر تعمل كده...بس افتكر مرة سمعتها في التلفزيون الدكتورة قالت..."هو احنا ليه بنبطل نجرب في الزواج....هو مش احنا قاعدين في وش بعض.....يبقي نفضل نجرب لغاية ما نلاقي الزرار الصح في الشريك بتاعك" لو هي ارتباطهم خطوبة او مشروع زواج...يمكن كان كلامي هيكون مختلف لكن طالما بيت و اسرة و اطفال...(و سؤال هي بتساله لنفسها يا تري بعيد عن شغل المراهقين..يا تري هو زوج صالح و لا لا...لو كان كويس....يبقي فعلا يستحق المحاولة مرة و عشرين كمان) عجبني اوي لما بيقولها...."انتي ام العيال" يا لهوي يانا ع اللي عايزة تتجوز.....(خلاص قربت اخد موقف...و لا موقف عبود فعلا من الليلة بحالها) يعني الراجل يبقي بس شايفاها ام العيال.....ايه ده البنت مش لازم تتجوز عشان تبقي الرفيقة ام العيال في علاقة بتتيح ليها انها تلبع كل الادوار....اللي عمرها ما عاشتها في حياتها تقدر تكون...صديقته تقدر تكون...امه تقدر تكون العشيقة السرية تقدر تكون المعلم حنفي صاحبه و تشوف الولاد بتخرشم بعضها في الكلام ازاي ليه تحرم نفسها من كل ده....و تركن بقي في بند "ام العيال" ليه متحاولشي يعملوا حاجة مع بعض حاجة هي و هو..... تبتدي من انهم....يروحوا سينما سوا من غير الاطفال يعملوة شقاوات...او مقلب في حد من اصحابهم و تفضل تتدرج معاه لغاية ما ايدها في ايده و نعمل طاعة مع بعض حماتي العزيزة اطلعي من حالة الدهشة دي علاقتهم محتاجة اعادة قراءة.....و هي اللي لازم تقوم بالدور ده....لان البيه....خلاص عايش خياته نسيبه بقي....يدوس زيادة لغاية ما واحدة فيس بوكاوية....تجيبه علي بوزه و لا تكون واعية.....و تعيد هي تشكيله علي مزاجها ع جنب بقي السيدة الفاضة محتاجة حوالي 7 كيلو...بال راااااااايق و بروووووود عشان تمخمخ علي مية سائعة صباحك حالة اندهاش...بس لازم تخلي عينينا تقرا بشكل غير

أنا آسف يا ابو يوسف عادل حلاوة العنتبلي آسف اني مش قادر اسافر لغاية عندك .. ولو ثواني .. آخدك بالحضن .. وامشي .. من غير كلام آسف اني بعيد عن ابويا و امي و اخواتي من عشرين سنة وباشوفهم في اجازات .. فلاشات .. لحظات آسف اني شايف مركب بلدي بتغرق وانا مش قادر غير اني اشيل عيالي على كتافي وضهري واعوم بيهم بر أمان آسف على مئات من لحظات السعادة والحزن مرت على اصدقاء الطفولة وانا بعيد عنهم .. اشاركهم من خلف هاتف جامد .. أو سطور كارت بليد آسف اني عرفت ما اتعسني بمعرفته ، ومن اتعسني بمعرفته آسف ان فارقت من تسرني رؤيته .. وتبهجني صحبته .. وتحوطني مودته .. ويصفو لي حديثه .. ويطهر لي فؤاده ويُخلص لي في النصح .. ويشفق علي في المدح والذم آسف لقرآن الله الكريم .. كم من ليلة نمت فيها عن وردي ولقائي معه آسف لرب العرش العظيم يرزق فلا أحمد ويعطي فلا اشكر ويكشف الضر ويجيب المضطر ويشفي العليل ويهدي الضال ويقيل المعثر ويقبل التوب ويغفر الذنب عبدُ ذليل ضرير وذنبُ كبير وربُ جليل اللهم لاتكلنا الى انفسنا فنشقى ولا الى الناس فنضيع لك العتبى حتى ترضى وانت أرحم الرحمين