لوحة القادة

اعذرنى يا استاذ رؤوف بس معلش انتم اللى عايشين فى مصر ولا احنا مش كل متحصل حاجة فردية او حادثة تطلعوا وتسودوا علينا عيشتنا كأن اللى حصل ده هو امرنا الواقع اللى عايشين فيه انتم بتكبروا المواضيع وبتدوها اكتر من حجمها احنا لسة عايشين فى البلد فى امان وبنتى وابنى الصغير برة لحد دلوقت فى دروسهم واوقات كتيرة بارجع انا وبنتى لوحدنا من عند والدتى الساعة 12 باليل ويمكن اكتر حسب المواصلات بنرجع من غير خوف ولا اى قلق حضرتك تعرف نقطة شرطة يعنى ايه يعنى مبنى فرعى صغير جدا فيه نفرين تلاتة عساكر وبيكون خالى من الاسلحة الا اللى بيحوزها العريف ودى اعلى رتبة فى النقطة وده اللى جرئ ناس جبانة تعمل كده استهانوا بالقوة الموجودة وغافلوهم وعملوا عملتهم وهربوا زى الفيران عكس قسم الشرطة الكبير فيه تجمع جميع الرتب صغيرة وكبيرة واكبر عدد من قوى الشرطة وفيه مخزن للسلاح فهل يجرؤوا على مجرد الاقتراب من احد هذه الاقسام انا اكتر واحدة باكره تجاوزات الشرطة وتصرفاتهم لكن اكره المساس بهم وانفلات الامن بالصورة اللى حضرتك بتتكلم عنها ناس كتير اتكلمت عن التحرش كان شبابنا كله بقى كده واحنا كلنا بيحصل معانا كده رغم ان فى شباب مستهتر الا ان فى غيره اكتر محترم شايف ان اللى الماشية دى امه واخته وممكن يتعارك عشانهم لو حد داس لهم على طرف رغم مافيش معرفة بينهم قلتم فتنة طائفية وقتل وذبح رغم اننا عايشيين وسط مسيحيين وبنتعامل مع بعض بكل احترام والشارع الواحد تلاقى فيه عشرات المسيحيين عايش فى وسطهم سلفيين وزوجاتهم متنقبات من غير اى مشاكل من الطرفين ومش كلام شعارات لانى باتكلم عن حاجة شيفاها قدامى دلوقت بتقولوا معدش فى امن ولا امان وخايف تنزل مصر بزوجتك واولادك سامحنى دى حجج عشان حضراتكم اخذتم على وضع مريح مش بتلاقوه فى مصر سواء زحمة او فرصة عمل كويسة او عادات مستجدة علينا بتنزلوا اجازات زهقنين مش متحملين الحاجات دى فما ننزلش احسن كل انسان حر فى تسيير اموره لكن فى نفس الوقت ميكدرش عيشة غيره اتكلموا على الحكام والمسئولين والفساد والنظام زى ماانتم عايزين بس بلاش تتكلموا على مصر بالصورة الوحشة دى كانها بقت امنا الغولة اللى كانوا بيخوفونا بها زمان .انا باحزن كتير لما باسمع الكلام ده لان دى حاجات عابرة مش ظواهر مستمرة وممكن يحصل زيها فى احسن مكان فى لدنيا حتى لو امريكا نفسها

بالنسبة لنا احنا كناس عايشه في مصر لغايه دلوقت مفيش حاجه خالص الحزن على الي حصل وعلى الي هيحصل لكن حاليا وفي اللحظه دي مفيش شيء.. بعدين هقولك حاجه تعلمتها وانا صغيره .. لما كنت في ثانوي وكنا عايشين في الرياض في عز الحرب وصواريخ السكود والباتريوت .. ايامها تعلمت ان كل شيء ممكن يتغير في لحظه وان الامان ده شيء نسبي مهواش مطلق .. كنا في اول ايام الحرب بنستخبى ونقفل حتى الشبابيك بالبلاستر .. ومع ان الحرب مقعدتش كتير بس في آخر ايامها بقينا بنتسابق مين هيطلع يبص على الصواريخ وهي بتنضرب في السما .. مهما كان الوضع سيء مصيرك تتعود عليه ومهما كان الوضع مستقر للاسف مصيره للتغير .. دي سنة الحياه الي دائما ومهما كان وضعنا فيها بتستمر ..

قال النبي الرؤوف الرحيم عليه الصلاة والسلام وهو يوصي المقاتلين في احد الغزوات : (( انطلقوا باسْمِ الله وَبالله وَعَلَى مِلّةِ رَسُولِ الله، وَلا تَقْتُلُوا شَيْخاً فَانِياً وَلاَ طِفْلاً وَلا صَغيراً وَلا امْرَأةً، وَلا تَغُلّوا وَضُمّوا غَنَائِمَكُم وَأصْلِحُوا وَأحْسِنُوا إنّ الله يُحِبّ المُحْسِنِينَ )) [ زيادة الجامع الصغير- للإمام السيوطي ] يعني حتى في ساعة الحرب ,, كان المقاتل المسلم النبيل يترفع عن لمس الاطفال والنساء والشيوخ ,, الله يكسفهم ويخسفهم زي ماكسفونا ادام الدنيا كلها ,,

طب دلوقتي بأة نوجه الاتهام لمييييين ؟؟ طب المسجد تضرر زيه زي الكنيسة المسلمين ماتوا زيهم زي النصاري طب نعمل ايه بأة دلوقت ؟؟ هي القاعدة فيها الأنتي موسلم سيكشن ولا ايه النظام؟ يا رب نفهم بأة ان المقصود المصريين و ليس النصارى و الا نقعد نحسب بأة .. لو اللي ماتوا أكتر نصاري يبقى هم المقصودين .. و لو اللي ماتوا أكتر مسلمين يبا هم المقصودين .. و يجعله عامر مكاوى

السلام عليكم ورحمة الله وبركاته انا قرات الكلمات دى وعلى قدر مااعجبتنى تسببت فى الم فى قلبى لانها فعلا حقيقة يارب تنال اعجابكو عندي إبني صغير يادوب سبع سنين جالي و قال أنا عايز أفلح دنيا و دين حيرني و قاعدت أفكر أربيه زي مين و دا بسبب العنوسة جالي في سن كبير و ابني طموحه جامح و نفسه يطلع وزير و لا رئيس جمهورية و عليه ماهوش كتير قلت أربيه زي أهلي ما ربوني زمان نمت و شفت أبني شكل شبح إنسان بيبكي ياعيني عليه وبيبص لي وغضبان بيقول لي ليه يا أمي ربتيني غلط و أدي نتيجة ربيتك بقيت أكل الزلط و كل إللي حوليه يقولولي بطل عبط طب ليه يا أمي قلتي إن الكذب حرام و إللي يزور و يسرق عمره ما يعرف ينام و الغشاش في النار و خارج عن الإسلام و أنا شايف إللي زور عيشته عز في عز و قاعد و نافش ريشه في برلمان الوز لا أختشى على دمه و لا ضميره أتهز و إللي بيسرق شريف و بيلف البلاد ينهب بالمليارات و بيحترمه العباد و إللي يخاف ربه عايش في إضطهاد أنا قلت أصبر يا إبني دا ربنا كريم بكره راح يفرجها و يغور عنا اللئيم و في الأخره مصيره و أهله للجحيم صحيت في قلبي غصة و إحساس بالألم و أنا شايفة بعيني كل شريف محترم يتلفق له قضايا لجل يدوخ و ينظلم طيب حد يجوبني أزاي أربي ولادي و أنا ضحيت بنفسي لعشقي تراب بلادي وياريت محدش يقول لي إني أعيش عادي منقوووول ولكم تحياتى

لو كان ( الانفراس ) يولد كل هذا الابداع .. فحتماً وراء كل عظيم ومبدع ... انفراسة في مكان ما عذرا للتدخل لكن لم استطع حقاً ان اقاوم ابداء الاعجاب بالرؤية واللفتة الانيقة لكل انفراسة على حدة في شوق لان يصل عدد صفحات هذا الموضوع لسبعين صفحة

طب خدوا النكتة دي ،،، كلينتون و بوتين و مبارك كانوا بيلعبوا كورة مع بعض فالكورة وقعت في بحيرة مليانة تماسيح مفترسة كلينتون قال للحارس بتاعه روح هات الكورة الحارس قاله لأ ،،، أنا عندي عيال عايز اربيهم بوتين قال للحارس بتاعه روح هات الكورة الحارس قاله لأ ،،، أنا عندي عيال عايز اربيهم مبارك قال للحارس بتاعه رووح هات الكورة الحارس راح و نزل البحيرة و صارع التماسيح و قطعوا ايديه و رجليه بس جاب الكورة لما طلع قالوله أنتا شجاع جدا ،، إزاي تخاطر بحياتك للدرجة دي عشان الريس قالهم ،،، أصل أنا عندي عيال عايز اربيهم

الحقيقة الموقع ذكر كنائس الإسكندرية ووضع روابط لمواقعها على الانترنت ( إسم الكنيسة هو الرابط نفسه ) بالاضافة لكنائس فى محافظات مختلفة بالوجهين البحرى والقبلى بالاضافة للقاهرة والكنائس المصرية بالخارج. وكنائس الاسكندرية كانت كالتالى: أما ايه مبررهم ، لاأجد الا انه التعطش للدماء ، ماحدث عندنا ومافعلوه فى مسيحيى العراق ليس له سوى معنى واحد ، أنهم ليسوا من جنس البشر وإن بدوا مثلنا.

الفاضل Mohammad بالفعل امبارح فى برنامج من قلب مصر استضافت لميس الحديدي ضيف انا مش متذكرة اسمه لكنه ذكر موضوع المواقع اللى حضرتك تفضلت وقلتها لكن ماقالش انها حددث كنيسة سيدي بشر لكن فيها عناوين الكنائس وبعدها مكتوب كيف تصنع قنبلة ودعوة " للمجاهدين " والحقيقة انه مصداقية الموقع فى حد ذاتها لا تعنينا لكن المهم ان الكارثة حصلت وقلت فى المداخلة اللى فاتت اننا نتحمل جزء من المسئولية بسكوتنا احنا وكل اللى بيشجع على التفرقة او الخلاف او القدح فى معتقد الاخر او الهجوم على "رموز" او معتقدات دينية وماعتقدش ان ده كان سلوك الرسول صلى الله عليه وسلم ولا الصحابة واحنا مش اكتر غيرة على الدين او على الله عز وجل منهم بل على العكس ولكن لانهم كانوا يعوا تماما الحكمة من ذلك وعشان كده الحقيقة كنت عاوزة اعرف ايه مبرر الناس دي مش كانوا واجب يكتبوه بالمرة ويحددوا اى نوع من الجهاد اللى بيقوموا بيه ؟؟؟!!!

اجاوب حضرتك يادكتورة على بعض الاسئلة الي معظمها بيدور في اذهاننا جميعا منذ الحادث .. ليه التوقيت ده بالذات مع انه مش عيد المسيحيين في مصر الي مختلف عن عيد كل المسيحيين في العالم فده لان الحادث موجه لمخاطبة مسيحي الخارج مش الداخل .. بيستفزهم في عيدهم اكثر مايستفز مسيحيينا في عيدهم .. مطلوب نقل صورة اضطهاد المسيحيين داخل مصر وعلى مسيحي الخارج التصرف كما دعى بابا الفاتيكان على سبيل المثال .. وعشان تكون الصورة اكثر استفزازا فلازم تكون في عيد المطلوب استفزازهم في المقام الاول .. ليه خارج الكنيسه مش داخلها لان الجاني مكانش محتاج يدخل عشان يوصل المطلوب .. لو لاحظتي فالحادث بتتداوله وسائل الاعلام عندنا في مصر وشهود العيان من الاقارب والاصحاب الي عايشين في المنطقة على انه ( انفجار امام كنيسة القديسين ) بينما لو لاحظتي في تعليق اوباما على الحادث تكلم عنه بوصفه ( تفجير كنيسه ) على ارض مصر وهو المطلوب اثباته .. لماذا لم يعلن اي تنظيم عن كونه الفاعل فدي متفرقش كتير .. لو اعلن تنظيم كفر البطيخ انه هو المسؤول وبدأ بيانه بالصلاة على محمد وانهاه بلا اله الا الله فهذا لايثبت شيء ولا ينفيه لان برضه لو الجاني هو كفر ابو عجوه كان هيفتتح بنفس الديباجه ويختم بنفس الخاتمه .. متفرقش ببساطه لاننا منعرفش كفر البطيخ ده فين ولا ملة كفر ابو عجوه دي ايه لكن المهم ان مطلوب يقال ان الي عملها مسلمين ويفترض ان الي يعمل عمله سوده زي دي عنده ضمير وذمه وكلامه موثوق اوي فلو قال انا مسلم يبقى هو كده مصدقينه من غير حلفان .. فعلى هذا مش هتفرق التنظيم الي يعلن مسؤوليته لان المسلمين لبسوها خلاص .. ليه امام مسجد .. يمكن لانها صادفت ان الكنيسه زي معظم الكنائس قدامها مسجد ويمكن عشان اختيار المكان ده مقصود انه يتم في قلب مدينة سكنية في قلب الناس الي ماشيه بما يثبت عجز الاجهزه الامنية عن حماية المستهدفين الي وسائل الاعلام العالمية اجمعت انهم المسيحيين في مصر .. ليه قنبلة محلية الصنع .. ده الكلام الي سمعناه زي ماسمعنا قبل كده انها سيارة مفخخه ثم صدر تكذيب وقيل انها عبوه ناسفه ثم قيل انتحاري .. محدش يقدر يجزم فين الحقيقة غير لما تنتهي التحقيقات .. ليه اتهمت الحكومه الموساد .. امال يعني هيتهموا مين ؟ والموساد يسعده ان يتم اتهامه وتصويره على انه اليد الطايله القادره على كل شيء .. يمكن يكون الموساد له يد ويمكن ميكونش الله اعلم برضه منقدرش نجزم غير لما تنتهي التحقيقات ويتم اعلان الموقف الرسمي منها .. واخيرا نيجي للسؤال الاهم مين المستفيد من كل ده والي هيوصلنا لمين الفاعل الحقيقي الي حرك كل الاحداث دي .. ده منقدرش نجيب عليه دلوقت ابدا وانما طبيعي الايام هي الي هتجيبنا عليه بوضوح خاصه واننا بكل اسف عايشين في بؤرة الحدث .. ربنا يسلم ..

الف مبروك يا استاذ حسن على المولوده الجديده و على فكره حياتك هتتغير كتير بقدوم الابناء طبعا مسئولياتك هتزيد و هتحس انك على رأى "عدويه فى مسلسل الاطفال عيله استاذ امين"ما بقتش عايش علشانى عايش عشان ناس حوليا"ههههههههههه بس كله هيهون عارف ليه لان البنات رزقهم واسع اوى اوى اوى واسألنى انا عندى بنتين و رزقم ربنا مبارك فيه و بيزيد بوجودهم وسطنا و ما تنساش كلام رسولنا الكريم فى تربيه البنات ...ربنا يقدرك على تربيتها على سنه رسولنا الكريم و على كتاب الله وتحسن تربيتها لتفوز بالجنه ان شاء الله مبروك عليك الجنه بحسن تربيتهاو مبروك عليك هنى يا ابو هنى

الحل في طاعة الله ... الحل : وِقفة مع قوله تعالى: "وكان أبوهما صالحاً و صلاح الأب يبدأ من لحظة اختيار شريكة عمره ... أم أولاده

السلام عليكم الفاضل (ة) اهات الروح الحقيقة أنا فكرت الموضوع فعلاً و بجد سؤال حقيقي محتاج اجابة (و بأقترح نخليه كدة:)) و لما قرأت الأبيات دي عجبتني أوي .. هي فعلاً تعبير عن الواقع بس انهزامية شوية .. يعني مش قاعدة ان اللي بيعمل كدة يحصله كدة ولا اللي بيعمل كدة يحصله كدة خليني ألف بمحور الموضوع شوية بعيد عن الابيات و أجاوب سؤالك أو اتكلم عنه فعلاً السؤال ده مرعب و مخوفني جداً شخصياً أنا اتربيت الحمد لله رب العالمين بشكل أنا شايفه نموذجي و كذلك إخواتي .. بأقعد ابص لبنتي كدة و أقول يا ترى يا لومة يا سلومة هأعرف أربيكي زي ما اتربيت ؟!!! و بأدعي ربنا .. يا رب يا رب وفقني اربي بنتي زي ما أبويا و أمي ربوني .. و بأقعد اسأل أمي .. الا انتي ياما ربتيني كدة ازاي؟!!! ازاي خلتيني أخاف ربنا و ما أخافش عبيده .. ازاي ياما خلتيني مش كداب مع ان العيال تموت ف الكدب زي عنيها .. ازاي يابا بأحترمك من غير ما تضربني طول عمرك .. ازاي يابا طلعتني احب الصلاة أكتر من نفسي و أكتر من الأكل (أصلي بحب الأكل أوي :)) ازاي يابا طلعتني راجل أخاف على إخواتي و أكون رحيم و شديد معاهم في نفس الوقت ازاي ياما حببتي أختي في الحجاب و لبسته بدون مناوشات ولا مشاكل .. ازاي يابا إخواتي عمرهم ما عرفوا شباب غير اجوازهم و انا عمري ما شفتك بتزعق لواحدة فيهم على حاجة .. ازاي اخواتي ياما طلعوا ستات بيو و أمهات بالشكل ده.. و ازاي ياما طلعتيني بنحب بعض و نخاف على بعض و عندنا توازن نفسي و اجتماعي ... مش عااااااارف ولا فاااااااااهم ازاي طب إحنا هنعرف نربي عيالنا كدة ولا هنعمل ايه ... ربنا يستر علينا طولت ؟ لأ ؟ لا لا طولت انا عارف .. أكمل ليتر أون بأة مكاوى

Uploaded with ImageShack.us

السلام عليكم الله يسلمك يا ابو حميد هو انا كنت مسافر :happy: انا موجود و لله الحمد و لى مشاركات فى مواضيع أخرى بالنسبه للاحداث الحاليه أثرت الصمت و انتظار هدوء الاعصاب و التفكير بعمق و تحليل اسباب و نتائج ما يحدث ثم افتح موضوع مخصوص لذلك بإذن الله . تحياتى افتقدناك يا بو عمر في العزاء ,, ماكانش العشم وانت ابو الاصول كلها ,,

عن العرباض بن سارية رضى الله عنه ان رسول الله صلى الله عليه وسلم قال : ( يختصم الشهداء والمتوفون على فرشهم الى ربنا فى الذين يتوفون من الطاعون فيقول الشهداء : اخواننا قتلوا كما قتلنا ويقول المتوفون على فرشهم : اخواننا ماتوا كما متنا فيقول ربنا : انظروا الى جراحهم فان اشبه جراحهم جراح المقتولين فانهم منهم ومعهم فاذا جراحهم قد اشبهت جراحهم )

مع احترامي لرأي حضرتك جدا بس دي نظرة حضرتك و مش شرط تتفق مع نظرة حد تاني الناس اللي عايشين في بيت واحد و من أسرة واحدة بتختلف نظرتهم للحياة اللي حواليهم مش من المفيد طبعا تعميم النظرة السلبية و تسويد عيشة الناس الإعلام مش مقصر الحقيقة بس اد ايه مفيد جدا جدا جدا اننا ننشر الحاجات الحلوة ( اللي هي الشيء الطبيعي أصلا) اد ايه حلو اننا ندي أمل للي حوالينا ده الابتسامة صدقة و الكلمة الطيبة صدقة و مش مكلفة خالص ده غير الفايدة اللي بناخدها لما ننشر الحلو اننا بيعم علينا الخير احنا كمان الساعي في الخير كفاعله حتى لو لسه مش قادرين نعمل كده على أرض الواقع ( مع أن ده مش مستحيل على فكرة) على الأقل نحاول نعمل كده في المحاورات على الأقل كبداية تحياتي يافندم و خد الوردة دي ربنا يسعد قلبك يارب في الدنيا و الآخرة

الله يرحمك يا سامح مجرد الحلم بالزوجة التانية سبب كافي للانتقام منك معنى انك حلمت يعني الموضوع دار في مخك قبل كده تحب نعملك العزا فين؟؟

السلام عليكم الاخوه الكرام جزاكم الله خيرا ابو محمد استجابه لرغبتك فى حصر النقاش حول عنوان موضوعنا هل الفهم الإنسانى فى الإسلام دين يـُـتــَّبـَع" ؟ بمنطوق مذهب اهل السنه و الجماعه ..الفرقه الناجيه ..اتباع الصراط المستقيم اهل القرأن الذى يقول أهل السنه التى تقول ‏ و غير ذلك من الاحاديث الصحيحه التى تبين فضل العلماء و متابعه بسيطه لما كتبه الشيخ الغزالى فى الصفحه السابقه عن اهميه دور العلماء و الفقهاء فى حفظ الدين توضح ذلك . هؤلاء هم العلماء الذين نسألهم ان كنا لا نعلم و نأخذ منهم الدين هؤلاء هم العلماء الذين نتدين الى الله بشرحهم و تفسيرهم و رأيهم و إجتهادهم فى الدين المبنى على أصوله الموثقه من قرأن و سنه و المخطئ له هنا أجر فما بالنا بالمصيب . و تبقى القاعده ان كل يؤخذ منه و يُرَدُ عليه إلا المعصوم صلى الله عليه و سلم . نحن لا نتدين بفهمهم الانسانى المجرد المبنى على الهوى الخالى من الدليل اللهم إلا دليل الشيطان و الا عقل. نحن لا نتدين كالصوفيه و الشيعه مخترعى المرجعيه الذين بدلوا الدين و جعلوا فيه ما ليس منه . بل تدينوا بحجر او شجر او قبر و أشياء ما انزل الله بها من سلطان . . هذه اخى الحبيب أخر مداخله لى بعد قلت ما عندى لوجه الله و إن كان من فضل فلله ثم لك لأنك كنت الدافع لى لأقرأ بكثافه فى الفتره الاخيره ما لم يتيسر لى من زمن و اعوذ بالله ان اكون قد تجاوزت و أسأل الله المغفره ..و أستميح عذرا من ضايقه كلامى فإن كان الكل إخوتى و أحباء ..إلا أن الحق أحب و أكرم .

فتافيتو المفتفتة .. و الله يا ست الكل معلوم و باصم بالعشرين صابع اللي في الجثة المسكينة إننا واااجب علينا نساند أناس أبرياء لا ناقة لهم ولا جمل في اللي بيحصل .. ده حق من أوجه كثيرة .. حق أهل الذمة علنا كمسلمين .. حق الجيرة و ده حق عظيم جدااااً .. و دول بس كفاية إن احنا نجيرهم و نحميهم و نفديهم .. بأتخيل لو جاري (مسلم أو مسيحي) تعرض لهجوم إجرامي مثلاً في بيته و انا دافعت معاه عن أهل بيته .. لو نصراني هأقول لأ سيبه يستاهل .. حاشا لله و حاشا للإسلام الذي أدين بيه .. حق الجااااااار .. بس خلاص ها يا فتفوتة .. عرفتي ليه كتبت المشاركة اللي في الأول دي .. بالراحة بس يا جماعة يا واش يا واش و بلاش اندفاع .. لكل مسألة فقه فواجب علينا نفهم المواقف صح عشان نعرفهنتصرف فيها ازاي .. بطلب كتير ؟!! مكاوى

أستاذ زوهيري فاهمة حضرتك عاوز تقول ايه بس رجاءا خش في الموضوع بشكل مباشر حتى لا نسمح بهجوم ومهاترات حضرتك تقصد اننا مندفنش راسنا في الرمل زي النعامة و نعتقد ان كده الموضوع خلص في مشكلة؟؟؟ ايوة طبعا في مشكلة و مش مجاملاتنا لبعض اللي حتحل المشكلة المرارة موجودة عند اخواتنا المسيحيين مهما حاولنا نطيب خاطرهم بس نفسي مرة واحدة نبطل تحليلات للمواقف و نتحرك بقى و لو خطوة للامام عرفنا ان في مشكلة يبقى نبحث في الحلول و نسيبنا من السؤال الأزلي من الجاني؟؟ الجاني ده من الداخل من الخارج مش حتفرق المهم اللي وصلنا له ده نغيره ازاي؟؟؟ عارفين يا جماعة ايه هي نظرية الجنان؟؟؟!!! ان احنا نظل نقوم بنفس الأفعال و نتوقع نتائج مختلفة!!!! مرة واحدة ربنا يخليكوا نغير شوية من الطقوس المتبعة في مثل تلك الحالات احنا نفسنا يطلع الجاني من برة عشان نفضل غرقانين في الوهم ان كله تمام التمام و مفيش أي مشاكل و ان احنا زي الفل بس الأعداء الحاقدين هم اللي خربوا الدنيا علينا ماهو لازم يطلع أي حد تاني غلطان و أكيد أكيد ان احنا دايما و أبدا 100 فل و عمرنا مابنغلط الفساد الأخلاقي التطرف الديني الانهيار الاقتصادي الخلل الاجتماعي كلها يا اما مؤامرات من برة مصر يا اما من الحكومة و احنا ملناش أي يد في أي حاجة ده احنا شعب حبوب و ظريف و ابن نكتة و راضي بقليله كله من أعداءنا اليهود و الغرب في أوروبا و أمريكا و كندا واستراليا و الدول العربية الحاقدة علينا و أفريقيا اللي مش طايقانا و غيرانين من تفوقنا الكروي عشان احنا طيبين و متفوقين و أصحاب حضارة و الكل حاقد علينا و بيغير مننا و بيكرهونا كفااااااااااااااااااية فوقوا بقى امتى حنعترف بأخطاءنا امتى حنحس اننا انعزلنا و تقوقعنا و غرقنا في تمجيد الذات امتى حنبطل نلوم كل اللي حوالينا امتى حنبطل نعيش في أمجاد الماضي لحد اما لغينا الحاضر و بقى النهاردة زي بكرة زي امبارح امتى حنبطل أنانية و عُجب و كأن العالم بكل مؤسساته ليس له هم ليل نهار غير التآمر علينا امتى حنبطل نحس بالدونية و نقارن نفسنا باللي حوالينا امتى حنبطل ننتقد كل حاجة و نسود الدنيا على اللي عايشينها و منشوفش غير السواد و بس كله تمام غيرش بس لو ربنا ياخد الحكومة و بقية دول العالم كانت الدنيا تبقى حلوة بجد السلبيات المقيتة دي للأسف متغلغلة فينا بشكل فردي و جماعي و انا واحدة منكم كنت كده بالضبط على المستوى الشخصي و على مستوى انتمائي للبلد لحد ما السلبيات دي في يوم من الأيام وصلتني أكره بلدي و نفسي و حياتي كلها بس الحمد لله فقت وفي غيري كتير فاقوا أو في طريقهم يفوقوا يللا انفضوا بقى كل ده و فكروا في الحاضر بدل ما نتحسر على الماضي و نخاف من المستقبل احنا بنخاف نعترف ان في مشكلة بس لازم نعترف ان في مشكلة و الا حيبقى ايه فايدة التغيير؟؟؟ إذا كنا احنا مش شايفين ان في أي حاجة غلط؟؟؟ اذكر نفسي و إياكم بقوله جل و علا { إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ}الرعد11 التغيير يبدأ من الداخل

ما رأى الذين يرون أن المقصود من الحادث هو قتل عدد من المسيحيين ، ومن يرون أن المقصود منه هو إظهار عجز الحكومة عن توفير الأمن للمواطنين ؟ استاذى الفاضل أبو محمد من دقائق قرأت ان هناك طفلة مسيحية مصابة تقول نفسي كلنا نبقا واحد :( والان اقرأ مداخلة سيادتكم واشعر جرحا جديدا فى قلبي هل حقا يعتقد احد ان هناك مسلم قد يفعل هذا الجرم ؟؟ هل حقا وصل الامر نتيجة الخلافات السابقةبين البعض الى هذا الحد؟؟ هل لو كان المقصود جامع دون غيره كان ليشك بعضنا فى ان من قام به مسيحي مصري وليس خائنا مأجورا ؟؟ اومن والحمد لله ان كل مايريده ربنا سبحانه وتعالى بعباده خيرا حتى وان كان اقصى ابتلاء اومن ان هذا الحادث كان يمكن ان يفشل ولا يحدث بهذا الشكل المؤلم على الاطلاق لذا أومن ان الله جل وعلا بحكمته والتى لا ندرك منها شيئا أراد ان ينبهنا لما يحدث من شقاق ربما لم نتصور فداحته من قبل اومن انه جرس انذار كى يفيق البعض منا و ينتبهوا لدعاويهم التى قد تبدو بسيطة او سلمية ولكنها للاسف قد تكون سبب لتجرؤ الغير علينا ومحاولته سكب البنزين على وميض النار الذى اشعلوه ظنا منهم انه قد ينير الطريق ولهم أقول : لكم الله ... ادعوه سبحانه ان يغفر لكم ان كنتم حقا تحملون جزءا من وزر هذه الدماء وأشفق علينا نحن أيضا من حساب من العزيز الجبار لتهاوننا وسلبيتنا تجاه ماحدث من قبل من خلاف :( لا اله الا الله.. نستغفرك اللهم ونتوب اليك

حقوق الطبع محروقة قصدى محفوظة اللى هايفكر يلطش حاجة من الفييون اللى فوق ده هايلاقى اتنين ناضورجية هايشدوه من بتهم ....ويجبوه متعلق على باب المنتدى هنا ..عبرة لاعوانه ... ...موش عارفة فين لسانى ...؟؟ حد يسندنى ... والله وبدءت تندع ....يا بت يا شيكو وووووز و2011 شكلها .....كدة جاية جاية ... ايه ده ؟؟ هو لسه فى مفاجأت كده .. هو انا ممكن لسانى يتلجم كده وماعرفش اتكلم ... هو انا ممكن افرح اوى كدة ... هو ....ممكن تكون المشاعر جميلة كده ... طب والنعمة دى ... دموعى منهارة ومش عارفة ارد عليك يا سارى .... اصلى كدة اتفرس اعيط ... افرح انهار من العياط .. موش عارفة اقولك غير انى من زمان مافرحتش كدة ... فى واحدة صاحبتى من يومين قالتلى ...دعوة غريبة اوى ... ربنا يديكى فرحة ماتكونيش قادرة عليها وماتعرفيش هى جايلك منين ... كنت اول مرة اسمع حد يقولى كدة ... بس الدعوة دى اتحققت وبسررررررعة اوى ... موش عارفة اقولك ايه احساسى لما شوفت الفيديو وازاى كنت بضحك علىالابداع اللى انت اضفته بلمساتك وازاى كنت منهار من دموعى اللى بتنزل وانا بكتبلك كلامى دلوقتى الفيديو بتاعك ده لمسة انسانية ....من اكرم الناس فى البيت الجميل ده ولمساتك فيه شرف ليه انها تكون من فنان جميل زيك ... ======================================= مساءك فرحة غامرة من القلب تجتاحك من كل مكان .....

لا للاسف ياصافى نور عندة دين ودينة بيقولو اقتل الغير مسلم يعنى بين قوسين ( الكافر ) بس دول بيكونو اقلية انما احنا بنحب الناس العاقلة المحترمة اللى بتعرف يعنى اية بنى ادم وبتحترم كينونتة بغض النظر عن دينة انا بحى كل واحد هنا كتب كلمة بيعزينا فيها ربنا يعوضكم كلكم خير هانى

إيه الكلام ده ؟؟؟ خير يعني ؟؟؟ وصلنا للدرجة دي !! كلام كتير عايز اقوله بس للأسف لا يليق بهذا المكان الذي أحترمه جداً لكن أقل ما أستطيع فعله أنني من هذه اللحظة لن ألتفت إلى مشاركات كل من الأخ هيرو والأخت مودة ورحمة وقد التقيت بالكثير ممن يتكلمون عن مصر بصورة سيئة وخاصة وسط جنسيات مختلفة تتمتع هذه الجنسيات بسماع هذه العبارات عن مصر حتى باتت مصر لديهم بلد "مقرفة" برغم عدم زيارتهم لها ولو لمرة واحدة، فقد وصلتهم الصورة على ألسنة جاهلة وغير واعية ،، حتى أنك قد تتحدث مع بعضهم ويوحي لك بأن مصر كلهاعبارة عن كباريهات ودعارة أو أنك لن تقابل فيها إلا حرامي أو نصاب ،، يا جماعة والله حرام عليكم كده ظلم وإفتراء لا داعي له ،، فبالرغم من وجود كباريهات وملاهي ليلية يوجد أيضاً المساجد والمشايخ والدروس الدينية وبرغم انتشار السرقة والنصب والاحتيال إلا أنك تجد أيضاً العديد من أولاد البلد بطيبتهم ومجدعتهم وحبهم لعمل الخير بدون مقابل ،، نحن لسنا البلد الوحيدة التي بها فساد ونهب وما إلى ذلك مما يتردد على ألسنة الكثيرين فهناك السوريين أكثر بلاءاً مننا واللبنانيين أيضاً والأردنيين والفلسطينيين وغيرهم وغيرهم والكثير والكثير ، لكنك لا توجد سوريا أو لبنانيا أو أردنيا أو فلسطينيا يتكلم عن بلدهم بصورة سيئة حتى وصلت لنا صورة عن بلدانهم بأنها بلاد لا مثيل لها بالرغم من انتشار المساوئ والفساد فيها أكثر من مصر بمراحل عديدة ،، فكل مصري خارج بلده يمثل مصر ،، أتمنى وأرجو أن يكون كل مصر خارج بلده نموذج مٌشِرِف لمصر والمصريين تحياتي

أخي الفاضل أنا بقى مع العقل اللي في إطار الدين و منهجي العقلي تحليلي و ليس تركيبي يعني اؤمن بالمنهج اللي شرعه ربنا سبحانه و تعالى و أنزله على رسوله و لا استخدم عقلي في فروض و نظريات أصل بها للخالق اؤمن بالله و ملائكته و كتبه و رسله و اليوم الآخر و القدر خيره و شره و اقتدي برسولي الكريم صلوات الله و سلامه عليه لأنه لم يكن يفعل شيئا يخص التشريع بهواه فعندما يقبّل سيدي و حبيبي صلوات الله و سلامه عليه الحجر الأسود فإن ذلك ملزم لي طاعة و حبا فيه صلى الله عليه و سلم أما بعد النبي صلى الله عليه و سلم من صحابة رضوان الله عليهم و تابعين و تابعي التابعين فهم بشر لا يتنزل عليهم الوحي منهم من يصيب و منهم من يخطئ و عندي لاشيء بعد قال الله و قال الرسول عليه أفضل الصلاة و أتم التسليم لست من منكري السنة طبعا و لكن كما تعلم حضرتك هناك على مر أربعة عشر قرنا أحاديث مكذوبة تمت نسبتها للرسول صلوات الله و سلامه عليه لذا فعندما أجد حديثا غريبا و لا يقبله عقلي ( في إطار الدين الذي أعرفه) فالبطبع لابد أن أفكر و استفتي قلبي ما هو مرفوض عندي ان هناك ناس عاديين مثلي و مثل حضرتك راحوا قرأوا شوية كتب و بعدين اعتبروا نفسهم من العلماء و شجعهم من حولهم و صاروا اتباعا الاجتهاد شيء طيب بس انهم يستأثروا بالدين و يحاولوا يقنعونا ان كلامهم منزل و لا نقاش فيه و انهم متخصصون و احنا مينفعش نتكلم في ديننا عشان احنا مش متخصصين ده بقى اللي بأرفضه تماما الدين منهج للتطبيق و ليس أسرارا كهنوتية ينفرد بها العلماء و لا يتكلم فيها غيرهم و لما نيجي نناقش أي حاجة يقولوها تنزل الاتهامات ترف ما بين علماني و ليبرالي و قرآني و فاسق و ضال....الخ الخلاصة فهم السلف الصالح ( الصحابة و التابعين و تابعي التابعين) للاسلام هو فهم بشري يناسب زمانهم الذي كانوا فيه ممكن ناخد بأشياء منه تناسب زماننا بس فهمهم ده غير ملزم لينا في هذا الزمان نظرا لتغير الظروف التي قام عليها اجتهادهم فهمهم ده هو المصدر الثالث للتشريع و هو ليس وحيا من الله جل و علا هو فهم بشري تم فيه استخدام العقل البشري بما فيه من نقص كالخطأ و النسيان و بالتالي ليس له قداسة و يمكن مناقشته و تفنيده ان لزم الأمر مصادر التشريع كما نعلم أربعة: 1- القرآن الكريم و هو محفوظ و باقي بفضل الله و لا يمكن التشكيك فيه لأن الله تعالى قال:{إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ }الحجر9 2 - ما يوافقه و يفصل مجمله من السنة النبوية المطهرة 3-اجتهاد السلف الصالح (مش كله يناسب زماننا نظرا للمستجدات التي حدثت و تحدث في العالم) 4- القياس مفيش حد بقى دلوقتي بيعمل قياس ( المصدر الرابع للتشريع) كله بيستسهل و ينقل لنا من كتب شيخ الاسلام ابن تيمية المولود في القرن السابع الهجري!!! بقى ده اسمه كلام؟؟؟!!! معقول حياتنا تقوم على نقل لاجتهاد عالم دين و فهمه للدين من ثمانية قرون مضت؟؟؟!!! و ممنوع منعا باتا مجرد حتى التفكير في النقاش؟؟؟!!! و ايهامنا المستمر أن الدين فوق مستوى عقولنا و ان لازم المتخصصين بس همة اللي يتكلموا فيه معقول ربنا سبحانه و تعالى ينزل لنا دين أعلى من مستوى عقولنا؟؟ ثم يأمرنا باتباعه؟؟؟!!! الإسلام دين رغم عظمته دين بسيط و سلس و ميسر و مبشر و هو دين الفطرة يستطيع أي انسان الدخول فيه بنطق الشهادتين و الاغتسال ثم يصلي و يصوم و اذا كان له مال يدفع زكاة و ان استطاع حج إلى بيت الله فقط ما كل هذه الزوابع و الأعاصير للتضييق على الناس و تنفيرهم من الدين؟؟؟ لمصلحة من يتم تضخيم الأمور بهذا الشكل ؟؟؟ لمصلحة من فرض سياج على ذلك الدين العظيم وفصله عن المسلمين كأسرار عليا لا يتناولها إلا خاصة الخاصة؟؟؟ لمصلحة من تقزيم هذا الدين ليصبح كل ما يتحدث عنه في الدروس و خطب الجمعة هو الحجاب الشرعي و حرمة الغناء؟؟؟ لمصلحة من الإفراط في تفاصيل العبادات و إهمال المعاملات؟؟؟ لمصلحة من إهمال الرقائق و الأخلاق التي هي جوهر الدين و تشمير الأذرع لمقاتلة المخالفين لرأينا؟ ديننا دين الحق و يُعرف الرجال بالحق و لا يُعرف الحق بالرجال هل هذا من العقل في شيء؟

ماهو بردوا الشركة معلمتش الاعلان دة بالسعودة يعني مش كل موظفين الاعلان سعوديين وشوفوا البطل ماهو بطل الاعلان كلب مصري خد له قرشين وهان نفسة ولهجة العامية المصرية وابوة وامة يعني مش اللوم ع الشركة لوحدها زي ماكتير من المصريين هنا بيضربوا في بعض وبيسيئوا لسمعة بلدهم

كلام فى السياسة ... حـد يفهمنى ؟؟ ليه رئيس الحكومة اسمه نظيف ....والتلوث قاتلنا؟ ليه رئيس مجلس الشعب اسمه سرور ....والغم راكبنا؟؟ ليه وزير المالية اسمه غالي .....والشعب رخيص؟؟ ليه وزير الداخلية اسمه العادلى ..والظلم مالى الشوارع ؟؟ ليه رئيس مجلس الشورى اسمه شريف ....والفساد مالى المكان ؟؟ ليه وزير التعليم اسمه هلال ....والتعليم في الأرض؟؟ لو عرفت الإجابة اتصل بمصلحة الطوارىء ستحصل على سيخ محمي ماركة حديد عز منقول من على لسان حال المصريين

ماتزعليش نفسك ياشيكو يابنتي ............ دة حال الدنيا ......... فن وذوق واخلاق اااااااااااااااااه يااااااااااااااااااني

(ليه يا بحر قاسي و كلك شجن ,,) من قصيده قديمة لنفس الشاعر ,, البحر يا مكي مايبقاش اسمه بحر الا بعد منتصف الليل ,, شلة الساحل الشمالي القديمة فاكرها ؟؟ اللي بقالك 20 سنه شايفهم وعارفهم هما هما من ايام لما كان الساحل هو مراقيا ومارابيلا وسيدي كرير وبس,, اللي حاطط ايده في جيوبه ده انت عارف سر القرار اللي غير بيه مسار حياته ,,ايوه ,, واللي بتضحك هناك دي كانت بتبكي زمان بين ايديك ,, وبتشتكي لك حب ضاع من بين ايديها للابد ,, دلوقتي كل واحد جاي بمراته ,, وكل واحده جوزها المبتسم للحياه سابقها بخطوتين :happy: انت بس الوحيد اللي زي مانت ,, ماتغيرتش ,, شاب الامس عينه رجل اليوم ,, لكن البحر يا مكي هوا كمان زي ماهو ,, وماتغيرش ,, نفس ريحة اليود والشجن والموج الحزين ,, و ,,, -( انتي يابنتي انتي !!! ماجبتيش مايونيز ليه !!!!!) تفيق من شرودك الطويل وباقي الشله على صوت ايهاب سياحه انت عارفو طبعا - سياحه دي شهرته مش اسمه - لازم صوته يجيب اخر القريه :happy: - نسيت نسيت ,, فيها ايه يعني ,, وتعطي ندى مفتاح السياره لابنها ذو ال 13 ربيعا لكي يسرع الى الشاليه وياتي بالمطلوب ,, بينما المبتسم تزداد ابتسامته شيئا فشيئا في غموض ,,!!

عن ابى هريرة رضى الله عنه عن النبى صلى الله عليه وسلم قال : من صلى صلاة لم يقرأفيها بام القران فهى خداج ثلاثا غير تمام فقيل لابى هريرة :انا نكون وراء الامام فقال : اقرا بها فى نفسك فانى سمعت النبى صلى الله عليه وسلم يقول : قال الله عز وجل : قسمت الصلاة بينى وبين عبدى ولعبدى ما سال فاذا قال العبد : ( الحمد لله رب العالمين ) قال الله عز وجل : حمدنى عبدى واذا قال : ( الرحمن الرحيم )قال الله عز وجل : اثنى على عبدى واذا قال : ( مالك يوم الدين )قال الله : مجدنى عبدى وقال مرة : فوضنى عبدى فاذا قال : (اياك نعبد واياك نستعين ) قال : هذا بينى وبين عبدى ولعبدى ما سال فاذا قال ( اهدنا الصراط المستقيم صراط الذين انعمت عليهم غير المغضوب عليهم ولا الضالين ) قال :( هذا لعبدى ولعبدى ما سأل)

بعض اللقطات الداخلية - Interior - لمشروع التوسعة للحرم المكي الشريف

مش شايف حضرتك ان عمر الواحد كتير اوي على شقة !! الناس الي حضرتك بتتهمهم بخزي العين دول تحملوا صعوبه الحياه الي حضرتك مش مصدق انهم تحملوها لالشيء والا لان مفيش بديل وان الواحد يتغرب ويتبهدل وتطلع عينه ويشتغل 24 ساعه على الاربعه وعشرين عشان يطلع في نهاية عمره بشقة ولا حتي عشرة فاعتقد ان البيعه كده تبقى مخسرة معاه الناس في مصر قطاع عريض منهم منطبق عليه المثل اكل ومرعى وقلة صنعه .. وفاضيين بس يحسبوا ويقولوا ليه معندناش زي الي طلع برا ومحدش فيهم فكر يقف دقيقة يسأل نفسه وياترى انا بتعب ربع الي بيتعبه بتاع برا قبل مااجي اقول هو ليه عنده انتم بتقولوا عليهم اللهم لا حسد .. وهم برضه على فكره بيقولوا عليكم وعلى راحتكم في وسط اهلكم اللهم لا حسد

أعزّي نفسي قبل أن أتقدم بصادق العزاء لإخواني الأقباط على مصابهم الجلل والذي هو مصيبتنا جميعا كإخوة في الإنسانية والوطن حقيقة منذ سمعت بالخبر صباح يوم أمس والمشاعر المتداخلة تنتابني ... بدأت بالصدمة ثم الحزن والآن أشعر بالغضب غضب على نجاح المجرمين السفلة في تنفيذ تهديدهم رغم كوننا دولة بوليسية من الطراز الأول نحكم وتقمع إرادتنا ونضطهد وننهب بإسم الحفاظ على الأمن القومي ... ولكن يبدو أنه أمن النظام وليس أمن الشعب وغضب بسبب الشرخ الذي حدث في جدار الوحدة الوطنية والثقة التي فقدت بين المسلمين والأقباط في مصر والذي يوشك أن توصلنا الى مشارف الفتنة الطائفية الشاملة ولكن غضبي الأكبر هو بسبب ردود افعال بعض المحسوبين علينا كمصريين ومسلمين الذين يحاولون منذ اللحظة الأولى تقديم التبريرات وتجنّب الإدانة الصريحة والقاطعة للإرهاب ومحاولة تمييع القضية ... تارة بالحديث عن مشاكل قائمة بين المسلمين والمسيحيين من نوعية مشاكل وفاء قسطنطين وكاميليا وتقديمها كمبرر لهذه الجريمة وأخرى بتقديم سيناريوهات خيالية من نوعية تورّط الموساد بل والنظام المصري نفسه في هذا الحدث لإبعاد أصابع الاتهام عن المتهم الرئيسي وهو السلفية الجهادية ممثلة بتنظيم القاعدة الذي أعلن بصورة مسبقة مسؤوليته عنها بعد أن نفّذ عمليات مماثلة في العراق ... والتصرحات المستفزة لبعض من يعتبرهم الناس علماء دين والذين تحدثوا ببرود منقطع النظير عما حدث كأنه قد حدث في بلاد الواق واق وليس في ساحتهم الخلفية وبأيدي من قد يكونون من تلامذتهم وتجنبوا الإدانة القاطعة لهذا الإجرام بحق إخوانهم المصريين بل وكان جلّ تركيزهم هو على تأثير الحادث على (الدعوة) ومحاولة الإيحاء الى خطأ الوسيلة رغم نبل مقصد من قاموا بهذه الجريمة الشنعاء ... وأخيرا السفسطة التي مارسها بعض المنتميين لهذه التيارات عبر الهجوم على من اختاروا وضع شعار تعانق الهلال مع الصليب كرمز للوحدة الوطنية أو تحدثوا عن (النصارى) باعتبارهم اخوة في الوطن. الجميع ربط هذا الحادث بالتفجيرات المماثلة في العراق والتي أدت الى هجرة نصف مسيحييه ولكني أربطه أيضا بتصريح للرئيس السوداني يحتفي فيه بالانفصال المتوقع لجزء من بلاده باعتبار أن ذلك ينهي التنوع الديني في البلاد وبالتالي يفتح الطريق أمام تحقيق الدولة الدينية الشمولية ... أعتقد أننا أمام مخطط منهجي لتهجير المسيحيين من الدول ذات الغالبية المسلمة لذات الهدف يشارك فيه كل من يتبع الفكر المتطرف قدر استطاعته ... البعض بالتحريض والهجوم المتواصل والتربّص الدائم والبعض الآخر بالإرهاب والقتل ومحاولة إشعال الفتنة ومن ورائهم حكام يحولون مصائب أوطانهم الى انتصارات أيديولوجية وأمجاد شخصية. أتصور أننا قد وصلنا اليوم الى مفترق طرق لم يعد فيه مجال للمهادنة والتراخي بل للوضوح والحسم ليعلم الإرهابيون أيا كان انتماءهم الديني والفكري أن المسّ بأمن الوطن ووحدته خطّ أحمر ولينال كل من خطّط ونفّذ وأيّد وحرّض وبرّر وهيأ الأجواء وسكت عن هذا العمل الإجرامي جزاءه الرادع.