لوحة القادة

الى الاخ سوون الشباب اللى هجموا على مبنى المحافظة مدانين من ساسهم لراسهم والمفروض يحصلهم اكتر من اللى حصل ويارب الدولة تفرج عن كل المعتقلين المظلومين واولهم المعتقلين المصريين المسلمين والانبا بيشوى غلط فى كل حرف قاله واقباط المهجر غلطانين من ساسهم لراسهم واحنا مطلبناش منهم كدة ولا هنطلب انشاء الله ومصر دولة ذات اغلبية عددية مسلمة تسكنها اقلية عددية مسيحية ( تسمحلنا نسكن معاك ولا نمشى ؟؟؟ ) وانا صدقنى ويشهد الله لو امريكا حبت تعتدى على بلدى مش هقلها اهلا بيكى .. هاقف فى نفس الصف اللى انت واقف فيه واشيل سلاحى واحط راسى على كفى عشان بلدى زى ما هيعمل اخويا سوون بالظبط ومش عارف ليه يا سوون كل ما بيتفتح موضوع زى ده بفتكر موضوعين بعينهم وملهمش تالت ... الموضوع الاول ... لما الشيخ الشعراوى الله يرحمه ( على ما اذكر ) كان بيتعالج فى اوروبا ولما رجع وراحله البابا يزوره ويسأل عليه قله الشيخ الشعراوى أولادك هناك طوقوا رقبتى (القصة دى يا سون سمعتها من بعض (المصطبجية) بس مخبيش عليك مبسوط بيها جدا حتى لو كانت محصلتش اصلا والموضوع التانى لما البابا تعرض للتفتيش فى احد مطارات انجلترا والدنيا قامت فى مصر .. المسلمين قبل المسيحيين كانوا قربوا يعلنوا الحرب على بريطانيا العظمى عشان خاطر البابا ايه رايك تنسى موضوع كلام الانبا بيشوى وموضوع العمرانية وكل المواضيع اللى سبقتهم وخليك كول كدة وفكر فى اصحابك وجيرانك اللى ياما لعبت معاهم كورة زمان وياما بدلت معاهم الشندوشتات ف المدرسة الدين للديان جل جلاله ... لو شاء ربك وحد الأقواما تحياتى وخد وردة من اخوك الصغير

السلام عليكم ورحمة الله وبركاته ،، طبعاً كان من المقرر ان ينزل هذا الفيلم قبل اسبوع من الان لكن لظروف اخراجية وانتاجية ونظرا للازمة المالية العالمية اضطررنا لتأخير هذا الفيلم اسبوعاً واترككم مع مقدمة الرفيق لماضة مصرية جداً ======================================= اعزائي المستمعين و المستمعات اللي قاعدين قدام الللابتوبات واللي مستنين انتاج لماضة الساري..اللي هينسيكوا اللي فات عشان احنا...فكرنا نعمل سلسلة وثائقيات يعني لكل شهر من شهور السنة.....هنعمل رحلة بين التوبيكات فاكرين لما حسين الجسمي.....اتحفنا بواحدة من الابداعات و قال.....قلبي بيتقطع لحتات كل ما اعدي ع التوبيكات و افضل سهران فيكي و معاكي يا محاورات اهو......هو.....ده.....انتاجنا الجديد من الوثائقيات طب ما تيجوا نشوف http://www.youtube.com/watch?v=z-8CMEUfFJ4 مشاهدة ممتعة نرجوها لكم

( توقفت بسيارتي في إشارة المرور ، طال الانتظار ، امتدت يدي إلى المرآة العاكسة أمامي أعدل من زاويتها ، نظرت لوجهي الذي صبغه ضوء الإشارة الحمراء بالحذر ، طفل صغير هناك يتسلل بين السيارات ، يحمل علب المناديل الورقية ، يتوسل لهذا و ذاك ، لعل أحدهم يجبر خاطره بشراء إحداها ، مر شريط الذكريات أمامي ، وجدتني هناك بين الحقول محني الظهر أنا و بعض أقراني الفقراء ، نتسلل بين نباتات القطن نقطف الأوراق التي وضعت الديدان عليها بيضها ، نضعها في أكياس القماش المعلقة برقابنا ، الشمس تلفح الرؤوس ، وقف ( حضرة الخولي ) غير بعيد عنا يلوح بخيزرانته مهددا بينما يستظل بمظلته التي يحملها له الواد ( حمودة ) ابن أخته ( هنومة ) ، أخذ يصرخ فينا ) ـ شهل ياد يا ابن ( المسقعة ) أنت و هو ، عاوزين نخلص الفدان ده قبل الضهر . ( أخذت أردد هامسا ) ـ سيد أوبح ، سيد أوبح ( هكذا نطلق عليه ) ( حاول رفاقي كتم ضحكاتهم التي بدأت تتأجج بصدورهم ، نظرت خلسة إلى رفيقي بجواري فإذا بالعرق يتصبب منه بغزارة ، همست دون أن ألتفت إليه ) ـ مالك ياد يا طه ؟ ـ عطشان يا محمد ، خلاص مش قادر ، ها أموت... ـ طب ما تستأذن من ( سيد أوبح ) و تروح تشرب . ـ خايف أقوله ليمشيني و يخصم مني النهارده كمان ، اسكت اسكت على اللي أمي عملته في امبارح لما روحت لها من غير فلوس . ـ قال إيه اللي رماك ع المر ؟ ( نقرات على زجاج سيارتي المغلق سحبتني من بين حقول الذكريات ، نظرت جانبي و إذا بطفل أشعث أغبر يتصبب عرقا ، بائع المناديل ، مد يده الواهنة بإحدى العلب ، فتحت زجاج النافذة فبادرني ) ـ و النبي تجبر خاطري يا بيه ، و الله العظيم م الصبح ما بعت و لا علبة ... ـ تعالى لف ... ـ ها تشتري ؟ ـ حط كل اللي معاك على الكرسي ورا . ( فتح الطفل الباب الخلفي و وضع ما يحمله ) ـ ستين جنيه بس يا بيه عشان خاطرك ... ـ طب لف تعالى اركب . ـ لأ معلش بالسلامة أنت ، أصلي لازم أعدي على أخويا قبل ما أروح . ( أبواق السيارات من خلفي تطالبني بالتقدم ) ـ تعالى اركب و ها نعدي عليه سوا ، اطلع اطلع . ( التف الطفل في خفة و ركب إلى جواري ، بينما أخرجت يدي معتذرا ) ـ خد . ـ إيه ده يا بيه ؟ ما فيش معاك فكة ؟ ـ لأ مش عاوز باقي ، خدها كلها . ـ ميت جنيه بحالها ؟ ـ مش خسارة فيك . ـ تشكر يا ذوق ، روح الله يسترك دنيا و آخرة ، و الله ما أنا عارف أقول لك إيه . ـ ما تقولش حاجة ، هو أخوك بيشتغل فين ؟ ـ عند العمارة العالية اللي هناك دي ... ـ و بيشتغل إيه بقى ؟ بيبيع منادل برضه ؟ ـ لا ده واد مية مية و يعجبك ، مش خايب زيي ، ده مناول قد الدنيا ... ـ مناول ؟ ـ أيوة ، مرة ورا نقاش مرة ورا بنا ، أهي بتفرج ، و أهو بيتعلم له صنعة ... ـ طب و المدرسة ؟ ـ مدرسة إيه يا بيه ؟ ما تصلي ع النبي ف قلبك ... ـ اللهم صل عليك يا نبي ، أفهم من كده إنكم مش في مدارس أصلا ؟ ـ و ها ناكل و نشرب أنا و أمي و أخواتي السبعة منين إن شاء الله ؟ ـ أيوة بس أنت صغير ع الشغل لسه و القانون بيمنع شغل الأطفال اللي في سنك ..... ( انفجر الطفل في الضحك ) ـ شي لله يا قانون ، و النبي تقول للقانون بتاعك ده ينقطنا بسكاته و يتلهي على عينه ، هو القانون ده لا بيرحم و لا عاوز رحمة ربنا تنزل ؟ بذمتك قانون إيه ده اللي عاوز يجوعني و يعريني أنا و أمي و أخواتي السبعة ؟ و إلا تكونش فاكر إنه بقى بسلامته هو اللي ها يأكلنا و يلبسنا و يصرف علينا ؟ ـ لأ طبعا ، بس المفروض إن أبوك هو اللي يصرف عليك و على إخواتك ... ( ضحك الطفل ساخرا ) ـ و تفتكر يعني الكام ملطوش اللي كان بياخدهم ( الله يرحمه ) كانوا ها يكفونا عيش حاف ؟ ـ هو أنت أبوك ميت ؟ ـ أيوة ، بعيد عنك وقع من على السقالة م الدور الرابع ها ها ها ... ( أخذ الطفل يضحك ) ـ لا حول و لا قوة إلا بالله العلي العظيم ، طب و هي دي حاجة تضحك ؟ ( حاول الطفل السيطرة على ضحكاته فلم يستطع ) ـ و هو فيه إيه في الدنيا دي ما يضحكش يا بيه ؟ إنت ما سمعتش اللي بيقول لك ، هم يبكي و هم يضحك ؟ ـ طب و إيه اللي يضحك هنا ؟ مش فاهم . ـ أصل أبويا الله يرحمه لما وقع م الدور الرابع ، نزل على عربية نقل شايلة أكياس قطن كانت واقفة تحت العمارة ها ها ها .... ـ سبحان الله ، ها ها ... ( فلتت مني الضحك على وقع ضحكاته ) ـ ها ها ، نزل مش مصدق نفسه و قعد يشكر السواق و يبوس فيه و يحمد ربنا إنه نجاه م الموت ، ها ها ها ، و قال إيه راسه و ألف سيف إنه لازم يجيب للسواق حاجة ساقعة ، السواق يقوله : يا عم خلاص حمد الله على سلامتك ... ( أخذته حالة هيستيرية من الضحك ) أبويا يقوله : و الله لا يمكن لازم أجيب لك إزازة كاكولا ..ها ها ها .... السواق يقوله : يا عم مش مستاهلة ، المهم إنك بخير ... و ده راسه و ألف سيف يعدي الشارع يجيب له الكاكولا ، ها ها ها ..... و لسه بيعدي الشارع ... هاها .. هاها ... هاها ... ( إزدادت ضحكاته إلا أن الدموع بدأت تفر من عينه ) قامت جاية عربية طايرة زي الصاروخ ... و قامت خبطاه مموتاه .. هاها ...... ( عندها لم أتمالك نفسي فانفجرت في الضحك المختلط بالبكاء ، حاولنا السيطرة على أنفسنا و لا فائدة ، لم أجد إلا سؤال واحد يلح على لساني ، حاولت منعه و حاولت ، ففشلت ، عندها دست على المكابح بكل قوة ، تعالت صرخات العجلات حتى توقفت السيارة ، فبادرته بسؤالي ) ـ طب و صحته عاملة إيه دلوقتي ؟؟؟؟؟ ( انفجرنا في الضحك و البكاء حتى اختفى الضحك رويدا رويدا و تبقى البكاء )

يعني بعد عُمر قصير إن شاء الله لو التلامذة جالهم إمتحان تاريخ وفيه جُمل تقراها وتجاوب بقى أنهي عصر بتُشير إليه الجُملة .... فدي خدمة تعليمية بنقدمها لأبناءنا طلاب المراحل المختلفة ... - لما تسمع رئيس بيحلف بالطلاق إنه هايحكم مدتين بس ومش هاجدددددددددددددددددددددددددد ..... وفجأة تلاقيه لحس كلامه ومدد لست وسبع مدد ( يبقى أنت في عصر مبارك ) - لما تلاقي رئيس أول ما تولى الحكم يكلمك عن خطط خمسية وسبعيه وتسعيه وتحس إنك طاير أو كلها كام شهر وتبقى ولا سويسرا وهاتغرق في الشيكولاته وبعد كام سنة تلاقيك بتغرق في المجاري والمشاكل ( يبقى أنت في عصر مبارك ) - لما تلاقي ريس منبطح ومستكين وطيب والصديق الصدوق لإسرائيل ( يبقى أنت في عصر مبارك ) - لما رئيس يدخل حرب الكويت وكانت ديون مصر 35 مليار دولار ... وبعد الحرب يتم إسقاط 50 % من الديون .. وبرضوا تلاقيهم لسه ببركتهم 35 بل بيزيدوا ( يبقى أنت في عصر مبارك ) - لما تلاقي ريس في كل كلامه ينقرزنا ويبكت فينا وكإنه بيقطع من لحمه ويأكلنا ويقعد يقول " إنتوا أكتر من اللازم " " أجيب لكم منين " " أنا مستلم البلد على الصفر " ( يبقى أنت في عصر مبارك ) - لما تلاقي ريس عاملها جمعية تعاونية وهو وولاده ومراته وبيحكموا كل واحد ساعتين في اليوم ( يبقى أنت في عصر مبارك ) - لما تلاقي ريس يفعل عكس ما يتمناه شعبه ... وكل مره يهوشهم إنه هايحط الكوره يمين ويروح شايطها شمال ( يبقى أنت في عصر مبارك ) - لما تلاقي ريس يتخبط في إختياره للوزراء ودايماً ماشي على المثل افلاحي اللي بيقول " ما يفضل على المداود الا شر البقر " ( يبقى أنت في عصر مبارك ) - لما تلاقي ريس مفصول عن شعبه تماماً وعايش في برجه العاجي ( يبقى أنت في عصر مبارك ) - لما تلاقي ريس كل خطبه السياسية في جميع المناسبات من 30 سنة ليس فيها جديد وفي منتهى الملل وأتحدى حد يكون فاكر خطبة له أو كلمه مأثورة على الأقل زي عبد الناصر أو السادات .. بل كلها كلام متعاد من 30 سنة وكإنه شريط مُسجل ( يبقى أنت في عصر مبارك ) - لما تلاقي كل الدول حواليك حتى الأفريقية ... تخيلوا حتى تنزانيا اللي تعتبر من أفقر دول العالم اللي وصفوا الإنتخابات البرلمانية الأخيرة إنها مهزله لكل المقاييس ( يبقى أنت في عصر مبارك ) - لما تلاقي بعد 30 سنة حُكم الجيش بيعمل عجين الفلاحه وبيبيع عيش للناس .... والشُرطة بتنزل توزع اللحمه ... والجيش هاينزل البلد يوزع أنابيب البوتاجاز ( يبقى أنت في عصر مبارك ) يُتبع لو كنت لسه عايش

أكتر حاجة لفتت نظري في كلامك يا لموضتي حكاية القوالب الجاهزة طول عمري بأحاربها على فكرة و نجحت كتير في كده بفضل الله معملتش فرح زي ما الناس عايزة فرشت شقتي زي ما أنا عايزة أنجبت بفضل الله ما يراه الآخرين جنونا و آراه أنا جميلا أفعل ما أريده و ما أنا مقتنعة به و لا يهمني ماذا يظن الآخرون زوجي اكبر مني ب 11 سنة ده مكانش تخطيط و لا اختيار زواج تقليدي 100% اتجوزته مش مهم سنه كام و الا بياخد كام قبلته لأني ارتحت له اول ما مشي من عندنا قلت لماما الله يرحمها موافقة طب والله ما حتصدقوا اني ما ركزتش في ملامحه سافرت معاه خلافات ... مشاكل طبعا حصل تنازلات عشان الحياة تمشي أكيد حصل بس الحياة مستمرة بفضل الله اتعلمت معاه حاجات كتير تأثرنا و أثرنا في بعض و في اولادنا و همة كمان بيعلمونا مفيش حاجة اسمها المفروض المفروض عندي هو ما فرضه الله تعالى علينا و بس أما أي مفروض تاني من وجهات نظر البشر فلا يلزمني نهائيا فلست من النوع الذي ينتظر الرضا و التأييد من الآخرين و لا انتظر الرضا إلا من خالقي فقط ثم رضا والدي رحمهما الله و الذي حصلت عليهما قبل مماتهما بفضل الله بأقولك يا لمضمض ربنا يكملك بعقلك اندماج شخصين في حياة مشتركة هي فعلا قفة بودنين يشيلوها اتنين ربنا يوفقك (و يوفق كل البناويت و كل من ليس لها زوج) لزوج يسعد قلبك و يريح بالك تشعرين معه بالتكامل آمين و ليس مهما مواصفاته الشكلية و المادية مادام التوافق بينكما موجود الحياة الجميلة ملهاش مقاييس لأننا نراها بعيون مختلفة و حياتنا تكون جميلة بعيوننا نحن فقط و لن يزيد في جمالها إعجاب الآخرين و لن يقلل منه انتقاد الآخرين لها سعادتنا ليست بمقاييس لأنها تنبع من داخلنا نحن نرى الحياة جميلة فقط لو أردنا ذلك تحياتي

الحمد لله وصلنا للنقطة التي كان المفروض نوصل اليها من الاول وهو ادانة البلطجة علي الدولة لأخذ مطالب طائفية بالنسبة لي انتهي النقاش ووصل لنقطة النهاية تحياتي

شكرا يا استاذنا Al Mohager لولا ان النقاط الخضرا خلصت من رصيدي نهاردة كنت فعلا تستحقها عن جدارة ياريت لو حد عنده نقاط خضرا فى الرصيد يقيم المشاركات الكويسة من وجهة نظره لكن برضوه مش تحت شرط 3 شهور لان ممكن تكون اقل وممكن تكون اكثر الموضوع مش بالورقة والقلم ربنا يوفق الجميع ويريح قلبكم اشكرك اغابى الفاضلة و دعينى اكون اول من يلبى النداء بالتقييم ..

وزارة المالية الهيئة القومية للتأمين الأجتماعى منطقة : مكتـب : شهادة بيانات من ملف مؤمن عليه بالهيئة القومية للتأمين الأجتماعى صندوق العاملين بقطاع الأعمال العام و الخاص بالرجوع إلى ملف اشتراك المؤمن عليه / رقم تأميني مكتب تبين انه كان يعمل لدى صاحب العمل / رقم و قدم عنه بتاريخ / / استمارة رقم (1 ) الخاصة ببدء الاشتراك في الهيئة مبينا بها انه يعمل لدينا من / / بمهنة / كما قدم عنه بتاريخ / / استمارة رقم ( 6 ) الخاصة بإنهاء مدة الاشتراك موضحا بها أن مدة عمله انتهت في / / و قد حررت بيانات هذه الشهادة من واقع استمارات المؤمن عليه المقدمة من صاحب العمل و تحت مسئوليته و دون ادني مسئولية على الهيئة قبل الغير . مدير المكتب يعتمد،،،، مدير عام المنطقة ========================================================================================= يا جماعة دى صيغة شهادة التامينات الموجودة عندهم ..

والله دا انا نادرها لأوزع عصير على الشباب دى امنية يجعل يومه قبل يومنا

بست بست بغض النظر عن الصورة المعبرة في التوقيع يا استاذي سمبا....(طب انا راضية ضمير حضرتك هتكتب ازاي تاني كده في احاديث رجل....التوبيك كده هيبقي منشار رجل...مفك رجل....شوية مسامير رجل.... :protest: :protest: ) طبعا من حق حضرتك تتساءل....و تحلم باليوم اللي نتحلو فيه الي النموذج اللبناني بس اسمحلي بقي....هو مش لازم نحط جنبه كده لزم تساؤل توءمه لزم هو حضراتكم هتقلبوا تبقوا احمد عز.... ميل جبسون....طب بلاش.....تيم الحسن....امتي؟؟؟؟ ليه كده ما احنا راضيين بالعيشة و اللي عايشينها....(وش اي ست مصرية بتبرطم) صباح حضرتك....تساؤلات جنب بعضيها

انسى يا عمرو بنتنا اغابى المعادله دى كده مش صح لان حضرتك فارضه ان الانثى بيكون تفكيرها اكبر من الذكر اللى فى نفس سنها حوالى عشر سنين انا بقولك المفروض العكس بحكم ان الولد طول النهار فى الشارع لو بيطلع يشتغل ويحتك بالناس فده بيدى له خبره كبيره قوى فى الحياه على عكس البنت تماما اللى يعنى تحسسك انها ام العريف وهى ابيض ياورد طبعاً لكل قاعده شواذ بس انا بتكلم عن الشائع يعنى الشائع او المنتشر ان الاولاد بيطلعوا يشتغلوا فى الصيف ايام الجامعه وبيحتكوا بالناس وتلاقى لو واحد فيهم دماغه فاضيه زى حالاتى يحضر قعدات عرب وتحقيق ويعمل فيها الحج عنبو يعنى الحاجات دى كلها بتدى خبره جامده قوى فى الحياه فعلشان كده الواحد لو عاوز واحده متوافقه معاه ذهنياً ياخد واحده اكبر منه اقل حاجه خسم سنوات لو عاوز واحده يربيها على ايده ويقعد يشد فى شعره من تصرفاتها ياخد واحد اصغر منه او فى سنه طبعاً كل حاله ليها مميزاتها وليها عيوبها يعنى اللى ياخد شىء اكيد يتنازل عن شىء اخر انا بقى ممكن اضحى باى شىء فى سبيل انى اخاد واحد اهدفنا واحده ومتوافقين مع بعض معنديش خلق لسه انى اقعد اقولها ده صح وده غلط لا فكرى كده لا كده غلط احنا مش فى مدرسه والحياه مليئه بالمتاعب فمش ازود عليها كمان تعب زياده بنتنا رضوى بتقول بصى يا رضوى يا اختى الانسجام والتوافق مش محتاج مجهود يعنى الواحد لما يحب يخلط ميه مع شربات هل يحتاج مجهود لكى يحصل الاندماج لا طبعاً لكن لما نيجى نخلط الزيت بالماء لو قعدنا نعمل مجهود من هنا للصبح ونسخن ومش نسخن ولا هيحصل اندناج خالص علشان كده انا بقول لازم الاول تكون الاساسيات قابله للاندماج والانصهار مع بعض يعنى ممكن بقى يحصل شوية خلافات زى لما بنجى نعشق ترس فى ترس بيحصل احتكاك وتتولد حراره بس فى الاخر مع شوية زيت تليين التروس بتلف وتبقى تمام لابد ان تكون اساسيات او تروس التعشيق موجده حتى يتم الاتحاد ايه انا قلبت كيما على ميكانيكا لا انا لازم امشى دلوقتى عنبو راسه ناشفه

ماهي ديه الشماعة بتاعة كل واحد شيخ الازهر لما سلم علي قاتل الاطفال شيمون بريز برر ده بصوره الاسلام يعني انت تنسف الاسلام بتصرفاتك وخايف علي الصوره امسك فالاصل وسيب الصوره والاصيل هو اللي بيمسك في الاصل ويسيب الصوره لكن اللي ماسك في الصوره وسايب الاصل فده معروف وعشان مسيحي هناني اغير موقفي يعني زكريا بطرس والاف المواقع القبطية التي تشتم الاسلام والرسول ليل نهار وتدار من داخل الكنيسة يعني بيشوي وتشكيكه في القرأن يعني خطف المسلمات مثل وفاء قسطنطين وكامليا شحاته انساه كله ده يتبخر طيب افرض اليهود هننوني بنفس المنطق المفروض انسي شهداء غزه وحروبنا الاربعه معهم وقتل الاسري ماهو حسب نفس هذا التفسير الاعوج ماهم جنحول للسلم يبقي المفروض اجنح له انا كمان لكن ده تفسير خطأ ولعب بكتاب الله

معقول يا سوون تكون بتتريق عليا رغم اني لم اسيئ لك ولا مره وكل كلامي معاك كنت بقول فيه كلمة حضرتك ,, وكلمة مجددين اللي بتسخر منها وردت في حديث النبي صلى الله عليه وسلم عندما قال : (‏ ‏إن الله يبعث لهذه الأمة على رأس كل مائة سنة من يجدد لها دينها ) أخرجه أبوداود في السنن رقم4291 والحاكم في المستدرك 4/522 والطبراني في المعجم الأوسط 6/323-324/6527 ممكن تكزن حضرتك المجدد او انا او دكتور عمرو خالد او الشيخ الحويني الله اعلم لكن المهم ,, انك تكون في نيتك الاصلاح والدعوه الى الله ,, وبدل ماكنت تسخر مني ,, كنت اخذت ثواب كل من يقرأ موضوعك وينوي من بعده الصوم ,, استعيذ بالله ولا تكابر في الخير وافتح التوبيك يرحمك الله ,,

السلام عليكم ورحمة الله وبركاته أحب أعرفكم النهاردة علي نظام رياضي جميل مفيد وسهل الاستخدام للجميع للحفاظ علي اللياقة والصحة العامة وهو برنامج Walk At Home المشي في المنزل للمدربة Leslie Sansone "المشي هو أفضل دواء للانسان" أبقراط أولا مقالة عن فوائد المشي عموما: ثانيا برنامج Walk At Home المشي في المنزل للمدربة Leslie Sansone هو نظام من رياضة الايروبكس التي تعتمد علي خطوات من المشي سهلة ويستطيع أي شخص القيام بها تسمح لك لاختيار 1 ، 2 ، 3 ، 4 ، 5 ، أو أكثر ميلا من المشي ، لست مضطرا لمغادرة المنطقة أمام التلفزيون أو الكمبيوتر ! انها مريحة ، لأنه يمكنك المشي في أي وقت من اليوم! فبالتالي يمكنك المواظبة علي نظام لياقة بدنية دون الحاجة للذهاب إلي الجيم و المواظبة علي المشي بغض النظر عن توافر المكان والمناخ المناسب للمشي إلي جانب أن البرنامج يحتوي علي خطوات أخري تستخدم عضلات كثيرة من الجسم أكثر مما يستخدم الجسم خلال المشي العادي فبالتالي يحرق دهون أكثر ويعطي فوائد كثيرة أكثر من المشي العادي. الموقع الرسمي للبرنامج: http://www.walkathome.com/ يحتوي الموقع علي تعريف بالبرنامج وقصص نجاح للعديد من الأشخاص الذين نجحوا في التخلص من الوزن الزائد منهم من نجح في التخلص من 50كجم!! ويحتوي علي فيديو مجاني لميل واحد يستغرق 10 دقائق تقريبا كما يوجد علي اليوتيوب فيديوهات أخري الفيديو الأول واحد ميل ( 15 دقيقة) http://www.youtube.com/watch?v=ndVjwkaLGDk الفيديو الثاني الميل الثاني (15 دقيقة) http://www.youtube.com/watch?v=G8b4P57jNsQ&feature=fvw البرنامج ده غير حياتي وساعدني كتير ...ياريت الناس تتفرج عليه وتجربه عندي بعض الفيديوهات (1و2و3و4و5 أميال ) اللي ممكن تحميلها من الرابيدشاير لو حد عايز ياريت يكون قرارك في العام الجديد الحفاظ علي صحتك والتمتع بالحياة

اسمحولى ابدا موضوع جديد فحواه ازاى استغل كل سنتيمتر من الشقة اللى بالشئ الفلانى اللى المفروض مهدرش منها مللى متر واحدو خصوصا ان فى اخوة كتير ابتدوا يشتروا شقق فى المدن الجديدة وهم على وشك استلامها و اليكم بعض الافكار لغرف نوم الاطفال و الشباب الضيقة و التى مساحتها يدوب 3.6 *3.6 متر فى المدن الجديدة و نكمل بعد شوى

ايه رأيك كل يوم ناخد هدنة 5 دقائق نزور فيها محافظة مصرية منها راحة ومنها سياحة ...ونقول حلوة يا بلدى...ونرفع شعار @@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ نبدأ بمحافظة الفيوم تنفرد الفيوم عن سائر محافظات مصر بمناخها المعتدل طول العام وتاريخها العريق الذى يمتد فى أغوار الزمن إلى ملايين السنين فقد بدأت الحضارة بها فى العصر الحجرى قبل أن تكون هناك حضارة وكانت لها مكانتها المرموقة فى عصر الدولة الوسطى والأسرة الثانية عشرة وكانت لها أهميتها خلال العصور اليونانية والرومانية والقبطية والإسلامية وما خلفته هذه الحضارات من آثارًا لاتزال قائمة تضم فى مجموعها عناصر فريدة فى تصميمها ومادة بنائها كمسلة الفيوم ذات الرأس المستديرة دون سائر المسلات وأهرامات الفيوم التى تفتح أبوابها إلى الجنوب بخلاف ماعرف عن الأهرامات مما يعطى للفيوم طابعها وشخصيتها المتفردة .. ولا يقتصر التفرد على آثار الفيوم وحدها ، فالفيوم هى المحافظة الوحيدة التى تلتقى على أرضها البحيرات والخضرة والصحراء فى صورة فريدة تتنوع فيها المناظر الطبيعية والأنشطة والفنون السكانية المدنية والريفية والبدوية والساحلية .. كما تتعدد فيها أنواع الحياة البرية . وهى المحافظة الوحيدة التى عرفت بإختلاف المناسيب فى أرضها فتصل من مستوى -26 متر تحت سطح البحر فى جنوبها حتى -42 متر تحت سطح البحر فى شمالها وبذلك تدور عليها سواقى الهدير وطواحين المياه بقوة دفع المياه ولا يوجد مثيل لها فى مصر كلها .. وهى المحافظة الوحيدة التى تضم بحيرتين احداها هي بحيرة قارون ذات المياه المالحة والتى تعتبر من أقدم الآثار الطبيعية فى العالم وبحيرة وادي الريان ذات المياه العذبة والتى تمثل واحدة من احدث البحيرات الكبرى ،وهى التي تنفرد أيضا بتصميم خاص لأبراج حمائمها التى يمتد تاريخها إلى أيام الدولة العباسية .. كل هذا جعل للفيوم شخصيتها المميزة وطابعها المتفرد وأتاح لها أنواعاً عديدة من السياحات وكانت سبباً لأن يقبل عليها السائحون والمستثمرون من كل أنحاء العالم محافظة الفيوم هي إحدى محافظات مصر وعاصمتها مدينة الفيوم. تقع في إقليم شمال الصعيد الذي يضم ثلاث محافظات هي الفيوم وبني سويف والمنيا. وتعد محافظة الفيوم صورة مصغرة لمصر حتى أن البعض يطلقون عليها مصر الصغرى. ويعود ذلك إلى أنها يوجد بها العديد من الملامح التي توجد في مصر فمثلاً مصر تعيش على نهر النيل كذلك الفيوم تعتمد على ترعة "بحر يوسف" ويوجد بالفيوم مجتمع زراعى ومجتمع صناعي كذلك مجتمع بدوى بل وهناك مجتمع الصيد على ضفاف بحيرة قارون. واختلف المؤرخون في تسمية الفيوم بهذا الاسم فمنهم من يرجع تسمية الفيوم إلى اصل الكلمة وهي "بيوم" أي "بركة الماء" والتي حورت مع الاستخدام إلى فيوم ثم أضبف إليها الألف واللام ومنهم من ينسبها الي قصة سيدنا يوسف عليه السلام حيث قام بعملية استصلاح زراعي في وقت الف يوم 1000يوم وهذا الارجح. وتشتهر الفيوم بوجود العديد من الأماكن المتميزة ومنها بحيرة قارون ذات المناظر الجميلة ووادى الريان وهما تعتبران محميات طبيعية. المساحة تقع محافظة الفيوم في الصحراء الغربية في الجنوب الغربي من محافظة القاهرة وعلى مسافة92كم منها وهي إحدى محافظات إقليم شمال الصعيد وهي محاطة بالصحراء من كل جانب ماعدا الجنوب الشرقى حيث تتصل بمحافظة بني سويف. وتبلغ المساحة الكلية لها 6,068.70 كم2. التعليم ويوجد بها جامعة الفيوم تضم 14 كلية (التربية، الزراعة، الهندسة، الخدمة الاجتماعية، دار العلوم، العلوم، السياحة والفنادق، التربية النوعية، الآثار، الطب، الآداب، الحاسبات والمعلومات، رياض الأطفال، التمريض). الموقع الإلكتروني للجامعة السياحة ومن أهم مزارات الفيوم بحيرة قارون وهي من المحميات الطبيعية وقديما من أهم مناطق صيد البط وبها أوبرج الفيوم وهو فندق قديم.وفندق((زاد المسافر))للسياحة البيئية قبل شلالات وادى الريان ب15 كيلومتر وكذلك عين السيلين وهي عين طبيعية تتدفق منها الماء وأن كانت قد تأثرت بالزلزال الذي ضرب مصر عام 1992 والذي أدى إلى تحول مسار الماء عن العين. وتشتهر الفيوم بأنتاجها من الأسماك والدواجن والفاكهة وخاصة المانجو والعنب اعلام الفيوم القارىء الشيخ محمود خليل الحصرى القاريء الشيخ احمد بن محمد بن علي الفيومي، مؤلف كتاب المصباح المنير، 700 هـ الشيخ زكريا أحمد الممثل يوسف وهبي الفريق عبد المنعم رياض الشيخ إبراهيم موسى الفيومي، شيخ الأزهر، (1133 هـ - 1137 هـ / 1721م -) سيد عبد الحفيظ لاعب النادي الأهلي المصري اللاعب محمد عبد الوهاب الحكم الدولي ربيع محمدأبوالنجا والحكم الدولي أحمد عبد الله أبوالنجا اللاعب أحمد صديق واللاعب سيدحمدي واللاعب صبري رحيل (صوفي أبو طالب) رئيس مجلس الشعب السابق والقائم بأعمال رئيس الجمهورية من مقتل الرئيس السادات وحتى تولى الرئيس حسني مبارك 1981 (يوسف والي) وزير الزراعة السابق ونائب رئيس الوزراء. الممثلة نجلاء فتحي الفنان القدير عبد العزيز مخيون الدكتور حسن معبد الوزير مهندس على والى أول وزير بترول في مصر الفنانة مريم فخر الدين الفنان يوسف فخر الدين تبيل حنظل : مؤسس السياحه بالفيوم ومن رواد الاعلام- http://www.mishooo.n...1081mishooo.jpg http://www.ee77ee.co...51.imgcache.jpg http://yom-kippur-19...m-waterfall.jpg

نص الخبر بات من المستحيل أخراج تأشيرة خروج نهائى للوافدين الذين يتم نقل كفالتهم داخل المملكه بناءا على طلب الكفيل وتكفل انظمة الجوازات للوافدين الذين تم نقل كفالتهم من الكفيل المستقدم الى الكفيل القديم عدم اعطاء الوافد خروج نهائى بناء على طلب الكفيل الجديد ويحق للكفيل الذى استقدم الوافد من بلده طلب خروج نهائى من الجوازات وانهاء وجوده بالمملكه دون الحاجه الى موافقته بينما لا يحق للكفيل الذى نقل كفالته اعطاؤه خروج نهائى دون اخذ موافقه مكفوله ويحق للوافد نقل كفالته الى اكفيل أخر فى حاجة عدم الرغبه فى العمل مع الكفيل القديم :egyflag:

اختبار خفيف لطيف علشان الويك اند مش تقيل و طبعا زى كل مره يابانى اصلى كم وجه تستطيع ان ترى في هذه الصورة : اذا تستطيع رؤيه: من 0 الى 5 وجوه ::فأنت كسول اذا تستطيع رؤيه: من 6 الى 7 وجوه ::فأنت شخص طبيعي اذا تستطيع رؤيه: من 8الى 9 وجوه ::فأنت شخص اكثر من طبيعي اذا تستطيع رؤيه: من 10 الى 11 وجوه ::فأنت شخص ذكي اذا تستطيع رؤيه: من 12 الى 13 وجوه ::فأنت عبقري

منك لله يا ....يا زينات .. يعني محدش افتكرها و هي حاطة سبت كتاكيت على دماغها :) يا لماضة خليكي محضر خير لسة الجوازة ماتمتش أصلا ... فيه أزواج .. بيتزينوا لزوجاتهم اقتداء بما روي عن ابن عباس ـ رضي الله عنهما ـ قال:- "إني لأتزين لامرأتي كما تتزين لي". لأن الله تعالى يقول: وَلَهُنَّ مِثْلُ الَّذِي عَلَيْهِنَّ بِالْمَعْرُوفِ . و على قدر الحب بين الزوجين يكون اهتمام كل منهما بالآخر ... و هذه هي المودة ومن ثمرات المودة تكون السكينة و الرحمة بين الزوجين .

احساس بأقتراب الكهوله تردد فى كل شئ تجاه كل شخص تجاهك انت ايضاً ان تهربي بعيده ان تبكى بحرقه.. ان الكلام بلا فائده الجمال احساس ناقص سندريلا كلام فارغ غير ان مستودع الامانات قد تعب... او ربما يخشى الحريه.؟ الثقه قميص للريح الاعتقاد قبعه على رأس العدم الصداقه.. الاخلاص.. بلا لُب ومع كل هذا... افكر فيك.. اناجيك بحيره.. بقلق.. بخجل دلفت اليك ثم لم تدخلى الي ربما لو حاولت ياصغيره الضفائر لتغيرت مفاهيم الحيره واصبحنا شئ ذى نفع كشجره.. وطائر

http://www.youtube.com/watch?v=vt12xK1hcp0 اهدااااااااااااااء ايوة بغير

واقعة مشابهة حدثت منذ خمسة وعشرون عاماً في محطة البنزين اللي في ميدان الدقي وأنقذ السائق المنطقة من كارثة كانت ستحفر في خلد المصريين للأبد في ميدانالدقي ستر ربنا ان الشاحنة وقتها كانت تقريباً فضيت خدها وحركها ونقلها وهي مشتعلة إلى مكان بعيد عن المحطة .. لكن كان في موقع كارثي أيضاً لطبيعة المكان أعتقد انه نقلها اسف الكوبري .. في نصف الميدان وتظافرت جهود المواطنين المصريين لإيقاف لاسير في كل الشوارع المؤدية لمكان الحريق .. وساهم الجميع في إخماد الحريق وساهم الجميع في تسهيل وصول فرق المطافي إلىمكان الحريق هكذا هم المصريين .. ونتمنى أن نكون كذلك.. هذا أفضل بكثير من أن نشجب تأخر فرق الإطفاء بعد أن تقع الكارثة لأنها تأخرت في الوصول .. ونسب ونلعن في الزحام .. الذي أدى لتأخر المطافي ونسب ونلعن في الشرطة التي تفرغت لحاجات تانية وسابت الشوارع زحمة .. الخ .. الخ .. الخ ... هذه هي البطولة .. والإيجابية التي تبني الأوطان .. وترفعها

عاوزين مشاركة يا جماعة او اقتراحات ..

مبروووووووووك لكل اللي جالهم الفايل نمبر - وان شاء اللة اللستة يكون وشها حلو علي كل اللي لسة مش جالة الرقم قولو امييين

شكرا يا استاذنا Al Mohager لولا ان النقاط الخضرا خلصت من رصيدي نهاردة كنت فعلا تستحقها عن جدارة ياريت لو حد عنده نقاط خضرا فى الرصيد يقيم المشاركات الكويسة من وجهة نظره لكن برضوه مش تحت شرط 3 شهور لان ممكن تكون اقل وممكن تكون اكثر الموضوع مش بالورقة والقلم ربنا يوفق الجميع ويريح قلبكم

مشاركة رائعة اشكرك عليها ..

ههههههههههه عجبنى اوى ردك ياريهام بس عاوز اقولك بردو ان الراجل مش مطلوب اوى انه يكون جميل بس يعنى يفضل فى المرأة انها تكون جميلة وبعدين اهم حاجة الثقة فى النفس smk: صباح الجمال النسبي جدا جدا جدااستاذي اكرم :protest: دايما الرجالة يقولوا عايزين المرأة جميلة...و متجددة...و مدري ايه سبحان الله و تلاقي ع الناحية التانية البيه...بيعمل عرض ازياء ببنطلون البيجامة المقلم في الصالة....و معندوش مانع انه يقضي يوم الاجازة كله بالفانلة....اللي ع اللحم بحجة انه يا عيني شقيان طول الاسبوع في الشغل و عايز يقعد براحته...و كمالة الشقا و الغلب...طبعا مش هيحلق دقنه غير و هو خارج....لكن طول ما هو في البيت...(انسان الغاب....طويل الناب....مش انا اللي قولت...دي زينات صدقي....قبل ما تدلق الملوخية علي حسب الله السابع عشر) او تلاقيه عادي جدا جدا.....في اي اجتماع تلاقي البيه اللي قاعد جنبي...راح ضارب صباعه في مناخيره....و قرب صباعه يطلع علي عينه.....و انا بتقطع جنبه كام راجل بعد الجواز ما بتلاقهوش اصابته حاجتين يا 1- التصحر...يعني الراجل من دولم في صورة الجواز حاجة تشرح...و الشعر واقع ع العينين...بعده بقي....بندور علي اي حتة مكويت نداري بيها اللمبة اللي بتنور ليل و صبح 2-يا وجود......بقلولة...و يفضل يخبط عليها في الراحة و الجاية و يقولك ده كرشي...يا فرحتي طب الست بتتغير عشان بتخلف...وجسمها بيتغير.....الرجالة بقي....جسمها بيتغير ليه ....و الكرش اللي محسسني انه الطفل اللي انت انجبته لوحدك دوت....انا ايه ذنبي فيه و كل ده و الست عمرها ما قالت بم.....بتتفرج علي ميل جبسون قدامك...و لا بتفتح بوقها و مش بعيد تروح مجاملاك ببوقين و تقول....يا سبعي...انت اللي فيهم يا استاااااااذ اكرم خلي الستات راضية.....و متفتحشي.....الباب دوت....احسن انا عايزة حاجة اعض فيها...(وش اطاطا قبل ما تهجم ع الضحية) ع جنب بقي انا عايزة رجل وسيم....راقي....جماله مش ملامح....جمال رقي مشاعر بتنبان في وشه و سلوكياته... في كل وقت.....مش بس في لحظة التصوير...يا من كاميرا المصور ...يا من كاميرا الناس عايزة راجل...يحس بالجمال جواه....و يقدر يقراه في اللي حواليه هو ده بقي الراجل الجميل من وجهة نظري الحقيقة اغابي سامحينا.....ده اكيد بره التوبيك....بس مش بره حياتنا صباحكم جمال في ادق التفاصيل

انا جديد معاكوا فى المنتدى هنا بس عندى خبر ليكم انا واحد صاحبى باعت الملف بتاعه فى أواخر شهر 10-2010 و اتصل بيهم فى السفارة من يومين يسأل على الفايل نمبر و قالوله انهم لسه بيفتحوا الملفات اللى جتلهم فى 30-9-2010 يعنى اخر يوم فى 9 و قالتله ينتظر 3 شهور من تاريخ ارسال الملف و غالبا هيكون الفايل نمبر وصله فنحب نطمن الناس اللى باعته ملفاتها فى شهر 10 انهم لسه هيبدئوا فيها و عقبال بقى ماتاخد وقتها فى البريد من سوريا اللى اقل شئ بيبقى فى حدود اسبوعين من تاريخ الفايل نمبر (ده طبعا لو مضيعوهوش فى البريد المصرى) ملحوظة تانية الفايل نمبر نيتعمل فى نفس يوم سحب الفلوس عشان كده اى حد اتسحبت فلوسه (سواء كان شيك او credit card) يعرف انه طلعله فايل نمبر و يطمئن خالص و يحط فى بطنه بطيخه صيفى و يعتبرها مسأله وقت فى البريد عقبال مايجيله الفايل نمبر و إذا ما جاش خالص و ضاع فى البريد يطمئن برده لأنه هينتظر شهرين كده ولا حاجة و بيعت فاكس للسفارة او ايميل (و رقم الفاكس و الايميل موجود فى العنوان المرفق) يقولهم ابعتولى الفايل نمبر لأنه موصلنيش و هما هيبعتوه على طول بس هما بيبعتوه على رقم فاكس انت بيتكتبه فى رسالتك ليهم نصيحتين صغيرين عشان الناس اللى بتبعت ملفاتها تقلل القلق اولا يفضل شراء صندوق بريدى من البوسطة (40 جنيه على ما اعتقد) و جعل عنوان المراسلة عليه عشان العنوان ببساطة بيبقى "القاهرة ص. ب. 00000" يعنى هيوصل البريد هيحطوه فى الصندوق و غالبا مش هيضيع زى ما بيضيع مع البوسطجية (بس طبعا اوعوا تنسوا تبصوا فى الصندوق بتاعكوا زى اختنا Sokara) ثانيا يفضل دفع الرسوم بالفيزا لانك اول ما الفلوس هتتسحب من الفيزا هتعرف على طول من النت او عن طريق sms و ساعتها بيقى تتاكد انك طلعلك فايل نمبر لانه بيطلع بمجرد خصم الفلوس "واللى معندوش فيزا ممكن يعمل (فيزا مسبقة الدفع) يعنى كارت فاضى بتعبيه الفلوس اللى انت عاوزها و تدفع بيها ده مفيهوش خطورة لانه لو حتى حد سرق رقم الفيزا غالبا هيلاقيها فاضية" و ده طبعا العنوان اللى فيه الايميل و الفاكس Bureau d'immigration du Québec à Damas a/s Ambassade du Canada 38 Autostrade Mezzeh, CP 3394 Damas Syrie Phone: (963.11) 611.6851 or 611.6692 Fax: (963.11) 613.1600 E-mail: E-mail form or biq.damas@micc.gouv.qc.ca

طيب يا ارش هو لو حتى توفى رئيس الجمهورية مش عمر سليمان اللى يتولى المهام بصفة مؤقتة اللى يتولاها المفروض حبيب قلبى من ايام وانا فى الابتدائى وكان هو وزير التعليم فتحي سرور

وتلاقي يا س شباب زي الورد بيتخطفوا في عمر الزهور من غير سبب ,, الا صاحبنا ده ,, متربس على قلبنا لطاللون مش عارف اخي عزرائيل ناسيه ليه ههههه :happy: طبيب علامه قال لي من مارس اللي فات ان مرضه من النوع الميئوس في شفائه وباقي له 6 شهور محدش بيطول منا لمرض ده اكثر من كده وشكلنا احنا اللي حنودع الدنيا وهو اللي حيدفنا الاول ,, نفسي اصحى الصبح على خبر,, وفاة الرئيس المصري محمد حسني مبارك ,, وتولي اللواء اركان حرب عمر سليمان مدير المخابرات العامه السلطه مؤقتا لحين اجراء انتخابات رئاسيه ,,

السلام عليكم و رحمة الله و بركاته صباح الورد يا غيبو همووووووووووت و افهم انتي حاطة التوبيك في ناحية التكافل الاجتماعي ليه..(وش حد ضارب القلم فوق ودنه و بيتساءل بعمق) ده ع اعتبار ان احنا في موقف انساني عايزله التكافل و نلم من بعض و كده يعني و لا ايه....(وش حد عمال بيكلم نفسه) طب لو احنا في الموقف دوت.....ليه مفترضين ان الاكبر سنا...هتبقي هي الطرف الاضعف و بالتالي فيه طرف تاني...يا حلولي هو اللي بيقرر...يا تري هياخد اللقمة وياكلها و لا هيبوسها و يحطها جنب الحيط لو حطينا التوبيك في موضوعات شخصية....لاني شايفة كل حد فوق اتكلم من وجهة نظره وهي دي الاجابة كل واحد بيبقي ليه وجهة نظر....ميقدرشي يعممها ع الناس كلها و اذا كان هو او هي...مالهومشي وجهة نظر في الحياة اصلا....و هيعتمدوا علي الكتالوجات الجاهزة بتاعت كيف تختارين عريسا....و كيف تختار عروسا صابحة كده و تعيش معاك....يبقي اعذريني....اكيد مش هيبقي ليهم وجهة نظر في الجواز....لانهم هينصبوا في القالب الجاهز بتاع تعالي نطلع المسطرة و المازورة و ناخد حاجة كده تفصيل وجهة نظري الشخصية جدا و لا الزم بيها اي حد....(كفاية عليا دماغي...و دماغه) الوقت بيخلينا نشوف حاجات عمرنا ما تخيلناها... و بيحطنا في مواقف عمرنا ما حلمنا بيها.... يبقي لازم تفكيرنا يبقي غير مش عشان عايزين نخالف و السلام لا لان ببساطة جدا.....مبدا التعميم علي البني ادمين مرفوض جدا جدا....و مش انا اللي بقول...حياتنا اللي بتقول....كل القصص اللي بنسمعه و احيانا بنعيشها الخبرات اللي احنا مصرين ناخد جانب منها واحد فقط.....و نهما ان فيه خبرات تانية متكاملة....بتقول ان الستات مش لون واحد....و الرجالة طبعا ملونين.....و الزواج اصلا بيصهر الاتنين في بلتة الوان جديدة مختلفة تماما علي اللي فات بكتب ده.....و ع فكرة كنت واخدة قرار لا رجعة فيه ان مينفعشي ارتباط بمن هو اصغر....لكن تجربة طلاق مريت بيها في محيط اصدقائي خلتني اعيد النظر في كل حاجة الاتنين....كانوا زي ما تقولوا كده فعلا من الكتاب....السن مناسب....المستوي الاجتماعي....الاسري...كله كله.....يعني كلنا كنا باصمين انها جوازة العمر....و دقي يا مزيكا....و دوري الشربات يا صواني و ما حدث تم الطلاق بعد شهر واحد يا مؤمنين بجد....برضه يمكن مش هنعمم....بس قناعتي الشخصية ابتدت تتاكد ان الزواج اكبر بكتير من احنا نحطه في لستة معايير و نقيم شريكنا بناء عليها و ع اعتبار ما سيكون....(يعني هتحطي التوبيك في موضوعات شخصية يعني... :P ) خليني افضفض بقي قابلت اشخاص في نهاية الثلاثينات....حلو.... لكن قسما بالله دماغه دماغ مراهق....فيما يتعلق بالبنات...و لما نيجي ناخد قرار....طلع توتي خالص....يعني الست الحاجة ماما هي اللي بتاخد كل القرارات وقابلت ناس في سن ال 25 و ال 26......و كانوا من النضج...و الرجولة بمعناها الحقيقي اللي لازم تحتفظ بصداقتهم حتي لو متمش الارتباط و قابلت ناس في الاربعين و الخمسين......هوبااااا حدفنا بعيد....و اعجبت بيهم جدا....و حد هيقولي تعويض غياب الاب.....و ايه يعني يبقي السؤال انا لما هتجوز عايزة ايه..... بدور علي ايه.... و عندي استعداد اني اتحمل مسئولية قراري و لا لا.... و الاهم عندي استعداد اني انجح العلاقة دي و لا لا نفس السؤال بيبقي للطرف التاني.....احنا هنشيل قفة بودنين...ميجيش في وسط الطريق و يقولي لا اصل القفة تقلت مني....و لا انا اسيب الودن....و ارمي عليه الحمل كله كل حد فينا عاش حياة كاملة بدماغ....يا تري لما نتقابل بنوصل لتوليفة دماغ تساعنا احنا الاتنين و لا بتلاقيني احن لدماغي القديمة لان محدش قدر يملي عيني او دماغي طولت عليكي....بس حطيت وجهة نظري صبااااحك...ارتباط...اختياري....محدش هيجبرني عليه....و هفرح بيه عشان هو هيفرح بيا شمي دولم.....دولم مش زي الوحدات اللي بعتهوملي ايام حرب لماضةالساري ...ع الكويت

السلام عليكم جميعا اسمحو لى بعرض وجهة نظري المتواضعة رائ ان الزواج يبنى على (التفاهم و التوافق و الحب أخيرا (ان وجد)) متى وجدت هذه الامور فيكون الزواج ناجحا بإذن الله تعالى وكلنا يعلم ان سيدنا محمد صلى الله علية وسلم تزوج سيدتنا خديجة وهى اكبر منه بحوالى 15 سنة و مع ذلك ومع تعدد زوجاته الا ان السيده خديجة لها مكانتها وحبهاعند الرسول الكريم وكانى اري امامى مشهد الرسول (ص) يوم فتح مكة وقد ترك كل البشر وجلس مع أمرأه عجوز بعد ان فرش لها رداءه و جلس يتسامر معها و عندما ساله الصحابة عنها قال كانت تاتنى ايام خديجة وخلاصة رايى ان الرجل يبحث عن الدفئ الاسري والموده والرحمة فقط اما السن (موش فارقة)

احياناً بيكون اللي قدامك مش عايز يسمع هو متبرمج علي فكر اخر لايفهمه لكن لسان بيردد كلام لازم تصرخ في وشه يمكن يسمع ويفوق انا مش عايزه يقطنع انا عايزه يناقش مثل اي شخص مثقف المشكله تتكلم معه في نقطه (س) يحس ان منطقة ضعيف للغاية فيقفز للنقطة (ص) بردوه ولأن منطقة بيزداد ضعف يهرب لنقطه (ع) لن تصل معه لنتيجة هو عقلة واقف ومستريح في مكان امين لايريد ان يتركه ليفكر في شئ جديد كأنك بتكلم نفسك

الرجوله الحقيقيه يا سوون خليني اشرحهاك لما يكون فيه عائله مكونه من 10 افراد واتخانق معاهم عائله تانيه مكونه من فردين فقط مش من الرجوله ان العشره يروحوا يتهجموا على فردين اثنين فقط انما الرجوله الحقيقيه كما قال النبي صلى الله عليه وسلم ليست بالصرعه بل ان تملك نفسك عند الغضب ,, تعرف يا سوون دي اللحظه اللي حتنول بيها فعلا احترام الفردين الاخرين لكل العائله قال عز وجل ادفع بالتي هي احسن ,, فذا الذي بينك وبينه عداوة كانه ولي حميم صدق الله العظيم ,, دي اخلاق الفرسان النبلاء ,, عدم رد الهجوم على الفرد الضعيف ,,

يعني بقلنا 1000 سنه بناكل عاشورا قلت ننتهز فرصة وجود مجدد مثلك لايهل علينا الا كل 100 سنه ونعمل تغيير شامل وان كان ده مزعلك خلاص ياسيدي نستحمل 100 سنه كمان لحد مايجي مجدد ثاني يعيد للعاشورا مجدها عيب والله عليك كده ,, الواحد محترمك من بداية الحوار اكراما للناس الفاضله الموجودين معانا وكمان للي متعاطفين معاك واعطوك نقط ايجابيه ,, لكن نبرة التهكم كما هي لم تتغير الم يقل الله عز وجل بسم الله الرحمن الرحيم يا ايها الذين امنوا لا يسخر قوم من قوم عسى ان يكونوا خيرا منهم ,, صدق الله العظيم هل كان رسول الله صلى الله عليه وسلم يستخدم هذا الاسلوب في مجادلة المختلفين معه في الرأي والعقيده والله انا مكسوف لك لانه اسلوب يليق بنوعيه معينه من البشر وانت المفروض محسوب علينا مسلم وموحد بالله اسلوب السخرية لأني مكسوف لك اكثر ده انت عشرات المشاركات عشان تثبت وجهه نظرك اللي هي وجهه نظر اقباط المهجر ان المسلمين هم اللي غلطانين لدرجه عايز الشيخ الحويني يروح يزور البلطجية اللي كسروا في الشوارع مش عايز كمان يروح يبوس علي راس البابا شنوده ويترجاه يعفو عننا ويسمحلنا اننا نكمل نفضل نعيش في مصر ماهو احنا ضيوف علي حسب كلام بيشوي التي تدافع عنه احنا بكره نلم العزال علي الجمل ونرجع لجزيره العرب اللي جينا منها يمكن ساعتها يرضي عننا بيشوي وانت تستريح الذي يقول هذا الكلام هو شخص لا يمثل مسيحيو مصر فهو يمثل نفسه مثله مثل الذي يحمل مشاعر التعصب للمسيحيين من المسلمين تماما فهو لا يمثل ايضا المسلمين الذين يمثلون المسيحيون هم هؤلاء الموطنين الذين يكتوون بنار الغلاء ويعانون من سطوة الحاكم ويقفون معنا في صفوف المقاتلين عندما تواجهنا هجمات العدو هم جاري وجارك الذي هو اقرب اليك من اقرباءك هم الذين يقفون معك في طابور العيش ويصارعون مشاكل الحياة اليومية مثلك ايها المسلم هؤلاء هم المسيحيون الذين يعبرون عن المسيحي الحقيقي وليس بيشوي ولا زكريا بطرس ولا اقباط المهجر ولا كل حاقد علي كل ما هو مصري

يعني بقلنا 1000 سنه بناكل عاشورا قلت ننتهز فرصة وجود مجدد مثلك لايهل علينا الا كل 100 سنه ونعمل تغيير شامل وان كان ده مزعلك خلاص ياسيدي نستحمل 100 سنه كمان لحد مايجي مجدد ثاني يعيد للعاشورا مجدها عيب والله عليك كده ,, الواحد محترمك من بداية الحوار اكراما للناس الفاضله الموجودين معانا وكمان للي متعاطفين معاك واعطوك نقط ايجابيه ,, لكن نبرة التهكم كما هي لم تتغير الم يقل الله عز وجل بسم الله الرحمن الرحيم يا ايها الذين امنوا لا يسخر قوم من قوم عسى ان يكونوا خيرا منهم ,, صدق الله العظيم هل كان رسول الله صلى الله عليه وسلم يستخدم هذا الاسلوب في مجادلة المختلفين معه في الرأي والعقيده والله انا مكسوف لك لانه اسلوب يليق بنوعيه معينه من البشر وانت المفروض محسوب علينا مسلم وموحد بالله اسلوب السخرية لأني مكسوف لك اكثر ده انت عشرات المشاركات عشان تثبت وجهه نظرك اللي هي وجهه نظر اقباط المهجر ان المسلمين هم اللي غلطانين لدرجه عايز الشيخ الحويني يروح يزور البلطجية اللي كسروا في الشوارع مش عايز كمان يروح يبوس علي راس البابا شنوده ويترجاه يعفو عننا ويسمحلنا اننا نكمل نفضل نعيش في مصر ماهو احنا ضيوف علي حسب كلام بيشوي التي تدافع عنه احنا بكره نلم العزال علي الجمل ونرجع لجزيره العرب اللي جينا منها يمكن ساعتها يرضي عننا بيشوي وانت تستريح

فرق كبير جداً بين الكلام النظري ... والوضع الواقعي العملي يعني الكيميا والحب والعصافير التي تسكن أشجار الزيزفون أنا معاكم في ده لكن الواقع بيقول إن الموضوع ده بيبقى صعب .. خصوصاً لو الفرق كبير 5 سنين وإنت طالع .. وما ننساش إن الست بتشقى أكتر من الراجل .. وبتكبر بسرعة أكبر منه .... وعلمياً وطبياً إن كل مرة حمل بتكبر الست نتيجة تعب الحمل والرضاعة والتربية نفسها وما ننساش المجتمع اللي حواليك وإسمع الحكم والامثال يا ولدي كل اللي يعجبك وأتجوز اللي يعجب الناس ههههههههههههه لأ بجد ... ده لو أتعرف إن زوجتي اكبر مني مثلاً بـ 10 سنين ... ممكن العيال تحدفني بالطوب في الشارع ولو بقى عندي 40 سنة .. الحاجه هاتبقى بلغت من العُمر أرذلة وطلعت معاش مبكر ------------ الحمد لله إحنا - المعلم عنتبلي - في الأمان والفرق بني وبين الحاجه 9 سنين لصالح المعلم طبعاص .. ومش عاوزين كلام كتير يعني مايسترو وسيطرة وقيادة وقهر وديكتاتورية كل ده مضروب في الخلاط ومطلع لنا " سي السيد " ههههههههههههههههع مين هناك

مافيش اي مشكله في الحوار والكل ملتزم في حدود الادب ماعدا استاذ remoun الذي يوجه شتائم شخصية وقد ابلغت الاداره ان فعلت شئ فاهلاً لم تفعل ففي النهاية الشتائم تحط من قدر من قالها وتوضح اي افكار ومعتقدات يحملها واعتقد ان الموضوع ليس به رضا شخصي لأننا في منتدي حواري الكل من حقة يضع رأية بالقدر الذي يريد وفي النهاية هناك اداره لها قوانين المفروض تتطبق علي الجميع ومن سلطتها غلق المواضيع التي تخالف قوانين المنتدي من سئم النقاش فالموقع به مواضيع اخري يشارك فيما يعجبة ويترك مالا يعجبة هذه وجه نظري يعنى احنا احترمنا اراءك ومعرفتك الغريبة بامور التاريخ الغير معروف مصادره او من اى كتب وكتب ايضا غير معروفة المصدر وشيلناك على راسنا من فوق ومرة تشرق ومرة تغرب واحنا برضوه شيلينك على راسنا ومحترمين اسلوبك الغير بناء الغير هادف يا استاذى حضرتك مارستش على حل نهاردة كله - وضح بس انت عاوز ايه واحنا نريحك وفى الاخر بتشتكى كمان للادارة - يعنى كل الناس اللى عملت معاك حوار وبيحاولو بهدوء يفهموك من صبحية ربنا وانا واحدة من الناس اللى اتكلمت معاك بقمة فى الهدوء ومع ذلك برضوه تلف وترجع لنفس المكان اللى ابتديت منه وكمان مش عاجبك وبتشتكى للادارة - يا استاذى التوبيك داه مليان شتائم موجهة ضد المسيحين كان حد مننا اشتكى للادارة ولا بنحاول نرد فقط انا عملت دعوة لحضرتك فى مشاركتى نهاردة - ادعوك نلاقى حل للوطن بنظرة ايجابية ومحايدة للطرفين للاننا كلنا فى نفس المركب لكن برضوه حضرتك تروح تجيب كتب من هنا وغنوة من هنا وكلمة من هنا - انا مش عارفة بصراحة مصدرها فين يا استاذى الحوار الهادى مفيد ياريت تحدد انت عاوز ايه شتتنا معاك مش كدا حضرتك شغال فى مشاركات يمين وشمال وفوق وتحت - انا احترت انت مع اليهود ولا المسلمين ولا المسيحين ولا الوثنيين ما ترسي على حل يا استاذ كومنج سوووون وبلاش شغل التعلب فات فات داه تحياتى لحضرتك خد وردة

"الوكالة الدولية" تستعين بخبير مصرى للتخلص من النفايات المشعة الأربعاء، 15 ديسمبر 2010 - 18:10 أرسلت الوكالة الدولية للطاقة الذرية بفيينا خطابا لهيئة المحطات النووية لتوليد الكهرباء، تطلب فيه الاستعانة بخبرات الدكتور "إبراهيم العسيرى" مستشار الهيئة للشئون النووية والخبير السابق بالوكالة الدولية فى اجتماع مغلق يضم 5 خبراء عالميين من مختلف دول العالم، لمناقشة سبل التخلص من النفايات النووية المشعة. قال العسيرى فى تصريحات له اليوم الأربعاء، إن الوكالة استدعته فى وقت حرج بالنسبة للبرنامج النووى المصرى وقبل طرح كراسة شروط ومواصفات المحطة النووية الأولى بالضبعة بأيام، إلا أنه قرر الاستجابة للدعوة لأنها تستغرق يوما واحدا فقط، مشيرا إلى أنه لم يكن ليقبلها إذا تضمنت عدة أيام حرصا على سير العمل بالبرنامج النووى المصرى الذى وصفه بالحلم القومى الذى يستحق التضحية لتحقيقه. الدكتور إبراهيم العسيرى كان مستشارا للوكالة الدولية للطاقة الذرية حتى العام الماضى، إلا أنه عاد إلى مصر وقرر المشاركة فى إعداد المحطة النووية الأولى بالضبعة والعودة للتدريس بقسم الهندسة النووية بالإسكندرية، لتخريج كوادر شابة تعمل بالبرنامج المصرى. هؤلاء ابناء مصر البارين تحية وتقدير للدكتور ابراهيم العسيرى

لستة منتظريين مقابلات 2011 1-فريند 11/2009 2-جرجس رفعت 1/2010 3-هاني دلت 1/2010 4-هاني فري 3/2010 5-ماريان 3/2010 6-فيتو 3/2010 7-مينا عدلي 4/2010 8-سانت لورينت 4/2010 9-فيلومينا 4/2010 10-ميكي مانو 4/2010 11-مستر بيكو 4/2010 12-د\بطوط 6/2010 13-محمد كيبك 7/2010 14-انفوايير 7/2010 15-محمد عاطف 8/2010 ربنا معاكو كلكم ونسمع عنكم كل خير انا معاكم بردة علشان انا اللي هعملكم لستة مواعييد المقابلة

موضوع......جميل ومثير جدا.....هل تتزوج مراة اكبر منك سنا؟... الدراسة التى قدمتيها بالموضوع فعلا دراسة تمس هذا الجانب بشكل ايجابى الكثير من الرجال يفضلون الزوجة صغيرة السن....ولكن البعض القليل الذى يجد نفسة مع اخرى ...اكبر منه سنا ولكن تقدم له مايحتاجه نفسيا ومعنويا ...ويكون هذا هو المدخل الذكى من تلك المراه التى تعتنى بهذا الجانب الهام ....فى حياته وممكن ان يفقدة مع من تصغره سنا.....بالاضافة الى مذكرته الدراسة من ان النساء اصبحن....يعتنين بمظهرهم وجمالهم بالاضافة الى الرشاقة....كل هذه العوامل تساعد على زواج ناجح وقد تزوج السول الكريم السيدة خديجة وكانت اكبر منه بخمش عشرة عام وكان تساعده وكان هذا الزواج ناجح على الرغم من فرق السن

موضوع مثير للفكر يا غيبو تسلم ايديكي انا رأي ان الرجل هو مايستروا العلاقه الزوجيه بقوة شخصيته وتحكمه في الايقاع ,, يعني اعرف واحده زوجها اصغر منها لكنه مالي عليها حياتها ومخليها تبان اصغر من سنها ,, وواحده تانيه والله في نصف عمرها لكن تبان كبيره من قرف ونكد زوجها المتواصل ,, لو المايسترو فنان ,, حيستمر قارب الحياه بكل هدوء وسكينه

احيك كومينج سوون على ثقتك دي كلها بس للاسف ,, ثقه مش في محلها ,, لانك ممكن تستند للفظ الآيه ,,زي : ولا تقربوا الصلاه ,, لكن جوهر الدين غير كده خالص ,, جوهر الدين بيقول ان الفتنه نائمه لعن الله من ايقظها ,, جوهر الدين بينهانا عن تتبع عورات الناس والتركيز على السلبيات -لانها لازم حتكون موجوده - جوهر الدين بينهانا عن مجادلة اهل الكتاب الا بالتي احسن ,, جوهر الدين بيامرنا بالاحسان وبالدعوه بالحب والرحمات وفعل الخيرات ,,زي ماعمل ابو عمر مع جاره المسيحي ,, حتى يا سوون لو لقيت مقتل في خصمك ,, ترفع انك تضربه فيه ,, بنبل الفارس الكريم ,, وصدقني والله حيكون ليها اثر اكبر بكثير من انك تنتصر عليه وتقتله ,, اتمنى اكون قدرت اوضح وجهة نظري في جوهر الدين ,, والتي اعتقد انها وجهة النظر السليمه ,, على الاقل من قناعاتنا احنا كمجددين ,, والله اعلم ملحوظه : على فكره انت واحد قديم معانا ,, بس مسجل باسم جديد :happy:

http://www.youtube.com/watch?v=8A-XbabbryM&feature=player_embedded#! عينى على اهل كايرو لبط ابنها مين يسايروا الكل عامل مثالى ونزلين فى بعض يعايروا ياما البدل بتدارى سلطة ومحدش دارى هنا حرامى قالوا عصامى عامل فيها للشرف محامى هنا فلاتى قال شعاراتى وبالليل هات نفس ياسامى كان اللى يغلط على راسوا بطحة بقى النهارده ياعينوا ياجبايره عينى عينى ياعينى على اهل كايرو انا ليا طلب عندكم والنبى علشانى فى حد معاه تليفون دكتور نفسانى اصل العيشة دي معلش همبكة كدب مالوش داعى وكلوا لابس وش المصلح الاجتماعى ياما البدل بتدارى سلطة ومحدش دارى هنا حرامى قالوا عصامى عامل فيها للشرف محامى هنا فلاتى قال شعراتى وبالليل هات نفس ياسامى كان اللى يغلط على راسوا بطحة بقى النهارده ياعينوا ياجبايره عينى عينى ياعينى على اهل كايرو سأقوم بتحليل اللحن المميز جدا لوليد سعد و أداء المقتدر الجسمي و المميز ايمن بهجت قمر قريبا

السلام عليكم... لا استطيع فهم الغرض من نشر قصص كهذه في قسم المغتربين .. القصه الاولي و هي قصة الشاب الثلاثيني الذي تزوج من أمراه لديها بنت في العقد الثاني و كان الزواج عرفي ..سأقول أن ما بُني علي خطأ فهو خطأو لن ازيد في التفاصيل لأن القصه لا تحكي كل التفاصيل . أما بالنسبه للأخ الذي جاء الي المملكه علي كفالة هذا الكفيل اللذي يضرب العمال بالايدي و الارجل فأيضا ل أقول له الا " لا تلومن الا نفسك " من قال لك ان تأتي الي هنا من دون ان يكون هناك عقد و بنودواضحه. إذا اردت ان تقرأ قصصا يشيب لها الولدان فأقرا اخبار الحوادث المصريه ثم بعد ذلك توقف و قارنها بما نشرته هنا من قصص عن تجارب فاشله .

الأعضاء الكرام, لوحظ في الساعات القليلة الماضية حيد واضح في مسار هذا الموضوع بما يشمله هذا الحيد من: 1. تدني كبير جدا في لغة الحوار, بما لم يعهده هذا الصالون الثقافي منذ فترة في أحد من منتسبيه 2. شخصنة مباشرة 3. إدراج كثير من الاتهامات لأطراف عديدة دون أي سند أو دليل سيتم إغلاق الموضوع مؤقتا, حتى التداول بشأن بعض المداخلات المدرجة مؤخرا فيه وسلوك بعض الأعضاء خلالها. الإدارة

انا قرأت القصه الطويلة ديه ومقدر مشاعرك الرقيقة اللي جرحها الشاب اللي من 20 سنة لكن مع احترامي انت تسقط مشكلة حدثت لك من 20 سنة علي انا ولااعرف ماالعلاقة هذا الشاب رفض ان يناقشك انا لاارفض ان اناقشك هل هو منتداك فعلاً اعتذر عن التعدي علي املاكك الخاصة وفعلاً هي اختلافاتي علي اساس ان مبني محافظة الجيزه ده بتاعي انا قاعد بكلمك من مصر وخلفي الكرسي وخلفة السرير ولااعتقد ان الكرسي بتاعي له علاقة بهذا الموضوع ولو فيه جهات بتدفع للي يدافع عن حق المسلمين ماتنساش تقولي لأن الذي اعرفة ان احبابك المسيحيين هم من يدفعون بسخاء اكتب مقال واحد يهاجم الاسلام وستصبح الكاتب الكبير ويمكن يدولك جايزه الدوله مثل سيد القمني حبيب المسيحيين لو كنت اقبض كنت هاجمت الاسلام يا بشمهندس لأن ديه التجاره الرابحة هذا مااطلبة منك ادانه صريحة لهذه البلطجة التي حدثت بدلاً من تغيير مجري الموضوع وقد قرأت الموضوع كله كل مشاركاتك هي محاولة لتغيير مجري الموضوع اعطيني مشاركه واحده مفيده من عشرات المشاركات التي كتبتها في هذا الموضوع من انتم ؟ المصريين ام المسيحيين ام المسلمين ؟ ام من يتفقون معك في الرأي ؟ ليس في امور الوطن وسياستة مشاعر هناك مصالح لهذا الشعب وهناك خفافيش من امثال بيشوي وزكريا بطرس واقباط المهجر يتربصون بهذا البلد ويريدون ترحيلك من هذا البلد لأنك ضيف ومصيرك ترحل حسب رأيهم اللي انت بتدافع عنه

بجد بجد يا ارش انت مصدق اللى انت كاتبه مين اللى عاوز يفسد عليك مصريتك بيشوى اللى عاوز يطردك منها و لا ابوعمر اللى معترض على كده و بيمارس اضعف الايمان . البلطجيه اللى كسروا و تجمهروا و لا الغلابه اللى زى و زيك اللى واقفين يتفرجوا و يمكن منهم اللى عربيته اتكسرت فى المظاهرات و طبعا ما لهوش ديه . الله يسامحك ..قول امين ويسامحنى معاك :P

والله يأستاذ عادل لو حضرتك متابع في الايام الاخيرة لعلك تجد ان لدي الحق في كتابة هذا الموضوع ولا اعرف هل انا فهمت خطأ من موضوعي هذا أم لا كلنا بشر وكلنا ذو خطأ ولكن فضل الله بعضنا على بعض في العلم فمنا علماء ومنا عامة مطلبي الاي بحاول اقوله ان يكون لهؤلاء الناس كامل الاحترام لا نلمز ولا نهمز فيهم يأخواني كما قلت هؤلاء لحومهم مسمومة عموما لي رد تاني على ما مشاركوا به الاخوة ولا اعرف لماذا النرفزة الشديدة لبعض ردود الاخوة تقبلوا تحياتي

انا مهما اتكلمت مش هاتكلم زي علمائنا ماتكلموا اصل انا مش بتاع تجديدات انا من المقلدين للعلماء لكن انت اكيد عندك نظره تجديديه ليوم عاشوراء ويمكن يكون كمان عندك نظره جديده لطريقة الاحتفال يعني بدل العشورا ممكن نعمل كيك بالشوكلاته او بالفرواله ووعد اني مش هاعارض خالص في هذا الموضوع