لوحة القادة

هدية لكل أعضاء المنتدي يار ب تعجبكم ودي من الشيخ العريفي شفاه الله وعافاه وبالمناسبة بشرى نجاح العملية التي أجريت له http://www.youtube.com/watch?v=3DR81-gQ5gg وانا عارفة كرمكم وعارفه انكم هتقبلوها واللي يقبلها مني يوعدني بدعوة بظهر الغيب وهوا صايم ( دعوة بالعفو من رب العالمين) اوعووووووووووووووووووووو تنسوني

أنا أؤيد بشدة العصيان المدني و الإضراب عن العمل للأسباب التالية: 1- العصيان المدني و الإضراب هو الأقل تكلفة على الإطلاق لتغيير الأنظمة يعني كل واحد يقعد في بيته لا ينزل شغله و لا جامعته و لا مدرسته و طبعاَ مش معقول النظام هيبعت عساكر أمن مركزي لبيوت الناس تنزلهم شغلهم بالعافية و بفضل بعد قبض المرتبات مباشرة. 2- إذا كان الناس إستحملت 30 سنة قمع و كبت و قهر و فقر غصب عنها فما المانع أنها تتحمل أسبوع من نفس المعاناة و لكن برغبتها و إختيارها و إنتظار النتيجة. 3- النظام البدائي الحجري لم يع بعد أن الشعب لم يعد لديه ما يخسره و قد وصل بالفعل لمرحلة "يا روح ما بعدك روح". 4- النظام سيجن جنونه عندما تتحول طاعة الشعب إلى أشخاص أخرين شرفاء قادرين على التغيير مما سيفقده المزيد من التوازن. 5- نتذكر دعوة الإضراب السابقة و كيف إرتعدت الحكومة من نتائجها و بمنتهى الغباء السياسي شاركت الحكومة نفسها في تشجيع الناس على الإضراب دون وعي أو قصد عندما حذرت وزارة الداخلية الموظفين من عدم الذهاب إلى العمل و كان لهذا التحذير رد فعل عكسي لخوف الناس من حدوث أي مكروه لهم خارج منازلهم و فضلوا البقاء بالبيت. 6- توجد أفكار أخرى بجانب العصيان مثل مقاطعة كل ما يمت للنظام و الحكومة بصلة سواء مطبوعات - فضائيات - منتجات صناعية - أي حاجة تمثل أو تدافع عن العصابة التي تحكم. و في النهاية لست حزيناَ على ما يجري فهي مرحلة مخاض قد تكون صعبة و مؤلمة و لكن لابد منها و لكن هل كان لابد من دفع كل هذة الأثمان الفادحة للتغيير - هل لابد أن نخسر سنوات و سنوات لمجرد أن الدكتاتور لا يريد الإصلاح و التغيير!! وأخيراَ سيفشل مبارك لأنه يريد أن يموت و يدفن مصر معاه.

في مقالة كنت قرأتها من قبل وعجبتني جدا وأحب أشارككم بها هي عن الاحتياجات النفسية للانسان عموما (رجل أو امرأة) خلال مراحل عمره المقالة الأصلية

لحد دلوقت الكلام تمام اتفقنا ان كل بني آدم بيتكلم حتى لو بينادي " معسلة يا بطاطا" هو انسان يجب احترام شخصه و انه من الوضاعة أن نسخر من أي إنسان كان لا نسخر من شخصه نهائيا اما ما يقوله فهناك ثلاثة أنواع من رد الفعل 1- أننا نتفق معه و ذلك شيء نسبي و متدرج و لنتفق ان الدرجة الوسطى من التأييد دائما ما تكون هي المحمودة 2- أننا نختلف معه و ذلك أيضا شيء نسبي و متدرج و لنتفق أيضا أن يكون على الدرجة الوسطى 3- أننا في حالة متوسطة بين القبول و الرفض بمعنى أننا قد تعجبنا آراء و قد لا تعجبنا آراء و لنتفق هنا أننا نلتزم أيضا بإظهار الايجابي من كلامه و إبرازه و التغاضي عن السلبي و عدم تضخيمه بالمناسبة تقسيم الموضوع إلى عناصر و عرضها على المتلقي أولا لكي يعلم بجوانب الموضوع المطروح هو أسلوب دائما يستخدمه الأستاذ الفاضل محمد حسان و يعجبني جدا من حضرته الخلاصة الوسطية يا أمة الوسطية سواء في العرض أو في التلقي و زي ما قال الأستاذ شريف و عجبني جدا عندك حق يا أستاذ شريف بس ده برضه لازم يكون من الجميع المطلوب عدم الاستخفاف بالأشخاص و أيضا عدم التركيز على الجزء السلبي من أي فكر يأتينا فلنفكر في الايجابي فقط و بأذكر إن ده لازم يلتزم به الجميع و عدم الالتزام بيه حيخللينا مش بس نرجع لنقطة الصفر ده احنا مش حنخلص للأبد من التناحر و التباغض أعجبتني مقولة سمعتها و لا أعرف مصدرها الحقيقة لأني لما بحثت وجدت حديث شريف فيه جزء منها و لكن على شيء آخر أقول لنفسي و لحضراتكم ما ترك قوم العمل إلا أوتوا الجدل

وجدت هذه الأفكار التي يمكن أن تساعد على تحفيظ القرآن الكريم لأولادنا بسهولة بدأت في تطبيق بعضها ووجدت أنها والحمد لله تؤتي ثمارها أتمنى أن نطبقها ونجنى ثمارها جميعا القاعدة الأولى :- اسمعوه القرآن وهو جنين القاعدة الثانية :- اسمعوه القرآن وهو رضيع .. القاعدة الثالثة :- اقرؤوا القـــرآن أمــــامه – غريزة التملك -.. القاعدة الرابعة :- اهدوه مصحفاً خاصاً به - غريزة التملك - القاعدة الخامسة :- حفلة لكل حفظ جزء من القرآن - الإرتباط الإشتراطى القاعدة السادسة :- قصوا له قصص القرآن الكريم القاعدة السابعة :- مسابقات مسلية حول سور القرآن القاعدة الثامنة :- اجعلوا القرآن رفيقه في كل مكان .. القاعدة التاسعة :- اربطوا بالوسائل المتخصصة بالقرآن وعلومه القاعدة العاشرة :- اشتروا له اقراص تعليمية القاعدة الحادية عشر :- شجعوه على المشاركة في المسابقات القاعدة الثانية عشر :- سجلوا صوته وهو يقرأ القرآن القاعدة الثالثة عشر :- شجعوه على المشاركة في الاذاعة المدرسية والإحتفالات القاعدة الرابعة عشر :- حضوه على أن يصلى بما يحفظ .. أيضا هناك رابط للمصحف المعلم بصوت الشيخ محمد صديق المنشاوي ساعدني كثيرا على تحفيظهم للقرآن الصحف المعلم

عمل فني مبدع ... شديد الرقي شاهدوه .. ستسمتعوا جداً به .. وسأنتظر تعليقكم .. أنا .. لم أستطع التعليق .. فقد إحتبست أنفاسي .. http://www.youtube.com/watch?v=1qGnCnd-730&feature=related

السلام عليكم ورحمة الله وبركاته أعتقد انه بالاضافة الي الاساليب السابقة ............ لو الطفل رأي والديه ومن حوله يحفظون القرآن هيبقي دة اكبر محفز ومشجع له علي الاستمرار في الحفظ بالاضافة الي المسابقات اللي بتتم بين كل الاطفال في العائلة علي حفظ سور القرآن الكريم والمكافأت العينية للطفل اللي بيحفظ اكتر وعلشان نسهل عليهم الحفظ ممكن نساعدهم بالتفسير ........ يعني نفسر له الايات اللي بيحفظها دة هيساعده كتير ........ تفسير واسباب نزول دة بيوسع ثقافة الطفل وبيحببه اكتر في حفظ القرآن تحياتي

إن القلوب إذا تنافر ودها ... مثل الزجاجة كسرها لايجبر

و هم في طريقهم الي السيارة يقف مايوسف فجأة و يقول : - اما انا ماعنديش ذوق صحيح .. تيجوا عندي و ما قدملكوش حاجة سكوب : بعدين يا مايوسف .. بعدين - طب دقيقة واحدة عند الكشك اللي عالناصية افتحلكم ازازتين حاجة ساقعة سكوب : بعدين يا سيدي بعدين - طب نضرب طبقين كشري في السريع سي السيد : يا عمي بعدين .. يا حبيبي بعدين .. انجز بقي ابوس ايديك .. - ماهو ما ينفعش .. تقولوا عليا ايه .. طب خمسة عالقهوة كوباية شيح او كراوية او مغات سكوب : مغات ؟؟؟ بعدين يا مايوسف .. لما ربنا ينتع العملية دي بالسلامة .. - طب .. سي السيد مقاطعآ : يمين تلاتة لو ما دخلتش العربية دلوقتي لحلعب في وشك سيجا - طيب طيب .. هدوا نفسكم ... الواحد بيعمل بأصله ... و يركب في المقعد الخلفي .. بينما يركب سي السيد بجانبه و يهم سكوب بالقيادة .. مايوسف : ايه ده .. ما يصحش .. كده شكل سكوب السواق بتاعنا ... اتفضل قدام يا سي السيد سي السيد : سكوب سواقته زفت .. و كل مرة يضرب مقص بحس اني عايز استفرغ .. مالكش دعوة انت احنا واخدين علي كده .. مايوسف : لا لا لا ... انا مقدرش ابدآ اقعد ورا و الأستاذ سكوب يسوقلي سكوب : يمين تلاتة علي يمين سي السيد لو فتحت بقك تاني لحلبس بالعربية في اول شجرة قابلها .. - انتوا حرين ... بس ما حدش بعد كده ييجـ ... يفرمل سكوب السيارة بعد ان كان بدأ في التحرك بها ..و يقفز علي الكرسي الخلفي خانقآ مايوسف بكلتا يديه بينما يتناول سي السيد كيس القماش يغطي به رأسه ثم يقيد يداه بالسكوتش .. يصرخ مايوسف بفزع : هو فيه ايه ؟؟؟ ايه ؟؟ بتعملوا كده ليه سي السيد : مش عايز اسمع حس لحد ما نوصل ... - طيب طيب ... اهدوا .. ده مش اسلوب ابدآ ... تمر فترة سكون تسمع فيها فقط انفاس مايوسف المتهدجة ... ثم يبتدأ في التمتمة : - اللهم اخسف بهم الأرض ... اللهم شل يدهم .. و اكتم السنتهم ... و سد آذانهم ... اللهم اجعل لهم في كل منعطف عسكري مرور يسحب رخصهم .. اللهم اصبهم باسهال مزمن .. ثم بامساك قاتل ... اللهم اصبهم بطفح جلدي و دمامل .. اللهم لا تجعلهم يجدوا اي اجزخانة مفتوحة ... اللهم ... سي السيد : انت بتدعي علي مين يا مايوسف - عاليهود يا خويا .. بدعي عاليهود ... ايه حتي الدعا حتمنعوه - طب ادعي في سرك .. ربنا يعدي اليوم ده علي خير .. ما تسرع شوية يا عم سكوب .. انت سايق عربية مش تريسيكل ... و أخيرآ يصلوا الي مركز المحاورات الرئيسي .. و يصطحبوه الي مدخل جانبي مؤدي الي ممر طويل علي جوانبه غرف المشرفين الخاصة ... حتي يصلوا الي غرفة سرية ملحقة بصالة الأجتماعات .. و يتركوه علي كرسي فيها و يخرجوا بحثا عن الأدفايزور و يخبراه بتواجد مايوسف .. فيتجه معهما الي الغرفة السرية متسائلآ : - هو عرف هو ليه هنا - لا يا Boss احنا بنسيب الموضوع ده دايمآ لحضرتك .. يرد سي السيد - طب عاملتوه كويس يا ولاد ... مش عايزينه يكش مننا من قبل ما يبتدي سكوب : طبعآ يا Boss ... معلوم .. ده احنا في السكة عزمناه علي سفن آب و كشري و و كباية كراوية مخصوص ... بالاضافة طبعآ للبنزين رايح جاي لبيته ... الأدفايزور : فاهم فاهم .. بلاش لف و دوران كتير .. ابقي املا اذن المصروفات و عدي علي مس موني بيني تصرفهملك .. و يدخلوا الغرفة حيث مازال صاحبنا بكيس القماش علي رأسه يلهج في الدعاء : - يا رب خد المشرفين ... يا رب خد المشرفات ... يا رب خد الأعضاء .. يا رب خد الزوار ... يا رب خـد اي حد يخش بالغلط عالمنتدي بتاعهم ... يارب خد الأدفا... في تلك اللحظة يزيح سي السيد الكيس من علي راسه و يقول لما يوسف : - أقدملك الأدفايزور يا كنج ... ينظر مايوسف الي الأدفايزور ساهمآ .. ثم يكمل دعائه : .... يزورررر ... خدهم يا رب الي جنة وسعها وسع السماء و الأرض ... الأدفايزور بغضب شديد : ايه اللي انتوا نيلتوه ده .. فكوه بسرعة .. فكوه يخرج سي السيد مطوة قرن غزال موديل 66 من جيبه و بحركة خاطفة يقطع السكوتش بمهارة لا يلمس بها شعرة من يد مايوسف لا يستطيع الأدفايزور ان يكبح جماح غضبه فيستمر في تقريعهم - ممكن افهم انتوا جايبينه كده ليه .. و من امتي بنستخدم اساليب الجستابو دي سكوب : هو مش حضرتك طلبت مننا اتخاذ الأجراءات السرية المعتادة الأدفايزور : ايوه .. يعني ماحدش يعرف انه حيبقي مشرف و ما حدش يعرف المكان بتاعنا مش تسحلوه بالشكل ده .. مايوسف : مشرف ... مشرف علي ايه ... هي فيه وظايف مشرف فاضية في كندا الأدفايزور : كندا ايه يا ابني .. الله يجازيك يا سي السيد انت و سكوربيون في يوم واحد .. بوظتولي مخ الجدع من قبل حتي ما يبتدي معانا ... مايوسف ناظرآ الي الأدفايزور : آآآه .. ايوه .. انا اعرف حضرتك .. حضرتك اللي بتطلع في نشرة الأخبار المحاورتية و دايمآ بتقول هذا استهلال لازم منه ... الأدفايزور : لابد منه مايوسف : نعم ؟؟ الأدفايزور : لابد منه يا ابني ... هذا استهلال لابد منه .. انتم جايبينلي واحد أطرش مايوسف : يا خبر ابيض ... استهلال لابد منه .. حضرتك الأدفايزور بتاع محاورات المصريين سي السيد : ده كان يوم اسود ... لسه وصلالك دلوقتي ؟؟ مايوسف : و انا مالي و مال الراس الكبيرة .. انا طول عمري ماشي في حالي في المحاورات يا باشا الأدفايزور : مافيش حد قال حاجة مختلفة يا استاذ مايوسف .. الحكاية و ما فيها اننا عايزينك معانا كمشرف ... مايوسف : مشرف ... انا ؟؟؟ و المواويل دي كلها .. و كندا .. و مقصات العربية .. و اكياس المخدات علشان تعينوني مشرف ... الأدفايزور : فلنضع جانبآ الأساليب اللي انا ما طلبتهاش .. لكن الخلاصة هي وظيفة مشرف .. ايه رأيك ؟؟ مايوسف : بصراحة حضرتك فاجئتني ... ممكن تديني فرصة أفكر .. الأدفايزور : قدامك 5 ثواني ... خلاص عدوا .. ايه رأيك مايوسف : و لو رفضت الأدفايزور : بصراحة حتبقي اول حالة رفض تحصل .. و بكده حنبقي في مشكلة .. لأنك خلاص عرفت المكان و شفت شكلي ... ثم يوجه حديثه لسي السيد : انت معاك ترخيص بالمطوة اللي معاك دي مايوسف : يا باشا انا مولود مشرف ... أمنية حياتي اني اكون مشرف ... والدتي كانت دايمآ بتدعيلي و تقول لي نفسي اشوفك كبير و مشرف قد الدنيا يا مايوسف يا ابني ... هو انا فديك الساعة اني اكون مشرف معاكم .. سي السيد : و لا ديك و لا فرخة .. يعني موافق .. مايوسف : طبعآ طبعآ ... سكوب : طب نفرا الفاتحة ...

http://www.youtube.com/watch?v=z8Yi7zR6g-4&NR=1

في الخمسينيات يمر الرجل بمرحلة حساسة يطلق عليها أزمة منتصف العمر، حيث يكون الشباب ولى فيما لم يحل بعد زمن التقاعد والشيخوخة، لذلك تبدأ الهواجس بالسيطرة عليه، وتتلخص بالشكل الأوضح من خلال طرح السؤال الرئيسي: هل يبدأ حياة جديدة مع امرأة شابة، أم يعطي الأولوية للهدوء والراحة مع زوجته التي عرفها وعرفته منذ فترة طويلة؟ بعض المختصين النفسيين يقولون إن القرار النهائي للرجل في اختيار الطريق الذي سيسلكه في علاقاته يتوقف على الصوت الداخلي الذي سيصغي إليه، مشيرين إلى أن التوصيف الاجتماعي والنفسي للرجل في الخمسينيات، هو انه اكتسب تجربة غنية في الحياة، وفي أغلب الأحيان يكون من أصحاب المال أو الجاه، ويتمتع بنوع من الجاذبية مصدرها الشعر الأبيض الذي يظهر على جانبي رأسه، فيما يمثل إعجاب النساء الشابات به دعوة تحدٍّ له، بينما تنتظره في المنزل زوجة تمر بسن التحول والاضطراب الهرموني وتميل نحو المشادات.

كثير منا يقابل اشخاص من جنسيات مختلفه ساء معارف او اصدقاء او فى بيئه العمل و كثيرا ما يجد لديهم تساؤلات عن الاسلام لكن ضعف المعرفه باللغه سواء من جانبنا او جانبهم يقف عائق ضد تزويدهم بالمعلومه الصحيحه وجدت لكم موقع رائع تستطيعون ان تقترحوه لاى شخص تعرفه لديه اهتمام بالاسلام و يريد ان يعرف عنه المزيد فالموقع يوفر معلومات باكثر من ثلاثين لغه مختلفه و به ترجمات لمعانى القران الكريم و كتب اسلاميه و معلومات عن سيدنا محمد صلى الله عليه و سلم بكل هذه اللغات اتمنى ان نستطيع من خلاله ان نعرف الاخريين بديننا الحق بطريقه سهله لهم لانه سيجدوا فيه ضالتهم و بلغتهم الام هذا هو الرابط و هذا رابط تعريفى عنه الرابط التعريفى ارجو ان نستطيع ان ننشره الى اكبر كم من معارفنا و اصدقاءنا حتى المسلمين فربما يكونوا هو ايضا فى حاجه له لاستخدامه مع معارف او اصدقاء لهم

نحن إخوة قد نختلف و لكن لا نفترق ... تصبح على خير يا باشمندس

فى الحقيقه هذه اقرب الكلمات الى نفسي او بما اشعره انا فى هذه المرحله العمريه.. والاصعب لو انك تجتازها وحدك.. دون شريك ربما يواسيك او يشدد من ازرك ويصعب عليك جدا اتخاذ قرار.. خاصه لو كنت مطلق.. وترعى شاب جامعى.. وتخاف ان تتزوج بمن تنغص عليه حياته او قد تتسبب فى فشله.. خاصه اذا اعتقد انها اخذت منه شئ يخصه.. او على الاقل تشاركه به تمور رغبات بداخلك.. تنظر الى ولدك.. تهدأ اعاصير عاصفتك.. وتظل متخبط بين هذا وذاك.. حتى لآكنك لا تميز بين حرفين من الذال والزين.. هى مرحله شديده الصعوبه.. وتحس بها ان الايام تسابقك.. وذروتها عندما تحس ان نهايتك قد اقتربت او انك لا تسطيع العطاء.. او تشعر بأنه عليك ان تستريح.. من متاعب سنين.. المهم انها مشاعر كثيره مختلطه وفى تضاد.؟ وبالذات اذا لم ينال الزمان من جسدك.. انها التعاسه الكبرى.. وهى ليست ذات قالب خاص.. يمكن القياس عليه.. لكلآ ظروفه وملابساته اشكر كل من ساهم فى هذا الموضوع.. كما كامل احترامى للكاتب

أيه دا يا باشمهندس ,,, هما الناس دول بيضحكوا زينا !!! هى دى المشكلة يا هندسة ,, أننا شغالين بمبدأ قالوله يعنى أخ عزيز معانا فى المنتدى ... ميعرفش شكل القنوات الدينية ,, هو نفسه اللى ذكر كده ,,,, وضدها على طول الخط ... طيب ليه يا حبيبى , أصلهم متشددين ,, طيب شوفتهم يا حبيبى , لا. بس حد قالى هى دى المشكلة ,,, وحتى أى حد بيدافع عنهم ,,, قابل بقى , دا بيقدسهم , دا بيعبدهم فى نقطة كمان ,, لو ركزت فى المقطع , هتلاقى الشيخ حسان كان دائما بينظر للشيخ يعقوب ,,, مش عايز يتكلم , أحتراما وتقديرا للشيخ يعقوب بحكم السن والعلم ,, مش عشان بيقدسه , ولا حول ولا قوة الا بالله ردك أدانى فكرة كويسة لموضوع ,, ربنا يكرم ونفسى تتفتح وأعمله

نشرت ويكيلييكس مساء الاحد الاف الرسائل السريه من سفارات امريكا فى الشرق الاوسط لوزاره الخارجيه الامريكيه و ادى الاخبار http://edition.cnn.com/2010/US/11/28/us.wikileaks.iran/ من اهم التسريبات هى التقارير حول ايران و ادى الملخص ملك السعوديه و ملك قطر و ولى عهد الامارات ترجوا امريكا بالهجوم على ايران مبارك يتهم ايران بالكذب لكنه لا يمانع المحادثات معها انا شايف ان سياسه مصر كانت اعقل من دول الخليج و بصراحه دى شهاده كويسه لمصر

هانتخيل سوى شوية ديموقراطية وصحوة ضمير من أخواننا العصبجية هايحصل ايه يعني؟ ده حتى الأحلام ببلاش

سمعت صلاح أبو سيف رائد الواقعية في السينما المصرية يقول عندما أصور بيت فلاحي .. يمكنني أن أصور سقف البيت ... وأظهر صور العصافير والحمام يحلق في الهواء .. ويمكنني أن أصور أركان في المنزل .. تظهر فيها الفئران والحشرات .. تلك واقعية .. وهذه واقعية .. لكن الفارق في القلب الأسود وما يريده لنا .. الفارق في أن أرى كل الدنيا سوداء .. وقاتمة .. مع العلم .. أن هؤلاء المناضلون .. والذين يصوروننا هكذا .. حياتهم مختلفة تماماً .. منها الماجن .. ومنها الزائد في الترف .. وكلهم يعيشون في سعادة .. ويكسبون الملايين في مصر .. من سمعة هذا البلد .. واستعمال الفقراء .. يستعملون الفقراء .. ليكسبوا هم الملايين .. للأسف الشديد .. يعاني المغتربون المصريون .. وخاصة في دول الخليج من تلك المشاهد وتلك الأعمال .. فتؤخذ صورة غير واقعية تماماً عن أحوالنا .. ويتعامل بعض الجهخلاء من الخليجيون مع المصريين أنهم آتون من تلك الأماكن التي تظهر في تلك الأفلام تماماً كما كان يعتقد الجيل القديم منهم .. أن مصر تعيش على عرق الراقصات .. وأن مصر ليس بها إلا شارع الهرم .. مسألة في غاية القرف ونزيد الطين بلة .. بفضائيات تشهر بنا صباحاً ومساء .. وتظهر كل الأوجه القبيحة فقط .. مع أن هناك الكثير في مصر الذي نفتخر به .. ولكنه يخبئونه .. إرجع لحالة ظهور قروش في البحر الأحمر .. تظهر وكأن الله قد غضب علينا وأصابنا باللعنات .. وأن الحكومة مسئولة عن هذا الحدث مع أن الأمر طبيعياً .. تتدخل الطبيعة في بعض الأحيان .. لا أدري كيف يمكن أن تمنع السلطات المصرية تواجد أسماك القرش في البحر ؟؟؟ كفانا جلد في أنفسنا .. مصر بلد كبير يعيش فيه 80 مليون إنسان وأكثر .. ويأتي إليها 13 مليون سائح سنوياً .. البلد تعمل بآليات دولة .. صحيح أن هناك الكثير من أوجه القصور .. ولكنها تعمل .. لم تنهار .. ولن تنهار بإذن الله .. ولكن لا يمكن أن تحيا بدوننا .. وبدون مجهودنا وعملنا وإخلاصنا ..

الله يحمي شباب الأمة من الفاسدين و المفسدين اتعرفنا على يمنيين في انجلترا رأيهم في الرئيس اليمني أسوأ بمراحل من رأينا في النظام عندنا و من كلامهم اعتقد ان العائلتين اللي تقصدهم مصراوية هما عيلته و نسايبه آل الأحمر :البترول يصب في شارع حدة لذا اتعجب كيف سيساعده الرئيس ؟ هل سيكف يده و اقرباءه عن السرقة و يتقي الله في رعيته؟ أم هو مجرد شو من الرئيس حتى يؤكد أنه يكافح الارهاب؟ في جميع الأحوال.. دعواتنا ان يوفقنا الله لما يحب و يرضى و نحن مع كل مخلص يسعى لتعليم الناس صحيح الدين و يواجه الفساد

عندما تخسر جولة في رحلة الحياة .. لا تخسر التجربة ! وانهض فوراً مستبشراً .. فتلك هي أولى درجات النجاح !

انت متاكد ان الاورق دخلت القنصليه لان للازم القنصليه ترد وتعرفك

السلام عليكم من ناس يمنيين نعرفهم .. الوضع في اليمن أصبح لا يطاق و السبب في رأيهم .. ضعف الحكومة و انشغالها بجمع الاموال و فسادها للقبائل أيضا سلطة تفوق سلطة الدولة في مناطقها التنمية و مكافحة الفساد هما الطريق لمواجهة اي تطرف عندما تصب عوائد البترول في جيوب عائلتين فقط و يتم التضييق على المواطنين بحجة الأمن "لجان و كمائن و تفتيش" .. و ينتشر الفقر بصورة كبيرة في دولة مفترض أن تكون غنية بالبترول يبقى ربنا يستر

السلام عليكم مستغربة جدا اننا مش قادرين نفهم بعض المطلوب ان نحترم بعضنا و من باب أولى العلماء مطلوب أن نتعلم و نتفقه مطلوب الا نشوش على الناس الذين في أغلبهم قد لا يستطيعوا التمييز و فهم ما يستند إليه كل طرف بمعنى .. نبحث و نختلف و نناقش ما نريد لكن ليس في الفضائيات و الصحف و المنتديات غير المتخصصة بالتأكيد هناك وسائل للاتصال بمن نختلف معهم و مناقشتهم عنها فقط يمكننا أن نصرح بالنتيجة.. بأدب و أمانة و في النهاية .. الحق ضالة المؤمن هدانا الله جميعا لما يحب و يرضى

جزاك الله خيرا فعلا القرآن هو الحصن المنيع اللي إذا حرصنا على تربية أولادنا عليه كنا مطمئنين عليهم في زمن الفضائيات والانترنت حفظ بوعي وتطبيق وليس حفظ فقط

يا كريم يا عبدووووووووو نجاتى عاوزينه ينفخ البلاليين بجد المرة دى انت اخر اسم فى الليستة اللى معانا وعاوزينها تبقى حسن الختاااام ربنا يوفقك يا كريم حافضل ادعيلك كدا لغاية يوم المقابلة

متشكر جدا لكل الناس اللى بركتلى الله يبارك فيكم و عقبال كل المنتظرين الCSQ انشاء الله ينجحوا بس يا جماعة انا ليا سؤال مهم جدا لاهل الخبرة :- انا دلواتي بحضر نفسي عشان ملف الفيدرالى انا اعزب و اخت الCSQ على اساس ان انا اعزب طيب لو انا عايز اتجوز اعمل ايه و موقف اللى اتجوزها ايه و هما هيعملو ايه معايا يعني اعمل ايه لو حبيت اتجوز ؟؟؟؟ ارجو اللى عندو اي معلومة او تجربة اكيدة يرد عليا و و ربتا يوفق الجميع

الأمس هو شيك تم سحبه ، والغد هو شيك مؤجل ، أما الحاضر فهو السيولة الوحيدة المتوفرة ، لذا فإنه علينا أن نصرفه بحكمة

ياجماعة ليا راى يمكن يفيدكم بدل ماتزهقوهم بالاميلات والفاكسات بدرى كده ممكن للى موجودين داخل مصر يروحوا البوسته الرئيسية فى العتبة ويعرفوا من هناك ان كان فيه جوابات جت باساميهم ولا لاء وان كانت جت يسالوا ان كانت تم تصديرها لمركز البوسته اللى تابع لسكنه ولا لسه موجوده فى بوسته العتبه واذا قالوا ان مافيش اى حاجه فى الاسبوعين الاخيرين جات باسم الشخص يطمن ان هم اللى لسه ما بعتوش ومش حكاية انه ضاع فى البوسته وبعدين هاقول ملحوظه يمكن تفيد اللى لسه هايبعت ورقه وهى انه يكتب رقم موبايله على الاستيكرز اللى بيملاه بالعربى بعنوانه علشان انا عملت كدا والبوسطجى استسهل يكلمنى اروح انا للبوسته بدل هو ما يجيلى مخصوص على العنوان فبكدا بتخليه يحط فى عينه حصوة ملح لو كان مكسل يجى على العنوان بتاعك

صباح الخير يا جماعة..بالنسبة لموضوع الفايل نمبر فالواضح من تاريخ استلام بعض الاعضاء ليه من المواضيع التانية انه بياخد من شهرين كحد ادنى و لحد اربع شهور كحد اقصى..و بالتالي مش من المنطقي ان حد باعت اخر سبتمبر و لا اول اكتوبر و يقلق بالصورة دي..دة بخلاف ان شهر ديسمبر معظمه اجازات رسمية عندهم..في المكان اللي انا شغال فيه واحدين اجازة من يوم 24 لحد 1 يناير..فطبيعي ان يحصل تاخير سواء للمستني الفايل نمبر او جواب المقابلة..و اللي اقصدة من دة ان قصة رخموا عليهم بالايملات و الفاكسات مش حتيجي غير باثر سلبي..و اديكوا ملاحظين ان ناس كتير بعتت و مردوش عليهم و دة مش طبيعي..لان العادي ان الناس دي بترد على اي استفسار..ممكن كل واحد يتابع من السايت هما ماشيين فين لحد دلوقتي و بعدين مش شرط الجواب يكون ضاع في البوسطة...مش معقول ضاع لينا كلنا..انا مثلا حاطط عنوان شغلي و هو جهة مهمة..استحالة الجواب يضيع او يتقطع..لكن المنطقي ان لما اكون باعت ملفي ناقص ورق و واحد باعت الملف كامل..اكيد حيبعتولوا قبل مني..يا ريت نبتدي نقلق لما يكون كل الناس جالها وواحد او اتنين مجالهومش..عشان بردو الناس اللي هناك دي تاخد انطباع كويس عننا.

It's never too late مادام الانسان لا يزال على قيد الحياة هناك دوما أمل

الغنى الحقيقي أن تستغني و الملكية الحقيقية ألا يملكك أحد، و ألا تستولي عليك رغبة، و ألا تسوقك نزوة و السلطنة الحقيقية أن تكسب قيراط محبة في دولة القلوب كل يوم د/ مصطفى محمود

السلام عليكم كل عام وانتم بخير بمناسبة الأيام الحلوة دي ( شهر الله المحرم ) وبالمناسبة دي دعوة لصلاة الفجر تعالو شوفوا معايا http://www.youtube.com/watch?v=goXV_zPo9ao&feature=fvw ربنا يرزقنا صلاة الفجر في الحرم قولو امين لاني نفسي فيها قوي

اذا كان الرجل تنتهي صلاحيته في الخمسين فالمرأه تنتهي في الا ربعين انا ما بقولشي تنتهى صلاحيته - انت حتزعل الناس منى ولا ايه ؟؟؟؟؟؟؟؟؟؟ - انا بقول ايه اللى بيفكر فيه فى السن داه - احنا بنقول هو عاوز ايه تحليل نفسانى هو داه السؤال - يعنى سؤال صغير ؟؟ :sofa: وبعدين تعالى هنا يا ازوزو ما عندك هيفا 41 سنة واليسا 42 سنة وباسكال مشعلانى مواليد 1970 يعنى 40 سنة انتهت صلاحيتهم :P ما تبقاش متشائم كدا

خلاص ؟ ارتحتي ؟ شرحتي جثة الرجل اللي فوق الخمسين و طلعتي فيه القطط الفاطسه؟ سبحان الله و ماذا تريد بقى بالصلى ع النبي المرأة فوق الأربعين علشان نفهم بس ؟

هو ده مربط الفرس يا مصطفى ووجه الخلاف الوحيد على ما اعتقد ,, انت كلامك ان مادام هو عالم رباني افنى عمره في الدراسه والبحث وقرأ مئات المجلدات فيبقى كلامه وانطباعاته الشخصيه وفتاويه تاخذ نفس القداسه للقرآن الكريم والحديث الشريف الصحيح بدون ان نفكر في ما يقال ولو للحظه لكن في المثال الذي ذكرته حضرتك للشيخ العلامه المحدث ابو اسحق الحويني والذي ابدي اعجابي الشخصي بعلمه الغزير واقر له ولا ازكيه على الله ,, الشيخ لم يفعل ما تريد منا فعله !!!.,, اقصد عندما استمع الى حديث الشيخ كشك رحمه الله لم يغلق عقله ,, بل تفكر وتدبر واجتهد وبحث ,, وتوصل الى قناعه معينه كانت في يقينه شبه مؤكده ,,اقتبس " فبعدان سمع حديث ما في المحاضرة شك في بداية الامر في الحديث وبحث عنه ووجد ان ابن القيم قال ان هذا الحديث موضوع"انتهى الاقتباس طيب نتخيل ان تلك القناعه كان قد تحدث بها الى احد مريديه ,, والتي نفاها الشيخ كشك فيما بعد ,, ولنفترض ان هذا المريد لم يعمل عقله ولم يفلتر ,, واخذ القناعه الخاطئه كما هي وظل يرددها وينشرها بين الناس ,, لك ان تتخيل كم التراكمات الخاطئه التي ستتشكل في النهايه انا مش بتكلم عن تلك الحاله الخاصه بالحديث الصحيح او الضعيف انا بتكلم عن وجه العموم ,, الخلاصه ,, لابد ان نحتذي حذو الشيخ ابو اسحاق ونتدبر في الكلام ونتحقق من المصادر السليمه الصحيحه,, اذا وجدنا ما يقال نصا منقولا حرفيا من القرآن او الحديث الشريف او سنة الراشدين المهديين فبها ونعمت ,, والا ,, كان قياسا واجتهادا و رأيا شخصيا يخص صاحبه ,, ويتغير بمرور الزمن و تغير المكان شيئ اخير ,, اتحفظ على استنزال اللعنات والهلاك حتى على المفسدين الضالين ,, بل لنا في رسول الله اسوة حسنه بان ندعوا الله لهم بالهدايه ونبدأ بانفسنا ان يهدينا الله معهم ,,

أفتقد ابو حلاوة ... قلم مثال للتهذيب و الذوق ... قلم مصري صميم ... و اول من رد علي مداخلة لي بالمحاورات ... أفتقد مهيب ... و لم أفهم حتي الآن سبب اختفاؤه المفاجيء .... أفتقد براود مسلم القلم المتدين العف اللسان .. معتدل الفكر ... أفتقد جدآ جدآ ... موديست ... و .......... لولا .... اليكم جميعآ كل شكري علي كل كلمة تعلمت منها شيئآ جميلآ ....

انطلاق حملة علاج الأورام بجامعة المستقبل برعاية سوزان مبارك يشهد المشروع القومى الذى أطلقته السيدة سوزان مبارك لبناء معهد للأورام بمدينة السادس من أكتوبر اليوم الجمعة، دفعة قوية ومساندة كبرى من مؤسسات المجتمع المدنى، وذلك فى إطار إطلاق جامعة المستقبل حملة قومية لدعم مشروع امتداد للمعهد القومى للأورام بمدينة السادس من أكتوبر، وذلك ضمن الحفل السنوى للجامعة وتأتى الحملة تحت شعار "من أجل مستقبل بلا أورام.. أنا أشارك.. أنا إنسان"، وبالامكان من خلال الحملة اعادة بسمة طفل مريض انتزعها المرض عنوة وأعادة الأمل لشباب أغلق المرض أمامه كل نوافذ الأمل فى المستقبل كما يمكن ايضا من خلال الحملة الأخذ بيد كل مريض أعجزته ظروفه الاجتماعية أو التكاليف المرتفعة لعلاج الأورام عن الاستمرار فى رحلة العلاج". وخصصت جامعة المستقبل رقم 09009456 للاتصال من التليفون الأرضى أو إرسال رسالة فارغة من المحمول على رقم 92142، وذلك للتيسير على المواطنين المساهمة فى الحملة وللوصول إلى رقم حساب 500500 الموحد فى البنك الأهلى وبنك مصر لتلقى المساهمات فى دعم الحملة التى تستهدف أولا وأخيرا الوصول إلى دعم مشروع قومى يمثل طريق أكثر فاعلية وقوة فى علاج الأورام، وإلى الوصول إلى سبيل الوقاية من الإصابة بها والحد من انتشارها، خاصة بعد أن أصبحت الإصابة بالأورام السرطانية فى الثلاثين عاما الأخيرة من أكبر التحديات التى تواجه الأطباء عالميا ومحليا سواء فى كيفية تشخيصها أو علاجها. ويرعى الحفل عدد من المؤسسات والشركات الكبرى مصر الخير مصر الامل بارقة امل جديدة للكبار من مرضى السرطان على غرار مستشفى الاطفال 57357 الذى حقق نجاحا منقطع النظير فى رفع المعاناة عن مئات الاطفال المصابين بالداء الخبيث وعن كاهل اسرهم فى تكاليف علاجه الباهظة تحية وسلام لكل من ساهم فى تشدين هذا العمل الانسانى الكبير ومنها دعوة لاصحاب الخير ودافعى الزكاة للمساهمة فى هذا المشروع العظيم

فكرة موضوعك جميلة قوي يا ضحى... احب اشارك فيها بطريقة عمل الفراخ على طريقة (تكا) انا كمان قراْت الطريقه على النت بس جربتها وفعلا طلعت نفس الطعم اللي بناكله في تكا بالظبط وقد ايه كنت فرحانه لما التتبيله اديتني نفس الطعم بتاع تكا الجاهزه طبعا تكا دي للجماعه اللى داقوها في مصر لاني ماشوفتش ولا مطعم واحد يوحد ربنا في السعوديه بتقدم فيه فراخ تكا المهم ...نيجي للطريقه نجيب الفراخ ايا كانت (صدور-اوراك-مخليه-او حتى فراخ عاديه بعظمها) المقادير اللي هاقولها دي تكفي فرخه واحده فرخه واحده-عدد 2 ملعقه كبيره خل-معلقه كبيره مليانه ثوم مهروس-نص معلقه صغيره زعفران-2 ملعقه صغيره بابريكا-ملعقه كبيره زنجبيل مطحون-ملعقه صغيره كمون-ملعقه كبيره كزبره ناشفه مطحونه-نصف ملعقه صغيره هيل مطحون- 3 ملعقه كبيره معجون طماطم-كوب زبادي-عدد 4 ملعقه كبيره زيت زيتون-2 ملعقه صغيره ملح خلطة الفحم : - ملعقة صغيرة زيت أو سمن - 2-3 قطعة فحم الطريقة : - اغسلي الدجاجة وجففيها وقطعيها إلى أرباع ، وتخلصي من الجلد ، واعملي فيها بعض الفتحات أو الشقوق لتسهيل عملية التتبيل ، ضعي قطع الدجاج في طبق زجاجي . - وزعي الخل فوق الدجاج ، وادعكيها بأطراف أصابعك إلى أ، تتغطي بالخل ، واتركي الدجاج جانباً لحين إعداد التتبيلة . - التتبيلة : في طبق زجاجي عميق ضعي الثوم والزعفران والبابريكا والزنجبيل والكمون والكزبرة والهيل والمعجون والروب والزيت والملح ، قلبي هذه المكونات مع بعضها جيداً ، ووزعي هذا الخليط على قطع الدجاج لتتغطي كلها . - غطي الطبق بالنايلون ، ضعيه بالثلاجة لعدة ساعات أو ليلة كاملة ، وبعد مرور بعض الوقت اقلبي قطع الدجاج على الجانب الأخر لتتأكدي من توزيع التتبيلة . - اخرجي الدجاج من الثلاجة لبضع دقائق قبل الطهي ، لكي يصبح بدرجة الحرارة العادية . - سخني الفرن لدرجة حرارة 200 م ، وثبتي الرف الشبكي الأوسط . - ضعي قطع الدجاج على شبكة الفرن حتى تنضج - خلطة الفحم : ضعي السمن في قطعة صغيرة من ورق الألمنيوم ، ضعي الورقة في وسط الصينية التي فيها قطع الدجاج ، وسخني الفحم على لهب النار إلى أن يصبح أحمر اللون " جمرة " اسقطي قطعة كبيرة من ورق الألمنيوم وغطي بها الصينية بإحكام . - . وبالف هنا على فكره تقدم تكا مع الارز البسمتي الاصفر والعيش البوري المره الجايه هاجرب طريقة العيش البوري ولو نجحت زي تكا هاكتبهالكم :)

أنا أسف .... إضافة أخرى حتى لو أتحدت قوى المعارضة ... وأستبعد تماماً المعارضة الحزبية الصورية لإننا شايفين أداءها الغائب تماماً وأقصد بالمعارضة هنا هي المعارضة الشريفة المعارضة التي لا تسعى إلى كراسي المعارضة التي تحب البلد بجد وتُعلنها من البداية أنها تسعى إلى إرساء وخلق نظام سياسي محترم

اكتب سيرة ذاتية كويسة وروح للمكاتب اللي في شارع القصر العيني وجنب السفارة السعودية وربنا يوفقك وممكن تعمل بحث علي النت عن اسماء مكاتب السفريات وبالتوفيق

إن لم تستطع أن تكون نجماً في السماء فحاول أن تكون مصباحاً في المنزل .... "ت.اليوت"

القلوب أوعية .. و الشفاه أقفالها .. و اللسان مفتاحها فليحفظ كل إنسان مفتاح سره

أنا امرأة لا أنحنى إلا فى صلاتى.. و لا أصمت إلا عندما ينعدم كلامي.. و لكن إحذر عندما ابدأ في إنفعالاتى فلا يهمني شيء سوا أن أنهى مأساتي

في رأيي أن الأصلح لإمساك ميزانية البيت هو الحزب الوطني ده على اعتبار إنه بيقول رشحني " من اجلك أنت" يبئى يتفضل يشيل الشيلة لأنه هو الوحيد القادر على حل لوغاريتمات معادلة ميزانية البيت مع أسعار الطعام و الصحة و التعليم غير ذلك فالرجل و المراة مظلومين لكن الأسعد منهم من يحاسب الآخر آخر الشهر و يقوله ليييييييييييه ... عاوز زيادة في المصروف لييييييييييه http://www.youtube.com/watch?v=i9WAQ54B8Wc

الهدف من هذا الموضوع ليس مناقشة مشاريع بعينها أو عرض فرص استثمارية ... ولكن الهدف منه هو تبادل الآراء والخبرات حول كيفية تأسيس وإدارة المشروعات الصغيرة بصورة عامة مهما كانت طبيعتها ومجالها خلال العقود الأخيرة استطاع كثير من المصريين تكوين ثروات صغيرة من خلال عملهم في الخليج والمضاربات العقارية والمدخرات العائلية، وبعد تجارب فاشلة مع شركات توظيف الأموال والبنوك والبورصة اتجه اهتمام عدد كبير منهم الى المشروعات الصغيرة والمتوسطة كوسيلة لتوظيف هذه الثروات والحصول على مصدر دخل وأرباح رأسمالية مجزية. إلا أن افتقار البعض الى الدراية الكافية بأسس إدارة المشروعات الصغيرة لا يزال يشكل عائقا أمامهم ويحرم الاقتصاد من مدخراتهم وجهدهم. لا أدعي معرفة خاصة بهذا الموضوع الهام يؤهلني لتقديم المشورة به، ولكني أريد فتح المجال لمن يمتلك معارف أو خبرات اكتسبها بواسطة الدراسة أو التجربة أن يشاركنا جزءا من افكاره وآراءه ليستفيد منها من يقرأ هذا الموضوع، وأود هنا أن أضع بعض رؤوس الأقلام التي يمكن الانطلاق منها للمناقشة. - متطلبات المشروع الصغير وعوامل نجاحه. - أهمية دراسة السوق وكيفية القيام بها. - إعداد دراسة الجدوى الفنية والاقتصادية للمشروعات الصغيرة. - القوانين واللوائح التي تنظم تأسيس الشركات والمؤسسات وعملها. - مصادر تمويل المشروعات الصغيرة والبرامج الحكومية والخاصة لمساندتها. - مبادئ التسويق ( المنتج - التسعير - الأسواق - الدعاية) - الإدارة المالية والمحاسبية للمشروعات الصغيرة. كما يمكنكم بالطبع إضافة أية نقاط ترونها مفيدة في نطاق الموضوع ... في انتظار مساهماتكم.