لوحة القادة

يا استاذ محمد ...يا استاذ اوزوزو....من فضلكم و احتراما لمشاعر الكل ..مصريييييييييين...مش الوقت المناسب اطلاقا لتحليل او تفنييد ملابسات الحادث..الناس كلها متالمة و مصدومة و نفسيتها في الارض من اللي حصل...يا استاذ محمد احنا محتاجين نواسي بعض و نتحد مع بعض مش نحلل تفاصيل و مكان وقوع الجريمة..الاستاذ مزوهيري حيرد عليك و واحدو واحدة الموضوع حيبقى سجال مش مطلوب تماما..الاستاذ ازوزو...حضرتك قريت كام تعليق عشان تشوف ان مافيش عقلاء مسحيين..معظم المسحيين و انا منهم لم يشير باصابع الاتهام الي المسلمين لان واضح من عمل خسيس زى دة انه وراه جهة اة منظمة عايزة تضرب امن مصر..و هنا الخوف الحقيقي..ان بقي مافيش امن ..الامن بقى امن سياسي فقط..و هو دة اللي اشرت ليه في موضوع صدق او لا تصدق في مصر بالصور..احنا مش في دماغ الحكومة مسحيين و لا مسلميين..و ان كنا مضايقيين و مخنوقيين و بالبلدي الكيل طفح ..فاستحملوا اخوتكم شوية...دول 21 فرد من اهلنا...للاسف...مافيش كل سنة و مصر بخير

لايساورنى أدنى شك فى أن إختيار مستشفى القديسين مرقص وبطرس بحى سيدى بشر بالاسكندرية كان هدفه الأول إحداث صدام بين المسلمين والمسيحيين . أقول ذلك لعدة أسباب المنطقة ذات كثافة سكانية مرتفعة من المسلمين والمسيحيين الكنيسة يقابلها عبر الشارع مسجد ربما يتساوى طول واجهته مع طول واجهة الكنيسة يقابل الكنيسة مستشفى شرق المدينة على جانبى الكنيسة وعبر شارعين صغيرين عدة عمارات متعددة الطوابق بالاضافة الى العمارات الملاصقة للكنيسة من الجهة الخلفية. بعد التفجير سيتحمس بعض الشباب المسيحى ويهاجمون المسجد وهو ماحاول البعض ان يقوم به ، وبالتالى فبدلا من ان يقوم اخوانهم المسلمون بالمساعدة سيقفون صفا واحدا لمواجهة الهجوم المسيحى لحماية المسجد وربما المستشفى على الرغم من انها حكومية. وقد يمتد الإشتباك ليشمل كل سيدى بشر وميامى والعصافرة وربما شرق الاسكندرية بكاملها. ولكن الله سلم ، فقد كان اول من قام بالمساعدة هم اخوتهم المسلمون واستخدموا ميكرفونات المسجد لطلب العون من الأهالى. ====================

أخي الفاضل أنا بقى مع العقل اللي في إطار الدين و منهجي العقلي تحليلي و ليس تركيبي يعني اؤمن بالمنهج اللي شرعه ربنا سبحانه و تعالى و أنزله على رسوله و لا استخدم عقلي في فروض و نظريات أصل بها للخالق اؤمن بالله و ملائكته و كتبه و رسله و اليوم الآخر و القدر خيره و شره و اقتدي برسولي الكريم صلوات الله و سلامه عليه لأنه لم يكن يفعل شيئا يخص التشريع بهواه فعندما يقبّل سيدي و حبيبي صلوات الله و سلامه عليه الحجر الأسود فإن ذلك ملزم لي طاعة و حبا فيه صلى الله عليه و سلم أما بعد النبي صلى الله عليه و سلم من صحابة رضوان الله عليهم و تابعين و تابعي التابعين فهم بشر لا يتنزل عليهم الوحي منهم من يصيب و منهم من يخطئ و عندي لاشيء بعد قال الله و قال الرسول عليه أفضل الصلاة و أتم التسليم لست من منكري السنة طبعا و لكن كما تعلم حضرتك هناك على مر أربعة عشر قرنا أحاديث مكذوبة تمت نسبتها للرسول صلوات الله و سلامه عليه لذا فعندما أجد حديثا غريبا و لا يقبله عقلي ( في إطار الدين الذي أعرفه) فالبطبع لابد أن أفكر و استفتي قلبي ما هو مرفوض عندي ان هناك ناس عاديين مثلي و مثل حضرتك راحوا قرأوا شوية كتب و بعدين اعتبروا نفسهم من العلماء و شجعهم من حولهم و صاروا اتباعا الاجتهاد شيء طيب بس انهم يستأثروا بالدين و يحاولوا يقنعونا ان كلامهم منزل و لا نقاش فيه و انهم متخصصون و احنا مينفعش نتكلم في ديننا عشان احنا مش متخصصين ده بقى اللي بأرفضه تماما الدين منهج للتطبيق و ليس أسرارا كهنوتية ينفرد بها العلماء و لا يتكلم فيها غيرهم و لما نيجي نناقش أي حاجة يقولوها تنزل الاتهامات ترف ما بين علماني و ليبرالي و قرآني و فاسق و ضال....الخ الخلاصة فهم السلف الصالح ( الصحابة و التابعين و تابعي التابعين) للاسلام هو فهم بشري يناسب زمانهم الذي كانوا فيه ممكن ناخد بأشياء منه تناسب زماننا بس فهمهم ده غير ملزم لينا في هذا الزمان نظرا لتغير الظروف التي قام عليها اجتهادهم فهمهم ده هو المصدر الثالث للتشريع و هو ليس وحيا من الله جل و علا هو فهم بشري تم فيه استخدام العقل البشري بما فيه من نقص كالخطأ و النسيان و بالتالي ليس له قداسة و يمكن مناقشته و تفنيده ان لزم الأمر مصادر التشريع كما نعلم أربعة: 1- القرآن الكريم و هو محفوظ و باقي بفضل الله و لا يمكن التشكيك فيه لأن الله تعالى قال:{إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ }الحجر9 2 - ما يوافقه و يفصل مجمله من السنة النبوية المطهرة 3-اجتهاد السلف الصالح (مش كله يناسب زماننا نظرا للمستجدات التي حدثت و تحدث في العالم) 4- القياس مفيش حد بقى دلوقتي بيعمل قياس ( المصدر الرابع للتشريع) كله بيستسهل و ينقل لنا من كتب شيخ الاسلام ابن تيمية المولود في القرن السابع الهجري!!! بقى ده اسمه كلام؟؟؟!!! معقول حياتنا تقوم على نقل لاجتهاد عالم دين و فهمه للدين من ثمانية قرون مضت؟؟؟!!! و ممنوع منعا باتا مجرد حتى التفكير في النقاش؟؟؟!!! و ايهامنا المستمر أن الدين فوق مستوى عقولنا و ان لازم المتخصصين بس همة اللي يتكلموا فيه معقول ربنا سبحانه و تعالى ينزل لنا دين أعلى من مستوى عقولنا؟؟ ثم يأمرنا باتباعه؟؟؟!!! الإسلام دين رغم عظمته دين بسيط و سلس و ميسر و مبشر و هو دين الفطرة يستطيع أي انسان الدخول فيه بنطق الشهادتين و الاغتسال ثم يصلي و يصوم و اذا كان له مال يدفع زكاة و ان استطاع حج إلى بيت الله فقط ما كل هذه الزوابع و الأعاصير للتضييق على الناس و تنفيرهم من الدين؟؟؟ لمصلحة من يتم تضخيم الأمور بهذا الشكل ؟؟؟ لمصلحة من فرض سياج على ذلك الدين العظيم وفصله عن المسلمين كأسرار عليا لا يتناولها إلا خاصة الخاصة؟؟؟ لمصلحة من تقزيم هذا الدين ليصبح كل ما يتحدث عنه في الدروس و خطب الجمعة هو الحجاب الشرعي و حرمة الغناء؟؟؟ لمصلحة من الإفراط في تفاصيل العبادات و إهمال المعاملات؟؟؟ لمصلحة من إهمال الرقائق و الأخلاق التي هي جوهر الدين و تشمير الأذرع لمقاتلة المخالفين لرأينا؟ ديننا دين الحق و يُعرف الرجال بالحق و لا يُعرف الحق بالرجال هل هذا من العقل في شيء؟

اسمحوا لي أن أفتح هذا الموضوع الجديد لنقدم التعازي لأنفسنا أولا نحن المصريون أقباطا ومسلمين إن الإرهاب لا يفرق بين المسلم والمسيحي من هذا الممبر أقدم خالص التعازي لكل الشهداء في حادث كنيسة الأسكندرية انها تعزية واجبة على كل من ينتمي على هذا المنتدى .. عائلتنا الصغيرة ليرحم الله الشهداء ويتقبلهم مع الأبرار والقديسين جدو ابوفصاد

هذا هو مقال المدهش عن محاورات المصريين ومؤسسها المثقف الموسوعي عادل أبوزيد على موقع جريدة البديل اليوم وهذا هو لينك المقال http://elbadil.net/%d9%85%d8%ad%d9%85%d8%af-%d8%b1%d9%81%d8%b9%d8%aa-%d9%85%d8%ad%d8%a7%d9%88%d8%b1%d8%a7%d8%aa-%d8%a7%d9%84%d9%85%d8%b5%d8%b1%d9%8a%d9%8a%d9%86/

لا طبعا ليس خلافا مسيحيا إسلاميا ليس بالمنطقة شارع مسلم وشارع مسيحى لاتوجد عمارة للمسلمين وعمارة للمسيحين لايوجد حى مسلم وحى مسيحى إنها مدينة الأسكندرية أهلها يعيشون داخل بعضهم البعض يتجاورون فى السكن يتجاورون فى العمل يقومون بواجب العزاء للمسلم والمسيحى يتبادلون التهانى والكعك فى الأعياد لانهم جيران المحلات يملكها ويديرها مسلمون ومسيحيون يجاورون بعضهم البعض الكنيسة بها مستوصف خيرى يعالج المرضى ولاينظرون الى خانة الديانة فى البطاقة تجرى فى شرايينهم نفس الدماء يتنفسون نفس الهواء ( النقى ) يشربون نفس المياه ( نقية كانت أو ملوثة ) أرى أن الحادث لايقل بشاعة عن احداث سبتمبر ولايقل بحال عن احداث مترو لندن ولا يختلف عن أحداث قطارات مدريد فى أسبانيا فلنقف صفا واحدا فى وجه أعدائنا ، انهم اعداء البشرية ، نعم هم استهدفوا المسيحيين ، ولكنهم فى الحقيقة استهدفوا مصر والمصريين. فى رأيى أنه حدث قومى يجب أن تنكس فيه الأعلام لان مصر هى المستهدفة ممثلة فى ابناؤها من المسيحيين.

انا لله وانا اليه راجعون اللهم احفظ مصر من كل شر اللهم انتقم من كل ارهابى حقير ومن كل مثير للفتن خالص عزائى لكل المصريين , مسلمين وأقباط

اليوم اكون قد اتممت الخمس والثلانون عاما وعشرون يوما لأن غالبا ما تكون أعلانات او الدعوات للشباب من سن 16 إلي 35 عام فاري أني تجاوزت مرحلة الشباب لمرحلة أخري لذلك أريد أن اتأمل قليلا في كل ما مضي من حياتي وأين وصلت وماذا حققت وماذا أمتلكت في هذه اللحظة أمتلك علبة سجائر لا يوجد بها سوي ثلاثة حتي الصباح ومحمول نفذت بطاريته قبل العصر ولا أري داعي لاعادة شحنه فنادرا ما يهاتفني أحد ولست واقع في الغرام لاتبادل اتصالات ورسائل الحب وايضا امتلك حافظة لا تستطيع الأحتفاظ ابدا بالدنانير لوقت طويل فسرعان ما ينفذ حشوها أمتلك أسنان حقا خربة بفعل الشاي والسجائر وأنتظر إجازتي إلي مصر بفارغ الصبر حتي أستطيع أنقاذ ما يمكن أنقاذوه أن أردت أحتساب ما ذا حققت في حياتي يجب أن أعود للوراء كثيرا ... لأكتشف ماذا خسرت يحزنني كلما أتذكر غصب أبي المنصب علي عند علمه بأنني مشترك في فرقة تمثيل قصر الثقافة فكانت ثقافته عن التميثل بأنني سأكون مشخصاتي ولم أسلم من غضبه ولأني تربيت علي أن لا أعارض له امر ابدا فتركت قصر الثقافة محبطا رغم حبي كثيرا للمسرح في حياتي كلها لم يصفعني أحد علي وجهي سوي مدرس الزراعة وانا في الصف الثاني الابتدائي حين لما استطع حمل ا لبلاط الي مسجد المدرسة ولا استطيع أن أنسي هذه الصفعة ابدا ولا انسي هذا المدرس اراه في الاجازات اعرفه ولا يعرفني وكلما اراه اود ان ارد له الصفعة صفعات لا ادري اين كان عقلي في المرحلة الاعدادية حين كنت افر من المتفوقين في الفصل لأصادق الفشلة وتستهويني خيبتهم الثقيلة وكأن هناك شيطان يصور لي المتفوقين بأنهم لا يعرفون الا الغرور والتعالي علي خلق الله وانا حقا لم اندس وسطهم حتي اكتشف هذا وكانت تروق لي جدا طيبة الفشلة وولا مبالاتهم بالحياة وبما هو قادم غدا وراق لي سعادتهم بمصادقتي والأعتماد علي في الغش في امتحانات الفصل الشهرية خيبت أمل الجميع ولم استطع الالتحاق بالثانوي العام وأحتار أبي في أمري فان مدرسة الثانوي الخاص كان اسمها مدرسة النجاح لم ينجح أحد ومدرسة الفني الصناعي لا تناسب طباعي الهادئة كما يصفونها في البيت واخيرا اهتدي إلي مدرسة التمريض وقد كان اليوم انا ممرض في الطب النفسي لي زوجة طيبة وبنتين وولد وبيت في قرية ريفية أدعو الله كل يوم ان أخرج منها وأرجع إلي المدينة إلي الحياة التي اعتدت ان احياها بعد 35 سنة لا اري اي من احلامي تحقق احب الشعر واكتبه في غياب نقد حقيقي قد يساعدني فاما بعض المدح او الصمت فتارة اظنني موهوب وتارة اظن انه يجب ان اتوقف فقد يكون ما اكتبه ليس سوي تفاهات بعد 35 سنة ليس لدي شقة في المدينة كما كنت دوما احلم باثاثها ومكانها وغرف الاطفال وكل هذه الاشياء فانت كمغترب يجب ان تشتري ارض وتبني بيت وكل هذه السخافات التي ستتركها وتموت ليس لدي سيارة وان كنت استطيع ان اشتريها غدا بالاقساط ولكن ذلك بالطبع سيؤثر علي حلم السكن في المدينة ابنائي ليسوا في مدارس انترناشينول وكيف لقاطني القرية دخولها اصلا في النهاية تبقي كل الاحلام مؤجلة ربما للعام الأربعون وشرطة

لو نظرنا لمسرح الجريمة ستجده امام المسجد و الكنيسة اى الجانى استهدف المصريين عامة و لم يرحم كون المكان به مستشفى كبير لو اراد مسيحيين فقط كان اختار الكنيسة التى فى الابراهيمية على الترام لكنه استهدف منطقة مكتظة بالسكان للاسف و من ادرانا انه تنظيم القاعدة و من ادرانا ان التصريحات التى نشرت كانت صادرة منه فعلا نحن فى عصر للاسف به زيف كبير كل ما يجب ان نعيه ان هناك يد لا تريد ان تنهض الشعوب العربية و يصبح لها صوت و كيان و مهما حدث من اهوال سيظل وطنا لنا و سنظل اخوة مسلمين و مسيحيين اللهم ارحمنا انك ارحم الراحمين

السلام عليكم ورحمة الله وبركاته :clappingrose: :clappingrose: **بتحبّ ربّنا ؟؟؟ أكيييييييييد طبعا **طيب بتعبّر إزاى عن حبّك ليه؟؟؟ أنا مش عارف :unsure: بس كل اللى عارفه انى بحبه **هى كلمة بحب ربّنا دى كلام بس ولا أفعال!!!!! **أنا لو بحب أخت مثلا هحاول بشتّى الطرق إنّى أعبرلها عن حبّى لها صح؟؟ ولله المثل الأعلى **عملنا أيه عبّرنا به عن حبّنا لربنا!!! تخيلوا لما طفل يحسسني اني مقصر جدا في حبي لربنا بالصورة الصح لما طفل صغير جميل يكتب في ورقة كبيرة "انت جميل قوي قوي يارب .. وأنا بحبك قوي قوي يارب" ويجيب أكتر من ورقة يكتب فيها نفس الكلمة ويدخل الفصل بدري عشان محدش يعرفه ويحطها على كل مكان بيكون فيه أصحابه وكلهم يقرأوها وقلوبهم تتحرك بالكلام البسيط ده ده طفل..ومش بس حب ربنا وعبر عن حبه .. دا نشر كلمات تعبر عن حب ربنا لكل أصحابه وطبعا الحب ليه اثباتات تانية غير الكلمات لكن الطفل الجميل ده..علمنا حاجات جميلة .. وكان سبب في فكرة رائعة الثناء على الله طيب أحنا عايزين نعمل زي الطفل الجميل ده بس نجيب كلمات من أحسن الكلمات من أكتر الكلمات اللي يحبها ربنا هنلاقيها فين؟ أكيد في كلام ربنا نفسه وفي كلام حبيبه صلى الله عليه وسلم ..اللي هوا كمان وحي منه وفي كلام ناس صالحين قريبين من ربنا .. عرفوا ربنا صح وعرفوا ازاي يكلموه .. عرفوا أسرار كتير ومفاتيح كتير في كلام حبيبهم عارف كلمة (المناجاة) الكلام الجميل في السر بينك وبينه ولوحدك حتى لو حواليك الناس كلها لكنك مش حاسس بحد لإنك مع حبيبك وليكن شعارنا ..... فلنتعلم الحب ممن خلق الحب! "والذين آمنوا أشد حبا لله" نحبك ياالله..اللهم أحبنا وارض عنا

اعيااااااد اعياااااااااااد كل سنه و كل حبايبنا بخير اللى عيدنا عليهم واللى زعلوا منى عشان ماعيدتش عليهم وقطعوا صلتهم بى بقرار حازم ماااا علينا سمبا ..... سامح مجدى سمبـــــــــــــــا ..يعنى اخويا يعنى الراجل اللى تحسه اخوك وجوز اختك وابن عمك فى وقت واحد الراجل اللى لما تقرا كلماته ماتصدقش انه هو اللى قدامك خجول ...مهذب ..خدوووووم جدا .. "الى كل هؤلاء الرجال "سمبا جروب كل سنه وانت طيب وفرحان بولادك ولا احرمنا الله من جمعتنا سوا بالكويت او بالمحاورات ساااااااااامح مجدى يعنى ابنى الكبير بالكويت يعنى ابو اول احفادى وابواقرب اطفال الدنيا الى قلبى يعنى اول حد فى الدنيا قال لى يا تيته ..هو ابنه يعنى زوج احلى انسانه واطهر قلوب قابلتها فى حياتى سامح كل سنه وانت فى هنا وفرحانين مع بعض كلنا كل سنه وانت اطيب ولله اقرب وعلى طاعته ادوم تقبلوا تهانى اختكم ومامتكم ,,,,ام نور الدين

زوهيري باشا .. عوداً أحمد و سنة سعيدة عليك يا رب أهو ده بأة يا ريس اللي بيجبلنا الهم .. تصدق بالله .. إحنا - المسلمين عموماً و الملتزمين خصوصاً - اللي بنتقرف من الهم ده .. و الله لو الواحد يقدر يمنع حاجة زي دي بروحه حتى كان منعها .. مش بس عشان نوأد الفتنة .. ولا عشان ننقذ بشر - أي كان دينهم - كمان عشان ننقذ إخواننا اللي هيتبهدلوا بدون وجه حق ربنا يحفظ مصر المصريين يا رب مكاوى

مقدرين انفعالك يا استاذ ريمون بس ركز كده شوية اشمعنى الكنيسة دي اللي قدامها جامع؟؟؟؟؟؟؟؟؟؟؟؟؟؟ عشان يحصل اللي حصل يطلع شباب من الكنيسة يولعوا في الجامع والدنيا كلها تولع و ما تسكتش لو كانوا عاوزين مسيحين بس ما كان عندهم الكنايس اللي في احياء تجمع المسيحين عندهم غيط العنب مثلا منطقة اغلب سكانها مسيحين عندهم المرقسية اللي في شاع كنيسة الاقباط المنطقة اغلب سكانها مسيحين عندهم الكنيسة اللي على ترام الابراهيمية و غيرها اماكن كتير لكن هما اختاروا المنطقة دي بعناية عشان كان في سيناريو هايحصل لكن ربنا ستر و اتلم في اوله

الموضوع مافيهوش تمويع يا ريمون على الاطلاق ,, هي دي الحقيقه بالظبط ,, الانفجار كان بتخطيط خارجي واستهدف اشعال الفتنه بين المسلميين والاقباط وكان اختيار التوقيت والمكان غايه في الذكاء الشيطاني ,, دور العقلاء من الجانبين التكاتف ومواجهة المخططات دي بكل وحده وتلاحم ,,

السلام عليكم الحقيقة الواحد مش عارف يقول ايه .. بس هأقول اللي في نفسي لا دين ولا عرف ولا أخلاق إنسانية تقبل ما حدث و لكن السؤال اللي بيطرح نفسه ... من المستفيد ؟؟؟ للأسف كلنا متاخدين على هوة عمييييييقة .. مسلمين و نصاري .. المستفيد مش مفرق .. مش مهم ايكش نولع كلنا عادي .. المهم المستفيد عارف من أين تؤكل الكتف!!! سؤال رفيع كدة .. اشمعنى مبيحصلش أي تفجيرات في أعياد المسلمين؟؟؟ من غير ما نفكر عشان لو حصل مش مهم مش هيحصل حاجة ولا حد هتتهز في دماغه شعرة .. يا ريت منتفهمش غلط .. أنا أقصد أن قتل المسلمين مش هيعمل فتنة .. الوضع في مصر مستقر من سنين طويلة على الأقل ظاهرياً و زي ما بيقولوا اللي في القلب في القلب .. و لكن بردو مستقر و كلنا لينا حكاوي مع الآخر سواء كنا مسلمين أو نصاري .. حكاوى و ذكريات حلوة طبعاً .. بس لاااااازم تحصل الفتنة عشان مينفعش نفضل كدة .. بأة معقول الشعب المسكين ده عمالين نطحن فيه من جوة و برة و لسة متماسك كدة؟!!! لا طبعاً لازم نفركشه بأة و فرق تسد هيطلع طبعاً الجهلة من الطرفين ينفخوا في النار .. فريق هيقولك أصلنا الأقلية المستباحة .. و فريق هيقولك أحسن يستاهلوا قارفنا .. بأتكلم عن جهلة الطرفين .. هتقوم دعاوى من هنا و من هنا .. دعاوى بتطالب بمزيد من الصلاحيات و دعاوى تانية بتطالب بالحذر الحذر .. و كالعادة هيكون موقف حكومتنا المتخلفة عن الركب الحضاري موقف مقزز .. هيقدموا كبش فداء و شوية سلاطات و مشهيات على حبة تسهيلات و امتيازات عشان يراضوا شركاء الوطن.. و مش مهم معلش المسلمين دلوقت يستنوا شوية .. شوية و يقوم فريق النفخ في النار يولعها تقوم الحكومة المبجلة توقف حبة التسهيلات بعد ما يكون الموضوع نام شوية عشان تراضي الفريق التاني طبعاً !!! ايه القرف ده!!!! طب عالجتي يا حكومة الأزمة الداخلية .. عالجتي القلوب ؟؟؟ و مش هتعالج طب متيجوا احنا بأة نعالج .. مهو لازم حد يعالج يا إخواننا .. بيقولوا أول رد فعل كان رشق المسجد المجاور للكنيسة .. طب المسجد ماله بس يا إخواننا .. و بالتالي تاني رد فعل كان رشق الشباب المسلم للمتظاهرين النصاري بالحجارة ... و شكراً يا شباب مصر .. برافو هو ده المطلوب .. ها شايفين المستفيد اللي بيلعب بيكم بالخيوط و يجيب دول يمين و دول شمال ... و ايكش تولع .. يااااااااا رب نفهم جميعاً اللي بيتعمل فينا و الحفرة اللي بنتزق عليها اسف ع الاطالة بس مبقوق مكاوى

احر التعازي لكل مصري مسلم ومسيحي للحادث الاليم واسال الله سبحانه ان يشمل برحمته كل المصريين مسلميها واقباطها وسبحان الله يمكرون ويمكر الله ارادوها فتنه فانقلبت عليهم الآية حبا وتلاحما لايوصف بين كل المصريين مسلميين واقباط اعرف ناس والله تبدلت احوالهم 180 درجه من عداوه الى تعطاف ورحمه لا توصف بكل مصري قبطي و هو ده المعدن ا لمصري الحقيقي الاصيل اللي بيظهر على مر التاريخ في الازمات البلد كلها على قلب رجل واحد ,, وانا عارف ان الاجهزه الامنيه مش حيهدأ لها بال الا بالوصول والقضاء على رأس الافعى زي ما المح مبارك اللهم من اراد بمصر سواءا فكبه على وجهه ,, ورد كيده في نحره انك قريب مجيب ,,,

في هذه المداخلة سأعرض إلى أحكام الإسلام فيما يخص معاملة خلق الله تعالى من أهل الذمة وأهل العهد. ---------- في الحديث الشريف: عن أبي بشر قال: سمعت سعيد بن جبير عن أبي موسى عن النبي صلى الله عليه وسلم قال: (من سمّع يهودياً أو نصرانياً دخل النار) عن عدة من أبناء أصحاب رسول الله عن آبائهم عن رسول الله صلى الله عليه وسلم قال: (ألا من ظلم معاهدا أو انتقصه أو كلفه فوق طاقته أو أخذ منه شيئا بغير طيب نفس فأنا حجيجه (أي أنا الذي أخاصمه وأحاجه) يوم القيامة) وعن صحابة رسول الله رضي الله عنهم وأرضاهم: عن كعب بن علقمة أن عرفة بن الحارث مر به نصراني من أهل مصر يقال له مندقون, فدعاه إلى الإسلام فذكر النصراني النبي صلى الله عليه وسلم فتناوله فرفع ذلك إلى عمرو بن العاص فأرسل إليهم فقال: "قد أعطيناهم العهد", فقال عرفة: "أعطيناهم أن يخلى بيننا وبينهم وبين كنائسهم فيقولون فيها ما بدا لهم, وأن لا نحملهم ما لا طاقة لهم به, وأن نقاتل من ورائهم ويخلى بينهم وبين أحكامهم إلا أن يأتونا فنحكم بينهم بما أنزل الله"، فقال عمرو بن العاص: "صدقت" وفي عهد عمر بن الخطاب رضي الله عنه كتب إلى أهل إيلياء (بيت المقدس): "هذا ما أعطى عبد الله عمر أمير المؤمنين أهل إيلياء من الأمان, أعطاهم أمانا لأنفسهم وأموالهم ولكنائسهم وصلبانهم وسقيمها وبريئها وسائر ملتها أنه لا تسكن كنائسهم ولا تهدم ولا ينتقص منها ولا من حيزها ولا من صليبهم ولا من شيء من أموالهم ولا يكرهون على دينهم" ولما فتح خالد بن الوليد رضي الله عنه الشام صالح الروم وجاء في هذا الصلح: "أن لا يهدم لهم بيعة ولا كنيسة, وأن يضربوا نواقيسهم في أي ساعة شاءوا من ليل أو نهار إلا في أوقات الصلوات, وأن يخرجوا الصلبان في أيام عيدهم"

في هذه المداخلة سأعرض إلى أحكام الإسلام فيما يخص أرواح خلق الله تعالى من أهل الذمة وأهل العهد. ---------- في الحديث الشريف: عن القاسم بن مخيمرة عن رجل من أصحاب النبي صلى الله عليه وسلم قال: إن رسول الله صلى الله عليه وسلم قال: (من قتل رجلاً من أهل الذمة لم يجد ريح الجنة, وإن ريحها ليوجد من مسيرة سبعين عام) عن جندب قال: بلغني أن رسول الله صلى الله عليه وسلم قال: (من يخفر ذمتي كنت خصمه ومن خاصمته خصمته) وعن صحابة رسول الله رضي الله عنهم وأرضاهم: عن ابن شهاب: "إن أبا بكر وعمر رضي الله عنهما كانا يجعلان دية اليهودي والنصراني إذا كانا معاهدين دية الحر المسلم" وعن أبي الجنوب الأسدي قال: أتى علي بن أبي طالب رضي الله عنه برجل من المسلمين قتل رجلاً من أهل الذمة, قال: "فقامت عليه البينة فأمر بقتله" فجاء أخوه فقال: إني قد عفوت عنه, قال: "فلعلهم هددوك أو فرقوك أو فزعوك؟" قال: لا ولكن قتله لا يرد عليّ أخي وعوضوني فرضيت. قال: "أنت أعلم من كانت له ذمتنا فدمه كدمنا ودينه كديننا"

كان قلبي حاسس .. بعد ماكتبت ردي السابق عملت سيرش على تحديد القبلة ولقيت الموقع الرهيب ده http://www.qiblalocator.com/ الغريب اني اول مافتحته لقيته حاطط لي على خريطه طنطا .. دبل كليك على الخريطه بدأت تتكبر وصلت لغايه بيت والدي حددت عليه وفعلا لقيته حاطط خط احمر يبين اتجاه القبلة مظبوط زي مابنصلي فيه .. ابسطي .. صلي وادعي لي بقى .

حسبي الله ونعم الوكيل مش عارفة أقول أيه ولا حتي أفكر في أيه؟ كل اللي في بالي ذهول وتساؤلات كثيرة ذهول من كمية الشر اللي ممكن تكون موجودة في قلب الانسان أنه ينكد علي شعب بحاله في ليلة زي دي ويخلي السنة تبدأ بالشكل ده علي شعب بحاله ذهول من القسوة اللي ممكن تتواجد في قلب انسان أنه بسهولة يرعب ويقتل ناس هو مايعرفش عنهم حاجة وينهي حياتهم ببساطة وينكد علي أهاليهم في أيام الأعياد ذهول من أن أحنا في مصر وصلنا للحالة دي ............عربية مفخخة؟! أمال فالقينا طول النهار والليل بأننا نستحمل أي حاجة من جهاز الشرطة والداخلية لأنهم بيحموا البلد فين بقي الحماية؟ مش كان في تهديدات للكنايس وكانوا عارفين إن ده ممكن يحصل؟!!!!!!!!!!! مش دائما بيقولوا أن مبارك كابس علي نفسنا من 30 سنة ومن مصلحتنا أنه يفضل معانا كمان 30 سنة عشان استقرار وأمن البلد؟ أي استقرار وأي أمن وأحنا بقينا بلا فخر زي العراق أهو؟ ربنا يرحم الضحايا ويصبر أهلهم ويصلح أحوالنا ويهدي عقول من لايزال يدافع عن فكر التشدد ربنا يؤلف بين قلوبنا ويرينا الحق حقا ويرزقنا أتباعه ويرينا الباطل باطلا ويرزقنا اجتنابه وخالص عزائي وأسفي لكل المصريين المسيحيين والمسلمين

أنا مصدوم متنكد قرفان من اللي بيحصل ده أدعو إلى محاربة كل من يؤجج الفتنة في مصر أدعو إلى طرد كل من يؤجج الفتنة هنا في محارات المصريين ولتكن بدايتنا من هنا لنعزل و نطرد كل من يؤجج الفتنة الطائفية

كل سنة وانتي طيبة يا تيتة شهههههههههد وهديتي ليكي في عيد ميلادك .. أكيد معروفة :closedeyes:

ايها الارهابى الغبى أشكرك بحق أشكرك فما فعلته كان كصاعقه اصابتنا جميعا فأفاقتنا الى الحقيقه التى تناسينهها وهى نحن مصريين نعم مصريين لا نعرف ذلك الا حين يصيبنا مصاب أكبر من أحاديثنا الجانبيه واعتراضاتنا على بعضنا البعض أجل لقد أفقتنا على حقيقه لن تستطيع أنت ومن هو على شاكلتك أن يغيرها لونزفنا كل دمائنا فلدينا مزيد نعطيه لى فجرتنا أشلاء فسوف تمتزج أشلائنا ولن تستطيع أن تفرقها شكرا لك فلقد صنعت بخستك ما لم نستطيع ان يفعله عقلائنا شكرا لك فلقد جمعتنا دون أن تدرى لأول مره دىن البحث عن اسباب تجمعنا شكرا لك فلقد أيقظت بداخلنا نخوه وانتماءا ظن الكثيرين أنه مات شكرا لك فلقد جعلتنا نفتح أعيننا على حقيقتنا التى نسناها نحن مصريين ولن يستطيع أحد أن يسلبنا هذا أيها الغبى يا من قتلت نفسك بفكر ضال أسكنك نارا بغباءك أبشرك لقد كان لموتك ثمنا لو علمته ما قتلت نفسك لقد وحدتنا بموتك وطهرنا دماء قتلانا من خطيئه الفرقه والتعالى فاذهب غير مأسوفا عليك وشكرا لما فعلت فقد جمعتنا من بعد فرقه فهكذا نحن على مر التاريخ قد نعترض على بعضنا البعض ولكن حين نشعر ان هناك من يريد خرابنا نتحد وننسى ما بيننا ونفتك بمن يظن انه قادر على ان يسلبنا حقنا فى أن نكون مصريين ىكلمه أخيره الى أشقائ فالوطن عزائى القلبى فى أب واح وأم وابنه وأخت وجار دفع روحه فنال شهاده ووحد أمه دمائكم التى لطخت مسجد وكنيسه لن تذهب هباءا ى أخى كامل خالص عزاءى الشخصى فى من مات وصلواتى ان نتمسك بما أحياه مىتهم هويتنا

ايوه فعلا يا استاذ ريمون العمل موجه لشخصنا لانه انتم شخصنا واهلنا واهل وطننا. .. واعتبرناه من اعداء برة البلد لان مافيش مصري حقيقي يقتل ولاد بلده مش بس كده لا بغدر وخسة وخيانة احنا مابقيناش اخوات النهارده عشان الحادثة لمتنا احنا طول عمرنا كده جيراننا واصحابنا وزملاء دراستنا وشغلنا .. طول عمرنا بنفرح سوا والنهارده بنحزن من كل قلبنا سوا الحزن مالينا لاننا مابنفكرش انه اللى مات مسيحي وبس لأ لأنه ابن بلدنا ايوه فيه خلافات وفيه تطرف واحتقانات من الجانبين حتى لو كانت من سنة 2000 لكنها جديدة علينا ومش من نسيج الوطن ممكن نختلف مع بعض او يتجاوز بعضنا ويتخانق او يتطرف القلة اكتر ويكرهوا بعض لكن مش لدرجة القتل :( الل حصل مش تطرف ده ارهاب وقاصد كل الناس املنا انه يمكن حتى اللى كان بيتخانق يفوق ويقول لأ لأ احنا مش كده لو الخلاف هيخللى البعض يطمع ويفتكر اننا هننقسم يبقا لاازم نتلم ايد واحدة كلنا ضد اللى حصل تأكد اننا كلنا بنعزيكم واحنا الاساس واحنا الاغلبية مهما كان صوت الاقلية الفاسدة عالي لكنه باذن الله ضايع وعمره مايعلى فوق الحق وتاكد برضه زى ماحنا متاكدين انهم عمرهم مايكونوا مصريين او حتى ناس مدفوعة باحتقان او غيره دول ناس مأجورة خاينة غادرة ماتعرفش ربنا حسبي الله ونعم الوكيل

حزينة وغاضبة الى اقصى حد ان يتجرا خسيس حقير على ان يغتال ويهاجم اهل بلدي طعنة غدر لا تكون الا من جبان لا يجرؤ على حرب الرجال وجها لوجه حزينة جداااااا من كل قلبي لهذه الدماء الغالية التى سالت وغاااااضبة لن يهدا غضبي حتى ننال من الانذال الجبناء وكل من يريد ببلدي واهلى سوء خالص تعازينا لاهلنا فى مصر وخالص دعائناللمصابين بالشفاء اللهم احفظ بلادنا من كل غدار أثيم وانا لله وانا اليه راجعون ااامين يارب العالمين ماما قلب ابيض تسلم ايدك

لا أقدم عزاء و لا أقبله قبل الكشف عن الجناة المجرمين لاحول و لا قوة إلا بالله اللهم رد كيدهم في نحورهم واشغلهم بأنفسهم اللهم عليك بكل مجرم آثم يقتل النفس بغير الحق اللهم عليك بهم اللهم عليك بهم اللهم عليك بهم فإنهم لا يعجزونك و أفوض أمري إلى الله حسبي الله و نعم الوكيل

"وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ‏" كل التعازى لنا جميعا ..لا استطيع ان اوجهها للمسيحين فقط المصاب مصابنا جميعا مصاب فى صميم مصريتنا مسلم ومسيحى وكلنا نعلم ان المراد هو تفتيت الكيان المصرى ..تاره من ناحيه السياحه وتاره من ناحيه الوحده الوطنيه وغيرها الكثير نسأل الله الثبات والتماسك اكثر واكثر لرد كل عدوان على اى مصرى اينكانت عقيدته او ديانته صدقونى مضى على اكثر من ساعه وانا فاتحه التوبيك ده ومش عارفه اكتب ولا انطق ولا كلمه عجزت وعجز لسانى عن التعبير عن الحزن اللى مالى قلبى ومن ساعات بسيطه كان كلى امل وتفاؤل بسنه جديده سعيده ....للاسف اول ساعات السنه الجديده حزن كبيييير ملء قلوبنا جميعا نتوجهه لله مصليين كل بطريقته ان يرفع مقته وغضبه عنا ..وان يجعل كيدهم فى نحرهم ان شاء الله ربى لا اسألك رد القضاء ولكنى اسالك اللطف فيه كل حزنى واسفى لكل اخوانى مسلمين ومسيحين

السلام عليكم و رحمة الله و بركاته لسه كنت بتفجر مع ماما لي التلفزيون و من الصبح و احنا مش عارفين هو فيه ايه ماما تبص ع التلفزيون و تقولي....مش هي دي مصر مصر اللي اعرفها....فيها ام امير و فيها طنط سميحة الله يقدس روحها و فيها صاحبتي ايريني و صديقي اانتيم بيتر فيها ناس كتير بنحبهم....ناس عمرنا ما فتشنا في الملامح ده مين و عمرناما حسينا ان فيه اختلاف غير ان كل واحد فينا بيشوف ربنا و بيحبه بطريقته موجوعين....جدا....جدا و العزاء واجب....مش للي ماتوا من المصريين...مهما كانت ديانتهم و لا دينهم العزاء واجب....لمصر كلها اللي جواها و اللي براها....لان احنا مش كده احنا مش كده... ربنا ينتقم من اللي بياخد الناس الامنين غدر ربنا ياخده اخذ عزيز مقتدر.... ربنا يتولانا برحمته ربنا يطيب جراحنا.....و يصبر اهالينا ربنا مبيرضاش بالظلم و ده ظلم لينا اوي هو المنتقم الجبار لا حول و لا قوة ال بالله العلي العظيم و حسبنا الله و نعم الوكيل

صـفـوة الصـفـــوة كيف حدث إن اجتمعت الخلايا في جنين النبات لتؤلف وردة ؟ وكيف نشأت في الوردة أعضاء تأنيث وأعضاء تذكير ثم جاء النحل بغريزة لا يدركها لينقل حبوب اللقاح من أعضاء التذكير إلي أعضاء التأنيث فتنشأ بذلك بويضة ملقحة تتحول بعد ذلك إلي بذرة.. ثم تهب الرياح فتذرو البذور في الهواء لتقع علي أرض سبخة.. ثم تأتي موجة باردة فيتلبد الجو بالغيوم وتسقط الغيوم مطرا.. وتتسلل قطيرات الماء في الشقوق حتي تدرك الجذور فتسعي في قنواتها الشعرية حتي تدرك السيقان والفروع وتتسلق حتي تبلغ الوردة لتسقيها من جديد وتسقي الأجنة في باطنها وتضربها الشمس فتتفتح حمراء متوهجة ليتساقط عليها النحل من جديد مجذوبا بألوانها لتستمر معزوفة التلقيح والإنجاب وتخرج الثمار والبذور ويأتي موعد القطاف وتمتد الأيدي لتجمع وتقطف وتصل التفاحة إلي مائدتك فتأكل وتشبع وتنسي هذه السلسلة من جنود الغيب التي كانت تعمل في خدمتك منذ مطلع الشمس وأنت لا تدري.. وهي أيضا نفسها لا تدري؟. إنما هو الله من وراء الكل يأمر العناصر ويدبر كل شيء. من زرع لك السهول وسفوح الجبال؟ ومن زرع لك الغابات التي خرجت كالنبت الشيطاني حول خط الاستواء وفيها جوز الهند والأناناس وكل ماتشتهي نفسك؟ ومن جمد الماء في القطبين ليسيل بعد ذلك في الربيع والصيف ليملأ منابع الأنهار لتكون هناك خضرة وبقول وفواكه ومائدة عامرة من كل صنف.. ؟!! ومن ساق إليك الحيتان والأسماك تسعي إلي شاطئك لتصطاد وتأكل هذه الوجبات المتنوعة الغنية بالعناصر والفيتامينات؟! هل رأيت كيف اصطفت حبات الرمان وعناقيد الأعناب في قطوفها مثل أقراط المرجان العقيق.. ؟! من الواضح أنه كان هناك ترتيب مسبق لكل هذا.. وأنه كان هناك إعداد لهذه المأدبة الكريمة البازخة.. وعلماء الجيولوجيا.. يقولون إن الأرض كانت في بدايتها غير الأرض.. والجو غير الجو.. وأن الحديد جاء إلي الأرض من جسيمات مقذوفة من نجوم متفجرة في أقصي المجرة في الفضاء البعيد وأنزلنا الحديد فيه بأس شديد ومنافع للناس (25 ـ الحديد).. لقد جاءنا الحديد من السماء بتعدين وتجهيز سماوي عجيب وماكان لهذا البأس أن يتم وما كان لتلك الصلابة أن تنشأ لولا تلك الجسيمات وفعلها التكويني في ذرة الحديد لينشأ الحديد المتماسك الذي نعرفه في بأسه وقوته وصلابته.. ولتقوم ترسانات وصناعات للسلاح بلا عدد والأرض التي انصدعت إلي مسطحات وصفائح وقارات ومحيطات.. والسموات التي امتدت إلي فضاءات بلا حدود والسماء بنيناها بأيد وإنا لموسعون (47 ـ الذاريات) إشارة إلي الاتساع المستمر بقوي خفية. والمجرات بالفعل تتباعد منذ نشأتها.. والتجمعات النجمية في سبح مستمر وتفرق محسوب والفضاء يزداد إتساعا.. كأنه بالونة تتسع وتتسع وتوشك ان تنفجر.. إنها معزوفة تكوينية هائلة.. يقودها مايسترو عظيم ليس كمثله شيء.. خالق مبدع لا حدود لقدراته.. هو رب هذا الكون وصانعه. وهذا عالمه المذهل.. العجيب فماذا عن عالمنا؟ وماذا عن نشأتنا؟ لقد خلق الله أبانا آدم وأمنا حواء في عالم أمثل ثم أهبطنا الله منه بسبب المعصية وغواية الشيطان وعصا آدم ربه فغوي (121 ـ طه) قال اهبطا منها جميعا بعضكم لبعض عدو (123 ـ طه) فكان هبوطنا من العالم الأمثل إلي عالم الكدح والابتلاء والصراع والعدوات والحروب.. وكان نزولنا إلي أرض الامتحان والمعاناة والحكمة النهائية في هذه المعاناة كانت هي الاختبار والامتحان والفرز والتصنيف حيث تأتي المراتب في النهاية حسب الاستحقاقات.. ونحن نجرب في دنيانا مراحل مشابهة من الفرز والتصنيف في مراحل تعليمنا من الابتدائي إلي الثانوي إلي الجامعة الي الدراسات العليا.. إلي أعلي الدرجات. حيث يكون في إمكانك أن تخترع وتبتكر، ويكون لك حقوق وملكية فكرية تبيعها لمن تشاء بالسعر الذي تشاء وتصبح من حملة جوائز النوبل ومن أصحاب الملايين والخلاصة المفيدة أن هذا الكون الذي نعيش فيه له معني.. وأن الدنيا نموذج افتراضي لآخره سوف تأتي فيما بعد لتكون مثالية في نعيمها مثالية في عقابها.. لمن ينجح في هذا الامتحان.. ولمن يرسب فيه أيضا. لا ظلم اليوم هكذا تكون ترنيمة السماوات بما فيها من مخلوقات ساعة النهاية.. لأن التدبير عظيم والعدل مطلق والبناء غاية في الإحكام.. لا ظلم اليوم.. روعة في كل شيء ولكنك تري كل هذا من البداية في ورقة الشجر.. وفي جناح الفراش.. وفي نسج العنكبوت.. وفي الذرة.. وفي المجرة.. وفي صدح البلابل.. وفي تغريد العصافير.. وفي سعي الحية إلي جحرها.. وفي طنين النحلة حول عشها وتري هذا في الخلية الحية.. وفي معجزة الجينات.. وفي جزيء البروتين.. وفي بصمة الإصبع وتسمع بأذنيك صدي لهذا التكوين المذهل في سيمفونية لبيتهوفن، وفي صدح كروان في منتصف الليل.. وفي صوت فيروز حينما يجلجل في أوبراتها الرحبانية.. وفي صوت سيد درويش حينما يصيح بصوته الشامخ.. أنا المصري.. كريم العنصرين.. فينتفض التاريخ كله مع انتفاضة صوته.. وكأنما وقف الزمن كله ليستمع.. وتعلم ساعتها يقينا.. لماذا ذكر الله مصر بالاسم في القرآن الكريم في سبعة مواقع.. ولم يذكر روسيا ولا أمريكا ولا إنجلترا ولا فرنسا.. لأنها مصر مهد العبادات كلها.. وأم التاريخ لقد ذكر ربنا البنان في القرآن الكريم وأنه سوف يعيد صورة البصمة إلي أصلها يوم البعث كما كانت في الدنيا عند صاحبها بلي قادرين علي أن نسوي بنانه ونعلم الآن.. ماهي البصمة.. وماوجه الإعجاز فيها.. وكيف لا تتشابه بصمتان من أول الخلق إلي يوم القيامة.. هي لفتة عابرة.. ولكنها تصيب العقل بالقشعريرة إن المتكلم عظيم وعليم علما موسوعيا شاملا.. ويتكلم من عتبة صدق مطلق ولانملك إلا الإصغاء والخشوع.. إلي قرآنه ونشكر ربنا علي أننا ولدنا عربا نعرف لغتنا العربية بالسليقة وندركها تذوقا.. وتلك نعمة لا يدركها الأجنبي لجهله بلغة القرآن وبعده عن أسراره ولا أحب أن أبتعد عن المعني الرئيسي ولا عن جوهر السياق الذي اخترته من أول المقال.. أن هناك تدبيرا حكيما مقصودا في كل شيء.. وأنه لا مكان لصدفة.. ولا موقع لعشوائية.. وإن جاءت العشوائية فإنه يكون لها دور في البناء العام.. ويكون لها ضرورة في سياق الأحداث.. ولا تكون ساعتها عشوائية بل تكون تدبيرا مقصودا كل ماحدث كان مخططا ومرادا ومقصودا من البداية.. وكانت هناك إرادة وراء كل ماجري وكان هناك خالق وموجد ومبدع وماحدث كان لابد أن يحدث لا يوجد في وجهك عضو زائد والتشويه إذا حدث يظهر له جراح تجميل لعلاجه وكل عشب صيدلية متكاملة والنملة ديوان شعر في دقة تكوينها وتعدد مواهبها وفي بيت النمل نظام وحكم ودستور ولغة قالت نملة ياأيها النمل ادخلوا مساكنكم لا يحطمنكم سليمان وجنوده لقد عرفت النملة سليمان بالاسم.. كيف.. ؟! هل يمكن أن تعرفك النملة باسمك وهي تتسلق علي الحائط وتدرك أنك مريض ومزاجك منحرف وتبلغ أهلها بحكايتك.. هل تشهد عليك في الآخرة وتحكي عن جريمتك.. ؟ إن ماتقوله النملة في القرآن الكريم يدل علي أنها عالم بأسره برغم صغر حجمها وهوان شأنها.. ويدل علي أن علمنا عنها أقل من القليل ومايقال عن النملة يقال عن أي حشرة.. كما يقال عن الميكروب والفيروس.. والذرة.. فالعالم كله حي وناطق بطريقته.. واللغز.. هو كيف ندرك طريقته؟.. والعلم بهذه الأسرار.. هو العلم الحق.. وهو العلم الكاشف للغيوب.. وهو العلم الذي يختص به الله ملائكته ورسله والخلاصة أننا أجهل بكثير مما نتصور.. وأننا عمي وصم وبكم برغم مانتصور من طلاقة ألسنتنا وعلمنا باللغات ودراستنا للفيزيا والكيميا والكمبيوتر والبرمجيات.. فما نعلمه قطرة من بحر.. ومانراه مجرد بروفيل ناقص ومانسمعه همس.. ومانبصره أشباح.. ومانتصوره أطر وهياكل وعناوين بينما الماهيات والحقائق ألغاز والحروف أسرار والعلم الحقيقي علم قلوب لا يبلغه إلا أفراد ملهمون وهو علم لا يكون إلا بإذن رب القلوب وهو لا يكون إلا لصفوة الصفوة المختارة وباب هذا العلم هو السجود الكامل ليس سجود الجسد وحده وإنما سجود القلب وسجود الحواس وسجود العقل وسجود الوعي وإسلام المدارك جميعها لله. ولاحظ لنا في هذه الدرجة من التجرد ولا أحسبها تأتي اجتهادا وإنما تأتي عطاء وإفاضة من الله لأنبيائه المختارين.. والعلم درجات وأضعف العلم هو ماتأخذه من كتاب وماتتلقاه من معلم وأعظم العلماء هم المختارون من ربهم وهم الرسل ومن في درجتهم وأول مرحلة لنوال هذا العلم هي الأدب.. والحياء.. وعدم رؤية النفس في أي شيء.. ورؤية الله في كل شيء هل أنت من هذه الصفوة.. وهل يمكن أن تكون لك خصوصية.. وهل يمكن أن تؤتي حظا من الإلهام اقرأ المقال من أوله وأعد النظر إلي الحياة حولك وحاول أن تفهم كيف اجتمعت مفرداتها لتؤلف هذه السيمفونية الرائعة. وتأملها ساجدا معجبا مفتونا.. فذلك هو بداية العلم أما نهاية العلم فهو مايقع في قلبك من خشية وفي أفعالك من مراقبة وفي ضميرك من يقظة وفي سلوكك من تقوي.. كما قال موسي وقد أسرع صاعدا الجبل تلبية لنداء ربه.. واليهود يهرولون علي أثره.. هم أولاء علي أثري وعجلت إليك رب لترضي (84 ـ طه) وكما يفعل السفهاء العكس بالمسارعة الي إرضاء نزواتهم والله أحق بأن يرضوه.. يكون حال المؤمنين الأطهار الأبرار علي الضد.. لا يشغلهم إلا رضا ربهم وحده. سل نفسك من الذي تحاول أن ترضيه في حياتك.. هذا هو السؤال المهم إن الدين أخلاق أولا وأخيرا وهو سلوك.. وآداب.. ورقي ومن أجل هذا خلقت الدنيا ومغرياتها ليعرف في النهاية إلي أين تتوجه الهمة وبماذا تتعلق الرغبة وماالصعود إلي عرفات والطواف حول الكعبة والرجم والتلبية.. والهرولة بين الصفا والمروة.. إلا رموز لهذا السعي الدءوب.. وماالوضوء والصلاة إلا تطهر واحتشاد لهذه اللحظة والسجود ذاته رمز لخشوع الباطن فهل أنت خاشع؟! هل أنت ساجد حقا ؟! فلماذا تسرق وترتشي وتكذب وتغش وتتلون كالحرباء مع الأهوء والمصالح؟ أنت إذن كذاب.. ومصيرك في النهاية.. الإبعاد.. والسقوط.. والهاوية.. الدين ليس شقشقة لسان وانما هو معراج عقل وروح ووجدان وهو تصعيد لكل المواهب الخارقة في الحشوة الإنسانية إلي ذري رفيعة والدين ليس أطماعا سياسية وليس وسيلة الي القفز علي الكراسي وصناعة الانقلابات.. وما يحدث من هذا القبيل هو مكر دنيوي وأقرأ المقال مرة أخري من أوله إذا أردت أن تكون من الصفوة.. والأمر يستحق العناء.. والطريق طويل

عذراً شيكـــو لكني كما قلت من قبل لم اقاوم هذا الموضوع عن ماذا اعتذر بالضبط ؟؟ ما تيجي نشوف ؟؟ http://www.youtube.com/watch?v=jHAarJUSe-M :P

الجهة التى تريد ان تنال من وحدة نسيج مصر بشقيها المسيحى و المسلم لا يمكن ابدا ان تكون جهة مصرية فهى بالتاكيد جهة اجنبية تريد تخريب مصر من الداخل ولكن و للة الحمد ستظل مصر دائما وابدا حالة مستعصية لكل من يريد استخدام الدين لتفتيت مصر فلا يوجد مصرى سواء كان مسيحى او مسلم يوافق على ان تصبح مصر مثل العراق و باكستان و افغانستان

الفاضل / jonathan أعتقد انك ملاحظ أنى اتكلم عن مكان أعرفه جيدا ، المسجد صليت به كثيرا والكنيسة يصلى بها أصدقائى المسيحيين وأنا منذ علمى بالخبر وانا على إتصال مع الأسرة والأصدقاء كى اطمئن على الجميع ولو كنت عايز تواسى يبقى تواسينى لان دى جيرتى وهم اقرب الى منك.

المفروض حضرته بدل مايطالنا الوقوف فى مواجهة الارهاب الاولى بيه يشيل وزير الداخلية اللى خلاص بقى منتهى الاهمال فى كل شئ وابسط شئ هو تأمين كنيسة يوم رأس السنة الميلادية الموضوع منظم مش حادث فردى ابدا وياريت مايطلعش فى الآخر اللى عملها مجنون او مختل عقليا وهربان من مستشفى المجانين موقع اخبار مصر

"الإخوان": حادث كنيسة القديسين بالإسكندرية إجرامى وآثم استنكرت جماعة الإخوان بمحافظة الإسكندرية الحادث الأليم الذى وقع أمام كنيسة القديسين بالإسكندرية اليوم، السبت، وما تم من تفجيرات أودت بحياة أعداد من المسيحيين والمسلمين من أبناء الوطن وإصابة العشرات، ووصفتها الجماعة بـ"الآثمة". ووصفت الجماعة فى بيانٍ لها اليوم، الحادث بـ"الإجرامى"، مؤكدة أن ما تمَّ من أعمال عنف ضد مسيحيى مصر هو حادث يرفضه كل أبناء الشعب، وقدَّمت الجماعة خالص التعازى لأسر مسيحيى ومسلمى مصر، مؤكدة أن الإخوان يرفضون كل أشكال العنف وتهديد وترويع الآمنين من المسيحيين والمسلمين. ودعت الجماعة أبناء الوطن إلى توحيد الجهود، من أجل النهوض بمصر، والتصدى للهجمة الغريبة الإجرامية.

خالص التعازي لاسر المنكوبين في هذه الجريمة الشنعاء .. هذه الجريمة التي قام بها اياً كان اشخاص من كارهي الحياة .. في راس السنة حفظ الله مصر الحبيبة من كل مكروه وحفظ اهلها من كل سوء قلوبنا نحن السعوديين معكم في مصابكم الاليم ... لا اراكم الله مكروها وانا لله وانا اليه راجعون

إيه الكلام ده ؟؟؟ خير يعني ؟؟؟ وصلنا للدرجة دي !! كلام كتير عايز اقوله بس للأسف لا يليق بهذا المكان الذي أحترمه جداً لكن أقل ما أستطيع فعله أنني من هذه اللحظة لن ألتفت إلى مشاركات كل من الأخ هيرو والأخت مودة ورحمة وقد التقيت بالكثير ممن يتكلمون عن مصر بصورة سيئة وخاصة وسط جنسيات مختلفة تتمتع هذه الجنسيات بسماع هذه العبارات عن مصر حتى باتت مصر لديهم بلد "مقرفة" برغم عدم زيارتهم لها ولو لمرة واحدة، فقد وصلتهم الصورة على ألسنة جاهلة وغير واعية ،، حتى أنك قد تتحدث مع بعضهم ويوحي لك بأن مصر كلهاعبارة عن كباريهات ودعارة أو أنك لن تقابل فيها إلا حرامي أو نصاب ،، يا جماعة والله حرام عليكم كده ظلم وإفتراء لا داعي له ،، فبالرغم من وجود كباريهات وملاهي ليلية يوجد أيضاً المساجد والمشايخ والدروس الدينية وبرغم انتشار السرقة والنصب والاحتيال إلا أنك تجد أيضاً العديد من أولاد البلد بطيبتهم ومجدعتهم وحبهم لعمل الخير بدون مقابل ،، نحن لسنا البلد الوحيدة التي بها فساد ونهب وما إلى ذلك مما يتردد على ألسنة الكثيرين فهناك السوريين أكثر بلاءاً مننا واللبنانيين أيضاً والأردنيين والفلسطينيين وغيرهم وغيرهم والكثير والكثير ، لكنك لا توجد سوريا أو لبنانيا أو أردنيا أو فلسطينيا يتكلم عن بلدهم بصورة سيئة حتى وصلت لنا صورة عن بلدانهم بأنها بلاد لا مثيل لها بالرغم من انتشار المساوئ والفساد فيها أكثر من مصر بمراحل عديدة ،، فكل مصري خارج بلده يمثل مصر ،، أتمنى وأرجو أن يكون كل مصر خارج بلده نموذج مٌشِرِف لمصر والمصريين تحياتي

صور المسجد

لسه صاحي وعارف الخبر دلوقت إن لله وإنا إليه راجعون ... طبعاً الناس إتريقت على تهديدات القاعدة الأخيرة وأخدتها بأستخفاف ... شيء أخر ... مع كامل إحترامنا لمشاعر الأخوة المسيحين في عيدهم ... لكن كل ذو عقل لابد ان يفهم إن هذا ليس بعمل إنسان مصري أياً كانت ديانته ... فعندما كانت هناك جماعات متشددة تقوم بمثل هذه الأعمال وتستهدف مسلمين ومسيحيين .. كنا نعرف الجهة والهدف .. أما الان وقد أستقرت الأمور منذ سنوات عديدة إلا من أعمال صبيانية تافهه ... فما الحجة الأن ومن الجهة التي تقف وراء ذلك ؟ لن نتهم نظرية المؤامرة ونقول إسرائيل ... ولما لا تكون هي ؟ ولما لا تكون جهة تستهدف تقسيم مصر مثلما أستهدفت تقسيم السودان ؟ مرة أخرى تعازينا الخالصة لجيراننا وأخواننا المسحيين ... فالمصاب مُصابنا والألم ألمنا أيضاً ولن يهدأ بالي إلا بإقالة وزير داخلية العسس اللي فالح بس في تعذيب الناس هو وزبانيته .... كفاية قوي بقى ييجي 20 سنة ...

لو كان ( الانفراس ) يولد كل هذا الابداع .. فحتماً وراء كل عظيم ومبدع ... انفراسة في مكان ما عذرا للتدخل لكن لم استطع حقاً ان اقاوم ابداء الاعجاب بالرؤية واللفتة الانيقة لكل انفراسة على حدة في شوق لان يصل عدد صفحات هذا الموضوع لسبعين صفحة

واقعيا ..بالنسبه لينا كمصريين.. فإن السعى وراء جنسيه اخرى غير المصريه.. بيكون فى اغلب الاحيان لاسباب برجماتيه بحته ..والباسبور الاجنبى فى نظرى مجرد ((وثيقه )) بتسهل ليا امورى فى البلد اللى هاجرت ليها سواء بشكل مؤقت او بشكل دائم.. ولو حال بلادنا كويس مكنش حد سعى حتى لمجرد هجر البلد.. وأكاد اجزم ان ده مش بس تفكيرى .. لكن تفكير الاغلبيه العظمى ممن حصلوا او يتمنوا الحصول على جنسيه اخرى .. ومنهم الاخت الكريمه صاحبة الموضوع .. ولو انى بعتب عليها من الجمله اللى قالتها.. لانها كانت تفتقد ((عذرا)) اللياقه.. حتى لو كتبتها فى لحظة ضيق ..

وجدت هذا المقال الرائع بالصدفه على الأنترنت و الموضوع جميل جداً وشكرا لصاحبه انه فكرنا بذكريات جميلة وبعد إذن صاحب الموضوع اليكم البيان التالى : الجـزء الأول أنا أنتمي لجيل شهد في بداياته نهاية زعيم كبير مثل عبد الناصر.. كنت في الخامسة لا اتذكر إلا خيالات لهذا اليوم ولكني أتذكر حرب أكتوبر والأجازة من المدرسة والزجاج وعليه الجلاد الأزرق وصوت الغارات التي تدق في اوقات مختلفة من النهار وشباب الدفاع المدني، لم اكن أعي ماذا تعني إسرائيل ولكني وعيت حلاوة الإنتصار في الوجوه ******* أنا أنتمي لجيل شهد صباحا مانشيت أسود من ثلاث كلمات.. وقتها كانت المانشيتات بالأحمر وبالرقعة.. في جريدة الاخبار كانت الكلمات هي: وماتت أم كلثوم أنا من جيل شهد أنور السادات يفتتح قناة السويس بزي البحرية الأبيض وزهوة النصر والكرامة على وجهه وبجواره شاه إيران ويتجول بقارب بحري وسط أصوات نفير السفن في نفس تاريخ النكسة ولكن عام خمسة وسبعين أنا من جيل شاهد على الهواء لحظات نزول أنور السادات مطار اللد بتل أبيب ليلا وسط جو مشوش ومشحون ومتناقض بين موافق ومعترض على مايقدم عليه أنا من جيل شاهد حادث المنصة ولاندري ماذا حدث وبعدها بساعة كان الخبر من راديو مونت كارلو بأن مصادر شبه مؤكدة بأن الرئيس السادات وافته المنية.. هكذا كان الخبر ******* أنا من جيل كانت إذاعته المفضلة والوحيدة راديو مونت كارلو تذيع أغاني عربية وغربية.. هكذا كنا نطلق عليها أغاني غربية وليست أجنبية، وأصوات مذيعيين مثل حكمت وهبي وجورج قرداحي وفريدة الزمر وسناء منصور وسلمى الشماع كان وقتها اسمها سلمى فقط أنا من جيل كان ساعة العصاري يقف في الشباك بالفانلة الداخلية الخامسة عصرا مع كوب الشاي ليكتشف ماذا سوف تغني أم كلثوم الساعة الخامسة في إذاعة ام كلثوم وماذا نتوقع ان تكون أغنية الساعة التاسعة حيث كانت الإذاعة بدون مذيعيين ******* أنا من جيل كان يتابع مايطلبه المستمعون بإذاعة الشرق الأوسط كل يوم الساعة الثانية والنصف ظهرا ولكل يوم محدد من أيام الأسبوع نجم أو إثنين من عمالقة الغناء، وفي الثالثة والنصف وخمس دقائق بعد للنساء فقط كان برنامج الشارع الغربي لأحمد فوزي قبل أن يصبح ديسكو تمانية لمحمد شبل وفي الرابعة والربع كانت قصص الاطفال لعمو حسن وبدايته الشهيرة: أصدقائي الصغار مساء الخير أنا من جيل شاهد التليفزيون الأبيض والأسود مع برامج النادي الدولي لسمير صبري والسينما والحرب لأحمد سمير وأوتوجراف لطارق حبيب قبل التحول للتليفزيون الملون والتحول كان تدريجيا فلم تكن كل البرامج تذاع بالألوان وعرض البرامج بصحيفة الاخبار كان يعرض دائرة حمراء على البرامج التي سوف تذاع بالألوان أنا من جيل شاهد برامج شهيرة لسنوات طويلة مثل جولة الكاميرا لهند ابو السعود نورعلى نور لأحمد فراج وحياتي لفايزة واصف واخترنا لك لفريال صالح اسبوع ونجوى ابراهيم أسبوع آخر وكان فيه أغنية كوكوواوا الشهيرة وطيري طيري ياعصفورة وأغاني ديميس روسوس وهو لسه تخين، وكانت حلقة نجوى ابراهيم أجمل دائماً، والموسيقى العربية للدكتورة رتيبة الحفني وطقطقوة لعبده الحامولي، وعالم الحيوان لأحمد سعيد قبل محمود سلطان وحلقات فرديناد قبل صلاة الجمعة في سينما الأطفال ومغامرات وليد وراندا في الفضاء وبوبي الحبوب، ومحو الأمية وعبد البديع قمحاوي وعزيزي الدراس عزيزتي الدارسة، والبرامج التعليمية من خمسة عصراً لستة، وبرنامج عصافير الجنة وصباح الخير مع بقلظ وقبلها كان يقدم عصراً بإسم مساء الخير، ومطرب الأطفال طلعت عطية كان مكرر علينا، والمصارعة الحرة لفريد حسن، وبرنامج أيام وليالي عصر يوم الجمعة، والعالم يغني لحمدية حمدي وكانت تقدم أغاني تينا تشارلز والباكراه والفيلديج بيبول والسوبرتارمب والمغنية التركية أمل سايين والإستعراضية الإيطالية رافييلا كارا، قبل أعوام من برنامج سلوكيات لملك إسماعيل وخمسة سياحة لجانيت فرج ،ومذيعات للنشرة مثل زينب الحكيم وهمت مصطفى ومذيعين مثل محمود سلطان وأحمد سمير وشفيع شلبي وعبد الرحمن علي ******* أنا من جيل شاهد بشغف جميع حلقات رجل بستة مليون دولار لـ لي ماجور الشهير بإستيف اوستن وحلقات المرأة الخارقة أو بيونيك وومن لليندا ساي واجنر وبعدها حلقات الرجل الأخضر قبل حلقات نايت رايدر وبعدها باعمار حلقات ماكجيفر أنا من جيل كان ينتظر حلقة التاسعة والربع الأجنبية على القناة الثانية مثل مسلسل الجذور وبطله كونتا كينتي، أو مسلسل دالاس ونجمه الشرير جي آر، قبل حلقات نوتس لاندينج والمسلسل الإنجليزي الكلاسيكي ناس فوق وناس تحت أو أب ستيرز داون ستيرز هذا كان قبل سنوات من المسلسل الياباني أوشين وحلقات ذي بولد أند ذا بيوتيفول ******* أنا من جيل كان يتابع بشغف حلقات كولومبو بطولة بيتر فولك وحلقات كوجاك بطولة النجم الأصلع تيلي سافالس وحلقات ميستري موفي التشويقية في الثالثة والربع على القناة الثانية، وإعلانات سيجال خمس حروف يتاقلوا بمال وإنجرام ونجوم الكرة الاربعة، وزجمار للموتسيكلات وعنده هوندا وعنده جاوا، وريري إجري بسرعة ياواد ياحسين وشهادات الإستثمار فوايدها علينا كتار، وإعلان وبعد عشرين سنة تيجي الحاجات تغلى إمم يبقى عملنا إيه، وسلام عشان خضر العطار، وصلاح الدين حبيب الملايين أعتقد انه كان بيبيع تيلفزيونات، والإعلانات الثابتة لأوكازيونات شركة بيع المصنوعات المصرية وعمر افندي، وبيع بالمزاد العلني الخبير المثمن والمصفي القضائي حلمي خزام وناجي خزام، قبل إعلانات سر شويبس ومحمود إيه ده يامحمود وتخلّص من حمامك القديم ولاكتويل أي لايك إت ،وبدل الإسماعيلية خليك شيك، وباك بتاعي باك بتاعك، ومام إتس مام، وجرافينا، وإبحث عن وردة تيودور، وأولد سبايس وعلامة الرجولة والسيمفونية الشهيرة مع راكب الامواج، وعطر باكوس للرجال، ومعجون المعاجين أرتيف بالفلورين معجون الأسنان بتحبه الملايين، وأمواس ناسيت ومعجون جيبس سار وإعلانات مارلبورو تعال إلى حيث النكهة ماكنتش إعلانات السجاير ممنوعة في التليفزيون وقتها ******* أنا من جيل كان يقرأ ألغاز الغامرين الخمسة محب ولوزة بضفيرتها الشهيرة ونوسة وعاطف وتختخ ومعهم الشاويش فرقع والمفتش سامى وكوب الليمون المثلج في فيلا المعادي وحكايات الكوخ المحترق والرجل القرد وغيرها أنا من جيل كان يواظب على قراءة ميكي وميكي جيب ومعهم عصابة القناع الأسود ومدينة البط وعم دهب وزيزي وتوتو وسوسو ولولو وأبوطويلة شبيه بندق وعبقرينو ومجلة سمير ومن الجاني مع أشرف الشريف وعصام وزيكو وجدو وسمورة، ولم يكن يحب تان تان كثيرا ولم يعجب بالشياطين التلاتاشر مثل المغامرين الخمسة ******* أنا من جيل شهد الطوابير على دور السينما لاول مرة في أفلام كينج كونج ثم الفك المفترس وبعدها حمى ليلة السبت وبداية إنتشار ظاهرة جون ترافولتا على أنغام البي جيز قبل طوابير فيلم الزلزال بعدها بسنوات، ومن جيل تابع أفلام الرجل التخين والرجل الرفيع لتيرانس هيل وبُد سبنسر وأفلام الفرنسيان ألان ديلون وجان بول بولموندو وأفلام بروسلي ووكر الأفعي والرأس الكبير وبداية الافلام الهندية مع رام بال رام والتوأمان وظهور أميتاب باتشان وشاشي كابور وقبلهم الفيل صديقي وعشرين الف فرسخ تحت الماء لكيرك دوجلاس أنا من جيل كان يستمع للبي جيز والبوني إم والأبا وتينا تشارلز وظهور مايسمى بموسيقى الديسكو تبعها ظهور الديسكوتيك قبل ان يظهر مايكل جاكسون وجورج مايكل وأغاني الثمانينات وفرق أها، ووام، وبيت شوب بويز وديوران ديوران، ومغنين مثل بروس سبرينجستين وستيفي ووندر وليونيل ريتشي وبوي جورج وبرينس ومغنيات مثل مادونا ووويتني هيوستون وسيندي لوبر ******* أنا من جيل شهد بدايات محمد منير وعلى الحجار وعمر فتحي ,ونجوم الموسيقى العربية محمد الحلو وسوزان عطية وتوفيق فريد، ومحمد ثروت لم يكن محبوباً ونجم الشباب سمير الإسكندراني وفرق الجيتس والمصريين والفور إم والأصدقاء وقبلهم كانت النجوم الصاعدة كان هناك عماد عبد الحليم وعفاف راضي وكان نجم هاني شاكر قد خفت بشدة قبل أن يكتشف نفسه بأغنية على الضحكاية، وبعدهم بفترة بدايات سميرة سعيد وعزيزة جلال وميادة الحناوي ولطيفة، وشهد حكاية بليغ حمدي والمغربية سميرة مليان التي سقطت عارية من منزله وكانت حديث الجميع لفترة طويلة وكانت الحفلات المذاعة في التلفزيون تحييها وردة أو فايزة أحمد بعد وفاة عبد الحليم ومنع التليفزيون الرقص الشرقي في حفلاته بعدما كانت فقرة أساسية في جميع الحفلات وكانت نجمات الرقص وقتها سهير زكي ونجوى فؤاد وزيزي مصطفى وهالة الصافي وكانت الرقصات من ألحان محمد عبد الوهاب، وكان نجوم المولونجست أيامها محمود شكوكو وشاهدته على الحقيقة وسيد الملاح وأحمد غانم وأحمد الحداد ونبيل فهمي .

اسمحي لي يا رضوى أشارك معاكي بصي أنا اخترت الجزئية دي .. الحلم الغير واقعي و مين عارف ممكن يتحقق في المستقبل عارفة أنا نفسي أطييييير ............ أيوة زي عباس بن فرناس كدة و أنا صغيرة كنت بافكر في الموضوع ده صحيح ما بافكرش كتير في الحكاية دي بس حلمت من سنتين إني ليه جناحين كبار و باطير فعلًا و كنت حاسة بإحساس الطيران فعلًا .. و كان إحساس ممتع جدًا عشان كدة أول ما قريت كلامك يا رضوى ( حلم غير واقعي ) جه في بالي الحلم ده ما حدش يضحك عليه ..إتفقنا :blush2:

فاتني كتير ؟ القبعات الستة ............ بتقول ان لكل شخص طريقة في التفكير وبالتالي في التصرف طيب ......... مش ممكن شخص يفكر بأكتر من طريقة ؟؟؟ وبالتالي ...... بيستعمل اكتر من قبعة ؟؟ اعتقد ان كمان النواقف هي اللي بتخلينا نختار القبعة اللي هنستعملها ؟؟؟ الانسان كائن متغير ...... ردود افعاله مش ثابتة ......... وكل يوم بيكتسب خبرات ومهارات ومعلومات جديدة ...... بتخليه يتغير طبعاً التغير مش بيحصل بسرعة ...... بس كفاية انه بيحصل

ماهو اللي غلطان الصراحة :closedeyes: يستاهل عاملي فيها وطني ولون نيلك يا مصر أهو الواد شيكابولا مكملش حتى الدبلون وبياخد فوق ال20 مليون وأبو تريكة يتمنوله الرضا يرضي وهيفاء وهبي رستقت نفسها ومتجوز إبن واحد من تجار الحديد والخردة الضرايب قال ايه مصلحتك أولا

السلام عليكم ورحمة الله وبركاته التفكير خارج الصندوق ....... او مانطلق عليه احيانا التفكير خارج الحدود الضيقة هي دراسة واعية لابد ان نستفيد مما تقدمه لنا عجبتني اوي فكرة صاحب السيارة اللي نزل ركب مواصلات مع فتاه احلامه فكرتني بقصة اخري حلها بسيط جدا اسمحولي اشارك معاكم بيها ========== في احدي قري الهند الفقيرة كان هناك فلاح متعثر ....... اقترض مبلغاً ضخماً من مرابي عجوز قبيح ......... علي ان يرد الفلاح هذا المبلغ عند حصاد المحصول ........ لكن لسوء الحظ ونتيجة سوء الاحوال الجوية تلفت اغلب كمية المحصول ....... ولا يملك الفلاح مايسد به دينه وكان لدي هذا الفلاح البسيط ابنة جميلة ........ ماإن رأها العجوز القبيح المرابي ...... حتى اعجب بها وطلب من والدها ان يتزوجها ويعفيه تماما من الدين.......... وقرر العجوز الا يعطي فرصة للرجل وابنته للتفكير ولكنه اقترح ان يضع حجران صغيران في كيس نقود ........... احدهما ابيض اللون والثاني اسود وان يدع الفتاه تمد يدها في هذا الكيس وتلتقط احد الحجرين ......... فان التقطت الحجر الاسود تزوجها وعفي والدها من الدين وان التقطت الابيض تركها وعفي والدها ايضا من الدين وان رفضت الفتاه ان تمد يدها في الكيس وتلتقط اي الحجرين سجن والدها وعندما تجمع اهل القرية علي ارض مملوءة بالاحجار البيضاء والسوداء وبينما ينشغل الجميع بالحديث ....... انحنى العجوز والتقط حجرين اسودين ووضعهما بالكيس ........ حينها انتبهت الفتاه لما فعله العجوز !!!!!!!!!!!!!!! ماذا تفعل الفتاه الان ؟؟؟؟؟؟؟ - هل ترفض وضع يديها ف الكيس والتقاط اي الحجرين الاسودين ......... وبالتالي سيسجن والدها ؟ - ام ترضى بواقعها وتضع يدها بالكيس وتلتقط حجرا اسود وتتزوج هذا العجوز القبيح المخادع ؟ - ام تفضح العجوز الماكر ........ وحينها لم يرحم اباها من دفع الدين او السجن ؟؟؟ اسيبكم بقي تفكروا ف الحل !!!!!!!!!!

الناس دي فعلا سبقونا ب 100 سنة ضوئية , الناس وصلت لكل كده واحنا لسه شعارنا رغيف خبز لكل مواطن, شوفوا دول كمان وقولولي بقي رايكم اتعملوا ازاى , حاجة تعقدhypr: http://www.youtube.com/watch?v=l6PsnCs07aw http://www.youtube.com/watch?v=_hqbdFq9M8g&feature=related مع تحياتي

يا أبو عمار , المستقبل لخصه ابراهيم عيسي في الكلمتين دول http://www.youtube.com/watch?v=hKgrWgfxFvg ودي كمان أكثر صورة لقيتها معبرة عن المستقبل مع تحياتي

تحياتي على الموضوع ده يا اغابي , لانى واحد من الناس اللى عانوا ومازالوا يعانوا من هذا الموضوع , فأنا الإبن الأكبر لثلاث إخوان واخت واحدة, لا اتذكر ابداً في يوم اني اتدلعت مثلاً او اتقالى كلمة ثناء واحدة. دائماً وأبداً أكون انا المسئول عن اى خطأ يحدث في المنزل , حتى لو لم يكن لى اى علاقة به , يعني اخى مثلاً يسهر بالليل يبقي اه ماهو شايفك سهران , مايذاكرش يبقي اه ماهو شايفك ما بتذاكرش وقيسي على هذا المنوال في كل شيء. والى الآن الاتصالات تتوالى ليه علشان اخويا الاصغر عاوز يتجوز وقال ايه انا اللى معطله , طب ليه هو كده, كل الاهل بصين ليك انت وكله بيسأل فيه حد يجوز الصغير قبل الكبير , طب ودي فيها ايه , لأ لازم الكبير هو اللى يتجوز الأول وانت السبب في وقف حال اخواتك. بس الحمد لله انا متأثرتش نفسياً بالموضوع ده بالعكس بحب اخواتى جداً وهما كمان لو اقلك انهم بيعتبرونى صديقهم وابوهم كمان مش هتصدقينى, احياناً اه لا انكر ان الموضوع ده كان بيضايقنى وينرفزني لكن خلاص من كثر ما اتعودت عليه بقي عادي وهو ده الطبيعي فمبشغلش بالى بيه. لازم بجد كل ام واب ياخدوا بالهم من الموضوع ده , اه الابن الاصغر محتاج حنية ورعاية لكن مع عدم اهمال الابن الأكبر والحرص على المساواة بينهم. مع تحياتي

عايز اشد على ايدك بالتحية. واقولك ما شاء الله انت راجل عظيم. وملكة الكتابة عندك فوق الممتازة. ربنا يبركلك في الزوجة الطيبة. ويجعل الصلاح والبركة في اولادك. الواحد لو عايز يشوف حقق إيه ممكن يلاقي نفسه دايما محققش كل اللي نفسه فيه. الطموح مش عيب. لكني هقولك كلمة يمكن تفيدك. السعادة مش في الفلوس, ولا الصحة, ولا الناس الطيبين. السعادة في الرضا. الحمد لله يا رب

ده -طال عمرك- مجموعة من اعباط المغجر عمالين يتنططوا بقالهم فترة طويلة ويدعوا ان المسلمين يضطهودنهم في مصر وكلام كدب في كدب في كددددددددددددددددددددددددب عدلي أبادير بيقول : انا هعمل في مصر دارفور جديدة ومايكل منير وباقي شلة السفالة الخارجية ومؤخرا عرفوا يتغلغلوا مع مجموعة من المسلمين من ضعاف النفوس لكي يضفوا على سفالاتهم طابع انها طلبات مصرية وليست طائفية ربنا يحرقهم وينتقم منهم ومن كل خاين لمصر و اسف جدا لكل مصري مسلم أو مسيحي شعر باحساس مش لطيف لكن الكلام ده هو المناسب .