لوحة القادة

تساءلت ..هل نحيا الحياة كما ينبغى ....ام اننا نعيش ...وخلاص ؟؟ لماذا نحتفظ دائما بالاشياء العالية القيمة ..لمناسبة خاصة ؟؟ولماذا لانعتبر كل يوم نعيشه هو فى حد ذاته مناسبة خاصة ؟؟ ولماذا نقول دائما ...// سوف افعل هذا الشئ فى يوم ما //..مع ان من السهل جدا حذف هذه الجملة من قاموس لغتنا ..ومن الممكن ان يكون هذا ال // يوم من الأيام //...بعيد جدا ..او..لا يأتى ابدا ؟؟ لماذا عند جلوسنا فى الشرفة نرى فقط الأعشاب ...الغير مشذبة ؟؟ لماذا نتكلم كثيرا ....ونعبر قليلا عن مشاعرنا..؟؟ لماذا نحاول مضاعفة ثروتنا ...ونزيد من قيمة مقتنياتنا ......واحيانا نقلل من قيمتنا لأنفسنا ؟ لدينا طرق كثيرة للعلاج...ومع ذلك...وضعنا ...///الصحى///..فى كل شئ..كما هو ؟ الديار كثيرة .......وجو العائلة اندثر....... اسئلة كثيرة ........هل من اجابة ؟؟؟ سلامى.

مغتربة مبروك على موضوعك الجديد ماشاء الله جميل وزى مقالت مصرية هو عايز دماغ انا مش هحكى قصة بس هحكى موقف حصلى طلعت منه بدروس مستفادة فى احدى ايام الصيف الحار جدا ايام الجامعة كان يوم طويل جدا وكان عندى شغل كتير غير الكورسات ومكنش مستحمل اعمل فيه حاجة تانية بس حصل موقف وكانت نتيجته انى عملت معروف او خير فى حد معين (كانت حاجة بسيطة جدا بس يمكن والله اعلم عمل فرق مع الشخص ده كبير) اليوم ده فاكره كنت طالع من بتنا الساعة 8 الصبح مرجعتش غير 2 بالليل (حتى مكنش فيه وقت اتغدى كله كان حجات سريعة) بعد اليوم الطويل ده الساعة بقت 11 والمفروض هروح من مدينة لمدينة وفعلا ميت من التعب (كان الاسهل انام فى اقرب مكان او حتى انام وانا واقف احسن مروح البيت :) ) المهم وصلت لموقف العربيات وعنيا بتبرق...... اوباااااا........ ينهااااااااااااار مش فايت كل دول بشر مستنيين عربيات ومفيش ولا عربية (الناس كانت عاملة اكنها فى مولد السيدة زينب فى الليلة الكبيرة) وكنا يوم خميس بالليل وافتكرت كمان كان اخر يوم فى اجازة الصيف ومن يوم السبت بداية المدارس وطبعا المواقف فى مصر مش متنظمة واللى يلحق بقى اوانت وقوتك (كانت ناس كتيرة) قولت يابوالاحاسيم انت تروح تركن فى حتة ضل وتناملك ساعتين وتاكل كيس شبسى بالشطة (كمالة العذاب) وازازة فيروز لحد ما البشر دى كلها تركب وانت ورزقك بقى فى الاخر كنت ملاحظ انى جنبى راجل واسرته بردوا فى نفس الموقف والحيرة بتاعتى كانوا السواقين بيعملوا حركات مملة ساعتها يجوا ويشوفوا حد مضطر انه يروح بالعملة الصعبة :( ويحرجوه ويخلوه ياخد العربية مخصوص اهو منها فلوس زيادة وركوبة قليلة ومريحة واتفقوا مع الراجل اللى كان جنبى على كدة وسابونى واقف زى ......... ولا بلاش عشان الرقابة وركبوا العربية وخلاص هينطلقوا سبحان الله العربية فاضية والبشر كتيرة فى الموقف محتاجين قطار عشان ينقلهم واحنا فى نص الليل قولت اجرب اكلم الراجل اركب معاه واهو اشيل معاه فى الاجرة اهو بردوا اقف جنب اخويا فى زنقته.... احم احم بس اترددت وقولت يعم هو هتركب معاه بمناسبة ايه فى الاخر حسمت الموقف وقولت هقوله عشان مش هخسر حاجة اكتر من الخسارة اللى فى ايدى دى (وعشان مندمش بعد كدة على محاولة فى ايدى وضاعت منى) لسه بقوله ممكن ....... ومكملتش الكلمة قالى يبنى طبعا تعالى اركب معانا انت ايه اللى هيوفقك فى نص الليل كدة ادخل اركب جنب اخواتك والسواق هيفرقع من الغيظ :) والحمد لله حسيت انى نفدت بجلدى وروحت سالما غانما...... حتى من التعب مستنتش لما اروح البيت نمت فى العربية مكانى :) وجابوا بطانية وغطونى عشان صعبت عليهم الدروس المستفادة 1- لا تحقرن من المعروف شيئا .... اعتقادى ولله العلم ان معروف بسيط بتاع الصبح ربنا ردهولك بالليل (يمكن مكنتش اتعب واحد فى الموقف ولا اتقاهم ولا احسنهم خلقا ولا اكترهم مالا بس ربنا له تدابير معينة بتختصرلك حجات كتيرة) وفعلا الموقف ده بالنسبة لى معجزة من عند ربنا 2- موقف الراجل الايجابى ده خلانى اخد الامور بزوايا تانية مقولش مصلحتى ومصلحتى وانا ومن بعدى الطوفان..... كان مبادرة منه كويسة انه يساعد حد تانى حتى لو اول مرة يشوفه وممكن ميبنش عليه انه محتاج للمساعدة. ولكها حجات بسيطة جدا بتفرق مع التانيين كتير اوى 3- الحاجة التالتة اللى اتعلمتها المبادرة ...... وان الحياة فرص ..... لما تبان حاجة قدامك وطالما فى خسارتها مش مشكلة بالنسبة لك ولكن مكسبها مكسب كبير لك يبقى بادر وخد القرار ومتترددش لان ترددك هيضيع منك فرص كبيرة ومكاسب انت لما ماخدتش الفرص دى محستش انك خسرت حاجة بس لما تاخدها مكسبها كبير اوى زى الناس اللى اشترت اراضى فى التجمع الخامس من عشر سنين ماشاء الله كسبوا كتير اوى مع ان لو ماخدوهاش مكنوش هيخسروا حاجة (هى دى الفرص اللى بقول عليها مع فارق التشبيه طبعا :) 4- فيه حديث بس مش فاكره ومعتاه انك لما بتعرف ربنا وقت الرخاء بيعرف وقت الضيق او الاحتياج 5- انا عند ظن عبدى بى (مع انى محولتش اعمل اى مجهود من التعب بس كنت واثق انها هتتحل مش عارف ازاى. تحياتى للجميع و فى انتظار قصصكم

انا عاوزة اعرف بس حاجه عم الشيخ بيتكلم من منطلق حرصه على تطبيق سنة النبي صلى الله عليه و سلم تمام يا عم الشيخ جزاك الله خير بس سؤال كده صغنن اوي يا عم الشيخ هل لو النبي اللي حضرتك عاوز تطبق سنته لو كان بينا النهاردة كان هايرضيه حكم المحروس اللي انت مقطع نفسك عليه كده يا ولداه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يا عم الشيخ اتق الله لو كان محمد صلى الله عليه و سلم بينا النهاردة بالله عليك ما كانش هايحكم على مبارك و زبانيته بان تقطع ارجلهم و ايديهم من خلاف لنشرهم الفساد و البلاء بين عباد الله محمد صلى الله عليه و سلم كان هايرضي بالسرقة و الغش و المواد المسرطنة اللي ضيعت الاطفال ابقى روح كده معاهد الاورام و انت تشوف بنفسك محمد صلى الله عليه و سلم كان هايرضى بالظلم الواقع على الناس كان هايرضى بالكابريهات اللي مالية البلد و بالخمرة اللي بقت زي الكوكا كان هايرضى بالقمار اللي بتتقيم بيه الفنادق و على اساسه تاخد نجوم هايرضى بالدعارة اللي بيقولوا عليها فن محمد صلى الله عليه و سلم كان هايرضى ان الناس ما تبقاش لاقيه قوت يومها و لا لاقية تأكل عيالها يا عم الشيخ اتق الله \دا كلام خير من وطء الارض بقدمه بعد محمد صلى الله عليه و سلم اظن بالجملة دي المفروض مبارك يترجم مش بس نطالب بابعاده عن الحكم اتق الله يا عم الشيخ عاوز تهدر دم واحد عشان نفسه البلد دي تتعدل عاوز الانسان ترجعله ادميته تاني يا عم الشيخ هاتقف قدام رب العالمين و هايسألك عن كلامك دا هاترد تدافع عن نفسك بايه وانت بتدافع عن الظلم الظلم ظلمات يا عم الشيخ اتق الله

بنظرة سريعة عما حدث بالأمس خصوصاً في هذه الصفحة والصفحة الماضية ... تأكد لي فعلاً إن عمليات التقييمات فعلاً عبرت عن تفكير ناس كتير جداً .. حتى وإن لم تكن هناك ألية واضحة تحددها .. فمش كل سلوك في حياتنا بنسلكه بيبقى متحدد في القانون ... لكن هناك أخلاقيات عامة وسلوك يتفق عليه الجميع ... بيسموها Code of ethics لكن واضح طبعاً بدون مواربه أو تزويق كلام إنها أصبحت لعبة للتسلية .. وتربيطات وشلل معينة بيتفقوا مع بعض ويظبطوا بعضهم البعض ... الغريب إنها أشياء لا تُقدم ولا تؤخر .. بل على العكس تُشغل الأنسان في أشياء فرعية وتخلي الواحد ويبات يحلم بالتقييم ويجامل مين ويعادي مين ويا ترى اللي جاملني هايرد الجميل ولا لأ ... وبالتالي أنحرفنا عن الهدف من وجود تلك الخاصية .. وأستطعنا بمنتهى الجدارة إننا نشكلها ونحورها لتصبح " لعبة "

معليش ياسي السيد انا مش واخده بالي هو المشكلة الي بنناقشها هنا انا ورأيك في ولا مشكلة التقييمات الايجابية لمن لا يستحقها ؟ اصلي كنت فاكرة اننا بنتكلم عن الاستعباط في التقييم وعليه كتبت ( مقاوحتي ) السابقة الي اعتذرت في بدايتها لاضطرراي لها بس لما قريت ردك ملقيتش كده لقيت الموشح بتاع كل مرة الي كل مااكتب رد في اي موضوع لا تسعفك قريحتك بغيره .. بس استغربت لما قريت ردك الي مليتش فيه غير انتي انتي .. وطبعا دي مش المرة الاولى ولا الثانية ولا العاشرة .. معليش بس اعرف مالك بي ؟ شايلني على راسك وزاعق ليه ؟؟ ثم مش فاهمه ايه حكايه انا هوه الي كل شويه تقولهالي دي انت عاوز تفهمني انك بتكتب كل الي بتكتبه ده عشان تبقى انا هوه في وسط الثلاثين او الخمسين عضو الي بيقروا في المحاورات ؟ اوعى تقولي انك لو اتقفشت في لجنة رخص بتقولهم انتم مش عارفين انا مين انا محاور قد الدنيا ؟ لو القصة كده بالنسبة لك فاعذرني لاني مش شيفاها كده خالص وعليه بستغرب جدا جملتك الي بتكررها لي دي كل شويه من ان الكتابة في اي موضوع ممكن تخليك ذو شأن لو انت اصلا مش كده .. اما حكايه التسخين وسكب النار .. اسخن مين واسكب نار على مين .. ده موضوع طرح وقلت وجهة نظري فيه وشيفاها منطقية جدا وفي محلها .. انت بتطالب براس الرجل وانا بقول خلاص ياجماعه نصنا سبق وقيم حد ايجابي وهو ميستاهلش والنص التاني سبق وقبل على نفسه تقييم لا يستحقه يبقى انتم زعلانين ليه من كان منكم بغير خطيئة .. عدوا الموضوع واحنا اخوات مفيهاش حاجه.. نار مين بقى وبنزين ايه ثم انت عارف اللتر منه النهرده وصل كام؟ والله الموضوع ميستاهلش . واخيرا ياريت تقرأ ردك الاخير ده تاني عشان تعرف مين فينا الي بيدخل متحفز ومين فينا الي داخل هجوم على الشخص نفسه مش على الي قاله .. للمرة المليون اقولك ملكش دخل بشخصي ولما تحب تناقش ناقش انا بقول ايه منتش عارف او مش لاقي حاجه تقولها خلاص عادي ربنا كريم ولا يكلف نفس الا استطاعتها منتش مضطر تلزق يمين وشمال وتتهم بالباطل عشان يبقى عندك حاجه تكتبها . . بجد مش مضطر .. تحياتي ..

http://www.youtube.com/watch?v=mI3dcgBdqSQ اهداء الى ست الحبايب رحمة الله عليها..........وحشتيني

الاسباب الحقيقية لظهور الكرش

دريم انا زيك فقدت والدي قبل زواجي تعرفي اكتر حاجة كانت حازة في نفسي انه مش حيشوف ولادي لأنه كان بيموت في الاطفال و كان جواه طفل كبير كان الفرق بيني و بينه يخليه جدي مش والدي لأني الصغيرة آخر العنقود و مع ذلك كنا اصحاب و انتيم كمان كان سري معاه و مش مع مامتي كان بيفهمني اوي و كنت باحس انه بيقرأ افكاري مكنتش باعمل حاجة غلط عشان ثقته الكبيرة فيا ده حتى مكنتش افكر في حاجة غلط لأحسن يعرف اني فكرت حبي له كان بلا حدود و خوفي و قلقي عليه فاق خوفي على ولادي دلوقت يوم ما دفناه نمت و ارتحت آه والله لأني كل يوم كنت انام معيطة من تخيلي ان ممكن حاجة تجرى له كنت أشقر عليه بالليل و اطمن انه بيتنفس و قبل ما اخرج الصبح لازم اشقر عليه برضه لو كنت خارجة بدري و هو لسه نايم تخيلي بقى فراقه كان ازاي عليا بس المفاجأة ان ربنا سبحانه و تعالى هونها عليا كتييييييييييييييييير قبل ما يموت بسنة تقريبا قمت من النوم باعيط انه مات دخلت عليه و اطمنت انه بيتنفس و قعدت بعد اما صليت افكر فكرة جات لي وقتها ان الله سبحانه و تعالى حي لا يموت و انه الباقي يمكن من وقتها ابتديت احس بشعور غريب ناحية ربنا سبحانه و تعالى كان بيهيأني سبحانه ليلة ما مات فاكراها كويس اوي و كأنها لسه امبارح كان يوم ثلاثاء و خرجت مع صاحباتي بعد الشغل رحنا دار للقوات المسلحة و اتصلت بالبيت ماما ردت و قولتلها فين بابا قالت لي نايم ساعتها قولتلهم لازم اروح مكنتش مبسوطة طول اليوم كان تفكيري مشغول بس مش مكتئبة و لا حزينة ركبت تاكسي مع صاحبتي و عطل بينا و مشينا شارع طويل عشان نلاقي تاكسي تاني كنت باتكلم معاها على الصدمات و ازاي بنتلقاها و ساعاتها قلت لها اني عمري ما صوتت لما باتخض بانذهل و ابلم و اسكت روحت البيت لقيت بابا تعرفوا اني ما سمعتش صوته خالص كان بيبتسم بس كان عايز ينام و راح يغسل أسنانه و انا ممدة على سريره و باتكلم في التليفون لاقيته مركون على الباب و بيبص لي اوي قمت انا ابتسمت بعد ما خلصت المكالمة و قلت له طبعا المفروض اتهوى من هنا عشان تنام ابتسم و هز راسه المهم و انا خارجة معرفش ايه اللي خلاني ادخل في حضنه و حضنته جامد مكنتش عارفة انها آخر مرة نام و غطيته و قفلت النور و جا له تيلفون مارضيتش اصحيه سهرت شوية مع ماما و نمت و الصبح كالعادة دخلت شفته و هو نايم و نزلت رحت شغلي و انا في الطريق جات لي فكرة في راسي ان كل شيء بيبدأ صغير و يكبر الا المصيبة بتبتدي كبيرة و تصغر حتى تتلاشى و تذكرت ضرسي اللي خلعته قبلها بفترة قصيرة و ازاي كان الألم لا يحتمل و تضاءل حتى اختفى مارست عملي عادي جدا و كان يوم سعيد جدا كان عندنا اجتماع اولياء امور الساعة 4 عصرا و احنا بنخلص 3 و المسافة من طريق مصر الاسماعيلية حيث المدرسة اللي باشتغل فيها و بيتنا في مصر الجديدة حوالي 30 دقيقة قلت و على ايه اروح احنا نبعت سواقين المدرسة يجيبوا لنا سندوتشات و خلاص و نبقى نروح بعد الاجتماع مكانش في موبايلات اياميها منتشرة كده قضينا احلى يوم و ضحك و فرفشة و رجعت البيت الباص بيوقفني اول الشارع و امشي حوالي 20 متر للعمارة طول ما انا ماشية عمالة امني نفسي بعشوة حلوة من ايدين مامتي آكلها و انا باحكي لبابا بالتفصيل الممل اللي حصل كان يعرف كل حاجة عني و كل اصحابي و زمايلي و حتى السواقين طلعت السلالم و قبل الدور بتاعنا لاقيت اخوات مرات اخويا الخمسة واقفين على السلم استغربت بس ما انزعجتش قلت لهم ايه اللي موقفكم ما تطلعوا فوق ابتسموا و قالوا طالعين اهو يتبع...

توبيك جميل يا مغتربة وهأشترك معاكم بمشهد بسيط فجر بداخلي تساؤل كبير إلي الآن مش قادرة أفهم نفسي فيه ومحتاجة حد يفهمني ليه كده؟ مطولش عليكم أنا والدي توفي من 5 سنين ونصف ولكن لم أزر قبره لظروف خاصة أول مرة أزوروه كانت الأسبوع الماضي ......... ماما كانت قبل الزيارة قعدت تقول لي بلاش أنت عاطفية وبتتأثري وهتتعبي بس أنا مكنتش شايفة مشكلة وكنت حاسة عادي أنا مدركة أن الروح حرة وأنه بيحس بنا ويرانا بغض النظر عن المكان حتي وأنا في البيت لما أدعي ربنا بأحس أنه بيبقي معايا لما بأفكر فيه بحس أنه معايا.......بأقابله كتير في الحلم وبأحس أنه معايا في كل موقف بأحتاج له فيه وأحس بغيابه في نفس اللحظة أنه معايا وفي نفس الوقت الجسد المدفون خلاص تحلل ومش موجود ......وأنا أرتباطي بالروح بالانسان مش مجرد الجسد كنت حاسة الموضوع عادي ......لكن طلع فعلا مش عادي يمكن عشان أول مرة بس بمجرد اقترابي من المكان حسيت أني عايزة أخده في حضني قوي .......افتكرت كل لحظة كان هو عايش فيها وأنا مستمتعتش بحضنه وبصحبته عشان الدنيا واخداني حسيت أني عايزة أقوله حاجات كتير ...........أهم حاجة أني عايزة أقوله بحبك قوي بعد ما قريت القرآن وسلمت عليه فضلت أكلمه وأقوله بحبك بحبك بحبك ماتسبنيش خليك جنبي أرجوك متزعلش مني أبدا سامحني لو كنت زعلتك وسامحني لو مكنتش بالصورة اللي أنت عايزها مني أصعب لحظة واللي مش قادرة أفهمها لغاية دلوقتي لحظة ما جيت أمشي حسيت فعلا أني هأمشي وأسيبه ..........حسيت كأنه لسه متوفي ومطلوب مني أتركه دلوقتي صعب مكنتش قادرة ............تعبت جامد مش قادرة أفهم ليه تعبت قوي كده؟ مش أنا مقتنعة أنه معايا في قلبي وأنه بيعرف أخباري وبيزورني في الأحلام ليه التعلق بالجسد للدرجة دي؟ معلش نكدت عليكم بس كنت محتاجة أفضفض وأتسأل بصوت عالي

اقول وش السالفة ؟؟ اشوف الدعوة تخميس بتخميس ... السيد اوزاوز يقول اللي فايز يخمس بالوسام ويبيعه عند الصايغ .. وسي السيد يقول لي انا والارش نخمس بهالسراويل اللي عارضها فوق الخمسات عندنا يعني تفحيطات .. يعني طلعة امريكاني .. عموما ولحد الاستفهام من مرجعنا اللغوي لماضة عن التخميس ... احسن تطلع شتيمة احب اقول الف الف الف الف الف مبروووووووووووووووووووووووووووووووووووووك من كل قلبي لكل الفائزين ... سواء الزرق او الورديين مبروووووووووووك لماضة مصرية جدا ... تستاهلي اكثر من مجرد وسام ... فقط من يلمس مجهوداتك ومساحة الصفاء في كتاباتك والود في تقرير مراسلاتك والاحساس في فراشاتك يعرف انك تستحقين التميز مبروووووووووووووووووووووك مغتربة .. مبرووووووووووووك التميز ... مبرووووووك التميز الاعلى في النقاط الخضراء ... مبرووووووووك الابداع مبروووووووووك التفنن في مخاطبة العقول .... مبرووووووووووك مبروووووووووووووووك اختي هند علي .. الف مبروك تحيط الاسكندرية وشاطئها الجميل وميامي وكوبري ستانلي والقلعة والبحر ...هند علي قلعة من الشموخ والتميز بجوار البحر .. فلا تقل لي ايه جاب القلعة عند البحر نجي للخناشير دلوقتي ... الف الف الف الف مبرووووووووووووك ايها الارش العزيز ..... لو كان لي ان امنحك عشرة اصوات لمنحتها .... تستحق ماهو اكثر من التميز ... صباحك عسل وروقان وفول مغموس بالزيت الحار ..... انسان مبدع ... خفيف الروح والظل ... مهندس في عمله ... مهندس في ابداعاته .. طاهر ونقي السريرة استاذي الكبير ابو الاسيان ... بغض النظر عن السروال الازرق الذي لا اعرف كيف ساشاركه مع الارش ... وبغض النظر عن الحجم السوبر الديلوكس للشورت ... وبغض النظر عن نظارة البحر واصلا مافيش بحر بالمدينة .. بس هديتك مقبولة ... انت بالذات مش حبارك لك ... عارف ليه ؟؟ لانك انت المنتدى والمنتدى انت .. انت المحاورات والمحاورات انت كما قالت اغابي ... انت الشعب والشعب انت ... تستاهل كل خير يا مولانا ... ادام الله ظلك الوارف الساري ... انت مصدق نفسك يا باشا ... ؟؟ عملت ايه انتا ياخويا عشان تاخد وسام ؟؟ ... شاركت بنشاط مثل الارش في كل المداخلات بشكل مفيد ؟ .. حليت مشاكل نص المغتربين بالعالم زي سين سين ؟؟ ... غنيت زي استاذ ارش بالتسجيل بتاعه ؟ ... قلت ياليل وردد الناس وراك اااااه ؟.؟ ... هروك الناس رسايل زي اللي ببروفايل سين سين انا عايز اعرف خطوات الاستقدام للزوجة بالتفصيل الممل ؟ ... عملت ايه يا ضنايا على قولة لماضة غير شوية افلام مقاولات ولهطت الايرادات ؟ .. المنتدى ده ياما ناس كتبت فيه كلام كبير استلزمها تعب وجد وعمل مش ممكن تمحيه بشوية مشاركات .. استاذتي الافاضل ... الف شكر لكم .. واشكر كل من صوت لي او صوت علي .. واشكر كل من قلدني ثناء لا استحقه ... كلماتك هذه هي ارفع وسام ممكن اتقلده .. شكرا جزيلا لكم

اولا : بحب اشكر الاستاذ محمد على تعبه فى تجهيز جدوال المتسابقين بشفافية ووضوح - و ساعدنى انى اعرف الناس الكتير اللى صوتولى وانا للاسف ما صوتلهمش - يا كسوفى شكرا جزيلا يا استاذ محمد - مجهود يستحق الشكر ثانيا ------ الف مبرووووووووووووووك يا هالفريق الازرق :cheer: البشمهندس ارتيكيت = يعنى = تيمور = يعنى ارش = يعنى انشط مشاركات فيكي يا محاورات - الكلمة الخفيفة والسهلة الممتنعة السي السيد = يعنى الكلمة اللى بتدخل قلبك من غير استئذان = يعنى قريبنا يعنى اللى بنشوف فيه صورة واحد من قرايبنا ومن جيرانا ومن اخواتنا = يعنى الدم الخفيف وصاحب اجمل مشاركات بلا منافس السارى = يعنى الشاب السعودي اللى بقلبك يا مصر يعنى صاحب اكبر ايرادات لشباك تذاكر بسينما المحاورات = يعنى الكلمة الحلوة والدم المصرى = يعنى مخرج المحاورات ومن هنا لازم احتفل بطريقتى وانادى على نجاتى نجـــــــــــاتى - انفخ البلاليييييييييين

انا متفقة مع الرأي الشرعي ولا اعارضه لكن هل كل احوال البشر متماثلة ؟ يعني لو واحدة اصلا ليس هناك من يعولها وليس لها محرم بالمعنى السليم, فما هو الفرق لو تعيش ببلدها وحدها او في غير بلدها وحدها ايضا؟ هل كل واحد مطالب يشرح ظروقه ويدافع عن نفسه؟ وهل من ينظر نظرة سيئة لأحد كان له عونا على الحياة حتى لا يضطره لعمل شئ قد يكون غير راض عنه !!!؟

gsm:: شكرا على الموضوع يا طبيبة ومشاركة ايجابية رائعة من العضوات وتقريبا الاستاذ اكرم بس من الاعضاء مش عارفة هى ملحوظة شيقة جدا ان الحكومة تكون أغلبية لنون النسوة -_- هو انا مش هارشح نفسي هاتكلم بس بشكل عام عن تعديل لوضعنا الحالي ومش باقول لوضع الحكومة لوحدها لأنه كل شخص يجب ان يقوم بدوره فى أى مكان وزى ما مصرية متغربة قالت لازم كل واحد يعرف انه هيتحاسب لو قصر بأى شكل لازم تتغير مفاهيم وتتزرع قيم ومبادىء وكل ده مش هيحصل فى يوم وليلة ولا حتى بتغيير حكومة كاملة حتى لو كانت الحكومة الجديدة جاية من اليابان يجب التركيز على دور التعليمى ماقالت ام زيد والعودة الى العمل بدورها كوزارة تــــــــــــــربية ثم تعليم بجب تفعيل دور جهات رقابية عديدة جزء كبير منها بالفعل موجود لكن للأسف الفساد اكتر ومتغلغل لاصغر موظفين هل الحل اننا نرمي كل عيوبنا على دور الحكومة ونعتبر كل مشاكلنا هى رد فعل لتصرفاتها او " لفسادها " هل الحل اننا نعتقد ان الفساد هيقضى عليه بالكامل هل فعلا الحل لمشاكلنا كلها هيكون بتفعيل الديمقراطية وأى نوع من الديمقراطية ؟ هل هى تفعيل دور مجلس الشعب ونزاهة الاتخابات !!!؟؟؟ هل هى 50 % عمال وفلاحين ومندوبين باسم كل دائرة وايه هو دوره ؟ هل هو " حل مشاكل المواطنين " ؟ هل هو " محاسبة المسئولين ؟ أعتقد انه انطلاقا من النقطة دي نقدر نعمل حاجتين ممكن يكونوا بداية للتغيير اولا الغــــــــــــــــــاء مجلس الشعب !!! وبكده نكون وفرنا جزء كبير من الطاقة المهدرة على الانتخابات والحرب الدائرة بين الأحزاب على "مقاعد المجلس " ودى حرب صعب تنتهي طول ماحنا بشر ومش ملايكة يعنى فينا من سيظل دائما طامح للسلطة والنفوذ وبكده برضه هنكون وفرنا اموال ووقت و اتهامات ملقاة على الاحزاب المختلفة اللى مابتقومش بدورها لعل الحزب الوطنى " الحاكم" اللى بيقوم بدوره اوى فى كونه يظل حاكم وانا مش باقول الغاء لمجلس الشعب الحالي لأ الغاء الفكرة بالكامل مهما كان المجلس رائع وماحصلش واعتقد كتير مننا شفنا حتى فى اليابان والصين ودول كتير نواب موقرين بيضربوا بعض بالبونيات وبسيف يد كمان طب ايه الحاجة التانية اللى هتعوض المجلس اللى مش هنفتقده ده ثانيا تفعيل دور مجلس الشورى أيون فاكرنيه بتاع الناس الكبار ده هو بالظبط يكون مجلس من مستشارين وعلماء فى كل المجالات يعني ناس مشهود لها دوليا ومحليا بالتفوق والتميز فى كل المجالات ومن كل الاعمار المجلس ده يقسم الى هيئات تصصية عشان الامور تكون واضحة ماهو صعب يكون الحكم حتى لو كان على مستوى الوزارة مثلا فى ايد افراد ومن المعروف نظريا ان فيه مستشارين لكل وزارة بس هم معلش تاهين شوية حاليا ودورهم مش واضح المجلس هيكون دوره الاشراف على تنفيذ قرارته وقرارت مستتشارين الوزارات ماهو لازم يكون فيه جهة رقابية جديدة الى جانب النائب العام والجهاز المركزي للمحاسبات واللى هتصب فى عدة نقاط رائعة ذكرتهم مصرية متغربة ومصراوية وأم زيد هاضيف بس لنقطة الضرايب ترشيد الاستهلاك الحكومي -بس ترشيد حقيقي - مش بدل ست عربيات مرسديدس يبقوا خمسة بس لكل وزير على فكرة بشكل عام فيه وزارات قايمة بدور معقول ووزارات مهمشة وبشكل عام عمرنا ماهنوصل لوضع يرضى جميع الأطراف لكن الهدف هو الوصول لتغيير حقيقي لدور المجتمع قبل دور الحكومة

أبكي في صمت و أنا لا أطن أنه يرقبني يتسلقني .. أنظر إليه و أبتسم لا زالت الدموع تنساب يمد يدا صغيرة و نظرة حائرة مايا يقولها بابتسامة مصطنعة يلمس الدموع .. يمسحها .. يلقى نفسه في حضني تجف الدموع و تتصاعد الضحكات

السلام عليكم ورحمة الله... للرفع بمناسبة العيد العاشر للمحاورات.... هذا الموضوع من كنوز مدام سلوى ، والذى أرى أنه يستحق فتح باب النقاش مرة أخرى لأنه من الموضوعات المتجددة التى تمس كل منا بطريقة أو أخرى .. أعجبت جدا بطرح أختى وصديقتى الحبيبة مدام سلوى..، وأعجبنى أيضاً ماعقبت به الأخت الغائبة الحاضرة الفاضلة فيروز .. ودفعنى هذا الإعجاب إلى أن أعقب أيضاً ولكن من منظور مختلف حول فن الاستمتاع بالحياة... ومن وجهة نظرى أؤمن بأن الاستمتاع بالحياة لم يعد مجرد حُلم بعيد المنال أو أسطورة قد إندثرت من حياتنا ، بل على العكس من ذلك ، أصبح فناً له أصوله وقواعده وضوابطه التى ينبغى أن نتعلمها ، فالحياة دائماً تزخر بكل ما هو إيجابى ، ولكننا نحن الذين نشوه معالمها بإسقاطتنا لما فى داخلنا من سلبيات ومنغصات وهموم ، وهو المعنى الذى يلتقى مع ما سبق أن صاغه شاعر المهجر " إيليا أبو ماضى " فى قصيدة فلسفة الحياة "كن مع الفجر نسمة توسع الأزهار شمّا وتارة تقبيلا لا سموماً من السوافى اللواتى تملأ الأرض فى الظلام عويلا ومع الليل كوكباً يؤنس الغابات والنهر والربّى والسهولا لا دجى يكره العوالم والناس فيلقى على الجميع سدولا أيهذا الشاكى ومابك داء..كن جميلا ترى الوجود جميلا وهذا هو المعنى الذى يصور لنا وجهي العملة...الوجه المكتئب ذو المزاج السودوى ، والوجه المتفائل الراضى ...فكل إناء بما فيه ينضح... الشاكى المتباكى يرفع شعار "كن قبيحاً ترى الوجود قبيحا"..أما الإنسان ذو المزاج الإنبساطى الذى يميل إلى التفاؤل ويتطلع بأمل مشرق نحو المستقبل و يتوقع الخير دائماً ، تتحقق لديه السعادة ولا يفقد الأمل أبداً فى أن الغد سوف يكون أفضل من اليوم ، ومن ثمّ فهو يُقبل على الحياة بنفس راضية مطمئنة متفائلة ، خالى البال من كل هم وغم وحزن . هذا السمو فى معنى الحياة لدى هذا الإنسان لا يمكن أن يتوفر فى الغالب الأعم لدى كثير من البشر إلا إذا كان على درجة كبيرة من الإيمان اليقينى بالله سبحانه وتعالى ، وأن يتحلى هذا الإنسان بحسن الظن بخالقه مصدقاً لقول الرسول الكريم عليه |أفضل الصلاوات والتسليم فيما بلغ عن رب العزة سبحانه وتعالى : " أنا عند حسن ظن عبدى بى ...." فكلمة السر فى فن الإستمتاع بالحياة وتحقيق السعادة والبهجة والإستمتاع بكل ماهو متاح بين ايدينا ومن حولنا تكمن فى هذا الحديث ، حيث أن حسن الظن بالله يجعل صاحبه على يقين تام ودائم بأن الله لن يخذله ، ومن ثم فهو يتوقع دائما الخير فى حاضره ومستقبله توقعاً لا يفقده ذلك التوازن الإيمانى الذى نجده عند أولئك الصالحين الذين حَسُن إيمانهم فرضى الله عنهم ورضوا عنه ، فوصلوا إلى حال الأنس بالله والمعية مع الله ، فتساموا عن صغائر الحياة ومنغاصتها فأصبحت الحياة الدنيا لهم جنة ونعيماً مقيماً رغم مافيها من معاناة وكبد إلى الحد الذى قال فيه قائلهم : " والله إننا فى نعمة لو علمها الملوك لقاتلونا عليها بالسيوف" هذا المستوى من الإستمتاع بالحياة قد يثير دهشة بعض الناس بإعتباره مستوى رفيعاً بعيد المنال ، وهو بالفعل يمكن أن يكون كذلك بالنسبة للبعض .. ولكن "مالا يدرك كله ، لايترك كله" ، فهناك بالفعل درجات متفاوتة للاستمتاع بحياتنا ، تبدأ بالاستمتاع الحسى البسيط وتنتهى بذلك المستوى الرفيع من الإستمتاع بحسن الظن بالله ومعيته.. وللحديث بقية .... مودتى واحترامى ..

انقل لكم قصيدة جميلة للشاعر عمر بهاء الدين الإميري والقصيدة من ديوان (أب ) وقال العقاد في إحدى ندواته: لو كان للأدب العالمي ديوان في جزء واحد لكانت هذه القصيدة في طليعته : أين الضجيج العذب والشغبُ***أين التدارس شابه اللعبُ أين التَّباكي والتَّضاحُـكُ، فـي***وقتٍ معًا، والحُزْنُ والطَّـربُ؟ أين التسابق فـي مجاورتـي***شغفًا، إذا أكلوا وإن شربـوا؟ يتزاحمـون علـى مُجالَستـي***والقرب منِّي حيثمـا انقلبـوا فنشيدهـم "بابـا" إذا فرحـوا***ووعيدهم "بابـا" إذا غضبـوا وهتافهـمْ "بابـا" إذا ابتعـدوا***ونجيُّهـمْ "بابـا" إذا اقتربـوا بالأمس كانـوا مـلءَ منزلنـا***واليومَ -ويح اليومِ- قد ذهبوا ذهبوا، أجل ذهبوا، ومسكنهـمْ***في القلب، ما شطّوا وما قَرُبوا إنـي أراهـم أينمـا التفتـت***نفسي، وقد سكنوا، وقد وثبوا وأُحِسُّ في خَلَـدي تلاعُبَهُـمْ***في الدار، ليس ينالهم نصـب وبريـق أعينهـمْ إذا ظفـروا***ودمـوع حرقتهـمْ إذا غُلبـوا فـي كـلِّ ركـنٍ منهـمُ أثـرٌ***وبكـل زاويـةٍ لهـم صَخَـبُ في النَّافذاتِ، زُجاجها حَطَمـوا***في الحائطِ المدهونِ، قد ثقبوا في الباب، قد كسروا مزالجـه***وعليه قد رسموا وقـد كتبـوا في الصَّحن، فيه بعض ما أكلوا***في علبة الحلوى التي نهبـوا في الشَّطر من تفّاحةٍ قضمـوا***في فضلة الماء التـي سكبـوا إنِّي أراهـم حيثمـا اتَّجهـتْ***عيني، كأسرابِ القَطا، سربوا بالأمس في "قرنابـلٍ" نزلـوا***واليومَ قـدْ ضمتهـمُ "حلـبُ" دمعـي الـذي كتَّمتُـهُ جَلَـدًا***لمَّـا تباكَـوْا عندمـا ركبـوا حتى إذا ساروا وقـد نزعـوا***منْ أضلعي قلبًـا بهـمْ يَجِـبُ ألفيتُنـي كالطفـل عاطـفـةً***فـإذا بـه كالغيـث ينسكـبُ قد يَعجبُ العُـذَّال مـن رَجُـلٍ***يبكي، ولو لم أبـكِ فالعَجَـبُ هيهات ما كـلُّ البُكـا خَـوَرٌ***إنّي -وبي عزم الرِّجـال- أبُ ================================================ ترددت كثيرا في فتح هذا الموضوع لأن أحاسيس الأب غالبا لا يتم الحديث عنها ... وللأسف أحيانا قد لا يلتفت لها ... لكن في رأيي القصيدة تحتاج فعلا للتوقف عليها للاستمتاع بهذا الطرح الرائع للعلاقة بين الأب و أبنائه كيف تم التعبير برقة عن أحاسيس الأب بهذه الروعة ... أحببت أن أشارك هذه اللحظات مع كل أب

هذه فكرة اقتبستها من احد المجموعات على الفيس بوك ان نتخيل ان مصر اصبحت بلا حكومة و طلب من اعضاء محاورات المصريين تشكيل حكومة جديدة ان نعيش الحلم كانه حقيقة و نرى كيف سنتصرف كشعب جاءت له هذه الفرصة - كيف سنختار نظام الدولة - كيف سنختار المسئولين - كيف سنتعامل مع مشاكل الدولة انها مجرد فكرة تخيلية. لكنها في تصوري افضل طريقة لنخرج بأفكار عملية و حلول لمشاكلنا الحالية و من يعرف فقد تتحقق احدى التخيلات ما رأيكم في الفكرة؟ و ما هي اقتراحاتكم؟ انا مثلي مثلكم في هذه الفكرة. يعني ليس لي اي أولوية فيها (أنا حبدأ زي زيكم مواطنة صالحة

من حوالي 6 شهور تقريباً أو اقل .. أستضافوه في احد البرامج .. وكان بيتكلم عن ذكريات طفولته هو انا أتأثرت جداً بصراحة واتكلم عن موقف معين طول الحلقة .. وشوفوا التعليم كان إزاي وشوفوا الحب والتقدير ... فبيحكي إن والده ً كان بيشتغل في وزارة الري وبيتنقل كثيراً بين المحافظات ... فأنتقل في اوائل المرحلة الأبتدائية من القاهرة إلى مدينة القناطر الخيرية .. وكان يمكن لسه في الصف الثالث الأبتدائي ... فأرسل من هناك بابا ماجد خطاباً للمُعلمة التي تدرس لها في مدرسته بمحافظة القاهرة يحكي لها عن حياته الجديدة وأشياء أخرى بمنتهى العفوية ..... وكانت المفاجأة إن معلمته ردت عليه ... وعرض الخطاب على الشاشة و ظل محتفظ به يمكن لأكثر من 60 عاماً .. وكم كان خطاباً في منتهى الجمال والروعة والتشجيع ..... اللي لاحظته إن خطه بالرغم صغر سنه كان جميل جداً ... وهو أساساً شكله موهوب منذ صغره وأصبح أيضاً فناناً تشكيلياً إلى جانب تقديم برامج للاطفال أما عن خطاب المُعلمه فحدث ولا حرج .. فكإنها فعلاً بتخطاب إنسان كبير وقدير .. وأعتقد إن ممكن حاجه زي دي تغير حياة الأنسان كله رحم الله الفقيد ... وغفر الله ذنبه وأسكنه فسيح جناته

وفى خلال تفكرى..وجدت ان الرؤية قد اتضحت جدا.. كان كل شئ مهزوز جدا ولكن الغشاوة قد سقطت.. فعلمت ما أريد و ما لا أريد.. واتضحت الرؤية جدا.. لم أعد احتاج لمنظار على عينى.. فكل شىء اصبح واضح.. ربما العمر يمر... ربما الشعرات الفضية تتسرب إلى رأسى.. ولكن لا يهم مادام فى العمر بقية..

هو مشهد مر عليه اكثر من عشر سنوات لكنه ما زال و سيزال حتى الاقى ربى محفور فى ذاكرتى الحاضره و لن يتقهقر ابدا للصفوف الخلفيه للذاكره هو مشهد فتاه تملكها الياس من كل زاويه فى الفكر حتى بات لا فرار منه ياس شديد و احباط و تعب نفسى متراكم من سنوات طويله و لكن الامر زاد عليها فى هذه الليه بحيث ان نامت بصعوبه ثم استيقظت فجاه و هى تشعر بحزن حد الموت فتناجى ربها بكلمات بسيطه ليس فيها سجع او دعاء ماثور او تكلف للاختيار فقط كليمات قليله لربها تطلب منه ان يبعد عنها ظلم واقع عليها الطريقه الوحيده لبعده عنها كانت نستحيله فى نظرها و لكنها كانت حقا فاض بها دعت بتلك الدعوه القصيره و نامت و استيقظت بشكل عادى و قضت طول النهار و هى تفكر فى الطريقه التى ستبرمج بها حياتها للتعايش مع هذا الظلم فقد كانت فى هذه اللحظه اصبحت متاكده انه لا خلاص فى الوقت الحاضر على الاقل و لا مفر ثم فجاه ياتيها الخبر اليقين الخبر الذى لم تصدقه فى البدايه لقد حل الخلاص فى لحظه و كما طلبته من ربها فى الليله السابقه بالضبط لا بل باكثر مما طلبت او تمنت انه كان افضل حل ممكن ان تحصل عليه انه الحل الشامل انه و بحق افضل هديه حصلت عليها من ربها فى عمرها كله صحيح هى كانت مظلومه و نصره المظلوم حق على الله كما اخبرنا عن نفسه و لكنها لم تتصور فى اللحظه الى دعت فيها بان دعوتها لن يمر عليها اقل من 24 ساعه و تكون متحققه بهذا الشكل الفورى و الشامل سبحانك ربى ما اعظمك فهذه افضل دعوه استجبت لى فيها فى حياتى كلها

موضوع ابو حصيرة ده برضه من الاشياء اللى بتستفزنى وتحرق دمى كل سنة انا مش عارفة ايه البجاحة وقلة الادب دى بعد فضح عملية التجسس لهم عين جايين يحتفلوا قصدى يتجسسوا انهاردة احتفال بكرة لنا ورث فى الارض وبعده اقامة وبعده طرد للمصريين وياخوفى فى يوم وليلة نبقى فلسطين التانية خلاص مش عاوزة اتكلم دلوقت عشان ماخرجش عن شعورى فى الكلام وحاسيبكم مع الاخبار دى عن ابو حصيرة المزعوم http://www.youtube.com/watch?v=oVMhLu4Hchg http://www.youtube.com/watch?v=s66_sHo8Wxk&feature=related

والناجح يرفع ايه هييييييييييييه يالف ميلون مبروك الف مبروك لكل الفائزين بالوسام .......... وبجد تستحقوها ........ واعضاء كتير كمان يستحقوها ........ المحاورات كلها مبدعين لماضة هانم ......... تحيات حضراتنا واجل تهانينا مغتربة حبيبتي ........ يامليون مبروووووووووك مدام هند ........ تستحقيها عن جدارة .... الف مبروك والف مبروك لكل الفريق الازرق ........ تستحقوها بجد يلا بقي ف اخر اللقاء احب اسمع اغنية زغروتة حلوة رنت ف بيتنا ( المحاورات )

العلاج بـ الوهم يساعد في شفاء الأمراض هو الكلام داه معقول يعنى فاكرين المشهد اللى كان بيضحكنا فى الفلم لما كان عبد المنعم مدبولى ديكتور نفسى وبعدين قعد يقول للراجل - المتعقد من انه قصير ابنــــــــــى قول ورايـــــــــا انا مش قصير قوزعة - انا طويل واهبل وهتزيد 5 سم --------------------- لو كان المشهد بنعتره نوع من الخيال او الكوميديا هل يتحول لحقيقة ---------------------- ولا المشهد المؤسف فى فلم اين عقلى لما كان محمود ياسين ماشي على مبدأ كيف تصنع مريضا وكل شوية يجنن سعاد حسنى بانه يوهمها بامور حصلت وهى متاكدة انها ما حصلتش الى اخر الفلم من احداث --------------------- يا ترى ممكن يبقى الموضوع جد فى عصرنا الحالى - لا يمكن ابدا ان ننكر - اننا نتوقع كل شيء المقالة بتقول فاصل قصير لو افترضت معاكم ان ممكن الوهم يساعد فى علاج الحالة النفسية هل احلام اليقظة والتوهان والسرحان ممكن يكون لها دور او هل الهروب من الواقع بالنوم ممكن يساعد على تخطى الازمة او نسيانها تكملة المقال فاصل ونواصل مع قصص طريفة عن العلاج الوهمي

جسد الانسان وضع فيه الخالق - عز وجل - الكثير من الأسرار والألغاز والطلاسم ، فمنذ بدء الخليقة سعى الأنسان لاكتشاف أسرار ذلك الجسد وفى اللحظة التى يبدو له أنه قد توصل للحقيقة المطلقة وحل ذلك اللغز يتبدد بأكتشاف آخر يدحض الاول ، وسيظل البشر حتى نهاية العالم ولن يظهر لهم الا اليسير من حقائق الابداع الآلهى الذى غرسته العناية الربانية فى الجسد البشرى . نعم الايحاء يمكن ان يعالج كثيرا من الامراض أو يكون عاملا مساعدا فى الشفاء من امراض مستعصية مثل السرطان ، ولقد تم أثبات ذلك فى امريكا باخضاع عدد كبير من المرضى بالسرطان للمراقبة و أخذ النتائج وتحليلها فوجد ان 83 % من المرضى الذين تم شفاؤهم كانوا يعتمدون على التمسك بالامل عن طريق الايمان بالله و انه قادر على شفاؤهم - مهما كان نوع الآله الذى يعبده المريض - وهذه هى اول درجات الايحاء الذاتى أى أن يتم الأيحاء داخليا من الشخص نفسه بدون وجود مؤثرات خارجية أما الايحاء عن طريق الآخرين فهو كثير جدا ومتعدد الاشكال ، لاننا وبرغم أنكارنا للعلاج عن طريق المشعوذين والدجالين ألا اننا لايمكننا اغفال تحسن بعض الحالات الصعبة من المرض وهو ما يؤكد ان العلاج بالايحاء قد يؤتى بثماره مع بعض المرضى وحتى لو جاء عن طريق الدجل وذلك بشرط ان يكون الشخص المريض مؤهلا نفسيا ومقتنعا بدرجة كبيرة بامكانية الخلاص من معاناته عن طريق الشخص المعالج وهو الذى لابد أن تتوافر فيه بعض الصفات المعينة والخاصة و أهمها القدرة على التأثير و الاستحواذ على الافراد طالبى العلاج هذا اذا كان بغرض الربح والتكسب المادى ، ولكن يمكن اداء ذلك عن طريق اشخاص عاديين للغاية من الاهل والاصدقاء بشرط الحب و تبادل الثقة بين الطرفين ... وغالبا ما تقوم الام بهذا الدور فى مجتمعاتنا وذلك بحكم خبرتها الحياتية فى علاج ابناؤها منذ الصغر ويتبقى الجانب السلبى للأ يحاء وهذا فى رأيى كلنا قد مررنا به فى حياتنا ، أن ترى صديقا مريضا بمرض معين وتفاجئ بأنك تشكو من نفس اعراض ذلك المرض وذلك من شدة الخوف التى تعترينا فى مثل تلك الحالات من ان نعانى ونذوق من مرارة كاس الالم التى تذوقها من قبلنا الاهل و الاصدقاء وكذلك الجوانب السلبية عند بعض الامهات عند تربيتهم لاولادهم بان تظل تردد بشكل اقرب للهيستيرى بأنها خائفة ومرعوبة على اولادها من مرض - مثلا الانفلونزا - وتحبسه فى المنزل وتعطيهم امصالا للوقاية وتدثرهم بالملابس الثقيلة فى عز الحر وتمنع تلاقيهم او لعبهم مع الاطفال اللآخرون ..فماذا تكون النتيجة أن يمرض الاطفال داخل اسوار قلعتهم لاسباب كثيرة ولكن منها الايحاء المتكرر والملح والممل من بعض الأمهات ..........

شكرا على الموضوع الجميل يا أغابي عن نفسي طبعا اؤمن بالعلاج بالايحاء مش برضه - عافانا الله جميعا- الانفعالات هي اللي بتجيب الضغط و بتسبب الجلطات و السكتات القلبية ؟؟؟ طب و الانفعالات دي ايه؟ مش مشاعر و احاسيس ؟؟ و المشاعر دي مش نتيجة أفكار؟؟ الأفكار الايجابية تجلب السعادة و السلام الداخلي و الأفكار السلبية تجلب الهم و الغم و الحزن طيب لما احاول اضبط الأفكار دي مش كده باقدر اجلب المشاعر المطلوبة؟؟ هو ده العلاج بالايحاء بأحط المريض في ظروف نفسية معينة تديله الاحساس المطلوب عشان حالته تتحسن و يقدر يواجه المرض مدرسة الطب الحديث بتواجه مريض الامراض المستعصية بما يعاني بالضبط حتى يعلم ان هناك خطر حقيقي ينبغي مواجهته طبعا لو كان هذا كل الأمر لمات المريض بسكتة قلبية من كلام الطبيب :blink: لكن طبعا المريض بيخضع لجلسات علاج نفسي يتلقى فيها الدعم المطلوب لمواجهة المشكلة التي يعاني منها و مادام عرفنا سبب معظم الامراض يبقى ليه بنسمح لها تجيلنا اهم دعم نفسي نتلقاه بعد رحمة ربنا بينا و توفيقه هو ذلك الدعم الذي ينبع من داخلنا نحن عندما نتيقن اننا نستطيع مواجهة أي أزمات أو تحديات لأننا صنعة الخالق الذي أبدع صنعه و وضع فينا سر الكون اللهم املأ قلوبنا باليقين في رحمتك و عدلك و بأنك قريب مجيب آمين

أستاذ هاني نترجم وثيقة الزواج القديمة ذات الصور و التفاصيل؟أم وثيقة الزواج الكمبيوتر؟ شهادة الجواز بالكومبيوتر تمام قوى مفيهاش أي مشكلة و أطلع على وزارة العدل فى للاظوغلى هما هيترجموها و يدبسوها فى الترجمة

و لما لا يخرج و قد كان قبلا مجهولا و اصبح الان اسمه على كل لسان و لما لا يخرج و قد وجد اناس يدافعون عن فتواه البربريه افضل من دفاعه هو عن نفسه و الحجه الجاهزه الدائمه هى انه يقول قال الله و قال الرسول و هل اذا افتى بان الصلاه سقطت عن المسلمين ندافع عنه لانه قال الله لا تقربوا (الصلاه ) اين فهم الايه اين فهم الحديث اين الاسقاط السليم للايه او الحديث على الحاله قبل اطلاق الاحكام اين التاكيد من ان الفتوى تتطابق الشروط الصحيحه لها لا شيىء لمجرد حسابات كثيره جدا لا يدخل فيها صحه الفتوى يجب ان يتم الدفاع عما يقوله هذا الرجل و لكن لنتذكر جميعا انه زوال الدنيا عند الله اهون من اراقه دم مسلم بغير حق فلما يتجرا الكثيرون على الاشتراك بالتاييد و النشر و الدفاع محملين انفسهم بكل سرور جزء من هذا الذنب العظيم و هى التحريض على قتل انسان بدون حق؟ حقيقه هذا ما لا استطيع فهمه حتى الان

كلامه هو تعبير عن حبه للسلطة والكرسي وليس تمثيلاً لحزب او أبناء الدائرة وهذا ما رأيناه جميعاً من التكالب الغير عادي للحصول على المقاعد في انتخابات 2010 مما يعني ان هذا التكالب فقط وبشكل بحت للمصالح الشخصية موقف الوفد والاخوان افضل شيئ للتعبير عما حدث من مهازل لا تحدث حتى في افقر واصغر دول افريقيا

عن عبد الله بن كنانة بن عباس بن مرداس السلمى ان اباه اخبره عن ابيه ان (النبى صلى الله عليه وسلم دعا لامته عشية عرفة فاجيب : انى قد غفرت لهم ماخلا الظالم فانى لآخذ للمظلوم منه قال : اى رب ان شئت اعطيت المظلوم من الجنة وغفرت للظالم فلم يجب عشية فلما اصبح بالمزدلفة اعاد الدعاء فاجيبا الى ما سأل فضحك رسول الله صلى الله عليه وسلم او قال : تبسم فقال له ابو بكر وعمر : بابى انت وامى ان هذه لساعة ماكنت تضحك فيها فما الذى اضحكك ؟ اضحك الله سنك قال : ان عدو الله ابليس لما علم ان الله عز وجل قد استجاب دعائى وغفر لامتى اخذ التراب فجعل يحثوه على راسه ويدعو بالويل والثبور فاضحكنى مارايت من جزعه )

طبعا الجواز بيديلك 4 نقط و الخبره بتاعتك مش مكمله لحد ال67 نقطه المطلوبين الافضل انك تنتظر لما تتجوز و تكمل 3 او 4 سنين و ان شاء الله ربنا يكتبلك الخير عمرو مرسي يا عمرو على ردك واهتمامك اذا كان على تكلمه شهادة الخبره فممكن اضرب شهادة من مصر واكمل بيها سنين الخبره + الانجلش في امتحان الايتلس ممكن اوصل للحد المطلوب مواضع الجواز لو دخلت فيه انا خايف يعطلني عن الهجرة ولو موصلتش للحد المطلوب بعد امتحان الايلتس ممكن ابقي اكتبلهم خطاب ساعتها مع الورق انا بس عايز حد ينصحني ايه اقدر اعمله في الفتره دي لغايه ما الليسته الجديدة تنزل. انا بفكر ادرس فرنسي في الرابطه الفرنسيه تفتكروا ده ممكن يزودني في النقاط مصطفى

معلش انا حاولت احط الفيديو بتاعها مش بيتضاف بس ممكن حضرتك تشوفيها من الرابط ده يارب تعجبك http://www.youtube.com/watch?v=QUsUQljgsGc

موضوع في منتهى الجمال ياباشمهندس .. من سنين طويلة وانا مهتمه بنظرية التفكير خارج الصندوق .. البدايه كانت مع ايميل اجنبي وصلني وفيه القصة الي حضرتك ذكرتها بتاعت الراجل الي قابل صديقه والعجوز وحب العمر على محطه الاوتوبيس .. عجبتني الفكرة اوي وترجمت الايميل ونشرته وخلال سنوات عاد لي الايميل نفسه من اكتر من مصدر مذيلا بملاحظتي الي حطيتها في آخره ومازالت تتداول معاه .. كانت الملاحظة وطالما هنفكر خارج الصندوق وهنتجاهل حدود ماهو متاح وماهو غير ذلك فالحل هيكون ايه في نفس المعضله لو ان صديقي مبيعرفش يسوق ؟؟ كتير جدا من المشاكل الي عرضت علي في حياتي وكانت تبدوا في البدايه مستحيلة الحل نكتشف بعد فترة ان حلها ممكن جدا بس نشيل نفسنا من الخندق الي دخلنا فيه بافتراض ان مفيش حل غير في اتجاه معين .. نفس الشيء منطبق حتى على الحوارات والمناقشات فاحيانا يطرح محاورك سؤال وتجد انه منطقي وملوش غير الاجابة الي هي وجهة نظر خصمك .. بس لما تفكر فيه من خارج الصندوق بتكتشف انه هو حط فرضيات وحط حدود مش بالضرورة يؤخذ بيها ومكانش وضعها لان لا بد منها وانما الغرض هو سحب الحوار سحب ليدخلك انت وهو في المكان ده الي ملوش حل غير وجهة نظره الي بيتضح وقتهاـ لما نفكر خارج الصندوق وابعد من الزاوية الي دخلنا لها ـ ان في وجهات نظر اخرى مخالفة ليها وممكن جدا تكون اكثر صحة .. تحية مرة اخرى على موضوعك المميز وتسجيل متابعة ..

بص ياعمور طبعا يعز عليا انك تسيب الشغل بعد مااثبت كفاءة فى الفترة الماضيه ولكن الجروب طبعا اللى هو العبدلله هاينزل اعلان على المنتدى عشان يضم اعضاء جدد وطبعا ناس كتير بتحب تساعد وبتجيبلنا كل جديد طبعا من المرشحين بقوة لهذا المنصب ام سيف : الخبرة والحضور الجيد انجى: مندوبة المنتدى فى كندا فيزا والمنتديات الاخرى واللى عاوز يتقدم للوظيفه اهلا وسهلا ملحوظة: ياعموررررر لو اشتغلت فى اى حته تانيه انت حر بقى انت وصاحب الشغل الجديد انسى ياعمرو...... عموما مكتبك فاضى وهايفضل مترتب لحد ماترجع من السجن وبعدين بقى الخبر اللى بعتهولى انا مرضيتش اكتبه هنا عشان تكتبه انت ...يابنى احنا مبنسرقش مجهود حد والحلاوة من حقك انت مش انا فيفتى فيفتى احسنلك :P smk: ياجماعه استهدو بالله انارايي ترجعو الميه لمجاريها وتعملو شركه واحده سوا وكل واحد منكم يكون المدير فيها لمده شهر بالتناوب واحنا وراكم وتحت امركم gra:- لكن في الاتحاد قوه mft:

لا لا لا يا جماعه صلوا على النبي كده وروقوا ايه ده معقول نبيع بعض بالسهوله والسرعه دى انا لا ممكن اشارك فى هذه الفشكله حتى لو كل واحد بعتلى على الخاص العرض بتاعه وحتى لو كان عرض مغرى اوى وانا رديت عليه لا ممكن ابدا ابدا هى الدنيا جرى فيها ايه هى القطه كلت عيالها والا ايه bsh:) اقعدوا مع بعض بالجونينه دى وشموا الورد وروقوا كده :clappingrose:

طبعا الجواز بيديلك 4 نقط و الخبره بتاعتك مش مكمله لحد ال67 نقطه المطلوبين الافضل انك تنتظر لما تتجوز و تكمل 3 او 4 سنين و ان شاء الله ربنا يكتبلك الخير عمرو

لالالالا ما تقوليش كدا يا جويرية انت غالية علينا جدا هنا - انا عن نفسي بحب كل مشاركاتك وبتابعها بس انت حساسة شوية - صدقيني انتى مميزة وكلنا بنحبك وكلنا مش بنفوت اى حرف تكتبيه بجد وما تاخديش ابدا الترشيح هنا مقياس للمحبة او غيره داه موضوع بسيط يا بنتى صدقيني حتى انا بحس لما ادخله انى فى دعوة للابتسام او ان بلعب بريلة بريلة بريلله هههههههههه كمان يا جويرية لو اخدنا وزعلنا على اللى ما رشحونيش يبقى حازعل من ناس كتير مع انى عارفة انهم بيحبونى بس يمكن وقتها ما خدوش بالهم او مثلا كتاباتى مش مناسبة اراؤهم وبرضوه دى عمرها ما تزعلنى او تزعلك - عادى يعنى اصلا الموضوع بسيط اوى ولا له اى علاقة بالمحبة ولا النسيان و ناس كتير من اللى رشحونى انا ما رشحتهمش خالص حاجة تكسف صراحة هههههههههه وهما عارفين انا بعزهم جدا وفى ناس انا رشحتهم وهما ما رشحونيش عادى جدا - مواقف بسيطة وما تتحسبش بالشكل داه صدقيني اللى يضحكك ان فى ناس هنا صديقاتى جدا وما رشحتنيش وعلى المستوى الشخصي احنا اصدقاء اوى و مش معنى كدا انهم ناسيني لالالالالالالالالالالالالا طريقة التفكير دي غلط شيليها من دماغك خالص - وما تخديش اى موقف بحساسية جويريه جويرية انا بحبك اوى اوى

اول مرة انطلق فيها مدفع رمضان كانت في القاهرة عاصمة مصر فعند غروب أول يوم من رمضان عام 865 هـ أراد السلطان المملوكي خشقدم أن يجرب مدفعًا جديدًا وصل إليه. وقد صادف إطلاق المدفع وقت المغرب بالضبط، ظن الناس أن السلطان تعمد إطلاق المدفع لتنبيه الصائمين إلى أن موعد الإفطار قد حان، فخرجت جموع الأهالي إلى مقر الحكم تشكر السلطان على هذه البدعة الحسنة التي استحدثها، وعندما رأى السلطان سرورهم قرر المضي في إطلاق المدفع كل يوم إيذانًا بالإفطار ثم أضاف بعد ذلك مدفعي السحور والإمساك. وهناك رواية تفيد بأن ظهور المدفع جاء عن طريق الصدفة، فلم تكن هناك نية مبيتة لاستخدامه لهذا الغرض على الإطلاق، حيث كان بعض الجنود في عهد الخديوي إسماعيل يقومون بتنظيف أحد المدافع، فانطلقت منه قذيفة دوت في سماء القاهرة، وتصادف أن كان ذلك وقت أذان المغرب في أحد أيام رمضان، فظن الناس أن الحكومة اتبعت تقليدًا جديدًا للإعلان عن موعد الإفطار، وصاروا يتحدثون بذلك، وقد علمت الحاجة فاطمة ابنة الخديوي إسماعيل بما حدث، فأعجبتها الفكرة، وأصدرت فرمانًا يفيد باستخدام هذا المدفع عند الإفطار والإمساك وفى الأعياد الرسمية

مطقة الجوف تقع فى أقصى شمال السعودية وهى منطقة زراعية من الدرجة الأولى وبها مزارع كثيرة وكبيرة تنتشر بها زراعة الخضروات والفاكهة بجميع أنواعها وتوجد بها أيضاً شركات زراعية كثيرة وبها مزارع لتربية الحيوانات والطيور أيضاً. جوها حار فى الصيف وشديد البرودة فى الشتاء. من الناحية الشمالية تقع منطقة الحدود الشمالية وعاصمتها عرعر الى أنا مقيم فيها ,, من الغرب تبوك ،، ومن الجنوب حائل ومن الشرق القصيم. منطقة الجوف عاصمتها مدينة سكاكا وأكبر مدنها دومة الجندل وطبرجل والقريات على حدود الأردن. أكبر المدن طبعاً سكاكا ودى بلد قديمة جداً من عصر ما قبل الإسلام وشوارعها القديمة هتفكرك بمصر وأزقة مصر وحواريها. البلد من وجهة نظرى جميلة وكويسة جداً وبها كثير من المحلات الكبرى والشركات والتوكيلات الكبرى ومحلات الملابس والملاهى وحديقة حيوان. لكن هى وبلى شك أصغر من جدة والرياض والدمام كثيراً. طبعاً بعيدة عن مكة حوالى 1600 كم وعن المدينة المنورة حوالى 1000كم. المستشفيات الحكومية بها زى أى مكان فى السعودية فيها المستشفيات الكبرى والصغرى أيضاً أكبر وأقدم مستشفى بها هى مستشفى الأمير عبد الرحمن السديرى ،،وبها كلية طب فاتحة جديد من 4 سنوات بس. البلد كل أهلها سنة تقريباً ولا يوجد بها شيعة. أشهر العائلات بها العنزى والرويلى والشمرى والحازمى والصلوبىوالسويلم. أهلها طيبين بصفة عامة وأسعار السكن بها أقل من الرياض وجدة ومكة والمدينة بكثير. لكن أسعار الأكل على مستوى السعودية تقريباً ثابت.

من المهم ألا يعتاد المرء الخضوع للتفكير التقليدي ، فهذا يقتل القدرات الإبداعية للإنسان ويصيب التفكير بالشلل . فعلى الرغم من القواعد والإجراءات الروتينية التي وضعت لتنظيم العمل ولتحقيق أفضل النتائج إلا أن الركون إلى تطبيقها بدون تفكير وتغيير يؤدي في النهاية أيضا الى الروتين والتشابه . وهذه بعض القصص التي تبين أهمية التفكير دائما خارج الصندوق :

http://www.youtube.com/watch?v=W2y1a937vOA ده اهداء لونه فوشيا لملازم اول ....لماضه فتح الباب

السلام عليكم و رحمة الله و بركاته الغالية ام مروان هو انا اصلا مقدرشي اهوب اي توبيك بيتكلم عن القطارات...عشان عقدة متاصلة من ايام الجامعة...معرفشي ايه اللي طلعها في دماغي...اني انط في القطر و انا ع الرصيف و هو بيتحرك...ومش عايزة اقولك....انا اتسحلت ع الرصيف ازاي...و اواي جموع المواطنين الشرفاء شالوني ع الاعناق بعديها....ايييييييييييه...الله يرحمك يا داكتور خشبة ياللي عالجتني انا اصلا جاية التوبيك دوت عشان اقولك وحشتيني جدا جدا...جدا ووحشني الواد مروان....(ابني باذن الله)...و الفريق و متغبيش تاني و اقبلي مني ده مسااااكي فرحة اللقا....بعد الغياب

شوفي يا متغربة انا هنتخبك بالبرنامج الجميل ده .. بشرط .. تهتمي بتنمية الصف التاني و التالت في الادارة التحول لدولة مؤسسات فعليا نغربل القوانين و نتأكد من مطابقتها لشرع الله سيادة القانون حتى على سيادتك و العائلة الكريمة سياسة خارجية تستعيد دور مصر في دوائرها المختلفة اشراك الشباب في التنمية و تشجيع العمل التطوعي الاهتمام بذوي الاحتياجات الخاصة اصلاح الاعلام و استخدامه للاصلاح و التنمية حرية الفكر و الكلمة و لو افتكرت حاجة تانية هارجعلكم فكرة جميلة يا دكتورة و ايجابية تحسب لك يا مصرية

السلام عليكم و رحمة الله و بركاته اول شئ انا وضعت المشاركة السابقة عن الدهانات ككل و تعالوا نشوف مميزات التى لابد ان يتحلى بها دهانات غرف الاطفال و الشباب - اللون لابد ان يكون فاتح بالنسبة للاطفال حتى لا يقوم بامتصاص كم كبير من الاضاءة بالغرفة لان الاطفال لا يجيدون استخدام اباجورة المكتب و يخشى عليهم منها اما من فى مراحل الشباب فمن الممكن استخدام الالوان الاغمق درجة مثل درجات الموف الفاتح و الوردى مثل الصور المعروضة - استخدام الرسم على الحائط موضة هذه الايام فيجب الاهتمام به و مدى مناسبته للسن وهل الغرفة لولد ام بنت حتى يشعرهم بجو من المرح مناسب لسنهم و على فكرة رسومات الحوائط سهلة التنفيذ - الرائحة لابد ان تكون غير مزعجة و لا تسبب حساسية للصدراو تهيج للجلد لذا يفضل استخدام الدهانات ذات الاساس المائى و الابتعاد عن الدهانات ذات الاساس الزيتى لانها تحتفظ بالرائحة لمدة طويلة - قابلية الغسيل و النظافة : وهنا يوجد لهذا تعريفين وهما قابل للتنظيف (cleanable) أو قابل للغسيل (washable) فالأولى تنطبق على الدهانات المطفية تماما حتى وإن كانت زيتية الأساس، ويتم تنظيفها بمنشفة مبللة بالماء وتنظف فقط الأوساخ البسيطة، أما التعريف الثاني ينطبق على الدهانات التي تحتوي على لمعان من نصف لمعة إلى لامع فهذه يمكن غسلها بالماء والصابون، ومن أكثر الأماكن تعرض للأوساخ هي بالقرب من مفاتيح الإضاءة حيث تكون الأيادي بها نسبة بسيطة من الزيوت الطبيعية وقد تكون متسخة بالنسبة للأطفال وهذه المناطق تفضل أن تكون بدهانات نصف لامعة. وهنا افضل الدهان النصف لامع حتى لا يقوم بانعكاس فى الضوء كبير و يقبل التنظيف و على فكرة محلات او توكيلات الدهانات الحديثة بيكون عندها شرائط فيديو تشرح طريقة الاستخدام و فيها ايضا بعض النماذج الاسترشادية و ايضا المحلات الان بتكون واضعة نماذج حقيقة لكل نوع دهان تنتجه الشركات سواء مخصص لاستخدام الحوائط الداخلية للشقق و الاعمدة و الاسقف او الواجهات و المداخل و لا ننسى ان الالوان الفاتحة تعطى احساس بالاتساع للمكان و تبعث على التفائل تحياتى

:hysterical: بصراحة أنا اللي عاجبني اوي تعاون أمن المحطة مع السادة الركاب .............. بيزقوهم بطريقة ........ كأنهم بيملوا شوال قطن stnd:: لو ماكانش ابطال الفيديو دة صينيين كنت قلت انه فيلم من اخراج خالد يوسف angl:: بس الحمد لله انه مش في مصر

اتوقع انه حقيقي ايه المشكلة .. اصل في الدول القديمه زي الهند والصين وحتى بعض مدن مصر وغيرها كلها قائمه على عدم التخطيط ومع التوسع العمراني توقعي انك تلاقي كل شيء فزي مافي عندنا شوارع عرضها اربعه متر وارد جدا يكون في دول القطار فيها بيمر في وسط السوق . .عادي جدا وبمناسبة الحديث عن قطوراتك ياصين اتفضلي المقطع ده الي كل ماشوفه ـ ربنا يسامحني ـ بقعد اضحك لما ادمع من الضحك .. http://www.youtube.com/watch?v=vaWcoQAoafU

لا لا لا صحصحوا معايا بقى هيا الناس نامت ليه كده اخبار الفيدرال ايه وهل بقى فى تعديلات فى الجايد ولا عملوا اى مصيبه جديده ماتخلونا اون لاين بقى ياجماعه عمرو ام سيف انجى داليا ..بتعملى ايه اليكس..الله يكون فى عونك فى العزال اغابى..انا عارف طريقك خلاص والباقيين مش عاوز اقول اساميهم عشان هما عارفين ليه ملحوظة: عمرو عندك خصم يومين

لا طبعا استاذ ولفير حضرتك مش اقل واحد فينا و لا حاجه احنا هنا مختلفين عن بعض و بس كل واحد ليه مجال غير التانى لكن مفيش مجال اعلى و لا مجال اقل و الاختلاف دا سنه ربنا فى الارض علشان تعمر لكن بجد بقى ليه المغرب اصل ان حد يتغرب فى الخليج او المشرق العربى دا كتير جدا و متعوديين عليه لكن مش كتير بنسمع عن حد اتغرب فى المغرب العربى علشان كدا حاسه ان تجربه حضرتك اكيد هتكون ثريه جدا يا ريت تحكيلنا اكتر ليه فكرت تتغرب فى المغرب و ازاى دا حصل و هل فى مصريين كتير هناك و لا لا يعنى احكلنا باستفاضه شويه على فكره انا حاسه ان الدار البيضاء مدينه جميله جدا و نفسى انى اقدر فى يوم من الايام انى ازورها تحياتى

السلام عليكم و رحمة الله و بركاته استاذ مارو حالة الرضا اللي حضرتك ودتنا ليه دي تستحق التوقف امامها طويلا كل حد فينا في الدنيا لو شاف رجع بالشريط لورا...هيلاقي ان ربنا اداله زي ما حضرتك قولت اضعاف ما فيوم تخيل لنفسه تحياتي استاذي سؤال صحيح يا تري هتخلي عمر....اللي عاوج الطاقية في الصورة دوت...هو كمان هيمشي علي نفس الخطوات....و لا هتخليه يشق طريقه في الدنيا ازاي؟؟؟ الفاضلة لماضة شكرا لتعليقك إجابة على سؤالك عن عمر .. في رأيي الطفل لغاية ما يكبر إن شاء الله لازم احنا ( الأب و الأم ) يعملوا دايرة حواليه .. يعني مرة نكون جنبه نعلمه و نلعب سوا و نتشارك في حاجات و في آراء ... ومرة نكون وراه نسيبه يتصرف و ياخد قرار و احنا عنينا عليه .. و مرة نكون أدامه نواجهه أو نمنعه أو نحميه من أي حاجة ممكن تأذيه ..حتى و لو من فيلم كرتون فيه رسالة مش كويسة .. في النهاية أحنا مسئولين عن اولادنا بس لازم هم كمان و هم بيكبروا يحسوا و يعيشوا إنهم مسئولين عن نفسهم و عننا كمان ... إزاااااااي ده يحصل .... هي دي دعوتي عند ربنا ﴿رب أوزعني أن أشكر نعمتك التي أنعمت علي وعلى والدي وأن أعمل صالحا ترضاه وأصح لي في ذريتي إني تبت إليك وإني من المسلمين﴾

ربنا يااااااارب يبارك فيكى ويكتر من امثالك بجد حاجه تفرح ان فيه ناس بتفكر بالاسلوب ده فعلاً الى عمل حاجه هياخد زيها الى كلم هياخد واحده كلمت والى هزر هياخد واحده هزرت انا على فكره مقتنع جداً بالموضوع ده من خلال تجارب مرت قدامى اختى العزيزه ام مروان اولاً بالنسبه لموضوع الالقاب انا مبحبش موضوع الالقاب خالص بصى طالما الواحد وافق على الناس دول وهم وافقوا عليه يبقى مافيش حاجه اسمها خايفين ومنعرفكش وبتاع ايه ؟؟ انا بحب الصراحه فى كل حاجه يعنى انا لو مش واثق فى الشخص ده مليون بالميه انى اديله بنتى والله لو كتب ليها كل حاجه برده عمرى ما هديها له ولا هناسبه من اساسه ياجماعه متتخيلوش الموضوع ده بيأثر فى نفسية العريس قد ايه وخصوصاً بعد الزواج بيعمل شرخ فى علاقته مع اهل مراته طالما وافقنا ان احنا نتناسب يبقى خلاص موضوع الماديات ده نشيله من اساساً وكل واحد يجيب الى يقدر عليه طيب انا هقولك على حاجه كده انا والدى الله يرحمه لما جه يزوج اختى مطلبش من زوجها اى حاجه خالص كل الى قاله له قله يابنى انا هجيب كذا وكذا وكذا وانت هات الى انت عاوزه انا ماليش دعوه خالص قله والشكبه قاله انا شخصياً مش عاوز شبكه دى هديه بينك وبين عروستك على العموم كل حاجه تمت بخير والخطوبه مرت على سلام بعد كده حصل حاجه فظيعه بجد خطيب اختى فلس خالص كل فلوسه اتاكلت عليه فى السوق الى جانب كمان كان عليه لا يقل عن 500 الف جينه مع ان خطيب اختى لما كان خاطب اختى كان ولله الحمد بالنسبه لسنه كان ممتاز يعنى شاب خريج كلية تجاره وعنده مصنع وتاجر كبير يعنى كان عريس لقطه والله العظيم تقدم كذا مره لاختى واحنا نقول لما تخلص كليه يعنى بنتحجج لحد لما هو قابل ابويا وقله انا ممكن استنى لما تخلص كليه على العموم طبعاً موضوع خسارته ده كان بسبب حاجات كتير جداً وطبعاً كل الناس قالوا ان احنا هنديله الشبكه وكل واحد يروح لحاله مهو كده الشاب ده تقريباً مستقبله ضاع بس والدى الله يرحمه قال انا مكنتش واخده علشان هو غنى انا كنت واخده علشان هو متدين وطالما لسه متدين يبقى الكلام ده كله مالوش لازمه والحمد لله والدى ساعده لحد لما رجع بنى نفسه تانى وسدد الفلوس الى عليه ويمكن تزوج اختى وكان لسه باقى عليه جزء من الفلوس وبعد كده حصل العكس والدى جاله مرض ترتب عليه حدوث مشااااااكل ماديه ضخمه وطبعاً الراجل وقف معانا بجد ويمكن ايام امتحاناتى كان هو الى بيروح ويجى مع ابويا وكان بيقولى ركز انت بس فى امتحاناتك ومواقف كثيره جداً حصلت الى انا قصده الناس بتشيل بعضها يعنى لما نبقى نسايب يبقى خلاص صرنا شىء واحد مينفعش نتكلم فى الماديات لان لاحياه مبتستمرش على حال ممكن انا انهارده معايا بكره يبقى ممعيش وهكذا يبقى الى بيفكر ان كده بيأمن بنته يبقى غلطان بيأمنها من ايه بقائمه ولا شبكه ولا شوية عفش الى عاوز يأمن بنته يديها لراجل يصونها ويحافظ عليها الى عاوز يأمن بنته يديها لواحد بيخاف ربنا ويتقى الله لكن انا لازلت مصمم على ان الزواج مافيهوش شروط طالما موافقين على المبدا يبقى خلاص كل واحد يجب الى هو عاوزه غير كده يبقى كلام فاااااااااضى ويمكن المثال الى ضربته لاختى يكون عبره لناس كتير يعنى الراجل كان ممتاز عنده مصنع عنده فلوس عربيه اخر موديل شقه كل حاجه وده كله راح فى ثانيه الى جانب كمان ديون وشكراً

بصراحة .. لو أخذنا الموضوع من الناحية الشرعية .. فالبنت التي تغطي شعرها أو أي جزء .. فهي تقلل من ذنوبها على الأقل .. لم تكن محجبة بعد .. و لا أستطيع أن أسميها كذلك .. و لكن لا أستطيع أن أقول لها إخلعيه !!! فهي على الأقل كما قلت تقلل ذنوبها .. و بغض النظر عن النوايا .. فلقد قل النظر اليها بشكل أو بآخر .. يعني في ديننا .. ما لا يدرك كله لا يترك كله .. يعني مثلا ..المدخن .. لا يحاسب عند الله على أنه مدخن و خلاص ..لأ هو يحاسب بكل سيجارة .. و هذا من رحمة الله يعني لا نصنف البشر على أنه مدخن فهو آثم و خلاص .. لأ .. عندما يدخن يأثم . كذلك بالنسبة للحجاب .. فالبنت التي تلبس ملابس البحر مثلا .. ليست كالبنت التي تلبس ملابس ضيقة ... و كلاهما ليسا كالبنت التي تترك شعرها دون غطاء .. و كلهم ليسوا كالبنت اللي حجابها نص نص .. و هم جميعا ليسوا طبعا كالمحجبة السليمة الحجاب .. من الناحية الإجتماعية هؤلاء البنات اللواتي يتحجبن حجاب نص نص .. و يتمايلن في مشيهن .. كثير منهم نشؤوا في بيئة الحجاب فيها عادة و ليس عبادة ..فالبنت محجبة و خلاص .. و كذلك الأم و الخالة ...الخ لكن نعجب أن هذه المحجبة لا ترى مانع في أن تخرج في البلكونة مثلا بدون حجاب .. او أن تكون في الشقة بدون حجاب أمام أي زائر !!! بل و تخلع الحجاب في ليلة فرحها .. و كأن الناس سيصيبها العمى في تلك الليلة مثلا !! و بالتالي فهي تقول في نفسها .. طالما أنه مفروض ( و يا ريت مفروض بالشكل السليم ) يبقى أتحايل على الموقف .. لدرجة أنها قد تكون أكثر إثارة أو جاذبة للأنظار أكثر من غير المحجبة !! و من ناحية أخرى .. نجد أن بعض الأمهات ( و بعضهن محجبات للأسف ) يرفضن أن ترتدي بنتها الحجاب قبل الزواج .. لاحول و لا قوة إلا بالله .. و كأنها تريد لبنتها أن تصبح سلعة ..يراها الجميع و تكون من نصيب اللي يقدر أكثر .. :mad: :mad: و هؤلاء الأمهات هن أشر أنواع الأمهات خصوصا المحجبات منهن .. الله يهديهم .. و طبعا .. لا أنكر أن البعض اخذ الحجاب على أنه موضة ليس أكثر .. بس في نقطة مهمة .. بعض الفتيات (للأسف ) يقولوا طالما انا مش محجبة ..يبقى خلاص ألبس اللي أنا عايزاه .. طالما هي بايزة بايزة .. و بعد كده لما أتوب ..يبقى الله غفور رحيم .. و هذا تلبيس خطير من إبليس على الناس .. هي لا تعلم أنها بذلك تحاسب أكثر من غير المحجبة و لكنها تتحشم بدرجة أكبر .. و تتخيل أن الله يحاسبها على أنها غير محجبة و خلاص .. مش مهم بقى تلبس ايه .. ملابس بحر .. ملابس سهرة .. ملابس نوم .. مش فارقة .. و هذه نقطة خطيرة جدا و الله .. و أكرر ..الحجاب ليس مجرد طرح او ايشارب .. الحجاب أسلوب حياة ملتزمة .. منهج للحياة بالقرآن و السنة .. و ليست موضة و خلاص .. و المحجبة يجب أن تعلم انها قد تكون سببا في فتنة غيرها .. فالكثيرات يقلن ..شتيفين المحجبات عاملين إزاي ؟؟ اخلاقهم ... طباعهم .. مناظر و بس .. و هنا ينفطر قلبي عندما أسمع هذا الكلام و الله .. الأخت المحجبة أنت صورة للمحجبة .. و كما قلت الأخت الفاضلة شعنونة .. في مجتمعنا .. السيئة تعم و الحسنة تخص .. ربنا يهدي شبابنا و فتياتنا .. و الله من وراء القصد .