لوحة القادة

انا مستغرب و مش عارف ليه محدش لاقي حاجة يكتبها .. مع ان ما شاء الله كلنا لقينا حاجات كتير نكتبها في كل المواضيع اللي على الساحة ولا عشان سيد غلبان؟!! الحقيقة اصبت برعشة شديدة لما حطيت نفسي مكان سيد بلال أصل انا من الناس اللي بيقولوا عليهم متشددين متطرفين وحشين .. و عندي لحية و بأروح المسجد و بأحضر دروس و حاجات من اللي كان بيعملها سيد اترعبت لما رسمت زي ما قلتلكم قبل كدة في موضوع البحر .. رسمت فلاش باك مستقبلي لنفسي لو أنا مكان سيد اترعبت لما شفت حزن أمي و أبويا على شبابي و على تعذيبي ... حتى الموتة ما عرفتش أموتها في هدوء اترعبت لما فكرت في بنتي اللي عمرها مقارب لعمر ابن سيد .. سنة و نص .. و اللي هتتربى بدون أب اترعبت على زوجتي اللي مش بس اترملت و هتعيش من غير زوج .. لأ دي كمان ممكن تعيش مطاردة من الأمن و قد يطلعوها شريكتي .. في ايه أنا مش عارف؟!! اترعبت على كل الشباب الملتزم اللي هيخاف و يترعب من اللي حصلي و من اللي مش هيخاف و ممكن يحصله زي ما حصلي اترعبت على مصر .. مصر اللي خلاص بتقتل في ولادها بدون تمييز .. اسف يا مصر .. بحبك و الله .. نظام مصر اللي بيقتل فينا بدون تمييز امبارح كان في لقاء محاوراتي صغنتوت كدة .. قلت للشباب و الله قلبي واكلني على مصر و واجعني .. و أنا في مصر كنت عايش و السلام أنا في دنيا و مصر في دنيا .. شغلي و حياتي و سفرياتي و أهي ماشية .. لما جيت هنا و شفت مصر و اللي بيحصل في مصر .. لما بصيت عليها من برة .. اااااه يا بلدي و الله العظيم عرفت قد ايه هي غالية و قد ايه صعبانة عليا و قد ايه قلوبنا واجعانا عشانها و الله بنحبك يا بلدنا .. بس بنحبك حضن دافي يضم ولاده و الله بنحبك يا بلدنا .. بس بنحبك أمان و ملجأ لولادك و الله بنحبك يا بلدنا .. بس بنحبك تلمينا مش تفرقينا و تقطعينا و الله بنحبك يا بلدنا .. بس بنحبك نضيفة خالصة لينا مش لناس يدبحوا فينا ربنا يرحمك يا سيد و يرحمنا معاك و يرحم سيد زيك كتييييييير ما عرفناش ولا هنعرف عنهم حاجة!! مكاوى .. سيبها على الله

بسم الله الرحمن الرحيم الفاضلة مصرية ربنا يكرمك و يعزك و عشان نكون منهجيين خليني أقول الصراحة انا عندي اقتراح ابعد من مجرد فكرة .. إحنا ياما قلنا أفكار و ياما سمعنا أفكار لكن القضية في التنفيذ عازوين نقول فكرة سهلة و بسيطة و ممكنة التنفيذ و نضيف لها واجب عملي في اخر الفكرة .. يعني نقول الفكرة و طرق التنفيذ و الواجب العملي اللي المفروض نقوم بيه و ان شاء الله كل واحد يكون معانا في الفكرة يقول انه موجود و معانا في الفكرة و ييجي يدي تمام للفكرة و يحكيلنا عمل ايه و حصل معاه ايه و تعليقه ايه و لو عنده تطوير للفكرة دي تحديداً يا ريت كمان الافكار تكون مجتمعية .. يعني أفكار و أعمال تخدم المجتمع و تخدم أفراده و تخدم المسلمين كأمة و المصريين كشعب يعني ايه تخدمهم .. يعني تنقل الصورة الحسنة الطبيعية سواء للمسلمين في العالم كله أو للمصريين داخل مصر و خاصة خارجها .. المغتربين يعني نقول على بركة الله .. هل من مشمر؟ مكاوى

السلام عليكم سأدخل فى الموضوع بشكل مباشر وبدوم مجاملة لأحد , لأنى أرى أن هذه المرحلة الحرجة لاتحتاج لأى نوع من المجاملة , وتحتاج الى علاج سريع جدا للقضاء على العنف والتطرف فى المجتمع ولحماية بلدنا الحبيبة مصر. منذ وقوع الحادث الارهابى الدنيىء وأنا اتابع البرامج الفضائية وبعض المواقع الصحفية وأجد أن هناك محاولات واضحة وضوح الشمس لتحقيق أكبر قدر من المكاسب للأخوة المسيحيين واستغلال هذا الحادث لتعديل قوانين ومناهج وخطابات , وأنا مع ذلك , ولكنى ضد وبشدة أن تكون هذه المكاسب على حساب المسلمين . فلا أعلم حتى الآن من هو المسئول عن هذا الحادث , هل " الحكومة , الموساد , الامريكان , الشيعة , متطرف مسيحى , متطرف مسلم " ؟ ولكنى أشعر أن الجميع يوجه اتهاماته للاسلام وللخطاب الدينى الاسلامى . الارهاب يا سادة لا دين له , الارهابى لا يمثل الا نفسه فقط فقط , فالدين الاسلامى برىء من هؤلاء براءة الذئب من دم ابن يعقوب , أكتب هذا الموضوع لنتناقش سويا ولنصل الى حلول ترضى " جميع " الاطراف للقضاء نهائيا على كل مظاهر التطرف وللقضاء على كل مظاهر الفتنة الطائفية , شرط الا تكون هذه الحلول على حساب طرف دون الآخر . فأنا أتفق بشدة مع وجود قانون موحد لبناء دور العبادة شرط أن لايخرج البابا من كنيستة ولا يكون له أى دخل بالسياسة . أتفق بشدة مع اغلاق كافة القنوات السلفية شرط أن يتم اغلاق كافة القنوات المسيحية . أتفق بشدة مع مراجعة المناهج الدراسية الاسلامية شرط أن يتم مراجعة دروس القساوسة داخل الكنائس . أريد الا تعترض الكنيسة على ترك أحد للمسيحية حتى لو كان كاهن مثلما يفعل الازهر مع من يترك الاسلام . أريد أن تعتبر الكنيسة أقباط المهجر "خونه " وتقول ذلك صراحة مثلما نعتبر المتشديين " متطرفيين " . أريد أن يعامل البابا مثل شيخ الازهر ولا أراه الا فى المناسبات الدينية ولا أقرأ يوميا عن اعتكافات . هذه بعض الحلول التى أراها مناسبة من وجهة نظرى , فمصر دولة مدنية وليست دينية , مصر يحكمها القانون ولا يحكمها شيخ أو بابا , مصر ليست عنصرية , ولا تفرق بين جنس أو لون أو دين , مصر ليست للمسلمين , ولا للمسيحيين , ولا للمسلمين والمسيحيين فقط , مصر لكل المصريين . لا يرضينى هذا الشعار لا يرضينى الا هذا الشعار اللهم احفظ بلدنا الحبيبة مصر من كل سوء.

بسم الله الرحمن الرحيم السلام عليكم ورحمة الله وبركاته عندما يتعطل زر واحد او اكثر من لوحة مفاتيح جهازك او تعطلت لوحة المفاتيح بالكامل عن العمل فان شركة مايكروسوفت قد وفرت لوحة مفاتيح إلكترونيةللكتابة باختيار الحروف عن طريق الماوس حيث تظهر لك لوحة المفاتيح كما فى هذه الصورة كما تلا حظون يمكن الكتابة بها باللغةالعربية ايضا ويمكن تشغيل لوحة المفاتيح هذه كما يلى : اولا: من القاتمة (start) تشغيل(RUN) ثانيا: اكتب (OSK) ثم اضغط ENTER

آمين يا يا رب .. بس قولي هو انا عملت حاجة بالله وحشة؟ ايوه يا اخى تعبتلى قلبى فكرتنى باللى احاول اهرب منه فى مصر إحساس الخوف و الرعب و انت فى بلدك وسط اهلك من موقف مثل موقف سيد الله يرحمه فكرتنى باللى شفته بعينى ما حدش حكالى عن زوار الفجر و الذين اعتقلوا احد اقاربى للاشتباه و كان بريئا و خرج بعد 72 يوم بعد قضاء الواجب معه فى لاظوغلى و طره ..فقط للاشتباه فكرتنى بواحد الله وحده يعلم ما هو مصيره الان و لا انساه ما حييت هذا الرجل كان يختبرنى بان افتح المصحف و اقرأ له اى ايه من القرأن !!فيقول لى فى اى سطر هى و رقم الصفحه ..هذا كان ارهابيا و اشياء اخرى اغالب نفسى على تذكرها فتحت بابها انت على بكلامك و الان اغالب دموعى و انا اكتب لك ثانيه الله يسامحك رحمه الله على سيد بلال و على كل من ابتلى مثله . حسبى الله و نعم الوكيل على الظلمه المجرمين الذين قتلوه و على القتله المجرمين السفله الذين نفذوا حادث التفجير امام الكنيسه الا لعنه الله عليهم اجمعيييييين .

وددت يا مدام سلوي ... وددت يا أختي الغالية ان اقولها ايضآ هذا العيد .. وددت ان اقول كل سنة و "احنا" كلنا طيبين ... و لكن هناك من هم بيننا هنا ما زالوا لا يريدونها ... مازالوا لا يدرون فداحة ما يقومون به ... ما زالوا يستسهلون طريق الكراهية و التأليب ... مازال طريق الكذب و الأفتراء مذهبهم ... ما زالوا يبحثون عن كباش فداء يغسلون من خلالها اياديهم المخضبة بالدماء ... حتي الرمز .... مجرد رمز ... جعلوا منه خطيئة يجب الأستغفار عنها ... و التحذير من عواقبها الوخيمة في الآخرة .. مازالوا بعد كل ذلك يبحثون في كتب الفتاوي علي وسائل تظل الأسوار مرفوعة بها ... وددت ان امد يدي الي كل تلك الأيادي الرائعة التي امتدت تجاهنا تواسينا و تربت علي اكتافنا ... وددت ان اقول رب ضرة نافعة ... و كيف ان حادث مماثل اظهر معدن الشعب المصري الحقيقي في تعاطفه و تكافله امام المصائب .. كيف ان الأغلبية الصامتة أمام ضجيج مغسولي الأدمغة خرجت أخيرآ عن صمتها و عبرت عن نفسها بتلقائية مصرية صميمة ... و لكن كتابات البعض هنا لم تلتفت لكل هذا .. و تأثيرها علي المسيحيين أقسي من الحادث نفسه .... أحمد الله ان أغلبية الشعب المصري ليسوا من رواد الأنترنت .. أحمد الله انهم بطبيعتهم الحقيقية دمروا انهار الصفحات التي تقطر كراهية و تفرقة و اثبتوا للعالم ان كل محاولات التشدد لا تسوي جناح بعوضة ... احمد الله انهم لا يقرأون و الا أصابهم ما اصابنا هنا ... لكم كان رده بليغ طه حسين علي الطلبة التي نادت بسقوط الوزير الأعمي ... الحمد لله انني أعمي حتي لا أري وجوهكم ... و ها هو المصري البسيط يقول : الحمد لله انني مواطن بسيط حتي لا أقرأ سواد سطوركم .... لا تبخلي علي أختي العزيزة بفترة حداد لي كل الحق فيها ... و أعلمي تمامآ ان محبتي لكم جميعآ لم تتحرك قيد انملة ... و لكن تواجد خفافيش الظلام يجبرني علي الأبتعاد قليلآ ,,,, حتي لا اترك نفسي لأغراء الأنزلاق الي حفرتهم و أجد نفسي أكتب ما لا أريد ان أكتبه أبدآ ... فأكره نفسي قبل أن تكرهوني جميعآ ... سطوري تلك و ان كانت لا صلة لها اطلاقآ بمحتوي الموضوع و الخاص بعيد الميلاد المجيد .. و لكن مكانتك لدي كبيرة جدآ جدآ .. و لا أستطيع ان اترك الشكوك تنال منها .... و من خلالها ايضآ اشرح لأعزاء كثيرين لماذ ابتعادي الآن .. هي فترة جرد و تقييم لكل ما كتبته حتي الآن ... بأسم كل مسيحيي محاورات المصريين .. اشكركم جميعآ ... كلآ بأسمه ... علي كل حرفآ كتبتموه هنا .. سواء بالمواساة سواء بالتهنئة.. فبهذا أظهرتم للجميع الوجه الحقيقي للمصري المسلم ... و لا عزاء لنافخي نار الكراهية .... اسمحلي اعترض و اعترض و اعترض مش من حقك تسيبنا حقنا عليك انك تفضل وسطينا جرد ايه و تقييم ايه؟؟ اوعى اوعى تنبش في ساعة مضت خللي اللي خلص يخلص و متفكرش فيه تاني حداد ايه؟؟ هو احنا منعرفش نعيش من غير حزن؟؟؟!!! لأ و بتتطالب كمان بحقك من الحزن!!!!:blink: هو العمر في اد ايه للحزن؟؟؟ طب هو الحزن و الحداد حيحل المشاكل يعني؟؟؟ و الا حيرجع حاجة راحت؟؟ ده بيجلب المزيد من المصائب صدقني طب ما تطالب بحقك في السعادة عيش اللحظة دي النهاردة عيد عيد عندكم و عيدنا الأسبوعي الجمعة الجمعة اللي كلها مخازن من الخير و البركة و السعادة والحب لكل البشر قوم يللا خش و املأ الزمزمية اللي خلصت مش عيب ان الزمزمية تخلص العيب اننا نرميها و نقعد نحزن جنبها كل يوم في شمس جديدة تمسح كل الهموم اللي حصلت في ظلام الليل من نعم ربنا علينا القدرة على العيش من جديد مش عيب أننا نقع العيب اننا منقومش تاني الظلام بكل ما يحوي من خوف و مجهول فهو أيضا ستر و سكون و هدوء و الشمس اللي ممكن أشعتها تحرقنا هي نفس الشمس اللي بتنور لنا الكون كل حاجة في الدنيا لها جانبين الجميل و القبيح و احنا حياتنا سلسة من الاختيارات لنا فيها مطلق الحرية للاختيار الحياة رغم قسوتها أحيانا على البعض دايما مليانة خير و حب و أمل و تفاؤل و سعادة قوم يللا املأ الزمزمية اوعى تتنازل عن حقك من السعادة

إخواني و أخواتي المحاوراتية بمناسبة العام الجديد جعله الله عام خير و سعادة و أمان و سلام على الجميع بإذن الله تعالى نبدأ فهرسة كل المواضيع التي تحمل أفكارا ايجابية و نضع روابطها هنا سأبدأ بمواضيعي في هذا الشأن و التي أرجو ان تزدهر أكثر و أكثر لتشمل أكبر عدد ممكن من الأشخاص الإيجابيين و نصبح قاعدة عريضة رجاء المداخلات تشتمل على روابط لمواضيع العضو نفسه أو مواضيع يراها ايجابية لأعضاء آخرين دعوة للتفاؤل و التفكير الإيجابي http://www.egyptiant...opic=90190&st=0 هل تضع أهداف لحياتك؟ دعوة لتحقيق أحلامك http://www.egyptiant...ic=102690&st=15 دعوة لترقيق القلوب http://www.egyptiant...l=&fromsearch=1 كيف ندعو إلى الإسلام في الغرب؟ http://www.egyptiant...l=&fromsearch=1 تيجوا نتعلم شوية انجلش http://www.egyptiant...l=&fromsearch=1 قوة الاعتقاد http://www.egyptiant...l=&fromsearch=1 لماضة مصرية جدا تأملات في سورة الكهف http://www.egyptiant...showtopic=92856 فراشة المساء ... الدخول بالإحساس فقط http://www.egyptiant...=1 التنمية البشرية ...يعني ايه؟ http://www.egyptiant...=1 صباح الفل يا مصر http://www.egyptiant...=1 وقعت ؟! قوم اقف على رجليك http://www.egyptiant...=1 دريم ويذ مي Dreamwithme برنامج المشي في المنزل http://www.egyptiant...l=&fromsearch=1 إلى أي مدى تحتفظ بحلمك؟ http://www.egyptiant...l=&fromsearch=1 100 فكرة للسعادة http://www.egyptiant...l=&fromsearch=1 قوة الشكر http://www.egyptiant...l=&fromsearch=1 يللا منتظرة اضافات حضراتكم

السلام عليكم و رحمة الله و بركاته م الآخر كدهون انا هحط كل اللي في نفسي ممكن يا جماعة لمدة أسبوع واحد بس نحاول نتغلب علي موجة الحزن و اليأس و الانسحاب اللي فعلا حاساها اتمكنت من روحنا انا مصدقة ان المنتدي هنا ده الوطن اللي بحاول اعوض بيه الغياب عن الحضن الحقيقي حقيقي ان احنا بنمر بظروف صعبة لكن انتو مش واخدين بالكم من حاجة احنا مع بعض بنطبطب علي بعض طب ليه كل طاقتنا دي منحولهاش طاقة بناء خلينا نتبت في حاجات جوانا حلوة هطلب منكم....الله يكرمكم لمدة اسبوع.. طب بلاش خلوه 3 ايام.... طب بلاش خلوه يوم و نص..... عايزين نتكلم في حاجات ترفع معنوياتنا تبني إيماننا بالخير لسه موجود تقوينا....و تعلينا حتي لو فيه خبر منيل و مزفت من مصر...معلشي في اللفظ.....حاولوا حاولوا من فضلكم نعيد قراءته بزاوية تانية و مش معني كده اني بقلل من اي مصيبة حصلت....لكن منسبشي الحزن يجرنا لدوامة نشوف بيها كل حاجة باللون الغامق ممكن من فضلكم و احنا بنطرح مواضيعنا....منتخانقشي....و لا نتحمق...و لا نتعصب ممكن احسن انا خلاص قربت اقول جاااااااي فيه واحد رافع ايده و بيقولي يا بنتي مش عاجبك الحال عادي يعني متخشيش المنتدي و طبعا ده الطالب المحروم من اعمال السنة للعام الدراسي 2011- 2012(وش البت ايمي غانم و هي طالعة في فيلم عسل اسود و بتزعق و بتقول مين طلعني من الكيلاس) معاكو حق.....بس بقيتوا حتة مني....و الحتة دي يعز عليا اسيبها يشدها الحزن لتحت و ده مش معناه ابدا ان محدش فينا موجوع من الي حصل و لا اللي بيحصل بس خلونا نشد بعض لطاقة نور مافيش حاجة تغلب الوجع و تجيبه تثبيت اكتاف ع الارض غير لما نشمر و نقف علي رجلينا تاني الغربة مش اني اسافر في مكان تاني الغربة اني و انا في المكان التاني يفضل مشيول جويا الوجع اللي فكرت اسافر عشان انساه الغربة اني افتح بيبان قلبي ع الوجع و اسيبه يستعمرني...و يموت روحي ببطء تعالوا نقوي بعض تعالوا....نعاند الحزن و هنغلبه بس مش هقدر اعملها لوحدي عايزة اطمن ان احنا بخير بس خلاص ع جنب بقي سامحوني...و اعتبروها يعني حبة فضفضة...و بحبكم كلكم و كونوا دايما معاندين للحزن

استغفر الله العلي العظيم من كل ذنب عظيم بصراحة انا بقرأ الموضوع من اوله ومش عايزة اعلق ............... مش عارفة انطق اساسا استغفر الله العظيم يارب وهو دة اسمه ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بالله عليكم نسميه ايه ؟؟؟ مش اضطهاد ؟؟؟؟؟؟ اضطهاد للمسلمين الملتزمين ولا لأ ؟؟؟؟؟؟ احنا بكدة حققنا العدالة ؟؟؟ ياتري بجد المسلمين الملتزمين هما السبب في كل اللي بيحصل في البلد دة ؟؟؟ ولا هما بس مجرد كبش فداء علشان نحفف الاحتقان شوية يعني دة اضطهاد رسمي ضد الملتزمين ( وماجيبتش سيرة المتطرفين )

السلام عليكم الاخوه الكرام جزاكم الله خيرا . يا اخ عبد المطلب امرك غريب و كلامك أغرب هكذا بكل بساطه إزهاق ارواح البشر ..تجاوز .. و كيف حكمت بادانته بسبب تكرار اعتقاله الا تعلم ان هناك قانون طوارئ و الاعتقال للاشتباه من ابجدياته ثم انه لو مدان ما خرج من الاعتقال يا عبد المطلب نعم ؟؟ حوادث فرديه ؟؟!!! :blink: سمعت عن خالد سعيد يا عبد المطلب سمعت عن احمد شعبان اللى مات فى قسم ثان سيدى جابر كل دول و غيرهم الكثير ..حوادث فرديه برضه يا... عبد المطلب ... :angry:

قبل أن نعزى أسرة الفقيد / سيد بلال رحمه الله ، نعزى أنفسنا كشعب مصر والذى أرتضى على نفسه الذل والهوان على يد عصابة تقبض على البلد من ثلاثون عاما لايردعهم ضمير ولايرتعش لهم جفن حينما تسقط الضحايا بين أيديهم يفتكون بها كالضوارى المتوحشة ، لا دين و لا أخلاق ولا أى حاجة تردعهم . حدثت عملية تفجير رأس السنة أمام الكنيسة وبعدها السيناريو محفوظ ، الرياسة تتصل بوزير الداخلية ويتم توبيخه وكلمتين من اللى متنقيين من قاموس الكلمات المؤدبة جدا وتهديدات بعزله ... ألخ وبالطبع سيادته بعد ما يسمع الكلمتين وياخدهم فى جنابه يقوم هو بدوره ومايتوصاش قايل قدهم عشر مرات لقيادات الأمن ورئيس مباحث امن الدولة ومدير أمن الأسكندرية وضباطه ...ألخ مع أضافات من قاموس ضباط الداخلية المعروف ... وهكذا يستمر تدرج الهرم القيادى حتى يصل الى أصغر رتبة فى المباحث ويمكن المخبرين والجميع بداية من الوزير وحتى الخفير يرد دائما بكلمة واحدة معروفة سلفا وهى : تمام سعادتك أن شاء الله فى خلال 48 ساعة حيكون المتهين أدام سعادتك يا افندم وخلاص دوره ينتهى ويرميها الى من فى الأسفل وطبعا صغار الضباط بعد ما يسمعوا سيل الشتائم والتهديدات بنقلهم الى حدود السودان أو الى واحة سيوة يقوموا ضاربين أيديهم فى دولاب الملفات بتاعة النشاط الدينى وحسب ما يقع تحت صباعه التخين أى شخص او مجموعة أشخاص تعيسى الحظ وكان تم أعتقالهم من قبل ، وقوام هاته من بيته وبسرعة وعلشان الوقت ضيق والمهلة المعطاة قصيرة والمشتبه به معاند ومش عايز يعترف ويقر ويلبس التهمة ونخلص بقى من تليفونات الرياسة يقوموا مزودين جرعة التعذيب وقوامك يعلقوه ويكهربوا جسمه مرات عديدة وفجأة يلاقوا الراجل المسكين فرفر منهم وقطع النفس ... طيب يعملوا أيه فى المصيبة دى نخلص منها ياباشا ونرميه عند أقرب مستشفى و اقاربه ييجوا ياخدوه ويدفنوه وخلى حد فيهم يفتح بقه.... وخلاص وكأن الذى مات غيلة وقتل على أيديهم لم يكن انسانا من لحم ودم وله عائلةوولد صغير مش مهم البشر كتير وما حدش بيحاسبنا وأمن الوطن اهم من امن المواطن وده موضوع كبير عليكم ما تفهموش فيه حاجة ده امن دولة عليا والسلام ....

يا جهاز خيبة الدوله انت يا جهاز انت اجهزت على مين بس السنه دي على مين ؟ اجهزت على المصريين ؟ ولا اجهزت على فرحت بنت عمرها اقل من سنتين البنت دي كانت بتحب بابا اوي و كانت كل ماتشوفه تبتسم راحت الابتسامه يا بنتي وراح بابا خلاص عذبوه و علقوه وضربوه لحد مامات وهو بيموت يا بنتي كن بيفكر فيكي نطق باسمك وقال يارب ,, يارب يحميكي بقية عمرك ماهو مين اللي حيحميكي؟ مات اللي بيحبك وبيبوسك وانتي نايمه خلاص حتنامي ازاي من غيره بس ,,,, حبقى اقول لك انه سافر وحيجي بكره من السفر ماتخافيش دي مش دموع يا بنتي لا بس انا اللي عيني وجعاني شويه ماتقلقيش ,,

أخويا الكبير عبد المطلب بص أنا عاوز أقول الجملة دي بالظبط فليه أول ما تحصل حاجة يدور الضرب في الناس الغلابة دول مسألة الأمور في نصابها .. و الله يا أخي أتمنى كل الأمور تكون في نصابها ولا يأخذ أي حادث في بلدنا لا أكثر ولا أقل من حجمه. متفقين؟ مكاوى

مقتبس من رحلة المجوس للشاعر ت س اليوت أسلكنا كل ذاك الطريق ) من أجل "الميلاد" أم "الموت" ؟ لقد كان ثمّ ميلاد ولا ريب وقد شهدنا الآية وما شككنا. لقد رأيت مولداً وموتاً من قبل. ولكنني كنت أظنهما مختلفين. لقد كان هذا "الميلاد" نزعاً مريراً لنا كأنه "الموت"، موتنا. نعم يا سيدى فى كل ميلاد موت و فى كل موت ميلاد كان فى ميلاده نور ابدا لم نطفئ هناك من يعيش بالكره و تقنله المحبه كان ميلاده موت للكره و ميلاد للمحبه فلا تحزن عيد ميلاد مجيد كل عام وانتم بخير

السلام عليكم الاخوه الكرام جزاكم الله خيرا .هذا اول بند فى الفاتوره جراء حادثه الاسكندريه التى يجب و حتما و لابد و لازما ان يكون المسلمين و السلفيين تحديدا هم الفعله هكذا بدون مواربه يجب ان يلبسوها و عندها لدى النظام المبرر لتبرير التنكيل الذى يفيده لاسباب عديده الفتره القادمه ..اهمها تمهيد الجو تماما لانتقال السلطه القادم لا محاله سواء قبل الانتخابات او بعدها .. .فضلا عن رؤيه اطراف اخرى انها فرصه سانحه لاستغلال تلك الحادثه لتحقيق بعض المأرب و رد الاعتبار و فى الاسكندريه تحديدا دون غيرها خلال كل هذا يتجاهل الكثيرين حقائق دامغه حتى الان لم يتحدد الجناه و الذين تتوجه التحقيقات و الحقائق اليهم يوما بعد يوم و يتأكد بشكل لا يتطرق اليه الشك انهم غير مسلمين نعم غير مسلمين و مسلمى مصر على وجه التحديد و ليتحمل كل من ساهم و لو بحرف جزاءه فى تحميل المسلمين جريمه كهذه هم منها براء قبل القول الفصل فيها مخالفا ابسط قواعد العدل و ان المتهم برئ حتى ثبوت إدانته بكل المقاييس و التحليلات مسلمى مصر اخر المستفيدين من هذه التفجيرات تماما و هذا ما سيتأكد فى الايام القادمه بإذن الله المصيبه هل سيستطيع النظام إعلان ذلك . رحم الله سيد بلال و جعل موته بهذا الشكل فى ميزان حسناته و ان يثيبه الله جزاء الشهداء و نسأل الله الستر و التثبيت لباقى المسلمين الذين سيؤخذوا بهذه الجريمه بلا ذنب . حسبنا الله و نعم الوكيل

تسلم يا امير على المعلومه القيمة افرض الكيبورد تعطلت بالكامل عن العمل .. ازاي حنكتب OSK عن طريق الماوس كليك start > accessories > accessibility > onscreen keboard بس خلاص

الصمت .......... قد يهز الجدران احياناً وبقوة الصمت ....... قد يقتل ويهدم ويكسر وبحدة الصمت ...... لايعني بطبيعته السكون فهما ليسا بمترادفان ........ بل انهما في بعض الاحيان متضادان فالسكون هو الهدوء ........ والصمت ..... لايمثل الهدوء بل انه اشبه بنار ...... بل ....... بركان مشتعل ...... تحت الرماد حتماً سينشط ......... حتماً سيثار ....... ولا يجد حينها من يخمده أكره صمتي بشدة ............... أكرهه بجنون فهو اشبه بالهدوء ....... ولكن ليس اي هدوء هو الهدوء الذي يسبق العاصفة وحين اراني صامتة أدرك حينها ...... ان رياحي حتما ستأتي مدمرة وستغرق امطاري اليابسة ........ وستبدأ العاصفة سأُحرق دفتر الذكريات .... وسألقي به في الهلاك سأجمع أوراقي ... دفاتري ..... ذكرياتي ..... ومدوناتي حنيني .... حبي .... دفئي ..... ابتسماتي سأجمع كل امل ......... كل بريق وسأنظر اليهم وهم يحترقون بنار المدفأة فلست انا من تنتظر وسأرحل ......... سأسافر الي كل مكان بعيد تاركة همومي ...... احزاني .... دموعي ..... وآلامي لن أحرقهم ....... سأحتفظ بهم فقط في خزانتي فهم حصيدتي ..... اتركهم لأتعلم كيف ستكون حياتي وابني ضحكة جديدة ....... ووابتسامة صافية لا تشوبها شائبة وقلب وليد ...... تدغدغه الاماني الراقية سأرحل باحثة ......... عن أملٍ جديد ...... عن عمر ٍسعيد سأبحث في العيون ...... في الدفاتر ...... في العقول ...... وفي القلوب حتماً سأجد ضالتي ............ حتماً سأجد سعادتي

ذات عام..أحببتك كثيرا..حتى خُيّل إليّ اني سرقت مشاعر أهل الأرض جميعا (1) ماذا أكتب لك في العام الجديد هل أكتب أني أحبك؟ نبأ قديم وحكاية عشق مملة يتثاءب الصغار في بدايتها ويتظاهرون بالنوم (2) في بداية كل عام أدخل في حالة مؤلمة من الحنين إليك فأغمض عيني كي أعيد الزمان الى الوراء وأُسافر فوق أجنحة الخيال إليك لكن في هذا العام افتقدت وجودك في قلبي وافتقدت إحساسي بالحنين الجميل إليك (3) في العام الأول لرحيلك بحثتُ عنك بحب فلم أجدك فظننتُ انك تمارس معي لعبة الاختباء وفي العام الثاني لرحيلك بحثتُ عنك برعب فلم أجدك فأيقنتُ انك تمارس معي لعبة الموت (4) كلانا أحب الآخر بطريقته فكنت بالنسبة إليّ الحلم الذي تمنيتُ ان يصبح واقعا وكنتُ بالنسبة إليك الواقع الذي تمنيت ان يبقى ... حلما (5) كان العام الجديد هنا بحثتُ عنك بألم وذهول لدرجة اني تمنيتُ ان تتوقف الأرض عن الدوران لحظة لأقول لك "كل عام وقلبك بألف خير" (6) ما اروع ذلك العام الذي كنت فيه حبيبي كان تراب الأرض عنبرا وموج البحر سُكّرا ولون الجبل اخضرا ووجه القمر ضاحكا وضوء الشمس أشقرا (7) وما أقسى هذا العام الجديد زرتُ فيه مدينة الحنين كعادتي كل عام وفي يدي أحمل باقات الورد كي اهديها كل الذين أحتفظ بهم في مدينة الحنين لكني رأيت أحلامها مُنكسّة وطرقاتها مظلمة تُرى من أطفأ القمر وكسر مصابيح الطرقات؟ (8) ربما في هذا العام لم يعد لك في قلبي شيء من الحب ولم يعد لك في داخلي شيء من الحنين ولم يعد لك في خيالي شيء من الخيال ولم يعد لك في جنوني شيء من الجنون ولم يعد لك في عيني شيء من الدمع لكن مازال لك في طريقي الكثير من الأطلال كلما مررتُ عليها تذكرتُ اني ذات يوم كنت على قيد الحياة (9) هاهو عام آخر يمضي بتفاصيله الحزينه هاهو عام جديد آخر يأتي بتفاصيله المجهولة تُرى ماذا كان سيضيرك لو انك قتلتني ورحلت - شهرزاد الخليج....هذيان عام جديد-

كنت أتجول بين مقاطع فيديو لزيد و التقطت عيناي هذه الرسالة كان يلعب على هذه اللعبة أمد يدي لأمسك به قلبي لا يطاوعني على تركه قد يقع قد يتأذى لا أثق انه يستطيع ينظر لي في حسم يمد قدمه الصغيرة في حرص يضعها على اول قضيب يمكسك بكلتا يديه و في حذر أشد ينقل قدمه الاخرى و هو ينحني لينقل جسده كله عبر الدائرة أتابعه في ترقب متوقعة ان يقع في اي لحظة مستعدة لالتقاطه يكرر الخطوات واحدة بعد الاخرى عابرا النفق يصل الى الناحية الاخرى و يقفز فاردا ذراعيه صائحا تاداا تاتر أصفق في حماس مكررة خلفه تادااا شاطر في فرح ينظر اليّ عذرا صغيري فقط كنت اريد حمايتك انطلق صغيري فاردا جناحيك و سأظل دوما مستعدة لالتقاطك أعرف انك تستطيع لكنه قلبي

عذرا ,, عدت لهذا الموضوع لان المقال التالي ذكرني بجزء نسيته من الحوار الحوار تطرق طبعا لاحداث العمرانية قالت لي ان كل اللي حواليها انتقد بشدة اللي عملوه المسيحيين و التظاهر و العنف لكن عرفت بعد كده ان مش الكنيسة لوحدها اللي كانت مخالفة اغلب المباني هناك فيها مخالفات كثير «اشمعنى احنا»؟؟؟؟ قلتلها .. ما سمعتيش عن المستشفى اللي هدوه لمجرد انه تبع الاخوان؟ بس بجد ,, «اشمعنى احنا» ,, الجملة دي أبرز نتائج الدولة الرخوة حلها الوحيد .. سيادة القانون على الكل :egyflag:

ااااااااااااه يااااااااااااااااااني وايه ف الزمن دة فضل علي حاله ؟؟؟؟؟؟ وكام واحد فينا لسة زي ماهو ماتغيرش ؟؟؟؟؟ كام واحد فينا قدر يحافظ علي الطفل الي جواه ؟؟؟؟ كام واحد فينا ماغيرتهوش السنين ؟؟؟ هااااااااااااااااااااا وبعديييييييييييين ؟؟؟؟؟؟ نقول كمان !!!!! عجبي علي ايام تغير حاجات جوانا ....... لاتسيبها علي حالها ولا تحلي معناها عجبي علي ايام تموت كلامنا ......... والاه ف عيونا ......... ويظهر المنا عجبي عليها هي ...... ولا عجبي علي نفسي ...... يمكن لاْني ماكنتش اعرفني ؟؟؟ العند مش طبعي .... والكبر مش وصفي .... لكن معرفش بقت مين هي نفسي ؟؟ حاولت افهمها ...... وقربت من تفكيرها ........ تقول الاه بخوف لحد يسمعها ؟؟؟؟ القوة طبعها ........ قوية بإيمانها ......... والفهم من بعدها هيهز افكارها ؟؟ ماهي كانت زمان واضحة ....... وكنا اصحاب واكتر ...... لكن النهاردة بغموضها حيرتني بالغازها ؟؟ نفسي .... صحيح ...... لكني مش عارفة ..... هي اللي في المراية ؟؟؟؟ ولا لازم من تاني اعرفها ؟؟؟ هتوصليني لفين ؟؟؟؟ ودة خوفي منك ....... يمكن بقالنا سنين ...... ولسة هتعلم منك ؟؟؟ قالت خلاص انتهينا ....... والصمت لازم يسود ....... لا القلب ولا العقل الزينة ..... النفس هي اللي هتقول خلص النقاش خلاص ..... ياما ناقشتوا وياما اختلفتوا ....... وطالما الرحمن معبود يبقي النفس هتحكم بيناتكوا ماسمعش حس ولا صوت ..... واوامري يلا نفذوها .... من غير جدال ولا غموض ..... الغازي يلا افهموها كلمة وخلاص قلتها ..... ومافيش كلام بعدها ...... علشان رضوي تكون ...... لازم جيوشنا تتحد !!!! مافيش الالام ولا اه ....... والصبر والطاعة اكيد ...... هي كدة الحياه ...... وبكرة هيبقي عيد بكرة بتاعنا لوحدنا ...... هندوق فيه حياتنا وطعمنا ..... وننسي اي مرارة ..... وف القلب هيعيش اسمها اما الظلم والخيانة ......... نهايتهم معروفة ..... لاالظلم بيتنسي والخيانة مكشوفة وعجبي

عن خزيمة بن ثابت ـ رضي الله عنه قال: قال رسول الله ـ صلى الله عليه وسلم ـ: "اتقوا دعوة المظلوم فإنها تحمل على الغمام، يقول الله: وعزتي وجلالي لأنصرنك ولو بعد حين".

ظننت ان عاصفتي ستأتي مدمرة ....... وقد كانت ولكنها كادت ان تدمرني انا ........ كادت ان تلقي بي من فوق اعلي الجبال ظننت ان نار مدفأتي ستحرق كل الامي وتدفئني ...... وقد كان ولكنها اوشكت علي حرقي انا ....... اوشكت علي كتابة اسمي في الذكريات ظننت ان هدوئي يزعجني بشدة ........ ولكني عرفت مايزعجني اكثر منه ظني كان كثيراً ........... ظننت اني أبحث هن نفسي .... ولكني كنت اضللها لم أكن بهذا القدر الكافي من الصراحة مع نفسي ...... بل اني لم اكن ادري لم اكن ادرك حينها ذلك الالم الشديد ..... يعتصرني بشدة ولا يوجد اي مخدر وحيــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــدة ووحدتي قاتلة ........... ربما كانت مشاعري مازالت دافئة ؟؟؟؟ ربما لم يكن دفتر ذكرياتي قد اكتمل بعد ......؟؟؟؟؟ ربما لم اكن اريد الرحيل ؟؟؟؟؟؟؟؟ نعم انها الحقيقة لم أكن اريد الرحيل ........ فلقد وجدت ضالتي هنا ...... ورحيلي سيفقدني هويتي لقد كنت اشبه بالمسافر في الصحراء في ليل قاس البرودة والظلمة اراد ان يشعل ناراً لتدفئه وتنير له وتبعد عنه الوحوش ..... ولكنه بالغ في اشعالها حتى كادت ان تحرقه ........... لقد ذاق لهيب النار ........ لا ادري ماذا كنت ؟؟؟؟ ولكني فقط تأكدت من حقيقة واحدة هي تلك الحقيقة التي رفضتها ........ رفضت تصديقها هي الان المؤكدة لم اكن ادرك ان هذا الالم لايحتمل ولا يقوى عليه اي مخدر الاستئصال ليس حلاً ....... لابد أن نبحث عن حل اكثر عقلانية

الا ترى أن إستخدم لغة أقل مايقال فيها أنها هابطة فى وصف من لايعجبك رأيهم هو هبوطا فى مستوى الحوار يرفضه أى شخص حتى ولو لم يكن مثقفا؟ 40% من إقتصاد البلد فى يد المسيحيين لايعدو إلا ان تكون نكتة ترددها وليس لها أساس من الصحة ، وعلى الأقل لم أرى أسماء مسيحية اتهمت بالفساد او تدوير الأموال ، أما الكوادر والاطباء والمهندسين ، فلا أعتقد أن الكنيسة قد استقوت بالخارج لتمنح تلك الكوادر شهادات تخرج ودرجات علمية من كلية اللاهوت ، كلهم حصلوا على الثانوية بمجاميع أهلتهم للالتحاق بكليات القمة او بكليات القاع ، وعملوا واجتهدوا ووصلوا لمستوياتهم الحقيقية ، إلا إذا كنت تستكثر عليهم دخول الجامعات المصرية والتى للحمد لله لم يتم أسلمتها بعد وغريب جدا ان تقارن بين المسيحية والاخوان المسلمين ، لم أكن أعرف أن الأخوان المسلمين قد تحولت إلى ديانة جديدة تقابلها المسيحية الأرثوذوكسية أى مكاسب تتحدث عنها ولايزال حلم بناء كنيسة بدون اللجوء للمحافظ ورئيس الجمهورية من المستحيلات؟ أى مكاسب تتحدث عنها فى ظل وجود قانون أو مادة فى يفرق فى إصدار الترخيص ببناء دار عبادة؟ أى مكاسب تتحدث عنها وانت وغيرك لازلتم تتحدثون عن عدد الكنائس الممكن السماح به أى مكاسب تتحدث عنها وهناك تضييق ممن اوصدت عقولهم فيتصدون بالقوة لبناء كنيسة جديدة ، أو يقومون ببناء زاوية مساحتها 10 أمتار ليس لها سوى ميكرفون ومئذنة فوق سطح عمارة جهزت فقط للتضيق على الكنيسة القائمة وفى النهاية تصف المسلمين بالضعفاء؟ إذا كان هذا حال الضعفاء ، فماذا لو مكنهم الله ليكونوا جبابرة؟ كانت القيامة قامت؟ وأخيرا وأتمنى ألا يكون بآخرا هناك مثل يقول " اللى على رأسه بطحة . . . . . " من وجه الإتهام للمسلمين أو للإسلام؟ العمل إرهابى بحت ، سواء كان من قام به مسلما أو مسيحيا أو يهوديا ، فلا تهم ديانته هو إرهابى جبان ، فعلته اسرائيل ، فعله مصرى مخبول باسم الاسلام فالعمل ليس من الإسلام فى شيئ وليس حجة على المسلمين لذلك أطلب منك الكف عن هذا السؤال الذى ردده البعض بعد احداث سبتمبر ولندن ومدريد حتى لو كان الفاعل مسلما ؛ فلايوجد اتهام للإسلام ، وإنما للمخبولين

السلام عليكم ورحمة الله وبركاته أحب قبل أن أكتب فكرتي اليومية أن أقدم اعتذار لكل شخص كان متابع الموضوع لأنقطاعي الأسبوع الماضي لكن الانقطاع كان بسبب فترة حداد علي أرواح ضحايا تفجيرات الأسكندرية فلم يكن الوقت ملائم للكلام عن أفكار للسعادة فكرتي اليوم "من كتاب 100 فكرة للسعادة لد/الراشد" كيف يتعامل السعيد مع المشاعر المختلفة؟ إن السعيد إنسان يعتريه القلق كأي انسان آخر لكنه في معظم أوقاته مسترخ، يكتئب لكنه في معظم أوقاته فرح، يبكي لكنه في معظم أوقاته يبتسم، يتعب لكنه في معظم أوقاته مستريح، يضطرب لكنه في معظم أوقاته متزن، يتشكك لكنه في معظم أوقاته متيقن. إن السعيد بمعني آخر لا يستنكف أن يكون إنسانا بمشاعر وأحاسيس، وهو عندما تأتيه يتقبلها ويعطيها وقتها للتعبير، لكنه لايرضي أن يكون آلة حزن وتنديد واضطراب، كما أنه لايرضي أن يكون ضحية بل هو يتقبل واقع مشاعره وأحاسيسه وفور هدوئها يعمل علي تحسينها بالعلم والعمل والإصرار.

لا يا عنبو.. انت بأة بالذات لازم تعلق .. علق و افتكر كلامنا امبارح .. أوكشن؟ تحياتي يا بوس .. مكاوي هعلق اقول ايه ياميكاوى هقولك انا زعلان على مصر بلدى اللى ماليش غيرها هقولك زعلان على الناس اللى اتقاتلوا يوم عيدهم بدون وجه حق هقولك زعلان على الشاب اللى اتعذب لحد لما مات واتيمت بنته واترملت مراته بدون تحقيق رسمى معاه هقول ايه ولا ايه ياميكاوى الصمت هو انسب تعبير على الواقع اللى احنا فيه خلى الناس الكيبره تتكلم يمكن يكون عندها حل للازمه دى تحياتى عنبو

مقال أ/جلال أمين من جريدة الشروق مرة أخرى من قتل الأقباط؟

تسلم يا امير على المعلومه القيمة افرض الكيبورد تعطلت بالكامل عن العمل .. ازاي حنكتب OSK

خليني قبل ما ادخل في تفاصيل الحادث المؤلم اصورلكم اصوات الشخير و طريقتها للمستمع المجاور للنائم المشخر مع العلم ان حرف ال خ الصغير يعني شخير منخفض و كلما كبير كلما اشار الى ارتفاع صوت الشخير بينما فففففف تعني خروج النفس أما النقاط .......فتعني حالة هدوء 1- .................................................. (ده الغير مشخر الطبيعي) 2- خ خ خ خ فففففففف..... خ خ خ خ ففففففف ....... (و دي الحاله الطبيعيه للمشخر الطبيعي) 2- .................................................. خ خ فففففف ( و دي في حالة الإرهاق الشديد حيث يتوقف النائم المشخر عن كل شيئ حتى النفس الى ان يجد انا سيتوفى فيسحب كل الأنفاس الممكنه في نفس واحد) 3- خ خ خ فففففف.... خ خ خ ففففففف ..... خ خ خ ففففففف (و ده الشخير العالي جدا و المنتظم) 4- تتحول احيانا ال ففففففف الى صفير 5- كل ما سبق معا ركزوا بقى معايا و دلوقتي نرجع تاني لفرانكفورت

كل عام و أنتم بخير وربنا يصبر اهالي المتوفيين و يكتب الشفاء العاجل للمصابين و يقينا الله عز وجل شر الفتن

ربما كانت الحياه بــــــــــــــــــــــــــــحر ولكنه بحراً عميقاً ......... وليس عقيماً بحراً ........... يتطلب من سباحيه مهارات مختلفة ....... كلٌ وفقاً لقدراته وميوله فلو كنت تهدف الي وصول اليابسة بأمان ........ فعليك اتباع التعاليم ..... والتعاليمات دستور البحر هو ( الشريعة ) والغاية النهائية لابد ان تكون (رضا الله ) اذن انت الآن مستعد للاقلاع ........ وعليك ان تختار هل سبحر بتلك السفينة العملاقة ؟؟؟؟؟ أم ستفضل الاشتراك في سفينة اقل حجماً ولكن لك مركزاً فيها ؟ أم ستصنع لنفسك قارباً صغيراً تشارك شخصاً في قيادته ؟؟ أم انك من هواه السباحة ؟؟؟؟ نعم انـــــــــــــــــــــا !!!!!!!!!!!!! انا من هواه السباحة .......... لاادعي اني محترفة ..... ولكني فقط امتلك القدرة .... القدرة علي السباحة علمني اياها والدي - بارك الله فيه - واشترك مع امي في وضع الاسس والاساسيات ....... رسما لي خارطة الوصول واعطوني الدستور وتركا لي حرية الاختيار ........... اختيار الطريق ....... والاستعانة بالوسيلة المناسبة ........ كلاً طبقاً للدستور علماني السباحة وسبحا معي في بداية طريقي ....... ولما قويت عظامي ......... تركاني اسبح بمفردي - اطال الله عمرهما - ينظران اليً من بعد ...... وكلما شرد ذهني ينظرا الي عيني نظرة ادري معناها علمني البحر .......... أن الخالق رحيم ........... علمني البحر ...... ان الرزق مكتوب علمني البحر ان الحياه رزق علمني البحر ان العند يورث الكفر علمني البحر ..................... أن عليً ان اختار أنسب الاوقات للصيد !!!!!!!!!!!! فالبحر ليس معطاءً بطبعه .......... ولكنه يعطي بأمر الرزاق علمني المرونة ............ علمني التحدي ............ علمني الطموح ......... علمني الامل في احلك الاوقات ظلمة علمني الكثير والكثير ومازلت اتعلم السباحة في بحر الحياه فلم يحن الوقت بعد لاْشارك في بناء قارباً صغيراً وأشارك في ادارته ولكني ادون كل ماتعلمته من والداي حتى اعلمه لأولادي ........ بعدما اصنع قاربي ........ اريدهم ابطال سباحة

السلام عليكم و رحمة الله و بركاته من إيميلي يا رب تكون مفيدة

http://www.youtube.com/watch?v=lFSCLvkeyLg جـمعة مـباركة

لكل مفروسة ...إليكى خطوات للمحافظة على جمالك .... تضامناً مع وزارة الكهرباء و الطاقة.... استغني عن السيشوار الموضة دلوقتي الشعر منكوش حتبقي تحفة ....ولاختيار افضل انواع الشعر ..الموضة اللون الشفاف (موضة أخر حاجة ) وبيبقى كدة بالشكل ده ... التوقيع : صلعاء فى ورطـة مقتبس من ام ينة شلباية ...

النور نورك يا باشمهندسة :) أنا من حُرِمت (ضمة على الحاء و كسرة تحت الراء art:) ) منكم لظروف خارجة عن إرادتي و المحاورات دائماً منورة بأهلها و يارب نتجمع على الخير دايماً. متشكر جداً على ذوقك

أنا لن أخص المسيحيين الأرثوذوكس بالتهنئة كما خصهم الأستاذ كامل كما لم يفعل سابقًا و لكن أقول كل عام و كل المصريين بخير كل عام و مصر كلها بخير و أمان

كامل مررت يا صديقى بما هو أصعب مما نحن فيه الان.. أى شىء تنكره الان؟ فكر؟ مبدأ؟ فهم خاطىء لعقيده؟ أراك يا صديقى قدأختزلت كل من عرفتهم وعاشرتهم فى الفكر الوحيد الذى كانت رسالتك محاربته ليس دفاعا عن عقيدتك بقدر ما هو دفاعا عن رؤيه لماضى وحاضر ومستقبل لن يكتب الا بأبدى من يدافع عنه؟ هل تحاسب أمه على خطأ أفراد؟ هل اقنعوك خفافيش الظلام مهما كان انتمائهم ان تصدقهم وتعطيهم غاياتم؟ هل أفقدوك مقاومتك فى التمسك بحقبقه لن تغيرها ألاف التفجيرات ومئات الشهداء من الجانبين؟ الحدث جلل.. نعم.!! المصاب اليم.. نعم.. الجسد جرح .. نعم ولكن لم ولن يتمزق.. يا صديقى.. تريد أن تقف مع النفس هل لتختار جانبا تنمتى اليه؟ أم تراجع نفسك فى قلبك المرمرى لتملؤه بقليل من الغضب يعمى عينيك عن حقيقه تجرى فى عروقك؟ يا صديقى.. أتريد أن تراجع مذهب أتخذته وقضيه عشت من اجلها أم تريد أن تغير قناعاتك؟؟ ان كان... فقد نجحوا أذا فى ما يريدون... قديما منذ ثمانى سنوات... ناديت عليك وقلت يا حفيد عيسى العوام.. أين انت؟؟ وتصدى وقتها من شكك فى شخصيه عيسى العوام...!!!!اتذكر.؟؟ كانت لغه الخطاب وقتها أعنف... وأجبرت أنت الكل.. الكل.. عل احترامك وتغيير قناعاته من معاملتك.. الفكر يقارعه الفكر.. وليس الاعتزال.. الفهم الخاطىء.. يقف امامه الفهم الصحيح .. ليس الاجتناب.. لك الحق فى الحزن والالم... والغضب.. أجل الغضب.... وكم من مره اخرجت من بركان غصبك.. نهرا للتسامح... وبلسما يداوى من جرحك قبل ان تداوى جراجك.. وكأنى اتحدث الى نفسى الان... نعم...عد قريبا ولا تكثر من فتره مراجعه النفس... وختاما....أنا متأكد .. انك لم تتغير والا لن تكون كامل.. الذى اعرفه.. وربما نسانى لا يوجد أحد أعرقه أخطأ أخطائى.. أو خسر كما خسرت.. ولكنها جمله قالها لى أحدهم فى مره من المرات وقفت امامها وتصالحت مع نفسى وتمسكت بالامل وهى :.. أنت تننتهى حين تقتنع انك انتهيت.. هذا الشخض.. أسمه كامل الجمل...

أنا أمك التي إنتظرتك في ليلة العيد بلهفة.. وإفتقدتك في صباح العيد بألم !! وبحثت عنك في وجوه المعيدين بصمت. وخبأت لك حلوى العيد بجيب ثوبي وصررت لك عيديتك بطرف غطاء رأسي .... وقلت غدا حين يأتي الشوق به سأحدثه عن الكثير ...وأُعاتبه على الكثير!! أنا أمك التي .كنت أشعر بألمك قبل قبل إصابتك به ..وبهمك قبل استقراره بك.!! وبمرضك قبل وصوله إليك,,وكان الحب كالمشيمة يربط بين قلبي وقلبك. متحديا مسافات الزمن॥ وظلمةالوقت..ومساحات البعد!! أنا امك التي ..ان مت يوما ..سيقتلك اليتم بعدي.. وسيقتلك البرد بعدي.. وستبحث عني بين نساء الارضِ .... وستبكي على أسرة بنات الليل طهري ... وستدرك بعد الاوان اني إنثى ..حين أحببتك...انجبتك !!ا حين احببتك...انجبتك !! حين أحببتك ....انجبتك - شهرزاد الخليج-

"خرج رجل في سفر مع ابنه إلى مدينة تبعد عنه قرابة اليومين، وكان معهما حمار وضعا عليه الأمتعة، وكان الرجل دائما ما يردد قول: ما حجبه الله عنا كان أعظم! وبينما هما يسيران في طريقهما؛ كُسرت ساق الحمار في منتصف الطريق، فقال الرجل: ما حجبه الله عنا كان أعظم! فأخذ كل منهما على ظهره، وتابعا الطريق .. وبعد مدة كُسرت قدم الرجل، فما عاد يقدر على حمل شيء .. وأصبح يجر رجله جرًّا، فقال: ما حجبه الله عنا كان أعظم! فقام الابن وحمل الحمل و أبيه على ظهره وانطلقا يكملان مسيرهما، وفي الطريق لدغت أفعى الابن، فوقع على الأرض وهو يتألم، فقال الرجل: ما حجبه الله عنا كان أعظم! وهنا غضب الابن وقال لأبيه: أهناك ما هو أعظم مما أصابنا؟ وعندما شفي الابن أكملا سيرهما ووصلا إلى المدينة، فإذا بها قد أزيلت عن بكرة أبيها، فقد جاءها زلزال أبادها بمن فيها. فنظر الرجل لابنه وقال له: انظر يا بني، لو لم يُصبنا ما أصابنا في رحلتنا لكنا وصلنا في ذلك اليوم ولأصابنا ما هو أعظم وكنا مع من هلك" تأملاتي في القصة أيمكن أن نغفو...نستيقظ و نحن علي يقن ان ما حجب عنا يوما كان أعظم!! أيمكن أن تستريح القلوب عندئذ!! أيمكن ان نهتدي و نجد ضالتنا في السكينة!! يمكن جدا....فقط تجديد الثقة كما يليق بجلال الله و عطاؤه و أن منعه عطاء

تابعت الاخبار و تالمت مثل كل من شاهد تلك الصور المفزعة وجدت كل اطواف الشعب تذهب معزية و الباقى يقوم بعمل مظاهرة ليعلن عن رفضة و اننا شعب واحد لكن سالت نفسى و اين الرئيس ؟؟؟ اين الرئيس لماذا لم نجدة ؟؟؟ لماذا لم نجد سوزان مبارك ؟؟؟؟ اين جمال مبارك ؟؟؟ من اصيبوا من اخواتنا فى المستشفيات و هم اكتر من التسعين لماذا لم يذهب ليهم الرئيس و اين نظيف و اين باقى الحكومة لم اجد شافية بجد اتطلع الاخبار و اعجب بالرئيس زين العابدين عندما زار فى المستشفى الشاب الذى احرق نفسة بسبب البطالة و استقبل عائلتة فى القصر الملكى و اعلن تفهمة لحالة الشاب هل نحن فى عالم و الرئيس واتباعة فى عالم اخر

الاخت الفاضلة ... الهلال بالنسبالنا فعلا رمز لاخونا المسلمين او للاسلام والا مكانش اتعلق على ماذن المساجد حسب فهمنا يعنى وكمان عشان ارتباطه بالشهور القمرية وزى ما قلت لاخى محمد ان الحكاية بس كانت نسيان نرجو عذرنا عليه وبامانة لو كان الاختيار ما بين العقيدة والوطنية فى موضوع زى ده هختار الوطنية لان ببساطة مش شعار اللى هينقص من عقيدتك او عقيدتى وادينى غيرت الصورة تحياتى ومعنديش اى حرج فى انى احط صورة ليه حتى لو كان بدون الصليب تحياتى

عن عبد الله بن مسعود رضى الله عنه عن النبى صلى الله صلى الله عليه وسلم قال : ( يجئ الرجل آخذا بيد الرجل فيقول : يارب هذا قتلنى فيقول الله له : لم قتلته : فيقول قتلته لتكون العزة لك فيقول : فانها لى ويجئ الرجل آخذا بيد الرجل فيقول : ان هذا قتلنى فيقول الله له : لم قتلته ؟ فيقول لتكون العزة لفلان فيقول : انها ليست لفلان فيبوء باثمه )

السعوديةهى وطنى الثانى بعدمصر وبالنسبة للهيئة من افضل الاشياء فى السعودية نا س محترمين جدا وبيحموا المواطنبن والمقيمين وعن تجبة شخصيا رايت بعينى احد رجال الهيئة بعد منتصف الليل فى احد الاسواق يمر بسيارته ولما سئلت عرفت ان هناك نساء لم ياتى بعد ازواجهم لاخذهم ولم يمشى من السوق الابعد مجىء ازواج هولاء النسوة بارك الله فى مصر واهلها والسعودية واهلها وهيئتها

يا اخوتنا الفضلاء إذا أردنا نقاشا موضوعيا حول هذا الحادث بعيدا عن كل الشعارات لا ينكر عاقل أو محايد أن هناك احتقانا طائفيا في الشارع المصري وهذا الاحتقان يتزايد دون أن يجد من يحاول رفع أسبابه هل تريدون أن نتكلم بصراحة ؟ راجعو معنا كم الحوادث والاضطرابات خلال ال 5 سنوات الأخيرة التي تم ذكر الكنيسة فيها أو ذكر راعي الكنيسة ( سواء كانت الكنيسة الرئيسية أو الكنائس الفرعية ). راجعو حادثة الأميرية التي تم فيها اغتيال امرأة وطفلها تقريبا في بيتها عقابا لها على إسلامها. راجعوا واقعة وفاء قسطنطين وكاميليا شحاته وغيرهن راجعو تصريحات الانبا بيشوي حول أصل البلد وضيوفها وتحريف القرآن الكريم والدفاع عن الكنائس حتى الاستشهاد راجعو أحداث العمرانية أحداث كنيسة أسيوط ( تقريبا ) التي توعد فيها كاهن الكنيسة بفصل المحافظ وما قبل ذلك والمعركة التي قامت بين أحد الأديرة تقريبا وبين بعض المواطنين. واعتقد أن هناك كثيرا جدا من الأحداث خانتني ذاكرتي فنسيتها. راجعو كم مرة اعتكف فيها البابا شنودة في دير وادي النطرون ولم يعد للقاهرة إلا بعد مفاوضات مع المسؤولين راجعو للمرة الأخيرة كيف عقد حسني باشا مبارك اجتماعا منفردا مع البابا شنودة منذ عدة أيام دارت خلاله مفاوضات بين الطرفين. سلو أي مسيحي .. هل أصبح يعتقد أن انتماءه الأول هو لدولة مصر بقيادة الزعيم الملهم حسني مبارك أم أن انتماؤه الأول سياسيا قبل أن يكون عقائديا أصبح للكنيسة ( ولا أريد أن أقول دولة العباسية ) سلو انفسكم ... هل سمعتم أن شيخ الأزهر مثلا السابق أو اللاحق قد تدخل في مسألة انتقال السلطة وقال إن لم يكن مبارك الأب فهو مبارك الابن وأن الأزهر برجاله ورعاياه سوف يساند هذا الاختيار حتى النهاية سلو أنفسكم.. لماذا فكر الشباب المسيحي في الاشتباك أولا مع رجال الأمن الذين حضروا حول الكنيسة ولماذا دارت مناوشات بين الطرفين ؟ إذا أردنا أن نعالج الاحتقان فعلينا أن نعالج أسبابه أولا... ومع كامل الاحترام لكلام الأفاضل حول أنه لا يجب أن تصل الأمور إلى هذا الحد. فالعاقل هو من لا يتفرج على الشرر وهو مستمر في التطاير ظنا منه أن نيران هذا الشرر ستكون بسيطة ويسهل اطفاؤها في كل مرة. العاقل هو من يؤمن دائما أن معظم النار من مستصغر الشرر. لو كان هناك عدل كما يقول الفاضل سي السيد لما كان هناك احتقان - وقد أعجبني بالأمس أحد المتصلين المسيحيين بالعاشرة مساء الذي كال النقد لحبيب العادلي وقال أنه إذا أراد تأمين أي شيء فإنه يستطيع تأمينه .. وكأن الحل كله في يد الداخلية ( فيبدو أن الحكومة فقط ليست نظرتها أمنية فقط للأمور، ولكن بعض أفراد الشعب أيضا ) ونسى هذا الأخ أن شرم الشيخ نفسها بكل ما عليها من تأمين وحراسة قد نفذ بها تفجيران من قبل في ولاية الحبيب العادلي. أما جميع بيانات الشجب والإدانة فهي أمر متوقع طالما ألفناه ( ويبدو أنه ليس سلوك الحكومات فقط ولكنه سلوك الشعوب أيضا ) ... وكان أعظمها بيان السلفية بالاسكندرية فهو بيان رائع جميل المعنى والمحتوى ... ولكن إذا ما سألت أحد أفراد السلفية بالاسكندرية حول تهئنة الاقباط بأعيادهم لأفتى لك فورا بحرمة هذا الفعل وأنه يقترب بك من نقض دين الإسلام وأنه يجب عليك ان تكرههم في الله . بل إنك إذا سألتهم حول جواز تسميتهم بالمسيحيين لأفتي لك بالحرمة أيضا. -------------------------- هذا الحادث قد يكون بتدبير وتنفيذ خارجي والأرجح أنه كذلك وقد يكون عن طريق عناصر داخلية استلهمت أسلوب القاعدة لم تكن السيارات المفخخة أبدا هي أسلوب الحوادث الإرهابية حتى جريمة الأقصر المفجعة كانت بالرشاشات. هذا الحادث بداية ( وأرجو أن يكون نهاية وليس بداية ) لنوع جديد من أنواع الحوادث الإرهابية. كمية المتفجرات الهائلة المستخدمة في الحادث أمر جديد لم يحدث من قبل. وأسلوب التفجير سواء كان تفجيرا انتحاريا أو عن طريق سيارة مفخخة أمر لم نعتد عليه من قبل وأرجو ألا تكون القاعدة قد دخلت مصر أو ظهر لها تابعون منظمون في مصر لأن تفجيرات القاعدة في غاية الخطورة وهي تنطلق عن ايمان فكري أو ايديولوجي وهذا هو أخطر أنواع الأعداء... العدو الذي يحاربك عن ايمان فكري وعقائدي بأحقيته فيما يفعل... فهذا العدو إما أن تقتله أو يقتلك ولا حل ثالث. فإذا أردنا محاربة هذا العدو لابد من محاربة ايديولوجيته أولا.

البحر البحر دة اسرار البحر اصله سر كبير وماحدش قدر يفهمه كام غواص حاول يكتشفه ؟ كام سباح حاول يعديه ؟؟ كام عالم حاول كشف اسراره ؟؟ صعب اوي اقدر اأمن للبحر صعب اوي اقدر اتوقع تصرفاته اختي بتحب العوم جداً دايما تقول : يلا نشوف التيار فين ... لو هنقدر نعانده يبقي نعوم ضده .. ولو خايفين علي نفسنا يبقي خلينا معاه خلينا معاه بس بشرط نكون عارفين رايحين فين وامتى هنقف وامتى نرجع ... ولما نحب نرجع اكيد ساعتها هنعموم عكس التيار فيترى هنقدر ؟؟؟ طول عمري بخاف ومابقدرش اعوم لوحدي ... كنت بتشعلق علي كتفها زمان وهى تعوم بيا وتفرح اوي بالمياه دلوقتي هي ليها مواعيد علشان تنزل براحتها ... وانا اخري اتفرج علي المياه وجمالها من بعيد بحس ان جمال البحر لما اكون لوحدي ... برة ع الشازلونج ... ولابسة نضارتي السودا بتفرج عليه وبكلمه في سري تأمل مع ريحه اليود .. مع صوت الامواج هو دة البحر

السلام عليكم عدنا بحمد الله كنت حتى وقت قريب أظن أن مشكلة القاهرة هي سيادة "أخلاق الزحام" و أن هذا هو الفرق الرئيسي بينها و بين المحافظات الأخرى هذا الفيلم و بعض قراءات أخرى جعلتني أميل إلى أنها راجعة لضعف السلطة الذي يصل في أحيان كثيرة إلى غياب شبه تام لدور الدولة الدراسات التي بني عليها هذا الفيلم تتوقع أن آثار غياب السلطة في المدن الكبيرة ستكون أكثر حدة و انتشارا منها في التجمعات الأصغر .. بل و أن هذه التجمعات الأصغر ستتمكن من إعادة النظام أسرع لماذا؟ .. لأنها أكثر ترابطا و الناس تعرف بعضها ..مما يجعل من الصعب أن يرموا كل هذا وراء ظهورهم و يصبح تعاونهم سويا هو الخيار الأكثر منطقية من أجل البقاء أيضا من السهل ظهور قيادة بديلة في مثل هذه المجتمعات يلتف حولها الناس و تبدأ في إعادة النظام إذن كلمة السر .. هي الترابط أن نعرف بعضنا أكثر كيف؟

السلام عليكم و رحمة الله و بركاته و بعدين معاكو بقي يا جماعة الخير انا مبقتش عارفة اغبط مين و لا مين ما شاء الله عليكو ربنا يجازيكم عنا كل خير النهادرة هفتح قلبي معاكم و انا بقرأ سورة الضحي و اعذرو جهلي لاني مش متعمقة في معاني القرآن لكن فيه آيات و فيه سور بتلاقي الواحد قلبه اهتز فيها بسم الله الرحمن الرحيم "و الضحي، و الليل إذا سجي" "ما ودعك ربك و ما قلي" انا دايما ببكي في الاية التانية جدا.... الاية الاولي بتخلق عندي حالة من النور...كأني بشوف الشمس لمل بتكون في كبد السماء و ده وقت الضحي.... و بعدين ربنا قال "و الليل إذا سجي"....بعد النور بيجي الليل اللي بيرقد في سكون الااية بترسم عندي مشهد النور.....الظلام....اللقطة التدريجية لشعاع شمس بيتولد...و شعاع شمس بيختفي الاية بتحرك فيا فكرة ان ده حالي كبني آدم لحظة فرح....بعديها لحظة سكون لحظات تغير تقفز و لا تتدرج من النور الشديد الي العتمة المغرقة لحظة ولادة بعديها...لحظة انتقال لحياة أخري لكنها تظل لحظة موجعة الاية الثانية....بتحمل مفاتيح اليقين..."ما ودعك ربك و ما قلي" انا كبني آدم مهما بلغت درجات الترقي الايماني مش هقدر استحمل حالات التحول العديدة جدا من النور الي النقيض لكن لما اعرف ان "ما ودعك ربك و ما قلي" يعني ربنا مش هيسبني ربنا مش هينساني ربنا يراني بعين لا تنام ربنا بيفضل معايا حتي و ان تهت انا بعيد عنه سبحانه و تعالي ليس لاني استحق....و لكنه لانه عز و جل إلها يستحق الكمال و العبوديةو التسليم الكامل و تاتي الايات تتوالي حتي الاية "و لسوف يعطيك ربك فترضي" يعني ربنا مش بس يراني....لا كمان هيديني....و هيعطيني و يكفيني حد الرضي طب اذا ربنا بيشغل نفسه بعباده الصالحين و بيقول ارضيتم... طب انا بسال نفسي كام مرة انت راضي عني يا رب !!!!! طب انا باخد السؤال ده معايا في كام لقطة من حياتي في شغلي....ف ي كلامي.... في صمتي... في سفري... في نومي.... في مصيبتي... في فرحي.... في لحظات الاشراق الانساني... في لحظات المغيب الروحي هل انت راض عني يا رب...!!! هل انت راض عني يا رب...!!! هل أنت راض عني يا رب....!!! انا كتبتها علي ورقة و حطيتها عندي علي مكتبي.....و بحس في اوقات كتير اني اذوب خجلا منها....و لا التمس لنفسي اي عذر سوي....انا بني آدم جاااااهل جدا...جاهل جدا بحق هذا إلهي العظيم الكريم حقه الكامل في عبادة كاملة (إنا عرضنا الأمانة على السموات و الأرض و الجبال فأبين أن يحملنها و أشفقن منها و حملها الإنسان . إنه كان ظلوماً جهولاً) تقبلوا مروري نسألكم صالح الدعاء

هو الكلام صحيح بس مفيهوش تفاؤل خالص :lol: هو احنا ليه بنعتبر الآخرة هم أصلا؟؟!! ده احنا بنستعيذ بربنا من الهم اللهم إنا نعوذ بك من الهم والحزن الآخرة دي حاجة جميلة لأن فيها لقاء ربنا سبحانه وتعالى و برحمة ربنا دخول الجنة ده احنا بنبني في الآخرة و بنعمل ليها يبقى ليه نعتبرها هم؟؟؟ هو اللي عمال بيبني فيللا جميلة و يختار لها أحلى الديكورات و يجملها بيبقى مهموم برضه ده بيبقى سعيد و كله شوق انه يشوفها بعد اكتمال بناءها و يبقى مستني اليوم اللي حينتقل فيه ليها و بعدين ليه التشاؤم في جملة ( وإذا علق بقلبك حب الدنيا لم تنفع فيه المواعظ ) ليه؟؟ ده ربنا مقلب القلوب و سبحان الله ربنا بيهدي العاصي اللي ما يبانش للناس ان في أي امل في إصلاحه باب التوبة مفتوح حتى نغرغر يعني نحتضر اللهم يا مقلب القلوب ثبت قلوبنا على دينك آمين عايزين حاجات كلها أمل و تفاؤل و إيمان و يقين يا أخي الكريم mfb: gsp_)